byi_reg/48-2CO.usfm

\id 2CO
\ide UTF-8
\h 2 Wakorinto
\toc1 2 Wakorinto
\toc2 2 Wakorinto
\toc3 2co
\mt 2 Wakorinto
\c 1
\cl Mbukwilo 1
\p
\v 1 Nene Paulo mcha kwa Klisto Yesu wa luundo lwa Abetcha, na Timoteo mshi wetu, na ihwilo eya ele Korinto, na baklisto bandela keke behula maakaya.
\v 2 Keene natalala ohuma w'Abehcha Pungu, na mnome kwetu Yesu Klisto.
\p
\v 3 Katonywe Abetcha Tata kwa Mlume kwetu Yesu Klisito. Kenyike i Tata kwa lehema na Abetcha ohocha mtema.
\v 4 Abetcha ohocha mitema kyetu ubihende bya ususua wetu wose, yulu beswe tube batu buhocha mitema kya batu bena tususu. Tubaoche mitema kya batu byeeetele wetu Abetcha.
\v 5 Nahebiya asusu aklisto kukelelela yulu yetu, bibyo bibiyo talala kyetu kuyukelelela uhetela wa Klisto.
\v 6 Nambo twe ususulwa, iyulu yuba bahocha mitema na uhoma wenyu. Nambo twe usachibwa mitema, iyulu yusachibwa mitema kyenyu. hausachibwa mitema wenyu ueta mkelo na uwelecha mpe mwesususuela habimwechi na utolelecha, nahibesu lwetu twe susu ile.
\v 7 Na ukimana nangu utekela yulu yenyu na ukimana, Twehumana mwehamwechi na ususuwa, bibyo bibyo mpehamwechi usachana mitema.
\p
\v 8 Yulu tusiutaka benywe uba tohoso, bashiwetu asusu etubele nao oho Asia. Twemonelelwe abisa ueheto buya tweshibele eyaka na mandekelo moshama.
\v 9 Keene twebele nahukukyu wa hakulu hetu. Byebele yulu tushibele maundakelo mta mwa Abetcha, kwe lehuchula babu.
\v 10 Kwetuhele alamo notohunya undela kyalubu, na utuhonya eyaka, notukimia eyaka mpwingi nake, na utuhonya eyaka.
\v 11 Benywe na benywe mwelungana netu yulu yetu ndaa usaba, yulu ya leya karama lyatulebahewe beswe undela kya ubenja wa bato bengi, bato bengi bahane buswachi yulu yetu.
\p
\v 12 Twehu likinuna yulu ya bibyo tweushuhudiya wa dhamiri kyetu. Kyemtamwa dhamiri kehaha na uhahala wa Abetcha.
\v 13 Ukana twekile beswe mpwingi na ebalo, twe ueta bino hasa benywe na bishi eyaka ulwengu lwa ebalo. hanyuma hake impwingi na keene cha Abetcha.
\v 14 Ushiemwe beswe tweandeka, eyamshina mana benywe usoma nomana. Neno ujasiri yulu mmetumana wa biingim na ujasiri mpwingi namnome kwetoye su kelesitu yulu yulekinu wenyu.
\p
\v 15 Nahe mweta kile uba wetu. neme nebelena buwasha yolu ya bibyo, neta kile uchwa wenyu hambele. yulu muhewe na upata faida kyu kyatelwa nyendo chibele.
\v 16 Ne hulamanya ubakyatela, mengo menekya Makedonia, eyaka nebele hutaka ubakyatela mengo me ukuela Makedonia, hanyuma hulepelwa nenyu ugya Buyahudi.
\v 17 Haho handelangilee bibyo, niitile wa ulebela. Ao bibyo byande langile, nebilangile epelee ugana bibe bibyo wande na udogoma ehe, ehee ao nangu, nangu.
\v 18 Nambobibyo Abetcha kwa kene, enywa yetu wenyu ishi yugitabicha ao yuhanya.
\v 19 Abeca etu ilulame Yesu Kelesitu, i Silvano, Timotheo na nene twe kanine wenyu ushi ukitabuwa, ao uhanya hanyuma hake mengo mose iukitabuwa.
\v 20 Yulu alako Abeca iokitabowa mmdamwakem na lutela wake tukitabuwe “amina” wa ukengeda wa Abeca.
\v 21 Haho geemine guhutuleleya hamwechi nenyu mpwingi mwa Klisto ma utubeela mauta i Abetcha
\v 22 Nagee, nomine gutubile yaala, utuha Arabuni gya mtema nda mitema gyetu.
\p
\v 23 Nambo nene nageta Abetcha gobe mpangeseya yulu ya mtema gwanyi, waumonena kene nishinahia Korinto.
\v 24 Eshi yulu twehulanga ukima wabuwasha bwenyu bube, hanyuma tueteha mwechi nanyu yulu saso kyenyu nahe mukimana wa uwasha wenyu.
\c 2
\cl Mbukwilo 2
\p
\v 1 Nabibyo namona nene mine nambo nasabachowa eyaka wenye wa esusu.
\v 2 Nambo nibaetile benywe lubaba, inanyi kuabampa saso nene, ike kubongolilwe na nene?
\v 3 Nakola bine byali mmite hine nichi wenyu nishibe ubongolwa na baya bene bampele saso. nili ntu kushi naboba wenyu bose bibyo saso lanyi no saso line mulinalo benywe bose.
\v 4 No nibakolile benywe uhumona na asusu ata, na asusu ya mtema, nibakolile na luhanga lwingi. hanyuma hake, nibenjile m'mane luundo nilinalo yulu kyenu.
\p
\v 5 Nambo ntu kekese kuitile usuma, kushi itile tu wande, a ihindi imwe - bila ubeya buhuchi bwingi - wenyu benywe bose.
