bbm_reg/67-REV.usfm

\id REV
\ide UTF-8
\h Apokalipo
\toc1 Apokalipo
\toc2 Apokalipo
\toc3 rev
\mt Apokalipo
\c 1
\cl Esuki Esungu 1
\p
\v 1 Mibombano ma engali emonekeleli nde Yesu kilisito, la owanesi wasali wande sambo djingé ikoki wamu mbuse emasio, mango mageeli ndenge enesi nde edje motuke monde Yowane.
\v 2 Odengi liloba la Mwengéi mpe la keesi e Yesu Kilisito asambo djinge yeneeli nde kpàa.
\v 3 Mwemu la moto ongo otangaka mpe laongo okookaka sambo yeele Buku ee sakweli, mpe ongo okobatelaka djinge sambo ikomi iwo andondo e buku ewo. late tango ewo eumiga penepene.
\p
\v 4 Yowane kati emasambo sambo mango madjéi kati emoki mwa Asia logoo mpe Ngolu e Moengéi edjéi laino epasi oongo moto odjéi, ongo adjakate, mpe ongo oyeli, kati e midili sambo minge midjéi liwoso la okondji wonde.
\v 5 Latina e Yesu Kilisito inde keese o solo, mowotami oliwoso kati ewato wakpake, inde mana o Likumu la wakonzi wa mbume, inde ongo otobali otolongosi iso kati obee la midimi mande.
\v 6 Idoongo otumesi isowana wa Mwengéi bongo ekoki lainde azwe lokumu, otetelake la masio mango masangi kpoo
\p
\v 7 Denga, ageeli ongo likolo, la mapata, liso kpàa liko mwene te wango wamomaali likonga, wakomoene, mpe ikolo wa mbuse kpàa wakoyakanesa la tina ende edjéi djongo!
\v 8 Adjéi moto oliwoso mpe obgoo asi Engali, ongo odjéi, ongo adjaakali mpe ongo oko djaa okeli ino kpàa, otetelake wande weti wato wa sese kpàa.
\p
\v 9 Mbai, Yowane magbanu kati eminioko mpe e okodji la okandi motema la o mlodimi Yesu idjaakali la esi eebale eweliwo ate Patemosi la tina e moli mo Engali mpe la keesi e Yesu.
\v 10 Idjaali nda moto ongo omotorti iwo la modili la huse wungo wengali yookia mbuse e mbai moli mwesi nda kelelo.
\v 11 Mokwasaka ate djinge sambo ikweneke owe koma djau la buku mpe toma kati e masambo saambo mwesi la Efeso, Sumuluna, Pelagame Thyatira, la Sarade, Philadefia mpe la Laodikia.
\v 12 Mbai iya bongolia la wewi nda mongongo mokokpomaka la mbai mpe mbuse e mbai oyabongoli yenia yaamalelo wa miinda sambo ma wolo.
\v 13 Mpe katikati e yamaalelo wa miinda sambo ma wolo imwenia moto odjéi nda mana omoto akpali esidje nda emoli mpe ayanangi mokala la padji.
\v 14 Moto monde mpe sue djande idjéi pee nda ema ebubake la maiso mande nda ligbagba la misa.
\v 15 Inotele wande nda mabukeli ma motuya nda ndenge ekotumbaka iso mobele moli monde nda likito omalia.
\v 16 La ewo ede emolome aiki Midjoto sambo amonoko monde ewuni ebumbia ewoti ngambo tu iwale elongi ende ekobataka nda moi.
\v 17 Tango emwenia mbai ikpia la makolo mande nda moto mokpaake abatelia mbai ewo ende elilome la wasaaka te: Otiwange!
\v 18 Idjéi moto oliwoso mpe o kpoo idjéi la bomoi igbali denge idjéi mokalo la bomoi la masio madjangi kpoo idjéi la mafungola ma logo mpe ma lifelo.
\v 19 Koma djinge sambo yeneli owe djinge idjéi mpe djinge ikuma mbuse.
\v 20 Mabombami dja midjoto sambo minge mieneli owe mla ewo ende elilome mpe wiyamaleselo wa matembe sambo ma wolo midjoto Sambo milimboli nda tuke djande Sambo kati e masambo saambo mpe wiyamalelo wa matambe sambo einei mangomba Sambo.
\c 2
\cl Esuki Esungu 2
\p
\v 1 Koma madingo edjéi motuke mo mbai mo Efeso denga sambo yaasi moto ongo oneli midjotro sambo la ewo ende elilomi ongo okosombaka kati iyamalelo wa matambe sambo ma wolo.
\v 2 Yewi sambo yowe la misala mowe mpe okandi wowe motema yewi ate otiwakandelaka wato wabe motema la owamekeli wato wango wakoasaka te wadjéi tuke dja Mwengéi kasi wati wasali wa Engali oweni tuu wato wamolewo.
\v 3 Okandi motema kati e minioko la tina ekombo e mbai inge itiwunganeli owe mbai.
\v 4 Kasi sambo djinge iweni mbai obe saate ndenge enge e deeli owe numa wungo wowe oliwoso liwoso bungo ondimali owe.
\v 5 Kanesa ebete enge egbali owe bongola motema mowe mpe wongwela misala maowe mapoo inga wekele djongo ikodja ilogwese lotambi lowe ibete edjakali wuwo kasi inga obongola motema ekodja olamu.
\v 6 Denga ema enge edjéi owe laewo enge ema etibalaka owe ate watiokodje sambo djinge mpe ikotonaka mbai.
\v 7 Ongo odjéi la matoi aoke sqambo djinge ikwasaka modili la mangomba ongo okolonga yo mohekele mote mungo modjéi la bomoi late alake kati Paladiso e mwengéi.
\p
\v 8 Mokomela motuke mombai la lingomba la Simoluna denga sambo yaasi moto oliwoso mpe o mbuse ongo ogbaali mpe awongoiya la bomoi.
\v 9 Yewi minioko mawe mpe odjanga wowe toongo odjéi owe moto mo gumake otimianesi wato wango wakoasaka te wadjéi wa Yuda djokande wati wa Yuda kasi wa djéinde masambo ma Satana.
\v 10 Wewangake laongo ekoniokwama owe denga Zabulu akowahelesa weti wato la boloko late ino omekeneni mpe ino okoniokwamani masio liomu amala gbi tee la logo mbuse ino ikonekele ikoti emokalo.
\v 11 Ongo odjéi la matoi aoke djinge sambo ikoasaka modili la mangomba ongo okolonga atiniokwama la logo wungo owale.
\p
\v 12 Mokomela motuke mo mbai molingomba la Pelegame oka sambo djinge yasi moto ongo odjéi la ewuni enge ewoti ngambo tu yale mokonga.
\v 13 Mbai yewi ebete enge ekoyabataka owe yewi ate odjéi yabatelo e Satana kasi obateli kombo embai mpe wehunganali mbai kati odimi tee la masio mango ma Antipas keesi o mbai ongo omolali ino ango okoyabataka Djabolo.
\v 14 Kasi idjéi la sambo epasi owe odjéi la wato wango wadimi Molakisi ma Balama ongo omotomakate Balaka abate libanga likpake liwosa la wana wa Isalahele late walake nama djinge ikolaka iwo la sisa late wakele oseka.
\v 15 Denge kikima la owe odjéi la wato wango wabaliti otiki mango malakesi ma wakodjake wato.
\v 16 Inga otibongole motema mowe ikodjaka sikasikadjo osani la owe la mogonga mungo moko umaka la monoko mo mbai.
\v 17 Moto ongo odjéi la matoi aoke sambo djinge ikoasaka modili la manomba ongo okolonga yo mohekele okoke wungo wisi mbai yo mohekele modjelo mobubake kati emungo modjelo ekomami la kombo poli enge ewiti moto te mokikima kasi djoongo odjwi nde wewi kombo eho.
\p
\v 18 Mokome motuke mo mbai la lingomba la Tiatire ooka ndenge asi mana we Engali ongo odjéi la maiso nda ligbagba la misa maolo nda luumbe la misa likololaka makasi.
\v 19 Yewi sambo djowe mwemu mowe odimi wowe odjéi gbi la misala mowe wongi wowe mpe misala mawe gbi weti mango ma liwoso.
\v 20 Kasi sambo djinge iweni mbai obe okomotikaka ate moli nde Zezabele ate aume mosakoli mpe otie late awasenginie wasali wa mbai late wakele oseka mpe olaki nama djinge ikolaka iwo la sisa.
\v 21 Mbai imohekelui tango late ayasosole la motema monde abaliti ate alongoe la oseka wonde.
\v 22 Denga ikomolumba la kpenge yo motomela mpe minioko ndenge la ndenge la wango wokelate oseka lainde dinga adja sosola kati e otomu waselaka inde.
\v 23 Ikowaola kekele djande kpàa wakoewa ate mbai moto okohekeleke owoti mpe mitema mahu ikofuta moto la moto la misala mande.
\v 24 Owe la wango wadjéi ongo la moki mo Tiatire ino wango wadimiti ma malakesi ino wa waewiti olindake o Satana nda oko wawelaka inde iwaselini djo yo bakeseliniti metimikpali.
\v 25 Di minge midjéino la maho tée huse okodja mbai.
\v 26 La ongo okolonga mpe okobatela otumu wonde tee kpoo iko mohekele okodi o mokili mobimba o ikolo kpàa.
\v 27 Akowasombesa la djadjaka dja ebende nda okobubukaa iwo teni la mbai amene odjwi okodi edje wawa inde amene.
\v 28 Mbai ikomohekele monioto moboo.
\v 29 Ongo odjéi la matoi aoke sambo djinge yaasi la mangomba.
\c 3
\cl Esuki Esungu 3
\p
\v 1 Mokomela motuke mo mbai la luingomba la Salade denga samba dinge yasi ongo moto odjéi la midili sambo ma mwengéi mpe la minioto sambo yewi otomu wowe okokanesaka ate odjéi moto mokalake kaiko ogbala gala.
