See in Reader
1004 lines
65 KiB
Plaintext
1004 lines
65 KiB
Plaintext
\id MRK
|
|
\ide UTF-8
|
|
\h Marku
|
|
\toc1 Marku
|
|
\toc2 Marku
|
|
\toc3 mrk
|
|
\mt1 Marku
|
|
|
|
|
|
\s5
|
|
\c 1
|
|
\cl Marku Dimero
|
|
\p
|
|
\v 1 Wo co terka fulen kerer Yecu kritti bi bwe kwama.
|
|
\v 2 Nawo mulangnum mwor icaya nii tomangeu, To mi tung nii tomange mii ti kabum mwem wuro a ywel mwen nure tiyeu.
|
|
\v 3 Diro wo cuo bi cuor ti mwor yere ywelum nure kwamau, kom ywel nure cew na tiken cer.
|
|
\s5
|
|
\v 4 Yowana bow, yu mwem kwamam boti mor yere, yila ci merang nubo nen yila kakoti wo aboutiki tabka bwirang kerekeu.
|
|
\v 5 Mor bi ten Juda gwam kange nubo Urcalima cerangu yaken cinen. cin yu cinen mwem kwamambo mor carci urdu, laci tok bwiranker cero ti.
|
|
\v 6 Yowana dum ki belle yiri telemer kange tei bwam fercere, cari cero bikwanke kange ywiti to kiyeu.
|
|
\s5
|
|
\v 7 Cin toki ki Nii kange atin bwou bwigobmib wo kwami layereu, dukka taceko milabo cungi nami kwiye.
|
|
\v 8 Miki yu kumen mwem kwamam bo ki mwem, dila ca yukumen ceki yuwa tangbe ko wuccakeu.
|
|
\s5
|
|
\v 9 Layilam nyo ki kume tinimbo curo Yecu ceru nazared mor Galiliri, la Yuwana yucimen mwem kwamambo mor carci urdunen.
|
|
\v 10 Kambo Yecu cerou mor mwekyeri cin to lo kwamau wumom dila yuwa tangbeko yirau dorcer na nagumfe yii ti lakwom cem.
|
|
\v 11 Diro yirau di kwama, kiwo cu bwe neremiu min nuwa luma mwekti.
|
|
\s5
|
|
\v 12 La yuwa tangbeko cuk co naci yaken mor yere.
|
|
\v 13 Cin wi mor yere kume kwina'ar bwe kelkeleu cuwa coti ci wari kange nange kiye, la-nob tomangeb bo bow macinen nangenti
|
|
\s5
|
|
\v 14 La ki kwama wo ci tam Yuwana ri, Yecu bou mor Galili merange fullen ker kwamaroti.
|
|
\v 15 Cin toki, ki "kwama diim la liyar kwamaro darum yuloten kom ciya kange fullen kerero".
|
|
\s5
|
|
\v 16 Ki kwama wo ci yakenti cunge wima Galiliye, cin to cimon kange Andirawu Kece ci mer biliyar mor wima wori cin nob taka jingeb.
|
|
\v 17 Yecu yici, "kom bou kom bwangtenyeri man yilam ki kom nob taka nobeb".
|
|
\v 18 La danjang danjang cin dubom biliyaro ri cin bwangten co.
|
|
\s5
|
|
\v 19 Kambo Yecu yakenti kab bi duwareri cin to Yakubu bibwe zebedee kange Yuwana kece, ciki no mor tokum bwatiyem ci ywilan biliyar certi.
|
|
\v 20 Cin cuo ci lacin dubom tece zebedee mor tokum bwatiyen bo nin kange canga bo ci tuweu, la cin bwanten c.
|
|
\s5
|
|
\v 21 La cin bou mor kafarnaumeri, ki bidiye fobkari, Yecu yaken mor Bikur waber la meranyi.
|
|
\v 22 Merangka ceko yila cinen diker nyimanka wori cin merang cimen niwo kibi kwan kere reu la kebo na nob mulankab.
|
|
\s5
|
|
\v 23 Ki kwama cuo ni kange wii mor bi kur waber cero nin wo ki yuwa tangbeko bwir kwa dir kibi kwan.
|
|
\v 24 Ciki ye yonyowi kange mwe, Yecu wo Nazared deu? mwibow namwi twellangum nyoka? min nyumum we mo. muna wo kwamace wucakke.
|
|
\v 25 Yecu werang kelkelito ciki kumom na cerucinen?
|
|
\v 26 La yuwa tangbeko bwirko kwaco mirang wi bitine Yila cerum cinen ki kwamawo ci werna kiyange
|
|
\s5
|
|
\v 27 Nubo wiyak nyimangi la cin mekang bwiticeu "Ye wo? merang kako fwir ki bi kwan keret! cin yi Yuwa tangbeko bwir ker kibi kwan neret di ciin bwangten dir cero!
|
|
\v 28 Fulen keret cero wam mor biten Galili nin wiyak.
|
|
\s5
|
|
\v 29 Kambo ci ceriu mor bikur wabereri, cin bou mor luwe cimone kange Andirawuc ci wari kange Yakubu kange Yuwana.
|
|
\v 30 La fer cimone nawiyeu damda nuwabo luma ki kwiirombwim la cin yi Yecu ker cero.
|
|
\v 31 La cin bow cin tam kangceko cin kung cori la kwiimrom bwimbo dubomco, la cin teri ci macinen cariti.
|
|
\s5
|
|
\v 32 Ki me cuo kambo kwama yarum meri, ciin borang cinen Ki nubo nuwarangbo lumau kaka nubo ki kelkeliyeu.
|
|
\v 33 Cina loro gwam mweri wari nyilok.
|
|
\v 34 Nubo kila wo nuwa bo luma ki wang twirankeko ki dimen kidimeneu ri cin cikangum kelkelito kila la ci dobbo kelkelito a tokker wori ciin nyimon co.
|
|
\s5
|
|
\v 35 Cin kweni ki gwamje bwiri kumeu wi cin yaken fiye nob maneu la cin kwob dilo wii.
|
|
\v 36 Cimon kange nubo ci wariyeu do co.
|
|
\v 37 Ci fya cori cin yi coki "nubo wuyak donenti".
|
|
\s5
|
|
\v 38 Ciki "kom biya fiye kange mor cunnukertimbo ken tngeum, beu nabi merangi wi ken co diker bowkimo fea.
|
|
\v 39 Cin yaken biten Galili gwam merangti mor bikur waber cer kange cokka kelkelib.
|
|
\s5
|
|
\v 40 Nii wale kan-nge bou cinen ci ken coti, cin cungen bitineri layin coki "no mwi cii tiri, mwatin yilam kimo wucak".
|
|
\v 41 Dim ki winangtum, Yecu tar kanceko keco, layi ki "mi ki cui yillam wucak".
|
|
\v 42 Danjang -Danjang waleu dubom co, lacin yilam wucak.
|
|
\s5
|
|
\v 43 Yecu macmen biweret ducceri la yico ki ciyakenti.
|
|
\v 44 Cin yico, "ciyare yi kange Nii diker la yari nun dor mwero nii wabenen na twi nuwanko ficange wo wucak mweko cew nawo nerofun muncaro togeu, na buka kange ko ce.
|
|
\s5
|
|
\v 45 Dila cin ceri kaleri cin yoten tok kako yanglang laci waa kero la Yecu mani a certi cinar lor yanglangeu dila cin yaken fiye nob mani wiyeu duwal nubo yarankenti cimen fiye gwam.
|
|
\s5
|
|
\c 2
|
|
\cl Dimero 2
|
|
\p
|
|
\v 1 kambo ci yilau kafanaum kume tini biduwar cumeu lan nuwam ki cii wii lo.
|
|
\v 2 ducce mweri wi wo fiye kumbo wiyeu ki nyilocek, la Yecu yicii kero.
|
|
\s5
|
|
\v 3 Dila nubo kangembo boutiki kilenir nubo naar tum ki ce.
|
|
\v 4 Kambo mani ci lati bido kange co wori nuo dim fye cuo ri cin wumom dor kuwero dong dong fye Yecu time kambo ci wumbuwakeri cin cuku biciri wo kilendo damdor cereu.
|
|
\s5
|
|
\v 5 Ki toka bilenkercerori, Yecu yi kilen niro "bwe bwirang ker tini mwero an tabum cuo.
|
|
\v 6 ls nob mulangkabo kangembo yim wiri cin kwabi mor nere ce.
|
|
\v 7 Man yi niwo a tok ti nawe? cin man dur we tab bwirang kerer tiye. dila kwama kikwace.
|
|
\s5
|
|
\v 8 Dangjang Yecu nyumom mor tangbece yeci kwati tiber cere, cin yi ci "ye bwi com kwa wuro ti mor nere kume?
|
|
\v 9 Ye bwaibe ayi kilen niir tiye bwirang keti mwero tabum kaka na yiki kwen ti, tum biciri mweu ayakenti.
|
|
\s5
|
|
\v 10 Dila nako nyumom komki bibwe nifire wiki bikwan keret dor bitiner na tabum bwirang keret cin yi kilendo.
|
|
\v 11 "Min yinen, kweniti tum biciri mweu na mwa yakenti lomo.
|
|
\v 12 Cin kweni cin ti dangjang dangJang tum biciriu la cerum mor luwe nin kabum nubo gwam na yila cimen diker ynumankar gwame la cin ne kwama duktangka la cin yiki, nyi tombo dikero kange ni nuwau.
|
|
\s5
|
|
\v 13 Cin cerken kale tak kong cuarek la kacinube gwam bou cimen di cin merang cimen.
|
|
\v 14 Kambo ci cuken tiyeri, cin to lewi bibw lfayo yim fiye yime nob oka dorek la cin yila bwangmen ten. cin kweni lacin bwangcinenten
|
|
\s5
|
|
\v 15 Yecu wiki cikka la levi kange kangenob yoka dorer ducce kange nob mwiang kerer cati wari kange co kange nob bwang kabcebo wori nubo nkila lacin bwang cimen ten.
|
|
\v 16 Kambo nob mulangkab, wo no dinglibbeu to Yecu cati kange nob bwirangkeret kange nob yoka dorekeri cin yi nob bwankako ye bwi ci cati kange nob yoka doreke bwangkacebo kange nb bwirangker.
|
|
\s5
|
|
\v 17 Kambo yecu nuwa weri cin yi ci nubo kwamer bwiyeu mani cai ni twakati dila kan nubo nubo nuwa lumau cii cotiye. ma boubo nami cuo nubo wo cak-cake dila nob bwirangkerer.
|
|
\s5
|
|
\v 18 La nob bwangkab Yohanabo kange nob dinglingeb yim ngak nubo kangmbo bow la yicu "Ye bwi nob bwangka Yohanna bo kange nob bwangkabo nob dinlngebo yim ngak ri nob bwanga mwebo yibo ngange?
|
|
\v 19 Yecu yici "farub niwo ki bincu atin yi dilomeu ngak kaka ki wura ki kwamawo niwo kibneu wi wari kange ciya? tano niki bincuwe kange ciri, mani ciya yiti (Ngak ki wura kaka ki dilomwe).
|
|
\s5
|
|
\v 20 Dila kumeni atin bau wo ciya tum ni ki bineuti cineneu, la ki kumeni curori ciyatin (yiki yi Ngak dulomweu kange wura).
|
|
\v 21 Ni mani wo a cur fiti kwilene fwir ti dor kwilendo car, kebo nyori wo taltiyeu ati woram wi bwilco, carko bwi fir ko nen, dila worakako antin bwira
|
|
\s5
|
|
\v 22 Ni mani wo a corten mwem bituttuimbo fwir ti mor benti lando cereu kebo nyori mwem bituttuimbo an fwii dila ni atinn la bantilando kange mwem bituttutuimbo Nyori mwem bituttuimbo fwir ko a cori mor bangtilando fwir.
|
|
\s5
|
|
\v 23 Ki diye kakuk fobkak, Yecu do or to cange dila no bwangkabcebo yoten kyang dor cange roti.
|
|
\v 24 Nob dinklibo yico "too ye bwi cima dikero kange ti fwam werfun kakuk fobkake?".
|
|
\s5
|
|
\v 25 Cin yici, km kiye bo inye Dauda mane ki kwamawo ci cwi dikerti takeu ci nuwa wurati ci kange numo wo ci wariyeu.
|
|
\v 26 Kambo ci doken mor lo kwama ki kwama wo Abiyatar co nii biwabero dur keu, la cin cam tiilita wo daten bo kange no kebo ni werfun di acatiye yila cinnen nubo wo kange ce nin?
|
|
\s5
|
|
\v 27 Yecu yiki, die fwob kabo ci mam ki nii ci mabo nii ki diye fwobka.
|
|
\v 28 Nyori bibwe nii tee luwe wiyak kange wo diye fwobkakoe.
|
|
\s5
|
|
\c 3
|
|
\cl Dimero 3
|
|
\p
|
|
\v 1 La Yecu yila ten mor bikur waber la nikange wo Yecu kanko nom-nokeu.
