ach-ss-acholi_reg/43-LUK.usfm

\id LUK
\ide UTF-8
\h Luka
\toc1 Luka
\toc2 Luka
\toc3 luk
\mt Luka
\c 1
\cl Chura 1
\p
\v 1 Jo mapol doŋ gutemo coyo lok i kom gin ma otimme i kinwa,
\v 2 macalo jo ma guneno ki waŋgi nia i acakki, dok ma gudoko lutic me lok meno, gukwaŋo botwa.
\v 3 Pi meno, Ladit Teopilo, ka doŋ aŋiyo gin ducu nia i acakki, an bene atamo ni bedo ber ka acoyo piri, kun aryeyo kikore,
\v 4 wek iniaŋ ada me lok meno ma yam gipwonyi kwede.
\p
\v 5 I kare pa Kerode kabaka me Judaya, onoŋo tye ajwaka pa Lubaŋa mo ma nyiŋe Jekaria, me waŋ tic pa Abia; yam tye ki dakone ma i kin anyira pa Aron, nyiŋe Elicabet.
\v 6 Gin aryo ducu yam kitgi atir i nyim Lubaŋa, kun gilubo cik pa Rwot ducu laboŋo bal.
\v 7 Ento onoŋo gipe ki litino, pien Elicabet yam lalur, gin aryo ducu onoŋo doŋ guti woko.
\p
\v 8 I kare ma Jekaria tye ka tiyo tic me ajwaka i nyim Lubaŋa, i kare me waŋ ticce,
\v 9 macalo kit pa ajwagi tye, kwir okwanye me donyo i ot pa Rwot ka waŋo gitye woko ka lega i cawa me waŋo odok eceta.
\v 10 Lwak dano ducu onoŋo gitye woko ka lega i cawa me waŋo odok eceta.
\v 11 Lamalaika pa Rwot onen bote kun ocuŋ yo tuŋ lacuc i ŋet keno tyer me waŋo odok eceta.
\v 12 Ka Jekaria onene, ci cwinye opoto, lworo omake.
\v 13 Ento lamalaika owacce ni, “Pe ilwor, Jekaria, pien legani doŋ Lubaŋa owinyo. Dakoni Elicabet binywalli latin laco, ibicako nyiŋe Jon.
\v 14 Ibibedo ki yomcwiny, cwinyi bikwe, jo mapol cwinygi bibedo yom pi nywalle;
\v 15 pien en bibedo madit i nyim Rwot. En pe bimato koŋo vino kadi gin ma mero dano; en bipoŋ ki Cwiny Maleŋ, nia i i minne.
\v 16 En bidwoko Luicrael mapol bot Rwot Lubaŋagi,
\v 17 en bitelo nyime i cwiny ki tek pa Elia, pi loko cwiny wegi litino i kom litinogi; pi dwoko dano ma pe winyo cik i ryeko pa jo ma kitgi atir, dok me yubo pi Rwot dano ma doŋ guyubbe.”
\p
\v 18 Jekaria openyo lamalaika ni, “Abiŋeyo man niŋniŋ? Pien an doŋ ati woko, dakona bene doŋ oti.”
\p
\v 19 Lamalaika ogamo doge ni, “An Gabriel, acuŋ i nyim Lubaŋa; giora ka lok kwedi, akelli kwena man maber.
\v 20 Winy ba, ibiliŋ ma pe itwero lok, nio i nino meno ma lok man bitimme iye, pien pe iye lokka, ma bicobbe ka kare oromo.”
\p
\v 21 Lwak onoŋo gubedo ka kuro Jekaria, guuro rune twatwal i ot pa Lubaŋa.
\v 22 Ka Jekaria okatti woko, onoŋo pe twero lok kwedgi, omiyo guniaŋ ni oneno ginanyuta i ot pa Lubaŋa macalo lek. En obedo ka gwelogi kun pe twero lok.
\p
\v 23 Ka kare me ticce otum, ci odok i pacone.
\p
\v 24 Ka kare okato manok, dakone Elicabet ogamo ic. Okanne kwede pi dwe abic, kun waco ni,
\v 25 “Rwot otimo kit meno i koma, i kare ma onena iye, me kwanyo lewic woko ki i koma i kin dano.”
\p
\v 26 I dwe me abicel Lubaŋa ooro lamalaika Gabriel i gaŋ mo i Galilaya, ma nyiŋe Najaret,
\v 27 bot nyako ma peya oŋeyo laco, ma laco ma nyiŋe Yucepu otoŋo keny i kome; nyako meno nyiŋe Maliam.
\v 28 Lamalaika obino bote, omote ni, “Itye ba, in ma gimiyi gum! Rwot tye kwedi!
\v 29 Ento Maliam cwinye opoto pi lok man, obedo ka tamo te lok me mot man.
\v 30 Lamalaika owacce ni, ‘Pe ilwor, Maliam pien ilimo pwoc ki bot Lubaŋa.
\v 31 Nen, ibiyac, ibinywalo latin laco, ibicako nyiŋe Yecu.
\v 32 En bibedo dit, gibilwoŋe ni, Wod pa En Mamalo Twal; Rwot Lubaŋa bimiye komker pa kwarone Daudi.
\v 33 En biloyo jo me ot pa Yakobo matwal; kerre pe bigik.”
\p
\v 34 Maliam openyo lamalaika ni, “Lok man bibedo niŋniŋ, ma kun an pe aŋene ki laco?”
\v 35 Lamalaika odokke iye ni, “Cwiny Maleŋ bibino i komi, tek pa En Mamalo Twal biumi macalo tipo; pi meno latin ma gibinywalo-ni gibilwoŋe Maleŋ, Wod pa Lubaŋa.
\v 36 Nen, watti Elicabet doŋ oyac i tiyone, binywalo latin laco; en ma yam gilwoŋo ni lalur kombeddi doŋ tye ki ic me dwe abicel.
\v 37 Pien pe tye gin mo ma loyo Lubaŋa.”
\p
\v 38 Maliam owaco ni, “Nen, an aŋeca pa Rwot; wek obed bota kit macalo iwaco.” Lacen lamalaika oa woko ki bote.
\p
\v 39 I kare meno Maliam oa, ocito oyotoyot i lobo ma obedo gotgot i gaŋ mo me Juda.
\v 40 ci odonyo i ot pa Jekaria, omoto Elicabet.
\v 41 Ka Elicabet owinyo mot pa Maliam, ci latin otiŋŋe ki i iye. Elicabet opoŋ ki Cwiny Maleŋ.
\v 42 odaŋŋe ki dwan maloŋo ni, “Itye ki gum i kin mon, latin ma i ii bene tye ki gum!
\v 43 Lok man kono oa ki kwene, lutuwa, min Rwoda me bino bota?
\v 44 Pien nen, ka awinyo dwan me motti, latin ma i iya otiŋŋe ki yomcwiny.
\v 45 Itye ki gum, in ŋat ma oye, pien lok ma Rwot otito boti bicobbe kakare.”
\p
\v 46 Maliam owaco ni, “Kwona pako Rwot,
\v 47 cwinya yom i kom Lubaŋa Lalarra.
\q
\v 48 pien oneno can pa aŋecane. Nen, nia tin yalwak me kare ducu gibilwoŋa ni lagumkom;
\v 49 pien Won Twer Ducu otima gin madit, nyiŋe bene leŋ.
\q
\v 50 Kicane tye bot yalwak me kare ducu, i kom jo ducu ma gilwore.
\q
\v 51 Otiyo tic matek ki bade, olalo luwakke i tam me cwinygi.
\q
\v 52 Oreto luker ki i wi komkergi omiyo dito bot lucan.
\q
\v 53 Jo ma kec nekogi omiyo giyeŋ ki gin maber, oryemo lulonyo gudok cen nono.
\q
\v 54 Okonyo laticce Icrael, opo pi timo kica,
\v 55 macalo oloko bot kwariwa, bot Abraim ki bot likwaye matwal.”
\p
\v 56 Maliam ori bot Elicabet dwe adek, ka lacen odok i pacone.
\p
\v 57 Ka kare me nywal pa Elicabet doŋ oromo, ci onywalo latin laco.
\v 58 Ka luwote ki wadine guwinyo ni Rwot onyuto kicane madwoŋ i kome kuman, cwinygi obedo yom kacel kwede.
\v 59 I nino me aborone gubino ka liro latin. Gumito cako nyiŋe ki nyiŋ wonne Jekaria,
\v 60 ento minne ogamo ni, “Pe kit meno, gibilwoŋe ni Jon.”
\v 61 Gudokke iye ni, “Pe tye ŋat mo ma nyiŋe calo meno i kin wadiwu ducu do.”
\v 62 Gugwelo wonne ni en mito cako nyiŋe aŋa?
\v 63 En openyo pi got coc, ci ocoyo ni, “Nyiŋe Jon.” Gin ducu guuro.
\v 64 Cutcut dog Jekaria oyabbe, te lebe ogonnye, ci oloko kun pako Lubaŋa.
\v 65 Lworo omako dano ducu ma bedo cok i ŋetgi; lok meno ducu oywek i lobo Judaya ducu ma obedo gotgot.
\v 66 Dano ducu ma guwinyo gumako i cwinygi, kun giwaco ni, “Latin man kite bibedo niŋniŋ?” Pien ciŋ Rwot tye kwede.
\v 67 Wonne Jekaria opoŋ ki Cwiny Maleŋ, oloko macalo lanebi ni,
\v 68 “Gipwo Rwot Lubaŋa pa Icrael, pien doŋ olimo jone, okokogi.
\q
\v 69 Otiŋo piwa lalar matek i ot pa laticce Daudi,
\v 70 macalo yam oloko i dog lunebine maleŋ ma gubedo nia con ki con,
\v 71 me larowa ki bot lukworwa, ki i ciŋ jo ducu ma kwerowa.
\q
\v 72 pi timo kica bot kwariwa kun opo pi gicikkene maleŋ
\v 73 ki kwoŋ ma okwoŋo bot kwarowa Abraim,
\v 74 ni ebimiyowa watiyo bote laboŋo lworo, kun olarowa ki i ciŋ lukworwa,
\v 75 kun waleŋ, dok kitwa atir i nyime pi nino me kwowa ducu.
\p
\v 76 In bene latin, gibilwoŋi lanebi pa En Mamalo Twal pien ibitelo nyim Rwot pi yubo yone,
\v 77 kun imiyo ŋec me lar bot rokke ma bino pi weko balgi,
\v 78 pi kica madwoŋ pa Lubaŋawa ma oweko piny oru piwa ki malo,
\v 79 me menyo jo ma bedo i piny macol ki i tipo me to, ki me tiro tyenwa i yo me kuc.”
\p
\v 80 Latin odoŋo, tek omedde i cwinye, obedo i tim nio i nino ma ginyute iye bot jo Icrael.
\c 2
\cl Chura 2
\p
\v 1 I kare meno cik oa bot Cecar Augucito ni gico nyiŋ dano ducu ma i wi lobo.
\v 2 Man obedo coc mukwoŋo ma gicoyo, i kare ma Kurenio loyo lobo Ciria.
\v 3 Dano ducu gucito ka cone, ŋat acel acel i gaŋgi.
\v 4 Yucepu bene oa ki i Galilaya, ki i gaŋ me Najaret, ocito i Judaya, i gaŋ pa Daudi ma gilwoŋo Beterekem, pien en yam ŋat acel i kin likwayo pa Daudi,
\v 5 wek econe ki dakone Maliam ma onoŋo otoŋo keny i kome, ma onoŋo oyac.
\v 6 I kare ma gitye kunnu, kare me nywalle oromo.
\v 7 Onywalo latin kayone ma laco, oumo kome ki boŋo, opyele kwede i weer pa dyaŋ, pien onoŋo ot opoŋ woko pigi i ot welo.
\p
\v 8 I lobo kunnu onoŋo tye iye lukwat ma gibedo i tim, kun gigwoko romigi dyewor.
\v 9 Cutcut lamalaika pa Rwot oturo ki bino, ocuŋ i kingi, deyo pa Rwot oryeny orumogi, ci lworo omakogi matek.
\v 10 Lamalaika owaco botgi ni, “Pe wulwor, pien nen, akelliwu lok maber me yomcwiny ma bibedo bot dano ducu.
\v 11 Tin i gaŋ pa Daudi ginywalo piwu lalar, en Kricito Rwot.
\v 12 Man bibedo gin ma nyuto: wubinoŋo latin ma giumo ki boŋo, ma gipyele, obuto i weer pa dyaŋ.”
\p
\v 13 Oyotoyot lwak mony me polo onoŋo tye kacel ki lamalaika meno; ci gipako Lubaŋa kun giwaco ni,
\v 14 “Deyo obed bot Lubaŋa malo i wi polo kuc obed i kin jo ma en pwoyo!”
\p
\v 15 Ka doŋ lamalaika oa woko ki botgi, odok i polo, ci lukwat guloko kekengi ni, “Koŋ wacitu mono wa i Beterekem, wek wacinenu gin man ma otimme, ma Rwot otittiwa pire-ni.”
\v 16 Gucito oyotoyot, gunoŋo Maliam ki Yucepu, ki latin lakere ma gipyelo i weer pa dyaŋ.
\v 17 Ka guneno, gutito bot dano lok ma yam gitito botgi i kom latin meno;
\v 18 dano ducu ma guwinyo guuro lok ma lukwat gutito botgi.
\v 19 Ento Maliam okano lok magi ducu, kun tamo ki i cwinye.
\v 20 Lukwat gudok kun gimiyo deyo bot Lubaŋa, gipake pi gin ducu ma guwinyo, dok guneno, macalo yam gitito botgi.
\p
\v 21 Ka nino aboro doŋ oromo me liro latin, gicako nyiŋe Yecu, nyiŋ ma lamalaika yam ocako ka en pud peya tye i ic.
\p
\v 22 Ka kare doŋ oromo me lonnyegi macalo cik pa Moses tye, ci gutere i Jerucalem wek gityere bot Rwot,
\v 23 macalo gicoyo i cik pa Rwot ni “Litino kayo ducu ma co gibilwoŋogi maleŋ bot Rwot”,
\v 24 dok wek gityer gitum, macalo gicoyo i cik pa Rwot ni, “amam aryo, nyo litino akuri aryo.”
\p
\v 25 Yam tye i Jerucalem dano mo ma nyiŋe Cimeon. En yam dano ma kite atir ma lworo Lubaŋa, kun kuro kare ma gibikweyo iye cwiny jo Icrael; Cwiny Maleŋ onoŋo tye kwede.
\v 26 Cwiny Maleŋ onoŋo otyeko nyuto bote ni, en pe bito ma peya oneno Kricito pa Rwot.
\v 27 En obino i ot pa Lubaŋa kun Cwiny Maleŋ aye tele. Ka lunyodo gukelo latin Yecu wek gitimme macalo kit me cik tye,
\v 28 Cimeon otiŋe i bade, opwoyo Lubaŋa kun waco ni,
\v 29 “Koni doŋ icik laticci, Rwot, ocit ki kuc macalo yam iciko.
\q1
\v 30 pien waŋa doŋ oneno larri
\v 31 ma iyubo i nyim rok ducu,
\v 32 me bedo ceŋ ma yabo muŋ bot Lurok, ki deyo pa joni Icrael.”
\p
\v 33 Wonne ki minne guuro lok ma giwaco i kome.
\v 34 Cimeon olego gum i komgi, kun waco bot minne Maliam ni, “Nen, latin man giketo wek Luicrael mapol opoti, wek gua doki ki me bedo lanyut ma giyeto,
\v 35 dok bene pala lucwan bicobo cwinyi pil, wek tam ma i cwiny dano mapol oyabbe ka maleŋ.”
\p
\v 36 Yam tye lanebi mo ma dako, nyiŋe Anna, nya pa Panuel, pa jo Acer. Onoŋo doŋ oti twatwal, pien otyeko mwaka abiro bot cware cakke i kare ma en pud nyako;
\v 37 ka doŋ cware oto ori nio i mwaka pyeraboro wiye aŋwen me ditte. En yam pe a ki i ot pa Lubaŋa, obedo ka woro Lubaŋa kun ri kec dok lego dyewor ki dyeceŋ.
\v 38 En obino i cawa-nu, opwoyo Lubaŋa, otito pi latin-nu bot dano ducu ma yam kuro kare me koko jo Jerucalem.
\p
\v 39 Ka lunyodone doŋ gutyeko cobo lok ducu ma tye i cik pa Rwot, ci gudok i Galilaya, i gaŋgi Najaret.
\v 40 Latin odoŋo odoko matek, kun opoŋ ki ryeko; cwiny Lubaŋa obedo yom i kome.
\p
\v 41 Lunyadone yam gicito i Jerucalem mwaka ki mwaka pi nino madit me Kato.
\v 42 Ka mwaka me ditte oromo apar wiye aryo, ci gucito kunnu macalo kit me nino madit tye.
\v 43 Ka nino madito doŋ otum, ma gidok paco, latin Yecu odoŋ woko i Jerucalem. Lunyodone onoŋo pe giŋeyo,
\v 44 ento gutamo ni en tye i kin lwak. Guwoto wot me nino acel, guyenye i kin lutugi ki i kin luwotgi.
\v 45 Ka pe gunoŋe, ci gudok cen i Jerucalem ka yenye.
\v 46 Ka nino adek okato, ci gunoŋe i ot pa Lubaŋa; obedo i kin lupwony, kun winyo pwonygi, dok penyogi.
\v 47 Dano ducu ma yam guwinye guuro niaŋŋe, ki kit ma en dok kwede i peny.
\v 48 Ka lunyodone gunene, guuro; minne openye ni, “Latinna, piŋo itimowa kit man? Nen woru ki an wabedo ka yenyi kun wakumo.”
\v 49 En ogamo doggi ni, “Wuyenya piŋo? Pe wuŋeyo ni myerona me bedo i ot pa Abana?”
\v 50 Ento pe guniaŋ lok ma en oloko botgi.
\v 51 Owoto kacel kwedgi, obino Najaret, obedo kun winyogi; minne okano lok meno ducu i cwinye.
\p
\v 52 Yecu odoŋo kun medde i ryeko, dok kun medde ki noŋo pwoc ki bot Lubaŋa ki bot dano bene.
\c 3
\cl Chura 3
\p
\v 1 I mwaka me apar wiye abic me loc pa Tiberio Cecar, Pilato onoŋo loyo Judaya, Kerode onoŋo loyo Galilaya, ominne Pilipo kono onoŋo loyo lobo Ituria ki Trakoniti, Lucania onoŋo loyo Abilene,
\v 2 Anac ki Kayapa aye onoŋo gin ajwagi madito pa Lubaŋa. I kare meno lok pa Lubaŋa obino bot Jon wod pa Jekaria i tim.
\v 3 En owoto i lobo ducu ma cokcok ki Judaya kun tito lok me kwenane ni, “Wuŋut, wek gibatijawu, ci Lubaŋa biweko balwu.
\v 4 Macalo gicoyo i buk me lok pa lanebi Icaya ni, “Dwan dano mo ma daŋŋe i tim ni, ‘Wuger yo pa Rwot, wutir yone ocuŋ atir.
\q1
\v 5 Luŋ ducu gibitoro woko, godi ki cere ducu gibidwokogi woko piny, ka ma ogonne gibitiro cuŋ atir, dok yo ma obedo burbur gibipiro woko.
\q1
\v 6 Dano ducu gibineno kit ma Lubaŋa olarowa kwede.’”
\p
\v 7 Jon owaco bot lwak ma gubino bote pi batija ni, “Wun litino ororo, aŋa ma otito botwu ni wuriŋ kiniga ma mito bino?
\v 8 Doŋ wuti gin ma nyuto ni wuŋut i kom balwu, pe dok wucak tamo ni, ‘Watye ki kwarowa Abraim.’ Koŋ wunen, awaco botwu ni, Lubaŋa tye ki twero me miyo gweŋ magi olokke odok likwayo Abraim.
\v 9 Kombeddi doŋ giketo latoŋ woko i lwit yadi; yat acel acel ma pe nyak nyige mabeco, gitoŋo gireto woko piny, ci gibolo woko i mac.”
\p
\v 10 Lwak gupenye ni, “Watim aŋo doŋ?”
\p
\v 11 En odok iye botgi ni, “ŋat ma tye ki kanyi aryo opok bot ŋat ma pe kwede; ŋat ma tye ki cam otim kit meno bene.”
\p
\v 12 Lujog-mucoro bene gubino wek gibatijagi, gupenye ni, “Lapwony, wan kono watim aŋo?”
\p
\v 13 Owaco botgi ni, “Pe wujog makato wel ma gicikowu.”
\p
\v 14 Askari bene gupenye ni, “Wan kono watim aŋo” En owaco botgi ni, “Pe wuyak ŋatti ki tek, pe wudot dano mo ki lok goba, wek mucarawu oromwu.”
