bbm_reg/41-MAT.usfm

\id MAT
\ide UTF-8
\h Mateo
\toc1 Mateo
\toc2 Mateo
\toc3 mat
\mt Mateo
\c 1
\cl Esuki esungu 1
\p
\v 1 Otisambese moto la likambo ate watiosambese te.
\v 2 la likambo ate wakoosambesa ndi nda ndenge ekosambesaka owe pe wakootenela ndi la imekeli kikima nda owe.
\v 3 Nda ndenge ekoheneke owe posi la iso ma mangwa kasi otihenekeke la liso la oweamene?
\v 4 Alama amowotali Aminadaba, Aminadaba awotali Nasisoni, Nasisoni awotali Salmoni.
\v 5 Salmoni awotali Boazi iwo la Lahaba, Boazi awotali Obede iwo la Luta.
\v 6 Obede amoyotali Isayi, Isayi amowotali Davidi. Likumu Davidi amowotali Salomo la moli omoki mo Uliya.
\v 7 Salomo amowotali Loboama, Loboama amowotali Abidja, Abidja awotali Asa.
\v 8 Asa amowotali Yozafata, Yozafata awotali Yolama, Yolama awotali Oziyasi;
\v 9 Oziyasi amowotali Yotama; Yotama awotali Azaka; Azaka awotali Ezekiasi;
\v 10 Ezekiasi awotali Manase; Manase awotali Amona; Amona awotali Yoziasi;
\v 11 Yoziasi amowotali Yekoniasi la wamanango, tango enge etotamali iwo la Babiloni.
\p
\v 12 Mbuse ewototami owu la Babiloni, Yekoniasi amowotali Silitieli; Silitieli awotali Zolobabeli;
\v 13 Zolobabeli amowotali Abiyudi; Abiyudi awotali Eliakimi; Eliakimi awotali Azolo;
\v 14 Azolo awotali Sadoki; Sadoki amowotali Akimi; Akimi awotali Eliyudi;
\v 15 Eliyudi amowotali Eleyazala, Eleyazala awotali Matana; Matana awotali Yakobo,
\v 16 Yakobo awotali Yodjefu, molome o Maliya ongo omowoti Yesu, ongo okomowelaka iwo kilisito.
\p
\v 17 Edjei mawota liyomu la ineyi obandji la Abalayama tee la Davidi, wawotami liyomu la inei obandji la Davidi tee la ototami la Babilona pe lawawotami liyomu la ineyi abandji ototami la Babilona tee owotami o Kilisito;
\p
\v 18 Denga olenge ewumali owotami o Yesu kilisito. Maliya, nango Yesu, adjakali wose o Yodjefu, kasi, liwoso ate wayikane, Maliya awumali la lemi la okolu e elimo esatu.
\v 19 Yodjefu ose onde, adjali moto e osembo pe atibalali omosamboli, alukali ndenge ate akawane la inde la oisami.
\v 20 Ndenge edjakali inde omungoli, ahumbwa e Mwengei amopumbelia la saki pe amwaselia: Yodjefu, mana o Davidi, otidje la mbangi la ototi Maliya nda moli eowe, la likambo ate mana ongo odjei la solo ende alongoyi la elimo esatu.
\v 21 Akowota mana opele pe okomohekele kombo e Yesu laate inde moto okowakalesa wato wande la obee owu.
\v 22 Djinge sambo kpaa ikoengesama la ate sambo ekpomali likumu atie wasakoli makoyengesama:
\v 23 Denga, mana e moseka akowuma la lemi, akowota mana opele alidji wakomowela ate Emanweli, enge easi ate Mwengei laiso mongindji.
\v 24 Ango esusuali Yodjefu, akelali ndenge emowaselali ahumbwa aleeti amototali moli onde,
\v 25 Ati wanesali wenge la inde tee ango ewotali inde mana opele amohekeliya kombo e Yesu.
\c 2
\cl Esuki esungu 2
\p
\v 1 Mboli e owotami o Yesu la Beteleme e wa Yuda la masi mango madjaakali Elode Likumu, wadenga wato walomungo wa midjoto, wawongoya ongo la epumbeli e liusause wakandjia la Beteleme.
\v 2 Waasia ate eni Likumu liwotami a wa Yuda? late toeneli mondjoto monde ango edjakali iso ongo la epumbelo e liwusawuse, ase todjayakongi la inde.
\p
\v 3 Ango eokia Likumu Elode ndjongo amemelia inde la Yelusalema kpàa.
\v 4 Ase awabolyanesia wasali wa Engali la makumu, wato wa okenge, ase iwo kpàa apotia owahueli nda ati ewotami Kilisito?”
\v 5 Wamwaselia ate a Beteleme e wa Yuda; ase denga ndenge enge edingamali la mboka e mosakoli.
\v 6 Ase owe Beteleme owe ma moki oeti mokeke ndondo e miki misungumisungu ma Yuda; late moto mokikima ongo okookambani, akokamba olye o Isalayela akopumba atie owe.
\p
\v 7 Ndjongo Elode awawelaali wato wa lokenge la oyaisi ase awahuelia olamuolamu late aewe mungo mwengele mweneneli modjoto muho;
\v 8 Ase ango ewatomali inde la Beteleme, aasali la iwo ate kekeni okamolukani mana oho olamuolamu, inga omwenekeni, ndjaselani mbai late mbai mpe ikayakonga mla inde.
\p
\v 9 Mbuse e omoki Likumu, wakeeli; ase denga! mondjoto ungo eeneli iwo ongo ekopumbaka liusause, edjakaali okii liwoso lau, tee ekayamalia likolo la mana ongo omokeke.
\v 10 Ango eeneli iwo monyoto muho waemeleeli ngbii.
\v 11 Aleti ango elingelaali iwo la molako wamogbotia mana moke ayabati iwo la nango wamaya magigindi wayakongia lamano oho. Wadukolaali ogumake ou ase wamohekelia makabo wolo, paka, la malasi.
\v 12 Kaaloase, nda ewaunelaali Engali la saki ate watimowongwele Elode te, wa wongwali la moki mou la eeti mboka.
\p
\v 13 Mbuse eiwo owongo, denga! ahumbwa o Engali amopumbelaali Yodjefu la saki ase lawasi ate djamala, motota mana la nango ndjongo tila la Ezipito, aladi yabata ongo tee ango ekowaasela mbai ate owongwe, late Elode akobalaka omolukani mana ate amoole.
\v 14 Ndjongo ayamalali ase amototaali mana oho la nango likolo ase akeeli la Ezipito.
\v 15 Ase ayabatali ongo tee la longo e Elode, late ungo owasaali Mwengéi la nano e motuke monde moengesame imowelaali mana ombai alongwe la Ezipito.
\v 16 Ndjongo ango eeneli Elode ate wanganga myoto wamohengi aumaali la limemu ngbii, ase awatomali wooli wana kpàa wa pele wango Beteleme aleti la miki maho kpàa, obandi la wilanga iwale tee sese eho, la odengi songo enge epumbaali miyoto.
\v 17 Ndjongo wuu loi easamaali lanango e mosakoli Yilimia eengesami.
\q
\v 18 Mooli mwesi eokanali la Rama, wilelo aleti la ohumbi la wilelo ngbii, lasele ase odjaki oleli wana wande, aleti atonaali obondesami, late watikine te.
\p
\v 19 Ango egbaali Elode, denga! ahumbia omwengéi amopumbelaali Yodjefu la saki a ezipito.
\v 20 Ase amwaselia ate djamala motota mana la nango okeeni la moki mo Isalayela late wango wadjaakali omoluki omooli mana oho wagbieke.
\v 21 Ndjongo ayamalaali ase amotia mana oho la nango ase walingelya la moki ma Yisalayele.
\p
\v 22 Aseko nda eokaali inde ate akelosi adjakaali Likumu ongo la Yudeya lebete esango Elode, awangaali okii ongo aleeti, nda emokebesaali Engali la saki, akeeli ongo la moki mo Galileya.
\v 23 Aleeti ayabataali la engumba eesi eweli iwo Nazaleta, aloi ate ungo oasanaali la nano e wasakoli eengesame wakomowela ate moto o ma Aaleta.
\c 3
\cl Esuki Esungu 3
\p
\v 1 La enge engele ndjongo, Yowani moatesi apumali pe aandali oteyi ongo a manganga e yudeya.
\v 2 Aasali ate: wongeleni sambo djanu, la likambo ate okondji o Mwengei ewumika ahue.
\v 3 Yowani adjei moto ongo okpomali mosakoli Izaya la tina eende ate: edjei mooli mo moto ongo akopamaka la manganga: wongeleni mboka e likumu, atani mboka edje ngbai.
\p
\v 4 Yoyani adjali okpali esinje enge edjakali la kunja ekamela pe mokaba mo ekombaka enama alibele lande. Adjakali olaki waapepe la woi emotulu.
\v 5 Wato wa yelusalema, wango wa yudeya kpaa la wango wa yolodane kpaa wa djakali oki atie inde.
\v 6 Wa gemiali ahoho masumu mahu, wabatisamali la inde la maliya ma yolodani
\p
\v 7 Ango eenia inde wa falisayo la wa sadukayo wa kodjaka atie inde ate wa batisame, awaaseliya: liwota la ndjo, ndayi oosumini ate otileni limemu linge likodjaka?
\v 8 Ndjoko kelani sambo djinge ikoyenese ate okukoligani mitema.
\v 9 Otyaiseni ino amene: Abalayama adjei sangbasu. Landenge eho, iyowaselini ate maamabukeli Mwengei akoki omawumesi wna wa Abalayama.
\v 10 Babatika engbomala lidjo dja mite; motekpaa mungo mowoti ti pukapuka ndamu ekotenama aleeti ekolumbama la misa.
\p
\v 11 Mbayi, ikobatisaka la maliya la tina e okukoli mitema, kasi ongo okodja mbuse e mbayi aeti mbayi la okulu pe ikokiti otokoli moliki mo ikpokpo eende, inde ako batisani la elimu esatu pe la misa,
\v 12 A djei la lungu ende la ewoo; akowongele ebete ende etangake opunga, akoisa pukapuka, akolumba pulu amisa mitilimanaka.
\p
\v 13 Ndjongo Yesu alongwali a galileya, akeli la yolodani atie Yowani, alikambo ate Yowani amobatese,
\v 14 kasi Yowani atonali ase aasiya ate: mbai moto ikoki odji atie owe ate obatese mbai, o dji atie mbai nda ndenge?
\v 15 Yesu amowongweselali ate: otitone, ewongi la iso ate tokokese sambo kpaa dja osembo, ase Yowani agemiali.
\p
\v 16 Mbuse e obatisami, Yesu apumali a maliya. denga likolo lihanali ngbai ase elimo e Mwengei e moyadjimbelali nda eluwa edjia ngambo ende.
\v 17 Denda, moli molongwali la likolo mwaasali dji sambo: oholo adjei mana o mbai olibalano, ongo omobali mbai penja
\c 4
\cl Esuki esungu 4
\p
\v 1 Mbuse eho elimo ekeli la Yesu la esobe ate amekeme la Etota.
\v 2 Mbuse ende okili ilaka wuse 40 la likolo 40 aokali ndjala.
\v 3 Aseko momeki ayandngbali ati einde pe amohaselia inga odjei mana o Mwengei hasa la ma mabukeli ate makukwana makoke.
\v 4 Yesu amohongweselali: modingami ate: moto atikala ndii la makoke, kasi la makpomi kpaa mango ma pumbi la monoko mo Mwengei.
\v 5 Ndjongo etotaamokpalali la egbala esatu, pe amotelesali gboo e likolo la Petelo.
\v 6 Peamohaselia inga odjei monga ayanga; alumba la mbume! la ndenge eho, endingami ate: akohekele mitindo atie waandjelu wande la tina owe pe wakookpaala l; a mawo, la mbangi ate ligiligi la owe lititimie libukeli te kikima.
\v 7 Yesu amohaselia: ekomami alidi ate: okokiti ommomeki likumu, Engali e owe.
\p
\v 8 Etota amokpalia alidi la mokoli mohingake, amohenesia okumu kpaa o mu mokii.
\v 9 Pe amohaselia ikohekele djinge kpaa inga omehela mbai mahuli pe okumesa mbai.
\v 10 Yesu amohaselia ate longwa ahala Etota! ndenge eho, edingami ate: ndi likumu la owe Mwengei. okoki owe omokumesi pe la omokeli.
\v 11 Mbuse eho Etota amodeyia pe hene ndjo wapumbwa wa yandongbali ati inde pe wa mosalesia.
\p
\v 12 Tango eyokia inde ate Yaone ahelamala, Yesu akeli la Galilea.
\v 13 Alongwali la Nazalate pe akia la Kapelenaumu; egbala lisungu, la moki mo Zebulona pe e Nefetali,
\v 14 Laate mango makpoma ate mosakoli Izaya makokesame.
\q
\v 15 Mokii mo Zebulona la Nafetalia, mboka e malia ma mbuu, ebete enge edjei ngambo eeti e yolodani, Galileya.
\q
\v 16 Wato wango wayabati la ongundu waheni ngbai esi esungu, pe wango wadjakali la londe lo logo ngbai esu ewadimbelia.
\p
\v 17 Ndi enge tango, Yesu abandali pe otoyi ohasi wongeleni sambo; la likambo ate okumu o likolooumia pene.
\p
\v 18 Ndenge edjaakali inde osombi la olayi o lindanda sungu li ligalileya, ahenia lanango la manango waale, Simoni awelameli ate Petelo, pe la manaango andele, wadjakali olumbi itanga la lindanda lisungu la Galileya, wadjali pedja wa lobi wasuu.
\v 19 Awahaselia: tutiani pe ikohumesani wa lobi dja wato.
\v 20 Ndjongo, wadeyia itanga djawu pe wa motuteyia.
\p
\v 21 Akia lihele pe awahenia waeti manango la manango waale, Yakobomonga Zebedeyo, la manango Yoani, wayabatali la ebete la sangbsu Zebedeyo pe wadjaakali owongeli itanga djawu. Awalelia,
\v 22 Pe ndi ndjongo wadeyia wato pe la sagbasu wa motuteyia.
\p
\v 23 Yesu asombali Galileya kpaa; ateyaali la wa sinagoga, akpomali mboli lilamu la Mwengei pe akalesali ikoni kpaa la ilukano kpaa atie e wato.
\v 24 Mboli inde esombali la siliya mobimba pe wamodjelesi la wato kpaa wa ikoni pe la oembi ndenge kpaa la witota, la wato wa ibubulaka, ango watisombala, pe adjakali owakalesi.
\v 25 Wato ngbii wamotutiali, wango wadjali la Galileya, la wango wa dekapole, la wango wa yelusaleme, la wango wa yudeya, pe la wango wa eti songo e yolodani.
\c 5
\cl Esuki esungu 5
\p
\v 1 Tango ehenia Yesu wato ngbii, atelia la mokili. ayabatia pe wa tutieyi wande wa yandongbia ati inde.
\v 2 Mbuse eho abandia owa kpomeli matio, mande ahasia:
\q
\v 3 Mwemu ngbii la wato wango watundi la mitema la ate okumu o Mwengei odjei wohu!
\q
\v 4 Mwemu ngbii la wango wadjali la ilelo, la ate wakodjwa ohemeli!
\q
\v 5 Mwemu ngbii la wango wadjei bosii, wakotota mu mokii!
\q
\v 6 Mwemu ngbii la wango wadjali la ndjala pe wakolu kaka osembo, wakogbeta!
\q
\v 7 Mwemu ngbii la wango wakosumaka sambo ndamu, wakowahesa olamu!
\q
\v 8 Mwemu ngbii l, a wango wadjei mitama milamu, wakohene Mwegei!
\q
\v 9 Mwemu ngbii la wango wakoheleke logop, wakowawela wana wa Mwengei
\q
\v 10 Mwemu ngbii la wango wakowanyokoloko la tina e osembo, okumu olikolo o, djei ohu!
\q
\v 11 Mwemu ngbii mokodja la ino tango enge eko, tanemaka ino la wato pe wakohasaka la ino sambo mbe la tina e mbai.
\v 12 Hemeleni pe mwemu mosungu modje la ino la likambo ate mbano enu ekodja esungu ongo likolo. ndenge eho eho, wawanyokolali wasakoli liwoso lanu.
\p
\v 13 Odjeni mokpa mo moki. kasi inga mokpa mosila esali eho, nde ekomoha eti? etikalindi ate walumbe pe wato wahote.
\v 14 Odjeni mweli ngbai mo moki. egbli enge edjei la mokili etihisana,
\v 15 Watiloliaka otambe ate waebete sese kasi likolo la ate ewahenese wato kpaa wadjei ndondo e molako.
\v 16 La ndenge eho, ngbii enu ekoheneke ati e wato la ate wahene ikela ndamu ongo odjei likolo.
\p
\v 17 Otimungoleni ate idji ate ilongose mibeko wasakoli, olongosi kasi okokesi.
\v 18 Ndenge eho, iyohaseli la osembo; ango eti salamata likolo la mbume, lidingo teeti te lisia la lidingo eti etsalamata ndondo e mibeko yambo ate sambo kpa ikokesame.
\v 19 Ongo okobuka mobeko mokikima pe okowahasela wato wakele ndjongo awelama moto mokeke la okumu o Mwengei: kasi ongo okoke pe okoteya atie weti wato, akowelam; a moto mosungu la okumu o Mwengei.
\v 20 Ndenge eho, iwohaseli, inga osembo wonu woti ete mungo mo wango wabimiali mibeko pe wa Falisayo, otilingelani la okumu o likolo.
\p
\v 21 Oyokalini ate wa wahaselali ikolo: otimowol; a moto, moto o, ngo okowola moto akosambesama;
\v 22 Kasi mbai iwohaselini: moto ongo oyabati la limemu la manango ndi la pamba okoki la osambesami, moto ongo oko mototaka lanango nda atial kole awongi ate atote etumbu la sambi pe ongo okomotonaka manango nda boli akoki olongoli lamisa ma Lifelo;
\v 23 Inga ohumesa mabondja la otale o Mwengei, pe ango omungola obe oowe atie manangwa;
\v 24 Dhee libondja lowe a lotale pe keke yoo owongeli sambo ino la mangwa ase mbuse djaka ohi mabondja ma owe.
\v 25 Wonngele ino la motowe la mosio, nganga eko sombaka ino lainde, la mbangi ate atilumbe atie e zozi, pe Zozi atike la owe la boloko.
\v 26 Iwohaseli la osembo, otipumba liwoso ate owongose te gboo e waambele.
\p
\v 27 Oyokani ate ahasamali: oti huanesa wenge la moli o moto.
\v 28 Kasi mbai ahasi la ino ate; moto kpaa ongo odengi moli la ndenge emolulake ahunesika lainde wenge la motema.
\v 29 Inga liso eowe elilome likotomaka la sambo mbe, elongose pe elumba lihele, la likambo ate ewongi la otikali la eketi la olumbami wenge kpaa la lifelo.
\v 30 Pe inga ewo eowe elilome eotama la sambo mbe, etene pe elumba lihele, la likambo ate ewongi la owe odjei la ekete la ate olumbame wenge kpa la lifelo.
\p
\v 31 Ehasamali ate: moto ongo ohumbi la moli onde amohekele ekpata e liwano.
\v 32 Kasi mbai, iwohaseli ate: moto ongo ohumbi la moli onde inga etidje e ekobo aluki ate amokelese ekobo.
\p
\v 33 Oyokali alidi ni ate ehasamali atie iloko: otibuka saka eowe, kasi okokokesa mumgo molakali owe likumu.
\v 34 Kasi mbai iwohaseli ate otibingesaka la sambo kpaa, la kombo e liloko la likambo ate lidjei esiko e Mwengei,
\p
\v 35 Otibingesaka la kombo e mbume, la likambo ate edjei ebete ekobataka Mwengei magilili, alidi te kombo e Yelusaleme la likambo ate lidjei egbla e likumu lisungu.
\p
\v 36 Otibinge pe saka la moto, la likambo e owe te kikima.
\v 37 Makpomi maowe matikale ndenge ekpomi owe; linge likobakesaka iwo likopumbaka la obe.
\p
\v 38 Oyokalini ate wahasali; maiso la tina e maiso pe maino la tina e maino.
\v 39 Mbai ohwohaseli ae otiumwe ebete kikimi la moto mobe, inga moto aobinga la litama ma lilome mohekele linge la liali.
\v 40 Inga moto aluka la owe sambi la ate atote simbi eowe eowe, modeele amidi.....
\v 41 Inga moto aluka osombesi kilometele 1 kela la inde kilometele iyale.
\v 42 Hekele ongo okohongoko pe otimotonele ongo okoluk; a ototi mopulu atie owe.
\p
\v 43 Oyokalini aye wasali: okomobala miino owe pe okomotona monguna moowe.
\v 44 Kqsi mbai iwohaseli: bala wanguna wanu, pambwani wango wakoobumakolaka, kelani olamu atie wango wa otoni, pe sambelani la tina e wango wakoonyokoloko pe wakoheneseke olozi.
\v 45 La likambo ate odjeini wana wa sangbanu ongo odjei likolo, la ndenge eho, akopumbesaka lihusahuse wonde la tina e wato walamu la wato wabe, alidi akolueseke ewongo la tina e wato wa osembo la wango wa djangi osembo.
