bbm_reg/61-1PE.usfm

\id 1PE
\ide UTF-8
\h 1 Petelo
\toc1 1 Petelo
\toc2 1 Petelo
\toc3 1pe
\mt 1 Petelo
\c 1
\cl Esuki Esungu 1
\p
\v 1 pPetelo motutiani e Yesu Klisto, xwato wango wati waso asé owasasia ndondo é gbagba, la Galate, la capadoce, l'azi la Betani;
\v 2 ase wango waonami a ndéngé é lisosoli é wawa mwengei, la otumisamo, ate waume wa balani, ase wadjela omiseli à magila ma yesu klisto: Mwemu la logoo ewodjele sungu!
\p
\v 3 opamboli edjei Mwegnei wawa likumu osu Yesu Klisto indé endengé emagba masungu, ato dilikisia, la odendi lowoso etonoke la osuswi gaa é yesu ndondo ewagwi,
\v 4 la ema engo edi moto moto akoki te kanyaka, eti olindisi a malia, te ohekeli fololon engé etikalia la owe à likolo,
\v 5 la ino woto lokumu é mwengei, batelani la mwemu la mbaa edjei lomungu ndondon é engéle gboo!
\v 6 Engé ekelamia ohomeli owe ndambo djawiho sika ndjo a sambo akeliga éhoo wodjei la magba ama engele keke la okelami sungu;
\v 7 alikambo tè okelami o mwemu owe edjei olamu nda onenge eholiti (moto sika ndjo agweia misa); edjei olamu o litomba é luonge, mwemu la etemia ngonga yesu klisto opumbia,
\v 8 indé moto omobali omobanite la moto ongo omosambelia atimweni alidi ohemelia la moto ongo omosambelia atimweni alidi, ohemelia la homeli esungu la omokumesi Ate wodjuani mbaa é molimo a motuya é emwemu ino.
\v 9 wasli wato wango wakoasaka eheli mwemu etikalia a wato wango wadjei wakelia é endéngé é mbaa ema élukaki ase oluki é iwo,
\p
\v 10 abali ohueli a engele eti ase sambo mbé ebong&mia la molimo éklisto moto iwo ase motongo akoluka liwoso minyoko é klisto la mwemu ekodjaa la olandani.
\v 11 iwo wa mungulia ate edjei ewo amene te nda wato wadjei wakawia wingé waselia ino sokandjo wato wongo watei evangila la molimo mosatu edjei à likolo ase ndondo édjingé wiho mohumbwi abali osoti edendeli éiwo.
\v 12
\p
\v 13 Edjei ndjongo wawongoli ma mungu ma wua mosala, sa Isaya ni ma mungu manupka; bata elikya enu a logoo sungu ehele okodjuani engele yesu klistoakoenene.
\v 14 nda wana wango wakobalaka, oikokaneni la posa engé wodje leho ngonga tango et engele wodjei la lihunga.
\v 15 ase nda moto oholo à djei masatu te inodjani mosatu a ezaleli enu pka ndengé pkà ndéngé edingami eho:
\v 16 wodjeni mosatu nda mbai indé moto idjei mosatu.
\p
\v 17 ase inga owelia wawa indé moto akosambisaka ndéngé moto andongwesi moto tweti; ya sombesa la owangi engele oki a mobambo
\v 18 yawa ate edjei te wiho wadjono, la edjeingé é or, ate wodjei la oyaoà ndéngé é tinate okali o lenge ema ino otikaliani leho la wa sangbanu,
\v 19 ase mogila malamu ma nda engé emana ekondolo etiaobe litono,
\v 20 wato wango walakelani liwoso e moki ase enemi gboo é ongele a ndengé ino,
\v 21 moto ongo o indé ahekeli mwemu ate ngenge ate ondimi wowe ase oyewi wowe ehome atie Mwengei.
\p
\v 22 odjei ongoo milimo manu edjei la obali oà memene a odjei libalano é solo e wa manima, balanani la okumu djei a djeeisi a djeet, a motema mo nu pkà,
\v 23 engele odjeini wato wa holi etla mogono molamu la maloba matonake la oyabati a Mwengei.
\v 24 a moini pkà edjei nda wisoki: wisoki kaukake, ase fololo ekwia;
\q
\v 25 ase maloba e likumu é likumu ekoya baka seko la seko. ase maloba mama edjei maloba easamakia ino la mateya.
