See in Reader
145 lines
12 KiB
Plaintext
145 lines
12 KiB
Plaintext
\id 1JN
|
|
\ide UTF-8
|
|
\h Esi Yoane
|
|
\toc1 Esi Yoane
|
|
\toc2 Esi Yoane
|
|
\toc3 1jn
|
|
\mt Esi Yoane
|
|
\c 1
|
|
\cl Esuki Esungu 1
|
|
\p
|
|
\v 1 wato wadjali poopo ongo ewokali iso toeni la maiso la iso to dée ngi mpé maho ongo tobgotono lewo eheli “é dingé sambo la bomoyi
|
|
\v 2 ngonga hene bomoi enani pé toami toomongia litatoli, iso totatoli homoi la iso engali, wadjei kelekele la wawa.
|
|
\v 3 toenisi toowenali ongo tokiya iso toaselia. te kaiko ndé tobalia la wawa na Mana yesu klisto.
|
|
\v 4 toadingia engé iho lagbo limwemu edjei olamu,
|
|
\p
|
|
\v 5 wa poopo tototali hati idée petoa selia la ndéngé Engali adjei pole adjei indé madumu mati.
|
|
\v 6 inga toasiate todjei olaki lainde ebete kikima tokosambaka la masumu okosi, tosombiti la sembo olamu,
|
|
\v 7 kasi inga tosomba la hoho inda edjei indé pkà ndéngé indé amene adjei la hoho la omoko, makila na Yesu mangamonde pkolia la masumu.
|
|
\v 8 inga toasilikate totia la masumu, tookoya bitisaka iso la mene pé toti la osembo;
|
|
\v 9 inga toyambola magunga masu, adjei olamu pé semobo la hongi olimbisi hogboli iso la masula iso.
|
|
\v 10 inga to asiate, totila masumu, towelani todjei wakosi, owasi la indé etindondo la iso.
|
|
\c 2
|
|
\cl Esuki esungu 2
|
|
\p
|
|
\v 1 Wana wambai wakeke, iko wodingelaka di sambo, la tina ate wikeleli lisumu. alaho inga mwei lonu akela lisumu, todje la mweseli woso kelekele e wawa.
|
|
\v 2 Adjei inde amene mbau ebondi la tina la mawungu masu, tesalatina engeesu, kasi mpe la wango wa molikili mobiba.
|
|
\p
|
|
\v 3 Inga o tobania mibeko djowe, la ango toewi ete to mowewi, mibeko djowe,
|
|
\v 4 Ongo akohaka: imoewala, kasi atikelelaka bimoko mande, adjei moto o maloho, mpe sembo yainde.
|
|
\v 5 Kasi ongo okobaniaka loi londe, libalano la mwenge edjei la osembo linge litii la litono ndondo e inde: ango towewi ate to djei yainde
|
|
\v 6 Ongo okwasaka ate aumwe yainde akoki osombi mpe dinda inde amene.
|
|
\p
|
|
\v 7 Wamana ima walibalano, eti mungo moholi linge liodingeli mbai ino, kasi mobeko mo gala linge odjuate ino tée lembaliaka, mu mobeko o galaa, edjei loi inge liokiga iwo.
|
|
\v 8 Mbala kpaa edjei ùobeko moholi nde ikowodikelaka, linge li djei olamu la yainde mpe lowe, laate molili lolimwaka aseko ngbai ndamu liume ase.
|
|
\v 9 Motongo oasi ate adjei la ngbai, ndjongo akotonaka manango, adjei ndi ndondo e molili.
|
|
\v 10 Motongo obali manango adjei ndondo e ngbai lewo ati la ndenge teeti ebingisake libaku.
|
|
\v 11 Kasi moto ongo omoinaka manango adjei ndondo e molili, akosobaka la molili mpe akoleiti ani okeke inde, late molili limolihi maiso.
|
|
\p
|
|
\v 12 Ikohodikelaka, wana wa keke, late masumu manu malibisami la tina la kombo lande.
|
|
\v 13 Ikowodingelaka, wawa, late wawali moto ongo adjei tee ongo laebandeli iyodingeli, wana wa pele; late omolongwani moto mobe. iwodingelia, wana keke, late wewali wawa.
|
|
\v 14 Iwodingelia wawa, laate wewali ongo djei libandeli, iwodingelali, wana pele wa keke, laate laotetelake, Petelo loilo engali liabate ndondo eino, laate olongia motomobe.
