byi_reg/41-MAT.usfm

\id MAT
\ide UTF-8
\h Matayo
\toc1 Matayo
\toc2 Matayo
\toc3 mat
\mt Matayo
\c 1
\cl Mbukwilo 1
\p
\v 1 Itabo ya ilongo ya Yesu kilishito mwana kwa Daudi, mwana kwa Ibulahimu.
\v 2 Ibulahimu kubele sake kwa Isaka, na Isaka sake kwa Yakobo, na Yakobo sake kwa Yuda na bashiwabo.
\v 3 Yuda kubele sabo kwa Peleshi na sela wa Tamali, Peleshi sake kwa Hezolini, na Hezolini sake kwa Lamu.
\v 4 Ramu kubele sabo kwa Aminadabo, Aminadabo sake kwa Nashoni, na Nashoni sake kwa Salomoni.
\v 5 Salmoni kubele sake kwa Boazi wa Rahabu, Boazi sake kwa Obedi wa lutu, Obedi sake kwa Yese,
\v 6 Yese kubele kwa olo Dauli. Dauli kubele sake kwa Sulemani wa m'machi kwa ulia.
\v 7 Sulemani kubele sake kwa Leheboamu, Leheboamu sake kwa Abiya, Abiya sake kwa Asi.
\v 8 Asa kubele sake kwa Yehoshafati, Yehoshafati sake kwa Yohamu, na Yohamu sake kwa Uzia.
\v 9 Uzia kubele sake kwa Yotamu, Yotamu sake kwa Azia, Azia sake kwa Hezekia.
\v 10 Hezekia kubele sake kwa Manase, Manase sake kwa Amoni na Amoni sake kwa Yosia.
\v 11 Yosia kubele sake kwa Yekonia na bashi wabo mengo uguhihwa bucha ukia babeli.
\p
\v 12 Hanyuma uwaswa ukia babeli, Yekonia kubele sake kwa Shatieli, Shatieli kubele sake kwa Zelubabeli.
\v 13 Zelubabeli sake kwa Abiudi, Abiudi sake kwa Eliakimu, Eliakimu sake kwa Azali.
\v 14 Azoli kubele sake kwa Sadoki, Sadoki sake kwa Akimu, Akimu sake kwa Eliudi.
\v 15 Eliudi kubele sake kwa Eliezeli, Eliezeli sake kwa Matani na Matani sake na Yakobo.
\v 16 Yakobo kubele sake kwa Yusufu mlume kwa Maliamu kuya mine kubushile Yesu kilishito.
\p
\v 17 Bibushi biose utula Ibulahimu mpaaka Daudi bibele bibushi umi na bina, uhuma Daudi mpaaka uwaswa ukia babeli bibushi umi na bina, na uhuma uwaswa na ukia babeli mpaaka kilishito bilongo umi na bina.
\p
\v 18 Ubuswa wa Yesu kilisto ubele bino. Mnake, Maliamu, kubele husindilwa na Yusufu, babele bashi namana, kumoneye kuishi na kumo lia uoma wa mtima kwa kuhaha.
\v 19 Mlumiake Yusufu, kubele mtu kine kushibendiche uummonya abule hululu. Kumonine kamlee wa bubisa.
\v 20 Kuli hulanga bibio yulu ya iyo ishito. Malaika ma mluume kuchile weli umalo, nukana, Yusufu mwana kwa Daudi, nangu uwa boba umkuhe Maliamu m'machobe yulu kumo lieli nalio ii lya uoma wa mtima kwa kuhaha.
\v 21 kubuta mwana kwa mlumiana wikita china liake Yesu, gee noo kubahonya batu bake na bubi bwabo.
\v 22 Bino byose bikiliye na uhuila biya byine bidokominywe na mlume waa ndila kia bibuli, noo ukana.
\v 23 Lola, msiha kwiswala kumo na ubuta mwana kwa mlumiana, na biikita china liake Immanueli,” mana kyake, “Abetcha hamwechi netu.”
\v 24 Yusufu kubyuile uhuma mtulo na uita biya biimsambile Malaika ma mlume byemsambila noo uukuha mmachake.
\v 25 Wabibio, kushilalile nake mpaka byeli bushile mwanake, na uukita china lyake Yesu.
\c 2
\cl Mbukwilo 2
\p
\v 1 Hanyuma ha ubuswa wa Yesu uya Betelehemu kya Bayuda masuku ma olo Herode, batu ba balikikye uhuma koo mlukulu bahiile Yelusalemu.
\v 2 Lili uhi Olo lya Bayahudi line lia buswa? tumonine ambala mbala agee mlukulu na beswe twachwa ukimanina.
\p
\v 3 Hahuliche olo Herode biya kunokeye mtima na ba yelusalemu bose hamwechi nagee.
\v 4 Helode noo uongola bibuli biose na ba-gochi ba batu, gee nuubabucha, “Kilisto kwibuswa uhee?”
\v 5 Bamsambile, Betelehemu kya Bayuda, bululi bibio noo bikolilwe na ibuli,
\v 6 Gokwe Betelehemu esee gya Bayuda ushi mcho mcho mtulombwe twa Ba Yuda, yulu wehuma obe uchwa mine ugwinamina bange ubausa batu banyi Isilaheli!
\p
\v 7 Bibyo Herode kubakishile baya ba lwengu wa bubisama na ubabucha ii mengo nahee hemoneye aya ambala mbala.
\v 8 Gee noo ubahila Betelehemu, nuukana, “kidakwe na bweenge umenga kuya mwana mine kubushilwe. Hamwimmona, mwachwe upa mwano na nene nakye upungila machwe”
\v 9 Hanyuma ha uumulicha olo, bagelelelee na lwendo lwabo, aya ambala mbala ababele humona mlukulu abalombwele na ukia ukimana hene habele mwana mpuswe.
\v 10 Habamonine ambala mbala, baseelele wa saso lyiata.
\v 11 Bakingile mndu na uummona mwana mine kubushilwe na Maliamu mnage. Bamkinamine na uubungila machwi. Basulile tuhwaba twabo boo noo uma bitundu nolo, buvumba, na aswenge.
\v 12 Abetcha Pungu oo nubasambila umalo bashikiwile wa Helode, bibio bakiwile ukya wabo mkinge ndila.
\p
\v 13 Hanyuma haboo ukia Malaika ma Mlume kumtobwele Yusufu uu malo na ukana, “kimana, ukuhe mwana na mnake msinine Misili. Mwashame ubu mpaka chuba liandiusambila, yulu Helode kulihubenja kahake mwana.
\v 14 Mpaka bubo busuku Yusufu kubywile na ukuha mwana na mnake noo usinina Misili.
\v 15 Kushamine uya mpaka biwile Helode. Iyo iwilile iya yine idokomine Mlume kudokomine uhitila eebule, “Uhuma Misili nimkishile mwananyi.”
\v 16 Hanyuma ha haho Helode kumonine kwabichiwa na balwengu, kushikililwe. Gee noo uhila mmano kwage kuhaka baana bose ba balumiana babele Betelehemu na bose ba mibamba bene babele na miaa kyopi na usala hasi ulamana na maya mengo kushibele mmane abisa uhuma ubaya batu babalikikie.
\v 17 Haho noo hawilile iya inywa ikaninwe na eebulee Yelemia,
\v 18 “Lidii lihulichiwe lama, lilo na mihungio kingi, Laeli kulilila bana bake, kuhaminye mmungio yulu bashiho iyaka.
\p
\v 19 Helode he hwile uwa, lola Malaika ma Mlume kumtobwele Yusufu u malo ubo Misili na ukana,
\v 20 “Kimana ukuhe mwana na mnake, na m'bekiwila msii kya Isilaeli yulu bene babele huenga mweko kwa mwana bahwile uwa.”
\v 21 Yusufu kukimene, kukuhile mwana na mnake, kuhiile msii kyia Isilaeli.
\p
\v 22 Helihuliche ukana Alikilao gwa hushama ubuholo bwa Ba Yuda ha nswe kwa sake Helode, kumonine boba ukyia ubo. Hanyuma ha Abetcha Pungu uumsambila uu malo, kukimene na ukia uu mkoba kwa Galilaya,
\v 23 Kukile ushama m'mbuka kilihukiswa Nazaleti. Iyo ii uwilicha iya yine ihuile ukanywa wa ndila kwa bambuwa, ukana kuikiswa Mnazaleti.
\c 3
\cl Mbukwilo 3
\p
\v 1 Maya masuku, kuhumine Yohana ichunji, gwita mbela lwamaganywa lwa bayahudi na ugana,
\v 2 Longiwe mitima bululi buolo bwahuchwa.
\v 3 Gugo noo gulisambilwe na ebuulee Isaya, ugana; Ledee lya mtu gulehuta mbela mlwanaganywaa. Hahachwe ndela gya Mlume galolwe mahitilo mage.
\p
\v 4 Nage Yohana kuchwalile maso ma ngamia na mchingo kwa ibambi mlubunda mwake biliwa byake bibele njike na bui bwa mbisoa.
\v 5 Mndi bagelelee Yelusalemu, Yuda kese, na ebaloo yose na byine bibele bichunguluwe Ludi Yolodani bakilile.
\v 6 Babele huchunjwa nagee mludi Yolodani na bali hulisamba bubi bwabo.
\p
\v 7 Heli bamonine Bamafalisayo na Basadukayo uchwa wake kabachunde, nuubasambila, Benywe ibushi ya ndowa, nanyi kuusambile usina buhuchi bwine bwicha?
\v 8 M'bute biguma bili huhwanana na mtima kwa unokea mnda.
\v 9 Nangu ulanga na udokomiana mmitima kyenyu, Twina setu Ibulahimu. Nihumsambila, Abetcha ina uoma wa ukinuina Ibulahimu mano mawe uba bana bake.
\v 10 Na temo lihuile ubiwa ha mashina ma miti. Wa bibyo mti kokose kushi huha bikuma bya bibenju kwikechwa na utelwa waahia.
\p
\v 11 Nihumchunda wa madi yulu ya mitima gwa unokeya mnda. Mine kwichwa hanyuma hanyi ii mmata wandi na nene nishilingie usula mikochi kia mikalabanda kyake. Gee kwimchunda wa Mtima kuhaha nawa ahia.
\v 12 Na luhe lwake luli mmaboo make na uhahacha abisa habuhulelo lwake na uongola ngano m'ma ahombo. Na kwichikia bihuhu mmahia ene ashi chima.
\p
\v 13 Hanyuma Yesu kuchuile uhuma Galilaya nukia mpaka u ludi Yolodani uchunjwa na Yohana.
\v 14 Haho Yohana kubendiche uumchibila na ukana “Neene nilingye uchunjwa na gogwe, na gogwe wachwa wandi?”
\v 15 Yesu kuumkaile na ukana, kitabicha bino abilo, yulu bili bindole uita kiine chose! Yohana noo ukitabicha.
\p
\v 16 Hanyuma ha umona kwahuchunjwa, Yesu ge no udabuwa mmadi, na umona kulu noo ubukulwila. Na kumonine mtima kwa Abeca pungu usala nahi akundulu, uchwa hekulu hake.
\v 17 Lula, lidii lihumine hekulu ukana, kuku ii mwananyi mmundwa kwanyi kwandi hubendechwa nake.
\c 4
\cl Mbukwilo 4
\p
\v 1 Hanyuma Yesu kulombwelwe na mteema ukia mkola bululi katonjwe na ihingili.
\v 2 Helihwile uhamba masuku maumi mana busuku na chuba gee noo umona ndala.
\v 3 Mtonji kuchwile nuukanina, Nambo kokwe wee mwana kwa Abetcha Pungu, sambila mano mawe mabe mikati.
\v 4 Yesu kukaile na ukanina, “Bikolilwe, mtu kushiba ya mikati ka, kubi wa kila inwa iihuma mmanywa aa Abetcha pungu”
\v 5 Ihingili kummilile mmbuka gwa kihaha na uu chinya hekuluu ha mwamba kwa hekalu,
\v 6 Na ukanina, nambo kokwe wee mwana kwa Abetcha Pungu, litele hasi, yulu bikolilwe, kwituma bamalaika bachwe uuswala, na biikuha mmaboo mabo, yulu ushi hyatale uu liwe.
\v 7 Yesu kuumsambile, “Ihyaka bibigoolwe, nangu uumtunda Mlume Abetcha Pungu gobe”
\v 8 Ihyaka ihingili noo ukuha na uumsecha mpaka loono lwa lulahu na uummonya buolo bose bwa hano ha mkala na biose byu ukema.
\v 9 Kuusambile, “niuha bitundu bino byose ubenginamina na umungila machwi.
\v 10 Yesu kumsambile, ubekya lobe huma hano, ihingili! Bululi bili bigolwe, ulingie uumbungila machwi Mlume Abetcha Pungu obe, na ukilila gee buchima bwake.
\v 11 Isula ihingili kuleile, noo umona bamalaika bachwile uumkilila.
\p
\v 12 Haho Yesu helehuliche Yohana kwawaswa, kukile lwake Galilaya.
\v 13 Kuhumine Naraleti kukile ushama Kapelenaumu, mbuka kili mibamba mwa ichiba ya Galilaya, u bisula bya mabuka ma Zabuloni na Nafutali.
\v 14 Bibio biitiye iwilile iya idokominywe na ebuulii Isaya.
\q
\v 15 Mbuuko kia Zabuloni na mbuuka kia Nafutali, ndeela gichiba, m'bwala mwa Yolodani, Galilaya gya ba ichichi ya bene bashihuwasha!
\q
\v 16 Batu bashamine mto bonomona mwenge lwata, na baya bashamine mmichulichuli ya lubu, mpaka mwenge lwabalamia.
\p
\v 17 Utula mengo Yesu kutulile mitambila noo ukana, Longiwe mitima, «bululee buholo bya hekulu bwahuhia>>.
\p
\v 18 Hebele huena mibamba mwa ichiba ya Galilaya, kumonine babuswa Petelo, na Andele mmulwake, babele huteka maila mmiichiba, yulu babele balobi ba swee.
\v 19 Yesu kubasambile, “chuuwe mndame, nibaita uba Balochi ba batu.”
\v 20 Hoka haya bashikile maila nabo na uulama.
\p
\v 21 Na Yesu hekile nakia uhuma haya kumonine bange babuswa babili, Yakobo mwana kwa Zebedayo, na Yohana mmulwake. Babele mnda bwato hamwechi na sabo Zebedayo bali hulongia maila mabo. Nuubakita,
\v 22 Wa abilo bashikile bwato na sabo nabo noo uumlama.
\p
\v 23 Yesu kuchunguluile alibu Galilaya liose, kubele hugikia mmihwilo mabo, na ulisamba mwano kwakubenju kwa buolo, na uhonya basumwa na bashi huliosha m'batu bose. Mwano kwake kuhulichiwe shamu gyose, na batu bamchilile na
\v 24 baya bose bene babele basumwa, bashihuliosha, bilema, ba mishi ba bifafa. Yesu kubahoninye.
\v 25 Batu bengi bamlamine, uhuma Galilaya, na Dekapoli na Yelusalemu na ubayahudi na uhuma m'bwala mwa Yolodani.
\c 5
\cl Mbukwilo 5
\p
\v 1 Yesu hemonine ihichi ya batu, kile ullono. Heshamine hase, bakikiwa bake bachwilile.
\v 2 Ukadula anywa ake, na ubakikya, ukana.
\q
\v 3 Luhanga ubambuchu ba mtima buolo bwa hekulu ii bwabo.
\q
\v 4 Luhanga uu bene bina konyu bululi bikilichiwa.
\q
\v 5 Luhanga u babahochu bululi bihiana ibalo.
\q
\v 6 Luhanga u bene bina ndala na yuma ya kine, bululi boo bikiushiwa.
\q
\v 7 Luhanga u bene bili huleelela nabo bileelelwa.
\q
\v 8 Luhanga u bene bina mitima kihaha boo bimona Abetcha Pungu.
\q
\v 9 Luhanga u bene bali ulungia batu bululi babo bikiswa bana ba Abetcha Pungu.
\q
\v 10 Luhanga u bene bali hususulwa yulu ya kine, bululi buolo bwa hekulu m'bwabo.
\q
\v 11 Luhanga wa mli bululi biimtuwa na ususula, na uudokomena binywa byose bya bibe na bya lulimi yulu yanyi.
\v 12 Seelelwa na ukuluakulua, bululi alambwe enyu ii ata hekulu ha gulu. Bibyo na byaba susule mbuwa babele hambele henyu.
\p
\v 13 Benywe muli minyu kwa mmibalo. Nambo minyu kwahudoka kwibiwa ii bululi kuloke? kushi na loka iyaka, kusili kwa utela na ukiatilwa na batu.
\v 14 Benywe muli lwenge wa ibalo. Mbuka kiakikubawe mloono kishibabisama.
\v 15 Ata batu bashibalamia yaa na ubiya msii mwa iangilo, ila isubiwa hekulu ha mlimba nao yibalamia bose bene bali mndu.
\v 16 Lewe lwenge lwetu lubalamie batu bose, bululi bamone bikilanywa byenu bisoka, bamtone senyiu nine kuli hekulu.
\p
\v 17 Nangu uwa mitima ukana nachwa ubela mpendo na bambuwa; Nangu, nishichwile ii yuchwa uwatilicha.
\v 18 Wa wiinene nilihuumsambila ukana gulu na sii byose byihita hasi mkolookumwechi au hi ichungu chungu ya hi mpendo hihunyiwa mi mpendo mpaka byose bikilie.
\v 19 Bibyo kekese mine kwi bela mmano kumwe kwa kucho na ubabikya batu bibio kwikiswa alela abisa m'buolo bwa hekulu, mtu kekese kwikila na ukikia, kuko kwikiswa mmosobu m'buolo kwa hekulu.
\v 20 Wa bibio nilihuumsambila kine kienyo kisahuuhita kine kya bakochina bafalisayo, mwinaita wii mushikingila m'buolo bwa hekulu.
\p
\v 21 Muhuliche bikaninywe alaa, “Nangu uhaka,” na kekese kwihaka kuli mmadali na hukumu!
\v 22 Na nihumsambile kekese kwionywa mshiwabokubi mmadali aa mpendo. Na mtu kabemonena mshiwabo mihio kwibiwa mlubunga; na mtu kabe mlapisha mshiwabo kwitelwa ubibiilya ahia.
\v 23 Nambo ulihulia utambikila ubeengelecha wina abachi na mshiwenyu,
\v 24 Lea lutangi mbele kwa butambikilo, ukiwile ukia uhulicha na mshiwenyu, noo ukiwila ukia uhana lutangi uu butambikilo.
\v 25 Hulichana na mkumanyi nobe abilo, wahubahamwechi nagee mndila, kuya mkumanyi nabo kashi uhieche mi machikwamilandi, na uhila ubasolokoto, gee noo utela mmihambo.
\v 26 Na bile bibio, nihusambila, usihumo mmo mpaka ulipe sengi kiisula.
\p
\v 27 Muhuliche iibikanywe “Nangu lusengu.”
\v 28 Nene nihumsambila kekese mine kwii mlola mmachana wa uum'benja, kwa huhwa ulala nake uumtima kwake.
\v 29 Liso liobe lilume libeulubia, lichule ulitele koo nobe; bilingie iungo yobe imwechi ya m'bile ikechwe uli m'bili kose kulelwe ubibii lya ahia.
\v 30 Na uboo wa ulume ube ulubia, ukede na uutela koo nobe, bilingie iungo yobe imwechi ichimine, uli m'bili kobe kukima kulelwe uubibii lya ahia.
\p
\v 31 Iyaka bikaninwe, mtu kualeana na mmachake, kamme mkanda;
\v 32 Na nene nihu ukana, mtu kekese kwishika mmachake, nambo yulu ya lusengu, kuita lusengu; na mtu kwahuukonda kuya kushikilwe, msengu.
\p
\v 33 Iyaka iibikanywe uu baya baala, nangu ulapa wa lulimi, ila muhile balapo menyu wa mlume.