\v 6 uhulwa lwa ntu kumwechi uli babengi byawilela.
\v 7 Wa bibyo eyaka luhulo, ubihubenja ulelela na uma mtena. Muite bibyo yulu kasichwe uiswa na asusu kile kingi.
\p
\v 8 No mana nihubabeya mtema uelecha yulu kyake.
\v 9 Eyo no yulu nikolile no yulu nihuba uba kakecha na m'mane yulu nambo bale balisache ubitu byose.
\v 10 Nambo mwahondelelela byobyose, na nene eyaka nalelela ntu kuya. Eya nilelele - nambo ni lelele byose - bya lelela wa faida wenyu wa uoma wa Klsito.
\v 11 Ee ni m'mobu kashichwe utaitila ubicha. Beswe tushi tuhoso wabenja wake.
\p
\v 12 Mchango kwa bukulwa wanyi na Mlume nichwile wenyu mboka wa Troa usambalacho mlandu kya Klisto haya.
\v 13 Na bibyo, nasaba na talala kya mtema, yulu nasampanga mshi wetu Tito haya. Bibyo nabashika na nikiwile Makedonia.
\v 14 Na katonywe Abeca, yulu ya Klisto kuliutulombola beswe wa uhima. Uhetela beswe usambalacha unyuka bibenju lwengo lwake fashi chochose.
\v 15 Yulu beswe wa Abetcha, ni unyuka bibenju ya Klisto, bose hawingi ya balebahone na baya bene bali bawile.
\v 16 Wa bashiwetu bene bale huwa, na unyuka uhuma uwa na uwa. Ubaya mweko na mweko. Inanyi kushilingye bitu bingi?
\v 17 Yulu beswe tushi nahe bashiwetu bengi bene bali ukula mlandu kwa Abetchha wa faida. Hanyuma mwake, wa uhahala wa malanga, twadokoma yulu ya Klisto, hahe bia tutuminwe uhuma wa Abetcha, umeso ma Abetcha.
\c 3
\cl Mbukwilo 3
\p
\v 1 Wewee! twatula oletona beswe beene? Good hutaka nahe bange, mikanda kya punda okya wenyu?
\v 2 Benywe no mikano kyetu kye kolilwe mmtema kyetu, kelekemanyiye na osomwa na bato bose.
\v 3 Mwa bewa bululu oba mkanda kwa Klisto kwa tule hohiile kole kolilwe ushi wa winu iwa mmtema kya nyama.
\p
\v 4 Na maudagelo mano tolenamo wa Abetcha Pungu wa ndela kya Klisto
\v 5 Ushi wa ukana twawilila beswe beena wa olonga enywa yoyose. Beswe beene, TWA wilela uhuma wa Abetcha.
\v 6 Make na kutowele ehe oba kakichi ba alako ahya, ushi wa mkolo, iwa mmtema, yulu mkolo konohuka, mmtema kosohonya.
\p
\v 7 Bibyo oba ikilo kwa lubu kole kokolwe na okolwe omawe, biihwile obahaha, na uhiya uba Israeli bashihoshiche omelecha meso mabo wa Musa, wa yulu ya buhaha bwa yenyi yenyi yage; mabo bohaha bobele bwa ohwa.
\v 8 Wewee! mkelo kwa mmtema kwe kelelela nnda buhaha.
\v 9 Yulu mkelo kwa ohonona kuna buhaha, nishi hokolo mkelo kwa Keene kule na buhaha bwa okilelela.
\v 10 Na eya ikinywine ishibele ya buhaha Bibyo, wa yulu ya buhaha bokelelela abisa.
\v 11 Yulu ya biya byo doga bibele na buhaha abisa. Na twena maudagelo mabino, tulee okela wa ooma wingi.
\p
\v 12 Na twena maudagelo mabino tulee okela wa ooma wingi.
\v 13 Na ushi nahe bibilwe Musa kubiilwe buhaha oyenyi yage bulole Baisiraeli bashilochi isula ya eya yebele yo odoka.
\v 14 Na malanga mabo mabele manyemu. Bululi atabino mengo masosomwa alako aala, buhaha bubo bwa shama, noo ishi uununwa mnda mwa mwa Yesu.
\v 15 Ata leno mpendo kwa Musa kobele hosomwa, buhaha buhushama omitema kyetu.
\v 16 Mengo momose mabe akalwela mlume, na buhaha bwehuma.
\v 17 Bibyo Mlume noo Mtema haho hene hole Mtema kwa Mlume, haho no buhulu.
\v 18 Na beswe bose, wa yenyi ishi ehewe buhaha bwa Mlume, nane biya yoo tule uhudana bibyo biyo uhuma obuhaha na ukya obuhaha, nahe biya buhaha bwa unumawa wa Mlume keno mmtema.
\c 4
\cl Mbukwilo 4
\p
\v 1 Wa bibyo, tubeba na mkilo wa kiine kya Abetcha Pungu, tushi lebela.
\v 2 Nambo twahanya lubisakolo na bombuchu, tushihukya nntela kya ubikiwa, wala tushihukya mibamba mwa Nnando kwa Abetcha Pungu, twalemonya uba nawenene, wa malanga ma bato male hutubangeseya umbele wa Abetcha.
\v 3 Haho, nambo mwano kwa mweko kwetu kwa biswa, wababo babachimine,
\v 4 Yulu yabo ndaa mwabo abetcha a ebalo eno, kwabeya ntoo ubene bashibalama binywa bya Klisto mine kuna yenyi ya Abetcha.
\v 5 Yulu ya bibyo, tushihulesamba beswe bene ila Klisto Yesu no Mlume kwetu na beswe twe bagelwa benyu yulu ya Yesu.
\v 6 Haho Abetcha gweganine lwenge lwemonya humaa ntoo, nogee kwemoneya ndaa mitema kyetu, katuhe lwenge lwa luengu lwa buhaha bwa Abetcha ndaa mwa yenyi ya Yesu Klisto.