|
|
\p
|
|
\v 15 Wibalekeni mumoki, te wiho winge windjei lainde. inga moto mwesi abala mamoki, libalano e wawa eti ndondo einde;
|
|
\v 16 Lehodinge edjei emoki, ilulela dja wenge, wihilela maiso, la elolo ebmoi, lidiiti atie wawa, kasi lidii la mokii.
|
|
\v 17 Kasi moki mokoeta, la sambo djaho meemene, kasi ongo okokelaka enge ebali engali akokala libela la libela.
|
|
\p
|
|
\v 18 Wana wa keke, mxengele mogbo mumu, la linge lioka ino ate mana o engali agelli, edjei sikalandjo ngbii la iwo wango wako amolelaka klisto: laango toewi ate edjei mo engali mogboo.
|
|
\v 19 Wapudjeinga wadjaki wango wasu wa kokali oyabati laate eenene otei wo wati wasu.
|
|
\v 20 Aseko ino wango wodjui omunolami lainde ongooti la mobeba, mpe wodjei inokpaa la akali.
|
|
\v 21 Iwodingelalii, te ate woti yeweni osembo, kasi la tinate omwewese, la ebiliate molehete okikima odila osembo.
|
|
\v 22 Ndai moto omoleho, inga te ongo okotonaka ondimi ate Yesu adjei klisto? inde ongo mwamaleli e kilisito, oloowunganaka wawa la monga monde.
|
|
\v 23 Moto ongo okowungana monga awungani wawa, ongo odombwaka monga ako dombwaka wawa.
|
|
\v 24 Dema eokaliino ongo laebandeli eyabate la ino. inga linge liokali ino la bandeli eyabati ndondo lanu, okumwaka ndondo mana mpe ndondo e wawa.
|
|
\v 25 Aseko ndakalikala maate, la tina wisu edjei bomoi linge liti la gbo.
|
|
\p
|
|
\v 26 Iwoodingeli dii sambo la tina eino.
|
|
\v 27 La tina lanu, opakoli enge edjuali ino liwume ewanu mpe otinilano emateya, kasi ndande opakolami onde liwoteye djinge sambo kpa, ate edjei olamu mpe ate eti la wikosako, wumwani ndndo einde owengemnila mateya linge lioto teya kainde.
|
|
\p
|
|
\v 28 Leho sikadjo, wana wa keke, umwani ndondo einde, la tina ate, ango ekwenene inde, todjei la elikiya, ate la wodi wonde totobulungane peto tikeliheli lainde.
|
|
\v 29 Inga wawa ate odjei mamene okayeweni ate ongoo keleka sambo ndomu awotani lainde.
|
|
\c 3
|
|
\cl Esuki esungu 3
|
|
\p
|
|
\v 1 Denga nda ndenge elibalano litohekeli Mwengéi, late iso towelane wana wa Engali; mpe iso todjéi wana wande denga ndenge etoewiti la mokili, late iwo wayumali omowewi.
|
|
\v 2 Wamagbau wodongo, sikasikandjo, todjéi wana wamangumba ndenge enge ekodjake iso enenekiyo. Ndjongo iso toewi ate tango ekoenene inde iso tokodja ndenge kikima lainde; late tokomone ndenge edjéinde.
|
|
\v 3 Motopele okpa odjéi awungo lomungo ayawongele ndenge kikima nda one odjéi oholoo.
|
|
\v 4 Motopele ongo okelaka obe okelaka aleti odjangi osembo ndondo e obe.
|
|
\v 5 Wewini ate inde eneneli late alongose obe wosu, inde ati la obe ndondo ende.
|
|
\v 6 Moto kpàa ongo oboliani la inde ebete ekikima atikelaka obne; moto kpàa ongo okela obe ati moene, inde mpe ati mososola.
|
|
\v 7 Ino wana wakeke moto atwungeseni, moto ongo okelaka osembo adjéi sembo, nolenge kikima inde adjéi sembo
|
|
\v 8 Moto ongo okelaka obe adjéi mana wetota, late etota okelaka obe te la lipoteli latina eho adja eneneli mana wengali; late adje tomu mbembe dja etota.
|
|
\v 9 Moto kpàa ongo owotami la Engali atikelaka obe, late momboto mowotamake modjéi ndondo ende, mpe atakoke okeli obe, late inde awotami la Mwengéi.
|
|
\v 10 La ndjongo eneni wana Mwengéi mpe la wana wa etota, moto kpàa ongo wekalaka osembo ati mana o Mwengéi, weti ndenge kikima ongo omobaliti manango.
