byi_reg/47-1CO.usfm

\id 1CO
\ide UTF-8
\h 1 Bakolinto
\toc1 1 Bakolinto
\toc2 1 Bakolinto
\toc3 1co
\mt 1 Bakolinto
\c 1
\cl Mbukwilo 1
\p
\v 1 Paulo, gukitilwe uba mmilwa gwa Yesu Kelesitu wa ubenja w'Abeca, na Sostene mshiwetu.
\v 2 Wa lubunga lw'Abeca luli Kolinto, baya bagokolwe wa Yesu Kelesitu, bagitilwe bobe bahaha, hamwechi na bosebene balilu mbula chinalya mlume gwetu Yesu Kelesitu ngubi chose, mlumiabo na gwetu.
\p
\v 3 Keene nachibe wenyu na talala, chuhuma w'Abeca setu, na wa mlume Yesu Kelesitu.
\p
\v 4 Namtona Abeca masugu mose yulu yenyum bululi bwa keene ch'Abeca chamuhelwe uhuma wa Yesu Kelesitu.
\v 5 Bululi ya byose mulibamoona yulu yage, wa binywa byose, na malango mose.
\v 6 Wa ushuhuda wa Yesu Kelesitu baulimoneye wenyu.
\v 7 Na mushihuguilwe na bukichi bobose, mubele hulolela ununua wage mlume gwetu Yesu Kelesitu.
\v 8 Mine gwikimia ata wisula, mushibalwe bub lusugu lwa mlume Yesu Kelesitu.
\v 9 Abeca ii gwabuiliche mine gumugitilwe nage mugingile mnda uhuliche na wa Mwanage, Yesu Kelesitu mlumietu.
\p
\v 10 Bino babuswa, nihumtendelela, wa china lya mlumietu Yesu Kelesitu, ugana benywe bose mudogome umwechi, hashibe ubagulana hawingi henyu, ila muhulichane wa langa limwechi na mmungo gumwechi.
\v 11 Yulu, bashiwetu, nasambilwa mwano gwenyu na baya bali mndu gya koloe, ugana wenyu mwina mmonywa.
\v 12 Nene nilihugana bino, kila gumwe gwenyu gulihodogoma, nene niligwa Paulo, na nene niligwa Apolo, na nene niligwa Kefa, na nene niligwa Kelesitu?
\v 13 We! Kelesitu mgabulwe? wi! Paulo gususulwe yulu yenyu? au muchundilwe wa china lya Paulo?
\v 14 Namma busuachi, yulu nishichundilemtu wenyu, ila Kelesipo na Gayo.
\v 15 Yulu hashichwe mtu gwigana muchundilwe wa china lyanyi.
\v 16 Iyaka nichundile batu ba mndu mwa Sitefano, ba uchili babo, nishigidi nambo nichundile gunge mtu gegese.
\v 17 Yulu Kelesitu gushipilile bululi nachunde, ila wa ulisamba mwano gubenju, ushi wa lwengu lwa binywa, mti gwasusu gwa Kelesitu gushichwe uhanyiwa.
\p
\v 18 Yulu inywa ya mtigwasusu ubaya balihuchimina ii buhugi, wetu beswe ii uoma w'Abeca.
\v 19 Yulu m'bigolwe, nidogia lwengu lwabo bene bina luengu, na lwenyi lwabo bene bino lwenyi niluhanya.
\p
\v 20 Guli uhi gwalwengu? Guli uhi mgochi? Guli uhi mdogomi giala? Wii! Abeca ashiitile lwengu lwa ibaloo uba buhugi?
\v 21 Yulu mnda lwengu lw'Abeca, ibaloo isahummana Abeca wa lwengu lwake, Abeca aundile ubahonya bene bawashiche wa buhugi bwa inywa yine ilihulisambwa.
\v 22 Yulu Bayahudi balihubenja isaga, na Bayunani halihuenga lwengu.
\v 23 Bululi beswe tuli husamba Kelesitu, mine gususulwe, u Bayahudi bashibendiche usambilwago, u Bayunani ii gwa buhubi.
\v 24 Ubaya bakitilwe, Bayahudi naBayunani, Kelesitu ii, uoma w'Abeca, na lwengu lw'Abeca.
\v 25 Yulu buhugi bw'Abeca buli na lwengu uli balangamsenge, na bulema bw'Abeca buli na uoma wa bangamsenge.
\p
\v 26 Bino, babuswa, lolwe ugiswa wenyu, yulu bashi bengi bene bina lwengu lwa mpili, boshi bengi bina uoma, bashi bengi bene bina bisuba bagishilwe.
\v 27 Bululi Abeca asubolite bitundi bihugi bya ibaloo ubida mbia mne biene bina lwengu, iyaka Abeca abisobolite bitundu bilema tua ibaloo yulu gobidombie mme bili na uoma.
\v 28 Iyaka Abeca abisobolite bitungu bishi naubenda bya ibaloo nabwaunenunywa, ehe, bitundu biene hishiho, yulu bidogie bine bilicho.
\v 29 Gegese mine guine mpili gashilitone umbele gw'Abeca.
\v 30 Bululi wa gee benywe mwahewa uba mwa Kelesitu Yesu, guitilwe wetu uba lwengu luhuma w'Abeca, kiine, na buhaha na uhonya.
\v 31 Ibalo, nahi biabigolilwe, gee nine guilitona mnda mwa Yesu.
\c 2
\cl Mbukwilo 2
\p
\v 1 Buno, babusua, nene handichuile wenyu, nishichuile umsambila lubisaguu lw'Abeca wa ulongia binywa, ushi wa lwengu.
\v 2 Yulu nishibendiche umona inywa yoyose ila Yesu Kelesitu, nage gwasusulwa.
\v 3 Na nene nibele wenyu wa m'bili boonyo, wa booba naudandawiingi.
\v 4 Na inywa yanyi na ulisamba wanyi ushibele wa binywa bya lwengu lwa ubemba lwenyi lwa batu, ii wa ugumonya hululu mtima na uoma.
\v 5 Bululi uwasha wenyu ushibe wa lwengu lwa balanga msenge, bibe wa uoma w'Abeca.
\p
\v 6 Bino, hali lwengu lwatulihugana hawingi nabobawilile, ushi wa lungu lwa ino ibaloo, naushi wa bano bene bali hutabala ino ibaloo, bene bashi ba winene.
\v 7 Yulu tulihusamba lwengu lw'Abeca wa lubisangulu, luya lwengu lubisilwe, lwine lulangilwe n'Abeca utula milumbu, wa bugengeda bwetu.
\v 8 Bwene bene balihutabala ino ibaloo hashi ata gumwechi guugidi, yulu nambo babalumana, bashisubumsusula mlume gwa bugengeda.
\v 9 Nahi, biabigolilwe, bitu biene liso lishimonine nalitu lishihuliche, (na bishigingile mitima gya balangamsenge bitu bibyo Abeca ababiile bene bali hummunda.
\p
\v 10 Bibyo Abeca atuunulila beswe wa mtima, yulu mtima gulihusabolola byose ata biida by'Abeca.
\v 11 Yulu mmanyi ubalangamsenge gunamana bitu bya mlangamsenge bili mnda mwake? Byoka bibyo bitu by'Abeca hashi gunabimana nambo nambo mtima gw'Abeca.
\v 12 Buhuli beswe tushegaile mtima gwa ino ibaloo, tugaile mtima gw'Abeca, yulu tumane biatuliba hewa na Abeca.
\v 13 Nabyo tulihugana ushi wa binywa bilihugigiwa wa lwengu lwa ibalangamsenge, tulihugigiwa na mtima, tulihuhululia bitu by'imtima wa binywa by'imtima.
\v 14 Bino mtu gwa mishaminyi gya ubutilila gushinaosha ubigaa bitu bya mtima gw'Abeca, yulu gugo wage ii buhugi, na guhinaosha ubigaa bitubya mtima gw'Abeca, yulu gugo wage ii buhugi na gushinaosha ubimana, yulu bisusu umanyia wa ndila giintima.
\v 15 Bululi mtu gii mtima noo gusubimana byose, nagee gushibamanyia na mtu.
\v 16 Yulu, mnanyi gumanine langa lya mlume, gamgigie? Bino beswe luli na langa lya Kelesitu.
\c 3
\cl Mbukwilo 3
\p
\v 1 Bibyo, babusu, nene nishioshiche udogoma nenyu nahi batu ba mishaminyi giimtima, ila nahi batu bene bali na mishaminyi giim'bili, nahi baana ba tulenge mnda mwa Kelesitu.
