bbm_reg/44-JHN.usfm

\id JHN
\ide UTF-8
\h Yoani
\toc1 Yoani
\toc2 Yoani
\toc3 jhn
\mt Yoani
\c 1
\cl ESUKI 1
\p
\v 1 La lipoteli edjali engbundu, engbundu edjaali la Mwengei, engbundu koto edjaali Mwengei.
\v 2 Inde adjaali la lipotele mongindji la Mwengei.
\v 3 Wihoo kpaa wikelanali la mboka ende, koto ema teeti etikelanali inga te la mboka ende.
\v 4 La inde edjaaki mokalo, mokalo koto modjaali ngbai e wato.
\v 5 Ngbai ekongalaka la molili, ase molili molongeti eho.
\p
\v 6 Edjaali la moto mwesi atomanali la Mwengei, kombo ende Yoani.
\v 7 Inde adjaali mototoli, laate ahekele litotoli la loyi e ngbai eho, laate moto kpaa agemeiye eho.
\v 8 Inde atidjaakali ngbai eho, inde adjaali ohekeli litotoli e ngbai eho.
\v 9 Enge ngbai edjei e meemene, edji la moki la ongalesi moto kpaa.
\p
\v 10 Adjaali la moki, moki koto mokelanali la mboka ende, ase moki motimoewali.
\v 11 Adjaali atie wato wande, ase wato wande watimoyambali.
\v 12 Ase wango wamoyambali, la wango wagemei kombo ende, owahekeli otomo e odjei wana wa Mwengei.
\v 13 La ebili ate waononiti la makila, inga te la mwano mo wato wa moki, inga te la mwano mo molome, ase wawotani la Mwengei.
\p
\v 14 Engbundu eyakelia wenge, eyabatali ya iso, etumi la ngolu la omeemene, tuenia otwa wonde, otwa nda enge e mana moikima ongo odji likolo.
\p
\v 15 Yoani aambali mboli ende, koto ahumbali, “Edjei inde ongo aasali mbai, 'Ongo okojaa mbuse e mbai inde nde odjei liwoso la mbai, laate adjaali mogindji la mbai.”
\v 16 Tototali iso kpaa Womwengei wonde, koto ngolu likolo e ngolu.
\v 17 Pui ehekelanali la mboka e Moize, ase ngolu la womeemene la mboka e Yesu kilisito.
\v 18 Moto tueti amoeni Mwengei; Mwengei mana, ongo odjei la liboliani la wawa, inde omoenesi.
\p
\v 19 Dhenda litotoli la Yaoni, engele Wayuda wawatomali ongo la yelusalaema wanganga-Mwengei la Walebi la omehueli ate, “Owe odjei ndai?”
\v 20 Inde awongosali, te la owungani agemeiyesali, “Mbai iti kilisito.”
\v 21 Wamohuelia, “Odjei ndai? Odjei Elia?” Inde awawongoselia, “Iti inde.” Waasali, “Odjei motiesakoli?” Awongosia ate, “Te ndjongo.”
\v 22 Wamwaselia ate, “Odjei ndai, laate toke owawongoseli wango watotomali? Oasi woni la loyi e owe?”
\v 23 Aasia, “Mbai idjei mowelele e ongo okodhumbiaka la lisobe: 'wongelini mboka e Likumu, nda eyasali motiesakoli Isaya,'
\v 24 wango wawatomali wdjaali Wapaliseyo,
\v 25 wamohuelia alidji ehele poopo, “lande ekopatisaka owe wato inga oti Kilisito, oti Eliya, oti koto motiesakoli?”
\v 26 Yoani awawongoselia, “Mbai, ikopatisaka la malia, ase ndondo enu edjei la moto mwesi ongo omwewitini ino.
\v 27 Akodja mbuse e mbai, iti la maengi matokoalke ndjiki dja ikpokpo wande.”
\p
\v 28 Dji sambo ikelanali la Bethania, eeti kambo e yolodani, ongo Yoani adjaakali opatesi wato.
\p
\v 29 Ekundu eho, Yoani amoenia Yesu akoyandongbaka atie ende, aasia, “Dengani, oholo adjei mana o meeme e Mwengei, ongo okolongosaka masusu ma moki!
\v 30 Edjei inde ongo eyasali mbai, 'Mbuse e mbai, moto mwesi akodja ongo odjaali liwoso la mbai, laate awatomali liwoso la mbai.'
\v 31 Imoewiti, ase edjei oenesi la Isalayele ate mbai idji opatesi la malia.”
\p
\v 32 Yoani asumbali koto ehele litotoli, “Ieni elimo ekoyadjimbaka likolo, nda elua, eyamalia likolo lande.
\v 33 Itiimoewakali inde, ase inde moto otomali mbai opatesi la malia, andjaselali mbai, ongo okomoene owe elimo ayadjimbia koto eyamalia likolo lande, inde nde okopatisa la elimo satu.'
\v 34 Mbai iyeeni koto igemei ate adjei mana o Mwengei.”
\p
\v 35 Ekundu eho, Yoani adjaakali ndji ango la watutiani wande waale,
\v 36 wamoenia Yesu akwetaka, Yoani aasia ate “Denda, mana o meeme e Mwengei.”
\v 37 Ango eokia iwo ndinge sambo eyasali inde, wamotuteya Yesu.
\v 38 Yesu ayakukulia, aenia ate wakomotutiaka, aasia la iwoo, “Ino okolukakani nde?” Wamowongoselia ate, “Rabbi” (enge ekukolani ate, “Moinyei”), “Owe okoyabataka eni?”
\v 39 Awaaselia, “Djakani, oeneni koto.” Wakia, waenia koto ongo edjaaki inde oyabati, wayabatia ebete ekikima la inde wungo wuse, edjaali engele e nei mbuse e limbile.
\p
\v 40 Andele, maanango o Simoni petele, adjaali mwesi ndondo ewu wango waokali engbundu e Yoani, koto e wango wamotuteyali Yesu.
\v 41 Agbotonia yo liwoso la manango Simoni, amoaselia, “Togbotoni la Masia” (ongo okuani la “Kilisito”).
\v 42 Akia la inde atie Yesu, Yesu amodendia, aasia, “Owe simoni monga Yona. Okowelana Kepasi” (enge einyei “Libukeli”).
\p
\v 43 Wuse wungo weeti, Yesu alukali oki la moki mo Galilea, agbotonia la Pilipo, aasia la inde, “Tutia mbai.”
\v 44 Pilipo adjaali moto o Betesaida, moki mo Andele la Petele.
\v 45 Pilipo agbotonia la Natanaeli, amoaselia ate, “Toeniga ongo Moize adhingi la pui, koto ongo watiesakoli wamoaseleli, Yesu o Nazalete, mana o Edjepu.”
\v 46 Natanaeli amoaselia ate, “Ema elamu eengi koto opumbi la Nazaleta?” Pilipo amowongoselia, “djaaka, oene koto.”
\v 47 Yesu, amoenia Nathanaeli, aasia la inde, “Denga Moisalayele, ongo eti te la kokia!”
\v 48 Natanaeli amoaselia, “Oewi mbai eni?” Yesu mowongoselia. “Liwoso ate pilipo aowele, ango edjaaki owe seese e mote mo Pigi, mbai ioeneki.
\v 49 Natanaeli awongosia, “Rabbi, owe odjei monga Mwengei! Odjei Likumu o Isalayele.
\v 50 Yesu amowongeselia ate, “La ebili eyasi mbai ate iyoeni seese e mote mo Pigi, nde ogemeiya? Okoene sambo sungu oeti djidji ndjo.”
\v 51 Amoaselia koto, “La omeemene, la omeemene iyoaseli, okoene opoti keke likolo lidhuhuani, waahumbua wa Mwengei wakotelaka la wakoyadjimbaka koto likolo e mana o Moto.”
\c 2
\cl ESUKI 2
\p
\v 1 Masio masato mbuse, edjaali la yenga e liwala la moki mo kanana e Galilea, nango Yesu adjaali ongo.
\v 2 Wamowelali koto Yesu ongo la yenga e liwala eho la watutiani wande.
\v 3 Ango maana masilia, nango Yesu amoaselia ate, “Wati kine la maana.”
\v 4 Yesu amowongoselia, “Owe oholo moli nda loi iso laowe? Engele e mbai eumakiyo.”
\v 5 Nango aasia la wasali ate “Kelani ndenge ekwasa inde.”
\v 6 Kaikoase edjaali la teni motoba, ehekelenate la Wayuda la loyi e oyalangesi, teni djaho idjaali olingese eesi la eesi la eho wipimeli oyeti mokama.
\v 7 Yesu aasia la iwo, “Tumesani malia la teni.” Watumesia tee la minoko.
\v 8 Awaaselia, “Tukani sikandjo, katikeni atie meemene yenga e liwala.” Wakeeli okamotikeli.
\v 9 Ango meenemene yenga amekia malia mango mayakukolia manaa, odjangi oewi enge songo edjei maana; ase wasali wango watukali malia iwo nde waewali, amowela moto opele ongo oiki
\v 10 amoaselia, “Moto kpaa akohekeleke yo manaa mango mawongi, ase mango mawongiti olamu mbuse ndji wato walangoyiga, ase owe, obanyea manaa malamu tee sikalandjo.”
\v 11 Ndenge ekelani eho, la Kanana e Galilea; elembo e liwoso enge ekelali Yesu. Aenesia otwa wonde, watutiani wande wamogemeiya.
\p
\v 12 Mbuse eho, Yesu ayadjimbia la kapelanauma, mongindji la nango, wamaanango la watutiani koto, wayabatali ongo masio makeke.
\p
\v 13 Pasika e Wayuda eumali ahue, Yesu atelia la Yelusalema.
\v 14 Agbotia ongo la tepelo watambi wa ngombe, e wameeme, e wilua, la wakukoli wa palanga wayabati.
\v 15 Akelia pimbo e ndjiki, aumbia la iwo kpaa la tepelo, la wameeme, la wangombe; aandjia mbela e wakukoli, asuakolia wamesa djawu.
\v 16 Aasia la watambi wa wilua, longoseni wihoo wanu, otiwumeseni monguta mo wawa nda ebete e lihoo.
\v 17 Watutiani wande, wamungolia enge edhingani, “posa e monguta emaiya mbai.”
\p
\v 18 Wayuda, watotia engbundu, wamoaselia, “Nda elembo ekoyinyaka owe iso, la okeli ehele ndenge?”
\v 19 Yesu awongosia, “Bukani ehele tepelo, la masio masato ikomalesa eho.”
\v 20 Wayuda waasia, “Ehele tepelo ekelanali wilanga tuku inei la motoba, ase owe omalese eho la masio masato?”
\v 21 Kaikoase, adjaakali oaseli wenge wande.
\v 22 Eho lenge, ango ebasali inde, watutiani wande wamungolia ate aasali eho, wagemeiyali madhingo la engbundu enge Yesu aasali.
\p
\v 23 A ngo edjali Yesu la yelusalema, lisio la yenga e pasika, wato ngbii wamogemeiyali la oeni wilembo wiwangesake winge widjaakali inde okeli.
\v 24 Ase Yesu atidjaakali owagemeiyeli, la ebili ate awayewali iwo kpaa,
\v 25 atidjaali la posa ate wamototolele enge edhengi wato, laate ayewali inde amene enge edjei ndondo e moto.
\c 3
\cl ESUKI 3
\p
\v 1 Edjaali la moto mwesi ndondo e Wapalisao, kombo ende Nikodeme, likumu o Wayuda.
\v 2 Inde akeeli atie Yesu la likolo, aasia la inde, “Moinyei, toewi ate owe odjei motiesakoli ongo odjii atie Mwengei, la ebili ate, moto toeti aengiti okeli wi wilembo wikamwake enge ekokelaka owe, inga Mwengei atidjee la inde.”
\v 3 Yesu aasia la inde, “La omeemene, la omeemene, iyoaseli, inga moto atiotane mbala e wale, aengiti la okumu wo Mwengei.”
\v 4 Nikodeme aasia la inde, “Nda ndenge moto aengi alidji owotani ango ooloyia inde? Aengi owongoyi mbala e wale la solo djaa nango, awotane?”
\v 5 Yesu awongosia, “La omeemene, la omeemene, iyoaseli, inga moto awotaniti la malia koto la elimo, aengiti olingeli la okumu wo Mwengei.
\v 6 Enge ewotani la moini edjei e moini, ase enge ewotani la elimo edjei e elimo.
\v 7 Otihalimane la ndenge e oasali mbai, 'Ewongi owotani mbala e wale.'
\v 8 Ehoho ekohohaka ongo ebali eho; okoakaka etale, ase otiewa ongo ekodjaka eho inga ongo e kokeeke eho. Ndenge kikima la moto ongo owotani la elimo.”
\v 9 Nikodeme atotia engbundu, aasia, “Nda ndenge eho eengi okelani?
\v 10 Yesu amoongoselia, aasia la inde, “Odjei moinyei mo Isalayele, ase oewiti dji sambo?
\v 11 La omeemene, la omeemene, iyoaseli ate, tokoasaka djinge iyewi iso, tokoasaka matotoli la djinge ieni iso. Totiasaka sambo djasu.
\v 12 Inga ino otigemeiyeni ango ekoaselakani mbai sambo dja mbume, okogemeiyani nda ndenge inga iyoaselani sambo dja likolo?
\v 13 Moto te mokikima ateliti ongo likolo, inga te ongo oyadjimbali likolo, monga moto ongo odjei likolo.
\v 14 Laate nda Moize adjambaali ndjo ongo la lisobe, iengi koto ate monga moto adjambane.
\v 15 Moto ongo okomogemeiya inde atigue, ase akondje mokalo molibela.
\p
\v 16 Laate Mwengei abalali moki ngbii, ahekelia mana onde moikima, laate moto okomogemeiya atigue, ase atote mokalo mo libela.
\v 17 Laate Mwengei atimotomali monga monde la moki laate asambese mokili, ase laate moki mokale la kole ende.
\v 18 Ongo omogemei, atisambesana, ase ongo otigemeiyaka, asambesaniga laate atigemeiye la kombo e monga moikima o Mwengei.
\v 19 Dhenga osambesani wonde: Ngbai edjaali la moki, wato wabali molili te ngbai, laate mamungwene mawu madjei mbe.
\v 20 Laate moto ongo okokelaka obe, atoni ngbai, atidja atie ngbai, la owangi ate sambo djande itienene saa.
\v 21 Ase ongo okokelaka ndenge ewongi la omeemene, akodja atie ngbai, laate sambo djande ienene, akokelaka eho la kole e Mwengei.”
\p
\v 22 Mbuse eho, Yesu atingali la watutiani wande, akia la Yudea; ayabatali ongo mongindji la iwo, adjaakali opatesi.
\p
\v 23 Yoani koto adjaakali opatesi la Enona ahue e Salimi; la ebili, ongo malia madjaakali masungu, wato wadjaakali oki ototi patisa.
\v 24 Ango wamohelakiyo Yoani la woyogo.
\v 25 Ondungbiani eumali la watutiani wa Yoani la Wayuda la loyi e oyalangesi.
\v 26 Wakia atie Yoani, wamoaselia, “Moinyei, ongo odjaaki ino la inde ongo la malia ma Yolodana ongo ototolali owo la kole ende, dhenda, akopatesaka, wato kpaa wakokeeke atie ende.”
\v 27 Yoani aasia, “Moto aengi okondji ndji enge emohekelani ongo likolo.”
\v 28 Ino amene odjeini wa demo wa mbai, easi mbai, “Mbai iti Kilisito, ase mbai itomanali liwoso lande.
\v 29 Ongo odjei memene moli, edjei inde motopele. Ase manango o motopele, ongo oyamali ango akomolambelaka, adjei la mwemu mosungu ango ekookaka inde moli e motopele. Enge edjei mwemu mo mbai, mungo motumi.
\v 30 Eengi inde atele, ase mbai iwongwe sese.
\p
\v 31 Ongo odji likolo, inde adjei likolo e wato kpaa. Ongo odjei la mbume, adjei ndjii ombume, akoasa koto ndji sambo dja mbume. Ongo odji likolo, adjei lokolo e wato kpaa.
\v 32 Inde akototola djinge ieni inde la ioki inde, litotoli lande moto te mokikima abaliti.
\v 33 Ongo oyambi litotoli lande, inde nde ososoli ate Mwengei adjei olamu.
\v 34 Laate ongo omotomi Mwengei akoasa wingbundu wa Mwengei, la ebili ate Mwengei amohekeli elimo eti la gboo.
\v 35 Sango amobali monga, ahekeli sambo kpaa la mawo mande.
\v 36 Ongo omogemei monga, akondjiga mokalo mo libela, ase limemu la Mwengei liti likolo lande.”
\c 4
\cl ESUKI 4
\p
\v 1 Ango likumu aokia ndenge Wapalisao waewali ate akopatesaka watutiani ngbii omoyeti Yaoni.
\v 2 Ndjongo, Yesu atidjaakali opatesi inde amene, ase watutiani wande nde wadjaakali okeli,
\v 3 alongwali la Yudea, awongoiya la Galilea.
\v 4 Ase ango eongoli ate akpande la Samalia,
\v 5 aumali la gbata e Samalia, enge ewalani Sikale, ahue e elanga e Yakobo enge emohali inde monga monde Edjepu.
\v 6 Ongo edjaali la likaka e Yakobo. Yesu, agenakolali la okendo, ayabatali la litokele e likaka. Edjaali engele e motoba.