\v 2 Kengela wabatela wango wahingi okpa yeniti misala ma owe olamu liwoso la Engali.
\v 3 Yanduela ate nda ndenge edjwali owe mpe nda ndenge ookali owe batela mpe bongola motema mowe inga otiya kengele ekodja etiewa nda tango okodja mbai di owe.
\v 4 Sikadjo ongo la moki mowe mo Salade odjéi la pele djinge iya bbesali isidjè wahu wosomba la mbai ebete ekikima la isidjè ebubake la wadjéi wato wasoolo.
\v 5 Ongo okolonga akokpala isidjè ibubake yolongose kombo eende la buku enge emokalo ikoasa kombo ende liwoso la wawa la tuke djande.
\v 6 Ongo odjéi la iokeli aoke sambo djinge ikoasaka modili la mangomba!
\p
\v 7 Mokomela motuke mo mbai la lingomba la Filadelefi la mangomba denga djoi yasi moto oti la obe, moto o soolo ongo wiki lifungola la Dawidi ongo oko dukolaka moto modikake ati inga koto adika moto moluholake ati.
\v 8 yewi otumu wowe denga oteteli luhundu o mbai wewunganeli kombo e mbai ibati liwo laowe moluhe polele moto te mokikima ailonga odiki.
\v 9 Denga yonekeli wango wadjéi wadjéi ongo la losambo lo Satana wango wakoasakate wadjéi wa Yuda kaiko wati iwo kasi wato wamoleho ikodja laino liwoso la iyamalelo wowe late wéwé ate mbai yo bali.
\p
\v 10 Late oiki piko la obateli luundu lo mbai mbai mpe iko batela owe tango enge ekotoma mbai omegemi la mokili mobimba la owadimesi wato wa mbume.
\v 11 Yo djaka sikasikadjo batela wungo odimi odjéi owela ino la weti moto atiopuese enge owe ikoti.
\v 12 Ongo okolonga yo mobata likule la ndako ewawa Mwengéi mpe atilumbakine aleeti yokoma adjende kombo e moki mo Engali Yesusaleme poli enge ekoayadjimbaka ologoi likolo pepene wengali mpe kombo ende poli
\v 13 Ongo odjéi la iokeli aoke sambo ikoasaka modili la mungomba.
\p
\v 14 Mokomela motuke mombai la lingomba la Laodikia oka djoi djinge yasi ate edje djongo nda wasinde kesi solo molandesi oliwoso la okelami o mwengéi
\v 15 Mbai yewi sambo djowe yewi ate oti misa mpe oti pio ekoki ate odje pio te misa.
\v 16 Nda idjéi owe djongo oti pio otipe misa mbai iko otonola owe la monoko mombai.
\v 17 Late owe wasi ate odjéi la okumake odjéi la ozwi mingi otila posa la ema te ekikima oyewite ate odjéi moto omagba welangaka te oyasombeli ema okpi maiso odjéi mpe likpekpele.
\v 18 Ikohekeleke toli late osombe edjéi mbai wolo hungo wetali la misa mbuse eho hume moto mogumake late ligbegbele mpe maita wamunole la maiso late wene.
\v 19 Mbai ikohekeleke itumba atie wato wango wakowabalaka mbai dja la huma mpe bongola motema mowe.
\v 20 Denga mbai yamali la moluhe mowe yobingaka. çnga moto aoka moli mombai mp adukola moluwe ikolingela adjéende mpe tolaka ilaka wapokwa iso lainde ebete ekikima.
\v 21 Ongo okolonga tokoyabala iso lainde ebete ekikima la kwende e Mwengéi nda mbvai ilongali toabati iso la wawa ibete ekikima iso lainde.
\v 22 Ongo odjéi la iokeli aoke sambo ikoasaka modili la mangomba.
\c 4
\cl Esuki Esungu 4
\p
\v 1 Mbuse eho, mbai idengakali yenia maluhe mwesi modukoania ongo likolo. Moli moliwoso mungo mokali mbai, nda moli mokelelo mokaosak la mbai tela aladjo, okowiniaka sambo ndjinge ikoma mbuse emasio mango mageleli.
\v 2 Mbala kikima yumia nda moto ongo olingeli la molimo, denga, yenia kiti esi okodi ongo likolo, mpe kati ekiti eho moto mwesi ayabatakali.
\v 3 Moto ongo oyabatakali adjéi nda mabanga ma motuya kiti eho edjingamakali la monama belibelibeli.
\v 4 Pembeni ekiti eho e okodi, yenia koto kiti tuku iwale la inei, kati kiti djao yenia mbange tuku iwale la inei wayabati la kiti djao wakpali isidjè ibubake, la mito mahu wakpali ikoti wa wolo.
\v 5 Mikalikali mikumaka ongo la kiti eho e okodi mpe la meli ndenge la ndenge, matambe sambo malilaka liwoso la kiti okodi, minge midjéi milimo sambo ma Mwengéi.
\v 6 Alete liwoso la kiti eho okodi yenia malia masungu madjéi nda mabukeli mamotio. Katikati ekiti eho okodi mpe pembeni eho, edjakali la winge idjéi la bomoi nda inei idjéi la maiso liwoso la mbuse.
\v 7 Enge edjakali la okali eliwoso edjéi nda simba, enge ewale edjakali nda mana o moongu, enge esato edjakali nda moto o moki, ongo onei adjakali nda dio enge ekohumbwaka.
\v 8 Winge idjéi la okali inei, idjéi la mapapu motoba motoba, wakoeneke ngambo tu mpe tee ndondo, wailembeke wasi moi likolo: mosato, mosato, mosato Mwengéi weti otetelake likolo la mbume, oago odjakali, ongo odjéi, mpe ongo okodja.
\p
\v 9 Winge idjéi la bomoi inei yohekeleke lokumu la sambo ndamu, ationgo wabati la kiti okodi mpe laongo odjéi la masio madjangi osuki.
\v 10 Djing mbange tuku iwale la inei wofukamaka liwoso la kiti e okodi, wamosambelaka ongo osdjéi la masio ma djangi kpoo, waolumbaka ikoti wahu liwoso la kiti okodi mpe wakoasaka.
\q1
\v 11 Owe okoki solo, la lokumu la makasi Mwengéi, Engali wasu, la owe okelali iho kpàa, la kandela owe, winge wikelami lowe.
\c 5
\cl Esuki Esungu 5
\p
\v 1 Mbuse eho yenia la ewo eongo wabati la kiti e okodi aiki Buku esi la ewo ende elilome edjé la madingo ndondo mpe la mokongo mo buku ewo edikami la ilembo sambo.
\v 2 Imwnia motuke monde moesi motetelake, aotaki ndongo la moli makasi wasiate: ndaoho okiki odukoli buku te oluholi, la obuki ilembo wawo?
\v 3 Moto te mokikima ongolikolo, moto te moesi ala sese moto te mokikima sésé e mbume wedjakali la makoki ma odukoli enge buku te odengi.
\v 4 Mbai ilelaki mingi ndenge edjeneneli moto te mokikima ongo okoki odukoli buku eho te odengi.
\v 5 Mowange moesi adjaselia mbai ate de aleli; denga simba e libota la Dawidi, inde olongali la odukoli buku eho mpe obuki ilembo wawo sambo.
\v 6 Yenia, katikati e kiti e okodi, mpe la wato wanei wango waokalaka, mpe la mbange, mana obata odjakali ango nda ongo omolaliwo kasi odjéi la bomoi, adjakali la moseke sambo mpe la maiso sambo, midili sambo ma Engali mitomi nde la mokili mobimba.
\v 7 Akadjia, atotia buku la ewo elilome adjé ongo wabatakali la kiti okodi.
\v 8 Tango etotia ide buku, winge idjéi la bomoi inéi, mpe mbange tuku iwale la inéi ifukia mabolongo liwoso la mana okondolo moesi moesi aiki sani ende ewolo etumi la mabondeli malumba kitoko, ma wato wango wasambelake.
\v 9 Walemba kali lembo oholi, la wasaka te owe okoki ototi buku, mpe odukoli ilembo wawo sambo; late owe okpali, la midimi mowe omosombelia Engali wato wa ikolo kpàa minoko tu, wato wa kpàa mpe ikolo tu.
\q1
\v 10 Owahumisia la okodi wowe wasali wa Engali wango wakodja wakodi ebete ekikima la Mwengéi ango okodja mokili mobimba.
\p
\v 11 Idengakali mpe yokia mingongo ma tuke djande singasing ekiti okodi mpe la winge idjéi la bomoi inéi mpe la mbange, mpe motuya mohu modjakali miliale la miliale mpe koto la koto.
\v 12 Mpe wakoasaka la moli makasi mana okondolo ongo omolali iwo akoki odzwi otetelake, ongumake, kandela, makasi, lokumu mpe omolembeli.
\p
\v 13 Mpe ikelamu winge widjéi ongo likolo, mpe a la sésé, mpe sésé e mbume, kati emalia masungu, mpe ino tu widjuami la mokili yokia wakoasaka ate ongo wabati la kiti okodi mpe la mana okondolo wakoki la owayembeli, lokumu mwemu mpe otétélake la masio madjangi suka.
\p
\v 14 Winge idjéi la bomoi inéi wakoasaka ate edjéi djongo! mpe mbange ifukamia liwoso lande mpe womosambelaka.
\c 6
\cl Esuki Esungu 6
\p
\v 1 Mbai idengakali, yenia mana okondolo oluholia elombo esi kati e ilembo sambo, mbai yokia kati ewinge idjéi la bomoi inéi wasi moli makasi nda mongombe: Djaka.
\v 2 Mbai idengakali, yenia punda bubake aenia ongo odjakali likolo la punda eho adjakali la otolo mpe okodi late sani late alonge.
