\id 3JN
\ide UTF-8
\h 3 Yoani
\toc1 3 Yoani
\toc2 3 Yoani
\toc3 3jn
\mt 3 Yoani
\c 1
\cl ESUKI 1
\p
\v 1 Gala, atie Gaius, ongo omobali mbai la omemene.
\v 2 Manima o libalano ikoyakongoko la owe ate odje olamu la sambo kpaa odje koto la wenge olamu ndenge molimo mo owe modjei.
\v 3 Idjei la oteteli ango wamana ima wadjali koto watotololi la omeemene wungu wodjei owe la eho, ndenge ekoasaka owe osombi ndondo e omeemene.
\v 4 Iti la ohemeli sungu. La ooki wana wambai wakosombaka ndondo e omemene.
\v 5 Mobalani molamu, okokelaka otomo womeemene la djinge kpaa ekokelaka owe la kole e wamanima, inga te wadjei wadjidji.
\v 6 Wango wawaewesia libalano wowe, sika ebete em onguta e Mwengei okokela olamu la odjui otomu e okendo mou la ndenge ndamu e Mwengei.
\p
\v 7 Alikambo la Yesu Kilisito ase waki wadjangia odjwi ema teeti la mawo ma wapagano.
\v 8 Eengi la iso oyambi wato wa ndenge eho, towume wiino e otomo ndondo e meemene.
\p
\v 9 Idhingeli lingomba ma loyi, ase Diotelepe, ongo obali odji liwoso la iwo atitoyambe.
\v 10 Woni inga abali ate owene: ikowela la sambo djinge wakokelaka. Enge widengi iso. Wato waminga owongeli enge ewaemelesiti le hoo etidjwa wa manango.
\p
\v 11 Manaima, otitutiane asa mbo, mbé, kelandi olamu moto ongo akokelaka olamu adjéi Mwengéi, ongo akokelaka obé atimoene Mwengéi.
\p
\v 12 Wato kpà asé mèmene ehoo amene ekohekela eyaseli olamu, a moki mo Demotroce, iso pe tomowongoseli pe la hoasi asi asé oyewi até eyasani wosu édjéi olamu.
\p
\v 13 Ikodja la sambo ngbi la odingi asé ikokiti okeli ehoo la olimi la odingi.
\v 14 Imungolia até iyonene sikandjo, asé tokowasela monoko la monoko.
\v 15 Ate logo odjei la owe. Wino wa owe waoekili mbaa. Hekelali wino wa owe, moesi la weeti.