\v 7 Moli mwesi Mosamalia adjaali otuki malia, Yesu aasia la inde, “Hekele mbai malia makengake makengake.”
\v 8 Ango watutiani wande wakeeli la gbata osombi ilaka.
\v 9 Ongo moli Mosamalia aasia la inde, Nda ndenge owo, odjei Moyuda, okoongoko mbai malia makengake, mbai moli Mosamalia?” Wayuda watiokanaka la Wasamalia.
\v 10 Yesu amowongoselia, “Inga owe oewaki likao e Mwengei koto ndai ongo okoaselaka ate, 'Pekele mbai malia makengake, eengaki la owe amene omoongi malia makengake, aengaki oohekeli malia ma mokalo.”
\v 11 Moli oho amoaselia, “Likumu, owe otii la ema etukelake, likaka koto li lindji. Eni ekotota owe malia maho ma mokalo?
\v 12 Owe omoyeti sangbasu Yakobo, onge inde amene koto akengali malia maho, la wana wande koto la wameeme wande?”
\v 13 Yesu amoongoselia, “Moto ongo okokenga ehele malia ndjo, akooka alidji ehoha,
\v 14 ase ongo okokenga malia mango makomoha mbai, atioka kine ehoha, malia mango makomoha mbai ekouma atie inde moto mo malia mango makohumbaka tee la mokalo mo libela.”
\v 15 Moli amoaselia, “Likumu, pekele mbaii mango malia, laate itidjee kine la ehoha, koto itidjake kine otuki malia ahala.”
\p
\v 16 Yesu amoaselia, “Kekee, mowela molome o owe, koto owongwe alidjii ahala.”
\v 17 Ongo moli aasia, “Mbai iti la molome,” Yesu aasia la inde, “oasi olamu ate, 'iti la molomo.”
\v 18 Laate odjaali la pele itano, molome ongo edjei owo la inde sikandjo ati molome e owe. Ndjongo oasi meemene.”
\p
\v 19 Moli aasia la inde, “Likumu, ieni ate odjei motiesakoli.”
\v 20 Watata wasu wayakongali la mu mokoli, ase owo oasia ate ebete enge eyakongake edjei la Yelusalema.
\v 21 Yesu aasia la inde, “Gemeiya mbai, engele egeleli, enge etidjaa kine la mou mokili te la Yelusalema ate okomoganani wawa.
\v 22 Ino okoyakongakani la enge eyewiti ino. Iso, tokoyakongaka la enge eyewi iso, laate mokalo modji la Wayuda.
\v 23 Engele egeleli, koto edjiga, ongo wayakongi walamu, wakoyakonga la wawa la elimo koto la omeemene, laate idjei iwo wayakongi wango wawa akowalukaka.
\v 24 Mwengei adjei elimo, ewongi la wango wakoyakongaka la inde, wayakonge la inde la elimo koto la omeemene.”
\v 25 Moli aasia la inde, “Iewi ate Masia akodjaa, (ongo omoweli iwo Kilisito). Ango ekodja inde, akotoasela sambo kpaa.”
\v 26 Yesu aasia la inde, “Edjei mbai, ongo okoasaka owe.”
\p
\v 27 Ongo likolo eumali watutiani wande. Wakamwali la wungo wosololaki inde la ongo moli. La djinge kpaa, te mokikima aasiti ate, “Akomohuelaka nde?” Inga, “Woni akosolalaka la inde?”
\p
\v 28 Mbuse eho moli atikia ekoko ende, akia ongo la moki, koto aasia la wato,
\v 29 djaakani imoeneni moto ongo okusoli sambo kpaa ikelali mbai. Etidjaa Masia?”
\v 30 Wakolongoiya la moki koto wakia atie inde.
\p
\v 31 La enge engele djongo, watutiani wamogogali, wadjaali oasi, “Rabbi, laka.”
\v 32 Aasia la iwo, “Mbai idjei la ilaka winge wiewiti ino.”
\v 33 Watutiani wapotali oyahueli iwo la iwo, “Moto moesi nde amodjeeli ilaka?”
\v 34 Yesu aasia la iwo, “Ilaka wa mbai edjei ikele mwano e ongo otomi mbai, iengese koto wotomo wonde.
\v 35 Otiaseni ate etikali ndebo inei la obuki pukapuka? Iyoaselini, djambani maiso, dhendani elanga, etaniga la obuki pukapuka.
\v 36 Ongo okobuka pukapuka, akotota liputi, koto akoyisa pukapuka la loyi e mokalo mo libela, laate la ongo ooni koto la ongo obuki maemele mongindji.
\v 37 Laate enge engbundu edjei meemene, 'Ongo okoona, la ongo okobuka.'
\v 38 Iotomini okabuki pukapuka djinge itiongalini ino otomo. Wadji wakelali otomo, koto ino olingelalini la otomo wou.”
\p
\v 39 Ngbii e Wasamalia e enge gbata wamogemeiyali Yesu la sambo djinge iyasali ongo moli, “Andjaseli mbai, djinge kpaa ikelali mbai.”
\v 40 Ango, wasamalia wadjaali ogbotoni la inde, wayakongia ate ayabate la iwo. Ayabatia la iwo masio maale.
\v 41 Motango mosumo mo wato wagemeiyali la loyi e wingbundu wa Yesu,
\v 42 waasia koto la ongo moli, “Eeti kine sa la enge easi owe nde togemei, laate tomooki la matoyi masu amene, toewi koto ate adjei Masia, mokalesi mo moki.”
\p
\v 43 Mbuse e masio maale, Yesu alongoiya ongo la okii la Galilea.
\v 44 Laate Yesu aasali inde amene ate watimogemeiyaka motiesakoli la moki monde.
\v 45 Ango eumia inde la Galilea, wayambanali la Wagalilea wango waeneli djinge ikelali inde la Yelusalemama ongo la yenga, Laate iwo koto wakeeli ongo la yenga.
\v 46 Go ewongoiya inde la Kanana e Galilea, ongo ekukolali inde malia maana. Edjaali la kapelanauma, motuke mosungu o likumu e likumu, monga monde adjaali la ekoni.
\v 47 Ango eokia inde ate Yesu aumia la Yudea la Galilea, akia atie inde, amoongia ayadjimbe la inde okamokalesi monga monde, laate adjaakali ahue e logo.
\v 48 Yesu aasia la inde, “Inga otieneke wilembo koto wikamweseli, oengiti ogemei.”
\v 49 Motuke mosungo o likumu amoaselia, “Likumu djaka liwoso ate monga mo mbai agwe.
\v 50 Yesu amoaselia, “Keke, mana owe adjei la mokalo.” Ongo moto agameiyali engbundu enge e moaselali Yesu, ahelia mboka koto.
\v 51 Edjaaki inde owongoyi, ango tuke djande adjaali ogbotoni la inde, wamoaselia ate, “Monga mo owe adjei la mokalo.”
\v 52 Awahuelia nda engele eumali inde olamu, wamoaseliaa: kolokolo, la engele e sambo nde misa mimodheeli.
\v 53 Wawa ayewia ate edjaali ndji enge engele nde Yesu aasali la inda ate, “Monga mo owe adjei la mokalo.” Agemeiyali, inde la liemba lande.
\p
\v 54 Yesu akelia mbala e wale ekamwiseli mbuse e owongoyi wonde la Galilea.
\c 5
\cl ESUKI 5
\p
\v 1 Mbuse eho, edjaali la yenga e Wayuda, Yesu koto akeeli la Yelusalelema.
\v 2 Kaikoase la Yelusalema, ahue e moluhe mo wameeme, edjaali la likaka liesi enge ewalani la ebele ate Betesada, enge edjaali la wipumbeli itano.
\v 3 Sese e wipumbeli, wato wa wikoni ngbii walangalali, wango wagui maiso, wango wakotengwaka, wango wagwi makolo. Wadjaakali olambeli ondungbiakani e malia.
\v 4 Laate ahumbwa adjaaki oyadjimbi la engele, moto o poo ongo okoyadjimba la malia, mbuse e ondungbakani eho, adjaakali okali, inga edjaa te nda ekoni.
\v 5 Moto moesi adjaakali ongo, ongo oumwali la ekoni ende, wilanga toku isato la mwambi.
\v 6 Ango Yesu amoenia ongo moto alangali, nda eyewali inde ate aetesiga wiengele ngbii la ekoni, Yesu aasali la inde ate, “Obali mokalo?”
\v 7 Moto o ekoni awongosia, “Likumu, iti la moto ongo okolumba mbai la likaka inga malia mandungbakana, ase engele ekodjaaka mbai, odji moto ayadjimbiga liwoso la mbai.”
\v 8 Yesu aasali la inde ate, “Amala, tota litoko la owe, koto somba.”
\v 9 Mbala kikima ongo moto akalali, atotia litoko lande, apotali osombi.
\v 10 Ndjongo Wayuda wadjaakali oasi la moto ongo okalali la ekoni ate, “Edjei sabata, etekisani okpali litoko.
\v 11 Awawongeselali ate, “Moto ongo kalesi mbai aasi la mbai ate, 'Tota litoko la owe koto somba.”'
\v 12 Wamohuelali ate, “Ndai moto ongo oaseli ate, 'Tota eho koto somba?”
\v 13 Moto ongo okali la ekoni atiewali inga edjei ndai, laate Yesu alongwali ango, la loyi e ngbii e wato wango wadjaali la ebete eho.
\p
\v 14 Mbuse e sambo djaho, Yesu omogbotali ndondo e tepelo, amoaselia ate, “Dhenda, okaliga, otikele kine lisumu aleeti, laate loyi teeti e mbe etiowume.”
\v 15 Moto oho akeeli, awaaselali Wayuda ate, edjei Yesu nde moto omokalesi.
\v 16 La loyi luho, Wayuda wapotali omoenesi Yesu odjidji, laate adjaaki okeli sambo djaho wuse wo sabata.
\v 17 Yesu awawongoselali ate, “Wawa o mbai akokelaka tee sikandjo, mbai koto ikokelaka.”
\v 18 La wungo loyi nde Wayuda walukali ate wamole, laate adjaakali ndji obuki sabata, ase adjaali o moweli Mwengei sango, la ndenge eho ayaengesali la Mwengei.
\p
\v 19 Yesu awawongoselia ate, “La omeemene, la omeemene ikoasaka la ino, mana aengiti okeli loyi te loikima la ndenge ende amene, ase ndji enge wawa akokelaka. Djinge kpaa wawa akokelaka, mana koto akokela ndji ndenge kikima.
\v 20 Laate wawa amobali mana, akomoinyaka djinge kpaa inde amene akokelaka, akomoinya koto tomo sungu sungu oeti ehele, laate okamweni.
\v 21 Laate, ndji ndenge wawa akobasesaka wagui, akohekeleke koto mokalo, mana koto akohaaka mokalo la moto ongo omobali inde.
\v 22 Wawa atimosambasaka moto, ase ahekeli esambeseli kpaa atie monga monde.
\v 23 Laate wato kpaa wamogane mana, nda ekomoganaka iwo wawa. Ongo otimoganaka mana, atimoganaka koto wawa ongo omotomali inde.
\v 24 La omeemene, la omeemene, iyoaselini, ongo okooka engbudnu e mbai, amogemeiya koto ongo otomi mbai, adjei la mokalo mo libela. Atisambesana, ase alongoyi la logo aumia la mokalo.
\p
\v 25 La omeemene, la omeemene, ikoaselaka ino, engele egelesi, eumiga koto, ongo wagui wakooka moli mo mana o Mwengei, wango wamookali wakokala.
\v 26 Laate ndji ndenge wawa adjei la mokalo ndondo e inde amene, ndenge kikima koto amohekeli mana onde mboka e odjei la mokalo ndondo e inde amene,
\v 27 amohekeli koto okumu esambesake, laate adjei monga moto.
\v 28 Otikamweni la loyi loho, la ebili ate engele egeleli, enge wango kpaa wadjei la mbila wakooka moli monde
\v 29 wakopumba: Wango wakelali olamu, wakobasa la kole e mokalo, ase wango wakelali obee iwo wakobasa laate wasambesane.
\v 30 Mbai iengiti okeli loyi te likikima la mamungo ma mbai amene, ndji ndenge ekookaka mbai, ndenge koto ekosambesaka mbai, osambesi koto ekosambesaka mbai edjei meemene, laate itilukaka mwano mo mbai amene, ase mwano e moto ongo otomi mbai.
\p
\v 31 Inga mbai amene ekohekeleke litotoli la mbai amene, litotoli la mbai eti e meemene.
\v 32 Moto odji nde akohekeleke litotoli la loyi lo mbai, iewi koto ate litotoli linge likohekeleke inde la loyi e mbai lidjei meemene.
\v 33 Otomalini wato atie Yoani, inde ahekeleli litotoli la loyi e omeemene.
\v 34 Ase mbai itibalaka litotoli linge lilongoyi atie moto, ase ikoasaka djii sambo laate ino okaleni.
\v 35 Yoani adjaali lotambe mungo mokololaka koto mokongalaka, obalalini oemeli la ngbai eho engele keke.
\v 36 Mbai idjei la litotoli linge lieti litotoli la Yoani, laate tomo djinge Wawa o mbai ahaali mbai ikele, tomo djinge ikokelaka mbai, ekohaaka litotoli la kole e mbai ate Wawa atomali mbai.
\v 37 Wawa atomi mbai, inde amene ahekeli litiotoli la kole e mbai. Otiokakiyoni moli monde te mbala kikima, oenekiyoni koto mbanda ende.
\v 38 Engbundu ende eyabatiti ndondo e ino, la ebili ate otigemeiyakani moto ongo omotomi inde.
\v 39 Okoluka lukakani ndondo e madhingo, laate okomungwakani ate la mboka e eho, okototani mokalo mo libela, eho koto nde ekohaaka litotoli la kole e mbai,
\v 40 inga te ndjongo obalitini odji atie mbai laate ototeni mokalo.
\p
\v 41 Mbai itigemeiyaka otwa wungo wolongoyi la wato,
\v 42 ase iewi ate ino atini la libalano e Mwengei ndondo e ino amene.
\v 43 Mbai idji la kombo e Wawa o mbai, ase otiambakani mbai, inga moto odji adjaaki la kombo e ende amene, nda omoyambini.
\v 44 Nda denge ekoengani ino ogemei, ango okoyambakani otwa wungu okohekelenekeni ino la ino, otilukakani koto otwa wungo wolongoyi atie Mwengei?
\p
\v 45 Otimungweni ate ikookambani atie Wawa. Moto ongo okookambani edjei Moize, ongo omobatelini ino motema.
\v 46 Inga ino omogemeiyalini Moize, oengalini ogemei mbai, la ebili ate inde adhingali sambo djinge idhengi mbai.
\v 47 Inga otigemeiyakani madhingo mande, okogemeiyani wingbundu wa mbai nda ndenge?
\c 6
\cl ESUKI 6
\p
\v 1 Mbuse e djinge sambo, Yesu akeeli ngambo eeti e ligbutu e Galilea, inga ligbutu la Tibelia.
\v 2 Wato ngbii wa mobilia; laate weeneli wikamwiseli wenge wekelali inde likolo e wato wa wikoni.
\v 3 Yesu atelia likolo la mokoli, ayabatia iwo la watutiani wande.
\v 4 (Kaikoase, pasika, yenga e Wayuda eumali ahue.)
\v 5 Ango edjambia Yesu maiso likolo, aenia wato ngbii wadjia atie inde. Aasia la Pilipo, “Eni ekosomba iso makoke laate wa wato walake?”
\v 6 (Aasali ndjongo la owameki, laate inde amene ayewali enge eengali inde okeli.)
\v 7 Pilipo amowongoselia ate, “Makoke e wambele kama iwale matienga laate moto mwesi atote te ma esuki.”
\v 8 Mwesi e watutiani wande, Andele, manango o Simoni Petele, aasia la Yesu,
\v 9 “Edjei la elenge mwesi opele adjei la makoke matano, la suu iwale, ase djinge ikokela woni la wa wato ngbii?”
\v 10 Yesu asia, “Wabatesani wango wato.” Edjaali la isoki ngbii la ebete eho. Wayabatia mine, wadjaaali motango inga koto itano e pele.
\v 11 Yesu atotia makoke amohia Mwengei pambo, akawolia la watutiani, wahekelia la wango wadjaaki ango, awahekelia koto suu ndenge ebalali iwo.
\v 12 Ango egbetali iwo, aasia la watutiani, “Ononi wisuki kpaa winge witikali laate teeti etiwunge.”
\v 13 Waonia kpaa, watumesia midjangi liomo la iwale e wisuki winge witikalali mbuse e olaki.
\p
\v 14 Ango eeneli wango wato winge wilembo wikamuake djinge ikeleli Yesu, waasali ate, “Oholo moto adjei meemene motiesakoli ongo odji la moki.
\v 15 Ango eyewali Yesu ate wapotali omodjambi laate wamobate likumu, alongoiya alidji la mokili inde amene.
\p
\v 16 Ango eumia pokwa, watutiani wande wayadjimbia la ligbutu.
\v 17 Watelia waato la okpandi ligbutu ate wake la Kapelanauma. La enge engele likolo liliali, Yesu atidjaaliyo atie ewu.
\v 18 Ehoho esungu, ehohia la oteteli, ligbutu lindungbakanali.
\v 19 Ango elukali iwo inga wakilometele itano inga motoba, wamoenia Yesu akosombaka likolo e malia adjaaki oyandongbi la waato, iwo wawangia.
\v 20 Ase Yesu awaaselia, “Edjei mbai, otiwangeni.”
