bbm_reg/48-2CO.usfm

\id 2CO
\ide UTF-8
\h 2 Wakolito
\toc1 2 Wakolito
\toc2 2 Wakolito
\toc3 2co
\mt 2 Wakolito
\c 1
\cl Esuki Esungu 1
\p
\v 1 Polo ntoma e Yesu Kilisito la mwano mo Mwengéi, la mangbasu Timote, la lingomba la Mwengéi linge lindjéi ongo la Kolito, ase la wansato kpàa wango wandjéi la Akaya mobimba.
\v 2 Wouma wosungu la logoo e Mwengéi sangbasu, ase la Likumu Yesu Kilisito endjé laino.
\p
\v 3 Mwengéi la sango Likumu lasu Yesu Kilisito apambwame ngbii, la Mwengéi o wobondisami kpàa.
\v 4 Ongo okotobondisaka iso la kati e wodidi wosu kpàa, alikambo iso ase towabondise wango wandjéi la kati e wodidi, la obondesami wungo wobondisami iso atie Mwengéi.
\v 5 Alikambo ndenge e wodidi a likambo la Kilisito wotumi atie su nde ndi la ndenge eho, wobondisami wungo wokondjaka iso wotumi la ndenge e Kilisito.
\v 6 Kaiko nde endja tate tondjéi la ndondo e wodidi, endjéi la obondisami wonu, la mokalo monu, enda té obondisami, endji la obondisami wonu enge ekokela la likambo ate ino ondjéini la egalala, la wodidi ndenge kikima iso nda ekweneke iso, ndindjongo okobondesamani la iso mongindi.
\v 7 Ase ma, ungwene masu atie nu maninganitiaka té wokeke, alikambo ate nda ekweneke ino wodidi la iso mongindi ndjongo okobondisamani la iso mongindi.
\p
\v 8 Alikambo ate wamangbasu to bali ate woeweni likambo la wodidi wungo wotoumelali iso la mokimo andjia. la ate tondjakali la ndondo e wodidi wosungu wungo wolekali wokulu wosu, ndjongo tondjaki owangi té oleki mokalo mosu.
\v 9 Ase tweni ate wohelami wosu, tondjéi la logo ahue, endjaki ndjongo ate iso totibate motema atie Mwengéi ongo okowasusolaka wato wagwake.
\v 10 Ongo otokalesi iso akotokalesa koto la luhungo logo, la mamungwene masu mandjéi ate akotokalesa alidi.
\v 11 Ino koto okokini otogamese iso la ndenge oyakongi wonu a likambo lasu. alikambo ate wato wasate keke dinge alikambo la su la enge ema etohekeli iwo la wouma la awilongi wa wato ebele wango wakoakongoko.
\p
\v 12 Enge enesi wouma wosu ehoenesi demu esu la mamungwene masu, ndjongo ate toyasombesali la mokili, la ngbii mpendja atie nu, la wasatu la womemene, wungo wolengoi atie Mwengéi té lokenge wo moto omoini té kasi wouma wosungu wo Mwengéi.
\v 13 Eoodingelitini ino sambo ndjadi té, sa ndjinge yewi ino wolamu la ndjinge ikondimaka ino, la ndjinge yeni mbai ate okondimani tée la gboo.
\v 14 Nda woewi ino ate iso to ndjéi woyakumesi wonu, ndi ndjongo ekondja eho wuse wo Likumu la su Yesu.
\p
\v 15 La ndjongo nda ebati mbai motema atie nu, yanali liwoso ondji atie nu alikambo ate okondjeni ekikimi ewale e ondjéi la mwemu.
\v 16 Ibalaki ate yete liwoso atie nu, liwoso ate eleke la Masedonia, ase ango ekolongwa mbai la Masedonia, ase okatikani mbai a mboka la woki wombai la Yudea.
\v 17 La ndjongo itianali okeli sambo la wogone té? te sambo ndjinge ikoamaka mbai, ikoanaka la ndenge e moini, alikambo ate ee endje ndi Ee, Eee endje ndi Eee, endje atie mbai?
\v 18 Endjéi memene ate Mwengéi moto omobateli motema la sambo ndjinge iwaselalini iso indjéi Ee ta Tée.
\v 19 Inga Mana o Mwengéi Yesu kilisito, asakolamali atie nu la ndenge esu ewongi wasiate la atie e mbai, la silibano, la Timote adingali Ee kaikonde Ee kasi Ee eumia Ee la sambo ndjinge imodengi inde.
\v 20 La ndjinge idengi mawuna ma Mwengéi kpàa, mandjéi Ee la ndenge eende la likambo la su.
\v 21 Moto ongo otowanesi iso la ino ate tondjéi wato wa Kilisito, la moto ongo oto kpuli iso maita endjéi Mwengéi.
\v 22 Abatia koto elembo ende likolo la su, ase atohekelia iso liwuna ema enge egeleli, easiate Elimo la mitema masu.
\p
\v 23 Likahala imobati Mwengéi andjé demu, la likambo la molimo mombai mene, ate endjéi la oobaneini ino, nde indjaki ongo la Kolito.
\v 24 Eti nda ate tolekini ino la wo ndimi kasi tondjéi wino wanu, là Mmwemu monu, la wondimi wonu nde eamali iso ahala.
\c 2
\cl Esuki esungu 2
\p
\v 1 Imungoi mbai mene ate ikawongwa kine atie nu alidi la magba.
\v 2 Alikambo ate inga iwokesani ino magba ndai kine odi okopekele mbai mwemu, ingate moto ongo omokesi mbai magba?
\v 3 Idengali ndi ndjongo nde ekelali mbai alikambo ate iti wosane, alikambo ate ango okondja mbai, itindjèe la magba té, alikambo ate la likambo la ango wakelaki mbai ate yemele la iwo, alikambo ate yobatelini ino kpàa motema; la ate mwemu mungo mondjéi mbai la moho, mondjéi monu wèsi kpàa.
\v 4 Alikambo la wodidi wosu ungu la limemu la motema nde eodingelalini mbai, la wilelo ngbii, etindjake la owokesi ino magba, kasi alikambo ate woewini libalano linge likobalaka ni mbai ino.
\p
\v 5 Inga moto mwsi aokes magba, eti mbai ongo oksi magba, kasi ino kpàa la wakosi wèsi ndjo, yasi ndjongo alikambo ate sambo ndja mbai itindjèe wobé woetelelake.