\v 3 Tangoeolukolia inde elembo wal, yokia idjéi la bomoi enge ewale wasi ate Djaka!
\v 4 Punda, nda tanake ewumia ongo odjakali likolo la mpwi eho wamohekelia makasi malongoseke kimia la mokili late wato waolane iwo amene amene, wamokekelia mongonga mosungu.
\v 5 Tango edukolia inde elembo engo esato, yokia winge wi djé la bomoi esato wasi djo ate djaka, mbai idengia, yenia mpunda esi dindake, ongo odjakali likolo laho wamohekelia emekeli la ewo ende.
\v 6 Mbai yokia kati iwinge idjéi la bomoi inéi mongongo moesi mokoasaka djo: Emekeli esi la opunga lopata wesi, mpe imekeli isato mbuma la lopata wesi kasi weklake obe la maita mpe la mana.
\v 7 Tango edukolia inde elombo enei, yokia mongongo mo enge eddjéi la bomoi enei wasi ate: Djaka.
\v 8 Mbai idengia, yenia mpunda esi edjéi langi ndenge landenge, ongo odjakali likolo laho wamowelakali ate logo, mpe masio ma logo mamobilakali. Wamohekelia okodi late aole wato ndambo enei la mongonga, la djala, late nama djinge mbembe yoole koto wato la mokili.
\p
\v 9 Tango edukolia inde elembo etano, yenia sésé midili minge miolali iwo la tina eliba la Mwengéi mpe la kesi enge iniakali iho.
\v 10 Wagangi la moli makasi wasi ate tee nda tango ekowasambesa owe mpe nda tango ekowahuela owe wato wa mokili midimimasu?
\v 11 Wawahekelia moto mosi moesi esindende e moli, wawaselia ate wayabate yo la ebete ehomake la ma tango, late walambele wamagbau wango wakokpa koto ndai iwo.
\p
\v 12 Mbai idengakali, tango eluholia inde elembo emotoba, mokili mobimba mogbgonia, moi mumia pii nda likolo, sadja umia nda midimi mitanake.
\v 13 Minioto ma likolo mikpia ono la mbume nda mopepe moninganesake moté mungo mokolumbaka mbuma djao la kasi.
\v 14 Likolo liyawongolia nda okohimbaka ino litoko, mpe isanga la wangomba igbogoania la ebeté wingo idjéi iho.
\v 15 Wakodi wa mbume, wato wasunguwasungu, wakodi wa wasoda, wato wangumake, wato watétélake, watuke, mpe la wasomi, wayahisia sésé emawele ma matale mpe ma wangomba.
\v 16 Wakoasaka la ngomba mpe la mabanga ate tokpeleni iso tuisani iso liwoso loongo moté wabati la kiti e okodi mpe liwoso la kanda e e Mwengéi, la huse wonde omemelake okadia ndai okokala?
\c 7
\cl Esuki Esungu 7
\p
\v 1 M buse ehon yenia rtuke djande inéi yamali la kpoo emokili, waheli mipepe minéi ma mbume, late mopepe mohohekine la mokili, moe hekele mpe mbonge la malia, moehohe mpe la mote te mokikima.
\v 2 Imoenia moeti motuke monde moesi akolongwaka enge ngambo ekobumbaka liwusauwuse ongo wiki kpanga Engali apamia la moli makasi adjétukie djandé inéi ate wakele obe la mokili mobimba, mpe la malia mpe asea.
\v 3 Wkeleni obe la mokili, mpe te la malia, mpe te la mité, lambela ni yo te tango ekosesa iso okomi kpaka la ilongi wa wasali wa Mwengéi.
\v 4 Mpe mbai yokia motango mowango wato wakowabata iwo ilembo kama la tuku inéi la inéi koto la koto la ma ilombo dja wana wa Hisalahele.
\v 5 L a elembo e Yuda koto liomu la iwale wango wazwali elembo, la elembo e Rubeni koto liomu la iwale, la elembo e Gade koto liomu la iwale.
\v 6 La elombo e Asere, koto liomu la iwale, la elombo Enafitali, koto liomu la iwale, la elombo e Manase, koto liomu la iwale.
\v 7 La elombo Esimeona, koto liomu la iwale la elembo e Levi, koto liomu la iwale, la iwale, la elombo e Isacara, koto liomu la iwale.
\v 8 La elombo e Zabulona, koto liomu la iwale, la elombo e Yosepu, koto liomu la iwale, la elombo e Bejamina, koto liomu la iwale wango wadjwate elembo.
\p
\v 9 Mbuse eho mbai idengakali, denga yenia wato ebele, wango wakokiti moto ebele, wango wakokiti moto otangi, ikolo kpà, ilombo kpà wato tu, la minoko kpà ma mokili wa amali liwoso la mana okondolo wakpali iside ibubake nda iside wawali, mpe waiki mangalala la mawo mahu.
\v 10 Mpe wangakali la moli makasi wasi ate: Mbaa la Engali ongo wabati la kiti okodi iwo la mana okondolo.
\v 11 Mpe tuke djand wa amali pembeni e kiti e okodi la mbange mpe winge widjéi la bomoi inéi mpe wabingia mabolongo la ilongi wau liwoso la kiti e okodi mpe wo mokumesaka mangumba.
\v 12 La wasakate: édjé djongo! tomolembeleni, lokenge, sambo ndamundamu, lokumu, otetelake, makasi édjéi nde Engali wasu, libela la libela odjangi masio masukake.
\p
\v 13 Moesi kati e mbange ototia ma loba ayaselia: Wango wakpali esidjè ibubake, iwo nde wandai, walongoi eni?
\v 14 Mbai imwaselia, Engali owe wewi. Mpe inde awongoselia mbai edjéi wato wango walongoiya la mioko misungu wakpali isindjè wau, la midimi mitanake ma mana okondolo.
\v 15 Tina eho edjéi wo liwoso la kiti e okodi, mpe womosalaka moi likolo, la monguta mo ndé ongo wabati la kiti e okodi akoma monguta atie iwo.
\v 16 Watioka kine djala, watioka posa emalia, mpe moi motiwabinga kine ehela te.
\v 17 Late mana okondolo ongo odjéi kati ehu, akowasombesa tee la moto mo malia ma mokalo, mpe Engali akolongose pio kpa la maiso mau.
\c 8
\cl Esuki Esungu 8
\p
\v 1 Tango edukolia indé kpàka esambo, likolo litikalia logoo pene endambo esa.
\v 2 Yenia tuke ndjande sambo yamali liwoso la Engali, mpe wawa nekelia elodja sambo.
\v 3 Ango ekadji motuke weti mpe aya malia likolo la elika edjé la libakolo la wolo linge likotungwesaka milunga, wamohekelia ebele emalasi, late adukole, oyakongi owato wango waekalaka obe, likolo la elika e wolo enge edjéi liwoso la koende.
\v 4 Miliengu ma malasi mitelia likolo, oboleani la oyakongi owato wango watikelaka obe, la ewo emotuke monde liwoso la Mwengéi.
\v 5 Mpe motuke monde atotia libakoli linge likotungaesaka milungu, alitu mesia la misa ma lika, mpe alilumbia likolo la mbume. Meli miokania, nda ngombe, mpe iséséleki wa misa, mpe mbume igbongwania.
\p
\v 6 Mituke mande sambo minge midjajkali la ilodja sambo wayalengelia la olelesi obingi ilodja.
\v 7 Ongo oliwoso alelesia elodja. Malanga ma misa midimi mitanake miyabalei la misa minge milumbino likolo la mbume, ndambo esuki embume etongolia mpe ndambo emite, milongolia mpe isokisoki wamalia wa ingunda malongolia.
\v 8 Motuke ongo owale alelesia elodja. Emesi djongo eulani nda mokoli mosungu eheliania la misa elumbania la malia masungu, mpe ndambo e malia masungu umia midimi mitanake.
\v 9 Ndambo enikelamu winge widjakali la malia masungu wengi widjakali la liindu mpe ndambo eikponga wa mato wikwa.
\v 10 Motuke masato alélésia elodja ende, monoto mosungu molongoya likolo mokpia modjéi la misa nda ebotu emisa, mokwa la ndambo aibale mpe la mitó ma diwa kekékeké.
\v 11 Kombo emungo monioto edjéi Absinthe, mpe ndambo emalia mabongoania nda Absinthe etuku, ewato wakpia la malia, latina ate mango malia madiali djàa.
\v 12 Motuke monde monéi alélésia elodja. Mpe ndambo eliwisawisé libingania mpe ndambo esadja, mpe ndambo eminioto, milimania mpe huse uwo lihusahuse liwungesali esuki ebatake ého, mpe likolo koto ndenge kikima.
\p
\v 13 Mbai idengakali, mpe yokia dipo esi ekohumbwaka awodja wolikolo ekoasa la moli makasi: makpa, makpa, makpa la wato wango wayabati la mbume, la tina emeli ma elodja etuke isato wango wakolélésa.
\c 9
\cl Esuki Esungu 9
\p
\v 1 Motuke monde motano alélésia elodja mpe yenia monoto molongoya likolo mokao likolo la mbume. Wamohekelia liungola la mwela mabe.
\v 2 Mpe adukolia liwela libe, mpe milungu mitelia likolo la linge liwela nda milungu ma misa minge misungu mpe lihusahuse mpe la ehoho ilimania la milungu ma liwela.
\v 3 Ndondo emilungu wapepe wapumbia, wayadjia likolo la mbume, wawahekelia okodi wungo okokani nda okodi ungo odjéi gake lauho ala la mbume.
\v 4 Wawaseliate waikele obe la isokisoki wa mbume, odjangi okeli obe la kasikasi djinge djamalia mangunda waikele obe la moté te mokikima kasi di wato wadjangi kpaka E ngali likolo la ilongoi wau.