\v 34 Nihumsambila, msilape ata hachoo, wa hekulu bululi noo bushamo bwa Abetcha Pungu;
\v 35 Na sii, bululi noo hesubiya makulu make, au Yelusalemu, mbuka kwa olo lya lyata.
\p
\v 36 Na nangu ulapa uu miswe kyobe, bululi ushinaosha uita luchuli lumwe lube luhaha na lunge luhisu.
\v 37 Binywa byenyu bibe ehe, ehe, na nangu, nangu.
\p
\v 38 Iyaka bikaninywe, liso wa liso, na lino wa lino.
\v 39 Nene namsambila, mshibe na mahinde na mtu m'bii; mtu kuhuhula tama lya ulume ukalulile na lia bululi.
\v 40 Mtu kwahubenja usapa kanjo liobe uume na uuma na ichibabo yobe.
\v 41 Mtu kekese kuilunga ukulu na nusu ukia makulu matatu.
\v 42 Kuisaba, mme, kwibenja ukopa nangu uumonya kunguu.
\p
\v 43 Mwahulicha byakanywa, m'benja m'benji nobe, mmonywe m'bii kobe.
\v 44 Nene nihumsambila, m'babenje babii benyu, m'basambile bene bali huuzi.
\v 45 Bululi m'be bana ba senyu kwa hekulu. Yulu gee kulihulamia juba liake uu babina basoka, na ubanyeshecha mbula kwake babii na basoka.
\v 46 Mwahubenja bene balihubabenja, alambwe nai hamwihewa? Batozaushuru bashibaita bibio?
\v 47 Mwahubatanya bashiwenyu kaa mwapata ii ushinda bange? Balangamsenge bashibaita bioka bibio.
\v 48 Wa bibio bilii hubenja m'be bawiliche, nahe senyu kwa hekulu bieli m'bwiliche.
\c 6
\cl Mbukwilo 6
\p
\v 1 Loolwe nangu ukila bihisho bya kiine umeso ma batu yulu ya ulimonya, bululi mlolwe nabo; m'beita bibio mushihewa alambwe na senyu kwa hekulu.
\v 2 Kokwe ubehana lutangi, nangu ukila asiba na ulitona koo mine nahi kwalububa umeso biabasuita ihwilo mabo na mndila, bululi batonywe na batu.
\v 3 Wee nene nihuumsambila, bahuhua uhewa alambwe abo. Kokwe holikia utangila, uboo wa uachi ushimane bile hukila oboo wa ulume;
\v 4 Lutangi lube lwa bubisa. Na sobe kusumona m'bubisha kwiiuha alambwe obe.
\p
\v 5 Mengo mamlihusaba, nangu uba nahi balububa umeso; basubenja usaba m'bakimanyu mmihwilo na mmasango na ndila, bululi bamonee na batu. Wii nene nihuumsambila, buhuhua huhewa alambwe abo.
\v 6 Gogwe hulisaba kingela iiyumba ya mnda, hamba mchango, saba wa sobe wa bubisa. Na sobe kusumona m'bubisa.
\v 7 Hene hobi husaba, nangu ugabua gabua nahi balangamsenge; boo balihulanga yulu ya binywa byabo bingi.
\v 8 Mshibe nahi boo, bululi senyu kukidi byamulihubenja hene hamshi na saba.
\v 9 Na benywe msabe bino; Setu kuli hekulu china liobe litonywe.
\q2
\v 10 Buolo bobe buchwe, utaka obe ukiliye hano mmibalo nahi ubo hekulu.
\q2
\v 11 Utuhe iliwa yetu ya masuku mose.
\q2
\v 12 Utuleelele bubi bwetu, nahi beswe tuli ubaleelela batu lubile.
\q2
\v 13 Ushituhile utonjwa, utuhengie na kuko m'mobu.
\p
\v 14 Nambo mwibaleelela batu bubi bwabo, senyu kwa hekulu kwi mleelela na benywe bubi bwenyu.
\v 15 Msahubaleelela batu bubi bwabo, senyu kushi mleelela bubi bwenyu.
\p
\v 16 Uu byose, ubesaba na uhamba, nangu umonya yenyi ya m'munji nahi ba lububa umeso bya bali huita, bali huhamba byenyi bululi batu bamane bahamba. Nihuumsambila bahuhua uhewa alambwe abo.
\v 17 Gokwe, ubehamba, ulishinye mauta mswe na ulikoke uyenyi.
\v 18 Bululi ushimonee u batu wahamba, na sobe kwa ububisa kwi uha m'bubisa.
\p
\v 19 Nangu ulibiila lindo hano hamkala, hali budi na kisii chilihudokya, uli beebi balihubela na ukiba.
\v 20 Wa bibio, ulibiile lindo hekulu, ushibadoka itu, budi na kisii na beebi bashibabela nuukiba;
\v 21 Wine uli lindo liobe noo ubi na mtima kobe.
\p
\v 22 Yaa ya m'bili ii liso, nambo liso lyipo, m'bili kwina lwenge.
\v 23 Liso lia huba libelebu, m'bili kobe kose iikukiluchu mdo. Bibio lwenge luine luli mnda mobe nambo iimdo, ati ii mdo!
\p
\v 24 Hashi mtu mine kunakilila balume babili, bululi kuionywa kumwechi na umbenja kunge, nambo bishi bibio kwihulicha na gugu na unenuna gugu. Ushi naosha ukilila Abeca pungu na bumona.
\p
\v 25 Wa bibio nihusambila, ushibe na maduba yulu ya mweko kobe, wiiya ii na wiinywa ii, ulamana na m'bili kobe, wichwala ii. Je! mweko kusahima iliwa na m'bili kusahimabisanjwa?
\v 26 Lulwe tunyonyi twa hekulu. Bashibauna na bashiba esa na usola na ubiya mtuhombo, senyu kwa hekulu kuli hutulisha. Je benywe ati kuumkidi uli tunonyi.
\v 27 Mnanyi yulu ya ukiganya kuna lilahia ichuli yake uboo umwechi?
\p
\v 28 Yulu ya ii mwina iduba bululi bwa bisanjwa? Laangwe yulu ya buluba bwa mmabala, bya mali humena, mashi huita mkilo, na bishihulichwia
\v 29 Bina nilihuumsambila, ata Sulemani buhaha bwake bose, kushi mchwiwe nahi buluba.
\v 30 Abetcha pungu byeli huchywa buluba bwa mmabala, buli lino na mmeshi ii yuutelwa hanohoka, kushishingwe uu chwia benywe, benywe ba buwasha bucho?
\v 31 Wa bibio mshiliangaishe nukana, twiiya ii? Twinywa ii? na twichwala ii?
\v 32 Bululi balanga msenge balihubienga bibio, yulu ya bibio senyu kwa hekulu kukidi muli huenga bibio.
\v 33 Wa bibio mwenge kwanja buolo bwake, na winene bwake, na bibio bose mwihewa. Nangu ulisusula bia mmeshi;
\v 34 Nangu ulisusula bia mmeshi; mmeshi kwili mana kwoo kwiine. kila lusuku lwina bulema bwake.
\c 7
\cl Mbukwilo 7
\p
\v 1 Ushibindelee, na kokwe ushichwe ubindelwa.
\v 2 Wa buhuchi boli huambilana, na kokwe wiambilwa. Lubada loli huhana noo lolihelwe bioka biya.
\v 3 Yulu yaai ulihulola ibandu ya ntee mliso lia mshiwenyu, ushi humona ihindi ya ntee ili mliso liobe?
\v 4 Wii msambila bihi mshiwenyu, peembee nuuhunye ibandu mliso liobe, na mndi mliso lyiobe muli ihindi ya mtee?
\v 5 Lububa umeso kokwe, tula uhunyaa ihindi ya ntee mliso liobe naa hulioosha uhunya ibandu mliso lia mshiwenyu.
\p
\v 6 Nangu uhaa awaa bya ugengeda, na nangu utelela ngulube bitu byuungema mbele kiabo, bashibikiatile na makulu mabo, chukaluile na uuchika.
\p
\v 7 Sabwe, nabenywe wiihewa, engwe, nabenywe mwimona; Okolwe, na benywe mwibukulilwa.
\v 8 Yulu kese kuli husaba kusuuhewa; na kese kulihuenga kusuumona; na kesu kusuokola kwibukulilwa.
\p
\v 9 Nanyi kwenyu, mwanake kwahuusaba nkate, kweema lewe?
\v 10 Ao kwahuusaba swee, kwima ndoa?
\v 11 Wa bibyio, benwe babi mgidii ubaha bana benyu bitundu bisoka, ati! Senyu kwa hekulu kwiima bitundu bya bibenju baya bene bali huumsaba?
\p
\v 12 Wa bibyio, wahubenja batu bwiitile bia bibenju, na kokwe ubaitile bioka bia; Yulu kikio noo mpendo na bibulee.
\p
\v 13 Gingilwe uhitila mchango kwa kuchokucho. Mchango kwata na ndila kiata kulihukwa uu lubu, batu bengi noo bali hukikila.
\v 14 Mchango kuchokucho, na ndila kichokicho kilihukyia umweko, na balihukimona ii bacho.
\p
\v 15 Lilolwe na bibuli bia lulimi, balihumchila ba chwala bibambi bya mioo, mnda ii luili lwa buhuchi.
\v 16 Wa biguma biabo mwibamana. Batu banahomba mizabibu uu mikwa, miti kia saa uu miti kia bululu?
\v 17 Wa bibyio, miti kibenju bikuma bibenju, na miti kibii bikuma bibii.
\v 18 Miti kibenju kushi naho bikuma bibii, na miti kubii uhaa bikuma bibenju.
\v 19 Mti kokose kushiha bikuma bibenju kwikechwa na utelwa waahyia.
\v 20 Wa bikuma biabo bimanyia.
\p
\v 21 Kushi kila mtu kwingita, mlume, mlume, kwikingila mbuolo bwa hekulu ii baya bali huita bilii hubenja tata kwa hekulu.
\v 22 Bengi biisambila liya chuba, mlume, mlume tushibuile wa china liobe, uhunya mnaka wa china liobe, wa china liobe tuitile bisaga byata?
\v 23 Na nene nibasambila hululu, humwe wanyi, nishibakidi, benywe bakichi ba bubi.
\p
\v 24 Kekese, mine kwihulicha binywa byanyi na ubikila kwilingilishiwa na mtu mine kwina malango kukuba ndu kwake hekulu ha liwe.
\v 25 Mbula kinyene, mmua koo nuuchwa, mnaka nuuchwa ulunga kikio ndu, kishikuile hasi, bululi kikubewe hekulu ha liwe.
\v 26 Mtu kekese kulihuhulicha inywa yanyi nanguukila, kwilingilichiwa na mtu mmuki kuhubaile ndu kwake uii isee.
\v 27 Mbula kinyene, mmua kuchuile, mnaka koo nuuchua ulunga kikio ndu. Na ugua wakio ubele ubii.
\p
\v 28 Machuile mengo Yesu hehuile udokoma, ihichiya batu baakakilwe na ukikia wake.
\v 29 Bululi kukikiche nahi mtu mine kuima uoma, nangu nahi mkochi kwabo.
\c 8
\cl Mbukwilo 8
\p
\v 1 Mengo masalile Yesu u loono, ihichi ya batu balamine.
\v 2 Kumwe iitu, kwa bushondo ku chuile na ukinamina, nuukana, Mlume, wahubenja upahache.
\p
\v 3 Yesu kukolole uboo wake noo umucha, nukana, nabenja, uhahale. Na bushondo bwake boo nuhahala.
\v 4 Yesu nuumsambila “ushisambile ntu kekese, ukyie lobe, ukyie ulimonya ubibuli, na uhana lutangi nahi bitakile Musa yulu ya bushuula wabo.”
\p
\v 5 Mengo mahiile Yesu Apelenaumu, eluumepambwa kuchuile wake.
\v 6 Nuukana, Mlume, mkichi kwanyi kwalala mndu na usumwa eelebee kulihutonga na kushi huosha.
\p
\v 7 Yesu kumsambele, Neechwa ummonya.
\p
\v 8 Elumepambwa kuugaile na ukana, “Mlume nene nishikukye gogwe ukingila mndu mwanyi, dokoma inywa tu mkichi kwanyi kwehona.
\v 9 Yulu na nene nii mtu kwa bigala, nihekulu ha basolokoto banyi. Nabekana wa kuku “ubekyia, nuukia, kunge, chuuno nake nuuchwa, na wa mkichi kwanyi, eeta bibio nabyio nueteya.”
\p
\v 10 Mengo mahuliche Yesu biya, kukakelwe na ubaganina baya bene babele humlama, “Wiinene nihumsambila nishi namona buwasha nahi buno m'Isilaeli.
\v 11 Nihumsambila, bengi bihuma mlukulu na mmanda, beshama na Ibulaimu webulu emwechi, na Isaka, na Yakobo, nda mwa buolo bwa hekulu.
\v 12 Bibio baana ba buolo betelwa iito kwa hambuka, ubii leelo na uleeya meno.
\v 13 Yesu gumsambile kuya Ilumepambwa, ubegia! bia wa huhua uwasha, na bikilie bibio olee. Mkichi kwake kuhonine nake maya mengo.
\p
\v 14 Hakile Yesu undu waba Pedelo, kumbangile mnake buoo na Pedelo ii msumwa na eehupu.
\v 15 Yesu noo umucha uboo, eehupu yage nuumuma. Kubiule na ubageleela.
\p
\v 16 Ha ihiile ikolo, bamletele basumwa mnake bengi, kubahuminye mnake wa inywa yake, na ubahonya bose bene bashibele huliosha.
\v 17 Wa bibyio biwilile bidokominywe na eebulee Isaya, «kee mine kukuhile buongo bwetu na kuswalile bisumi byetu>>.
\p
\v 18 Yesu helimonine ihichi bamchungulua, kubasambile badabuwe ukia mbwala mwa ichiba.
\v 19 Mkochi kumwe noo umchwila na umsambila, “Mkikia, undeche nuulame oose ulikyia.”
\p
\v 20 Yesu kumkaile, “Luili lwena bina, tunonyi twa hekulu twina biisa, mwana kwa Adamu kushi na hulacha mshwe kwake.”
\p
\v 21 Mkigiwa kunge kuumsambile, “Mlume, undee nakyie kwanja uchia tata.”
\p
\v 22 Yesu kumsambelee, “Ndame, ubaleye babu bachie babu babo.”
\p
\v 23 Yesu hehwile ukingila m'puato, bakikiwa bake bamlamine m'puato.
\v 24 Lolaka, hakimine mnaka kwingi mmiichiba, bwato alibu uchinda na mabimbi. Yesu kubele mtulo.
\v 25 Bakikiwa bamkilile na uubiula bamsambile, “Mlume utuhanye twee alibu na uwa!”
\p
\v 26 Yesu nuubakanina, “yulu ya ee mwina boba, benywe ba buwasha bucho? haho kee nuubiuwa na uambila mnaka kwa ichiba. Hanyuma hachwile longelelwe,
\v 27 Baya batu boo uumaa miswe na ukana, kuku ntu kwa namuna nai ata mnaga kwa ichiba kulee huumsina kee.
\p
\v 28 Mengo meechili lunge lubi lwa ibala ya ba keleshi, batu babili basumwa ba mishi basambene nakee. Babele huhuma utubuli na babele huita mdodo kwingi, na bahishi ba mmadila bashibele huosha uhita kiya ndila.
\v 29 Lola, wa ledee liata nuukana. “Tunai noobe, mwana kwa Abetcha Pungu? uchwile utususula mengo metu mashinahia?”
\v 30 Hebele ihichi ya ngulube koo nabo chili huleechiwa,
\v 31 Mihaa kyekabeele wa Yesu nukana. Ubetuhunya, tulee tukingile mmiiya ihichi ya ngulube.
\p
\v 32 Yesu kubasambilee, “Mpeekyia!” Miha kibahumine na ukingila ngulube. Eeya ihichi yose ya ngulube ikingilwe na keya miha na usala uhuma ulono na ulitela mmadee na uwila mmo.
\v 33 Bauushi basinine, bakile umbuka na ulisamba miano kyose, na mwano kwa batu ba miishi.
\v 34 Lola, mbuka kyose kikile usambana na Yesu, nabo habamonine, batu ibumbuu ino utuhumine mmipaka kyetu.
\c 9
\cl Mbukwilo 9
\p
\v 1 Yesu kuchinine mpuato, kukabule, kuhiile mbuka kwabo.
\v 2 Na boo bamletele mtu kwa ilebe mmipoyo. Helimonine buwasha bwabo, Yesu kumsambile kuya kwa ilebe, “Mwananyi lihe mtima kwata, waleelelwa bubi bobe.”
\p
\v 3 Bamwe bakochi ba mpendo bachikene aala bo wabo, “Kuno mtu kwa sebulula.”
\v 4 Yesu kumanine malanga mabo kee nukana. “Yesu kumanine malanga mabo kee nukana.” Yulu ya ii mlii hulanga bubi mmitema kienyu?
\v 5 Yii ihi noo ibenju ukana bubi bobe bwaleelelwa kimana ukie?
\v 6 Manywe ukana mwana kwa Adamu uoma wa uleelela bubi... “Kudokomine bibyo wa kuya kwa usumwa wa ilebe,” kimana, ukuhe ipoyo yobe, na ukie undu kiobe.”
\v 7 Haho kuya mtu kukimene na uhumena ukia undu kiobe.
\v 8 Ihichi ya batu habamonine bibio, bakakilwe na utona Abeca pungu, kubahele batu uoma wa bibio.
\p
\v 9 Yesu hebele huita uhuma ubo kumonine mtu kuchiye fashi kia ulisha mlambo, china liake Matayo, kumsambile undame. Kukimena na uulama.
\v 10 Yesu heshamine mndu uya iliwa, bulipisha mlambu bachwile bengi na batu babii balile hamwechi na Yesu na bakikiwa bake.
\p
\v 11 Bafalisayo habamonine bibio, basambile bakikiwa bake “Yulu ya ii mkikya kulihuya hamwechi na bulipisha mlambu na batu babee?”
\p
\v 12 Yesu helihuliche bibio, kukanine, “Batu bene bii poo bashi baenga n'ganga, msumwa noo kusuenga n'ganga.
\v 13 Wa bibio m'bekia ulikikia, nihubenja uleelela ushi utambikila, “Nichwile, ushi wa baya bine winene na ulongia mitema, nichuile yulu ya babi.
\p
\v 14 Bakikiwa ba Yohana bamchuilile na ukana, “Yulu ya ii beswe na bafalisayo tuli huhamba, na bakikiwa bobe bashi huhamba?”
\p
\v 15 Yesu kubasambile, bashindicha ba-buya banalila nabo bina mlume kwa buya? Masukumalihuchwa mlume kwa buya kwikuhua na ubashika, haho noo bitula uhamba.
\p
\v 16 Hashi mtu kusubiya ilaga ya isanjwa ya ihia wii ikamakama, ilaga ya ihia yikula isanjwa ya ala.
\v 17 Hashi batu babubiya mmena kwa saa mmibila ya ala, nambo bibiya, ibila yibelea, mmena kwikwsea na ibila ubelea, biwe mmena kwa kuhia mmibila ya ihia byose bibi sawa.
\p
\v 18 Mengo mabele hukana Yesu bibio, lola, mtu mmata kuchwile na uubungila machwi, kee nuumsambila, “Msiha kwanyi kwawa uchweuubiila uboo obe hekulu hake nakee kubipoo iyaka.
\v 19 Haho Yesu kukimene na ulamana nakee na bakikiwa bake.
\v 20 Lola, mmachana kubele na usumwa wa uhumwa na mashi miaa umi na kibili, kuchuile alibu na Yesu na uumuda uu pindo kia isanjwa yake.
\p
\v 21 Kudokomine mnda mtima. «Nahuuda tu pindo kia isanjwa yake nihona.
\p
\v 22 Yesu kukeluile na ulola na ukanina>>. Mmwa msiha, lihe mtima, buwasha bobe buuhonya, kumonine moka mamo
\v 23 Yesu hehiile undu kya mtu mmata, kubangile bakichii ba tusiba na bihonde bali hulila.
