bbm_reg/46-ROM.usfm

\id ROM
\ide UTF-8
\h Waloma
\toc1 Waloma
\toc2 Waloma
\toc3 rom
\mt Waloma
\c 1
\cl Esuki esungu 1
\p
\v 1 Mbai Paulo indigi maama dingo a loyi onu, idjei motuke la Yesu kilisito, Engali a mbeli mbai la odjei ntoma, mpe aonooli mbai la osakoli mboli molamu?
\v 2 Engali aunaali mboli molamu eho liwoso la weeti la mandingo mosatu, inde apii mbai idinge nda enge ewalewi.
\v 3 Mboli eeho einei loyi o mana onde Yesu kilisito, likumu lasu, ongo odjaali la liwota la Dawidi la wenge.
\v 4 Kaasi saa la molimo ma satu, Engali ainyalila okulu ate Yesu adjei mana onde ango e mobasesi inde Yesu ndondo e wagwi.
\v 5 A loyi onde, Engali apiika ngolu litatake otomu la toma alikita la otwa o kombo e kilisito, la o kombi wato la tomu kpaa aatie ogemei Yesu la loho kpaa mpe la omohi otwa.
\v 6 Ino mpe odjeini ndondo e wato waho, ino Engzli aowelaalini la odjei makuta ma Yesu kilisito.
\v 7 Ino wato wa Loma, yodingelani mandingo, ino kpaa wango Engali a wabali mpe a wawelali la odjei wato wande, ango eengi Engalisagbasu, mpe likumu Yesu kilisito aohenilogo.
\p
\v 8 Liwosoyo kpaa, imohi Engali otwa ngbii la kombo e Yesu kplisito, la loyi onu kpaa laate la moki kpaa wato wakosolaaka mboli e ogemei wonu.
\v 9 Engali adjei la weewi ate ikwasaka o sembo, Mwengei ongo okomokelelaka mbai la loho kpaa e mbai, oti ndondo la mana oonde, Mwengei aewi ate ikomungolakani masio kpaa,
\v 10 Ibete kpaa winge ekwatataka mbai ikoongoko aatie Mwengei ate odikweele mbai mboka abala.
\v 11 Late okobalaka ngbii iweeneni ino la ohekeli ino likabo la molimo linge likohaani piko.
\v 12 eluki waasi ikotota piko aatie ondimi onu mpe okodjwani la ondimi o mbai.
\v 13 Wamanima, ibali weeweni ate mbala ngbii ilenglaali okii aatie ino, kkasi teeke ndjeti sambo ikoteksaaka mbai ewate pukapuka aatie ino, ndenge kikima nda e wotikaa aatie tomaka djetti a moki.
\v 14 La loyi ate otomu ekokelaka mbai edjei la okii ahue la wato kpaa, aatie wato wango weewi sambo mpe la wango waewiti sambo, aatie wato wayekoli ngbii mpe aatie wango wayekoliti te.
\v 15 A loyi ungo obali mbai ate ikpale mboli molamu aatie ino wato wa Loma.
\p
\v 16 Aloyi ate itii la ndundu la osakoli mboli molamu mo kilisito, edjei okulu o Mwengei la okalesi wato kpaa la ogemei liwoso liwoso wa Yuda, mpe mbuse eeho wato wango watii wa Yuda.
\v 17 Ndjongo mboli molam; u ekwewesaka nda ndenge Engali akohaka wato odjei sembo liwoso lande edjeisaa la ondimi bandaa tee la ebandeli tee la gboo, nda ekwasaka mandimi madingo ma Mwengei: moto ongo odjei sembo liwoso la Engali akokala.
\p
\v 18 Aloyi ate Engali akodendesaaka limemu milongoyi la lola mpe oyadimbi likolo la obee kpaa ango okokelaka wato, linge likotekesaaka e solo la obe owu.
\p
\v 19 Engali akoki owahi etumbu laate wakoki weeti kpaa tina e sembo dinge ikoki iwo ogemei, Engali mpe odja wainei hoho.
\v 20 Tee mwengele enge ewongeleeli inde moki, sambo yeeneniti, eluki waasi, okulu o seko o Mwengei mpe la ozali onde, ekweneneke ndondo e otomo mokelaali inde a loyi uho nde ekoki wato weewi ate iwo pendja wakokiti otoli ngwanga e Mwengei.
\v 21 Iwo wa mwewi Mwengei kaasi wa mohiti otwa, mpe wamowongweliti melesi la ungo owongi la Engali kaasi lomungo eumiga la wibongu.
\v 22 Ase wakwasaka ate wadjei la mayele, kaako ase wadjei la ekoni e boli.
\v 23 La ebete e omogumei Engali ongo otigbaaka, aseko iwo wakwatataka la wikeko dja wato dinge ikogbaka, la wililingi dja mbulu, la nama dja mangbanda manei la wandjoo.
\p
\v 24 La loyi ungo owadeeli Engali okeli obe nda ebali loho djau, ate wasombe wenge wau la mboka e sambo dja ndundu aatie weeti.
\v 25 Wakoikisaka sambo milamu ma Mwengei la sambo djau dja ohongi wakoyatataaka mpe okkeleli wiho wikeli Engali, omodeyi mokeleli Mwengei ongo la seko! amene ligemei.
\p
\v 26 La ungo odeeli Engali ate wakele sambo dja ndundu, wali wau wakodeeke okelisambo ikokelaka wali la wang wau, mpe la okoli sambo ndinge ikokokiti la wali okoli.
\v 27 Ndindjo, pele wakodeeke okeli nda ekokelaka motopele aatie moli, watuuliga la okolo atie miino ndemoto pele. pele ikokelaaka sambo dja ndundu, moto la motookeli la miinonde, la uu loyi okokelaka iwo wakodjua etumbu oengemeni la obe owu.
\p
\v 28 Nda etoni iwo wooki Engali, inde awadeika ndondo e lomungo lau la eboko la okeli sambo dinge ekokiti la sambo dinge ekokiti okelami.
\v 29 Watumi la sambo dinge idjangiosembo mibe, litema, loho zuwa, awaoli wato la oswi, la ogeno, la oini wakokelaka etale ngbii.
\v 30 Waasi luundo mbembe ndondo ewuwo amene, wadjei wadidi wa Engali, wakotangaka iliko, wato wa loho elolo, oyahi otwa wadjui weeti mboka moli la okeli obee wabaliti otosi waboti wau te.
\v 31 Wadjei la loho libukeli mpe wakobanyaka mauna te mpe watiokaaka magba la weeti Engaliwato tee.
\v 32 Wayewi olamu ate Engali akotena ngwanga dja wato: wato wango wakokelakadinge sambo a enge la logo kaasi wayanangi ndi la sambo okeli nda ehahani iwo a leeti, wakogenyaka wato wango wakokelaaka sambo djao.
\c 2
\cl Esuki Esungu 2
\p
\v 1 Owe moto ongo okotenaka nsambo dja wato wadi, ototi ma loi. Lo Mwengéi té inga odjéi te ndai alikambo ate, ango ekotenaka owe nsambo dja wato wadi, okotenaka nsambo dja owe mene wobe alikambo ate okokela ndindjongo nda iwo.
\v 2 Ewewi ate Mwengéi akotena nsambo dja wato la ndenge ndjo, ndindjongo nda edjéi ehomemene.
\v 3 Omungoi ate okotila wasambesi wo Mwengéi owe moto ongo okotenaka nsambo dja wato la ndenge ndjongo, owe nde okobelaka nda iwo?
\v 4 Okotanaka wouma wo Mwengéi, motema molai monde la makba mande? wewiti ate wo uma wo Mwengéi woko ogulaka owe alikambo ate ohengese motema?
\v 5 Ase odjéi la motema motetelake, oti la ehoha e wahngesi té, alikambo la ho okolambelaka eguele esungu, enge ekouma wese wungo wokoenese Mwengéi limemu lande la wosambesi wonde wo memene.
\p
\v 6 Wuse wungo wokomoputa inde moto la moto nda edjéi tomu djande.
\v 7 Akohekele mokalo mo libela la wato wango wabali masio kpàa okeli wolamu wato wa oluki ongngi, wokumu la mokalo mo libela.
\v 8 Akoenese limemu atie wato wango wakomemeleke lainde, wato wango wakotonaka loi lo memene wato wango wakotutiaka nsambo mbembe.
\v 9 Wodidi la wilelo wokodja atie wato wango wakokelaka nsambo mbembe, liwoso atie wa Yuda, ase mbuse atie wato wango wati wa Yuda té.
\v 10 Ase Mwengéi akoha wo ngengi, wokumu la logo o a likambo la wato kpàa wango wakokelaka wolamu, liwoso atie wa Yuda, ase atie wato wango wati wa Yuda
\v 11 Alikambo ate Mwengéi adengiti wolekani wo wato té.
\p
\v 12 Wato wango waewiti pui dja Moize té, ase wakokelaka masumu, wakogua, ase te la pui djaho té ase wato kpàa wango waewi puio dja Moize la wakokelaka masumu, Mwengéi akotena nsambo djawu ndi la likambo la pui djaho.
\v 13 Alikambo ate la maiso ma Mwengéi, wato walamu wati wato wakoemeleke alikambo la woki pui kasi wadjéi wato wa etemia edjaho.
\v 14 Engele enge ewiti wato wa djake waewiti pui dja wa Yuda té wakotemiaka pui alikambo ate mitema mawu mene mibali okeli ndjongo inga te wadjangi pui djaho edjéi la likambpo lawu mene.
\v 15 La ndjongo wotomu wou woenei ate engele epui edingami la miteula mawu moli mo la woewi wou wo koasaka la mitema mawu, engele edi ma mungwene mawu makowaeni aka wondimi wou.
\v 16 Enge ekoenene wuse wokobata Mwengéi nsambo la mawo ma Yesu Kilisito, wotomu wo oteni nsambo ndjinge esi iwo la mokalo mowu ehenge edjéi loi lo mboli ndamu enge ekoasaka mbai ekoasaka.
\p
\v 17 Kasi owe, moto ongo ototi nkombo e mo Yuda, wamaleli likolo la puio, la okoahaka wokumu la gbondo e Mwengéi wo owe.
\v 18 Woewi mwano mo Mwengéi la pui iwoesiga owe, lawoni okeli sambo ndamu.