\v 2 Nimnywishiche mabele, nishimlishiche iliwa, yulu m'bele mushinaisha uitauna. Ee, ata bino mishinaiosha uiya.
\v 3 Yulu ata bino muli batu ba mishaminyi gya mbili. Bululu, uba wili biumano, mmonywa, wii! Benwe mushi batu ba mishaminyi gya mbili, iyaka mulihubiata nahi balangamsenge?
\v 4 Haho mtu gabegana, nene nili gwa Paulo, na gunge, nene nili gwa Apolo, Wi! benywe mushi balangamsenge?
\p
\v 5 Apolo mnanyi? na Paulo mnanyi? M'bakichi baguya gumlibawashe, nahi mlume bielimmele kila mtu.
\v 6 Nene niunine, Apolo gugesile madi, nine gulihubiucha.
\v 7 Bibyo, mmunyi ashi atu na mgeshi gwa madi, Abeca noo alihubiucha.
\v 8 Yulu guya gulihuwa na guya gulihugesela madi m'bamwechi, yuli kila mtu gwihewa alambwe age gee mine ulomana na ugila wage.
\v 9 Yulu beswe tuli bagichi hamwechi n'Abeca, benywe mli lubala lw'Abeca na ndu gw'Abeca.
\p
\v 10 Ulama na keene ch'Abeca chandilwe, nene nahi mmosobu gwa bagubai bene bina lwengu, nigubaile mshindi, na gunge mtu gugubaile hekulu hago. Na mtu gegese golole bieli hugubaa hekulu hago.
\v 11 Yulu gunge mshingi hashi mtu gunaosha ugugubaa, ii guyaka gwine guhuile ugubawa, ii, Yesu Kelesitu.
\v 12 Nambo mtu guhugubaa hegulu ha mshingi gugo, nolo, feza ao mae ao miti ao nyobu, mgilo gwa mtu gegese guibiwa hululu.
\v 13 Yulu luya lusugu liegumonya, bululi guiununwa wa ahia, na aya ahia igutonda mgilo gwa mtu gegese mgwa wii.
\v 14 Mgilo gwa mtu gweli gubaile hekulu hage gubeshikala guihewa alambwe.
\v 15 Mgilo gwa mtu gubechiga, guihewa asala, ila gee mine guhona, nahi uhogonoa wa ahia.
\p
\v 16 Mushihumana ugana benywe musili ihuilo h'Abeca, na mtima gw'Abeca guashama mnda mwenyu?
\v 17 Nambo mtu kubele ugicha ihuilo y'Abeca, Abeca iikukicha gugo mtu. Yulu ihuilo y'Abeca iiyi ihaha, noo benywe.
\p
\v 18 Mtu gashilibiche geminem nambo mtu gabelimona guina lwengu hawingi henyu mmiino ibaloo, na gabe mmugi, yulu gabe na lwengu.
\v 19 Yulu lwengu lwa ino ibaloo ii buhugi umbele w'Abeca. Bululi bikolilwe, gee noo gulihubahamba bene bina lwengu wa tubachi tuabo.
\v 20 Iyaka, mlume gumagidi malanga ma baluengu ugana mmabii.
\p
\v 21 Bino, mtu gegese na gasilitone yulu ya batu. Yulu byose ii bienyu.
\v 22 Ugana ii Paulo, ao ii Apolo, au ii Kefa, ao ibaboo, ao mmuego, ao mlubu, ao biya biene bili bino, ao biya biene bibiho, biose ii bienyu.
\v 23 Benywe muli ba Kelesitu na Kelesitu ii gw'Abeca.
\c 4
\cl Mbukwilo 4
\p
\v 1 Mtu na gatubale bino, tuli bakichi ba Kelesitu na badogomi ba lubisagulu lw'Abeca.
\v 2 Haho ilihuhembwa u budogomi, ii mtu gumoneye uba mpuilile.
\v 3 Bululi, wanyi nene, ashiata atu nao nonwe nenyu, ata uononwa na batu, ata nene mine nishihulionona malanga manyi.
\v 4 Yulu nishihumana ibalo ya ulishitaki malanga manyi, nishihubalwa yulu ya bibyo, mine gulihukonona nene ii mlume.
\v 5 Bino benywe mushionone inywa mengo make mashinakia, mpaga biechwa mlume, mine guibilamia biabibisamu bya mdo, na ukibia hululu mihungo gya mitima, noo hihewa kila mtu punda gyake w'Abeca.
\p
\v 6 Bino babuswa, bitu bibyo nabiita uba mlingilisho gwani na Apolo yulu yenyum bululi bwa gugo mlingilisho mligikie nangu uhima biya biene bilibigolwe, yulu ata gumwe gashilitone yulu ya gugu, gashibe msulungule gwa kungenake.
\v 7 Bibyo mnanyi gulihuumona uli bishi bishina gunge? Na gogwe winai yoshihupogela? Nambo upokele, ulihulitonelai nahi usapogela?
\p
\v 8 Muahuhua ugiuta, muahuhua ubaba mbona, muli nabio nangu na beswe, ehe, nambo muisuba nabyo, bululi beswe na beswe tube nabio hamwechi nenyu.
\v 9 Yulu nihulanga Abeca abuya beswe uba baisula, nabi batu baononinwe na bahagwe, yuli tusili na isebusebu y'ibaloo, ubamalaika na ubatu.
\v 10 Beswe tuli bihugi yulu ya Kelesitu, benywe muli na lwenyi yulu ya Kelesitu, beswe tuli tulema, benywe mwina uoma, benywe muina bugengeda, beswe tushinyemiwa.
\v 11 Ata mano mengo, tuli na ndala na yuma, tuli buchi, tulihuhulwa maone iyaka tushi na bushi na bushamao.
\v 12 Hanyuma tulihugila mgeco wa maboo metu beswe bena wa yuuda. Tubetuiwa tulihuhelelecha, tubesusulwa tulihulitoecha.
\v 13 tubechingwa tulihutongelela, tuaisua nahi bisuaswa bya ibaloo, na ubiwa biisula ya bitu byose.
\p
\v 14 Nishihugola bibyo bululu namdanie mme, yulu ya umlangulula nahi baana baunjwa.
\v 15 Inangwa muli na bagigia bengi yulu nene noo gum'butile mndo mwa Kelesitu Yesu wa ndila gya mwano gubenju.
\v 16 Bino, nilihumtendelela ndamwe nene.
\v 17 Wa bibyo nammila Timoteo wamli, gee ii mmuananyi mmunjwa, kwa m'bilile mnda mwa mlume, guimmengeleche madila manyi mene mali mnda mwa Kelesitu, nahi byandihukigia oose na kila lubunga.
\p
\v 18 Bino bange bali hulitona nahi nisichwa wenyu.
\v 19 Bino, nichwa wenyu hano hoka, nambo Abeca abenja, na nene nimana, bishi bya bulitonaka, na niimana uomawabo.
\v 20 Bululi bwalo bw'Abeca ushiwa inywa ka, buli mmanywa.
\v 21 Muli hubenja ii? Nachwe wenyu na tuti ao nachwe na luundo na mtima gwa uhola.
\c 5
\cl Mbukwilo 5
\p
\v 1 Winene mwano guadagalalo ugana ubo wenyu uli lusengu, na ii lusengu lwine lushinaba ata uba mioga, mtu galale na mmachi gwa sage.
\v 2 Benywe mwalitona, musababecha, yulu gebagulwe hawingihenyu guya gwa gile bibyo.
\v 3 Winene, nisahuba nenyu im'bili, nili nenyu imtima, nene mine nahuhua ummonona gee mine guhishiche iya ihisho, nahi nilinage.
\v 4 Wa china lya mlumietu Yesu, benywe mwahuba mwasumbila mli hamwechi na mtima gwanyi, hamwechi na uosha wa mlumietu Yesu.
\v 5 Uuma ihingili gugo mtu, yulu m'bili gwake guononywe, na mtima guhone chuba lya mlume Yesu.
\p
\v 6 Ulitona wenyu ushiusoga. Mushihumana mshimi gucho gusuhicha atondo oose?
\v 7 Bino libagulwe, muhunye guya mshimi gwala, yulu mube ihichi ihia, nahe biya biamli mushibabiwe mshimi. Yulu Pasaka gyetu giahuhua uhanywa, noo Kelesitu.
\v 8 Bino, tuye na unywa, ushi wa mshimi gwalo, na ushiwa mshimi gwa bubi, bibe biene bihinamshimi, noo buhaha bwa mtima gwa winene.
\p
\v 9 Niimkolele mkanda gwanyi, nangu usumbila na sengu.