\v 15 Ka lwak gitye ka kuro, kun gipennye ki i cwinygi pi Jon, ka kono en Kricito ma Lubaŋa oyero,
\v 16 Jon odok iye botgi ni, “An abatijawu ki pii, ento ŋat ma kata ki tek tye ka bino, ma an pe amyero me gonyo warre. En bibatijawu ki Cwiny Maleŋ, dok ki mac.
\v 17 Oderone tye i ciŋe me pyeto bel ducu ma i larone, en bidilo belle i dero, ento cuŋe en biwaŋo woko ki mac ma pe to.”
\p
\v 18 Jon otito lok me kwena maber bot lwak kun cuko cwinygi ki lok mukene mapol.
\v 19 Ento Kerode rwot madit ma yam Jon ojuko pi Kerodia ci-ominne,
\v 20 otweyo Jon i mabuc, opoŋo kwede wi balle mukene ducu.
\v 21 Ka doŋ obatija dano ducu, ma Yecu bene doŋ gibatija, ma kun en tye ka lega,
\v 22 ci polo oyabbe, Cwiny Maleŋ olyanne piny macalo akuri i cal me kom, ci opye i kome. Ci dwan ocako winnye ma a ki i polo kun wacci, “In aye i Woda ma amaro, ma cwinya yom i komi.”
\v 23 I kare ma Yecu ocako ticce onoŋo doŋ tye ki mwaka ma mito romo pyeradek me ditte. Yam en wod pa Yucepu, macalo gitamo, ma en wod pa Eli,
\v 24 wod pa Matat, wod pa Levi, wod pa Melki, wod pa Janai, wod pa Yucepu.
\v 25 wod pa Matatia, wod pa Amoc, wod pa Nakum, wod pa Eceli, wod pa Naggai,
\v 26 wod pa Maat, wod pa Yocek, wod pa Yoda.
\v 27 wod pa Yoanan, wod pa Reca, wod pa Jerubabel, wod pa Cealtiel, wod pa Neri,
\v 28 wod pa Melki, wod pa Addi, wod pa Kocam, wod pa Elmadam, wod pa Er,
\v 29 wod pa Yecu, wod pa Eliejer, wod pa Yorim, wod pa Matat, wod pa Levi.
\v 30 wod pa Cimeon, wod pa Juda, wod pa Yucepu, wod pa Yonam, wod pa Eliakim,
\v 31 wod pa Melea, wod pa Menna, wod pa Matata, wod pa Natan, wod pa Daudi,
\v 32 wod pa Yece, wod pa Obed, wod pa Boaj, wod pa Cala, wod pa Nakucon.
\v 33 wod pa Aminadab, wod pa Admin, wod pa Arni, wod pa Kejeron, wod pa Perej, wod pa Juda,
\v 34 wod pa Yakobo, wod pa Icaka, wod pa Abraim, wod pa Tera, wod pa Nakor,
\v 35 wod pa Cerug, wod pa Reu, wod pa Peleg, wod pa Eber, wod pa Cela.
\v 36 wod pa Kainan, wod pa Arpakcad, wod pa Cem, wod pa Nua, wod pa Lamek,
\v 37 wod pa Metucela, wod pa Enok, wod pa Jared, wod pa Maalalel, wod pa Kainan,
\v 38 wod pa Enoci, wod pa Ceji, wod pa Adam, wod pa Lubaŋa.
\c 4
\cl Chura 4
\p
\v 1 Yecu odwogo ki i Jordan kun opoŋ ki Cwiny Maleŋ, cutcut Cwiny Maleŋ otere wa i tim.
\v 2 Ci ori i tim pi nino pyeraŋwen, kun Catan obedo ka bite. Pe ocamo gin mo i kare meno ducu; ka otum, ci kec oneke.
\v 3 Catan owacce ni, “Ka in i Wod pa Lubaŋa, wac ki got man olokke odok kwon.”
\p
\v 4 Ento Yecu odok iye ni, “Yam gicoyo ni, ‘Dano pe bibedo kwo ki kwon keken.’”
\p
\v 5 Catan dok otere malo, onyutte ker ducu ma i wi lobo i kine me kare matidi mo,
\v 6 owacce ni, “Abimiyi twer man ducu ki deyo man ducu, pien gityeko miyo bota, atwero miyo bot ŋat ma an amito.
\v 7 Pi meno, ka iwora, ci jami magi ducu bibedo meri.”
\p
\v 8 Yecu odokke iye ni, “Yam gicoyo ni, ‘Wor Rwot Lubaŋani, dok bene iti pire keken.’”
\p
\v 9 Dok otere i Jerucalem, ci ocibe ocuŋ i wi labila ot pa Lubaŋa, ci owacce ni, “Ka in i wod pa Lubaŋa, a ki malo kany ipot piny,
\v 10 pien yam bene gicoyo ni, ‘En biciko lumalaikane piri, wek gugwoki,’
\v 11 dok bene ni, ‘Gibijoli ki ciŋgi, wek pe iyok tyeni i kom got.’”
\p
\v 12 Yecu dok ogamo doge owacce ni, “Yam giwaco ni, ‘Pe item i Rwot Lubaŋani.’”
\p
\v 13 Ka Catan doŋ otyeko bite, ci oweke kun kuro kare maber.
\p
\v 14 Yecu odwogo i Galilaya pi tek pa Cwiny Maleŋ; pire oywek i lobo ducu ma orumo kunnu.
\v 15 Opwonyo i kacokkegi, dano ducu guketo deyo i kome.
\p
\v 16 Obino i Najaret ka ma yam odoŋo iye, odonyo i kacokke i ceŋ cabit, kit macalo kite onoŋo tye. Oa malo ka kwan;
\v 17 gimiye buk pa lanebi Icaya. Oyabo buk, oyenyo ka ma gicoyo ni.
\q1
\v 18 “Cwiny pa Rwot tye i koma, pien doŋ owira woko ki moo wek atit lok me kwena maber bot lucan. Oora me tito bot jo ma tye i opii ni gibigonyogi, ki bot jo ma waŋgi oto ni gibiyabo waŋgi, ki me gonyo jo ma giunogi wek gucit ki kuc,
\v 19 dok pi tito pi mwaka ma Rwot binyuto iye berre bot dano.”
\p
\v 20 Ci odolo buk, odwoko bot latic, obedo piny ka tito lok; dano ducu ma i kacokke guciko waŋgi i kome.
\v 21 Ocako tito botgi ni, “Tin ginacoya man ocobo kakare kun wuwinyo ki itwu.”
\p
\v 22 Dano ducu guloko lok maber i kome, kun giuro lok me kica ma oa ki i doge. Gupenyo ni, “Man pe wod pa Yucepu?”
\p
\v 23 En ogamo doggi ni, “Aŋeyo atir ni wubibolo carolok man i koma, ni, ‘Daktar, caŋŋe keni, tic ma yam wawinyo itiyo i Kapernaum, ti kany bene i pacowa kikome.’”
\v 24 Dok omedde kwede ni, “Ada awacciwu ni, lanebi mo pe ma gijole i lobo tugi.
\v 25 Ento atito botwu atir ni, i lobo Icrael i kare pa Elia yam tye iye mon mapol ma coggi oto, ka kot okwero cwer pi mwaka adek ki dwe abicel, ci kec laparanat opoto i lobo meno ducu;
\v 26 ento Lubaŋa pe ocwalo Elia bot ŋat mo i kingi, kono bot da to mo ma i Carepat i lobo Cidon.
\v 27 Dok i lobo Icrael i kare pa lanebi Elica onoŋo yam tye iye ludobo mapol; ento pe gilonyo mo i kingi, kono Naaman Laciria keken.”
\v 28 Ka dano ducu ma i kacokke guwinyo lok man, kiniga omakogi matek.
\v 29 Gutwarre malo, gutere woko ki i gaŋ, gukele i wi got ma gigero gaŋgi i wiye wek gicore piny.
\v 30 Ento Yecu opucce woko ki i dyegi, ci ocito gire.
\p
\v 31 Yecu ocito i Kapernaum ma en gaŋ ma i Galilaya. Obedo ka pwonyogi i ceŋ cabit;
\v 32 guuro pwonnye, pien oloko ki twero.
\v 33 I kacokke onoŋo tye iye dano ma tye ki cen marac; odaŋŋe ki dwan maloŋo ni,
\v 34 “Ilaro gin aŋo kwedwa kaa, in Yecu Lanajaret? Doŋ ibino ka tyekowa bo? An aŋeyi, in iŋat Maleŋ pa Lubaŋa.”
\p
\v 35 Ento Yecu ojuke kun wacce ni, “Liŋ mot, a woko ki i kome!” Cen orete piny i nyimgi, ci oa woko ki i kome kun pe otime marac.
\p
\v 36 Dano ducu guuro, kun gipenye kekengi ni, “Man lok aŋo? Pien en ciko cen maraco ki twero ki tek, ci gia woko.”
\v 37 Pire oywek i kabedo ducu ma orumo kunnu.
\p
\v 38 Yecu oa okato woko ki i kacokke, odonyo i ot pa Cimon. Maro Cimon onoŋo tye ki two lyeto ma obwoye matek; gubako doggi bote pire.
\v 39 Yecu ocuŋ ka ŋete, ojuko lyeto, ci two ocaŋ woko ki i kome; cutcut oa malo, ocako gwokogi.
\p
\v 40 Ka ceŋ doŋ mito poto, dano ducu ma tye ki lutwo, ma twogi patpat, gukelogi bote. Oketo ciŋe i kom ŋat acel acel ki i kingi ocaŋogi.
\v 41 Cen maraco bene oa ki i kom jo mapol, kun gidaŋŋe ni, “In i Wod pa Lubaŋa!” Ento Yecu ojukogi, pe oye cen mo oloko, pien giŋeye, ni en Kricito ma Lubaŋa oyero.
\p
\v 42 Ka piny oru, Yecu ocito i kabedo mo ma dano pe iye. Ento lwak gubedo ka yenye, ci gubino bote, gutemo juke wek pe oa ki botgi.
\v 43 Ento en owaco botgi ni, “Myero atit lok me kwena maber me ker pa Lubaŋa i gaŋ mukene bene, pien giora pi lok man.”
\v 44 En obedo ka tito lok i kacokke me Judaya.
\c 5
\cl Chura 5
\p
\v 1 I kare ma gudiyo Yecu cok pi winyo lok pa Lubaŋa, onoŋo ocuŋ i dog nam Genecaret.
\v 2 Onoŋo yeya aryo i dog nam; lumak-rec onoŋo gua woko ki i igi, gitye ka lwoko obwogi.
\v 3 Oito i yeya acel ma onoŋo pa Cimon, olege ni koŋ okwaŋ manok i nam. En obedo piny, opwonyo lwak kun tye i yeya.
\v 4 Ka doŋ otyeko lok, ci owaco bot Cimon ni, “Kwaŋ icit i kut, wubol obwowu wumak rec.”
\p
\v 5 Cimon odokke iye ni, “Ladit, wayelle dyewor benebene, pe wamako gin mo. Ento pi lokki abibolo obwo.”
\v 6 Ka gutimo kit meno, ci gumako lwak rec mapol ata, obwogi ocako cot.
\v 7 Ci gugwelo lutic wadgi ma i yeya mukene ni gubin gukonygi. Gubino guloko rec i yeya aryo ducu gupoŋ woko, omiyo gucako mwony.
\v 8 Ka Cimon Petero oneno, opoto piny i coŋ Yecu, owaco ni, “Rwot, cit giri, iweko, pien an labalo.”
\v 9 Pien en ki dano ducu ma tye kwede guuro pi rec ma gumako.
\p
\v 10 Yakobo ki Jon litino pa Jebedayo, ma gin yam ribbe ki Cimon i dog tic, bene guuro. Yecu owaco bot Cimon ni, “Pe ilwor; cakke koni ibimako dano.”
\v 11 Ka doŋ gukelo yeyagi i wi tera, guweko gipinygi ducu gulube.
\p
\v 12 Ka yam tye i gaŋ mo, dano mo obino ma dobo orwato i kome. Ka oneno Yecu, ci oryebbe piny olege ni, “Ladit, ka imito, itwero lonya.”
\p
\v 13 Yecu oryeyo ciŋe ogudo kome, kun wacce ni, “Amito; komi olony.” Cutcut dobo ocaŋ ki i kome.
\v 14 Yecu ocike ni pe myero otit bot dano mo; ento ni, “Cit, inyutte keni bot ajwaka pa Lubaŋa, imi gityer pi komi ma doŋ ocaŋ-ŋi, kit ma yam Moses ociko, wek obed lanyut botgi.”
\v 15 Ento pire oywek matek makato, lwak mapol ocokke ka winye dok wek ocaŋgi ki i kom twogi.
\v 16 Ento Yecu yam lwitte kare ki kare cito ka lega i tim.
\p
\v 17 I nino mo acel onoŋo Yecu tye ka pwony, kun Luparicayo ki lupwony-cik ma gua ki i kin gaŋi ducu me Galilaya ki Judaya ki Jerucalem gubedo kunnu; tek pa Rwot me caŋo dano onoŋo tye i kome.
\v 18 Cutcut dano gukelo bote lagoro mo ma twoyo two akweya kom, ma obuto i wi kitara. Guyenyo yo me tere i ot wek gikete i nyim Yecu;
\v 19 ento ka pe gunoŋo yo, pi pol pa lwak, guito i wi ot, gucwale ki kitarane ki i kin mategula i dye ot i nyim Yecu.
\v 20 Ka Yecu oneno niyegi, ci owaco ni, “In ba, balli doŋ giweko woko.”
\p
\v 21 Lupwony-cik ki Luparicayo gucako pennye kekengi, kun giwaco ni, “Man aŋa ma loko lok me yeto Lubaŋa-ni? Aŋa ma twero weko bal, kono Lubaŋa keken?”
\p
\v 22 Ka Yecu oniaŋ penygi, ci odok iye botgi ni, “Piŋo wutye ka pennye i cwinywu?
\v 23 Mene ma yot, me waco ni, ‘Balli doŋ giweko,’ nyo ni, ‘A, iwoti’?
\v 24 Ento meno wek muŋe ni Wod pa dano tye ki twero me weko bal i wi lobo” ci ociko lagoro ni, “Awacci ni, A, ikwany kitarani, idok paco.”
\v 25 Cutcut oa malo ocuŋ i nyimgi, okwanyo gin ma onoŋo obuto iye odok paco kun pako Lubaŋa.
\p
\v 26 Dano ducu guuro matek twatwal, gupako Lubaŋa. Lworo omakogi, guwaco ni, “Waneno gin me aura tin.”
\p
\v 27 Ka man otum, ci Yecu okato woko, oneno lajog-mucoro mo ma nyiŋe Levi, kun obedo piny i ka jogo mucoro; ci owacce ni, “Luba.”
\v 28 Levi oweko jamine ducu, oa olubo kore.
\p
\v 29 Levi otedo karama madit i ode pi Yecu, lwak lujog-mucoro mapol ki jo mukene gubedo piny i dog cam kacel kwedgi.
\v 30 Luparicayo ki lupwony-cik guŋur i kom lupwonnyene, kun gipenyo ni, “Piŋo wucamo dok wumato kacel ki lujog-mucoro ki lubalo?”
\p
\v 31 Yecu odok iye botgi ni, “Jo ma komgi yot pe gimito daktar; ento jo ma komgi lit aye mito.
\v 32 An pe abino ka lwoŋo jo ma kitgi atir, ento lubalo, wek guŋuti.”
\p
\v 33 Guwacce ni, “Lupwonnye pa Jon giri kec kare ki kare, dok gilego bene, ki pa Luparicayo bene kit meno, ento lupwonnyeni gicamo dok gimato do.”
\p
\v 34 Yecu openyogi ni, “Wutwero miyo luwot lanyom ri kec ma kun lanyom tye kwedgi?
\v 35 Ento kare bibino ma ka gikwanyo lanyom woko ki botgi, ka doŋ gibiri kec i kare meno.”
\p
\v 36 Dok obolo botgi carolok ni, “Pe tye ŋatti mo ma yeco kiraka ki i kom ginaruka manyenne woko, ci dabo i kom ginaruka muti; ka otimo kit meno, ci biyeco manyen-ni woko, dok kiraka ma i kom manyen-ni pe birwatte ki muti-ni.
\v 37 Dok pe tye ŋatti mo ma piko koŋo vino manyen i kicaa macon; ka opiko, ci koŋo vino biyeco kicaa woko, kicaa bene biballe.
\v 38 Ento koŋo vino manyen myero gipik i kicaa manyen bene.
\p
\v 39 Pe tye ŋat mo ma ka omato koŋo vino macon ci dok mito manyenne, pien wacci, ‘Macon-ni mit.”
\c 6
\cl Chura 6
\p
\v 1 kare meno Yecu owoto kun ŋolo ki i poto i ceŋ cabit. Lupwonnyene gurito wit bel, gutinyo i ciŋgi, gumwodo.
\v 2 Ento jo mogo i kin Luparicayo gupenyogi ni, “Piŋo wutimo gin ma cik okwero ni pe giti i ceŋ cabit?”
\p
\v 3 Yecu odok iye botgi ni, “Wun pe Wukwano gin ma nene Daudi otiyo ce? Ka nene kec oneke, en ki jo ma onoŋo gitye kacel kwede,
\v 4 en odonyo i ot pa Lubaŋa, ocamo mugati ma giketo i nyim Lubaŋa, ma yam cik okwero ni dano mo pe ocam, kono ajwagi pa Lubaŋa keken, dok omiyo bot jo ma onoŋo en tye kwede.”
\v 5 Owaco botgi ni, “Wod pa dano aye rwot me cabit.”
\p
\v 6 I cabit mukene Yecu odonyo i kacokke, opwonyo; onoŋo tye iye dano mo ma bade malacuc otal.
\v 7 Lupwony-cik ki Luparicayo gukiye ka en bicaŋe i ceŋ cabit, wek giyeny yo me kelo kop i kome.
\v 8 Ento Yecu oŋeyo tamgi woko, owaco bot labade otal ni, “Bin icuŋ kany.” Oa, ocuŋ kunnu.
\v 9 Yecu owaco botgi ni, “Apenyowu ni, i ceŋ cabit cik ye ni gitim iye gin maber, nyo gin marac, gilaro iye kwo nyo gineko woko?”
\v 10 Olworo waŋe i komgi ducu, owaco bot dano-nu ni, “Rye badi.” Ci labade otal oryweyo bade, ci bade ocaŋ.
\v 11 Ento kiniga omakogi matek, guporo lok i kingi kekengi, gin ma myero gitim i kom Yecu.
\p
\v 12 I kare meno Yecu ocito i kin godi ka lega; obedo ka lego Lubaŋa dyewor benebene.
\v 13 Ka piny oru, olwoŋo lupwonnyene bote, oyero jo apar wiye aryo ki i kingi, omiyogi nyiŋ ni gin lukwena; gin ene:
\v 14 Cimon ma en ocako nyiŋe ni Petero, ki Anderiya ominne, Yakobo ki Jon, Pilipo ki Bartolomayo,
\v 15 Matayo ki Tomaci, Yakobo wod pa Alipayo, Cimon ma gilwoŋo ni dano ma mito locken,
\v 16 Juda wod pa Yakobo, ki Juda me Keriot, ma yam olokke odobe.
\p
\v 17 Olor kwedgi piny, ci ocuŋ ka ma olanne. Lwak ki lupwonnyene mapol onoŋo gitye kunnu, ki lwak dano mapol ma gua ki i Judaya ki i Jerucalem ki i dog nam me Turo ki Cidon ma gubino pi winyo pwonnye, dok wek ocaŋgi i kom twogi;
\v 18 jo ma cen maraco yelogi gucaŋ bene.
\v 19 Lwak ducu gubedo ka yenyo yo me gudo kome, pien tek onoŋo a ki i kome ci caŋogi ducu.
\v 20 Otiŋo waŋe bot lupwonnyene, owaco botgi ni, “Wutye ki gum, pien ker pa Lubaŋa mewu.
\v 21 “Wutye ki gum, wun jo ma kec nekowu koni, pien wubiyeŋ. “Wutye ki gum, wun jo ma wukok koni, pien wubinyero.
\p
\v 22 “Wutye ki gum ka dano dagwu, ka ce gityemowu woko ki i kingi, ka giŋalowu, ka gicayo nyiŋwu ni rac, pi Wod pa dano!
\v 23 Cwinywu obed yom i nino meno, kun wupye ki yomcwiny, pien bakacic ma gibimiyowu me pwoc dit, tye i polo; pien kwarigi yam gutimo lunebi kit meno.
\p
\v 24 “Ento wubineno can, wun lulonyo pien doŋ wutyeko gamo gin maber me kweyo cwinywu.