\v 24 Gee nubakanina, humwe, mmwamsiha kushi nawa, kwii mtulo. Boo noo uuseya sana.
\v 25 Baya batu habatobolilwe hambuka, nakee nuukingila ii yumba nuubwata uboo msiha noo ubiuwa.
\v 26 Kuno mwano noo umanyia mbuka kiose.
\p
\v 27 Yesu kubele huhuma haho, bihobu biopi biimlamine na uumta mabila bakanine, “Tuleelele mwana kwa Daudi.”
\v 28 Heli hule uhiya mndu, biya bihobu biopibikile welii, Yesu noo ubabucha muli bawashe ninaosha uita bibio? Bakitabuile, ehe, mlume.
\p
\v 29 Yesu kubachiche uu meso mabo, nuukana, Na bibe bibio ulamana na uwasha wenyu.
\v 30 Na meso mabo nubulua. Yesu kubasambile wa uoma, lolwe mtu ata kumwechi kashi mane.
\v 31 Mengo ma bakile, basambaleche mwano kwake ni miya ibalo yose.
\p
\v 32 Biya bihobu bilibele hukia, bamchwilile na mtu ameme na kwina mishi.
\v 33 Miha hakimmiimine kuya ameme kudokomine, mwalo kwa batu bakakilwe, bakanine, bishi nakilia ii m'Isilaeli mengo mo mose.
\p
\v 34 Bafalisayo bakanine, Wa uoma m'ma kwakwata kwahunya miha.
\p
\v 35 Yesu kukile mmabuka mose na mmikoba, kubele hukigia mmihwilo, ulisamba mwano kwa buolo, na uhonya basumwa ba mioga kiose na mioga kiose kia mbaba.
\v 36 Kulolile ihichi ya batu, kubatongelele, bululi babele baimu na usalia nahi miyoo kishi na mmushi.
\v 37 Noo helisambile bakikiwa bale, Bisolwa ii bingi basochi ii bacho.
\v 38 Bibio sabwe mlume kwa basolwa kahile basochi ii lubala lwake.
\c 10
\cl Mbukwilo 10
\p
\v 1 Yesu kubakishile bakikiwa bake umi na babili, nubaha mmano yulu ya miha, ukihunya, na uhonya basumwa bose na bisumi bia mioka kiose.
\v 2 Machina ma balami umi na babili noo mano. Kwa mtangi Simoni (kwihukiswa Petelo) na Andele mmulwake, Yakobo mwana kwa Zebedayo, na Yohana mmulwake:
\v 3 Filipo, na Batelemi; Tomaso, na Matayo kuulipisha mlambu, Yakobo mwana kwa Alufayo, na Tadeo,
\v 4 Simoni Mkananayo, na Yuda Isikalitote, mine kummanine (ukucha).
\p
\v 5 Banu umi na babili Yesu kubatumine. Nakee kubalakile, nuukana, mndala kia balangamsenge mushikie kio, na mabuka mose ma basamaria mushikingile.
\v 6 Ii bisoka kukie uu mio kichimine kia ndu kia Isilaeli.
\v 7 Hamwikia, lisambwe na ukana, buolo bwa hekulu bwahuhia.
\v 8 Muhonye basumwa, muchule babu, muhahache ba bushondo, chigwe miha. Mwahewa bunene, muhane bunene.
\v 9 Nangu uswala nolo, bitundu wala bumona. m'ndaha chenyu.
\v 10 Nangu uswala ndaha mlwendo lwenyu, wala bisanjwa bibili, wala mikalabanda, wala lubango; bululi mkichi kwa mkilo kulingie uhewa iliwa yake.
\v 11 Mbuka kio kiose, mkoba kokose kwamwikingila, muenge mnanyi mmo kulingie mtu kwa kine, shamwe wake mpaka chuba liamuhuma.
\v 12 Na benywe hamwikingila mndu mukitanye,
\v 13 Ndu kilingie talala kyenyu na kibe mmo, kiene kishilingie, talala kienyu mukie nakio.
\v 14 Ubaya bene bashimma alibu na uhulicha binywa bienyu, hamwihuma ii kia ndu au mbuka, muliukumune ihwili ya makulu menyu.
\v 15 Noo bibio nihumsambila bibi bihuhu mabuka ma Sodoma na Gomola nangu uhoda bihulo na ahia, uli kiya mbuka.
\p
\v 16 Lolwe, nene nihubahila nahi miyo hawingi ha mibwa-bwa; ilu m'be na bwenge naha ndoa na uhola nahi akundulu.
\v 17 Mpe meso na batu, bimmila usamba milandu na bii mmula mmihwilo mabo.
\v 18 Bii mmila ubata na umaolo yulu yanyi, uba mmonine wabo na batu.
\v 19 Haho hene habiimila usamba, nangu ulangalanga biamwidokoma, bululi saa kioka kiya mwihewa biudokoma.
\v 20 Yulu bashi benywe mwidokoma, ii mtima kwa senyu kwidokoma mnda mwenyu.
\v 21 Mtu kuikinwina msiwabo bululi kammake, na shibana kwihaka mwanake, na baana bihaka bibushi byabo, na ubasusula.
\v 22 Na benywe batu bose biimmonywa yulu ya china lianyi. Mine kwiliomenenya mpaka isula noo kwihona.
\v 23 Mengo mabimchingo mkigi mbuka, mwasinine mkinge; wii nene nihumsambila mushisinine mmabuka mose ma Isilaeli, na mwana kwa Adamu kusinakiwila.
\p
\v 24 Mkikiwa kushinahima mkikya kwake, na mcha kushinahima mlumiake.
\v 25 Nambo mkikiwa kuikinyua kubu nahi mkikia kwake, na mkichi nahi Mlumiake. Biabali huukita Mlume kwa ndu kya ehengili, ati bichili abisa baya ba mndu mwake ukinyua?
\p
\v 26 Wa bibyo, nangu ubasina, yulu hashi inywa yoyose yibisama, ishibiwa hululu; na ibishilue, yine ishimanyia.
\v 27 Biandimsambila benywe mnda mdo, mubidokome uu luenge; na biamuhulicha ububisa, mubidokome hekulu ha ndu.
\v 28 Nangu ubasina balihuhaka m'bili bashi na uoma wa uhaka mtima. Sinyue kuya mine kwina uoma wa uhaka m'bili na mtima na ubitela mmahia aa milumbu.
\v 29 Je, madiba mabili mashihukulua sengi kimwechi? ata limwechi lishinakua hasi senyu kushimmane;
\v 30 Na benywe, njuli cha miswe kienyu iichibalue chose.
\v 31 Nangu usena, benyue muli babenju ulimadiba mengi.
\v 32 Wa bibio kekese mine kwiinumbula uubatu, na niimlumbula hambele ha Tata kwa hekulu.
\v 33 Kese mine kuipanya umeso ma batu. Na nene nii mmanya uu meso na Tata kwa hekulu.
\p
\v 34 Langue ukana nichuile uleta talala mmibalo. Nishichuile uleta talala, ila ahilu.
\v 35 Nichuile uleta bubaka hawingi ha mwana na sake, msiha ukinuila mnake, na mwana buo ukinuila mnake buo.
\v 36 Babii ba mtu ii baya ba mndu mwake.
\v 37 Kuya kulihubenja sake au mnake uli nene kuko kushiningie. Na kulihubenja mmwalubaka au msiha ulinene kuko kushiniingie.
\v 38 Na mtu kushimsuale msalaba kwake na udokoma kushiniingie.
\v 39 Mine kwienga uhonya ichulichuli ya mweko kwake kuikuchiminya. Na mine kwichiminya mweko kwake yulu yanyi kwikuhewa.
\p
\v 40 Kekese kwiikita wake kwingita nene, kekese kwingita wake, kwamkita kuya miine kutumine nene.
\v 41 Kekese kwiiha mbuwa iliwa yulu m'mbuwa kwihewa ikinuna mkongo ya mbuwa, na kekese kwiiha mtu kwa kiine yulu ii mtu kiine kuko kwiihewa ikinuna mkongo ya mtu kwa kiine.
\v 42 Kekese kiiha kuimnyuisha kumwe hawingi ha tuno tulenge, isengo ya madi ma unywa ma peho, yulu kee ii mkikiwa, Nihumsambila hulu, kwihewa alambwe ake.
\c 11
\cl Mbukwilo 11
\p
\v 1 Yseu helihuile ubalaka bakikiwa bake umi na babile, kuhumine na ukia na kikia na ulisamba mwano mma buka mabo.
\p
\v 2 Na Yohana hehuliche ubo mmiihambo bikilile kilishitu, kuhilile bakikiwa bake, uubucha,
\v 3 Kokwe noo kuya kwiichua, au tuhembe kunge?
\p
\v 4 Yesu kubakaile nuubasambila «Kiwe uusambila Yohana biamli humona na biamli uhulicha.
\v 5 Bihobu bile umona, bitende bile hukiata, ba bushondo bali huhahachiwa, bihuli bile, babu bali huchulwa, na bambuchu bali husambilwa mwano kubenju.
\v 6 Luhanga uu kuya kushi hukonywa nene.
\p
\v 7 Na babo habahuile ukiwila wabo, Yesu kutulile ukana na ihichi ya batu mwano kwa Yohana, “Muchuile nuukia mlundu ulola ii?” Nyobu chibele hudikichwa na mnaka.
\v 8 Mukile umona ii? Mtu kwa mchwale bisanjwa bia bushee? Winene baya bene bali huchwala bisanjwa biabushe bushamo buabo ii mmadu ma maolo.
\v 9 Yulu ya ii mukile, umona mbuwa? ehe nihuumsambila ii mmata uli mbuwa.
\v 10 Yulu ya kuko bikolilwe, Lolwe natuma atambila anyi hambele ha meso mobe, kuilongia ndila hambele hobe.
\p
\v 11 Nene nihuusambila hululu bose bene babushilwe na mmachana, hashi mtu mmata nahi Yohana - Mchunji. Mine kuli alange m'buolo bwa hekulu mmata uli kee.
\v 12 Utula mengo ma Yohana-Mchunji nda na lino, buolo bwa hekulu buli huhewa bina uoma na bene bina uoma noo bikingila.
\v 13 Bululi bambuwa bose na m'bindo, babuile mpaka mengo ma Yohana.
\v 14 Nambo mulihubenja uwasha kee noo Eliya mine kwichwa.
\v 15 Mine kwina matu na kahuliche.
\p
\v 16 Na iilingilishe na ii ino ilongo? ii nahi bana balihushika ii soka, balihukita beenabo, nukana,
\v 17 Tumkobele bibiba mushi baine, na tubele na lilo mushililile.
\v 18 Yohana kuchuile kushi huya na kushi hunywa bati kwina mishi.
\v 19 Mwana kwa Adamu kuchwile kuli huya na kuli hunywa bakishile ii njii na kolwambi, kenda lia balipisha milambu na babii!” Na bunyemu bumanyiye wii nene mnda mikilo kyake.
\p
\v 20 Yesu kutulile ubaambila ba maya mabuka mene matikilile bisaka, yulu bashilogiche mitema,
\v 21 Luhanga lubii obe, kolazini, Luhanga lubi obe Betesaida! nambo bisaka bikilie wenyu bisuba ukilia Tilo na Sidoni, babalongia mitema ala na uchuala milembe na ulishinya m'to
\v 22 Ii bihuhu Tilo na Sidoni ukimana chuba lia buhuchi uli kokwe.
\v 23 Gokwe, apelenaumu, ulihulanga wikinunywa mpaka hekulu? Nangu wisachwa mpaka usinda. Nhi wa Sodoma wisuba ukilia bisaka biata, nahi bikilie obe, kiesuba nola na lino.
\v 24 Bino nihukana biesuba bihuhu mmibalo ya Sodoma ukimana chuba lia buhuchi ulikokwe.
\p
\v 25 Mamo mengo Yesu kukanine, “Nuutona kokwe Tata.” Mlume kwa kulu na sii, bululi ubabisile bino bihisho ba luengu na bamanyi na ubaunulila ba tulenge.
\v 26 Tata bibio noo biolibendiche uu meso mobe.
\p
\v 27 Kee nukana, Nahewa byose na tata, na mwana, kekese kwibenja mwanu um'pululila.
\v 28 Chuwe wanyi, benywe bose balihutonga na ulemenywa na michiko, mwilitucha wanyi.
\v 29 Lihambwe atambwa anyi na ulikikia wanyi, bululi nene nikwa chumbachumba na mmochu kwa mtima na wanyi mwihewa ulihocha wa echulichuli kwa mweko kwenyu.
\v 30 Yulu atambwa anyi ashi husuma na mchiko kwanyi ii kuhuhu.
\c 12
\cl Mbukwilo 12
\p
\v 1 Mamo mengo Yesu kuhishile mmabala chuba lia ulitucha. Bakikiwa bake babele na ndala batulile ukeda kusumbu lenge nuuya.
\v 2 Bafalisayo habamonine bibio, Basambile Yesu, “Lolaka bakikiwa bobe bahubela m'bindo bakila bishilingie,” ukila chuba lia ulitucha.”
\p
\v 3 Yesu kubasambile, Mushinasoma biishile Daudi, mengo mebele na ndala, hamwechi na batu bebele nabo?
\v 4 Bielikingile mndu kia Abetcha Pungu; kulile mikate kia umonya, kushibele lingie ukiya na baya bebele nabo, kibele kia bibuli ka.
\v 5 Mushi nasoma bili hukana m'bindo, chuba lia ulitucha bibuli bidokiche bia mlubunga, bashibalwe bubii?
\v 6 Nihuumsambila benywe mmosobu uli lubunga kuli hano.
\v 7 Nambo mwamana yulu ya bino binywa; nihubenja uleelela nangu lutangi; musaba babecha bene bashi na bubii.
\v 8 Yulu mwana kwa Adamu noo Mlume kwa ulitucha.
\p
\v 9 Kuhumine ubo, na ukingila ii mmihwilo lyabo.
\v 10 Lola, habele na kwa ilebe ya uboo. Bafalisayo bambuchiche Yesu, bakanine, Ile ibibenju uhonyia chuba lia ulitucha? bululi ba m'puate ubinywa.
\p
\v 11 Yesu kubasambile, “Nanyi hawingi henyu, mine kuina mmoo kumwechi, nako nuukua mmina chuba lia ulitucha, kushi nakudabula na ukuhonya?
\v 12 Mtu ati noo mmpenju uhita mmoo? Wa bibio bilingie uita bibenju chuba lia ulitucha.
\v 13 Hanyuma Yesu kumsambile kuya mtu, Kolola uboo obe kee nuukolola, oo nuuhona na uba nahii uya unge.
\v 14 Bafalisayo batoboile hambukla uhunga yulu ba mmake.
\p
\v 15 Yesu helimanine bibio kuhumine haho. Batu bengi bamlamine; kee nuubahonya bose.
\v 16 Kubahaninyie bashilisambe weli.
\v 17 Bululi iwilile inyua na mbua Isaya ukana,
\v 18 Lola, mkichi kwanyi kwandisobwele; kundwa kianyi, mtima kuanyi kumbendiche, na nibiya mtima kwanyi hekulu hake, Na kee kubasambile batu yulu ya mpendo.
\q
\v 19 Kushikamba na ulila, na kushihulichiwa lidi liake mndila.
\q
\v 20 Kushibela longe lia libelebu, kushilinoka lutambi luli hulama mii, gushikuchima na hene helichwa na mpendo kiihima.
\q
\v 21 China liake balangamsenge biliudakila.
\p
\v 22 Maya mengo bachuilile na mtu kwa miishi, bimbalaka, na ii ameme; kummoninye, na kuya ameme kudokomine na umona.
\v 23 Mwalo kose kukakilwe, bakanine kuku kushi mwana kwa Daudi?
\p
\v 24 Bafalisayo habahuliche, bakanine, kushihuhunya miha bunene, i wa eehengili mmata kwa miha.
\p
\v 25 Yesu halimanine malanga mabo, kubasambile, Buolo bulihukumana buo buine buisambalala; mbuka, ndu kia buimana kishikimana.
\v 26 Ihingili ibechiinga ehengili, yakumana yoo ine hahobuolo bwisalia bushikimana.
\v 27 Na nene nabehunya miha wa ehengili, Bibio! baana benyu basukihunya yulu ya nanyi? Wa bibio babo noo bene bii mpendela.
\v 28 Nambo nene nihuchiinga miha wa uoma wa mtima kwa Abeca Pungu, haho buolo bwa Abeca Pungu bwahuhua uuchuila.
\p
\v 29 Binaba wii mtu ukingila mndu kia mtu mine kwiina uoma na uswala bibia byake, nage kushinammamba mine kwiina uoma? haho kunabiswala bia bitundu byake.
\p
\v 30 Mine kushi hamwechi nanyi, kuli piukutula nanyi, na mine kushihuongola hamwechi nanyi kulihusala.
\p
\v 31 Wa bibio nilihumsambila, Bubi bose na binywa biose bia msebululo bileelelwa batu, ila wa usebulula mtima kushileelelwa.
\v 32 Na mtu kekese kwidokoma inywa yulu ya mwana kwa Adamu kwileelelwa, kuya mine kuidokoma inywa yulu ya mtema kuhaha kushileelelwa mmino ibabo ya lino ata mmiia yichua.
\p
\v 33 Mukuite mti kube kubenju na biguma byake bibe bibenju; bishi biya mukuite mti kube kubii na biguma biake bibe bibii, yulu ya biguma mti kulihumanywa.
\v 34 Benywe ibushi ya ndoa, benywe babi, munoosha wii udokoma bibenje, benywe babi? Bululi anywa a mtu asuudokoma bia bikiluchu mnda mtima kwake.
\v 35 Mtu msoga mmakiba abenju musuuhuma bibenju; na mtu m'bii mmakaba abii kusuuhunya bibee.
\v 36 Hano, nihumkanina, inywa yose ishi ibenju, yidokomwa na batu bose baebalo, kwibala byose chuba lya mpendo.
\v 37 Bululi wa binywa byobe wibalwa kiine na wa binywa biobe wii bendilwa.
\p
\v 38 Haho bamwe bakochi na Bafalisayo bamkaile, bakanine, Mkikia, tulihubenja tumone bisaka olii.
\p
\v 39 Kubakaile na, nuudokoma, ibushi ibii na ye lusengu ilihuenga bisaga, na ishihewa bisaka, nambobisaka bia mbua Yona.
\v 40 Nahi biya Yona biebele masuku matatu chuba na busuku mnda mwa swii, bioka bibio noo bibi Mwana kwa Adamu bieli masuku matatu chuba na busuku mnda mtima kwa sii.
\v 41 Batu ba Ninawi bikimana chuba lia bendela hamwechi na batu ba ino ibushi, bibabendela yulu ya bubi bwabo; boo balongiche mitema, wa mwano kwa Yona; Na hano hali mmata uli Yona.
\v 42 Mma-olo kuhumine ihindakala ya mmanda kwikimana chuba lya mpendo hamwechi na batu ba ino ibushi; nagee kuibabendela yulu balubile; bululi kee kuchuile uhuma isula ya ibalo kahuliche lwengu lua Suleimani, na hano hali mmata uli Suleimani.
\p
\v 43 Miha hakisuuhuma mtu, kisukia ushama hashi madi, kisuenga hulitucha, nangu uhamona.
\v 44 Haho nuudokoma, Nikiwila mndu kianyi kiandi humine; na kabechua, ukimona hululu, kihiakilwe, na uhahachwa
\v 45 Gee noo ukia abilo, ukuha kinge miha njwiikia kibii uli kee mine, nabo noo ukingila na ushama mmo; na kuko mtu mishaminyi kyake kya isula ii kibii wa kiya kia kwanja. Noo bibii wa ibushi ino ilii ibii.
\p
\v 46 Hebele hudokoma ihichi ya batu, lola mnake na bashiwabo babele bakimanyu hambuka, bali hubenja uudogoma nake.