\v 21 Walukaka ate wamotelese la waato, etiumuali kine wato eumali ebete edjaaki iwo oki.
\p
\v 22 Ekundu eho, ngbii e wango watikalali ngambo eeti e ligbutu waenia ate edjaakali ango sa waato eesi, koto Yesu atitelali ndondo mongindji la watutiani wande, ase ate akeeli inde amene.
\v 23 Maato mango malongwali Tibeliasi eumali ahue e ebete elakali iwo makoke mbuse e Likumu oongosi pambo.
\v 24 Wato waenia ate te Yesu te watutiani wande watidjaali ango, watelali maato wakia la Kapelanauma okamoluki Yesu.
\p
\v 25 Wakamogbotia ngambo eeti e ligbutu, wamoaselia, “Rabbi, nda engele eumi owe ala?”
\v 26 Yesu aasia la iwo, “La omeemene, la omeemene, iyasi la ino, otilukakani mbai laate oenelini wilembo, ase laate olakalini okoke, koto ogbetalini.
\v 27 Kelani otomo, etidjee la kole e wilaka winge wikobitanaka, ase la wilaka winge wikoumuaka la kole e mokalo mo libela, enge manga moto akohekeleni ino, laate inde nde Wawa Mwengei abati elembo ate amogemei inde.”
\p
\v 28 Wamoaselali ate, “Tokele woni la oengesi tomo dja Mwengei?”
\v 29 Yesu aasia la iwo ate, “Otomo wo Mwengei edjei nde omogemei ongo omotomali inde.”
\v 30 Wamoaselia ate, “Nda wilembo wikwamuake wikokelaka owe, laate toene eho koto toogemeiye? Nda otomo okokelaka owo?
\v 31 Watata wasu walakali mana la esobe, ndenge edhingana, 'Ahali iwo okoke wungo wolongoyi likolo laate walake.”'
\p
\v 32 Yesu awaaselia, “La omeemene, la omeeme, iyaasi la inde, etidjaali Moize nde aohalini okoke wungo wolongoyi likolo, ase edjei wawa o mbai nde ahekelini okoke wo meemene enge elongoyi likolo.
\v 33 Eho lenge, okoke wo Mwengei, edjei ongo oyadjimbi la likolo, akohaka mokalo la moki.
\p
\v 34 Waasia la inde alidji, “Likumu, tohekele iso enge okoke engele kpaa.”
\v 35 Yesu awaaselia, “Mbai nde idjei okoke o mokalo. Ongo okodja atie mbai atidjaa kine la gbutu, koto ongo okogemeiya mbai atioka kine ehoha.
\v 36 Ase, iyaasi la ino, oenini mbai, otigemeiyakani.
\v 37 Wango kpaa wahekeli wawa mbai wakodjaa atie mbai, itiwumba koto la ongo odjii atie mbai.
\v 38 Laate, iyadjimbali la likolo te la okeli mwano mo mbai, ase mwano mo ongo otomali mbai.
\v 39 Kaikoase, mwano mo ongo otomali mbai, edjei ate, itiwungese te mwesi e wango inde ahekeli mbai, ase iwabasese wuse wo gboo.
\v 40 Mwano mo wawa, edjei ate, moto kpaa ongo omoeni monga, amogemeiya koto, akondje mokalo mo libela, mbai ikomobasesa wuse wo gboo.”
\p
\v 41 Wayuda wandugwanali la loyi lande, laate aasali ate, “Idjei okoke wungo wolongoyi likolo.”
\v 42 Waasali ate, “Te indeYesu, monga Edjepu, ongo omoewi iso sango la nango? Nda ndenge eyasia inde ate, 'Ilongoyi likolo?”
\v 43 Yesu awaongoselia ate, “Otindungwaneni ino amene.”
\v 44 Moto tueti atienga odjii atie mbai inga atitomane la Wawa, mbai ikomobasesa wuse wo gboo.
\v 45 Edhingani la watiesakolo ate, “Iwo kpaa wakotiesakolana la Mwengei, moto kpaa ongo ooki sambo djinge ilongoyi atie Wawa, koto ayekolia, akodja atie mbai.
\v 46 Moto te moikima amoeniti Wawa, olongwesi ndji ongo odji atie Mwengei, inde, omoeni Wawa.
\v 47 La omeemene la omeemene, iyaasi la ino, ongo okogemeiya mbai, akondji mokalo mo libela.
\v 48 Idjei okoke e mokalo.
\v 49 Watata wanu walakali mana la esobe, waguali iwo kpaa.
\v 50 Ehele edjei okoke enge elongoyi likolo, laate ongo okolaka eho, atigwe koto.
\v 51 Idjei okoke e mokalo enge edjii likolo. Inga moto alaka enge okoke, akodja la mokalo libela. Okoke enge ekoha mbai, edjei wenge wa mbai, enge ekoha mbai la mokalo mo moki.”
\p
\v 52 Ongo likolo, Wayuda wadjaakali okokiani iwo amene, waasali ate, “Nda ndenge oholo moto aengi otohi iso wenge wande ate tolake?”
\v 53 Yesu aasia la iwo ate, “La omeemene, la omeemene, iyaasi la ino, inga otilakeni wenge e monga moto, koto inga otikengeni makila mande, otini la mokalo ndondo enu.
\v 54 Ongo okolaka wenge wa mbai koto okenga makila ma mbai adjei la mokalo mo libela, mbai ikomobasesa wuse wo gboo.
\v 55 Laate wenge wa mbai edjei nde ilaka, koto makila ma mbai edjei ema ekengake.
\v 56 Ongo okolaka wenge wa mbai, koto okenga makila ma mbai akoumwa la liboleyani mongindji la mbai, mbai koto la liboleyani mongindji la inde.
\v 57 Ndji ndenge wawa ongo odjei la mokalo atomi mbai, mbai koto idjei la mokalo la kole e Wawa, moto ongo okolakaka mbai, moto oho akodja la mokalo la kole e mbai.
\v 58 Ehele edjei okoke enge elongoyi likolo, eti nda mana mango watata wanu walakali, iwo kpaa waguali. Ase ongo okolaka ehele okoke akodjaa la mokalo libela.
\v 59 Yesu aasali sambo djaho ango edjaakali inde otiesakoli la sinagoga e Kapelanauma.
\p
\v 60 Mbuse e omooki, ngbii e watutiani wande waasali ate, “Lu loyi eteteli; ndai okooka eho?”
\v 61 Yesu aewali ate watutiani wande wakondunguana la lu loyi, Aasali la iwo ate, “Osakelini la loyi luho?
\v 62 Inga omoeneni monga moto atelia ongo edjaakali inde liwoso?
\v 63 Elimo nde ekokalesaka; wenge eti la kole teeti. Wingbundu winge wiasi mbai la ino edjei elimo koto edjei mokalo.
\v 64 Ase wadji ndondo enu watigemeiyaka.” Laate tee la lipotele Yesu aewali wa ndai wango watigemeiyaka, koto ndai ongo okomotamba.
\p
\v 65 Aseko ataleya alidji, “Eho lenge iyasali la ino ate: Moto tueti aengiti odji atie mbai inga Wawa atimohekele mboka.”
\p
\v 66 Ndji la enge engele, ngbii e watutiani wayagulia, wadheiya osombi la inde.
\v 67 Yesu aasia la walimu la waale, “Ino koto, obalitini okii?”
\v 68 Simoni Petele amowongoselali, “Likumu, iso tokee atie ndai? Owe nde odjei la wingbundu e mokalo mo libela,
\v 69 iso koto togemeiga, toewi koto ate owe odjei Mosatu e Mwengei.”
\v 70 Yesu awawongoselia, “Itionalini ino liomu la waale? Mwesi ndondo enu adjei djabulu.”
\v 71 Adjaakali oasi la Yuda monga Simoni Mokeliota, laate inde moto abalali omotambi Yesu, inga te ate adjaali mwesi o watutiani liomu la waale.
\c 7
\cl ESUKI 7
\p
\v 1 Mbuse e sambo djaho, Yesu adjaakali ndji osombi la Galilea, la ebili ate atibalali owumi la Yudea, laate Wayuda walukakali ate wamoole.
\v 2 Kaikoase, yenga e Wayuda, yenga e masambo, edjaali ahue.
\v 3 Wamanango wamoaselia ate, “Longwa ahala, keke la Yudea, laate watutiani wa owe waene koto tomo ngbii ikokelaka owe.
\v 4 Moto tueti atikelaka sambo la oyaisi inga akolukaka oewani la hoho. Nda ekokelaka owe dji sambo, yainya la moki.”
\v 5 Laate wamaanango watidjaakali omogei inde.
\v 6 Yesu aasia la iwo, engele e mbai eengakiyo, ase engele e ino edjei kpaa.
\v 7 Moki oengiti o otonini, ase ekotonaka mbai laate ikototoloko ate tomo djande idjei mbe.
\v 8 Ino telani la yenga; mbai itelakiyo la yenga eho, laate engele e mbai eengakiyo pendja.”
\v 9 Mbuse e owaaseli ndjongo ayadjimbia la Galilea.
\p
\v 10 Ango wamanango watelali la yenga, inde amene atelali mbuse, te la hoho ase la oyaisi.
\v 11 Wayuda wamolukia ongo la yenga la oasi koto ate, “Adjei eni?”
\v 12 Ndondo e ngbii e wato, wadjaakali osololi sese sese la loyi wonde. Wadji wadjaakali oasi ate, “Te ndjongo, akowungesaka wato ngbii mboka.”
\v 13 Moto tueti atidjaakali oasi la hoho loyi wonde, laate wadjaakali owangi Wayuda.
\p
\v 14 Ango eumia yenga awodja, Yesu atelia la tepelo apotali otiesakoli.
\v 15 Waayuda wakamwali, waasia, “Woni ekoewaka inde madhingo, inde moto otangiti?”
\v 16 Yesu aasia la iwo ate, “Mateya ma mbai malongoiti atie mbai, ase atie ongo otomi mbai.
\v 17 Inga moto akokelaka mwano mo Mwengei, akoewa inga mateya ma mbai malongoyi atie Mwengei, inga ikoasaka sambo djinge ikolongwaka atie mbai amene.
\v 18 Moto ongo okoasaka sambo djinge ilongoyi atie inde amene, akolukaka otwa wonde amene, ase moto ongo okolukaka otwa e moto ongo omotomi inde, moto oho akoasaka meemene, koto odjangi sambo ndamu eti ndondo ende.
\v 19 Moize atihekelalini ino pui? Ase moto tueti ndondo enu akotemeiyaka pui. Ndjoni okolukakani ondjoli mbai?
\p
\v 20 Ngbii e wango wato wawongosia ate, “Owe odjei djabulu. Wandai wakoolukaka ooli?”
\v 21 Yesu awaongoselia ate, “Ikeli sa loyi loikima, ino kpaa okamweiyani.
\v 22 Moize aohekelalini otenani kombeni, (etidjaali ate elongoyi atie Moize, ase elongwali la watata), ino okotenakani wato kombeni wuse wo sabata.
\v 23 Inga moto akotenanaka kombeni wuse wo sabata laate pui e Moize etibukiye, lande ino okwamalekani mbai la ebili ate imokalesi moto wuse wo sabata?
\v 24 Oisambesakeni la otutei enge ekoeneneke, ase sambesani la omeemene.”
\p
\v 25 Wadji ndondo e wango wakoyabataka la Yelusalema wapotali oasi ate, “Te oholo moto nde wakomolukaka o mooli?
\v 26 Dhenda, akoasaka liwoso la wato, watiasaka koto la inde te loyi. Ase makumu wamoewi ate adjei Kilisito?
\v 27 Iso tuewi ebete elongoyi oholo moto, kaikoase engele Kilisito akodja, moto tueti atiewa ebete elongoyi inde.”
\p
\v 28 Yesu atiesakolali la tepelo. Apamia, “Ino ondjewini mbai, oewini koto ongo odji mbai. Alidji, idjiti la ndenge e mbai amene, ase ongo otomi mbai adjei pendja, ino omoewitini.
\v 29 Mbai imoewi, laate idji atie inde, koto inde moto otomali mbai.”
\p
\v 30 Walukali omoheli, ase moto te mokikima ayimopotoli, la ebili ate engele e inde etiengali.
\v 31 Ngbii ndondo e wato waho wamogemeiyali, wapotali oasi koto ate, “Ango ekodja Kilisito, akokela wikamwiseli oyeti wi wikeli oholo moto?”
\v 32 Wapaliseo waokali ngbii e wango wato wakondunganaka la sambo djaho, koto wanganga-Mwengei makumu la Wapaliseo watomali sindjili laate wamohele.
\p
\v 33 Yesu aasia, “Idjeiyo la ino engele ekeke, ase ikoke atie ango otomali mbai.
\v 34 Okolukelekeni mbai; otindjene kineni mbai, ongo ekodjaa mbai, ino otiumani ongo.”
\v 35 Wayuda waayaaselia iwo amene, “Eni ekokee inde laate totimoene? Akokee atie wango wayandji aatie Wageleki, la otiesakoli koto Wageleki?
\v 36 Einyei nde wu loyi woasi inde ate, “Okolukani mbai, otidjeneni mbai, ongo ekodjaa mbai, otiumani ongo?”
\p
\v 37 Wuse wo gboo, wuse wosungu wo yenga, Yesu ayamalia, apamia, “Inga moto aoka ehoha e malia adje atie mbai, akokenga.
\v 38 Ongo okogemeiya mbai, wiwale e malia e mokalo mikohumba atie inde, nda easi midhingo.”
\v 39 Ase aasali ndjingo la loyi e elimo enge wango wamogemeiyali wakotota. Laate la enge engele, elimo etidjaakiyo, la ebili ate Yesu atitotaliyo otwa.
\p
\v 40 Mbuse e ooki djinge wingbundu, ngbii ndondo e wango wato ngbii waasali, “Oholo moto adjei motiesakoli.”
\v 41 Wadji waasali, “Adjei Kilisito. Wadji waasali, “Edjeiyo la Galilea nde ekodja Kilisito?
\v 42 Madhingo matiase ate, Kilisito akopumba la litoto e Davidi, koto la moki mo Betelema ongo edjaakali Davidi ayabati?”
\v 43 Okawani olingelali ndondo e wango wato ngbii la kole ende.
\v 44 Wadji ndondo ewu walukali nda omoheli, ase moto toeti atimopotoli.
\p
\v 45 Wasindjili waongwali atie wanganga-Mwengei makumu la Wapaliseo, wawaaselia, “Woni otimoheleni?”
\v 46 Wasindjili waongosia, “Moto toeti aasala nda oholo moto.”
\v 47 Wapalisao wawaongoselia, “Ino koto owungesanini mboka?
\v 48 Moesi e makumu inga e Wapaliseo amogemeiyi koto?
\v 49 Ase ngbii e wango wato watiewali pui, wadjaali wato wawabumakoli.”
\p
\v 50 Nikodeme (ongo odjaali la likolo atie Yesu, koto ongo odjaali mwesi ndondo ewu) aasali ate,
\v 51 pui djasu ikomohelaka moto liwosoyo emooke, inga koto etiewe enge ekeli nde?”
\v 52 Wamowongoselia ate, “Owe koto olongoyi la Galilea? Luka laate oene ate te motiesakoli moikima awongiti opumbi la Galilea.
\p
\v 53 Moto la moto awongoyia atie inde.
\c 8
\cl ESUKI 8
\p
\v 1 Yesu okeeli la mokoli mo Oliba.
\v 2 Ndji boo, awongoiya alidji la tepelo, wato kpaa wadjia atie ende; ayabatia apotia owatiesakoli.
\v 3 Wiloko la Wapalisao wadjaali la moli omogboti iwo akokelaka eteba. Wamoamalesia awodja e wato ngbii.
\v 4 Wamoaselia Yesu, “Moinyei, oholo moli tomoheli akokelaka eteba.
\v 5 Moize ndondo e pui, ahekeli iso mboka obingi mabukeli la ndenge e wa wali. Owe oasi woni?”
\v 6 Waasali djongo la omomeki, laate waluke ndenge e omokambi. Ase Yesu ayaimbia, apotali odhingi la moseyi la mbume.
\v 7 Ango edjaaki iwo ndji omohueli, Yesu ayamalia, awaaselia, “Moto ongo ndondo enu odjangi lisumu, amobinge moto o poo libukeli.
\v 8 Ayaimbia mbala edji, awongwanelia odhingi.
\v 9 Ango eokia iwo ndjongo, wapundanali la mamungwene mawu, wapotali opumbi mwesi mbuse e odji, opoti ongo odjei eloko tee la elenge o gbo; Yesu atikalali inde moikima la moli ongo odjaaki awodja.
\v 10 Ango eyamalia inde, amoenyia ndji inde, amoaselia, “Moli, eni wango waopundji? Moto te moikima atiohelese?
\v 11 Awongosia, “Moto te moikima, Likumu.” Yesu amoaselia, “Te mbai koto, itiohelesa koto, keke, otikele kine lisumu.”
\p
\v 12 Yesu awaaselia alidji ate, “Mbai idjei lotambe e moki; ongo okotutia mbai atisomba la molili, ase akodjaa la lotambe o mokalo.”
\v 13 Wapalisao waasia la inde, “Owe okoyatotoloko owe amene, litotoli la owe eti olamu.”
\v 14 Yesu awaongoselia ate, “Inga ikoasaka litotoli la mbai amene, litotoli la mbai lidjei lilamu. Laate iyewi enge songo edji mbai koto ongo ekokeeke mbai, ase ino, oewitini enge songo edji mbai koto ongo ekokeeke mbai.