\v 25 “Wubineno can, wun jo ma yeŋ koni, pien kec binekowu. “Wubineno can, wun jo ma nyero koni, pien wubikumo, wubikok.
\v 26 “Wubineno can, ka dano ducu pwoyowu, pien kwarigi yam gupwoyo lunebi ma lugoba kit meno.
\p
\v 27 “Ento wun jo ma winyo, awaco botwu ni, Wumar lukworwu, wutim ber bot jo ma dagwu.
\v 28 Wulam gum i kom jo ma cenowu, wuleg pi jo ma nywarowu.
\v 29 ŋat ma owoŋo lemi tuŋcel, lokke tuŋcel bene; ŋat ma omayo kanyini, pe itwonne koti bene.
\v 30 Mi bot dano ducu ma legi; ŋat ma omayo jami ni, pe ipenygi doki ki bote.
\v 31 Kit ma wumito dano gutimwu, wun bene wutimgi kumeno
\v 32 “Ka wumaro dano ma marowu, pwoc aŋo ma wulimo iye? Pien lubalo bene maro jo ma marogi.
\v 33 Ka wumito ber bot dano ma timowu ber, pwoc aŋo ma wubilimo iye? Pien lubalo bene gimito kit meno.
\v 34 Dok ka wumiyo banya bot dano ma wugeno ni gitwero culowu, pwoc aŋo ma wulimo iye? Lubalo bene miyo banya bot lubalo wek giculgi marom.
\v 35 Ento wumar lukworwu, wutim ber, wumi banya, kun pe wugeno ni gibiculowu, ci mot me pwoyowu bibedo madwoŋ, dok wubibedo litino pa En Mamalo Twal; pien en timo ber bot jo ma pe pwoye ki bot jo maraco.
\v 36 Wubed lukica macalo wunwu lakica.
\p
\v 37 “Pe wuŋol kop i kom jo mukene, wek wun bene pe gibiŋol kop i komwu; pe wuŋol kop olo jo mukene, wun bene pe gibiŋolo kop loyowu. Wutim kica bot dano pi balgi, ci wun bene gibiweko balwu.
\v 38 Wumi, gibimiyowu. Gibimiyowu gin ma gipimo maber i korwu, ma gidilo, ma giyeŋo, ma o. Pien kit gin ma wupimo kwede jami en aye bene gibipimo kwede Jami botwu.”
\p
\v 39 Yecu obolo botgi carolok. Owacci, “Latowaŋ twero peyo latowaŋ lawote Gin aryo ducu pe gibipoto woko i bur?
\v 40 Lapwonnye pe dit kato dano ma pwonye; ento dano ducu ka doŋ gipwonyogi maber, gibidoko macalo lapwonygi.
\p
\v 41 Piŋo ineno cuŋ kal ma tye i waŋ omeru, ento dul yat ma tye i waŋi in kikomi pe ineno.
\v 42 Nyo itwero waco bot omeru niŋniŋ ni, ‘Omera, wek akwany cuŋ kal ma tye i waŋi-ni woko,’ kun in kikomi pe ineno dul yat ma tye i waŋi In lagoba, koŋ ikwoŋ kwanyo dul yat ma tye i waŋi-ni woko, ci miyo doŋ ineno piny maber me kwanyo cuŋ kal ma tye i waŋ omeru ca.
\p
\v 43 “Pien pe tye yat maber ma twero nyako nyige maraco; ki yat marac bene pe twero nyako nyige mabeco;
\v 44 yat acel acel giŋeyo pi nyige. Pe gipwono olam ki i kom oryaŋ, dok bene pe gipwono olok ki i kom ocok.
\v 45 Dano maber kwanyo gin maber i kin jami mabeco ma en okano i cwinye, dano marac kwanyo gin marac ma i kin jami maraco ma en okano, pien dog dano loko gin ma opoŋ i cwinye.
\p
\v 46 “Piŋo wulwoŋa ni, ‘Rwot, Rwot,’ kun pe wutiyo gin ma acikowu?
\v 47 Dano ducu ma bino bota ma winyo lokka, dok tiyo, abinyuto botwu ŋat ma en cal kwede.
\v 48 Rom ki dano ma ogero ot ma okwinyo matut, ma ocibo guti i kom pata got; ka pii opoŋ, ci kulu ocorre i kom ot, ento pe otwero yeŋone, pien bigero maber.
\v 49 Ento dano ma winyo lokka kun pe tiyo, rom ki dano ma ogero ot i ŋom laboŋo guti; ka kulu omol ki tek i kome, oyotoyot opoto, ogannye woko piny lirubuku.”
\c 7
\cl Chura 7
\p
\v 1 Ka Yecu doŋ otyeko lokke ducu kun dano giwinyo, ci odonyo i Kapernaum.
\v 2 Ladit mo ma Laroma ma loyo askari miya yam tye ki laticce ma en maro twatwal, ma kome lit, cok to.
\v 3 Ka en owinyo pi Yecu, ci ooro ludoŋo pa Lujudaya bote kun lege ni obin ocaŋ laticce.
\v 4 Ka gubino bot Yecu, gubako doggi bote ki cwinygi ducu kun giwaco ni, “En ber, myero itimme man,
\v 5 pien maro rokwa, en aye ogero kacokkewa.”
\p
\v 6 Yecu ocito kacel kwedgi. Ka doŋ oo cok ki gaŋ, ladit ma loyo askari ooro lureme bote, kun wacce ni, “Ladit, pe icanne, pien an pe amyero me wek ibin idony i oda,
\v 7 en aye gin mumiyo atamo ni, kadi an bene pe aromo bino boti. Ento wac lok awaca keken ci laticca bicaŋ.
\v 8 Pien an bene a dano ma giloya aloya i dog tic, atye ki askari bene ma an aloyogi. Ka awaco bot askari mo acel ni, ‘Citi,’ ci cito, dok ka awaco bot ŋat mukene ni, ‘Bin’, ci bino dok ka awaco bene bot laticca ni, ‘Tim man,’ ci timo.”
\p
\v 9 Yecu ka owinyo man, ci ouro twatwal, olokke bot lwak ma lube, owaco botgi ni, “Atito botwu ni, peya anoŋo niye ma rom ki man, kadi i Icrael.”
\v 10 Ka luor doŋ gudok paco, gunoŋo latic doŋ kome yot.
\p
\v 11 Ka kare okato manok, ocito i gaŋ ma gilwoŋo Nain; lupwonnyene ki lwak madwoŋ guwoto kacel kwede.
\v 12 Ka doŋ onyiko cok ki dogcel me gaŋ, nen, gitye ka lebo dano muto, latin ma minne onoŋo onywale en kene, minne yam da-to. Lwak dano ma gua ki i gaŋ onoŋo gitye kacel kwede.
\v 13 Ka Rwot onene, kica omake i kome, owacce ni, “Wek koko obedi.”
\v 14 En obino ogudo kitara, ci jo ma gitye ka lebo lato gucuŋ mot. Yecu owaco ni, “Awobi, awacci, a malo.”
\v 15 Dano ma oto-ni oa, obedo, ocako lok. Yecu omiye bot minne.
\p
\v 16 Lworo omakogi ducu, gupako Lubaŋa kun giwaco ni, “Lanebi madit doŋ onen i kinwa!” dok ni, “Lubaŋa doŋ olimo jone!”
\v 17 Lok man ma en otiyo-ni oywek i lobo Judaya ducu ki i lobo ducu ma orumo.
\p
\v 18 Lupwonnye pa Jon gutito lok magi ducu bote.
\v 19 Jon olwoŋo jo aryo ki i kin lupwonnyene oorogi bot Rwot ka penye ni, “In aye ŋat ma myero obin-ni, nyo dok wakur ŋat mukene?”
\p
\v 20 Ka jo-nu gubino bot Yecu, guwacce, ni, “Jon oorowa boti, kun penyo ni, ‘In aye i ŋat ma myero obin-ni, nyo dok wakur ŋat mukene?’”
\p
\v 21 I kare meno onoŋo Yecu ocaŋo lutwo mapol ma gitye ki arem ki cen maraco, omiyo lutowaŋ mapol guneno piny.
\v 22 Yecu odok iye botgi ni, “Wucitit bot Jon gin ma wuneno ki ma wuwinyo; lutowaŋ guneno piny, luŋolo guwoto, ludobo gilonyogi, ludiŋit guwinyo lok, ki jo muto gicerogi woko, ki lucan bene gitito botgi lok me kwena maber.
\v 23 Dano ma tamme pe oballe i koma tye ki gum.”
\p
\v 24 Ka doŋ lukwena pa Jon gudok, Yecu ocako lok ki lwak i kom Jon ni, “Onoŋo wucito i tim ka neno gin aŋo? Onoŋo wucito ka neno lagada ma yamo obedo ka yeŋone?
\v 25 Onoŋo wucito kunnu kono ka neno gin aŋo? Wucito ka neno dano ma oruko boŋŋi mabeco? Nen, jo ma ruko boŋŋi me deyo, dok ma bedo ki jami me wel, gibedo i gaŋ kal pa luker.
\v 26 Doŋ onoŋo wucito kunnu ka neno gin aŋo? Wucito ka neno lanebi mo? Iyo, awaco botwu ni ŋat madit makato lanebi.
\v 27 Man aye ŋat ma yam gicoyo lok i kome ni, ‘Nen, acwalo lakwenana otelo nyimi, ma bigero yoni ma peya in ibino.’
\p
\v 28 Awaco botwu ni, pe tye dano mo ki i kin jo ma mon onywalogi ma kato Jon ki dit; ento ŋat matidi twatwal i ker pa Lubaŋa aye kate.”
\p
\v 29 Ka guwinyo lok man, lwak ducu wa lujog-mucoro guye ni Lubaŋa oporre, pien yam gibatijagi ki batija pa Jon,
\v 30 ento Luparicayo ki lupwony-cik gukwero gin ma Lubaŋa oyubo pigi, pien nene pe gulimo batija ki bot Jon.
\p
\v 31 Yecu dok owacci, “Doŋ abiporo jo me kare man ki gin aŋo? Gin calo aŋo?
\v 32 Girom ki litino ma gibedo i cuk ma gilwoŋo litino wadigi kun giwaco ni, ‘Yam wakuto nyamulere botwu wun pe wumyelo; wawero wer lyel, wun pe wukok.’
\v 33 Pien Jon Labatija doŋ obino kun pe camo kwon, pe mato koŋ vino bene wun wuwaco ni, ‘En tye ki cen marac.’
\v 34 Wod pa dano dok obino kun camo dok mato bene, wun wuwaco ni, ‘Nen, dano ma owor ki lameno, larem lujogmucoro ki lubalo.’
\v 35 Ento ryeko pa Lubaŋa oloyo kop pi litinone ducu.”
\p
\v 36 ŋat acel i kin Luparicayo olwoŋe ka cam bote; Yecu ocito i ot pa Laparicayo ci obedo piny i dog cam.
\v 37 Nen, tye dako mo ma labalo i gaŋ meno. Ka oŋeyo ni Yecu tye ka cam i ot pa Laparicayo, ci okelo adomo moo ma ŋwece kur.
\v 38 Ocuŋ i ŋe Yecu tuŋ tyene kun kok, pig waŋe oton i tyen Yecu, obedo ka jwayo ki yer wiye kun noto tyene, owiro ki moo.
\v 39 Ka Laparicayo ma onoŋo olwoŋe-ni oneno, oloko i iye kekene ni, “Kono dano man lanebi, kono oniaŋ i kom dako ma ogude-ni, ki kite, ni en labalo.”
\p
\v 40 Yecu odokke iye ni, “Cimon, atye ki lok mo ma amito awacci.” Cimon ogamo ni, “Wacca, Lapwony.”
\v 41 Yecu ogamo ni, “ŋat mo ma lami-banya yam tye ki dano aryo ma gucamo banya bote. ŋat acel onoŋo tye ki banya me ciliŋ miya abic, ŋat mukene pyerabic.
\v 42 Ka culone oloyogi, otimo kica botgi gin aryo ducu. Mene i kingi ma bimare makato?”
\p
\v 43 Cimon odokke iye ni, “Atamo ni en ma gitimo kica pi wel banya madwoŋ-ŋi.” Ogamo ni, “Iŋolo kakare.”
\v 44 Olokke bot dako, openyo Cimon ni, “Ineno dako man? Adonyo i odi, pe imiya pii me lwoko tyena, ento en otono pig waŋe i tyena, ojwayo ki yer wiye.
\v 45 In pe imota kun inoto lema, ento cakke i kare ma adonyo i ot, en pe oweko noto tyena.
\v 46 In pe iwiro wiya ki moo, ento en owiro tyena ki moo ma ŋwece kur.
\v 47 Pi meno atitti ni, doŋ giweko balle mapol-gu ducu, kit ma marre madwoŋ-ŋi nyuto-ni; ento ŋat ma giweko balle manok, marre nok.
\v 48 Owaco bot dako ni, ‘Balli doŋ giweko.’”
\p
\v 49 Jo ma onoŋo tye i dog cam gucako lok i kingi kekengi ni, “Man aŋa, ma weko bal-li?”
\p
\v 50 Owaco bot dako ni, “Niyeni olari; wot doŋ giri ki kuc.”
\c 8
\cl Chura 8
\p
\v 1 Ka kare okato manok, Yecu owoto i kin gaŋi madoŋo ki matino kun tito dok nyuto lok me kwena maber i kom ker pa Lubaŋa. Jone apar wiye aryo onoŋo tye kwede,
\v 2 kacel ki mon mogo ma yam en ocaŋogi i kom cen maraco ki i kom two; Maliam ma gilwoŋo ni Maliam me Magdala, ma cen maraco abiro yam oa woko ki i kome,
\v 3 Joana dako pa Kuja, lagwok-lim pa Kerode, Cucana, ki mon mukene mapol, ma yam gikonye ki limgi.
\p
\v 4 Ka lwak mapol gucokke kacel, kun dano gubino bote ma gia ki i gaŋi mapol, Yecu oloko i carolok ni,
\v 5 “Lacoc ocito ka coyo kodine. Ka kun coyo, ci kodi mogo okir i ŋet yo, dano gunyono, winyo me polo gubino gucamo woko.
\v 6 Kodi mukene okir i kom pata; ka odoŋo, otwo woko, pien pii pe i tere.
\v 7 Kodi mukene okir i kin okuto; okuto odoŋo kacel kwede, odiye.
\v 8 Kodi mukene okir i ŋom maber, ci odoŋo, guceko ma dodo tyen miya.” Ka doŋ oloko lok man, ci odaŋŋe owaco ni, “ŋat ma tye ki it me winyone, owiny.”
\p
\v 9 Ka lupwonnyene gupenye te lok me carolok man,
\v 10 ci en ogamo ni, “Wun gimiyowu me ŋeyo muŋ me ker pa Lubaŋa; ento jo mukene gimiyogi i carolok wek ka gineno, pe gunen, dok ka giwinyo, pe guniaŋ tere.
\p
\v 11 “Carolok-ki tere ene: Kodi aye lok pa Lubaŋa.
\v 12 Gin ma i ŋet yo gin aye jo ma winyo; lacen Catan bino, kwanyo lok ki i cwinygi woko, wek pe guye, pe gularre.
\v 13 Gin ma i kom pata aye jo ma winyo, ci gigamo lok ki yomcwiny; ento pe gitye ki cwitgi, giye pi Kare manok, ento i kare me omo cwiny gipoto woko.
\v 14 Gin ma okir i kin okuto, gin aye jo ma winyo, ento ka kare okato, ci tam mapol, ki lim, ki yomcwiny me kwo man diyogi, nyiggi pe cek maber.
\v 15 Gin ma i ŋom maber, gin aye jo ma ka guwinyo lok, ci gimako matek ki cwiny ma genne ki maber, ginyak nyiggi kun gidiyo cwinygi.
\p
\v 16 “Pe tye ŋat mo ma cwinyo tara, ci dok umo woko ki aduku, nyo keto i te kitanda, ento keto i wi okar, wek jo ma bino i ot gunen mac.
\v 17 Pien pe tye gin mo ma gikano ma pe binen ka maleŋ, dok pe tye gin mo ma giumo ma pe gibiŋeyo, dok ma pe gibiyabo ka maleŋ.
\v 18 Pi meno wugwokke kit ma wuwinyo ki lok; pien ŋat ma mere tye gibimedde, ŋat ma mere pe, gibikwanyo woko ki bote kadi wa gin ma en tamo ni etye kwede.”
\p
\v 19 Minne ki omegine gubino, ento onoŋo pe gitwero o bote pi lwak.
\v 20 Gititte ni, “Meni ki omegini gitye gucuŋ woko, gimito neni.”
\p
\v 21 Ento Yecu odok iye botgi ni, “Maa ki omegina gin aye jo ma winyo lok pa Lubaŋa, dok gitiyo.”
\p
\v 22 I nino mo acel Yecu odonyo i yeya kacel ki lupwonnyene, owaco botgi ni, “Wakatu wacitu loka nam tuŋ ca.” Gucako wot;
\v 23 i kare ma gitye ka wot ki yeya, Yecu onino woko. Yamo okodo matek i dye nam, pii ocako poŋ i yeya, onoŋo gitye marac.
\p
\v 24 Guwoto, gucoye kun giwaco ni, “Ladit, wato woko do!” Yecu oco, ci ojuko yamo, ki pii ma onoŋo twagge; opye mot, ki nam oliŋ.
\p
\v 25 Openyogi ni, “Niyewu tye kwene?” Lworo omakogi, guuro kun gupennye kekengi ni, “Man aŋa kono kaa, ma ciko yamo ki pii, ci giwinye-ni?”
\p
\v 26 Gubino i lobo pa Lugeraca, ma okemme ki Galilaya.
\v 27 Ka Yecu okato i wi tera, ci dano mo me gaŋ meno ma tye ki cen obino bote. Dano-nu onoŋo ori pi kare malac ma pe ruko boŋo, pe bedo i ot bene, ento bedo mere i kin lyel keken.
\p
\v 28 Ka oneno Yecu, ci odaŋŋe oryebbe i nyime, owaco ki dwan maloŋo ni, “Ilaro aŋo kweda, Yecu, Wod pa Lubaŋa Mamalo Twal? Abako doga boti, pe iyela.”
\v 29 Pien onoŋo Yecu ociko cen marac ni oa woko ki i kom dano-nu. Pien tyen mapol dwogo i kome. Onoŋo gigwoke agwoka kun gitweye ki nyor ki nyonyo, ento yam turo gin ma gitweye kwede woko, cen ryeme, tere i tim.
\p
\v 30 Yecu openye ni, “Nyiŋi aŋa?” Ogamo ni, “Legion’’; pien cen mapol onoŋo tye i kome.
\v 31 Cen gubako doggi bote ni pe ocikgi ni gicit i Bur.
\v 32 Lwak opego mapol onoŋo gitye ka cam i kor got kunnu. Cen gubako doggi bote ni owek gidony i opego.
\v 33 Cen gua ki i kom dano-nu, gudonyo i opego, lwak opego gutwarre ki ŋwec nia ki i kor got malo, ci gumwony woko i nam.
\p
\v 34 Ka lukwat guneno gin ma otimme, ci guriŋo, gutero lokke i gaŋ madit ki i kin paco.
\v 35 Dano gucito ka neno gin ma otimme, gubino bot Yecu, gunoŋo dano ma cen oa ki i kome-ni obedo ka tyen Yecu, oruko boŋo, odoko dano; lworo omakogi.
\v 36 Jo ma guneno lok man gutito botgi kit ma dano me no ma yam tye ki cen ocaŋ kwede.
\v 37 Jo ducu ma gibedo i lobo pa Lugeraca ma orumo kunnu gulego Yecu ni myero oa woko ki botgi, pien onoŋo lworo omakogi matek; omiyo Yecu odonyo i yeya, odok cen.
\v 38 Dano ma cen oa ki i komeni obako doge bot Yecu ni myero ebed bote; ento Yecu ocwale kun cike ni,
\v 39 “Dok i paconi, icitit gin madit ma Lubaŋa otimo i komi.” Ocito otito i kin gaŋa meno ducu lok madit ma Yecu otimo i kome.
\p
\v 40 Ka Yecu odwogo, lwak gujole ki yomcwiny, pien onoŋo gin ducu gitye ka kure.
\v 41 Dano mo obino, nyiŋe Yairo, ma onoŋo ladit me kacokke. Oryebbe piny ka tyen Yecu, obako doge bote ni obin i ode,
\v 42 pien onoŋo yam tye ki nyare ma onywalo acel keken ma onoŋo doŋ cok to; mwaka me ditte mito romo apar wiye aryo. I kare ma Yecu tye ka wot, lwak odiye.