|
|
\v 2 Nubo kangem cii cinen ten niwe naci to keno can tam niwo ki kakon fobka di na ci mwelcinen ti dor.
|
|
\s5
|
|
\v 3 Yecu yimom kanko nomnowen, kwentittiye tiber nobero gwam.
|
|
\v 4 la co i nubo ki daten a ma dikero ken ki kakuk fobkak, kaka a madiker yorbeu, a cer dume kakaa twal dume? la cin kumangum
|
|
\s5
|
|
\v 5 La con to ciki funer, nercero kayam kaya kibi kwan duwer cin la co yi nii co, tarken kanmweko la can tarken kance kori la Yecu tamco.
|
|
\v 6 La faricawa ceri wulom-wulom yaken fiye nubo lo Hiridu wiyeu la tokkangum nure wo ciya twalum co tiyeu.
|
|
\s5
|
|
\v 7 La Yecu kange bibei tomange ceu ci yaken koncaci la nubo kila bwang cinenten, tabti Galili kange Yahudiya.
|
|
\v 8 Tabti Urcalima kange Edom kab kange Urdun kange kentankako Tayau kange Cido. La ci nuwa dikco matiyeri nubo kila bou cimen.
|
|
\s5
|
|
\v 9 La ci mwe bibei tomangeb ceu a docimen nabire mwenge biduware a timtiye worinubo kila, kati yilo ci kwenan cinenten.
|
|
\v 10 Con too nubo kila kila, wo nubo twirau doti kawo naci kem bwiciu.
|
|
\s5
|
|
\v 11 No na kelkelibo tocori ciki cung cung kaaco ci kwa kiyange kibi kwan ciki mo bi bwe kwama.
|
|
\v 12 La con yi cikibi kwan ci a dok re nubo a nyomom co.
|
|
\s5
|
|
\v 13 La con kwiken dor banged, la con co nubo co cui tiyeu, co ciya cinen.
|
|
\v 14 con cokum kwob cilombo yobeu (con co cibibei tomange) buro a yiti kange ceu, naco twom ci naci tok fulen kereroti.
|
|
\v 15 Con ne ci bikwan kerer wo ci a cokum kelkelibotiyeu.
|
|
\v 16 Con cokum nubo kwob cilombo yob, won caminu co ne co dendo Bitru.
|
|
\s5
|
|
\v 17 Yakubu bi bwe Jabadi kange Yuwana yii Yakubu, wo ca ne ci dendo Buwanarji no co bibei kunye.
|
|
\v 18 Kange Andirawu, kange Filibu, Kange Batilomi, Kange Matta, Kange Toma, Kange Yakubbu bibwe Alfa, Tadawu Caminu bwekananiya.
|
|
\v 19 Kange Yafuda ikariyoti wo a miye co tiyeu.
|
|
\s5
|
|
\v 20 La con doken mor luwe nubo kila kicangeu yila bourengu mwerti wo dokci ci cabo cariye.
|
|
\v 21 Nubo lo ce nuwa nyori, co ci ceru we naci tamco, ci tokti ciki, mani mor dume nece.
|
|
\v 22 Nob mulankabo yirau Urcalimau, ki ba'al zabu kwiken dor cere, kibi kwan liya kelkelir co cokan kelkelib tiye.
|
|
\s5
|
|
\v 23 Yecu cou ci fiye co wiye, la yici dangeke ki, bwe kelkele a cok bwe kelkele nyi?
|
|
\v 24 La nyo na liyar an tikan bwiciri, liyardo co manki tika.
|
|
\v 25 No na luwe yalkan bwiti ciyeri luwe co mani a tii ti.
|
|
\s5
|
|
\v 26 La no bwekelkele kung dor ceri nin ten yalkangum ri mani a titi tak, ciile ceu beken.
|
|
\v 27 Nii mani a doti lo nibi kibi kwan na yem kulen do mor luweu, kebo kiwo ca bwabangum na'a ni bikwaneu. na nimre co yem kulendo mor luwe ceu.
|
|
\s5
|
|
\v 28 Kibi com maa yikomti bwiranker bibe ifire maneu an to tabum ciko, kange ketito bwirko wo ci tokkeu.
|
|
\v 29 Nii wo na tok kero bwir dor yuwa tangbaek kwamereri, mani a fiya tabkati, la mani a ma bwirangkero ti tak bak ni bak.
|
|
\v 30 Yecu tok wori ciyico tiki con wiki yuwa kelkelek.
|
|
\s5
|
|
\v 31 La neece kange yitub cebo bou tirangum kale, lacin two cimen ki nyiyal co a bou.
|
|
\v 32 Nubo mwerum kentangum co, coci yico ker kinee mwe kange yitub mwebo wo fo kale, ci donenti.
|
|
\s5
|
|
\v 33 La cin karcimen we nemi kange yitub mibo?
|
|
\v 34 La yila con to nubo yii kentangum ceuri, yici ki nemi wo kange yitub mifo foo.
|
|
\v 35 Niwo ma dike kwama cuitiyerii ni co yim, kange kor-yami kange nemi.
|
|
\s5
|
|
\c 4
|
|
\cl Dimero 4
|
|
\p
|
|
\v 1 La con ter merankako kong caji. nubo kilakila mwrum wi kentangum co, ta con doken mor nabire menge mor caji con yiken morcer. Nubo mwerum wiyeu yim ciye dukle kong caji.
|
|
\v 2 La co merang cinen dikero ducce ki dangke, mor merangka ceko con yiki.
|
|
\s5
|
|
\v 3 Ko to cinen nii fike kange yaken fik dumek.
|
|
\v 4 Co mor waka dumek ri, kangem dumembo yarangti mure bilibeteni bon mirangum.
|
|
\v 5 kangembo yarangken fiye ki tetten, bitine cuwabo.
|
|
\s5
|
|
\v 6 La kakuko kwiuri cin comam, wori ci manki niye niye ken cin kwicim.
|
|
\v 7 kangembo cin yarken mor cuiwakkek ci dwiyang ken tiwi la cuiwakko cakkangum ci, cimabo nuni.
|
|
\s5
|
|
\v 8 Kangem dumebbo yarangken bitine ken kwen tuu duyangi ma nuni kangembo bilako kwini taar, kangem bo kwini nukkun, kangembo kwini kwob.
|
|
\v 9 La yi ci niwo ki tu'u nuwakakeri anuwa.
|
|
\s5
|
|
\v 10 La Yecu ki kwaceri, nubo bi dom knge ceu kange kwob cilombo yobeu, cin me co diker dangke wo nung tiyeu.
|
|
\v 11 La yila yici kumeu ciya ciya cumenko nyomom yur ker liyar kwamaro, nubo bro mani more kumeu ciyeu kero gwam kan danke.
|
|
\v 12 wori to ka ki nuwe cin tom, laci nyombo, nuwakako cin nuwam fire ci bo, kati ci yilamri tabcinen bwirangkeu.
|
|
\s5
|
|
\v 13 La can yici ka nyombo danke wa? la ka nyom tangnim dankembo fiyang?
|
|
\v 14 Nii fikeu, co ker kwamaro co fitiye.
|
|
\v 15 nubo brom yarong nureu cin nubo fiti kero mor nere ce, laci nuwamri, kuta bo bwekelkele bou bon tum kere fi mor nee ciyeu.
|
|
\s5
|
|
\v 16 Nyo tak nubo brou cifii mor tetteneu, ci nubo na nuwa kero danjangri yoki for nerer.
|
|
\v 17 ciyeu la ci manki niti, manki bikwan, no dotange kange bune bou ki kero wori can candowo cin an yarum.
|
|
\s5
|
|
\v 18 Brou ci worombo yaranken mor cuiyakkeu, ci nubowo cin nuwa kereu.
|
|
\v 19 La dikero fo kaceleweu, kange biboler cuiyekar, kage kum kange kangem dikerem cin doken cin cakkangum kero nercireu, cii manki nagen.
|
|
\v 20 Nubo woro ciyar dor bitine keneu cii nubo nuwa kerceri cin yoo naci ma nagen ciko kangembo blako kwini taar kangembo kwini nukkun kangembo kwini kwob.
|
|
\s5
|
|
\v 21 Yecu yii ci kom bou ki kira mor luwe na kom cumom ki bulen kaka kati buwak kwangnik? kom ki bou ciko mor nako tikken fiye timtiyeu.
|
|
\v 22 Kange diker mani yuramyurange wo mani a nyomtiye, nyo tak kange yurken maniwo mani a tokti tareu.
|
|
\v 23 Nii kitu'u anuwakau anuwa.
|
|
\s5
|
|
\v 24 La cin yici ki kum cwatu naku nuwa dikero mwanuwau, kwele mwa cwa cikeu ciya cwa mwen ki kwele cwoo yila yuk mwenten.
|
|
\v 25 wori nii ki dikereu ki yok cimenten yok, nii man cikeu an yom cinen na yok nii cikeu nenten.
|
|
\s5
|
|
\v 26 Con yiten ci liyar kwamaro kino na nii fiidum diker bitineu.
|
|
\v 27 Bi dabi kweni dumbo kiu, dwiyom ca nyumbo keno ma nyiri.
|
|
\v 28 Bitineu kibwici kinem cari nyo, kii kako co kabako.
|
|
\v 29 Na doro na nimre nuni ken. No na cori to bimdi can tubi lure co kiyem ciko cancan dowo cwakiya kon lam.
|
|
\s5
|
|
\v 30 Yitenci kinye ba bongang liyar kwamaro ti cike? kaka ki dangke wini a dango ti cike?
|
|
\v 31 Na nun nyincine, no na fii cori co bi duwareu mor nuni dor bitinereu.
|
|
\v 32 Na fim cori ki dwidwi la tangnim tinimbo mor kiyeu, kani ceu ka dur wo bilibeu ki yulang tende locio wiyeu.
|
|
\s5
|
|
\v 33 Kange danke kla-kla na brou co yi cki kere dong dong kange yomka ceko.
|
|
\v 34 ma coyici kange diker ki tok kin danke, na ciyim cungari co ki fwetang-fwetang bibei tomangece nen dikero gwam.
|
|
\s5
|
|
\v 35 Kidiye ciro kimeri layici bi yabken firen dinge wurendo.
|
|
\v 36 Lacin dubom nubo mwerumeu cin tu Yecu mor nabire mwenge kange ci, kangem nabire mwengem bo kange co.
|
|
\v 37 La yunwa mwengeko kwam kwameu kwenu kange mwelankako mwelantiyeu diikenti mor nabire mwegero nin, wo kiyang nabire mwengeu dim ki mwem.
|
|
\s5
|
|
\v 38 Yecu wi mor nubo yim wii nabire mwegnero neneu, la dumbo tuu co dorkuncalar ci yung co nii merangka, mwa yumbo kambo yin darum bware ka?
|
|
\v 39 La Co yuramdi La ci tok ker kange yuwa ko, ki "Atiyo" La yuwako tacemendi, luma bwocemen.
|
|
\s5
|
|
\v 40 La cinyi ciki, yee bwiye kom cwatai tiye? kom manki belingker ka?
|
|
\v 41 La bwiciyeu tum katai la ciki tokange bwitice mwewo ar kange yuwako, kange caciyo neco dur.
|
|
\s5
|
|
\c 5
|
|
\cl Dimero 5
|
|
\p
|
|
\v 1 Cin beken dinge caciyo wineu mor Gerasenes.
|
|
\v 2 Na wo dang Cang, la Yecu yiram mor nabire kange nii kidwiti yuwa cerou mor twe tinin con wakanco.
|
|
\s5
|
|
\v 3 Nii cuwo kiyi mor twetinin nii kange mani win a tacoti ki diker ko carka.
|
|
\v 4 cin bwabangum coki kol kene kange bwatiye kiriti-kiriti con biyetangum nii mani a bwacoti takke
|
|
\s5
|
|
\v 5 Kume kange kakuk mor tuwetinim kange bang nii ci kwabang kyanye ti ci biye bwiceti ki tero caayeu.
|
|
\v 6 La con to Yeco firen kutan con cwa con ya cinen ci cung-cunge kabum cem.
|
|
\s5
|
|
\v 7 Con Cii wiye kidiro dor, ki "Yee ma mati kange mwe Yecu?" Bibwe kwama kibwico, min kennen neyere dotange.
|
|
\v 8 La yii coki cerou kale mwo bwekelkele cerum bwice.
|
|
\s5
|
|
\v 9 Meco wi denmwero co tok ki den miro meki nyo dutce.
|
|
\v 10 La ta kenang coti ki tikan cire kange bitiwo
|
|
\s5
|
|
\v 11 Kilan nyere durko kange wi yare cuwo ma canati fer bangye de cuwo nin.
|
|
\v 12 Ci kenco ca dobci na cin doken bwi co kene ciya cinen. Kelkeliyo ceri doken bwi nyere ci bikate yob.