\v 46 Inga obala wango wa obali, ndambano ekotota ino? wahongi, putesi wa pako watikelaka ndi ndjongo?
\v 47 Inga oha mbote ndi atie wamangwa, nde ekeli ino linge litikela weti wato? wato wa maeti maembaa watikelaka ndi ndjonngo?
\v 48 Wumani wato olamu nda ndenge edjei sangbasu o likolo moto molamu oeti.
\c 6
\cl Esuki esungu 6
\p
\v 1 Kelani sambo ndamu dja likawo atie wato la ate waoneni, inga otikele ndjongo, otidjwa mbano atie sangbasu ongo o likolo.
\v 2 Tango enge ehi owe likawo atie moto, otibinge ndundu, ndenge ekokelaka wato wango wakohisaka wikela wau la sinagogaiwohaselini la osembo, wadjei la mbano ewu.
\v 3 Kasi owe, ngonga ehi owe likawo, ewo eowe e liali etiewe linge likeli ewo e lilome,
\v 4 La likambo ate likawo la owe likeleme la oyahi, ango sangwa, ongo okoheneke dinge ihisani, ekohenese sambo djaowe la hoho.
\p
\v 5 Tango ekobondeleke owe, otidja nda moto ongo okohisaka wikela wande: wabali obondeli oyzmzli likolo ongo la sinagoga ple kelekelee mboka la ate wato wawahenee iwohaselini la osembo, wadjei la mbano.
\v 6 Kasi owe, tango okobondoke lingela ndondo e monguta, liha moluhe mowe pe hongo Engali eowe ongo odjei la ebete ehisami, pe sangwa, ongo okoheneke la ohisami, akopumbela hoho.
\v 7 Tango enge ekobondeleke owe; otikpome sambo ngbii nda wato wa wawota maeti; wakomungolaka ate otetelake o makpomi mawu, iwongolo djawu ikondimama atie wengei.
\v 8 otikele nda iwo, la ate sangbanu ayeni ema enge ebali ino liwoso ate omowonge.
\v 9 Denda ndenge enge ekokela ino liwongolo: sangbasu ongo odjei likolo! kombo owe esatu ekumesame.
\q2
\v 10 Okumu wowe wodje, mokano mowe mokeleme ahala la mbume nda ongo likolo.
\q2
\v 11 Tohe iso keke ilaka inge ikoki,
\q2
\v 12 limbesa iso la sambo djasu mbe, ndenge enge ekolimbesaka iso wango wakotokelaka obe.
\q2
\v 13 Tolongose lihale la simbisi, alidi kalesa iso la sambo mbe, la ate owe odjei la okumu, otetelake la lokumu seko la seko. Amene!
\p
\v 14 Inga owalimbese wato obe sangwa o liloko okolimbasa koto owe;
\v 15 Kasiotilimbese wato la obe owu, sangwa atilimbese kine sambo mbe dja owe.
\p
\v 16 Tango enge eyakilesi owe la tina Mwengei otiyabate la elongi emgba nda wato wango wakoisaka ikela djawu. la ndenge eho, wakolukaka ndenge kpaa ate wato waewe ate wakili iwoaseli la osembo, wadjei la mbano ewu.
\v 17 Kasi owe, inga okila kpola elongi eowe pe amunola maita malumba liliamu.
\v 18 La ate otihenese la wato ate oyakilesi kasi samgwa ongo odjei one laebete ehisanake ndi inde sangwa ongo okoheneke la ohisami, ekoo wongwela.
\p
\v 19 Otitumeni la iwo ala la moki ebete enge mbwambwa la oholi ekobitesa alidi wa iwi wakogbangola ituti la ate wa iwe.
\v 20 Kasi lukanini iwo dja likolo, ongo oholi la mbwambwa itibitesa pe wa iwi watikoka ogbangoli ituti pe o iwi!
\v 21 La ndenge eho, ebete edjei iwo dja owe, ndi ebete ekodja motema moowe.
\p
\v 22 Liso lidjei eheneli e wenge inga liso la lidjei olamu, wange eowe kpaa ekodje ngbi;
\v 23 Kasi inga liso la owe liti olamu wenge eowe kplaa ekodja la ongundu. inga ongbi wugo wodjei ati ndenge!
\p
\v 24 Moto toeti akokiti owakeleli makumu maale, laate akomotona ongo o poo pe akomo bala ongo owal; e, ndenge eti akoyahele la ongo o woso pe akomotona ongo o mbuse. okokitini okeleli mwengei la ambele mbala kikima.
\p
\v 25 la ndenge eho iwohaseli: otiyatungesameni la tina e olaki la ekengi wonu te la tina e okpali wonu. omoi otiete ilaka, wenge etiete isinde?
\v 26 dengani mbulu dja likolo: watioka pe watiisasaka sangbanu o likolo awalakakesaka owaetitini lla tina kolee?
\v 27 ndai ndondo enu; la oyatungesi onde, akoki obakesite Mwengele mwesi la maiso mande?
\p
\v 28 nda ndenge ekoyatungesaka ino la tina e isindje yekola yono ndenge tooko futele ndamu la elanga mobele: watikelaka mosala; watisoloko isindje;
\v 29 Iwohaselini ate Salomo inde amene, la okumu wonde kpaa, atidjakali la esindje elamu nda fulele eesi.
\v 30 inga mwengei qkokpalesaka fulele dja elanga ndjinge idjei keke kasi ekundu wakoelumbaa la misa, akokiti okeli ndjongo atienu, wato wa oyambi okeke?
\v 31 Otiyatungesie kine, otihaseni ate: nde ekolaka iso? nde ekokenga iso? tokokpala nde?
\v 32 La ndenge eho, dji sambo kpaa, wato la Maeti maemba wakolukaka, kaikoase, sangbasu ongo o likolo ayewi ate odjeini la osenga oho,
\v 33 Lukayoni okulu la osembo o Mwengei, djeti sambo kpaa akohekeleni mbuse.
\v 34 Otiyatungeseni la tina e ekundu la likambo ate ekundu ekoyawongele eho amene. lisio liesi likolo la sambo laho.
\c 7
\cl Esuki esungu 7
\p
\v 1 Otisambese moto la likambo ate watiosambese te,
\v 2 La likambo ate wakoosambesa ndi ndenge ekosambesaka owe pe wakootenele ndi la imekeli kikima nda owe.
\v 3 Nda ndenge ekoheneke owe posi la maiso ma mangwa kasi otihekeke la liso laowe amene?
\v 4 Nda ndenge ekoki owe omohaseli mangwa: dee mbai oilongose posi la maiso: ndi owe koto, linge la owe liso lidjei la posi?
\v 5 Moto mohisake ikele, longoso yo posi la liso la owe amene, sikandjo okohene olamu lma ate olongose linge.
\p
\v 6 Otihekele iwo djka osatu atie wa imbwa alidi otimbe palata eowe aite wangoya, la mbangi ate wa ehoto alidi ate eowongwele lla ookondwesi.
\p
\v 7 Wongaa wakoohekele, lukana okokondja, binga moluhe wakooluhuela.
\v 8 la ndenge eho, moto kpaa ongo okoongo ako tata, ongolukaka akohene alidi wakomoluhuela ongo okombinga moluhue.
\p
\v 9 nda moto n_denge edjei ino ango akomohakele mana oinde libukeli inga amohonga lipa?
\v 10 Inga ahonga suu, okomohjekele ndjoo?
\v 11 Inga ino wato wabe oyewini owahekeli wana wanu iwo ilamu, sangbanu ongo odjei likolo kodjanga ohii iwo ilaka la wana wande wango wakomowongooko nda ndenge?
\p
\v 12 Sambo kpaa ikobala ino ate wa okelele, ino koto, wakelelani ndi ndjongo; la likambo atie wasakoli.
\p
\v 13 Lingelani la moluhe mosungu! landendeni eho, mohuhe modjei mosungu, tonani mboka enge ekokpalaka la obitani, wato ngbii wakolingelaka ango.
\v 14 Kaikoase moluhe mokeke la mboka enge eti ngbi djaho ekohekeleke omoi, kasi wato wango wakohekeleke wadjei wakeke.
\p
\v 15 Kebani la la wango ayawelaka iwo amene wasakoli! wakodjaka ya ino wa kpali isindje wa meme; kasi ndondoewu wadjei pange.
\v 16 okowaewani la mabukeli, wakobukaka ndongo likolo la mabukeli, wakobuka pukapuka dja fugi likolo la...
\v 17 Mote kpaa molamu mokowotaka pukapuka ndamu kasi mote mobe mokowaka ndi pukapuka mbe.
\v 18 Mote malamu ùotiwota mbe ndi ndjongo mote mobe motiwotaka pukapuka mdamu.
\v 19 Mote kpaa mungo motiwotaka pukapuka ndamu akoetena pe wakoelumba la misa.
\v 20 la pukapuka djawu ekoewani ino mitee.
\p
\v 21 wango wakohaseka mbai: likumu, likumu! watilingele iwo kpaa la okumu o likolo, kasi ndi wango wakokelaka mungo mobali wawa o likolo.
\v 22 Wati ngbii wakohasa la mbai lin ge lisio: likumu, likumu, toti sakolali la kombo eowe? toti humbali la itita la kombo eowe? totikelali wikamwa la kombo eowe?
\v 23 mbuse ikowahasela la hoho: itioyewaliniti. longwani ya mbai, ino wato wabe!
\p
\v 24 Ehele ndenge, moto kpaa ongo okookaka makpomi mahasi mbai pe akoekelelaka, ikomokokanesa la moto o okengi ongo o mai monguta monde likolo la mabukemi.
\v 25 Ewongo eluiya, mikalikali mikadja, ehoho mokelia atie molumbe mungo monguta; mokwiti la likambo limaanali.
\v 26 kasi ongo moto kpaa okoyokaka mango mahokasaka mbai kasi kasi aekeleliti, adjei nda bili ongo omali monguta monde likolo la zelo.
\v 27 Ewongo eluiyaa, mikalikali mikadja, ehoho ekelia pe ngolia mungo monguta, mogbangwania kpaa.
\p
\v 28 tango eseselia Yesu opumbesi lango makpomi, wato wayabatali la lomungo lo mande,
\v 29 la likambo ate adjakli oteyi la okulu kasi te nda wabimiani wa mibeko.
\c 8
\cl Esuki Esungu 8
\p
\v 1 Yesu aadjimbali likolo la mokoli, wato ngbii wamotutiali.
\v 2 Ndjongo moto mwesi odjéi la ekoni e mbala andongbali ahue la inde, a mali mauli liwoso lande, ase asia: Mwalimo inga obali kalesa mbai.
\p
\v 3 Yesu alongoseli ewo amobatelia asia: ibali okale! ndi engele eho moto oho akalia.
\v 4 Mbuse eho Yesu asia lainde oka wolamu, otimwaselake moto tweti te ase keke oyainie djéi atie wanganga Mwengéi nda ndjongo ekali owe.
\p
\v 5 Ango elingelali inde la Kapalanaume, Kapiteni moesi o Roma andongbia ahue la inde, amwongia ate amokalese.
\v 6 Asia: Mwalimo, moto o mbai o wotomu akolangaka la monguta, wenge wimoliti ndau, ekomwanaka makasi.
\p
\v 7 Yesu amwaselia: ikokeke omokalesi.
\p
\v 8 ASe Kapiteni asia Mwalimo, idjéi moto mpamba, ewongiti olingele la monguta mo mbai. Ase asa loi woikima moto o mbai owotomu akokala.
\v 9 Mbai koto edjéi la mahumu liwoso la mbai, la idjéila wamasadje mbuse e mbai inga yasa ate keke akoke inga yasa la moesi ate wongwa akowongwa inga yasa la moto o mbai owotomu ate kelandjo akokela.
\p
\v 10 Ango eokali Yesu ndjongo, inde ahuelali ngbii ase asia la wato wango watutiakali inde: Iwaselini memene; yeneki wondimi te weti te ahala la Isalaele.
\v 11 Iwaselini wato ngbii, wakolongwa atie ekolongwaka moi, ase la atie ekolangalaka moho wakoabatala mesa ndondo e wokumu wo Mwengéi ongo likolo ebete eikima la Abalahama la Isaka la Yakobo.
\v 12 Ase wato wango wakelaki ate wakondje wokumu, wakowalumba iwo la molili, ongo wakolela la otuanesi maino.
\v 13 Ndjongo Yesu amwaselia Kapiteni, wongwa la monguta mwo owe, loi lokokelama ndi ndjongo nda endimiga owe ase moto owotomu wo Kapiteni oho akalia ndi la engele eho.
\p
\v 14 Yesu akia la monguta mo petele, ongo amogbotia nango moli o moli o Petele la epe wenge wande widjali la miso makasi.
\v 15 Yesu amobatelia ewo ekoni emodeya, akalia, inde apotia omokeleli inde.
\p
\v 16 Kolokolo eumia wamodjelia Yesu la wato ngbii wango wadjéi la wisisi wibe Yesu aumbia la waho la wasi wonde, ase inde awakalesia wato ngbii wa wikoni.
\v 17 Inde akelali ndjongo, la wengesi loi wungo wasali mwaseli Isaya: inde atotali wodidi wosu, ase akpalia wikoni wosu.
\p
\v 18 Yesu awenia wato ngbii womolengi ndjongo akelia mwano mo okpandi siwili e ligbutu.
\v 19 Mwalimo mwesi mo pui aumia ahue la inde ase asia la inde: Mwalimo ikotutiawiati kpàa winge wikoke owe.
\p
\v 20 Yesu amwaselia ate: mbwa dja motulu idjéi la mawela ma mbume ase mbulu idjéi la minguta, mana omoto ati la ebete elangalake te, la ohomi.
\p
\v 21 MOto odi ongo odjakali motutiani monde, asia la Yesu mwalimo, dee mbai ikamokunda wawa.”
\p
\v 22 Yesu a mwaselia ate: eutia mbai, dee wato waguake wakundane.
\p
\v 23 Yesu alingelia la molela ase watutiani wonde walingelia lainde mongindi.
\v 24 Galagala ehoho esungu ehohali likolo la malia ndjongo malia mapotali olingeli la molela, ase Yesu adjakali la wilo.
\v 25 Watutiani wandongbia ahue lainde wamosusolia la wilo, ase awaselia ate Likumu tokalesa iso! toguya.
\p
\v 26 Yesu awaselia ate: alikambo lande ekowangaka ino ndjongo? wondimi wonu wodjéi wokeke nda ndenge? ndindjongo inde amalia apamelia eheh atie e malia maligbutu ase djiesi kpàa ititimia logoo
\p
\v 27 Wato kpàa wahuelali ngbii ase wapotia wasi: oholo moto adjéi nda ndenge? alikambo ate ehoho la malia ma ligbutu mamotemeya inde?
\p
\v 28 Ango emali Yesu siwili eligbutu, la mokimo wabagadala, wato wale waumali lakabuli, wadjali ogbotononila inde. Wato wadjakali la wisisi wibe, wadjakali wobe ngbii ndjongo moto tweti atiengakali oleki la enge mboka.
\v 29 Wapotali opami: Mana o Mwengéi obali nde atie su? odjiala alikambo la otoni iso eguele la enge engele eoniga Mwengéi?
\v 30 Ma wokeke egogo engulu esungu idjakali olaki.
\p
\v 31 Wisis wibe wamwongoli Yesu ndjo: inga obali oumbi la iso: totoma iso ndondo e egogo e ngulu.
\p
\v 32 Yesu awaselia ate: kekeni ase waumia atie wango wato wale waho, ase walingelia ndondo e wangulu galagala egogo esi kpàa watilia obangu tée la mokoli alikambo la olengeli ndondo e ligbutu ase walindia ongo.
\v 33 Wabanéi wangulu watilia wakia ongo la moki ongo wasumbia mboli eho la loi lungo womi atie e wato wale wa wisisi wib.
\v 34 Ndjongo wato kpàa a wamoki wakia ogbotoni la Yesu Ango omweni iwo wamwongia ate alongwe la moki mowu.
\c 9
\cl Esuki Esungu 9
\p
\v 1 Yesu alingelia la molela akpandia alidi siwili eligbutu, ase aumia ongo la moki monde mene.
\v 2 Wamodjeliaa moto ongo olangali la epe akwesi dee ango weneli Yesu wondimi wou, inde aia la moto ongo okwesi dee: «Mana ombai, ate tetesa motema makasi! ilimbesi masu ma owe!»
\p
\v 3 Ndjongo wapundesi wapui wadi wadjakali omungoi la mitema mawu “oholo moto akomotangakolaka Mwengéi.”
\v 4 Yesu aewalima mungwene mawu, ase asia: alikambo lande edjéi ino la mamungwana mabe eheng ndenge la mitema manu?
\v 5 Nda ebali ino okpomakpomi: ilimbesiga masumu ma owe awasi: amala ase pota osombi?
\v 6 ASe ibali weweni ate mbai mana o moto idjéi la wokulu ahala la mokili la olimbesi masumu" inde asia la moto ongo oliti wenge amala, tota epe eowe ase keke la moki mo owe!”
\v 7 Moto oho amalia, ase akia la moki monde.
\v 8 Ango weneli wato wasungu ungo loi wotali owangi ngbii, ase wa mwemeleli Mwengéi, alikambo ate awahiga wokumu ehenge ndenge atie wato.
\p
\v 9 Yesu angwali ongo ase ango adjakali oleki, amoenia moto mwesi nkombo ende Matia, adjakali wabati la bilo uputesi mamelo, Yesu aia la inde: “tutia mbai!” Matia amalia ase amotuteya.
\v 10 Ango odjakali Yesu olaki la monguta monde, wato ebele wandombe wa mamelo la wato wabe wabatia la mesa la Yesu mongindi la watutiani wande.
\p
\v 11 Wafalisayo waenia ndjongo wasia la watutiani wande alikambo lande ekolakaka mwalimo monu la wandombe wa oputesimamelo ase la wato wabe?
\p
\v 12 Yesu aokia ndjongo: asia: wato wango wadjéi wengewolanu watomolukaka monganga te, ndi wato wango wadjée la ekoni nde wakomolukaka monganga.
\v 13 Kekeni okayapundesi djinge sambo yasi ekpata e Mwengéi ibali wouma ase ibaliti makao ma nama tumbake te la gesele, idjiti owaweli wato walamu te ase wato wabe.
\p
\v 14 Ndjongo watutiani wa Yoani mopatesi wakia atie Yesu, ase wamohuelia: Alikambo lande ekokilaka iso wafalisayo wilaka mbala ngbii? asewatutiani wa owe watokilaka te alikambo lande?
\p
\v 15 Ase Yesu awawongoselia omungoini ate wato wango wawaweli iwo la lipati la liwa la waengi odjéi la magba engele edjéi memene ongo owaweli? memene waengiti odjéi la magba te! ase wuse wungo wogeleli ango ekolongwa molome alipati ase wakokila olaki.
\p
\v 16 Moto tweti atosonoko esindje e gala la limbusu la engo eholi, inga te ndjongo esindje eholi ekosalakola enge e gala lipokosaka laho likodja lisungu.
\v 17 Watosuaka Vino poli ndondo e saki e loposo wo gala te inga wakela ndjongo saki e loposo ekosalakana, vino ekosuakana ase saki e loposo ekobitana mpamba. Ase wakoswaka vino poli ndondo e loposo wungo woholi ndjongo eho kpàa ekodja wolamu.
\p
\v 18 Ango wasakali Yesu ndjoi djaho, lipumu la wayuda mwesi akodjia, amaya mauli liwoso lande ase asia Mana o mbai omoli aguia ndisikahala ase djaka omobatele ewo likolo lande alikambo ate akale.
\v 19 Yesu alongoya amotuteya, ase watutiani wande wakia lainde mongindi.
\v 20 Moli mwesi, ongo odjakali la oekoni eodoki makila mbuse e mosio; wilanga liomu la wiale ndjongo inde andongbali ahuela Yesu mbuse e mokongo, ase ahelia etindje ende.
\p
\v 21 Alikambo ate inde asia la motema inga ihela sa esidje ende ikokala.
\p
\v 22 Yesu a dendia mbuse amoemia asiate: Mana o mbai dja la motema makasi! wondi wo owe wokalesi owe ndi la engele eho moli oho akalia.
\p
\v 23 Yesu aumia la monguta mo Likumu laho, ango oweneli inde wato wabomi wamalinga alikambo la okiiakamohundi mana oho, ase wato ebele wato wadjakali okpomi etale.
\v 24 Inde asia umani saa alikambo ate mana omoli aguiti te, ase akolalaka wilo wa mosekia ngbii.
\v 25 Ango aumali wato saa, Yesu alingelia la monguta amohelia mana omoli oho ewo ase mana omoli oho aamalia.
\v 26 Mboli eho esombia wiati pkàa la mokili mwesi ngoo.
\p
\v 27 Yesu alongoya ongo, ase engele enge edjakali inde weti ebete eesi, wato wagui maiso wale wapotali omotutei la opami tookela iso magba mana o Davidi!
\v 28 Ango eumali Yesu la monguta, wato wagui maiso waumia ahue la inde ase inde awahuelia: Ondimini ate yengi oduholini maiso manu? wa mowongoselia: Ndjongo Mwalimo.