\v 10 Nishihulisamba nangusumbila abisa na sengu cha mno m'ibaloo, ata bene balihubenja baachana, ao balumiana, ao basapi na gutambikila miishi, wa bibyo biesuba liengie bahume mmiino ibaloo.
\v 11 Bino iyugana, nimkolele mushisumbile na mtu nyunyia batu ao kachabatu gwa lusengu ao kubenja ao mine gulihutambikila miishi na gwamisobo na mmolwe na msopi, na mtu gwa bibyo nangu ukitabwa ata uya nage.
\v 12 Bilihundola ii nabao none baya hambuga ha lubunga? Benywe mushi huo nona baya bali mnda mwa lubunga?
\v 13 Bululi baya bali hambuga Abeca ibao nona. Benywe nummunye guya m'bii hawingi henyu.
\c 6
\cl Mbukwilo 6
\p
\v 1 Wiwii! Mtu gwa wenyu guhuba na abachi yulu ya miinake, gunatonda ugia umshitaki umbele wa bashibawashe, ao umbele wa bahaha?
\v 2 Ulanga mushigidi ugana bahaha bionona bam'ibaloo? Nambo bam'ibaloo biononwa nenyu, wii! mushingie ugeda uonona wa ucho ucho?
\v 3 Mushigidi ugana tuionona bamalaika, ati ii biata uli bya guno mwego?
\v 4 Nambo tunaosha uonona bitu bya guno mwego, mwababya bakechi ba milandu babo bene bashihubalwa atu mlubunga?
\v 5 Nihudogoma bibyo yulu ya umdambia mmee. Bibyo wenyu ushi ata mtu gumwechi guina lwengu gaoshe uala binywa bya bashiwabo?
\v 6 Yulu mulihushitakiana m'bwa wa m'buwa umbele wa bashibabawashe.
\p
\v 7 Bilihumonya uhungwilwa wenyu abisa mulihushitakiana benywe bene wa benywe bene. Ati ibibenju umonenyua? Ati bilingie usapua bitundu byenyu?
\v 8 Bishibiya mndi benywe noo mulihubamonena batu na ubasapa bitundu biabo, ehe, na bya bashiwenyu.
\p
\v 9 Mushigidi ugana batu babii bashihiana buolo b'Abeca? Mushibichiwe, biihingili bishihiana buolo bw'Abeca, ata batangikichi ba miishi, ata balusengu, bushama buchi, bulalilana umatoo.
\v 10 Beebi, bubenjana, baolwa, bamisobo, ata basapi bashi hiana buolo bw'Abeca.
\v 11 Bamwe benyu babele ba bino, bino mwagogua, na ubalwa kiine wa china lya mlume Yesu Kelesitu, na wa mtima gw'Abeca etu.
\p
\v 12 Bitu byose ii bisoga wandi, bishi byose biliengie bitu byose ii bisoga wandi, nene nishibiwa hasi ha uosha wa itu yoyose.
\v 13 Iliwa ii wa gumo, na gumo ii wa iliwa, Abeca ibionona byose bibili, gumu na biliwa, yulu m'bili gushi yulu ya lusengu, ii gwa mlume na mlume ii gwa m'bili.
\v 14 Na Abeca amchulile mlume, na iyaka guituchule na beswe wa uosha wage.
\p
\v 15 We! mushigidi mibili gienu ii gililunge na Kelesitu? Munaosha uhunana biungo bya Kelesitu na ubieta biungo bya sengu? Nangu!
\v 16 Na mushigidi ugana mine gulungilwe na sengu ii m'bili gumwechi nage? Yulu m'bigamwe baya bopi babi m'bili gumwechi.
\v 17 Bibyo guya gulungilwe na mlume ii mtima gumwechi nage.
\p
\v 18 Sinywe lusengu. Bubi bose bweli higila mtu buli hambuga ha m'bili gwake, gee mine guigila lusengu guagila bubi mnda mwa m'bili gwake gemine.
\v 19 Na mushigidi ugana mibili gyenyu iy'ihuilo ya mtima guhaha guine guli mnda mwenyu. Gumuhelwena Abeca? Na benywe mushi iyaka bitundu bienyu benywe bene.
\v 20 Yulu mugulilwe wa bumona bwingi. Bino, hano, muginune Abeca mnda mibili gienyu.
\c 7
\cl Mbukwilo 7
\p
\v 1 Bibyo yulu ya mwano guya guamlibakole ii bisoga mlumiana gashimdude mmachana.
\v 2 Wa yulu ya lusengu kila mmumiana gabe na mmacha ke gee mine, na kila mmachana gabe na mlumiake mine.
\v 3 Mlume na kamme mmachi kiine giake guigondana, ioka bibyo mmachi gamme mlumiake kiine gyake guigondana.
\v 4 Mmachi gushi na luhusa yulu ya m'bili guake, ii mlumiake ka, byoka biya mlume gushi na luhusa yulu ya m'bili guake, ii mmachake ka.
\v 5 Nangu mtu guikima minagenambo mwahulichana mengo nai, yulu mube namengo musaba; mwagiwililane iyaka, ihingili gashimtonde yulu ya nangu uba na lingililo.
\p
\v 6 Nadogoma bibyo, nilihuuma malanga manyi, naushi wa alago.
\v 7 Nabiandihubenja, iyugana batu bose babe nahi nene biandi, bino kila mtu guli na bukichi bwake gee buchima buhuma w'Abeca, gugu bibi na gugu bibi.
\p
\v 8 Nilihubasambila bene bashinagondana, na bawilwa, ii bisoga babe nahi nene biandi.
\v 9 Nambo bashinaosha ulichibila, na bagonde ibibenju ugonda uli ulama m'bili.
\p
\v 10 Ubaya bahuile ugondana nilihubalaga, haho gushi nene, ii mlume, mmachi gashileane na mlumiake.
\v 11 Nambo gabeliana nage, kashame nangu ugonjwa, bishibiya guhulichane na mlumiake, iyaka mmlume gashimleye mmachake.
\p
\v 12 Bibyo bange batu nene nihubasambila, haho gushi mlume, hahuba gumwe m'buswa guina mmachi gushi gwam'buashe, nagugo mmachi gua hubenja, ushama nage, gashimleye.
\v 13 Na mmachana, mine guina mlume gushim'bwashe, na gugo mlume gobebenja ushama nage, gashimleye mlumiake.
\v 14 Yulu guya mlume gushim'bwashe gulihukogolwa yulu ya mlumiake, na bishisuba bibyo, baana benyu bashisuba bagogolwe bino hano ii bahaha.
\p
\v 15 Bino guya gushigwam buashe gobehuma na gahume. Haho gugu m'buswa mlumiana ao mmachana kushimmambwe. Yumana Abeca atukita wa talala.
\v 16 Wamana wii, gokue mmachana wii, gokue mlumiana, nambo wiimmonya mmachobe?
\p
\v 17 Yulu nahi mlume bieli mgabulile kila mtu, nahi Abeca bieli mgitile kila mtu, na gakie bioka biya, nao biandihulaga mmungo chose.
\v 18 Wiwii! mtu ilage gukitilwe gwa hukia kumbi? gashiluite nahi gushinakia kumbi. Mtu wilage gugitilwe gushi nakia kumbi? Bino gashikie kumbi.
\v 19 Ukia kumbi ashiatu, na nangu ukia kumbi ashatu, yaata ii unyemia alago Abeca.
\v 20 Kila mtu na kashame byoka biya nahi bielikitilwe.
\v 21 Wiwii! Ukitilwe ulimcha? ushichigililwe, nambo wauosha uba na uhulum ube bibyo.
\v 22 Yulu guya gukitilwe mcha na mlume, guli na buhulu wa mlume. Byoka biya guya gukitilwe guina buhulu, noo mcha gwa Kelesitu.
\v 23 Mukulilwe wa bumona buingi, mushibe buvhoba batu.
\v 24 Bashi wetu, mtu gekese kashame umbele w'Abeca naki byoka biya bielikitilwe.
\p
\v 25 Yulu ya bawamishiha nishi na alago a mlume, nilihuhanalanga lyanyi, nene nihelwe keene cha mlume na uwilila.
\v 26 Bino, namona uba isoga, yulu ya asusu ine aliho, mndi mtu kashame nakinene.
\v 27 Wi! Wahambwa na mmachana yulu ya alago ugondana? ushibenje usulwa. Ulimsulwe? Nangu uenga mmachi.
\v 28 Nambo wahukonda, ushi naabachi, nambo msiha kabegonjwa, gushi naabachi, yulolo batu nahi babo babi na asusu mmibili gyabo, na nene nilihubenja ubachibilila nao.
\p
\v 29 Bino babusua, mengo mahushikala mashi mengi, utula hano bino baya beni bina baachi babe nahi bashimba.