\v 47 Kumwe mtu kumsambile “Lola, mnobe na bashiwenyu balihubenja badokome nobe.”
\p
\v 48 Kukaile, nuumsambila kuya kummele mwano, “Mago mnanyi? Na bashiwetu noo bananyi?”
\v 49 Kubakolwele bakikiwa bake uboo na ukana, Lolwe baba noo Mago na bashiwetu!
\v 50 Wa bibio kekese mine kwikila bili hubenja Tata kwa hekulu, kuko noo mshiwetu, kachanyi na Mago.
\c 13
\cl Mbukwilo 13
\p
\v 1 Mamo masuku Yesu kuhumine mndu nukia ushama umpeka kwa ichiba
\v 2 Ihichi yata beongoolene yulu uongea, kukingile m'bwato na ushama mnda mwa bwato. Ihichi yose ikimene umpeka kwa ichiba.
\v 3 Mamo mengo Yesu kudokomine binywa bingi wa ulingilisha. Lola mmunyi kukile uuna.
\v 4 Hebele huuna matete mamwe nailile mibamba ndila tunonyi tuchuile na uya.
\v 5 Mange matete mailile hekulu ha liwe, mashimapashile bitete, mamenine, yulu ya uhula bitete binaku;
\v 6 Hachuile chuba; yulu ya uhula michinga makumine.
\v 7 Mangee mailile uu miguaa; hamamenine mikwa kumatungilee;
\v 8 Mange mailile uu bitete bia binaku, mahelee tete limwechi sambi, limwechi maumi mtuba, limwechi maumi matatu.
\v 9 Kwa matu kahuliche.
\p
\v 10 Bakikiwa bachwile nuumkanina Yesu, yulu ya ii ulihudokoma nabo wa milingilisho?
\p
\v 11 Yesu kubakaile na udokoma, Benywe mwahewa umana lubisakulu lwa buolo bwa hekulu, boo basahewa umana.
\v 12 Kekese mine kwiina etu kwihewa, na ukiluchiwa bee, na kekese mine kushi na etu, kuisapwa na iya yeli nayo.
\v 13 Yulu ya bibio nihudokoma nabo wa milingilisho; bululi babelola basashimone, babehulicha bashihuuhucha na bashimana.
\v 14 Na inywa ya ebuli Isaya yahuwilila wabali ikanine, uhulicha mwihulicha wala mushimana. Ulola mwilola wala mushimona.
\p
\v 15 Bulule mitima kia bano batu kibele kishito, na wa matu mabo bashihuulicha bisoka, na meso mabo mowilee; bashichue umona wa meso mabo, bashihuliche wa matu mabo, bashimane mmitima kiabo, bashilubuluwe na uhona.
\p
\v 16 Bululi meso menyu mmahalwemihaa, yulu mamona, na matu menyu malihuhulicha.
\v 17 Wii nene nihusambila bibule bengi na batu ba kiine bubele hubenja umona bihisho biamuli, bashibabimone. Babele hubenja uhulicha bihicho biamuli huhulicha, bashibabihuliche.
\p
\v 18 Haho benywe hulichiwe mlingilicho kwa mmunyi.
\v 19 Mengo kekese heli hulicha inywa buolo nake nangu umana, noo ukana mmobu, kuachua na ukuha biuninyue mnda mtima kwake. Mamo noo matete mailile mibamba mwa ndila.
\v 20 Matete mene mailile hekulu ha liwe noo kuya kuhuliche mlandu na uwasha wa saso.
\v 21 Alakini kushi na michinga mnda mwake, kuli hushama wa mengo macho. Milangano na tususu tubechua yulu ya Yesu, noo ugua.
\v 22 Matete mailile m'mikwa, kuko ii kuya kuhuliche mlandu, Tuhonasongatwa na hano hamkala na ubichiwa na bitundu bili husonga kuya mlandu kushihe.
\v 23 Matete mauninyue uu bitete bia binaku, kuko noo kuhuliche mlandu na ukumana bisoka; kee noo kuhele bikuma, limwe tete sambi, linge tete maumi mtuba na linge tete maumi matatu.
\p
\v 24 Yesu kubahele kinge milingilisho. kukanine, Buolo bwa hekulu ibulingilishiwe na mtu kuunine matete mabenju mlubala lwake.
\v 25 Batu habalalile m'bii kwake kuchuile na uuna ikuku hapanga ha mpunga, kee nuu ukia.
\v 26 Hanyuma, mpunga numena hakuulile noo umonea na ikuku hamwechi.
\v 27 Bakichi banine lubala bachuile na umsambila, Mlume, ati unine matete ma mabenju mlubala lobe? ati mwamena na ikuku?
\p
\v 28 Gee nubasambila, m'bii noo kuunine bibio. Bakichi bamkanine, “ulihubenja tukie uichula?”
\p
\v 29 Mine na lubala kukanine, nangu, hamwichula igugi nunachula na mpunga.
\v 30 Mubilee byose mpaka mengo ma uesa. Mengo ma uesa nisambila baeshi, Mutule uchula ikuku na uihamba mibulu mibulu na uichikia, ongolue mpunga na ukubia mmaahombo anyi”
\v 31 Yesu kubasambile kunge mlingilisho. Kukanine, “Buolo bwa hekulu bulihulingilishiwa na tete lia mpumba mtu kuunine mlubala lwake.
\v 32 Nalio ii tete licho uli matete mose, liahumena, lisuchua goma liata uu ubiliwa, kusuchwa mti, atu tunonyi twa hekulu tusuchua na ushama uu matabi make.
\p
\v 33 Kubasambile kunge mlingilisho; Buolo bwa hekulu buli hulingilishiwa na mshimi, mmachana kuku kuhile na ukubiya mmbada chitatu cha busu, na busu bose buchuile alula.
\p
\v 34 Kikio milingilisho kyose Yesu kusambile ihichi ya batu. Kushibasumbile inyua, milingilisho kiokaa.
\v 35 Bululi ihuile inywa na mbua, kukanine, Nibubulula anywa anyi wa milingilisho, Biine bibishilue ala nibidokoma.
\p
\v 36 Yesu kee nulaka ihichi ya batu, nukia undu, bakikiwa bakilile na uusambila, tusambile mlingilisho kwa igugu ya mlubala kuli hukana ii.
\p
\v 37 Yesu kubasambile, Mmunyi kwa matete ma mabenju ii Mwana kwa Adamu.
\v 38 Lubala ii ino ibaloo; matete mabenju, babo ii bana ba buolo. Igugu ii bana ba kuya mmosobu, na m'bii mine kuunine ii ihingili.
\v 39 Uesa ii isula ya ino ibalo, na basochi ii ba malaika.
\v 40 Biya igugu yiongolwa na utelwa mmahia, bibio noo bibi isula ya ino ibaloo.
\v 41 Mwana kwa Adamu kuituma ba malaika bake, uongola bose m'buolo bwake bene bali huchikilicha na babi bose.
\v 42 Bitelwa bose m'bibilia, ubi lilo na busengi bua meno.
\v 43 Batu ba kiine bigema nahi chuba m'buolo bua Sabo, mine kiine matu na kahuliche.
\p
\v 44 Buolo bwa hekulu ii bulingishiwe na lindo lilili bisue mlubala; mtu helilimonine nuulibisa. Na yulu ya saso kukile abilo nuukucha byose biebele nabio, nuukia ukula luya lubala.
\p
\v 45 Buolo bwa hekulu ii bulingilishiwe na mmishi kwa busulu mmengii kwa biukengeda.
\v 46 Mengo melibimonine biya biukengeda, kukile nuukucha bibia biose biebele nabio nuukia ukula.
\p
\v 47 Buolo bwa hekulu ii bulingilishiwe na buila buli mnda ichiba, na uongola swii cha mioga kiose.
\v 48 Habukilulile, bakulile uumkala. Bashamine, hasi nusobola swii cha chibenju noo uchibia m'bitungu, cha chibee bachitelile koo.
\v 49 Bibi bibio isula ya ibalo. Bamalaika bichua ubabakula batu babii na batu ba kiine.
\v 50 Na ubatela mmiichiba ya ahia, ubo ubi lilo na busengi bwa meno.
\p
\v 51 Yesu kubabudiche, Mwamana bibio byose? Bakikiwa bamkaile, “Ehe.”
\p
\v 52 Hanyuma Yesu kubasambile, Wa bibyo mkikiwa kekese mine kuina luenyii lua buolo bwa hekulu kwa lingilishwa na minendu kuli huhana bibia bia bihia na bia ala m'lindo liake.
\p
\v 53 Hahuile Yesu kikio milingilisho, kuhumine na ulikila.
\v 54 Yesu hehiile mmibalo yake, kubakikiche msinagogi liabo, boo nukakilwa, nuukana, kuku kwahunya hii lulu luengu na bino bisaka.
\v 55 Kuku kusi mwana kwa mpachii? mnake ati kuli hukiswa Maliamu? na basiwabo noo Yakobo, na Yusufu, na Simoni na Yuda?
\v 56 Na bakachake tushi nabo hano hetu? kuno mtu bino biose kwabihunya uhii?
\p
\v 57 Bachikililwe nake. Yesu kubakanine, Mbua kushibahulwa uhewa bunyemu, kushibahewa bunyemu mmibalo yake, na mndu kiake kemine.
\v 58 Kushiitile bisaka biingi ubo, yulu boo bashimbwashiche.
\c 14
\cl Mbukwilo 14
\p
\v 1 Mamo mengo, Helode kuhuliche mwano kwa Yesu; kusambile bakichi bake.
\v 2 Gugu Yohana mchunji, kuachua uhuma uu babu, na wa bibio uno uoma ulihukila mkilo mnda mwake.
\p
\v 3 Mamo mengo Helode kusebele kwa huumamba Yohana mmiihambo, yulu ya Helodia, mmachi kwa Filipo mmuluake.
\v 4 Bululi Yohana kumsambile, bishi bisoka kokwe uba naake.
\v 5 Nagee hebendiche uumaka, kusinine batu, bululi bamonine Yohana uba mbua.
\p
\v 6 Hawilile lusuku lua ubuswa wa Helode, msiha kua Helodia kuinine uumeso ma batu, Helode kubendiche uina wake.
\v 7 Gee noo uukanina wa ulapa kwiima yoyose yelisaba.
\v 8 Nagee, kusonganywe na mnake, kukanine, upe hano mswe kua Yohana Mchunji mmiilego.
\v 9 Olo kuwile mtima, yulu ya ilapo yake na yulu ya baya bene babele huya biliwa hamwechi nake, kee nukana kahewe;
\v 10 Kutumine mtu, kee nuukeda Yohana mswe iya mmiihambo.
\v 11 Mswee kwa Yohana kuleshilwe mmilego, msiha kuhelwe; kukuhilile wii mnake.
\v 12 Hanyuma bakikiwa bake bachwile ukuha etumba na uchia, boo nousili ukia umsambila Yesu mwano.
\v 13 Yesu helihuliche bibyio, kulibakule nabo uhuma haya, kuchinine m'bwato nukia wene ushi batoo, umasiso. Ihichi ya batoo habahuliche, bamlamine wa makulu uhuma m'mbuka kiaabo.
\v 14 Yesu kuhumine, kumonine ihichi ya batu, kubamonene, kene, kubahoninye basumwa babo.
\p
\v 15 Ha ihile igolo, bakikiwa bake bamkilile nuukana, “Hano tuli mlundu, na mengo mahuhita basambile bakiwile umadu, bakie ulikulila biliwa.”
\p
\v 16 Yesu kubambilee, Bashikya wabo. Bahewe biliwa
\v 17 Bamsambilee, “Hano tule na mikati gitano na swii chibili ka.
\p
\v 18 Yesu kukanine, “Chuwe nakio.”
\v 19 Hanyuma Yesu kubasambile bashame ubiaanyi; kukuhile kiya mikate ketano na chiya swii kebele, kulolile hekulu, kuheleleche, kee noo unoka kiya mikate, kubahele bakikiwa, bakikiwa noo ubaha.
\v 20 Balile bose na ukyotaa. Baongwele bihendi biose bia mikate bene bishikele huya bikilule bitanga umi na bibele.
\v 21 Baya bene balile alebo batu mia na maumi mana nangu ubala baachana na baana.
\p
\v 22 Haho kusambile bakikiwa uchina m'bwato, na babangue udabua m'buala hambele hake, mengo mebele hulangana na eya ihichi ya batu.
\v 23 Heli huile ulakana na ihichi ya batu, kuselile uu luono wa bubisa, ukia usaba. Hamahiile mengo ma ekolo, kubele ubo kee buchima.
\v 24 Haliile buato m'buingi na ichiba, buato butulile utelwa na mabimbi yulu habele mnaka kwa alengule.
\v 25 Habuhiile busuku bwa umayayaa Yesu kuhiile wabali, kulihukiata na makulu hekulu ha maade.
\v 26 Bakikiwa habamonine kulihukiata hekulu ha ichiba, bakakelue, bakanine, ii ichulichuli, bakabuile wa boboa.
\v 27 Yesu kudokomine, nubasambela,” lihewe mtima mnee nangu usinyua.”
\p
\v 28 Pedelo kumkaile na ukana, Mlume nambo mkokue ungita nachue ubo oli hekulu ha madi.
\p
\v 29 Yesu kukanine “Ubechua.” Pedelo kusalile uhuma m'buato, kukiatile na makulu hekulu ha madi, ukia ulee Yesu.
\v 30 Pedelo helimonine mabimbi, kumonine booba, kutulile uchinda, kukabile, nuukana, “Mlume ponye.”
\p
\v 31 Yesu kukolole uboo wake, na upwaata, nuumsambila, kokwe kua buwasha bucho, yulu yaii wamona maduba?
\v 32 Habachimine m'buato bambungi machui, mnaka noo uleya.
\p
\v 33 Na bene babele mpwaato bambungile machweeo, bakanine we nene kokwe wee Mwana Abetcha Pungu.
\p
\v 34 Na habahuile udabuwa bahiile mmbalo ya Bageneza.
\v 35 Na batu ba iya ibaloo habammanine, batumine batu ukia mmabuka ma mibamba, bammilile bose bene bassinet huliosha.
\p
\v 36 Bamlililee bauche ata pendo lya ichwalaywaa yage kaa; na bose bene bemuchiche bahonine lose.
\c 15
\cl Mbukwilo 15
\p
\v 1 Bibio Bafalisayo na Bakochi bachuile wa Yesu uhuma Yelusalemu. Na uukana,
\v 2 Yulu ya ii bakikiwa bali hubela mihano kia bauulu, yulu ya ii bashihulisua maboo habali huya iliwa.
\p
\v 3 Yesu kubakaile na udokoma, na benywe ati nuli hubela m'bindo kwa Abeca Pungu yulu ya mihano kienyu?
\v 4 Yulu Abeca Pungu akanine, “Nyemia sobe na mnobe; mine kuitua sake au mnake uwa na kawe.
\p
\v 5 Benywe mwakana; Kuisambila sake au mnake, yoyose ilingie uwatilichiwe na nene ii ibakulue
\v 6 Wa bibio kushinyemia sake a mnake.
\v 7 Benywe ba Lububa umeso, ii bibenju bieli buile Isaya wa miano kienyu, kukanine,
\v 8 Bano batu bali huunyemia wa milomo; mitima kiabo kili koo nanyi.
\v 9 Nabo bali huutambikila maboo hululu. Bali hukikia lukikio, Ii alako a balanga batu baebalo.
\p
\v 10 Kukishile ihichi ya batu na ubasambila,
\v 11 Hulichiwe, maanywe, ishi iya ilihukingila mmanywa ili humkita badoku, ila iya yine iliihuhuma mmanywa noo yii mmita uba mdoku.
\p
\v 12 Bakikiwa bamkilile, na udokoma na Yesu, uhumana nambo Bafalisayo habahuliche iya inywa bachikililwa?
\v 13 Kubakaile, yose ishiuninywe na Tata kwa hekulu yiichulua.
\v 14 Balewe; babo ii tulombwe bihobu bia bihobu. Na ihobu ibe lombolela inge nake ihobobu, biose bibili byi kuila mmiina.
\p
\v 15 Pedelo kumkaile na uukanina, Tusambilekuko mlingilisho.
\p
\v 16 Yesu kudokomine, ata mano mengo na benywe mushinaba na lwenyi?
\v 17 Mushi na mana ukana biose biine bilihukingila mmanywa uhitila mnda, isutelwa uumtambo?
\v 18 Biose biine biliihuhuma mnanywe, bihuhuma mnda mwa mtima; nabio noo bili hummita mtu uba mdoku.
\v 19 Yulu mnda mwa mtima noo musuuhuma malanga mabii, uhaka, lusengu, masei, bweeba, udokomena lulimi, na misobo;
\v 20 Bibio, noo bili humita mtu udoka na uya hambele ha ulikoka maboo bishi huummita mtu uba mdoku.
\p
\v 21 Yesu kuhumine ubo, nuukia lubi lua Tilo na Sidoni.
\v 22 Lola, kumwe mmachana Mkananayo kua ulukumba kuchuile, kuumtele lubila nuukana, undeelele, Mlume, Mwana kwa Daudi; msiha kuanyi kuawaswa na miha.
\p
\v 23 Yesu kushimkaile atu. Bakikiwa bake, bamkilile na umsambila ukana, mleekalikile lwake, bululi kulihuita mdodo uu nyuma wetu.
\p
\v 24 Kukaile na udokoma, nishituminywe yulu ya miyoo kia nndu kia Isilaeli.
\p
\v 25 Nake kuchuile na umpungila machui, nukana, Mlume, umbwatiliche
\v 26 Kumkaile na udokoma, Bishi bisoka eelewa ya baana na wiitelela awa,
\v 27 Kumkaile, Ehe, Mlume, ata tuwa tusuuya biolocho bisuukwa ubulilo bwa balume babo.
\p
\v 28 Haho Yesu kumakaile na udokoma, Mako, buwasha bobe ii bwata; na bibe oli biolihubenja. Msiha kuake kuhonine moka maya mengo.
\p
\v 29 Yesu kuhumine uya, nukiya mibamba mwa ichiba ya Galilaya; kuchimine loono, kushamine ubo.
\v 30 Ihichi yata ya batu ikilile na uswalila, bitende, bihobu, tumeme, bilema, na bange beengi, bababiile uumakulu make kee nuubahonya.
\v 31 Na ihichi yose ikakilwe, habamonine tumeme, tuli hudokoma, bilema bisele poo, bitende bilehukiata, na bihobu bili humona; bamtonine Abeca Pungu a Isilaeli.
\p
\v 32 Yesu kubakishile bakikiwa bake na ukana. “Ihichi nihuimonena kene, masili masuku matatu bashama hamwechi nanyi, naba bashina biuwa; nishihubenja ubasambila kidakwe uumadu menyu, banachwa uwila mmadila.”
\p
\v 33 “Bakikiwa bake bakanine, tuimona hii mikati kia ulisha ino ibalo ya batu mno mkala, na ubakiusha bano bose?”
\v 34 “Yesu kubabudiche mwina mikati keenga? Bamsambile mikati njwii na swii chicho cha mianda kia bana.”
\p
\v 35 Kusambile ibalo manda ishame hasii.
\v 36 Kukuhile kiya mikati njwii na kia mianda, kuheleleche, na ubinoka, na ubaha bakikiwa bake, na bakikiwa bahele iya ibalo manda.
\v 37 Bose balile na ukyuuta; batolile bihindi byose biine bishikele huya bikilule bitanga njwii.
\v 38 Na balumiana bose bene balile babele mauki mana, nangu ubala baachana na baana.
\p
\v 39 Kee nuulakana na iya ibalo manda, kuchimine buato nukia lubi lwa Makedonia.
\c 16
\cl Mbukwilo 16
\p
\v 1 Bafalisayo na Basadukayo, bachuilile Yesu uumtonda, bamsambile kabamonye isaka ya uhuma hekulu.
\p
\v 2 Yesu kubakaile na ubasambila “Yahuba ikolo, benywe boti hali luenge yulu kulu ii likachichu.