\v 15 Ino okosambesakani la ndenge e wenge; mbai itimosambesa moto.
\v 16 Inga isambesa, osambesi o mbai edjei emeemene. Laate iti mbai moikema, ase Wawa ongo otomi mbai adjei la mbai.
\v 17 Edhingani la pui djanu ate litotoli e wato waale lidjei lilamu.
\v 18 Ikohaka litotoli la mbai amene, koto Wawa ongo otomali mbai akototolaka la kole e mbai.”
\p
\v 19 Waasia la inde, “Eni edjei Sangwa?” Yesu awongosia, “Ino oewitini te mbai, te Wawa o mbai; inga oewakini mbai, nda omoewini koto Wawa.
\v 20 Yesu aasali wingbundu waho la ebete eisake wihoo wa motio engele edjaaki inde otiesakoli la tepelo, ase moto te moikima atimohelali laate engele ende etiengali.
\p
\v 21 Aasali la iwo alidji, “Mbai ikokeke, ino okolukani mbai, okogbaani la masumu manu. Ongo ekokeke mbai, ino otiengani oumi.”
\v 22 Wayuda wapotali oasi ate, “Akoyaola inde amene? Laate aasi ate, “Otiengani odji ebete ekokeke mbai?”
\v 23 Yesu aasali la iwo alidji, “Ino odjeini wato wa mbume. Mbai, idjei moto o likolo. Ino odjeini wato wa mu moki; mbai, iti moto o mu moki.
\v 24 Eho lenge iyasali la ino ate, “Okogbaani la masumu manu. Laate inga otigemeiyakani ate MBAI IDJEI, Okogbaani la masumu manu.”
\p
\v 25 Wapotali oasi la inde ate, “Owe ndai?” Yesu awawongoselia, “Enge eyaselini mbai ino la lipotele.
\v 26 Idjei la sambo ngbii e aasake koto e sambesake la kole ino. Ase moto ongo otomi mbai, adjei olamu, enge eokali mbai atie inde, ikoasaka eho la moki.
\p
\v 27 Watihelali gbondo ate akoasaka la iwo la kole e Sango.
\v 28 Yesu aasia la iwo, “Ango ekomodjambani ino Monga Moto, okoewani ate mbai idjei inde, koto ate itikelaka loyi te kikima la mamungo ma mbai amene, ase ndji ndenge Wawa atiesakolali mbai, ndji ndenge ikoasaka dji sambo.
\v 29 Moto ongo otomi mbai adjei mongindji la mbai, atitike mbai moikima, laate ikokelaka ndji wungo wokomoemelesaka.
\v 30 Ndenge Yesu adjaaki oasi djongo wato ngbii wamogemeiyali.
\p
\v 31 Yesu aasali alidji la Wayuda wango wamogemeiyali ate, “Inga otikalani ndondo e engbundu e mbai, okodjaani watutiani wa mbai.”
\v 32 Okoewani womeemene koto womeemene ekohekeleni ino lipanda.
\v 33 Wamowongoselali, “Iso todjei wana wa Abalayama, toumakiyo te wuse tuke dja moto. Woni ekoasaka owe ate, “Okototani lipanda?”
\v 34 Yesu awawongoselali ate, “La womeemene, iyasi la ino ate: Moto kpaa ongo okokelaka lisumu, adjei motuke mo lisumu.
\v 35 Kaikoase motuke motiumwaka libela la monguta, mana nde akoumwaka libela.
\v 36 Inga mana aohiani lipanda, okoumani la lipanda.
\v 37 Iyewi ate odjeini wana wa Abalayama; ase okolukakani ondjoli mbai, laate engbundu e mbai wolingelitiaka atie enu.
\v 38 Ikoasaka enge ema eeni mbai atie Wawa, koto ino okelakani mango maoki ino atie sangbanu.”
\p
\v 39 Wamoaselia ate, “Sagbasu edjei Abalayama. Yesu aasali la iwo ate, “Inga odjeini wana wa Abalayama, nda okelini tomo dja Abalayama.
\v 40 Ase okolukakani ate odjoleni mbai, moto ongo iyasi la ino meemene wungo wooki mbai atie Mwengei. Abalayama atikelali djongo.
\v 41 Ino okelakani tomo dja sangbasu.” Waasali la inde ate, “Iso toti wana wa mese; todjei la sangbasu moikima: Mwengei.”
\v 42 Yesu aasali la iwo ate, “Inga Mwengei adjaaki sangbanu, nda obanili mbai, laate ekalongoyi atie Mwengei, koto eho edjei mbai ahala, mbai koto idjiti la ndenge e mbai amene, ase inde moto otomi mbai.
\v 43 Woni etiewakani ino easeli e mbai? Edjei laate oengitini ooki engbundu e mbai.
\v 44 Ino olongoyini atie sangbanu etotana, obalini koto oengesi posa e sangbanu. Inde adjaakali mooli-mo wato ango epotali inde, atiahelelali koto la omeemene, laate womeemene woti ndondo ende. Engele ekoasaka inde moleho, akoasaka la otutei mamungo mande amene, laate adjei moto o moleho koto sango moleho.
\v 45 Ase nda ekoasaka mbai ndji meemene, otigemeiyakani mbai.
\v 46 Ndai ndondo enu akogemeiyesa mbai ate idjei la lisumu? Inga ikoasaka meemene, ndjoni otigemeiyakani ino mbai?
\v 47 Moto ongo odjei o Mwengei, akookaka wingbundu wa Mwengei. Eho lenge ino otiokakani laate otini wa Mwengei.”
\p
\v 48 Wayuda wamowongweselali ate, “Totilonge ango easi iso ate odjei Mosamalia, koto ate odjei la djabulu?”
\v 49 Yesu awongwesali ate, “Iti la djabulu; ase ikomoganaka Wawa o mbai, ino okosambwesaka mbai.
\v 50 Mbai itilukaka otwa o mbai amene; edjei la moto mwesi ongo okolukaka koto akosambesaka.
\v 51 La omeemene, la omeemene, ikoasaka la ino ate, inga moto akotemeiyaka engbundu e mbai, atiene logo te wuse.”
\p
\v 52 Wayuda waasali la inde ate, “Sikandjo toewi ate odjei la djabulu. Abalayama agwi, watiesakoli koto wagwi, ase owe oasia, “Inga moto akotemeiyaka engbundu e mbai, atioka te lumba e logo.'
\v 53 Owe omoyeti sangbasu Abalayama ongo ogwi? La watiesakoli wagwi. Owe odjei ndai?”
\v 54 Yesu awongwesali ate, “Inga ikoyahaka otwa wo mbai amene, otwa wo mbai woti la kole. Wawa o mbai nde moto akohaka mbai otwa, inde ongo e aasi ino ate adjei Mwengei onu.
\v 55 Kaikoase, omoewitini, inga iyasaki ate itimoewe, iengaki odjei moto o moleho nda edjei ino. Ase imoewi, ikotemeiyaka koto engbundu ende.
\v 56 Abalayama, sagbanuu, atumali la mwemu ango emungwali inde oeni wuse wo mbai, aeneli atumali la mwemu.”
\p
\v 57 Wayuda waasali la inde ate, “Owe oengesakiyo wilanga tuku itano, ndjongo omoene Abalayama?”
\v 58 Yesu aasali la iwo ate, “La omemene, la omeemene iyasi la ino ate, “Liwoso ate Abalayama adjee, MBAI IDJAALI.”
\v 59 Waonoli mabukeli laate wamobinge, Yesu ayaisali, apumbali la tepelo.
\c 9
\cl ESUKI 9
\p
\v 1 Ango edjaakali Yesu oeti, amoenia moto mwesi ogui maiso, tee owotani wonde.
\v 2 Watutiani wande wamohuelali ate, “Rabbi, ndai okelali lisumu, oholo moto, inga wawoti wande, laate awotane la maiso magwi?”
\v 3 Yesu owongosia ate, “Oholo moto akeliti lisumu, te koto wawoti wande, ase laate tomo dja Mwengei ienene la hoho atie inde.
\v 4 Ewongi ate ikele tomo djande djinge itomali inde mbai ndjiyo wuse wodjei. Likolo ligeleli, moto toeti atienga kine okeli otomo.
\v 5 Nda edjeiyo mbai la moki, idjei ngbai e moki.”
\p
\v 6 Mbuse e oasi ndjongo, asua soi la mbume, anuya mbume la soi djaho, mbuse atotia djinge mbume amunolia mokpodho muho la maiso ma moto oho.
\v 7 Aasali la inde ate, “Keke oyakpole la elindo e Siloama” (enge ekukolani “Motomani”). Akeeli ayakpolali koto, awongwali ndji akoeneke.
\v 8 Wiino wande koto la wango wamoeneli liwoso akoongoko, waasali ate, Eti ongo moto odjaakali oyabati akoongoko?”
\v 9 Weeti waasali ate, “Edjei inde.” Wango weeti waasali ate, “Te inde, aengani nde la inde.” Moto oho aasali ate, “Edjei mbai.”
\v 10 Waasali la inde ate, “Nda ndenge maiso ma owe madhuhuani?”
\v 11 Awongosali ate, “Ongo moto omoweli iwo Yesu akelali mateke la mbume, amunolali mbai la maiso, aasali la mbai ate, “Kekee oyakpoli la siloama. Ndjongo ikeeli oyakpoli, ipotali oeni.
\v 12 Waasali la inde ate, “Eni moto oho?” Awongosali ate “Iyewiti.”
\p
\v 13 Wakpalelali Wapalisao moto ongo odjaakali liwoso mogui maiso.
\v 14 Kaikonde, wuse wungo Yesu akelali mateke e mbume, amodhuholali maiso, edjaakali wuse wo sabata.
\v 15 Wapalisao wamohuelali la mbala ewu, nda ndenge eeneli inde. Awaaselali ate, “Amunolali mateke la maiso ma mbai, iyakpolali, koto ikoeneke.”
\v 16 Weeti Wapalisao wapotali oasi ate, “Oholo moto alongoyiti atie Mwengei, laate atitemeiyaka sabata. Weeti waasali ate, “Nda ndenge oholo moto adjei moto o masumu aengi okeli wilembo e ehele ndenge?” Okawani elingelali ndondo ewu.
\v 17 Wamoaselali moto ongo oguali maiso ate, “Nda edhuholi inde owe maiso, oasi woni la loyi lande? Moto oho aasali ate, “Adjei motiesakoli.”
\p
\v 18 Wayuda watigemeiyali ate atiguali maiso koto aumali oeni, tee wawelali wawoti e moto oho ongo oumali oeni.
\v 19 Wawahuelali ate, “Oholo mana onu ongo easi ino ate awotani maiso magui? Nda ndenge ekoeneke inde sikalandjo?”
\v 20 Wawoti wande waongosali ate, “Toewi ate adjei mana osu koto awotanali maiso magui.”
\v 21 Ase nda ndenge ekoeneke inde sika, nde toewiti, inga te ndai omodhuholi maiso, toewiti koto, mohuelani inde amene, adjei eloko moto. Aengi oasi inde amene.”
\v 22 Wawoti wande waasali ndjongo la owangi Wayuda, laate wayuda waokanali ate inga moto aasa la hoho ate amoewi Yesu ate adjei Kilisito, waumbe la moto oho la sinagoga.
\v 23 Eho lenge wawoti wande waasali ate, “Adjei eloko moto. Mohuelani inde amene.”
\p
\v 24 Wapalisao wawelali mbala ewale moto ongo ogwali maiso liwoso, waasali la inde ate, “Mohekele Mwengei otwa. Iso toewi ate moto oho adjei la masumu.”
\v 25 Awongosali ate, “Inga adjei la masumu, mbai iyewiti. Loyi liesi linge liewi mbai edjei, “Idjaakali moto ogwi maiso, ase sikandjo, ikoeneke.”
\v 26 Waasali la inde ate, “Aokelali woni? Nda ndenge aodhuholali owe maiso?”
\v 27 Awawongoselali ate, “Iyoaseligani, ase otiokeni! Ndjoni ebalini ino ooki eho alidji? Ino koto okolukakani nde oumi watutiani wande?”
\v 28 Wamotangali iliko, waasali ate, “Owe nde odjei motutiani monde, iso todjei watotiani wa Moize.
\v 29 Iso toewi ate Mwengei aasali la Moize, ase ohongo moto, toewiti ebete elongoyi inde.”
\v 30 Moto oho awawongoselali ate, “Ehele edjei loyi likamwesake, ate ino oewitini eni elongoyi inde, kaikoase adhuholi mbai maiso.
\v 31 Toewi ate Mwengei atiokaka wato wamasumu, ase inga moto akomowangaka Mwengei koto akokelaka mwano monde, Mwengei akomookaka moto oho.
\v 32 Tee la gala etiokanate te wuse ate moto mwesi adhuholi maiso la moto ongo owotani maiso magwi.
\v 33 Inga ongo moto atidjake atie Mwengei nda atienge okelani ndjongo.
\v 34 Wamowongeselali ate, “Owe owotami kpaa ndondo e masumu, ase okototiesakolaka?” Waumbali la inde.
\p
\v 35 Yesu aokia ate waumbali la inde la sinagoga. Ango agbotonoli la inde, amoaselia, “Omogemei monga Mwengei?”
\v 36 Awongosali, “Edjei ndai, Likumu, laate imogemeiye?
\v 37 Yesu amoaselia, “Omoeni, ongo okoaselaka, edjei inde.”
\v 38 Aasia, “Igemei, Likumu.” Amaiyali mauli liwoso lande.
\p
\v 39 Yesu amoaselia, “Idji la moki la osambesi, laate wango weeniti, waene, koto wango wakoeneke waume wato wagwi maiso.
\v 40 Weeti Wapalisao wango wadjaali la inde, ango eokali iwo ndjongo, wamoaselali, “Iso koto todjei wagwi maiso?”
\v 41 Yesu awawongoselia, “Inga ino odjaakini wato wango wagui maiso, nda otidjeeni la lisumu, ase sikandjo okoasakani ate, 'Tokoeneke,' lisumu lanu lidjeiyo.”
\c 10
\cl ESUKI 10
\p
\v 1 “La omeemene, la omeemne ikoasaka la ino, moto ongo otilingela la lopango e wameme la modhuhe muho, ase alingelia la ebete eeti, moto oho adjei iwa, koto mooli.
\v 2 Ase moto ongo olingeli la modhuhe, adjei mobanyei mo meme.
\v 3 Sindjili e modhuhe akomodhuhuela. Wameme wakookaka moli monde, akowelaka wameme wande la kombo, akoyakpala saa.
\v 4 Ango epumbesia inde wango wande kpaa, akoeta liwoso ewu, wameme koto wakomotutia, laate waewi moli monde.
\v 5 Watimotutia modjidji, ase wako motila lihele, laate waewiti moli mo wadjidji.”
\p
\v 6 Yesu awaselia li lisekpe, ase watiewali inga sambo djinge ekoasaka inde la iwo einyei woni.
\v 7 Yesu awaaselali alidji, “La omeemene, la omeemene, iyoaselini, idjei modhuhe mo wameme.
\v 8 Wango kpaa wadjaali liwoso la mbai wadjei waiwa koto waoli, ase wameme watiwaokali.
\v 9 Mbai idjei modhuhe. Inga moto alingela ya mbai akokala, akolingela koto akopumba; akogboto ebete e isoki elakake.
\v 10 Wato wa iwa wakodjaaka ndji oiwi, oteni kingo koto obitesi. Mbai idji laate wameme wadje la mokalo mo libela, koto watote eho ngbii.
\p
\v 11 Mbai idjei mobanyei e wameme molamu. Mobanyei o wameme molamu akohekeleke mokalo monde la kole e wameme wande.
\v 12 Moto ongo omototi iwo la otomo, ongo oti mobanyei mo wameme koto ongo wameme waho wati wande, ango ekoene inde mbwa e motulu egeleli, akowadhee wameme koto akotila, mbwa e motulu ekohela wameme koto ekowandjakola.
\v 13 Moto ongo omototi iwo la otomo akotila laate akokelaka la kole e wadjenge koto atiyasumbwa la wameme.
\v 14 Mbai, idjei mobanyei molamu e wameme, iyewi meme dja mbai, meme dja mbai koto iyewi mbai.
\v 15 Ndji ndenge Wawa andjewi mbai koto ndenge e moyewi mbai Wawa. Ihekeli mokalo mo mbai la kole e meme dja mbai.
\v 16 Idjeiyo la djeeti meme winge wiumakiyo la wu lopango, ewongi koto odji la iwo; wakooka moli mo mbai, ekouma lisai liikima, ekodjaa koto la mobanyei mo wameme moikima.
\v 17 Wawa abali mbai, laate ihekeli mokalo mo mbai, laate itote eho alidji.
\v 18 Moto toeti apuesiti mbai eho, ase ihekeli eho mbai amene. Idjei la okumu e ohekeli eho, idjei koto la okumu e ototi eho alidji. Itoti ehele tomani atie Wawa.”
\p
\v 19 Okawani elingelali alidji ndondo e Wayuda la kole e wingbundu waho.
\v 20 Ngbii ndondo ewu waasali ate, “Adjei la djabulu, akoni koto boli. Lande ekomookakani ino?”
\v 21 Weeti wadjaakali oasi ate, “Enge eti wingbundu e moto ongo odjei la djabulu. Djabulu koto aengi odhuholi maiso e wato wango wagwa maiso?”
\p
\v 22 La engele eho yenga e odhuholi edjaakali okelani la Yelusalema. Edjaakali engele e pio,
\v 23 Yesu adjaaki osombi ndondo e tepelo la modhuhe mo Salomo.