\v 30 Baya balihulila babe nahi bashihulila, na baya balihuseelela na bashihuseelela, na baya bali hugula babe nahi bashi naatu.
\v 31 Na baya bene balihugilila ino ibaloo, babe nahi ashihuhuigila abisa, yulu biahano hamgala biehita.
\p
\v 32 Bululi guamgonde gulihuola bya mlume Yesu, yulu gakile bielihubenja mlume.
\v 33 Yulu guya guamgonfr gulihulola bya ino ibaloo, bieligila bya ubenja mmachage.
\v 34 Iyaha halitofauti hawingi ha mmachi na msiha guya gushinagonjwe gulihulola bya mlume Yesu, yulu gabe mmaha m'bili na mtima, guya guhuile ugonjwa gusuulola bya ino ibaloo, byeligila bya ubenja mlumiage.
\v 35 Nilihudogoma bibyo yulu ya faida gyenyu, ishi yulu namtegele gochi, ii yulu ya biya bili hubenjiwa, iyaka mumkilile mlume wa nangu uba na binge buibagobolola.
\p
\v 36 Nambo mtu gegese guahumona gushihubuatilicha msiha gwake nahi bulihubenja, na uba ii m'benju yenyi, nambo hali biungonjwa baite byeli hubenja, gamleye gakonjwe, hashi bubi.
\v 37 Haho guya gulimgimanyu wa mtima gwake, gushi na yumchibila, yulola gahime ubenja wage, iyaka gualanga bisoga mnda mtima gwake ummusa msiha gwake, guikila bisoga.
\v 38 Na bibyo mine guigonja msiha gwake guita bibenju na mine gushimgonja kiita bisoga.
\p
\v 39 Mmachana mmambwe nambo mlumiage guili na mwego, nambo mlumiage guahuwa, guli hulu ugonjwa na mtu gegese mine guim'benja, gabe mnda mwamlume ka.
\v 40 Biesuba bibenju abisa gee ushama bieli m buile, noo biandi humona nene, na nene nilihulanga ugana nina mtima gw'Abeca.
\c 8
\cl Mbukwilo 8
\p
\v 1 Yulu ya mwano gwa lutangi lutambikila u miishi, tugidi beswe bose tuli na lwenyi, lwenyu lusuchuisha ulimona, luundo lusuugubaa.
\v 2 Mtu kabalanga ugana kugidi inywa, gugu gushinamana ata inywa yoyose nahi yelilingie umana.
\v 3 Nambo guhuumunda Abeca, gugo gwa manywa na Abeca.
\p
\v 4 Bibyo yulu ya mwano gwa uya biliwa biatambikilwa u miishi, tugidi ugana ashiatu mmiino ibaloo, yulu hashiange Abeca ila amwechi ka.
\v 5 Inangwa halitunge tulihugiswa tubeca, uba hekulu uba hasi, nahi biatuli tubeca tuingi nabalume beengi.
\v 6 Wetu beswe Abeca ii amwechi ka, gee noo setu, bitundu byose bihumine wage, na beswe uli namwego gwake, uli na mlume gumwechi, Yesu Kelesitu, wage bitu byose bibeleho, yulu yage beswe tuliho.
\p
\v 7 Na lwenyi luno lushi mnda mwa bose, na bangu yulu ya uolobela niishi ata bino bali huya na umona iiatu atambikilwe lutangi umiishi, yulu mitima giabo gili na bulema na uhogononywa.
\v 8 Na iliwa ishihutumonya umeso ma Abeca, bululu tusabiya tusahunguilwana atu, na tuahuya tushihuongechiwa atu.
\v 9 Bino lolwe ubo uosha wenyu ushichwe ubanoga bange mitima baya bashi baomu uwasha.
\v 10 Bululi, mtu gabeumona gogwe mine uli na lwenyi, mtu gabeumona gogwe mine uli na lwenyi, ulimshame ulihuya iliwa m'ihuila ya wii! Malanga ma guya mtu, yulu mgongo hobu guigimana winage gaye biabitambikilwe lutangi umiishi?
\v 11 Guya gwa mgongo hanyu gwahakwa na lwenyi lobe, nage ii m'busua Yesu guwile yulu yage.
\v 12 Wa bibyo mwahubagila bubi bashiwenyu na ubabongola mitima gia kikongo hobu, muumkila Kelesitu bubi.
\v 13 Winene nambo iliwa ina mnoga mshiwetu mtima, nishi ya nyama ata milumbu, nishimnoge mtima mshiwetu.
\c 9
\cl Mbukwilo 9
\p
\v 1 Nene nilu na buhuhu? nene nishi mmilwa? nene nishimonine Yesu mlumietu? benywe mushimgilo gwanya mnda mwa mlume?
\v 2 Nambo nene nishimmilwa ubange, nene milimmilwa wenyu benywe, yulu benywe noo yaala ya uhilwa wanyi mnda mwa mlume.
\p
\v 3 Na ubo noo ulidogomena wanyi ubaya balihumbucha.
\v 4 Wiwii! tushi na kiine gya uya na unywa?
\v 5 Tushi naosha umguha kachetu gwa m'bwashe nahi bange bahilwa, na bashi wabo na mlume, nahi Kefa?
\v 6 Wibihi! Mnene bchima na Balanaba tushi na wa nangu ukila mgilo.
\v 7 Ii solokoto nai gusukia ubita mengo momose wa ulibea gee mine? mnani gusuuna mizabibu na nangu uya biguma byake? Iyaka iinanyi gusuusa ihichi nage nanguunywa mabele ma ihichi?
\p
\v 8 Wiwii! nihudogoma bibyo nahi mtu? M'bindo nago gushihudogoma byoka bibyo?
\v 9 Yulu uu m'bindo gwa Musa bili bikolwe, nangu ukihamba n'gombe wanywa mengo makili huhula mtama. Wi! Haho Abeca alihudgoma yulu ya ng'ombe?
\v 10 Wa hululu ati gulihudogoma yulu yetu? Ehe, bigolilwe yulu yetu, yulu mlimi gwa mabele ii kiine gyake ulima wa mandagilo, na guya guli hululu ii kiine giake uudagila uhewa nage mluuhe.
\v 11 Uba beswe tulibabaunine benywe bitu bya iimtima, wi! ibibe beswe usoola wenyu bitu biem'bili?
\v 12 Uba bange balibagile bibyowamli, beswe ati iyuhima? tushibendichu umonya ubo uosha wetu, yulu ya bibyo tulihuvumilia bitu byose tushichibile mwano gubenju gwa Kelesitu.
\v 13 Mushigidi baya balihugila mgilo gwa m'ihuilo basuuya bitu bya ihuilo, na baya basugila ubutambikilo basuba na bugala bwabo u bitu bya ubutambikilo?
\v 14 Namlume bioka bibyo guganine baya bene balihusamba mwano bahewe byose mgugo mwano.
\p
\v 15 Na nene nishigilile bibyo ata imwechi, nishihugola bibyo bululi bibe wandi nene, yulu ii luhangaa nawe uli mtu gegese gagukiche uno ulitona wanyi.
\v 16 Yulu inangwa nilihulisamba mwano, nishilitona, yulu nabiiluwa lazima nagile, iyaka ii luhangaa lubi wanyi nisahulisambamwano.
\v 17 Yulu na begila guno mgilo wa mtima gwanyi, nibinagila bya gunge mtu.
\v 18 Bino alambwe anyi iyii? Iyano, handilisamba, nilisamba wa nangu usaba atu, nangu uita wa uwilicha uosha wanyi wandi nao m'mwano gubenju.
\p
\v 19 Inangwa nili na bahulu ubatu bose, niliitile mcha gwa bose, yulu napate batusengi abisa.
\v 20 Nibele nahi Myahudi u Bayahudi, bululi nabapate Bayahudi, ubaya bali hasi ha m'bindo, nilibiile nahi hasi ha m'bindo, (inngwa nene mine mine nishi hasi ha m'bindo) bululi nabapate bali hasi ham'bindo.
\v 21 Ubaya bashi hasi ha m'bindo nibele nahi nishi na m'bindo, (ushugana nishi na m'bindo umbele w'Abeca, umbele Kelesitu nina m'bindo) yulu nabapate babo bashi na m'bindo.
\v 22 Ubabahochu nibele mmochu yulu nabapate bahochu. Nibele bili batu bose ubatu bose, yulu ya madila mose nabahonye batu.
\v 23 Nene nihugila byose yulu ya muwano gubenju bululi nabe hamwechi na bange.
