bbm_reg/59-HEB.usfm

\id HEB
\ide UTF-8
\h Waebele
\toc1 Waebele
\toc2 Waebele
\toc3 heb
\mt Waebele
\c 1
\cl Esuki Esungu 1
\p
\v 1 Mbuse ewoasani la mbala edi, la owongwanli mbala la mbala la ndenge ewaselali iwo wasangbasu la monoko mo waseli.
\v 2 Mwengéi, la engele ehele e gboo, atoaselia la monoko mo Mana ongo omobati inde likolo la wiho kpàa ase la edjeli inde akelali wiho kpàa wingo widjéi la mokili.
\v 3 Ase ango okweneseke wongengi wonde, la weneni wo moto onde mne ase aheli wiho kpàa la oasi wowokulu wond, ase mbuse eotolongosi iso la masumu masu abatali la ewo elilome e wokumu wosungu ongo likolo.
\p
\v 4 Aumia likumu owaleki wa ahumbwa, ongo okondji nkombo ndamu owaleki iwo.
\v 5 La wasi ate la ndondo ewaahumlbwa asali la ndai ate owe odjéi Mana o mbai la kekehele mbai indjéi sangwa? asa alidi mbai ikouma sango la inde akouma Mana o mbai?
\p
\v 6 Ase amokelia moto opoo la mokili asiate waahumbwa kpàa wa MOngéi wa motemie!
\p
\v 7 La mbuse asia la waahumbwa ate inde akowakela waahumbwa ehoho ase wato wande wa wotomu, loi molamu wo wato kpàa wo lemi wo misa.
\p
\v 8 KJasi asali la Mana ate kiti owe e wokumu, atie e Mwengéi, edjéi libela la libela la lingenda la wokumu wowe edjéi lingenda la womemene.
\q
\v 9 Obalali ondjéi moto molamu, otonali odei pui ndn ndjongo atie Mwengéi, Mwengéi wo owe aogbulia maita ma mwemu owaleki wino wa owe kpàa.
\p
\v 10 Ase alidi, owe, likumu la lipotele, okelali mbume la likolo lindjéi tomu dja mawo ma owe.
\q
\v 11 Eho mene ekobita, kasi owe okotikala libela la eho ekosulika nda esindjè.
\q
\v 12 Ae okoebala eho nda kasaka ase eho ekwahengese kasi owe odjéi ndi nda ekodjaka owe ase wilanga wowewi tosila té.
\p
\v 13 Kasi la ndondo e waahumbwa asali la ndai ate abata la ewo embai e lilome tée ndiekowabata mbai watonani wa owe nda esiko la makolo ma owe?
\p
\v 14 Iwo kpàa wati wisisi wingo wikokelaka wotomu, alikambo la wolamu wo wato kpàa wawatomi a likambo la owakeleli wato wango wakokodja wo wongosi wo libela?
\c 2
\cl Esuki Esungu 2
\p
\v 1 Nde ndjongo, tokoki obateli motema la sambo ndjinge yokali iso la wangatali ngbii oleki alikambo ate watitotome iso lihiele la mboka té.
\v 2 Alikambo ate loi lungo wa sanali la ndenge e waahumbwa woamali gboo, la loi kpàa wo odjangi etemia ekondjali wodidi la memene.
\v 3 Eokotila nda ndenge inga totona mokalo mosungu mungo ndjongo likumu lasu asali liwaso ase wango wato wamokalo watoeneseli iso ate edjéi memene la djinge yokali iwo.
\v 4 Mwengéi andimali demu ewu la wieneseli la sambo ndjinge sungusungu la sambo dja wahueli ase la likao la Elimo-Santo lihami la ndenge eobali wonde.
\p
\v 5 Ase ndjongo eti la waahumbwa té ate Mwengéi akeli mokili mungo mogeleli nde moho moko aselaka iso.
\v 6 Kasi mwaseli mwesi aumali la ebete esi Moto adjéi ndai alikambo ate omomungwe?
\q
\v 7 Omokelali mokek la sese e waahumbwa, omokpalesali wokumu wo ongengi ase la etemia ase omobakali Likumu la tomu dja mawo ma owe.
\q
\v 8 Obatali wiho kpàa sese e makolo mande ase ndjongo, nda ebatali inde wiho kpàa sese ende, atitikali ema teti te ate tidjè sese e wokumu wonde teé. Kaikond sikahala tokweneke yo, wiho kpàa sese e wokumu wonde té.
\v 9 Kasi tokomweneke yesu ongo wabati ma moke sese e waahumbwa, akpali elembo e wongengi, la etemia alikambo ate aeneli wodidi la aguali alikambo la wouma wosungu wo Mwengéi, ague la likambo la moto kpàa.
\p
\v 10 Ewongoki ate moto ongo wiho kpàa widjéi la wongengi wonde ase la ndenge eende wiho kpàa windjéi ango okeli inde ate wana ngbii wadjée la wongengi, amotetesi kapita ongo oko kalaka uiwo la ndenge ende, morto ongo okoki la ndenge e wodidi.
\v 11 Alikambo ate moto ongo osatisami, la wodjeyaka osatisami, iwo kpàa walongoi atie moto moikima, nde ndjongo atooka nsoni té la owaweli ate wamanango.
\v 12 Ango okwasaka inde ate ikowasela wamanima nkombo eowe, ikokumesa owe la nzembo la ndondo e lisanga.
\p
\v 13 Ase alidi ate ikomobatela motema. Ase alidi ate denda mbai la wana wakeke wango wapekeleli Mwengéi mbai.
\p
\v 14 Ndendjongo, nda wana wakeke wadjéi la makila, la moini mo ndenge e womoto, inde koto adjali ndi ndjongo alikambo ate la ndenge e logo wonde abitese kpàa, moto ongo wengi ohekeli logo endjéi satana.
\v 15 Ase ahekele wohola la wato kpàa wango alikambo la owangi logo wawa batali la wotuke, la wokali wou woesi kpàa.
\v 16 La memene, awaseleliaka waahumbwa té, kasi akowasalesaka liwota la Abalayama.
\v 17 Nde ndjongo, akokaki woumi nda wamanango, la sambo kpàa, alikambo ate aume nganga-nzambe mosungu omotema momagba, ongo omemene la losambo za mwengéi, alikambo ate, ahekele likao lawodihi masumu ma wato.
\v 18 Ndidjongo, nda woeneli indemene wodidi, ango odjakali inde omekami, aengi owagamesi wangowa komekamaka.
\c 3
\cl Esuki Esungu 3
\p
\v 1 Nde ndjongo, wamanima wasatu, ino wango wawelami la hii likolo, momungwani wolamu motomani la nganga-nzambe ongo okomondimelaka iso la wohola.
\v 2 Yesu, adjakali moto molamu atie Moto ongo omobatali inde ndjongo, nda ndenge koto Moize adjali moto molamu la monguta monde kpàa atie Moto oho.
\v 3 Alikambo ate wamotololi inde ate awongi la wongengi ngbii omoleki Moize, alikambo ate moto ongo okomaaka monguta akodjaka la etemia ngii oleki monguta.