\v 43 Dako mo onoŋo tye kunnu ma yam onoŋo twoyo two agobi pi mwaka apar wiye aryo, ma doŋ obalo limme ducu bot daktar, ento pe otwero caŋ.
\v 44 Obino cok i ŋe Yecu, ci ogudo dog ginarukane; cutcut remo ma cwer ocok woko.
\v 45 Yecu openyo ni, “Aŋa ma oguda-ni?” Ka dano ducu gukwero woko, ci Petero ki jo ma tye kacel kwede, gugamo ni, “Ladit, lwak orumi dyere, gidine i komi.”
\p
\v 46 Ento Yecu owaco ni, “ŋat mo oguda gire, pien awinyo tek oa woko ki i koma.”
\v 47 Dako-nu oneno ni pe etwero kanne, ci obino kun kome myel, oryebbe i nyime, otito i nyim lwak ducu gin ma omiyo egude, ki kit ma ecaŋ kwede oyotoyot.
\v 48 Yecu owacce ni, “Nyara, niyeni ocaŋi; wot ki kuc.”
\p
\v 49 I kare ma Yecu pud tye ka lok, dano mo obino ma oa ki i gaŋ pa ladit me kacokke, owaco ni, “Nyari doŋ oto woko, pe doŋ iyel Lapwony.”
\p
\v 50 Ento ka Yecu owinyo, owacce ni, “Pe ilwor, ye ayeya keken, ci en bicaŋ.”
\v 51 Ka obino i ot, pe oye ni dano mo odony kwede i ot, kono Petero ki Jon, ki Yakobo, ki won latin ki minne keken.
\v 52 Dano ducu onoŋo gitye ka koko kun gikumo pire; ento Yecu owaco ni, “Wuwek koko obedi; pien nyako-ni pe oto, ento onino anina.”
\v 53 Gunyere matek, pien giŋeyo ni nyako-ni oto woko.
\v 54 En omako bad latin, olwoŋe, owacce ni, “Nyako, a malo.”
\v 55 Ci cwinye odwogo, oa malo oyotoyot, Yecu ociko ni gimine cam.
\v 56 Lunyodone guuro mada; ento Yecu ocikogi matek ni pe myero gutit pi gin ma otimme-ne bot dano mo.
\c 9
\cl Chura 9
\p
\v 1 Yecu olwoŋo jone apar wiye aryo kacel, omiyo botgi tek ki twero i kom cen ducu, ki me caŋo two,
\v 2 oorogi ka tito lok i kom ker pa Lubaŋa ki ka caŋo lutwo.
\v 3 Ocikogi ni, “Pe wuwot ki gin mo, kadi ki odoo, kadi kicaa, kadi kwon, kadi lim, dok pe wubed ki kanyi aryo.
\v 4 Ot ma wubidonyo iye, wubed kunnu, nio ka wubia, wucito giwu.
\v 5 Ka ma pe gijolowu iye, ka wua ki i gaŋ meno, wuteŋ apwa tyenwu obed caden botgi.”
\v 6 Gua gucito i kin gaŋ, gutito lok me kwena maber kun gicaŋo lutwo bene i kabedo ducu.
\p
\v 7 Ento Kerode rwot madit ka owinyo pi gin ducu ma obedo ka timme, wiye ocuŋ woko, pien jo mogo guwaco ni Jon Labatija aye ocer ki i kin jo muto,
\v 8 jo mukene ni, Elia aye doŋ onen, jo mukene ni, ŋat acel i kin lunebi macon aye ocer.
\v 9 Kerode owaco ni, “Jo yam atoŋo wiye woko do; ento man aŋa ma dok awinyo lok macalo magi i komeni?” Oparo pi nene twatwal.
\p
\v 10 Ka lukwena gudwogo, gutitte lok ducu ma gutiyo. Yecu oterogi, ocito kwedgi i gaŋ ma gilwoŋo Betecaida i muŋ.
\v 11 Ka lwak guwinyo, ci gulubo kore, en ojologi, otito botgi lok i kom ker pa Lubaŋa, ocaŋo jo ma komgi lit.
\p
\v 12 Ka piny doŋ mito yuto, jone apar wiye aryo gubino bote, guwacce ni, “Cwal lwak gucit i kin gaŋ ki i pacci ma orumo kany, wek guyeny kabuto, gunoŋ cam; pien kany watye i dye tim.”
\p
\v 13 Ento Yecu odok iye botgi ni, “Wun wumi botgi cam.” Gugamo ni, “Watye ki mugati abic ki rec aryo keken, nyo ka ce imito waciwil cam pi lwak man ducu.”
\p
\v 14 Pien onoŋo gimito romo dano alip abic. Ociko lupwonnyene ni, “Wumi dano gubed piny i dul, i dul acel acel dano pyerabic.”
\v 15 Gutimo kumeno, gumiyo dano ducu gubedo piny.
\v 16 Yecu okwanyo mugati abic ki rec aryo-nu, oneno malo i polo, olego iye gum, obaro iye, omiyo bot lupwonnyene wek guket i nyim lwak.
\v 17 Gin ducu gucamo guyeŋ. Gicoko ŋide mudoŋ oromo aduku apar wiye aryo.
\p
\v 18 Ka onoŋo en tye ka lega kaikene, kun lupwonnyene bene tye kacel kwede, en openyogi ni, “Dano mono giwacci an aŋa?”
\p
\v 19 Gudok iye ni, “Jon Labatija, jo mukene giwacci Elia, ki jo mukene ni ŋatti mo acel i kin lunebi macon aye doŋ ocer.”
\p
\v 20 Openyogi ni, “Wun kono wuwacci an aŋa?” Petero ogamo ni, “In i Kricito ma Lubaŋa oyero.”
\p
\v 21 Ento Yecu ocikogi matek ni pe myero gutit lok man bot dano mo.
\v 22 Dok owaco ni, “Wod pa dano myerone okany can madwoŋ, dok ludoŋo ki ajwagi madito pa Lubaŋa ki lupwony-cik myero gukwere woko, ci guneke, ento myero gicere woko i nino me adekke.”
\p
\v 23 Dok owaco bot dano ducu ni, “Ka dano mo mito lubo kora, myero okwoŋ kwerre kekene, otiŋ yatariyane nino ducu, ci olub ki kora.
\v 24 Pien dano ma mito laro kwone, birwenyone arwenya, ento dano ma rwenyo kwone pira, bilaro kwone.
\v 25 Pien konyo dano ma olimo lobo ducu ki gin aŋo kun kwone rwennye woko, nyo balle?
\v 26 Dano ma lewic make pira ki pi lokka, Wod pa dano bene lewic bimake i kome, i kare ma en bidwogo i deyone ki deyo pa Lubaŋa Won kacel ki pa lumalaika maleŋ.
\v 27 Ento atito botwu ni, tye jo mogo ma gucuŋ kany ma pe gibibilo to, ma pud peya guneno ker pa Lubaŋa.”
\p
\v 28 Ka nino ma mito romo aboro okato i ŋe lok magi, Yecu otero Petero ki Jon ki Yakobo, oito kwedgi i wi got ka lega.
\v 29 I kare ma onoŋo en tye ka lega, waŋe olokke mapat, ginarukane odoko matar ma ryeny lidaŋdaŋ.
\v 30 Nen, jo aryo gubedo ka lok kwede, jo-nu onoŋo aye Moses ki Elia,
\v 31 ma gunen kun gitye ki deyo, guloko pi ane ki i lobo man, ma en myero ocob i Jerucalem.
\v 32 Petero ki jo ma tye kacel kwedgi onoŋo nino omako waŋgi matek, ento gubedo ma waŋgi twolo, guneno deyone ki jo aryo ma gucuŋ kacel kwede.
\v 33 Ka jo aryo-nu mito a woko ki bote, ci Petero owaco ni, “Ladit, bedo kany ber; kono wagero aduc adek, acel meri, acel pa Moses, ki acel pa Elia.” Onoŋo Petero pe ŋeyo gin ma myero eloki.
\v 34 ka pud loko lok man, pol obino, oumogi; lworo omakogi ka gidonyo i pol.
\p
\v 35 Dwan oa i polo ni, “Man aye Woda ma doŋ ayero; wuwinye.”
\v 36 Ka dwan man doŋ oloko, ci ginoŋo Yecu odoŋ kene. Lupwonnye guliŋ aliŋa; i kare meno, pe gutito bot dano mo lok mo i kom gin ma guneno.
\p
\v 37 Orwone, ka doŋ gulor piny ki i wi got, lwak madwoŋ gurwatte kwede.
\v 38 Nen, laco acel ki i kin lwak odaŋŋe ni, “Lapwony, abako doga boti, inen woda, pien anywalo en acel kene.
\v 39 Nen, cen bino i kome, ci miyo kok cut; ryeye, kelo bwoyo i doge, nyoŋo kome woko, pe a ki i kome oyotoyot.
\v 40 Abako doga bot lupwonnyeni ni guryem woko, ento ryemone oloyogi.”
\p
\v 41 Yecu odok iye ni, “Wun yalwak me kare man, pe wutye ki niye, kitwu doŋ oballe woko. Abibedo kwedwu wa awene? Abidiyo cwinya i kwomwu nio wa awene? Kel wodi kany.”
\v 42 Ka onoŋo tye ka bino, cen orete woko piny, oryeye matek. Ento Yecu ogerre i wi cen marac, ocaŋo awobi-nu, odwoke bot wonne. Dano ducu guuro dit pa Lubaŋa.
\v 43 Ento ka pud gitye ka uro gin ducu ma en otiyo, Yecu owaco bot lupwonnyene ni,
\v 44 “Wuwek lok man odony i itwu; pien Wod pa dano gibimiye i ciŋ dano.”
\v 45 Ento lupwonnyene pe guniaŋ lok man; lok man okanne woko ki botgi wek pe guniaŋ iye; ci gulworo penye pi lok meno.
\p
\v 46 Pyem yam ocakke i kingi, ni aŋa ma i kingi ma loyo ki dit.
\v 47 Yecu ka oŋeyo pyem ma i cwinygi, okwanyo latin matidi, omiye ocuŋ i ŋete,
\v 48 owaco botgi ni, “Dano ducu ma jolo latin man i nyiŋa, noŋo ojolo an, dano ducu ma jolo an, noŋo ojolo ŋat ma oora; pien ŋat matidi twatwal i kinwu ducu en aye ŋat madit.”
\p
\v 49 Jon ogamo ni, “Ladit, waneno ŋat mo ma ryemo cen i nyiŋi, wageŋe, pien en onoŋo pe lubi kacel kwedwa.”
\p
\v 50 Ento Yecu odok iye ni, “Pe wugeŋe, pien ŋat ma pe lakworwu, noŋo tye tuŋ botwu.”
\p
\v 51 Ka kare doŋ mito romo me tiŋe malo, ociko waŋe matek me cito i Jerucalem.
\v 52 Ooro lukwena gukwoŋo nyime; gucito, gudonyo i gaŋ mo pa Lucamaria pi yubbe kabedo.
\v 53 Ento Lucamaria pe gujole, pien waŋe okemo Jerucalem.
\v 54 Ka lupwonnyene Yakobo ki Jon guneno, guwaco ni, “Rwot, imito wacik mac oa ki i polo, otyekgi woko?”
\v 55 Ento Yecu olokke, ojukogi, [kun waco ni, “Pe wuŋeyo kit cwiny ma wutye kwede;
\v 56 pien Wod pa dano pe obino ka tyeko kwo pa dano, ento pi larogi.”] Gucito i gaŋ mukene.
\p
\v 57 Ka gitye ka wot i yo, dano mo owacce ni, Abilubi ka ma ibicito iye ducu.
\p
\v 58 Yecu odokke iye ni, “Too tye ki boro, winyo me polo tye ki odigi, ento Wod pa dano pe tye ki ka ma myero epyel iye wiye.”
\v 59 Owaco bot dano mukene ni, “Luba.” Ento danonu ogamo ni, “Ladit, koŋ iwek aciyik wora.”
\p
\v 60 Yecu odokke iye ni, “Wek jo muto guyik jo muto wadigi; ento in iciti, inya lok i kom ker pa Lubaŋa.”
\p
\v 61 ŋat mukene owaco ni, “Abilubi, ladit; ento koŋ iwek acit, acik jotuwa.”
\p
\v 62 Yecu owacce ni, “Pe tye dano mo ma mako kweri dyaŋ, ka dok neno ŋeye, ma biromo bedo i ker pa Lubaŋa.”
\c 10
\cl Chura 10
\p
\v 1 Ka man otum, Rwot oyero jo mukene pyerabiro, oorogi ki aryo aryo wek gukwoŋ nyime, me cito i gaŋi ducu ki i kabedo ducu ka ma en kikome bibino iye.
\v 2 Owaco botgi ni, “Kac tye dwoŋ, ento lukac aye nok; pi meno wuleg Won poto, wek ocwal lutic ka kac.
\v 3 Wucit giwu; nen, acwalowu macalo litino romi i kin orudi.
\v 4 Pe wuwot ki kicaa lim nyo opiro, kadi war; pe wumot ŋat mo i waŋayo.
\v 5 Ot ducu ma wudonyo iye, wukwoŋ waco ni, ‘Kuc obed i ot man.’
\v 6 Ka latin me kuc tye kunnu, ci kucwu bibedo i kome; ento ka pe, ci kucwu bidwogo botwu.
\v 7 Wubed i ot meno, kun wucamo dok wumato gin ma gimiyowu, pien latic myero gimiye mucarane. Pe wubed ka kobo i ot ki ot.
\v 8 Ka wudonyo i gaŋ mo, ce gijolowu, wucam gin ma giketo i nyimwu;
\v 9 wucaŋ lutwo ma tye iye, wutit botgi ni, ‘Ker pa Lubaŋa doŋ onyiko cok botwu.
\v 10 Ento ka wudonyo i gaŋ mo, ce pe gijolowu, ci wucit i waŋayo me gaŋ meno, wuwac ni,
\v 11 ‘Wa apwa me gaŋwu ma omoko i tyenwa, wateŋo i komwu; kadi bed kit meno, myero wuŋe man ni, ker pa Lubaŋa doŋ onyiko cok.’
\v 12 Atito botwu ni, i nino meno can pa Codom bibedo twaratwara makato pa gaŋ meno.
\p
\v 13 “Ibikoko aŋee, in Korajin! Ibikoko aŋee, in Betecaida! Pien kono yam tic madito me twer ma gitiyo botwu gitiyo i Turo ki Cidon, kono jone guŋut wa con, kun giruko boŋo cola ma gibedo i buru bene.
\v 14 Ento can pa Turo ki Cidon bibedo twaratwara i nino me ŋolo kop, makato can ma bipoto i komi.
\v 15 Ki in Kapernaum, gibitiŋi woko malo i polo? Pe kumeno, gibidwoki woko piny i Lyel.
\p
\v 16 “ŋat ma winyowu, noŋo owinyo an, ŋat ma kwerowu, noŋo okwero an; ŋat ma kwera, noŋo okwero ŋat ma oora.”
\p
\v 17 Dano pyerabiro-nu gudwogo cen ki yomcwiny, kun giwaco ni, “Rwot, wa cen maraco bene guwinyo cikwa pi nyiŋi!”
\v 18 En odok iye ni, “Yam aneno Catan kun poto piny nia ki i polo macalo lutkot.
\v 19 Nen, doŋ amiyowu twero me nyono twol ki oton, ki me loyo tek ducu pa lakwor; gin mo pe bitimowu marac.
\v 20 Kadi bed kumeno cwinywu pe obed yom pi man ni, cen guwinyo cikwu; ento cwinywu obed yom, pien nyiŋwu gicoyo i wi polo.”
\p
\v 21 I cawa meno Yecu obedo ki yomcwiny i Cwiny Maleŋ kun waco ni, “Apwoyi, Wora, in Rwot me polo ki me lobo, pien ikano lok magi woko ki bot luryeko ki luŋe-piny, ci inyutogi bot litino lukere; iyo, Wora, pien onoŋo ipwoyo kit yo macalo meno.
\v 22 Jami ducu doŋ Wora otyeko miyogi woko bota; ŋat mo pe ma ŋeyo ni Wod en aŋa, kono Wod keken, dok bene ŋat mo pe ma ŋeyo ni Wod en aŋa, kono Won keken, ki ŋat ma Wod oyero me nyuto Won bote.”
\p
\v 23 Yecu olokke bot lupwonnyene, owaco botgi i muŋ ni, “Tye ki gum, dano ma neno gin ma wun wuneno!
\v 24 Pien atittiwu ni, lunebi ki luker mapol yam guparo pi neno gin ma wun wuneno, ento pe guneno, ki winyo gin ma wun wuwinyo, ento pe guwinyo.”
\p
\v 25 Nen, ŋat mo acel lapwony-cik oa malo, otemo i Yecu kun penye ni, “Lapwony, atim aŋo wek alim kwo ma pe tum?”
\p
\v 26 Yecu openye ni, “Gicoyo ni ŋo i cik? Ikwano niŋniŋ?”
\p
\v 27 Odok iye ni, “Mar Rwot Lubaŋani ki cwinyi ducu, ki tiponi ducu; ki tekki ducu, ki tammi ducu; mar lawoti bene macalo imarre keni.”
\p
\v 28 Yecu ogamo doge ni, “Idok iye kakare; tim kit meno, ci ibikwo.”
\p
\v 29 Ento dano-nu pi mito loyo kop, openyo Yecu ni, “Lawota aŋa?”
\p
\v 30 Yecu odok iye ni, “Yam tye dano mo ma oa ki i Jerucalem, cito piny tuŋ Jeriko, ci orwatte ki luyak; gulunyo boŋŋine ki i kome, gupwode, gucito, guweke kun doŋ cok to.
\v 31 Ajwaka mo pa Lubaŋa onoŋo bene tye ka lubo yo meno; ka onene, ci obarre okato ki i ŋete.
\v 32 Kit meno Lalevi ka oo i kabedo meno, onene, obarre okato ki i ŋete.
\v 33 Ento Lacamaria mo ma onoŋo bene tye ka wot i yo-nu, oo ka ma en tye iye. Ka onene, kica omake i kome.
\v 34 Ocito bote, oonyo moo jeituni ki koŋo vino i waŋ rette, otweyo. Lacen okete i wi kanane, otere i ot welo, ogwoke.
\v 35 Orwone okwanyo lim, omiyo bot ŋat ma gwoko ot welo, ocike ni, ‘Twoye; gin ducu ma ibimiyo makato, an abiculi ka adwogo.’
\v 36 Aŋa i kin jo adek-ki ma itamo ni obedo lawot dano-nu ma orwatte ki luyak-ki?”
\p
\v 37 Odok iye ni, “ŋat ma otime kicani.” Yecu owacce ni, “In bene cit, icitim kit meno.”
\p
\v 38 Ka gitye ka wot i yo, ci Yecu odonyo i gaŋ mo, ci dako mo ma nyiŋe Marita ojole i ode.
\v 39 Yam tye ki laminne nyiŋe Maliam ma obedo ka tyen Yecu kun winyo lokke.
\v 40 Ento Marita onoŋo obedo ka canne ki tic mapol; ocito bot Yecu, openye ni, “Ladit, pe iparo ni lamera oweka atye ka tic kena? Wac bote wek okonya.”
\p
\v 41 Ento Rwot ogamo ni, “Marita, Marita, ibedo ki tam mapol, cwinyi oŋabbe pi jami mapol,
\v 42 ento tye gin acel keken ma mitte. Maliam oyero dul maber ma pe gibikwanyo woko ki bote.”
\c 11
\cl Chura 11
\p
\v 1 Yecu onoŋo yam tye ka lega i kabedo mo; ka doŋ otyeko, ci ŋat acel i kin lupwonnyene owacce ni, “Rwot, pwonywa ki lega, kit macalo yam Jon opwonyo lupwonnyene.”
\p
\v 2 Yecu odok iye botgi ni, “Ka wulego, wuwac kit man ni, ‘Wonwa, giwor nyiŋi maleŋ. Ker meri obin.
\v 3 Miwa nino ki nino camwa me nino ducu.
\v 4 Iwek balwa, pien wan kikomwa waweko bal pa dano ducu ma gibalo botwa. Pe iterwa i abita.’”
\p
\v 5 Dok owaco bitgi ni, “Aŋa i kinwu ma tye ki lareme ci bicito bote cwiny dyewor ka penye ni, ‘Larema, konya ki mugati adek;
\v 6 pien larema mo oa i wot, ocora, ci pe atye ki cam mo ma myero aket i nyime.’
\p
\v 7 En bidokke iye ki i ot ni, ‘Wek yela; doŋ acego doggola woko, wan ki litinona doŋ wabuto; pe atwero a malo ka mini gin mo.’
\v 8 Atito botwu ni, kadi bed en pe bia malo ka miye gin mo pi bedo lareme, ento pi dide ci bia, bimiye gin ducu ma en mito.