\v 24 Wayuda wamolengali, wapotali koto omoaseli ate, “Tee nda engele okodhee milimo masu la oyahueli hueli? Inga odjei Kilisito toasela la hoho.”
\v 25 Yesu awawongoselali, “Iyowaselalini, ase otigemeiyakani. Tomo djinge ikokelaka mbai la kombo e Wawa o mbai eho nde ekohekeleke litotoli la kole e mbai.
\v 26 Ase otigemeiyakani, la ebili ate otini wameme wa mbai.
\v 27 Wameme wa mbai wakookaka moli mo mbai, iwaewi koto, wakotutiaka koto mbai.
\v 28 Ikoahekeleke mokalo mo libela, watigua alidji, moto te moikima atiwapuesa la mawo ma mbai.
\v 29 Wawa o mbai, nde ahekeli mbai iwo, edjei esungu oyeti wihoo weeti kpaa, moto toeti akopuesa eho la mawo ma Wawa.
\v 30 Mbai la Wawa todjei moto moikima.”
\p
\v 31 Wayuda waonoli mbala edji mabukeli la omobingi.
\v 32 Yesu awaaselali, “Iyoinyalini tomo ngbii wilamu djinge ilongoyi atie Wawa. La tomo djaho, la loyi e nda otomo ekobingakani ino mbai mabukeli?”
\v 33 Wayuda wamowongoselali ate, “Totiobingaka mabukeli la otomo eesi ndamu, ase la iliko, laate owe, te ndenge edjei owe moto, oyawumesi Mwengei.”
\v 34 Yesu awaaselali ate, “Etidhingane la pui djanu ate, 'Iyaasali, “Ino odjeini wamwengei”'?
\v 35 Inga awelali wamwengei wango engbundu e Mwengei eyasanali, kaikoase engbundu e Mwengei eengiti olimani,
\v 36 okoasakani la mbai enge Wawa asatesi, atomi koto la moki ate, “Okotangaka, laate iyasi ate, 'Idjei Monga Mwengei?
\v 37 Inga itikelaka tomo dja Wawa o mbai, otigemeiyeni mbai.
\v 38 Ase inga ikokelaka eho, inga te otigemeiyakani mbai, gemeiyani te tomo djaho, laate oeweni koto odjaakeni ndji oewi ate Wawa adjei ndondo e mbai, mbai koto idjei ndondo e Wawa.”
\p
\v 39 Walukali alidji omohele, ase atilali la mawo mau.
\p
\v 40 Akeeli alidji ngambo eeti e Yolodani ebete enge Yoani adjaakali opatesi la lipotele, ayabatali ongo.
\v 41 Wato ngbii wadjaali atie inde, wapotali koto oasi ate, “Meemene, Yoani atikelali te elembo eesi, ase sambo kpaa djinge Yoani aasali la kolo e oholo moto idjaakali meemene.”
\v 42 Wato ngbii wamogemeiyali ongo.
\c 11
\cl ESUKI 11
\p
\v 1 Moto moesi adjaali la ekoni, Lazalo, moto o Betania, moki mo Malia la manango o moli Malata.
\v 2 Edjaali Malia ongo omomunolali Likumu malasi la makolo, amohuholali koto la sue djande, edjaali manango Lazalo nde odjaali la ekoni.
\v 3 Wamanango wa wali wamotomelali Yesu mwendji, waasali ate, “Likumu, denga, moto ongo okomobalaka owe adjei la ekoni.”
\v 4 Ango e okali Yesu ndjongo, aasali ate, “Kole e enge ekoni eti ate agwe, ase edjei nde la kole e otwa e Mwengei, laate Mana o Mwengei atote otwa la mboka eho.”
\v 5 Kaikoase, Yesu adjaakali omobali Malata la manango o moli, koto la Lazalo.
\v 6 Ango e okali inde ate Lazalo adjei la ekoni, aetesia masio maale la enge ebete edjaaki inde.
\p
\v 7 Mbuse eho aasali la watutiani wande ate, “Towongwe alidji la Yudea.”
\v 8 Watutiani wamoaselali ate, “Rabbi, ndji sikandjo Wayuda walukali o obingi mabukeli, owongwe alidji ongo?”
\v 9 Yesu awongosali ate, “Wuse woti e engele e liomu la iwale? Inga moto asomba la wuse atisakela, la ebili ate akoene ngbai e moki.
\v 10 Ase inga moto asomba la likolo akosakela laate ngbai eti la inde.”
\p
\v 11 Mbuse e winge wingbundu, awaaselia ate, “Mangbasu Lazalo alangali, ase ikomosusola.”
\v 12 Watutiani wamoaselia, “Likumu, inga alangali akokala.”
\v 13 Kaikoase, Yesu aaselali logo lande. Ase wamungolali ate akoaselaka ohomi e ilo.
\v 14 Aseko Yesu aasia la iwo la hoho ate, “Lazalo agwi.
\v 15 Mbai ikoemeleke la kole enu la ndenge etidjaakali mbai ongo, laate ino ogemeiyeni. Tokeni ongo atie inde.”
\v 16 Toma, ongo wadjaakali omoweli Liasa, aasali la wiino wande watutiani ate, “Iso koto toke, laate togwe mongindji la Yesu.”
\p
\v 17 Ango eumia Yesu, akpotoli ndji Lazalo akeliga masio manei la mbila.
\v 18 Betania edjaaki ahue e Yelusalema, wakilometele inga isato.
\v 19 Wayuda ngbii wadjaali owabondesi Malata la Malia ndenge egbali mangbau.
\v 20 Ango ookia Malata ate Yesu aumali, akia ogbotoni la inde, ase Malia ayabatali la monguta.
\v 21 Malata aasali la Yesu ate, “Likumu, inga odjaaki ahala nda manima atigbali.
\v 22 Ase sikandjo, iyewi ate djinge kpaa ekomoongo owe Mwengei, akoohekele owe.”
\v 23 Yesu aasali la inde ate, “Mangwa akobasa.”
\v 24 Malata amowongoselali ate, “Iyewi, akobasa la libasi wuse wo gboo.
\v 25 Yesu aasli la inde ate, “Mbai idjei libasi koto mokalo; moto ongo okogemeiyaka, inga te agwa, akowongwa la mokalo;
\v 26 moto kpaa ongo odjei la mokalo koto akogemeiyaka mbai atigba te wuse. Ogemei eho?”
\v 27 Malata aasali la inde ate, “Ndjongo, Likumu, igemei ate odjei Kilisito, Monga Mwengei, ongo ogeleli la moki.”
\p
\v 28 Mbuse ende oasi ndjongo, okeeli amoweli manango Malia. Aasia la inde la ondungwani ate, “Motiesakoli adjei ahala koto akowelaka.”
\v 29 Ango e okia Malia ndjongo, ayamalali obangu, akia atie inde.
\v 30 Yesu atilingelali yo la gbata, adjaaki yo ndji la ebete enge Malata amogbotoli.
\v 31 Wayuda wango wadjaakali mongindji la inde la monguta, wango wadjaakali omobondesi, ango eenia iwo Malia ayamalia obangu akia, wamotutiali, wamungolali ate akokeke la mbila la okaleli.
\p
\v 32 Ango eumia Malia la ebete enge edjaakali Yesu, amoenali, akpali la makolo mande, aasali la inde ate, “Likumu, inga odjaaki ahala, nda manima atigwali.”
\v 33 Ango Yesu amoenia akolelaka koto Wayuda wango wadjaakali la inde mongindji wakolelaka, Yusu aokali magba koto mamungwene mamosombali;
\v 34 aasali la inde ate, “Eni emolangeyini ino?” Waasali la inde ate, “Likumu djaka oene.
\v 35 Yesu alelia.
\v 36 Wayuda wapotali oasi ate, “Denga ndenge edjaakali inde omobali Lazalo!”
\v 37 Weeti ndondo ewu waasali, “Inde moto odhuholali maiso ma moto ongo ogwi maiso, atiengali nde okeli ate oholo moto atigbe?”
\p
\v 38 Yesu atungesanali ndondo e inde amene, akeeli ongo la mbila. Edjaali mwange koto libukeli lisungu linge lidhihali iwo la modhuhe.
\v 39 Yesu aasia, “Longoseni linge libukeli. Malata manango o Lazalo aasia la inde ate, “Likumu, alumbiga, laate ekeliga masio manei nde adjei ango.
\v 40 Yesu amoaselia, “Mbai itioasele ate, inga ogemeiya, okoene otwa wo Mwengei?”
\p
\v 41 Walongosia libukeli e ebete enge emolangeyali mogwi. Yesu adjambia maiso likolo, aasia, “Wawa, iyohekeli pambo la enge eoki owe mbai.
\v 42 Ase atie mbai, iyewi ate okondjokaka mbai wiengele kpaa, ase iyasi la kole e wa wato ngbii walingi mbai, laate wagemeiye ate owe nde otomali mbai.”
\v 43 Mbuse e inde oasi ndjongo, apamia la moli motetelake, “Lazalo, pumba!”
\v 44 Moto ongo ogwali apumbali, makolo la mawo malingani la wisindje, mbanda ende enangani la esindje. Yesu aasali la iwo ate, “Motokolani, koto modheeni ake.”
\p
\v 45 Wayuda ngbii wango wadjaali omodhengi Malia, ango eenia iwo sambo djinge ikelali Yesu, iwo kpaa wamogemeiyali.
\v 46 Ase wadji ndondo ewu wakeeli atie Wapalisao, wawasumbelali sambo djinge ikelali Yesu.
\v 47 Wanganga-Mwengei makumu la Wapalisao walingesali likita lisungu, wapotali oasi ate, “Tokele woni? Oholo moto akokelaka wilembo ngbii.
\v 48 Inga tomodhee sa ndjongo, iwo kpaa wakomogemeiya, Waloma wakodjaa otopuesi ehele ebete esu koto ehele moki mosu.”
\p
\v 49 Mwesi owu, Kaipa, ongo odjaki nganga-Mwengei mosungu la enge elanga, aasali la iwo, “Ino otiewakani ema teeti.
\v 50 Otimungakani ate edjei la mbano enu ate moto moikikima agbe, la ebete ate moki mosungu moolane la loyi e moto moikima.”
\v 51 Atiasali la ndenge ende amene. Ase nda edjaakali inde nganga-Mwengei mosungu la enge elanga, adjaakali otiesakoli ate, Yesu awongoli ogwi la kole e moki;
\v 52 te sa la kole e moki muho, ase koto laate awanese wana wa Mwengei wango wayandji wiati la wiati liwoke liikima.
\v 53 Opoti wungu wuse, wakelali likita laate wamoole.
\p
\v 54 Eho lenge Yesu atidjaakali osombi alidji la hoho ndondo e Wayuda, ase alongwali ango, akeeli la moki mwesi enge ehuani la esobe, la gbata enge ewelani Epalaima. Ayabatali ongo mongidji la watutiani wande.
\p
\v 55 Yenga e pasika e Wayuda eumali ahue, wato ngbii walongwali la moki muho la oteli la Yelusalema liwoso la pasika la oyalangesi.
\v 56 Wadjaakali oluki omooli Yesu, wadjaakali oaselani iwo la iwo la tepelo, “Omungoyini woni? Atidja la yenga?
\v 57 Kaikoase wanganga-Mwengei makumu la Wapalisao wawatomali wato ate, inga moto mwesi ayewi ebete edjei Yesu, eongi awaewese laate wamohele.
\c 12
\cl ESUKI 12
\p
\v 1 Masio motoba liwoso la pasika, Yesu aumali la Betania, ongo ebete edjaali Lazalo ongo omobasesali inde ndondo e wato wagbake.
\v 2 Ongo wamowongeselali ilaka, Malata adjaaki okeli tomo, Lazalo adjaki mwesi la wango wadjaali la mesa mongindji la inde.
\v 3 Malia atotali molangi mo maita ma lumba e palanga sungu, amomunolali Yesu la makolo alidji ahuholia maita la swe dja moto monde. Monguta motumali la lumba e malasi.
\p
\v 4 Mwesi o watutiani, Yuda Mokeliota, monga Simoni, inde moto okomotama inde, aasia,
\v 5 “Lande etitambane ma maita e lumba la palanga kama isato laate towahekele wato wa magba?
\v 6 Asaali ndjongo te la loyi e wato wa magba, ase laate inde adjei moto o iwa, koto nda ehelali inde libenga la palanga, adjaakali ototi ndjinge edjaakali iwo oisi ongo.
\v 7 Yesu aasia, “Modheeni abanyali ehele maita ma lumba la lisio liombanake la mbai.
\v 8 Ino adjeini la wato magba masi kpaa. Ase otidjaa kine la mbai.”
\p
\v 9 Ngbii e Wayuda waewali ate Yesu adjaali ongo, iwo wadjaali, te sa la loyi e Yesu, ase laate wamoene koto Lazalo, ongo omobasesali inde tee ongo la wato wagbake.
\v 10 Wanganga-Mwengei makumu walingali likita laate wamole koto Lazalo.
\v 11 Laate la loyi lande, Wayuda ngbii wadjaakali oki ongo koto wadjaakali omogemei Yesu.
\p
\v 12 Ekundu eho ngbii e wato wango wadjaali la yenga e pasika, ango eokali iwo ate Yesu adjaakali odji la Yelusalema,
\v 13 watotia mangalala ma mbila wakia liwoso lande, la opami, “Hozana! Pambo la ongo okodja la kombo e Likumu, Likumu o Isalayele.”
\v 14 Yesu abgotia mana o punda ayabatia likolo lande; ndji ndenge edhinganali ate,
\v 15 “Otiwange mana o moli o Siona; denga, Likumu la owa ageleli, denga Likulu la owe ayabati likolo la mana o punda.”
\p
\v 16 Watutiani wande watiewaliaka kole e sambo djaho liwoso; ase ango e totia Yesu otwa ase wadjaali oewi ate sambo djaho edhinganali la kole ende koto wamokelelali sambo djaho.
\p
\v 17 Wango wadjaali la Yesu engele emowelali inde la kunda koto amobasesali tee ongo la wato wagbake wadjaakali ndji ohekeli litotoli.
\v 18 Eho lenge, ngbii e wato, nda eokali iwo ate akelali enge elembo, wadjaali koto wagbotonoli la inde.
\v 19 Wapalisao wayasania iwo la iwo, “Dengani, otilongakani; moki mokotutiaka inde.”
\p
\v 20 Wageleki wadji wadjaakali ndondo e wato wango watelali la oyakongi la yenga eho.
\v 21 Wakia atie Pilipo moto o Betania e galileya, wapotali o moongi, waasia, “likumu tobali omoeni Yesu.”
\v 22 Pilipo adjaali omoaseli Andele; Andele la Pilopo wadjaali omoewesi Yesu.
\v 23 Yesu awawongoselia ate, “Engele egeleli laate mana o moto atote otwa.
\v 24 La omeemene, la omeemene, iyasi la ino, inga pukapuka e ndongo etikuwe la mbume, koto etigwe, ekotikala sa pukapuka eesi, ase inga egwa, engele eho nde ekowota pukapuka ngbii.
\v 25 Ongo okobalaka mokalo monde akowungesaka eho, ase ongo kotonaka mokalo monde la mu moki akobanya akobanya eho la kole e mokalo mo libela.
\v 26 Inga moto abala okeleli mbai, atutiye mbai, ongo ekodjaa mbai, ongo koto ekodjaa motuke mo mbai. Inga moto akelela mbai Wawa koto akomogana.
\p
\v 27 Sikandjo molimo mo mbai modjwika minga, koto ikoasa woni? Wawa kalesa mbai iyete ehele engele? Ase inga te djongo edjei la loyi luho nde iwumi la ehele engele.
\v 28 Wawa kpalesa kombo e owe otwa. Ndjongo moli mwesi molongwali la likolo atw, “Ihekeliga eho otwa koto ikohekele eho otwa alidji.”
\v 29 Wato wango wadjaali ango wango waokali waasali ate “Edjei nde ngombe weeti waasia ate; ahumbwa nde okokpomaka la inde.”
\v 30 Yesu awongosali ate, “Mu moli motipumbe la loyi e mbai, ase la loyi lanu.
\v 31 Sikandjo osambesi e moki ekokelanaka: Sikala likumu e mu moki akolumbana sa.
\v 32 Ase mbai ikolongosene ala sese ikotota moto kpaaa okodja atie mbai.”
\v 33 Adjaakali oasi ndjongo, la ohinyei nda logo enge ekogba inde.
\p
\v 34 Ngbii e wato wamowongweselali ate, “Tookali la pui ate kilisito akoumwa libela; ase nda ndenge easi owe ate ewongi mana o moto adjambane?
\v 35 Yesu aasali la iwa ate, “Ngbai ekodja mongindji la ino la ma engele keke alidji. Sombani engele enge edjeiyo ino la ngbai, laate molili motiolongeni. Moto ongo okosombaka la molili atiewaka eni ekokeeke inde.
\v 36 Ango edjeini ino la ngbai eneseni ogemei ndondo e ngbai eho, laate oumeni wana wa ngbaii.” Yesu aasali djinge sambo, mbuse eho akia oyaisi lihele la iwo.
\v 37 Inga te ate akeleli wilembo ngbii liwoso lawu, watimogemeiyali
\v 38 laate engbundue Isaya motiesakoli eengane, “Likumu, ndai ogemei mateya maoki iso, ndjongo ewo e Likumu eeneni atie ndai?”