\v 19 Okomungwaka ate woengi odjéi moto ongo okowaombesaka wato wango wagui maiso, la odjéi moindalikambo la wqato wango wadjéi la molili.
\v 20 Moto ongo owapundesi wato wango wadjangi lokenge la mopundesi mo-wande, alikambo ate ndondo e pui okondjinga a lokenge wolamu la wowi nsambo dja memene.
\v 21 Ase owe moto ongo ohowapundesaka wato wadi, alikambo lande liyainetiaka owe? owe moto okopuundesaka ate wato watiiwe, alikambo lande ekoiwaka owe?
\v 22 Owe moto okwasaka ate wato watikele pité té alikambo lande ekokelaka owe pité? owe moto ongo otoni wikeko, la nda ndenge ekoiwaka owe la ndondo e wakongi wou?
\v 23 Owe moto ongo okoyaneneliaka la likambo la pui, ase omotemeitiaka Mwengi té okokelaka nsambo djinge etekesami la pui?
\v 24 Alikambo ate ekpata e Mwengéi ekoewesaka ate: watomi wadi wakoasaka nsambo mbe a likambo la Mwengéi a likambo lanu wa Yuda.
\p
\v 25 Inga otemia pui, oteni ekpoto edjéi la liwongoeli atie owe ase inga otitenie pui odjéi nda moto ongo oteniti ekpoto té.
\v 26 Nde ndjongo inga moto ongo oteniti ekpoto, atemei pui djièsi kpàa, Mwengéi atomwne nda moto ongo oteni ekpoto?
\v 27 Inga teokeli pui nda edingi iwo ase ateni gaa inga okowodjiaka pui djaho moto ongo oteniti wenge té ase akotemiaka pui akobataka owe la loi.
\v 28 Alikambo ate mo Yuda o memene ati moto ongo weneni saa la wenge la ongo oteniga sa wenge winge wikoeneke wato la wenge wande.
\v 29 Kasi mo Yuda omemene adjéi ongo omotema ateni wungo wolongoi la molimo mo Mwengéi kasi te enge elongoi la pui té. mo Yuda omemene oho atotota mwemu mo wato té kai wungo wo Mwngéi.
\c 3
\cl Esuki Esungu 3
\p
\v 1 Odjéi mo Yuda edjéi la liwongoseli? oteni ekpoto edjéi la motio mosungu?
\v 2 Liwongosli lidjéi lisungu la ndenge kpàa. Alikambo ate liwoso Mwengéi ahekeleli nsambo djande atie wa Yuda.
\v 3 Ndjongo edjéi woni? inga wadi wau watonali ondimi? odjangi wondimi te wou wokotekesa womemene wo Mwngéi?
\v 4 Te wokeke té! inga te warto kpàa wadjéi wato wa moleho, ewongi Mwengéi aase loi lomemene nda woewesi ekpata: ewongi odje moto owasi mamana la ambo kpàa djinge ikoasaka owe, ate inga waohengela loi, djaka wiengele kpàa olongi la nsambo.
\p
\v 5 Ase inga wobe wosu wungo wokokeleke iso woenesi ate Mwengéi adjéi memene, tokoasa woni? Mwengéi ati la womemene té alikambo ate akotohaka iso eguele? ikoasaka ndjongo nda ekoasaka wato.
\v 6 Te wokeke té! alikambo ate inga Mwengéi atidjake la womemene té nda aengali oteni nsambo dja moki nda ndenge!
\v 7 ASe inga moleho mo mbai mokweneseke loi lo memene e Mwengéi la wohola la okeli a likambo la ongengio wonde la nda ndenge ekoki mbai osambesami nda moto omasumu?
\v 8 Ndjongo alikambo la nde toasiti te nda wato wadiwau wakoasaka a likambo la tohengeli mbai nsambo eokele wobe alikambo ate wolamu wodjée wato wadi wakohengelaka mbai ate ikoasaka nsambo daja ndenge ndjongo wato waho wakokondja eguele esungu engengi la iwo.
\p
\v 9 Ase ndjooni? iso wa Yusda todjéi wolamu owaeti wato wadi? tewokeke té! iwaselini gala ate wa Yuda la wato wadi wadjéi ndenge kikima la sese e wokumu wo masumu.
\v 10 Ekpata e Mwengéi ewesi moto o solo ati té, tweti té.
\v 11 Moto olokenge ati tweti té moto omoluki Mwengéi ati tweti té.
\p
\v 12 Wato kpàa wakiga lihiele la Mwengéi iwo kpàa ebete eikima wa wusiga mboka e Mwengéi. Moto okeli wolamu ati té te mokikima te.
\q
\v 13 Kingo djawu idjéi nda liwela la kabuli linge lidihiti iwote, wolemi wou woko wakosaka wato nsambo ndjinge ikoumaka la minoko mawu idjéi nda ngenge dja ndoo.
\q
\v 14 Woasi wou wotumi la wiliko wibe.
\q
\v 15 Wakotilaka obangu makasi alikambo la owaoli wato,
\q
\v 16 Wiati kpàa ebete ekokeke iwo wakotikaka obitesi la magba,
\q
\v 18 Omowangi Mwengéi eti la iwo té wokeke té.
\p
\v 19 Eoewi ate nsambo kpàa djinge djasi pui, easi djaho alikambo la wato kpàa wadjée sésé epui, la odiki minoko kpàa la a likambo ate mokili mwesi kpàa modje la loi la Mwengéi.
\v 20 Amlikambo ate moto tweti té akondimama moto molamu liwoso la Mwengéi la otemei pui ikoewesaka ndi atie moto ate inde akeliga masumu.
\p
\v 21 Ase sikahala, Mwengéi atoeneseli iso ndenge ekotobataka inde iso watowa memene liwoso lande, enge eti la likambo la otemei pui té pui la sambo dja waseli watalolali ate:
\v 22 Mwengéi akowabataka wato la memene alikambo la ondimi wou ndondo e Yesu Kilisito. Akokelaka ndjongo alikambo la wato kpàa la omondimi Kilisito, te pamba te woetesani woti ndondo ewu té.
\v 23 Wato kpàa wakeliga masumu la wadjangiga wongengi wo Mwengéi.
\v 24 Ase Mwengéi ndondo e wolamu wonde, awahekeliga iwo makao pamba, la owabati iwo la womemene alikambo la Yesu kilisito ongo okotokalaka ndiki djawu.
\v 25 Alikambo ate la logo wo Yesu Mwengéi amohekeleli woteteli wo olimbesi masumu ma wato la omondimi inde ndjongo Mwengéi abalali woenesi nda ndenge edjéi inde la womemene. La engele e liwoso inde adjakali la motema molai atihakali eguele alikambo la masumu ma wato té.
\v 26 Ase la engele ehele eholi inde akoneseke nda ndenge inde akoengesa wato odjéi la womemene odjéi a likambo ate inde abali womemene la engle enge ekobata inde wato kpàa la womemene, ndi wato wango wakomondima Yesu.
\p
\v 27 Wato waengi odjéi la motema mo watelesi? eweti te! alikambo lande? alikambo ate wakotemiaka pui? tendjongo té! alikambo ate wandimi.
\v 28 Te pamba te tondimi ate moto akouma la womemene liwoso la Mwengéi a likambo la omondimi inde eti la likambo la otemei té.
\v 29 Ndjongo Mwengéi adjéi sa Mwengéi o wa Yuda? inde ati Mwengéi owitondo wadi te? odjéi memene! inde adjéi Mwengéi o witondo wadi te? inde adjéi Mwengéi o witondo wadi koto.
\v 30 Alikambo ate Mwengéi adjéi moikima pamba, inde akobata womemene alikambo la ondimi, te wato wango wadjéi wa Yuda te wato wango wati wa Yuda te.
\v 31 Eho easi nda ate tokobitesaka wuhumu wo pui alikambo la ondimi? te ngo té! ase tokohaka etemia atie pui dja memene.
\c 4
\cl Esuki Esungu 4
\p
\v 1 Ndjongo tokoasa nde alikambo la Abalahama, tata esu? inde ongo adjakali ndi moto akondjali nde?
\v 2 Inga Mwngéi andimali ate Abalahama adjéi la womemene liwoso lande, alikambo la wotomu wungo okelali Abalahama, ndjongo inde aengi waahi etmia la gbondo eho ase inde aengi wahi etemia la ndenge eho liwoso la Mwengéi té.
\v 3 Ndjongo ekpàta e Mwengéi ewesi Abalahama amondimali Mwengéi, ase Mwengéi amoemeleli inde nda moto owomemene alikambo lawo ndimi wonde.
\v 4 Inga moto wotomu akondja liputi, liputi laho litimakao ma mpamba té edjéi nda nongo ende.
\v 5 La ongo moto okelitiaka wotomu te, ase amondimi Mwengéi ongo okobataka womemene moto omasumu, alikambo la wondimi wonde Mwengéi akomotolo moto o womemene.
\v 6 Nda easali Davidi loi lomwemu la moto ongo Mwengéi a mondimi ate adjéi moto owomemene, te odengi sambo dja wotomu wonde te.
\q
\v 7 Mwemu modjéi alikambo la wato Mwengéi awoniga owaokeli magba la wobe wou, la aisi masumu mawu.
\v 8 Mwemu modjéi la moto ongo Likumu atolitiaka ma sumu mande te!
\p
\v 9 Mwemu moho modjéi sa alikambo la wato wango wateni ekboto? eti koto la wato wango wa teniti? eoasali Mwengéi amoemeleli Abalahama nda moto owomemene alikambo la wondimi wonde.
\v 10 Eho ekela mali nda engele? mbuse e Abalahama ototi oteni ekpoto te liwoso laho? edjali liwoo laho, mbume eho té.
\v 11 Abalahama akondjali oteni mbuse nda tondo. Edjali enesi la woewesi ate Mwengéi aemeliga la _nde nda moto owomemene alikambo la omondimi Mwengéi liwoso lande la oteni Abalahama aumali nsango o wato kpàa la omondimeli Mwengéi, ngele enge etenaki yo inde té ase Mwengéi a mototali moto owomemene.
\v 12 Inde adjéi nda sangbau o wato wa okondji oteni easi ate wango wato wa kobataka loi wo oteni mosungu té ase wakomotutiaka Abalahama ongo odjéi sangbau owato la otutéi edjele ende e wondimi enge edjakali inde la eho, liwoso la okondji oteni.