\v 6 Okolieseli wungo womokolieseli wato ngbii, enge ndjongo la moto oho.
\v 7 Ndi ndjongo, sikahala, osenglini omokeli magba, la wouma, la omobembelesi taté endjéi la nda ndenge, moto oho alinde la magba mande mango maleki ebele.
\p
\v 8 Ndi ndjongo, ikolendesakani ate woeneseni alidi libalano linge likomobalaka ino.
\v 9 La ndjongo nde ikodinge lakani ino, alikambo la woewi memene wolamu la sambo ndjinge yodengi ino, inga okotemakani sambo kpàa.
\v 10 Loi kpàa lokomokela owe moto magba, la wouma mbai koto ikomokla magba la woho. eate la mbai loi kpàa lokeli mbai magba la wouma, inga imokela moto magba la loi loesi ndjongo la wouma, ikeli ndjongo la likambo la Kilisito.
\v 11 Alikambo ate Satana ati tolonge iso té, alikambo até toewi wolamu lokenge wondé.
\p
\v 12 Kaiko nde ango eumali mbai la Troasi, alikambo la osakoli mboli ndamu, la ndenge e Kilisito, ase moduhe moesi moduhuanali liwoso la mbai, la wotomu wo Likumu.
\v 13 Itihomali té la elimo e mbai la ndenge etimogbotoli mbai, kasi manima Tito iwahali mobale, ase ikia la Masedonia.
\v 14 Mwengéi andjé la etemia, inde moto ondjéi otosombesi iso engele esi kpàa, la mokalakala mo wolongi ebete eikima la Kilisito, ase andjéi wokesi lumba lo woewi wonde wiati kpàa la ndenge eesu.
\v 15 Alikambo ate atie Mwengéi to ndjéi la lumba wolamu wo Kilisito, la ndondo e wango wakokalesamaka, la ndondo e wango wakogwaka.
\v 16 La wadi, lumba wo logo, owakelelia logo wadi lumba wo mokalo, wowakelia mokalo. Ase ndai o wongi la ndjinge sambo?
\v 17 Eti iso té, wango wakotambaka loi lo Mwengéi, nda ekokelaka wadi wato, kasi iso tokwasaka la memene, nda wato watomami la Mwengéi, la maiso ma Mwengéi, la Kilisito mongindi.
\c 3
\cl Esuki Esungu 3
\p
\v 1 Topoti nde alidi oyaseli iso mene? mbala edi tondjéi la ehoha e wikpata, nda wato wadi alikambo lasu atie nu, té enge endji ongo ndjéino?
\v 2 Ino nde ekpata esu, enge edingami la mamungwene masu ase enge ewani ase enge ekotangamaka la wato kpàa.
\v 3 Enesi polele ate ino ondjéini ekpata e Kilisito enge edingami laiso nda wato watomu, edingamiti la malia ma ekpata, kasi Elimo e Mwengéi o mokalo, te la likolo la mabanga, kasi likolo la witando wa moini likolo la mitema.
\p
\v 4 Endjéi la likambo la Kilisito nde likomobatelaka iso Mwengéi motema ndenge eho.
\v 5 Easiti ate iso tondjéi la makasi te mamungwene masu mene, te wewi ema la ema la ndenge esu mene kasi owongi wosu wolongi atie Mwengéi.
\v 6 Atowongeli iso mpendja, alikambo la ondjei wato wande wa wotomu wa wondimani woholi e pui ndjinge idengamiti, kai e elimo: Alikambo ate pui ndjinge idengami, ikohaka wodidi wologo kasi elimo ekohaka mokalo.
\p
\v 7 Inga pui ndjinge idengami ekohaka logo, la ndjinge itenali iwo madingo la mabanga indali la wongengi, ndjongo wana wa Isalaele wati kokali té odengi elongi e Moiwe; alikambo ate wo ngengi wo mbandacende wongengi wungo wondjali wolongwake.
\v 8 Alikambo la ndenge e wotomu wo ohii Elimo wondje la wongengi oleki?
\v 9 Inga pui ndjinge indjakali la wongengin wotomu wo owaumei wato la wolamu wungo woleki, endjéi la wongengi wosungu oleki!
\v 10 Ema enge eumesali iwo la engele egala ema ewongengi, elongosemi wongengi la loi loho, alikambo la wongengi wungo woleki eho.
\v 11 Alikambo ate inga ema enge endjaki ate walongose, walingesali eho la wongengi, ema enge endjéi eumwake, ewongi endjé la wongengi ngbii oleki!
\p
\v 12 Nda ondjéi iso la odengeli ndenge eho, tokwasaka la wohola la memene.
\v 13 Eokeliti té nda engele ebali Moize litambala la mbanda ende, alikambo ate wana wa Isalaele watidenge la woangatani, gboo ema enge iwongokoli la olongosi.
\v 14 Kai mamungwene mawu masilali. Alikambo ate tée wuse wokeke, litambala linge lidukwanaki yo té engele ekotangaka iwo wondimani wo gala, alikambo ate elongosemi nde la ndenge e Kilisito.
\v 15 Tée la wuse wokeke, engele kpàa ekomotoloko iwo Moize litambala lindjéi la mitema mawu.
\v 16 Kasi inga moto akukolia atie Likumu, litambala likolongwaka.
\v 17 Kaikonde Likumu andée Elimo, la ebete endjéi Elimo e Likumu, wosomi wondjéi mine.
\v 18 Ase iso kpàa, la mbanda ndjingeiduhuani, nda talatala, tondjéiaka odendesi wongengi wo Likumu tondjéiaka wakukoli la likambo la ndenge ende la elilingi enge eho likima olongoi la wongengi, ndenge eho Likumu ongo ondjéi Elimo akokelaka.
\c 4
\cl Esuki esungu 4
\p
\v 1 Iso totakoke owungesi elikia, esu té la otomo, motohekeli Engali la libalano wonde edjei iso.
\v 2 Tolumbaka sambo sambo dja soni djinge yo kelamaka la kuku, tobaliti aleeti esombeli ebé, laate totabebése maloba ma Mwengei. Toongi lawa pele kpaa la motema mobimba wadje, te osakoli liloba la Engali la osembo mobimba.
\v 3 Inga liloba la Engali lilihami, la tina e wato wakpake.