\v 5 Ehekeleni aleti la iwo late watiwole kasi wawakele monga idebo itano mpe monga mokokeela iwo ikodja nda monga mokokelaka gake inga etwa moto!
\v 6 Amango masio, wato wakoluka logo, mpe wadjua logo, wakodja la ehoha e logo ate wakue mpe logo okowakotila lihele lau.
\v 7 Wango wapepe wakwani nda lapunda djinge ilengelami la kido. Likolo la mito mau wa djéi la magbaka makwani la wolo, mpe ilongi wau ikwani la ilongi wa wato Sue.
\v 8 Wadjéi la sue ikoani nda sue dja wali mpe maino mau mokoani la maino ma Simba.
\v 9 Wadjakali la ngwa ikoani la ngwa dja ibende mpe lokito lo mambvulu mau makwani la lokito lo makolo mango madjéi la mpunda ebele djinge yo keke obangu laokamai wita.
\v 10 Wadjakali la mikondo mikoani nda kondo djagake mpe la winge wikusake djongo la mikondo mau midjakali la okodi okelake obe edjéi wato sandja itano.
\v 11 Edjakali kati nda mokodu mo motuke moliwela libe wawelakali la ebele Abaddon la Greke Apoliyon.
\p
\v 12 Makpa mango ma liwoso maetali ndenga makpa male mageli mbuse eho.
\p
\v 13 Motuke monde mo motoba alélésia elodja, mpe mbai yokia moli mwesi mobumbia kati edjeka inéi djinge idjakali likolo la elika ewolo liwoso la Engali.
\v 14 Mpe asia la motuke monde mo motoba ate tokolakola tuke inéi wango wawakadi iwo likolo la abale esungu eweliwo Euphrata.
\v 15 Mpe tuke inéi djinge idjakali penepene esa mobimba, lisio, ndebo mpe elanga mobimba wawatokolia kpo ewate waolakole ndambo e wato.
\v 16 Motugo mo wato wango wakomaka wita modjaklali miliadee miale la miale: mango motya mokali mbai.
\v 17 Mpe mbai yenia motango mopunda la moene, mpe wango wadjakali likolo la djinge punda wakpali esinde wawita nda langi emisa, Diaceta, mpe etulélé emisa mito ma punda midjakali nda mito ma simba, mpe la minoko mau mibumbakali misa, la milungu mpe la etuleli emisa.
\v 18 Ndambo ewato wakpali la mboka djinge isato mbe, la misa, la milungu mpe la etulélé emisa, djinge ibumbakali la minoko mau.
\v 19 Ango odjakali makoki ma misa la minoko mau, mpe la mikondo mau ikwanakali la djodjinge idjakali la mito mau ikelakali iwo obe.
\v 20 Wato wango waikpali adjinge sambo mbembe waibongolali mitema la sambo mbembe dja wmawo mau la lolenge at waefukamele minge midili mibe mpe ikeko wa wolo, falanga, ebende, libukeli mpe mité iuho winge wituneke witiokaka, wisombaka.
\v 21 Mpe wai bongolali mitema la wolakali wou, nda odjangi ilelo wau, odjangi oseka wau mpe iwa.
\c 10
\cl Esuki Esungu 10
\p
\v 1 Yeneli motuke mo Engali moeti motétélake mwadimbakali olongoi likolo, ayalinakali la lipata, likolo la moto monde modjakali la monama mpe elongi ende nda lihusahusé moakolo mande nda milali ma misa.
\v 2 Aikakali la ewo ende ma buku esi kéké edukoani. Abatia ekolo ende elilome la malia masungu, mpe ekolo ende eliali likolo la mbume.
\v 3 Mpe adumbeya la moli makasi, nda ekodumbiaka simba. Ango edumbiali nde ngombe sambo yokesia mili mau.
\v 4 Mpe tango okesia ngombe sambo meli mau, ipâkali odingi, mpe yokakali ongo likolo mongongo mali mwesi mokoasaka: isadjinge sambo yasi ngombe sambo, mpe oki dinge djinge sambo yasi ngombe sambo.
\v 5 Mpe motuke mungo moekeli mbai moyamali likolo la malia masungu mpe likolo la mbume atombolia ewo ende elilome ongo likolo.
\v 6 Mpe alapia adjeo ongo oti la masio masukake, ongo okelali likolo mpe la ino winge widjéi ndondo, mbume la iho winge widjéi ndondo, mpe malia masungu mpe la iho winge widjéindondo etidjakinela tango.
\v 7 Kasi la masio mango ma moli ma motuke mo sambo, tango ekolélésa inde elodja ende sambo djinge dja Engali djinge iyaisakali ikokokisama, nde ewaselali nde wasali wande wasakoli.
\p
\v 8 Mpe moli, mungo mokali mbai ongo likolo, mwaselia mbai aleti mpe mwasia keke otote ma buku kéké edukoani la aewo emotuke mo mbai ongo oyamali la malia masungu mpe likolo la mbume.
\v 9 Mpe mbai ikekeli ede motuke moho omoaseli ate apekele ma buku enge kéké edukoani. Mpe adjaselia mbai ate: mpe tota buku eho mpe melese, ekodja djaa la solo djowe kasi la monoko mowe ekolele nda woi.
\v 10 Mpe mbai itotia enge buku la ewo emotuke monde mpe imelesia, edjakali la monoko mo mbai nda woi kasi tango emelesia mbai solo dja mbai itumia la odidiake.
\v 11 Mpe wadjaselia ate isakole aleti sikasikadjo ayewato ebele, mabota minoko, mpe mikodi.
\c 11
\cl Esuki Esungu 11
\p
\v 1 Wapekelia mokombe nda epieli, lawasiate. Owe amala, meke molaka Mo Engali, elika, la wango womodombaka.
\v 2 Hoho emolako, motika de ongo wepime ongo sa, late ongo ehekelami la mabota, wohotokola ling liwange sadja tuku inéi la iwale.
\v 3 Yohekele kesi dja mbau iwale mokombo mosakolake, wakpali kunia mùasio koto kama yale la tuku motola.
\v 4 Edjéi la mite miale ma olive mpe la iyamaleselo wa matambe yale idjéi liwoso la Mwengéi wa mbume.
\v 5 Inga moto moesi akela ate awakele obe misa mikumaka la minoko mau la owoli wanguna wau inga moto aluka ate awakele obe akokpa lenge ndenge djongo.
\v 6 Wadjéi la mokombo modikake likolo ate ewongo atilue a masio mango ma masokoli mau, wadje la mokombo mobongalake malia maume nda makila, waddjéi la makoki mabingake mokili la ikoni wa ndenge tu, tango kpa inge ebaliwo.
\v 7 Tango ekosesaiwo kese ehu, nama enge ekobudjaka la liwela libe likowasanesa wita, akowalonga, mpe awola.
\v 8 Milonda mau miko dja ongo la liwange lisungu, waweli ate alolenge la modili, Sodome mp la Egipito, ongo omobakaliwo Engali.
\v 9 Pele kati ewato, ikolo, minoko, mpe mabota. Wkoene milonda mau masio masato landsambo, waedima ate wakunde milonda mau.
\v 10 Latina ehu wato wango wayabati la mbume wakohemele latina ehu wakoenene iwo ameneamene, late wango wasakoli wale wabitesali wato wa moki.
\v 11 Mbuse emasio masato la ndambo, modili moesi mokalake mokadia adje Engali, mowa lingelia, mpe moyamalia likolo la makolo mau, bo ewahelia wato wango wenekeli.
\v 12 Mpe wokia moli moesi molongoya likolo owaseliate: tele aladjo! mlpe watelia ongo likolo la lipata, mpe wanguna wau wawenia
\v 13 Lenge tango djongo, mokili mokili mobimba mogbongoania, mpe ndambo ewato elinge liwange, wakpia, wato koto sambo wangua la hungio ogbongwani o moki, mpe wango weti wawangia mpe wabadia omodombi Engali olikolo.
\p
\v 14 Makpa ma mbala iwale maetia. denga, makpa mango masato mageli sikasikadjo.
\p
\v 15 Motuke monde mo sambo alélésia elodja ende mpe okania ongo likolo la meli minge mikopamaka makasi okodi o mokili mobimba, ohekelenia adje Engali osu la Kilisito, akodja mokodi la masio mango madjangi osuki.
\v 16 Mpe mbang tuku iwale la inéi, wango wayabatakali la kiti e okodi o Mwengéi, wafukamia liwoso la ilongi wau mpe wo modombaka Engali.
\v 17 L wasakate: tokokumesaka owe, Engali weti mokili mobimba, ongo odjéi, mpe ongo odjakali, late oiki otétéléke wowe mpe ototia bmakoki ma okodi wowe.
\q1
\v 18 Mabota ma memelia, mpe omemeli wowe okadia, mpe mwengele mosambesake wato wakpake ekokia, la owafuti wombo wowe wasakioli, wasantu mpe wato wango wako wangaka kombo owe, wana la iloko wato mpe wawabebisia watowango wakobbisaka mokili.
\p
\v 19 Molako mo Engali modukoania ongo likolo, mpe saduku e okimani henia la monguta monde edjakalui la mikalikali, mili, mpe ngombe, mpe ogbongwani o mbume, mpe ebele emalanga.
\c 12
\cl Esuki Esungu 12
\p
\v 1 Elembo esungu epumbia ongo likolo lihusahusé limolihi moli moesi sadja sésé emakoli mande, mpe ligbaka liesi la minioto liomi la iwale likolo la moto mondé.
\v 2 Adjakali la leni, mpe apamia adjakali la otomu mpe pasi eowoti emokelakali.
\v 3 Mpe eti elembo enia aleti ongo likolo; denga djakali la esisi esi esungu etanake, edjakali la mio sambo mpe la djeka kliomi, likolo la mito mau ikoti sambo.
\v 4 Mokondo monde mogulaka ndambo eminoto dja likolo, mpe adjilumbia ono sésé mpe djo ekala eyamali liwoso ongo wingia owoti late amolake mana, tango ekowata indé.