\p
\v 13 Mwengéi ahali elaka alikambo la Abalahama la alikambo la liwota lande ate wakokondja mokili nda wadjenge wau elaka eho etikelamali té alikambo ate Abalahama atemiali pui, ase alikambo ate Mwengéi amondimali inde moto o womemene, alikala wondimi wonde.
\v 14 Inga wadjenge wadjakali sa alikambo la wato wango wakotemiaka pui, nda wondimi wodji mpamba la eklaka e Mwengéi eti la motio té.
\v 15 Alikambo ate pui ikotelesaka limemu la Mwengéi ase ebete enge eti pui té obuki pui eti mine koto te.
\v 16 Ndi ndjongo nda ekelamali elaka alikambo la wondimi alikambo ate edje makao mahi Mwengéi mpamba edje memene alikambo la Abalahama. Eti sa alikambo la otemei pui té, edjéi koto alikambo la wato wa wondimi nda endimali Abalahama adjéi sangbasu osu kpàa.
\v 17 Nda easi ekpata e Mwengéi yobatiga owe wawa o wito ndongbii inde adjéi sangbasu liwoso la Mwengéi ongo omondimelali indde Mwengéi ongo okohakamokalo alikambo la wato waguake la ongo okokelaka sambo djinge ikelamiti liwoso té.
\v 18 Abalahama andimali ase adjali la mogali, ango otidjakali mogali té: ndi ndjongo eumali inde wawa o witondo ngbii, nda emwaselali Mwengéi liwota la owe likodjandjo.
\v 19 Inde adjakali la wilanga ahuela kama esi wondimi wonde wotilembeli té te ango emungwakali inde ate wenge wande wigui gaa la omungopi ate sadja atowotakine wana alidi té.
\v 20 Ase atideli wondimi wonde te ase atidjali la kokia la elaka e Mwengéi té ase wondimi wonde woumali makasi, ase inde amotemiali Mwengéi.
\v 21 Abalahama andimali la motema mwesi ate Mwengéi adjéi la wokulu wo okokesi elaka ende.
\v 22 La woho nde eumali inde moto owomemene liwoso la Mwengéi alikambo la wondimi wonde.
\p
\v 23 Ase sambo djaho iumali inde moto owomemene eti dingamali sa alikambo lande mene té.
\v 24 Wadingali koto alikambo lasu iso wango wandimami ga wato wa womemene iso wato wa ondimi moto ongo iomosusolali Likumu la su Yesu Kilisito ndondo e wato waguake.
\v 25 Yesu ahanali la logo alikambo la masumu masu, ase inde asusuali alikambo la otobati iso la womemene liwoso la Mwengéi.
\c 5
\cl Esuki Esungu 5
\p
\v 1 Ndjongo toumiga wato wa memene liwoso la Mwengéi alikambo la wondimi la sikahala todjéi la logo o ndondo esu la Mwengéi alikambo ka Yesu Kilisito, Likumu lasu.
\v 2 Alikambo la Yesu aliokambo la wondimi toengaki okondji e mboka e odjii ahue la wongengi wo Mwengéi wungo wamali iso sikahala ndondo eho ase loi lo otoemelesi iso edjéi mongali mo okondji wongengi wo Mwengéi.
\v 3 Etisa woho té, ase toemeleke ndondo e wodidi wosu té la gesele té toewi ate wodidi wokohaka motema mo olembi te.
\v 4 Motema mungo motolembeke mohaka egalala ase egalala ekohaka modia ase modia mokohaka egalala.
\v 5 Egalala engo tototekesaka iso nsoni té Mwengéi asuakolali libalano lande ndondo emitema masu alikambo la molimo monsato mungo motohali inde.
\p
\v 6 Alikambo ate ango otidjakali iso la wokulu té Kilisito aguali alikambo la wato wabe la engele eonoli Mwengéi.
\v 7 è Edjéi monga mosungu la ondimi ogui alikambo la moto o womemene, engele edi moto mwesi akondima ogui alikambo la moto molamu.
\v 8 Ase alikambo la wenesi ate Mwengéi atobali iso Kilisito aguali aloikambo lasu engel edjakaliyo iso wato wa maumu.
\v 9 Memene, alikambo la makila mande toumiga memene atie Mwengéi leki kpàa tokokala la limemu la Mwengéi alikambo lande.
\v 10 Eodjakali mitone ma Mwengéi ase inde atohali iso logo o ebete eikima la nde, alikambo la logo wo mana onde, elki djiesi kpàa sikahala todjéi la logo ebete eikima la inde tokaliga alikambo la mokalo mo mana onde.
\v 11 Tesa wungo té, totumi la mwemu atie Mwengéi alikambo la Likumu lasu Yesu Kiloisito ongo otohiiga iso mboka eokondji logo ebete eikima la Mwengéi.
\p
\v 12 Masumu malingelali la mokili alikambo la moto moikima, Adamu, ase hali logo ndjongo logo wosiliga likolo la wato kpàa wakeliga masumu.
\v 13 Liwoso Mwengéi ahekeleli pui dja Moize, madjakali la mokili ase, nda pui ase nda edjakali pui té loi wotidjakali té alikambo la masumu.
\v 14 Ase olongoité engele e Adamu té la engele e Moize, logo wodjakali atie wato wango te inga watikelali masumu té nda Adamu, ase wabukali mitindo ma Mwengéi Adamu adjakali elilingi e moto ongo opotia odjii.
\v 15 Ase masumu ma Adamu maengiti te la likao linge likeleli Mwengi mpamba. La memene wato ngbii waguiga alikambo la masumu ma moto moikima, ase magba ma Mwengéi madjéi masungu ngbii la likao linge lihali nde mpamba alikambo la wato ngii edjéi alikambo la moto moikima, Yesu Kilisito likao laho lidjéi alidi lisungu oleki.
\v 16 Ase likao mpamba linge la Mwengéi lidjéi la pukapuka edi ndenge la masumu mango ma moto moikima, pukapuka e loi lungo woumi alikambo la masumu ma moto moikima ekotomaka lahuko, ase pukapuka e likao o mpamba linge lihanali mbuse e masumu masungu makobakisa makala huko.
\v 17 La memene, logo wodjali alikambo la masungu ma moto moikima mpamba ase Yesu Kilisito inde mene aengi ohekeli magba masungu ma Mwengéi, la likao la mene ende wakokala la wakokondja alikambo la Kilisito.
\p
\v 18 Ndi ndjongo, ndenge kikima nda masumu ma moto moikima maumesali hukop likolo la wato kpàa, ndi ndjongo wotomu wo memene wo moto moikima, ekowadukola wato kpàa la huko, ase ekowaha mokalo.
\v 19 ndenge kikima ndjo, alikambo la omokawi moto mwesi wato ngbii waumigaa wato wa masumu, nde ndjongo alikambo la etemia moto moikima wato ngbii waumiga memene liwoso la Mwengéi.
\v 20 Pui iumali alikambo ate masumu madje ngbii, ase ebete edjakali masumu ngbii magba ma Mwengéi madjakali ngbii oleki.
\v 21 Ndi ndjongo, ndnge kikima masumu makondjali mokili alikambo la logo ndindjongo magba ma Mwengéi makodjali mokili alikambo la womemene alikambo la ototomi iso la mokalo mo libela alikambo la Yesu Kilisito, Likumu lasu.
\c 6
\cl Esuki Esungu 6
\p
\v 1 Nde ndjongo toase woni? eongi tonangane la okeli masumu alikambo ate magba ma Mwengéi matume ngbii?
\v 2 Te wokeke té! toguiga atie masumu, nda ndenge kine ekoki iso alidi wabati ndondo e masumu?
\v 3 Wewini ate iso kpˆàa wango wabatesamiga alikambo la wawansi la Yesu Kilisito tobatesamiga alikambo la wawanesi la inde ndondo eogui la inde?
\v 4 Nde ndjongo alikambo la batisimo, tokundamiga ebete eikima mlainde alikambo la ogui ebete eikima la inde, alikambo ate nda esekwi ga Kilisito ndondo e logo alikambo la wokulu wongengi wo wawa, isokoto toengi olingeli ndondo e mokalo moholi.
\v 5 Alikambo ate inga twawansiga la inde ndondo e logo wungo woguali inde tokoawanesa la inde alidi ndondo e wosekoi wonde.
\v 6 Toewe ndjo, moto osu o gala oguiga ebete eikima la Kilisito likolo la kuluse, alikambo ate wenge wa masumu masu masile ate totidje kine mituke ma masumu alidi te.
\v 7 Lagsele té moto ongo oguiga atikine la loi atie masumu té.
\v 8 Inga toguiga ebete eikima la Kilisito tondimi ate tokokala ebete eikima la inde.
\v 9 Ndindjongo twewi olongoi tée esekwali Kilisito ndondo e wato waguaken inde atoguakine alidi té, logo wotikine la wokumu liwoso lande alidi té.
\v 10 Alikambo ate, ango eguali inde, inde aguali la masumu mbala kikima mpamba ase ndondo emokalo mungo modjéi inde la maho sikahala inde adjéi la mokalo alikambo la Mwengéi.
\v 11 Ndi ndjongo ino koto ndimani ate odjéini wato waguake ndondo e masumu la odjéini la mokalo alikambo la Mwengéi ndondo ewawanesi la Yesu Kilisito.
\v 12 Masumu makokiti kine okondji wenge wasu alidi alikambo la ototindiki iso la otemi pui la ehoha e wenge waho.
\v 13 Otidekeni alidi wisuki wa wenge wanu olingeli la tomu dja masumu té alikambo la odjéi wiho wa tomu la sambo mbe, ase ahekeleni atie Mwengéi nda wato wango wapumbiga la logo la walingeliga la mokalo, ase ahekelini mobimba la wotomu wo Mwengéi nda wiho wa wotomu alikambo la okeli sambo djinge idjéi memene.
\v 14 Te mpamba té, masumu makokiti odjéi likolo la nu té alikambo ate otikineni sese e pui té ase sese e makbama Mwengéi.
\p
\v 15 Ndjongo, nda ema? tokele masumu alikambo ate todjéi sese epui té ase sese e magba ma Mwengéi? te wokeke té!