\v 4 Monguta kpàa moto nde okomaka, kasi ongo omaali wiho kpàa edjéi Mwengéi.
\v 5 Alikambo ate Moize adjakali moto owotomu molamu la monguta mwesi kpàa mo ohongo Moto ndjongo.
\v 6 Kasi Kilisito adjakali Mana molamu la monguta mo Moto oho. I so todjéi monguta mo Moto oho inga tée gboo todjè wasi la woholo, la memene la waheleli la sambo djing ikototomaka iso toatemie alikambo la lomungo wungo wodjéi iso la woho.
\p
\v 7 Nde ndjongo nda ndenge ekwasaka Elimo-santu la wuse wokeke inga okani molimo nde.
\v 8 Otimemelekeni woeti, nda e ngele ememeleli ino ngbii nda wungo wuse womekamali ino la lisobe.
\v 9 Ebete enge emekali watata wanu mbai, tenda eeneli iwo tomu dja mbai la woumoi wo wilanga tuku inei.
\p
\v 10 Nde la ndjongo, lideli liwota laho, ase ndjongo yasiate wawu ngake wiengele kpàa mboka dja mitema mawu la watiewe mboka dja mbai té.
\p
\v 11 Ase ndjongo ilapali ndai la limemu la mbai ate watoli ngela la atie e mbai té.
\p
\v 12 Angatalakani, mwesi onu aume la motema mobe, mungo modjangi wondimi, alikambo ate amodei, mwengei o mokalo.
\v 13 Kasi djaani la olendesani masio la masio la engele enge owelami ate keke moesi onu, motema makasi, la wotete liwo masumu.
\v 14 Alikambo ate; todjei wato wango wakogbotononokola sambo za kilisito, ndi inga toahelela makasi la sambo zaho ibatelali iso motema la lipotele ase tee gboo.
\v 15 La engele ekwasaka iwo ate lawuse wokeke, inga wokani wasi wonde otidjeni la limemu la mitema wamu nda engele e omemeli makasi
\p
\v 16 La uzongo, wandai, wango wamemeleli makasi, mbuse woki, té la wango kpaa waumali la ezipito la wosombesi wo moize?
\v 17 Wandai wango mwengéi awadeli woumo iwo wilanga tuku inei. Edjali wato wango wakelali masumu, wango wibembe wau wilangalali la lisobe?
\v 18 Kasi wandai wawalapelali inde ate: watolingela la ohumi la inde mongindi, eti wango wadjangali etemia?
\v 19 Ndendjongo, nde tokweneke ate, watilingelali té, alikambo wadjangali wo ndimi.
\c 4
\cl Esuki Esungu 4
\p
\v 1 Kasi toawangese, alikambo ate: liwuna la olingeli la wokomi wonde wodjei akayo, la ate moesi onu toeti atiume mbuse.
\v 2 Inga mboli ndamu enge etoaselali iwo, kasi sambo djinge iwaselali iwo étiwakelali ema téeti té, alikambo ate, watidjali la ondimi atie wango wawaselali.
\v 3 Alikambo ate, iso wango wandimi, tokolingela la wohomi woho, alikambo liasi inde ate, ikowongosa nkanda embai, watolingela wohomi wo mbai; asi djongo, té nda ango esukali tomu djande tee lipotele la mokili.
\v 4 Alikambo asi la masio sambo la ebete edi ate: ase mwengei, ahomali mbuse e masio la tomu djande.
\p
\v 5 Ndi la djongo, asia alidi ate: watolingela la wohomi wo mbai.
\p
\v 6 La djongo, nda edjei eho ate; wango wadi wakolingela la wohomi woho, la wango wadi waokali mboli ndamu liwoso watilingelali té alikambo wadjangali etemia.
\v 7 Mwengei abatia alidi wuse wesi djo, ango asiate, mbuse e engele elai, la le mbo lo davidi ate: kekehele ndindasanali eho liwoso ate: kekehele inga okani dumbei dja nde, otiumese ni mitema manu male asi té.
\p
\v 8 Alikambo ate: inga yosu awalingesali la ebete esi ehomake, nda mbuse eho, mwengei nda asi la wuse wodi té.
\v 9 Ndedjongo etikali wohomi wesi wo sabata, alikambo la wato wa mwengei.
\v 10 Alikambo ate: ongo moto olingeli la wohomi wo mwengei, ahomi koto la tomu djande ndi nda ehomali mwengei la tomu djande.
\p
\v 11 Eokele kpaa djinge yengi, alikambo ate tolingele la wohomi woho, galaa moto mwesi akue ase atutie aseli eho e odjangi etemia.
\v 12 La likambo ate: loi lo mwengei wodjei la mokalo, wodjei la woteteli, wowoti makasi oleki e wumi enge ewoti wiati wiale, ase ekolingelaka tée: okawaseni la elimo, la matonga la maita maho, la enge la wewi wolamu wolamu, mamungene la miano ma mitema.
\v 13 Eti la ekelamo teeti enge edjangi woeneni la wohola la maiso mande, kasi wiho kpaa widjei lingbengbele, la wikweneneke wohola, la maiso ma moto ongo okowongosa iso monoko atii nde.
\p
\v 14 Nda odjei iso la nganga nzambe masuungu ongo owaleki wanganga nzambe wasungu kpaa ongo olingeli ongo likolo, yesu mana o mwengei, toahekele la wenesi la wohola ate: tomondime inde.
\v 15 Alikambo ate; nganga nzambe mosuungu ongo adjei iso la inde, eti moto ongo okokiti otokeli iso mogba  té, la wolembi wosu, kasi edjei nde moto ongo omekamali là sambo kpaa nda iso, kasi ati la lisumu.
\v 16 Toandongbe la aseli e wohola, ase la memene, ahue la kiti e wokumu wo wouma wosuungu, alikambo ate mwengei atokele iso magba, la atoene sele iso wouma wosuungu engele edjei iso la ehoha e otogamesi.
\c 5
\cl Esuki Esungu 5
\p
\v 1 Alikambo ate: nganga nzambe mosuungu ongo omokondji iwo la ndondo e wato wakomobataka alikambo la wolamu wo wato, la loi la mwengei, alikambo ate; ahe e makao la mbeka, alikambo la masumu.
\v 2 Aengi wenesi wouma, atée wato wango wadjangi woewi, la wango wawusi, alikambo ate inde koto adjei la wolembi wonde.
\v 3 Nde la ndjongo, asengeli ohie makao, alikambo la masumu mande mene, la alikambo la mango ma wato
\v 4 Moto atodjaka la etemia ndenge ende mene té, kasi ndé la engele enge emoweli mwengei, nda emowelali inde alona.
\v 5 Ndenge kikima nda kilisito atiahali wongengi inde mene té, la ate aume nganga nzambe mosuungu, kasi akondjali wongengi ongo atie moto omwasehali ate awe odjei mana ombai, keke mbai iumia sangwa.
\p
\v 6 Ndi nda ndenge easi inde la ebete edi ate: odjei nganga nzambe libela la libela nda melekisedeki.
\p
\v 7 Ongo ndjongo nde, ango adjakali inde la wenge wa moini, amwongoli ongo odjakali la woteteli wo omokalesi inde la logo, la opami makasi ase la wilelo, ase amokelelali ase amondimali, la edjeli e nde e owangi.