\p
\v 29 Ndjongo Yesu awahelia la maiso, asia: Loi wokelame nda edjéi wondimi wonu?
\v 30 ASe maiso mawu madukwania. Yesu awatekesia makasi inde awaselia okani wolamu, ewongi moto tweti atie wete.
\v 31 Ase wakia wasia mboli e Yesu Wiati kpàa ndondo e miki maho.
\p
\v 32 Ango odjakali wato waho okiiwakadjia la moto mwesi otokpomaka te atie Yesu alikambo ate inde adjakali la molimo mobe.
\v 33 Ango oumbali Yesu la molimo moho, moto oho apotia o kpomi: Wato waenia ndjongo wato ngbii wahuelia wasia ewenekiyo loi nda wohowu ahala la Isalaele.
\p
\v 34 Ase wa Falisai wasia adjéi LIkumu la wisisi wibe, nde emohi inde wokumu wo woumbi la wisisi wibe.
\p
\v 35 Yesu alekali wibete kpàa ndondo e gbata la miki kpàa inde adjakali opundesi la monguta mowakongi mowu woasi abolindamu e wokumu ase adjakali okalesi wato kpàa wawikoni la wato wawodidi.
\v 36 Motema monde mookali magba alikambo la wato ngbii wango wawenekeli inde, alikambo ate wato waho wadjakali olembi ase wadjakali la motema molitake nda nkondolo djinge idjangi modendi.
\v 37 Ndjongo inde asia la watutiani wande pukapuka idjéi ngbii ase wato wawotomu wati ngbii te alikambo la osui pukapuka.
\v 38 Ndjongo akongoni la Likumu la elanga awatome wato wawotomu ngbii alikambo la osui pukapuka.
\c 10
\cl Esuki Esungu 10
\p
\v 1 Yesu awawelali watutiani wande liomu la wale, awahelia wokulu wo oumbi la milimo mibe, la okalesi wikoni kpàa, la okalesi wikoni kpàa, la wodidi wesi kpàa.
\v 2 Ehele edjéi nkombo dja watomani liomu la wale oliwoso Simo nkombo ende edi Petele la manango Andele, Yakobi la manango Yoani, wona wa Zebedeo.
\v 3 Pilipo la watolome, Toma la Matia, ndombe e mamelo, Yakobi mùana o Alafeo la Zadeo.
\v 4 Simo moto obali moki monde la Yuda Kaliota, moto omohali Yesu atie mitone.
\p
\v 5 Yesu awatomali watutiani waho liomu la wale awahali miano ndjo: otikekeni la telitoamle ebete e wato wati wayuda te, wango wakoabataka ongo, otilingelakeni la gbata e wa Samalia te.
\v 6 Ase kekeni atie wa Isalaele wango wawusi mboka nda kondolo.
\v 7 La mboka, asakani wokumu wo likolo woumiga awue!
\v 8 Wakalesani wato wa wikoni, wasekwisani qwato waguake wakelesani wato wamba la umbani la milimo mibe. Ino okondjini mpamba.
\v 9 Otikakeni wolo, te wadjenge, te pukapuka dja wadjenge, la wopasa wonu te
\v 10 Otitotakeni wopasa alikambo la wosombi wonu te, te simusi iwale te, te sapato te te lingenda te
\v 11 Inga woumani la gbata esi te la moki mwsi, molukani nd moto ongo okowemeleni ase abatani atie nde tendi wungo wuse wokolongwa ino ango atie nde.
\v 12 Inga olingelani la monguta mwesi, asani logoo edje laino.
\v 13 Inga wato wa wuhungo monguta wawoemeleni, ewongi logoo enu edje la iwo. Ase inga wawemeletini ino te longoseni logo enu.
\v 14 Inga watona owemelini ino te owoki ino, la monguta mwesi ndjongo, te la gbata esi longwani la ehenge ebete ase huholani limungele la makolo manu.
\v 15 Iwaselini loi wo memene: la wuse wo oteni huko, enguele e wato wa gbata eho ekodja monga oleki eguele e wato wa Sodoma lo Gomola.
\p
\v 16 okani! yotomini ino nda kondolo ndondo e pange ndjongo, djani la wokenge nda ebili ndjo la logoo nda mbulu e pidjo.
\v 17 Huakani, alikambo ate wato wakawaino la timilali la wakobinga liwoso, ino pimbo ndondo e monguta mo wakongi mowu.
\v 18 Wakokawani ino liwoso la wakawi, ase la makumu alikambo la mbai, liwoso lawu la liwoso la wadjodji.
\v 19 Inga waokawani ino liwoso la timilali, otibatakeni motema likolo te, alikambo loi wokwasa ino, te la ndenge e wasi ikohani ino loi lungo lokwasa ino.
\v 20 Ndjoi djaho itouma atie nu te ase ikouma ma molimo mo sangbanu okoasa ndondo enu.
\v 21 liwota wakolaana wawa akomoolà mana, wana wakoamalila wasangwà, pé wakowaala.
\v 22 watokpa wakootani, aloyi la kombo embayi kasi, ongo akonanga motema, akokalàa!
\v 23 inga wodje betelemi la moki mwesi, ladjeiti mikii. iyowaselini meemené woti sombwani mokikpa mo isalaele hatanga engé adjakiya mana omoto.
\p
\v 24 Moyekoli atimwetaka molakisi mondé.
\v 25 Ewandi wamondwe moyekoli nda molakisi moondé, wamowelali yoo memenè molako ate adjei likumu mo mutimombé; aseko laino wongo waabati à ndako mondé?
\p
\v 26 otiwangeni emateeti easiti liwoso lanu tilingé liaasi etidjanga wewani eiwoso lanu litingé liaaisi etidjanga wewani liwosolasu.
\v 27 asani lamoli motetelaké lingé li waaselalini mbai likolo lingé ni ewasalelalini mbai la dumbiani lamoli motetelaké likolo la milako.
\v 28 dèeni owangi wango wakoolaka wengi, kasi watiolaka molimo, wangani wango wakolaka wengé la molimo la gehene.
\v 29 watitambaka mbulu djà sèlè iwalé la makuta la cuivele? kaakwasé, emateeti ingélikuuma inga sangbanu atigéngé.
\v 30 edjete motango mowsé momoto mwewani.
\v 31 ino awietini edingé mbulu la litomba, otiwangéni
\v 32 aseko, motongo otatolani mbai liwoso la wato kpa, mbai pé ikomotatola iwoso ewawa ombai adjei likolo.
\v 33 inga moto awungana mbai liwoso la wato, mbai pé ikomoungana liwoso la wawa ongoodjei likolo
\p
\v 34 Oti mungwakeni te ate idji odjabati logoo ahala la mokili idjiti odjabati logoo te, ase obati mopanga.
\v 35 Idji odjabati otonani ndondo e moto mongindi la sango, ndondo e mana o moli mongindi la nango ndondo e moli mongindi la nango molome onde.
\v 36 Watonani wa moto wakodjaa ndi wato wa liwota lande mene.
\v 37 Moto omobali sango, te nango oleki mbai, moto oho aengiti la mbai te moto omoali mana opele te mana onde omoli oleki mbai moto oko aengiti la mbai te.
\v 38 Moto ongo okpaliti kuluse eende te la otutei mbai te moto oho aengiti la mbai te.
\v 39 Moto obali obanei mokalo monde akowotilesa woho ase moto okotilesa mokalo monde la gbondo e mbai akokondja woho alidi.
\p
\v 40 Moto okowemekeni ino akoemeleke mbai, ase moto okoemeleke mbai, akomoemeleke moto ongo otomali mbai.
\v 41 Moto okomwemeleke mwaseli mo Mwengéi alikambo moto oho adjéi mwaseli mo Mwengéi akokondja esuki e liputi la mwaseli oho ase moto okomwemele moto memene liwoso la Mwengéi alikambo moto oho adjéi moto memene liwoso la Mwengéi akokandja esuki e liputi la moto oho.
\v 42 Yasi la ino loi wo memene moto okomoha moto mwesi etotu esi e malia madekeke atie moto mwesi mokeke ndondo e watutiani wambai alikambo ate moto oho adjéi motutiani mo mbai, akokondja liputi lande.
\c 11
\cl Esuki Esungu 11
\p
\v 1 Ango oseselali inde opundei watutiani wande liomu la wale inde alongoya ongo la okii owapundesi la owaseli ndondo egbata la moki moho.
\p
\v 2 Yoani Mopatesi adjakali la woyogo, ase aokia mboli etomu dja Kilisito, ndjongo inde awatomia watutiani wande wadi.
\v 3 Alikambo la omohueli Yesu odjéi moto ongo wewi iso ate ageleli inga te ndjongo tomolambele odi ongo ogeleli?
\p
\v 4 Yesu awawongoselia: kekeni omwaseli Yoani loi wungo woeni ino la wungo wooki ino.
\v 5 Wato wagui maiso waenia wato wabukakani makolo wasombia, wato wa mbala wakalia wato wadikami matoi wopotia ooki, wato waguake wasusoya ase wato wango wadjangi wa okia mboli ndamu.
\v 6 Mwemu la moto ongo okobamiaka wondimi wonde!
\p
\v 7 Ango okeli watutiani wa Yoani mopatesi, Yesu apotia wasi loi wo Yoani atie wato ngbii okadengakini nda loi ongo la lisobe? etale enge ekoninganesaka ehoho? te?
\v 8 Ndjongo okelini odendi nde? moto ongo okali wisindje wilamu? ase wato wango wakpali wisidje wilamu wadjéi la minguta ma makumu.
\v 9 Nde ndjongo okelini okadendi nde? mwaseli? memene yasi la ino okelini omweni moto ongo omoleki mwaseli.
\v 10 Te la gesele Yoani adjéi moto ongo wasi ekpàata e Mwengéi alikambo lande: Mwengéi asiate imotomi toma o mbai liwoso la owe alikambo la odukoli mboka alikambo la owe.
\p
\v 11 Yasi la ino loi wo memene: ndondo e wato, moto tweti te adjali mosungu omoleki Yoani mopatesi. Ase moto ongo odjéi mokeke eeti ndondo e wokondji wo likolo adjéi mosungu omoleki inde.
\v 12 Obandi ndiango engele enge easakali Yoani mopatesi tee ndi kekehele, wokumu wo likolo wokondji nga monga ase wato wa paima wokolukaka opwesi waho.
\v 13 Waaseli kpàa la pui dja Moize yasiga loi wo wokumu wungo wodji la engele e Yoani.
\v 14 Ase inga obalini ondimi mbai Yoani adjéi Elia ongo wasali iwo ate akodja.
\v 15 Okani wolamu inga odjéini la matoi.
\p
\v 16 Ikowakokesa wato wa ehele engele landai? wadjéi nda wana wango waabati ebete e lihoo, enge wabolei wesi wakopamaka la wungo wodi ate;
\v 17 Toobomeli ino misiki, ase otiwineni te tolembakli ndjembo dja magba, ase otilelalini te!
\v 18 Alikambo ate Yoani mopatesi adjali inde atilakali la atikengali Vino te, ase wato wasiate: inde adéi la esisi ebe.
\v 19 Mbai mana o moto idji ga ikolakaka la ikokengaka ase wato waasia: modendani oholo moto akomungwaka sa wolaki la okengi Vino. Inde aewani la wa ndombe wa mamelo, la wato wabe! ase lokenge wo Mwengéi wokoeneneke memene alikambo likokelaka inde djinge sambo.
\p
\v 20 Ndjongo Yesu apotia ogbongeli miki mingo mikeliga inde maahuele ngbii ndondo eho alikambo ate wato waho watihengeseli mitema te inde asia.
\v 21 Magba la owe Korasini! magba la owe Betesaida alikambo ate inga wiaahueli ehele ndenge wiumiga atie nu, wiumali la Zire la Sodoma, gala wato wa mihinge miki wakpali ga saki ase wasuiga misu la mito mau, alikambo ohengesi mitema.
\v 22 Alikambo la ndjo, yasi la ino, la wuse wo oteni huko eguele enu ekodja makasi oleki eguele e wato wa Zire la Sodoma
\v 23 Ase owe Kapalanaumu omungwaka ate akoatelesa la oumi likolo okouma sese tee la lifelo: alikambo ate inga wiaahueli ehle ndenge, wiumiga atie owewi umiga la Sodoma nda gbata eho eamali tee kekehele.
\v 24 Alikambo laho, yasi la ino la wuse wo oteni huko eguele enu ekodjamakasi oleki enge e Sodoma.
\p
\v 25 La engele eho, Yesu asia o wawa, Likumu la likolo làlá mokili, yohekeli kekedinge alikambo ate wenesiga atie wana loi wungo woisi owe atie wato wa lokenge, ase wato waho waewi ga opundesi.
\v 26 La memene wawa edjéi ndjongo alikambo ate wonoli ndjongo la obali ndjongo.
\p
\v 27 Wawa abatiga wiho kpàa la wawo ma mbai moto tweti te a mwewiti mana ndi wawa omwewi ase moto tweti te amwewi wawa ndi mana omwewi inde, ase wato wango wa wabali mana owaewesi atie sango.
\v 28 Ndjakani atie mbai ino kpàa wango walembi la mikpali ase ikohomesani.
\v 29 Kpalani tomu dja mbai ase hekeleni mbai mboka ikopundesani ino alikambo ate idjéi la motema pete la wa telesi té, ase okokondja la ebete ehomake la ino mene.
\v 30 Okpali wotomu wungo wokohani mbai woti makasi te ase mokpali mokokpalesani mbai moliti te.
\c 12
\cl Esuki esungu 12
\p
\v 1 Mbuse engele ekeke, Yesu adjakali oleki ndondo e elanga e wopunga wuse wo ohomi watutiani wande waokia ndjala wapotia ogbololi wopunga la olaki pukapuka djaho.
\v 2 Ango weneli wa Falisai loi loho, wasia la Yesu: Denda watutiani wa owe wakokelaka wotomu wuse wo ohomi, loi wungo wotekesi pui dja su!
\p
\v 3 Yesu asia la iwo: otitangakeni yo te sambo djinge ikelali Davidi wuse wesi wungo wodjakali wato wande la ndjala?
\v 4 Inde alingelali la monguta mo Mwengéi ase watidjali la obalesi wo olaki mapa maho te. pui djaho ibalesi ndi la wanganga Mwengéi.
\v 5 Alidi otitangalini ndondo e pui dja Moize ate; la wuse wo okomi wanganga- Mwengéi wahawa ndondo etomu dja monguta ma Mwengéi watotemi aka pui la wuse wo okomi te ase wati la lisumu te?
\v 6 Ase yasi la ino, ema esi enge edjéi ala enge eleki wasungu olaki monguta mo Mùwengéi!
\v 7 Inga wewakini gbondo esambo dja ekpata e Mwengéi nda asi eho: ibali wouma ase ibaliti makao ma nama mango makohaka iwo, nda wengitini owasambesi wahawa wato wati la loi te.
\v 8 Te legesele te mbai mana o moto idjéi Likumu la wuse wo ohonu.
\p
\v 9 Yesu alongoiya ongo, alingelia la monguta mowu mowakongi.
\v 10 Moto mwesi adjakali ongo ewo ende egui. Wato wango wadjakali ongo, wadjakali omotioli Yesu nda inde nde okeli wobe: la ndjongo wamohuelia Yesu pui dja su indimi omokalesi moto wu woohomi?
\p
\v 11 Yesu awaselia inga moto ndondo esu adjéi la kondolo esi mpamba, ase inga kondolo esi mpamba, ase inga kondolo eho ekwa la liwela lilindi wuse wo ohomi, inde atolingela ongo la woumesi kondolo eho?
\v 12 Motio mo moto modjéi ngbii oleki kondolo! ndjongo pui dja su indimi okeli wolamu.
\v 13 Ndjongo Yesu asia la moto oho: Djaka la ewo e owe inde amohelia ewo ase ewo ende ekalia nda enge edi.
\v 14 Walisayo wakia, ase wamungo ya nda ndenge engi omohekli Yesu.
\p
\v 15 Ango wewali Yesu loi loho, inde alongoya la ebete eho, ase wato ngbii wa motuteyainde inde akalesia wato kpàa wawikoni.
\v 16 Ase Yesu awahali iwo wokulu wo owaewesi iwo inde adjéi ndai.
\v 17 Edjali ndjo alikambo la woengesi loi liungo wasali mwaaseli Isaya.
\q
\v 18 Mwengéi asi: oholo adjéi mosali mo mbai ongo omwonoli mbai, moto ongo omobali mbai ase ibati mwemu kpàa mo mbai atie nde. Ikohekele molimo mo mbai mokotikala likolo lande akoenese atie e tomu huko djinge ibali mbai oteni.
\q
\v 19 Atoswa la moto te la atopama te wato moka te okpomakpomi la mboka.
\q
\v 20 Atoso litaki linge liyaimbi la atola mwinda mungo mopotia olimani akokela ndjongo tee ndi alongesiga womemene.
\q
\v 21 Ase witondo kpàa wikobata mamungwene mawu ndondo eende.
\p
\v 22 Ndjongo wadjia atie Yesu la moto mwesi ongo ogui maiso, la atiengali okpomi te la inde adéi la esisi ebe Yesu amokalesia moto oho ase apotia okpomi la woeni.
\v 23 Wato kpàa waahuelia la wasia inde aengi odjéi mana o Davidi?
\p
\v 24 Ango ewa okali Wa Falisayo wasia: oholo moto akoumbaka la eisi ebe, alikambo la Beledjebului Likumu la wu akomohaka inde wokulu!
\p
\v 25 Ase Yesu aewali mamungwene mawu, ndjongo inde asia la iwo wokumu kpàa wungo wokosanaka wato waho ndondo ewu mene gboo eho edjéi logo. Gbata kpàa te mawota kpàa mango wato waho te woabolei wou wakosanaka ndondo ewu mene, wato amala te.
\v 26 Inga Satana awelani Satana, inde akosanaka la inde mene. Ndjongo wokumu wonde wokoamala nda ndenge?
\v 27 Okomungwakani ate mbai ikoumbaka la wisisi wibe alikambo la Belezehuli akohaka mbai wokulu. ndjongo ndai okohaka wokulu atie wato mongindi la ino? wato la ino mongindi memene wakosambesakani ino.
\v 28 Memene alikambo ate ikoumbaka la wisisi wibe la wokulu wo molimo mo Mwengéi enge enesi ate wokumu wo Mwengéi woumiga atie nu.
\p
\v 30 Moto ongo oti la mbai mongindi te akosanaka la mbai moto ongo ogamesitiaka mbai te la okongoli djinge ikoandjaka inde.
\p
\v 31 Alikambo laho, yasi la ino wato waengi olimbesami alikambo la masumu kpàa ase alikambo la sambo kpàa djinge ikoasaka iwo ase moto ongo okoasaka sambo mbe atie molimo monsato, atolimbisama te.
\v 32 MOto ongo okoasaka sambo mbe atie mana o moto akolimbisama ase moto ongo okoasaka sambo mbe atie molimo monsato atolimbisama te, te la ehele engele, te le engele enge egeleli.
\p
\v 33 Alikambo la okondji pukapuka ndamu eongi odje la motema molamu inga odjani la mote mone, okodjani la pukapuka mbe alikambo ate wato wakoewaka mote la ndenge epukapuka djinge ikowotaka mote moho.
\v 34 Ino okani nda ndenge engi ino wasi sambo ndamu ase ino odjéini wato wabe? alikambo ate monoko mo moto mokoeneseke sambo djinge itumi la motema monde.
\v 35 Moto molamu alikambo la wodjenge walamu la motema monde, akoumesaka sambo ndamu, moto mobe alikambo la wadjenge wabe la motema monde akoumesaka sambo mbe.
\v 36 Yasi la ino la wuse wo oteni huko wakowasambesa wato alikambo la woasi wou ndjongo ndjongo la mango masi iwo.
\v 37 Alikambo ate wakotena huko e owe, nda ekoasaka owe inga odje la huko te inga oti la huko.
\p
\v 38 Ndjongo wato wadi la wapundesi wa pui la wa Falisayo wasia la Yesu: mwalimo, tobali towene owe okele eaahuele.
\p
\v 39 Yesu awawongoselia ndjo: wato wa ehele engele ekéké wati wato wango wakoahelelaka la wondimi wou te atie Mwengéi wako ongoko eaahueli, ase Mwengéi atowaha iwo eaahueli teeti te, ndi enge e mwaeli Yona.
\v 40 Te la gesele te, nda elangalali Yona masio masato la makolo masato ndondo solo djasu sungu, ndi ndjongo mbai mana o moto ikolangala masio masato la makolo masato ndondo e mbume.
\v 41 Wuse wo oteni huko, wato wa Ninive wakoamala liwoso la wato wa kekehele la wako wasambesa iwo alikambo ate wa hengeseli motema ango okali iwo woasi wo Yona!
\v 42 La wuse wo oteni huko, Likumu la moli o Sudi akoamala la owasambesi wato wa kekehele, la akowahela iwo alikambo ate inde alongwali la moki mo lihiele la oki sambo itumi la lokenge lo Salomo ase ema esi edjéi ahala esungu omoleki Salomo!
\p
\v 43 Ango oumiga molimo mobe atie moto inde akokeke ase akowongwaka la wibete wiomake olui ebete ehomake inga atigbote eho te.