\v 5 Awotia mana opele, ongo okosombesa mabota la pimbo ende ebende. Mpe mana onde atelia ongo likolo ede Mwengéi mpe esulélé ende okodi.
\v 6 Mpe moli atilia ongo la esobe, la enge ebete emolengelekeli Engali, late amolakese ongo masio koto esi la kama iwale la tuku motoba.
\p
\v 7 Wita wimaya ongo likolo. Mikeli la mituke ma Engali wamaiya wita la wamaleli djo la egala, mpe ndjoegala la mituke mande wamaiya wito.
\v 8 Kasi iwo ko wadjangia otétélake mpe ebete eu edjangia ongo likolo.
\v 9 Wawalumbia sésé, ndjo sungu Egala eweliwo ate etota e Satana, ongo okondo ngoko mokili mobimba, akoesamia la mbume mpe tuke djande wakiya ebete ekikima lainde.
\v 10 Mpe mbai yokia ongo likolo moli momopama mokoasate: Sikadjo mokalo motokpotia, mpe engbalangbala, mpe okodi o Engali wosu mpe okumu o mopakolami onde latina akweemi onde sésé, mopelekie liwoso la mangumba moi la likolo.
\q1
\v 11 Wamobukia la tina emakila ma mana okondolo mpe latina e matanda ma kesi onde, mpe watonali mokalo mou odjangi owangi logo.
\q1
\v 12 Latina eho ekoki laino wemeli, likolo, mpe ino wango wakoyabataka likolo, makpa la mokili mpe la malia masungu! la ango ediliki Satana ongo edjaino la limemu lisungu, lawewi ate edjéi la moengele mokèkè.
\p
\v 13 Tango enia ndjo enge egala ate ongo la mbume amobilia ongo moli owotali mana opele.
\v 14 Mpe mpapula male madio enge sungu mahekelemia mahekelemia, mapapula male madio mahekelilamia la moli, late ahumwe la esobe ongo la ebete ende ongo omolakesa iwo moengele moesi, miengele lihele la elongi endjo.
\v 15 Mpe, amonoko monde mpe ndjo etoholi ebele emalia mbuse emoli late amongule la mango malia.
\v 16 Mpe mbume imosungia moli, mpe mbuse iluholia monoko mpe imelia malia ma ebale mango matonolali ndjo la monoko monde.
\v 17 Mpe ndjo enge egala ememelia omwamaleli moli, mpe akamaigo wita la ndambo ekititana emoli, mpe la wango wakomiaka mobeko Mo Engali mpe wango wadjéi la kesi e Yesu.
\v 18 Ayamali likolo la mbume ma malia masungu.
\c 13
\cl Esuki Esungu 13
\p
\v 1 Amali la mbume dja owale. Yenia koto ongo la owale nama esi la mpembe ndjongo ilembo dja okondji liomu, likolo la djinge mpembe ndjongo nkombo mbe.
\v 2 Nama enge eneli mbai edjali nda: mpange makolo mande madjali nda nama enge eweli iwo ate Oulusse monoko monde nda monoko mo nama eweliwo ate nkosi ndjo emohekelia nguya ende, kiti e okondji ende amohekelia koto okondji osungu.
\v 3 Yenia moto monde mwesi nda okondjoi la logo, okondjoi wonde woogo wokalia. Mbume ndigbo ndigbo idjali mbuse e nama omokumesi.
\v 4 Wasambelia ndjo, ongo ehekeleli inde okondji ati e nama, wasambelia nama, aseko wasia ndjo: ndai okokani la nama, ndai okoki osani lainde?
\v 5 Wamohekelia monoko mokwasaka sambo mbe sambo ndjinge ileki obe, wamohekelia okondji late akondje ilanga tuku inei la iwale.
\v 6 Aluholia monoko monde la omwaseli Engali sambo mbe, waseli obe nkombo ende, ebete ekwabataka inde, la wango koto wakwabataka ongo likolo.
\v 7 Wamohekelia ate asane la wana wa Engali, ate awalonge. Wamohekelia okondji late awakondje wato wango wadjéi ahala la mbume wato, minoko kpàa, miki kpàa.
\v 8 Wato kpàa wango wakwabataka la mbume wako mosambela, wango nkombo djau itidjali liwoso ate Engali akele mbume la ekpata emana omeme ongo ogwa ate.
\v 9 Ongo odjéi la wiokelo aoke!
\v 10 Ongo moto okoke la wombo, akoke ndi la wombo, ongo okola la etogo wakomoola ndi la etogo. ango nde oiki mpiko la ondimi o wasantu.
\p
\v 11 Alidji iyeni nama eeti ekotelaka a mbume, adjéi la ndjéka iwale nda enge e meme, adjaki owasi nda Dalagona.
\v 12 Nama eho ekelakali okondji wo nama enge iliwoso ndi ango mine edjei nama eho, nama eho ekelakali ate wato kpà wango wadji la mbume wa sambele nama enge eliwoso enge mpota ende elogo ekaliaka.
\v 13 Ongo moli akokelaka sambo sungu sungu la okalesi wato, te olongosi misa likolo odjimbi ono sese la maiso ma wato.
\v 14 Awa simbesia wato ono la mbume la makamwisi mange ma mohekeleli iwo nde liwoso la nama wasaka la wato wa sésé ate wakele ekeko e nama enge ekodjoali la pota ekpoka edjéi ekohomaka.
\v 15 Wa mohekelia okulu okpomesake nama, mbuse eho nama ekpomia pe asiate moto kpàa ongo oti la elombo e nama wa mole.
\v 16 Mpe asiate moto kpàa; motopele wadjui, tuke wadjue elembo mla ewo elilome mpe la elongi.
\v 17 Ate moto te mokikima atikoke osombi te otambi inga aedjè la elembo, la kombo e nama mpe motango mo kombo ende.
\v 18 Alandjo ongo odje la lokenge. Ongo odjéi la lomungo obolesane motango mo nama, late edjéi motango mo moto pele, mpe motango monde modjéi kama motoba la tuku motoba la motoba.
\c 14
\cl Esuki Esungu 14
\p
\v 1 Idendia, koto yenia, mana omeme amali la ngomba e siona, lainde ebete ekikima wato koto kama la tuku inei la inei, wango wadjali la nkombo ende la nkombo e sango, ikomami la ilongi wawu.
\v 2 Yokia ongo likolo etale, nda etale e malia masungu, nda etale e ngombe enge ungu etale eokiaka mbai edjéiaka nda wango wakobingaka kidale.
\v 3 Walembakali mingango miholi liwoso la kiti e okondji, liwoso la wikelamu winei winge widjéi la bomoi la mbange. moto tweti atiewakali lungo lembo, ingate wato koto kama tuku inei la inei, wango wakalesamali la, mbume.
\v 4 Edjali wango waibebesamali la wali ongo edjali io seka, wakomobilaka mana omeme ibete kpàa ikokeke inde. Wakalesamiaka ndondo e pele, nda mbuma ndja liwoso dja Engali dja mana omeme.
\v 5 La minoko mau okosi otieneneli, late wakoli.
\p
\v 6 Imwenia koto andjelu mwesi akohumbwaka ongo likolo aiki mboli enge ekokiti osili, late awasumbele wato wango wakwabataka la mbume, la miki kpàa la mabota kpàa, la nkota kpàa, la wato koto kpàa.
\v 7 Asakali la moli mwendjeke: mowangani Mwengéi, mohani odongo, la likambwate enge ende esambesake ewumia, mosambelani koto ongo okeliaka Engali, mbume, malia mango masungu, la malia mango makekemakeke.
\v 8 Weti koto, andjelu, andjelu ongo owale andjelu ongo owale adjia asia ndjo: Akpia, akpia, babilona mosungu, ongo okengesiaka miki kpàa mana mande malangwesake ma ondumba wonde!
\v 9 Weti koto andjelu ongo o Santo awasi la moli mwendjeke ndjo: inga moto asambela nama la ema enge emokwi, inga koto adja la elembo la elongi ende té la ewo ende.
\v 10 Inde koto akokenga, masanga makanda endjambe, mango maswani odjangi obolei la ekengeli e nkanda ende, akonyokwama la misa liwoso la wadjelu wasatu liwoso nkoto la mana omeme.
\v 11 Milungu ma onyokwami wàwu makotelaka ilanga, la ilanga wakodjanga ohomi wuse la likolo, wango wakosambela nama la ema enge emokwi, la ongo koto okodjwa elembo e nkombo ende.
\v 12 Mine ahala ondimi o wana wa Engali la ondimi o Yesu.
\v 13 Yokia koto ongo la Engali moli mokwasaka ndjo: dinga: wemeli ndindjo la wango wako gbaka ndondo e Engali! ndjongo, easi Engali, late wahome la tomu djawu ikowabiliaka.
\p
\v 14 Idendia, koto yenia, lipata libubake, ongo likolo la lipata moto mwsi abati okwani wonde nda mana o moto, likolo la moto monde elembo e okondji wo wolo, aiki la ewo ende ema ewotake.
\v 15 Weti andjelu apumbia ongo ndondo endako, akokpomaka la moli mwendjeke la ongo oyabatali la lipata: lumba ewuni eowe enge ewotake, banda ototi mbuma, la likambo ate engelenge etokake mbuma eumia, la likambo ate mbuma itania.
\v 16 Ongo oyabatiaka ongo la lipata alumbia ewuni nde la mbume. Mbume koto itotamia nda mbuma.
\v 17 Andjelu weti apumbia ongo la tepelo ongo la Engali, aiki ewuni ewotake.
\v 18 Weti koto andjelu odjali la okondji wo misa, apumbia ongo la tepelo akpomia moli mwendjeke la ongo odjali la ewuni ewotake, asia ndjo: lumba ewu e owe ewotake atenia maokema mbuma dja mbume late mbuma ekomeliaka.