\v 3 Na haluelo, benywe Hoti, Lino habi mnaka; yulu kulu lia biuwa likachichu, na matimba mali gulu liose. Benywe ba lububa umeso, mulihumana bisukiata mengo mose ma kulu; na isaka ya ala mushi na imana?”
\v 4 Ibushi ibii na ya Lusengu ilihubenja isaka; naba bashiihewa isaka, nambo isaka ya Yona. Noo ubashika na ulikila.
\p
\v 5 Nabo bakikiwa badabuile m'bwala, bakibilile mikati,
\v 6 Yesu kubasambile, Lolwe, m'be meso na mshimi kwa Bafalisayo na Basadukayo.
\p
\v 7 Babele na paa boo wa boo, bakanine. Ii yulu tusaswala mikati.
\p
\v 8 Yesu kumanine, kubasambile, paa ii kiyai benywe wa benywe, benywe ba buwasha bucho, yulu mushi na mikati?
\v 9 Bino mushihumana na uengelecha kiya mikati kitano ubatu mauki matano, na bitanga binga biongwelwe?
\v 10 Iyaka mikati njwii ubatu mauki mana, na bitanga binga biongwelwe?
\v 11 Biaba wii musamana ishi yulu ya mikati nabo huusambila? M'be meso na mshimi kwa Bafalisayo na Basadukayo.
\v 12 Haho noo habamanine ukana kushibasambile babe meso yulu ya mshimi kwa mikate, bibele yulu ya lukikio lwa Bafalisayo na Basadukayo.
\p
\v 13 Yesu kukile lubi lwa Kaisalia-Filipi, kubabudiche bakikiwa bake, batu bali hukana Mwana kwa Adamu ii nanyi?
\p
\v 14 Bakanine, bamwe balihukana uli Yohana Mchunji, bange uli Eliya, bange uli Ylemia, bange boti kumwe kwa mbua.
\p
\v 15 Kee noo ubabucha na benywe mulihunkana nene ni nanyi?
\p
\v 16 Simoni Pedelo kumkaile nuukana, kokwe noo Kilishito, Mwana kwa Abetcha Pungu alii mweko.
\p
\v 17 Yesu kumkaile na umsambila, Luhanga oli Simeoni-Bal-Yona; bululi mashi na nyama bisabululilwa ino, Tata kuli hekulu kubululila.
\v 18 Na nene nihusambila, kokwe wii Pedelo na hekulu ha liwe nikubaa lubunga luanyi. Na michango kia usinda kishilihima.
\v 19 Niuha kokwe ahongolo a buolo bwa hekulu. Yoyose yolohamba hano hasii yiihambwa hekulu, yoyose yolisula hano hasii isulwa na hekulu.
\v 20 Yesu kubahaninye bakikiwa bake bashisambile mtu kekese ukana kee noo kilisto.
\p
\v 21 Utula mamo mengo Yesu kutulile ubasambila bakikiwa bake ukana utaka ushiutaka kuikia Yelusalema na niususulwa asusu engi uu baulu na bataa ba bibuli, na bakochi, na uhakwa, na uchuwa lusuku lwa butatu.
\v 22 Pedelo kumkuhile, na utula um'becha, kukanine, Nangu, Mlume, ushiisua bibio.
\p
\v 23 Kee nuebua, kusambile Pedelo, “kiwila unyuma wanyi Ihingili; uli ibambacha wandi; bululi ushi luhanga bia Abeca Pungu, ulihutanga bia batu.
\p
\v 24 Mamo mengo Yesu kubasambile bakikiwa bake, mtu kekese kwibenja undama, kalihanye kee mine, na kalisuie msalaba kwake nundama.
\v 25 Bululi mtu mine kwibenja uhonya mtima kwake kwikuchiminya; na mtu mine kwichiminya mtima yulu yanyi, kwikuhonya.
\v 26 Mtu kubi na alambwe nai uba na ino ibalo yose na uchiminya mtima kwake? na mtu kunahanana hii yine inaba nahi mtima kwake.
\v 27 Yulu mwana kwa Adamu kuichwa na buhaha bua Sake hamwechi na bamalaika bake, haho noo helimma kila mtu ulamana na bikilanywa biake
\v 28 Bibe bibio, nihumsambila, hali batu bakimanyu hano, babi bashi naawa bimmona Mwana kwa Adamu uchwa mnda mwa buolo bwake.
\c 17
\cl Mbukwilo 17
\p
\v 1 Hanyuma ha masuku mtuba Yesu gukukile Pedelo, Yakobo na Yohana mshiwabo, kukile nabo uloono lwa lulahu wa bubisa.
\v 2 Gugaluile yenyi umeso mabo, na yenyi yake noo ugema nahi chuba, bichualaganywa bihahele nahi luenge.
\v 3 Loola, haha hachuile Musa na Eliya bali hudokoma nage.
\v 4 Pedelo kukaile na udokoma Yesu, “Mlume, ii bisoga beswe uba hano. Nambo wibenja, nakubae bitula - tula bitatu hano, imwechi yobe imwehi ya Musa na imwechi ya Eliya.
\p
\v 5 Mengo ma babele hudokoma timba lia lihaha libabile ihochu; lola lidi lihuichiwe uhuma ii lia timba likanine,” Gugu ii mwananyi m'muunjwa kuanyi kwandi hubenja, mu mmuliche gee.”
\v 6 “Bakikiwa habahuliche bibyo, bakuile mmachwi na umona booba.
\p
\v 7 Yesu kuchuile, ubaucha, nuukana, ginue nangu uwaa boba.”
\v 8 Bakinune meso mabo hekulu, bashimonine mtu, ila Yesu gee buchima.
\p
\v 9 Hababele husala uloona, Yesu kubalakile na ugana, nangu uumsambila mtu kekese bino bya mwamona, mpaka mwana kwa Adamu helichuwa uhuma ubabu.
\p
\v 10 Bakikiwa bake bambudiche, boonukana, yulu ya ii bakochi badokomine, ukana, bilingye Eliya uchuwa kwanja?
\p
\v 11 Yesu kugaile, nubakanina, winene Eliya kuichua kwanja, nage kuilongia byose.
\v 12 Nihumsambila Eliya kuhuile uchua, bashimanine na bammishile byose biababendiche. Mwana kwa Adamu nage byoka bibyo gwikya ususulwa wa bali.
\v 13 Haho bakikiwa bake nuengwa na umana kubele hulisamba mwano kwa Yohana mchunji.
\p
\v 14 Habahuile uhia wi ihichi ya batu, gumwe mtu kumchilile na umpungila machwi na ukana.
\v 15 Mlume umonene mwananyi kene yulu kusugua bimbalaga na ususua bibee; nyendo kusugua mmahia, na nyendo chingi mmadi.
\v 16 Nimleshile uu bakikiwa bobe bashioshiche uumonya.
\p
\v 17 Yesu gugaile na udokoma, benywe ibushi ishi na buwasha, na idakile, nishama nenyu mpaka hii? niimswala mpaka mengo naii? M'bechwa nagee wandi.
\v 18 Yesu kuambile mma, koo noo umuma, kuya mwalubaka kuhanine moka maya mengo.
\p
\v 19 Hanyuma baya bakikiwa bamkilile Yesu wa menjwa badokomine. Yulu ya iibeswe tushioshiche ukuhunya?
\p
\v 20 Yesu gubasambile, yulu ya buwasha bwenyu buchoo. Wa wiinene nihumsambila, mwuhuba na buwasha nahi tete lya haladali mwilusambila lulu loono, huma hano ukie uya; nalo lwihuma; na hashibi inywa yamshiosha benywe ukila.
\v 21 [Na ino ishi huhuma bunene ushuuba wa usaba na uhamba.]
\p
\v 22 Mengo ma babehe hushama Galilaya, Yesu kubasambilem, mwana kwa Adamu kulihukya ubiwa mmaboo ma batu, nabo bemmaga, na lusuku lwa butatu kii chuwa uhuma usinda.
\v 23 Bakikiwa basonoile.
\p
\v 24 Habahiile Apelenaumu, baya bulipisha milambu kwa iba ya sengi, bamkilile Pedelo na umpucha, “Mkikiwa gwenyu kusulipa mlambu kwa ibaya sengi? Pendelo kuganine kusulipa.
\v 25 Nagee hegingile mnduu Yesu kutulile um'bucha, gukanine, wamona wii, simoni? Maolo ma ino ibaloo basulipisha mlambu na mbuli kia batu naii, uu buna babo au ubagenyi?
\p
\v 26 Nagee hodokomine, wa bagenyi, Yesu kumsambile, Nambo noo bibyo bana babo balina buhulu.
\v 27 Nishi hubenja tubanoke mitima, ugie wiichiba utele bugela, swii kioliloba kitangi holibulula mmanywa age wimana shekeli. Uchikuhe chicho ukie nacho ulipa mlambu kwanyi na gobe.
\c 18
\cl Mbukwilo 18
\p
\v 1 Maya mengo bakikiwa baikilile Yesu na umsambila, “Mnanyi mmosobu m'buolo bwa hekulu?”
\p
\v 2 Yesu kugitile mwana gumwechi, na ukimiya hawingi habo.
\v 3 Gee nukana “Winene nihusambila musahuguloa mitima nahi baana, mushigingila ata m'buolo bwa Abetcha Pungu hekulu.
\v 4 Bibyo gegese mine kwilisacha nahi gugu mwana, gugo noo mmosobu m'bwolo bwa hekulu.
\v 5 na gegese mine kwigingicha mwana nahi gugu wa china lianyi, kwa ngigicha nene.
\p
\v 6 Gegese mine kwilubya kumwe mwana nahi baba balihumbwasha, iibibenju kahambwe liwe lya uhelela m'oshi, na utelwa m'benga lya ichiba.
\v 7 Luhanga lubi u batu bammebalo wa mishaminyi kya ulubya! Bululi kyichwa tu mishaminyikia ulubia; luhanga lubi wage mine kuileta mshaminyi kwa ulubya!
\v 8 Nambo uboo ube nambo ii ugulu obe ube ulubia, uukede, uutele koo nobe, ii bibenju ukingila m'mweko ushina uboo au ugulu, uli gogwe na maboo mabili na magulu mabili na utelua mmahia a milumbu.
\v 9 Na liso liobe libeulubia, lichule ulitele koo nobe; ii bibenju ugingila m'mweko na liso limwechi, uli uba na meso mabili, na utelwa m'bibi lya ahia.
\p
\v 10 Lolwe nangu mtu kuilengia kumwe kwa bano batulenge; yulu nihumsambila hululu bamalaika baba hekulu masukumose balihulola yenyi ya tata kwa hekulu.
\v 11 Yulu mwana kwa Adamu guchwile uihonya iya ibele ichiminyu.
\v 12 Mulihumona wii? mtu kwahuba na mioo sambi, kumwechi kwahuumshimina, kushinashiga gya maumi yahabula na yahabula na ugya ikono, ugya naenga kuya kuine kuchimine?
\v 13 Na kwa hummona, winene nihumsambila, kuimseelela ulikia maumi yahabula na yahabula kisaba kichiminyu.
\v 14 Bibyo senyu kwa hekulu kushihubenja kumwe kwa bano ba tulenge uchimina.
\p
\v 15 “Msiwenyu kwahulubila, ukye umlangu lula, gogwe na gee benywe bopi, gabeuhulicha, wampata mshiwenyu.
\v 16 Nangu, nambo kusahuhulicha, gita kunge kumwechi ata bopi, bululi utunywa tua bamonyi bopi au batatu binywa byose bibe hululu.
\v 17 Kusahubahulicha babo, usambile lubunge, na kusahuhulicha lubunga nalo, um'bale nahi mlubi na kulipisha mbuli.
\v 18 Bibe bibyo, nihumsambila, yoyose yineya mwihamba mmgino sii yihambwa na hekulu na yoyose yamwisula mgino sii yisulwa nahekulu.
\v 19 Iyaka nihumsambila, uba bopi benyu bihulichana usaba mmino ibalo yulu ya ikilakanywa yose biitilwa na senyu kuli hekulu.
\v 20 Hene hali bopi batatu babesambana yulu ya china lianyi, na nene nili haka haho hamwechi nabo.
\p
\v 21 Pedelo kuchwile wa Yesu na um'bucha, “Mlume, mshiwetu kunandubila nyendo chinga na mleelele? ata nyendo njwii?
\p
\v 22 Yesu kumsambile, nishihusammbila nyendo njwii, ii njwii nyendo maumi njwii.
\v 23 Wa bibyo buolo bwa hekulu bulihulingilishiwa na limwe olo libendiche ubala bacha bage.
\v 24 heyulile ubala, bamchilile na mcha gumwe mine kwebele hulipishwa talanta ukii umi.
\v 25 Gugo kuhulile chulipa, mlumiake kukanine gakuchiwe, gee, mmachake na bana bake na bibya byose bieli nabyo, galipwe butunga.
\v 26 Guya mcha kuguile na umpungila machwi, nuukana, mlume, upembe, niulipa byose.
\v 27 Bibyo mlume kwa kuya mcha, kumwene kene, kumsulile, kumleelele liya deni.
\v 28 Wa ugakicha kuya mcha kukile na umona kunge mcha nage, kubele na deni liake lya dinari sambi; kum'pyashile hammino, nuumkanina ndipe chose choli nacho.
\p
\v 29 Kuya mchanage kum'bembeleche, nuumkanina, upembe, niulipa chose.
\v 30 Gushimmliche kum'pyashile na umambia na umtela mmihambo, mpaka helilipa liya deni.
\v 31 Baya bange bachanage habamonine bine bikiliye, bachikililwe abisa, bakile na uumsambila mlumiabo byose bikiliye uya.
\p
\v 32 Haho guya mlume kwa kuya mcha kumkishile naukanina, gogwe mcha m'bii, niuleelele gogwe liya deni hulitendelele.
\v 33 Na gogue wii, bisaba liniye umleelela mcha nobe, nahi biandiuleelele gogue?
\v 34 Mlumiake kuchikililwe, na umila uu basusuchi, na bielilipa liya deni lyose.
\v 35 Bibyo no bibi uli tata kwa hekulu byelimkila benwe, musahubaleelela wa mitima gienyu kila itu na mshiwabo.
\c 19
\cl Mbukwilo 19
\p
\v 1 Hanyuma ha haho, Yesu hehwile otokoma bibyo binwa, kuhumine Galilaya kuwile ulugumba lwa Bayahudi, m'bwala mwa Yolodani.
\v 2 Ibalo manda iilamine, kubaminye ubo.
\p
\v 3 Haho Bafalisayo bamkilile, na uumsambila, bili hululu mtu uleena na mmachake wa kila ibalo?
\p
\v 4 kwekaile, na obakanina, mikolo atikilihugana uya u abutililo gee m'bumbi, gubumbile, mlumiana na mmachana.
\v 5 Guganine, yulu ya bibyo mtu kuileena na sage na mnage na uumbatilana na mmachake; babo bopii babe mpili kumwechi?
\v 6 Na babi bashi bopi iyaka, babi mpili kumwechi bibyo balungilwe na Abetcha Pungu, mtu kashibasambule.
\p
\v 7 Bamsambile, “Yulu yai Musa kukonine, umma mkanda kwa uleana na umlea?”
\p
\v 8 Gubasambile, “Yulu ya ugumagala wa mitima gienyu Musa gumsambile muleane na baachi benyu, na bishibele bibyo abutililo.
\v 9 Na nene nihumganina benywe, mtugegese kuikana na mmachage, nambo yulu ya lusengu, na ugondaa kunge, kuita masei, na guya mine kwimgonda kuita masei.
\p
\v 10 Bakikiwa bake bamsambile, “nambo bili bibyo wa mlume na mmachi, mndi nangu ugondaa.”
\p
\v 11 Yesu kubasammbile, “Bashi bose banaosha uhulicha lulo ligigyo, baya tu babasobolwe.
\v 12 Yulu ulibabotilwe batowashi utula mnda mwa ba mnago: na ulibene batowashi bwiswa na batu babe batowashi, iyaka ulibatowashi ba uliita uba batowashi yulu ya wolo bwa hekulu, kuiosha osha uhulisha lugigyo lulo na kaluhuliche.
\p
\v 13 Bachwilile na baana batulenge bululi bababiile maboo hekulu habo na ubasabila, bakikiwa bake batulile ubaambila.
\v 14 Yesu kubasambile, balewe baana ba tulenge bachwe wandi, nangu ubachibila, bululi bene balihu lingilishwa na babo, bwolo bwa hekulu ii bwabo.
\v 15 Gubiile maboo make hekulu habo, na uhuma uya.
\p
\v 16 Na lola gumwe mtu kumkilile Yesu nukanina, mkikya na k ile ihisho naiya ibenju, bululi na hewe mwego gwa milumbu?
\p
\v 17 Yesu kumgaile, bululi bwa ii umbucha mwano gwa ubenja? uli mtu gumwechi m'benju. ubebenju ugingila m'mwego, ukile m'bindo.
\p
\v 18 Gumsambile gihi?
\p Yesu kuganine, iigino ushihage, lusengu, ushigibe, nangu udokoma lulimi.
\v 19 Banyemiye sobe na mmobe, mmunde m'binji nobe nahi mtima kobe.
\p
\v 20 Guya mmwalubaga kumganine bibyo byose nisugila nishibakile ii iyaka?
\p
\v 21 Yesu kumsambile, wahubenja uba minene, ukiye ugucha bioli na byo byose, ubahe bambuchu, na gogwe walibiila lindo hekulu, noo uchwe undame.
\v 22 Guya mmwalubaga helihuliche iyo inywa, gee nukia gwamchikililwe; bululi kubele na bumona bwingi.
\p
\v 23 Yesu kubasambile bakikiwa bake, bibyo nihumsambila bibi bigumu wa mona ukingila m'bwolo bwa hekulu.
\v 24 Nihumsambila iyaka, ii bihuhu abisa ngomia uhita mnda hundu lya lushinge, uli mona ugingila ii m'bwolo bwa Abetcha Pungu.
\p
\v 25 Bakikiwa habahuliche, bagagilwe bakanine, ii nanyi kwihona?
\p
\v 26 Yesu kubalolile meso, hubakanina, ubalanga msenge iyo ishinagiliya, wa Abetcha Pungu byose biihugiliya.
\p
\v 27 Pedelo no ugana, naudogoma, lola beswe tushikile byose na uulama; tubi na ii na twihewa ii?
\p
\v 28 Yesu kumsambile, bibyo nihumsambila, ukana benywe bene mundamine nene, mda ibalo iyia himonea mwama kwa Adamu helishama wii isuba yage ya ihaha, na benywe mwishama ubisuba umina biopi, na ubihukumu bilango umina biopi bya isilaeli.
\v 29 Kekese mine kushikile ndu, bashiwabo ba balumiana na ba baachana, sage, mnage, baana bage na lubala yulu ya china lianyi, kwihewa nyendo sambi, na uhiana mwego gwa milumbu.
\p
\v 30 Itu ya ulola bali batangi beai ba isula na ba isula beba batangi.
\c 20
\cl Mbukwilo 20
\p
\v 1 “Buolo bwa hekulu bualingilishiwa na mine na m'nduu, kubyuile haluelo na ukia uenga balimi kubahile ulubala lwake lwa mizabibu.
\v 2 Nake hehwile uhulichana na balimi ubaha dinati limwe mpaaka ikolo kubahilile mlubala lwage lwa mizabibu.
\v 3 Mengo na bihindi bitatu bya chuba, kumonine bange bali hugimana usogo bashina mgilo.
\v 4 Babo nabo kubasambile kiwe na benywe ulubala lwanyi lwa mizabibu, niima bumona bwenyu, boo nukia.
\v 5 Gugile ii kunyia meno na lia mengo kubasambila bioka biya.
\v 6 Bihindi umi na imwechibia igolo gugile iyaka kubangile bange bakimana, gubasambile mwakinana wii hano chuba lyose ushi na mkilo?
\p
\v 7 Bamsambile, yulu tushi na mtukutuha mkilo. kubasambile, kiwe na benywe ulubala lwanyi lwa mizabibu.
