See in Reader
156 lines
12 KiB
Plaintext
156 lines
12 KiB
Plaintext
\id JAS
|
|
\ide UTF-8
|
|
\h Yakobo
|
|
\toc1 Yakobo
|
|
\toc2 Yakobo
|
|
\toc3 jas
|
|
\mt Yakobo
|
|
\c 1
|
|
\cl Esuki esungu 1
|
|
\p
|
|
\v 1 Yakobo motuke mo Engali mpe la molakesi Yesu kilisito, akowaumelaaka malye liomu la iwale wango wayaondi, mbaa!
|
|
\p
|
|
\v 2 Wa manima, denga mungolani ate djei mwemu likowa ino ndondo eomekami lamitindo ngbii.
|
|
\v 3 weewini ate omekami eondimi wanu ekodjeese egalya.
|
|
\v 4 Dhee ate egalya eengese otomu kpaa ate odjeeini wambwi wango wakokiti odjangi ema.
|
|
\p
|
|
\v 5 Yaino inga mwesi adjnga akali, ayatate la Engali ongo okowahaka wato kpaa la ohekeli lilamu, ongo otipamelaka, ndjongo okotota.
|
|
\v 6 Kaasi ayatate la ondimi, atidjee la kokya te laate inde ongo okokokya adjei nda mbonge osokpi la ehoho osombasombi ibete kpaa.
|
|
\v 7 Enge ndenge e moto ndjongo atilikya ate okodjua aatie nkolo;
|
|
\v 8 Inde molome mo loho iwale la olemalemi la isombeli djande kpaa.
|
|
\p
|
|
\v 9 Dhee ate maagbasu ongo odjei sembo ahemelela odjambemi onde.
|
|
\v 10 Ase mogumi ahemele la otitimi onde laate akosalamata nda mbai la songosongo.
|
|
\v 11 Liusawuse liumi mpe libati, ase liomese djao ikwi; olamu la elongi eeho ebiti; ndjongo nde ekosalamata mogumi la isombeli djande.
|
|
\p
|
|
\v 12 Mwemu la moto ongo okodja la ondimi ndondo eomekami, ndyambi ango elongi inde, akolingela la bomoi mounaali nkolo la wango wakomobala.
|
|
\p
|
|
\v 13 Dhee ate moto tweti ongo omekemi aase ate, ikomekemeke la Engali, laate Engali atimekame la ebete, inde mpe atimomeke moto te.
|
|
\v 14 Moto la moto akomekama la ogulami la olongosami la poosa mibe mande amene.
|
|
\v 15 La mbuse, ango ekpali poosa lemi, awoti lisumu, ango ebeki lisumu awoti logo.
|
|
\p
|
|
\v 16 Otihengameni te, wa manima wa libalano:
|
|
\v 17 Makabo kpaa milamu la mokabo kpaa mawingi makodilika seese olongwei ya wawa la use. Inde atu: la okukwami, ati djeese te likolo te;
|
|
\v 18 La mokano monde amene atowoti la luundo la meenene ate iso todjei nda pukapuka epoo la wiho wikeli inde.
|
|
\p
|
|
\v 19 Ewani ndjongo, wa manima wa libalano, ndee ate moto la moto adjee la wooki loga ase easeli mpe mpetee; aoke mpe limemu la mpetee.
|
|
\v 20 Limemu la wato etikelaka oyengebeni o Mwengei te.
|
|
\p
|
|
\v 21 Ndjongo, longosoni sambo kpaa mibe mpe ligbete; ate la bopolo, genyami luundo lidingami ndondo eenu, likoki likalakase milimomanu.
|
|
\v 22 Djaakani nda wademei wa luundo, te saa waoki pamba ta, okoyahengakani ino amene la mamungo mibe.
|
|
\v 23 Inga inde ongo okooka luundo ase atitosa ehote adjei nda molome ongo oyadengi mbanda e wenge wande la talotala.
|
|
\v 24 Ayadengi ase olongoi loga ase awosani inga nda ndenge.
|
|
\v 25 Ase inde ongo okodengadengaaka la olenge owongi, mobeko la osomi, mpe aumwei odengadengi ango, adjei mooki ongo atiwosana te kaasi akokela otomu; inde ongo akodjaa la mwemu ndondo e misala mande.
|
|
\p
|
|
\v 26 Inga moto mwesi abandi ate edjei mosambeli, ase adikiti lolemo wonde, kaasi limemula loho eende, losambo la ongo moto edjei pamba.
|
|
\v 27 Oyatati o mpeto ewongi ya Mwengei wawa eesu edjei ndjo: owadengi wabola la wali wango wagbeeli mpele ndondo e odidi wou la oyabanyei wenge mpeto la sambo dja moki.