\v 9 Dok acikowu ni, Wulegi, ci gibimiyo botwu; wuyeny, ci wubinoŋo, wudwoŋ doggola, gibiyabo botwu.
\v 10 Pien dano ma lego gimiye, ki ŋat ma yenyo bene, noŋo; ŋat ma dwoŋo doggola bene, gibiyabo doggola bote.
\v 11 Aŋa i kinwu ma won latin, ka latinne olege ni omiye rec, ci bimiye twol ma ka rec?
\v 12 Nyo ka olege ni omiye toŋŋweno, ci bimiye oton?
\v 13 Ka wun jo maraco wuŋeyo miyo mot mabeco bot litinowu, ci Wonwu ma tye i polo pe bikatowu, bimiyo Cwiny Maleŋ makato bot jo ma lege?”
\p
\v 14 Yam onoŋo Yecu tye ka ryemo cen ma pe loko; ka cen doŋ oa ki i kom dano ma onoŋo tye ki cen, ma te lebe oto, oloko, ci lwak guuro.
\v 15 Ento jo mogo i kingi guwaco ni, “En ryemo cen pi twero pa Beeljebul ladit pa cen.”
\v 16 Jo mukene onoŋo giyenyo lanyut ki bote ma a ki i polo, pi teme.
\p
\v 17 Ento Yecu oŋeyo tamgi, ci owaco botgi ni, “Ka ker iye opokke aryo, ci ker meno lobone balle woko; ot poto i wi wadi.
\v 18 Catan bene ka opokke kene i dul aryo, ci kerre bicuŋ niŋniŋ? Pien wun wuwaco ni aryemo cen pi twero pa Beeljebul.
\v 19 Ka an aryemo cen pi twero pa Beeljebul, ci litinowu kono giryemo cen pi twero pa aŋa? Pi meno gin aye gibibedo luŋolkopwu.
\v 20 Ento ka ce an aryemo cen pi ciŋ Lubaŋa, ci doŋ wuŋe ni ker pa Lubaŋa doŋ obino botwu.
\p
\v 21 Ka oteka ma oruko jami lwennye ducu tye ka gwoko gaŋ kalle, jamine ducu bedo ki kuc,
\v 22 ento ka dano ma kate ki tek olwenyo i kome ce oloye, bicoko jami lwennye ma ya en geno, bipoko jami ma yam en oyako ki bote.
\v 23 ŋat ma pe tuŋ bota, meno noŋo en lakworra, dok ŋat ma pe nywako coko kweda, keto mere aketa.
\p
\v 24 “Ka cen marac doŋ oa ki i kom dano mo, ci cito wirre i kabedo ma pii pe iye kun yenyo ka ma ebiywe iye; ento ka noŋone oloye woko, ci wacci, ‘Abidok gira i oda ka ma yam aa ki iye-ni.’
\v 25 Ka obino, ci noŋo giyweyo i ot woko maleŋ, giyubo maber.
\v 26 En dok, cito kelo cen mukene abiro ma giraco gikate woko, ci gidonyo gibedo i ode-ni; lacen dano-nu bibedo marac makato kit ma onoŋo yam obedo kwede con.”
\p
\v 27 Ka oloko lok man, ci dako mo ki i kin lwak owoto dwane, owacce ni, “Tye ki gum ic ma onywali, ki tuno ma idoto!”
\v 28 Ento Yecu ogamo ni, “Makato gitye ki gum, jo ma giwinyo lok pa Lubaŋa, dok gigwoko!”
\p
\v 29 Ka lwak gumedde mapol, ci Yecu ocako waco ni, “Yalwak pa jo maraco giyenyo lanyut, ento pe gibimiyo botgi lanyut mo, kono lanyut pa lanebi Yona keken.
\v 30 Pien kit macalo Yona yam odoko lanyut bot jo Nineve, kit meno Wod pa dano bene bidoko lanyut bot yalwak me kare man.
\v 31 Kabaka ma dako ma tye yo tuŋ acuc bicuŋ kacel ki yalwak me kare man i kare me ŋolo kop, ci miyo kop loyogi; pien en oa ki i agikki lobo obino ka winyo ryeko pa Solomon, ento nen, gin madit makato Solomon tye kany.
\v 32 Jo Nineve bicuŋ kacel ki yalwak man i kare me ŋolo kop, ci miyo kop loyogi, pien gin yam guŋut pi lok ma Yona onoŋo otito, ento nen, gin madit makato Yona tye kany.
\p
\v 33 “Pe tye ŋatti mo ma cwinyo tara ci kano i gul, nyo umo auma ki aduku; ento cibo i wi okar, wek dano ducu ma gibino i ot gunen derone.
\v 34 Tara me komi aye waŋi; ka ce waŋi bal mo pe iye, ci komi kulu bibedo leŋ. Ento ka ce waŋi tye ki bal mo i kome, ci komi kulu bibedo i colpiny.
\v 35 Gwokke wek leŋo ma tye i ii-ni pe odok col.
\v 36 Doŋ ka komi kulu bedo i leŋo, kun colpiny pe iye, ci komi kulu bibedo leŋ, macalo tara ma menyi ki derone ka tye ka lyel.”
\p
\v 37 Ka yam onoŋo tye ka lok, Laparicayo mo olwoŋe ka cam bote; Yecu odonyo i ot, obedo i dog cam.
\v 38 Laparicayo ouro ka oneno ni ocako cam ma pe koŋ ologo ciŋe.
\v 39 Rwot owacce ni, “Wun Luparicayo wulwoko ŋe kikopo ki ŋe atabo, kun iwu opoŋ yak ki tim maraco.
\v 40 Wun lumiŋmiŋ! Ŋat ma tiyo gin ma woko pe en aye bene otiyo gin ma i iye?
\v 41 Wumi gin ma i atabowu bot lucan wek okonygi; ci nen, jami ducu bibedo maleŋ botwu.
\p
\v 42 “Ento wubineno can, wun Luparicayo, pien wumiyo dul me apar me oyado ki ocobo ki kit pot dekwu ducu, kun wuweko ŋolo kop atir ki maro Lubaŋa; meno ducu myero wutim kun pe wuweko magi bene.
\v 43 Wubineno can, wun Luparicayo, pien wumaro kabedo me dito i kacokke, dok wumito ni dano gumotwu i cuk.
\v 44 Wubineno can! Pien wurom ki lyel ma pe ginen ma dano woto i wigi kun pe giŋeyo.”
\p
\v 45 ŋat acel i kin lupwony-cik ogamo doge ni, “Lapwony, ka iwaco kit man nyuto ni iyeto wa wan bene.”
\p
\v 46 Yecu odokke iye ni, “Wubineno can, wun lupwony-cik bene! Pien wumiyo dano yeyo yec mapek, ma yeyone tek, kun wun kikomwu pe wugudo kadi ki lwet ciŋwu acel.
\v 47 Wubineno can, pien wucano got i wi lyel pa lunebi ma yam kwariwu guneko.
\v 48 Kit meno wun wucaden, wupwoyo tic pa kwariwu, pien gin guneko, wun wucano got i wi lyelgi.
\v 49 Pi man Ryeko pa Lubaŋa owaco ni, ‘Abioro botgi lunebi ki lukwena, jo mogo i kingi gibinekogi gibilibogi,’
\v 50 wek remo pa lunebi ducu ma gionyo nia i acakki piny gicul kworre i kom yalwak me kare man,
\v 51 cakke i kom remo pa Abel nio kwede i kom remo pa Jekaria ma oto i kin keno tyer pa Lubaŋa ki kabedo maleŋ. Iyo atito botwu ni, gibiculo kworre i kom yalwak me kare man.
\v 52 Wubineno can, wun lupwony-cik, pien wumayo layab me ŋeyo piny woko, kun wun kikomwu pe wudonyo iye, dok wugeŋo dano ma mito donyo iye bene.”
\p
\v 53 Ka doŋ oa ki kunnu, ci lupwonycik ki Luparicayo gucako dine matek ma girobo doge ki peny mapol,
\v 54 kun gikiye wek gimak lok ma a ki i doge.
\c 12
\cl Chura 12
\p
\v 1 I kare meno, lwak dano alip ki alip gucokke kacel, kun doŋ ginyonne kekengi. Mukwoŋo, Yecu ocako waco bot lupwonnyene ni, “Wugwokke i kom tobi pa Luparicayo, ma en aye buta.
\v 2 Pe tye gin mo ma giumo ma pe gibiyabo ka maleŋ, kadi gin ma gikano ma pe biŋene.
\v 3 Lok ducu ma wuloko i colpiny biwinnye i leŋpiny; dok gin ducu ma wukwilo lokke i tyelo, gibitito lokke i wi ot malo.
\p
\v 4 “Lurema, atito botwu ni, pe wulwor jo ma neko kom, ma pe dok gitwero timo gin mo makato meno.
\v 5 Ento abinyuto botwu ŋat ma myero wulwor; wulwor ŋat ma ka doŋ oneko, ci tye ki twero me bolo i Geena; iyo, atito ni, wulwore.
\v 6 Ojwinyojwiny abic pe gicato pi cente pyeraryo? Ento pe tye mo acel i kingi ma wi Lubaŋa twero wil iye.
\v 7 Kadi bed wa yer wiwu ducu bene doŋ gikwanogi woko liweŋ. Pe wulwor; pien piwu tek twatwal makato pi ojwinyojwiny mapol.
\p
\v 8 “Atito botwu ni, dano ducu ma tuco nyiŋa i nyim dano, Wod pa dano bene bituco nyiŋe i nyim lumalaika pa Lubaŋa;
\v 9 ento ŋat ma kwera i nyim dano, gibikwere bene i nyim lumalaika pa Lubaŋa.
\v 10 Dano ducu ma loko lok marac i kom Wod pa dano gibiweko balle; ento ŋat ma yeto Cwiny Maleŋ pe gibiweko balle.
\v 11 Ka giterowu i nyim kacokke ki i nyim luloc ki wegi twer, pe wubed ka tamo kit ma myero wulok kwede, nyo ni wubigamo niŋniŋ, nyo ni kit lok aŋo ma wubiloko.
\v 12 Pien Cwiny Maleŋ bipwonyowu i cawa meno i gin ma myero wuwaci.”
\p
\v 13 ŋat acel i kin lwak owaco bot Yecu ni, “Lapwony, wac bot omera wek wapok ginaleya kwede.”
\p
\v 14 Ento Yecu ogamo doge ni, “Nyeri, aŋa ma oketa me bedo laŋolkop ki lapok jamiwu?”
\v 15 Owaco botgi ni, “Wunen, wugwokke i paro lim; pien kwo pa dano pe cuŋ i wel lim mapol ma en tye kwede.”
\p
\v 16 Obolo botgi carolok ni, “Yam tye dano mo ma lalonyo ma cam ocek madwoŋ i potone.
\v 17 Dano-nu opennye kekene ki i cwinye ni, ‘Abitimo aŋo, pien pe atye ki ka onyo bella?’
\v 18 Owaco ni ‘Abitimo kit man: abimuko derona ducu, abigoyo mukene maditone, abionyo bella ki jamina ducu i igi.
\v 19 Abiwaco ki cwinya ni, Cwinya, itye ki jami mapol ma birommi pi mwaka mapol; ywe, cam, mati, bed ki yomcwiny.’
\p
\v 20 Ento Lubaŋa owacce ni, ‘In lamiŋ! I dyewor ma tin gibikwanyo kwoni woko ki boti; jami ma iyubo-ni bibedo pa aŋa ce?’
\p
\v 21 Tye kit meno ŋat ma kano lonyo pire kene, kun pe tye ki lonyo bot Lubaŋa.”
\p
\v 22 Yecu owaco bot lupwonnyene ni, “Pi meno awaco botwu ni, pe wubed ki tam mapol pi kwowu, ni wubicamo aŋo; nyo pi komwu, ni wubiruko aŋo.
\v 23 Pien kwo pire tek kato cam, kom pire tek kato ginaruka.
\v 24 Koŋ wupar mono pi agak; pe gicoyo kodi, dok bene pe gikayo, pe gitye ki dula kadi dero, ento Lubaŋa pitogi. Wun pe piwu tek kato pi winyo?
\v 25 Aŋa i kinwu ma twero medo mwaka acel i kom kwone pi bedo ki tam mapol?
\v 26 Ka gin manok macalo man timone loyowu, piŋo wubedo ki tam mapol pi lok mukene?
\v 27 Koŋ wutam pi lega me tim, kit ma gidoŋo kwede; pe giwiyo uci, dok bene pe gicweyo boŋo; pud amedde ki waco botwu ni, kadi bed Solomon yam orukke ki deyone ducu, ento pe orukke macalo mo acel i kingi.
\v 28 Ka ce Lubaŋa ruko lum ma i tim kit meno, ma bedo tye pi nino ma tin keken, ento diki inoŋo gibolo woko i keno, ci en pe birukowu makato, wun jo ma niyewu nok?
\v 29 Pe wuyeny gin ma wubicamo, nyo gin ma wubimato; cwinywu pe obed ka tamo lok mapol.
\v 30 Pien rok ducu ma i wi lobo yenyo jami magi; Wonwu ma tye i polo ŋeyo ni wumitogi.
\v 31 Ento ma ka meno, wuket cwinywu i kom kerre, ci jami magi ducu gibimedo botwu.
\p
\v 32 “Pe wulwor, wun romi manok, pien Wonwu oye atika me miyo botwu ker.
\v 33 Wucat jamiwu, wukony ki lucan; wukwo kicaa lim ma pe ti, wukan lonyo ma pe tum i polo, ka ma lakwo pe o iye, dok nyenye pe balo.
\v 34 Pien ka ma lonyowu tye iye, cwinywu bene bedo iye.
\p
\v 35 “Wubed ma wutweyo pyerwu, kun tarawu lyel;
\v 36 wubed macalo jo ma kuro laditgi ka bidwogo nia ki i karama me nyom, wek giyabbe doggola oyotoyot ka en obino, odwoŋo.
\v 37 Tye ki gum lutic meno ma laditgi ka odwogo noŋo peya gunino. Ada awaco botwuni, en bitweyo pyere kene, bimiyo gibedo i dog cam, ci bibino, cako miyogi cam.
\v 38 Ka obino cwiny dyewor nyo okogweno, kun onoŋogi kit meno, lutic meno gitye ki gum.
\v 39 Ento myero wuŋe man ni, Kono nene won ot ŋeyo cawa ma lakwo bibino iye kono okiyo ma pe oweko dano oturo ode.
\v 40 Pi meno, wun wubed ma wuyubbe pien Wod pa dano bibino i cawa ma pe wutamo.”
\p
\v 41 Petero openyo ni, “Rwot, ibolo carolok man botwa keken, nyo bot dano ducu?”
\p
\v 42 Rwot ogamo ni, “Aŋa ma lagwok-ot ma lagen dok ma laryeko, ma laditte biweko dano ducu ma bedo i ode i te locce, wek opok botgi camgi i kare ma mitte?
\v 43 Latic meno tye ki gum, ma laditte ka odwogo binoŋe kun tye ka tiyo ticce meno.
\v 44 Ada awaco botwu ni, ladit-tu bimiye twero me loyo jamine woko ducu.
\v 45 Ento ka litic meno oloko kekene ni, ‘Laditta doŋ ogalle ka bino’, ci cako goyo lutic ma co ki ma mon, kun camo, mato, dok mer,
\v 46 ladit pa latic meno bidwogo i nino ma en pe tamo pi dwogone, dok i cawa ma en pe ŋeyo; bipwode, bikete i kin jo ma pe genne.
\v 47 Latic meno ma oŋeyo gin ma laditte mito, ento pe oyubbe iye, dok pe olubo gin ma laditte mito, gibipwode matek twatwal.
\v 48 Ento ŋat ma pe oŋeyo, ce otiyo gin ma twero miyo gipwode pire, gibipwode manok. Dano ma gimiye madwoŋ, gibimito madwoŋ ki bote; dok ŋat ma gikano jami mapol bote, gibipenye mapol makato.
\p
\v 49 “Abino ka cwinyo mac i lobo; kono doŋ omoko, kono ber!
\v 50 Atye ki batija ma myero abatija kwede; kit ma aridde kwede nio ka ocobbe!
\v 51 Wun wutamo ni abino ka kelo kuc i lobo? Atito botwu ni pe; kono apokapoka.
\v 52 Cakke tin jo abic ma i ot acel gibibedo kun gipokke; jo adek bikwero jo aryo, jo aryo bikwero jo adek.
\v 53 Won latin bipokke woko ki latinne, latin bene bipokke woko ki wonne; mego bipokke ki nyare, nyako bipokke woko ki minne; dayo bipokke woko ki ci-wode, ki ci-wod bene bipokke woko ki daane.”
\p
\v 54 Yecu dok owaco bot lwak ni, “Ka wuneno pol otiŋŋe tuŋ potoceŋ, oyotoyot wuwaco ni, ‘Kot koni cwer’; ci cwer bene.
\v 55 Dok ka wuneno yamo kodo ki i but piny tuŋ acuc, wun wuwaco ni, ‘Piny bibedo lyet matek’; ci timme bene.
\v 56 Wun lubuta! Wuŋeyo poko kin gin ma nen i lobo ki i polo; piŋo pe wuŋeyo poko kin lanyut me kare man?
\p
\v 57 “Piŋo pe wuŋolo gin ma tye atir piwu kenwu?
\v 58 Ka icito bot laŋolkop kun inywako yo ki ŋat ma doti, tem matek me yubo lok kwede ma kun pud wutye i yo, wek pe oteri i nyim laŋolkop, laŋolkop owek miyi bot askari, askari owek teri i mabuc.
\v 59 Atitti ni, pe ibia ki kunnu nio ka iculo ducu ma wi cente mo pe orem.”
\c 13
\cl Chura 13
\p
\v 1 I kare meno onoŋo tye jo mogo kunnu ma gutitte pi Lugalilaya mogo ma yam Pilato orubo remogi kigitumgi.
\v 2 En odok iye botgi ni, “Wutamo ni Lugalilaya meno gin lubalo makato Lugalilaya mukene ducu, ma omiyo guneno can kit meno-ni?
\v 3 Atito botwu ni, pe; ento ka pe wuŋut, ci wun ducu wubito kit meno.
\v 4 Nyo jo apar wiye aboro meno ma yam ot ma wiye bor opoto i komgi onekogi i Ciloam, wutamo ni gin onoŋo gutimo bal makato jo mukene ducu ma bedo i Jerucalem?
\v 5 Atito botwu ni, pe; ento ka pe wuŋut, ci wun ducu wubito kit meno.”
\p
\v 6 Yecu obolo carolok ni, “Yam tye dano mo ma onoŋo tye ki oduro ma gipito i poto olokke. En obino kun yenyo nyige, ento pe onoŋo.
\v 7 Owaco bot lapur ni, ‘Nen, koni doŋ odoko mwaka adek kun abino, ayenyo nyig oduro man, pe anoŋo. Toŋ woko; piŋo balo ŋom nono?’
\p
\v 8 Lapur odokke iye ni, ‘Ladit, koŋ iwek obed pi mwaka man doki, nio ka abako ŋom i tere, aonyo iye cet dyaŋ mutwo.
\v 9 Ka binyak i mwaka ma bino-ni, ci ber; ento ka pe, ci ibitoŋo giri.”
\p
\v 10 Yam onoŋo Yecu tye ka pwony i kacokke mo i ceŋ cabit.
\v 11 Dako mo onoŋo tye kunnu ma tye ki cen ma okelo goro i kome pi mwaka apar wiye aboro; onoŋo doŋ ogome woko, ma pe twero tirre.
\v 12 Ka Yecu onene, olwoŋe, owacce ni, “Dako, gigonyi woko i kom goroni.”
\v 13 Oketo ciŋe i kome; cutcut dako-nu otirre, ci opako Lubaŋa.
\p
\v 14 Ento kiniga omako ladit me kacokke, pien Yecu ocaŋo dano i ceŋ cabit. Owaco bot lwak ni, “Tye nino abicel ma myero giti iye tic; wubin i nino meno wek gicaŋwu, pe i ceŋ cabit.”
\p
\v 15 Rwot odokke iye ni, “Wun lubuta! ŋat acel acel ki i kinwu pe gonyo twonne nyo kanane ki i ka-camgi, ci tero i pii i ceŋ cabit.
\v 16 Dako man, ma en nya pa Abraim, ma ceŋ Catan otweye pi mwaka apar wiye aboro kulu, pe myero gigonye ki i twec man i ceŋ cabit?”
\v 17 I kare ma Yecu oloko lok man, ci lewic omako lukworre ducu; lwak ducu cwinygi obedo yom pi tic me deyo ducu ma en otiyo.