\p
\v 24 Wiwii! mushigidi ugana baya balinamahindi ma uhinga abilo, basuhinga abilo bose na gumwechi noo gusuhewa salaa? Hingue abilo bibyo yulu muhewe.
\v 25 na gegese guina mahinde naumacha gusulichibila ubyose, babo basuita bibyo yulu bahewe salaa lisuudoga, u beswe tuhewe salaa lishibadoga.
\v 26 Ata nene nilihuhinga abilo bioka bibyo, ushi nahi nishi na ibalo, nihuta one byoka bibyo, ushinahi uta mnaga one.
\v 27 Nilihususula m'bili gwanyi naukukicha, bishibe, nashibe gubasambila bange, nene mine nabe mtu guhanyiwa.
\c 10
\cl Mbukwilo 10
\p
\v 1 Bibyo babusua, nishihubenja muhulwe umana bamasetu babele bose hasi ha timba, bose badabuile bahali.
\v 2 Bose bachindulwe bobe ba Musa wa timba na mnda bahali.
\v 3 Bose balile iliwa yoka iya ya mtima.
\v 4 Bose banywine yunywa yoka iya ya mtima, yulu banywine buihuma mliwe lya mtima libele hubalama, na liya liwe libele noo Kelesitu.
\v 5 Manywe beengi abisa babo, Abeca asibabendiche, yulu bahagilwe mluanaganywa.
\p
\v 6 bibyo byose bibele milingisho watuli, biluli beswe tushibe batu ba ubenja biibe, nahi biya baya nabo biabobendiche biibe.
\v 7 Mushibe butambikila niishi, nahi bange babo biabele, nahi biabikolilwe, batu bashamine uya naunywa, hanyuma bakimene na uina.
\v 8 Tushiite masei, nahi bange babo biabagilile, bawile lusugu lumwechi batu maumi mopi na batatu uki.
\v 9 Na tushimtonda mlume, nahi bange babo biabamtondile, bahagilwe na madowa.
\v 10 Nangu ununa, nahi bange babo biabanunile, bahagileu na mmagi.
\p
\v 11 Bibyo bigilie wabali a ndila gya milingilisho, bigolilwe yulu ya utulubulula beswe, tuhuhiilwa na isula ya yahuchwa.
\v 12 Bino guya gulihulilangila ngimanyu galole gashigue.
\v 13 Utonda wamlibatonjue benywe, iyoka uya ulihutonjwa batu bose, Abeca iyaakiine, ene ashimlea mtonjue uhima biamunaosha, hamwechi na uya utonda iita mchango gwa utobuela, yulu muoshe uhima.
\p
\v 14 Yulu ya bibyo, baunjua banyi, sinywe utambikila miishi.
\v 15 Nihudogoma nahi batu bene bina lwenyi, engelechiwe yandigana.
\v 16 Isengo iya ya luhelo yatulihuhelelecha, wiwii! Ushiulungana wa mashi ma Kelesitu? Mkati guya guya guatulihuhua, ushiulungana na m'bili gwa Kelesitu? 
\v 17 Yulu mkati ikumwechi, na beswe bengi tuli m'bili gumwechi, yulu beswe bose tulihuhewa ihindi ya kuya mkati kumwechi.
\p
\v 18 Balolwe babo baisilaeli, biababele batu bam'bili, baya balile biubutambikilo, wiwii! ati bali umwechi na butambikilo?
\v 19 Nadogomeii? Ugana iya yatambikilwa umiishi iyatu? au miishi iyatu?
\v 20 Bishibio, yulu biyabali huhina lutangi balihumma iingili, na wala shi w'Abeca, nene nishihubenja ulungana na miiha. Mushinaosha unywa isengo ya mlume na isengo ya miiha.
\v 21 Mushinaosha ulungana umesa ma mlume namesa ma miiha.
\v 22 Haho tum'bia mlume buwa? Wi! tuli nauoma uligee?
\p
\v 23 Bito byose m'bisogo, bishibyose bilingie. Bitu byose m'bisoga bishi bitu byose bilihugubaa mibili gya batu.
\v 24 Mtu gashienge faida gyake gee mine, gaenge biabenake.
\v 25 Itu yoyose ilihukuchiwa msogo liiwe, nangu ubucha-bucha, yulu ya malanga.
\v 26 Yulu ibaloo iyibia ya mlume na bose bilibigiluchumo.
\v 27 Nambo mtu gushiguam'bwashe gabemkita, m'beekiao liiwe byose iliibiwe umbele wenyu nangu ubucha-bucha yulu ya malanga.
\v 28 Nambo mtu gabemsambila, ino iliwa ya hewa lutangi u miishi, mushiye, yulu yagemine gugana nayulu ya malanga.
\v 29 Nagana, ushi wa malanga mobe, ii yulu ya malanga ma guya gunge. Bululi bwai buhulu bwanyi bwononwe na malanga ma gunge mtu?
\v 30 Nambo nene milihuya bianyi wa buswachi, yulu yai natuiwe, wa yulu ya iliwa yandaha Abeca buswachi?
\p
\v 31 Bino, hamwiya na hamwinya, hamwigila inywa yoyose, giilwe wa bugengedabw'Abeca.
\v 32 Mushibalubie Bayahudi ata Bayunani ata lubunga lw'Abeca.
\v 33 Na nene bioka biya nilihugila bya batu bose babenje ubigilanywa biose, nishiite bya faida gianyi nene mine, ila faida gia baya balibengi bahewe uhona.
\c 11
\cl Mbukwilo 11
\p
\v 1 Ndamwe nene nahi nene biandihumlama Kelesitu.
\p
\v 2 Bino nihumtendelela, yulu mwakengelecha ubihisho byose, na benywe mwabiwata biya biamugaile nahi bioka biya ibiandimmele.
\v 3 Bino nilihubenja mmane ugana mswe mmachana ii mluminana, na mswe gwa Kelesitu iy'Abeca.
\v 4 Kila mlumiana, hebihusaba, au hebihubwa gabeliwila mswe, guikubia abule.
\v 5 Kila mmachana, helibihusaba, ata ubua nambo gushibi huwila mswe, guigubia abule mswe gwake, yulu mnahi guya gubegilwe.
\v 6 Yulu mmachana gusahuliwila mswe gabekwe njuli. Nambo mmachana guahumona abue ukechwa njuli ao ubekwa, galiwile.
\v 7 Wa kiine bishibibenju mlumiana uwilwa mswe, yulu gee ii mlingilisho gwa bgengeda bw'Abeca. Na wa mmlachana gee ii bugengeda bwa mluminana.
\v 8 Yulu mlumiana gushihumine uu mmachana ii mmachana uhuma uu mlumiana.
\v 9 Na ata mlumiana gushibumbilwe yulu ya mmachana, mmachana noo gubumbilwe yulu ya mlumiana.
\v 10 Wa bibyo mmachana gulingie umonya ihisho ya anyemu mswe mwake, yulu ya malaika.
\p
\v 11 Yulu mnda mwa mlume hashi mmachana gee buchima pasipo mlumiana wala mlumiana pasipo mmachana.
\v 12 Yulu nahi bihumine mmachana mnda mwa mlumiana, byoka biya mlumiana nage gusubusua na mmachana, na bitu byose bisuuma w'Abeca. Ononwe benywe bene mmitima gienyu.
\v 13 Wiwii! m'bibenjummachana kasabe Abeca gshim'buile mswe?
\v 14 Wiwii! mishamini giene gishihukigia ugana mlumiana gabeba na njuli chilahu iyabule weli?
\v 15 Na wa mmachana uba na njuli chilahu bulungwe bwake. Yulu guhele chiya njuli chilahu yulu chibe nahi uwila mswe.
\v 16 Uba mtu gege kabebenja uchuisha mmonyua beswe tushi na gugu mshaminyi, ata munga ch'Abeca.
\p
\v 17 Yulu ya ulaga bibyo, nshihumtona, yulu mulihusumbila, ushi wa faida ila iwauchiminya.
\v 18 Bibyo hamulihu sumbila mlubunga nahulicha wenyu uli ubagulana, gimwendila nagitabicha.
\v 19 Yulu ibisoga uchingana ube, bululi bobagitabichiwe bamoneye hululu.
\v 20 Bino hamwishumbila hamwechi bishinawechegana uya iliwa ya mlume.
\v 21 Yulu kila gumwechi gulihutula ukuha iliwa yage ha ubo uya, hahugugu guli na ndola, na gugu guhuolwa.
\v 22 Wiwii! mushi na madu mulila na munyuina? au iyulubeda lubunga lw'Abeca, naubadambia mmee baya bashi na atu? Namsambilewi? Nangu! Nishimtona yulu ya bibyo.