\v 16 Ndjongo nda wewi ino inga olingelani la wotomu wo moto odi alikambo la otemei pui djande, oumigani mituke ma Likumu o linge likomotemiaka ino, te la masumu mango makotomakani atie logo, te la etemia enge ekotomakani ino atie mokalo momemene liwoso la Mwengéi.
\v 17 Ase kekedinge la Mwengéi ino wato wakali liwoso mituke ma masumu sikahala okotemiakani la mitema manu kpàa wenesi la opundesi mango makodjali ino.
\v 18 Opumbigani la wotuke wo masumu, la oumigani mituke ma womemen.
\v 19 IKwasa ndjongo la pui dja wato, alikambo ate wenge wanu wdjéi petepete la liwoso wahalini mobimba la wotomu la wonali la wobe, wabati ndondo e wodje, ndindjongo sikahala wahekeleni mobimvba nda mituke ma wotomu wo womemene alikambo la wonsatu.
\v 20 Engele edjakali ino tuke dja masumu, womemene wotidjake likolo lanu té.
\v 21 Ndindjongo ango odjakali ino okeli tomu djinge idjali o ohekeliniino nsoni sikahala, nda ema djinge ikowatomaka wato la logo.
\v 22 Ase sikahala, okaligani laloi wo masumu la odjeini la wotomu wo Mwengéi ema ekokondjani ino ongo edjéi osombi ndondo e mokalo monsato, mbuse eho okokondjani mokalo molibela.
\v 23 Alikambo ate liûti la masumu lidjéi, ase likao linge lihekeli Mwengéi mpamba lidjéi mokalo mo libela ndondo e lingomba mongindi la Yesu Kilisito Likumu lasu.
\c 7
\cl Esuki Esungu 7
\p
\v 1 Wa manima, woewini memene, nda ema epotia mbai woasi, alikambo ate wewini pui, idjéi lpa wokumu likolo la moto ndi engele edjéi inde la mokalo.
\v 2 Te lagesele té engele edjéi yo moto pele la mokalo, pui dja liwala imonangi moli onde ebete eikima mainde, ase inga moto pele aguiga, moli apumbiga la pui djinge imonangaki ebete eikima la molome onde.
\v 3 Ndjongo inga moli amoika molome odi engele edjéi molome e onde la mokalo wakomotolo inde moli wo eteba, ase inga molome onde aguiga inde atikine sese e pui té, aengi omoiki molome odi, ase watomotolo kine inde moli wo eteba té.
\v 4 Edjéi ndindjongo alikambo lanu wamanima oguigani atie pui, wawonesigani wenge wikima la Kilisito, alikambo odjéi likondja la moto odi, sikahala odjéini likondja la moto ongo osekwali ndondo e wato waguake, alikambo ate tokele wotomu wungo wokomohekele Mwengéi liwongoseli.
\v 5 Alikambo ate ango edjakali iso la wenge wa gala wasu yo, ehoha ebe enge pui idjakali otindiki edjakali ndondo e wenge wasu wiesi kpàa, la todjakali okeli tomu dja logo.
\v 6 Ase sikahalaa, topumbiga sese e pui, alikambo ate toguiga atie loi lungo wotonangaki la woyogo. Ndjongo toengi omokeleli Mwengéi la motema moholi, sese e wokumu wo molimo la odei okeli nda ekelakali iso gala, enge edjakali sese e pui ndjinge e dingali iwo.
\p
\v 7 Ndjongo tokoasa nde? pui idjéi lisumu? te wokeke té! ase pui indjewesali mbai ate lisumu liudjéi nde alikambo ate ikokaki wewi ate litema lidjéi lisumu inga pui itiasake ate: otidjakela litema té.
\v 8 Ndjongo lisumu lihekeleli pui mboka eobekesi ehoha ebe ndenge la ndenge ndondo e mbai alikambo ate engele etidjakali pui té, lisumu lidjakali ema eguake.
\v 9 Gaala idjakali la mokalo ango otidjakali pui té, ase engele eumali pui lisumu likalali.
\v 10 Mbai iguiga, la ndenge nge e owasombesi atie mokalo, iogbotoli ehonde ekotomaka mbai la logo.
\v 11 Alikambo ate lisumu likondjali mboka, likosali mbai la ndenge enjolali mbai alikambo la ndenge eho.
\v 12 Ndjongo, pui mene idjéi wonsato la ndenge edjali djaho wonsato, memene la wolamu.
\p
\v 13 Ndindjongo loi wungo wodjéi wolamu nde woumali gbondo e logo alikambo la mbai? te wokek té! masumu ndemadjakali gbondo eho. Eneseli memene ndenge edjeli e masumu ndjongo eneneli memene ate edjali lisumu nde litotali ema elamu la ohekeli mbai logo eho edjéi nda ndenge eumali lisumu wobe oleki la ndenge eho.
\p
\v 14 Ewewi ate pui idjéi ema e molimo, ase mbai idjéi moto petepete, motuke mo masumu.
\v 15 Yewiti inga ikokelaka nda ema alikambo ate itokelaka loi lungo wobaliti mbai té, ase ikokelaka wango wungo wotoni mbai.
\v 16 Ndjongo inga ikokelaka loi wungo wobaliti mbai te yewi ate pui idjéi wolamu.
\v 17 La memene, etikine alidi mbai la okeli djinge sambo te ase edjéi lisumu linge lidjéi ndondo e mbai.
\v 18 Alikambo ate yewi ate wolamu woti kine ndondo e mbai te, easi nda ate ndondo e wenge wa mbai ndjongo, te inga ehoha e okeli sambo ndamu wo mbala mbai ase wokulu wo mbai wengiti te la okeli woho.
\v 19 Itokelaka sambo ndamu te ndjinge ibali mbai ase ikokelaka sambo mbe djinge ibaliti mbai té.
\v 20 Ndjongo inga ikokelaka sambo ndjinge ibaliti te etimbai ongo okokelaka ndjongo ase edjéi masumu mango madjéi ndondo e mbai.
\v 21 La ndjongo itotikga mwano ndjo: inga ibala okeli sambo ndamu, wokulu wo mbai wobali ndi okeli wobe.
\v 22 Ndondo e mbai mene yemeli ndondo epuidja Mwengéi.
\v 23 Ase yeni pui djadi ndondo e wenge wa mbai pui djinge ikosanaka la pui dja lokenge wo mbai moto o woyogo la masumu mango madjéi ndondo e mbai.
\v 24 Idjéi moto omagba! ndai okodukola mbai la wenge winge wikogulaka mbai wiengele kpàa atie logo.
\v 25 Kkedinge la Mwengéi, alikambo la Yesu Kilisito Likumu la su! ndjongo, idjéi la wotomu la pui dja Mwengéi alikambo l wokenge wo mbai ase wenge wa mbai widjéi la wotomu wo pui dja masumu.
\c 8
\cl Esuki Esungu 8
\p
\v 1 Asesikahala, huko eti kine alikambo la wato wango waboleiga ebete eikima la yesu Kiklisito.
\v 2 Te lagesele, pui dja molimo djinge ihekeleli mbai mokalo alikambo la oboliani la Yesu Kilisito, idukoliga mbai la pui dja masumu ase la logo.
\v 3 Mwengéi akelali lungo loi lo pui dja Moize etikoke okeli te, alikambo ate pui djaho idjali petepete la wenge wa wato, Mwengéi atenali huko e masumu wabati ndondo e wenge la omotomi mana onde mene ongo odjali la wenge nda wenge wa wato wa masumu, eho edjali koto nda likambo la olongosi masumu.
\v 4 Mwngéi akelali ndjongo alikambo ate loi wungo wongoli pui, wokelame ndondo e pui, ekelame ndondo eesu, iso wato wango wakosombaka la mwano ma wenge te ase la mwano mo molimo.
\v 5 Alikambo ate wato wango wakosombaka la mwano mo wenge wakoahelelaka la sambo djinge ibali wenge ase wato wa osombi la mwano mo molimo wakoahelelaka la sambo djinge ibali Molimo.
\v 6 Waheleli la sambo dja wenge ekohaka logo ase waheleli la sambo dja molimo ekohaka mokalo la logo.
\v 7 Te la gesele te wato wakoahelelaka la sambo dja wenge wadjéi mitone ma Mwengéi watotemiaka pui dja Mwengéi te wakogiti koto otimei djaho té.
\v 8 Wato wango wakotutiaka sambo dja wenge waengiti omwemelesi Mwengéi te.
\v 9 Ase ino otuteitiakani sambo dja wenge te ase okotutiakani sambo dja Molimo, alikambo ate Molimo mo Mwengéi modjéi ndondo eenu moto ongo oti la molimo mo Kilisito te, ati moto o Kilisito te.
\v 10 Ase inga KIlisito adjéi ndondo eenu te wenge wanu wigua alikambo la masumu ase Molimo modjéi la mokalo ndondo nu, alikambo ate oumigani la memene liwoso la Mwengéi.
\v 11 Inga Molimo mo Mwengéi, ongo asekwali Yesu ndondo e wato waguak, adjéi ndondo eenu, ndjongo moto ongo omosekwesali KIlisito ndondo e wato waguake akohekeleni ino mokalo alikambo la wenge wanu winge widjéi ema eguake, akohekeleni mokalo alikambo la Molimo monde, mungo modjéi ndondo eenu.
\p
\v 12 Ndjongo wamanima, todjéi la loi ewongi tokele ase eho eti loi lo wenge wasu te, alikambo la okeli sambo djinge ikobalaka wenge wasu.
\v 13 Te la gesele te, inga okosombakani mbuse e wenge, okoguani ase inga ndondo e Molimo olani sambo dja wenge okokalani.
\p
\v 14 Wato kpàa wango wakowasombesaka Molimo mo Mwengéi wadjéi wana wa Mwengéi wadjéi wana wa Mwengéi.
\v 15 Alikambo ate Molimo mungo mokondjali ino moti Molimo mo obati ino mituke te ekotumesakani alidi ino la owangi te ase adjéi Molimo ongo okokukolakani ino oumi wana wa Mwengéi ase akotohekeleke obalsi e oleli atie Mwengéi “Aba” easi nda ate “Wawa” o mbai”
\v 16 Molimo mo Mwengéi mene akotoaselaka atie Molimo mosu ate todjéi wana wa Mwengéi.