\v 4 La wato wango wadjangi lisosoli laate wadjangi odimi laele tango edjei iso, wabaliti ololeyi mwinda mo liloba la Mwengei la lokumu la kilisito ongo odjei elilingi wo Engali.
\v 5 Iso totiyateyeka iso amene, tomoteyaka nde Yesu kilisito, iso todjei wasali wonde.
\v 6 Mwengei wasali ate: moi mokowangengele wato wango wadjei la molili! iso toolelese misa la mitema masu laate oyebi wosu la lokumu la Engali la tina e kilisito.
\p
\v 7 Tokpali o mengo la wenge wasu wiwi wa sesé, laate nguya e Mwengei ewane la moto kpaa ongo odjei sésé usé, kasi dheeke laiso.
\v 8 Iso tobalaka sambo kpaa ikelamake obangu obangu, laate tiyibalaka wumi gboo, ndondo e magba laate odjangi elikia.
\v 9 Otoluki ate watonyokolé kasi eti ate watondei, okeli otomo makasi eti koto ate iso towungi.
\v 10 tango kpa iso tokpali wenge walogo o Yesu kilisito, laate bomoi e Yesu eenene la okali wosu ala a moki.
\v 11 Late iso wango wakokalaka, toti longo samé la logo la tina e Yesu, late ekaleli e Yesu we enene ndondo ewenge wasu igbaké.
\v 12 Logo esukami la iso alidji mokalo mpe mosukami la iso.
\p
\v 13 nda odjei iso la molimo mokikima mondimake, ndenge ekomami eho la medhingo ma Mwengei: Mbai indimi, tina eho alidji enge eko asaa mbai, iso kpa tondimi, ewo nde ekowasaka isokpa.
\v 14 La oyewakate ongo omosekwisali Yesu kilisito, akotosekwisa iso pe. Iso kpa tokoenene la maiso ma Engali.
\v 15 Late dinge sambo ekohuma la tina enu, laate lokumu la Mwengei eke liwoso la ngolu Mwengei, laate otomo milamu la tina e ndambo e wato ngbii.
\p
\v 16 Totiungese elikia esu té, Mwengei winge ikoeneneke ikwa to kpii wenge winge wa ndondo ikoola masio la masio.
\v 17 Te minioko mikeke mikeke, mikotoumelaka masio kpaa, likolo la sambo kpaa.
\v 18 Odengi la kembo eseko, iso mpedja to dengiti sambo ikoeneneke la maiso la dinge itieneneke, laate iho yeneneke ikoete, late dinge itieneneke ikodja seko la seko.
\c 5
\cl Esuki esungu 5
\p
\v 1 Iso toewiti wi wenge widjeiso la wawo ala sesé inga ikpaa, ongo likolo todjei la wenge itongeleli Mwengei, loyabati seko la seko winge wingelamiti la mawo ma mato.
\v 2 Inga tokokaaka minioko la wi wenge, laate todjei wenge winge wa likolo.
\v 3 Iso toyewi ate tokpali esindje, late toti ligbegbele.
\p
\v 4 Tango edjei iso ndondo e wi wenge winiokamake iso, la makanesi ngbii lahowengo obali iso, olongosi late tokpale wnge winge igbake la winge wamokalo wa libela wilongwe wenge wa sekoseko eneli wiwi igbake.
\v 5 Ongo otokelali iso edjei Mwengei, djinnge otohekeli winge wenge wa elimo.
\p
\v 6 Todjei tango kpaa la sekele edjei nde toewi ate inga toyabate ndji la wi wenge ndjo, todjei lihele la Engali.
\v 7 Iso tosombaka la ngdnge e odimi ate eti la lolenge wungo okweneneke iso,
\v 8 Todjei la mwemu late tobali ate tolongweowi wenge late todjei penepene o Mwengei.
\v 9 Oho wungo okoyahekeleke iso makasi late todjei olamu, todjei wenge djo, tolongwe la wenge wawo.
\v 10 Ewongi iso todjake tango kpaa la esambeselo e kilisito, late moto la moto adjue olamu te obé wungo wokelaka inde la wi wenge idjei iso la iwo.
\p
\v 11 La omowongi Engali, toluke o walongwe pele; Mwengei atiyjewi ate la mitema manu wewini ndjongo.
\v 12 Iso totoni ate otokumeseni iso pembeni eino; tohenelini mboka oyakumeseni la lokumu laiso, late okoke oyanolini lototi lokumu winge wa wenge ate lokumu la mitema milamu.
\v 13 Late inga idjei libanda poso edjei la lokumu e Mwengei inga idjei la poso ndambu edjei laino.
\v 14 Olingo o Mwengei ototomaka iso ate tokanese ate, inga moto mokikima agbali ate wato kpaa, edjei ndate iso kpaa todjei wato wagbake.
\v 15 Inga inde agbali la tina e wato kpaa wango wokalaka, waekale laiho amene, late ongo ogbali ate awasekwise wato kpaa wa mokili.
\p
\v 16 Sikasika, toewiti moto te mokikima la wenge, longo iso inga tomwewi kilisito ndondo e wenge, longo sikasika ndjo totimwewa kine lenge denge aleeti.
\v 17 Inga moto o mwewa kilisito, awumaga nda ekelamu eholi, sambo djande dja gala ekoeta, ndenga sambo djande kpaa okohuma sambo poli,
\v 18 Ndinge sambo ndjongo kpaa edjei Engali, inde moto otoyokanisi iso la kilisito. inde otohekeli otomo late tookane la Mwengei.
\v 19 Mwengei ndondo e kilisito akelia oyokani la mokili ende amene odjangi odengi obé o wato, olongia maloba maokanake laiso.
\v 20 Iso tokelaka nda otomo mokpomelake wato edjei kilisito, inga mangumba toteyakali iso, iso to bondelakani ino la kombo e kilisito, late towongwese oyokani olamu edjei Mwengei.
\v 21 Inde moto otiewali lisumu ahumia moto olisumu la obé wosu late iso toume wato wa sembo edjei Mwengei.
\c 6
\cl Esuki esungu 6
\p
\v 1 Nda okelaka iso otomu mo Engali tokowaselaka iate wedjuakeni ngulu e Mwengei nda pamba.
\v 2 Late asiate: la tango mbai ndamu mbai ikokaka laate idjanolaka osenga wonu, yo djaka pembeni enu masio kpaa, sikandjo tango ndamu sambesaka, ndenga sikandjo masio molamu masambelake.