\v 8 Ayekolali wolamu ango odjakali inde mana, sambo djinge igbotonoli inde la zaho
\v 9 Ase aego, mbuse ewoumi moto ongo weengi la sambo kpaa, akodjali mokpali mo owatomi wato la mokalo mo libela, wato kpaa wango wakomotemiaka inde.
\v 10 Mwengei amowelali solo solo nganga nzambe mosuungo nda melekisedeki.
\p
\v 11 Todjei la sambo ngbii dja wasi alikambo la nde, la olumboli zaho edjei monga alikambo ate odjeini ma toi gboo.
\v 12 Ino la ndjongo la odendeli engele enge elekesali ino edjakali ate odjeni wamolakesi kasi odjeni alidi la posa moto mwesi aotieni, olongoi la lipotele, la matio ma lipotele, za sambo mosato za mwengei, odjeini nda moto ongo odjei la ehoha e ma wele, kasi té la wilaka witetelaketé.
\v 13 Kaikonde, moto kpaa ongo okonungaka mawele, ae witi loi lungo wolamu alikambo ate adjei mana mokeke.
\v 14 Kasi wilaka witetelake widjei wawiloko wato, wango makoki mawuma ososoli, nda ekolelaka maho, ewonge woetesani wobe la wolamu.
\c 6
\cl Esuki Esungu 6
\p
\v 1 Nde la djongo, nda edei iso matio ma lipotele ma Kilisito, tokele makasi todje wiloko wato totibatekine alidi ewodje té easi nda ate oyekoli alidi matio ma ohengesi motema la odei tomu ndjinge iwotitiaka pukapuka té.
\v 2 Omondimeli Mwengéi la matio mango madengi batisimo, la omobateli moto mawo osusoi wo wato waguake la osambesi wo libela.
\v 3 La ndjongo nde ekokelaiso inga mpendja Mwengéi abala.
\v 4 Alikambo ate wango wangengisami mbala kikima la libela linge lioki iwo oleli la likao la pamba la likolo la linge likondji iwo Elimo Santu.
\v 5 La linge lioki iwo woleli woloi wolamu wo Mwengéi la woteteli wo sambo ndjinge igeleli.
\v 6 Kasi wadeya laho wakokiti kine té owongosami alikambo ate wahengee motema alikambo ate wadjaka iwo mene omobaki alidi Mana o Mwengéi la moté la omokesi nsoni la maiso ma wato.
\v 7 Inga mbume djingo ikomeleke malia ma ewongo enge ekoluek djaho gaga la mbuse eho ekowotaka ndunda djingo ikolakamaka la wato wango waonelali eho, ekodjaka koto, mapamboli ma Mwengéi.
\v 8 Kasi inga ndjaho iwota keke la ma mbuku wakondjilumba, la wako djiasela wobé lihiele té la gboo eho wakondjitumba.
\p
\v 9 Kaiko nd alikambo lanu wino wa mbai wa libalano inga toasate djongo tondimi memene ate odjéini wolamu ate owalekini iwo la okotutiakani sambo ndjinge ikogbala ino la mokalo.
\v 10 Alikambo ate Mwengéi andjangiti wolamu t alikambo ate awosane wotomu wonu la libalano lieneseleli ino nkombo eende la ndenge ewakelelani ino wasantu la odjeini ndi okowakelani.
\v 11 Tobali ate mwesi la mwesi onu aense egalala ndenge ndjongo alikambo ate adje la lomungo makasi tée gboo.
\v 12 Alikambo ate otiumeni wibebe té kasi watutei wa wango wako kondja wowongoli wolamu widendeli la ndenge e o ndimi la motema molai.
\p
\v 13 Ango emohali Mwengéi Abalayama liwuna lande nda etiengali inde té olapi ndai la nkombo e odi moto ongo omoleki inde alapali ndai la nkombo ende mene.
\v 14 Ate memene ikopambwa owe ngbii mpendja.
\v 15 Ase ndjongo nde Abalayama mbuse ewoensi motema molai akondjali liwuna la ho.
\v 16 Alikambo ate wato wango wakolapaka ndai la nkombo e moto ongo owaleki iwo ase la ndai ndjawu ikoseselaka kokia kpàa alikambo ate edjéi ndanga ewu enge endimi pui.
\v 17 Nde ndjongo Mwengéi ango eanali nde wenesi la wohola mene wokondji wa liwongoseli wa liwuna ate mwano monde motikukuanaka té akelali moho la ndai.
\v 18 Alikambo la sambo iwale djinge itokukuanaka té djinge la djaho Mwengéi akokiti wasi moleho té wokeke té iso wango watili ase tokia okaya atie Mwengéi toaselane makasi la ate tohele lomungo wungo wodjéi liwoso lasu.
\v 19 Lomungo wungo wodjéi iso la woho wodjéi nda longo la likambo la molimo edjéi makasi ase eteteli gboo ase lomungo loho wokotolingesaka iso mbuse e lido.
\v 20 Atie moto ongo oleki liwoso alingelali la likambo lasu yesu ongo oumi nganga-Nzambe mosungu nda Melekisedeki libela la libela.
\c 7
\cl Esuki Esungu 7
\p
\v 1 Alikambo ate Melekisedeki oho, likumu la Saleme nganga Nzambe o Mwengéi ongo odjei likolo makasi ongo ogbotonoli la Abalayama ango elongwali inde owaoli makumu se amopambwali.
\v 2 Ase ongo Abalayama amohali esi la esuki e liomu e wiho kpàa, adjéi liwoso liwoso, inga wahengese likumu la wolamu alidi adjéi koto nda likumu la Saleme, easiate Likumu la logoo.
\v 3 Ongo ati la sango té ati la nango té, ati la mokala kala mo walata té, masio ma nde mati la lipotele té, la okali wonde woti la gboo té kasi adjéi nda Mana o Mwengéi adjéi nganga Nzambe libela la libela.
\p
\v 4 Dendani adjakali moto mosungu mene! Moto oho Abalayama likumu la liwota ahkeleli esi la esuki e liomu e wiho winge wipundjali inde la wita.
\v 5 Edjéi wana wa Levi wango wa kokodjaka wotomu wouwo wonganga Nzambe, wadjéi la wokulu wo okongoli atie wato esi la esuki eliomu. la otutei wokulu easi nda ate eatie wamangbau, te ango olongoui la liwota la Abalayama.
\v 6 Kaiko Moto ongo mokalakala a mowatata wande molongoiti atie ewu té akodjali esi suki e liomu atie Abalayama ase amopambwali moto ongo okodjali mawuna.
\v 7 Kaiko nde kokia iti té moto ongo adjéi mokeke apabwamia la moto ongo omoleki inde.
\v 8 Ase ango wato wango wakondjali liwoso esi esuki esi e liomu edjéi wato wango wakoguaka kasi enge aseli iwo mbuse edjéi moto ongo omwaseli iwo ate odji la mokalo.
\v 9 La obakesi Levi ongo okokondja si la esuki e liomu aputali nda asali Abalayama.