\v 17 Todjéi wana wa Mwengéi ndjongo tokokondja esuki ewadjenge wango wato wunelali Mwengéi alikambo la wato wande ate wakokondja mbuse toko kondja eho la Kilisito to mongindi alikambo ate inga toene wodidi ebete eikima la inde tokodjaa koto alidi ebete eikima la inde ndondo e wongengi wonde.
\p
\v 18 La mamugwne ma mbai wodidi wo kueneke iso sikahala woengiti te la wongengi wungo wokoumesa Mwengéi atie su.
\v 19 Wiho kpàa winge wikeli Mwengéi wikolambela la ehoha ngo ate Mwengéi aenese wana wande.
\v 20 Alikambo ate wato wakuiga ndondo e wokumu la sambo djing iti la liwongoseli te eti ate alikambo ate alali ndjongo ase Mwengéi nde obatali eho ndjongo te ndjongo modia modjéi.
\v 21 Modia moho modjéi ate mokili mokouma wuse wodi la lipanda, mokopumba la wotuke la wokumu wo moli ase ekokondja esuki la lipanda la wongngi wungo wo wana wa Mwengéi.
\v 22 Ndjongo twewi sikahala ate mokili mwesi kpàa mokolelaka ase mokoeneke moundunda moli ongo opotia owoti.
\v 23 Ase eti te saa la wiho winge wikelali Mwngéi. Iso wato wango wakondjali Molimo nda esuki e likao la Mwengéi tokolelaka koto ndondo e mitema masu olambeli ate Mwengéi atokukole iso toume wana wande ase alese wenge wasu kpàa.
\v 24 Alikambo ate toaliga ase edjéi yo modia inga moto aene loi wungo wokomungwaka inde enge etikine alidi modia te ndai okoki omungoi loi wungo weni inde la maiso?
\v 25 Ase inga tokomungwaka ema enge enekiyo iso te tokolambelaka eho la motema molai mene.
\p
\v 26 Ndi ndjongo MOlimo mokotogamesaka iso wato walembeke alikambo ate toewiti wakongi te nda edjéi eho ase Molimo mene akoakongo la Mwengéi alikambo lasu la wilelo nda ndenge engi wenesi eho te la woasi te.
\v 27 Ase Mwengéi ongo okweneke mitema ma wato aewi nda ema ekongoko Molimo alikambo ate Molimo akoakongoko alikambo la wato wango wadjéi wato wa Mwengéi, nda ebali Mwengéi.
\p
\v 28 Twewi at Mwengéi akokelaka wotomu alikambo la wolamu ndondo e sambo kpàa atie wato wango wakomobalaka inde ndi wato wango wako waweli inde nda ewaonoli inde.
\v 29 Wato wango wawonoli Mwengéi liwoso inde awaengesali odjéi nda Mana onde adjéi mana o liwoso ndondo e wamanango ngbii.
\v 30 Wato wango wawonoli Mwengéi liwoso inde awawelali iwo koto wato wawa welali inde awabatali iwo la memene liwoso la nde awabatali la memene inde awahekeleli esuki e wongengi wonde koto.
\p
\v 31 Tokoasa kin alidi nde? inga Mwengéi adjéi la likambo la su, ndai wengi asani la iso?
\v 32 INga inde atimohali mana onde mene, ase amohali alikambo la su kpàa nda ndenge engiti inde otohekeli iso wiho kpàa mongindi la mana onde?
\v 33 Ndai okowakawa wato wango wawoni Mwengéi? moto toeti te! alikambo ate Mwengéi nde owaweli wato wa memene.
\v 34 Ndjongo ndai okokoka oteni huko ewu? moto toeti te! edjéi Yesu ongo oguali, la ileki djièsi kpàa ongo asekwali, inde adjéi la ewoe lilome e Mwengéi, la akoakongoko alikambo lasu.
\v 35 Ndai okoki otolongosi iso la libalano la Kilisito? magba makokiti olongosi iso te! wodidi, mbeti te ndjala te, wondjangi te paima te logo?
\v 36 Nda edingali iwo la ekpata e Mwengéi" Alikambo la owe wadjakali otoli iso moi mwesi wakotokelaka iso nda kondolo djinge ipotia iwo okadjioli.
\v 37 Ase ndondo edjihinge sambo kpàa tokolongaka alikambo la moto ongo otobalali iso ngbii.
\v 38 Alikambo ate yewi memene ate loi te loeti te wojkokiti otolongosi iso la libalano la Mwengéi te logo te mokalo te wahumbwa te makumu te wokulu wo likolo, te loholi te loi lungo lo mbuse.
\v 39 Te wokulu wo likolo te wokulu wosese, te wiho kpàa wadi winge wikeli Mwengéi loi te loeti te wokoki otolongosi iso la libalano linge litoinyali Mwengéi iso ndondo e Yesu KIlisito Likumu lasu.
\c 9
\cl Esuki Esungu 9
\p
\v 1 Yasi memene idjéi moto o Kilisito, yasiti moleho te, molimo wewi wo mbai wungo wo molimo monsato akotomaka akoasaka ate enge edjéi memene.
\v 2 Motema mo mbai motumi la magba masungu ase la wodidi wungo wotosilaka te.
\v 3 Ibalaki ate imotangakole Mwengéi ase la odeni la Kilisito alikambo ate wa manima ndondo e liwota la mbai wakondje wolamu la ebete e mbai.
\v 4 Wadjéi wato wato wango wawoni Mwengéi inde awabatali iwo wana wande, awahali iwo wo ngengi wonde, akelali wondimani la iwomongindi ase awahali pui wandakali la woakongi womemene wakondjali mawuna ma Mwengéi.
\v 5 Wadjéi wa liwota la watata, ase alikambo la owotami wowenge, Kilisito apumbali la liwota la wu inde ongo odjéi likolo la sambo kpàa, Mwengéi adje la etemia libela la libela! Amen.
\p
\v 6 Ase yasiti ate liwuna la Mwengéi liumiga mpamba ase alikambo ate wato kpàa te wa Isalaele wadjéi wango wawoni Mwengéi ase.
\v 7 Wato wa liwota la Abalahama watidjali kpàa wana wande wa memene te alikambo ate Mwengéi amwaselali inde: ndi wato wa liwota la Isaka nde wakowelama wana wa owe.
\v 8 Easi nda tami la wenge nde wadjéi wana wa Mwengéi, ase edjéi wana wango wawotami alikambo la liwuna la Mwengéi nde wadjéi wana wa memene wa liwota lande.
\v 9 Akambo ate Mwengéi awahali liwuna ndjo: Inga engele ekoka ikodja alidi ase Sara akowota mana opele.
\v 10 Ase eti saa ndjongo te wana wapele wale wa Rebeka wandjaali la sangbau moikima ongo tata esu Isaka.
\v 11 Ase Mwngéi adjéi la mboka ende la ate awone wato, woni woho wodjéi otutei owaweli wonde atie wu, eti alikambo la wotomu wou te.
\v 12 Alikambo la wenesi ate mboka eho edjéi eende ndi wana wawotamakiyo te, ase ndi wakelaki yo nsambo ndamu te sambo mbembe te, Mwengéi asali la Rebeka: Mana oliwoso akomokelela mana o mbuse.
\v 13 Nda easi e ekpata e Mwengéi “Imobalaki Yakobo ase imotonaki Esau.
\p
\v 14 Ndjongo tokwasa nde? Mwengéi ati memene te? ee wokeke te.
\v 15 Alikambo ate inde asali la Moize: ikomokela magba la moto ongo obali mbai omokeli magba, ase ikodja la wouma la moto ongo obali mbai odjéi lainde la wouma.
\v 16 Ndjongo eti alikambo la wobali motema mo moto te la wokondji wonde ase ndi la loi wo Mwengéi ongo okokelaka magba.
\v 17 Ndondo e ekpata, Mwengéi asali la likumu la Edjipeto: yobatali owe likumu ndi alikambo la wenesi wokulu wo mbai atie owe alikambo la wewesi nkombo e mbai la mokili mobimba.
\v 18 Ndjongo, Mwengéi akokelaka magba atie moto ongo omobali inde ase akohaka motema makasi la moto ndai ongo obali inde.
\p
\v 19 Ndjongo ngele edi wato wakoki waasi la mbai: “inga edjéi ndjongo, alikambo lande ekobataka Mwengéi huko atie wato? alikambo ate ndai wengi obati kokia la mwano monde?
\v 20 Ase odjéi ndai owe moto, alikambo la okeli kokia la Mwengéi eeni e mbume engi omohueli moto ongo oekeli eho “Alikambo lande likelali owe mbai ndjongo?
\v 21 Mokeli oteni akoki okeli mbume nda ebali inde ndi la mbume kikima djinge ikoki inde okeli teni la motio mosungu te okeli teni djaho la motio moke.
\v 22 Ndjongo okoasaka nde la loi wungo wokelali Mwengéi? inde abali wenesi limemu lande ase wewesi wokulu wonde alikambo laho inde alambelali la motema molai ngbiii wato wango waengali la limemu lande ase wadjali ahue la owaoli.
\v 23 Inde abalali wnesi wdjenge la wongengi wosungu wonde atie su enge ekondjinga iso magba monde, abatalili woso la okondji wongengi wonde.
\v 24 Alikambo ate iso todjéi wato wango wawawelali inde, eesa wa Yuda te ase ndondo e liwota ladi koto.
\v 25 Nda ewesali iwo la ekpata e mwaseli Osea: “Wahawa wato watidjake wato wa mbai te, ikowawla iwo wato wa liwota la mbai aseliwota lingo litibalakali mbai te ikowela liwota laho mobalani mo mbai.
\p
\v 26 Ango wasakali iwo: wato wahango wati watio wa mbai te ndi wahango wato ndjongo wakowelama wato wa Mwengéi omokalo.
\p
\v 27 Isaya koto apamali alikambo la wato wa Isqalaele: “Te wato wa Isalael wadja ngbii nda ngene kelekele e malia masungu, saa ndambo keke ewu ekotikala ase wakokala.
\v 28 Alikambo ate akokohesa loi wonde kpàa ase akokela wohogalaa likolo la mokili.
\p
\v 29 Ndi Isaya ongo oasali liwoo inga LIkumu la wokulu kpàa awadeli wana alikambo la sute, nda toumiga nda Sodoma, nda todjéi ndenge kikima ndaGomora.