|
|
\p
|
|
\v 11 Ndenga mboli elambakali banda la lipoteli ewongi ate iso amene tobalaneni weti la weti.
|
|
\v 12 Eti nda ndenge e Kaina, ongo odjaho epasi e moto mwedjeke mpe inde ongo omolali manango late sambo djande idjali obe. Kasi djinge sa manango idjali olamu.
|
|
\v 13 Oti kamweni, wa mana ima, inga moki mootoni.
|
|
\v 14 Toyewete to kpandi logo to wumia la mokalo, laate tobali wino wasu. Ongo otibalaka adjéi alogo.
|
|
\v 15 Moto ongo omotoni maanango adjéi mooli, alidji oyewini ate mooli toeti makalo mo libela modjéi la inde.
|
|
\v 16 Toyewi libalano, ndenge ehi inde omoi onde la iso; iso mpe, tokoki ohi omoi osu la wino wasu.
|
|
\v 17 Inga moto atotia iho wa mumoki, aenia mino onde la odjangi, ahelia motema, ndenge libalano e Mwengéi edjéi la inde?
|
|
\v 18 Wana wakeke, totibale la owasi la monoko, kasi la misala la osembo.
|
|
\p
|
|
\v 19 La eho tokoyewa ate todjéi la osembo, tokoyimiaka mitema masu liwoso lande.
|
|
\v 20 Laate inga motema mosu motoluma Mwengéi adjéi mosungu oete motema mosu, ayewi sambo kpàa.
|
|
\v 21 Wa manima elibalano, inga motema mosu motitolumbe, to djéi la elikiya atie Mwengéi.
|
|
\v 22 Inga toko wongo, inde akotohekela, laate toyisi mitindo mande, alidji tokokelaka ndenge ebali inde.
|
|
\v 23 Elende edjéi mobeko monde tondime kombo e mana onde Yesu Kilisito, tobalane iso la iso, ndenge e mobeko atohekeli iso.
|
|
\v 24 Ongo oisi mobeko monde adjéi la Mwengéi, Mwengéi adjéi la inde; alidji toyewi ate adjéi la iso ndondo e molimo atohi.
|
|
\c 4
|
|
\cl Esuki Esungu 4
|
|
\p
|
|
\v 1 Wanahima, wobakesi ondimi lamilimo kpà. kasi hinya molimo inga éndjéi la Engali, ntango obé wasakoli, ekondjà la moki.
|
|
\v 2 Yewani té ébeté la molimo la Engali: molimo kpà ekotatolaka, Yesu klisto la wengé la Engali,
|
|
\v 3 Milimo kpà eti kumisaka Yesu eti la Engali moto atoni loi la Yesu miti la wengé pe sika ndjo ondjéi la mokili.
|
|
\p
|
|
\v 4 Hino wana wakewake wondjéi la Engali, pe hokalini ndi ndjongo idée andjéi la ino ha eti ongo andjéi la moki wato wasungu, wandjéi la moki wako asaka mbuse la moki ekookaka.
|
|
\v 5 To welani Engali wandjéi la moki; ikandjawako wasiaka, wandjéi a mbuse la mojki.
|
|
\v 6 Ongo ayewi Engali. Akooka iso indée atié la Engali la ndjongo toyewi molimo la lokuta, molimo la otungisami.
|
|
\p
|
|
\v 7 Wamanima, tobalani waweti, ndjongo ebalano endjéi la Engali, pe ongo akobaala, akowotama la Engali, pe ayewi Engali.
|
|
\v 8 Ongo atoni atiyewali Engali sikandjo Engali ondjéi la libalano.
|
|
\v 9 Libalano la Engali hehonani andjé la ino sikandjo Engali otomi mana la hindé mwèsi la moki labgo tokale la indé.
|
|
\v 10 Libalano la indéhewonani, eti ndjongo te tobali Engali, sikandjo hengé ngonga abali ino pe hatomia mana ondé la masumu manu.
|
|
\v 11 Wamanima, ingaEngali ato bali la mène tokobalani iso la iso.
|
|
\p
|
|
\v 12 Mto tweti ahonali ti mweni Engali. sikandjo tokobana iso la iso, Engali andjéi la iso pe libalano la idé olamu la iso.
|
|
\v 13 Toyewiaté tokobala idé, pe hakobataka ino.
|
|
\v 14 Pesika ndjo, tohenite Wawa otomi mana ondé akalesa moki kpà.
|
|
\v 15 Moto ako hasa Yesu andjéi mana Engali, Engali andjéi ndondo la indé, pe handjéi la Engali.