\v 10 Alikambo ate adjakali la wokulu wo watata wande ango egbotonoli inde la Melesedki.
\p
\v 11 Inga edjeli e wokoki edjali mene la wogamsi wo wonganga Nzambe wo walevi alikambo ate wanganga Nzambe wungo wodjali la mboka kikima la Pui iwahelali iwo wato edjali loi lo gbondo mne nda gbondo etidjali alidi ate nganga Nzambe odi aume nda Melekisedeki ase wase ate Alona?
\v 12 Inga wonganga Nzambe wokoakolaka, pui koto yongi okukwani.
\v 13 La ndjongo la moto ongo waseli iwo sambo djaho adjéi moto o liwota ladi, ongo la moto oho, té moto tweti akele té wotomu ongo la etumbeli.
\v 14 Alikambo ate ewani mene wohola ate Likumu la sungu alongwali la Yudea liwota linge liaselali Moize ema tèeti té enge edendi wanganga Nzambe.
\v 15 Ase ewani alidi la wohola woleki ate nda edjéi Melekisedeki nganga Nzambe odi akouma.
\v 16 Ongo oumi ndjongo tela otutei té sambo djinge idingami ndondo e pui enge edendi sambo djinge idjéi la ahala la mbume kasi nde otutei wokulu wo mokalo wesi wungo wokokiti obitani té.
\v 17 Alikambo ate edingami ndjo: ondjéi nganga Nzambe libela la libela nda Melkisedeki.
\p
\v 18 Nde la ndjongo walongoseli mene pui dja liwoso alikambo ate itidjakali makai té la iti ndjakali makasi té la iti djakali la litomba té.
\v 19 Inga pui itiumesali ema enge engiti té kasi wodji wo mamungwene mango maleki nde la ndenge eho tokwa ndongbaka a hue la Mwengéi.
\p
\v 20 Alidi ndjongo ekelamali la olapi ndai.
\v 21 Nde ndjongo edjéi la wato wango waumi wanganga Nzambe la ndai té kasi edjéi la moto mwesi ongo oumi nganga Nzambe la ndai e moto ongo owaselali ate Mwengéi alapi ndai ase atoka magba té ate odjéi nganga Nzambe libela la libela nda Melekisedeki.
\p
\v 22 Yesu aumia moto ongo ohami ndanga e ondimi laenge eleki olamu.
\p
\v 23 Alidi, gbii waengaki ate waume wanganga Nzambe mbuse wango wadi alikambo ate logo wotidjake owahi mboka té eokeli ndjongo.
\v 24 Kasi inde nda edjéi inde la mokalo libela la libela ati la wakitani té la wouganga Nzambe wo nde.
\v 25 Nde ndjongo aengi koto owakalesi mene wolo wango wakwandongbaka atie Mwengéi la ndeng ende alikambo adjéi engele kpàa la mokalo la likambo owaseli.
\p
\v 26 Ewongi la iso la ndjongo odjéi la nganga Nzambe mosungu nda inde monsato ongo oti la wobe, ongo oti la wotialili té akawani la wasumuki la alondwesi oleki likolo.
\v 27 Ati la ehoha té eohekeli mbeka masio la masio nda ekokelaka wanganga Nzambe wasungu, liwoso liwoso la likambo la masumu mande mene ase mbuse la mango ma wato akelali ndjongo mbala kikima la libela.
\v 28 La ndjongo pui ikowabataka wato wango walembi wanganga Nzambe wasungu kasi loi lo ndaii linge lidjali mbuse epui likobataka nde Mana moikima ongo oumesami moto ongo okoki la djiesi kpàa libela la libela.
\c 8
\cl Esuki Esungu 8
\p
\v 1 Sambo djinge ikwaselaka iso, limungwene la gbondo laho leli Todjéi la nganga Nzambe mosungu la nde ho, ase abati la ewoe lilome la kiti e wokumu la wokumu wosungu ongo likolo.
\v 2 Nda moto owotomu alikambo la wato kpàa la ebete e santu, ase la hema ememene enge emali likumu kasi moto te.
\p
\v 3 Nganga Nzambe mosungu kpàa wamobati la hoii makao la mbeka; ndendjongo ewongoki inde koto adje lalikao la ohekeli.
\v 4 Kaiko nde inga adjaki ala mbume, nda ati nganga Nzambe té alikambo ate edjéi la wato wango wakohaka makao la otutei pui.
\v 5 Enge ekeli iwo wotomu mosntu wungo wodjéi neseli la elili e sambo djinge idjéi ongo likolo, nda Moize ango elukali inde omai hema eu kpàa akondjali wotomu alikambo ate asiate: kuaka ate okele sambo kpàa la otutei ndenge enge ewoemeseli iwo la mokoli.
\v 6 Kasi sikahala okondjiwo tomu wesi wolamu olki alikambo la wolamu wo wato kpàa nde ndjongo adjéi koto mokanesi mo ondimani wesi wolamu aleki, enge abati la otutei pui, la ehelami la mawuna olamu obeki.
\p
\v 7 Inga wondimani wungo wo liwoso wotidjake la wobe té nda wungo wo wale woti la ntina té.
\v 8 Nde la ndenge ndjongo akowapamelaka wato ango okwasaka inde ate: Likumu asiate: Dendani masio mageleli ase ikokela wondimami woholi la monguta mo Isalaele la mongula moyuda.
\q
\v 9 Etodja té la otutei wondimami wungo wokelali mbai la watata wau la wuse wungo wohelali mbai ewo ewu, alikambo la owaumesi iwo la mokili mo Edjipeto, alikambo watia batali la wondimani la mbai té ndendjongo edeli mbai owabanei Likumu asi ndjongo.
\q
\v 10 Kasi denda wondimani wungo wokelali mbai la monguta mo Isalaele, mbuse e masio maho nda easi Likumu: Ikobata pui dja mbai la elimo ewu ikodjidinga la mitema ma wu, la ikondja Mwengéi owu, la wakodjaa wato wa mbai.
\q
\v 11 Watotiana té moto la moto mana onde omoki nda inde ase moto la moto la manango ate Mwewa Likumu alikambo ate iwo kpàa wakondjewa mbai, olongoi ongo odjéi mokeke la ongo odjéi mosungu la ndondo ewu.
\q
\v 12 Alikambo ate ikowaokela magba la tomu djawu idjangi wolamu, la itomungwa kine alidi masumu mawu té.
\p
\v 13 La wai ate wondimani woholi aseseli ngala enge egala kaiko nde ema nge esili ngala eoloi, eumia ahue la olamu.
\c 9
\cl Esuki Esungu 9
\p
\v 1 Wondimani wo gala wodjakali la pui la wotomu monsatu, la ebete esantu eho la mokili.
\v 2 Alikambo wamalisia esuki eliwoso e hema ase ndondo edjakali la eamaleseli emiinda, la mesa la makoke maeneseke, ase wawelia eho ebete e santu.
\v 3 Mbuse e lido e wale edjakali la esuki e hema enge eweli iwo ate ebete enge eleki wosantu.
\v 4 Edjali ema etumbake mpaka emalasi enge kelami la wolo la sanduki e wondimani enge edihami esi kpàa lowolo enge edjakali la etotu e wolo enge edjakali la mana la lingenda la Alona linge litoli fulele la wipe wa ondimi.