\p
\v 8 Hasalile chuba, guya mine na lubala kusambile mkimenyi kwake, bakile balimi, ubahe bya bakilila utule gwa isula wahiye uu mine gwa tula.
\v 9 Habachwile baya ba bihindi umi na imwechi bahelwe kila mtu dinari.
\v 10 Baya batangi habachwile, balangile behewa cha uhima, na babo nabo bahelwe kila mtu dinari.
\v 11 Habahwile uhewa, batulile ununila mine lubala.
\p
\v 12 Bakanine, babo ba isula bakila ihindi imwechi ya chuba na gogwe wabaha nali beswe bene bachiga na chuba utula luelo mpaaka ikolo.
\p
\v 13 Nake gugaile gumwe gwabo, numkanina, gende nisuukiba; usahulichana nanyi dinari limwechi?
\v 14 Guha bibyo, ulikile nabenja uuma gugu kwisula nahe kokwe.
\p
\v 15 Ii bisogo wanyi uwita na bianyi biandi hubenja? Bululi bwa ii liso liobe lina buwa yulu nene nihukila bisoka?
\v 16 Wa bibyo ba isula babi batangi na batangi babi ba isula.
\p
\v 17 Yesu hebele husela ukya Yelusalemu, kukuhile bakikiwa bage umina na bopi menjwa, na mndila kubasambile.
\v 18 Buulolwa tusili husela ukya Yelusalemu. bibyo mwana kwa Adamu kuibiwa mmaboo na baulu ba bibuli na bakochi; bimmukumu gawe.
\v 19 Na bimmila uba mioga ba mnenune, bammule sungulo, na umsusula na lusugu lwa batatu gwichua.
\p
\v 20 Hanyuma mnabo kwa bana ba Zebedeyo gumkilile Yesu hamwechi na bana bage, gumkinamine, na uumsaba inywa.
\v 21 Gumsambile, ulihubenja ii? gumgaile, ulage bano banyi babili bashame kumwe uboo obe za ulume na kunge uboo obe wa uwachi m'buolo bobe.
\p
\v 22 Yesu gumgaile, nudogoma, mshikidi bya muli husaba. mwiosho unywa isengo yandinywa nene? Bamgaile, twiosha.
\p
\v 23 Kusambile, winene mwinywa isengo yanyi yulu ya ushama uboo wanyi wa ulume na uboo wanyi wa uwachi, nishi na yubakanina, bihewa baya bene bahwile ubiilwa ala.
\p
\v 24 Na baya bange umi habahuliche bibyo, bachikilwe yulu ya ashiwabo bopi.
\v 25 Yesu kubakitile, gukanine, mushikidi ukana baulu ba mioga basumtawala wa uoma na bata babo balihumkicha.
\v 26 Na bishibi bibyo wa mli, mtu kekese kweibenja uba mmosobu mmiihichi yenyu na kabe mtu kwa uumkilila.
\v 27 Mtu kekese kulihubenja uba kwa mtangi kwenyu na kabe mcha kwenyu.
\v 28 biokabiya mwana kwa Adamu bieshichwile ukiliwa, yulu ya ukila, na uhana mtima kwake bulule ba uhonya batu bengi.
\p
\v 29 Hababele huhuma Yeliko ihichi yata bamlamine.
\v 30 Mndi, bihobu bibele bishame habamba ha ndila abahuliche ukana Yesu gulihuhita, a lidimbila bakanine, mlume mwana kwa Daudi tuleelele!
\v 31 Iya ihichi ibaambile, bashame pii. Boo bakililile utambila, bakanine, mlume mwana kwa Daudi tuleelele!
\p
\v 32 Yesu gugimene, naubakita, nukana mulihubenja nabaitile ii?
\v 33 Bamsambile, mlume tulihubenja meso metu mabululwe.
\v 34 Yesu gubamonene kene, gubaudile meso mabo, nabo nuumona, na umlama.
\c 21
\cl Mbukwilo 21
\p
\v 1 Babele alibu na uhia Yelusalemu, na uhia Batefage, uu loono lwa Mizetuni, haho Yesu gutumine bakikiwa bake bopi, kubasambile.
\v 2 Kiwe mmbuka kili hambele, mwimona maana punda m'mambwe na mwana gee hamwechi nage, chisulwe mungile nacho.
\v 3 Nambo mtu kwiimsambila inywa, alokoomwe, mlume kwinacho mkilo, na bibyo kwichilecha mchwe nacho.
\p
\v 4 Bibyo byose bibele yulu ya ihuile inywa idogominywe na mbuo, ukana,
\v 5 Sambilwe msiha Sayuni, lola, olo liobe lilihuchwa obe, mmochu, nage kwachina punda, na mwaana nagee, bubele bwa punda.
\p
\v 6 Baya bakikiwa bakile, na uwita biya bya Yesu kubasambile.
\v 7 Baleshile punda namwana punda, bagandile bisanjwa hekulu hacho, nage kushamine hekulu hakio.
\v 8 Batu bengi ii mmia ihichi bakandile ngubo chabo undila, bange na matabe ma mite.
\v 9 Ihichi ibele hambele na iya ibele hanyuma wa lidimbila, bakanine, “Hosana, mwana kwa Daudi, noo mmlelechiwa, gee kwichua wa jina lya mlume; Hosana hekulu ha gulu.”
\p
\v 10 Na helikingile Yelusalemu, mbuga kyose kikakilwe na ukana, “Guno ii nanyi?”
\p
\v 11 Ihichi yose bakanine, guni nakuya m'mlume Yesu kwa nazaleti kwa galilaya
\v 12 Yesu kukingile mnda mwa lubunga, kubachingile bose bene babele hukucha na ukula mlubunga, guu galuche meza ma bagaluchi ba bumona na bisuba bya bene babele hukucha tukundulu.
\v 13 Kubasambile, “bigolilwe, ndukianyi kibi ndukia usaba; benywe mwahugibia iutuya basapuchi.”
\p
\v 14 Na bihabu na bitende bamchuilile iya mlubunga kubahoninye.
\p
\v 15 Na bibuli bya biata na bakochi habamonine bisaga bieli itile na baana baseelele mlubunga, bakanine, Hosana mwana kwa Daudi! bachikililwe.
\p
\v 16 Bambudiche wahulicha bili hudogoma bano? Yesu kugaile, Ehe, benywe mikolo kili hukana wii, uu tunywa twa baana ba tulenge na balihokoka muli utonywa wa kiine?
\p
\v 17 Kubashikile kutobaile hambuga na mbuga na ukya Betania noo ulala ubo.
\p
\v 18 Haluelo hebele hukiwila mmbuka kumonine ndala.
\v 19 Kumonine mibamba ndila, gugukilile kushimonine biguma ila byanyi ka, kusambile kuya mti bishimoneye obe biguma utula lino mpaka milumbu. Kuya mti gugumine hoka haya.
\p
\v 20 Bakikiwa habamonine, bagagilwe, bakanine, namna nai mti kwahuguma hoka hano?
\p
\v 21 Yesu gugaile, kubakanine bibyo nihuukanina, mwahuba na buwasha, musahuba na iduba mwiita kishi mti ka, na mmwilusambila lulu loona, chuwa, na utelwe mmichiba, biekiliya.
\v 22 Ya yose yamwisaba na uengelecha biandimsabile usaba mwihewa.
\p
\v 23 Yesu helihiile mlubunga bibuli bya biata na baulu ba batu bamkilile hebele hugigia bakamine, ii wa uosha nai ulihugila bino bihisho? Nage m'nanyi kuuhele bubo buosha?
\p
\v 24 Yesu kubagaile, nudogoma, na nene nii msambile wa uosha wa nanyi mihuita bibyo bihisho.
\v 25 Uchunjwa wa Yohana uhumine uhi? uhumine hekulu au ubalangamsenge? Balibudiche boo bene, bakamine, tubegana, uhumine hekulu, gutuisambila, yulu ya iimshim'puachi?
\v 26 Tubegana, uhumine ubalangamsenge, tulihusina ihichi ya batu; yulu batu bose balihummona Yohana uba msua.
\v 27 Bamsammbile Yesu na ukana “Tushikidi.” Nage kuganine na nene nishilisamba nilihuita bibyo bihisho wa uosha wa nanyi.
\p
\v 28 Muhomona wii? gumwe mtu kubele na baana bopi; kumsambile kwa mtangi, gumkanine, ukie lino ulubala lwa mizabibu ukila mkilo.
\p
\v 29 Kugaile nukana, nihukia, mlume, kushimkibe.
\p
\v 30 Kumkilile kuya kwa bibili, gakanine byoka bia. nage kugaile kuganine, nishihutaka, hanyuma kulibediche, gee nukia.
\v 31 M'babo babili ii kuhi kuishile bibenju u meso masage? Bamgaile, guya kwa bubili. Bibyo nihumbila, baulipisha mbuli na ba - lusengu bibangua bakingila m'buolo bwa Abetcha Pungu hambele henyu.
\v 32 Buhuli Yohana kuchwile wenyu undila kia kiine, benywe mushimbuashiche, bulipisha mbuli na sengu babuashiche; benywe hamumonine, mushilibediche hanyuma na um'buasha.
\p
\v 33 “Hulichwe kunge mlingilisho. habele mtu mine na ndu, nage kuunine mizabibu mlubala, na uchungu ya mgumbo, kudabile ina ya udengela mmena na ubakaila baushi bushamo, kupangishe balimi, nukia inge ibalo.
\v 34 Mengo na usola mizabibu mahiile. Kuhilile bacha bage ubaya balimi, bachue na biguma byake.
\v 35 Baya balimi, babawatile bacha bake, gugu bammulile, gugu bammakile, na gunge bamtele mawe.
\v 36 Kubahilile bange bacha beengi uli baya ba batangi, babaishile byokabiya.
\v 37 Isula kubahilile mwanage, kukanine biimnyemia mwananyi.
\p
\v 38 Baya balimi habammonine kuya mwana, badogomiane boo wa boo, kuku noo piana; tummage na tuguhe buhina bwage.
\v 39 Bam'bwashile, na umtela hibamba ha lubala lwa mizabibu, boo nuumaga.
\v 40 Haho helichua mlume kwa lubala lwa mizabibu kuubaita ii baya balimi?
\p
\v 41 Bamsambile, kuibahaka bibei baya babii, na luya lubala lwa mizabibu kuipangisha bange balimi, bene bimma biguma uu mengo mage.
\p
\v 42 Yesu kubasambile, mushibasome mnda mikolo, liwe hihanyiwe na kubai, lilyo lisili liwe liata lya msunga; ino inywa yahuma wa mlume, nayo ii isaga umeso menyu?
\p
\v 43 Yulu ya bibyo namsambila; buolo bwa bwa Abetcha Pungu buihunyiwa wenyo, nabo bwihewa kunge mmoga kwine kuiha biguma biake.
\v 44 Na mine kuigwila liya liwe kinogea - nogea; na gegese mine guigwilwa na lilio liwe liemmenda bususu.
\p
\v 45 Bibulibiala na Bafalisayo, habahuliche kikio milingilisho gike bamanine kulihubakana boo.
\v 46 Nabo habaengile upuata, basinine ihichi ya batu yulu boo bammonine uba ii mbua.
\c 22
\cl Mbukwilo 22
\p
\v 1 Yesu kudogome nabo iyaka wa mlingilisho, ugana.
\v 2 Buolo bwa hekulu buli hulengeleshwa na limwe Olo kuitele mwanage sumbilo lya buya bwa ugonda.
\v 3 Kutumine bacha bake babakita bene bakishilwe uchwa usumbilo lya ukonda, bahaninye uchwa.
\v 4 Olo kutumine bange bacha, kukanine basambilwe baya bene bahuile ukiswa, lolwe na huhwa ulongia biliwa byanyi, ngombe chanyi, na biya binonyu biahuhwa ushinjiwa, na byose bya huhua uhiwa na ubiwa ubulilochuwe tuye.
\v 5 Baya bashihodile, bakile, kumwechi ulubala lwake, kunge ukucha byake.
\v 6 Beene bashikele, babawatile baya bacha bake babakilile bya buhulihuli na ubahaka.
\v 7 Bibyo liyo olo lichikililwe; kuhilile basolokoto bake, babahakile baya bahaganyi na uchikia mbuka kiabo.
\v 8 Hanyuma kusambele bacha bake, buya bwa huhiya, baya bene bakishilwe bashilingye.
\v 9 Bino kiwe umasango nandila, bose bamwimona mubagingiche m'buya.
\v 10 Baya bacha bose babomonine, babii na babenju, buya bukilule bagenyi.
\v 11 Hakingile olo ukia ubatanya bagenyi bake, kumonine mtu gumwechi kushimchwale bisanjwa bya buya!
\v 12 Olo ku m'budiche, genda, wagingila mno na gogwe ushi mchale bya buya? kushamine pii kushikaile.
\v 13 Olo lisambile bacha bage, mmambwe u maboo na umagulu, mswalwe na ugya umtela uu mdo kwa hambuga; ubo uli lilo na ulitauna meno.
\v 14 Bululi bakishilwe ii engi, basobolwa ii bacho.
\p
\v 15 Haho Bafalisayo bkile, baishile mmungo kwa umpuata u binywa byage.
\v 16 Bammilile bakikiwa babo hamwechi na mahelode bakanine, mkigia, tugidi ukana gogue wii mtu gwa kiine, na ndila kya Abetcha ulihukikicha wa kiine, na gogue ulihulola ichuli ya mtu gegese na ushihulola yenyi ya mtu.
\v 17 Utusambile wamona wii? ii bibenju ulipa mlambu ao nangu?
\p
\v 18 Yesu kumanine bubi bwabo, nukana yulu ya ii mwachua uutonda, benywe ba lububa umeso?
\v 19 mbonywe bumona bwa m'lambu, bammele dinari.
\v 20 Kubasambile, ino ii yenyi ya nanyi na china lya nanyi?
\p
\v 21 Bamsambile, ii yenyi lya Kaisali. Kukanine, mndi hewe Kaisali bya Kaisali na Abetcha Pungu bya Abetcha Pungu.
\v 22 Habahuliche, bagagilwe, bamleile, bakile lwabo.
\p
\v 23 Liya chuba bamwe Basadukayo bachuile wa Yesu, baya bene balihugana hashi uchuwa wa babu. Bambudiche.
\v 24 Boo nukana, Mkikia Musa guganine, nambo mtu kuahuwa, kusashiga baana, mshiwabo kahiane gugo mmachana, yulu gabutile guya mshiwabo mwana.
\v 25 Haho habele batu babushilwe njwi, kwa mtangi gugondile nage nuuwa nangu ushika mwana, gumshigile mnunake kuya mmachake.
\v 26 Byoka biya guya kuabubili, na kwa butatu, ndaa na gwa njwi.
\v 27 Hii isula ya bose, mmchana guwile nage.
\v 28 Ha uchuwa wa babu kubi mmachi gwa nanyi m'babo njwii? Yulu bose babele balume bake.
\p
\v 29 Yesu kubagaile, na udogoma, mwachimina, bululi mushikidi mikilo na uoma wa Abetcha Pungu.
\v 30 Yulu mmuchuwa wa babu, mushi ugonda na ugonjwa, batu bose babi nahi malaika hekulu.
\v 31 Iyaka yulu ya uchuwa wa babu, mushi namona inywa idogominywe na Abetcha Pungu, kuganine.
\v 32 Nene ni Abetcha Pungu a Ibulahimu, Abetcha Pungu a Isaki, Abetcha Pungu a Yakobo? Abetcha Pungu ashi Abetcha Pungu a babu ii Abetcha Pungu a bali umwego.
\p
\v 33 Na ihichi haihuliche lugigio lwage bagagilwe.
\p
\v 34 Bafalisayo habahuliche kuahambia Basadukayo tunywa, bahungile hamwechi.
\v 35 Gumwe gwa mwana - m'bindo kumpudiche, umtonda.
\v 36 Mgigya mibingo nammihano yata iyii?
\p
\v 37 Kubasambile, m'benje Mlume Abetcha Pungu gobe wa mtima gobe gose, wa uhemena obe ose na lwenyi lobe lose.
\v 38 Ao noo alaga a aata na kwa kutangi.
\v 39 Naya bubili kulingilishiwe na gugo m'benje m'binji nobe nahi ichulichuli ya mwego yobe.
\v 40 Hawingi ha bino bibile bile hugegamina mibindo kiose na bambua.
\p
\v 41 Bafalisayo habasumbile, Yesu kubabudiche, naukana mulihumona wii uu mwano Keleshitu?
\v 42 Ii mwana gwa nanyi? Bamsambile, Ii mwana kwa Daudi?
\p
\v 43 Kubabudiche, bisibele wi Daudi ii mtima kugitile Kilishitu Mlume, gukanine,
\v 44 Mlume kumsambile Mlume kwanyi, ushame uboo wanyi wa ulume, na byelibiya babii bobe uba hasi ha magulu mobe?
\v 45 Haho, Daudi kumshile mlume kunaba wii iyaka mwanage?
\v 46 Hashioshiche mtu gegese ugaa inywa, iyaka utula lilio chuba hashimoneye mtu kwa umpucha inywa yoyose iyaka.
\c 23
\cl Mbukwilo 23
\p
\v 1 Hanyuma Yesu kubasambile ihichi ya batu na bakikiwa bake, gudogomine.
\v 2 Bakochi na Bafalisayo bashamine wiisuba ya Musa.
\v 3 Byo byose bya mwibasambila, mubiwiliche na ubikila, wa ulilingilisha nabo ubikilanywa byabo, nangu ubikila, bululi boo basudokoma bya bashi hukila.
\v 4 Boo balihuhamba michigo kya bushito na ukisuia bange umaombe mabo, bashihubeja ata bobene ukiuda na mnywe kwabo.
\v 5 Bikilanywa biabo byose balihubikila yulu ya balolwe na batu, na balihuchwiana miana gyabo, na uongecha bwata bwa bisanjwa byabo.
\v 6 Basubenja bisuba bya umbele mmasumbilo, na ushamahambele impihwilo.
\v 7 Na utanyiwa mmasogo, na ukiswa na batu, mgigya.
\v 8 Benywe mushikiswe Bagigya, yulu mgigya kwenyu ii gumwechi, benywe bose mli babuswa.
\v 9 Nangu ukita mtu tata hano hamgala, bululi senyu ii gumwechi guya guli hekulu.
\v 10 Iyaka mshigiswe nombwe, yulu Alombwe enyu iya amwechi nage noo Keleshito.
\v 11 Guli hulibiya mmosobu hawingi henyu kubi gumkilila.
\v 12 Gegese guiliginuna, guisachwa, na gegese gilisacha, guikinunywa.
\p
\v 13 Luhanga lubi wenyu bakochi na Bafalisayo, balububa umeso! muli huhambila batu buolo bwa hekulu; na benywe bene mushihungingila, na bene bali hungingila mushihubaleya bangigile.
\v 14 [Luhanga lubi wenyu bakochi na Bafalisayo, balububa umeso! muli huya mmmaduma bawilee, yulu ya lububa yulu ya lububa umeso! mulihusaba lusabo lulahu wa bibyo mwihewa bihulo byata abisa.]
\p
\v 15 Luhanga lubi wenyu bakochi na Bafalisayo, balububa umeso! Yulu mulihuchunguluwa ibichiba na umigala, bululi umita mtu kumwechi kalame inyumbia yenyu, kwa huhwa umlama na ummita uba mana kwa uchimina mmahia nyendo chibili uli benywe bene.
\p
\v 16 Luhanga lubi wenyu tulombwe bihobu! mulihugana, mtu kabelaha ulubunga, ashi atu, mtu gabe lapa yulu ya lubunga, kwelihamba.
\v 17 Bahugi benywe na bihobu, iyihi ili yata, ii chiya nolo au luya lubunga luine luli huhahacha nolo?
\v 18 Iyaka mtu kwilaha ulutambikilo, ahi atu, mtu mine kulaha ulutangi luli hekulu ha butambikile, gualihamba.