\p
\v 23 Yulu nene nihelwe na mlume biandimmele na benywe, ugana Yesu buya busuku bwelihanenywe gukuhile mkati.
\v 24 Nage helihuile uhelelecha kuhuile, gee nukana, guno noo m'bili gwanyi, guli yulu yenyu iswe bino wa ukengelecha nene.
\v 25 Na bioka bibyo hanyuma ha uya gukinuile isego, kuganine, isengo ino iyalago ahia a mashi manyi, iswe bino hose hamubi hunywa, wa kengelecho gyanyi.
\v 26 Yulu hose hampi huya guno mkati na uinywa isengo, mulihuta mtambila gwa lubulwamlume na bielichwa.
\p
\v 27 Bino gegese guiya gugo mkati, na uinywa iyo isengo ya mlume bishilingie, gubi gualiengela abachi a m'bili na mashi ma mlume.
\v 28 Mtu na galibuche gemine, hanyuma gakuye mkati a gainywe isengo.
\v 29 Yulu gulihuya na unywa uonona wa mtinma guake, wa nangu ugupambanwa guya mpili.
\v 30 Yulu ya bibyo uli benge bali basumwa nabashi huliosha na bamwe uwa.
\v 31 Nambo tuabalipambanua mitima gyetu, tusabaononywa.
\v 32 Uba tubeononwa, tuagiwichiwa namlume, bululi tushichwe uononwa hamwechi n'ibaloo.
\p
\v 33 Wa bibyo, babushwa, hamwisumbila yulu y'uya, muhembane.
\v 34 Mtu guahuba nandala, galile undu wage, hamwisumbila mushisumbile wa uonona. Na biene biashigala nibilongia handichwa.
\c 12
\cl Mbukwilo 12
\p
\v 1 Bino, babuswa. wa mwano gwa bugichi bwa mtima, nishihubenja muhulwe umana.
\v 2 Mmane uguna ham'bele batu ba mioga, muguhilwe ulama miishigishibadogoma, nahi bya mulombwelwe.
\v 3 Wa bibyo nihumsambila, ugana hashi mtu gulihudogoma na mtima gw'Abeca, ugana, Yesu gulogilwe, hashi mtu gunagana Yesu ii mlume, isipokuwa wa mtima guhaha.
\p
\v 4 Bino hali tofauti cha bugichi, mtima igoka guya.
\v 5 Iyaka hali tofauti gya ugila, namlume igeka guya.
\v 6 Hanyuma hali tofauti gya migilo, na Abeca iyaka aya alihugila migilo giose mnda mwa bose.
\p
\v 7 Kila gumwechi gulihuhewa uununywa namtima yulu ya ufaidiana.
\v 8 Yulu mtu gumwechi wa mtima guahewa inywa ya lwengu, nagunge inywa ya malango, buagulihubenja mtima goka guya.
\v 9 Gunge uwasha wa mtima goka guya, na gunge bgichi bwa uhonya wa mtima goka guya, na gunge bugichi bwa uhonya wa mtima guya gumwechi.
\v 10 Gunge bigilanywa bya tenene, na gunge bubwa, na gunge ubagula mitima, na gunge udogomanalidi, na gunge ulangulula lidi.
\v 11 Gino migilo gyose gilihugilwa na mtima gugo gumwechi, ge guya gulihugabila kila mtu gee buchina nahi bielihubenja gee.
\p
\v 12 Nahi bili m'bili gumwechi, nago guna biungo bingi, na biungo byose bya guya m'bili, nabio ii bingi, ii m'bili gumwechi, bioka bibyo na Kelesitu.
\v 13 Yulu wa mtima gumwechi beswe bose tuchundilwe uba m'bili gumwechi, ubatuli Bayahudi uba tuli Bayunani, uba tuli baacha na uba tuli na bahulu, beswe bose tunyuile mtima gumwechi.
\p
\v 14 Yulu m'bili ishi iungo imwechi, bili biingi.
\v 15 Ugulu ubegana, nene nishi uboo, nene nishi gwa m'bili, wi! Ushi wa m'bili yulu ya bibyo?
\v 16 Na litu libegana, yulu nene nishi liisa, nene nishi gwa m'bili, wi! Lishi lya m'bili yuu ya bibyo?
\v 17 Nambo m'bili gose kube liiso, uhulicha ubi uhi? nambo biose ii matu ubi uhi uhuha?
\v 18 Bino Abeca abibiile biungo kila imwechi u m'bili nahi bielibendiche.
\v 19 Nambo byose biesuba iungo imwechi m'bili guisuba uhi?
\v 20 Na bibyo biungo ii biingi, m'bili imgumwechi.
\v 21 Na liiso hishinamganina uboo nishilungwa nobe na mswe gushinamganina ugulu, nishilungwa nenyu.
\v 22 Bululi biya biungo biene bilihulangilwa uba ii bicho bicho na bilema noo bili hukichiwa abisa.
\v 23 Na biya biungo biene bili hulangilwa uba bishina bunyemu, bibyo biungo tulihubinyemia abisa, nabiungo bietu biene bishi na buhungwe biena buhungwe abisa uhima byose.
\v 24 Yulu buingo bietu bilinabuhungwe bishihukichiwa, Abeca noo asambiche m'bili, na uiha anyemu iya iungo ili ihunguilwe.
\v 25 Bululi hashibe na ulitona um'bili, yulu biungo biginunane kila iungo naingenage.
\v 26 Na iungo imwechi ibebongoo, biungo biose biabongoa nabio, na iungo imwechi ibeginunywa, biungo byose bilihuseelela hamwechi nayo.
\p
\v 27 Bino, benywemusili m'bili gwa Kelesitu, nakila iungo yoo buchima.
\v 28 N'Abecha abiile bange m'lubunga, babatangi bahilwa, babubili bambua, babutatu bagigia, isula tenene, iyaka bugichi bwa uhonya basumwa, nu uwatilichana naalombwe na udogoma na lidi.
\v 29 Wiwii! bose ii bahi lwa? bose m'bambwa? bose ii bagigia? bose basuugila bya tenene?
\v 30 Bose bina bugichi bwa uhonya basumwa? bose balihudogoma wa lidi? bose balihulangula lidi?
\v 31 Mubenje abisa bugichu bwa bwata. Ata bino nammonya ndila gisoga.
\c 13
\cl Mbukwilo 13
\p
\v 1 Ninangwa nihudogoma lidi lya batu na lya bamalaika, nambo nishi na luundo, nilinahi kenge gilihugombwa nanahi mdodo gwa lunga.
\v 2 Iyaka inangwa nina bubua, na umana lubisagulu lose na malango mose, nina ba buwasha buwilile bwingu buosha ubulula koono, nambo nishi na luundo nene nishi atu.
\v 3 Iyaka ninahanabumona bwanyi bose ubalisha ba mbuchu, ninalihana m'bili gwanyi nachige ahia nambo nishi naluundo bishihungitila atu.
\p
\v 4 Luundo lusuulitolelecha, umona iubu, luundo lushibaonywa bange, luundo lushi na buhulihuli lushihulitona,
\v 5 lushibahula uba na anyemu, lushibaliengela biake, lushibachigililwa, lushibabala bubi.
\v 6 Lushibaseelela asusu, lususeelel hamwechi na wiinene.
\v 7 Lusutolelecha byose lusuwasha byose, lusuudakila byose, lusustahimili byose.
\p
\v 8 Luundo lushibahungule inywa momose, inangue bubua buihita, inangwa madi niihua, menangwa malango mihita.
\v 9 Yulu tulihumana w'iiba, na tuli hubua w'iiba.
\v 10 Bululi hayichwa iya ya iwilile, iya ili ya iiba yiihita.
\v 11 Handibele mwaana alela, nidogomine nahi mwaana alela, nimanine nahi mwaana alela, nilangile nahi mwaanaalele, utula handiomine uba mtu, nibeleile byose bya bulela.
\v 12 Yulu mano mengo tulihumona nahi wa myoo nahi wa ida, maya mengo tuimona yenyi wayenyi, mano mengo nihumanawa iba, maya mengo nimana abisa nahi nene byandimmanyie abisa.
\v 13 Bino, hano bilihukililila ii uwasha, maudagilo, luundo, bibio bitatu, uu bibio iliyata ii luundo.
\c 14
\cl Mbukwilo 14
\p
\v 1 Lamue luundo, na ubenja abisa bugichi bwa mtima, ubiosemubenje ubua.
\v 2 Yulu guya gulihudogoma na lidi, gushihudodogoma na batu, gulihudogoma n'Abeca, yulu hashi gulihummulicha, gulihudogoma bya lubisagulu mwa mtima gwake.