\v 5 Likolo laho edjakali la wakeruba wa ongengi nkembo enge elingi ewu edjakali odihi ediheli e odihi masumu kasi enge etité engele e waseli loho wesi wesi la wiho waho.
\p
\v 6 Mbuse e otongi wiho waho ndjongo wanganga-Nzambe wadjakali esuki e liwoso e hma eho iengele kpàa olingeli la okeli tomu Monsatu.
\v 7 Ase enge esuki ewale ndi nganga nzambe mosungu inde mene nde odjakali olingeli mbala esi la mbula esi atilingelakali té inga ati la makila té enge edjakali ohi alikambo lande mene ase la likambo la masumu ma wato mango ma djakali iwo okeli la odjangi oewi.
\v 8 Elimo santu edjakali wo enesi la wohola ate mboka e olingeli la ebete monsatu tieneneke liyo té engele enge hema eliwoso edjakali ango.
\v 9 Eho edjéi elembo la engele enge ebatama engele enge engisikala, latée ndidjodidjo, makao ma mbeka makohanaka, kaikonde maho makokiti té omohi moto ongo okokelaka wotomu mo santu wewi wolamu wungo wo wongi.
\v 10 La enge edengi wilaka Mana la batisimo ndenge la ndenge. Eho edjakali maongomi pui enge edendi wenge, la eongeami tée la engele enge ebatama la onanoili sambo.
\p
\v 11 Kasi ango ondjali Kilisito Nganga Nwambe mosungu osambo ndamu ndjinge ikelami, alekali la hema sungu enge ekoki oleki enge ekelami ti la mawo té easi nda ate eti té la ndondo e wiho winge wikelami la mokili.
\v 12 Ase alingelali nabala kikima la libela, la ebete esantu te la makila mameme té té la makila mawana wa ngombe té kasi la makila mande mene mbala kikima la libela ase atokondjelali iso wosikolami wo libela.
\v 13 Inga makila mawana wo ngombe wapele, la mamem la misu ma ngombe mango masuakani likolo la wato wango wandjéi la wanalili mandjéi osatisami tée okpoli wenge.
\v 14 Ndjongo makila ma kilisito mango la ndenge e elimo esi e libela akawali atie Mwengéi la litono té ekokpolo wewi wolamu wosu té oleki té la tomu ndjinge ikowotaka pukapuka te la ate tomokele Mwengéi omokalo wotomu wosantu?
\p
\v 15 Nde la ndjongo adjéi mokanesi mo wondimani wo ndindjondindjo alikambo ate wango wawelani wakodje liwuna la owongoi wolibela la ate logo londe lodjali alikambo la owasikoli la ndenge e lisiko la sambo dja adei pui djinge ikelamali la ondimani wo gala.
\v 16 Inga ango odjéi wondimani moto ongo okeli wondimani woho ewongi ate ague.
\v 17 Alikambo ate wondimani wokondimanaka la ate makao mango ma olami la ate matondimamaka té enge le enge moto ongo okeli adjéi la mokalo.
\v 18 Denda nde ndjongo wondimani wogala wotibandali té odjangi makila.
\v 19 Alikambo ate Moize awaesali wato kpàa ndenge kpàa enge eotuteli pui, atotali makila ama wana wangombe wapele la mameme la malia ma lene tanak ngbaa la moté mo izope ase asuakolali eho likolo la buku la woto kpàa la wasi ate.
\v 20 Ehelendjo edjéi makila mahekeli Mwengéi alikambo la nu.
\v 21 Asuakolali ase la hema la teni kpàa dja wotomu la ate wolamu wo wato kpàa makila.
\v 22 Wiho wiesi kpàa wiko kpolonoko la makila la otutei pui ase inga makila matisua kane té wokeli magba woti té.
\p
\v 23 Ewongoki ate ndakisa dja sambo djinge idjéi ongo likolo ikopelola maka la ndenge ndjongo sambo mene dja likolo ipetolami la makao mango maleki makao mango.
\v 24 La ate Kilisito alingelali la ebete esantu enge ekela miti la mawo té enge edjéi elilingi e sambo dja memene kasi nde la likolo mene la ate aenene sikahala liwoso la Mwengéi mene a likambo la su.
\v 25 Eti té alikambo até alikambo ate akawake mbala ndenge nganga nzambe mosungu akolingelaka elanga la elanga la makila mandemene té.
\v 26 Inga ndjongo nda akweneke wodidi mbala la mbala tée ndiango ebanda mokili kasi sikahala aeneni mbala kikima la libela la osukesi sambo dja ehele engele alikambo la olongosi lisumu a likao lande mene.
\v 27 Nda ekolambelaka wato logo mbala kikima la libela mbuse eho osambesami.
\v 28 Kilisito akawamali mbala kikima la libela la ate akpale masumu ma wato ngbii ase mbala ewale enge ekouma inde etodja kine té alikambo la olongosi masumu ase wato wakomolukaka la ehoha makasi la wokali wou wokomwene inde.
\c 10
\cl Esuki Esungu 10
\p
\v 1 N de ndjongo nda edjéi pui elili esambo ndamu djinge igeleli, kasi wome menemene wosambo té la makao mango makohaka iwo wiengele kpàa elanga la elanga wato waengiti te wokeke té owakeli wango wakoandongbaka ahue wato wango wakoki.
\v 2 Inga ndjongo, makao matiengake ohani té la ate wango wakokelaka wotomu mo santu, la wango wawongi mbala kikima la libela watie ngak kine alidi woewi masumu té?
\v 3 Kasi makao mango madjéi nde omungoi masumu elanga la elanga.
\v 4 Alikambo ate makila mangombe dja ple la mango ma meme makokiti olongosi masumu té.
\p
\v 5 Nde ndjongo Kilisito adji la mokili la mokili, la woasi ate otibalake makao la makawi té, kasi owongseleli mbai wenge.
\q
\v 6 Otindimali té makao matumbake la likao la likambo la masumu.
\q
\v 7 Nde ndjongo yasali ate Denda! indji nda ekomami alikambo la mbai, la hulo e buku, okeli mwano mo owe Mwengéi.
\p
\v 8 Mbuse e wai liwoso ate atindi mali té la otibalali té makao la makawi ma tumbake, likao a likambo la lisumu makao mango mahani la otutei pui.
\v 9 Mbuse eho asiate: Denda! idji okeli mwano mwawe alongosi ema epoo la ate abate ema enge ewale.
\v 10 La mwano moho, iso tosatisami la likao la wenge wa Yesu-Kilisito mbala kikima la libela.
\p
\v 11 Alidi nganga Nzambe akoamalaka wuse la wuse la okeli wotomu mosantu, a likambo la wolamu wowato kpàa la alikambo la ohi makao mango mbala la mbala alikambo ate maho makokiti olongosi masumu té.
\v 12 Inde moto ahali likao liesi la likambo la masumu libela, abatali la ewo e lilome e Mwengéi.
\v 13 Obandi ndiango akalambelaka tée wamotone wande wakoabata nda siko la makolo mande.