\v 44 Inde asia iwongwe la monguta la ebete enge elongwali mbai inde awoya ongo ase agbotia wonguta modjéi wohola ndi wakpasiga la wa wongeliga moho wolamu kpàa.
\v 45 Ndjongo inde akia ototi milimo sambo wadi omoleki inde la wobe wawongoya mongindi ase wabatia ongo edjéi ndi ndjongo ate gboo emoto oho ekodja wobe oleki ongo oliwoso loi wokodjaa ndi ndjongo alikambo la wato wabe wa kekehele.
\p
\v 46 Ango edjakali Yesu wasi yo la wato, nango la wamanango woumia wamalia ongo saa la wadjaki oluki okpomesani la inde.
\v 47 Moto mwesi amwaselia Yesu oka ngua la wamangua waamali ongo saa ase wabali okpomesani la owe.
\p
\v 48 Yesu amowoselia ongo moto nda moto odjéi ima la wa manima wadjéi wa ndai?
\v 49 Mbuse eho inde alongosia ewo atie watutiani wande asia: Dendani ima la wamanima wadjéi ahala,
\v 50 Moto okokela nda ebali wawa o likolo, moto oho adjéi manima opele, la manima o moli la ima.
\c 13
\cl Esuki Esungu 13
\p
\v 1 La wungo wuse mene, Yesu apumbali la monguta asze akabatia kelekele e ligbutu alikambo la opudesi.
\v 2 Wato ngbii wabolea ahue la inde, la ndjongo inde alingelali la molela, abatali ongo wato wamalia kelekel e malia.
\v 3 Yesu adjakali wasi masekpe alikambo la wasi la iwo, sambo ngbii, ndjinge yasakali inde laiwo moto mwesi apumbali okii okaoni pukapuka.
\v 4 Ango odjakali nde olumbakoli pukapuka djadi ikwakanali kelekele e mboka mbulu iumali mine idjilakia.
\v 5 Esuki edi ekuali la ebete e mabanga la ebete enge etidjake mbume sungu, pukapuka itoli gala alikambo ate mbume itidjake sungu te.
\v 6 Ango ebatali moi molongosia kasi djaho, ase kasi djaho yomali suaa alikambo ate ndjili itibekakolali te.
\v 7 Esuki edi e pukapuka ikwakanali ndondo e keke keke iumali ihelali kasi ndamu djaho.
\v 8 Ase pukapuka djadi ikwakanali ndondo e mbume ndamu, ase iwotali pukapuka djadi iwotali pukapuka kama esi, djadi tuku isato.
\v 9 Yesu asali alidi: okani wolamu, inga odjéini la matoi!
\p
\v 10 Watutiani waumia ahue la Yesu ase wamohuelia: alikambo lande ekpomaka owe la iwo la masekpe?
\p
\v 11 Yesu awawongoselia ino okondjigani lokenge lowewi sambo djinge iyasi ndondo e wokumu wo likolo, wa wato wakondjaki yo woho te.
\v 12 Alikambo ate moto ongo odjéi la wadjenge akokondja wadi ase akodjaa la wadjenge ngbii, ase moto odjéi la waho wakeke, wakopuesa ndi wango wadjéi inde la waho wakeke.
\v 13 Alikambo laho likoasaka mbai la iwo la masekpe alikambo ate wakodendaka ase wenitiaka te, la wakokaka, ase waokitiaka gbondo eho te.
\v 14 Ndjongo ndjoi dja mwaaseli Isaya maengesame: alikambo lawu la wasindjo Mwengéi asi okani wolamu ase otoewani gbondo te okodengani wolamu, ase otoeneni te.
\p
\v 15 Te la gesele molimo mo waha wa wato moumiga ndou, wadihiga matoi mawu, wanangiga maiso mawu alikambo ate maiso mawu matiene te ase matoi mawu matioke te, alikambo molimo mowu motiewe gbondo te alikambo ate watia ndondo e ahue la mbai ase iwakalese.
\p
\v 16 Ase ino, mwemu modjéi la ino, maiso manu makoeneke, ase matoi manu makokaka!
\v 17 Ikwasaka la ino loi wo memene: waaseli gbii la wato ngbii wa Mwengéi wabalali weni luhulu loi wokoeneke ino, ase watieneli te la wabalakali oki luhulu loi wokaka ino, ase watiokali te.
\p
\v 18 Ndjongo okani gbondo e lisekpe la moto o woni.
\v 19 Wato wa woki loi wo wokumu wo Mwengéi ase waewiti gbondo te, wadjéi nda kelekele e mboka ebete ekwali pukapuka: Satana adjia alongosia loi wungo wokwi la mitema wawu.
\v 20 Wadi wadjéi nda mbume dja mabanga, mango makwi pukapuka ndondo eho, wakokaa sambo ase wandimia la mwemu.
\v 21 Ase wakodeke sambo djinge ikolingelaka la mitema mawu te, wakoakelelaka maho sa engele ekeeke. Ase inga ekoni euma te wodidi alikambo la loi wo Mwengéi
\v 22 Wadi wadjéi nda pukapuka ndondo ekeke: wakali loi ase mamungwene ma mokalo mamuhumu moki, la mwemu la wikosako wawa djenge enangami la sambo djaho, ndjongo wawotiti pukapuka te ndjongo wawotia pukapuka.
\v 23 Ndjongo wato wadi wakondji pukapuka la mbume ndamu waoki loi ase waewi gbondo eho. Djadi kama esi djadi tuku motoba, ase djadi tuku isato.
\p
\v 24 Yesu awaselia lisekpe ladi: wokumu wo likolo wodjéi nda ema enge moto mwesi aonali pukapuka ndamu la elanga ende.
\v 25 La likolo ango odjakali wato kpàa la wilo, motone mo moto oho adjia aonia wisoki wibe ndondo engano, ase akia.
\v 26 Ango otoli ngano ase iwotia pukapuka, wisoki wibe witoi koto.
\v 27 Wato wa wotomu wa memene elanga wapotia wasi la inde likumu, onali pukapuka ndamu la elanga e owe ndjongo wisoki wibe wihiwi widji eni?
\p
\v 28 Inde awawongoselia: motone nde okelali luhulu loi ndjongo wato wa wotomu wamohuelia inde obali ate toke olongosi wisoki wibe?
\p
\v 29 Inde awaselia iwo: te alikambo ango okolongose ino wisoki wibe, okolongoseni koto ngano.
\v 30 Deni djaho eume mongindi te ndi engele ekotena ino pukapuka engele ehonde ekoasa mbai la wato wa wotomu waoteni pukapuka liwoso longoseni wisoki wibe, ase owinangeni ma wokema woke alikambo la omatumbi, mbuse eho okolingesani ngano la monguta mo mbai mo woisi pukapuka.
\p
\v 31 Yesu awaselia iwo lisekpe ladi: wokumu wo likolo wodjéi nda pukapuka e mositade, enge etotali moto, aonia ndondo e elanga ende.
\v 32 Idjéi pukapuka kekekeke oleki pukapuka djadi kpàa ase inga itoiga idjéi wisoki wisi wileki wisoki wiumia mite ndjongo kpàa mbulu iumia okeli wilako wau likolo la wite waho.
\p
\v 33 Yesu asia la iwo lisekpe ladi wokumu wo likolo wodjéi nda le Vire enge etoti moli, ase awanesia djaho ebete eikima la kilo tuku iwale la itano dja Farine tee ndi engele enge ekovimba mapa kpàa.
\p
\v 34 Yesu adjakali osololi la masekpe alikambo la woasi sambo djinge kpàa atie wato ngbii; inde atiasakali la iwo te inga atiase la masekpe te.
\v 35 INde akelakali ndjongo, alikambo aengese la wungo woasali Mwaseli ikoasa la iwo ndi la masekpe ikoasa la iwo sambo djinge iyaisi olongoi te engele e okelami wo mokili.
\p
\v 36 Ndjongo Yesu awadeya wato ngbii ase alingelia la monguta. Watutiani wande wakia atie nde ase wasia twasela iso gbondo e lisekpe la wisoki wibe ndondo e langa.
\p
\v 37 Yesu awa wongoselali ndjo: moto owoni pukapuka ndamu djéi mbai mana o moto.
\v 38 Elanga edjéi mokili, pukapuka ndamu enesi loi lo wato wango wadjéi wato wa wokumu wisoki wibe enesi loi lo wato wango wadjéi wato wa Satana.
\v 39 Motone mo oni wisoki wibe edjéi Satana. Engele e oki pukapuka edjéi gboo e mokili wato wa oluiki pukapuka edjéi waahumbwa.
\v 40 Nda elongosi iwo wisoki wibe alikambo la olumbi la misa, ekodja ndindjongo engele e gboo e mokili.
\v 41 Mango o moto akowatoma aahumbwa wande wakolongose ndondo e wokumu wonde wato wa wikosako, wato wango wakokelaka maumu, wato wango wakokelaka wobe.
\v 42 Ase wakowalumba ndondo lo pulu ebete ekolela iwo la okpemeseni maino.
\v 43 Ase; wato wa omotemei Mwengéi wakongala nda moi ndondo e wokumu wo sangbau. Okani wolamu, inga odjéini la matoi!
\p
\v 44 Wokumu wo likolo wodjéi nda wadjenge wayaisi la elanga. MLoto mwesi agbotia wadjenge waho ase awasia alidi inde adjéi la mwemu, ndjongo nda ekii inde okatambi wiho kpàa winge widjéi inde la waho.
\p
\v 45 Alidi wokumu wolikolo wodjéi nda moto ootambi, ongo okolukaka mayaka mabanga ma motio mosungu.
\v 46 Inga agbotiga liesi laho linge la motio mosungu inde akia akatambia wiho kpàa winge widjaki inde la waho, ase asombia libanga laho.
\p
\v 47 Alidi wokumu wo likolo wodjéi nda woya wosu, wato walumbia ndondo e ligbutu ase woya wohelia su ndenge la ndenge.
\v 48 Inga itumiga, wato wa oluki su, wakogula wohokelekele e malia ase waabati alikambo la wonisu wabate su ndamu ndondo e modjangi ase walumbe su mbembe ndondo e malia.
\v 49 Ekodjaa ndjongo engele gboo e mokili: waahumbwa wa kodja olongosi wato wabe ndondo e wato walamu.
\v 50 Alikambo la owalumbi ndondo emisa lapulu, ongo wakolela la okpemeseni maino.
\p
\v 51 Yesu awahulia: wewigani loi loho woesi kpàa?
\p
\v 52 Ndjongo wapundesi kpàa wa pui wango waumia watutiani la wokumu wo likolo, wadjéi nda moto o wadjenge ongo omesi ndondo e wadjenge wande wiho wikoli la wiho wa gala.
\p
\v 53 Ango asesali inde wasi mango masekpe maho inde alongoya ongo.
\v 54 Ase akia la gbata ebete enge ebekali inde inde apotali opundesi ndondo e monguta mowakongi mo wa Yuda la ebete eho, ase wato kpàa wango wadjakali ango wahuelali ngbii wadjakali woasi inde akondji wungo wokenge eni? ndenge engi inde okeli wiahueli enge ndenge?
\v 55 Inde ati mana o sapate te? nango ati Maria te? wamanango Yakobo, Yosefu, Simoni la Yuda te?
\v 56 Ase wa manango wa wali wati ndondo esu te? inde akondji wokulu wungo eni?
\p
\v 57 Ase enge ewahali iwo omondimi inde, ndjongo Yesu asia la iwo: mwaseli akokondjaka etemia wiati kpàa ase adjangia waho ndondo e gbata ende mene la ndondo e liwota lande.
\v 58 Ongo inde akelali wiahueli ngbii te alikambo la wondimi wou te.
\c 14
\cl Esuki Esungu 14
\p
\v 1 Laenge tango, elode otetalake, ayoki ya wakowasakà la yesu, aasia la watuké wandé: idjei yowane mobatisi!
\v 2 abasia la wagwi, edjei ndjongo ndé akokelaaka sambo ekamwesaké.
\p
\v 3 Aloi helode ndé amohelesali Yowane, amolingali, amobatalia pili zo alikambo Helodiya, moli ofilipo maanango à loyi te yowane amowaselali tè ati mototé ndà moli.
\v 4 alukali omoholi, kasiadjaali owangi wato, aloyi wadjaali oweni yoane nda moli.
\v 5 alukali omoli kasi adjali owangi wato, aloyi wadjaali oweni yowane nda Polifeta.
\p
\v 6 Tango wadaki owongeli feti a owotami é Helode; mana omoli O helodiasi awinia liwosonla wato, Helode ayemelia,
\v 7 Ekiatée amowunelia la olapi la omohi éngé ekoonga indé pkà.
\v 8 oyokia ndengé emowaseli na ngo aasi: Ha mbai moto é yoane mobatisi la saani.
\v 9 Likumu awunia magbai; kadsi odhéndi ndé olapi ondé la maiso mawato.
\v 10 awongia tè wamohè, aatomia à wamotené Yoane ongo a Pilizo.
\v 11 moto mondé wakia leho a asani wa mohia manomoli adjei ohi nango
\v 12 Wayekoli wa Yoane wadjia ototi wengé wandé wakia okundi, wadjia omosumbeli Yesu mboli.
\v 13 ango eyokia Yesu a ndongo ateli masu wa akia ma lihelé ebeté emanganga; tango watu wayetiya, wa longwa moki wa mibilia la makolo.
\v 14 Tango epumbia ndée a andondoli, aonia wato ngbi, awa okelia magba, akalesia wakoni.
\p
\v 15 pokwa é djea ewolo emanganga, limbilé likia wongola wato wake aliki; wasombo ilaka
\p
\v 16 yesu awawongolelia: wakokiti; wahekelini ino amene ilakà.
\p
\v 17 wa mwaselia: todjei ndi la pkanga itano la su iwalé.
\p
\v 18 aasia: djakani leho
\v 19 awa batisia wato la isoki, abandeli mapa itano la su iwalé, atombolia maiso likolo, apambolia. abulia kpanga aleti ahia la wayekoli wandéi, wakabolia la wato.
\v 20 iwokpa walakia pé wa gbetia aleti wa onia ikolo lomi la iwalé engé etikalali.
\v 21 wango walakali wadjali oweti mili itano ewato té otangi wali la wana.
\p
\v 22 Mbuse aasia la wayekoli wandé watelé andondoli pé wake liwoso landé léeti ngambo emalia, indé awongose wato.
\v 23 tango owawongosia, atelia mokoli, aloyi tè abondèli ma lihélé; aleti pkwa edjaali, adjali indé amene
\v 24 andondoli edjaki ndondo emalia, mbongé ewadjaalia, aloyi ehoho edjaki odjei eeti ngambo.
\v 25 ewumia ngo, nga ineyi elikolo, yesu awadjelia akosombaka likolo emalia.
\v 26 ango eenia wayekoli tè okosombakà likolo emalia watumali, waasia: edje etota! aleeti, la owangi ewu wa bandali odhumbeyi.
\v 27 yesu awaaselia ndimani tè edjei mbai;
\p
\v 28 Petelo amoongoselia: likumu, inga edjei owè, ndimate edjè etiowe la makolo.
\p
\v 29 yesu aasia: djakà! petelo alongoya aandondoli, adombia likolo emalia akiya ngambo e yesu.
\v 30 kasi owenité ahoho edjaki owete li owangi; ndengé ebandaki indé odji, abandi olindi, adumbia: likumu, kalesa mbayi.
\p
\v 31 yesu anonolia ewo, amohelia, amaaselia: moto oondimi keke, woni otindimé owo?
\v 32 wartelia a andondoli, ehoho esilia.
\p
\v 33 wango wadjakli ndondo é andondoli wadjia okwi amakolo ma yesu wamoaselia: odjei meemene mana o Mwengéi
\p
\v 34 Mbuse wadja a moki mo nazaleti.
\v 35 wato waengé ebeté; wamowio yesu wa tomia mboli kelekele eyiwo wadjelia wato wa ikono.
\p
\v 36 aasamabeliatè wahele saa esuki esindje endé. wango wadjaki omoheli wakolali.
\c 15
\cl Esuki esungu 15
\p
\v 1 Mbuse eho wa Falizeyo la wa bimiani wa mibeko wadjali la Yelusaleme omogboti Yesu pe wahasia.
\v 2 Nda tina ekobukaka watutie wa owe okokowo iloko? ndenge eho, watiya kpolo mawo liwoso la olaki ilaka.
\p
\v 3 Awawongwelia;” ino, ndjoni ekobukaka ino ndema dja Mwengéi la tina okoko onu?
\v 4 La ndenge eho, Mwengéi ahasali haa odongo atie sangwaa la ngwa, alidi: ongo okohasa obe obe ati e sango la nango akodjwa etumbu e logo.
\p
\v 5 Kasi la ndenge e ino, moto ongo okohasa inga la sango te la nango linge likokaki mbai oohi lidjéi libondja ati e Mwengéi.
\v 6 Akokiti la ohi odongo ati e sango te atie nango. olongosia likpomi la Mwengéi la tina e okoko wonu.
\v 7 Mohisi o ikela, Izaya asakoli olamu la tina enu, tango ehasali inde.
\v 8 Wa wato wakoyaheneseke nda wato wa mbai wakokumesaka mbai la minoko, kai mitema mahu midjéi lihele la mbai.
\v 9 Wakokumesaka mbai ndenge e ikosakola ohekeli mateya mango madji ndema e wato.
\p
\v 10 Yesu awawelia wato pe ahasia yokani mbai pe sosoloni olamu.
\v 11 Eti ndjinge ikolingelaka la monoko ndi ndjawo ikoumesaka moto osoto, kasi winge ikopumbaka la monoko. Hene linge likoumesaka moto osoto.”
\p
\v 12 Mbuse watutie wande wayandongbia pe wa mohaselia: “oyewi ate wa Falizeyo wayatungesaali la ooki mango makpomi?”
\v 13 Awongosia mote kpàa mungo mooniti wawa olikolo mokotenama.
\v 14 Waadee wadjéi wagbii maiso wango wakosumaka weti wagbi maiso mboka, inga mogbii maiso akosuma oweti mogbi maio, wakokwa iwo kpàa ndondo e libulu.
\p
\v 15 Petelo atotia makpomi pe amohaselia “sosolisa yo li lisese.”
\p
\v 16 Yesu ahasia “Ino koto, odjéini y o la odjangi o lokenge?
\v 17 Ososolaki yo ni ate ndjinge ilingeli la monoko likokeke la solo, mbuse ikoke la linee.
\v 18 Kasi ndjinge ikopumbaka la monoko lidjii la motema djawo ikopumbaka la monoko linddji la motema ndjawo ikoumesaka wato osoto.
\v 19 La ndenge eho, la motema nde ikodjaka mamungo mbee, ooli wato, ikobo, osono ohuanesi wenge moli la motopele, iwa, ohasi obe la tina e moto, okpomi la moto obe.
\v 20 Hene linge likoumesaka moto la osoto; kasi olaka odjangi okpoli wawo, linge litiumesaka moto osoto”
\p
\v 21 Yesu alongwali ango pe akeeli la moki mo Tyli la Sidona.
\v 22 Moli mwesi o kanana ongo odjaali la enge ngambo agbamali “Ndjoka magba, Likumu, mana ombai omoli akotungesamaka la etota eesi”
\p
\v 23 Atimowongeselali loi te loi kima, watutie wandongbia pe wamoweelia “Mowongosa, la likambo ate akohumbaka puhi mbusez asu”
\p
\v 24 Awongosia “Itomali la tina e meme ndjinge iwungi la liwota la Isalaele.”
\p
\v 25 Kasi ongo moli adjia pe amayia mahuli liwoso la inde ahasia “Likumu, sunga mbai.”
\p
\v 26 Awongosia “Eti olamu ototi okoke o wana pe owalumbeli imbwa keke keke.”
\p
\v 27 Ongo moli ahasia, “Ndjongo Likumu, kasi imwa keke ikolaka ilakelo djinge ikokwanaka szese e mesa e Likumu lawu.”
\p
\v 28 Mbuse Yesu amohaselia “Moli, oyambi oowe odjéi osungu, ekelame ndenge ebali owe” obandi enge tango, mana onde omoli akalali.
\p
\v 29 Yesu alongweya enge ebete pe akia kelekele e Lindanda lisungu la Galileya. Atelia la mokoli ayabatia.
\v 30 Wato ngbii wayandongbia atiende, kati ewu edjakali la watenguli, wato walolanda, wato bubu, wato waiketi pe wato wadjeti ikoni ndenge, wadjia la iwo atie Yesu awakalesia.
\v 31 Wato kpàa wahemelali oheni wabubu okpomi, wato wa iketi wa kalia, watenguli wasombia olamu, wato wa lolanda wahenia, we mokumesia Mwengéi o isalaele.
\p
\v 32 Yesu awawelia watutieyi awahaselia “Itumi la lomungo la tina e wa wato la likambo ate wakelia masio masato ndi wadjéi la mbai kasi wati la ema elakake. Ibaliti owawongoli la ndjala, la mbangi watilembe la mboka.”
\p
\v 33 Watutieyi wande wa mohaselia “Nda ndenge e koki iso odjwi ehele ebete e esobe ndjo makokela ate wa wato ngbii ndjo walake?
\v 34 Yesu awa weelia “Ondjéi la makoke maenga?” sambo, wamowongosia wato la mbume.