|
|
\c 2
|
|
\cl Esuki esungu 2
|
|
\p
|
|
\v 1 Wamanima, djaani la engmei aatie meemene eesu, Yesu kilisito la nkembo, la
|
|
\v 2 Inga, moto alingela la eyanganelo la eenu ongo odjei la mopete la wolo la mosey wisindje wilamu la mbuse mobala ilingeli akpoli wisindje mibe;
|
|
\v 3 Inga okomoyambani ongo okpoli wisindje milamu, la wasi ate, owe yabata ala la ebete ndamu aase okwasani la mobala ate, owe yamala ango, inga ate, oengi, oyabati seese e magbanda ma mbay,
|
|
\v 4 Oti tenakolaakani la loho djanu, ase oti ambesakani la mamungo mibe te?
|
|
\v 5 Okani, wa manima wa libalano; Engali atyone wabala la moki te ate wadjee wagumi ndondo mpe la wasangeli la libula la okumu liuni la inde la iwo wango wa mobali?
|
|
\v 6 Kaasi ino omwenesini mobala ndundu! etii wangumi te wango wakoweenekeni odidi? etiiwo wango wakongulakani la witenelo?
|
|
\v 7 Eti iwo wango watukaka nkombo lilamu linge liwelami ino a laho?
|
|
\v 8 Ase inga weengasani mibeko ma likumu asakate okelini olamu, nda easi madingo: okomobala maangwa nda eyabali owe amene.
|
|
\v 9 Kaasi inga okoonoko wato, okokelakani masumu, okokwakani la mibeko nda wamateti.
|
|
\p
|
|
\v 10 Late inde ongo okoengesa mibeko kpaa ase akwi la loi eesi, adjei la okwi la dinge sambo kpaa.
|
|
\v 11 Ase, inde ongo waasi ate: otikele ekobo aasi aleeti ate, otimool; e moto té. ndjongo, inga otikele ekobo, inga omoola moto, okouma mosui mobeko.
|
|
\p
|
|
\v 12 Okauheni luundo la okel, i sambo nda wato wango wakodendelaaka ate wakosambesama la mobeko ma otwa.
|
|
\v 13 Aloi ate eteneli sambo la moto la moto ongo otikelaka la magba té. Ase magba ekotota olongi ndondo aosambisami.
|
|
\p
|
|
\v 14 Wa manima, eni mokalo inga moto la waasi ate adjei la ogemeiango atiinde la misala?
|
|
\v 15 Inga moto pele te mana o moliadjei lingbengbele atii la wilaka masio kpaa,
|
|
\v 16 Motomwesi yaino amweseeli ate, kekeni la logo, mookani moto, ogbeteni; ase oowahiti ema enge edjei la litimba la wenge wau, aseko eni litomba?
|
|
\v 17 Eni ogemei: inga edjanga misala, egbiikaa ndondo eeho bii.
|
|
\p
|
|
\v 18 Ase moto mwesi akwasa ate: owe odjei laogemei; mbai moto idjei la misala, ndinga mbai ogamei wowe ungo odjngi misala, mbai koto ikooinya ogemei wo mbai la misala.
|
|
\v 19 Owe ogemei ate adjei ndi inde amene Engali? okeli olamu, ase milimo mibe wakogenya ndjongo la ogulumi.
|
|
\v 20 Ase owe moto mooki e mumbulu, weewi ate ogemei ungo odjangi otomu edjei pamba?
|
|
\v 21 Abalayama, sagbasu, atilonge la tina e; misala mande ango edjambi inde mana onde Yisaya la etumbelo?
|
|
\v 22 Weeni ate ogemei o, nde ekelaali otomu abete eikima la otomu honde, ase ogemei onde ewongooli ndondo eotomu wonde.
|
|
\v 23 Ndjongo, mandingo eengesami linge lyaasi ate: Abalayama a mogemei Engali la eho emooni la o sembo: eho ewelami inde ate miino-mwengei.
|
|
\v 24 Weenini ate moto akilonga la tina e otomu wande mpe ndi la la ogemei te.
|
|
\v 25 Ndi ndjongo, Laaba, molo o mpité, atiloongali la otomu te, ango ewabanyali inde watoma ase awaumisi la eeti mboka?
|
|
\p
|
|
\v 26 Tina edjei ate, nda edjangi dii wenge luundo asakaate egwigaa ndjongo.
|
|
\c 3
|
|
\cl Esuki esungu 3
|
|
\p
|
|
\v 1 Wa manima wa mbai, otibekeni walakesi te, weeneni ate iso tokodjaa la o, sambesami la eteneli ungo otetelake.
|
|
\v 2 Laate iso kpaa tokokpaa la sambo ngbii. inga moto atikpee la luundo honde t", inde moto owongi kpaa ase aewi otekesi wenge wande kpaa.