\v 14 Alikambo la mbeka mene kikima awaumesi wato wango wakosatisamaka wato wango waengi libela la libela.
\v 15 Nde ho enge Elimo santu ekotoaselaka koto a likambo la su ase mbuse easiate.
\q
\v 16 Denda wondimani wungo wokokela mbai la iwo, mbuse e masio maho ikobata pui dja mbai la mitema mawu ikodjidinga djaho la mamungwene mawu.
\p
\v 17 Ase itomungwa alidi masumu mawu té la tomu djawu dja odei pui.
\p
\v 18 Kaiko nde ango okeli iwo magba la masumu maho likao alikambo la lisumu liti kine té.
\p
\v 19 Ndi ndjongo, wamanima nda edjéi iso la egalala la okeli ndenge eolingeli la ebete esantu eho la ligamesi la makila ma Yesu.
\v 20 Enge etoduho elali inde iso nda mboka poli ase emohalo enge eleki la lidonda wasi ate wenge wande.
\v 21 Ase nda edjéi iso la nganga nzambe mosungu moikima ongo okobaniaka monguta mo Mwengéi.
\v 22 Toandongbe la mitema ma memne, la wondimi womemene nda kpolomi mitema masu la woewi wolamu ase wenge wasu wikpolomo la malia malamu.
\v 23 Toaselake lomungo wosu la wohola la totia bingabinge té alikambo ate moto ongo otohali liwuna adjéi wolamu.
\v 24 Tosuolane mwesi la mwesi la wango wadi la ate; todje la libalano la tokele tomu ndamu.
\v 25 Totidée ogbotononi wosu té nda ehahaneli wato wadi okeli kasi tolendisanake ase tokelake ndjongo gbii woeti ango okweneke iso wuse woho woumia ahue.
\p
\v 26 Alikambo ate inga tohakanela okeli lisumu la wogeno mbuse e odjéi la woewi wungo wolamu wo memene, mbeka edi etitre la likambo la masumu.
\v 27 Kasi tokolambelaka ndi lisambesi liesi liwangesake, nda misa mikowalongosa wato wabe.
\v 28 Moto kpàa ongo otoni oki pui dja Moize akogwaka la wasi wo wademu wale te wasato, la wato mokelaka magba té.
\v 29 Ndjongo la limungwene la nu moto ongo omohoti mana o Mwengéi la ongo weni makila ma ondimani pamba ongo omosatisali iwo la maho la ongo otangi elimo e wauma wosungu la atiolia eho akokiti okondji etumbu esungu oleki?
\v 30 Alikambo ate tomwewi moto ongo wasali ate owongosi wobe edjéi loi wombai, mbai nde owongose la alidi ate Likumu akowasambesa wato wande.
\v 31 Edjéi loi wesi wo wangesake, la okui la mawo ma Mwengéi omokalo.
\p
\v 32 Amungwani masio kpàa magala mango mbuse eongengisami odjalini la molende la wita wiesi wi sungu la ndondo e wodidi.
\v 33 La wiengele wadi waotangakolalini ino la waonyokololini ino liwoso la wato nda ebete ewioka, ase la wiengele wadi wawoneselini wodidi mongindi la wango wadjakali ogbotoni la sambo djaho.
\v 34 Alikambo ate owakelalini wango wadjakali lawoyogo mangba la ondimalini la mwemu wato waopueseni wiho wanu alikambo woewalini ate odjéini la ema esi elamu oleki la enge ekoumwaka.
\v 35 Otidkeni wasi la wohola la mmene, alikambo ate liwongoseli la ho lidjéi lisungu.
\v 36 Alikambo ate: asengelini odjeni la ejele e odjéi la modia, ase mbuse eokeli mwano mo Mwengéi okondjeni ema enge eowunelalini inde.
\v 37 Alidi etikeli engele ekeke mene ase moto ongo ogeleli akodja la atoumwa té.
\q
\v 38 Kasi wato walamu wa mbai wakokala la wondimi ase inga awongwa mbuse molimo mo mbai motoemele la inde té.
\p
\v 39 Iso toti wato wango wakowongwaka mbuse la likambo la obitani kasi todjéi nde wato wango wadjéi la wondimi la ate tobanie molimo mo mokalo.
\c 11
\cl Esuki Esungu 11
\p
\v 1 Alikambo ate wondimi wo djéi edjeli eolambeli la motema moesi ngoo wiho winge wikomungwaka owe okondji, edjéi elembeteli enge ekweneseke womemene wosambo te ndjongo wo enenitiaka djaho.
\v 2 La ndenge eho nde ehanali litatoli la engele ewato wa gala.
\v 3 La wondimi nd ekoewaka iso wolamu wolamu loi lo Mwengéi.
\p
\v 4 La wondimi nde emohali Abele amohali Mwengéi makao ma motuya mosungu, oleki mango ma Kaina la nde e wondimi nde ndjo ehani litatoli la makao mande la wondimi wonde te ango gwali inde adjéi ndi akokpoma.
\p
\v 5 La wondimi Enoka atotamali ebete edi alikambo ate atiene logo t ase atieneneli ebete teti té alikambo ate Mwengéi a motomali ebete edi la liwoso ate liwoso ate amotote ebete edi akondjali litatoli ate amoemeseleli Mwengéi.
\v 6 Inga moto atidje la ondimi té akokiti omoemeseleli inde té wokeke té alikambo ate moto ongo odjéi ahue la Mwengéiewongi andime ate inde adjéi, la akodjaka moto ongo ohaka liwongoseli la wato wango wako molukaka inde la ehoha makasi.
\p
\v 7 La wondimi Noe, mbuse e okondji huaka e Mwengéi, sambo djinge itienenekeli yo té amowangali Mwengéi la atongali masuwa alikambo la owakalesi wato wa monguta monde, ase la ondimi wungo akpeseli mokili la loi, ase aumali mokonzi mo liwongoeli la moto molamu lingo li longoi la wondimi.
\p
\v 8 La wondimi Abalayama ango ewelamali inde atemiali la ndenge ekeli inde la ebete eho, ewwongokoli inde okondji liwongoseli ase akeli teango atiewali atie edjakali inde okii.
\v 9 La wondimi abatali moto modjake la mokili mo liwuna, nda ase mokili mo moto modjake ase abatali la hema ebete eikima la Isaka la Yakobi wakondji wa liwongosi la liwuna liesi lingo lainde mongindi.
\v 10 Alikambo ate adjakali olambeli moki mungo modjéi la wiho wilamu wilamu moki mungo Mwengéi amai ase akelia.
\v 11 La wondimi ase Sara adjali ndenge eokpali lemi la mowo te ango olekali inde wilanga wa owoti, alikambo ate adendelali moto ongo ohali liwuna ate adjéi wolamu.
\v 12 Nde ndjongo la moto moiki ase la moto moikima ongo wengi iso wasi ate odjaki moto mogwake, wana waowotami ebele, nda minoto ma likolo ase kotonda ngene dja kelekele ebale esungu watiengak otangemi té.
\p
\v 13 Iwo kpàa wagwali la ndondo ewondimi te ango otikondjali iwo wiho wingo wiwawunalali iwo té, kasi wa wieneli la lihiele, la waemeleli la waho ase wasali la wohola ate wadjéi wato wadjake la wato wango wabati la moki moho la engele ekuwe.