\p
\v 30 Ndjongo tokoasa nde? eokoasandjo: wato wango wati wa Yuda te ase wadjakali oluki woumi memene liwoso la Mwengéi te woumiga memene liwoso lande, alikambo la wondimi la motema mwesi kpàa.
\v 31 Ase wato wa liwota la Isalaele, wango wadjakali oluki pui djinge yengi owahekali e woumi memene liwoso la Mwengéi watingali woumi memene.
\v 32 Alikambo lande? alikambo ate watilukake woumi wolamu la maiso ma Mùwengéi la likambo la wondimi ase wadjakali omungoi ate wakodja wolamu liwoso lande alikambo la wotomu watimi gaa makolo la libanga lingo liengi okuesi.
\v 33 Enge ekwasaka ekpata Mwengéi loi loho denda ibaliga alibanga la okuesi Siona libanga la okwesi wato ase moto oondimi laho, loi te loiti lotomokwese.
\c 10
\cl Esuki esungu 10
\p
\v 1 Ino wamanima wa pele, la omongi engali mpe odjangi okobwani la inde late ino okale.
\v 2 Idjimisami la sambo djanu oyakeli mobimba la engali, adjangi ongenge:
\v 3 Totimwekele Mwengei la o sembo wonde, wato waleekakali obati o sembo wohu amene, odjangi oteesi semboe maloba ma Mwengei.
\v 4 Late kilisito adjali bgoo e mibeko ma Mose, la osambesi wango wa komondima.
\p
\v 5 Laate Mose alimbolali tina o dji o mibeko mpe la sembo eho: moto pele ongo okobata la misala e mibeko okokala.
\v 6 Denga ndenge asi osembo wungo odji ondimi la huwo: itiasela mitema mowe ate ndai okotela? ongo edjei nda omodjimbikilisito ono sese.
\v 7 Tée wasi ate ndai okoyadjimba ongo la lifelo? ongo edjei omolongisi kilisito kati e wato wakpake.
\v 8 Lun, du lande aasi wini? eiboba lande lidjei penepene ehowe, la monoko mowe, la mitema mowe; djakande lundu londimiake, engo otoyaka iwo iso.
\v 9 Inga oyambola la monoko mowe ate Yesu adjei Engali, mpe ondima la mitma mowe ate Engali a mosekwisali kati e wato wakpake, okokala okilingela la bokonzi e Mwengei.
\v 10 Mpo inga omoyamba Engali la motema mowe okouma moto osolo, wasi la monoko mowe sambo djinge ikelate owe, ango okohuma la ondimi makasi, okokani la ndengenge aasi mandigo ma Mwengei.
\v 11 Moto kpaa ongo o mondimi atie e mombulungano,
\v 12 Eti la okeseni kati esu la wa Yuda la wageleki, la te iso Mwengei mokikima, ongo odjei la omngo odjangi osuki la wango wato wango mowelaka la ngonga kpaa.
\v 13 Late moto ongo omobelelaka Engali konga djesi akokala.
\p
\v 14 Nda ndenge ekomowela iwo moto ongo omo omonditi iwo? woni okoyamba iwo? woni okoyamba iwo moto ongo wokiti iwo wasi la tina eende? nda ndenge ekoki iwo ooki inga moto moteyake a edjei?
\v 15 Nda ndenge ekwenekewatei, inga watiwatome? okokani ndengenge ekomami eho: edjei olamu matambe ma wato wango wosombaka la otei oboto e Mxengei, mpe wango wo teyaka liloba lande liholi.
\v 16 Kasi wato kpaa wabaliti otosilundu la engali linge liholi, la mosakoli Isaya aasiyo: Engali ndahi odjeini mateya masu?
\v 17 Djongo ondimi okodjaa inga moto ahoka, mpe enge ekokaka moto ekodjaa a owasi la monoko mo kilisito.
\p
\v 18 Engali asiate: ino otiokeni? la ohoki obe, mali mawo mikiate kpoo emokili, mpe maloba mahutée ekasuki mbume.
\p
\v 19 Kasi inde asiate: Isalahele ati ewe? Mose moto la owaseeli: wa toma eti ekolo wawineni ino, wa toma ikolo winge widjangi okenge wasane laino.
\p
\v 20 Inde Isaya akiate wasu ata: mbai yabati eti; e wato wango walukakali te mbai te wango wapwelalakali te mbai.
\p
\v 21 La tina enge Isalahele asi djo: mbai iwawekali masio kpaa wato wa mbai, kasi watomboki mpe odjaseli mbai obee.
\c 11
\cl Esuki esungu 11
\p
\v 1 Mbai yasi ate: Engali awalumbi wato wande? lihele awungo lomungo! late mbai mpe edjei mohisalaheli mokitani mwa Abalayama la Elombo e Bejamina.
\v 2 Engali awalumbiti wato wande, late awa ewakali liwoso ate akele likolo la mbume wewitini enge aasi mandingo ndengenge efutabali Elie ekolo e Isalahele:
\v 3 Wasi ate Engali iwo wato wowalali wango wawatomali owe, wabukakolia ibete winge wa otumbelakaliiwo makambo, itikali mbaimokikima wahulukaka koto ate wadjole mbai?
\v 4 Nda ayano emohekeleli Mwengei? idjei la wato wa mongumbamelti bala.
\v 5 Nde kikima la ehele tango edjei iso, edjei la ndambo e wato wango waneni la ngulu e Mwengei.
\v 6 Inga idja la okulu, eti tina la misala, toasa nda ndenge okulu etikine okulu, inga edjei la mboka e misala, etikine okumu tokohasa woni osali misala eti mpe litomba.
\p
\v 7 Nda ndenge eema? olukaka Isalahele, enge e totali iwo, woneneli mp; e wadjwa, kasi wango weti wa ibalali ooki.
\v 8 Okokani ndengenge endingi iwo: mwengei awa okelia molimo moohungi, wadjei la maiso watiene, wadjei la matoyi wadjoke tée la maiso kekéhele e Dawidi asindjo:
\v 9 Abati la olaki wohu itanga la ndenge okpi wohu wofuta djinge sambo mbémbe yokelaka iwo kpaa.
\q
\v 10 Maiso mahu malimane late watiene, mpe mikongo mahu mitikale ndi mimbani.
\p
\v 11 Engali asiate: okpi ase odikimboka? iti djongo! kasi okpi wihu edjeiti te, wato wango watimwe wakali Engali mboka o mweni Mwengei.
\v 12 Okpi wahu edjei ate lokili modjuweomengo mpe olongwesi ndambo e omengo owapango ekoki odjei nda ndenge inga iwo kpaa wandima edjei Isalayele la mabota.
\p
\v 13 Mbai okowaselaka ino wapangano late mbai edjei toma e wapangano ikowakumisaka la otomu wawu opekeli Mwengei.
\v 14 Inga ekokoka libota la mbai nda Isalayele wahunge, late ndambo la mokii wakale.
\v 15 Otoni wohu Mwengei edjei ate mokili mobimba wadjwe makoki makalake, laate ango ekowawengele inde edjei sambo la okali te okpi?
\v 16 Inga mbuma eliwoso edjei olamu wato mpe sungu wakodja olamu i, ga midjali peto asakate ite wamite ewongi.
\p
\v 17 Kasi inga weti ite wamite ilongweseneli, inga owe odjakali mote, mwesi momotulu, wo obatiowe la ebete ehu, late ehume masisa mpe maita ma Olive.
\v 18 Owe moto odjei e moto otiya kumese, inga odja kumese e wato mosisa nde mokpali owe, kasi owe okpaliti mosisa.
\v 19 Owe okohasake: winge ite wa mite itenali iwo, late wabate mbai ango.
\v 20 Edjei mpe solo; inga wawalongoseli iwo laate iwo waebalali ondimi kasi owe pdjei ango la tina ondili, kasi owe ya bata ndondo e mowangi Engali mpe ejombo.
\v 21 Inga Mwengeiawatonali wato wango wawoneli nde amene, laate ekodja ate owokele makpa.
\p
\v 22 Odengi la olingo mpe la sembo e Mwengei, ndondo enge wato wakpi, mpe ilongo waEngali atie owe inga itiyahekele lakasi atie Mwengei, akoki olongwesi.
\v 23 Ewo mpe ndenge kikima, inga wayalingesa esungu odjangi o mondimi Engali, Mwengei adjei la makasi kpaa mawalongosake keké ehele aleeti.
\v 24 Inga owe, wahoteneli la mote mungo momowotamali la mokii mo motulu, akoki olongwesi ndondo e mote mungo molamu, la oleki olamu iwo wakoki olongoi mpendja la mombimbi la moto mungo molamu
\p
\v 25 Wamanima wa pele, mbai ebaliti ate ino ohungeseni hele limbobani la tina te, otoyeneni nda wato wango wa djei la lokenge la oyewi, laate ndambo e wato wa Isalahli wa kpali la odjangi wooki, la tina eho ehekeleli mboka ate wato wango wati mwewakali Mwengei ate walingele ewo kpaa.
\v 26 Ekomami ate waisalaheli kpa wokala, moto ongo o wakalesa akolongwa ongo la Siona, akolongosa wango wato kpaa wadjangiondimi la Elombo e Yakobo.
\p
\v 27 Ekodja oyokani osu la hiwo ango ekolongosa mbai mosumu ma iwo.
\p
\v 28 Iso tohumia minguna mahu la tina la liloba Mwengei laate la hungo o dengi wononi wabalilikambo la wasangbau wango wakanate mbai la iwo.
\v 29 La tina e wato wango wowelani la la Mwengei, mpe la wango wadjei makambo ndenge la ndenge edjei Engali wati la sambo yambolaki.
\v 30 Motindo mokikima mbe laeti etonali ino o motosi Mwengei ndenge kikima owokeli mabga late okaleni ino kpa.
\v 31 Ndenge kikima odjangali iwo otosi, ngolu enge e Mwengei awo kaliani magba la mitema monde molamu.
\v 32 Late Mwengei o motosi, laate wakali iwo kpa tu.
\p
\v 33 La odjindo la odjwi Engali, la lokenge londe, mpe la oyewi ma Mwengei, wa e mekeke osambisi wonde, mpe mboka djande atiokanake.
\v 34 Ndai wewi mamungo ma Engali, mpe ndai omohekeleke toli?
\v 35 Ndai omihkeleli mamungo liwoso, late ayewe omowongeseli?