\c 2
\cl Esuki Esungu 2
\p
\v 1 Alubiaka wato kpaa wa mali mpe awango wa eti wa use,
\v 2 umia nda wana wango wa otamake, wato wango wa wosoto wango tango ewaponami la moto.
\v 3 Ongo omekiate likuma adjei olamu.
\p
\v 4 Odjei mpenepene lande, Petelo akowikaka la wato apomokili odimilami ebete e wawa.
\v 5 Te owe amene, nda wato wango wakalaka, abanda okeli molako mo engali. la tago owa yekeli etubelo esi atia wawa la mananga engali.
\v 6 Ango wakohasaka la madingo ma engali, ndengani abatia la siona libanga ma mibeko la oeni mpe la odingimisani, ango ongo akondikisama la libanga otodja la okeseni.
\p
\v 7 Lokumu edjei lowe, ongo kamenesaka wa wato wango wasangwa odimi ango liwango lenge lilubate inde awumia likule la molako.
\p
\v 8 La opudie owonde aibaliaka wa kpome lainde mpe la ndjongo otomamiiwo.
\p
\v 9 La mbuse enge okokanesaka wodjei ndai wato enge olamu, la bon, ganga. mpe la liwota sembo, wato wango wa bali mbai, mpo oasia ate odimi o motango oko welaka la molili la ondimisami la poole,
\v 10 Ino tango liwoso otidjali wato, kasiakla odjeini wato wa Mwenge, ino otidjali ototi magba, kasi sikaladjo ototigani magba.
\p
\v 11 Mobalani, iko wubsaka, nda moto ongo ako sombaka la mbume, la ototeli inde ondimi dinge sambo edjei oluki wita la molimo.
\v 12 Okia okalingeli liwoso la wato wango wa yewiti engali likambo linge lilamu, aleeti la ndengenge odimesamaka odjei wato obe, mpe la okeli sambo elamu ohu, la omokumesi engali leeti lisiwo.
\p
\v 13 Idjali la ondimi engali, la okolndi kpaa ekelani a leeti, wumia mokondi nda likumu,
\v 14 Wamotomiaka nda likumu aleti owayekeli etumbu.
\v 15 Laete la ondimi la wawa ndandenge a kokilaka osembo iko imiakami la waton, go wayeti ema esi.
\v 16
\v 17 Kumisiani wato kpaa, owabali a mangwa, wanga wawa mokumesake likumu.
\p
\v 18 Wasali odjei owangi obe la mwalimu wonu, owe la mbai.
\v 19 La ate odjei la ngulu mpe okoki okpali mikpali mau libalano la sambo dja mongali to kuwemek e adjaho mpasi la moto ongo odjangi sembo.
\v 20 Olamu nda ongo, inde mitema nda likakambo linge lipkeli inde obe, inga monga motema la wenge inga ikokelaka owe olamu, edjei olamu, liwoso la engali,
\v 21 Laeho nde owelali onde odidi la likambo lasu, sembo la owe otileni, ilembo late ino weti mingi biliani nge mboka.
\v 22 Inde ongo, okotanga otimo wango inde ongo okobingaka, kasi mwesala moto ongo oteneka loi la sembo.
\q1
\v 23 inde ongo, ohotangi eliko otimohongosele eliko, ongo oobingi, owe otimokele paima, kasi aasa atie moto ongo akotenaka loi la osembo.
\q1
\v 24 Inde ongo okawali wenge wande oloi omasumu masu, wenge wande la lakammbo ate ongo masumu tokale la esambiseli, la mopupu mande okolesamiaka.
\v 25 Inga adjakalino wandimi mpamba, kasi sikandjo nda wa tuke mpe wango wa kobatisaka milimo manu.
\c 3
\cl Esuki Esungu 3
\p
\v 1 Moli, dja lowatitimeisi ati molome, alikabu te, inga moto atia titimesi, atitota ema atie molio wawu.
\v 2 La weni ekaleli la owakisi la wenge enge eti iwiseseli.
\v 3 la monzele monu mdjei mungo mo santu; la onangi suwe mpe la okpali iho ilamu engali.
\v 4 Laate edje o moto ungo ahasi la lohola lango la boboto, ango edjei la motuya mosungu la maiso ma engali.
\v 5 La ndenge enge la tango egaala wali la wato wasembo wango wadjakali oyatitimese mpe la owato wa pele djau.