\p
\v 3 Tohekelitini likambo linge limohekeleke moto nda limemu la tina e otomo e Mwengei,
\v 4 Totomini iso kpaa todjei wasali wa Mwengei, la okondi mitm: a laate eminioko, la odjangi mpe ndondo e magba.
\v 5 Ndondo e ekoni, waboloko, ndondo e odjangi ookani, ndondo e otomo okengeli, mpe la okili ilaka late Engali adjei penepene esu.
\v 6 Landenge e motema molamu, la lisosoli limwewake Engali, la motema malamu molai, la mwemu, o molimo mosantu mpe la motema momowangake Engali.
\v 7 La sembo eliloba la Mwengei, mpe la okulu e Mwengei, la ibuneli wayatekesake mpe otoni ate sembo e Engali eti bebé;
\v 8 Ndondo e kembo e lokundondo e obé la mboli ndambu weneni mokosi ndondo e sembo
\v 9 Nda wato wango wayewiti nda wawaewi olamu nda wato waggake, denda tokalaka nda wato wawahiho etumbu tango itoliti iwo.
\v 10 Todjei nda wato wa magba, todjei tango kpaa wato wa mwemu, iso nda wabala, late towangu, mesaka wato ngbii, iso weneni nda wato wati la ema, la sambo iso todjei la ino kpaa.
\p
\v 11 Minoko masu midukwani la tina enu owango, mpe mitema masu mihumia milai la tina enu.
\v 12 Otini la oyokani olamu ndondo enu ndondo e solo djanu itungakoli.
\v 13 Tokelelani iso django, ikowaselakani nda wawa wa mbai; umesani mitema manu milai nda maiso.
\p
\v 14 Otiyabatakeni la wato wango wabaliti odimi nda wapaya, nda oyakani odjei ndondo e sembo mpe la lokuta? mpe edjei la oyokani ndondo enu mpe la likolo?
\v 15 Wato wasisa wakoyokana la kililsito nda ndenge? modimi akoki wokani la modjangi odimi?
\v 16 Engali akoki ookoni la wato wango wasambelaka ikeko? late iso todjei molako e Engali ongo osei la bomoyi, nda ndenge asi Engali mbai Mwengei ikoyabata laino mpe ikosomba ebete ekikima laino mbai ikodja Engali wowu, iwo wakodja wato wa mbai.
\p
\v 17 Mbai yasi ndjo: longwani ndondo ehu, mpe kabwanani la iwo mbai Mwengei wasi ndjongo: landakeni ino ibe, mbai ikoyambani mawo polele,
\v 18 Mbai ikodja sagbanu, ino okodjani wana wa mbai wawali la pele mbai Mwengei wasi mogwi mo nguya kpaa dja likolo la mbume.
\c 7
\cl Esuki esungu 7
\p
\v 1 Wamanima, tolongose sambo mbembé djinge djawenge la milimo oya kpoli olamu lomowangi Engali.
\p
\v 2 Tohekeleni iso ibete la mitema manu, toekelali obe etie moto te mokikima te, omookesi ikoni laate oluki lokosi moto te mokikima.
\v 3 Etiete lohokpesi ugo, okwasaka mbai, kasi yasakinda odjeini la mitema masu nda wato wadjei la bomoi late logo ndondo enu.
\v 4 Mbai yobalini ngbii, idjei la lolenge kpa loyakumesake ndondo eenu; itumi la mwemu ndondo enu la mboka emininoka ndenge la ndenge ekoetaka iso leho.
\p
\v 5 Tee tango wumali iso la Masedoine, wenge wasu lidjwiti ohomi, todjali la mwemu la sambo kpaakido onosaa, owangi ndondo e motema.
\v 6 Ndondo e Mwengei ongo wewi osungi wato wango walembi, otosungali mingi aleeti la humi wo Tito,
\v 7 Engali sa lahohumi wonde, la ikoni enge ewokakali inde la motema la tina enu, atosumbelali, mboli enu la posa ndamu, la oleli wonu la tina e mbai, la tina ate mwenu mo mbai mobakesami ngbii.
\p
\v 8 Inga mikanda miokomelalini mbai mihoyokesalini magba, mbai etiyambola la tina eho. Inga mbai iyambola, saa la weni ate minge mikanda miokomelalini mbai, miwo kesalini ikoni la tango kekee.
\v 9 Mbai idjei la mwemu, iti ate la owookikine magba, kasi laate magba manu mootomeni laoyamboli sambo mbembé djinge yokelaka ino, ino okalini magba okokani la sambo djinge iwaselalini Mwengei late kpoo ino wengweni sambo libe telikikima.
\v 10 Ndondo, oyamboli edjei nda osesi sambo mbembe kpaa djinge itiyambola owe aleti, laate magba la sambo dja mokili ekohekeleke logo.
\v 11 Dendako, inga woka magba la tina e Mwengei, denga ndenge ekotoma ehola mwemu, late okele sambo ndamu ndamu! nda ndende esambesami owe, ndenge isombakali owe obe, nda ndenge owangi, nda ndenge eposa ndamu, nda ndenge esengo, nda ndenge etumbu! oyahenisi polele ate odjakali ndondo edjinge sambo.
\v 12 Inga mbai yokomelalini, mandingo edjali la tina ongo moto otangali iliko, ate ongo adjwali ndate sambo ekelali yeneneli liwoso la Mwengei.
\v 13 Iso inga tobondisamakali, okokana la esengo esungu edjei Tito, todjwali mitema logoo la tina enu gbaa
\v 14 Bonga liwoso lande, inga mbai iyakumisali edjei la tina enu edjali la mobulungano té mokikima, nda ndenge ekowaselakani iso tango kpaa sa sambo dja sembo pembeni e Tito, weneni nda sambo dja osembo.
\v 15 Iwondimesi mbala mingi bolingo wonu edjei iso, la okanesi otosi wonu gba, wungo atoyambalini iso la owangi, elngi la mwemu mo Mwengei.
\v 16 Idjei la mwemu la bokonzi la sambo kpaa djinge ipekelini
\c 8
\cl Esuki esungu 8
\p
\v 1 Wamanima, tobali weeweni nda ndenge magbo ma Engali maeneni ndondo e lingomba la magedoniya.