\p
\v 35 Mbuse wabatesia wato la mbume.
\v 36 Atotia makoke sambo la suu, mbuse ende omotondi Mwengéi, awahekelia watutieyi wanue, wa wahelia wango wato ngbii.
\v 37 Iwo kpàa walakia pe wagbetia, mbuse eho wabatia djinge itikalaki la isaka sambo.
\v 38 Wango walakali wadjakali wato koto inei, owalongosi wali la wana.
\p
\v 39 Mbuse awongosia wato, atelia lawato pe akakia la moki mo Magadala.
\c 16
\cl Esuki esungu 16
\p
\v 1 Wafalisayi la wasa dukayi wa djia atie yesu, la ate wamobate la sambo, wamoweelia ate awahenese sambo dja likolo.
\p
\v 2 Yesu awawongoselia: la pok, wa, okohasakani ekodja olamu, la lokambo ae lipata lidjei lil: angake; pe boo:
\v 3 Mopepe mo ewongo mokokela keke, la likambo ate li: kolo lilangiti; wato wayaisak; e; oyewini ososoli likalo kasi oyewiti odendi smbo ekosombaka tango.
\v 4 Wana wa tango mbe alidi wa ekobo wakolukaka ohoni wikamwa, otihane djeti ikamwa nda enge e yonesi mosakoli mbuse alongweya atie wu pe akia.
\p
\v 5 Tango e kpandia iwo ngambo aatie malia; watutieyi wande wawosanali ototi mapa.
\v 6 Yesu awahaselia: kebani, otiyaheni la llaka ma wafalisayo la wadukayo.
\p
\v 7 Wayekoli wa mungolia ino amene pe wahasia: ahasi ndjongo ndenge etotiti iso lipa.
\p
\v 8 Yesu, la oyewi mamungo mawu, awahaselia: wato wa oyambi okeke, nda ndenge ekomungolaka ino ndi inomene la ndenge etotiti ni ino mapa?
\v 9 Ososolaki yoni alidi omungoliti kine mapa matano djinge ilaka ate wato 5000, ikolo iyenga ikpala ate ino,
\v 10 Te mapa sambo m: ango malaka wato 4000, ikolo yienga ikpala ate ino?
\v 11 Ndandenge etisosoli ino eti la tina e mapa ekpomi mbai la ino? otihahe ni la ilaka ewa falisayo la sadukayo.
\v 12 Sikandjo wasosolia ate etindje la tina e famini e mapa ehasi Yesu la iwo ate wati yahe, kasi la tina mateya ma wa falisayo.
\p
\v 13 Yesu awumia la moki moselaleya e Pilipo. awahuelia atie wande: mbai idjei ndai, ndenge ekpomaka wato, mbai monga moto?
\p
\v 14 Wamowongoselia: ndamo e wato wakohasaka ate odjei mobatesi; weeti ate odjei Eliya, weeti koto ate odjei Yelemia, odjei mosakoli mwesi.
\p
\v 15 Inoko, oyewi ni ate mbai idjei ndai? awahueli.
\p
\v 16 Simoni awongosia: odjei Masiya, Monga mwengei o bomoi.
\p
\v 17 Yesu atoti; a ikpomi, amohaselia; odjei olamu, Simoni, monga Yonasi, la likambo ate eti lobundo la wato loohenesi ndjongo, kasi wawa ongo o likolo.
\v 18 Mbai, iwohaseli ate odjei pe likolo e libukeli ikomaa Eyamba, e mbai, milihe dja masio ma logo mitilongosa lilibukeli.
\v 19 Ikoohele madukweli ma okumu likolo: linge likonanga owe ahala sese la mbume likonangna ongo likolo pe linge liko duhola owe ahala sese la mbume liko luhuana koto ongo likolo.
\v 20 Awahaselia watutieyi wandeate watimohasele moto ate adjei masiya.
\p
\v 21 Ndi enge tango, abandia owahenesi wattieyi wande ate akoki oki la yelusaleme, onyokami, la wa iloko, m; akumu ma wa nganga pe wa bimianeli mibeko oholani la osekwi lisio la isato.
\v 22 Petelo amototia inde amene, abandia omotetesi wange la omohaseli ate: Mwengei aobanye likumu! djinge sambo itiowumelate.
\p
\v 23 Yesu ayakukolia pe ahasia la Petelo: wongwa mbujse, Satana, odjei motambo atie mbai la likambo ate mabundo ma owe mati mabundo ma M, wengwei kasi mabundo ma wato wa mokii.
\p
\v 24 Yesu ahasia la wattieyi wande: moto ongo obali odjei motutieyi mo mbai, akpa agbongolo onde mbuse atutie mbai!
\v 25 La ndenge eho, moto ongo okoluka okalesi bomoi onde akowungesa, kasi mo, to ongo okowungisa bomoi onde la tina e mbai ako etota la lidi.
\v 26 Okodja nda litomba moto ongo okondja moki mobimba, inga awungisa molimo monde? alidi ndeema ekokukwanesa moto la molimo monde?
\v 27 La ndenge eho, monga moto akodja la okumu o sango, la wapubwa wande, akokela moto la moto okokani la ikela wande.
\v 28 Iohaseli la osembo, ndambo e wato ndondo e wango wadjei ahala watigbaa liwoso ate wahene ndenge ekodja monga mo, to la okumu onde.
\c 17
\cl Esuki esungu 17
\p
\v 1 Mbuse e masio motoba, Yesu abandali oyakongi inde Petelo, yakobi, Jaki, mpe la zaa, la wamanango, mpe wasombi okii oteli la mokoli ndai.
\v 2 Akukwami la olenge enge eende liwoso la iwo, mpe mbanda eende ebâti nda use mpe isindje eende ebubaali mpe use ungo obati ngbii.
\v 3 Mpe denga, Moze la Eliya waeneni la iwo, wadjali waasani la inde.
\v 4 Petelo, edjei olamu la iso laate todjei ala, inga obali, ikokela mingombo isato, eesi la owe eesi la mose, mpe eesi edjei la eliya.
\p
\v 5 Edjaaki inde waasi, ndenga lipasi lingengeke ewalihi mpe mooli moumi ndondo ee lipata easi ate, oholo adjei mana ombai alibalano, yeemeli la inde ngbii mookani!
\v 6 Eokaali tutiani wa inde ndjango, wakpii la manda eewu mpe wawangi la boo sungu.
\p
\v 7 Ase yesu adii mpe awalongosi, inde ate yamalani, otiwangeni.
\v 8 Ango edjambi iwo maiso, wa mueniti moto, ndii yesu inde amene.
\p
\v 9 Eyadimbaali iwo la mokoli, Yesu awauneli ate, otiasani la moto la sambo yeetiala tee lision mana o moto akobasa la logo.
\p
\v 10 Tutiani wa mohueli ate lande wiloko wakwasaaka at edjei olamu ate Eliya adjee liwoso?
\p
\v 11 Inde awongwesi ate Eliya akodjaa ala mpe akowongele sambo kpaa.
\v 12 Ase ikwasaaka la ino ate Eliya adjiika, kasi omwewitii kasi wamokeleli nda ebalaki iwo. ndjongo mana o wato akwene odidi la mawo mawu.
\v 13 La mwengele eeho, tutiani waewi alamu nda ate adjaali waasi la iwo la tina e Yoani mobatisi. adii onde mpe amomeeli mauli.
\p
\v 14 sdfghjkljkljjhhoiuytr.
\v 15 Aasi atei kolo, kookela mana ombai magbaa la loi ate objei la mosinga mpe akwana ikoni ngblii, mbalo ngbii akopkaaka la misa mpe mbala ngbii la malia.
\v 16 Ikii la inde aatiewa yekoli wa owe, ase waewiti omokalesi.
\p
\v 17 Yesu awongesi ate, ee wuuma eodjangi ondimi mpe la okeseni; idjee la ino tee la nda mwengele? yonangeleni piko te la nda mwengele? djaka la inde ala aatie mbai.
\v 18 Yesu amopameli ase milimo mibe epumbi aatie inde mpe mana akali ndii la enge mwangele.
\p
\v 19 Ndjongo wayekoli wadji aatieYesu la oyasi, waasi ate, lande iso yoikoke oumbi la milimo mibe?
\p
\v 20 Inde aasi la iwo ate, la ondimi onu edjei makeke, ibali waasi la ino ate inga odjaaki la ondimi te pukapuka e sinapi, okwasani la muu mokoli ate, somba te ate longwa ala keke tee ongo mpe ekosomba, loi wesi etieta okulu wonu.
\v 21 kasi olenge ehelendjo etilongwa ndi la manondeli kasi mpe la okili wilaka.
\p
\v 22 Esombi iwo la galilega, Yesu aasi la iwo ate, ewongi la mana o moto ate wamokawa la mawo ma wato,
\v 23 Mpe wakomoola la mbuse e masio ma satu akobasa wadjaali la olindake la loho djau.
\p
\v 24 Eumaali iwo la kapalanauma, mpe waongi pako la tepelo wa modjeeli petelo mpe waasi ate molakesi monu atiputa waadjenge? aasi ate, tendjongo akoho eumi inde la nolako, Yesu aasi la inde liwoso ate, omungoli wani la uho, simona?
\v 25 wakondji wa moki wa kotota pako inga liputi aatie wa ndai? la wana wau inga wapaya?
\p
\v 26 Easi inde ate, la wapaya, Yesu aasi la inde ate ndjongo wana wadjei wasomi.
\v 27 kasi ate totiwahe ndundu te, keke la libeke mpe lumba ndobani mpe totasu e liwoso linge likodja.
\c 18
\cl Esuki esungu 18
\p
\v 1 La engele eho Watutiani wandjia ahue wo Yesu wtndai ondjéi mosungu la wokumu wo likolo?
\p
\v 2 Yesu amowelia mana mokeke, amobatia awondja wou.
\v 3 Ase asiate iwaseli la memene inga ino otiatitimeseni, ase inga otiakukoleni nda wana wakeke otolingelani la wokumu wo likolo.
\v 4 Alikambo ate ongo moto akoatitimesa nda oholo mana mokeke inde okondjaa mosungu la wokumu wolikolo.
\v 5 Ase moto ongo okoyamba mana mokeke la nkombo e mbai ayambi mbai memene.
\p
\v 6 Kasi inga moto mwesi amobingesa akiki moto mwesi mokeke ondimi, mbai ewongi wolamu la inde wanange lisungu la kingo, ase wamolumbe la ebale.
\v 7 Magba la mokili la obingesami wikikimi ase endjéi wolamu obingi wikikimi wondje, kasi magba la moto ongo okokelaka ate obingesi wikikimi wondje.
\v 8 Inga ewo eowe, té ekolo eowe eobingesa ekikimi, etena ase woelumbe lihiele, ewongi wolamu olingele la mokalo, ekolo etenei la wo elenei taté olingele la makolo male la mawo male la misa ma libela.
\v 9 Inga liso la owe liobingesa ekikimi, lilongose, eeti wolamu ondje la maiso male waolumbe la misa ma Gehena.
\p
\v 10 Huakani woimobetekeni mwesi nda owana wakeke oholo, alikambo iwaselini ate waahumbwa wau walikolo wakoeneke wiengele kpàa, elongi e wawa ongo ondjéi ongo likolo.
\v 11 Alikambo ate Mana omoto andji owalesi wawungi.
\v 12 Woenini woni? inga moto mwesi andja la pata kama esi, ase inga esi ewunga, atodee ndjinge tukulibwa la libwa ndjadi la mokoli, la akaluki enge ewungi?
\v 13 Ase inga ayene, iwaselini la memene akemele ngbii oleki te ndjinge tuku libwa la libwa ndjinge iwungi ti.
\v 14 Ndenge kikima, eti obali wo sangbanu ongo ondjéi ongo likolo omowu mwesi nda wana wahawa.
\p
\v 15 Inga mangwa aokelela Wobe, keke omotote, owe la inde ino wale inga awokela omondjwiga mangwa.
\v 16 Kasi inga atiwoke, matota moto mwesi te wale alikambo ate la wa demu wale te wasato loi loho wewane.
\v 17 Inga atibale owaoki, asa la lingomba ase inga atona koto oki lingomba andje atiowe nda mopagano alidi nda moputesi mamelo.
\v 18 Iwaselini la memene ndjinge kpàa ikonanga ino ahala la mbume ikonangana ongo likolo ase ndjinge kpàa ikodukola ino ahala la mbume ikodukwana ongo likolo.
\v 19 Iwaselini alidi ate inga wale kati enu waokana ahala la mbume la woongi ema esi ndjongo, ekondimana la wawa ongo ondjéi ongo likolo.
\v 20 Inga ango wale te wasato wagbotonono la nkombo e mbai, mbai indjéi ndondo ewu.
\p
\v 21 Ase Petelo andongbia ahue la inde ase asiate Likumu, ikoki omokeli mino ombai magba mbala woni inga akela mbai wobe? Ekondjaa ndi mbala sambo?
\p
\v 22 Yesu amwaselia ate iwaseliti ate esuke mbala sambo, kasi mbala tuku sambo mbala sambo.
\v 23 Alikambo ate wokumu wo likolo wondjéi nda likumu liesi okeli okatangi wambele wande atee wato wande wawotomu.
\v 24 Ango ondjakali inde otangi wamondjelia la moto mwesi ongo ondjakali la wambele koto lioomu.
\v 25 Ango otindjali inde la ema eputake likumu lande atomia ate wa motambe inde la moli onde, la wana xwande, la wiho wande kpàa alikambo ate nongo ende esile.
\v 26 Moto owotomu alumbia la mbume, alelia la inde asiate Likumu ndjokela mbai magba ikoputa nongo owe.
\v 27 Amokelia magba Likumu la wango wato wa wotumu amodeya akia, amolimbesia nongo enge endjaki inde la eho.
\v 28 Mbuse ende opumbi, ongo moto owotomu agbotononi a la mwesi ongo andjakali la nongo e wambele kama esi amohelia amohunolia kingo asiatze puta nongo e mbai.
\p
\v 29 Minonde alumbia la mbume, amwongia asiate ndjokila mbai magba ikoputa nongo eowe.
\v 30 Kasi ongodi teobali, ase akamolumbia la woyogo, tee ndiapute nongo enge endjaki inde la eho.
\v 31 Wino wande wenia ndjongo waokia magba ma sungu ase wakia okamwaseli likumu la wundjinge sambo ileki kpàa.
\p
\v 32 Ase ango memene wotomu amowelia moto onde owotomu ase amwaselia ate Moto owotomu mobe mbai yolimbesi owe nongo owe kpàa alikambo ate oleleli mbai.
\v 33 Otikokake omokeli mino owe magba, nda ewokeli mbai owe magba?
\v 34 Ase likumu lande amemelia, amohelesia la woyogo, tee ndiango okoputa inde nongo eende.
\v 35 Ndi ndjongo ekokela wawa olikolo, inga mwesi onu atimokele mino nde magba la motema monde moesi.
\c 19
\cl Esuki esungu 19
\p
\v 1 Ango oseselia Yesu owaseli ndjinge sambo: adeya Galilaya, ase akia la telito ale e Yudea, la molelo mo Yordani.
\v 2 Ebele e wato wamotuya, ase ango awakalesia wato wa wikoni.
\p
\v 3 Wafalisayo wamolengia ase wasiate wamomeke: Ewongi ate moto amodemoli onde sa ndjongo te loi?
\p
\v 4 Awawongoselia ate: otitangalini ate moto ongo okeli, la lipotele, amokelali motobele la moli.
\v 5 Ase asiate: alikambo ate motobele akomodee sango la nango, akoabolia la moli onde, ase iwo wale waumia moto moikima.
\v 6 Ango wati kine wato wale wa ndjéi gaa moto moikima moto twèti atikawonesake ema enge enangi Mwengéi.
\p
\v 7 La ndandenge, wasiate ate, Moize asali ate, inga omoki la moli omo dingela ekpata omodee akee.
\p
\v 8 Mwawongoselia ate: la likambo la wotetelo wo mito manu, nde easali Moize ndjoongo ate owadeeni wa liwanu: la lipotele, etindjali ndjongo.
\v 9 Kasi iwaselini moto ongo okomode moli onde, amoheliti la odi, ase aikia moli odi akelia eteba.
\p
\v 10 Watutiani wande wasia la inde ate: inga likambo la molome la moli lindjéi ndjongo eti wolamu ate waikanane.
\p
\v 11 Awawongoselia ate: wato kpàa watokoka loi woho, ndi wango wawahui iwo.
\v 12 Ndjoongo endjéi la wato wango wawotama wikomba tee la solo ndja wango waakela wikomba iwo mene la endjéi wato wango waakela wikomba la wokumu wo likolo. ongo ondjéi la matoi maokake aoke.
\p
\v 13 Ndiango wamondjelia la wana wana wakeke, alikambo ate awabatele wawo ase awa ongele. Kasi watutiani wawatekesia.
\v 14 Ase Yesu asiate: wadeeni wana wakeke, ase otiwatekeseni wandjéi mbai, alikambo ate wokumu wo Mwengéi wo ndjéi aatie wango wakondja nda wana wakeke.
\v 15 Awabatelia wawo, ase akia.
\p
\v 16 Ase denda, moto mwèsi aandongbia ahue wonde, ase asia la Yesu: likumu ikele woni alikambo ate ikondje wokali wo libela?
\p
\v 17 Amowongoselia ate: Auda ndenge ekohuelaka owe mbai la ndjinge sambo idjéi wolamu? ongo moikima wolamu inga obali olingeli la mokalo, temia dumbei ndji, ge iwaseli iwo.
\p
\v 18 Ase Yesu awongosia ate: otialake moto; otimwandake moli omoto la wose; otiiwake ema emoto; otiasake moleho la hoho, motemia sangwa la ngwa.
\v 19 Ase: mobala miowe nda wabali owe mene.
\p
\v 20 Ongo mao mwenga a mwaselia ate: ikelindjinge sambo kpàa; nda loho wotikali?
\p
\v 21 Yesu amwaselia ate: inga obali ate ondjee moto ongo wengi, keke tamba wiho kpàa winge windjéi owe la waho, owahee wato wango wandjangi, ase okondja ema emotio ongo likolo, ase atutia mbai.
\v 22 Mbuse eho ango eokia inde ndjinge sambo; ongo mana opele akia la limemu, alikambo ate andjakali la qwiho ebele.
\p
\v 23 Yesu awaselia watutiani wande ate: iwaaselini memene, moto olikondja akolingella awokumu wo likolo la monga.
\v 24 Iwaaselini alidi ate, endjéi petee Kamela olingeli la buu etonga, la ate moto olikondja olingele la wokumu wo likolo.
\p
\v 25 Ango okia watutiani ndjoongo, waahuelia ngii, ase wasiate: ndai o kokala?
\p
\v 26 Yesu awa dengia, ase a waselia ate: Ekokili la wato, kasi la Mwengéi endjéi petee.
\p
\v 27 Petele aotia loi, asia la inde ate: denda iso todei wiho kpàa, ase tootuteya owe, nda ema ekokondja iso?
\p
\v 28 Yesu awawongoselia ate: iwaselini la memene, inga mana omoto, ango iokouma wiho kpàa wiholi, ango ekoabata mana o moto la kili eende ewokumu, ino wango watutei mbai, okwabatani la kiti e wokumu, liomu la iwale, ase okowambesani wikolo liomu la wiale wa Isalaele.
\v 29 Ase moto okotika, wamanango wapele, la wawango, te sango te nango te molinde, te wanawande, te mbume, te minguta mande alikambo la mbai, akokondja wiho waho mbala iwale ase akoko ewongoseli e likolo.
\p
\v 30 Wato wango waleki liwowakowongwa mbuse, ase wango wandjéi mbuse wakondjaa liwoso.
\c 20
\cl Esuki esungu 20
\p
\v 1 Okumu o likolo lodjei memene elanga ongo opumbi boo la ate awatote wasali la elanga ende e
\v 2 Ayokania la iwo la lifuta e likuta kikima la husee pe awatomia la vinoende.
\v 3 Awumia la mwengel e libwa e boo pe awahenia waeti wayabati eikima, wati la otomo.
\v 4 Awahaselia: ino koto kekeni la vino e mbai, ikohekeleni likondja linge likoki.
\v 5 Iwo koto wakia apumbia alidi la mwengele moliomu la iyle alidi koto la mwengele mo isato mbuse e limbile pe akelia ndenge kikima.
\v 6 Apumbia mbala e boo la mwengele mo itano e mbuse e limbile awagbotia waeti wadjaakali ndi ango, wati la otomo. awahaselia: ndjoni ekoyabatakani ino ndjoo odjangi okeli otomu?
\p
\v 7 Wamowongoselia moto toeti atohi otomu keke kotoni la vino e mbai, awahaselia okokondjani linge likoki;
\p
\v 8 Likolo lidjia, memene vino amohaselia ongo okomoikelaka iwo: wawela wasali pe wahekela likondja, obandi la moto o mbuse osuki l, a moto owoso?
\v 9 Wango wa mwengele mo itano mo mbuse e umbile wakondjia likuta liesi moto la moto.
\v 10 Ango ekadjia wato wa poo, wamungolia okondji ngbii, late wakondjia ndi likuta kikima.