\v 19 Motuke alumbia ewuni ende ewotake la mbume. Mpe akotia mite ma Vinia ma mbume mpe alumbia mabakoli masungu ma omemeli wongali.
\v 20 Mpe walongosia mango mabakoli walumbia sa eliwange linge lisungu mpe midimi mitanake mihumia te la minoko ma punda lataka eolai koto motoba sombake la makolo.
\c 15
\cl Esuki Esungu 15
\p
\v 1 Yenia koto ongo likolo elembo eti esungu enge elamu: Wandjelu, sambo waiki iho ibebesake, winge wa gboo, late ati eu omemeli wo Engali wokokesami.
\p
\v 2 Yenia nda malia masungu mayabolei la misa, wango walongali nama, la ema enge emokwi, motango mo nkombo ende, wamali likolo la malia mango masungu waiki kidale dja Engali.
\v 3 Wakongangaka lembo lo mose, motuke mo Engali, lembo la mana omeme wasi ndjo: Misa mo owe midjéi misungu mindimami, Engali Mwengéi ongo odjéi la okulu mboka djo owe idjéi alima, ndamu, mokondji mo mabota.
\q1
\v 4 Ndai otimowanga, Engali, ongo koto oidomba nkombo eowe? late ndi owe mokikima owongi. Miki kpàa mikodja, wakogumbamela ndi owe, late wikatelui wo owe wieneni.
\p
\v 5 Mbuse ango, idendia, mpe molako mokesi Engali, edukoania ongo likolo.
\v 6 Wandjelu sambo wango waikakali mùalali mabe sambo wapumbia la ndako e Engali, wakpalui isidjè bubake, wakpali kuluy dja wolo, la mikpoto mau.
\v 7 Mwesi mo wikelamu winge widjéi la omoi awahekelia wandje nsambo teni sambo dja wolo, itumi la limemu la Mwengéi ongo okokalaka ilanga la ilanga.
\v 8 Ebete ekwabataka Mwengéi etumia la milungu, la odongo o Mwengéi la otetelake wonde, moto te mokikima aikokakali olingeli ebete ekwabataka Mwengéi ndi ndjinge teni sambo dja wango wandjelu nsambo ikokesame.
\c 16
\cl Esuki Esungu 16
\p
\v 1 Yokia nda okpomi wensdjeke wolongoi a ongo la molako, woasiala wandjelu sqambo: kekeni, suani likolo la mbume teni sambo ndja Engali djinge dja omemeli wonde.
\v 2 Ongo oliwoso akia, asuia teni ende likolo la mbume; mpota mbe wabingia wato wango wadjali la elembo e nama wango wasambelakali ema enge emokwi.
\v 3 Ongo o wale asuia teni ende la malia mango masungu.
\v 4 Ongo o santo asuia teni ende la malia mango masungu asuia koto la malia mango makekemakeke. Mabpongwania makila.
\v 5 Imo okia andjelu ongo o malia mango makekemakeke wasi ndjo: Odjéi sembo, owe ongo odjéi, ongo odjali, odjéi mosanto, ongo ekeli owe enge esambiselo.
\v 6 La ate wasuali makila ma wasanto ma wasakoli, owahekelia makila la ate wakenge wa engi la maho.
\v 7 Yokia etumbelo wasi: Ndjongo, Mwengéi Engali ongo oteteli, isambeselo wowe idjéi olamu iwongi.
\v 8 Ongo onei asuia teni ende likolo la moi, emohekelamia awalongose wato la misa.
\v 9 Wato walongolia la ehela esungu, waselia obe nkombo e Mwengéi ongo odjéi la okondji likolo la djinge sambo mbe watonia oongi olimbesi la omohekeli Mwengéi odongo.
\p
\v 10 Ongo otano asuia teni ende likolo la okondji onama. E bete enge ekokondjaka inde etumia la molili, wato wayatwakolia malemi.
\v 11 Wamwaselia Mwengéi obe Mwengéi ongo olikolo, la minyoko mau la pota djau, watonia o mongi Engali olimbesi la misala mau.
\v 12 Ongo omotoba asuia teni ende likolo la malia mango masungu Efalate. Malia mande mabebia, late mosambi mo wakondji wango wadji ongo ekodjaka liwusawuse mowonge.
\v 13 Yenia opundji ongo la monoko mo ndjoo, la monoko mo nama, la monoko mo mosakoli o lokuta, milimo mibe misato mikwani la wangombe.
\v 14 Ongo edjéi maho milimo mibe, minge mikokelaka wikamweseli minge miokeke ati e wakondji kpàa wango wa mbume, la owabolei la kindo e wuse wo Mwengéi ongo oteteli.
\v 15 Denda, yikodja iwa. Olamu la wango wakokengeleke, la ongo okowongeleke wisindjè wande, late atisombe lingbengbele late watiene soni ende!
\v 16 Awaboleia la ebete eweli owo Alamagedo.
\p
\v 17 Ongo o sambo asuia teni ende la ehoho. Okpomi opumbia ongo la molako, ongo la ebete e okondji, okpomi wo makasi osi ndjo: Ekelamia!
\v 18 Mikalali, wokpomi, ngombe, ogulumi wo mbume, ogulumi wo mbume wesi wumitiatendi abata moto la mbume ogulumi o mbume wosungu.
\v 19 Moki mungo mosungu mokabwania la iteni isato, miki minge mikeke moikeke mikwia, Engali amomungolia babilona mosungu, late amohekele teni ende elogo.
\v 20 UIsanga kpàa itilia, koli itieneneli kine.
\v 21 Ema ebe enge etwake enge edjali la mbwambwa ndjinge iliti kilo kikima, ewakwelia wato, wato wa motangia Engali, la monyoko mo Enge ema ebe la likambo te monyoko muho modjali mosungu.
\c 17
\cl Esuki Esungu 17
\p
\v 1 Andjelu moikima ongo owa Andjelu sambo wango waikakali teni sambo adjia, andjaselia ndjo: Djaka iowonese esambiselo e moli ondumba, ongo owabati liko la malia masungu.
\v 2 Ati ende nde eyalumbali makumu ma mbume la ondumba, mana mande ma ondumba onde makengiaka wato wango wakwabataka la mbume.
\p
\v 3 Akpalia mbai la molimo la lisobe, imuenia moli abati likolo la nama ekongengaka etumi la nkombo mbe, edjéi la mito sambo ndjeka liomu.
\v 4 Moli oho akpalakali esidjè engengake, la wolo, mabanga ma motuya la wangbengbe. Aikali la wo ende teni e wolo, etumùi la sambo mbe djinge dja ondumba wonde.
\v 5 La elongi ende nkombo, ekomami ndjo: Babylona mosungu, nango o wali wa ndumba la sambo mbe ndjinge dja mbume.
\v 6 Imwenia ongo moli alangoia makila ma wasantu la makila ma wandimesi wa loi wa Yesu. Sa la omweni okamwi wosungu ugbotia mbai.
\p
\v 7 Andjelu andjaselia ndjo: Nde ekokamwaka owe? ikowewesaekele e moli mpe e nama enge emokpali, ongo odjéi la mito sambo la ndjeka liomu.
\v 8 Nama enge eni owe edjali, etikine. Ekotela ongo la ebete ebe, eke ongo la obebesami. Wato wango wakwabataka la mbume, wango nkombo djau itidjali liwoso ate mokili mokelam wango nkombo djau itidjali la buku ewomoi, wako djaweni ate edjali, etikine ekwenene aleti.
\v 9 Mine ahala moto ongo odjéi la kandela. Mito sambo mienesi nda ngomba sambo, djinge yabati moli.
\v 10 Edjéi koto makumu sambo: Watano wakwieke, mwesi adjéi, ongo weti adjaki yo, ango ekodja inde, atiumwa.
\v 11 Nama enge edjali, enge etikine, eho mene edjéi likumu la mwambi edjéi koto la motango modjinge djeti sambo, ekokeke la obebesami.
\v 12 Ndjeka liomu ndjinge yeneli owe einei wakondji liomu, wango wadjuakiyo ibete isalake, wakodjwaka odongo nda wankondji ngonga kikima la nama.
\v 13 Iwokpàa wadjéi la lomungo lokikima, wakohaka nguya ewu okondji wowu ati e nama.
\v 14 Wakosana la mana o meme, mana omeme akowalonga, ongo edjéi inde mokondji o wa kondji likumu la makumu, la wango wa welami, la wango wa ponomi la wango wa djéi sembo wango wadjéi lainde ebete ekikima wakowalonga.
\v 15 Asia la mbai: malia mango meneli owe, mango mayabati moli ondumba, mainei wato, miki, minoko.
\v 16 Ndjeka sambo ndjinge yeni owe la nama wakomotona moli o ndumba, wakomolongese wisindjè wakomotika lingbengbele, wakolaka ndjini ndjande, wakomolongosa koto la misa.
\v 17 La ebili ende Mwengéi abatiaka la mitema mau wakokese mposa ende la okokesi koto ndi mposa eho, late wahe okondji wowu atie nama, te ndiango ekokokesama sambo dja Engali.
\v 18 Moli ongo omweneli owe, edjéi moki mosungu mungo modjéi la okondji likolo la mikondji ma mbume.
\c 18
\cl Esuki Esungu 18
\p
\v 1 Mbuse ango, yenia olongoi ongo likolo. Andjelu weti, ongo odjali la okondji osungu, mbume itania la ongengi wonde.
\v 2 Asia la moli mwendjeke ndjo: Akwia, akwia, Babulona mosungu! aumia eabatelo e milimo mibe, ebete ekwabataka milimo kpàa minge mibe, ebete ekwabataka mbulu kpàa ndjinge mbe.
\v 3 La ebili ende miki kpàa wakengiaka mana mande mabe ma ondumba wonde, mikondji ma mbume mialumbia ongo ndondo eondumba wonde, wato wa makondja wa mbume wayagumesia la nguya eogumake wonde.