\p
\v 7 Na wabibyo, tuena akiba ao ndaa mwa byomboo bya bitete, yulu ya umonya mamulaka ma uhuma wa Abetcha Mpungu bila uhuma watule.
\v 8 Uheyeelelwa ngube chose natushi bahinywe, tuhumona malanga maboba na tushi na ubenja wa ubula abisa.
\v 9 Twasusua na twasashigwa buchima, twatelwa hasii na twasashigwa.
\v 10 Tuihuguha nnda mwa mpili kwetu uwa wa Yesu mengo mose yulu ya mwego kwa Yesu gushame humonea nda mwa mibili kyetu.
\v 11 Bululi beswe Bali na mwego, mwego kwetu guli nnda adali alubu mengo mose yulu ya Yesu na mwego kwage guoshe humonea nndaa mibilii kyietu kya kiube.
\v 12 Wa bibyo, lubu lwehutulonda mengo mose na mwego kulihugela mkilo nndaa mwetu.
\p
\v 13 Mikoolo gyihudogoma, niwashiche wabibyo ni hudogoma.
\v 14 Bululii twigidee ugana kwipwilile Mlume Yesu kwitubwila na beswe hamwechi na Yesu. Naa utuhiyicha na benywe mbele gyage.
\v 15 Bino byose iiyulu yenyuu, na wauhitela kene cha Abetcha mwichiba hiila batu bengi abisa, Bose bagane buswachi bwa kuhaha lwa Abetcha Pungu.
\p
\v 16 Wabibyo, tushihunya kudagelo ata mibiili kyetu kya hunyunyuma buntu bwetu bwa nndaa buhuiswa buhya sugu chose.
\v 17 Bululi bwa ususua wetu, uhuhu wene wa mengo maswihu, uhutuletela buhaha bwa milumbu buli hubulaa uhita ususua uya.
\v 18 Yulu tushihulala, bitundu byene byatuhuma na wa bitundu byene byatuhuma humona; Yulu ya bitundu biene byie humonea, ibya mengo mose, na bitundu biene bishi humonea ibya milumbu.
\c 5
\cl Mbukwilo 5
\p
\v 1 Bululi twamona hukana lino lema lya tohoshama tule mmebalo yene yeoloka tule na ndu uhumawa Abetcha, nduu kya milumbu hekulu, kishi kikubawe wa maboo ma bato.
\v 2 Mano mengo twasomwa tule hubenja uchiwa ushama wetu wa hekulu.
\v 3 Namboo twahuchiwa tushimoneye eyaka tule buchi.
\p
\v 4 Tule hushama mhema leno tule husumwa na mhelelwa, tushi hubenja ushama ata na esanjwa bibyo tuhubenjwa uchiwa mashamo metu ma hekulu yulu ya eya ya owaa iminywe na mweko.
\v 5 Abetcha no mine kwetubongya wa yulu ya he, nake kwetuha mtema kwake mzamana, utubangeseya ubikokobyechwa hanyuma.
\p
\v 6 Wa bibyotule na uhoma wata. Tuhumana mengo tule wampele kuno wamengo tule na uhoma, tuhumana mengoma kule wampele kuno, tulikona nduu kyaMlume.
\v 7 Tuhushama uwasha nauhushumona.
\v 8 Nakana tule na bumona bisiba bibenju uleya bya mpele kuno tushame nduu mwa Mlume.
\v 9 Kwa eyo namboo tule ndookwa mpele kuno ao twekoo nakoo utaka wetu yu mpenja Mlume.
\v 10 Bululi beswe bose byuhubenja tukimane humbele wa iyoma ya asusu wa Klisto. Na gegese gumwe huhewa ubenda ao bibe nahe bikelanywa byake hebele ha mpele.
\p
\v 11 Wabibyo tubemana bwa wenene wa uwasha Mlume ahutonda hubula bato. Tubabululwe humbele wa Abetcha na nene nelehudakela huba twabakulwa u malanga metu biya.
\v 12 Tushi hulitonda waulibenja wetu eyaka, wabibyo tuhubenja umima ehana mushi litone yulu yetu yulu muoshe ubakaa babo bene balihuletona u bikoko biya byumoneya hamuna ha byene bele mtema.
\v 13 Bululi namboolweni lwetu ulukulubu, wa yulu ya Abetcha; Namboo tule na lwenyi lwetu lwa lululibu iyulu yenyu.
\v 14 Bululi ubenja waKlisto utulonga tuwashe ukana ku mwechi kuwile wa yulu ya bose bawile bose.
\v 15 Nake kuwile yulu ya bose bibyo bose bene hushama bashishame eyaka yulu yabobo bene, namboo wa yulu yake koya kuhwile na uchwa yulu yabo.
\p
\v 16 Bululi tushi hulola ntu gegese wa impele, enangwa haya ha mwanjo tumlolile Klisto wa impele tushi humlola eyaka.
\v 17 Wa bibyo kabeba ndaa mwa Klisto kusele mpaswe mmyaa ya alaa yaheta ubelola biya byuhiya.
\v 18 Bino byose byahuma wa Abetcha mine wa ohima lya Yesu Klisto kwele utusumbya ke ine, na utuha mkilo kwa husabana.
\v 19 Nndaa mwa KlistoAbetcha kulungiche hebalo na kemine kushihubabala bato bube bwabo nake kwatuha enywaenoo yahulichana.
\v 20 Wa bibyo beswebatumwa ba Klisto Abetcha kwatuhilila beswe, ubabembeleche benywe na beswe tuhumpembelecha benywe wa yulu ya Klisto Muhwiliche na Abetcha.
\v 21 Abetcha kummishile kee kushiishile bobe, kabena bobee wa yulu ya ndaa mwage tuhewe keene cha Abetcha.