\v 6 La ndenge Sara adjakali otosi Abalayama mpe omoweli nkolo embai mpe ino ohumiani wana wande inga okobani okeli olamu mpe odjeni lohusi ema tekikima la owangi te.
\p
\v 7 Ndenge esi mpe ino walome oko wabatani ino laiwo la lokumu mpo wa djei enge pete, winge la moli mpo wadjei mpe watoti la libula la boboto mosungu la mokala elongo layiwo laate mobondeli, manu matondikelele mboka.
\p
\v 8 La osukisi djakani la motema mokikima okanangani mpe balanakani la wamagbanu. djakaniwato la boboto mpe ndeekeni ongeni la ndondo enu.
\v 9 Otihogwesaki obe la tina e obe, inga eliko la tina ewiliko pambua wango wakobumakolaka laate la djongo nde waowelali laate osangole pambua.
\v 10 Ekomamali djo: moto ongo abaliti okeli olamu mpe oweni mwemu la miboi lande waumesia ohaasi obe la moleho.
\q
\v 11 Atibalaka makambo obe mpe akokelaka enge elamu akalukaka bototo la tango djesi.
\q
\v 12 Laate maiso ma engali ma djei atie wato la o sembo a leeti matoi mande madjei la osambo lawo: kasi akohaka wato wabe mokongo.
\p
\v 13 Ndai akokela ino obe inga owahekeleni la hotomo la olamu?
\v 14 Late wato wadjei obeteli ino npo okelakani djongo te okeke, mpe djakani mitema likolo tée.
\v 15 Kasi ndimani la motema mwesi la klisto djei engali inga moto aohueli ino nde olamu odjeni okeli; ewani tango kpaa awawongoselia iwo eyano lamu.
\v 16 Laate otiwongweseleni iwo eyano la ndenge e bototo la otosi mpe enge ebete la sese motema, la adjei inga odjeini la klisto wango wako tongani, wa djeini wato wobe, wakotikala la soni.
\v 17 Kasi inga moto abali te oweneni odidi poo wa djaki la sambo mbé.
\v 18 Laate klisto: inde moto molamu agwali la obe te la wato ob; poo adjakali moto nda wato kpaa, kasi asekxali mpo adjei la nguya la elimo.
\v 19 La nguya lainnde elimo andimali atie molimo la wato wangwali la otei iwo.
\v 20 Ngala wato wango wakilali o moto enge, laate wadjakali okeli mitema ungo Nowa adjakali okeli ma suwa. wadjakali ndi wato mwembe nde lingelaki la masuwa eho ango iwo wakalalia la malia
\v 21 Malia eho edjei ohinie ndenge obatisimo olongosi onalili la wange ewongi engali ate lainde Polo, Yesu klisto ongo abasia.
\v 22
\c 4
\cl Esuki Esungu 4
\p
\v 1 Ndi ndjoongo nda eneli kilisito wodidi la wengé, ino mpe awongeleni sambo djaho. Alikambo até moto ongo weni edidi la wengé odèe masumu,
\v 2 Alikambo até alekese engé endé e wengé, kasi nda édjéi indé, la okokisikine mposa ewato. djéi obali wo Mwengéi la ngonga éngé etikali okali la wengé.
\v 3 Ndjo ongo nda édjéi eho la odei sambo djingé ileki, djéngé yo kelaka wapagano, odjéi la esombeli ébé, wato watonanake, walagwi wa masanga, wato wango wakolakaka la ogbeti oleki, okengi malia oleki, waongi wa wikeko la waole wa wato.
\v 4 Nda ekoalingesaka ino la iwo mongindi, a liwela la mateke, wokali wou, wodjéi owunga wungi la ootangakoli ino.
\v 5 Wakowongosa sambo la ndengé édi, la ongo djéi ahué, owasambesi wato wango wadjéi la mokalo, la wango wagwi.
\v 6 Inga mboli ndamu easanali la wato wagwake, mbuse eo wasambesi wakokaka nda wato wawenge wakali alikambo lidendi Mwengéi nda la Elimo.
\v 7 Ghoo ewiho kpàa eumia ahué, abaniani asé odjéni la woangali wou la wakongi.
\v 8 Liwoso la sambo kpàa, wabalani wino wanu ino la ino alikambo até libalano likodihaka sambo mbémbé.
\v 9 Watia wango wa wusi moto la moto mino onde, té la ondungwani.
\v 10 Nda édjéi ino wato wango waewi, wango wadjéi la mapamboli ma Mwengéi. mwesi la mwesi aahe la wotomu ndéngé ekondji indé.