\v 11 Tango atotia iwo, wa ndungwania atie memene vino.
\p
\v 12 Waasia: wato wa mbuse wakeli otomo ndi mwengele moikima, owohekelia ndenge kikima nda iso wato wakeli la paima e liusa wuse la ehela!
\p
\v 13 Awongoselia mwesi ndondo ewu: bola, iokeliti obe. otindimali likuta liesi nda likondja?
\v 14 Tota linge lindimaali owe pe keke. ikowamekele wango wa gboo likondja likima nda owe.
\p
\v 15 Indimesamiti la mbai okeli ndenge enge ebali mbai la tina e iwo dja mbai? okoheneke obe ndenge edjei mbai moto molamu?
\v 16 Enge ndenge wato wa gboo wakoluma wato wa poo pe wakouma wa boo. wato ngbii wawelami kasi wato wakeke wahonomi.
\p
\v 17 Tango edjakaali inde oteli la yelusalema, Yesu awatotia watutieyi wande liomu la waal; e, awahaselia la mboka:
\v 18 Tokotelaka la yelusalema pe monga moto akotambama atie wanganga Mwengei la wabimianeli wa mibeko. wako mokwesa la sambo la ate agbee.
\v 19 Wakomoha la mawo ma wato wango wati wa isalayele la ate wamodendi, wa mopie, wamobake la agbongolo; lisio la isato akosekwa.
\p
\v 20 Nango wana Zebedeyo ayandongbia atie Yesu la wana wande, amayia la ate amowonge Yesu ema esi.
\v 21 Amohaselia: obali nde? ndima ate la okumu wowe wana wa mbai wawa ndjo wayabate mwesi la ewo eowe e lilome, ongo eoti la ewo eowe e liali.
\p
\v 22 Yesu awongosia: oyeweti linge likowongokoowe okokoka okengi la kopo enge ekokenga mbai, okokoka ototi libatesa linge likobatesama mbai tokokaka wawongosia.
\p
\v 23 A wawongoselia: la ndenge eho okokengani kopo e mbai pe okototani libatesa linge likobatesama mbai. kasi la tina eoyabati la lilome e mbai la liali la mbai, mbai amene iyewiti pe likohama la wato wango wawongelami la wawa.
\p
\v 24 Mbuse eooki ndjongo, watutieyi waeti liomu wamemelia la wawa wa Zebedeyo.
\v 25 Yesu awawelia pe awahaselia: oyewini ate makumu ma mahota wakokondjaka mahoka pe wango waeti wakowakondjaka.
\v 26 Etidkjaa akodjaa motuke monu;
\v 27 Inga moto abali odjei moto oliwoso atienu; adjei motuke monu.
\v 28 Njdongo nde edjei monga mpto, te ate wamokelele, kasi laate awakkele weti; la ate ahekele onoi onde likawo la tina e wato ngbii.
\p
\v 29 Tango epumbia inde la yeliko, wato ngbii watutieya Yesu.
\v 30 Wato wale mobilia wayabati kelekele e mboka, waokia ate Yesu akoataka, wa humbia puhi! ndjoka iso magba, likumu monga Dawidi.
\v 31 Wato wadjakali owatekesi la ate wadee, kasi wahumbia puhi sungu: likumu monga Dawidi, tondjokaa magbaa.
\p
\v 32 Yesu ayamalia, awawelia pe ahasia: obalini iokelele nde?
\v 33 Wamohaselia: likumu mai; so masu ma luwuene.
\v 34 Awaokia magba, Yesu ahelia maiso mawu, mbu, se eho wahenia pe wa motutiya.
\c 21
\cl Esuki esungu 21
\p
\v 1 Ango eyaandongbali iwo kelekele e yelusalama pe waumi la Betefage, ngambo e mokili mo Olibia Yesu atomia watutieya wande waale.
\v 2 Awaaselia keke la moki mungo modjei liwoso lanu; okogboto punda eesi wamonangi ebete kikima la enge ekeke; motokolani pe djaka la ewo atie mbai.
\v 3 Inga moto awohaselani loi, okomowongosela: likumu adjei la posa eeho ango ekooka inde ndjongo akoodeleni odjei leho.
\p
\v 4 Kaaikoase dji sambo kpaa ikelamia laate linge likpoma ate mosakoli likokesame.
\v 5 Mohaselia mana o moli o siyona: denga likumu la owe akodjaka atie owe, atumi la olamu pe ateli likolo la punda eesi.
\p
\v 6 Watutieyiwakiaokeli ndenge nge ewatomi iwo Yesu.
\v 7 Wadjia la punda la punda enge keke, wabata isidje djawu likolo, pe Yesu ayabatelia.
\v 8 Wato ngbii wabatia isindje djawu la mboka, waeti watenia itape djinge dja ngasi la mite, watumia la djaho la mboka.
\v 9 Wato wango wasombali liwoso la tango wa mbuse e Yesu wadjali ohumbi puhi la lembo: Ozana monga Dawidilokumu atie moto ongo odjei la kombo e likumu! Ozana l; a likolo linge lieti ohingake!
\p
\v 10 Tango e lingelia la yelusalema, egbala ewumia la etale wabandia ohasi: ongo moto adjei ndai?
\p
\v 11 Wato ngbii wawongoli edjei Yesu mosakoli mo Nazalete e Galileya.
\p
\v 12 Yesu alingelia la Tepelo e Mwengei; awumbia la wato kpaa wadjali otambi la ndondo e Tepelo; alumbia mesa dja wakukoli wa waambele pe la ibete ewatambi wa ibenga.
\v 13 Awahaselia edingami ate Tepelo e mbai ekowelama ate monguta mo mabondeli kasi ino, oekukolia ebeye e wato wa iwa.
\p
\v 14 Wato wa lolanda la wango wakotengulaka wadjia atie nde la Tepelo, awakalese.
\p
\v 15 Kasi makumu mawa nganga wa Mwengei la wa bimianeli wa mibeko wamemelia la tina e sambo ndamu djinge ikeli, inde, wana wadjaakali puhi: Ozana la monga mo Dawidi!
\p
\v 16 Wamohaselia okookoka linge likohasaka iwo? eee Yesu awawongeselia mango makpomi otangiyo eho: opumbesia eho masdjoli la minoko ma wana wakeke?
\p
\v 17 Mbuse eho awadiya pe apumbia la egbala ate ke la Betania ongo elanagalali inde.
\p
\v 18 Ekundu boo, tango ekowongwaka inde la egbala, ndjiala e mohembia.
\v 19 Ahenia mote mo Figi kelekelee mboka pe ayandongbia, ate agbtia ndi ngasi, aehalia otiwotake kine pukapuka! mote mo Figi mogbenenelia la mbala kikima,
\p
\v 20 Oheni ndjongo, watutieyi wande wakamwenia pe wahasia: nda ndenge egbenelia mu mote mo Figi la mbala kikima?
\p
\v 21 Yesu awahaselia: iwohaseli la osembo, inga odjaala oyambipe obatiti tembe, otikelani ndi linge likelami la mu mote mo Figi, ate inga ohasinite amu mokili: longwa ahala pe lumba la mbuu, likokelama.
\v 22 Linge likohongo ino la oyambi ndondo libondeli, okodjwani.
\p
\v 23 Yesu akiya ndondo tepelo; a; ango akotyesaka; wiloko d ja wanganga la wiloko wa mangomba wamohaselia: nda ndenge okondi okli disa mbo; inga ndaye owe keli enge okondi!
\p
\v 24 yesu awa ongwese lia: iko wase lani aleeti motuna mwesi; inga woko wongosela ni mbai; ipolase lani la mbo ka eokondi enge ipeli enge sambo.
\v 25 libatisa la yoane, edi eni? likolo, otie wato? kasi wakolundolaka ndondo ewu: inga towangali: a likolo, akotohasela: ndandenge inowoti taali puii la komba ende?
\v 27 ango amowangaseli yesu: tohoyewi. inde ahasia mbai te mbai, etiwo haselani la ndenge okondienge ekeli dinge sambo.
\p
\v 28 nge ekohokelani? moto mwesi aza ali la wana wali; ayamaleli a liwoso, ahasia: mana ombai, kee keke okele mosala la ilanga embai.
\p
\v 30 amohamaleli: amohaselia ndenge kikima. mokondi. atikee atakee.
\v 31 ndko ewu wale ndai okeli mokano mo wawa? amowongoli: liwase yesu amowaseli: ikonowaselaka osemba lisanga la wandumba wokowagwa ndondo la okonde e mwenge.
\v 32 ango yoane adyeli ino ndondo la moolimo osembo, woti umbaoli puii lainde. kasi wato la wandumba wahumbali puii la inde; ino, ndayi oheneli, ino watiti aluti wokowongue la oyokombi inde.
\p
\v 33 yokani eetimakungo: edjali la moto mwesi, mtjesakoli la monguta ahonali ekonga. alingi la mite, atongia liwela, abingi mbalaesi; ase adihia ebete pukapuka alongwia la mokii
\v 34 inga hengele dja otubi wihoo ekokia, akotomaka wasali wande la elango, laote watube wiho la elanga.
\v 35 Kasi wabanyei wawahelia wasali wande, wamobingia mwesi, wamoolia ongo oeti, wamobingia ongo osato la mabukeli.
\v 36 Atomia djeti la motango mosungu, wabanyei wawakelia ndenge kikima.
\p
\v 38 ango; wamoheneli mana oho wakeli wa ilanga; wahasia ndondo ewu: denda mogumake olibula; djakani; moolani; toto te ogumake wonde wolibula.
\v 39 pe wamototali, wamolumbia hoho la elanga evigno, alidji wamoolali.
\v 40 sikalandjo, ango mo tyesakoli oelanga evinyo akodja, akokela ndela wasali wa welanga.
\p
\v 41 wamohaselali ndjoo: akowaholakola iwo owa holi memene, pe akodee elanga evinyo lo wetie wa sali, wango wakomo hekele puka la engele.
\p
\v 42 yesu awahaselia: wotitangali te wuse ndondo emadingo: libukeli engewalumbia ndi eho wamahii ehumiamonguta; sambo eho edi atye likumu, ezeyi sambo kamwake la maiso masu!
\p
\v 43 la ndjongo, ikohasela kani, ikolangwe selikumu emengei djei ino, pe wakohekele eho a mokii eti enge wakodja la pukapuka.
\v 44 ongo akokwa likolo la libukeli hele akobukia, aleetei motokpaa akokpa likoli lahoako handjakano.
\p
\v 45 mbuse oyoki ndakisa, watyesa kolidjaa mwengei lafalisaye waye waki ate yesu azahali owa aseli,
\v 46 tendenge ezahali omolukani hate wamohele; wazahali owangi ebiba ewato, lahate wazahali omohoti motyesakoli
\c 22
\cl Esuki esungu 22
\p
\v 1 Ase Yesu ayawongweselali iwo aleeti la ndakisa pe ahasali ate:
\v 2 Likumue likolo edjei nda likumu mwesi ongo akelelali mana onde o molome fete e liwala.
\v 3 Ase atomli mituke wonde wawale wato wango wawelanali la fete e liwala, ase wato ehoo watonali odi.
\v 4 Aleeti atomali mituke weeti pe ahkasali ate: asela wgato wango wawelami ate: denda! iwengeli ilaka la mbai e midi, wangombe e mbai e milome la mbahu e maita eholami, ilaka kpaa elengelami djaani la feti e liwale.
\v 5 Ase waheneli ehoo pamba pe wakeeli, eti la elanga ende, eti a monbongo onde,
\v 6 Ase wango watikali wahelali mituke wonde; waw sambwesia obe pe waholia iwoo.
\v 7 Ango likumu ayokia, pe atomali wato wande pe wahalali waholi wato ango p, e watu mbali Gbata ewu.
\v 8 Ndjongo ahasali la mituke wande ate: fete eliwala elengelami olamu, ase wato wango wawelamali wawongiti la ehoo.
\v 9 Eho lenge keeni la wa mboka enge ekeele tee la hooho e Gbata, pe moto kpaa ongo wokomogboto mowelami inde la fete e liwala.
\v 10 Ndjongo wango mituke wapumbali la wa mboka pe wawelali wato kpaa wango wagbotoli, la wato walamu: pe monguta e milulu la liwala etumi la wato wango wayabati.
\v 11 Ango likumu adjali odendi wato wango wawelamali aheneli ongo moto mwesi hongo akplaliti esindje e liwala.
\v 12 Ndjongo ahasali lainde ate: bola nda ndenge olingeli alandjoo la esindje e liwale?
\v 13 Ndjongo likumu awahaselika wakeleli wande ate: mohelani inde mawo la wangbonda pe molumbani inde a boloko ongo akolela pe akolaka maino.
\v 14 Laate wato ngbii wawelani ase keke nde wahoneni.
\p
\v 15 Ndjongo wafalisayo wakelali likumu likita ibwo kpaa laate inde la ihasi onde.
\v 16 Eho lenge wamotomelali inde watutiani ewu, la wato wa Erode, wahasia: motiasakoli, tonyawi ate owe okoasaka memene pe okotiesaka mboka e Mwengei a meemene pe oyiwangaka moto te, laate otidendaka elongi djaa wato tee.
\v 17 Ndjongo yewesa iso omungoli nde? esengeli ofuti kaisala patati enge moto kpaa akofutaka to toifuta?
\p
\v 18 Ase nda Yesu ayewali mamungo mbee mawu mawu, ahasia ate: mihelo nda ndenge okomekakani mbai?
\v 19 Hiniani mbai wambele dja ebende e patati enge moto kpaa akofutaka wamodjeleli inde Denali esi.
\v 20 Ase awahaselali iwo ate: elilingi ehele pe madingo ehele e ndai.
\p
\v 21 Wahasali ate: ekaisala ase awahaselali ate: ndjongo, ekeleni kaisala wihoo la kaisala, ase Mwengei wihoo ango wa Mwengei.
\v 22 Ndjongo ango wayokali ndjongo, wakamwali, pe wamodeeli inde wakia.
\p
\v 23 A lisio lahoo wasadudukai wato wango wakohasaka ate lisekwa etite, wadjali ebete edjei inde pe wawelia:
\v 24 Motiesi mose ahasali ate: inga moto agwi, awotiti wana manango op, ele akoki amototi moli onde a liwala pe woteli manango wana.
\v 25 Sikalandjo edjaali la wamanima wale sambo la ndondo djasu, pke ongo liwoso ayikaali p, e agwaali, ase nda eti wotali wana, amodeleli manango opele moli onde.
\v 26 Ekelemali ndjongo la ongo wale pe la o, ngo osato tee la iwo kpaa sambo.
\v 27 La gbo e iwo kp, aa moli ongo agwaali.
\v 28 Ndjongo a lisekwa, akodjaa moli ondai a ndondo iwoo sambo? laate iwo kpaa wamototali inde.
\p
\v 29 Yesu awongolelali iwo ate: wodjeeni la obe, laate woyewitini madingo pe okulu e Mwengei te;
\v 30 Eti pamba la lisekwa pele wataike pe wali watlingele mawala ase wakodjaa nda wahumbwa a likolo.
\v 31 A tina e sambo la lisekwa enge wagwi, otitangeni Mwengei ahaselali inoate:
\v 32 Idjei Mwengei la Abalayama pe Mwengei Yisaka pe pe Mwengei e Yakobo? e wagwi, ate djaa wato wa bomoi.
\p
\v 33 Angobiba e wato wango wayokali eho wakamweli la etieseli ende.
\p
\v 34 Ango wafalisaya wayokali ate: ahelesali wasadukai monoko wayabolei etluku mwesi.
\v 35 Ase mwesi ewu ongo oyawali mipele olamu olamu, awelia a tina omomeki inde ate:
\v 36 Motiesi, ndo mopele ehetiosungu ndondo e mipele?
\p
\v 37 Amohaselelali inde ate: osengeli obali Mwengei osu a motema la owe mobimba pe amolimo mowe mobimba pe la mamungo mowe kpaa.
\v 38 Ango nde mopele enge eti osungu pe e liwoso.
\v 39 Ewale enge ehengemeni la ehoo; eho lele: esengeli obali miinowe ndaowemene.
\v 40 Mipele kpaa pe watiesi ehelani la mipele ndinge iwale.
\p
\v 41 Kaikoase ango wafalisayi wagbotonoli ebete kikima Yesu awelali iwo:
\v 42 Womungolini nde la tina e kilisito? adjei mana o ndai? iwo wamohoseli inde ate: e Dawidi.
\p
\v 43 Inde awahaseli iwo ate: ndjongo nda ndenge Dawidi a mboka e molimo santu akomowelaka inde Kolo pe ahasia:
\v 44 Mwengei asia la Kolo o mbai ate abata la oho e mbai e lilome tee ikobata watonani wowe sesee e makolo ma owe.
\v 45 Ndjongo inga Dawidi amowelia Kolo, nda ndenge inde adjei mana onde?
\v 46 Moto te mwesi akokali owongweseli inde lohi pe moto te mwesi akokali ayambandi enge lisio oweli inde aleeti minge mituna
\c 23
\cl Esuki esungu 23
\p
\v 1 Ndjongo Ysu asia la wato ngbii asee la watutiani wande, aasia:
\v 2 Wadingi la wa falizeyo waabati la ngbelengo e Moyize.
\v 3 kelani alidji okani sambo djinge ekowaaselaka ni iwo; kasi otikeleni nda iwo. Laate wakowasaka kasi wati kelelaka.
\v 4 Waokpalisaka mokpali olitake, wako bataka a makolokoto ma wato, wati balaka okpali owo amene la mosapi.
\v 5 Waokelaka sambo kpa laate wato waene. Alidji wa kokpalaka filakateli, wadjei la songe elayi elayi la walobe la iwo;
\v 6 wakobalaka owabati ibete epoo la lipati alidji iholo elihoso la wasinagoga.
\v 7 Wa bali owahi ewo la iholo la hoho, la owa weli la wato Rabbi, Rabbi.
\v 8 Kasi ino, otiyaweleni Rabbi; laate moto mwesi nde adjei molakesi, odjei ino kpa wa mana ima.
\v 9 Otiweleni moto tweti a mbume wawa; laate moto mwesi ongo odyei wawa, ango odyei likolo.
\v 10 Otiyaweleni wa inyei, laate moyinyei monu adjei mwesi, kilisito.
\v 11 Ongo oweti osungu la ino akoki odjei motuke monu.
\v 12 Ongo akowatombola wako modjilikisa, ongo akowadjilikisa wako motombola.
\p
\v 13 Magba laino wa dingi la wa falizeyo wa hengeli; laate okodikelaka wato mboka elikolo; otilingelani ino amene, alidji otibalakate wango wabali olingeli watilingele.
\v 14 magba la ino, wa dingi la wa falizeyo wa moleho laate oko pwesakani milako ma wali wango wa gweli pele, aleeti okokelakani la oyaisi mabondeli malayi malayi; la eho, okosambisamani la obe.
\p
\v 15 Magba la ino, wadinngi la wa falizeyo wa hengeli! laate okokpandaakani ewale la mbume la okukoli moto mwesi motema; aleeti tango ekukolia inde motema, omoumisiani mana geena mbala iwale oweti tee ino.
\p
\v 16 Magba la ino; wato wagwi mayiso! wakwasaka: inga moto alapia la tepelo; ekeliti ema; kasi; inga moto alapia lawolo etepelo, akeli olamu.
\v 17 wibebe! wato wagwi mayiso; la wolo la tepelo nda enge eeti osungu, wolo inga tepelo enge ekohaka wolo lokumu?
\v 18 Inga moto; ahasia la ino aleeti, atenia seleka la etombelo, ekeliti ema; ase, inga motm alapiya la likaho enge edjei la etumbelo, akeli olamu.
\v 19 Mogwi mayiso! nde enge eeti osungu, likawo inga etumbelo enge ekohaka likawo lokumu?
\v 20 Ongo olapi ndayi la tepelo alapi a tepelo la djinge kpaa idjei ndondo;
\v 21 Pe moto ongo olapi ndayi la tepelo alapi la tepelo la ongo oyabati ango;
\v 22 Aleeti ongo olapi ndayi likolo alapi la ngbelengo e Mwengei la ongo owaabateli.
\p
\v 23 Magba la ino wapundesi wa pui la wa falisayo, wakosi okohakani atie Mwengéi esuki esi ndondo e wisuki liamu la wisoki nda ebili e mete, la ndjakumini, kasi odeyani opundesi sambo ndjinge dja pui womemene, la wokeli mangba, la ondimi ehenge ndjongo edjéi loi wungo wowongi otutei, wotidjange te weti té.
\v 24 Ino wato wango wakowa iniaka wato wango wagwi maiso mboka! okoumesakani koka keke ndondo e wiho wikengake kasi okokengakani nama kamela!
\p
\v 25 Magba la ino wapundesi wa pui la wafalisayo wakosi! okopkolokoni kondolo etotu la pepe, kasi ndondo etumi la pukapuka dja iwa djanu la ehoha eu ebe.
\v 26 Mofalisayo ogwi maiso! kpoloyo liwoso ndondo etotu ndjongo enge ekoudolo ekolanga wolamu koto.
\p
\v 27 Magba la ino wapundesi wa pui la wafalisayo wakosi! odjéini nda kabuli djinge ibuli iwo mpembe yeneni wolamu ono saa, kasi ndondo itumi la mikuwa ma wato wagwake la ndenge kpaa dja wiho wihloke.