\c 6
\cl Mbukwilo 6
\p
\v 1 Na wa bibyo, ueta ikolo wa hamwechi, tuhumpembelecha benywe mushipokele keene cha Abetcha bunene.
\v 2 Yulu kuhukana, “mengo malimla kitabichiwe nibale meeso hululu wenyu. Na maya masuku muhona, nibasaeleche.” Impelola mmane mmasuku mamweko.
\p
\v 3 Tushihubiya liwe lyu uchibila hambele ha mtu kekese, tushihutakila ikilo kwetu kushibe na punda kibe.
\v 4 Hanyuma hake, byelingye benywebe ene wa bikilanywa byenyu byose, wa bibyo twibakichi ba Abetcha. Twe bakiichi bake wingi waustahimilwa asusu, ukumu wa mweko.
\v 5 Uhulwa, bihambo, itodo, waita ikilo wa uomenyenya. Yulu ya uhula tulo impusuku wandala.
\v 6 Wa buhaha, waluengu, ulitoleha, ubenda, yulu ya itima kwa kuhaha. waluundo lwa lwinene.
\v 7 Tubakichi bake inda ilandu kwa keene wa uoma wa Abetcha. Tuna m'kwikya kiiene wa yulu ya uboo wa ulume na wa uwachi.
\v 8 Tuhueta ikilowa anyemu na waumenunwa, udokomenywa bibe na udokome binywa bibenju, nabe bene balihubicha na mengo tulibakiiene.
\v 9 Tuhueta ikilo nahe tushibamanyie na bibyo tulibamanyiwe bibenju, tuhueta ikilo nahe benebawelena. Ulala! Bibyo twele na mweko, tuhueta ikilo nahe tulihuhula yulu ya bikilanywa buetu ishi yulu tuononywe na uwa.
\v 10 Luhueta, kilo nahetuna sungu. Bibyo masuku mose ihyaka saso tuhueta ikilo nahe bashikana, beswe tuhubaha bumona bengi. tulihueta ikilo nahe tushihupata itu bibyo tulihuhyilela byose.
\p
\v 11 Tulihuhana keene kyose wenyu. Bakolintu, na mtima kyenu kihubukulwa wa uhonga.
\v 12 Mitima kyenyu kishihuchibilwa na beswe, bibyo muhuchibilwa na utaka wenyu benywe beene.
\v 13 Yulu yu ukalaliana wa kiine nihulisamba nahe wa baana. Mubukule mitima kyenyu wa ihana.
\p
\v 14 Mushihambwe hamwechi na bashihuwasha, yulu haliuhulicha nae hawingiha kiene na uhanya? Hali uhulichana nae wa bwingi halwenge na ito?
\v 15 Yu uhulichana nae klisto kahulina na beliari? ao kwa pwashe kuli na ebanae nakuya kushii pwashe?
\v 16 Uliuhulichana nae byene byi habwingi ha ihwelo ya Abetcha na lwa mushi bululi beswe twe lubunga lwa Abetcha mmine kule na mweko, nahebiya Abetcha byeliikane: “Nishama hawingi habo na ukyata hawengi habo, niba Abetcha abo nabo biba batu banyi.”
\p
\v 17 Wa bibyo, Humwake hawingi habo, mushilungwe nabo, kwa kana ilumietu.” mushiude itu ya iyo, niima alibu benywe.
\v 18 Niiba senyu, na benywe mwiba baana banyi babalumiana na baba achana, kwa kana ilumientu dambe kwa injukilili.
\c 7
\cl Mbukwilo 7
\p
\v 1 kuhukuna Mlume mine kulu. Bibyo, bashiwetu wa yulu tuna alako haho na tule hahache mitema kyetu wa ndoka hose wa mpelee na mitema, tuweleleche buhaha hawingi ho uwasha Abetcha.
\p
\v 2 Mutuhe ihana hu mitima kyenyu, tushibasape ntu yoyose, wala nduu kya ntu, wala umambela ntu.
\v 3 Nishi hudogoma iyo inywa yulu nammonone benywe huba na abachi, bululi nabangwa nakanina benywe muli u mikongo kyetuhata uuwa hamwechi na ushama hamwechi.
\v 4 Nina uoma uwingi wenyu; nomana ubenda waata yulu yenyu. nakiluchiwa utolelechwa yulu yaasusu enyu hose nina saso uheta uhima byose.
\p
\v 5 Bululi ha tuhile Makedonia mibele kyetu kishi kilehochi; tutolelechiwe hose; hambuka habele na bita nda booba.
\v 6 Abetcha kemine kutolelecha ba ulisacha, kututoleleche wa uehwa wake Tito.
\v 7 Wala hushi uchwa wake tu, wa uya hulolechwa wehelelechwe weto, kutosambele mwano kwa hamu lyenyu na ulela wenyu na ukelelela wenu wa yulu yanyi, haho ikelele huba na saso.
\p
\v 8 Wa yulu nene nechikeleche wa okolo kuya, nishi huchikelelwa; hata nambo nichiklelwe; namona ukana kolo kuya kwichikeleche, enangwa we ihindi hicho.
\v 9 Bino nina saso, hishi yulu ya benywe huchikelelwa bululi mule bachekelelwa na ulibecha. Bululi muli bachikelechwe yulu ya Abetcha. Yulu mushiciminye inywa ya ituu yoyosel.
\v 10 Bululi uchikelelwa huli yulu ya Abetcha, uhwita ulisacha wa uhona. Hushi wa uchikelelwa; bululi sungu cha mkala chi uhuita luubu.
\v 11 Bino mulole uchikelelwa hubo hele wa yuluya Abetcha, kulehukelela nahe ehee nda mwenyu, bibyo na holedogomena bibyo, na uchikelelwa na iduba na ebanja habisa, bibyo na ulikimanina, bibyona ulitolelecha ' wakela ndela mwalimonyesha benywe bene huba mwe bahaha wa eyoo.