\p
\v 4 Yokia ongo likolo wasia ndjo: Mpumbani ndondo ende, wato wa mbai, late otilingeleni ongo ndondo e masumu mnde, otisanganeni la olozi wonde.
\v 5 La ebili ende masumu mande makaumika tee ndiongo likolo Mwengéi asumboia obe wonde.
\p
\v 6 Mofutani ndenge kikima ndenge nda efutiaka inde, mowongweselani mbala iwale okokani la misala mande. La teni enge esuiaka inde mosuelani mbala iwale.
\v 7 Inde ayadombali ayalumbia la wisengo, mohekeleni malozi la logo. la ebili ende inde akwasaka ongo la motema monde: yabati la okondji, igweliti la motopele itiene koto logo!
\v 8 La ndenge eho, la lisio likikima, malozi mande makouma, logo, mla ndjala, akolongola la misa late Engali atetli ongo omosambesiaka.
\p
\v 9 Makumu kpàa mùa mbume, wango wayalumbali lainde ebete ekikima la ondumba wonde la ogumake wonde, wakoswa poo wakoyasumbwa la tina ende, enge ekwene iwo milungu ma obebesami wonde.
\v 10 Wakwamala lihehe la owangi onyokwami wonde, wakwasa ndjo: Magba, magba, Babylona mosungu, moki mo nguya! la engele ekikima esambiselo eowe eumia.
\v 11 Wato wa odjui wa mbume wakumesakapoo la tina ende, la ebili ende moto té mokikima asombitikine ihoo wawu.
\v 12 Wihoo winge wawolo, wa Falanga, mabanga mango ma motuya, wiho ndenge kpàa winge igumesake.
\v 13 Wiho ndenge la ndenge, maita mango ma motuya, molla, paline, nama, wenge, la milimo ma wato.
\v 14 Mbuma ndjinge ibaliaka molimo mo owe ikia lihele lo owe, wiho winge wilamu wilamu wiwungia latina e owe, oti wieneikine.
\v 15 Wato watambaki winge wiho, wango wayagumesali lainde, wakwamala lihele, la owangi olozi onde, wako pumbesa poo wakodja koto la oleli wo logo.
\v 16 Wakwasa: Magba! magba! moki mosungu mungo mokpaliaka wisindjè wa mondjele alingamiaka la wolo, la mabanga ma motuya, la engele ekikima ozwi wonde kpàa wobebesamia!
\v 17 Wato kpàa wango wakosombelaka la enge ebete ndjongo, wato wango wakosombaka la malia la wango wakokelaka nduka ongo la malia masungu, wamaliaka lihele.
\v 18 Wahumbakali pwi, la weni milungu ma olozi wonde: Nda moki mokokaniaka la mungo moki mosungu?
\v 19 Waswakali limungele la mito mau, walelakali wadjakali la kilio wahumbakali pui ndjo: Magba! magba! moki mosungu ebete eyagumesali wato kpàa wango wadjéi la wiho winge wikosombaka la malia masungu, la engele ekikima abebesamia!
\p
\v 20 Likolo emela likolo lande! laino koto wasantu, wa toma, la wasakoli, ino koto emeleni! la ebili ende Mwengéi aokeleliani oyengebeni ongo emosambesi inde.
\p
\v 21 Aseko andjelu mwesi atotia libanga liesi alilumbia la malia masungu, asia ndjo: Ndjo nde ekolumbama Babilona, moki mungo mosungu, watimwene ikine.
\v 22 Watioka kine ati eoweetale ewango wakobingaka kidale, la wango wakobingaka miziki, la wango wakobingaka wiho ndenge la ndenge, watioka kine etale e wibende winge wikotulaka kine etale ewibende winge wikotulaka wato.
\v 23 Ongengi wo mwinda wotienene kine ati eowe, okpomi wo motopele la moli wotiokana kine ati eowe la ebili ende wango watambesakali wiho wo owe wadjakali wato wango waewanake la mbume, la ebili ende miki kpàa midjimbisamiaka la owe.
\v 24 La ebili ende yainde waeniaka makila ma wasakoli ma wasantu ma wato kpàa wango wa wateniaka iwo kingo ahala la mbume.
\c 19
\cl Esuki Esungu 19
\p
\v 1 M buse ango, yokia ongo lokolo nda okpomi wosungu owato ebele wokwasaka ndjo: Alleluia! okalesami kembo, nguya idje atie Engali
\q1
\v 2 La ebili ende wisambeselo wande widjéi olamu wikoki, ongo emosambesi inde moli ondumba ongo obebesakali mbume la ondumba wonde, amemelelia makila ma wasali wande amahuelia la ewo ende.
\v 3 Wasia mbala ewale: Alleluia! milungu mande mikotelaka ilanga la ilanga.
\q1
\v 4 Mbange tuku iwale la inei wikelamo winge widjéi la omoi inei wamosembelia Mwengéi ongo wabati la okondji, wasia ndjo: Amen! Alleluia!
\v 5 Woa wumia ongo ebete e okondji oasia ndjo: Modombani Engali wosu ino kpàa wasali wande ino wango wako mowangaka, wana la iloko wato!
\v 6 Yokia koto nda okpomi o wato ngbi, nda witale wa malia, nda etale e ngombe sungu, oasi ndjo: Alleluia! la ebili ende Engali Mwengéi wosu alingelia la okondji wonde.
\q1
\v 7 Toemeleni to dje la wemeli, tomohe koto kembo, la ebili ende elambo e mana omeme eumia, molionde ayawongeli.
\q1
\v 8 Amohekelia esindjè enge ekongengeke, la ongengi wungo wolamu, esindjè eho elamu edjéi misala milamu ma wasantu.
\p
\v 9 Andjelu andjaselia: dinga: wemeliati ewango wawelami la elambo e mana omeme! andjaselia: Djii sambo idjéi sambo ndamu dja Engali.
\v 10 Ikwia la makolo mande late iùosambele, asia la mbai ndjo: potisambele mbai! idjéi mangwa o wotomu, idjéi koto mangwa o wangwa wango wadjéi la matatoli ma Ysu. Mosambela Engali la ebili ende sambo dja Yesu idjéi molimo mo Esakweli.
\p
\v 11 Yenia koto likolo liluhuania, yenia punda e langi bubake. Ongo oyabatakali likolo la punda nkombo ende sembo olamu, akosambesaka akosanaka koto la sembo.
\v 12 Maiso mande madjali nda misa, la moto monde wilmbo ngbii, adjeiaka koto la nkombo esi ekomiaka iwo moto twei atiewakali nkombo eho, ndinde amene.
\v 13 Akpaliaka esindjè edjeiaka la makila, nkombo ende loi lo Engali.
\v 14 Wasoda wango wandjéi ongo likolo wamotutiakali likolo la punda bubake, wakpali isindjè wibubake.
\v 15 La monoko monde ewuni ewotake epumbakali, la obingi miki, akowabinga la pimbo e ebende. 
\v 16 La esindjè ende la luli londe nkombo ekomiaka iwo: LIkumu la makumu Engali o wa Engali.
\p
\v 17 ImoeniakanAndjelu amali ongo la liwusawuse, akpomia la moli mwendjeke, wasi la mbulu kpàa ndjinge ikohumbwaka ongo likolo ndakani, yakokiani la elambo esungu e Mwengéi.
\v 18 Late olakeni ndjini ndja wakondji, ndjini dja wakondji wa wasoda ndjini dja wato kpàa, waombo, wato wakeke wakeke la wango wasungu wasungu.
\v 19 Yenia koto nama, la wakondji wa mbume, la wasoda wawu wayaboleiya late wasane la ongo oyabakali likolo la punda la wasoda wande.
\v 20 Yenia nama etotamia, lainde koto mosali olokuta, ongo okelakali liwoso lande wikamwiseli winge idjimbesakali inde wango watotali elembo e nama wango wasambelali ema enge emokwi wawalumbia iwo kpàa la omoi la misa.
\v 21 Wango weti wagwia la ewuni enge empumbakali la monoko mongo oyabatakali likolo la punda, mbulu kpàa igbetia la ndjini ndjau.
\c 20
\cl Esuki Esungu 20
\p
\v 1 Yenia odiliki ongo likolo andjelu, ongo oikakali lipungola lo ebete e logo la seni la ewo ende.
\v 2 Ahlia ndjo, ndjoenge egala, enge edjéi Satana, amokandia ilanga koto.
\v 3 Amolumbia la ebete e logo, alihia abatia elembo la ebete enge elingelake, late atidjimbese kine wato, ndiango ekokokesama ilango koto. Mbuse ango wakomoluhola aleti.
\p
\v 4 Yenia koto ibete wao nkonsdji, la wango wayabatiaka min wawahekelia okondji osambesake. Yenia milimo ma wato wango waguali la omotatoli yesu mla loi lo Mwengéi, la wango watisambelakali nama la ema enge emokwi, wango watizwali wilombo la wilongi wau la mawo mau wawongoia la omoi, wakondjia la Kilisito wilanga koto.
\v 5 Weti wango wagbali wati wongwali kine la omoi ndiango ekokpoka ilanga koto. Osusoi o wale wungo.
\v 6 Mwemu ma wango wasuswali mbala eliwoso! logo lo wale loti la okondji ati ewu; wakondja wasaleli wa Engali la Kilisito, wakokala lainde ilanga koto.
\p
\v 7 Ango ekokoka ilanga koto, Satana akopumbala boloko ende.
\v 8 Akopumba la owadjimbei wato wango wakwabataka mokili ndi gbo ndi gbo, goga la magoga, owabolei la osani, motuya mowu nda djelo ndja owale wungo osungu.
\v 9 Watelia likolo la mbume, watumia la ebete ekwabataka wasantu misa mipumbia ongo likolo miwatumbia.