\v 28 Ino odjéini ndjongo, la maiso ma wato walamu, kasi ndondo otumini la wiko sako la sambo mbembe.
\p
\v 29 Magba la ino wapundesi wa pui la wafalisayo, wakosi! okowongelekeni kabuli dja waaseli, okowongelekeni wolamu wolamu kabuli dja wato wolamu.
\v 30 Ase woasiani ate: inga edjaki engele e watata wasu, nda totia boliali la iwo té la owaoli waaseli.
\v 31 La sambo ndjinge ikondimaka ino odjéini wana wato wango wawolali waaseli.
\v 32 Wolamu! kelayoni la oseselini sambo djinge ipotali watata wanu!
\v 33 Ino ndjoo liwota la mabate! nda ndenge emungoi ino otili eguele e lifelo?
\v 34 La ndjongo okani ikotomelani ino waaseli, wato walokenge la wato wango wawapundesi iwo wolamu okowaolani wadi okowakiani wadi likolo la ekulusu, ase okowabingani wadi fimbo ndondo e monguta monu mo wakongi la okowatutiani la moki mwesi la mwesi.35
\v 35 la ndjongo egweli enge eengi ekokua likolo lanu la owaoli wato wango wati la loi te weti olongoi tee wuse womolali wo Abele, moto molamu, tee wuse wo logo wo Zakaria mana o Berekia ongo omolali iwo la bete elamu mesa ma otumbi makao.
\v 36 Iwaselini loi lo memenem egueli e woli wato enge ekowakwele wato kpàa wa wuse wo keke.
\p
\v 37 Yerusaleme, Yerusaleme, owe ongo okowaolaka waseli la okowaolaka la mabanga wato wango wako watomaka Mwengéi atie owe! Mbala woni ibalakali mbai owakokei wato wa owe atie mbai nda koko ewabolia wana wande sese e mapapula mande, kasi otibalalini té.
\v 38 Wolamu! minguta manu mikodja ndjongo.
\v 39 Ndjongo iwaselinim olongoi keke otondjenekineni mbai té nde ekwasa ino: Mwengei amopambue moto ongo okodja la nkombo e Likumu.
\c 24
\cl Esuki esungu 24
\p
\v 1 Ango okia Yesu, apumbia la Tepelo watutiani wande wandongbia la inde ahue alikambo la omoinei nda etongami eho.
\v 2 Kasi awaselia ate: woeni ni nda ondjéieho? iwaselini la memene, etotikala ahala libanga la libanga linge litolongwa.
\p
\v 3 Abatia likolo la mokoli mo oliva. ase watutiani wakia sa iwo mene akamohueli ndjinge puopuo. Toasela iso, nda engele ekokelana ndjinge sambo, nda elembo ekokelana la wondji wowe, ase la gboo e mokili?
\p
\v 4 Yesu awawongoselia: yangatalakani moto atiokosakeni.
\v 5 Alikambo ate wasuungu wakondja la nkombo e mbai wakoasate. Mbai indjéi kilisito ase wakowa kosakola wato ebele.
\v 6 Okookani mboli ewita la wita wikosana; a dendakani, huakani otiwangakeni, alikambo ate ewongi ndjinge sambo ekelane, kasi suka e mokili eumakiyo te.
\v 7 Alikambo witondo wikosana la witondo, ase wokondji la wokondji wokosana, kondjaa wibete kpàa, la ndjala ase la woningani wo mbume.
\v 8 Enge kpàa endjéi lipotele la wodidi.
\p
\v 9 Ango wakokawani la weni moundu, ase wkotonani miki kpàa, alikambo la nkombo e mbai.
\v 10 Ango nde wato ebele wako wakosakela wikikimi, ase wakowakawa wino wato wakotonana iwo la iwo.
\v 11 Waaseli wa moleho wakondjàa, ase wakowakosakola wato ebele.
\v 12 Ase, sambo ndja odei pui ikondjaa ebele, libalano la wato ebele likosila.
\v 13 Kasi ongo moto okondjaa la egalala tee gboo akokala.
\v 14 Ehele mboli ndamu ewokumu ekoasana la mokili mwèsi kpàa, alikambo la ohi demu la wibete kpàa winge windjéi wato, mbuse eho ekondja.
\p
\v 15 Alikambo ate, ango ekwene ino ema ebe eamali la ebete ensatu, nda woasali mwaseli Daniele ate ongo atangi ahuake.
\v 16 Ase, wango wakondjaa la Yudea wakotila la mokoli.
\v 17 Ongo okotela likolo la motendo atoandjimba la ototi wiho winge windjéi l monguta monde.
\v 18 Ase ongo oki la wilanga atika wongwa mbuse ototi wiho winge witikali la mbuse.
\v 19 Magba la wali wango wandjéi la memi la wango wakonu ngesaka a wuse!
\v 20 Akongokoni tango kpàa alikambo ate wotili wanu wotindjee engele e pio makasi, te wuse wo sabato.
\v 21 Alikambo ate, enge engele ekondjaa wodidi woesi wasuungu, wungo wokelanakiyo tee lipotele la mokili, tee ndi kekehele, ase etokelana kine alidi.
\v 22 Ase inga masio maho mati umake ahue te, nda moto toeti atokala, kasi a likambo la wato wango waonomi, wuse woho wokondjaa ahue.
\p
\v 23 Inga moto awaaselani ate: Kilisito andjéi ahala, ta ate andje ane, otimondi makeni.
\v 24 Alikambo ate: wa kilisito wa moleho wakondjaa, la waaseli wamoleho; ase wakoumesa masimbo ndenge la ndenge, ase wakokela wiahuelahueli, alikambo la awakwesi te wato wango waononi, te inga wokoki wondjéi.
\v 25 Weneni iwoseli liwoso.
\v 26 Inga wa woaselani ate: Dendani, andjéi la lisobe; otike ekeni, denda, andjéi la wila ngele, otindimakeni.
\v 27 Nda ndenge epumaka wuse la esiti wokobataka tee la wesite, nde ndjoongo ekondjaa wondii wo Mana omoto.
\v 28 Ebete enge endjaa ebembe, nde ekobana ndeo.
\p
\v 29 Ndiango mbuse e wodidi woho, moi motobata te, ndebo etoumesawongengi woho, minoto mikolongwa likolo mikwe la mbume, ase wokulu wo likolo wokoningana.
\v 30 Ango elembo e Mana omoto ekwenene ongo likolo, ase wikolo kpàa wa miokili wikoabingabinga, ase wiko mwene Mana omoto akondja la mapata malikolo la wokulu la ase la wongengi wosuungu.
\v 31 Waahumbwa wande wakondjaa la ndundu ikobinga, ase wakowakokia waononi wande wawihoko winei, tee gboo te ndila gboo engedi.
\p
\v 32 OKani mahama mapundesi mote mo Figi moenesi ango oumia witee petepete, ase nkasi djaho ikuankania, okoewani ate engele elamu eumia ahue.
\v 33 Ndi ndjongo, engele ekoeneino sambo djinge kpàa ewani wolamu ate wuse wo okawongoi wo mbai wodjéi ahue ase ekokelama.
\v 34 Yasi laino loi wo memene; wato wango wakodja la mokalo engele eho, watogua wesi kpàa te, liwoso ate djihinge sambo kpàa iumie.
\v 35 Likolo la mokili wikosila, ase ndjopi dja mbai itosila te wokeke te.
\p
\v 36 Ase moto tweti te aewi engele wuse woho te engele eho ekouma, te waahumbwa wa likolo te, te mana o moto te ndi wawa inde mene moikima woewi woho.
\v 37 Loi wungo wokelanali la engele e Noa, ekodja ndi ndjongo engele ekodja mana o moto.
\v 38 Ndjongo ndondo e masio liwoso la malia otumi la mokili moesi kpàa, wato wadjakali olaki la okengi, wa djakali oiki wali, te wadjakali owaiki wana wau wa wali mawala, tee ndi wuse wolingelali Noe la wato.
\v 39 Watimungwakali loi te weti te, tee engele etumali malia eengia, ase ewaolali iwo kpàa ekodja ndi ndjongo engele ekodja mbai mana o moto.
\v 40 Wato wale wakodjaa la elanga Mwengéi akomotota mwesi, akomotika mwesi.
\v 41 Wali wale wakohuluka wokeke ebete eikima: Mwengéi akomotota mwesi akomotika mwesi.
\v 42 Ndindjongo hukani alikambo ate wewitini nda wuse wokodja Likumu lanu.
\v 43 Ewani woho wolamu: inga memene monguta aewaki nda engele moto o iwa akodja a likolo, nda inde ayabawiali, nda inde atideli moto iwa alingele la monguta monde.
\v 44 Alikambo laho, ino koto, abaniani wolamu, alikambo mbai mana o moto ikodja engele enge emungoiti ino te.
\p
\v 45 Ndjongo nda moto odjéi moto o wotomu olokenge ase aengesia wotomu wonde? adjéi moto ongo Likumu lande amobatali la mawo mande, moto owotomu wo owadengi wino wande wato wa wotomu la owahii wilaka wau la engele enge ekoki.
\v 46 Mwemu modjéi la moto o wotomu ongo inga Likumu lande akawongwa ati nde, amogbootia ayahekeleli la wotomu wande!
\v 47 Yasi la ino loi wo memene: Likumu akobata wadjenge kpàa wande la mawo ma moto owotomu oho.
\v 48 Ase inga moto wotomu oho adjéi moto owotomu mobe, akoasa la motema monde: Likumu la mbai aumoiga.
\v 49 Akopota owabingi wato wango wakokelaka wotomu la inde mongindi, akolaka akokenga mongindi la wato wa molangwa.
\v 50 Ndjongo Likumu laho aokawongwa la wuse wesi engele moto owotomu oho amolambeliti inde te la engele enge ewiti inde te.
\v 51 Likumu akomokotokola moto oho owotomu la aho mohekele eguele la wato wabe mongindi, ongo inde akolela la okpemeseni maino.
\c 25
\cl Esuki esungu 25
\p
\v 1 Eho lenge, likmu e likolo ekodja a nda wali liomo wango watotali miinda djawu pe wapumbali ogbotoni la molome o liwala.
\v 2 Itano lau wadjaali wikete, pe itano wadjaali la okenge.
\v 3 Wikete watotali miindo lau, lau ase watitotali miinda lau la maita la kpobite.
\v 4 Kaikoase wango wa lokenge watotali miinda lau la maita la okpoli ndondo e milangi ewu.
\v 5 Nda molome oliwala edjaali ohumwei hiilo edjaali ewasombalali iwo kpaa pe walangalia.
\p
\v 6 La ndondo e likambo mooli mwesi eyokanaali molome oliwala adea! pumbani wogbotone la inde.
\v 7 Ndjo wali wango kpaa, wahamalia pe wawongolali miindo lawu.
\p
\v 8 Wikete wahasaali la wango wa okenge ate: ekeleni iso ndambo e maita eenu, l, aate miinda lasu epoti ogwi.
\v 9 Wongo wa okkenge wawongolali ndjo: ngonga eti etakokekine iso la ino. ndjongo kekeni atie wango wakotambaka ehoo pe sambani djanu.
\v 10 Ango ekeeli iwo asombi, molome oliwala aumali pe wali wango walengelali walingelia la inde fete e module edikamali.
\p
\v 11 La mbuse wali weeti wango pe wadjaali, wahosia: wawa, wawa dukolela iso!
\v 12 Inde awangolali ate: iyohaselini meemene iyo yewitini.
\p
\v 13 Ase ango angatalakani a tina ate woyewiti lisio pehengele.
\p
\v 14 Edjei ndango moto mwesi apotali okii mobembo a mokii e wa didii awelali mituke mandee pe awayekleli iwo iho lande.
\v 15 Ndjongo ahekeleli mwesi wambele itano weeti iwale wongo weeti mwesi ahekeleli moto la moto odendi ogumake honde padja, ase akeli la mokii e wa didi.
\v 16 Lambala kikima ongo djuali wambele itano akeli okeli alaho molunga pe eho ehotali etitango.
\v 17 Ndenge kikima pe ongo djuali iwale ekobali eti iwale.
\v 18 Ase ongo djuali ndi esi akeli, pe atongali mbume pe ahisali wambele eho e wimbende e likumu lande.
\p
\v 19 Mbuse e masio elayi likumu dja mituke wango wadjaali pe a dendali iwo sambo lawambele wande.
\v 20 Nda wongo odjuali wambele itano adjaali pe akpalaali wambele eti itano ahasali ate: likumu, ohkeli mbayi wambele itano; denga, owotia wambele eti itano.
\p
\v 21 Likumu lande amohaseli ate: longonya, motuke molamu pe odjei la osembo aleeti sambo keke ikobata owe obanyei wihoo ngbii. lingela la ohemeli e likumu la owe.
\p
\v 22 La mbuse ongodjuali wambele iwale adjaali pe amohaselia ate: likumu, ohekeli mbai wambele iwale, denda, ehokpobeli wambele etii iwale.
\p
\v 23 Likumu wonde amohaselia ate longonia, motuke pe dja osombo la sambo keke, ikobata obanyei wiho ngbii lingela la ohemeli dja likumu wowe.
\p
\v 24 La gboo wongo ototali wambele esi adjaali pe ahasali ate: likumu iyewaki ate owe okodjaka moto o sambo tetelake, oyibukaka, atie ohonitipe okoboliaka atie obiakoliti.
\v 25 Ndjongo iwangali pe ikeli ihisi wambele wowe la mbume, denda wambelewowe didii.
\p
\v 26 Likumu lande amowongwelali ate motike mobe pe ekete iyewali ate ibukali ebete iwonaliti ase iboliali ebete itibiakolali, te ndjongo.
\v 27 owolenge opotali obati wambele wa mbai ewimbende la baki ase la owongo e mbai nda idjwi wambele wa mbai la matabisi.
\v 28 Sikandjo mopwesani inde wambele enge pe mohekeleni eho motongo odjei la wambele liomo.
\v 29 Laate moto kpaa ongo odjei la ema, wako mokobela inde eti pe akodja la owo ngbii; ase motongo oti la ema, te ongo odjei lewo wakomopwesa eho.
\v 30 Ase molumbani motuke pamba oholo alikolo e saa, ongo nde akohata la ilelo pe akolaka maino.
\p
\v 31 Ango mana o moto akodja la kembo ende pe wapubwa ebete kikima lainde ndjongo akoyabata a gbelengo ende elikumu la kembo.
\v 32 Ango kota kpaa wakoyabata liwoso lande, ase akokabola wato weti ebete enge eti wenge ebete ndi ndamonyei l, a wa pate akokabolaka wa pata la wa meme.
\v 33 Ase akobata la oho wonde la lilome ase wa meme la eho wonde e liali.
\p
\v 34 Ndjongo likumu akohasa la wango wadjei la eho e lilome: djakani, ino wango wawa o mbai a pambole te totani mbano e likumu enge wawongelali ino te mokii ebanda te.
\v 35 Laate iyokali djala pe oyekele lini mbai ma ema lakake; idjeli la posa e malia wekelini mbai ma ema ekengake. idjali modidi pe oyambalini mbai olamu.
\v 36 Idjali ligbengbele pe wokpalisalini mbai idjali la boloko pe wodjalini odendi mbai.
\p
\v 37 Ndjongo moyengebene wakomowongolela inde ndjoo likumu nda ngonga toeneli, odjali la djala totiolakisali pe la posa emalia totiohekeleli ema ekengake.
\v 38 Nda ngonga toeneli mopaya pe totioyambali olamu pe odjaali ligbengbele pe toitokpalisali?
\v 39 Nda tango toeneli la ekoni te la boloko totidjaali odendi?
\p
\v 40 Ase likumu awahongolelia ate meemene ilyowaselini ino: masio kpaa enge wokelali ehoo mwesi la wato wango weti a ndondo la wa manima wa mbai wango wakelelali mbai.
\p
\v 41 Ndjongo akoasape la wawo wa djei la eho nde eliali ate: longwani ala ino wango walakelanala obe, kekeni la misa enge eyisilaka ennge wawongeleli etota la wawubwa wande.
\v 42 Laate yokali djala, ase otihalini mbai ilaka pe idjali la posa otihalini mbai.
\v 43 Idjali mopaya otiyalini mbai olumu; pe idjaali lilgbengbele otikpalisalini mbai idjali lekoni pe la boloko otisalisalini mbai.
\p
\v 44 Ndjongo ihope wamowongoleli ndjo: likumu nda tango toeneli la djala e la posa e malia te mopaya pe ligbengbele te la ekoni pe la boloko pe totioyokelali owe?
\p
\v 45 Ase inde akowongolela la ohasi ndjo: meemene pedja ikohasaka la ino ate: engele kpaa enge wokelali ino te mwesi a wato wango weti keke wotikelelani mbai oho.
\p
\v 46 Ase ino okogbnaa logo e libela ase wayangebene wakotota bomoyi e libela.
\c 26
\cl Esuki esungu 26
\p
\v 1 Ase ango oseselali Yesu woasi sambo ndjande, awaseli a watutiani wande ate:
\v 2 Woewini ate etikali masio wale Pasika ekelane, ase wakomokawa Mana omoto alikambo ate wamwakie la kulusu.
\p
\v 3 Ndjoongo wanganga wakumu la wiloko wato wagbotonia aatie nganga mokawi omoweli iwo ate kaifa.
\v 4 Ase wakelia londo la ndenge ate wamohele Yesu la lokenge wobe, ase womoole.
\v 5 Kasi wasiate: etindjee engele e lipati, alikambo ate wato watikele ewondje.
\p
\v 6 Ango ondjakali Yesu la Betania, la monguta mosi mo moto oekoni e mbala.
\v 7 Moli mwesi andongbia ahue wonde, aiki mokeba mo malasi mondjéi la lumba wolamu, mungo mondjéi la motio mosungu, ase, ango ondjakali inde olaki, amosuelia malasi la moto.
\v 8 Watutiani, waenia ndjongo, ewabitelia, ase wasia ate la nda ndenge eobitesi ema nda ehenge ndjongo?
\v 9 Ewongoki ate watambe mango malasi la motio mosungu, wawahe wato wango wa ndjangi wambele waho.
\p
\v 10 Yesu, angoookia inde ndjongo awaseselia ate: ndandenge ekomodendiaka ino oholo moli? Akeli loi wesi wolamu atie mbai.
\v 11 Ino ondjéini la wato wandjangi masio kpàa, kasi oto ndjaani la mbai masio kpàa te.
\v 12 Nda esweli inde mbai malasi la wenge wa mbai enesi ate, nda ekokunda iwo mbai.
\v 13 Iwaaselini la memene, wiati kpàa wikoasana mboli ndamu, la mokili mwesi kpàa, wakwasa la omungoi ndenge ekeli oholo moli.
\p
\v 14 Ndindjongo mwesi owatutiani wande liomu la wale, omoweli iwo ate Yuda Mosikaliota, akia atie wango wanganga-wakawi.
\v 15 Ase asqiate: okohani mbai nda ema? ase yokaweleni la inde? Ase wamomohekelia wambele tuku isato.
\v 16 ndi enge engele, alukia ndenge ndaamu la omokawi Yesu.
\p
\v 17 Wuse wopoo wowokoke wandjangi enuele watutiani wakiaa atie Yesu, wamwaselia ate: Ndaeati ebali owe ate toka wongele Pasika?
\p
\v 18 Awawongoselia ate: Kekeni la gbata la ebete eesi, ase owaseleni ate: Likumu aasi ate: Engele e mbai ekoeumia ahue, ikokela Pasika la watutiani wa mbai atie owe.
\v 19 Watutiani wakelia ndindjongo nda ewatomali Likumu. ase wawongeleli Pasika.
\p
\v 20 Eumia la kolokolo, abatia la mesa inde la wango liomu la wale.
\v 21 Ango ondjakali iwo olaki, asia ate: iwaselini memene, mwesi oonu akokawa mbai.
\p
\v 22 Waokia magba makasi, ase mwesi la mwesi apotia omwaseli: Endjéi mbai Likumu?
\p
\v 23 Awawongoselia ate: ongo moto obangi la mbai ewo la pepe ebete eikima, inde nde okawa mbai.
\v 24 Mana omoto akokeke, ndenge edingami eho alikambo lande.
\v 25 Yuda, ongo omokawali a longosia loi asiate: Endjéi mbai Likumu? Yesu amowongselia ate: Nsdjongo nda wasi owe.
\p
\v 26 Ango ondjakali iwo olaki, Yesu atotia wokoke; ase mbuse, eende eoyakongi abukia, ase awahekeli a watutiani asiate: Eotani, olakeni, ehenge endjéi wenge wa mbai.
\v 27 Mbuse atotia etotu, ase mlbuse ewakongi, awahekelia asiate: kengani ino kpàa;
\v 28 Ehenge endjéi makila ma mbai makila ma wouma, mango makoswkana alikambo la wato ebele, la olongosi masumu.
\v 29 Iwaselini, itokenga kine engema elongoi la mote movino, tee wuse wungo wokokenga mbai enge poli la ino mongindi, la mokumu mo wawa.
\p
\v 30 Mbuse e olembi ndjembo, wakia la mokoli mo oliva.