|
|
\v 13 Ngere bikate yobeu yiram firen bang ci yarken mor mweme.
|
|
\s5
|
|
\v 14 Nobo to ngere tiyeu cin doken mor cinan lor kange cinokur bidom, ci ne fulen dike bwiyeu. Nubou kila cinya nacin too diker bwiyeu.
|
|
\v 15 Cin bo Yecu nen cin too nii woki kelkeli yimye, kwamer merum ki kulen taito tamco.
|
|
\s5
|
|
\v 16 Nubowo tum diker fiya nii wo ki kelkeliye, cin ya cin yi nubo diker citoo bwi kange Ngereu.
|
|
\v 17 Nubo kenanco ca cerum mor bitineciyeu.
|
|
\s5
|
|
\v 18 Co nii wo kelkelibo ma liyar ti ki ceu la co too Yecu a dokenti mor na bire mwenge co ya cokken Yecu na ci bwangtenco.
|
|
\v 19 Dila Yecu ciya cinenbo, Yi co mo yakenti lokum fiye nubo lokume wiyeu, yici luma ko teluwe ma mweneu.
|
|
\v 20 Nii wo doken dikafoli co tok diker durko Yecu ma cimeneu gwam ce cin dimki yumanka.
|
|
\s5
|
|
\v 21 Yecu yabken dingye caciyo wineu mor na bire mwenge, na bom nubo kentangum co dinge cacionen.
|
|
\v 22 La kange win mor nubo dur kuwabi coti ki Yayiru nbou fiye co wiye yira cunken kabunce co to ce.
|
|
\v 23 Kenan coti, tokti bibwemi nuwabo luma, da dom bwar. Ma ken nenti biya lomi na yoti kan docer na co fiya luma, na co bum.
|
|
\v 24 La co yaken wari kange co, na bom nobe cin bwang cimenten, ci kukkan coti.
|
|
\s5
|
|
\v 25 kange nawiye wi corbwiyale ti con din caro kwob culomboyob.
|
|
\v 26 Nuwa dotange bicum cin ya nob twakabo nin con twal kiyemer duce dila co fiya bo luma, dikerero yokka mattiye.
|
|
\v 27 Co cin nuwa fulen Yecu coci bwangum bwi ceko ci yakenti mor nube, la con tei bwi bellece.
|
|
\s5
|
|
\v 28 Wori co tok ki tano man tayum bwi belleceri man fiya luma.
|
|
\v 29 Ka taikamiko, curka bwilko an tim, la con nuwa bwi ci con fiya luma komka ceko nen.
|
|
\s5
|
|
\v 30 Can nawo Yecu nuwa bikwando ceri bwici. La con yilakange mor mwerkankako con mee "we tai bellemi?".
|
|
\v 31 Bibei tomange ce yiki "Mor mwerkanka nubo kila nyeu mon mwe muke "we tai nene?
|
|
\v 32 Yecu wulongi na co too we tai ce.
|
|
\s5
|
|
\v 33 Nawiye co nyomom diker bwiye co bo mor taiye kange yilang bwiyek kabum Yecu co yi co bilenke.
|
|
\v 34 Yii co, bwe bilenker mwero twam nen, ya kwamer mo fiya luma twirak mweko nen.
|
|
\s5
|
|
\v 35 Co tokkankeroti kange nawiye wo nyori kangem no mor lo dur waber ciki bibwemwe bwiyam ye bwi mo tom nii meranka tiye?
|
|
\s5
|
|
\v 36 Yecu nuwa diker ci tokeri co yi nii dur kurbi wabero ki nure tai ne bilenker.
|
|
\v 37 Dob kange nii wari kange co, kan Bitru, Yakubu kange Yuwana yii Yakubu.
|
|
\v 38 Cin dou mor Lor nii dur kubi waber co to nubo mor fir nere ci ciwiyeti kamboken.
|
|
\s5
|
|
\v 39 La cin do luwe nendi coyi nubo "ye bwi kom dor kumeroti kange wiye?" Bubiya bwiyabo kidadum.
|
|
\v 40 La ci nung co ti Di co cokken ci kale gwamce coo te bwe kange nee bubiya kange kangem wari kange ceu cin do mor fiye bubiya wiye.
|
|
\s5
|
|
\v 41 Con ta kang bubiyako yi co ki "Tilatha koum" ki yiki bubiya Kweni".
|
|
\v 42 Can nawo bubiya kweni ta yambo [Cor cero dim kwobcilombo yob]. can nawo nobu yila ki diger nyomanka bicum.
|
|
\v 43 Yi ci nii na nyomde. yi ci ciya ne co cari.
|
|
\s5
|
|
\c 6
|
|
\cl Dimero 6
|
|
\p
|
|
\v 1 Nobom ci con dou cinanlorciye, bi bei tomange ceu bwangu co.
|
|
\v 2 Bi diye fobkako bo con do bilkur waber co merang cimenti. Nubo duce nuwa meranka ceko diger nyomanka tam ci. ciki fiya merankakowo fee? Yilen do wini kwama nece nye? nangen nyomanka ko wini co mati ki kang ceke?
|
|
\v 3 Kebo bibwe nii kwanka kuweko wabi bwe maryamu, yii Yakubu kage Yoci kange Yahuda kange Caminu? Kebce bo natubo wo bo wari kange ci? ci nuwa bo luma nerciyer ki Yecu.
|
|
\s5
|
|
\v 4 "Yecu tokki nii dukume mani le dur, ki le lo co kange curnukur cer kange naniya cek.
|
|
\v 5 mabo diker nyomankar wi, kan nob nyo bi dob wo co yo cimen kange ci fiya luma.
|
|
\v 6 Bwini bilenker ciye neco nyomka. la co cu curnukur co merangti wi.
|
|
\s5
|
|
\v 7 La con co kwobculombo yobeu con tom ci yob yob con ne ci bikwan dor yuwatangbeko bwir.
|
|
\v 8 Werang ci ciya ture kange diker na yame ce kand dang cari man cwaye man, kiyemer man mor bila ce.
|
|
\v 9 Ci ya du kan taa ciya dure belle yob bwi ci.
|
|
\s5
|
|
\v 10 Yici tano kom do mor luweri ka yimwi luwe cuwo nen, bo kom kwenti.
|
|
\v 11 Na ko ya kange luwe ci kokomeri kom ferum kwero na kume keu, a yilam warke dor nubo cinan loro cuwo.
|
|
\s5
|
|
\v 12 Cin ceri ciyi nuboti, ciya yioten bwiranker cero.
|
|
\v 13 Cin cukum kelkelito kila, cin belti nubo nen duce nuwa twirak ciye ko dim.
|
|
\s5
|
|
\v 14 Liya Hiridu nuwa nyo den Yecu ylam nyomom nyome nubo nin gwam. kangem bo yiti ki Yuhana nii yumweti kweni tuwe co diker bwi ci maran nagen nyomankako wo ticinene.
|
|
\v 15 Kangem bo yiti ki Iliya nyo na wo kangem yiti ki win mor toka dukume
|
|
\s5
|
|
\v 16 Hiridu nuwa wori con yiki Yuwana wo ma mwotum dore co kwene ka?
|
|
\v 17 Hiridu doki a ta Yuhana na merken fucina ki ker Hirodiya (wii Filibu yice). Na co nam co.
|
|
\s5
|
|
\v 18 Wori Yuwana yi Hiridu ki dabo ca na wi yice.
|
|
\v 19 La Hirodiya tii ner na co twalum Yuwana dila mabo.
|
|
\v 20 Nori Hiridu nuwa Tai Yuwanati con Nyomom Yuwana nii wucakke take cakcak. Hiridu ciya bo knage dikero a fiya Yuwana. na co nuwa fulen kerero Yuwana toktiyeu funer cero kweni kange nyo ki furwor neret coki cuware tuu nuka ceke.
|
|
\s5
|
|
\v 21 La hirodiya fiya da can ma diker co cwi makatiyeu kakuk boka ceko kentangu Hiridu co cika, nubbo durko ma mangenti mor liyare ceu, kange nubo durtinimbo mor Galili.
|
|
\v 22 Bubiya Hiridu yelyilako yori Hiridu kange fabubcebo nen Liya yi bubiya ca tok diker co cwitiyeu man nenen.
|
|
\s5
|
|
\v 23 Con ner cinen ki ye co cwitiye, bwen Liyar cerdi can biyeri co nen co.
|
|
\v 24 Ceri yaken ya me nece "Ye ma yi coti ca ne yere?" La ki dor Yuwana nii yuka mwem me.
|
|
\v 25 Bubiya wo yilau wulom mor kuwe nubo mwerum wiye ki a neco dor Yuwana nii yuka mwemek mor fantilange.
|
|
\s5
|
|
\v 26 Ko liya kambo ken, co manki diker maka kweri co tum nor kabum nob nangeneb ceb.
|
|
\v 27 Liya twom nii bwa dak tiye ca ya ca bo cinen ki dor Yuawanako.
|
|
\v 28 Nii bwa dak tiye ya matuii dor Yuawana ro, furcuna nyou fantilan bo ne bubiya, bubiya ya nee nece.
|
|
\v 29 Bibei tomange ci nuwa Nyori yatu bilendo fwerum tuwe.
|
|
\s5
|
|
\v 30 Bibei tomange bo Yecu nen cin yi co diker ci mane gwam kange diker ci merange.
|
|
\v 31 La cin yii ciki, kom ya kom fubom bikole nii maniyeu, wori nubo yati yilai, ci fiyabo fobka, tenkan caka cari.
|
|
\v 32 La cin ceri mor nabire mwenge ki bwitici.
|
|
\s5
|
|
\v 33 Nubo dutce tom ci yaken ti, cin yomom ci, la ci cerangum cinan loronen ka cwak, ci yulum ci.
|
|
\v 34 Boka ceko kon caciYecu to na bom nubo kila, la co cii ci, cina kwametinin manki nii bi yuware. La con yoten ci merang cinen dikeroti dutce.
|
|
\s5
|
|
\v 35 Kambo me domeri bibei tomange ce bou cin yi co fiye wo cungakin, wo me dom.
|
|
\v 36 Yo nubo brombo a yakenti faya naci do cinan lor kange, cunnukur na ci do diker ciya cati bwiti cii.
|
|
\s5
|
|
\v 37 Kar cinen kom ko neci carito, La ci yice ya nyan tiyenu carito na cule kwini kwob yob na nyo ne ci, ci cam me.
|
|
\v 38 me ci ki cwen carito nyi kom cike? kom ya, ya kom tou "ya ci touri chwendo nung kange jinge yob".
|
|
\s5
|
|
\v 39 Kom yi nubo a yiken bitine dor yerako yiber.
|
|
\v 40 Ci yi wenange, wenange kangembo kwenii kwob, kangembo kwinii nug.
|
|
\v 41 La con u cwen carito nug kange jinge yob, con kunken dor cer con yoti bibwiyer wi, co kiyangum cwen carito con ne bibei tomange ce na ci kabkan nubo nen kwarub.
|
|
\s5
|
|
\v 42 Gwam ciye cin ca cin bwam.
|
|
\v 43 Cin morang fiti ce kumeu cin dim bulendo kwob cilombo yob kange fiti jinge.
|
|
\v 44 Nubo ca cariteu cin lam bikate nung.
|
|
\s5
|
|
\v 45 Can nawo co yi bibei tomange ceu ciya kwinken nabire mwengeu ciya tiken kab nimre co bo, ciya ya Baitcaida. ce con tim naco yo nubo.
|
|
\v 46 Bwiko ci cuwe ri con kwiken dor ban-nger Kwobka dilo.
|
|
\v 47 Me dom, nabire mwenge tiber wimar, ce co dor banger ki kwa ce.
|
|
\s5
|
|
\v 48 Co to ci, ci nuwa dotange ti, yuwako yuwamci yam. keno lam nar na kwomce ce la con bo fiye ci wiye, yakenti dor mwenger, co citi na co cuken kabum cem.
|
|
\v 49 Di cin to co yakenti dor mwenger la ci kwati keno kelkeliri, cin kwa kiyange.
|
|
\v 50 Gwam ciye cin tomco, tai to tam ci. can nawo con tok ker kange ci coki, kom ma bi kwan neret kom nuware tai.
|
|
\s5
|
|
\v 51 Doken mor nabire mwenge wari kange ci, la Yuwako tam figlanka ciyeko, diker nyomankar tam ci kambo kem.
|
|
\v 52 Ci ynombo ker cwen do. Nyori ner ciyero kiyabo.
|
|
\s5
|
|
\v 53 Di la cin yabum cin yaken biten Janicarita co ci dok nabire mwenge nin gwelmare.
|
|
\v 54 Ci cerou ti mor nabire mwengeri, nubo nyomom Yecu.
|
|
\v 55 Nubo yala ka cwak mor curnukur cit, ya cin borangu ki nubo ki twirakeu dor kwang ni ciye cinen fiye ci nuwa co wiye.