|
|
\v 3 Tokobonga witogo la monoko mopunda late watotose ase tokousesaaka wenge wau kpaa.
|
|
\v 4 Ndegaayoni masuwa, eusi obete ase ekoyatindikaaka la ehoho esungu, ase ekokwesama la edolo tindee nda ebali meemene.
|
|
\v 5 Ndi ndongo olemoedjei motunga mokeke ase ekoyangumiaka a sambo sungu denga maa misa mikeke ekolongwesaka motulu mosungu.
|
|
\p
|
|
\v 6 Olemo edjei misa, lolemo edjei nda moki mosombonoke lyaabati ndondo ewilembo wasu, obitesi wenge kpaa la olongwesi izaleli djasu kpaa, eho bii elongosami la Geena.
|
|
\v 7 Laate mitindo kpaa nama la mbula la wiho kpaa wikotutya la mbume, la dinge kpaa ndondo e malya ekobatema mbuse e wato ase ebatamikaa mbuse.
|
|
\v 8 Kaasi olemo, moto tueti ayewiti owongwesi mbuse. Eho edjei ema ebe eewiti oyatitimesi, etumisami la ngenge e logo.
|
|
\v 9 Leho tomogumi memene, sangbasu, ase leho tokowatanga ndi wango wa kelami la elima e Mwengei.
|
|
\v 10 Ndi la enge monoko liikima ekoumesaaka ogumei la otangiti ate sambo djao ekelame ndjongo, wa manima.
|
|
\v 11 Eliwa ekumesaka malya maleleke la malya madiake la monoko liikima?
|
|
\v 12 Mosuke, wa manima, eewi ewoti pukapuka la bilaya inga mowiti ewote pukapuka la mosuke?
|
|
\p
|
|
\v 13 Ndai yaino ongo odjei likumu la akili? dhee ate ainye otomu wonde la wizaleli milamu ndondo e bopolo mpe la akili.
|
|
\v 14 Ase inga odjeini la mamungo dja wilulela la makaka la loho djanu, otiyangumieni te, oiasakeni la moleho te, la oyamaleli sambo dja osembo.
|
|
\v 15 Eho edjei akili elongoiti likolo kaasi malongoi la mokii, akili ma wenge, akili ma milimo mibe.
|
|
\v 16 Laate ebete edje wilulela la makaka, ango masio la sambo mbe kpaa.
|
|
\v 17 Ase akili malongoi likolo edjei liwoso la mpeto, la mbuse edjei la modaki la boboto, la otosi loga, otondi la magba mpe la pukapuka ndamu, la kokya té, la moleho té.
|
|
\v 18 Pukapuka la boyengebeni likoono; ma la logo eewu wango wa kodaka.
|
|
\c 4
|
|
\cl Esuki esungu 4
|
|
\p
|
|
\v 1 KIndo la mosyo elongoi nda songo? elongoiti la posa mbee linge likuumaka ndondo e wilembo wa wenge djanu?
|
|
\v 2 Okolulani kaasi otitotani té; odjaani waoli ase okookani zuwa, ase oewitini ototi, okoswani mosio mpe okosanani kindu ase otitotani olombi te.
|
|
\v 3 Inga okolukanani, otitotani té laate okolukaakani la mboka mbée la obitesi eho la posa eenu ebee.
|
|
\p
|
|
\v 4 Ino wato wonalili, weewitini ate obali moki edjei omotoni Engali. moto ongo ouni ate adje miino o mokii asaka ate ayaumisi monguna mo Engali.
|
|
\v 5 Ino omungolini ete madingo ati la tina, kaasi etwaseli woni. adjei la posa ngbii la molimo linge libongi inde yaino yaiso
|
|
\v 6 Ase akotoha nano ungo obeki; ndjongo aasi ate, Mwengei akowalela wato wa endjombo, ase akowahaaka wasembwi naano.
|
|
\p
|
|
\v 7 La ndjongo okomotoseni Engali yamalelakani wango wabee mpe akolongwa yaino.
|
|
\v 8 Langesani wawo ino wato wamasumu djeeseni loho djanu tebuu, ino wato wa loho iwale.
|
|
\v 9 Okani magba, umisani pisoli dhee ate iyelo wanu eyokukole wilelo magba.
|
|
\v 10 Yangoleni liwoso la Mwengei ase inde akootelesa.
|
|
\p
|
|
\v 11 Wamanima, otitonganeni inde ongo okomotonga miinonde, inga akomosambesa maanango, ndjongo akotongooko mobeko inga osambesi mibeko, inga okosambesaaka mobeko, otila otosi te, kaasi mosambesi.