|
|
\v 16 Pe sikandjo, iso totti olamu toheni. libalano ongo Engali handjéi lanu iso hatié iso toti olamu Engali andjéi libalano, pe hasombia la libalano esombia la Engali.
|
|
\v 17 Pehandjéi, la ndengé iso tondjéi la moki, ongondé obalani endjéi olamu hatié iso babgo tototi anangi lisio la osambi.
|
|
\v 18 Owangi heti la libalano, kasi libalano endjéi olamu hoti owangi, kasi owangi henani nda moto ondjéi la etumbu, moto hakowangaka ati olamu lalibalano.
|
|
\v 19 Iso toobali, habali isoliwoso inga moto mwèsi hasiate abali Engali.
|
|
\v 20 Inga moto mwèsi hasiate abali, hatonia manango, hondjéi moto la moleho sikandjo hati mobali manango ahenia landé hoko, bala Engali hati honali.
|
|
\v 21 Pe tondjéi la mibeko landé sikandjo moto habali Engalihaobali wamanango.
|
|
\c 5
|
|
\cl Esuki Esungu 5
|
|
\p
|
|
\v 1 Moto ongo okondima até Yesu adjéi, mwenge, longe akondima até bala ongoowatiawe bala pe ongo atami la indé.
|
|
\v 2 Toyewi até tobali wana wa Engali, ngonga engwe tobala Engali, laate tokela wato wandé.
|
|
\v 3 Ngonga abalani. o Mwengéi la ososoli obani wameko wandé pe wameko eho wateteliti.
|
|
\v 4 Laté wato kpà wawotami le Engali, walongo la moki, pe la walongama moki madjéi ondimi oso.
|
|
\v 5 Ndaingo odjéi molongi momoki, pamba te moto ongo odjéi la ondimi Yesu adjéi mana o Mwengéi?
|
|
\p
|
|
\v 6 Moto ongo, Yesu klisto, ongo odi lamalia pa la makila, etidjéi saa la malia pamba, pe la malia pe la makila; pe la molimo mungo motatolaka, pamba te molimo mo djéi sembo.
|
|
\v 7 Ngonga enge wakia wa satu la oasi sembo.
|
|
\v 8 Molimo, malia pe makila, pe wasata wadeyi.
|
|
\v 9 Inga tototala wikamwisi wa wato, wikamwisi wa engali édjéi osungu, ngonga enge watatoli Engali edjéi la ongo etutia otatpli la mana ondé.
|
|
\v 10 Moto odjimaka mano Engali la otatoli ondé la indé amene; moto ongo ondimiti Engali akoya kosaaka, pambate ondimi matatoli tée mango mahi Engali la mana ondé.
|
|
\v 11 Denga litatoli, ongo Engali ahi la iso la bomoi ndoi, pe la bomoi eho pe la mana ondé.
|
|
\v 12 Moto ongo odjéi mana obomoi; moto ongo odjéi ti mana engali ati la bomoi.
|
|
\p
|
|
\v 13 Indingelali ono wiho, la mbuse até oyiewe até odjéi bomoi ndoi, inongo oyewali la kombo omana engali.
|
|
\v 14 Todje mbuse endé la omesi la gbo, ongo to huela wadi wiho la posa endé, tokomo oka.
|
|
\v 15 Inga todja lo waoki, wadi iho toko hela todjéi até to djéi la iho até to huélali indé.
|
|
\p
|
|
\v 16 Inga moto aeni manango la mbela ongo ekokiti lo omotami la logo, akotota, pe engali akoha omoi a manango, akoha la wango wakokela mbemba ongo ekokiti o motomi la ogwi. édjei la mbeba ongo mbeba ekoakalaka la logo; édjéiti la mbeba endé ongo easi mbai até oyakongée.
|
|
\v 17 La mbeba kpà édjéi mbeba, odjéi la anda mbeba, ndandenge embeba ongo ekoaka liti logo.
|
|
\v 18 To djéi la ondimi Engali aotamiti la mbeba; laté moto ongo atamu la Engalioya baniaka indé amene, amayele okokiti omoheli.
|
|
\v 19 Toyewi até to djéi o Mwengéi, la até moki ngbwi la sésé ewa tetelake dja awato oyewi.
|
|
\v 20 Toyewi alidi até mana o Engali adjéi, atohia iso mayele mayelake Engali lo sembo; pe to djéi la osembo, la mana ondé Yesu klisto.
|
|
\p
|
|
\v 21 Ongo moto odjéi la engali la osembo, la bomoi ndai wana wakeke, ino baniani okosi.
|