|
|
\s5
|
|
\v 56 Fiye gwam co dowe cinan lor kange cunukur, mor bitine cuwo ci bo ti ki nubo nuwa bo luma, fiye miyaka kange tiyenka ci kencoti na cin tai bwi belleceu, gwam nubo tai yange cin fiya luma.
|
|
\s5
|
|
\c 7
|
|
\cl Dimero 7
|
|
\p
|
|
\v 1 Faricawa muri yecunin kange nob mulankabo firen Urcalima
|
|
\s5
|
|
\v 2 cintori mor nob toma nge cebo kan nyem cinbo ca caritoti ki kan dwitik cinirbo nire kanci ko
|
|
\v 3 Wori Faricawa kange Yahudawa maci ca cari ci nirbo kang yora wuro ci bwangten dam nubo carem cem ti
|
|
\v 4 Tano faricawa miyeka kange tenkari yilacimen kanciyan yumwen na yime cica cari dambo carko kangenwi nawo cibwangtentiye nanirka kwelmungek, kange kangum koltini wo kemero kucerkoceu ku caka cark
|
|
\s5
|
|
\v 5 Faricawa kan-nge nob mulangka me Yecu, yebwei nob bwangka mweko bwangtenbo yimbo caeko tiye, wori ca cari to nirbõ nirbo kanciko?
|
|
\s5
|
|
\v 6 Dila ciya cimen yiici, Icaya tok ker dukemer ki bwanka kumeko natoka nuwekoce, woca bulan-nyi cayiki nubowo kineye durko foni dila nerciro kutan kan-nge mwo
|
|
\v 7 wabkako kebo na bilikece cimeran bidoti nuberti nawo kebo ceu Yecu yiici, weendi kom manki yomka?
|
|
\s5
|
|
\v 8 kom cutang werfun kwama rowi komtam kabidoti nuber.
|
|
\v 9 yici kii komcam turini ka tumgum werfun kwamaro nakom bwan-ngum bidotini kume niffireu.
|
|
\v 10 Maca bulan nyi kii, ne teemwe durko kan-nge nii mwe, niwo too teece kan'nge nii cire lame buwar dangjang
|
|
\s5
|
|
\v 11 komtoki komki, cano nii i teebcebo, kwarb Tikali daten kom fiya mineneu yilam yomyowe [ min neken kwama ]
|
|
\v 12 nawori kon nemco ciyaka ciya mare teecenin kan-nge nii cenin dike kannge
|
|
\v 13 kom yoken werfun kwamaro ti dikero bwir, wori ka komnekenci bidotini kumero. wuro, kan-nge kangum bikulentin nyo kom matiye.
|
|
\s5
|
|
\v 14 yilan cwoten mwer kangka yiici, ko cuwa tu fiye miwe yeu kom nyimmwom.
|
|
\v 15 Nike kan-nge mani fiye niffir wiyeu nakagum a komco tiye cano doken morfwe fiye ceri. dikowuro ciro morfweceu co curo kangco tiye
|
|
\v 16 la nii ki tuu nuwakau, anuwa.
|
|
\s5
|
|
\v 17 kanbo Yecu dubom mwer kange nube ko dukceri, doken lõ, dila nob bwankacebo meco diko yirombo tok tiyeu nyomka ka?
|
|
\v 18 ka nyombo komki dikero fokaleu do mor fuye niyeu mani kangcore,
|
|
\v 19 wori mani lauti mor nere ce, atin dogen mor fuyece yela cerum na bween fiye tekii co kinco kerowo Yecu yilaken kicarito wuyak yilam kicaccakẽ.
|
|
\s5
|
|
\v 20 yii ciki, dikero mor fuye niyeu coco a kangco tiye.
|
|
\v 21 wii mor fuye nii, kan-nge mor nerece, kwaka neroko bwir, ka yaka, kwii, twalka
|
|
\v 22 Burotum, moodike, biciren, mantum, kucuni ƙõr, kwaneri, cwika duwek, kuleen.
|
|
\v 23 kulento bwir ko kwarub ciki ciranguu mor fuye niffire, cii cikang nii tiye.
|
|
\s5
|
|
\v 24 kweni wifo yaken biten cur kan-nge cida. doken mor luwa kan-nge wori cicwibo kan-nge anyimi cin wifo, dila dolbõ yurangka
|
|
\v 25 dila caneko cuwo Nawiye kan-nge anyimi cin wifo, wo bi bwece cokkangti ki yuwako bwireu nawiye wuro nuwa fulen Yecu dila bou boncungngi koco.
|
|
\v 26 Nawiye kino biten cirka, twe luweceu kino foniciya. ken Yecu a cokum yowako bwirko mor bwiye bi bwece
|
|
\s5
|
|
\v 27 dillan yuo, bẽ acam ki bi biyo bwiririni. wori yorbo a tuu cari bi
|
|
\v 28 biyer ane bi cuwetin
|
|
\s5
|
|
\v 29 yi co na wo mutokedi. moyakenti bwekelkele bi bwamwe nen
|
|
\v 30 yilaken lori kakwabti bi bwece dam kwangni
|
|
\s5
|
|
\v 31 yilan cari biten cur cin bwanguu cidon, yaken ciko caji Galili biten dikafolin
|
|
\v 32 cin bo cinen ki niwo tuwo mani nuwa tiyeu, kan-nge wo nyiyo tabangti tabangngeu, cii kencoti ciya yo ciimenti kangceko dorcir
|
|
\s5
|
|
\v 33 laci kwoomco mor kali nuberronin, yau cun-ngacek, laci yoti kangceko tuni niwo mani nuwati yenin kanbo ci twomti bi wombo wiyeri boci ke biyencero
|
|
\v 34 ci to dikwama ci fwoob fubombo ciyicoki, Ifatha la kiyiki wumuom
|
|
\v 35 nawo -nawo netenco nuwakaceko wi dike bwam biyen cereu nyamkangcinen, later tokko kereko yora
|
|
\s5
|
|
\v 36 yici kinyal kiciya yire nii gwam kan-nge nyaldowo ciyi citiyeu tikkan kerceroti
|
|
\v 37 dila cita nyimanti kii mabikulenti yori, dok nubo tuwo mani nuwatiyeu nuwa kerti nubo nuwati tokkerti.
|
|
\s5
|
|
\c 8
|
|
\cl Dimero 8
|
|
\p
|
|
\v 1 ki kumetin dowo, nakali mwer kangka nubek, laciman kicari
|
|
\v 2 Yecu cwo nob bwang kaceb yiciki mici bwini nubo wuroti wuri lamkume taar ciwari kan-nge moo cari mani. n
|
|
\v 3 non yokenci miniya yilarenggen loci cari maniri ciyan cuwela nure wori loniceu kutagnyii kabo.
|
|
\v 4 nob bwangka cebo ciya yiki, ba fiya tillita wurofe mor kiye wuro alam nubo wuro nyeu?
|
|
\s5
|
|
\v 5 meci tiilita nyii kom ciya? cinyiki niber.
|
|
\v 6 yi nubo ki ciya yironken. cintu tiilitau kambo ci danbuka kan-nge keri kiyan tiilita cuwo, laciyi nobbwanka cebo ciya kabkan nubo nin la cin kabkang nen.
|
|
\s5
|
|
\v 7 ciki jinye biduwattini. kanbo ci danbuka kange keri yi nob buwanka cebo ciya kabkang nubo nin.
|
|
\v 8 cinca cin bwam. cin murang dike kumeu ariniber.
|
|
\v 9 nabarobo wii bikate nar Yecu yokenci.
|
|
\v 10 widanjang Yecu doken tukom mungngem kange nobbuwanka cebo cin yaken biten dalmanuta.
|
|
\s5
|
|
\v 11 dila faricawa bow cin ter mulendo kange coci cuiti nadancimen yirombo wori naci cuwaco.
|
|
\v 12 cin kuob fubombo yuwatang becekonin yiki, yebui kaldo wuro dotika yiromme. bilinke miyi komti yironbo kange mani wuro ane kaldo wuro tiye
|
|
\v 13 landubomci doken tukom mungem yabken din nge mun nge wineu
|
|
\s5
|
|
\v 14 kwama wuro nobbwanka cebum ciya ture tiilita. wori tiilita wincwar ci cikẽ mor tukum munngem me.
|
|
\v 15 yici kom kabati ki yicti Faricawa kannge yicti tiriduceu.
|
|
\s5
|
|
\v 16 nob bwanka cebo cin ter fuwakankako tiber ciyer wori binmanki tiilita.
|
|
\v 17 Yecu nyumũomwo, colayici yebũi ko fuwakanti ker tiilitaree? ka nyombo duwalka duwal kom manki nyomkaka? kaka nwr kumero fimkumtacileka?
|
|
\s5
|
|
\v 18 kom wiki nuwe, makom toyiya? komwikitũ, mani kom nuwatiya? kom kwãba?
|
|
\v 19 ma kiyan tiilia mor nubo bikate nungeu, carito nyi kum kafiya? ciyi coki kwab cilombo yob.
|
|
\s5
|
|
\v 20 kannge tiilita maki yannyin mor nubo bikate na'ar caarito nyi kayeu dimki wuro kummeu? ciyico ki niber.
|
|
\v 21 yiciki, dilanaweu ka nyomba?
|
|
\s5
|
|
\v 22 cinbou Betcaida dilanubo wiyeu boo cinen ki fukma, laciin kenco a teico.
|
|
\v 23 Yecu taukan fukmako, Yecu tacinin bideyeceu yaken kico bwilom cunnukut remboco kaci twombitom cembo nuwe niccore, kannge yoka kanngek dornicor, dilan meco muto fiye tiya?
|
|
\s5
|
|
\v 24 kun nunweceu yiki, mito nuboti yakenti na tini.
|
|
\v 25 yila kunka yocinenti, nii co wumwom nuwe ceu, cola tertoka fiyeko yora
|
|
\v 26 Yecu yokenco yakenti loco dangjang, yicoki, dore mor cinalloret.
|
|
\s5
|
|
\v 27 Yecu kange nobbwanka cebo cin doken cinallo kaicariya wo filibiceu. kanbo cidor nure reri, inmeci nubo kiyi kiminwe?
|
|
\v 28 cin ciyaco cin yiki, yahaya nii yuka munyek. kanyunboki Iliya. kanyembo tak tak ki win mor nob tomanyeb
|
|
\s5
|
|
\v 29 kom ki tok ki me wei? Bitru ki mon kiritti
|
|
\v 30 Yecu werci kuyire kange nii
|
|
\s5
|
|
\v 31 la merancinenti bi bwe nii an nuwa dotange nubo dur kange nob mulanka kange durem faricawa ciyan koco, ciyan twalumco. ki kume taareri an kwenum tuwee
|
|
\v 32 tok wuro dangla nyori Bitru kwobco. yakenki co cunnya yoten yicoti
|
|
\s5
|
|
\v 33 dila Yecu nuwe tonob bwanka cebo, layi Bitru mwerumboti yitiki, bwe kelkele, wori muki to ka diker nuber koni, kebo kwama ce
|
|
\v 34 dila co mwer kanka nob bwankacebo fiye win, tona niwo cuiti naci bwank menteneri ako dor cero, atu cuktum bwatiyeceu na bwagmenten.
|
|
\s5
|
|
\v 35 tanu niwo cuiti naci fulo dorcereri canlem co tano niwo lemdumeceu kermir kange ker wabbab kwama reri, an fuloco
|
|
\v 36 ye nii abuti cike noci fiyam kale wuro gwam laci lemdumeceuri,
|
|
\v 37 ye nii aneb nabe yam dumece?
|
|
\s5
|
|
\v 38 kwarub niwo nuwa kwenduwemi kakakermero buroka kallekowo ki bwiran kere reri, bibwe ken atin nuwa kwenduwece ki kwama wo ci yila mor duktangka teecek kange nobtoman nyeb burombo wucakkeu.
|
|
\s5
|
|
\c 9
|
|
\cl Dimero 9
|
|
\p
|
|
\v 1 cin yici bibicum min yikom kangem ki membo wii timfo mani ciya to bwar ti na nimde ci to liyar kwama bou cinen kibi kwan,
|
|
\v 2 kume nugkun cume Yecu tu yowana filibu kange Yakubu kange co dii dor banger do cwemet ki kwaci
|
|
\v 3 la fulongum bwici kabum ciye ni kulendo bwiceu fuwo kulek miblanti miblanti cum na dige kange forkalewo
|
|
\s5
|
|
\v 4 na nir kange diger bwici la Iliya kange muja ceru fo cinen laci tok ketti
|
|
\v 5 Yecu kange Bitru ciya lan me Yecu, nii meranka no yori kabo nyi few yi yiwel bikur nyo taar, win na mwe win na muca ce kange wo Iliya ce
|
|
\v 6 co yumbo dige co toktiye kweri cin cwamtai
|
|
\s5
|
|
\v 7 kambo bo ken la kange bilor woo bau bon cumomci dila diro cirou mwor bi lorer. won co bwe neremi ki nuwaco,
|
|
\v 8 kutang bo kambo cito bwicikodi ci tobo kange nii kange Yecu
|
|
\s5
|
|
\v 9 kanbo ci yirauti dor bange di werangci ciya yire ni kange dige co toweu bibwe niffire a kwenum bar buri la cin dobti
|
|
\v 10 na conyo tiber ciyer la ci mekanti bwiticiye nye kwenka nob bwareb bo nung tiye?