\v 12 Hata nambo namkolela, nasa kolela yulu yakuya kule utuhana hishi yulu yake koya mine kwatuhiwa. Ukelelelwa wenyu yeto upatwe wenyu humbele wa Abetcha.
\v 13 Wa bibyo twa tolelechwa. Eyaka wa uyo utolelechwa wetutwaselela uheta ulechebela wa bululi lya saso lya Tito;
\v 14 Bululi mtema kwake kuna saso na benywe bose. Wa bibyo ninahe nilihulitona humbele wakee wa eya enywa yose yulu yenyu, nasobangecha, nahe bya twesambele bikelanywa byose bya uwinene bibyo bibyo na ulitona wee Tito hubele winene.
\v 15 Na ubenja wake wenyu husele wingi uheta ulechebela uhengeleche ehule yenyu benywe bose, nahe bya mmele alebo weduba nudanda.
\v 16 Nele nasasowa yulu ya eya enywa nena mtema kwata yulu yenyu.
\c 8
\cl Mbukwilo 8
\p
\v 1 Eyaka bashiwetu, nusambela mwano kwa kene cha Abetcha, kwaba helwe bihuilo bya Bakedonia.
\v 2 Bulule habakele otonywa wa asusu engi, ubula wa saso lyabo na bubuchu byabo obele wingi oba ongedeche bumona wa okaribishana wa saso.
\v 3 Bululu bya ubangeseana wabo bobeene na ooma, na okelela wa ooma wabo, wa otaka wabo babeenebatoilebitu byabo;
\v 4 Batosabile hamwechina otobembelecha wa mwanokwa kene kekyo wa oba omwechi waekela bahaho.
\v 5 Eyaka bakela bibyo ishiya biya yatobelee ubaudekela tu, baanjiche ohana mitema kyabo wa Mlume, ma wetu biya wa obenja wa Abetcha.
\v 6 Haho tomonyinye Titokaweleche kene kekyo wenunahebiya byele tulile obya obitola.
\v 7 Nahebiya mwa mule na biingi wa bikoko byose; owasha odokoma, na lwenyi, naokelelela ose, na obenja wenyuwatule beswe, bibyo bibyo mohewe bwingi bwa kene eyaka.
\p
\v 8 Nishi odogoma yulu ya uhalonga wa yuluya okelela wa batobange na tonde okolowa wa obenja wenu.
\v 9 Bulule mwebamane kene cha Mlume kwetu Yesu Klisto, byenye byebele bibuchu wa yulu yenu, yulu kubelembona yulu benywe mohewe bomona wa buchuchu bwake.
\v 10 Nane waeyo enywa namaalanga manyi balole enywa eyo ya benjwa nenyu. Benywe babangilwe, nahee mwawaa, yuluya okela na obenjaa.
\v 11 Bibyo moweleche oya okila nao na hibiya bya mwebeletayali obenja, bibyo bibyo mube tayali nawelelecha, nehe wabiya byamwibe nabyo.
\v 12 Nambo langa liho, na okitabichiwa habits byeele ntu, ushi wabiya bya ishinabyo.
\v 13 Bino nishiokanabibyo, yulu bange bahewe obenda na benywe muhewe asusu.
\v 14 Bibyo bitu bilingane, mano mengo mahoka ubala wenyu ubasailiche ushi olewecha wabo, yolo yawingiwaboubasailiche benywe hamwe hungulelwa, yolo bibyo bibebilingane.
\v 15 Nahe wabile bikolwe, mine koongolile biingi kushi kelele, walakuya kobyongole bicho kush kililile, wala koya ko byongole bicho kushi mmungulwe.
\p
\v 16 Katonywe Abetcha kole obeya okelelela oya oya wayulu yenyu mtema kwa Tito.
\v 17 Byenye bye pokele keene oyo okaninywa na ochili okelelela, kokele wenyu nutaka wake kemine
\v 18 Naha mwechi nake tutumine mshiwetu koya kemine kole otonywa wake mnda ilandu kwa welela ihwelo byose.
\v 19 Wala bishibibyo tu kwesabwelwe na bihwilo kakye hamechi netu wa eyoekoko ya kene chicho byatule okelela, yulu ya Mlume katonywe, oelechewe otayale wetu.
\p
\v 20 Ulehengya na enywa eo ntu kekese kashichwe otoonona wa mwana kwa bumana keno kwene kwa tole okelela.
\v 21 Tubangilwe toleolenga yulu yu ubenda oshi ombele wa Mlume na ombele wa bato ba ebalo.
\v 22 Nabeswe hameshi nabo tu utuminemshiwetukwa tomonine nyendo chingi obikoko biingi okana toleokelelela, na mano mengo kolehokelela yaaka wa yulu kuna maudagela mata waale.
\v 23 Haho ntu kabe benja mwana kwa ntu ke kupolongwa wande, na ikiichi hqmwechi nanyi wayulu yenyu, yaka kabe benja mwana kwa bashiwetu bo ibatomwa babihwilo na buhaha bwa Yesu.
\v 24 Bibyo mobamonye umbele ma bihwilo kyene kya luundo lwenu, na oletona wetu wa yulu yenu.
\c 9
\cl Mbukwilo 9
\p
\v 1 Wa mwano waoba lola bahaha, nishi na hamu ya okwalela.
\v 2 Weenene heleomana obenja wenyu, wene neleoletona yolu kyabatu ba Makedonia, Wene Akaya kobele tayale mwaa kukima hamu lienyu yobeya mitema bengi babo.
\v 3 Hano, nabatuma benanyi yulu yu oletona wetu yulu kyabenye ishibe bonene, na mobe toyale nambo nahodokoma mobe.