\v 39 Kole enge watiengali ogemei edjaali ehele, laate Isaya aasali alidji ate,
\v 40 “Aoli maiso mawu, atetisi mitema mawu, laate watiene la maiso mahu watitene kole la mitema mawu, watigemeiye, laate itiwakalese
\v 41 Isaya aasali dji sambo ango eeneli inde otwa wonde, akpomali koto la loyi lande.
\p
\v 42 Te makumu ngbii wamogemeiyali, ase laate Wapalisao, watidjaakali omogemei la hoho laate watiumbe la iwo la wasinagoga.
\v 43 Laate wabalali otwa dja wato oeti enge e Mwengei.
\p
\v 44 Yesu apamali aasali ate, “Moto ongo ogemei mbai agemeiti sa mbai ase amogemei koto ongo otomi mbai,
\v 45 moto ongo okoene mbai, akomoeneke koto ongo otomi mbai.
\v 46 Idji nda ngbai la moki, laate moto kpaa ongo okogemeiya mbai, atiabate la molili.
\p
\v 47 Inga moto akookaka lengbundu e mbai, koto atibanyaka eho, mbai itimosambesa, laate itidje omosambesi moto, ase okalesi moki.
\v 48 Moto ongo okodhendja mbai, ongo otiyambaka engbundu e mbai adjei la ongo okomosambesa. Engbundu enge easi mbai nde ekomosambesa lisio la gboo.
\v 49 Laate itiase la ndenge e mbai amene, ase Wawa moto otomi mbai, inde nde andjaseli mbai inde amene engbundu ewongi iyasele koto enge ekoasaka mbai.
\v 50 Yewi ate pui ende edjei mokalo mo libela. Eho lenge, sambo djinge ekoasaka mbai, ndji ndenge Wawa andjaselali mbai eho, ikoasaka eho ndji ndjongo.”
\c 13
\cl ESUKI 13
\p
\v 1 Liwoso la yenga e pasika, Yesu aewali ate engele ende eumi laate alongwe la mu moiki la oki ongo odjei Sango, Yesu nda ebalali inde wato wande wango wadjaaki la moki, awabalali tee la gboo.
\v 2 Ango edjaakali iwo olaki ilaka wa pokwa, djabulu alingelali la motema mo Yuda Mokeliota monga Simoni, amohia mamungwene matambake Yesu.
\v 3 Nda eyewali Yesu ate Wawa akoha witondo kpaa la mawo mande koto ate alongwali atie Mwengei, koto akokeeke atie Mwengei-
\v 4 ayamalali la wilaka wa pokwa, alangeyali wisindje wande e likolo, atotia esume ayanangali la eho.
\v 5 Alidji aswiya malia la sani, apotali okpoli makolo ma watutiani, ahuholali eho la esume enge eyanangali inde.
\p
\v 6 Aumia atie Simoni Petele, petele aasia la inde, “Likumu, okpolia mbai makolo?”
\v 7 Yesu amoowongoselia ate, “Wungo okeli mbai, otiewa sikandjo, ase okwewa mbuse.”
\v 8 Petele amwaseli ate, “Otikpolo mbai makolo te wuse.” Yesu amowongoselia, “Inga itiokpole otitota likao mongindji la mbai.”
\v 9 Simoni Petele awongosia ate, “Likumu te sa makolo, ase mawo la moto.”
\v 10 Yesu aasali la inde ate, “Moto ongo okpoli wenge akodjaaka la posa wamokpole sa makolo; ase inde alangi wenge kpaa. Ino alangini, ase te ino kpaa”
\v 11 (Laate Yesu aewali moto ongo okomotamba; eho lange aasali ate, “Te ino kpaa nde olangini.”)
\p
\v 12 Ango esiselia inde owakpoli makolo koto okpali wisindje wande e likolo koto oyabati alidji la mesa, aasali la iwo ate, “Oewini loyi wungo wokeli mbai ino?”
\v 13 Ino okombelakani mbai ate, moinyei, koto Likumu, oasini olamu laate idjei ndjongo.
\v 14 Inga iyokpoloni makolo, mbai Likumu koto moinyei, ingo koto owongini okpoloni makolo ino la ino.
\v 15 Laate iyohekelini ekpangeli, laate, ndenge ekelini ino mbai, ino koto kelani ndji ndjongo.
\v 16 La omeemene, la omeemene, iyasi la ino ate, motuke amoetiti likumu lande, koto moto ongo otomani amoetiti moto ongo omotomi.
\v 17 Inga wewani dji sambo, mwemu la ino inga okokelelakani eho.
\v 18 Iyasiti la ino kpaa, iyewi wato wango iwaoni. Ase edjei laate madhingo maengane, “Moto ongo okolakaka okoke ebete eikima la mbai ayamaleli mbai.”
\p
\v 19 Opoti sikandjo, ikoewesaka la ino liwoso ate eho ekelane, laate ango ekokelana eho oeweni ate IDJEI.
\v 20 La omeemene iyasi la ino ate, “Ongo omoyambi moto ongo omotomi mbai, ayambi koto mbai, koto moto ongo oyambi mbai, ayambi koto ongo otomi mbai.”
\p
\v 21 Mbuse e oasi djinge sambo, Yesu atungesanali la molimo monde, ahali litotoli koto aasali ate, “La omeemene, la omeemene, iyasi la ino ate: Mwesi la ino akotamba mbai.”
\v 22 Watutiani wadenganali iwo la iwo, watidjaakali oewi inga ndai akomoaselaka.
\v 23 Likolo la mokpoto mo Yesu, mwesi e watutiani wande ayabatali, ongo Yesu adjaaki omobalali ngbii.
\v 24 Simoni petelo amokelelali elembo la moto, aasali la inde ate, “Yewesa inga akoaselaka eho ndai.”
\v 25 Motutiani oho owongosali wenge mbuse e mokpoto mo Yesu, aasali la inde ate, “Likumu, edjei ndai?”
\v 26 Yesu awawongoselali ate, “Edjei moto ongo okomoha mbai esuki e okoke enge elindeyi mbai la sani. Djongo mbuse e olindeyi esuki eho e okoke, atotali, ahali koto eho la Yudasi.
\v 27 Mbuse e ototi esuki eho e okoke, etota amolingelali. Ndjongo Yesu amoaselali ate, “Enge ekokelaka owe, kela eho galagala.”
\v 28 Kaikoase, te mwesi e wango wayabatali la pesa ayewali kole enge inde aasali la iwo.
\v 29 Weeti wadjaaki omungoyi ate, nda Yudasi adjaaki oheli libenga e mbela, Yesu adjaaki omoewesi ate, “Somba wihoo winge todjei la eho posa la yenga, te ahe wato waotundake ma ndambo.
\v 30 Mbuse e ototi esuki e okoke eho, apumbali mbala kikima. Edjaakali likolo.
\p
\v 31 Ango epumbia Yudasi, Yesu aasali ate, “Sikandjo Monga moto atotia otwa, koto Mwengei atotia otwa la kole ende.
\v 32 Inga Mwengei inde amene akomoha otwa, akomoha otwa la mbala kikima.
\p
\v 33 Wana wa mbai, idjei la ino engele keke alidji. Okolukani mbai, koto ndji ndenge iyasali la Wayuda ate, “Ebete ekoke mbai, ino otiengani oumi, iyasi la ino ndji ndenge eho sikandjo.
\v 34 Ikohekelekeni ino pui eholi, balanani ino l ino; ndenge ebali mbai ino, ino koto balanani ino la ino.
\v 35 La ndenge eho wato kpaa wakoyewa ate odjeini watutiani wa mbai, inga obalanani ino la ino.”
\p
\v 36 Simoni petelo aasali la inde, “Likumu, enii ekoke owe?” Yesu amowongoselali ate, “Ongo ekokeke mbai, otienga otutei mbai sikalandjo, ase okotuteya mbai mbuse.”
\v 37 Petele aasali la inde, “Likumu lande itienga o otutei owe sikalandjo? Ikohekele molimo mo mbai la loyi e owe.”
\v 38 Yesu amowongoselia ate, “Lande ekohekele owe molimo mo owe? La omeemene ikoasaka la owe ate, “Koko etibekwa, inga otiwungane mbai mbala isato.”
\c 14
\cl ESUKI 14
\p
\v 1 Mitema maniu mitiabande. Mogemeiyani Mwengei; gemeiyani koto mbai.
\v 2 La monguta mo Wawa ibete widjei ngbii, inga etidje ndjongo nda iyasi la ino ikokeke owongeli wibete.
\v 3 Inga ekoke mbai okawongeli ino wibete, ikowongua aladji ikototani ino, la ebili ate ebete enge edjei mbai ino koto odjeeni ango.
\v 4 Woyewini songo ekoke mbai, koto woyewini mboka.
\p
\v 5 Toma aasia la Yesu, “Likumu, toewiti songo ekoke owe tokoewa mboka nda ndenge?
\v 6 Yesu aasia la inde, “Mbai idjei mboka, meemene koto mokalo. Moto atieta atie Wawa inga atiete la mbai.
\v 7 Woewini mbai, omoewini koto Wawa. Opoti sikandjo omoeweni omogemeini koto.”
\p
\v 8 Pilipo aasia la Yesu, “Likumu, toinyia iso Wawa ekoenga la iso.”
\v 9 Yesu aasia la inde, “Masio ngbii idjei la ino mongindji, woasini ata ondjewitini mbai, Pilipo? Moto ongo ondjeni mbai amoeni Wawa. Nda ndenge okoasaka ate, “Toinya iso Wawa?
\v 10 Otigemeiyaka ate mbai idjei ndondo e Wawa koto Wawa ndondo e mbayi? Sambo djinge ekoaselakani mbai inoi, iyasiti mbai amene; ase Wawa ongo odjei ndondo e mbai, inde moto okokelaka sambo ndjande.
\v 11 Gemeiyani mbai ate, idjei ndondo e Wawa koto Wawa ndondo e mbai; gemeiyani te la kole e sambo djaho.
\v 12 La omeemene, la omeemene iyasi la ino, ongo okogemeiya mbai akokela sambo djinge ikeli mbai koto akokela sambo sungu oyeti djidji, laate ikokeke atie Wawa.
\v 13 Kpaa ndjinge e koongoni ino la kombo e mbai ikokela eho, laate Wawa atote otwa atie mana.
\v 14 Inga oongoni ema la kombo e mbai, ikokela eho.
\p
\v 15 Inga obalani mbai, banyani pui dja mbai,
\v 16 mbai, ikomoongo Wawa, akohekeleni ino mogamesi adjee mongindji la ino libala.
\v 17 Elimo emeemene wato wa moki watimoyamba, laate watimoene koto watimoewa. Ase ino okomoewani laate akoabata la ino koto akodja la ino.
\v 18 Itiotika ino wana wa magba, ikowongua aladji atie ino.
\v 19 Etikali ma keke moki motindjene kineni mbai, ase ino okondjeneni mbai. Laate mbai idjei la mokalo, ino koto okodjaani la mokalo.
\v 20 Linge lisio okoewani ate mbai idjei ndondo e Wawa, ino ndondo e mbai koto mbai ndondo enu.
\v 21 Ongo oiki pui e mbai koto akotemeiyaka eho, moto oho nde akobalaka mbai, Wawa koto akomobala, mbai koto ikomobala, ikoyainyia la inde.”
\p
\v 22 Yudasi (dheke mokeliota) aasia la Yesu, “Likumu, nda loyi epumbi laate oyainye la hoho atie iso ase te atie moki?”
\v 23 Yesu amowongoselia, “Inga moto abala mbai, akobanya engbundu e mbai. Wawa akomobala tokodja atie inde, koto tokokela ebete eyabatake atie inde.
\v 24 Moto ongo otibalaka mbai, atitemeiyaka wingbundu wa mbai. Engbundu enge ekookaka ino eti e mbai, ase e Wawa ongo otomi mbai.
\v 25 Ikoasaka la ino dji sambo laate idjei la ino ebete ekikima.
\v 26 Mogamesi oho, elimo satu ongo okomotoma Wawa la kombo e mbai akoasela ino sambo kpaa, koto akowongolela ino sambo kpaa djinge iyoaselelalini.
\v 27 Iwotikelini logoo e mbai. Iwohekelini ino eho te ndenge moki motihaka eho. Mitema manu mitiabande koto mitigenakole la mbangi.
\p
\v 28 Ookalini ndenge iyasali la ino ate, “Ikia koto ikowongwa atie ino. Inga obalalini mbai, wokodjaani la mwemu laate ikia atie Wawa. Laate aeti mbai.
\v 29 Sikandjo iyasi la ino dji sambo liwoso ate eume, laate ango ekouma djaho ogemeiyeni.
\v 30 Itiasa kine ndjo la ino, laate memene moki ageleli. Ati koto la okumu likolo la mbai,
\v 31 ase moki moewe ate mbai ikomobalaka Wawa, ndji ndenge Wawa atomi mbai, ikokelaka ndji ndjongo. Yamalani, tolongweni ahala.”
\c 15
\cl ESUKI 15
\p
\v 1 Idjei mote mo bino, Wawa adjei meemene elanga.
\v 2 Etei enge etiwota bukabuka, Wawa akogbonda; koto etei enge okowota pukapuka, wawa akoewongele, laate e wote pukapuka olamu.
\v 3 Ino olangigani la engbundu enge eyaselini ino mbai.
\v 4 Abatani ya mbai, koto mbai ikoyabata ya ino. Nda etei etienga owoti pukapuka, inga etiahelele la mote, djongo ino koto otiengani owoti pukapuka, inga otiboleyaneni la mbai.
\p
\v 5 Mbai idjei mote, ino odjeini etei. Ongo okoyabata ya mbai, mbai koto ikoyabata ya inde, akowota pukapuka ngbii, laate inga odheeni mbai, otiengani okeli ema teeti.
\v 6 Inga moto atiyabate ya mbai, akolumbama saa nda etei enge eomake, wakoetota koto wakoelumba la misa, ekolongola.
\v 7 Inga oyabatini ya mbai, koto inga wingbundu wa mbai woyabati ndondo enu, ongoni ema kpaa ebalini ino, ekokelana ndjongo atie ino.
\v 8 Wawa o mbai akototaka otwa la wu loyi, djaakani ndji owoti pukapuka ngbii koto oyinyei ate odjeini watutiani wa mbai.
\p
\v 9 Ndji ndenge Wawa abali mbai, mbai koto iyobalini ino. Yabatani la libalano la mbai.
\v 10 Inga obanyani pui dja mbai, okotikalani ndondo e libalano la mbai, ndenge mbai koto itemei pui dja Wawa koto itikali ndondo e libalano lande.
\v 11 Iyasi la ino djinge sambo, laate mwemu mo mbai modjei ndondo e ino, koto mwemu monu motume meke.
\v 12 Pui e mbai eho lele, balanani ndenge mbai oyobalini ino.
\v 13 Eti la libalano lisungu oeti enge e ehekeleke mokalo mo owe la kole e wiino wa owe.
\v 14 Ino odjeini wiino wa mbai inga okelani sambo ekoaselakani mbai ino.
\v 15 Itiowelani tuke laate motuke atiewaka enge ekokelaka likumu lande. Ase iyowelini ino wiino, laate sambo djinge eoki mbai atie Wawa o mbai, iyoaselini ino djaho.
\v 16 Ino oonitini mbai, ase mbai nde ionini ino, koto iyobatini ino la wotomo laate okeeni, odjake kotoni owoti pukapuka laate pukapuka djanu edjaake. Laate kpaa djinge ekomoongoni ino Wawa la kombo e mbai akohani ino.
\v 17 Enge etomini mbai ino, edjei obalaneni ino la ino.
\p
\v 18 Inga moki mootonani, oewini ate motonali mbai liwoso ate etoneni ino.
\v 19 Inga odjeini wato wa moki, nda moki mobalini ino, laate odjeini wango wande. Ase nda eti ino wato wa moki, ase ionini ino la moki, eho lenge moki mootonini ino.
\v 20 Mungolakani engbundu enge iyoaselelalino ate, Motuke amoetiti likumu lande; inga waenesali mbai odjidji, wakoenese koto ino odjidji, inga watemeiyali engbundu e mbai, wakotemeiya koto enge enu.
\v 21 Wakokelani sambo djaho kpaa la kombo e mbai, laate wamoewiti ongo otomi mbai.
\v 22 Inga itidjaake oasi la iwo, nda wati la lisumu; ase sikandjo wati la loyi eyalongesake la kole e lisumu lawu.
\v 23 Moto ongo okotonaka mbai, amotoni koto Wawa.
\v 24 Inga itikelali ndondo ewu tomo djinge moto toeti akelaki yo, nda watidjee la lisumu, ase sikandjo waeni koto watonia mbai la Wawa.
\v 25 Ase edjei laate engbundu enge edhingana la pui djau eengesane ate, 'Watonali mbai sa pamba.'
\p
\v 26 Ango ekodja mogamesi, ongo okomotoma mbai ongo atie Wawa, elimo e meemene, enge elongoyi atie Wawa, inde akohekele litotoli la kole e mbai.
\v 27 Ino koto la ngala enu, ewongi ohekeleni litotoli laate odjaalini mongindji la mbai tee epotali mbai.
\c 16
\cl ESUKI 16
\p
\v 1 Iyoaselini dji sambo laate etidjee ebete enu esakelake.
\v 2 Wakoumba la ino la wasinagoga. Ase engele egeleli ango moto kpaa ongo akoolani ino akomungwa ate amokeleli Mwengei otomo wosatu.
\v 3 Wakokela ndjongo laate wamoewiti Wawa koto mbai.