\v 2 Wandimi wa lingomba wa djuali omekami ngbii la ekomi ewaembaali. kaasi mwemu mou mobekaali, te nda etundaali iwo, kaasi wahaali la libalano ngbii.
\v 3 Iweewesini, wahalini la loho kpaa sambo kpaa ndinge ikokaki iwo ohii.
\v 4 Watoongoli la oyati la otomi lisungi la tina e wato wa Mwengei wango wadjei la yudeya.
\v 5 Wakelaali loi ungo weeti elikya esu, liwoso liwoso wayahaali la likumu Mwengei, mpe mbuse eeho, wayahooli la iso la tina e mokano mo Mwengei.
\v 6 La ungo omoongoli iso Tito la okii autie ino obili mosala nda ebandaali inde, la okawasungi oseseli mosala mo libalano.
\v 7 Odjeini la ogumake la sambo kpaa: ogemei, likabo la luundo, weewisambo, loho e moto ungo okokiti la ohumi, mpe libalano linge lidjei ino a laho aatie iso. a loyi wuuwu tobali ate oyadeseni nda wato wa ogumake, ndondo e mosala muumu molibalano.
\p
\v 8 Yoohutini mopele: kaasi ikomekekeni inga odjeini la libalano meemene ohumi uho la ndenge eweeti wato.
\v 9 La weewi ngolu e likumu lasu Yesu kilisito. inde moto e ogumake, ayaumisaali osikana, la ate oumeni wato wa ogumake la loyi oosikana onde.
\v 10 Ndjongo ikohaakani mangungo ma mbai ndondo e wuu loyi: edjei olamu otutei sambo dinge ekelaali ino la mbula enge eeti, odjaalini wato wa liwoso, etidjaali te saala okeli, kaasi la ogemei okeli.
\v 11 Ndjongo, bilani mosala mpe osiseleni mosala muho, batani loho djanu la oseseli eho, nda ebati ino loho likelake nda eonani eho la ino.
\v 12 A loyi ate inga moto aha likabo la loho ndamu, Engali akogemya likabo laho, odendi ndi ogumake ungo odjei inde a laho, atidenda ungo odjangi inde.
\v 13 Etii loyi eogumiake osikana onu la owasalesi weeti wato, kaasi ewongi ate sambo djanu edje ebetekikima.
\v 14 Sikandjo, odjeini la ogumake ngbii, mpe la ungo okoki ino owasungi wato wango wadjei masikanay a likambo ate eeti mwengele okodjaani sikana mpe iwo la ogumake ngbii wakosungani, ndjongo sambo djanu ekouma e betekikima.
\v 15 Ndi nda madingo ma Engali makwaasaka: moto ongo onduki ngbii wa titikale la ndambo eeho te, mpe moto ongo onduki maakeke atidjange ema!
\p
\v 16 Melesi la Engali ongo omohaali Tito loho la moto la likita lanu nda edjei iso a loho!
\v 17 Inde agemei loyi yoongi iso aatie inde, eeti kpaa inde adjaaki la loho misa, inde pendja aonooli odii aatie ino.
\v 18 Totomi ebeteikima la inde maangbasu ongo milako kpaa ma mwengei wakomohaka otwa a likambo la mosala monde mosakolake mboli molami.
\v 19 Aleeti, mangomba ma mooni la osombeli ebete eikima la iso ndondo e mobembo linge likokelaaka iso la libalano la otwa o mwengei, mpe la odendesi poosa enge edjei iso alaho la osungi wato.
\p
\v 20 Tokobanyaka wuu loyi laoteteli late tobaliti wato watosunge la tina e waadjenge wibekake dinge ibatiwo la mawo masu.
\v 21 Tokolukanaka okeli loyi ungo owongi, okeli olamu uho ndi la maiso ma likumu tee, kaasi okeli uho tee la maiso ma weti wato.
\v 22 Tomotomi mangbasu mongindi la iwo tomomekikaa masio ngbii, ose tomweneli la hoho misa masio kpaa. kaasi sikadjo inde adjei aleeti la loho misa weeti la ondimi ungo odjei inde a laho la loyi onu.
\v 23 mpo la loyi o Tito, inde adjei moto ongo okoki osombi la mbai; mpe akokelaaka mosala ebete eikima la mbai, la tina eenu. mpo la wato weeti osombi mongindi la inde, iwo wadjei wato mangombaa mawatomi, mpe wadjei wato wango wakokelaaka la kembo e kilisito.
\v 24 Wadendesani libalano linge lidjei ino alaho la tina eeu, late mangomba ma mwengei waewe ate meemene tokoyahaka otwa la tino eenu etii pamba te.
\c 9
\cl Esuki esungu 9
\p
\v 1 Meelene, etii losungu late mbai yodingeleni Engbata la tina la lisungi linge litomi iwo la wato wa Mwengei wango wadjei la yudeya.
\v 2 Ndjongo yeewi loho molamu monu, ose yaahi otwa la tina eenu liwoso la wato wa magedoniya waasi: tee la mbula enge eeti wamangbasu wa moki e akaya wadjei olamu la osungi. loho misa eenu ewa loleika wato ngbii ndondo eiwo.
\v 3 Kaasi yotomelini wango woto a loyi ate otwa ungo oyahii iso latina e ino late wu loyi etiume pamba ibali ate okeleni nda easi mbai.
\v 4 Kaasi inga wato wa magedoniya wadjaali mongindi la mbai, mpe inga watii ogbotooli ndi otilengeleni, ndandenge ekoki iso odjei la ndundu totiasaka la tina e ndundu djanu, ndjongo toyidjaa la ndundu a loyi ate tokoogemiakani!
\v 5 La maiso ma mbai, edjaali olamu woongi wamaangbasu wango wakodja aatie ino liwoso la mbai, la waandesi likabo la libalano linge liunaali ino. ndjongo ekodjaa olamu ango ekouma mbai, mpe linge likoinia ate okohakani la loho ndamu, te litindikake.
\p
\v 6 Mungolani wuu luundo ndjo: ongo okoona mokeke akokondja makeke, moto ongo ooni mosungu inde akokondja ngbii.
\v 7 Ewongi moto la moto ehekele nda emungoladi inde, te la loho ndundu te mpe la mobeko, a loyi ate Engali abali moto ongo okohaka la mwemu.
\v 8 Ndjongo Engali adjei la okulu likoki inde oohini ogumake la ndenge kpaa, late odgeeni masio kpaa la wiho kpaa winge ikwenga la ino, mpe ndeeti ikotikala la tina emisala milamu.