\v 10 Satana, ogo owadjimbesakali, wamolumbia la misa ongo edjéi nama la mosakoli olokuta. Wakondjua minyoko moi likolo, ilanga la ilanga.
\p
\v 11 Yenia ebete ekondji ebubake, la ongo oyabatakali likolo. Liko la mbume wilongoia la elongi ende, ebete eabatake etieneneli kine ati ewu.
\v 12 Iwenia wato wagwake wato wasungu wasungu la wato wakeke wakeke, wamaliaka liwoso la ebete e okondji. Buku iluhuania, buku enge eti buku e omoi. Wato wango wagbake wasambesamia okokani la miala mau, okokala sambo djinge idingiaka iwo ongo la djinge buku.
\v 13 Malia mango masungu mawongolia wato wagbake wango wadjeiaka ongo ndondo emaho, logo lowongolia koto wato wagbake wango wadjali ongo yainde, moto mwesi mwesi asambesamia okokani la misala mande.
\v 14 Logo lolumbamia ongo la misa. logo lo wale lungo, misa.
\v 15 Moto ongo otidingiaka iwo kombo ende la buku e omoi wamolumbia la misa.
\c 21
\cl Esuki Esungu 21
\p
\v 1 Yenia likolo liholi mbume poli, ongo elamwali likolo linge la liwoso la mbume jinge dja liwoso, malia mango masungu malamoia.
\v 2 Yenia olongoi ongo likolo ati emwengéi, moki mosatu, yelusalme moholi, ongo omowongeleli iwo nda moli mwesi ongo oyamongeli latina e molome wonde.
\v 3 Yokia ongo la ebete e okondji wasia: denda ebete eabatake e Mwengéi la wato akoyabata laiwo, wakodja wato wande, Mwengéi inde amene akodja laiwo.
\v 4 Akohuhola malia ma maio mau kpàa, logo lotidjaikine, etale e onyokwami etidja ikine, la ebili ende sambo dja liwoso ilamoika.
\p
\v 5 Ongo oyabatakali la nkiti e okondji asia: denda ikokelaka sambo kpàa poli. Asia koto: dinga, la ebili ende dji sambo idjéi dja mene mene.
\v 6 Asia la mbai: Ekelamia! mbai alipa la omega, moto o liwoo la mbuse. Ongo odjéi la ehoha ikomohalia ma omou, ma ofele.
\v 7 Ongo okolonga akodjwa djinge sambo; ikodja Engakli wonde, inde akodja mana ombai.
\v 8 Aseko la ibongu, wadjangi ondimi, la wato wa osoto, wakeli sambo mbe mbe, wango wakokelaka osoni, wasambeli wa ikeko, wato wa lokuta, ebete ewu ekodja ongo la misa, ongo einei logo lo wale.
\p
\v 9 Mwesi o wandjelu sambo wango waikakali teni sambo djinge itumi la malozi ambo mango magbo adjia, andjaselia ndjo: djaka, ikowoinia moli, moli omana o mene.
\p
\v 10 Akpalia mbai la elimo likolo la ngoba ndai sungu andjineia mbai moki mosantu, yelusaleme, ongo odili kakali olongoi ongo likolo atie Mwengéi, la kembo e Mwengéi.
\v 11 Ongengi wonde nda libanga la motuya, nda libanga linge lieti motuya.
\v 12 Olai wonde wodjeiaka wosungu adjali la milango liomu la miale, likolo la minge milango ndjongo wandjelu liomu la wale, la kombo ikomami, djinge dja mawota liomu la male ma wana wa isalaele.
\v 13 Ngambo ekolongwaka liwusawuse milango misato, ngambpo e likolo milango misato, ngambo e midi milango misato, ngambo ekolangalaka moi milango misato.
\v 14 Ndako enge edjali ongo la engumba edjali la miboko liomu la miale, likolo la minge miboko ndjongo nkombo liomu la iwale dja wayekoli wa mana omeme.
\p
\v 15 Ongo odjakali wasi la mbai adjakali la mokombe nda ema epimelake nda wolo, la opimi moki milango mande la witutu wande.
\v 16 Moki muho modjali nda ma enge edjéi la witeni winei, olai wo moki wokokanali la wokwe. Apimia moki la mokombe, adjwia wipimo koto liomu la iwale; wolai, okwe la ango awodja ikokanali.
\v 17 Apimia etutu, adjwia wipimo kama la tuku inei, epimo e moto enge edjali e andjelu.
\p
\v 18 Ndako eho wakeliaka la ema eweli iwo ate Jaspe, moki modjali mo wolo mokwania la ema eweli io ate verre.
\v 19 Miboko ma enge ndako ndjongo emoki miwongesamali la mabanga ma motuya ma ndenge kpàa: moboko mungo mo liwoso modjali la ema eweli iwo ate Jaspe, mungo mo wale modjali mosafili, mosato mo Callédoine mungo monei mo Emeraude.
\v 20 Mungo motano mo Sardonyx, mungo mo motoba mo Sardoine, mungo mo sambo mo Crysolithe, mungo mo mwambi mo Beryl, mungo libwa mo Topaze, mungo mo liomu mo Chrysoprase, mungo mo liomu la moikima mo D'hyacinthe, mungo mo liomu la iwale mo Amethyste.
\v 21 Milango liomu la miale maho midjali la mabungeli ma motuya mpe ombeli wesi wesi adjakali la libungeli lyesil lyesi la motuya ebete eliwange lao edjakali la wolo olamu, nda kopo enge ekoeneneke ngambo kpàa.
\p
\v 22 Itieniaka kine molako ndondo e moki; la ebili ende Engali inde a, ene aumika molako inde amene, la mana omeme.
\v 23 Moki muho moidjali kine la mposa e moi posa e sandja la ongengesi moki, la ebili ende kembo e Mwengéi ekomongengeseke, mana o meme bendele ende.
\v 24 Miki kpàa mikosomba la ongengi wonde, makumu ma mbume makomoha nkembo djau.
\v 25 Milango mande mitilihama la moi, la ebili ende likolo litidja.
\v 26 Wakomoha nkembo okumu omiki kpàa.
\v 27 La moki muho ema ebe etilingela, la moto ongo okokelaka sambo dja osoto la lokuta; wango wakolingela ndi wango wadjéi la nkombo ongo la buku e mana omeme.
\c 22
\cl Esuki Esungu 22
\p
\v 1 Andjineia malia masungu ma mokalo mate la osoto madjéi nda Kisitale, mako pumbaka liwoso la kiti ekodji et Mwengéi mpe la mana okondolo.
\v 2 Ndondo e moki la ongo koto pembeni pembeni e malia mango masungu, edjali la mote mokikima mo omoi, mokowotaka mbuma mbala liomu la iwale, ohii mbuma ende sandja kpàa, ngasi dja mote muho idjali mosisa mokalesake wato.
\v 3 Ema ebe etidja ikine. Okondji wo Engali la omana omeme wokodja ndondo e moki, wasali wande wakomosalela wakwene koto mbanda ende.
\v 4 Nkombo ende ekodja la mbanda djau.
\v 5 Likolo litidja ikine, watidja kine la posa e Mwinda, la ebili ende Engali inde amene akowangengele. Wako kala ilanga la ilanga.
\p
\v 6 Asia la mbai: Dji sambo idjéi solo, Engali Mwengéi o milimo ma wasakoli, amotomia a, ndjelu woonde la owainei wasali wand sambo djinge ikuma ndjindjo.
\v 7 Denda, igeleli ndindjo. Mwemu ongo okobatelaka sambo dja esakweli dja mu mokanda!
\p
\v 8 Mbai Yoane, ongo okali ongo koto weneli dji sambo. Ango eokiaka mbai eniaka mbai, ikwia la makolo ma andjelu ongo ondjiniakali djinge sambo, la omosambeli
\v 9 Asia la mbai: otisambele mbai! idjéi mangwa o wotomu, ongo koto o wamangwa wasakoli, la wango wakobatelaka sambo dja ehele buku. Mosambela Ndjambe.
\v 10 Asia la mbai: Otikande sambo dja esakweli dja ehele buku. La ebili ende ngonga ebelemia.
\v 11 Ongo okoyabebesaka ayabebese, moyengebeni akele oyengebeni wonde, ongo obali oyapetoli ayapetole aleti.
\p
\v 12 SDenda, igeleli ndi ndjo, owongosi obe odjéi atie mbai, mpe omofuti moto la moto okokani la misala mikelali inde.
\v 13 Idjéi ALipa Omega, moto oliwoso la ongo okosukesa.
\v 14 Mwemu la wango wakokpoloko wisindjè wawu, la odjui mote mo omoi, la olingeli ongo la molako mo moki.
\v 15 Ono saa mbua, wato wa osoto, wakeli sambo djinge mbe mbe, wasambeli wikeko, la wango wabali obuki lokuta!
\p
\v 16 Mbai Yesu, imotomia andjelu ombai la ate aweneseni dji sambo la mangomba idjéi ongo omolumiaka iwo moto o liwota la Dawidi, monoto mungo moko ngengeke boo.
\p
\v 17 Molimo la moli wasia: Djaka. Ongo okokaka ase: Djaka. Ongo odjéi la mposa adje, ongo obali atote malia ma omoi ma ofele.
\p
\v 18 Ikomwaselaka ongo okokaka sambo dja esakwelu dja ehele buku: Inga moto abaksa ema esi Engali akomobinga la malozi mango makomami la ehele buku.
\v 19 Inga koto moto alongese ema esi sambo djinge idjéi la ehele buku e esakweli, Engali koto akomolongese ongo la mote mo omoi ongo koto la moki mosato, midingami la ehele buku.
\p
\v 20 Ongo odji sambo asi ndjo, Ee, igeleli ndindjo. Amen! djaka Engali wosu Yesu!
\p
\v 21 Ngolu e Yesu eddje laino kpàa!