\v 19 benywe bihobu, iyihi ili yata, lutangi au butambikila buli huhahacha lutangi?
\v 20 Bibyo gee kuilaha ubutambikilo, iyulaha u bitundu byose biene bili hekulu ha butambikilo.
\v 21 Na mine kuilaha u lubunga iyulaha wa kuya mine kusushama mnda mwa lubunga.
\v 22 Na mine kulihulaha u gulu, iyulahja wi - iti ya Abetcha, na wa guya mine kulihuishamina.
\p
\v 23 Luhanga lubibagochi na Bafalisayo bo - lububa umeso! mukidi utangila imwechi ya umi, bwinywa, lenga lenga, na bitundu, bibyo mwalea ukila bya m'bindo, noo kiine kene na uwasha, bibyo noo bilingie m'byete, na bibyo nangu ubileya ubieta.
\v 24 Tulombwe bihobu, bene balihusula lu- mbu na umina ngamia.
\p
\v 25 Luhanga lubi bagochi na Bafalisayo, ba-lububa umeso! yulu mulihuhacha isengo hambuga na ilego, mnda mkiluchu usapa nanangu uba na ulitolecha.
\v 26 Gogwe Mfalisayo ihobu, tula uhahacha isengo mnda na hambuga hake naho habe hahaha.
\p
\v 27 Luhanga lubi bsgochi na Bafalisayo ba-lububa umeso! bululi mwalingilishiwa tubuli tuli tutogolwe pemba, hambugu tuli humonea tubenju, mnda itukiluchu mauda ma babu nabya bibochu byose.
\v 28 Bibyo na benywe, muli humonea hambugu batu ba kiine, mnda imkiluchu lububa umeso na luemo.
\p
\v 29 Luhanga lubi bagochi na Bafalisayo, ba-lububa umeso! bululi mlihugubaa tubuli twa ba-mbua, na ututogola tubuli twa batu ba kiine.
\v 30 Na ugana beswe twisuba haya hala ha bamasetu tusabalilunga nabo wa ugesa mashi na mbua.
\v 31 Bino mwalimona benywe bene, ugana mwibana babo bene bahagile ba mbua.
\v 32 M'bekilucha ii ya bamasenyu.
\v 33 Benywe madoa, bana ba madoa, mwisina wii buhuchi bwa Jehanamu?
\v 34 Wa bibyo, lolwe, nabahila wenyu bambua, na ba lwengu bagochi na bange babo mwibahaga na ubasusula, na bange babo mwibahula mbihwilo byenyu, na ubachiina mbuga wa mbuga.
\v 35 Yulu ya bibyo, machwe hekulu henyu mashi mose makine makeseye hekulu ha ibalo utula Adamu, habili, guya gwa kiine, ndaa na mashi ma Zakalia gwa Balakia gwamuhakile hawingi ha buhaha na butambikilo.
\v 36 Bibyo nihumsambila, byose biichwa hekulu ha ino ibushi.
\p
\v 37 Ee Yerusalemu, Yerusalemu, mmagi gwa bambua, na ubata mawe baya batuminywe obe! Nyendo chinga ni hubenja umoongola hamwechi na bana bobe, nahe koo kisuongola bana bake na ubausa ipihuahua byake, haho mushihubenja!
\v 38 Lolwe, madu menyu mashigwa mauwa.
\v 39 Wa bibyo nihumsambila, utula hano mushimona iyaka, mpaka mengo mamwikana, guhelelechiwe nine guicha wa china lya Mlume.
\c 24
\cl Mbukwilo 24
\p
\v 1 Yesu kukiile uhumina m'mihuilo, bakikiwa bake bamkilile bululi bammonye bigubailwe ihuilo.
\v 2 Nage gugaile gubakanine, mushi humona bino byose? Bibyo nihumsambila, lishishikala liwe hekulu haliwe liene lishibelwa.
\p
\v 3 Yesu heshamine uloona Mizeituni, babikiwa bage bamkilile wa bubisa, bagamine, tusambile, bino biechwa mengo nai? Nauchwa obe wiiba wii, na isula ya ibaloo?
\p
\v 4 Yesu gugaile, kubasambile, lolwe mtu gashi m'biche.
\v 5 Bululi bengi biicha wa china lianyi, bigana, nene noo Kelesitu; na babicha bengi.
\v 6 Na benywe mwihulicha mwano gwa bita na uchwa wa bita, lolwe nanga udigila, bibyo byose isula yage iibyo ukiliya; haho ishi naba isula.
\v 7 Yulu mmoga kwiikia ulua na mmoga, buolo ulua na buolo; habi na ndala, na bititicha bya sii hano na haya.
\v 8 Bibyo byose noo itula wa busungu.
\p
\v 9 mengo biimana benywe m'be na asusu, nabo biimaga, benywe mubi batu ba uonyiwa na mioga byose yulu ya china lianyi.
\v 10 Haho bengi bilihiatala, bihana bange nabo, na uonywana.
\v 11 Na mbua chingi cha lulimi chiichwa, na ubabicha beengi.
\v 12 Na yulu ya ubula wa luemo, luundo lwa bengi luihola.
\v 13 Bululi mine kilitolelecha na wiisula noo guihona.
\v 14 Iyaka mwano gubenju kwa buolo kwilisambwa mmibalo yose, na umonywa na mioga kyose, haho noo iya isula hayichwa.
\p
\v 15 Na hamwimona uchikilichwa wa udogu, uya uganinywe na mbua Danieli, wakimiwa hene hahachiwe (guligigiche na gamane).
\v 16 Noo bene bali ubaya hudi basinine u kono,
\v 17 na mine guli ha butato gashisale ukuha bibia byake bili mndu mwage.
\v 18 Na guha kuli ulubala kushikiwila uguha ngubo chake.
\v 19 Luhanga lubi wa bene bina bushito na bali hukokya mamo masuku!
\v 20 Sabwe, bululi osina wenyu ushibe mengo na peho, wala lusugu lwa ulihocha.
\v 21 Yulu memo mengo ubi asusu aata, ashi namonea tangu utula wa ibaloo ndaa na hano, na shibiho.
\v 22 Nambo masuku mamo masaba swihiwa, hasabahona mtugegese, na yulu ya basobolwa masuku mamo miswihiwa.
\p
\v 23 Mamo mengu mtu gabemsambila, lola, Kelesitu guli hano au guli uya, nangu uubwasha.
\v 24 Na bichwa makelesitu ma lulimi, na mbua cha lulimi, bimonya biloya biata na bisaga; yulu bachiminye, ha biahuwechegana ata na basobolwa.
\v 25 Lolwe, nahuhwa umsambila ala.
\v 26 Haho babemsambila, guli mluanaganywa, mushikiye, guli mndu, nangu uwasha.
\v 27 Yulu nahi biya ahenyuhenyu uhuma mlugulu na umonea na mmanda, bibyo na bibi uchua wa mwana gwa Adamu.
\v 28 Bululi hene hali itumba ya nyama noo ususala maubi.
\p
\v 29 Manywe, hanyuma ha asusu a masugu maya, chuba lyiisua mdo, na mwechi gushimonya luenge lwake, tumbalambala twiigua uhuma hegulu, na uoma wa gulu widigila.
\v 30 haho himoneya biloya bya mwana gwa Adamu hegulu, haho mioga kyose kya batu hano ha mgala habilila, nabo bimmona mwana gwa Adamu uchua hekulu ha matimba ma higulu hamwechi na uoma na bugengeda bwingi.
\v 31 Nagee gwibatuma bamalaika bake hamwechi na lidi lyata ya asiba, nabo biasumbicha basobo lwa bake uhuma masunga mana ma ibaloo, uhuma isula ii ya gulu mpaka isula ii.
\p
\v 32 Bibyo wa buungo muligigye mlingilisho, tabilya hutipuka na umena byanyi bihya, mwamana mengo na usola mahuhya.
\v 33 na benywe byoka biya, hamwimona bibyo byose, manywe kusili alibu, mmichango.
\v 34 Winene, namsambila, ibushi ino ishihita, na bino byose bigiliye.
\v 35 Gulu na sii byehita, lakini binywa byanyi bishihita.
\p
\v 36 Mwano gwa luya lusuku na maya mengo hashu gubikidi, ata bamalaika bene bali hekulu, ata mwana, ila tata gee buchima.
\v 37 Bululi nahi bibele masuku na nuhu, bibyo noo bibii uchua wa mwana gwa Adamu.
\v 38 Bioka bya nahi masuku maya ma hambele ha imbi ludi batu babele huya, na unywa, babele hugonda na ugonjwa, na bigingile nuhu mnda bweto.
\v 39 Bashibamone, na bichuile imbi - ludi, na ubahaka bose, noo bibi uchua wa mwana gwa Adamu.
\v 40 Maya mengo batu bopi babi ulubala; gumwechi guikuhua, gumwechi guishikala.
\v 41 Baachana bopi babi huhela uu msamba, gumwechi guikuhua gumwechi guishikala.
\v 42 Muyeshe, yulu mushigidi ulusugu nai luicha mlumyenyu.
\v 43 Manywe ino inywa; nime na ndu gubamana maya mengo michwa miibi, guabashama mitende, gusaba lea ndu giake gibelwe.
\v 44 Byoka bibyo na benywe mube luenge lulume, yulu mengo ma mshi hulanga mwana kwa Adamu kuichwa.
\p
\v 45 M'nanyi guya mcha mmudakilwa kuina lwenyi, mine hichwa mlumiage gubiile ulola byose bya ndu kiake, gabahe batu biliwa mengo ma boo uya.
\v 46 Luhanga wii mcha guya, mine mlumiake gui m'banga kuli huita bibyo.
\v 47 Wa bibyo, nihumsambila, gugo mtu guibiwa uba hegulu habitundu biake byose.
\v 48 Nambo mcha guya m'bii gabegana mnda mtima guage, mlumeanyi, kuahusinga;
\v 49 gutilile uhula bachanage, na uya na unywa na hamwechi na baolwa;
\v 50 mlumiake guya mcha guihwa lusugu lweshihulanga na mengo meshikidi.
\v 51 Guingenda bihindi bibele, na ubya ihichi imwehi na ba - lububa umeso; ubo na ubi lilo na ulitauna meno.
\c 25
\cl Mbukwilo 25
\p
\v 1 Bibyo buolo bwa hegulu bwilingilishwa na binyundu umi, bakuhile byaa byabo, bahumine na ugia usambana Mlume kwa huhwa.
\v 2 Batano babele bahuukee, na batano babele na lweenyi.
\v 3 Baya bene babele bahugi bakuhile byaa mabo, nangu ukuha na mauta.
\v 4 Baya bene babele na lweenyi bakuhile mauta m'bibiilo hamwechi na byaa byabo.
\v 5 Na Mlume kwa buye hesingile, bose bahongele na ulala.
\p
\v 6 Mkundu kya busungu, habele mdodo, benywe, Mlume kwa buya, tobowe mukye umpokela.
\v 7 Babywile baya binyundu byose na ulamya byaa byabo.
\p
\v 8 Baya bahuki babasambile baya ba lweenyi, mutuhe mauta menyu macho; bululi byaa metu machima.
\v 9 Haho baya ba lweenyi babagaile, badogomine, bishibyo, mashituwilila beswe na benywe, iibibenju mukye ubaukucha, mukye ulikulila.
\v 10 Naba bilibele hukya ngua, Mlume kwa buya nuchwa, na bene babele na mauta nukingila hamwechi naage m'buya; mchango noo ububalwa.
\p
\v 11 “Nabo nuuchwa baya bange bawamisiha, baganine, Mlume, Mlume utubugulile.
\v 12 Gugaile, gudogomine, bibyo, nihumsambila, benywe nishibagidee.
\p
\v 13 Bibyo, muyeshe, bululi mushikidi lusugu na mengo.
\p
\v 14 Bululi ni mlingilisho kwa mtu mine kubendiche ukya inge ebaloo, kwebakitile bacha bake, kubahele bumona bwake.
\v 15 Guhele kumwe talanta chitano, kunge talanta chibelee na gunge talanta gimwechi, kila mtu ulamana na uwosha wage, kee noo ukya.
\v 16 Guya kuhelwa talanta chitano kukile nacho ubusulu, chubushile chinge chitano.
\v 17 Byoka biya na kuuya kwa chibelee, nage gubushiche chinge chopee.
\v 18 Guya mine kuhelwe lumwechi kukile naloo na udabaiina, gubisile bumona bwa Mlume yake.
\p
\v 19 Hanyuma ha masugu meengi Mlume kwa baya bakichi nuuchwa, na ubalana nabo.
\v 20 Kuchwile guya guhelwe talanta chitano, guchwile na chinge chitano, kugamine Mlume upele talanta chitano, lola, chinge chitano cha ubusulu.
\p
\v 21 Mlumiake gumsambile bushwachi, mkikiwa m'benju na gwamliwatiliche ubele mliwatiliche ubicho bicho niubiya hekulu ha bingi, gingila ii m'bwolo bwa saso bwa Mlumiobe.
\p
\v 22 “Guchwile guya kuhelwe talanta chopee, nugana, Mlume, upele talanta chopi, lola chingi talanta chopee nichipashile ubusulu.
\p
\v 23 Mlumiaku kusambile, buswachi, nkichi m'benju, na guamliwatiliche; ubele mliwatiliche ubicho bicho niubiya hekulu ha bingi, gingila u m'buolo bwa saso bwa Mlumiobe.
\p
\v 24 Guchwile na guya guhelwe talanta gimwechi, guganine, Mlume, niumanine ubagagwe wu mtu mguumu, usuusola ushiunine, usuuongola oshisambaleche.
\v 25 Bibyo, nimonine boba, nikile na udaba iina na ubisa talanta kyobe, lola guha bumona bobe.
\p
\v 26 Mlumiake gugaile, nudogoma, gogwe nkichi m'iina alema, umanine na usoola biandishi unine, na nisuuongola byande shisambache.
\v 27 Bibyo biyesuba lingie gogwe ubaha bumona bwanyi baya ba busulu, na nene handachwa nabapata bumona bwanyi na bwine bwababusua.
\v 28 Wa bibyo, msapwe gigyo talanta mmewe guya mine guina talanta umi.
\v 29 Yulu gegese mine gwina ibya kuihewa, na ukiluchiwa bee; nine gushina ibya, ataiya ibya yeli nayo kuisapua.
\v 30 Na mcha guya kushilingiye, mtelwe koo uu mdo kwa hambuga, ubi lilo na ulitauna meno.
\p
\v 31 Haho helichwa mwana gwa Adamu na bukengeda bwake, na bamalaika bahaha bose hamwechi nage, noo helishama wiisuba yage ya ugengeda.
\v 32 Na mioga gose gisumbila weliim nage gwibabagula nahi biene biisubagula m'mushi ubagula mioo na mabuchi.
\v 33 Gwibabya mioo uboo wage wa ulume, na mabuchi uboo wage wa uwachi.
\p
\v 34 Hanyuma olo gwibasambila baya bali uboo wage wa ulume, chuwem benywemuhehelichiwa na tata, muhiane uwolo bwa mlibabiilwe ala utula ubumbwa wa ibalo.
\v 35 Bululi nibele na ndala, mupele iliwa, nibele na yuma, mupele madi munywa, mibele mgenyi, mundubwile wenyu.
\v 36 Nibele buchi munjiiche, nibele msumwa muchwile undola, nibele mambwe, muchwile wandi.
\p
\v 37 Haho batu ba kiine bingaa, na udogoma, mlume ii mengo nai tuumonine wina ndala, tuuchele iliwa wina yuma tuumwishiche?
\v 38 Iyaka ii mengo nai tuumonine uli mgenyi tulubwile, ulibuchi, tuuchwiche?
\v 39 Ii mengo nai tuumonine uli msumwa, ulimambwa tuchwile oli?
\p
\v 40 Na olo kwibagaa, naubasambilam biino, nihumsambila, wa bia biamugilile gumwe gwa bano bashiwetu batulela, mungilile nene.
\p
\v 41 Haho kubasambila baya bene bali uboo wage wa uwachi, humwe wandi, mulogilwe, giwe mmahia a milumbu, abiilwe ala ihingili na bamalaika bake.
\v 42 Bululi nibele na ndala, mushipele iliwa nibele na yuma mushipele madi munywa.
\v 43 Nibele mgenyi mushindubwile, nibele buchi mushinjwiche, nibele msumwa, na nibele m'mambwa, mushichwile undola.
\p
\v 44 Babo nabo bumgaa, na udogoma, Mlume ii mengo nai tuumonine wina ndala, wina yuma uli mgenyi, ulibuchi, uli msumwa na wii m'mambwe, tushibauhodelele?
\p
\v 45 “Nage kwibagaa nabasambila, bibyo, nihusambila, wiinene byamushikilile gumwe gwa bano ba tulela, mushibangilile nene.
\p
\v 46 Na babo biikya ukingila m'mahya a milumbu na baya ba kiine bikya ukingila m'mweko gwa milumbo.
\c 26
\cl Mbukwilo 26
\p
\v 1 Mengo mahwile Yesu binywa bibyo byose, kusambile bakikiwa bake.
\v 2 Mugide hanyuma ha masugu mopi noo Pasaka na mwana gwa Adamu gwihananywa gasusulwe.
\p
\v 3 Hanyuma bibuli bya byata na baulu ba batu basambene ubushamo bwa ibuli ya yata, china liage kayafa.
\v 4 Bahungile hamwechi, bululi babwate Yesu wa ndilakia lulimi, na uumaga.
\v 5 Haho baganine, mashibe mengo ma usumbila, binaleta midodo u batu.
\p
\v 6 Nage Yesu hebele Betania m'ndu gya Simoni gwa bushando,
\v 7 Gumwe m'machana guchwile na chupa lya malashi ma bunana bwingi, gumbangile guli huya ubulilo, gumongo lwele mo mswe gwake.
\v 8 Bakikiwa bage habamo nine, bachikililwe, baganine, yulu ya ii uchiminya bino?
\v 9 Bululi nano malashi mabaguchiwa wa bumona bwingi na ubahaba mbuchu.
\p
\v 10 Yusu gumanine gubasambile, yulu yai mulihumdegia gugu m'machana? Bululi ii mkilo gubenju gwakangilila nene.
\v 11 Yulu bambuchu mwinabo masugu mose, nene mushibi nanyi masugu mose.
\v 12 Bululi hagapongololela malashi ha mbili gwanyi ii yuumonya uchiwa wanyi.
\v 13 Bibyo nihusambila, ose wine wilisambwa guno mwano mnda ibaloo yose ino ihisho yakahisha, ibi huganywa na umengelecha.
\p
\v 14 Mamo mengo, gumwe gwa baya umi na bopi, china liage, Yuda Isikaliyote, gukile uu bibuli bya byata.
\v 15 Guganine, mwipa ii na nene nammanane wa mli? Bambalile bihindi maumi matatu ma bumona.
\v 16 Utula mamo kubele huenga biyeli mmanana.
\p
\v 17 chuba lya litangilya mikate kishi kyakibiwe mshimi, bakikiwa bage bamkilile Yesu, bamsambile, ii uhi oli hubenja tuulongeche uye Pasaka?
\p
\v 18 Gubasambile giwe m'mbuka wa gumwe mtu, mumsambile, mgigia guakana, mengo manyi nasili hoka, obe niita Pasaka hamwechi na bakikiwa banyi.
\v 19 Bakikiwa bagilile nahi byene bielibalagile, na balongiche iliwa ya Pasaka.
\p
\v 20 Mengo ma igolo kushamine uya na baya bagigiwa bage umi na bopi.
\v 21 Hababelu huya, guganine, bibyo, nihumsambila gumwe gwenyu kuipana.
\p
\v 22 Bachikililwe abisa, batulile umbucha gumwechi gumwechi iinene mlume?
\p
\v 23 Gugaile na udokoma, gee mine gwibya uboo wage hamwechi nanyi mmilego noo gwipana.