\v 3 Yulu guya gulihubua, gulihudogoma na batu binywa bya ubagubaa, na ubahungia, na ubaha mtima.
\v 4 Guya gulihudogoma na lidi gulihugubaa mtima gwake, guya guubua gulihugubaa lubunga.
\p
\v 5 Nene nihubenja mudogoma wa lidi, asa mugililile ubua, yulu guya gulihubua mmata uli guya gulihudogoma wa lidi, ila wa ulangulula, bululi lubunga lugubawe.
\p
\v 6 Babusua, nabehwa wenyu na udogome nenyu wa ndila gya umunywa, ao wa ndila gya lunyi ao wa ndila gya ubua ao ndela gya ugigya?
\v 7 Ata bitu bishi na luhuda habisuhunya lidi, uba iyihondo uba iyinubi, bya huhunya madi mene mali mbali-mbali, biemania wi ii lwimbo nai lubegimbwa wa ihonde au w inubi?
\v 8 Yulu asiba abehunya lidi lishihumanywa, mnanyi gulihamba ukia ubita?
\v 9 Bioka bibyo nabenywe, musahudogoma binywa u ndimi chenyu buihulichiwa, iya inywa ya dogoma yimanywa wi? Yulu mubihudogoma namnaga gulihututa.
\v 10 Winene mno m'ibalo muli madi mengi, hashi ata limwechi lishi libenju.
\v 11 Yulu nisahumana maana gya lidi nibi nahi mmugi wageguya mine gulihudogoma, naguya gulihudogoma gubi mmugi wandi.
\v 12 Bioka bibyo na benywe, yulu mulihubenja abisa uba batu bene bina bugidi bwa mtima, muchibenje abisa nacho bululi bwa ulubugubaa lubunga.
\p
\v 13 Wa iyo ibalo mine gulihudogoma wa lidi gasabe gahewe ulangulula.
\v 14 Yulu mabesaba wa lidi, mtima gwanyi gulihusaba, ila lwenyi lwanyi lushi na biguma.
\v 15 Bisiliwi, bino? Nisaba wa mtima, iyaka nisaba wa lwenyi, nigimba wa mtima, iyaka nigimba wa lwenyi.
\v 16 Uba gogue wimtona Abeca wa mtima, guya gulimshame haisuba nahi mmugi guigitabuawi, noo bibyo, hanyuma hautunaobe, nage gushihumana biolihudogoma?
\v 17 M'winene gogue ulihutona bisoga, guya gunge gushihugubawa.
\v 18 Natona Abeca yulu ihudogoma wa lidi uhima benywe bose.
\v 19 Mnda mwa lubunga nihubenja nadogome binywa bitano wa lwenyi lwanyi, naoshe ugigya bange, uli udogoma binywa uki umi wa lidi.
\p
\v 20 Bashiwetu, mushibe baana mlwenyi lwenyu, ulubi lwa bubi mgalulwe uba baanaba tulenge, yulu lwenyi lwenyu m'ba tatu ba baomu.
\v 21 Ii bigolwe mnda m'bindo, nidogoma nababa batu walinge lidi, na umilomo giabagenyi, ata bibyo bashipulicha, mlume gugana.
\p
\v 22 Bino, mano madi ii bisaga, ushi ubawasha, ii ubaya bashinawasha, yulu ubwa ushi wa baya bashinawasha, ii wa bahuile uwasha.
\v 23 Iyaka! uba lubunga loso lusumbila hamwechi na bose badogome wa lidi, nambo babgingila bahugi na bene bashinawasha, we! Basigana mwina miishi?
\v 24 Nambo bose balihubua, na gabegingila mtu gushinawasha na mmugi, guibulwa na byose bieli hulicha na guiononywa nabyose bilihudogoma haya.
\v 25 Byose bibisilwe mnda mtima gwake biebiwa hululu, na bibyo guiginuna Abeca, guigua mmachui, na ugana Abeca alihawingi henyu.
\p
\v 26 Babusua biliwi? Hamususumbila hamwechi, kila gumwechi guina zabuli, guina lugigio, guina ununilwa, guina lidi guina ulangulula. Bitu byose bigilie wa ugubaa.
\v 27 Nambo mtu guidogoma wa lidi badogobabili ao batatu ushi wa uhima, iyaka gumwechi, gumwechi, na gumwechi galangulule.
\v 28 Hasahuba gulangulula nagashame pii mlubunga, gadogome na mtima gwake iyaka na Abeca.
\p
\v 29 Bambua babwe bubili na batatu na bange balangulule.
\v 30 Nambo gunge Kabeunulilwa inywa, guyagwa mtangi gashame pii.
\v 31 Yulu benywe bose muoshe ubwa gumwechi, gumwechi, bululi bose baligigie nabose bahungiwe.
\v 32 Na mitima gwa bambwa gisunyemia bambwa.
\v 33 Yulu Abeca ashi Abeca aalugi, oo i a talala, bioka bya nahi biabile u munga cha bahaha.
\v 34 Baachana na bashame pii mlubunga, yulu bashi na luhusa ludogoma, boo banyemie, nahi bilihulisamba m'bindo nago.
\v 35 Nabo babebenja uligigia inywa yoyose, bino bababuche balume babo umadu mabo, yulu iya bule mmachana udogoma mlubunga.
\v 36 Iyaka wiwii! inya y'Abeca ihumine wenyu? Na ummiela benywe buchima?
\v 37 Nambo mtu gabelimona ii mbua ao mtu guimtima, na gabimane bino byandihumkolela, na ugana iyaalago a mlume.
\v 38 Bibyo nambo mtu ii mmugi, na gabe mmugi.
\p
\v 39 Na wa yulu ya bibyo, babusua, mubenje ubwa, na nangu uchibila udogoma wa lidi.
\v 40 Bino bitu byose bigilwe wa ubenda na wa lemba lemba.
\c 15
\cl Mbukwilo 15
\p
\v 1 Bino, babusua, nihumtongelela guya mwano gubenju guadimsambile, nago noo guamugaile, na yulu yayo muagimana.
\v 2 Na wa bibyo mwahona, wa ubiwasha biya binywa biandimsambile nambo wisuba mwa washa bunene.
\p
\v 3 Bino niimmele benywe utula biya biandihelwe nene miine, ugana Kelesitu guwile yulu ya bubi bwetu, nahi bili hudogoma migolo,
\v 4 Na ugana kuchulwe, na kuchuile lusugu lwa matatu, nahi bilihudogoma mgolo.
\v 5 Na ugana ku m'toboele Kefa, iyaka nabaya umi nabopi.
\v 6 Hanyuma gubatoboele babusua uhima sambi chitano balibasumbile, bamwe babo bili na mwego ata bin, bange babo bahuile uwa.
\v 7 Hanyuma kumtoboele Yakobo, iyaka bahilwa bose.
\v 8 Naguisula ya batu boose, gutoboele nene, nahi mwaana guabusua gumo lishinaoma.
\v 9 Yulu nene ni mchoo ubahilwa, nishilingie ugiswa mmilwa, bululi nilususule lubunga lw'Abeca.
\v 10 Bibyo wa keene ch'Abeca nili bino biandi, na keene bhage chili wandi chishibele bunene, na nigililile abisa ugila mkilo ubahima babo bose, haho gushi nene, ii keene ch'Abeca hamwechi nanyi.
\v 11 Haho nambo mnene, nambo m'baya noo iatulisambile mwano gubenju noo biamuwashiche.
\p
\v 12 Uba Kelesitu gulihulisambwa ugana guchuile uhuma ubabu, yulu yai bamwe benyu balihugana hashi uchuwa wa babu?
\v 13 Nambo hashi uchuwa wa babu, mndi Kelesitu nage gushichile uhuma u babu.
\v 14 Iyaka nambo Kelesitu kushichuile, bibyo ulisamba wetu ii bunene na uwasha wetu ii bunene.
\v 15 Ehe, na busue tumoneye uba bashahidi ba lulimi lw'Abeca, yulu tumshuhudie Abeca ugana gumchulile Kelesitu, mine gueshichulile, nambo babu bashichulwa.
\v 16 Bululi, nambo babu bashihuchwa, Kelesitu nage gushichuile.
\v 17 Na nambo Kelesitu lushichuile, uwasha wenyu ii bunene, muili mnda bubi bwenyu.
\v 18 Na haho babo nabo balalile mnda mwa Kelesitu bachimine.
\v 19 Nambo mnda guno mwego ka u libandakile Kelesitu, besu tuli bambuchu uli batu bose.
\p
\v 20 Bino Kelesitu guchuile uhuma ubabu, mchulwa gwa mtangi gwa babu.