\p
\v 18 Pi meno en owaco ni, “Ker pa Lubaŋa rom ki gin aŋo? Abiporo ki gin aŋo?
\v 19 Rom ki kodi dek karadali ma dano mo okwanyo, ocoyo i potone; ci odoŋo, odoko yat madit, winyo me polo gibino gigero odigi i jaŋe.”
\p
\v 20 Dok owaco ni, “Abiporo ker pa Lubaŋa ki gin aŋo?
\v 21 Rom ki tobi ma dako mo okwanyo, orubo ki moko mugati ma romo adita adek, nio ka moko ducu oyenyo, okwot.”
\p
\v 22 Yecu omedde ki wotte i kin gaŋi madito ki matino, kun pwonyo, dok kwede tuŋ Jerucalem.
\v 23 ŋat mo openye ni, “Jo manok aye bilarre?” Yecu owaco botgi ni,
\v 24 “Wuket tek wek wudony ki i doggola madiŋ; pien awaco botwu ni, jo mapol gibitemo donyo, ento pe gibitwero.
\v 25 Ka won ot doŋ oa malo ocego doggola, wun wubicuŋ ki woko wudwoŋo doggola kun wuwaco ni, ‘Ladit, yab botwa doggola ba!’ En bidok iye botwu ni, ‘An pe aŋeyo ka ma wua iye.’
\p
\v 26 Ci wun wubiwaco ni, ‘Yam wacamo dok wamato kacel kwedi, dok bene ipwonyo dano i dye gaŋwa.’
\p
\v 27 Ento en biwaco botwu ni, ‘Awaco botwu ni, pe aŋeyo ka ma wua iye; wua woko ki i nyima, wun lutim maraco ducu!’
\v 28 Kunnu wubikok, wubikayo lakwu, ka wuneno Abraim ki Icaka ki Yakobo ki lunebi ducu kun gitye i ker pa Lubaŋa, ento wun kikomwu gibolowu woko.
\v 29 Dano gibibino kun gia ki tuŋ wokceŋ, ki tuŋ potoceŋ, ki yo tuŋ acam, ki tuŋ yo acuc, gibibedo piny i dog cam i ker pa Lubaŋa.
\v 30 Nen, jo mogo ma lacen gibibedo meati, ki jo mogo meati gibibedo me lacen.”
\p
\v 31 I cawa meno luparicayo mogo gubino, guwaco bot Yecu ni, “Cit woko ki kany, pien Kerode mito neki.”
\p
\v 32 Yecu odok iye botgi ni, “Wucit, wuwac bot too can ni, ‘Nen, abiryemo cen dok abicaŋo dano tin ki diki, i nino me adekke abicobone.
\v 33 Kadi bed kit meno, myero amedde gira ki wotta, tin ki diki ki diki maca; pien lanebi pe myero oto ka mukene ma pe i Jerucalem.’
\p
\v 34 Jerucalem, Jerucalem, in ma ineko lunebi, ma icelo dano ma gioro boti woko ki got, tyen adi ma nene amito coko litinoni woko, macalo min gweno coko litinone i te bwome, ento wun pe wuye giwu!
\v 35 Nen, doŋ gitenyo otwu botwu. Atito botwu ni, pe wubinena nio ka wubiwacci, ‘Gipwo ŋat ma bino i nyiŋ Rwot.’
\c 14
\cl Chura 14
\p
\v 1 I ceŋ cabit mo acel, ka Yecu ocito ka cam i ot pa laloc mo ma Laparicayo, gubedo ka kiye matek.
\v 2 Onoŋo tye i nyime dano mo ma twoyo two akwota kom.
\v 3 Yecu openyo lupwony-cik ki Luparicayo ni, “Cik ye ni gicaŋ dano i ceŋ cabit, nyo pe?”
\v 4 Ento guliŋ aliŋa. Yecu omako latwoni, ci ocaŋe, ocike ni ocit gire.
\v 5 Openyogi ni, “Aŋa i kinwu ma ka tye ki kanane nyo twonne ka opoto i waŋ it matut ci pe biywaye woko cutcut i ceŋ cabit?”
\v 6 Dok i lok meno oloyogi woko.
\p
\v 7 Ka oneno kit ma dano ma gilwoŋogi giyero ki kabedo mabeco, ci obolo botgi carolok ni,
\v 8 “Ka gilwoŋi i karama me nyom, pe icibed i kabedo maber; gwok nyo gilwoŋo bene dano madit makati,
\v 9 ci lalwoŋ wun aryo ducu bibino, biwaco ni, ‘Wek kabedo bot dano man.’ Ibidok i kabedo mapiny ki lewic madwoŋ.
\v 10 Ento ka gilwoŋi, cit ibed i kabedo mapiny, wek ka dano ma olwoŋi obino en biwacci ni, ‘Larema, nyik i kom mamalo’, ci ibibedo ki deyo i nyim dano ducu ma wubedo kwedgi i dog cam.
\v 11 Pien ŋat ma kette kene ni edit, gibidwoke piny, ŋat ma mwolle kene gibimiye doko dit.”
\p
\v 12 Owaco bene bot dano ma olwoŋe ni, “Ka ilwoŋo dano i cam me dyeceŋ nyo me otyeno, pe ilwoŋ luremi, nyo omegini, nyo watti, nyo lulonyo ma bedo cok ka ŋeti; wek gin bene guwek lwoŋi, wek gucul waŋ lwoŋoni.
\v 13 Ento ka itedo karama, lwoŋ lucan, luŋolo, jo ma komo, ki kutowaŋ,
\v 14 ci ibibedo ki gum, pien pe gitwero culo waŋ lwoŋoni. Culi bibedo i kare ma jo ma kitgi atir bicer iye.”
\p
\v 15 Ka ŋat acel ma gubedo kwede i dog cam owinyo lok man, owaco ni, “Tye ki gum dano ma bicamo kwon i ker pa Lubaŋa!”
\p
\v 16 Ento Yecu odokke iye ni, “Dano mo yam otedo karama madit, olwoŋo iye jo mapol.
\v 17 Ka kare me karama oromo, ci en ooro laticce ka poyo wi jo ma gilwoŋogi ni, ‘Wubin, pien doŋ giyubo jami ducu.’
\p
\v 18 Ento gin ducu gucako bako doggi ni gitim kica botgi. ŋat mukwoŋo owacce ni ‘Awilo poto, myero acit ka nenone alegi itima kic.’
\p
\v 19 Dano me aryo owaco ni, ‘Awilo twoni apar me pur, acito ka ŋiyogi, alegi itima kica.’
\p
\v 20 ŋat mukene owaco ni, ‘Pud anyomo dako anyoma nyen, pi meno pe atwero bino.’
\p
\v 21 Latic-cu odwogo otito bot laditte kit meno. Kiniga omako won ot, owaco ni, ‘Cit oyotoyot i waŋayo, ki i kin gaŋ, icikel lucan, luŋolo, lutowaŋ ki jo ma komo.’
\p
\v 22 Ci latic owaco ni, ‘Ladit, watimo gin ma iciko, ento kabedo gire pud tye.’
\p
\v 23 Ladit owaco bot laticce-nu ni, ‘Cit i gudo madito ki i ŋet yo, icuk dano ki tek wek gudony i ot, wek odaa opoŋ.
\v 24 Pien atito botwu ni, pe tye ŋatti mo i kin jo ma yam gilwoŋogi ma bibilo karamana.’
\p
\v 25 Lwak mapol guwoto kacel ki Yecu, ci Yecu olokke botgi owaco botgi ni,
\v 26 “Ka ŋat mo obino bota, ma kun pe okwero wonne ki minne, dakone ki litinone, omegine ki nyimegine, kadi wa kwone kikome, pe twero bedo lapwonynyena.
\v 27 ŋat ma pe tiŋo yatariyane, kun luba, pe twero bedo lapwonnyena.
\v 28 Pien aŋa i kinwu ka mito gero ot ma wiye bor, ci pe koŋ kwoŋo bedo piny ka kwano wel lim ma mitte, ka ce etye kwede ma eromo tyekone?
\v 29 Ka pe kumeno, miyo ka ocibo guti, ma tyekone oloye woko, dano ducu ma gibineno gibicako ŋale,
\v 30 kun giwaco ni, ‘Dano man ocako gedo, ento tyekone oloye woko.’
\p
\v 31 Nyo kabaka mene, ma oecito i mony ka lweny ki kabaka mukene, pe koŋ bedo piny poro lok, ka ce etwero tero dano alip apar me romo ki jo alip pyeraryo?
\v 32 Ka pe kumeno, en cwalo kwena ma kabaka ca pud tye ka mabor, pi ribbe kwede ki kuc.
\v 33 Kit meno, dano ducu ma i kinwu ma iye pe twero cayo gin ducu ma etye kwede, pe twero bedo lapwonnyena.
\p
\v 34 “Kado ber; ento ka doŋ odoko bot gibitimo niŋniŋ wek odok mit?
\v 35 Pe doŋ ber me aketa i poto, dano gibolo woko ata. Ŋat ma tye ki it me winyo lok, owiny.”
\c 15
\cl Chura 15
\p
\v 1 Lujog-mucoro ki lubalo onoŋo yam ginyiko cok ka winyo lok pa Yecu.
\v 2 Luparicayo ki lupwony-cik guŋur kun giwaco ni, “Dano man jolo lubalo dok camo kwedgi.”
\p
\v 3 Omiyo Yecu obolo botgi carolok man ni,
\v 4 “Aŋa i kinwu ma tye ki romi miya acel, ka ŋat acel i kingi orwenyo, pe biweko romi pyeraboŋwen wiye aboŋwen i olet, ci cito ka yenyo en murwenyo-ni, nio waŋ ma onoŋe?
\v 5 Ka onoŋe, ci bolo i wi gwoke, kun cwinye yom.
\v 6 Ka oo paco, lwoŋo lureme ki luwote kacel, ci waco botgi ni, ‘Cwinywu obed yom kacel kweda, pien doŋ anoŋo romona ma yam orwenyo-ni.’
\v 7 Kit meno atito botwu ni, bibedo yomcwiny madit twatwal i wi polo i kom labalo acel ma oŋut, makato i kom jo pyeraboŋwen wiye aboŋwen ma kitgi atir ma pe mito ŋut.
\p
\v 8 “Nyo dako mene, ma tye ki ciliŋ apar, ka ciliŋ acel orwenyo pe bicwinyo mac tara, ci yweyo ot kun yenyo matek nio waŋ ma onoŋo?
\v 9 Ka doŋ onoŋo, ci lwoŋo lureme ki luwote kacel, kun waco botgi ni, ‘Cwinywu obed yom kacel kweda, pien doŋ anoŋo ciliŋ-ŋa ma onoŋo orwenyo-ni.’
\v 10 Kit meno atito botwu ni, bibedo yomcwiny i nyim lumalaika pa Lubaŋa i kom labalo acel ma oŋut.”
\p
\v 11 Dok owaco ni, “Yam tye dano mo ma tye ki awobene aryo.
\v 12 Matidine owaco bot wonne ni, ‘Aba, miya dul lim ma ka mera.’ Wongi opoko limme i kingi.
\v 13 Lacen ka nino okato manoknok, awobi matidi-ni ocoko jamine ducu, ocako wotte me cito i lobo mabor; obalo limme kunnu pi bedo me carocaro.
\v 14 Ka limme doŋ otum ducu, ci kec laparanat matek opoto i lobo meno, awobi-nu ocako mal ata.
\v 15 Ocito odak bot ŋat mo ma i lobo meno; dano nu ocwale i olette ka kwayo opego.
\v 16 Iye oparo yeŋ ki pok cam ma opego camo; pe tye ŋat mo ma omiye gin mo.
\v 17 Ento ka oniaŋ pire kene, ci owaco ni, ‘Lutic pa wora tye adi ma gicamo kwon loyogi, ento an kono ato kec kany!
\v 18 Abia, acito bot wora, abiwacce ni, “Aba, doŋ abalo bot polo ki i nyimi;
\v 19 doŋ pe amyero gilwoŋa ni an a wodi; loka abed macalo ŋat acel i kin liticci.”
\v 20 Ci oa obino bot wonne. Ento ka onoŋo pud tye cen ka mabor, wonne onene. Kica omake i kome, oriŋo okwako ŋute, onoto leme.
\v 21 Wode owacce ni, ‘Aba, doŋ abalo bot polo ki i nyimi, pe doŋ amyero gilwoŋa ni an a wodi.’
\p
\v 22 Ento wonne owaco bot luticce ni, ‘Wukel jor maber makato ducu oyot, wuruk i kome; wurwak agit i lwet ciŋe, ki war i tyene.
\v 23 Wukel bene wod twon mucwe, wuneki, wek wacamu, wabed ki yomcwiny;
\v 24 pien latinna-ni yam oto, koni doŋ kwo; yam orwenyo, doŋ ginoŋe.’ Gucako bedo ki yomcwiny.
\p
\v 25 “Wode madit onoŋo tye i poto; ka dwogo ma onyiko cok ki ot, owinyo wer ki myel.
\v 26 Olwoŋo ŋat acel i kin lutic, openye ni, ‘Man kono gin aŋo ma tye ka timme-ni?’
\v 27 Latic-cu odokke iye ni, ‘Omeru doŋ odwogo, woru onekke wod twon mucwe, pien ogame ma kome yot kun kwo.’
\p
\v 28 Ento kiniga omake, okwero donyo i ot. Wonne okatti woko obako doge bote,
\v 29 ento en odokke iye ni, ‘Nen, pi mwaka magi mapol ata an atiyo boti, ma naka yam peya akwero winyo cikki, ento peya imiya kadi ma latin dyel mamwa, wek cwinya obed yom ki lurema.
\v 30 Ento latinni man obino ma olanyo limmi ducu i kom mon ma lucoco, in inekke wod twon mucwe.’
\p
\v 31 Wonne ogamo doge ni, ‘Latinna, in nino ducu itye kweda, jamina ducu meri.
\v 32 Ber wacam kun wabedo ki yomcwiny, pien omeruni yam oto, koni doŋ kwo, yam orwenyo, doŋ ginoŋe.’
\c 16
\cl Chura 16
\p
\v 1 Yecu owaco bot lupwonnyene ni, “Yam tye ŋat mo ma lalonyo, ma tye ki lagwok-jamine. Gidoto danonu bote ni tye ka lanyo jamine.
\v 2 Olwoŋe, openye ni, ‘Lok aŋo mono ma awinyo i komi-ni? Kella wel jami ma ikano, pien pe dok itwero bedo lagwok-jami.’
\p
\v 3 Lagwok-jamine oloko kekene ni, ‘Abitimo gin aŋo? Pien laditta mito kwanya woko ki i tic me gwoko jami. Pe atek ma aromo pur, lewic bene maka ka lego lim alega.
\v 4 Aŋeyo gin ma abitimo, ka giryema woko ki i tic me gwoko jami, wek dano gujola i odigi.’
\v 5 Olwoŋo lubanya pa laditte ki acel acel, owaco bot dano mukwoŋo ni, ‘Wel banya adi pa laditta ma tye boti?’
\p
\v 6 En odokke iye ni, ‘Moo jeituni ma romo agulu miya acel.’ Owacce ni, ‘Kwany waraga banyani, ibed piny oyotoyot, ico pyerabic.’
\p
\v 7 Lacen openyo ŋat mukene ni, ‘In kono itye ki wel banya adi?’ En ogamo ni, ‘ŋano ma romo dwoŋo miya acel.’ Owacce ni, ‘Kwany waraga banyani, ico pyeraboro.’
\v 8 Laditte opwoyo lagwok-jami ma pe lagen, pien otiyo ki ryeko; pien dano me lobo man giryek i yalwakgi, makato dano me ceŋ.
\v 9 Atito botwu ni, wumak lurem pi tic ki lim ma pe atir, wek ka bitum, gijolwu i kabedo ma bedo matwal.
\v 10 “ŋat ma lagen i kom jami matidi mo, bibedo lagen bene i kom jami madwoŋ; ŋat ma pe lagen i kom jami matidi mo, pe bibedo lagen bene i kom jami madwoŋ.
\v 11 Doŋ ka yam pe wubedo lugen i kom lim ma pe atir, aŋa ma bimiyowu lonyo me ada?
\v 12 Ka yam pe wubedo lugen i kom jami pa dano mukene, aŋa ma bimiyowu jamiwu kikome?
\v 13 Pe tye latic mo ma twero tiyo ki rwodi aryo; pien bikwero ŋat acel, bimaro ŋat mukene, nyo bimoko i kom ŋat acel, bicayo ŋat mukene. Pe itwero tic pi Lubaŋa ka dok pi lim bene.”
\p
\v 14 Luparicayo ma yam lumar lim guwinyo lok man ducu, ci gunyware.
\v 15 Ento Yecu owaco botgi ni, “Wun aye jo ma nyuto kit ma atirwu bot dano, ento Lubaŋa ŋeyo cwinywu; pien gin ma dano dworo, en aye gin me kwer i nyim Lubaŋa.
\p
\v 16 “Cik ki lunebi obedo tye nio wa i kare pa Jon; cakke i kare meno gitito lok me kwena maber i kom ker pa Lubaŋa, dano ducu gitye ka donyo iye ki tek.
\v 17 Ento bedo yot bot polo ki lobo me tum woko, makato ton acel me cik me balle.
\p
\v 18 “Dano ducu ma oryemo dakone, ka dok onyomo mukene otimo abor, ki ŋat ma onyomo dako ma cware oryemo bene otimo abor.
\p
\v 19 “Yam tye dano mo ma lalonyo ma ruko boŋo ma lamar lamar ki kanyi maber me boŋo camanini kun camo cam me wel madwoŋ nino ducu.
\v 20 I dog gaŋŋe lacan mo onoŋo buto iye, nyiŋe Lajaro, ma kome orwato bur,
\v 21 kun iye paro yeŋo ki gin ma oo piny ki i wi meja pa lalonyo-nu; gwogi bene onoŋo gibino ginaŋo waŋ burre.
\v 22 Ka lacan oto, ci lumalaika gutiŋe, gutere i kor Abraim. Lalonyo bene oto, ci giyike woko.
\v 23 Oilo waŋe ki i Lyel kun tye ki can, oneno Abraim tye ka mabor kun Lajaro ojeŋŋe i kore.
\v 24 Odaŋŋe ni, ‘Wora Abraim, tima kica, cwal Lajaro olut lwet ciŋe i pii, okwe ki leba, pien atye ki arem madwoŋ i mac man.’
\p
\v 25 Ento Abraim odokke iye ni, ‘Woda, po ni, i kare me kwoni gimiyi gin mabeco, ki Lajaro kit meno gimiye gin maraco; ento koni doŋ gikweyo cwinye kany, in kono itye ki arem.
\v 26 Dok bene i kom lok man ducu, i kin wan ki wun giketo iye loŋo matut, wek ka jo ma gimito ŋolo nia ki kany, me bino botwu, pe otwerre, wek ŋat mo bene pe oŋol nia ki kunnu me bino botwa kany.’
\p
\v 27 En owaco ni, ‘Doŋ alegi ba, wora, ore i ot pa abana,
\v 28 pien atye ki omegina abic, wek en ocitit botgi, gin bene guwek bino i kabedo man me can.’
\p
\v 29 Ento Abraim odokke iye ni, ‘Gitye ki Moses ki lunebi; wek guwiny lokgi.’
\p
\v 30 En owaco ni, ‘Pe, wora Abraim; ento ka ŋat mo i kin jo muto ocito botgi, ci gibiŋut.’
\p
\v 31 Abraim owacce ni, ‘Ka pe giwinyo lok pa Moses ki lunebi, ci kadi bed ŋat mo oa ki i kin jo muto bene, pe gibiye lokke.”
\c 17
\cl Chura 17
\p
\v 1 Yecu owaco bot lupwonnyene ni, “Gin ma miyo dano poto i bal pe bigeŋŋe; ento bineno can ŋat ma kelo gin ma miyo dano poto i bal!
\v 2 Kono obedo ber bot dano meno ka gitweyo kidi rego i ŋute, gibolo kwede i nam, kato ma en weko ŋat acel i kin litino matino magi poto i bal.
\v 3 Wugwokke kenwu; ka omeru obalo, juke, ka oŋut, ci timme kica.
\v 4 Ka otimo bal i komi tyen abiro i nino acel, ce olokke boti tyen abiro, kun legi ni, ‘Aŋut,’ time kica.”
\p
\v 5 Lukwena guwaco bot Rwot ni, “Med niyewa!”
\p
\v 6 Rwot ogamo ni, “Kono yam wutye ki niye macalo nyig kodi dek karadali, kono wuwaco ki yat man ni, ‘Putte keni, ipitte i dye nam,’ kono owinyo dogwu.