\v 4 Iyasali la ino dji sambo, laate ango engele eho ekodja omungoleni ate iyasate la ino. Itiasali la ino sambo djaho liwoso laate idjaali la ino mongindji.
\p
\v 5 Ase sikandjo ikokeke atie ongo otomali mbai, inga te ndjongo moto toetio ndondo enu atihuele mbai, 'Enin ekokeke owe?
\v 6 Ase laate iyasi la ino dji sambo, magba matumi la mitema manu.
\v 7 Ase ikoasaka la ino la omeemene ate, “edjei la loyi e kole enu nde ekokeke mbai, laate inga etikee, mogamesi atidjaa atie enu te wokeke, ase inga ikee, ikootomelani inde.
\v 8 Ango ekodja inde, akoha moki elembo egemeisake la kole e lisumu koto la kole e sambo ndamu koto la kole e lisambesi-
\v 9 la wungo wodhengi lisumu, laate watigemeiyaka mbai;
\v 10 mbuse la kole e sambo ndamu, laate ikokeke atie Wawa koto otieneni mbai alidji;
\v 11 koto la gboo, la kole e osambesi, laate likumu e mu moki asambesani.
\p
\v 12 Idjeiyo la sambo la oaselini ino, ase otiewani sikandjo.
\v 13 Ase ango ekodja inde, elimo eho e meemene, akoinyani ino ndondo e omeemene kpaa, laate atiasa la ndenge ende amene, ase sambo djinge ioki inde nde akoasa, akotiesakola koto atie ino sambo djinge igeleli.
\v 14 Inde akoha mbai otwa laate akotota djinge idjei e mbai, akootiesakolani ino eho.
\v 15 Wihoo kpaa winge widjei Wawa la eho, widjeei dja mbai. Eho lenge iyasali ate akototaka ndondo e ema enge edjei e mbai, akotiesakolaka eho atie ino.
\p
\v 16 Etikali engele keke otieneni kine mbai, etikali koto engele keke okoeneni koto mbai alidji.”
\v 17 Watutiani wande wadji wahuelanali iwo la iwo ate, “Einyei woni dji sambo ekoasaka inde la iso ate, 'Etikali engele keke otieneni kine mbai, etikali engele keke okoeneni mbai alidji, koto, laate ikokeke atie Wawa?”
\v 18 Waasali ate, loyi linge liasi inde ate, etikali engelele keke einyei woni? Toewiti nde ekoasaka inde.”
\p
\v 19 Yesu aewali ate wakobalaka omohueli poopo, aasali la iwo ate, “Okolukakani oewi la ndondo enu lu loyi, laate iyasi ate, “Etikali engele keke otieneni mbai alidji, koto etikali engele keeke alidji okoeneni mbai?
\v 20 La omeemen, la omeemene, iyasi la ino ate, “Okolelani, okopamani la ilelo, ase magba manu makoyakukola mwemu.
\v 21 Moli, ango ekowotaka inde, akodjaaka la magba, la ebili ate engele ende eengi; ase ango awotia mana onde, atisumbwaka kine wodjidji woho alidji la mwemu enge ate moto awotani la moki.
\v 22 Ino koto, la omeemene okookakani sikandjo magba, ase ikoeneni ino alidji, koto mitema manu mikoemele, koto moto atilongosa mwemu monu.
\v 23 La lisio laho otihuelani mbai te poopo eesi. La omeemene iyasi la ino ate, inga omoongoni Wawa ema la kombo e mbai, akohekeleni ino eho.
\v 24 Tee sikala oongokiyoni ema te eesi la kombo e mbai. Ongoni, okototani, laate mwemu monu motume boto.
\p
\v 25 Iyasi la ino dji sambo la ekpangeli, ase engele egeleli itiasa kine la ino la ekpangeli, ase ikoasa la ino la hoho sambo idhengi Wawa.
\v 26 La lisio laho, okoongoni la kombo e mbai, iyasiti koto la ino ate ikoongo Wawa la kole enu,
\v 27 laate Wawa inde amene akobalaka ino ngbii, laate ino obalini mbai koto ogemeini ate ipumbali nda moenesi o Mwengei.
\v 28 Ilongwali atie Wawa idjia la moki, alidji ikodheke moki ikoongwaka atie Wawa”
\v 29 Watutiani wande waasali ate, “Ndenga, sikandjo okoasaka la hoho, otiasaka la masekpe.
\v 30 Toewi ate oewi sambo kpaa, koto kole eti ate moto aohuele poopo. Eho lenge, togemei ate olongwali atie Mwengei”
\v 31 Yesu awawongoselali ate, “Ogemeiyani sikandjo?
\v 32 Dhengani, engele egeleli, edjiga koto ango ekoyaandjani ino moto la moto la monguta monde, koto okodheeni saa mbai amene. Kaikoase iti saa mbai amene, laate Wawa adjei mongindji la mbai.
\v 33 Iyasi la ino dji sambo ndjo laate la mboka e mbai odjeeni la logoo. La moki odjeini la odjidji, ase djaani la mogalia, mbai ilongiga moki.”
\c 17
\cl ESUKI 17
\p
\v 1 Mbuse e oasi Yesu, andengia likolo, aasia, Wawa, engele eengia, moha mana owe otwa laate mana owe aohekele owe koto otwa-
\v 2 la ndenge omohekeli okumu likolo e moto kpaa o wenge, laate iwo kpaa wango owahi inde, awahekele mokalo mo libela.
\v 3 Kaikonde, mokalo mo likolo edjei waoyewe, owe, Mwengei moikima, alidji ongo omotomi owe, Yesu kilisito.
\v 4 Iohekeli otwa la mbume laate isilisi otomo wungo wohekeleli owe mbai ikele.
\v 5 Sikandjo owo Wawa, hekele mbai otwa ahue e owe amene, otwa wungo wodjaakali mbai la eho ahue e owe liwoso ate moki mokelane.
\p
\v 6 Iyewisi kombo e owo atie wato wango opekeli mbai iwo ahala la moki. Wadjaali wa owo koto opekeli mbai la iwo, koto wabanyei engbundu e owo.
\v 7 Sikandjo waewi ate sambo kpaa epekeli owe mbai elongoyi atie owe,
\v 8 laate wingbundu winge wihaali owe mbai, iwahekeli eho kpaa, wayambi eho koto waewi amene ate ipumbali nda moenesi mo owe, wagemei koto ate otomali mbai.
\v 9 La iwo nde ekoyakongoko mbai. Itiakongoko la kole e moki, ase wango ohekeli mbai, laate wadjei wa owe.
\v 10 Wihoo wa mbai kpaa widjei wa owe, koto wa owe widjei wa mbai, koto itoti otwa ndondo ewu.
\v 11 Mbai iti kine la moki, ase iwo wadjei la moki, koto mbai igeleli atie owe. Wawa mosatu, wabanya la kole e otwa e owe enge ehi owe mbai, laate wadje moikima ndenge iso koto todjei.
\v 12 Ango edjaali mbai la iwo la moki, iwabanyali la kombo owe, iwabanyei wango wapekeli owo, koto te mwesi owu atibitesane, longosa ndji mana mbumakolo laate madhingo maengesane.
\p
\v 13 Sikandjo igeleli atie owe, ikoasaka sambo djaho la moki laate iwo watume la mwemu mo mbai.
\v 14 Ihekeli iwo engbundu e owe, ase moki e watoni, laate wati wato wa moki, ndenge koto mbai iti moto o moki.
\v 15 Iongiti la owe ate owalongose la moki, ase laate owabanye la obe.
\v 16 Iwo wati wato wa mu moki, ndenge mbai koto iti la mu moki.
\v 17 Wasatisa iwo la omeemene. Engbundu e owe edjei meemene.
\v 18 Ndji nda etomi owo mbai la moki, mbai koto iwatomi la moki.
\v 19 Laate ikoyasatisaka la kole ewu, la ebili ate iwo koto wasatisane la omeemene.
\p
\v 20 Itiwakongelaka saa iwo, ase koto wango wakogemeiya mbai la mboka ewu
\v 21 laate iwo kpaa wadje la liboleyani, nda owe, Wawa, odjei la liboleyani mongindji la mbai, nda mbai koto idjei la liboleyani mongindji la owe. Laate iwo koto wadje la liboleyani mongindji la iso, laate moki mogemeiye ate otomali mbai.
\v 22 Iwahekeli iwo otwa wungo ohekeli mbai, laate iwo koto wadje moikima ndenge iso todjei moikima:
\v 23 Mbai la liboleyani mongindji la iwo, owe koto la liboleyani mongindji la mbai, laate wadje la liboleyani womeemene, la ebili ate moki moewe ate otomali mbai koto obali iwo ndenge koto obali mbai.
\p
\v 24 Wawa, ibali ate ebete enge ekodja mbai iwo koto wadje mine, laate waene otwa wo mbai wungo wohi owe mbai, laate obalali mbai liwoso la lipotele e moki.
\p
\v 25 Wawa o sambo ndamu, meemene moki moewiti owe, ase mbai iyoewi owe; koto iwo waewi ate otomali mbai.
\v 26 Iwaewisi kombo e owe, koto ikoewesa eho, laate libalano linge libalali owe mbai la eho edje ndondo ewu koto mbai la liboleyani mongindji la iwo.”
\c 18
\cl ESUKI 18
\p
\v 1 Ango esisali inde oasi sambo djaho, Yesu apumbali mongindji la watutiani wande wakpandali wakeeli ngambo edji e mokeli engele e pio e Kidelona, ebete edjaakali elanga eesi, inde la watutiani wande walingelali ongo.
\p
\v 2 Yudasi, ongo omotambali ayewali enge ebete, laate Yesu adjaakali mbala ngbii oboleyani la ebete eho mongindji la watutiani wande.
\v 3 Yudasi atotali ebiba e wasoda koto wapulusi e wanganga-Mwengei makumu koto la Wapalisao wadjaali ongo la wikekene, la matambe.
\v 4 Yesu, ayewali sambo kpaa djinge ikomoumela apumbali, aasia la iwo ate, “Okomolukakani ndai?”
\v 5 Wamowongoselali ate, “Yesu o Nazaleta.” Yesu aasia la iwo, “Mbai ndolo.” Yudasi, ongo omotambali ayamalali mongindji la iwo.
\v 6 Ango eyasali Yesu la iwo ate, “Mbai ndolo,” wawongali mbuse wakwiya la mbume.
\v 7 Awahuelia aleti ate, “Okomolukakani ndai? Wawongosia alidji, “Yesu o Nazaleta.”
\v 8 Yesu awongosali ate, “Iyasiga la ino ate Mbai ndolo. Inga edjei mbai nde okomolukakani ino, wadheini iwo wake.”
\v 9 Aasia ndjongo laate engbundu eengesane enge eyasali inde ate, “La wango wahi owe mbai, imoungisi te moikima.”
\p
\v 10 Simoni Petele, ongo oikali kpoka, atubali eho amobingia motuke o nganga-Mwengei mosungu, amokotia litoyi e lilome. Kombo e moto opele oho, Malakusi.
\v 11 Yesu aasia la petele ate, “Wongola Kpoka la mokpokobo. Kopo enge epekeli Wawa ate ikenge, iengiti okengi eho?”
\p
\v 12 Lisai e wasoda la makumu ma wasoda la wapulusi e Wayuda wamohelali Yesu, wamonangakolali koto.
\v 13 Wakiya la inde yo liwoso ebete e Anasi, laate inde adjali okio wo Kaipa, ongo odjali nganga-Mwengei mosungu la enge elanga.
\v 14 Kaipa nde moto ohali Wayuda mango mamungo ate edjei la kole ewu moto moesi agwe la kole e wato.
\p
\v 15 Simoni petele adjaakali omobileyi Yesu, inde la motutiani modji. Motutiani eho ayewanali la ngnga -Mwengei mosungu, alingelali koto mongindji la Yesu la lopango e nganga-Mwengei mosungu.
\v 16 Petele atikalali ongo saa la monoko mo lopango. Motutiani oho odji, ongo oyewanali la nganga-Mwengei, apumbali okasololi la sindjili e moluhe, amolingesali Petele ndondo.
\v 17 Motuke mo moli ongo odjaki obanyei moluhe, aasali la Petele ate, “Owe koto otidje mwesi o watutiani wa ongo moto?” Inde aasali ate, “Te mbai.”
\v 18 Tuke la wapulusi wayamalali ango, waloliali misa e magala, la ebili ate okundu edjaali, wadjaali ooti misa. Petele koto ayabatali mongindji la iwo akootoko misa.
\p
\v 19 Nganga-Mwengei mosungu amohuelali Yesu la enge edhengi watutiani wande la mainyei mande.
\v 20 Yesu amowongoselali ate, “Iyasali la hoho la moto kpaa, idjaakali otiesakoli masio kpaa la wasinagoga koto la watepelo, ongo Wayuda wadjaakali ogbotoni, itiasali loyi te loikima la oyaisi.”
\v 21 Lande ekopwelaka owe mbai? Wahuela wango wandjokali sambo djinge iyaasali la iwo. Dhenga iwo waewi sambo djinge iyasali.” Mbai.”
\v 22 Mbuse e oasi djinge sambo, mwesi o wapulusi ongo ayamalali ango amobambolali Yesu la mbanda, aasali koto la inde ate, “Ndenge ehele nde okomowongweselaka nganag-Mwengei mosungu?”
\v 23 Yesu aasali la inde ate, “Inga iyasi obe, ndjenesa obe wuho; ase inga iyasa olamu, ndjooni obingia mbai?”
\v 24 Anasi amotomali la miliki ongo atie Kaipa nganga-Mwengei mosungu.
\p
\v 25 Simoni petele adjali ango akootoko misa. Waasali la inde ate, “Owe koto otidje mwesi o watutiani wande? Awunganali aasali ate, “Te mbai.”
\v 26 Mwesi o watuke e nganga-Mwengei mosungu ongo odjaali moto e oliye e moto ongo Petele amokotoli litoyi, aasali ate, “Itieneli owe koto la elanga mongindji la inde?”
\v 27 Petele awunganali alidji; ase la mbala kikima koko ebekoyia.
\p
\v 28 Wamolongosali Yesu atie kaipa, wakeeli la inde la monguta mo likumu o gbata. Edjaakali boo, ase iwo amane watilingelali la monguta e likumu e gbata, laate watiyabitese djongo waenge olaki yenga e pasika.
\v 29 Pilato apumbali saa atie ewu, aasali ate, “Okomopundakani oholo moto la nda loyi?”
\v 30 Wamowongoselali ate, “Inga oholo moto atidjaakali mokeli e sambo mbe, nda totimokawe la mawo ma owe.”
\v 31 Pilato aasali la iwo ate, “Mototani ino amene omosambeseni la obileyi pui djanu.” Wayuda waasali la inde ate, “Totihekelane mboka e olake moto.”
\v 32 Kpaa djinge laate engbundu e Yesu eengesane enge easali inde la oineyi logo e nda ndenge eongoli la inde ogwi.
\p
\v 33 Pilato alingelali alidji la monguta mo likumu o gbata, amowelali Yesu aasali la inde ate, “Owe odjei likumu e Wayuda?”
\v 34 Yesu awongosali ate, “Owe amene nde oasi ndjongo, inga wato waeti nde woaseli owe eho la kole e mbai?
\v 35 Pilato amowongoselali ate, “Idjei Moyuda, mbai? Moki mo owe koto wanganga-Mwengei makumu waokawi owe la maho ma mbai. Okeli nde?”
\v 36 Yesu awongosali ate, “Okumu wo mbai woti e ehele moki. Inga wokumu wo mbai wodjaaki la ehele moki, nda tuke dja mbai wasani laate itikawane atie Wayuda. Ase nde wokumu wo mbai elongoyiti ahala.
\v 37 Pilato aasali la inde ate, “Owe odjei likumu? Yesu awongosali ate, “Owe amene oasi ate idjei likumu. Edjei la kole eho nde ewotani mbai, edjei koto la kole eho nde edji mbai la moki, laate ihekele litotoli la loyi e omeemene. Moto kpaa ongo adjei ngambo e omeemene, akookaka moli mo mbai.”
\v 38 Pilato aasia la inde, “Womeemene wodjei nde?” Mbuse e oasi ndjongo, apumbali alidji atie Wayuda aasali la iwo ate, “Imoeniti oholo moto la obe te kikima.
\v 39 Ase nda edjei wotata ndondo enu ate iyopumbeselakeni moto mwesi la pasika. La eho obali iyopumbeseleni likumu o Wayuda?
\v 40 Iwo wapamali alidji ate, “Te oholo moto, ase Balanabasi.” Kaikoase Balanabasi adjaakali moto o iwa.
\c 19
\cl ESUKI 19
\p
\v 1 Pilato amototali Yesu, amobingesia pimbo.
\v 2 Wasoda wamokelelali lingboka e keke, wamokpalesia la moto, wamokpalesali koto esindje e likolo etanake-boloo.
\v 3 Wapotali odji atie inde, la oasi ate, “Mobale, Likumu o Wayuda!” Wadjakali koto omobamboli inde la mbanda.
\p
\v 4 Pilato apumbali alidji saa, aasali la iwo ate, “Denga, imokpali atie enu ono saa laate oeweni ate imoeniti la obe te weesi.”
\v 5 Yesu apumbali saa, akpali lingboka e keke koto esindje e likolo etanake-boloo Pilato aasali la iwo ate, “Denga, Moto oho indolo!”