|
|
\s5
|
|
\v 11 cin meco manyi nob wer fumed tok ki Iliya coniwo a bauti ki kaba?
|
|
\v 12 cin nyi ci nyo Iliya an ter boka na yulang digero gwam la nye bwi ci mulangii nyo bi bwe niffire an nuwa dotange ki mwan ki mwan na ci kote co tok
|
|
\v 13 na wonyo Iliya kwerin biyegen la kweri biyegen cin macimen dige daten matiya na wuro bifimer tinimbo chi tok ker dor cereu
|
|
\s5
|
|
\v 14 kambo ci bou fiye tangnim bibei tomange kwama wiyeri cin to nubo duce cima wab kanketi
|
|
\v 15 wari tangnim nob werfumer ka. ki tokak cekdi nubo duce yilam ki nyimanka ki bi cuwom cin yarum coti
|
|
\v 16 anme bi bai tomange ce wab kangka ker yeci mati kange ciye?
|
|
\s5
|
|
\v 17 di nyo mwor fiye curo nii ciya nimerangka bei wo non wi ki yuwa kelkeli no kwenci nen dii kwaco mirang wi bi tine min
|
|
\v 18 nyi bi bei tomange mwe ciya cukom cin fwe cuko
|
|
\v 19 ni ciya cemen tokki kom nubo kalewo canen kiritti ma yi kom tiye? kiri tinyi mi wari kange kome? kom bou ciko
|
|
\s5
|
|
\v 20 la cin bo cinen ki bweu kambo yawako to Yecu tabbo bwi kwa bwe nyar ken bitine bwiyo ti kai beltangti bitine nyi ceu ka funi.
|
|
\v 21 Yecu me tebweu dige wo fiya bwe terfiyang teebebweu ki cibi durar mau nyo
|
|
\v 22 mamwi merken cowi mwor mwenge kakkamwor kiranma na cim kange co no mwan ma dige kange dor cer di ci bwini nyero na tikangyo
|
|
\s5
|
|
\v 23 Yecu nyi co no mwan ci yadi digero gwam na ken minen niwo no ciyari tabbo bwi
|
|
\v 24 Tee bwe ciwiye lan tokki min ciya ti kang nimi
|
|
\v 25 wo no yo nenbeu kambo Yecu to nubo ducu cwa tiyeri cin cakkom ninga bwerko tokki mo ninga wo cirom bwi bwe wo na fwelde doka bwi ci tan.
|
|
\s5
|
|
\v 26 la ninga wo kwa dir cin cirom bwi bwe wo la bwe yilam tamwi buyam buya, la ta ngnim nubembo ci tok bwiyam
|
|
\v 27 Yecu ya tamkag bweco con kungi dii la bwe tarke cer
|
|
\s5
|
|
\v 28 kambo Yecu do ken luweri bi bai tomange ceu cin meco nye bwi nyo dolbo cokka cekke?
|
|
\v 29 nyici dige wuro mani cerer ama ki kwobka dulo
|
|
\s5
|
|
\v 30 la cin kutaten bi ten cealili ci cwibo kange ni nanyimom fiye ciwiyeu
|
|
\v 31 kanbo cimerang bi bei yo loce nin tiyeu nyici dii kange wi bouti wo ciya neken bi bwe nifireti kange nubek, ciyan twalum co no ci twalcotiri ki kume Teer con kwenum
|
|
\v 32 nyori twetang ci bo ker cero laci cwatai me kacekkoti
|
|
\s5
|
|
\v 33 la cin biyegen kafanau ki kwa co mwor luwe meci bi bei tomangeceu nye kom tokti dor cer nure
|
|
\v 34 nyori cin kumagum dige bwiyeu citi kwabkangti bwitici nure we ayilan durti more ciye
|
|
\v 35 la cin yiken cok con cuwo bitomange ce kwab culombo yob nyi ci ni wo cwiti na yilam dureti ca kungde dor ca yilam canga nubonin gwam
|
|
\s5
|
|
\v 36 la cin tu bwerbi dure kancek bau coko tiber ciyer con korubco lakgwam cem
|
|
\v 37 nyi cii min yo nikang con yoye la kebo kamo gwam kange niwo yo yere
|
|
\s5
|
|
\v 38 la yowana yi co ni merangka yin toni ksnge cok ninga ki den mwer nyon mani ca dobti cin co chige bwiyeu ci man kange nyo
|
|
\v 39 la Yecu nyici ki dobco ni kange mani wo a madige datan neri kange tangnim dige co to ke dikerti nimdi yilam kero bwir dor ki mer
|
|
\s5
|
|
\v 40 niwo manki kiye kange nyeri na nye
|
|
\v 41 niwo nekom mwem kom noweri kom na kiritti ce bilenke mi nyi kom tiye mani ca le lima cedi
|
|
\s5
|
|
\v 42 niwo dor bwerbi dwere kottangari ciya yei cinen ter nerer kwircer naci mer ken comwor wimer
|
|
\v 43 no kange mwe ko an dok nen kottang kari daten mwatum daten do lo kwama ki kan kange wuro mwa doti lokira ki kange ko kenne
|
|
\v 44 no na yuwetinim mani bwiyati kirako tak mani bwiyati
|
|
\s5
|
|
\v 45 nonamweko an dok nen kottangka di mwatum mirowi an lamwen do lo kwama ki nako win kange wo mwa doti lokira ki nako yobe
|
|
\v 46 no na ywiya mani bwiyati kara ko mani bwiyati
|
|
\s5
|
|
\v 47 no nuwemwe an an doknen kottangka kuraum na mirang wi daten do lokwama ki nuwewin kange wo mwa doti lokire duwe yobe
|
|
\v 48 no na ywiye tinim manang bwiyati kira mani bwiyati
|
|
\s5
|
|
\v 49 dige bwiyeu kira ciya cwekom ti cike
|
|
\v 50 mambo luma lano dobo yorari mwa nuwanyi ki yilam kiluma kom yi lumam kange nubo gwam
|
|
\s5
|
|
\c 10
|
|
\cl Dimero 10
|
|
\p
|
|
\v 1 Yeecu dubonm fiye cure yakin chinge biten urdun la nubo nya cinen co meran cinen kambo yilam na dum ci ceyerm be.
|
|
\v 2 Lafaricawa bou ci nen citokki, dong dongka nina twal wice nin naka? me kewo cimane naci cuwa co.
|
|
\v 3 Ciya cimen nye mu ca yi ko na kom ma ne?
|
|
\v 4 Muca ki mulang bifumer twalka naka yiken wi mweca cirli.
|
|
\s5
|
|
\v 5 In cwika nere kimer co cil mulang kumen twal kaka yeecu nyi ci.
|
|
\v 6 Nyo ki kaba kwama fwel dor bi tinere kwama fwel ninabare kange nawiye.
|
|
\s5
|
|
\v 7 Dike bwiyeu nina dobom tece kange nece na yi kange wice.
|
|
\v 8 Ci bi yobo cin yilam bwiyo win kebo yob.
|
|
\v 9 No nyori dige kwama mwer kange ni kange na tikangde.
|
|
\s5
|
|
\v 10 Ki kwama ci laweu bi bei merang ka ceko me co co tak
|
|
\v 11 Cin yici nyo niwo twal wice nin nau kange nawiyeri ki ma burotum
|
|
\v 12 Mo nawiye twallum na kangeri bwiratum ci men.
|
|
\s5
|
|
\v 13 Cin bou ki bi bei bi dwudtinim ciye bo cimen naci teiyi labi bei tomange ceu nako
|
|
\v 14 Nyo kambo kriti nyom meri ciya ci menbo kom dob bi beiyo daten nyo lo kwama na ciye
|
|
\s5
|
|
\v 15 Bilenke mi yi kom tiye no niwo yobo liyar kwamari nabwer bidwareri co labo nii yaka liyar kwama
|
|
\v 16 Con korumci la conyo ci mon bi bwiyer
|
|
\s5
|
|
\v 17 Kambo cota yam bedi ni kange cau cinnen cono cungyi kaco con meco mwo nimeranka kaken nye ma mati nan fiya dume chiri yeu
|
|
\v 18 Kriti ciya nye bwi mo cuwoye ti teluwe kenne teluwe ken mani kan kwama ki kwaco.
|
|
\v 19 Mun nyi momwer fumiro kure tlwicwerde cwerke, dore kange wi nii warka cweke, yore dige kebo na mwa ne temwe dur knge ne mwe dur
|
|
\s5
|
|
\v 20 La ni curo tokki ni meranka min digewuro ki kwama mi bweb bi duware
|
|
\v 21 Kriti toco toka luma yico diger win ku mwen ne neken dige mu cikeu nubo buro mani cikeu dibo nofiya mwanfiya dige la cure bo biya
|
|
\v 22 Kambo co nuwa nyeri con cu bunangtang rer cero kayam kaya nwori cin ni ki yeme
|
|
\s5
|
|
\v 23 Kriti to bi bei tomangeu ceu con yici anbwai nubo ki kiye me nodo liyar kwama
|
|
\v 24 Bi bei tomange ceu cima nynika kero ti kriti kombi beiyo lomi am bwai naye ni na fiya liyar kwana.
|
|
\v 25 Anyilam ki luma telembo na do bwok bi ki fira kange cweka na fiya liyar kwama
|
|
\s5
|
|
\v 26 La cin ki nyimangka kanbo ken ci tok ti ci no nyori nwe daten acerum wiye?
|
|
\v 27 Kiriti tomci la tokki niffit nin bwai kabo la mani kwanin nyo. kwama nindi digero gwam yori kabo
|
|
\v 28 Bitru yoten tok ketti. to yondogero gwam wuro yon bwang tennen
|
|
\s5
|
|
\v 29 Kirti tokki bilonre men nyi kam ni kange mani dubom yitub cebe kakka kor bi butob kakka nemwe kakka temwe kakka takka ki deb dormir den fulenkeret.
|
|
\v 30 No nyo man ca fiya ti kwini kwab mwor kele caneu wo bouti yeu la naca fiya wo man ki clika.
|
|
\v 31 La nubo kiba nyilam nubo cuwa bwire.
|
|
\s5
|
|
\v 32 Ci kino nure diye wo yakenti wurco ma la kirti wi yakenti, kab kange ci bi bei tomange ci ma nyimang kati, nubo bwongten ciyeu cin cwamti kirti yila cukka chi kwamculom yobbe weu ter yika ci dige bwitiyeu.
|
|
\v 33 Kom to bi bwe niffire kang nobbi do dur kange nobwerfunero ci yan war cinen bwolemg twaka naci neken co kange nubo yim kumtaciliu,
|
|
\v 34 Ciyan ma cinen dige dabe cor cinen to tom ci malico ci twalco ki kume tareri an kwenum.
|
|
\s5
|
|
\v 35 Yakubu kange yuwana bi bei jabadi, cin bou ci nen ci tokki ni merengka nyi cuiti na manyinen gwam dige nyi kinong none.
|
|
\v 36 Con yici yakom cuiti nan maki mone?
|
|
\v 37 Ci tokki mwo ciyayinen diye duktongka mwo kangka nya yi wari kange mwo kangko cattiyet mwer win tak kangko moket mwer
|
|
\s5
|
|
\v 38 Kirti yici kom nyombo dige kom kinong tiye kan fiya noka mwor kwace ma noweu? kakka ciyen yuki men mwem namiyu?
|
|
\v 39 Cin co ciyan mani kirti nyi ci kwele ma ma nowe kico ka notiye yuka mwengko ciya yutiyeu
|
|
\v 40 Nyeri yim catiyetmir kakka mokkomir kebo nami na nekom nyo ki nubo ci ywelcine ne.
|
|
\s5
|
|
\v 41 Di tang ni bi bei tomang weu kwabbeu ci nuwa cin nuwa funer yuwana kange Yakubu
|
|
\v 42 Kirti cuwo ci ki bwici din tokki kom fiyam nubo cinyimomci nob werfumero dur nob nungka liyar nyumka ciyeko dolba
|
|
\s5
|
|
\v 43 Di la nyori mani ayilamti tiber kimer tano niwo cui dur tiyeri tamnyo ca yilam cangya kume.
|
|
\v 44 Gwam niwo cuiti ni na yilam dur kumer claten ca yilam cangya nobo.
|
|
\v 45 Dige bweyeu nyo bi bwe niffire bou kebo nobo neco durtano nyori ca ma nangen naci dumeceu dor nubo min.