\v 9 Nda ekwasaka madingo ma Mwengei: inde akohaka makondja aatie wato wa osikana la loho mo libalano. olamu onde ekoumwaka seko!
\p
\v 10 Engali ongo okohaka pukapuka la wango wakoonaka mpe akohaka okoke la olaki, akoohani pukapuka kpaa enge edjei ino la posa eeho, mpe akoohani pukapuka eeho la obekesi mpe la loho elibalano la ate ewote pukapuka ngbii.
\v 11 Inde awuumeseni wato wa ogumake, linge liengi la osenga onu late odeteseni loho djanu la okawi la libalano lanu nda ekohaka wato ngbii wakohaka Engali melesi la likabo linge likoha ino la mawo masu.
\p
\v 12 late otomu ungo okokelaaka ino etisaa la likita la wato wa Mwengei te, kaasi edjei aleeti owoti oyatati ngbii la melesi aatie Mwengei.
\v 13 Wuu otomu ekweneseeke nda edjei ino, ndjongo wato ngbii wakomohaka Engali kembo, la otosi ungo ekoiniaka ogemei wanu la loyi lomboli molamu la kilisito, wakomohaka kembo ungo weengi la inde la ndenge e libalano linge lidjei yaino la okawi makondja manu ebete eikima la iwo mpe la weeti wato.
\v 14 Wakoyatata a loyi wonu, late waobalini ngbii la tina e magba masungu Engali aswaali la tina eenu.
\v 15 Melesi la Engali la tina elikawo lande lisungu weeti!
\c 10
\cl Esuki esungu 10
\p
\v 1 Mbai Paulo, ikoowelakani mbai ongo odjei moto dee ango edjei mbai ebete eikima la ino, kaasi idjei la otetelake inga idjaa lihele. ikowoongokoni ndondo e boboto mpe olamu o kilisito:
\v 2 Otitindikeni mbai ikodjaa la okulu inga yumaka yaino, late idemei meemene ate ikomeke otetelake owato wango wakwaselaka ate tokokelaaka nda ekokelaka wate.
\v 3 Meemene todjei la wenge dja wato, kasi totisanaaka nda ekosanaka wato.
\v 4 Wasanali wa kindo djinge ikokelelaka iso eti ndinge dja moki te, edjei esaneli litetelake la Mwengei, wisaneli djao ekohaka okulu oseselaki ibete dja oteteli e wa soda wango wakobanyaka moki mosungu, tokoseselaka mamungo ma moleho.
\v 5 Tokolumbaaka sambo dja lolendo linge likomungolaaka wato la osoni la mayele ma Mwengei, tokohelaaka mamungo kpaa la boloko la otiesakoli ate wamohe kilisito otwa.
\v 6 Mpe todjei mwengele kpaa la ohii etumbu la wato wa ogeno okodendesa ino otosi milamu kpaaa.
\p
\v 7 Okodendakani ema kpaa nda ekweneneke eho olamu! inga moto mwesi adendasa ate inde ogemei odjei moto o kilisito, ekpki ate inde amungole wuu loyi: iso todjei wato wa kilisito.
\v 8 Late itila ndundu te, tee mbai yaahali otwa ma mokeke la tina e okumu ungo opaali likumu mbai, etii loyi ungo okoki mbai owooli.
\v 9 Ibaliti odjei la posa e olukani owangesi la madingo ma mbai.
\v 10 Ndjongo denga wuu lundo lokwesemaka: madingo ma Paulo mateteli, kaasi inde adjei ndondo eiso inde adjei pete mpe luundo wonde edjei pamba.
\v 11 Ewongi moto ongo okoki waasi ndjoo ayewe ate: okeseni otii ndondo e sambo dinge edingi iso la mwengele enge etidjaali iso, mpe la sambo ikokela iso ango ekouma iso laino.
\p
\v 12 Meemene, totikokake weengesi tee ohumi sambo djasu dja wato weetbi wango wadjei la lomungo ngbi la oyahekeli otwa, wadjei wikete, iwo pendja wakokelaaka ndou la owahumi meemene.
\v 13 Aatie iso totiyaha otwa te la tina e loyi ungo weeti molelo ungo ohumaali Mwengei totikele eho la weetesi molelo mo lotomu etohumali Engali la otohii mboka eodii laino.
\v 14 Totietesa molelo mosu, nda epokaali uho okelami inga totiwumali yaino.
\p
\v 15 Tokpandisi molelo mwengemesi iwo, totiyahaka otwa la tina e otomu ungo okelaali weeti wato, kaasi todjei la elikya ate ogemei wonu okobeka, mpe tokokaki okeli lotomu lisungu yaino, otimesi masio ma molelo epimaali Mwengei.
\v 16 La mbuse eho, tokokee la mboli molamu la ibete winge ndja lihele weeti ango yaino, otiyaheni otwa te la otomu wikelaaki wato la ebete e misala mau amene.
\v 17 Kaasi nda easi engbata e Mwengei: enge moto ongo okoyahaka otwa ayahe ehola likabo linge likelaali likumu.
\p
\v 18 Ndjongo, moto ongo omogemei iwo aengi, atii moto ongo oyahake otwa te, kaasi adjei moto ongo likumu akwasaka luundo lilamu la tina eende.
\c 11
\cl Esuki esungu 11
\p
\v 1 Djaani wabile wa mbai, nda ndenge mbai amene idjéi la Yesu.
\v 2 Kaiko nde ikokumesakani laate okokanisakani mbai alidji okobanyakani mibeko nda ndenge iyohalini.
\v 3 Kaasi idjei la owangi inga mayele manu maholi mpe okodeeni o dimi wone eyahele la kilisito, nda Eva adeeli ondimi la otutei moleho la mayele ma ndoo.
\v 4 A loyi ate okookani olamu luundo o moto wonu mosakolake Yesu, inga wookani weti molimo okesni la ungo wookali ino, te inga wookani mateya nda linge yookali ino, mookani la elikia molamu.
\v 5 Yaasi la ino meemene, watoma wanu wadjei wato wasungu te ondjete mbai!
\v 6 Te nda ndenge ebakiti mbai la mayele la waasi kota, kaasi meemen idjei moto moewake sambo iso todidendesi yaino ngbaii la wa mwengele kpaa mpe la ibete kpaa.