\v 4 Bingebibi, nambo itu kekese wa Makedonia kabechwa hamwechi na nene naobabanga mushinaba toyale, twabamona abole (tushiokana benywe) indaa hale oya yaobenja.
\v 5 Bibyo nanona yebele muhimu obabembelecha bandoko ochwa wenyu naoata mipango halwelo yulu alambwe tayale nambo baraka, nambo ishi etu ekaninywe.
\p
\v 6 Malanga no oo: itu kabeona bibee kwechu la bibee, hakekese kweona wandola kibenju kwechula bibenju.
\v 7 Kila itu kahunye lutambi wene kwele kusudiye otama kwake. Kashihunye waolazi misha yulu Abetcha openja koya koleuhunya wasaso.
\v 8 Na Abetcha kweosha okelocha baraka yulu kyenyu, yulu benyu mobe bitu byakila aina masuku mose, moeche oba okeleelela sana ndaa oeta obenju.
\v 9 Nambo biya eleekwale, kwahana omashikini keene kyake keshame milombo.
\p
\v 10 Nakemine koleohana bikuma wamine koleoo nanaikate yulu yaelewa, eyaka kwehunya naokeleelela bikuma byenyu yolu yaoona ke kwikelocha ochuma ya keene wenyu.
\v 11 Mwepata bomona bwabwingi wakila aina yulu moeche oba batu baokolebisha. Oo weleta shukulani wa Abetcha ohetela beswe.
\p
\v 12 Waoeta uhuduma oo ushitu ooma obenja byabohaha eyaka okelucha indaa oeta bingi wa ebangeseyo wa Abetcha.
\v 13 Yulu ya upimwa wenyu na oetwa wa huduma oo, eyaka mwetona Abetcha waohulecha wa olesamba wenyu mlandu kwa Kelesitu eyaka mwetona Abeca waokalebesha wa karama wenyu wabaya na kila kumwechi.
\v 14 Waleobabenja, naosaba yulu kyenyu waleoeta bibi yulu ya keene kyata gwa Abetcha elee ekolu kyenyu.
\v 15 Na tushihulitona uhima biatuli, yulumnda asusa bange bato, na tuli namaudagelo mugana uwasha wenyu hawiula, ba beswetuiulaichuliyetu yulu yenu, na uongechiwa,
\c 10
\cl Mbukwilo 10
\p
\v 1 Nene Paulo nilihumtangelila wa chumba chumba na ulisacha wa Kelesitu, nene nili mmochu nahuba hamwechi nenyu, na ata nisahubaho nina uoma ose lulu yenu.
\v 2 Ehe nihusaba nahubahu nashibe na uoma wa nangu udidibwa wa ubabala uba nao hegulu haya balihulanga ugana beswe tulihushama ii m'bili.
\v 3 Inangwa tulihushama ii m'bili, tushihulwa bita bya m'bili.
\v 4 (Yulu mataa metu mashi ma m'ibili, bululi mali na uoma w'Abetcha ata uguisha mgumbo);
\v 5 Tulihuguisha malanga ma kila itu iliginui uba ili huliginuna hekulu ha umana w'Abeca, na uwata kole kila langa limnyemie Klisto.
\v 6 Iyaka tube abilo uonona bigilanywa byose bibe, nabyewilile anyemu enyu.
\p
\v 7 Bilolwe bili hambele henyu na meeso menyu. mtu gabeliudagila gee mine ugana ii mtu gwa Klisto, na galange hino mnda mwake, ugana nabi gee byeli gwa Klisto, byoka biya na beswe.
\v 8 Bululi, nabelitona uhima uchoo, yulu ya uoma wetu, (watuhelwe na mlume, yulu tubagubai ushi wa umgusha), nishimona abule.
\v 9 Nashichwe umonea nahi nihubenja uudanja wa mikanda kianyi.
\v 10 Bamwe balihugana, mikanda gyake ii gigumu, gya bushito guishuba gee miine wa m'bili ii msumwa, binywa bige ashiatu.
\v 11 Mtu nahi gugo gugo galange bino, ugana biatuli wa binywa bya mikanda tusahubaho, noo biatuli uu bihisho tuahubaho.
\p
\v 12 Bululi tushihuolwa ulibala hamwechi nabo balihulibala boo bene, na balihulilingilisha mitima gyabo na mitima gyabo, bashi na lwenyi.
\v 13 Bino beswe tushilitona u mitima gyetu uhima biatuli, ila wa ulingilila wa ichuli yatulibalingililwe na Abetcha noo yuhiya ata wenyu.
\v 14 Yulu tushihuliluche mitima gyetu uhima byatuli, biatuchuile wenyu, yulu tubele batatangi uhiya wenyu na mwano gwa Kelesitu.
\p
\v 15 Na tushihulitona uhima biatuli, yulu, mnda asusua bange batu, na tuli na maudakilo mugana uwasha wenyu hawiula, ba beswe tuiula ichuli yetu yulu yenu, na uongechiwa.
\v 16 Tulihuudagila, ulisamba mwano gubenju ata ibaloo ya koo uhima ibaloo yenyu, tushilitone yulu ya ichuli ya gunge mtu ubigilanywa biene bihuile ulongiwa.
\v 17 Bibyo mine gulihulitona, na galitone wa Yesu.
\p
\v 18 Yulu mtu mine gwagitabichiwa gushi mine gulihulitona, bino gee guitonwa na mlume.
\c 11
\cl Mbukwilo 11
\p
\v 1 Nambo mwabalitolelecha hamwechi nanyi uu buhugi bwanyi buucha! Ehe, mulitoleleche nanyi.
\v 2 Yulu nihummonena buwa, buwa bw'Abetcha yulu nimsindilele mlume gumwechi, bululi nammilile Kelesitu msiha guhaha.