\p
\v 36 Odjei, mpe lainde amene, mpe djind mokikima okolali iho kpaa didi ekoheneke iso la mikii atie inde lokumu lodjangi gboo seko la seko.
\c 12
\cl Esuki esungu 12
\p
\v 1 La lomungo la Engali mbai okowaselakani ino wa manima wa pele, la libalano Engali la lokenge e sembo la oyahekeli wenge wanu kpaa nda sambo linge liwongi la ndenge ndamu la omosaleli Mwengei la ndegenge ekoki.
\v 2 Otibilakeni sambo dja ma masio mo okalaka iso, kasi tobongwane la oyewi, mpe la lisosoli la wewi posa Engali, enge edjei olamu, mpe enge ekoki.
\p
\v 3 La ngulu enge epekeli Mwengei mbai, ikohasaka la mwesi, mwesi wonu ate atidjake la sambo dja bingake tembe, kasi eheni sambo ndamundamu la ondimi hungo otohekele Mwengei ndambondambo la moto mwesi mwesi.
\v 4 Nda odjei iso la esuki esungu la wenge ekikima, edjei ate eteni ekikima ekikima edjei la lotomo, la mosala muho mokelaka inde.
\v 5 Laate nda odjei iso wato sungu tuu todjei moto moikima adjei kilisito, iso kpaa todjei wato weti la weti.
\v 6 Late todjei la sambo la okeli mosala monde ikeseni, okokani la ngulu nge otohekeli Mwengei ongo odjei la likambo lisakolake akele okokani ndengenge emohekeli ondimi.
\v 7 Ongo owelani la otomu, akele otomu wonde, ongo owelani molakesi akobo otei.
\v 8 Ongo okowabondisaka, akobe owabondesi, ongo okawaka akawe la motema bolelee, ongo odjei likumu akele otomo monde la esengo, ongo okowayokelaka wato magba asale la mwemu.
\p
\v 9 Laate tokele mosala molamu, odjangi okasi, tolumbe misala mibe, kasi toyakele la sambo ndamu ndamu.
\v 10 Towabale wato kpaa la olingi wa Engali mp iso amene, amene odjangi winani kati esu.
\v 11 Tomokele Engali, ndondo e makasi ma molimo odjangi olembi, la ondimi wungo otohekeli inde iso.
\v 12 Toike piko la mabondeli, totibate mitema la sambo mbembe todjei la osepeli kati e sambo ndinge ikotogbotoko.
\v 13 Todjei wato wayambake wapaya mpe posa ewa salesake wa satu.
\v 14 Toiwambumakelake wato wango wo tokelaka obe kasi to wapambolaka tango kpaa.
\v 15 Tosepele la wango wosepelaka, tolele la wango wo lelaka.
\v 16 Todje lenge posa kati esu mpe wa manima, totilukake oyatomboli kati e waino wasu kasi todjei wato waya kitesaka totii yakumese la bwanya wasu amene.
\v 17 Tohiwongolake obe, la obe, kasi toluke okeli olamu atie watu kpaa.
\v 18 Inga ekoki, toluke boboto la moto kpaa odjangi mopaka.
\p
\v 19 Woyi memele owe mhikima, kasi dhee kanda eete, late ekomami djo: Mwengei nde wewi ofuti moto la moto la obe ungo wokeleka inde
\v 20 Inga monguna mowe adja la nzala, mohekele ilaka ilakake, inga adja la posa e lalia mohekele malia makengake, okeli djongo edjei ndate okomosuellaka magala ma misa la moto monde.
\v 21 Otiyatikake ate obe wolonge kasi olamu la sungu la ebete wobe.
\c 13
\cl Esuki esungu 13
\p
\v 1 Ewongi ate moto kpaa awa tose wakondji wango wadjei likolo lahu itila okondji nde okikima wango wolongoyi ti edjei Engali, wakondji wango wadjei iwo kpaa wabatemi la Mwengei.
\v 2 Laate moto ongo ototonaka owatosi wakondji edjei ndate okomwamalelaka Engali, wakongo wabalaka owa tosi wakondji, wakoyangulelaka ilakeli ibe etiewu amene.
\v 3 Eti likambo lilamu, kasi edjei likambo libe, wasambesi owawangi wakondji? wasale otomu, laate wakodjwa mbano ndamu.
\v 4 Masambisi la wasali wa Mwengei wadjei wato walamu, kasi inga obe wawange, late iwo wahekelaka otomu mo pamba mungo moiki iwo liloba la Mwengei nda wasali wa Engali okengeli otomu mo Mwengei, mpe ohekeli itumbi la wato wango wokelaka obe.
\v 5 Iti mpdja la litomba litosake, sato la owangi itumbu, kasi ewongi omosalesi Mwengei la motema mowe kpaa.
\v 6 Ewongi laino ofuti pako, late masambesi wadjei wasali wa Engali wango wayahekeli mobimba e mosala momosalelake Engali.
\v 7 Moto la moto afute enge ema ekoki lainde: wango wa pako wafute pako, wango wa fute djinge dja owango wa wawangake wahekeli djinge odjau wango walokumu wa fute koto djinge djau.
\p
\v 8 Otikele ema te ekikima la moto kpaa balanani mwesi, mwesi moto la moto la wamanango, laate moto ongo okowabalaka wa maango okokisaka mobeko.
\v 9 La djongo mibeko mituaseli ndjo: otikelake ekobo, otiolake moto otimombekake moto ongo ogala, welulake ema e moto, te ema enge edjei inde laiho, laate djinge sambo kpaa itomesami la liloba la Mwengei abala mangwa nde owe amene.
\v 10 Late olingo okotomaka wemokeli mangwa obe, mobeko makasi sambo kpa late omobale mangwa.
\p
\v 11 Djinge sambo djawo kpaa iko toniaka nda tango imasio okalaka iso: todjwi la tango suswake la iso, late ondimi odjei penepene esu, laate tango enge indimate iso.
\v 12 Likolo liikima lihele, wuse wumiga penepene la otani, tolongose sambo kpaadjinge mbembe, tokpale molato moliloba la Engali late to ngengelame la ongengi monde.
\v 13 Nda use ndjo, tosombe la izaleli wilamu: la lipati te linge la litema la milangwa te la sambo mibée te libolianisake wenge te mpe la esombeli éndundu té lisuake té la djua té.
\v 14 Kasi mokpalani nde likumu Yesu kilisito, otikelakani djawo la mwemu mo wenge.
\c 14
\cl Esuki esungu 14
\p
\v 1 Yambani wato kpaa wango wadjei londimi okeke, kasi yebingakeni laino tembe.
\v 2 Moto ongo odjei la ondimi olakake iho kpaa, ongo mpe odjei la ondimi okeke olakaka kasi la wa mbuma.
\v 3 Ongo olakaka ati motilakaka, mpe ongo oti lakaka atilakaka atimosambese ongo olakaka, laate Engali owewi iwo kpaa.
\v 4 Owe ndai late omosambese mosali weti moto? inga amala likolo, inga a kpa to kpa likambo laho linondengiti owe molakesi monde liti owe. likumu monde ayewi ema enge ekokela inde laino.
\p
\v 5 ndjongo nde o keseneke masio, mpe ndenge kikima ekokani wato, moto edjei la ondimi hungo okoki lainde.
\v 6 Ongo wewi okaboli masio ma Engali aokelaka olamu ongo olakaka, olakaka la tina e Mwengei, laate liwoso la olaki ewongi obondeli, ongo laate wilakaka idjei mokano mo Engali ayilake inde ate omosambele dji Mwengei.
\v 7 Laate edjei ate moto atiyakalesaka inde amene, laate moto a kpaaka lainde amene.
\v 8 Laate inga iso tokalaka, tokalaka la tina e Mwengei, inga ate to kpaa la tina e Mwengei tokalaka tokali to tokpaa to okpii edjei dji la mokano mo Mwengei.
\v 9 Inga kilisito olongali logo, late adji la likumu likolo la wato wagbake la wango wa djei la bomoyi.
\p
\v 10 Owe lande omosambeka owe mangwa? owe omotonaka mangwa lande? laate iso kpaa tosambesema la likita lisungu la Mwengei.
\v 11 Ekomani ate: mbai Engali idjei moto o bomoyi, ase ekali djongo, mabolongo kpaa makofukamela mbai, laate minoko kpaa ma mokili mikohekele mbai lokumu.
\p
\v 12 Moto la moto akosamba liwoso la mwengei inde amene.
\p
\v 13 Tohesambesamake iso amene, amene totifungole laate mboka ate mangxa akpe.
\v 14 Mbai iyewi ate adjei Engali ema mbindo edjei ndondo ende ema ebe ekouma edjei moto ongo ondimi ate ekoki omohumeli.
\v 15 La mboka e ilaka inga mangwa aoka magba edjei ate odjangi olingo ilaka wowe itimobikese mangwa libaku laate kilisito agbaali likolo lande.
\v 16 Esengo owe eti sambo djalokuta edjei mangwa.
\v 17 likumu Engali eti likambo lilakake to likengake, kasi esengo kati emolimo mo satu.
\v 18 Ongo omosalelaka Engali la ndenge ndamu edjei olamu laate la maiso ma wato kpaa.
\p
\v 19 Toluke kimia la moto kpaa ongo okoluka kimia moto kpaa laate ndakisa eendeedjei moto kpaa.
\v 20 Webebese otomo e Engali la tina la ilaka ilakake, a maiso ma Engali ilaka kpaa idjei peto, idjei obe idjei motoongo olakaka ate umia nda libaku edjeinde.
\v 21 Eti olamu olaki nama, te ongengi mana, omoli mpe ilaka winge itimombingese mangwa libaku, likpake to la bolembu.
\v 22 Ondimi wungo obateli owe liwoso la Engali, esengo edjei moto ongo wewi ate djinge sambo yokelakande motema monde momogbesiti.
\v 23 Moto ongo olakaka ilaka winge yo mokpeseke motema monde eyewe te aokelaka alakiti la motema ema tuu enge esepeliti motema mowe edjei lisumu.
\c 15
\cl Esuki esungu 15
\p
\v 1 Iso wango wadjei makasi la ondimi, to wamemi ongo adjei la ondimi okoki sungu, toyisala osangi okoki kati esu.
\v 2 Mwesi, mwesi amobali mino oye ate ndenge ndenge ndambu late wato wene esambeli esu, la sambo djasu late watobile.