\p
\v 7 Ango ewaaselini mbai mboli e Mwengei, ikelaali pamba odjangi liputi, yaadilikisaali seese la wogumei ino wato wasungu, ikelaali ndjongo obee?
\v 8 Igemiali ototi liputi la djeeti mangomba, wapuesaali ogumake wau la osungi ino.
\v 9 mpe ango edjaali mbai yaino, idjangaali waadjeng, itibataali olindake ombake ambai aatie moto temokikima, te pamba wa magbasu wango wa longwali la magedoniya, wa djaali la wiho kpaa dinge yeengali la mbai. yaabaniali la olindake o mbai likolo lanu la loyi te leete te mpe idjaali oyabanei a loyi uho.
\v 10 La sambo meemene dja kilisito dinge idjei la loho e mbai, ikwaselaka ate loyi ungo okoyaha mbai otwa etilongoso yambai ndondo e moki mo akaya kpaa.
\v 11 Lande easi mbai ndjo? edjei ate yobalitini? Mwengei aewi yobalini.
\p
\v 12 Itidee okeli nda ekolaaka mbai sikandjo, la olongosi sambo kpaa hengake aatie wato wango wabali oyagumei nda ate wakokelaaka nda iso.
\v 13 Wato wao wadjei wato wa moleho, wakohengaaka la tina emosala mou, mpe wakohengaaka ate wadjei watoma wa kilisito.
\v 14 Eheele edjei loyi oyohuelake te okeke o loyi ate etota ekayakukolaka nda ahumbwa e liwusawuse.
\v 15 Ndjongo edjei loyi oyahuelake te inga tuke djande wakweneneke nda tuke dja moto ongo odjei la osembo. kaasi wakodjoa gboo eewu enge eengemeni la iwo, nda edjei otomu ou.
\p
\v 16 Yaasi aleeti, ekokite ate moto mwesi adenge mbai nda moto oekoni eboli. inga odengani mbai ndjo ndjongo gemiani mbai nda moto o boli late iyahe otwa keke.
\v 17 Meemene loyi okwasaka mbai sikandjo etii loyi ungo o bali likumu, kaasi la sambo kpaa ungo okoyahaka mbai otwa ikwasaka nda idjaaki nde moto o boli.
\v 18 Late weeti wato wakoyahaka otwa la weng, nda mbai ikoyaha otwa.
\v 19 Ino wato waa wadjei la mayele, okogemiakani la loho kpaa wato wa boli!
\v 20 inga moto mwesi aosungalini, inga moto mwesi aholakalini, inga moto mwesi ahopwesalini, inga moto mwesi adjei la minga, inga moto mwesi ahombinga la elongi, mohelelani motema.
\v 21 Idjei la soni owasi, tohinyali olembi. leho djinge kpaa ikoki omeki moto ikwasaka nda moto odjangi akili mbai pe ikokela.
\v 22 Wadjei Hebele? mbai pe idjei. Wadjei wa Isalayele mbai pe. wadjei la litoto e Abalayama? mbai pe.
\v 23 Wadjei wasali wa kilisito? ikoasaka la owakumisi, mbai idjei la oweteli: la misala, olamu o eti; la ibotu, olamu o eteli, la matule, olamu o eteli. Engele kpaa la miango ma logoo.
\v 24 Mbala itano mbai indogbani sambo tuku inei la mbala kikima.
\v 25 Mbala isato imb ingamali la ndenge mbe, mbala kikima ibingamali la mabukeli, mbala isato ilindali la masua, ikelali lisio kpaa nda likolo ndondo e malia.
\v 26 mbala la mbala la mobembo mo malia ikokelaka makama ma la iwale, la makama ma iwa wango wako iwaka la mboka, la makama mango ma longoyi atie wato wambai amene, la makama mango malongoyi la mokii, la makama ma wingumba, la makama ma isobe, la djinge dja ewale, la makama atie wa manima wa moleho.
\v 27 La otomo tetelake mamiohu, la likolo odjangi wilo mbala la mbala, la hulo la posa e malia, odjangi olaki wilaka mbala ngbii, la piyo la lingbengbele.
\v 28 Longoso ndinge sambo dja saa edjei la ema esi ekodjebeleke mbai masio kpaa, odidi la e mana kpaa.
\v 29 Ndai ongenakoli, ase mbai igenakoliti?
\p
\v 30 Inga ewongi la oyagumei, ikoyagumeya la sambo djinge idendi ogenakoli o mbai.
\v 31 Mwengei sango e nkoloYesu, e ongo ohongi la ogumeyi masio kpaa, ayewi ate iti hengaka.
\p
\v 32 Damasi, likumu la Aletasi adjaali obaneyi mokii mo wato wa Damasi la tina e oheli mbai,
\v 33 Kasi wadjimbali mbai ndondo e modjangi mwesi mo mbohi, la linimisa ungo odjaali la etutu, ase itilali la mawo mande.
\c 12
\cl Esuki Esungu 12
\p
\v 1 Edjéi olamu oyakumesi? lungo loi lowongeli ti mbai. Ikodja ndenge eho la wiheneneli pe la woneseli dja mokondji.
\v 2 Imoyewi moto mwesi o Yesu Kilisito, ekeliga mbula djomi la inéi, atombwamali la eteni e isato e likolo inga akeli la wenge e inde inga koto te la wenge e inde, mbai iyewiti, kasi mongali ayewi.
\v 3 Pe iyewi ate ongo moto adjakali ndondo e wenge e inde inga pe lioho e wenge e inde, iyewiti, kasi Engali aeyewi.
\v 4 Atombwamali ongo likolo pe ayokali makpomi mango mandimesamiti la moto o ekpomi.
\v 5 Ikoki oyakumesi la ongo moto, kasi la mbai amene itiyakumesa te, la likambo ate ikokiti.
\v 6 Inga ibalaki oyakumesi, nda iti dja la libunga te, la likambo ate ikohosa osembo, kasi itiyamesa la owangi ate oweti moto akpome oheti ndenge eheni nde ya mbai to pe ndenge eyoki inde e mbai.
\v 7 Pe la ate ititume la olendo likambo la dinge woneseli sungu sungu, ebuki e mote elingeli mbai la wenge, Andjelu o Satana la ate abinge mbai pe atonese mbai odjéi la lolendo.
\v 8 Mbala isato iyatombali la mokondji ate amolongose lihele le mbai.