\p
\v 7 “Aŋa i kinwu ma tye ki laticce ma puro ki kweri dyaŋ nyo kwayo romi, ma ka odwogo ki i poto ci wacce ni, ‘Bin oyotoyot ibed piny ka cam’?
\v 8 Pe koŋ en biwacce ni, ‘Yubba cam me otyeno, itwe pyeri ikella cam, nio ka an acamo, amato, lacen in ibicamo ibimato’?
\v 9 En pwoyo latic-cu pien olubo lok ma gicike kwede?
\v 10 Pe gire. Wun bene kit meno, ka wutyeko tiyo gin ducu ma gicikowu, myero wuwac ni, ‘Wan lutic ma pe konyo gin mo; watiyo gin ma myero keken.”
\p
\v 11 Ka onoŋo Yecu oecito Jerucalem, ci owok ki i waŋ apokki me Camaria ki Galilaya.
\v 12 Ka odonyo i paco mo, ci ludobo guromo kwede, kun gucuŋ ka mabor,
\v 13 gudaŋŋe ni, “Yecu, Ladit, timwa kica.”
\p
\v 14 Yecu onenogi, owaco botgi ni, “Wucit wunyutte kenwu bot ajwagi pa Lubaŋa.” Man pud gitye ka cito, komgi olony.
\v 15 ŋat acel i kingi ka oneno ni ecaŋ woko, ci odwogo cen kun pako Lubaŋa ki dwan maloŋo;
\v 16 oryebbe piny ka tyen Yecu, kun pwoye. En onoŋo Lacamaria.
\v 17 Yecu openyo ni, “Yam pe gilonyo dano apar? Jo aboŋwen kono gitye kwene?
\v 18 Pe tye ŋat mo i kingi ma odwogo cen ka pako Lubaŋa, ento kono larok man keken?”
\v 19 Owacce ni, “A, icit giri, niyeni ocaŋi.”
\p
\v 20 Luparicayo gupenyo Yecu ni, “Ker pa Lubaŋa bibino awene?” En odok iye botgi ni, “Ker pe Lubaŋa pe bibino ki lanyut ma gineno.
\v 21 Pe gibiwaco botwu ni, ‘Nen, en ene!’ nyo ni, ‘En ca!’ pien nen, ker pa Lubaŋa doŋ tye i kinwu.”
\p
\v 22 Owaco bot lupwonnyene ni, “Kare bibino ma wubiparo pi neno nino acel mo pa Wod pa dano, ento pe wubineno.
\v 23 Gibiwaco botwu ni, ‘Nen, en ene!’ nyo ni, ‘Nen, en ca!’ Pe wucit iye, pe wulubgi.
\v 24 Pien macalo lutkot wil, ci menyo but lobo tuŋcel nio tuŋcel, Wod pa dano bene bibedo kit meno i ninone.
\v 25 Ento myero koŋ okany can madwoŋ, kun yalwak me kare man gikwere.
\v 26 Macalo yam otimme i kare pa Nua, bitimme kit meno bene i kare pa Wod pa dano.
\v 27 Yam gicamo, gimato, awobegi ki anyira ginyomme, nio i nino ma Nua odonyo kwede i yeya, pii aluka ocorre otyekogi ducu.
\v 28 Kit meno bene i kare pa Lot, onoŋo gicamo, gimato, giwilo jami, gicato jami, gipito ginapita, gigero odi;
\v 29 ento i nino ma Lot oa woko ki i Codom mac ki gweŋ calfa ma mac oliyo ocwer ki i polo, otyekogi ducu.
\v 30 Bibedo kit meno i kare ma gibinyuto iye Wod pa dano.
\v 31 I nino-nu, ŋat ma tye i wi ot kun jamine tye i ot, pe myero olor piny ka cokogi; kit meno bene ŋat ma tye i poto pe myero odwog paco.
\v 32 Wupo mono i kom dako pa Lot.
\v 33 ŋat ma mito laro kwone birwenyone, ento ŋat ma rwenyo kwone, bigwoko.
\v 34 Atittiwu ni, i dyewor meno co aryo bibuto wi kitanda acel, gibikwanyo ŋat acel, gibiweko ŋat acel doŋ.
\v 35 Mon aryo gibibedo ka rego kacel; gibikwanyo ŋat acel, gibiweko ŋat mukene doŋ.
\v 36 Co aryo bibedo i poto, gibikwanyo ŋat acel, gibiweko ŋat acel doŋ.”
\p
\v 37 Gupenye ni, “Kwene, Rwot?” En owaco botgi ni, “Ka ma kom dano muto tye iye, acut bene gicokke kunnu.”
\c 18
\cl Chura 18
\p
\v 1 Obolo botgi carolok ma pwonyogi ni myero guleg jwijwi, guwek ol.
\v 2 Owaco botgi ni, “Yam tye laŋolkop i gaŋ mo, ma pe lworo Lubaŋa kadi woro dano.
\v 3 I gaŋ meno yam tye iye dato mo ma bino bote jwijwi kun wacce ni, ‘Cul kworra i kom lukworra.’
\p
\v 4 Tyen mapol laŋolkop obedo ka kwero; ento lacen oloko kekene ni, ‘Kadi bed pe alworo Lubaŋa ba, kadi woro dano,
\v 5 ento dato man yela, abiculo kworre; gwok nyo bijonya nono ki bino bota nino ducu.’
\v 6 Rwot owaco ni, “Wuwiny lok ma laŋolkop ma pe kite atir owaco.
\v 7 Lubaŋa pe biculo kwor pa jo ma en oyero, ma gikok bote dyeceŋ ki dyewor? En bigalle ma pe timo gin mo i komgi?
\v 8 Atito botwu ni, en biculo kworgi oyotoyot. Ento Wod pa dano ka bibino, tika binoŋo niye i lobo?”
\p
\v 9 Dok obolo carolok bot jo ma genne kengi, ni kitgi atir, kun gicayo jo mukene. Owaco ni,
\v 10 “Jo aryo yam gucito ka lega i ot pa Lubaŋa, ŋat acel Laparicayo, ŋat mukene lajog-mucoro.
\v 11 Laparicayo ocuŋ, olego gire kene kun waco ni, ‘Lubaŋa, apwoyi pien an pe acalo jo mukene, lubuma, jo ma pe genne, lutim abor, pe bene acalo lajogmucoro man.
\v 12 Ari kec kiryo i cabit acel; amiyo dul me apar me jamina ducu ma alimo.’
\p
\v 13 Ento lajog-mucoro ocuŋ ka mabor, onoŋo pe mito ilo waŋe malo i plo, ento en odoŋo kore, kun waco ni, ‘Lubaŋa, tima kica, pien an labalo!’
\v 14 Atito botwu ni, dano man odok i ode kun oloyo kop makato ŋat mukene ca; pien dano ducu ma kette kene ni edit gibidwoke piny, ento ŋat ma mwolle kene gibimiye doko dit.”
\p
\v 15 Gukelo bote litino matino, wek oket ciŋe i komgi; ka lupwonnyene guneno, gujukogi.
\v 16 Ento Yecu olwoŋogi bote, owaco ni, “Wuwek litino gubin bota, pe wugeŋgi; pien ker pa Lubaŋa tye pi jo macalo gin.
\v 17 Ada awaco botwu ni, ŋat ma pe jolo ker pa Lubaŋa macalo latin matidi, pe bidonyo iye.”
\p
\v 18 Laloc mo openye ni, “Lapwony maber, atim gin aŋo wek alim kwo ma pe tum?”
\p
\v 19 Yecu openye ni, “Piŋo ilwoŋa ni aber? Pe tye ŋat mo maber kono Lubaŋa keken.
\p
\v 20 Iŋeyo cik, ni, ‘Pe itim abor, Pe ineki, Pe ibed caden me goba, Wor woru ki meni.’”
\p
\v 21 Ogamo ni, “Amako lok magi ducu cakke wa ka tinona.”
\p
\v 22 Ka Yecu owinyo, ci owacce ni, “Pud iweko lok acel; cat jami ducu ma itye kwede, mi limme ki lucan, ci ibibedo ki lwak lonyo ma gikano piri i polo; ka doŋ ibin icak lubo kora.”
\v 23 Ento ka owinyo lok man, okumo, pien onoŋo en lalonyo twatwal.
\v 24 Yecu kun tye ka nene, owaco ni, “Tek mada bot lulonyo me donyo i ker pa Lubaŋa!
\v 25 Pien bedo yot bot kinaga me donyo ki i waŋ libira, kato lalonyo me donyo i ker pa Lubaŋa.”
\p
\v 26 Dano ducu ma guwinyo guwaco ni, “Ci aŋa ma twero larre?”
\p
\v 27 Ento Yecu owaco ni, “Gin man pe twerre ki bot dano, ento ki bot Lubaŋa twerre.”
\p
\v 28 Petero owaco ni, “Nen, wan waweko pacciwa, walubi.”
\p
\v 29 Owaco botgi ni, “Ada, awacciwu ni, pe tye ŋatti mo ma oweko ode, nyo dakone, nyo omegine, nyo lunyodone, nyo litinone, pi ker pa Lubaŋa,
\v 30 ma pe bilimo makato meno tyen mapol i kare man, ki i kare ma bibino anyim en binoŋo kwo ma pe tum.”
\p
\v 31 Yecu otero jone apar wiye aryo i muŋ, owaco botgi ni, “Wunen, waecito Jerucalem, lok ducu ma lunebi gucoyo i kom Wod pa dano bicobbe kakare.
\v 32 Pien gibimiye bot Lurok, gibiŋale, gibitimo aranyi i kome, gibiŋulo laa i kome;
\v 33 gibipwode ki del anino, gibineke, i nino me adekke en bicer.”
\v 34 Ento pe guniaŋ lok ma en owaco; gikano te lok man woko botgi, pe gumedo ki ŋeyo lok ma giwaco botgi.
\p
\v 35 Ka doŋ gunyiko cok ki Jeriko, latowaŋ mo onoŋo obedo piny i ŋet yo kun lego lim.
\v 36 Ka owinyo lwak tye ka mol ki ka ŋete, ci openyo ni, “Meno kono gin aŋo?”
\p
\v 37 Gititte ni, “Yecu me Najaret aye tye ka kato.”
\p
\v 38 Latowaŋ odaŋŋe ni, “Yecu Lakwar Daudi, tima kica ba!”
\v 39 Dano ma onoŋo gutelo nyim Yecu gujuke ni, “Liŋ, nye;” ento en omedde ameda ki daŋŋe ni, “Lakwar Daudi, tima kica!”
\p
\v 40 Yecu ocuŋ, ociko ni gikele bote. Ka obino cok, Yecu openye ni,
\v 41 “Imito atimmi gin aŋo?” Latowaŋ ogamo ni, “Ladit, amito waŋa onen piny.”
\p
\v 42 Yecu owacce ni, “Nen giri piny, niyeni ocaŋi.”
\v 43 Oyotoyot ocako neno piny, ci olubo kor Yecu kun miyo deyo bot Lubaŋa. Dano ducu ka guneno, ci gupako Lubaŋa.
\c 19
\cl Chura 19
\p
\v 1 Yecu odonyo i Jeriko kun oekato akata.
\v 2 Onoŋo tye kunnu dano mo ma nyiŋe Jakayo, lajogmucoro madit, dok lalonyo bene.
\v 3 Oparo pi neno Yecu, ento pe otwero pi lwak, pien en cek.
\v 4 Oriŋo anyim, oito i wi yat olam wek enen, pien Yecu onoŋo oewok ki i yo-nu.
\v 5 Ka Yecu oo i kabedo-nu, oneno malo, owacce ni, “Jakayo, lor piny oyotoyot; pien tin myero abed i odi.”
\v 6 Jakayo olor oyotoyot, ojole ki yomcwiny.
\v 7 Ka dano ducu guneno, ci guŋur kun giwaco ni, “En odonyo i ot ka bedo welo pa dano ma labalo.”
\p
\v 8 Jakayo oa malo, owaco bot Rwot ni, “Nen, Ladit, abimiyo nucu jamina bot lucan; ka abumo ŋat mo i gin mo, abicule waŋ aŋwen.”
\p
\v 9 Yecu owacce ni, “Tin lar obino i ot man, pien en bene lakwar Abraim.
\v 10 Pien Wod pa dano obino ka yenyo ki ka laro jo ma orwenyo.”
\p
\v 11 Ka pud giwinyo lok man, Yecu omedde ki lokke, obolo botgi carolok, pien onoŋo doŋ cok ki Jerucalem, dok pien onoŋo gitamo ni ker pa Lubaŋa binen cutcut.
\v 12 Pi meno owaco ni, “Yam tye wod ker mo ma oa ocito i lobo mabor ka limo twerone me loc ka doŋ odwog cen.
\v 13 Olwoŋo luticce apar, opoko botgi ciliŋ alip acel, owaco botgi ni, ‘Wucat ki wil nio waŋ ma an adwogo.’
\p
\v 14 Ento dano me lobone gukwere, gucwalo lukwena i kore ki lok ni, ‘Pe wamito dano man olowa.’
\v 15 Ka doŋ en odwogo, ma doŋ ocamo ker, ociko ni gilwoŋ lutic ma yam emiyogi lim-mi, wek eŋe wel magoba ma gulimo i cato wilgi.
\p
\v 16 Dano mukwoŋo obino i nyime, owaco ni, ‘Ladit, ciliŋ miya ma imiya-ni omedde iye ciliŋ alip acel mukene.’
\p
\v 17 Ogamo ni, ‘Ber, in latic maber! Pien yam ibedo lagen i kom jami matidi mo, ibibedo ki twero i kom gaŋi apar.’
\p
\v 18 Dano me aryone obino, owaco ni, ‘Ladit, ciliŋ miya dok omedde iye ciliŋ miya abic mukene.’
\p
\v 19 Owacce ni, ‘In bene ibibedo ki twero i kom gaŋi abic.’
\p
\v 20 ŋat mukene dok obino, owaco mere ni, ‘Ladit, limmi en, agwoko, aboyo i kitambara,
\v 21 pien onoŋo alwori, pien in i dano magwa; ikwanyo gin ma pe ikano, ikayo ka ma pe icoyo.’
\p
\v 22 Owacce ni, ‘Abiŋolo kop loyi kun lubo lok ma oa ki i dogi keni, in latic marac! Yam iŋeyo ni an a dano magwa, akwanyo gin ma pe akano, akayo ka ma pe acoyo,
\v 23 piŋo doŋ pe ikano limma i beŋŋe, wek ka adwogo, anoŋ kun acoko limma ki magobane?’
\v 24 Owaco bot jo ma gucuŋ ka ŋete ni, ‘Wugam ciliŋ miya-ni woko ki bote wumi bot won ciliŋ alip acel-li.’
\p
\v 25 Guwacce ni, ‘Ladit, en doŋ tye ki ciliŋ alip acel.’
\p
\v 26 Ci en owacci, ‘Atito botwu ni, dano ducu ma mere tye gibimedo bote gin mo; ento ŋat ma mere pe, gibikwanyo woko ki bote kadi wa gin ma tye bote.
\v 27 Ento lukworra magi, ma gin gukwera ni pe alogi-ni, wukelgi kany, wunekgi ki pala lucwan i nyima.’
\p
\v 28 Ka Yecu otyeko loko lok man, ci owoto anyim kun cito malo i Jerucalem.
\v 29 Ka doŋ onyiko cok ki Betepage ki Betania, i te got ma gilwoŋo Jeituni, Yecu ocako oro jo aryo ki i kin lupwonynyene,
\v 30 kun cikogi ni, “Wucit i gaŋ ma tye i nyimwu. Ka ce wudonyo iye wubinoŋo latin kana ma gitweyo, ma ŋat mo peya oito i wiye; ci wugony, wukel kany.
\v 31 Ka ŋatti mo openyowu ni, ‘Wugonye piŋo?’ wun wubidok iye kit man ni, ‘Rwot aye mito.”
\v 32 Kit meno jo ma giorogi gucito, ci gunoŋo kit macalo Yecu otito botgi-ni.
\p
\v 33 Ka gitye ka gonyo latin kana, wegine gupenyogi ni, “Wugonyo latin kana piŋo?”
\p
\v 34 Gudok iye botgi ni, “Rwot aye mito.”
\v 35 Gukelo latin kana bot Yecu. Ka doŋ gupeto ginarukagi i wiye, ci gicibo Yecu i wiye.
\v 36 Ka en oewoto, gipeto ginarukagi i waŋayo.
\p
\v 37 Ma doŋ onyiko cok ki Jerucalem, i luŋ me got Jeituni, lwak lupwonnyene ducu cwinygi obedo yom, gupako Lubaŋa ki dwan maloŋo pi tic madito ma guneno,
\v 38 kun giwaco ni, “Lubaŋa omi gum i kom Kabaka ma bino i nyiŋ Rwot! Kuc obed i wi polo, ki deyo obed i kabedo ma malo twal!”
\p
\v 39 Luparicayo mogo ma i kin lwak guwacce ni, “Lapwony, juk lupwonnyeni.”
\p
\v 40 Yecu odok iye ni, “Atito botwu ni, ka kono jo-ni guliŋ, godi magi kikomgi kono gudaŋŋe.”
\p
\v 41 Ka doŋ onyiko cok, ma oneno gaŋ, okok pire,
\v 42 kun waco ni, “Tin-ni ka kono iŋeyo lok ma kelo kuc boti, kono ber! Ento koni gikano woko ki boti.
\v 43 Pien kare bibino i komi ma lukworri gibitoro lobo rumi dyere, gibidiri tuŋŋi ki tuŋŋi,
\v 44 gibireti piny, in ki litinoni; pe gibiweko gweŋ mo acel i ii doŋ ma ododde i wi wadi; pien yam pe iŋeyo kare ma gibilimi iye.”
\p
\v 45 Yecu odonyo i ot pa Lubaŋa, ocako ryemo lucat-wil woko ki iye,
\v 46 kun waco botgi ni, “Yam gicoyo ni ‘Oda bibedo ot me lega’; ento wun wuloko odoko boro pa luyak.”
\p
\v 47 Yecu obedo ka pwony i ot pa Lubaŋa nino ducu. Ajwagi madito pa Lubaŋa ki lupwony-cik ki jo madito i kin lwak guyenyo yo me neke;
\v 48 ento pe gunoŋo gin mo ma myero gutim i kome, pien dano ducu guketo cwinygi ka winyo lokke.
\c 20
\cl Chura 20
\p
\v 1 I nino mo acel ka Yecu tye ka pwonyo dano i ot pa Lubaŋa kun tito lok me kwena maber, ajwagi ki lupwony-cik ki ludoŋo gubino,
\v 2 gupenye ni, “Tit botwa, twer aŋo mumiyo itimo gin magi; nyo aŋa ma omiyoni twero man.”
\p
\v 3 Yecu odok iye botgi ni, “An bene abipenyowu ki peny acel; wudokka iye.
\v 4 Batija pa Jon twerone oa ki i polo nyo ki bot dano?”
\p
\v 5 Guporo lok kekengi kun giwaco ni, “Ka wawacci, ‘Oa ki i polo,’ en bipenyowa ni, ‘Piŋo pe wuye en?’
\p
\v 6 Ento ka wawaco ni, ‘Oa ki bot dano,’ dano ducu bicelowa ki got; pien dano ducu giye atika ni Jon aye lanebi.”
\v 7 Mumiyo gudok iye bot Yecu ni pe giŋeyo ka ma oa iye.
\p
\v 8 Yecu owaco botgi ni, “An bene pe abitito botwu kit twer mumiyo atiyo lok magi.”
\p
\v 9 Yecu ocako bolo carolok man bot lwak ni, “Yam tye dano mo ma opito olok i potone, ci oweko bot lupur, ocito woko wa i lobo mukene, ori kunnu pi kare malac.
\v 10 Ka kare oromo, ci ooro luticce bot lupur ni myero gumine nyig olok mogo; ento lupur gugoye, guryeme ci odok ki ciŋe nono.
\v 11 En dok ooro latic mukene; gin gugoyo en bene, gutimo tim aranyi i kome, guryeme kwede odok ki ciŋe nono.
\v 12 Dok ooro me adekke; guketo ret i kom man, gucwale woko.
\v 13 Lacen won poto olok owaco ni, ‘Abitimo gin aŋo doŋ? Abioro woda ma amaro; gwok nyo gibiwore.’
\p
\v 14 Ento ka lupur gunene, guloko kekengi ni, ‘Man aye doŋ lale lim; waneke woko, wek lim ma en bileyo-ni obed mewa.’
\v 15 Gucwale woko ki i poto olok, guneke. Won poto bitimogi niŋniŋ?
\v 16 En bibino, ci neko lupur meno woko ducu, miyo poto olok bot jo mukene.” Ka guwinyo lok man, guwaco ni, “Pe kumeno!”