\v 3 Late kilisito atiyatonaliyo inde amene, kasi ndenge ekomani eho: to wango wato wo motangaka te wasi lainde obe, sambo djau kpaa iwakpele iwo amene.
\v 4 Okokani la sambo djinge ikomamamali liwoso, mpe a djinge yotolakisaka iwo, la motema molai, mpe otobandisi ndenge ekotwaselaka mandingo, tokodja matomba sungu la sambo dja Mwengei.
\p
\v 5 Okokani la elikia mpe mabondisi ma Engali maotonaseke inde iso kpaa todjei la posa kikima esu amene mpe edjei wato la wenesi ate tomobali Yesun kilisito.
\v 6 Iso kpaa ebete e kikima, todjei monoko mwesi, la mokumesi mangumba mpe Engali sambo o likumu masu Yesu kilisito.
\p
\v 7 Toyambane iso kpaa wesi la weti nda ndenge etoyambi kilisito la lokumu la Engali.
\v 8 Yaasi at, kilisito awasalelakali watowango watenanali kengala okimesi sembo ilaka winge ilaka inde ndai la wasagbau.
\v 9 Laate wapangano womokumisaka Engali, la tina e magba mango mawa yongelali inde ndengenge ekomami eho: mbai ikokumisa owe la tina e ikolo, ikolemba la lokumu la tina e kombo owe, asani aleeti ate:
\v 10 Ino wato wa ikolo sepelani la tina e Mwengei.
\v 11 Aleti: mokusani Mwengei, ino ikolo kpaa winge widjei sese emoi moyembelakani, ino wato wa mokili mobimba.
\v 12 Isaya asi aleti djo: mana mwesi akuma alibota la Isaya oko molumba iwo ongo okoma likumu mosungu mokili mobimba wakolikia lainde.
\p
\v 13 Mwengei adjei la elikia mpe wa esengo aotumesa la kimia ende kati oumi, late oyohekele la elikia mpe emolimu satu.
\p
\v 14 Mbai amene yo idimi la sambo ndamundamu edjwi ino lisosoli lihamu la makambo ma Mwengei lohekeleni toli kati enu amene amene.
\v 15 Mbai yokomeleni kati esengo late ino amene okokaneni mpe osasoleni makambo e pasi e mbai.
\v 16 Atie mosali mo Yesu kilisito kati ewa pangano, ikeli ate inde mosala masungu mo Engali, lat wapangano iyo amene wahume, nda likambo lilamu, mpe oyakeli la mbeka e molimo mo satu.
\p
\v 17 Mbai oya kumisi etie Yesu kilisito la ndenge, enge edengi makambo ma Engali.
\v 18 Ita kke okomi sambo dja moleho dinge otimiti kilisito mbai, laate amene wapangano omotosi Engali mpe okeli sambo ndamundamu dja limoba la Mwengei.
\v 19 La mboka enguya e Mwengei, la makamwi ndenge, la nguya e molimo Engali, la ndenge ate, olandi la Yelusalema mpe la meti miki sungu ma pebeni te la Iliri mbai ipadji liloba mosakoli.
\v 20 Mbai idjwi lokumu losakoli a mbai e kilisito, ebete itiewama odjangi otei weti moto okokani ndenge ekomamali iho:
\v 21 Atie wango wato watiokali wania mpe etie wango wato watiokakali wasosolia.
\p
\v 22 Eho nde etekesali mbai ate yedji wango edjenu.
\v 23 Nda sika djo ettikine laema mbeli ate yumwe ala mbuse e mbula gbii, laate idjei la mwemu idje ongo edjenu
\v 24 Isepeli iwoneni tango enge ekoheta mbai tango enge oke mbai la Esipanye mpe wo sepela ate ike laino ebete ikikima, ango motema mo mbai mokosepela gbii atie ndondo enu.
\v 25 Sika sika djo keké la jelusaleme la mosala mo wa satu.
\v 26 Kasi macedoine la achate; waya heveli mokpali mokongolake hiho la tina enge wabola wango wa djei ndondo e wato wa jelusaleme
\v 27 Iwo wasepelali gbii, mpe wakongololi iho waho, laate inga wapangano wadwali matomba la otomo ma molimo, iwo mpe wakoki owe sungi la otomo mahu ma wenge.
\v 28 Ngonga ekosesa mbai otomo midjei mbai amaho midjei mbai iko wawongosela mango sambo, ikoke la Esipanye mpe ikoheta a mamungo atiehu.
\v 29 Oki odjei, yewi ate edjei la lipamboli lisungu la ngonga inge okeke mbai ongo
\p
\v 30 Ekohekelekeni, toli nda wamanima wa pele, la osungi wato Yesu kilisito mpe la bolingo o mabondeli, osani kendo kikima la omwaseli Mwengei la tina e mbai.
\v 31 Late wokangolame edjei wadjangiondimi o wato wa Yudea, late likabo linge liokeke mbai alaho la Yelusaleme la maiso ma wa satu.
\v 32 Ndenge okuma mbai atienu la mwemu mo Engali la mokano monde edjei la esengo ohomi ndondo enu mpe ohomi la ndenge e logo atie wana wa Engali.
\v 33 mwengei atumi la oboto eze naino kpaa
\c 16
\cl Esuki Esungu 16
\p
\v 1 Iwewesini ino loi wo wolamu wo mangbasu omoli Foibe, ongo odjéi mogamesi la lingomba la Kekurea.
\v 2 Mwemeleni inde wolamu la nkombo e Likumu nda ewongi eho ndondo e wato wa Mwengéi, mokelelani inde la sambo kpàa djinge ibalalki inde. Inde mene awakeleliga wato ngbii ase eleki kpàa djinge ikeleliga inde mbai.
\p
\v 3 MOhekeleni Prisila mobale la akwila, wato wa okeliwo wo Yesu Kilisito ebete eikima la mbai.
\v 4 Whali mokalo mou mene alikambo la okulesi mbai ikowaselaka iwo kekedinge te sa mbai mene te mangomba kpàa la mokili mo wato wango wadjéi te wakohakani ino kekedinge koto.
\v 5 Wahani wato wa lingomba mobale a lkinge likogbotonoko la monguta mowu, la manima o libalano Epaineto ongo odjéi moto owondimi oliwoso ndondo e Provese e Azia.
\v 6 Mohani mobale Maria ongo okelaki wotomu ngbii alikambo lanu.
\v 7 Hekeleni mobale la Adroniko la Yunia, wamanima wadjakali olangali la woyoko ebete eikima la mbai wadjéi la etemia ngbii ndondo e watutiani, iwo koto waumali wa Kilisito liwoso la mbai.
\v 8 Hekeleni mobale la Ampliato, mino o mbai ndondo e wewani la Likumu.
\v 9 Hekeleni mobale la Urubano, moto okelaka wotomu wo Kilisito ebete ekikima la iso la Stakusa ma ngbasu olibalano.
\v 10 Hekeleni mobale la Apele ongo woneseli wato kpàa wondimi wonde ndondo e Kilisito. Hekeleni mobale la wato wa ndako e Aristobulu.
\v 11 Hekeleni mobale la Erodiona, manima, hekeleni mobale la wandimi wango wabati la monguta mo Narokiso.
\v 12 Hekeleni mobale la Tripaina la Eriposa, wato wa wotomu alikambo la Likumu Mwengéi ase mobalani mo mbai Parusi ongo okelali wotomu ngbii alikambo lande.
\v 13 Hekeleni mobale atie Rufu, moto owotomu omemene atie Likumu ase lanango ongo odjéi koto ima.
\v 14 Hekeleni mobale la Asu Kilisito la Ilegono Erume, la Patrosa la Eluma ase la wamanima wango wadjéi ebete eikima la iwo.
\v 15 Hekeleni mobale la ielologa la yulia, la Nereu, la manango omoli olimpa, la wato wansato kpàa wango wabati la inde ebete eikima la iwo.
\v 16 Hekeleneni mobale la libalano, Mwesi atie mino. Mangomba kpàa ma Kilisito waohini ino mobale mowu.
\p
\v 17 Iwongini ino wamanima huakani alikambo la wato wango wakolingesaka wokawani, alikambo ate wakowalongoseke wandimi la mboka, la obati kokia la opundesi djinge ikondjali iwo longwani atie wu.
\v 18 Alikambo ate wato ehenge ndenge wamokelelitiaka Kilisito Likumu lasu te ase wakokelaka solo djawu mene! wakowakasaka wato wa lokenge ngbii te la wasi wolamu la wasi wo wikosako.
\v 19 Wato kpàa waewi etemia enu atie Likumu. Ndjongo yemeli la likambo la nu ase ibali ate odjeni wato wa lokenge la okeli wolamu la wawongeli la otoni wobe.
\v 20 Mwengéi ongo okohaka logoo akomobata Satana sese emakolo manu. Magba ma Likumu la su Yesu Kilisito modjéi la ino.
\p
\v 21 Timoteo moto ongo okokelaka la mbai ebete eikima aohekelini mobale wamanima lukio la yasona, ase Sosipatri waohelini koto mobale.
\v 22 Ase mbai Eorutio moto odingi ehele ekpata yohekelini mobale ndondo e Likumu.
\v 23 Gayo, ongo ondjemeliga mbai la monguta monde la lingomba linge kpàa liokogbotonoko atiende waohlini mobale Erasto, moto ongo okobaniaka wadjenge la gbata, la magbasu Kwaruto, wahekelini mobale.
\v 24 Magba ma Likumu lasu Yesu Kilisito madje la ino kpàa. Amen
\p
\v 25 Tomotemie Mwengéi inde adjéi la wokulu wowohekelini ino paima ndondo e wondimi, nda mboli ndamu enge ekoasaka mbai ewesi litatoli lihili likousaka mbai la gbondo e Yesu KIlisito, ase nda lokenge wungo wokondjali iso, la mboka e Mwengéi ewesi mboka eho eyaisaki alikambo la engele elai ngbii.
\v 26 Ase sikahala eneniga la moi, alikambo la wikpata wa waaseli otutei ndi mwano mo Mwengéi la libela djinge yewesiga inde otomu wesi kpàa ate wandime ase watemie.
\v 27 Wongengi wodjéi ndi la Mwengéi, inde mene, Mwengéi olokenge ndondo e Yesu Kilisito alikambo la libela la libela Amen!