\p
\v 6 Ango wanganga-Mwengei la makumu la wapulusi wamoenali, wapamali ate, “Mwakiani la ekulusu, mwakiani la ekulusu!” Pilato aasali la iwo ate, “Mototani ino amene, mwakiani la ekulusu laate mbai imweniti la obe te kikima.”
\v 7 Wayuda wamowongoselali ate, “Todjei la pui eesi, la otutei pui eho, eengi la inde ate agbe laate ayaumesi monga Mwengei.”
\p
\v 8 Ango eokia pilato wungo loyi, awangali nee.
\v 9 Alingelia la ebete esambesake, aasia la Yesu, “Owe odjei moto o nda ati?” Ase Yesu ati wongoselali.
\v 10 Pilato aasali la inde ate, “Otiasaka la mbai? Otiewe ate idjei la okumu e opumbesi owe koto idjei la okumu e oaki la ekulusu?
\q
\v 11 Yesu amowongoselali ate, “Otiengake odjei la okumu likolo la mbai te ma keke inga eho etihanali atie owe tee ongo la likolo. Eho lenge moto ongo okawi mbai atie owe adjei la lisumu lieti lisungu.”
\p
\v 12 La loyi eho, pilato alukali omoumesi inde, ase Wayuda wapamali ate, “Inga omoumesa oholo moto, oti miino o Kaisala. Moto kpaa ongo ayaumesi likumu ati manango o Kaisala.”
\p
\v 13 Mbuse e Pilato ooki djinge wingbundu, amokpalali Yesu saa, ayabatali la ngbelengo esambesake, la ebete ewelani likputuka e mabukeli, ase la Ebele, “Gabata.”
\p
\v 14 Edjei wuse e wongelake pasika, edjaali engele e motoba. Pilato aasali la Wayuda ate, “Dengani, Likumu lanu!”
\p
\v 15 Iwo wapamali ate, “Molongose, molongose; mwakia la ekulusu!” Pilato aasali la iwo ate, “Imwake la ekulusu Likumu lanu?”
\s Wanganga-Mwengei makumu wawongosali ate, “Toti la likumu odji ndji Kaisala.”
\p
\v 16 Pilato amokawali Yesu atie iwo laate wamwake la ekulusu.
\p
\v 17 Yesu akpalali ekulusu, apumbali akia la ebete eweli iwo ebete e Mokuwa mo moto, enge ewelani la Ebele, “Gologota.”
\v 18 Ongo wamobakali la ekulusu, la wato wadji mongindji la inde, mwesi ngambo, mwesi ngambo, ase Yesu awodja.
\p
\v 19 Pilato adhingali madhingo, abatali eho likolo la ekulusu. Edhinganali ate: YESU O NAZALETA LIKUMU O WAYUDA.
\v 20 Wayuda watangali mango madhingo, laate ebete emwakiali iwo Yesu edjali ahue e gbata. Edhinganali la Ebele, la Latini, koto la Geleki.
\p
\v 21 Wanganga-Mwengei makumu la Wayuda waasali la pilato ate, “Otidhinge, 'Likumu o Wayuda,” ase dhinga, 'Adjaki oasi ate, “Idjei Likumu o Wayuda.””'
\p
\v 22 Pilato awongosali ate, “Enge edhingi mbai idhingiga.”
\p
\v 23 Mbuse e omwakeyi Yesu, wasoda watotali wisindje wande e likolo wakawolali eho la inei, ndambo eesi atie soda mwesi mwesi; koto esindje e ndondo. Esindje eho e ndondo etitonganali la wisuki, eluanali kpaa opoti likolo tee sese.
\v 24 Waasanali iwo la iwo ate, “Totisalakole eho, ase tobinge djege la oewi inga ekodja e ndai. Ekelanali ndjongo la oengesi madhingo enge edhingana ate, “Wakawanali wisindje wa mbai wa likolo, koto walumbelali esindje e mbai djege. “Wasoda wakelelali sambo djaho.”
\p
\v 25 Ahue e ekulusu e Yesu nango, manango o moli o nango wayamalali ango, la Malia moli o Kelopasi, la Malia Magadalena.
\v 26 Ango emweneli Yesu nango la motutiani mungu inde amobalali nee wayamalali ango, aasali la nango ate, “Moli, modhenga mana owe!”
\q
\v 27 Mbuse aasali la motutiani oho ate, “Modhenga, ngwa!” Ndji enge wuse motutiani muho amototali la monguta monde.
\p
\v 28 Mbuse eho, ango Yesu aewali ate sikandjo sambo kpaa iengisani, laate madhingo maengesane, aasali ate, “Idjei la ehoha e malia.”
\v 29 Teni eesi edjakali ango etumi la bino magagake, watotali mbumbundju djinge itumi la bino eho magagake wabatia la mote mo izope, wakpalali eho la monoko monde.
\v 30 Ango ekengia Yesu bino eho egagake, aasali ate, “Eengesani.” Aimbali moto monde, atenali ohomi.
\p
\v 31 Ndjongo Wayuda, ango edjakali engele ewongelake, laate wato wagui watitikale likolo la ekulusu wuse wo sabata (laate wuse wuho wo sabata edjaakali esungu), wamoongoli Pilato atome wawabukakole makolo koto walongose wato wagui la ekulusu.
\v 32 Wasoda wadjaali wabukakolia makolo e moto o poo, koto e moto odji ongo omwakiali iwo mongindji la Yesu.
\v 33 Ango eumali iwo atie Yesu, nda eyewali iwo ate agwiga, watimobukakolali makolo.
\v 34 Inga te ndjongo, mwesi o wasoda amomaali likonga la mopandji, mbala kikima makila la malia mapumbali.
\v 35 Moto ongo oeneli eho ahali litotoli, koto litotoli lande lidjaali meemene. Moto oho aewi ate akoasaka sambo dja meemene, laate ino koto ogemeini.
\p
\v 36 La omeemene djinge sambo ikelanali laate madhingo mango madhingani ate, “Te mokua monde te mokikima motibukie.”
\v 37 Songo eti, madhingo maasi ate, “Wakodhenga atie moto ongo wamomaali.”
\p
\v 38 Mbuse ewo, Edjepu o Alimateo, ongo odjaakali motutiani mo Yesu ase la oyaisi laate adjaakali owangi Wayuda, amoongoli Pilato alongose wenge wa Yesu; Pilato amohali mboka. Eho lenge, adjaali olongosi wenge wande.
\v 39 Alidji Nikodema, moto ongo adjaali poo atie Yesu la likolo, adjaali la mila, la aloa, e litele inga kama eesi.
\v 40 Atotali wenge wa Yesu walingali eho la wisuki e wisindje ebete kikima la wisoki e lumba ndamu, ndji ndenge Wayuda wadjaakali la ehahaneli ewongesake ndenge e oombi wenge wa wato.
\v 41 Kaikoase, la ebete enge wamwakeyali la ekulusu elanga edjali ango, ndondo e elanga eho edjaali la mbila eholi, enge ndondo eho edjaali lambila enge moto toeti alangianali aho.
\v 42 Ongo nde, la oyawongeli e Wayuda, wamolangeyali laate mbila eho edjali ahue.
\c 20
\cl ESUKI 20
\p
\v 1 Lisio la liwoso la poso, Malia Magadala akeeli boo la mbila, ndji la hilihili, aeneli libukeli lilongoyiga la mbila.
\v 2 Akeeli obangu atie Simoni Petele aetia koto atie motutiani odji ongo Yesu amobalali ngbii, awaaselali ate, “Wamolongosiga Likumu la mbila, toewiti songo emodhei iwo.”
\p
\v 3 Petele la motutiani muho odji wapumbali, wakia la mbila.
\v 4 Iwo waale mongindji wapotali obangu, ase motutiani muho odji amoetali Petele la obangu, aumali ongo la mbila moto o poo.
\v 5 Ango eyaimbia inde, aenia mambusu ma wisindje milangali, ase atilingelali ndondo.
\p
\v 6 Simoni Petelo amobiliali mbuse, alingelia la mbila eho. Aenia mambusu milangali la mbume
\v 7 litambala linge limonangali iwo la moto mo Yesu litidjali ebete e kikima la mambusu maho, ase elinganali la moliki muho amene.
\v 8 Djongo la engele eho, motutiani muho odji ongo oumali poo la mbila, alingelali koto la mbila, ania koto agemeiya.
\v 9 Laate watiewaliyo madhingo mango ate, “Aongoli obasi tee la wagwi.
\p
\v 10 Ase watutiani waho waongwali atie ewu.
\v 11 Ase Malia adjaakaliyo ayamali saa ahue e mbila eho, adjaakali oleli. Ango edjaakali oleli, ayaimbali la odhendji ndondo e mbila.
\v 12 Awenia waahumbwa waale wakpali wisindje wibubake, wayabati ebete e moisali iwo Yesu, mwesi la moto, mwesi ngambo e makolo.
\p
\v 13 Waasali la inde, “Moli okolelaka nde?” Awawongoselali ate, “Wamolongosi Likumu la mbai, iyewiti ebete enge e moisiga iwo.”
\v 14 Ango eyasali inde ndjongo, ayakukolali amoenia Yesu ayamali, ase atiewali ate edjei Yesu.
\q
\v 15 Yesu aasli la inde ate, “Moli, okolelaka nde? Okomolukaka ndai?” Nda emungolali inde ate edjei sindjili o elanga, aasali la inde ate, “Likumu, inga omolongosi, ndjewesa mbai, inga omolangeyi eni, imotote.”
\p
\v 16 Yesu aasali la inde, “Malia.” Ango eyakukolia inde aasia la Ebele, “Labuni enge eyasi ate “Mwalimo.”
\q
\v 17 Yesu aasali la inde ate, “Otipote mbai, laate itelakiyo atie Wawa, ase keke wagboto wamanima walehela ate, “Ikotelaka atie Wawa o mbai koto Wawa onu, koto atie Mwengei o mbai koto Mwengei onu.”
\q
\v 18 Malia magadalena akeli owaaseli watutiani ate, “Imoeni Likumu,” koto ate inde omoaseli ndjinge sambo.
\p
\v 19 La pokwa e linge lisio, lidjali lisio la poo e poso, midhuhe ebete edjaakali watutiani minanganali, la owawangi Wayuda, Yesu adjaali, ayamalia ndondo ewu, aasia la iwo ate, “Logoo edje la ino.”
\v 20 Mbuse e oasi ndjongo, awainyali mawo mande koto mopandji monde. Watutiani waemelali ango emoenali iwo Likumu.
\p
\v 21 Yesu awaaselia mbala eeti ate, “Logoo edje la ino. Nda ndenge Wawa atomi mbai; mbai koto ikootomakani.”
\v 22 Ango eyasali Yesu ndjongo, awahuhuelia, aasia la iwo ate, “Tumani la elimo satu.
\v 23 Wango ino okoalimbesani masumu inga e nda ndenge, walimbesani eho. Inga onangani enge e wato inga e nda ndenge, ekonangana.”
\p
\v 24 Toma, mwesi o watutiani liomu la waale, ongo odjaakali iwo omoweli liasa, atidjaakali mongindji la iwo ango edjaali Yesu.
\v 25 Waeti watutiani waasali la inde ate, “Tomoeni Likumu.” Ase inde awaaselali ate, “Inga itiene elembo e sete la mawo mande, koto inga itilingese moseyi mo mbai la elembo e sete eho, koto inga itibate ewo e mbai ndondo e mopandji, itigemeiya te wuse.”
\p
\v 26 Mbuse e masio mwambi watutiani wande wadjaali alidji ndondo e monguta, Toma adjaali mongindji la iwo. Yesu adjaali, inga te ate midhuhe minanganali, ayamalali awodja ewu, aasali ate, “Logoo edje la ino.”
\q
\v 27 Mbuse asia la Toma ate, “Lingesa mosei mowe, koto dhenga mawo ma mbai, tota ewo e owe lingesa eho la mopandji mo mbai. Dhee kokia, ase djaa la ogemei.”
\q
\v 28 Toma amowongoselia ate, “Likumu o mbai koto Mwengei o mbai.”
\q
\v 29 Yesu aasali la inde ate, “Ogemei laate oeni mbai? Mwemu la wango wakogemeiyaka, inga te waeniti.”
\p
\v 30 Yesu akelali alidji wilembo djeeti liwoso la watutiani djinge itidhinganali la ehele buku,
\v 31 ase dji sambo idhingani laate ogemeini ate Yesu adjei Kilisito, monga Mwengei, koto ate nda ekogemeiyaka ino, ototeni mokalo la kombo ende.
\c 21
\cl ESUKI 21
\p
\v 1 Mbuse eho Yesu ayainyali alidji atie watutiani wande la ewale e Tibeliasi. Ayaenesali la ehele ndenge:
\v 2 Simoni Petele la Toma, ongo odjaali iwo omoweli liasa, la Natanaela moto kana e Galilea koto wana wa Zebedeo la watutiani wande wadji waale wadjaakali iwo kpaa mongindji
\v 3 Simoni petele aasali la iwo ate, “Ikia akaluki su.” Iwo waasali la inde ate, “Iso koto toke mongindji la owe. Wapumbali watelia andondoli, ase la likolo eho watihelali te ema.
\p
\v 4 Ango eumali otani boo, Yesu ayamalali la likitikolo, watutiani watiewali ate edjei malia kasi watoma tiewali ate Yesu awumika ala.
\q
\v 5 Yesu aasali la iwo ate, “Wana otini la ema elakake?” Wamowongolali ate, “Toti la eho.
\q
\v 6 Aasali la iwo ate, “Lumbani etanga la ewo e lilome e andondoli okotota.” Walumbali eho, ase watiengali kine oguli eho la ebili ate su idjaakali ngbii.
\v 7 Djongo motutiani ongo obalali Yesu aasali la petele ate, “Likumu inde ndolo.” Ango eokali Simoni Petele ate edjei Likumu, ayanangali esindje ende e saa laate adjaali lingbengbele, ayalumbali la ewale.
\v 8 Wango weeti watikalali la andondoli eho ekeke, laate watidjaakali lihile e kondolo inga wametele tuku libwa, wagulali etange eho e su.
\v 9 Ango esawoya iwo, waeneli misa e magala ebatanani ango, suu eitani la makoke.
\p
\v 10 Yesu aasali la iwo ate, “Djakani la su djinge elongoiya ino ooli.”
\v 11 Simoni Petele atelali andondoli agulali etanga kondolo etumi la su sungu kama eesi la tuku itano la isato, ase inga te su idjaali ngbii etanga etisanali.
\p
\v 12 Yesu aasali la iwo ate, “djakani tolake.” Te mwesi o watutiani atidjaakali la okulu la omohueli ate, “Owe ndai? Laate waewali ate edjaali Likumu.
\v 13 Yesu ayandongbia, atotia okoke, awahekelia, ndenge kikima koto la suu.
\v 14 Edjaali mbala esoto eyainyali inde la watutiani mbuse e obasi wonde tee atie wagwi.
\p
\v 15 Mbuse e olaki, Yesu aasali la Simoni Petele ate, “Simoni monga Yoani, obali mbai oyeti ehele?” Petele amowongoselali ate, “Ndjongo Likumu, oewi ate ikoobalaka ngbii. Amoaselali ate, “Lakesa wana wa meme wa mbai.”
\p
\v 16 Aasali la inde mbala ewale ate, “Simoni, monga Yoani, obali mbai?” Petele aasali la inde ate, “Ndjongo Likumu, oewi ate iyobali ngbii.” Yesu aasali la inde ate lakesa wana wa meme wa mbai.”
\p
\v 17 Aasali la inde mbala esato ate, “Simoni monga Yoani, obali mbai?” Petele aokali magba laate amoaselali mbala esato ate, “Okobalaka mbai ngbii?” Aasali la inde ate, “Likumu owe oewi sambo kpaa, oewi ate ikoobalaka ngbii. Yesu aasali la inde ate, “Lakesa wana wa meme wa mbai.”
\p
\v 18 La omeemene la omeemene iyasi la owe ate, engele edjaaki owe elenge, odjaakali oyanangi libele owe amene koto osombi wiati kpaa wibalali owe, ase ango ekouma owe mowange okonanola mawo ma owe moto odji akoohela libele, akookpala owe eholo enge etibale owe.”
\v 19 Akelali ndjongo la oinei logo wungo ekoha inde la eho Mwengei otwa. Ango esisali inde oasi eho, aasali la Petele ate, “Bilia mbai.”
\p
\v 20 Petele ayakukolali aenia mbuse ewu motutiani ongo Yesu amobalali ngbii akobiliaka, edjei inde ongo, la wilaka wa pokwa alangeyali wenge la mokpoto mo Yesu aasali koto la inde ate, “Likumu ndai akootamba?”
\v 21 Ango emoenia inde, Petele aasali la Yesu ate, “Likumu, ndjongo oholo moto?”
\p
\v 22 Yesu aasali la inde ate, “Inga ibala ate awumwe tee ekodja mbai, eodhengi owo? Owe bilia mbai.”
\v 23 Engbundu eho esombali ndondo e wamangbasu, ate motutiani moho atigba. Kaikoase, Yesu atiasali la inde ate, atigba, ase nde, “Inga ibala ate aumwe tee engele ekodja mbai eodhengi owe?”
\p
\v 24 Motutiani moho nde moto akohaka litotoli la kole e dji sambo koto inde nde moto odhingali dji sambo, koto toewi ate litotoli linge likohaka inde lidjei meemene.
\p
\v 25 Edjaali koto sambo djinge ikelali Yesu, djinge inga kpaa edhinganali mwesi la mwesi eho, imungoyi, moki muho amene motiengali wabuku djinge edhingani.