|
|
\v 12 Mohi mo mibeko mpe mosambesi adjei ndi moikima; inde ongo la okulu lokalesake mpe la obitesi, owe nde ndai omo sambesi mazalani eowe?
|
|
\p
|
|
\v 13 Djakani ino wato wakwasaka ate, keeke inga leekundu tokokee la mokii akalaki, tokohetasa mbula eesi ango, tokokela molunga, tokodjua mbano.
|
|
\v 14 Oyewetini sambo yaasi mbai bomoi wonu edjei nde?
|
|
\v 15 Eengi la ino waasi ate, inga edjei mokano mo meemene, tokodjaa la bomoi, mpe tokokela ndjongo.
|
|
\v 16 Ndi sikandjo okoyagumyaka la endjombo eenu. oyagumei la olenge uho edjei obe.
|
|
\p
|
|
\v 17 La ndjongo, inde ongo weewi okeli olamu aseatikel; e ndjongo té, la inde lisumu.
|
|
\c 5
|
|
\cl Esuki esungu 5
|
|
\p
|
|
\v 1 Djakani ino wagumi; lelyaini la ohombi la odidi opotia oodjeli ino:
|
|
\v 2 Ogumake onu obitani, wisindje djanu wilakami la wapekese.
|
|
\v 3 Walola patalo djanu ihelami la obitani mpe obitani eenu, ekolaka moini monu nda misa. oyisikani wiho wiho ndi masio mapotia otimei.
|
|
\v 4 Denga liputi la wasali wango wasui pukapuka dja wilanga wanu, linge lipuesikaa ino, eko pamelaakani, mpe owopameli wango wango waswi pukapuka ase eum; ika la matoi ma Mwenhei olikolo.
|
|
\v 5 Oyabatikaani la moki widjei wiho wilamu mpe la mwemu; oyatumisini la loho dja litema la tina elisio likooloma ino.
|
|
\v 6 Omokpeesini moyengebeni, omoolini inde, atiwaamaleleni te.
|
|
\p
|
|
\v 7 Wamanima, djaani la loho ndai tee weeneni la Mwengei. dengani, motii wo ilanga akodendela pukapuka la mbume, adjei la loho ndai la tina eeho, oumwei obandi mbula e mbuse.
|
|
\v 8 Ino koto, djaani la loho ndai, okalendeseni loho djanu laate weeweni la Mwengei eumikaa ahue.
|
|
\v 9 Otipundaneni té, wa manima, ate otisambesameni te. Denga mosambesi ayamaliliwo la wikuke.
|
|
\v 10 Wa manima, djaani mitinga la odidi mpe la mohandja la wasakoli, wango watolooli la kombo e Mwengei.
|
|
\v 11 Denga, twasi ate towaweli wato wamwemuwango wayahandjei ndjongo ookikaani la tina e mohandja moYobo, otimeikaani weewi gboo esambo djande ya Mwengei, laate Mwengei atumi la magba mpe la boboto.
|
|
\p
|
|
\v 12 Wa manima wa mbai, liwoso la sambo kpaa, otiheleni ndai te, inga likolo te, inga te, la mokii té, inga eeti ndai té. Ase dhee ate ogemei wonu, ndjongo, etikalek ndjongo laate otikweni la liwela té.
|
|
\p
|
|
\v 13 Mwesi yaino adjei la odidi? dhee ate ayatate la Engali. Moto mwesi adjei la mwemu. dhee ate alembe lembo.
|
|
\v 14 Mwesi yaino adjei la ekoni? dhee ate awawele wiloko wa lingomba, wayatate la tina eende, ango eseseli iwo omomunoli maita la kombo e Mwengei.
|
|
\v 15 Ndjongo oyatati o mwengei ekokalesa mokoni, nkolo akomokalesa. Te inga akali masumu, akolimbisama aatie inde.
|
|
\v 16 Ndjongo, yambolani obe honu, moto la miinonde, ase yatatani ate okaleni. Oyatati omoyengebeni edjei la okulu ngbii: ekokelaka mpe otomu.
|
|
\v 17 Eliya adjaali moto o wizaleli engemeni la iso; ayatatali ngbii ate e wongo etilwe té ase etilwaali la mokii té, tee mbula isato la sandja motoba.
|
|
\v 18 Aleeti ayatataali, ase likolo lihaali e wongo mpe la mbume e wataali pukapuka eeho.
|
|
\p
|
|
\v 19 Wa manima wa mbai, inga nda moto yaino akobitana la sambo dja meemene mpe weeti akomotelesa,
|
|
\v 20 Dhee aewe ate ongo okomotelesa moto la obée olongwei la epengwile la mboka eend, akokalesa bomoi eende mpe akoliha ngbii masumu.
|