\v 24 Mwana kwa Adamu kulihulikila, nahi biabalimgolele, luhanga lubi wa guya mtumine gwimmanamwana kwa Adamu! Byesuba wage bibenju kushibele buswa.
\v 25 Yuda, mine gulihummana, kugaile linene mgigya? Gumsambile gogwe wagana.
\p
\v 26 Hababele huya, Yesu guguhile mkate, guheleleche na uguhya, gubahele bagigiwa bage, gukanine, guhwe, liwe; guku noo m'bili gwanyi.
\v 27 Guguhile isengo, guganine buswachi, nubaha, kuganine, nyuwe benywe bose mmiino;
\v 28 Bululi mama ii mashi nanyi ma malagano, malihugesea yulu ya uleelela bubi bwa bengi.
\v 29 Abisa nihumsambila, nishinywa iyaka biguma bya mizabibu utua hano, mpaka luya lusuku lwandinywa guhya hamwechi nenyu m'buolo.
\p
\v 30 Nabo habahwile ugimba, batoboile hambuga na ukia u lonoo lwa mizeituni.
\p
\v 31 Yesu kubasambile, benywe bose mwimioa yulu yanyi buno busugu, bululi bigolilwem niimmula mmushi, na miyoo kya ihichi yage kiihalingana.
\v 32 Hanyuma ha uchuwa wanyi, nibungwa ukya Galilaya.
\p
\v 33 Pedelo kumgaile, na udogoma binauonywa bose, nene nishiuonywa ata.
\p
\v 34 Yesu kumsambile, nihusambila winene, buno busuku koo kishinaduka wii nichingula nyendo chitatu.
\p
\v 35 Pedelo kumsambile, ata biyelingiye uwa nobe nishiushika, na bakikiwa bose badogomine bioka biya.
\p
\v 36 Hanyuma Yesu kugile hamwechi nabo uu lubala lulihukiswa Gesetemane na kusambile bakikiwa bake, shamwe hano nena nakye uya usaba.
\v 37 Gumkuhile Pedelo na baya bana babili ba Zebedayo, kutulile uchikililwa na ununa.
\v 38 Haho kubasambile, mtima gwanyi ikonogebu uhima uwa; shamwe hano muyeshe hamwechi nayi
\v 39 Kugilile umbele, gugwile mmachwi, kusabile, kuganine tata, wahubyosha, isengo ino ipume, bishibe byene biando hubenja nene, bibe bioli hubenja gogwe.
\v 40 Gubachwilile baya bakikiwa, gubabangile balachu, gumsambile Pedelo, musaosha uyesha nanyi ata mengo mamwechi?
\v 41 Muyeshe, sabwe, mushichwe ukingila mmutonjwa; uhemena wina ulitolecha, m'bili gwina buwongo.
\p
\v 42 Gugile iyaka luendo lwa bubili, gusabile, guganine, tata, nambo bisahuwechegana isengo ino ipume nisahwinywa, ubenjo ube ukiliye.
\p
\v 43 Guchwile iyaka gubabangile balachu; yulu meso mabo mabele manyemu na tulo.
\v 44 Gubashikile iyaka, gugile, usaba, gudabile mwendo lwa butatu, gudogomine binywa bioka biya.
\v 45 Hanyuma gubachilile bakikiwa bake, gubasambile lalwe, mlituche, lolwe, mengo mahuhia, mwana gwa Adamu gwabiwa mmaboo ma babii.
\v 46 Biuwe, tulikile! lolwe, guya gulihupana kwahuhiya.
\p
\v 47 Gwilibele hudogoma, lola, Yuda gumwe gwa baya umina bopi nuuchwa, na hamwechi nage ihichi yata bina tuhilu na tubundo, babele huhuma uu bibuli bya biata na baulu ba batu.
\v 48 Na guya gu mmanana guhahile bilaya, gukanine, guandiumbatila, gugo noo gee, m'bwaswe.
\v 49 Haho gumkilile Yesu, gumkanine, moyoo, mgigia, numumbatila.
\p
\v 50 Yesu gumsambile, genda, ubeita biuchwisha. Bakile, bagolole maboo boo num'bwata Yesu.
\v 51 Nalala, gumwe gwebo gubele hamwechi na Yesu gugolole uboo wage, na uhunya aele age mluhao gummulile mchagua ibuli yata gumkedile letu.
\v 52 Haho Yesu gumsambile, kiwicha aele obe mluhao bose bene bali huwata twele bihagwa natuwele.
\v 53 Mulihulanga nene nishi na msambila tata nage nupilila hano bino bihichi unina bibili bya bamalaika ba bita?
\v 54 Giewilila wii migolo, bino noo biliingie uba?
\p
\v 55 Maya mengo Yesu gwisambile ihichi, yulu ya iimwachwa nahi umbwata msapi mwina tuhilu na tubundo, yulu ya umbwata? Masuku mose mbele hushama mmiihuile nihugigia mushi mbwashile.
\v 56 Bino byose bili bululi migolo gya bambwa giigiliye. Hoka haho bakikiwa bake bamshikile basinine.
\p
\v 57 Nabo bene babwashile Yesu bammilile wa Kayafa, Ibuli yata, wababele busambane bakuchi na baulu.
\v 58 Pedelo gumlamine lembalemba hanyuma nda na ilubunga bunga ya ibuli yata, kungungile mnda, bushamine na bakiche, gamone isula yage.
\p
\v 59 Bibuli bya biata na sumbila lyose baengile binywa bya umchinga bya lulimi wa Yesu yulu bammage. bashibimonine inangwa bachwile bengi
\v 60 udogoma bya lulimi.
\v 61 Hanyuma hachwile bapi, baganine gugu guganine, ninaosha wibele ihwile ya Abetcha Pungu, na wigubaa umasugu matatu.
\p
\v 62 Haha ibuli yata gukimene numsambila, ushi na inywa ya ugaa? Bano balihubangishya ii?
\v 63 Yesu gushamine pii. Ibuli yata gumsambile, Nihulahya wa Abetcha Pungu ali mwego, utusambile nambo gugwe nao Keleshitu, mwana gwa Abetcha Pungu.
\p
\v 64 Yesu gumsambile, gogwe wagana, nuhumganina uhula mano mengo mwimona mwana gwa Adamu gwashama uboo wa ulume wa uoma, gulihucha na matemba ma hekulu.
\p
\v 65 Ibuli yata yagula bichwalaganywa biage, gwagana, gwasebulula, tuli hwenga inge ii ya ugana? Holwe mwahulicha guga msebululo gwage.
\v 66 Mwamona wii benywe? Bangaile, badugomine, gulingiye uhagwa.
\v 67 boo numsulila mayenyi, bammulile maone, bange mammulile pei.
\v 68 Baganine, gogwe Kelesitu, tusambile nanyu guuhula?
\p
\v 69 Pedelo kubele mshame hambuga m'ibungabunga gumwe mcha gwa mmachana gugile weli, numsambila, na gogwe waba hamwechi na Yesu gwa Galilaya.
\p
\v 70 Guhaninye u meso ma bose, guganine nishigidi ulihudogoma ii.
\p
\v 71 Hetoboile hambuga ha ukumbini, gunge mmachana gummonine, gubasambile batubene babele uya, gugu gwaba hamwechi na Yesu Munazaleti.
\p
\v 72 Pedelo guhaninye iyaka wa ulaha, gugo mtunishi mgidi.
\p
\v 73 Mengo macho, baya bene babele huhulicha bambilile, bamsambile Pedelo, wa winene na gogwe wi gumwe gwabo, yulu ata midogome nyi kiobe igilimonye.
\p
\v 74 Gutulile uloga na ulaha guganine, nishigidi mtu, koo noo uduga.
\p
\v 75 Pedelo gwengeleche iya inywa ya Yesu yedogomine, koo kibi kishina duga wii panya nyendo chitatu. Gutoboile hambuga, kulilile wa biyosochi.
\c 27
\cl Mbukwilo 27
\p
\v 1 Mengo ma lwelo, bibuli bya byata biose na bauluba batu baitile bammungile m'mungu yulu ya Yesu bammake.
\v 2 Bammamba bamswala, bammilile wa Pilato kubele m'mosobu.
\p
\v 3 Hanyuma Yuda, mine guli huumana, humonine gwahuhwa uhukumiwa, kuchwile, ubagiwidicha bibuli bya byata na baulu bya bihindi maumi matatu bya bumuna, guganine, nauba handahana mashi mashi na ibalo.
\p
\v 4 Badogomine isula, bibyo bilihuttula beswe? Bili huulola gogwe mine.
\v 5 Gwabitela biya bihindi maumi matatu bya fedha m'mihwilo, kutoboile, kugile, gulisundiye.
\p
\v 6 bihuli bya byata babitolile bya bihindi bya bwamona bakanine, bishi lingiye ata ubibya mmitanga ya lutangi, yulu bya hugula mashi.
\v 7 Bahungile bamonine bilingiye ugula lubala lwa m'bumbilwa uchiya bagenyi.
\v 8 Wa bibyo lubala lulo luli hugiswa “lubala lwa mashanda na lino.”
\p
\v 9 Bibyo iwilile inywa idogominywe na eebuule Yelemia gwakana babiguha bihindi bya bumona uguchiwa wage nine guguchiwe nine bamwe baisilaeli bamgushishe.
\v 10 Babiguhile na ubigula lubola lwa m'bumbi, naki bine bilagile Mlume.
\p
\v 11 Yesu gukimene u meso ma liwali, liwali gubudiche, nangana, gogwe noo olo lyata lya Bayahudi? Yesu gugaile, gogwe wagana.
\p
\v 12 Helishitakilwe na bibuli byata na baolo, kushidogomine inywa yoyose.
\p
\v 13 Pilato gum'budiche ushihuhulicha ii binywa binga biabali hudogoma yulu yobe?
\v 14 Gushigaile ata inywa imwechi, liwali gugagilwe abisa.
\p
\v 15 Mengo ma chuba lya usumbila, nahi kolobechi gya liwali ubasulila mmambwa gumwechi nine gwisobolwa na batu.
\v 16 Habele mmambwa gumwe gwa m'bii china liake Balaba.
\p
\v 17 Habasumbile, Pilato kubasambile, mlihubenja namsulile nanyi? Balaba, au Yesu gulihugiswa Keleshito?
\v 18 Gumanine yulu babuatile wa umonywa.
\p
\v 19 Na hebele mshame uumlimba gwangenda milandu, mmachage gummilile atambila, uganina, ushibe na inywa hegulu ha mtugwa kiine, bululi nasuswa lino m'busugu umalo yulu yage.
\p
\v 20 Na bibuli byato na baulu bakile nabicha batu bamsaba, na bahake Yesu.
\v 21 Liwali gugaile na ubasambila, mlihubenja nanyi hawingiha hano babele?
\p
\v 22 Pilato gubasambile, bibyo nammite wii Yesu guhugiswa Keleshito? Bagaile bose gasusulwe.
\v 23 Gugaile, yulu ya ii? kuitile boobi naae?
\p Bakililile uita mdodo bakanine gasusulwe.
\v 24 Haho Pilato hemonine gushinaywita yoyose, mdodo kulihukililila, gukuhile madi, na uliswa maboo mage umeso mabo, kuganine. Nene nishi na ibalo uu mashi ma guno mtu gua kiine, bibyo bilihumlola benywe bene.
\p
\v 25 batu bose bagaile na badogomine, mashi mage na mabe hekulu hetu na hekulu ha bona betu.
\v 26 Hahugukile ubasulila Balaba, hanyuma ha ummula Yesu bibogo, gummanene bamsusule.
\p
\v 27 basolokoto ba liwali bamkuhilen Yesu mnda mwa Plaitolio na baliongwele ihichi ya batu yata.
\v 28 bamchulile bisanjwa, bachwiche isanjwayi igachichu.
\v 29 Buhambile kata gya migwa, boo numchia msue mwake, na longe mmoboo wage ulume, bambungile machwi bamsebulule, baganine, moyo olo liya Bayahudi.
\v 30 Hanyuma bamsulile mate, bakuhile liya longe, bammulile - mulile mswe.
\v 31 Habahwile umsebulula, bamchulil iya isanjwa bamchwiche iyaka bisanjwa biake, bamkuhile bakiye umsusula.
\p
\v 32 Na babatoboile hambuga, bamonine mtu gulihuhuma kilene, jina liage Simoni gugubamshulutishe gaswale mti gua asusu gwa Yesu.
\v 33 Na habahiile ha imwe ihana ilihugiswa Gologota noo udiga miswe.
\v 34 Bammele unywa mmena usupaganya na aabi, gee hetondile guhaninye ubinywa.
\v 35 Habahwile umsusula bagabulane bisanjwe byake bisobolanywe bululi iwilile inywa idogominywe na mbwa, bagabule bisanjwa bianyi hawingi habo isanjwa yanyi isobo lanywe.
\v 36 Bashamine na uumlola.
\v 37 Babile hekulu ha mswe gwake, mashitaki mage bagolile bino, gugu ii Yesu, olo lia Bayahudi.
\v 38 Moka mamo mengo basapi bopi basusulwe hamwechi nage gumwe uboo wage wa ulume na gunge uboo wage wa wachi.
\v 39 Baya bene babele huhita mndila bamtwile badigiche - digiche miswe gaibo, boo nugana.
\v 40 Gogwe mine ulihwibele ihwilo na wigubaa umasugu matatu, ubehonya luhuda lobe, nambo gogwe noo mwana gwa Abetcha Pungu, salaga uumti gwa asusu.
\p
\v 41 Byoka biya na bibuli byata bamsebulule hamwechi na bagochi na baulu bakanine guhominye bengi gushihuosha ulihonya gemine.
\v 42 Gee ii olo liya Isilaeli na gabesala uumti gua susu na beswe twiim'buashwa.
\v 43 Gummudakile Abetcha Pungu gabemmonya, nambo gulihuum'benja, yulu guganine, nene ni mwana gwa Abetcha Pungu.
\v 44 Na baya basapi besusulwe nabo hamwechi nabo bamsebulule.
\p
\v 45 Na utula mengo ma mkunyia meno habele mdoo mpaaka saa lya haboola.
\v 46 Na mpaaka saa lyamabula, wa lidi mbila Yesu gugabile, “Eloi, Eloi, lama sabakitani.” Noo ugana “Abetcha anyi, Abetcha anyi yulu ya ii wandeelela?
\v 47 Na batu bena babele haya, habahuliche, baganine guno gulihumgita Eliya.
\v 48 Gumwe gwabo gukile ambilo guguhile esengo na uchunda mmaabi, nubia uulonge na unywisha.
\p
\v 49 Baya bange bakanine, lea tumone, nambo Eliya kwicha uumonya.
\v 50 Yesu hehwile udogoma wa lidi lyaata na wa uoma, guleelele ge nuala mtima.
\v 51 Na kikyo pashia lya ihwilo nugulya biba biopi utula hegulu nda na hasii ibalo idigile na mawe ubelea.
\v 52 Sinda chibugwile mibili gingii gya bahaha gibele gilachu giginwuile.
\v 53 Nabo habahwile ubiuwa msinda chabo, hanyuma ha uchuwa wage, bagingile mbuga gya kihaha, bamonee bengi.
\p
\v 54 Hahu guya ilumepambwa, na baya bebele nabo umlola Yesu, habamonine Ititicha yasii na bihisho biene bigiliye bamonine booba baganine wiinene gugu gwoba mwana gwa Abetcha Pungu.
\p
\v 55 Habele baachana bengi hulolela wako babo nao bamlamine Yesu utula Galilaya, na umkilila.
\v 56 Mgugo mmanga babelemo Maliamu Magadalena, Maliamu mnabo gwa Yakobo na Yusufu, na mnabo gwa bana ba Zebedayo.
\p
\v 57 Mengo ma igolo hachwile mtu mona uhuma Alimatayo china lyake Yusufu, nage iyaka kubele mkikiwa gwa Yesu.
\v 58 Gugo mtu gumkilile Pilato, usaba itumba ya Yesu. Pilato gubasambile bamme yo.
\v 59 Yusufu gwikuhile iya itumba nawiihamba na sanda lia malekani.
\v 60 Gum'biile msinda lyake lya lihia lielibele gwabada uliwe, guu mbageche liwe lya lyata na ubugala mchango gwa sinda, nauligila.
\v 61 Haho bibyo babeleha Maliamu Magdalenem na Maliamu guya gwa bubili bashame balihulingamina usinda.
\p
\v 62 Lusugu lwa bubili, lubele hanyuma ha ulongamanya, bubili byata, na bafalisayo basumbile wa Pilato.
\v 63 baganine, mlume, taengelecha ugana gya mana kuganine kwilipo geti hanyua ha masugu matatu kuichwa uhuma ubabu.
\v 64 Wa bibyo ulage liya sinda lilolwa wa buwa na biehya lusugu lwa matatu. Bakikiwa bake bashichwe uumkiba, na ubasambila batu guachwa uhuma ubabu na lubicha lwa isula lwihita lwa lutangi.
\p
\v 65 Pilato gubasambile, mwina basolokoto bakie ulilola sinda wabuwa nahi biamugidi.
\v 66 bakile, balilolile senda bibenju, liwe libiilwe yaala, na basolokoto babele huyesha.
\c 28
\cl Mbukwilo 28
\p
\v 1 Haho lusugu lwa ulihocha haluhwile, buliyeshe lusugu lwa lutangi lwa yinga, Maliamu Magadalena na Maliamu guya bubili, bagile ulilola sinda. Na
\v 2 ulola, habele ititicha ya sii yata, yulu malaika gwa Mlume gusalile uhuma hegulu guchwile na uumbagacha liya liwe na ulishamina.
\v 3 Na yenyi yage ibele nahi ahenyu - henyu na bisanjwa biake bibele bihaha nahi imundimundi.
\v 4 Baya basolokoto yulu ya boba badandile babele nahi babu.
\p
\v 5 Malaika gugaile na ubasambila baya baachana. Benywe nangu usina, bululi nigidi muli hummenga Yesu nine kususulwe.
\v 6 Gushi iyaka hano, yulu gwachwa nahi bieli ganine. chuwe ulola helilachichwe.
\p
\v 7 Benywe gidakwe abilo ubasambila bakikiwa bake gwachwa uhuma ubabu. Lolwe gwabangwa ugia Galilaya, no wamwimmona. Bibyo nahuhwa umsambila.
\p
\v 8 Baya baachana bahume haya hasinda nukia abilo wa iduba na saso lingi, na ubasambila bagigiwa bage mwano.
\v 9 Haho Yesu gusambene nabo gubahele, moyo! Bashemine na um'muda umagulu na um'bungila machwi.
\v 10 Hanyuma Yesu gubasambile, nangu uba na bobaa giwe ubasambila bashi wetu babangwe Galilaya ubo noo wabimona.
\p
\v 11 Nabaya baachana hababele hukia, lola baya basolokoto bagingile mmbuga, babasambile bibuli byata mwano gwa byose byene bigiliye.
\v 12 Basumbile hamwechi na baulu, bahungile mlango babahele baya basolokoto bumona bwingi.
\v 13 Babaganine mugane bagigiwa bachwile mpusuku bangiba hatwaba balachu.
\v 14 Na ino inywa ishihulichiwe wa liwali, beswe tuidokoma nagee, na benywe tii mmuminya iduba.
\v 15 Basolokoto bakuhile buya bumona, na wita nahi byabasambilwe na iyo inywa isambalele u Bayahudi bose nda na lino.
\p
\v 16 Na baya bakikiwa umi na gumwechi bonugiya Galilaya, uluya loono luelibalagile Yesu.
\v 17 Nabo habammonine, bambungile machwi hawingi habo bamwe babele na mashaka.
\v 18 Yesu guchwile wabali gudogomine nabo, gubasambile, nihelwe uoma ose hekulu na hano hasii.
\v 19 Bibyo, giiwe, ugiita mioga giose uba bagigiwa, m'bachunde wa china lia tata, mwana na wa mtima guhaha.
\v 20 Na ubagigia na uwita biose biandi msambile benywe na lolwe, nene nihamwechi nenyu masuku mose, ndaa na isula ya ibaloo.