\v 3 Bino nihumona booba, nahi giya ndoa biagibidiche Eva wa lulimi lwage, gashichwe ubadokia malanga menyu, mulame ugolowa uhaha wa Kelesitu.
\v 4 Nambo gumwe mtu gwahuchwa ulisamba gunge Yesu mine gwatushilisambile beswe, oo ugaa mtima gunge gwamushigaile ao mwano gunge guamushigitabiche mwagila bibenju wa ulitolelecha nange!
\v 5 Nihulanga nene nishihunguilwe atu abali nao bahilwa baata.
\v 6 Inangwa nene nishigidi udogoma, guno gushimshaminyi gwalwenyi lwanyi, wa inywa yoyose tumanyia wenyu.
\p
\v 7 Wiwii! nagila bubu wa ulisacha yulu benywe muginunwe, bululi nilisambile mwano gw'Abetcha ushi wa uhewa alambwe?
\v 8 Nibasapile binge bihwilo bumona bwabo? Niguhile iliwa yanyi yulu namkilile nayo.
\v 9 Nahandibele hamwechi neyu wa biandibele hubenja nishibele mchigo wa mtu. Bululi baya babusua bahumine Makedonia bapele biambele hubenja, na nene ubitu byose miliusile mtima gwanyi nashibe mchigo ata guchoo, iyaka niliusa.
\v 10 Nahi byoka biya winene wa Kelesitu biauli mnda mwanyi, hashi mtu gupamba onywa yulu ya ulitona wanyi ubo, ung'umba chose cha Akaya.
\v 11 Yulu yai? Wiwii! Bululi nishihumnda benywe? Abetcha agidi.
\p
\v 12 Bino, yandihugila, niigila, bululi nabachibile baya bene balihuenga ihana bashihuihewa ihana, bululi wa iya inywa yabalihulitonena bamoneye uba nahi beswe.
\v 13 Monywe batu nahi babo ii bahilwa ba lulimi, balihugila mgilo gwa lulimi, balihuligalula babe nahi bahila ba Klisto.
\v 14 Yulu bishibiugagilwa. Ata ihingili yoyine isuligalula wa mlingilisho gwa malaika gwa lwenge.
\v 15 Iyaka ishi inywa yugagilwa ba kiine, isula yaba ibi bili mgilo gwabo.
\p
\v 16 Nihugana iyaka, mtu gashilange ugana nene nilimmugi, nambo mulihunangila bibyo, mum'bwasha nahi mmugi, bululi na nene nalitone ata hacho.
\v 17 Yandihudogoma, nishihudogoma alago a mlume, mnahi wa buhugi, wa uosha ulitona biino.
\v 18 Yulu beengi bali hulitonawa m'bili, na nene nilitona.
\v 19 Na benywe yulu mwina lwenyi, mulitoleleche na bahugi wa saso.
\v 20 Bululi mwalitolelecha na mtu gulihum'bia bacha, nuumina, na um'buata, wa uliginuna hegulu, na ummula ubienyi.
\v 21 Nihudogoma wa ulisacha bululi beswe tubele basumwa. Bibyo uba mtu guina uoma u bose (nihudogoma wa buhukia), na nene ninao uya uoma.
\v 22 Boo ii baebulania, na nene gese. Boo ii baisilaeli? Na nene gese. Boo iyi bushi ya Ibulaimu? Na nene gese.
\v 23 Boo ii bakichi ba Klisto? (Nihudogoma nahi gwa miishi) nene iyubahima oo wa asusu ubahima boo abisa, wa uhambwa uhima boo abisa, wa bihulo ubahima boo abisa, wauhona lubu nyendo chingi.
\v 24 Wa Bayahudi nyendo chitano nihulilwe bibogo maumi maana uhunya imwechi.
\v 25 Nyendo chitatu nihulilwe tubundo lwendo lumwechi nitelwe mawe, niendo chitatu nibelelwe na bwato, busugu uya na busugu ugila nishamine m'benga.
\v 26 Wa ng'endo nyendo chingi, tususu twa mngudi, tususu twa ubasapi, asusu wa umoga gwanyi, asusu uginge mioga, tususu twa mmadila, tususu twa mlwanaganywa, tususu twa m'bahali, tususu u bashiwetu ba lulimi.
\v 27 Wa asusu na uhaba mtima, wa uyesha nyendo chingi wa ndala na yumu, wa uhamba nyendo chingi, wa peho na uba buchi.
\v 28 Wa uhulwa binge bibya bya hambuga, uli Brunhilda masugu mose, ii uenena bihwilo byose.
\v 29 Mnanyi msumwa, nene nishi msumwa? mnanyi gwandihiateche nene nanguuchikililwa?
\p
\v 30 biahuba nalitona yulu ya isumi yanyi.
\v 31 Abeca, sage gwa mlume Yesu, guya mgengeda ata milumbu, gugildi nishihudogoma lulimi.
\p
\v 32 Ubo Dameski mmosobu gwa olo Aleta gubele huusa bihwelo bya gya Badameski bululi bambuate.
\v 33 Nene basachiche mmitungu, ha hundu lya wibambacha, nihonine na maboo mage.
\c 12
\cl Mbukwilo 12
\p
\v 1 Nilingie ulitona, inangua bishibibenju, bino nigila malo uginyunywa wa Mlume Yesu.
\v 2 Nimgidi gumwe ntu gumwechi wa KIisto, iyalibu miaa umi na giina, (nambo gubele mnda m'bili nishigidi, nambo gubele hambuga ha m'bili nishigidi, Abetcha agidi) gugo ntu gugululwe mpaaka gululwe mpaka gulu lya butatu.
\v 3 Na nene nigidi gugo ntu, (nambo gubele mnda m'bili nishigidi, nambo gubele hambuga nam'bili nishigidi, Abetcha akidi).