\v 11 Moto ongo okowatiaka wato awatié sambo dja Mwengéi moto ongo okogamesaka wino, akelelendi wokulu womoki Mwengéi ndjoongo la sambo kpàa, Mwengéi akodja la étemia a likambo la Yesu kilisito, te mpamba, etemia la wokulu kpàa wodjéi wondé. Amen.
\v 12 Wamanima walibalano, alikambo até woenigalani mpasi ngbii, otimu ngwakeni até odjéini ino mène.
\v 13 Kasi emeleni a likambo até okwenekeni wodidi la likambo la Yesu, la ndjoongo okoemeleni oleki ekoenene indé la etemia.
\v 14 Mwemu la ino ingawakotanga kolakani ino, la likambo la nkombo e Kilisito, te pamba molimo mo Mwengéi aolingeli ino motema, adjéi la ino.
\v 15 Huakani moto oonu tweti atikokele wobé, a likambo akeli wobé nda woli moto, woiwi wiho wa wato, la olingeli la sambo djingé yodenditi owe.
\v 16 Inga moto aene wodidi adjéimo Kilisito, atioke soni, kasi amohe Mwengéi melesi, a likambo até nkombo é mokilisito, édjéi nkombo e etemia.
\v 17 Engele ekokia, a likambo até Mwengéi abandia oteni sambo dja wato. akowasambesa liwoso wato wande. la ndjoongo ingo wato wandé wasamba liwoso ndjoongo wato wango wamwèti Mwengéi ekosuka woni?
\v 18 Inga wato walamu wakala la wodidi, ekodjàa woni la wato wabé wa masumu?
\p
\v 19 Nde ndjoongo wadjiakaweni wodidi a likambo la Mwengéi abali ndjoongo, wakele ndi sambo ndamu ndamu, asé waahelele mobimba la Mwengéi, ongo okeli wiho kpàa, indé atowawosana.
\c 5
\cl Esuki Esungu 5
\p
\v 1 denga ondimi ungo owaineyi mbai iloko wato wango wadjei ate ino, mbai eloko moto nda iwo, motatoli ongo odidi la klisto mpé, wango wadjalà la otwa la ongo okwenene:
\v 2 banyani etonga é Mwengei lingé ihi iwo la mawo manu, otikeleni la owangi, kasi kela ni la posa enu wengemene engali, etidjè la loyi ibé, kasi la motama molamu:
\v 3 otiaumeseni wakondji laotomo o engali; kasi djàani wato walamu la ebeté engé edje wato.
\v 4 ongo odjei mosombesi pata, inga adjàa osembo, akpdjwa olamu la okondji o mwengei.
\p
\v 5 olengé kikima, inowango wadjaki ndjengà, yatitimisa atie iloko wato, pé ino kpà, la oyatitimese, aloiya ate, wango watibala owatitimese okodjwa etumbu.
\p
\v 6 aloho, yatitimsani séese eho la engali, laate, aodjambé la mwengele engé eengi. Mwaselakani engali sambo djanu kpàa, laate àumungolé.
\v 7 pé okpalesani mipkali manu kpà, indé amene akoodjiliisani mikpali manu.
\p
\v 8 banya ni mamungo manu, okakebé ni. modidi monu, etota, akosombakà ebeté kpà nda kosi engé ekohumbakà, pé olukani o molaki moto moki.
\v 9 kasi, Mwamalelani djaa ni la otetelaké la ondimi wonu, éwanyaté ikoni djaengé ndéngé ikowaumelaka itutaki la wamangbanu kpàà la moki.
\v 10 Mbuse eweni odidi, mbuse emasio makeke, engaliongo magba masungu kpà, ongo owelalini la kembo endé la omwesi la klisto.
\v 11 indé adjei la okulu libela la libela. igemeyi?
\p
\v 12 Yoedingelini la loyi kèkè, lamboka é Silvano, mangasu oosembo, olengè okamotota mbai laate alendese pé yaasi la otetelaké ate oboto mosungu engé eenesi engali àatié ino adjei loyi oosembo, yamalani oosembo, ndondo eliloba.
\p
\v 13 indé ongo la Babilone, moli ongo wonami nda ino, aotomelini mobalé, olengé kikima la Malaako mana ombai.
\v 14 Hekele nani mibalé la i lipwepwe la libalano. logo edje ya inokpàa wango wadjei la okikima la klisto!