\v 14 Wango wakwasaka djinge sambo wakoeneke la wohola ate wakolukaka mene ebete ewu mene.
\v 15 Inga wadjakali mene saa omungoi ebete enge elongwali iwo, nda wa wongwali.
\v 16 Kasi sikahala wadjéi la ehoha ebete enge eleki wolamu easi nda ate e likolo nde ndjongo Mwengéi owu alikambo ate awawongeleli iwo moki.
\p
\v 17 La wondimi Abalayama amokawali Isaka, ango omekamali inde amokawali mana onde opele moikima nde ekondjali inde liwuna.
\v 18 La easanali atiende ate Isaka ako omono mo mboto mo owe.
\v 19 Amungwali ate Mwengéi adjéi la wokulu la owasusoli wato wango wagwi ase akele ndjongo la ndenge eowasekwisi.
\p
\v 20 La wondimi Isaka amopambolali Yakobi la Esau a likambo la sambo djinge igeleli.
\p
\v 21 La wondimi Yakobi ango aumali inde ahu elogo amopambwali mana mwesi mwesi, owana wa Yoseu, ase akongoli ango oyaimbali inde moto la lingenda la nde.
\v 22 La wondimi Yosefu ango eumali gboo e wokali wonde aselali woumi wo wana wa Isalaele; la ahali wotomu womikuwa mande.
\p
\v 23 La wondimi Moize la owotami wonde wawoti wande wamoisali sandja isato alikambo ate wamoeneli mana alekali wolamu, ase watiwangali wobe wo mokonzi té.
\v 24 La wondimi Moize aumali moto mosungu atonali ate wati mowele ate mana opele omana omoli o Farao.
\v 25 Andimali weni wodidi la wato wa Mwengéi mongindi la ate adje la mwemu engele ekue enge elangoi la lisumu.
\v 26 Adendelali nsoni e Kilisito nda wodwi wosungu oleki wiho wa motio wa Ezipeto, a likambo ate adjakali odendi la wangatali mene atie ekodja litomba la oputami.
\v 27 La wondimi nde elongwali inde la Ezipeto, atiwangali limemu la mokonzi té atetelali gboo, nda edjakali inde weni Moto ongo otoeneneke.
\v 28 La wondimi akelali Pasika ouakani wo makila alikambo ate mooli atiwabande wana wango wawotami liwoso wa Isalaele.
\p
\v 29 La wondimi nde ekpandesanali iwo ebale etanake nda ebete eomake alikambo ate wazipeto wango walukakali owatutei walindalikpàa la malia.
\p
\v 30 La wondimi witutu wa Yeriko wikwali mbuse eodjingami masio sambo.
\p
\v 31 La wondimi lahaba moli o ndumba atigwali té mongindi la wango watidjali la etemia, alikambo ate awaemeleli wadjake la logoo.
\p
\v 32 Ikwasa kine nde edi? engele ekodjanga mbai inga imwasela alidi Gedeo, Balake, Samsoni, Yefeta, Davidi la Samuele la waaseli wadi.
\v 33 Wango la ndenge wondimi walongali makondji ma wita wakelali wolamu wo memene wakondjali mawuna wa helali minoko ma Simba.
\v 34 Wasesali makasi ma misa watilali maino ma ewuni wadjakali wibete kasi waumia la woteteli waumali mabande ma wita wa watilesali mawoke ma wasoda ma wato wadjake.
\v 35 Wali wawakondjali wato wau wagwake la osusoi kai wadi wato waeneli wodidi makasi alikambo ate osikolami la ndenge eosikolami la ndenge esi ndjo. alikambo wakondje wasusoi wungo woleki wolamu.
\v 36 Wdi wakodjali omekami wou la ndenge ewasekeli iwola wawabingali pimbo oleki wungo wawanangali mindjota ase la woyogo.
\v 37 Wawabingali mabukeli, wamekamali, wawatenali wisuki wiale wiale la si, wa waolali la ewuni, wadjakali oki wiati la wiati, wakpali wikmba wa meme wadjakali odjangi, waeneli wodidi, wawabeteleli.
\v 38 Ase mokili moti wongoli la iwo té wadjakali oki wiati la wiati la wisobe, la buu dja mabanga, la mawela ma mbume.
\p
\v 39 Djinge kpàa sa la wondimi wungo wohali demu watikondjali ema enge e wawunlali iwo.
\v 40 Mwengéi adjakali otoeneli iso lihiele, la ema engesi elamu oleki, alikambo ate iwo waume wato wango wakokiti té inga te iso.
\c 12
\cl Esuki Esungu 12
\p
\v 1 Io koto nda edjéi iso la lipata lisungu ndjongo la watatoli linge litolingi iso tolongose woliti kpàa wolisumu linge likotohelaka iso odjangi mwano, tokoumbaka wobangu la migbondo minge midjéi liwoso la su.
\v 2 Ango okomodendelaka iso kapita la moengesi owondimi wosu, yesu la mwemu mungo modjéi liwoso la nde adjali la mogali la omobaki la ekulusu atieneli nsoni té aseabati la ewo e limo e kiti e wokumu wo Mwengéi.
\p
\v 3 Angatalani mene atie moto ongo odjéi la egalala la sambo dja woamaleli pui djinge dja wasumuki wango wakoamalelaka wokonzi woumene alikambo ate wotisile wokulu té la milimo ma nu mitilembe té.
\v 4 La wita wingo wikosanaka ino la lisumu laho osanaki yoni te tee la makila.
\v 5 (Kasi owosanini elndiseli ate Mana o mbai otideke etemia e Lkumu té la otilmbeke wenge té ango okowaselakani inde.
\q
\v 6 Ndindjongo Likumu akomobingaka moto kpàa ongo omobali inde akomobingaka fimbo moto ongo okomotanga inde nda mana.
\p
\v 7 Djani la molende la witumbu, Mwengéi akokelakani nda ebili e wana nda mana ongo sango atomohaka etumbu?
\v 8 Kasi inga odjangani etumbu enge ekondjaka wato kpàa ondjéini mene wana wa mese, kasi wana wa ndako té.
\v 9 Alidi alikambo ate wa sangbasu wadjéi wato nda iso wango wadjakali otohi iso witumbu ase todjakali owatemei ndjongo sangbasu omokalo mosu mo elimo to toandjilikesa liwoso lande té oleki la odjéi la mokalo?
\v 10 Wasangbasu watohali iso witumbu la masio makeèke ndenge nda enekeli iwo; kasi Mwengéi akotohaka ndjongo la wolamu wosu alikambo ate iso tondje wasantu nda inde.
\v 11 Etumbu teeti etodjaka loi lo mwemu té engele enge ekohanaka eho kai ekodjaka nde magba kaiko nde mbuse eho, ekowotelaka wango wateyami la eho pukapuka e logoo easi nda ate wolamu wo memene.
\p
\v 12 Bingani mawo mango malembi la mauli mango ma teteliti te.
\v 13 Ase wongeleni mboka dja makolo manu alikambo ate esuki enge elembi etilongwe la litonga, kasi ekale nde okala.