\v 4 Ugana gugululwe mpaga laladiso, guhuliche binywa bishinadogomwa, bishilingie mtu ubidogoma.
\v 5 Wa miano gya gugo mtu nilitona, wa yulu ya mtima gwanyi nishilitona, ila wa yulu ya usumwa wanyi.
\v 6 Nambo nababenja ulitona nishisuba mmugi, yulu nidogoma bya winene. Wa bibyo nene nalichibila, bululi mtu gashimbale uhima bielihumona wandi na ubihulicha.
\v 7 Na yulu nishilitone uhima abisa wa ununilwa wingi ubo, nihelwe miigwa uu m'bili ganyi, mdogomi gwa ihingili yulu gapule, bululi nashilitone uhimaabisa.
\v 8 Wa yulu ya gugo miigwa miimtongelele Mlume nyendo chitatu gamangulego.
\v 9 Nage gusambile, keene chanyi chwilila, bibyo uosha wanyi wawilila hegulu ha bisumi. Bino nilitona yulu ya isumi yandinayo wa saso liingi, bilulu uosha wa Klisto ushame hegulu hanyi.
\v 10 Wa bibyo nilihubenja bisumi, na buhuli-huli, uwilwa, utonga, unananywa, wa yulu ya Klisto. Bululi handi na isumi noo handi na uoma.
\p
\v 11 Nibele mmugi, benywe mundazimisha yulu bilingie natonywe na benywe, bibyo nishibele gwa hasi ha bahilwa ba babaosobu wa yoyose, inangu nishi atu.
\v 12 Wiinene bisaga bya bahilwa bigilie hawingi henyu wa ulitolelecha ose, wa bisaga, biloya na tenene.
\v 13 Iyii ya mwahunguilwa ulichinge munga, yulu nene nishim'beile mundeelele wa bubo bubi.
\p
\v 14 Lolwe, luno iiluendo lwa butatu lwandi huenga uchwa ubo wenyu nishim'bea, na nishihuenga bitundu wenyu, ila nihummenga benywe, yulu bishilingie mwaana ubiila sage akiba, shibaana noo gusumbiila mwanage.
\v 15 Na nene wa saso liingi niisala byose na iyaka nitelwa telua yulu ya mitima gyenyu. Wiwii! wa biya bindihugililila um'benja abisa, nahunguilwa uunjwa?
\p
\v 16 Na biso bibyo, nene nishimsuiche mchigo, yulu ya uba na bwenge nibapashile ulihana.
\v 17 Wiwii! ntu gegese guandihilile wenyu, uli gugo ntu nimlipishe ii?
\v 18 Nimsambile Tito, nimmilile guya mbuswa hamwechi naage, wi! Tito gumlipishe ii? Wi! tushigile wa mtia goguya na wa mengo moka maya?
\p
\v 19 Mulihulanga ata mano mengo tualibagula nenyu! umbele w'Abetcha tulihudogoma wa Klisto. Na bibyo byose, baundua, ii yulu ya umgubaa benywe.
\v 20 Yulu nasinga, nashichue um'bunga nahi biandihubenja uum'banga, na umonea wenyi ushi nahi biya bianmulihubenja nashichwe ubanga hange bubaka, buwa, sungu, na biumano, na uchingana, na minuno, na ulitona na alugi.
\v 21 Na nene handichwa iyaka, Abetcha anyi ashiche uusacha wenyu, na nene ubanunila beengi balubile utula ala, bashibalibeche bubi bwabu, namasei, na udogia wabagilile.
\c 13
\cl Mbukwilo 13
\p
\v 1 Luno noo lwendo lwa butatu lwa nene uchua wenyu. Wa tunywa twa bamonine babili ao batatu binywa byose bii bia winene.
\v 2 Nitulile umsambila, nahi biya biendibele wenyu lwendo lwa bubili, bioka biya nisahubao, naamsambila hululu baya bagilile bubi utule haho, nabange bose, handichwa nishibamonena keene.
\v 3 Bululi mulihuenga umona Klisto byeli hudogoma mnda mwanyi, ashi alema wamli, yulu guli na uosha mnda mwenyu.
\v 4 Bululi gususulwe u bulema, gulihushamawa uoma w'Abetcha. yulu na beswe tuli na bulema yulu yage, tuishama hamwechi nage wa uosha w'Abetcha wamle nao.
\p
\v 5 Litonjwe benywe bene nambo mli mbuwasha, mulilole benywe bene, mushiligidi benywe bene, ugana Yesu Klisto guli mnda mwenyu? uba nambo mwahanyiwa.
\v 6 Nihuudagile ugana mugidi beswe tushibahanyiwe.
\v 7 Na beswe tulihumsaba Abetcha, mushigile ihisho yoyose ili ibi, ushi ugana beswe tumoneye tuagitabichiwa, ya ibenju benywe mugile iya ili isoga, bilihumonea beswe nahi bene bahanyiwa.
\v 8 Yulu tushinagila inywa yoyose inyume ya winene, byose ii yulu ya winene.
\v 9 Tuli nasaso inangwa tuli na bukokoo, benywe mwina uoma. Iyaka tulihusaba ino nayo benywe muwilile.
\v 10 Wa bibyo, nagola bino nisahubaho, atanahubaho, nashimonye buhuchi wa uosha uya wandihelwe na Mlume, wa ugubaa ushi wa ubela.
\p
\v 11 Wa isula, babusua, m'beshigala bisoga, m'builile, muhungiwe, mlangile umwechi, shamwe na talala, Abetcha a luundo na talala abi hamwechi nenyu.
\v 12 Salamwa wamli wa uumbatila uhaha.
\v 13 Bahaha bose bagana salamwa. Keene cha Mlume Yesu Klisto, na luundo lw'Abetcha, na uba umwechi wa ntima guhaha gishame hamwechi nabenywe bose.