|
|
\s5
|
|
\v 46 Ki kwama ci lau yariko co cetti nyori co kange bi bei tomangeceu kange kali nubo mweru bme dila fukma kange ni kini dondo batilawuc bi bwe Timawuc co yimwi tiber nurer.
|
|
\v 47 Kambo co nuwa kirti banazare ri chiter kange diroko co tokki mo kirti bi bwa Dauda ci buni mito
|
|
\v 48 Nubo dutce cin ywaco ciko kumom la com cubten diro kidari tokti ki mwo bi bwe Dauda cibuni mito
|
|
\s5
|
|
\v 49 Kiritti tim tokki ki cuwou co. ci keneu cin cuwou fukmau di cin nyico mwerumum kwenu co cuwo nenti
|
|
\v 50 Fkwma lan mirang yilancekowi dii kutou kiritti. min kiritti maco nyi fiya nene meco nye mu cuiti ma mwen ne? nimerangka mi cwiti to fiye kiritti
|
|
\s5
|
|
\v 51 Meco nyi fiya nene meco nye mu cuiti ma mwen ne? nimerangka mi cuiti tofiye
|
|
\v 52 Kiritti yico kernure mwebilen kemweu la tikangnen tabbo bwi na curonyo nuwe ce wumom cin bwangten kiritti cin cu wari
|
|
\s5
|
|
\c 11
|
|
\cl Dimero 11
|
|
\p
|
|
\v 1 nawo cibo Urcalima cibi dom kange Betafaji kange Betanya fiye bang zaituneke. yeecu tom bi bei tomange ce yob
|
|
\v 2 Yi ci ki kom domor cunkurdo wo bi dom kange be, yo kodoti nyori kan to beikelba tekum, wo nii kwimbo wiye, kom kwiu combõmen ciko
|
|
\v 3 Tano kange yi co kom ki nye bweiye, kom yi co kom ki teluwe co cwitiye, an yilau ciko comnawo
|
|
\s5
|
|
\v 4 Co ci cuwe ya cin fiya bi gelba tekum nyilo luwe dor nure, kwiwe.
|
|
\v 5 Nobotin wiye mẽciye bwei kom kwi bẽgelba wo tiye?
|
|
\v 6 Co ci yi dige Yeecu tonge, cin dobci cuwe bõ Yeecu nin ki bẽge lba, co ci
|
|
\s5
|
|
\v 7 Meti yilan ciye ko dorcer, co ci kwikenne, nobo dutce miti
|
|
\v 8 Yilan ciye ko dor nure, kangem lalu wo ci ki yanguwe co ci miti nure.
|
|
\v 9 Bũro kabkange ceu kange bũro bwi ceceu. ci kã nuweti ciki Hocanna bi bwiyer ki niwo bõmor den kwamare.
|
|
\v 10 Bibwiyer ki liyar dowo bõtiye wotebe Dauda ce, duktonka mor dii kwama.
|
|
\s5
|
|
\v 11 Wo la Yeecu a doti Urcalima; dõ bi kurwabe con to digero gwam, yoti kume mam, conceri con cu Baitanya kange kwob ci lom bo yobe wo.
|
|
\v 12 Cel fini cin kweni Baitaya, la con nuwa wuro
|
|
\s5
|
|
\v 13 Di cu tõu tii nyin cin clo ki kalukutan, co ci yatan dumer cere ce keno can fiya ki bitutti. con lau dume co tõ bo kange diger wi kan law labo tuti.
|
|
\v 14 Yi tii nyincindo, tabti duwen nii mani ca bi tutti mwe ti tak diri, bi bei tomange ceu nuwam kerowo.
|
|
\s5
|
|
\v 15 Cin lau Urcalima, ki doka ciye di, co yuwa nob miyeka kange tiyenka, waken tokum nob fulanka kiyemer kange fiya nobo miye na bakta tiye.
|
|
\v 16 Yuwab kangum ni na ti kange diger na miye kako ce mor kurbiwabe.
|
|
\s5
|
|
\v 17 Merang cinen ki kebo mulangum mulange ka. kẽ lomi lo dilo, na nobo ce gwam kume kom yilam fiye nob kwiyeb ciko.
|
|
\v 18 Nob wabeb bo dor ko kange nob mulangka werfuner, ci nuwa kero wo co tokẽri, co cido nure ciya twalum co riye. dicin nuwa tai wore na nobo ma nyoman ka ti ki merangka ceko.
|
|
\v 19 Mẽgwam citi ceri cinanlor.
|
|
\s5
|
|
\v 20 Ki bwiri ci cutiri, ci tõ tii nyencen do kucum.
|
|
\v 21 Bitru blangi, ki nii merangka tõ tii nyengcen do mo cilume kicum.
|
|
\s5
|
|
\v 22 Yeecu ciya la yi ci ki kom nẽ bilenke kwama nin.
|
|
\v 23 Bicom ma yikomti niwo yi tero wo ki kweni yarken mor caji, ner ce ro co tiye man di con nẽbilenke nyo abwi tiye. nyokwama anmani
|
|
\s5
|
|
\v 24 Nyori ma yi komti gwam dike kom keni kom nẽ bilenke fiya. an yinlan na kume
|
|
\v 25 Ben fiyan kom dilo tiyeri kom cutag nobo wuro ma kume bwiranke, be na Te kume diye na cutang kumen bwiranke wi.
|
|
\v 26 Tana kom cutangbo nobo nin bwirang ke ciye wiri, Tekume wodiye mani acutang
|
|
\s5
|
|
\v 27 Ci yilau Urcalima, Yeecu yakenti mor bikurwabe, la dor nob dinglibo kange nob mulangka ko kange nobo durtinimbo cin bo cinen.
|
|
\v 28 Cime co ki kibi kwan do wini mo man dige wuro tiye? kaka wẽnenen bi kwan makake?
|
|
\s5
|
|
\v 29 Yeecu ciya la yi ki man me kom kange ker, nakom diye men, mi man yi kom keno kibi kwando wi ni ma man dige wuro ticikeri?
|
|
\v 30 Yuka mwenge wo yowana mane yi raw dii kaka, bi bwe nifire nin? laci kobkanti bwitic; ciki ca tano boyi boki yirau dii an yiki yebwe kom ne bo bilankere,
|
|
\s5
|
|
\v 31 Tano boyi boki bi bwe nifire nin di, ci yan mobanbo ki ter, wori ci nuwa tai noboti,
|
|
\v 32 wori nobo gwam nyomom yowana nii tomange kwama
|
|
\v 33 Yila cin ciya yeecu, ciki nyo mo ken mani ma yi kom ti keno kibi kwando wani ma man kulando wuroti cike.
|
|
\s5
|
|
\c 12
|
|
\cl Dimero 12
|
|
\p
|
|
\v 1 Yecu yo meranka cinenti ki dange, coki nii kange wii twi take ce, kwarum, con wob buwak yamka? biti kam no maka naneg mor take. lam cuken bitine.
|
|
\v 2 Cwakiya law con tom kange ya ayocinen bitungtunge mor take.
|
|
\v 3 Nom takebo taco buk cu ywico kam koni.
|
|
\s5
|
|
\v 4 Yila tunten kange cange cokene cin nuwa cie cin necoder.
|
|
\v 5 Yila tunten kange cin taluco nyo ci mati kange kiumebo kila, kila cinen bu kumbo cin twarum kangumbo.
|
|
\s5
|
|
\v 6 Bi be tomange nuna yorin cin yarken citikom. bi nine yarken ki tikom bitine wori taito tamci.
|
|
\v 7 Cin yi bwiti ciye tii won co ni cu cwitiye bo tairum cu nabo ten kwarito.
|
|
\s5
|
|
\v 8 cin tarum cin merken co mor take.
|
|
\v 9 Laye ni take amatiye anyom knke nom tomebo yila anneken kakumbo takeu.
|
|
\s5
|
|
\v 10 Yori kom kiyebo diker bi fumerowonen terowo nom mukako kowe co biya yilam tero kentiye.
|
|
\v 11 woro ceru fiye kwama wii nye yori kabo nuwege.
|
|
\v 12 Na wo nyori nubo dur yahudawa kwa diro ti ki ciya tem Yecu wori kercero co tontiye dorcer laci cotai nubero.
|
|
\s5
|
|
\v 13 Cin tun kamum fariciyawa knage Heriduyawa naci ci cninen cito mor kerceronen.
|
|
\v 14 Ci bo cinen ci yiki nii merank nyo nyumom, yo nebo kange, kange nii mwu nung bo cwika dore ti ber nober moki meranka nure kwama. yori kabo nyo ya kaicar kiyemer dorerka? nyo ya co, kaka nyo ya core ka?
|
|
\v 15 Yecu yubom muren ciro layi ciki ye kam cuyayeti kombou ki kemro nan to.
|
|
\s5
|
|
\v 16 Cin bo Yecu nen ciko wing la meci ki cerkan we woro we wiye? cin yiki Kaicar.
|
|
\v 17 Yecu yi ciki kom ne kaicar dikero yiam na kaicarecu. kom ne kwama dikero yilam na kwama ceu.
|
|
\s5
|
|
\v 18 La cadukiyawa nubo tonki kwan ka? maniyela bo cinen meti ki.
|
|
\v 19 Nii meranka monca murank yinen ki nani kece bwiyameri dubanti wice wiyeri bobo bwe kake ceri kece ayiti nawiyenen, na yo kece nen dumbo.
|
|
\s5
|
|
\v 20 Cibi niber nikaba tu nawiyeu la buyam yobo dum.
|
|
\v 21 Yo beu tuken bwiyam yobo dum tareu tuken yobo dum.
|
|
\v 22 Niberou yobo dum la nawiyeu bwiyam.
|
|
\v 23 Gwanka nubo bwiyam naci gwaniri wiwe ayila tiye? wo gwamkume kom tuco wikeme.
|
|
\s5
|
|
\v 24 Yecu yi ciki wo keboker wori kom yom bo ker kwamaro kange bi gwan kere.
|
|
\v 25 No ci gwinum ci bwardi mani ciya nati, mani a naciti nakati ciki no na bibai tomangeu wucake.
|
|
\s5
|
|
\v 26 Dor nubo bwiyam an akwan tiy, mo kebo mor bifumer mucaka, dige bwi kume, kambo kwama toki yi co ki mo kwama Abrame kange kwama icaku, kange kwama yakubu?
|
|
\v 27 Co kebo kwama nubo buyam buyam con kwama nubo ki dume mon lerab.
|
|
\s5
|
|
\v 28 win nob mulangka bou na co nuwa kero lan to Yecu ciya cinen yora. Me ciki mor werfumer cowini yoryoreu gwame.
|
|
\v 29 Yecu yici dikero kendo lau nuwa Icreal teluwe bwe kwama cowin.
|
|
\v 30 Cwi kwama kicur mero kwam ki dume me gwam, ki ner mero gwam kange bikwan mero gwam.
|
|
\v 31 Werfumer yobeu co wo, cwi ni bi dom kange meu, nawo mo cwi dor mwero tiyeu. Werfumer mani kwami naweu.
|
|
\s5
|
|
\v 32 Nob nonka be werfure yora ni mulankako ni kange mani wo la ceu.
|
|
\v 33 Kom cwico ki ner kumer gwam kibi kwan mor, ki dume win, cwi nii bidom kange mweu inla tuka nwing.
|
|
\v 34 Yecu to co yici kero ki yilan, co layice mo bo kange liyar kwama, buko wuro kange ni me co bo diker tak.
|
|
\s5
|
|
\v 35 Yecu kari fiya co ci merangti bikur wabere yiki, nyi nob mulangka warfumer ci yi Kritti bi bwe Kwamaka?
|
|
\v 36 Dauda ki bwico mor yuwa tangbe kwamak ko wuccakeu, yiki 'Teluwe mi yiken kan catiyer miik no jukum, kunka dorek nob jukum, kunka dorek nob kiyeb mweko mor nawori nyimde.
|
|
\v 37 Dauda ki bwico co cou ki Teeluwe la amanyi Kritti ayila bi bwe Daudatiye?
|
|
\s5
|
|
\v 38 Mor merangka ceko nin ye kiki, kom ma bati ki nob mulangkab, wo bilang duka bilenko cuwe mer lamu a yarum citi fiye mekak.
|
|
\v 39 La cin wiki fiti yime ken mor bikur waber kange fiye neka durek fiye caka.
|
|
\v 40 Tak ri ci yorangum loni tatub kwalebo ri ciki kwob dilo cem cou nubo nato, nubo buro an fiya dur.
|
|
\s5
|
|
\v 41 La Yecu yiken kwele lume to lume mako ti nubo netiu.
|
|
\v 42 Nubo cwiye cwiye kira cor kemeo ti duce la nawi bune anini ce nyo yom cwiken kwolo ruma.
|
|
\s5
|
|
\v 43 La co nubo bwanka ceka ki mayikom ti diker nawin bune mor kwele luma la nuboce gwam.