\v 14 Eutiani odjé logoo la wato kpàa la tutiani wosatisami woho inga woti té moto tweti atomoene Llikumu té.
\v 15 Huakani mene alikambo ate moto tweti atidjange logoo e Likumu té alikambo ate mondjili te mweti té mongnge mowo te la molingese ewondje lamoumese wato ngii la wonalali té.
\v 16 Moto opite atidje té te moto ongo okotemiaka sambo mosantu té nda Esau, ongo okawali wotomu wonde wo mana opeha alikambo la ema elakake.
\v 17 Alikambo wewini ate mbuse alidi ango obalakali inde okondji liwongoseli la omopamboi, wamotonali inde la ate teango alukakali inde la wilelo mene okukoli mamungwene ma sango atiengali kine té.
\p
\v 18 Ino wandongbitini ahue la mokoli mungo mokokiti ino opoti té mungo moalengi la misala linge lidjéi la lipata la molili la ehoho.
\v 19 La engo ekolelaka nda kelelo, enge ekokanaka nda etale ango okali wato mungo mongongo wako ngoli ate watiwakelesekine loi lodi té.
\v 20 Alikambo ate watikokake wotomu woho té inga nama esi etima muhumu mokoli ewongi webinge nama eho mabanga.
\v 21 Eneneli eho edjakali somo mene ndenge ndjongo Moize asali ate iko wangaka la iko gulumaka!
\v 22 Kasi ino wandongbini ahue la mokoli mo Sinai la moki mo Mwengéi omokalo ango Yerusaleme e likolo ase la wamiliade dja waahumbwa.
\v 23 La wogbotononi wasungu la wabolei wo wana wa poo wango wadingama nkombo ongo likolo ase la Mwengéi mosambesi owato kpàa ase la mokalo mo elimo mo wato wolamu wango waumi wato wango waengi.
\v 24 La Yesu mokanesi mowo ndi mani wosika ase la makila ma osuakani makoasaka wolamu oleki makila mango ma Abele.
\p
\v 25 Huakani otitoneni té moto ongo okwasaka alikambo ate inga watikalali té la ate watonali omoki moto ongo owaselali ate wahuake ahala la mbume isokto totokala té wokeke té inga tokuka maleke la moto ongo okwasaka olongoi ongo likolo.
\v 26 Inde nde mongongo monde moninganesali mbume makasi kasi sikahala ahekeli liwuna asiate etikali mbala kikima alidi enge etoninganesa mbai sambume té kasi la likolo.
\v 27 La wungo woasi ate etikamba la kikima alidi enesi ate olongosemi wo wiho winge wiko ninganaka makasi nda wiho winge wikelana la ate wiho winge wininganitiakate witikale.
\v 28 Nde ndjongo nda etongi eho okondji wokumu wesi wungo wokokii oningani té tokondje logoo sungu wungo la ndenge eho toengi omokeleli Mwengéi wotomu mosantu la ndenge endimani.
\v 29 La wowangi alikambo ate Mwengéi osu adjéi misa mingo mikolongosaka.
\c 13
\cl Esuki Esungu 13
\p
\v 1 Djani la lkibalano, nda ekobalanaka wana wa akali.
\v 2 Otiwosanakeni owaemeli walibia la ndenge eho nde wadi wawa emeleli waahumbwa teowaewi.
\v 3 Wamungwakani wango wahelami la woyogo nda ohe lamini la iwo ebete ekikima alikambo ino koto odjéini ndondo e wenge.
\p
\v 4 Liwala lidje la etemia ndondo la wato kpàa, la epe e liwala etidje la wonalali té alikambo ate Mwengéi akowasambesa wato wapité la wato wa ekobo.
\v 5 Wakali wonu wotidje la libalano la adjenge té, emeleni la wiho winge widjéi ino la wahosikahala. Alikambo ate asiate; itoode owe té wokebe té la itookila te wokeke té.
\p
\v 6 La ate todje la egalala mene ase toase ate Likumu adjéi mogamesi mo mbai; itowanga té Moto aengi okeli mbai nde?
\p
\v 7 Wa mungwakani wango wakokambakani ino, wango wako waselakani engbundu e Mwengéi la ango o kodendaka ino wolamu dja esombeli ewu tutiani esombeli ewu.
\v 8 Yesu Kilisito adjéi ndenge kikima nda kolokolo nda keke libela la libela.
\v 9 Otibalakeni té matio ndengela ndenge la mango ma wato wadjake, la ate wolamu motema molendisane la wouma wosungu kasi té la wiho wilakake té linge la waho wa ndjiti ema té.
\p
\v 10 Todjéi la etumbeli esi enge wango wakokelaka wotomu mosantu la hema wati la ndenge e wolaki wiho waho té.
\v 11 Wenge wa nama winge wikokpalaka nganga nzambe mosantu la makila maho, la ebete esantu a likambo la masumu, makotumbamaka kelekele e Moki.
\v 12 Nde ndjongo Yesu koto la ate awasantise wato la makila mande aeneli wodidi kelekele e moluhe.
\p
\v 13 Topumbe atie nde kelekele e moki tokpale nsoni enge ekpalali inde.
\v 14 La ate toti la moki temweti té ahala mungo mokoumwaka seko kasi tokolukaka nde la ehoha makasi moki mungo mgeleli.
\p
\v 15 La inde tohekele makao atie Mwengéi wiengele kpàa, easi nda ate pukapuka dja wiwulu wasu wingo wikosakolaka nkombo ende la wohola.
\p
\v 16 Ase otiwosanakeni okeli wolamu la owakaweli wato wadi wiho alikambo ate Mwengéi akoemeleke la makao ehenge ndenge.
\p
\v 17 Watemiakani wango wakopundesakani ino la watitimesi liwoso la wu la ate wakobaniaka milimo manu nda wato wango wakowongosa wasi la ate wakelake eho la mwemu kasi té la walelaleli té la ate ekodja paima la likambo la nu.
\p
\v 18 Akongokoni a likambo la su la ate tondimi memene ate todjéi la woewi wo memene la ate tobali odjéi memene la sambo.
\v 19 Ikolendikani ino menemene kelakani ndjongo la ate ikowongwelani alidi.
\p
\v 20 Ase Mwengéi o logoo ongo oumesali la wato wagwake mobate mosungu mo wapate la makila ma ondimani libela Likumu la su Yesu.
\v 21 Aohekeleni ema kpàa enge elamu la ate akele mwano monde akelndondo eesu, la ndnge e Yesu Kilisito sambo ndamu la maiso mande adje la wongengi libela la libela! Amen!
\p
\v 22 Iwongini wamanima nangani motema la loi wungo wo elendiseli la ate la memene itiodingeleni ekpata e samboj sungu té.
\p
\v 23 Ewakani ate mangbasu Timote apumbi gala woyogo inga adja obangu mene ikodja la inde mongindi odjaodengi ino.
\p
\v 24 Wahani mobale wango wakokambakani ino, ase la wasanto kpàa wango wadjéi la itali wa otomelini mobale.
\p
\v 25 Logoo e edje la ino kpàa! Amen.