\p
\v 31 Ase ango Yesu awaselia ate: ikondjaa la ino kpàa, la lihili likolondjo okosakelani ekimi, alikambo nda edingami eho ate: ikomobinga ongo moto okokengeleke mpata, ase mpata ndjaho kpàa ikoyaandja.
\v 32 Kasi ango mbuse ekosusua mbai, ikokee liwoso lanu la Galilaya.
\p
\v 33 Petelo aotia loi, asiate: ingo té wango kpàa wako sakela ekimi alikambo la owe, mbai itosakela ekimi te wokeke.
\p
\v 34 Yesu amwaselia ate: La memene ewaseli mbai, la lihili likolo ndjoliwoso ate koko ebekwe okowungana mbai mbala isato.
\p
\v 35 Petelo amwongoselia ate inga tate endjaki ate togue lowe mongindi mbai itowungana té ase watutiani kpàa wasia ndindjongo.
\p
\v 36 Mbuse eho, Yesu akia la iwo la moki mwesi moweli iwo ate Getesemani, ase asia la wattutiani ate abatani ahala, yotikiani ikia ohaa kongi.
\v 37 Amototia Petelo la inde la wana wa Zebedayo wale, apotia woki magba la wamungoi makasi.
\v 38 Awaselia alidi Motema mo mbai mokia magba tée la logo. abatani ahala ndjaani maiso ngbai la mbai mongindi.
\v 39 Ase andongbia moke liwoso, akwa la elongi la mbumenase akongia ndjo wawa inga endjéi ate ekelane, etotu ehele eleke lihiele la mbai mbala kpàa, etindje wobali wombai, kasi endjé ndebali owe.
\v 40 Ase, akia ango ondjéi watutiani, awagbotia walali, ase asia la Petelo ate: ino okokitini otoni la mbai té engele esi.
\v 41 Susuani, ase wakongeni alikambo ate otikweni la mamekani, elimo endjéi la mogali kasi moini mondjéi pete.
\p
\v 42 Awatikia alidi ase akongia ndjo Wawa indjaki eho etileke inga mbai itikenge ehele etotu eke lihiele inga tate itikenge, endjé ndjongo nda ebali owe.
\p
\v 43 Akia, akawa gbotia walali ango maiso mawu mandjéi biaa.
\v 44 Awatikia, ase andongbia liwoso, akongia mbala esato, awongwanelia ndi ndjongo.
\v 45 Mbuse eho akia atie e watutiani wande ase awaselia ate ondjéini la wilo, ondjéini ndi wabatini dendani, engele eumia ahue, ase Mana omoto wamokawe la mawo ma wato wa masumu.
\v 46 Susuani, tokee denda ongo okawa mbai aumia a hue.
\p
\v 47 Ango Yesu awaaseliaki, denda, mo Yuda mwesi ndondo e watutiani liomo la iwale, aumia adjiha la wato wosungu wa kpali womiseli la miteawa tomia wakawi odjei wato.
\v 48 Ango wa Yuda ango omotambali awelali elembo ndenge wakoki oyewi ongo ikomombanda alikeke momangani.
\v 49 Lambala kikima Yuda ayandogbia ebete e Yesu aasia la wasakoli, mbote aùo yambia.
\p
\v 50 Yesu amowongosalia: manima, kela otomu woowe obangu, ase ango weeti waandogbia wa moheliaYesu wamonangia.
\v 51 Moto mwesi ongo odjakali la Yesu mongindi aumesia sapia ende amokotia moto o wotomu onganga-Mwengéi mosungu, ase amotenia litoi.
\v 52 Ndi ndjongo Yesu omoaselia ate: wongosa sapia eowe la mokpokobo alikambo ate wango kpàa wakokelelasapia, wakogua ndi la sapia.
\v 53 Woewi ate Yengaki wongi ligamesi atie e wawa asqe la wogalagala inde aengaki otomi liwoke la wasoda la waahumbwa liomu la male?
\v 54 Kasi inga ndjongo ndjoi dja madingo ma Mwengéi. djinge ikwasaka ate: ewongi loi wokelame ndjongo wokoengesama nda ndenge?
\p
\v 55 Mbuse eho Yesu awaselia liwoke la wato: odjini la wiwuni la mité alikambo la oheli mbai nda moto o iwa? Masio kpàa idjakali wawati la monguta mo-Mwengéi momi alikambo lo opundesi ino kasi otipelalini mbai té.
\v 56 Kasi djihidji kpàa iumia ndjo alikambo la woengesi sambo dja waaseli djinge indjéi ndondo e madingo watutiani kpàa womotikia watilia.
\p
\v 57 Wato wango wamohelali Yesu wamotomali atie nganga Mwengéi, Kaifa, la ebete edjakali wapundesi wa pui la wiloko wato wagbotononi gaa.
\v 58 Petele amotuteya Yesu ma lihiele mbuse, tee ndi la lopango lo monguta mo nganga-Mwengéi mosungu, inde alingeli a ndondo e lopango ase abatia la wakengeki mongindi alikambo ate inga loi woho woko suka nda ndenge?
\p
\v 59 Wiloko wato wa wanganga Mwengéi la wato kpàa wakelia londo wosungu wakomohengela Yesu la moleho la oteni loi wo o moli.
\v 60 Kasi watieneli mboka té te wato ngbii wadjakali omokawi la moleho la gboo eho wato wale wamalia.
\v 61 Ase wasia ate ohgolo moto asali ate: ikobuka monguta mo Mwengéi ase ikoma a mbuse e masio masato.
\p
\v 62 Nganga Mwengéi mosungu amalia ase asia la Yesu: Owongositi loi te weti te? wahawato wakoasaka nde la wenge wa owe?
\v 63 Kasi Yesu abatia logoo Ndjongo nganga Mwengéi mosungu asia la inde la nkombo e Mwengéi o mokalo iwongi otowongosele iso la memene odjéi Masia mana o Mwengéi?
\p
\v 64 Yesu amowongoselia: Owe nde woasi kasi yasi la ino obandisi kahala, okondjeneni mbai la ewo e lilome e Mwengéi wawa owokulu okongeneni mbai igeleli likolo la mapata ma likolo.
\p
\v 65 Ndi ndjongo nganga Mwengéi mosungu asalakolia wisindje wande wa wenge ase asi ate inde asiga sambo mbembe la wenge wa Mwengéi! euongi ti ikine demu té! okigani loi wungo woasi inde la wenge wa mwengéi.
\v 66 Oomungoini nde? wasia te inde adjéi la ekweli ewongi ague.
\v 67 Mbuse wamolumbelia soi la mbanda mpe wamobingi makofi wato weeti wamobingia makofi.
\v 68 Wasia owe masiya toinya inga adjeiti ti djei wasakoli ndai moto aobingi.
\p
\v 69 Petele adjakali wabati kelekele ndondo e lopango Moto owotomu mwesi o moli o nganga Mwengi moungu aumia ahue lainde ase asiate owe koto adjaki la Yesu mongindi moto o Galilea.
\p
\v 70 Kasi Petele atonia wasi liwoso la wato kpaa woasi yewiti wungo loi wokoasaka owe.
\p
\v 71 Mbuse eho Petele akia liwoso la moluhe mo lopango. Moto owotomu mwesi o moli odi amoenia awaselia wato wango wa djakali ango oholo moto adjaki la Yesu mongindi moto o Nazarete.
\p
\v 72 Ase Petele awungania alidi asia te ilapi memene imwewiti ohongo moto té.
\p
\v 73 Mbuse e engele ekeke, wato wango wadjakali ongo waumia ahue ase wasia la Petele; memene odjéi mwesi owu, easeli e owe enesi ate odjéi moto oho.
\p
\v 74 Kasi Petele apotia wasi ewongi Mwengéi ahekele mbai eguele inga Yasi moleho! ilapi seleka ate imwewiti ohongo moto te ehenge engele koko e molome ebekoya.
\p
\v 75 Ase petele amungoya loi wungo woasali Yesu la inde ate liwoso koko e molome ebekwe okowungana mbai mbala isato ate oheti mbai te inde aumia ase atobeya la wilelo.
\c 27
\cl Esuki esungu 27
\p
\v 1 La kesekese wiloko wato kpàa wa wanganga-Mwengéi la wiloko wato wa wa Yuda waokanali ebete eikima alikambo la omoli Yesu.
\v 2 Wamohelali, wamokawia la wamobatia liwoso la Guvelenele Pilato.
\p
\v 3 Engele Yuda, moto ongo o mohali Yesu atie watone aeneli ate wateniga loi wo Yesu la omoli, inde aokali magba la motema, ase akadjia la pukapuka dja wadjinge tuku isato atie wiloko wato wa wanganga Mwengéi la wiloko Watone la wiloko wato.
\p
\v 4 Inde awaselia ikelali wobe omokawi moto ongo otila huka te la omoli! ase wamwaselia edjéi loi wosu? eho edjéi loi wo owe!
\v 5 Yuda akalumbia wadjenge ndondo e monguta mo Mwengéi, ase akia mbuse eho inde akia wanangi moliki la kingo ende mene.
\p
\v 6 Wiloko wato wa wanganga Mwengéi waonia wadjenge waho ase wasia: pui djasu itekasi obati wadjenge wahawa la sanduku e monguta mo Mwengéi, alikambo edjéi motio mo makila.
\v 7 Ambuse e wokani ebete eikima, walumbali wadjenge waho la elanga e moto mwesi ookeli teni, alikambo la obati elanga eho ebete eowakundi wato wadjake.
\v 8 Alikambo laho, wawelali elanga eho elanga e makila tee kekehele.
\p
\v 9 Ndjongo sambo dja mwaaseli Yeremia yengesame: watotali puklapuka dja wadjenge tuku isato wadjenge wango waokanali wato wa Isalaele la oputi alikambo lande.
\v 10 Ase wasombia la djaho elanga e moto ookeli teni, nda eheleli Likumu mbai mwamo.
\p
\v 11 Yesu amalali liwoso la Guvenere amohulia owe odjéi Likumu la wa Yuda? Yesu awongosia, wasiga.
\p
\v 12 Mbuse wokeke ango wiloko wato wanganga Mwengéi la wiloko wato wamobetelia inde, inde atimowongoselali moto twti.
\p
\v 13 Ndjongo Pilato asia la inde okitiaka te, obeteli wuhuwu wokobeteleke iwo?
\v 14 Ase Yesu atimo wongoselali ema teeti te ndjongo Pilato aahuelia ngbii oleki.
\p
\v 15 Ndondo e mapati kpàa ma Pasika, Guvelenele akomodeke moto mwesi o woyogo, moto ongo omobalaki wato kpàa.
\v 16 Ndjongo la engele ehomoto mwesi owoyogo edjakali moto owoyo ongo omobalakali wato kpàa nkombo ende Yesu Baraba.
\p
\v 17 Ndjongo Pilato awahuelia wato ngbii wango waabolei: obalini imode nda moto la loi lonu? Yesu Baraba te Yesu ongo omoweli iwo Kilisito?
\v 18 Te la gesele te inde aewali wolamu ate wamokawali Yesu atie ende, alikambo ate wadjali la ekakala.
\p
\v 19 Ango wabatakali Pilato la ebete e timilali moli onde a motomia moto owasi la inde: otikelake loi te weti atie oholo moto ohuko te alikambo ate keke a likolo yoki wobe ngbii la oloti la loi wonde.
\p
\v 20 Wiloko wa wanganga- Mwengéi la wiloko wato wa watindikia wato la omwongi Pilato Baraba, ase wamoolé Yesu.
\v 21 Guvenele awahuelia wato waho obalini imodee ndai ndondo e wahawa wato wale? wamowongoselia: Baraba!
\p
\v 22 Pilato awahuelia: ndjongo obalini ikele nde la Yesu ongo omoweli iwo Kilisito? wato kpàa wawongosia: mwakiani la Kuruse.
\v 23 Pilato ahuelia ndjongo inde akeli nde? take go Ase wopotali opami la wokulu kpàa wou: Mwakia inde la Kuruse!
\p
\v 24 Ango wenia Pilato ate aengiti ikine okeli loi te weti te, ase ndi etale elekali liwoso, inde atotia malia agbolia mawo liwoso la wato ase asia huko e ohoko moto eti la moto mo mbai te! edjéi loi wonu!
\p
\v 25 Wato kpaa wawongosi: ewongi huko eoholo e logo edje la mito masu, tee mito ma wana wasu.
\v 26 Njongo pilato amodeya Balabasi alikambo la iwo. Inde ahekelia mwano oomobingi Yesu fimbo, awaaselia wa mohele a ekulusu.
\p
\v 27 Wa masaze wa Pilalato wakia la Yesu la munguta mo guvelenele, ase wa masaze kpaa waaboleya kelekele ende.
\v 28 Wa molongosiya isindje wande, wa mokpalesia lobe etanake.
\v 29 Mbuse eho wasonia kataka e keeke, wa mokpalesia a moto monde, wa mohelesiya ekongo la ewo e lilome, wa maiya mawuli liwoso lande, wa mosekali la owasi: Mbaa likumu la wa yuda.
\v 30 Wamosuwelali ikaha, watotali ekongo wa mobingia la moto.
\v 31 Ango edeiya iwo omoseki, wa molongosiya lobe etanake, wamokpalesia isindje wande amene, ase wakia la inde omobaki la ekulusu.
\p
\v 32 Ango oumali iwo, wagbotonia la moto mwesi o Kirene, omoweli iwo ate Simoni ase wamwaselia la makasi ate akpale kuluse e Yesu.
\v 33 Waumia ebete esi eweli iwo ate Gologota enge easi ate ebete e mokua mo moto.
\v 34 Wamohekelia vino ewauesi iwo la malia mabe ate akenge, kasi adetia atoni a okengi.
\v 35 Mbuse eomogbomi la ekulusu wakania wisindjè wande, wabingia waho la likambo la okokesi ndjinge yasanali la waaseli ate wakokawana wisindjè wambai ase wakobinga kandjo e mbai la zenge.
\v 36 Mbuse wabatia, wako denda.
\v 37 Alikambo la ohui demu eohelani wonde, wadingia la likolo la moto monde oholondjo andjéi Yesu Likumu la wayuda.
\v 38 Wamogbomia la kulusu inde la wato wabe wale, mwesi la ewo elilome mwesi la ewo e liali.
\v 39 Wato waetakali la mboka wa motangakolia, la oninganesi moto.
\v 40 La wasiate: owe moto olukaki ate obuke tepelo, ase otonge mbuse e masio ma sato, akalesa kine owe mene! inga ondjéi Mana o Mwengéi, andjimba la kulusu.
\p
\v 41 Wanganga-wakawi, la wadingeli la wiloko wato wapotia omoseki, ase wasiate.
\v 42 Awakalesali wato wadi, ase akokiti wakalesi inde mene! inga andjéi Likumu la Isalaele, aandjimbe la kulusu, ase tomondime.
\v 43 Aahi la Mwengéi, Mwengéi amokalese kine inga amobali. Ango andjakali ate mbai indjéi Mana o Mwengéi.
\v 44 Wato wabe wango wawagbomoli lainde la kulusu mongindi, wamotangakolia ndindjongo.
\p
\v 45 Olongoi engele etimobatée e libwa, molili molingelali mokili mwesi kpàa.
\v 46 Ase engele e libwa, Yesu apamia la moli mosungu Eli, Eli lama sabakatani? easite Mwengéi o mbai Mwengéi o mbai, odei mbai alikambo la nde?
\v 47 Wato wadi wango wandjakali ango waokia ndjongo wasiate akomowelaka Elia.
\v 48 Ase ango mwesi owu akia obangu aotia linuka aluleya la vino e ngai, ase abatia la etotu, amohia ate akenge.
\p
\v 49 Ksi wango wadi waasiatez deeni toene inga Elia akondja omokalesi.
\v 50 Yesu ahumbia pui alidi ase atenia motema.
\v 51 Ase denda litambala la petelo lisaleya la wisali wiale, olongoi likolo tée sése, mbume iningania, mabanga matakania.
\v 52 Kbuli inuhama ase wansatu wango wagwaté wa susoya.
\v 53 Wato wango walongwali la kabuli, mbuse e wosusoi wo Yesu, walingelali la moki mosatu, ase wato wasungu waweneli.
\p
\v 54 Wasindjili la wato wango wandjakali ango la omokengeli Yesu, waenia woningani wo mbume la ndjinge sambo ileki mine, wawangia makasi se wasiate Memene, oholo moto andjaki Mna o Mwengéi.
\p
\v 55 Wali ebele wandjakali odengi lalihiele wango wakeli la Yesu tée la Galilaya, la omolambeli.
\v 56 Katikati ewu endjali Malia Magadala, Malia nango Yakobi la Yosefu, la ngbau owana wa Zebedeyo.
\p
\v 57 Kolokoloeumia, moto mwesi o Arimateo andjakali la wambele ebele, nkombo ende Yosefu, ongo ondjakalihoto motutia o Yesu.
\v 58 Akia atie e Pilato, ase akaongia wenge wa Yesu. Ase Pilato asiate wamohekele la inde.
\v 59 Yosefu atotia wenge, alingia la esindjè elamu elumbake.
\v 60 Ase abatia la kabuli esindjè eholi enge ewongeleli iwo la mabanga. Mbuse adihue libanga lisungu la moduhe mo kabuli, ase akia.
\v 61 Malia o Magadala, la Malia la Malia odi wandjakali ango, wabati ndiango ahuela kabuli.
\p
\v 62 Wunewuse, ege endjakali wuse wo woa wongeli, wanganga wakumi, la Wafalisayo wakia mongindi liwoso la Pilato.
\v 63 Ase wasiate Likumu, iso to waseli ate ongo mosakoli asali ate akokala alidi mbuse e masio masato ako susua.
\v 64 Watoma wato wakakengele kabuli mbuse e masio ma sato, alikambo ate watutiani wande watindjamoiwe ase la wasi la wato ate; asusoi ga la wato wagwake. moleho mo ehele mbalandjo mokoeta té mbala eliwoso.
\p
\v 65 Pilato awaselia ate ondjéini la sindjili, kekeni kakengeleni ndenge ewi ino.
\v 66 Wakia, ase walingelia la kabuli la ndenge ndamu, watindikia mlibanga.
\c 28
\cl Esuki esungu 28
\p
\v 1 Mbuse e sabata, ango wuse ebandali opumbi okeke okeke la lisio la poo djaa posho, Maliya Magadala la moliya weeti wakeeli odengi eho.
\v 2 Ehodenda! ùbeseeninangali makasi meenene, laate wahumbali e Mwengei adjaali a likolo ayandimbia; pe ayandangbi akukolia libukeli, pe ayabatelia ehoo.
\v 3 Ndenge ende edjakali nda abalimani, pe wisindje onde edjali nda lipata.
\v 4 La tina owangi enge wakengeli wawangali inde wadjali waumaki nda wagwi.
\p
\v 5 Ase mohumbwa ehoo awongoli wali wango ate: oiwangeni, laate eyewi ate wokolukakani Yesu, ango wamotingiali la mote.
\v 6 Atiialandjo laate asusoigaa nda eyasaki inde djakani, odenge ebete elangalaki injde.
\p
\v 7 Ase kekeni gaaga pe walehela wattiani wande ate asusoiga atie wagbakani, pe dende! akiya liwoso lanu a Galilea; ango nde wokomoeneni, meemene iyo aseligaani.
\p
\v 8 Ndjongo wadeeli kunda galagala la owongi pe la oemeli mosungu, wakia obangu ohekeli watutiani wande mboli.
\v 9 Ate denda! Yesu agbotonia la iwo pe awahaselia mbaa! wadjali wamoheli a mangbanda pe wayahi mbeli inde.
\v 10 Ndjingo Yesu awahaselia ate: oyiwangeni! kekeni owasumbeli wamanima wa mbai mboli, ate wakee a Galileya laate ongo wakohene mbai.
\p
\v 11 Ango ehelali iwoo mboka wakia denga! wakengeli weeti walingeli gbata. Galileya pe wawa aseli wakeleli Mwengei makumu sambo kpaa enge ekelamali.
\v 12 Ate mbuse iwo wayabiliali ebete kikima la masio mpe wak, lali.
\v 13 Ase wahasia: wohaseni ate: watutiani wande wadjaali omohiwi a likolo a hengele enge iso tolangalaki hiloo.
\v 14 Inga eho ehuma a wiyekoli mo likumu; tokomandimisa inde pe tokokela ate watiotungeseni.
\v 15 Ndjongo watotali wambele eho ewibende pe wakelali ndi nda ewahiniali iwo; pe loi ehoo esombali atie wa yuda tee la lisio o keke.
\p
\v 16 Kaikowase, watuitiani liomo la esi wakeeli a Galilaya a mokili enge Yesu awa wunelali iwo wagbotoni.
\v 17 Ango wamohneeli inde wayahimbelali inde, ase weeti watindimali.
\v 18 Ase Yesu ayandongbali pe asololali la iwo. ahasia: wahekelia likumu kpaa e likolo pe la mbume.
\v 19 Eho lenge, kekeni pe woumeseni wato watutiani mikii kpaa, opateseni iwo a kombo wawa pe mana pe elimo santu.
\v 20 Watiesani iwo wayoke sambo kpaa enge iyekelini ino mboka pe denge! idjei ebete kikimala ino, masio kpaa tee osukesi e sambo djaa ma masio.