|
|
\v 44 Ciye cinen mor woci cike cou ne dekewo co cike na bi duware.
|
|
\s5
|
|
\c 13
|
|
\cl Dimero 13
|
|
\p
|
|
\v 1 Yecu Ceru bikurwab wiin mor nom bukacebor yi cui ni meranka. to iker yumaka yabraka terek ko wo kange yobraka luwatimuwo.
|
|
\v 2 Yicu ki, mun to yobraka luweinbowura? bero nakye man wu a dob ti dr kece, mana buubatiye.
|
|
\s5
|
|
\v 3 Co yim dor bang cutum wobi dom kange bikurwabe, la Bitru, kange Yakubu, kange yahaya kange andirawu L meco Yuram yura. ciki.
|
|
\v 4 Yi yo diker buro a bwe fiyank? ye a yirom dike a bwitiye.
|
|
\s5
|
|
\v 5 Yecu yi ci ku cobi be kaage nii a blkom de.
|
|
\v 6 Kila an bo ki denmir ci yiti, kin me co ci taan luritang nobo duce.
|
|
\s5
|
|
\v 7 Na kom nuwa fulen kwene kange fulenticiye kom bwende wuro an bow, dika kale ko labo bati.
|
|
\v 8 Bitene a ta gwam bitenen kange liyar an kuna liyarnin fiye kange bitene an muka buri diket terbo.
|
|
\s5
|
|
\v 9 Ku yi ki bati ciya kikom makajica, ciya mli kom fiye wabe na ciya ki kom fiye liyar kange liyabo na ku nee bilenker mir.
|
|
\v 10 Bitenen gwam an nuwam fulen kere miro.
|
|
\s5
|
|
\v 11 Tano ci nen di, bunang de ki dike mwa tok tiye atan nenen dike nowa toktiyeu kebo mo; Bi yiten an kange biyiten bwiyam. Tee bibwe ce. an kwengtang tebcinin dokken bwar nubo an ko nen ki ker mir Nii wo mwirumum yaken cwile nii co biyan nii dukile ayaure lo ki ca ti dike.
|
|
\v 12 Nii kange yice ne kece dotage ya ciko bwar. bibeiyo an kunung tece nen, dila ya ci ko bwar
|
|
\v 13 Nob an konen ki den mir la wo mwirumum gwam meri nii an fiya dume.
|
|
\s5
|
|
\v 14 No mun to diker tim fiye daten bo mo tim wiyeri, nii ki fiye ceu anyumum. Nobu wo mor Judiya ciya kwiken dor bangek.
|
|
\v 15 Nii wo mani dor loweri ca yirau re bitine. na cori lowe ban tum wi fintano co nen.
|
|
\v 16 Nii wo mor take ri ca yilare ca ture diker wi.
|
|
\s5
|
|
\v 17 Kue a botiyen an kwanen nobo ki fure kange nobo kidi bai ye.
|
|
\v 18 Kun kob dilo diker co a bwene ki melak.
|
|
\v 19 Kume co a yila kume dotange wo fiya mambowiye ki kabo, yaken coko dii kwama fulo kale na wori man a bwititka.
|
|
\v 20 Na ki teluwe kwin bo kume dii kange nii mani wo a fiya dume tiye ke nobo ma kwama nobo wuro ma cokange co ma kwenum kume.
|
|
\s5
|
|
\v 21 no kange yinen ki to wo kiriti! wo co ciyare coko.
|
|
\v 22 Cerka an ciro kiriti kange nii dukume. ciya manan diker Yumanka. bol komti na wo yeu, ma kwacibo.
|
|
\v 23 Ti ki bati min yi kom diker buro kwam fiya kikume co.
|
|
\s5
|
|
\v 24 Ki diye dotange wori, kakuko an fimkume cako mana ne filang ti.
|
|
\v 25 Biterentinin an yare di kwama. an muka ki bikwan.
|
|
\v 26 Mu to bibwe nii bou ti mor bi lore ki bi kwan wabe.
|
|
\v 27 La can tun bibei tomange ceu wo ca cikan ci na mor fiye win. for dilime kalewo kange dii kwama.
|
|
\s5
|
|
\v 28 Kom mereng yomka fo kiti yo wo bicuceu mari curum finidi, futi,
|
|
\v 29 No ki to dike wo bwentiri kum yom ni bi dom kange yilok.
|
|
\s5
|
|
\v 30 Bilenke mi yi kom ti kale wo mani a cuti la ciya to dike wo.
|
|
\v 31 Dii kwama kange Bitineu la an cum la keriro man ki cuka.
|
|
\v 32 Kume we bouti w bibei tomange kange bibwe ce ci manki yomka cumin tee ri.
|
|
\s5
|
|
\v 33 Kom nyi ki bati kom to na wuri kom yob diyeceu.
|
|
\v 34 La na Nii wo cuyammi dob loceu yo ti bwe tomange wi ati tou yi la neu nanger makar. la cin yi nii to kako na cati tou yora.
|
|
\s5
|
|
\v 35 Na wo nyeu kom yiki bati com yombo diye nii luwe a boutiye, kangeri ki me kangeri kibi kume kaangeri ki bibwiri.
|
|
\v 36 Kar no bouri bo fiya kom dadumti.
|
|
\v 37 Dike mayi kom meu diker miyi nobo Gwam kange nii cerka ko.
|
|
\s5
|
|
\c 14
|
|
\cl Dimero 14
|
|
\p
|
|
\v 1 Duklume yabka, wo carito camfuwmbo maniye kum kume yob, durtinin nob wabebo, kange nob mulangkab werfunero cin do kambo ciya tam Yecu tiyeu yurangum yurange na cin bwalum co la.
|
|
\v 2 ciki kebo ki duklume kari bouki kyan tiber neber.
|
|
\s5
|
|
\v 3 Yecu kino Bettinya lo Caminu wale, yo na cin yaken cikka ri kange nawiye tum ki wer nuwager do ficange na keme ce kambo keng, con bultang cinen ti dor.
|
|
\v 4 kangyumbo wari kange Yecu mam funer, La cin tok ti ki.
|
|
\v 5 Nuwang ficangeb bo wo na keme ce kambo ken, kayabo a miyem di na tikan nub fuyabo nen kemera? Ye bwi kankako wo nawuri.
|
|
\s5
|
|
\v 6 Yecu yici ki, "ko dob co, ye bwi kom werang co tiye.
|
|
\v 7 Tano kon ki ner tikanka nob bwineb di kaka nob fuyabdi ci wari kange kom kang kang. Mi min man wari kange kange kom.
|
|
\v 8 Na wiyewo ma nagen do ken na ywelka furka bwimiko ce.
|
|
\v 9 Bilengke, ma yikomti, gwam fiye atokom fulen kerer miro tiyeri fou dorbintineret mani a tabti kange nawiye wuro, kange lumako ci mame neu.
|
|
\s5
|
|
\v 10 Ki nuwa kako wori, Yahuza Icarioti, win mor nob bwangka cebo cer ka cwak yaken fiye nii dor wabero wiyeu be na co kangum co cinen.
|
|
\v 11 La nob dor wabero nuwa yori, ci ma bilangtum kambo ken kange nor kiyemer ciya ne Yahuza tiye. Con yoten doka nureko ca neken co ci ti neneu.
|
|
\s5
|
|
\v 12 Kakokko wine na caga carito camfuwam maniye kange twiranka bar kwame duklume yabka, nob bwanka cebo yi co ki "La baywel fiye caka duklume yab kako fe?".
|
|
\v 13 Twam yob mor nob bwangka ceb ki "Kom do mor cinar lor kan fiya kange nii tum ki tabwer mwenger.
|
|
\v 14 Luwe ce dori kom bwang cinen ten ko yi nii luwa, nii merangka yi ki "Ma cwi fiye ceerka ti na canga duklume yabka kange nob bwanka meko?"
|
|
\s5
|
|
\v 15 An nung kumen lowe diye durko ywelum ywele. "La kon ywelbenet wi firen".
|
|
\v 16 Ki do ka nob bwangka ceko cinan lor ci fiya dikero nyo nawo ci tokeu, ci keneu cin ywilangum duklume yabkako.
|
|
\s5
|
|
\v 17 Kambo me domeri, cin bou kange kwobcilombeu.
|
|
\v 18 Fiya ci yim La te caka cari, Yecu yi ki "Bilenke ma yi koti kange cati wari kange meu an kanye."
|
|
\v 19 La kwomci, ci me co, win bwiko wine ci ki "Bilenke kebo ma".
|
|
\s5
|
|
\v 20 Yecu ciya ci yiti ki, "Win more kwobcilombo yobe wo dokkan ti wari kange meu, can nawo mor kweleu".
|
|
\v 21 Bibwe nifire an cu kambo bifumero toki dor cere di la kwannen mou yni mo kance! "An la ci men, no ciki bou co bo."
|
|
\s5
|
|
\v 22 Fiya ci ca carito ti, Yecu tu carito yoti bibwiro wi, Con duwarangi con neci yiti ki, "Wo bwi mi".
|
|
\v 23 Con tu kweleu, con ne bouka kangek cin necii, cikeneu cin noo kwele nen.
|
|
\v 24 Coki "Wuro bwiyale mi na nore ce wo cii cori ki nubo kila-kila."
|
|
\v 25 Bilenke, Man ma noten mwem tiyeb bo wuro ti kange kom, dila ma nou na fwir mor liyar kwamar
|
|
\s5
|
|
\v 26 Bwiko ci kanuwe na wabka kwama co cela ciin cu bang zaitonek.
|
|
\v 27 Yecu yi cii, "Gwam kume kan kottange, kom yari ki kermid, dila mulangum mulange wo yiti" Man mwe ni bi yuware kwame a yalam".
|
|
\s5
|
|
\v 28 Bwiko kwenka mib man cu kab yulum kom yaken Galili.
|
|
\v 29 Bitrus yi co, "Bwen gwam ce ciya yari ri, o-ogn kebo kange ma".
|
|
\s5
|
|
\v 30 Yecu yi co "Bilenke min yi nen ti, mor kume wo kiyange barbicake na yobe ce, mwan kanang yomka mik kriti taar."
|
|
\v 31 Di Bitru yilan tok ten, "Bwen ciyan bwelye wari kange mori, mani ma kanang yomka mweti." Gwam ce cin ma norowo.
|
|
\s5
|
|
\v 32 Ci lam kange fiye ci coti Gethcemane, Yecu yi nob bwankab cebo "Ko tacinen fo ya ma kwob dilo."
|
|
\v 33 Con tu Bitru kange Yakubu, Kange Yahaya. con ter nuwa ka dotange ko kambo ken kange kwomka ducce.
|
|
\v 34 Dila cin yi cii, "Dume mi nuwa dotange ti, tamwin bwiyan. Ko tam na fo, kom yi ki bati.
|
|
\s5
|
|
\v 35 Yecu ya kab bi dob ri, cin yari bitine, con kwob dilo con yi ti, tano diker makar di, tu men dotange wo.
|
|
\v 36 Co yi ki, "Abba Te" dikero gwam na makace monen Tum dotange di kebo cwika mik, namwe.
|
|
\s5
|
|
\v 37 Con yilau bo ci fiya cii dam dum La coki Bitru, "Cimon, muki daduma? Maka corti na kene wine ce?
|
|
\v 38 Co cori, kom kwob dilo kati doken duwaka. Yuwa tangbeko bicom ti cwi, dila nange yibed"
|
|
\v 39 Tak con cu ya ci kwob diloti, ci tok ki ka co.
|
|
\s5
|
|
\v 40 Tak ciyilau bo ci fiya ci dam dum, dil nuwe ce tuu, di ci yombo diker ciya yi co tiyeu.
|
|
\v 41 Co bou na taare ceu, con yi ci, "Duwal kom da dumbo ti, kom ki fubiya? Cuwati! dikene dim. To! Bibwe nii ci kanco kan nob bwirange.
|
|
\v 42 gweni, biya. To, wo kanyereu wo bidom."
|
|
\s5
|
|
\v 43 Ci mor toka kekre Yahuda, win mor kwobsolombo yobe, Lau, la kalito durko wari kange co, ki fulen daltomer fiye nii wabe dur ko knage nob mulangkab.
|
|
\v 44 Nii kanka ce ko nun cimen yirom ki, "Nii wo ma kurumeu, co ni co kom tam co, kom yaken ki co bwambwabe.
|
|
\v 45 Kambo Yahuda Lauweri, dang jang co bou Yecu nen co ki "nii meranka" con korum co.
|
|
\v 46 Di cin yoti kan cinen cin tam co.
|
|
\s5
|
|
\v 47 Di win wo timbidomeu kwou kulencero cwallum to canga nii waber durko.
|
|
\v 48 Yecu yi ci ko borangum na nob taka nob kwiyeb ki kulenti kange daltomer na kom tam ye?
|
|
\v 49 Fiya mi meranti bi kur waberer kankantinwari kange kom ka tayebo, di la manyo be na dim dike bifumero tokeu.