\v 21 Yulu lubu luhililwe na mtu, bioka biya uchulwa uhuma ubabu uhililwe na mtu.
\v 22 Bululi yulu ya Adamu batu bose bahlihua, byoka biya yulu ya Kelesitu bose bihewa mwego.
\v 23 Kila mtu guichulilwa hage, mchulwa gwa mtangi ii Kelesitu, hanyuma bose ba Kelesitu, hene helichua bichulwa.
\v 24 Iyo noo isula, helimma Abeca buolo bwage, helibela utabala ose na mamulaka mose na uoma ose.
\v 25 Yulu utaga na ushutaga gubi na budo na utubiya tumangu twage hasi ha magulu mage.
\v 26 Amangu a isula eene ibe lwa ii lubu.
\v 27 Yulu, guibisacha bitu byose hasi ha magulu mage, noo heligana, byose biasachiwa, bili hululu, na guya gumsadiche byose gushimo.
\v 28 Bino, bitu byose biahuhua usachiwa hasi hage, haho noo mwaana nage gemine guisachiwa hasi hage mine gumsadiche bitu byose, bululi Abeca abe byose mnda mwa byose.
\p
\v 29 Wiwii! bene bali huchunjwa yulu ya batu biitai? Nambo babu bahihuchulwa ata, bululi bwai njua yulu yabo?
\v 30 Na beswe yulu yai tuli mmadali mengo mose.
\v 31 Ehe, bubuswa, wa uno ulitona wanyi wandi nao yulu yenyu mnda mwa Yesu Kelesitu mlumietu, nihuwa kila lusugu.
\v 32 Na uba wa ndila gya batu, nihulene na biela bya buhuchi uya Ubaefeso, nina alambwe nai? Basahuchulwa babu, na tuye, na tunywe yulu mmeshi tuiwa.
\v 33 Mushibichiwe, ugombola ubii usudogia mshaminyi gusoga.
\v 34 M'be na lwenyi lulingie, nangu ugilwa bubi, bululi bange bashimkidi Abeca. Nuhudogoma bibyo nabadambie mme.
\p
\v 35 Hange mtu gugana, bichulwa wii babu? Bichulwa na mbili nai?
\v 36 gogwe mmugi! hosuuna matete mashibamena nambo mashinawa.
\v 37 Namo hasumauna, ushibaunma na guya m'bili guine gualibi nago, ii tete ka uba lya iisaa uba lunge lioliose.
\v 38 Winene Abeca guiliha m'bili nahi bielihubenja, nakila tete m'bili gwake.
\v 39 Nyama chose gishi nyama gimwechi, hali cha nyama cha batu chinge cha biela, chinge cha tunonyi, chinge cha sui.
\v 40 Iyaka hali mibili gya hegulu, na mibili gya hano hasii, na ugema wa giya gya hegulu mgitime ugema wa giya gya hano hasii.
\v 41 Hali ugema wa chuba, na unge ugema wa mwechi, uli ushigane ata wa ambala-mbala na ambala-mbala.
\p
\v 42 Bioka biya na uchulwa wa babu. Uunywa mmuudoga, uchulwa gushigudoga.
\v 43 Uunywa gwa bisumi uchulwa gwa uoma. Uunywa gwa abule, uchulwa gwa ugema, uunywa gwa bisumi, uchulwa gwa uoma.
\v 44 Uunywa m'bili gubuswa nago, uchulwa gwa mtima. Nambo hali m'bili gubuswa nago, na m'bili gwa mtima guliho.
\p
\v 45 Noo biabigolilwe, mtu gwa mtangi, Adamu, gubele m'bili gulihuhemena. Adamu guishula ii mtima guine gulihuhana mwego.
\v 46 Bino gushibabangua guya gwa mtima gusutula guya gubusua nago, hanyuma nao uchua guu mtima.
\v 47 Mtu guamtangi guhumine wiihuili ii gua bitete. Mtu gwa bubili guhumine hegulu.
\v 48 Nahi bieli guya gwa bitete, noo byabali ba bitete, na nahi bieli gwa hegulu, bioka biya noo biabali ba hekulu.
\v 49 Nahi biatuguhile yenyi yage guya gwa hekulu.
\p
\v 50 Babusua, biandihudogoma noo biino, ugana nyama na mashi bishinaosha uhiana buolo bw'Abeca, na guya guidoga uhiana nangu udoga.
\v 51 Lolwe, namsambila benywe lubisagulu tushilalo beswe bose, ila beswe bose tuigalua.
\v 52 Wa mengo amwechi nahi ubumba na ubulula wa liiso, mengo na babu bichulwa, bashibe na udoga, na beswe tuigalula.
\v 53 Bululi guno guudoga guchuali gushigundoga, nago guno guuwa uchuala gushiguuwa.
\v 54 Bino guno guudoga haguichwala nanguudoga, na guno guuwa haguichuala nangu gwa uwa, haho noo habi iya inywa igolilwe, lubu lwaminywa wa uhima.
\q1
\v 55 Uli uhi, gogue lubu, uhima obe? Uu uhi, gogue lubu, usuma obe?
\p
\v 56 Usuma wa lubu u bubi, na uoma wa bubi ii m'bindo.
\v 57 Bino Abeca na atonywa alihutuha uhima wa china lya mlume Yesu Kelesitu.
\p
\v 58 Bino, mkililile ugila mkilo gwa mlume masuku mose, yulu mukidi ugana asusu enyu ashi bunene wa mlume.
\c 16
\cl Mbukwilo 16
\p
\v 1 Wa mwano gwa luya lukongwe yulu ya bahaha, nahi biandiambile munga cha Galatia, na benywe gilwe bioka biya.
\v 2 Chuba lya yinga kila mtu gwenyu gabiya ibya habamba na wibisa, nahi ubisa wage, yulu lukongue lushiisue handichwa.
\v 3 Nen handichia nibahila na mkanda baya bene bamwisobola, bahile lutangi lwenyu uya Yelusalemu.
\v 4 Nambo bibi bibenju na nene ugia, biigia hamwechi nanyi.
\p
\v 5 Bino, nichwa wenyu, handihwa uhita Makedonia, yulu nihita Makedonia.
\v 6 Hange nishama wenyu, ehe, hange mengo mose ma budogo, bululi mubuatiliche uu mg'endo chanyi oose wandikia.
\v 7 Yulu nishihubenja umonana nenyu hano, nambo wa mengo machoka, bululi nihutaga ushama nenyu mengo macho, mlume gobebenja.
\v 8 Bino nishama Ubaefeso, ata Pendekosite,
\v 9 bululi na bugulilwa mchango gwake gwa um'buatilicha abisa, na uli tumangu twingi tulihupanya.
\p
\v 10 Bino, Timoteo kabechu, mumlle gashame wenyu nangu na booba, yulu gulihugila mgilo gwa mlume nahi nene.
\v 11 Mtu gegese gashimmenune, na mungishe wa talala, yulu gachwe wandi, bululi nilihumlolelela uchua hamwechi na bashiwetu.
\p
\v 12 Wa miono gya Apolo, mshiwetu, niimtonolelela gachwe wenyu hamwechi na batu bashiwetu, gee gushihubenja uchwa hano, guichwa helib na ihana.
\p
\v 13 Muyeshe, mugimane wa uoma, mukile nahi balumiana, muliomenenye.
\v 14 Bitu byose bigilie wa luundo.
\p
\v 15 Iyaka babuswa, namtendelela, (mubagidi batu bamndu mwa Sitefana ugana noo bubele bwa iiya Akaya, nabo balibiya u mgilo gwa ugilila bahaha),
\v 16 batu nahi babo mubanyemie, na mtu gegese guagila mgilo hamwechi nabo, na ulisusula.
\v 17 Na nene naseelela yulu ya uchwa wa Sitefana na Fultunato na Akaiko, bululu babo baanndibile biingi biya biandibele mmunguilue wenyu.
\v 18 Bululu bapoocha mtima gwanyi, na mitima nagio, muba mane batu nahi babo.
\p
\v 19 Munga cha Asia bagana Salamwa, Akila na Pilisila bagana Salamwa abisa wa mlume, hanwechi na lubungu lwine luli mndu giabo.
\v 20 Babusua buse bagana Salamwa. Mutananyie wa umbatilana uhaha.
\p
\v 21 Guno ii Salamwa gwanyi Paulo wa uboo wanyi nene miine.
\v 22 Mtu gegese gushihum'benja mlume, na galogue. Malanata * (mlumietu gulihuchwa).
\v 23 Keen cha mlume Yesu na chibe hamwechi nenyu.
\v 24 Luundo lwanyi na lube hamwechi nenyu benywe bose wa Kelesitu Yesu.