\v 9 Pe mokondji ahaselali mbai: “Nano e mbai ekoki la owe, la likambo ate nguya e mbai ekokokesamaka la sambo dinge ikokiti" pe aleti, mbai ikoyahanesa olamu la odjangi o mbai okoki la ate nguya e Kilisito eyabate ati e mbai.
\v 10 La ehele ndenge ikoyaheneke olamu la odjangi okoki, la iliko dja wato la onyoko, la okelami sambo mbe la mabundo likambo la Kilisito, la ate tango ekokiti mbai ango nde eteli mbai.
\p
\v 11 Idjakali boli tango edjaki mbai oyakumesi, kasi ino otonesali ni mbai. Edjéi la tina eino nde mbai itomamali, la ate iti moto mbuse e wakpomeli wa Yesu wasungu, te ndenge eti mbai ema.
\v 12 Ma eneni ma otomu o mbai e mokpomeli mo Yesu ehumali ndondo e ino lma opikiliki tango e sambo mekeneke, la sambo ndamu dinge ikelami, mla wikamwisi.
\v 13 La nda ndenge lingomba la nu liti kelamali olamu nda djeti, mangomùba ekoki odjéi ate iti odengali ni olamu? limbesa ni mbai la ungo odjangi osembo!
\p
\v 14 Denga ndenge mbala e isato iwongeliga odji e wanu, pe itidje la makoki ma ino, la ate ilukiti iwo dja ino kasi ikolukaka ino amene. La enge ndenge, te wana wakoki olukani ilaka ew sango la nango, kasi wa sango la nango nde walukane ndenge e wana.
\v 15 La ndenge e mbai, ikoyalukanela ndenge ekalake mbai amene ebete ate ino olukanele mbai, la likambo ate mbai ikoki obali aheti ndenge bali ino mbai.
\p
\v 16 Eti tango! itiyabatali la makoki ma ino, kasi ndenge edjéi mbai moto owikosako, eti tango iokosali ni la mayele!
\v 17 Iwotoptelali ni iwo djanu la mboka moto mwesi kati e wato wawatomeli mbai ino?
\v 18 Ikelali ndenge kpàa iwotomelia ni tito adje e wanu pe la inde imotomi ma ngbasu: Tito alukali ema esi ati e ino? toti sambali molimo moikima iso la inde, olandi sambo kikima?
\p
\v 19 OKokanisaka ni ehele gala eklukaka iso oheneni olamu liwoso la ino. Edjéi liwoso e Engali, ndondo e Kilisito, nde ekokpama iso, pe dinge sambo kpàa, wa libalano, la ate owonge sambo liwoso la wato.
\v 20 Idjéi la mbangi, la ate, la owumi o mbai atie ino iti ogbote ni ndenge e mungolaki mbai ate iko ogbota pe la ate ino atiene ni mbai te ndenge edjakali ino omungoli idjéi la mbangi e gbotake misio, makunya, ma memu odjangi oyakomi, ohaselani obe, obitesani okumu, olendo, mbitesi.
\v 21 Idjéi la mbangi la ate ango ekowuma mbai Mwengéi atiyokese mbai la lidi likambo la ino pe iti dje la ilelo la likambo e wato kpàa wango wakelali masumu liwoso pe wayalongositi la wosoto, osoni obondake wenge moli la motopele, la pe ikobo iyalingesi iwo.
\c 13
\cl Esuki Esungu 13
\p
\v 1 Ikodjaka atie ino mbala isato, tokowongele sambo kpàa mbuse e okpomi e wa ndjeneneke wale te wa sato.
\v 2 Iehaselika pe iwongwelia, ndenge ekelali mbai mbala eyiale odi e wanu, pe keke ndenge eti mbai ango ikowakomelaka aleti wato wango wakelali lisumu liwoso pe la ino weti kpàa: Inga iwangwa a alidi ati e ino, iti tota moto te mokikima la odongo owaeti wa manango.
\v 3 La likambo ate ino okolukaka sambo dinge ikohenese ate Kilisito akohasaka ndondo e mbai. La ndenge eho, inde ati moto ongo adjangi makoki la sambo dja ino, kasi adjéi la nguya ndondo e ino.
\v 4 Ndjongo, Kilisito abakemali la ekulusu likambo la olembu oinde, kasi adjéi sikandjo la nguya e Engali. Iso koto, todjéi la bolembu ndenge e inde, kasi tokokala la inde ebete kikima la nguya e Mwengéi la ate tokele sambo ati e ino.
\p
\v 5 Yekolani ino amene la likambo ate ayeweni inga odjéi la oyombi, yamekeni ino amene. Oyewitini ate Yesu Kilisito adjéi atie ino? inga otilogbosome ndondo e wango wohonomi.
\v 6 Kasi ikanesi olamu ate oyewi ni oheti te iso, ate tolongosamiti ndondo wango wohonomi.
\v 7 Sikandjo, isambeli ibandeli iwongi la Mwengéi ate otikele ni sambo mbe, ndjongo te ate iso amene tohenene ate tokele olamu tolongi. Kasi edjéi ate ino okele sambo ndamu inga te iso, tokoki oheneni nda wato wango walongosami kati e wahononi.
\v 8 La ndenge eho, toti la nguya enge ekoki olongi osembo, todjéi la nguya ndi la likambo lidengi osembo.
\v 9 Iso tokohemeleke masio kpàa makodjaka ino la nguya inga iso todja te la olembu. Linge likohongoko iso la mabondeli, lidjéi nde okangwami onu.
\v 10 Denda ndenge eho nde ekomi mbai ndjo te ndenge edjéi mbai lihele: la likambo ate, ango ekohuma mbai, iti henene nda moto o monga, olandani la okumu lungo lohi mokondji mbai la ate iwongele kasi loti ate ibitese.
\p
\v 11 La dinge ihaseli, manima o pele la manima o moli, abatani la mwemu, wongeleni sambo djanu, helanani mawo, djani la oyokani pe la oboto. Pe Mwengéi ongo obali wato kpàa pe ongo obali logoo akodja la ino.
\v 12 Hemeleneni kati enu la ndenge ndamu. Wato kpàa wa osembo waohi ni mbaa.
\v 13 Nano e mokondji mosu Yesu Kilisito, obali o Mwengéi la pe oyabondi e elimo e Engali edje laino kpàa!