|
|
\v 50 Wi fiye wo, gwam nubo wari kange yecu mirang co wi, cin torum.
|
|
\s5
|
|
\v 51 Kange bwayile ka co kange yilang kwabka cinen bwang ten Yecu ti. Kambo nubo tam ceri.
|
|
\v 52 Cin dob cinen yilang kwabkako, cin cwa cin cu kwancer.
|
|
\s5
|
|
\v 53 Cin yaken ki yeci ni wabe dur ko nen, wari kange ce liyar wabeko kange nubo dur tinimbo, kange nob mulanka tinimbo mwerum wi.
|
|
\v 54 La Bitru bwang cinen ten kutan ya cuko lo nii dur wabere. Ci yi wari kange nubo cortiyeu, Ci cukira ko ti
|
|
\s5
|
|
\v 55 Na wo liya wabe tinin gwam kange nob yimib Yahudawa bo, ci do warke ti dor Yecu, na ci fiya na ci twalum co dila ci fiyabo.
|
|
\v 56 Nubo kila bou ki warke cwerke dor cer, dila yi ciye bou bo win.
|
|
\s5
|
|
\v 57 La kangum bo kwanou tak cin ne warke cwerke dor cer ciki.
|
|
\v 58 Yon nowa con toki 'Ki cn werum kurwabero nubo muweu, yila na ci muti kume taar'". Kebo muka niik.
|
|
\v 59 Gwam kange wo warke ce boubo win.
|
|
\s5
|
|
\v 60 Di nii dur wabero kwenti tiber cer me Yecu ki mun manki karka ke dor warke wo nubo boro tok dor mwera?
|
|
\v 61 Di kumom ci bir bir diker cer tok bo kange diker. Nii wabe durko yila me ten co, wentari mu Almacihu, bwe nii duktong kakaa?
|
|
\v 62 Yecu yi ci ki "Mou kan to bibwa nifire yim kanko cattiyerer nii bi kwane ayilau mor bi lore."
|
|
\s5
|
|
\v 63 Di nii dur wabero wobrangum kulnecero warke wini tak ba dotiye?
|
|
\v 64 Con nuwa dilakako con mani ye ka toye? Gwam ce ci mwati cinen warkere kin da twalka.
|
|
\v 65 kangumbo yo ten twuman cinen bi twombi ti, bwam nuwe ceu, ci bok co ci yiti. "Yii bou diker ya bwitiyeu" nob corkabo malli coti.
|
|
\s5
|
|
\v 66 Bitru ken yim bitin tare luwenen, kange Bubiya cange dur nii wabe bou.
|
|
\v 67 Cin to Bitru cu kira ti, To co bicom coki. "Moken mo wari kange bwe Nazarene Yecu.
|
|
\v 68 Di con kanagum Ciki. "Mi ma yumbo diker mo tok tiyeu tenkang fwetanka." Cin cerou karak kale ri La barbicakeu mwob kiyangeu.
|
|
\s5
|
|
\v 69 Di Canga to co yila tokten ki "Borombo wo tirangum wiyeu. Woken wi more ce.
|
|
\v 70 Di la con kanag ten Kutang bo yori boro timtiyeu cin yi Bitru "Bicom mon wii win mo re ce, mun bwe Galili.
|
|
\s5
|
|
\v 71 Di con ter cilka duwice, wabrangti, "Ma yumbo nii yo kom tok tiyeu."
|
|
\v 72 Cang Cang nawo barbi cake mwob kiyange yobe. Bitru bulange ki kero Yecu yi ceu. ki Fiya na barbicake na mubkyange kiriti yobe, mun kanang ye kriti taar, La bulangeri con taa cikawiyeko.
|
|
\s5
|
|
\c 15
|
|
\cl Dimero 15
|
|
\p
|
|
\v 1 La ki kwomceri nubo durko cin mwerkanye kange nubo dur mulanka, kange nubo durko. Cin tam Yecu cinyo cou kab, cin neken cou kan Bilatu.
|
|
\v 2 Bilatu mee cou mwo dur liyar Yahudawa ka? con ciya ci kii ywo nawo mwa tikeu.
|
|
\v 3 La nubo dur firitoci cin bou kii cwarum cembo ci ma co Yecu neneu.
|
|
\s5
|
|
\v 4 Yila Cin mwe co tak, "Mwa karbo ker" too dikero yee ci bouti coko dor mwere.
|
|
\v 5 La Yecu yii co bo kange ker tak, la yila cimen diker yumankar.
|
|
\s5
|
|
\v 6 No Idio lauri Bilatu kii ma cimen kii bi be dikero wo nubo cwitiyeu.
|
|
\v 7 Mor lor furcina fiye ci kum nob bang tubbo wiyeu, kange nob twalkab nii twalka ko kange wii ci coti kii Barabas.
|
|
\v 8 La nubo bou Bilatu nen na macinen nawo cimatiyeu.
|
|
\s5
|
|
\v 9 La con ciya ciki "kom ki cwi na tung kumen liya yahudawaka?
|
|
\v 10 La nubo dor ko cin yomum ciki ma funer cer nii tomanger.
|
|
\v 11 La nub tomangebo cin cee kidir ki a tung cimen Baraba.
|
|
\s5
|
|
\v 12 La cin ciya ciki yee ma mati ki Yecu Liya Yahudawa?
|
|
\v 13 Cin ciya kidir ki "Ayeykenco"
|
|
\s5
|
|
\v 14 La cin me ci ki Ye nii wo Mane? Yila cin kuntendir cero, "Akulken co"
|
|
\v 15 Ci ma yori naci fou cimen ner la tunken baraba. Na ci malli Yecu ki balyange na nimde neken co fiye Kulka.
|
|
\s5
|
|
\v 16 Nubo Yaken ki co mor fiye bwei yeuri la cin tuk nub dokabo ducce.
|
|
\v 17 Lajin ducimen belle cwilanka cin bwa cinen lallang duwek ki cwiwak.
|
|
\v 18 La cin cuccu co tiki ayarum Liya Yahudawa.
|
|
\s5
|
|
\v 19 La cin twom dor cero ki kulki, ci twom cimenti bi bitwom dor, Yila ci cung cunge cin ma cimen wabka cwilanka.
|
|
\v 20 La cin dim cwilanka ceri yila ci cukum belle ceu ci man ten ti ka bilankiya ce. La cin cukken co kale nacin kulken co bwatiye.
|
|
\v 21 Kambo ci yaken ki co fiye kulka ri cin wabkan kange nii kanye cwiti na ci tum Bwatiye kulka Yecu ko dencero cimon nii Cyrene con Te Alexander kange Rufu
|
|
\s5
|
|
\v 22 La cin bou ki Yecu fiye doro wiyeu.
|
|
\v 23 Cin ne co mwem morum kange dikero bwiber, cin ko nokako.
|
|
\v 24 Cin kulken co bwatiye, la cin worbangem belle ceu bwiti ci.
|
|
\s5
|
|
\v 25 Ki kume tar di cin kulken co bwatiyeu.
|
|
\v 26 Cin mulanti ki cin fulognum Liya Yahudawa.
|
|
\v 27 Kange co cin kul nub kub yob, winew kino kan ceko catiyerd, winew kanko mwokke. cin mayo naci dim dikero bifimer tikeu.
|
|
\s5
|
|
\v 29 La cin cukentiri, ci kwador certi ci torang coti cin yico ki "Mun bubam ku wabka kume win, mun muti kume tar.
|
|
\v 30 Cer dor mwer, na yiram fiye kulka nen.
|
|
\s5
|
|
\v 31 La Nii dor cero kange kangum nub yico ti ki Cin cuk kangum nub, la fwe ki cukka dor cer.
|
|
\v 32 La di liya Yahudawa ayirau bitine, no ci tori ciya ne bilenker" kange nubo ci wariyeu yi co ti yo ken.
|
|
\s5
|
|
\v 33 Kambo ki me kume fim ki diye nukkun yaciko ter.
|
|
\v 34 La cin nuwa Yecu ciye ki diro dor ki "Kwama, Kwama, Yee bwi mwa dubyere.
|
|
\v 35 Nubo wo tim wiyeu nuwa cori ki "kom nuwa wo co Elija ti"
|
|
\s5
|
|
\v 36 Kange cwa mo rece yan tum mwem twibero dukti mor cor-cor, cin yiki bito kono Iliya am bou na cok cori.
|
|
\v 37 Yecu kwa kiyange ki dir dume ceu cirom.
|
|
\v 38 La ku wabkako tikangem yob kange dii kange tob.
|
|
\s5
|
|
\v 39 Na wo nii wo tim to Yecu ti naweu yii ki nii wo bibwe kwama ciin.
|
|
\v 40 knage natubo wii tim kutan kange ci Meri magdalin Ne Jame yii Jacob be kange Colomi.
|
|
\v 41 Nawo ci mor Galili cin bwan ten co cin ma cimen wabka. Natub bo kila bwanten ci wi mor Jerucalem.
|
|
\s5
|
|
\v 42 La me du cume wo ci yo na nime kume Asabare lau.
|
|
\v 43 Yucufu nii Arimathea bou ken cin wii mor nubo wuro cen lokwama tiye, cin ken ci curen bwiyed Yecu ro.
|
|
\v 44 Yi la cimen ki diker Nyumanka, ki Yecu bwiyam, con tuk nub na cin to no Yecu bwiyam di.
|
|
\s5
|
|
\v 45 Kambo ci Nyumom Yecu bwiyameri cin neken Yucufu bilen cero.
|
|
\v 46 Yucufu ten ci nen kule dukar, la cuk co fiye kulka yan yoken co tuwe woo ciwumeu yila cin comti tero wi tak fiye do kako nen.
|
|
\v 47 Mery Magdalin kange Meri nee Yucufu cin tom fiye ci furom Yecu wiyeu.
|
|
\s5
|
|
\c 16
|
|
\cl Dimero 16
|
|
\p
|
|
\v 1 Kambo diye fufkako lame di Mari kange Magdaline nee Jame, colomi tenou nowan beltika wo ciya belti Yecu nen tiyeu.
|
|
\v 2 Kii kwamce kume wine na kume nibere, cin yari tuwe wumom na nimde kakoko curou.
|
|
\s5
|
|
\v 3 La ci takkanti ki we a tum cimen tero ti fiye doka?
|
|
\v 4 La cin too diyokori tero wum yiloko nen la fiye co kwaya.
|
|
\s5
|
|
\v 5 kambo ci dou mor tuwe ri cin too kalbwe bwayile tim wi dum ki kulendo fur, yim kanko mokke.
|
|
\v 6 Yii ci ki "kom cware tai. komki do Yecu, Nazared, wo ci kulken coweu. Con kunum mani fou. kom too fiye ci yom co wiyeu.
|
|
\v 7 Ya kom yi Bibei tomange ce kakye Bitru Ciya ya Galili nacin too cou wii nawo ca yi ciyeu.
|
|
\s5
|
|
\v 8 Cin ceri kale ki cwak mor tuwi nen, Ci kwabbang nerti yila cimen diker yuanka. Ci tokbo ker kange nii bwiceu tum ka tai.
|
|
\s5
|
|
\v 9 Ki kwomce kume win na kume nibere cin bou maryamu nen, niye wo ca cuk yuwa niber bwi ceu.
|
|
\v 10 cin yaken kale ci yi nubo wo e kange ceu kambo kibi buri ci ciweye tiyeu.
|
|
\v 11 La cin nuwa ki con wii ki dume cin tom cori, la ci ciya bo duwal.
|
|
\s5
|
|
\v 12 Kambo dikero wo bwi nawori cin ceri nubo kange nen yob yakenti bitene kale.
|
|
\v 13 La cin Yii nob tomageb cebori, ci ciya bo duwal.
|
|
\s5
|
|
\v 14 Yecu la cerkanngi cimen nibere nen cin yim tang celan, kange nubo mani ki bilenkereu nawo ci ciya bo kange nubo wu to cor kambo ca gwunom loka ciyo ca bwiyam meu.
|
|
\v 15 Cin Yi ci ki "kom ya mor kalewo nen kom yi wab ker miro gwam.
|
|
\v 16 Nii wo yoo kermire ri kom yu cemen mwebo na ci fiya dume, nii wo nebo belinkere ri, ki yan kra.
|
|
\s5
|
|
\v 17 Wo co diker a bwiti kange nubo wori ciya, nee bilenker ki dencereu, ciya cuk yuwa, ciyan tokker ki biyel kanyem.
|
|
\v 18 ciyan ta na cuwi ki kan, no ci noo dikero bwir di mani a maci ti ki diker, ciya cuk twirak bwi nebe.
|
|
\s5
|
|
\v 19 Kambo teluwe dim kero kange ciyeri, la cin tum co dikwama fiye ca yim tiyeu kanko wokkeu kwamak.
|
|
\v 20 Bibei tomange ceu yala ciranken fiye kakyum tokker cero tii Yii neka dumeko wii kange cii.
|