\p
\v 17 Ento Yecu ociko waŋe i komgi, owaco ni, “Man kono gin aŋo ma yam gicoyo ni, ‘Got ma lugedo gukwero-ni en aye odoko got madit ma i twok ot’?
\p
\v 18 Dano ducu ma poto i kom got man bitur woko; ento ka got man opoto i kom ŋat mo, binyote woko.”
\p
\v 19 Lupwony-cik ki ajwagi madito pa Lubaŋa gumito make i cawa-nu, ento gulworo lwak; pien guniaŋ ni en obolo carolok man i komgi.
\v 20 Giŋiyo kare maber, ci gioro lurot, ma giporo bedo ni gin jo ma genne, wek gimak lok ma a i doge, wek gimiye i te loc ki twero pa laloyo.
\v 21 Gupenye ni, “Lapwony, waŋeyo ni in iloko dok ipwonyo lok ma tye atir, pe ipoko kin dano, ento ipwonyo yo pa Lubaŋa ki ada.
\v 22 Myero wacul mucoro bot Cecar nyo pe?”
\p
\v 23 Ento en oniaŋ ryekogi, openyogi ni,
\v 24 “Koŋ wunyutta lim ma giculo kwede. Cal ki coc ma tye i kome-ni pa aŋa?” Gugamo ni, “Pa Cecar.”
\p
\v 25 Yecu owaco ni, “Wudwok jami pa Cecar bot Cecar, ki jami pa Lubaŋa wudwok bot Lubaŋa.”
\v 26 Pe gutwero mako lok mo ma oa ki i doge i nyim lwak; ento guuro kit ma en ogamo kwede lok, ci guliŋ aliŋa.
\p
\v 27 Lucadukayo mogo gubino bot Yecu, gin aye jo ma onoŋo giwacci jo muto pe gicer.
\v 28 Gupenye ni, “Lapwony, Moses yam ocoyo botwa ni, ka laco mo oto woko oweko dakone ma pe ki litino, ominne myero olak dako-nu, wek onywal kwede litino ka wi ominne.
\v 29 Yam tye omego abiro; ŋat mukwoŋo onyomo dako, ci oto laboŋo litino;
\v 30 me aryone,
\v 31 ki me adekke bene gulako dako-nu, kit meno gin abiro ducu gubedo ki dako-nu, guto laboŋo litino.
\v 32 Lacen dako-nu bene oto.
\v 33 I kare me cer ki i kin jo muto, dako-nu bibedo dako pa aŋa i kingi? Pien gin co abiro-ni ducu gubedo kwede.”
\p
\v 34 Yecu owaco botgi ni, “Jo me kare man ginyomme;
\v 35 ento jo ma gikwanogi ni myero guo i lobo maca, ki i cer ki i kin jo muto, pe ginyomo, pe gibigero co,
\v 36 pien pe dok gitwero to, doŋ girom ki lumalaika; gin litino pa Lubaŋa, ma gin litino me cer.
\v 37 Ento ni jo muto twero cer, Moses kikome bene onyuto, i dul ma gikwano iye lok i kom caka, ka ma en olwoŋo iye Rwot ni, ‘Lubaŋa pa Abraim, Lubaŋa pa Icaka, ki Lubaŋa pa Yakobo.’
\v 38 Doŋ Lubaŋa pe Lubaŋa pa jo muto, ento Lubaŋa pa jo makwo; pien dano ducu bedo kwo pire.”
\p
\v 39 Jo mogo i kin lupwony-cik gugamo doge ni, “Lapwony, iwaco kakare.”
\v 40 Pien pe dok gudiyo cwinygi me penye ki lok mo.
\p
\v 41 Ento Yecu openyogi ni, “Giwaco niŋniŋ ni Kricito ma Lubaŋa oyero en lakwar Daudi?
\v 42 Pien Daudi kikome bene owaco i buk me Jabuli ni ‘Rwot owaco bot Rwoda ni, Bed i kom bada malacuc, i kabedo me deyo
\v 43 nio ka abimiyo lukworri doko kom me teno tyeni.’
\p
\v 44 Kit meno ka ce Daudi yam olwoŋe ni Rwot, ci dok en bedo lakwarre niŋniŋ?”
\p
\v 45 I kare ma lwak ducu winyo lokke, Yecu owaco bot lupwonnyene ni,
\v 46 “Wugwokke i kom lupwony-cik ma gimaro wot ma guruko boŋŋi maboco, dok gimito ni dano gubed ka motogi wa i cuk-gu, gimaro bedo i kom pa wa ludito, ka gitye i kacokke, dok gimaro bedo i kabedo me deyo i karama.
\v 47 Gin gimayo odi pa mon-to, dok gibedo ka lego lega maboco me buta keken. Giŋolo kop madit i wigi makato.”
\c 21
\cl Chura 21
\p
\v 1 Yecu otiŋo waŋe malo, ci oneno lulonyo kun gibolo motgi i canduk lim i ot pa Lubaŋa.
\v 2 Oneno dato mo ma lacan, ma obolo cente aryo ma rom ki cente abic me kare-ni.
\v 3 Owaco ni, “Adada awaco botwu ni, dato man ma lacan-ni obolo lim madwoŋ makato dano ducu;
\v 4 pien gin ducu gugito but limgi madwoŋ-ŋi aye gubolo, ento en i canne-ni, obolo lim ducu ma tye bote, ma konyo kwone.”
\p
\v 5 Ka onoŋo jo mogo i kin lupwonnyene gubedo ka lok pi ot pa Lubaŋa, kit macalo gideyo kwede ki godi mabeco ki gityer ma gimiyo pire, ci Yecu owaco ni,
\v 6 “Gin magi ducu ma wuneno-ni, kare bibino, ma pe gibiweko got acel mo ma ododde i wi wadi ma pe gibicoro woko piny.”
\p
\v 7 Lupwonnye gupenyo Yecu ni, “Lapwony, man bitimme awene, dok kit gin aŋo ma binyuto ka man doŋ cok timme?”
\p
\v 8 Yecu ogamo ni, “Wugokke, ŋatti mo owek rwenyowu; pien jo mapol gibibino i nyiŋa, ma giwacci, ‘An aye a en!’ dok ni, ‘Kare doŋ onyiko cok!’ Pe wulubgi.
\v 9 Dok ka wubiwinyo pi lweny ki pi arubaruba, pe wubed ki lworo, pien meno koŋ myero otimme, ento agik pe bibino oyotoyot.”
\p
\v 10 Lacen owaco botgi ni, “Rok bilweny ki rok wadi, ker bilweny ki ker wadi;
\v 11 ki oyeŋyeŋ madoŋo biyeŋo lobo, kec laparanat ki two gemo mapatpat bipoto i kabedo mapol; ki gin ma miyo lworo mako dano, ki lanyut madoŋo bene, bia ki i polo.
\v 12 Ento ma peya gin meno ducu otimme, koŋ gibimakowu, gibilibowu, gibiterowu i nyim kacokke, gibitweyowu i mabuc, gibikelowu i nyim luker ki i nyim luloc pi nyiŋa.
\v 13 Man aye bibedo kare botwu me tito lok me caden i koma.
\v 14 Pi meno, wumok i tamwu ni pe wubitamo con kit ma wubidok iye,
\v 15 pien abimiyowu twero me dok ki ryeko, ma ŋat mo i kin lukworwu pe bitwero ette i kome, kadi pyem kwede.
\v 16 Kadi wa lunyodowu ki omegiwu ki wadiwu ki luremwu bene gibidobowu, jo mogo i kinwu gibinekogi;
\v 17 dano ducu bimon kwedwu pi nyiŋa.
\v 18 Ento yer wiwu acel mo pe birwenyo.
\v 19 Ka wudiyo cwinywu, ci wubilaro kwowu.
\p
\v 20 “Ento ka wuneno mony orumo Jerucalem, ci wuŋe ni kare me ketone doŋ onyiko cok.
\v 21 Jo ma tye i Judaya myero guriŋ i wi godi, jo ma tye i gaŋ myero guriŋ woko ki iye, jo ma tye woko i kin paco pe dok gudony i Jerucalem.
\v 22 Pien kare meno bibedo kare me culo kwor, ki cobo lok ducu ma yam gicoyo.
\v 23 Dok mon ma giyac gibineno cam i kare meno, ki mon ma gidoto litino bene! Pien can man madit bipoto i lobo, ki kiniga madwoŋ bipoto i kom jo me rok man.
\v 24 Gibinekogi ki pala lucwan, gibiterogi me bedo opii i kin rok ducu; Lurok gibinyono Jerucalem piny, nio ka kare pa Lurok ocobo kakare.
\p
\v 25 “Lanyut binen i kom ceŋ, i kom dwe ki i kom lakalatwe, rok mapol ma i wi lobo bikumo kun noŋo cwinygi oŋabbe aŋaba pi mor me biamwonyi.
\v 26 Kom dano bimyel ki lworo, ka gibitamo gin ma bipoto i kom lobo; pien twer ducu ma i polo biyeŋŋe.
\v 27 Lacen gibineno Wod pa dano kun bino i wi pol ki tek ki deyo madit.
\v 28 Ka gin magi ocako timme, myero wunen malo, myero wutiŋ wiwu malo, pien kare me kokowu doŋ onyiko cok.”
\p
\v 29 Dok obolo carolok botgi ni, “Koŋ wunen yat oduro, ki yadi mukene ducu;
\v 30 ka doŋ olot, wuneno piwu kenwu, ci wuŋeyo ni oro doŋ cok.
\v 31 Kit meno wun bene, ka wuneno gin magi otimme, myero wuŋe ni ker pa Lubaŋa doŋ onyiko cok.
\v 32 Ada awaco botwu ni, yalwak me kare man pe bitum nio waŋ ma lok magi ducu otimme.
\v 33 Polo ki lobo gibitum, ento lokka pe bitum.
\p
\v 34 “Ento wugwokke kenwu, cwinywu owek doko nwaŋ pi woro cam, ki mero koŋo, ki pi lok me kwo man ma miyo wubedo ki tam mapol, wek nino-nu pe obin oumwu atura macalo akum;
\v 35 pien bibino i kom jo ducu ma bedo i wi lobo ducu.
\v 36 Ento wubed ma waŋwu twolo i kare ducu, kun wulego ni myero wubed ki tek me bwot ki i lok magi ducu ma bitimme, ki cuŋ i nyim Wod pa dano.”
\p
\v 37 Nino ducu onoŋo Yecu pwonyo i ot pa Lubaŋa dyeceŋ, ento dyewor woto buto i wi got ma gilwoŋo got Jeituni.
\v 38 Odiko con dano ducu gibino bote i ot pa Lubaŋa ka winyo lokke.
\c 22
\cl Chura 22
\p
\v 1 Nino madito me Mugati ma Tobi Pe Iye ma gilwoŋo Kato (Paska) onoŋo onyiko cok.
\v 2 Ajwagi madito pa Lubaŋa ki lupwony-cik gubedo ka yenyo kit yo ma myero gineke kwede; pien onoŋo gilworo lwak.
\p
\v 3 Catan odonyo i cwiny Juda Lakeriot ma en onoŋo dano acel i kin jo apar wiye aryo-ni.
\v 4 Ocito oporo lok ki ajwagi madito pa Lubaŋa ki ludito askari me ot pa Lubaŋa, kit ma myero emiye kwede botgi.
\v 5 Cwinygi obedo yom, gucako cikke me miye lim.
\v 6 Omiyo Juda oye, ci oyenyo kare maber ma myero emiye kwede botgi ma noŋo lwak pe.
\p
\v 7 Nino me Mugati ma Tobi Pe Iye oromo, ma gitumo iye latin romo me Kato.
\v 8 Yecu ooro Petero ki Jon, kun cikogi ni, “Wucit wuyub cam me Kato piwa, wek wacam.”
\p
\v 9 Gupenye ni, “Imito ni waciyub kwene?”
\p
\v 10 Yecu owaco botgi ni, “Nen, ka wudonyo i gaŋ me Jerucalem, ci laco mo birwatte kwedwu kun oyeyo agulu pii; en aye wulub kore wa i ot ma en bidonyo iye,
\v 11 wutit bot won ot ni, ‘Lapwony penyi ni, Ot welo tye kwene, ka ma abicamo iye cam me Kato kacel ki lupwonnyena?’
\v 12 Ci en binyuto botwu kicika ot malac ma malo ma gipeto, giyubo maber; wuyub kabedo kunnu.”
\v 13 Gucito gunoŋo kit macalo Yecu owaco botgi-ni, guyubo cam me Kato kunnu.
\p
\v 14 Ka cawa oromo, Yecu obedo piny i dog cam, kacel ki lukwena.
\v 15 Yecu owaco botgi ni, “Abedo ka paro mada me camo cam me Kato man kwedwu, ma kun pud peya aneno can;
\v 16 pien awaco botwu ni, pe dok abicamo nio ka ocobo kakare i ker pa Lubaŋa.”
\v 17 Ci otiŋo kikopo, ka doŋ orwoyo owaco ni, “Wumak man, wupok i kinwu;
\v 18 pien awaco botwu ni, nia koni pe dok abimato pig olok nio waŋ ma ker pa Lubaŋa obino.”
\v 19 Omako mugati, ka doŋ opwoyo, ci obaro iye, omiyogi kun wacci, “Man aye koma ma gimiyo piwu, wutim kuman me po pira.”
\v 20 Kumeno ka gucamo otum otiŋo kikopo, kun wacci, “Kikopo man aye gicikke manyen i remona ma oo piwu.
\v 21 Ento, nen, ŋat ma bidoba ciŋe tye kacel kweda i dog cam.
\v 22 Pien Wod pa dano cito gire kit macalo yam giciko; ento dano meno ma dobo Wod pa dano bineno can!”
\p
\v 23 Lupwonnye gucako pennye kekengi ni, aŋa i kingi ma bitimo lok man.
\p
\v 24 Pyem bene ocakke i kin lupwonnye ni aŋa i kingi ma gitamo ni bedo ladit.
\p
\v 25 Yecu owaco botgi ni, “Luker pa Lurok gibwoyo lwakgi ki tek, jo ma tye ki twero i komgi gilwoŋogi ni lutim-ber.
\v 26 Ento pe kit meno botwu; ŋat madit i kinwu myero odok macalo ŋat matidi, ki latel-wic myero obed macalo ŋat ma tiyo pi dano.
\v 27 Pien aŋa madit, ŋat ma bedo i dog cam, kece mono ŋat ma kelle cam? Pe ŋat ma bedo i dog cam? Ento an abedo i kinwu macalo ŋat ma tiyo pi dano.
\p
\v 28 “Wun aye jo ma wubedo ka ŋeta jwijwi i kare ducu ma gibedo ka tema.
\v 29 Macalo Wora omiya ker, an bene abimiyowu,
\v 30 wek wucam, wumati i dog mejana i kerra, dok wubed i wi komker kun wuŋolo kop ki kaka apar wiye aryo pa jo Icrael.
\p
\v 31 “Cimon, Cimon, nen Catan otyeko penyo piwu me apyeta macalo bel,
\v 32 ento alego piri ni niyeni pe odok cen. In bene ka doŋ ilokke, myero ijiŋ cwiny utmegini.”
\p
\v 33 Petero owacce ni, “Rwot, doŋ ayubbe me cito kwedi i mabuc ki i to.”
\p
\v 34 Yecu odokke iye ni, “Petero, awacci ni, tin twon gweno pe bikok, nio waŋ ma ikwera tyen adek ni pe iŋeya.”
\p
\v 35 Yecu openyo lupwonnyene ni, “I kare ma yam aorowu laboŋo kicaa lim, nyo opiro, kadi war, gin mo oremowu?” Gugamo ni, “Pe.”
\p
\v 36 Ocikogi ni, “Ento koni, ŋat ma tye ki kicaa lim, myero oter, ki opiro bene kit meno. ŋat ma pe ki pala lucwan myero ocat kanyine, wek owil kwede.
\v 37 Pien awaco botwu ni, ginacoya man myero ocobbe kakare i koma ni, ‘Gikwane kacel ki lubalo’; pien lok ma gicoyo i koma tye ka cobbe kakare.”
\p
\v 38 Guwacce ni, “Rwot, nen, pala lucwan tye kany aryo.” En odok iye botgi ni, “Meno romo.”
\p
\v 39 Yecu okato woko, ocito i wi got Jeituni macalo kite tye; lupwonnye gulubo kore.
\v 40 Ka oo i kabedo meno, ci owaco botgi ni, “Wuleg Lubaŋa, wek pe wudony i abita mo.”
\v 41 Opokke kwedgi ma rom ki ka ma gibayo iye lakidi, ci otumo coŋe piny, olego ni,
\v 42 “Wora, ka imito, kwany kikopo man woko ki bota, ento pe obed macalo an amito; gin ma in imito aye myero otimme.”
\v 43 Lamalaika ma oa ki i polo onen bote kun miye tek.
\v 44 Ka kun onoŋo tye ki kumo twatwal, omedde ki lega matek; omiyo kwok ocorre i kome macalo remo ma ton cwer i ŋom.
\v 45 Ka oa ki ka lega, obino bot lupwonynye, onoŋo gunino woko pi cwercwiny,
\v 46 openyogi ni, “Wunino piŋo? Wua, wuleg Lubaŋa, wek pe wudony i abita mo.”
\p
\v 47 Ka onoŋo Yecu pud tye ka lok, lwak gubino, kun dano ma nyiŋe Juda aye otelo wigi, en ŋat acel i kin jo apar wiye aryo-ni. Onyiko cok bot Yecu wek emote kun enoto leme.
\v 48 Ento Yecu openye ni, “Juda, in idobo Wod pa dano ki noto lem?”
\p
\v 49 Ka jo ma i ŋete guneno gin ma mito timme, ci gupenyo ni, “Rwot, watoŋ dano ki pala lucwan?”
\v 50 ŋat acel i kingi otoŋo opii pa ajwaka madit pa Lubaŋa, oŋuno ite malacuc woko.
\p
\v 51 Ento Yecu owacci, “Ogik doŋ ki man keken!” Oboŋo ite, ocaŋe.
\v 52 Lacen Yecu owaco bot ajwagi madito pa Lubaŋa ki ludito pa askari me ot pa Lubaŋa, ki ludoŋo ma gubino i kome, ni, “Wubino i koma ki pala lucwan ki odoo-gu me maka macalo wubino i kom layak mo?
\v 53 Yam abedo kwedwu jwijwi i ot pa Lubaŋa, pe wumaka. Ento koni aye karewu ki twero me colpiny.”
\p
\v 54 Ci gumako Yecu, gutere, gukele i ot pa ajwaka madit pa Lubaŋa. Petero olubo kore kun tye ki cen ka mabor.
\v 55 Ka gimoko mac i dyekal, ma gubedo piny kacel, Petero bene obedo piny i kingi.
\v 56 Aŋeca mo onene kun obedo ka ma mac ocaro; ka oŋiye matek, ci owaco ni, “Dano man bene nakanen tye kacel kwede.”
\p
\v 57 Ento Petero okwero woko kun waco ni, “Dako, pe aŋeye gira.”
\p
\v 58 Kare okato manok, ŋat mukene onene, owacci, “In bene i ŋat acel i kingi.” Ento Petero owaco ni, “Nye, an ko.”
\p
\v 59 Ka kare okato ma mito romo cawa acel, ŋat mukene oloko kun moko ni, “Ada, dano man nakanen tye kacel kwede; pien en Lagalilaya.”
\p
\v 60 Ento Petero ogamo ni, “Nye, an akwiya lok ma itye ka wacone-ni.” Cutcut ma pud en waco lok man, twon gweno otugi kok.
\p
\v 61 Rwot olokke oneno Petero. Ci Petero opo lok pa Rwot, kit macalo nene Yecu owacce ni, “Ma noŋo twon gweno peya okok tin, ibikwera woko tyen adek kulu.”
\v 62 Ci okato woko okok ki cwercwiny madwoŋ.
\p
\v 63 Jo ma gumako Yecu gunyware, gugoye;
\v 64 guboyo waŋe woko bene ki kitambara kun gipenye ni, “Ka in lanebi tuci! Aŋa mugoyi?”
\v 65 Guloko lok mukene mapol i kome, kun giyete.
\p
\v 66 Ka piny doŋ oru, ludoŋo pa lwak, kacel ki ajwagi madito pa Lubaŋa ki lupwony-cik, gucokke kacel; gukele i nyim Lukikogi, guwaco ni,
\v 67 “Tit botwa ka ce in aye i Kricito ma Lubaŋa oyero.” Ento Yecu owaco botgi ni, “Ka atito botwu, wun pe wubiye;
\v 68 ka apenyowu wun pe wubidokka iye.
\v 69 Ento nia koni Wod pa dano bibedo piny i kabedo me deyo ka ŋet Lubaŋa Won Twer tuŋ lacuc.”
\p
\v 70 Gin ducu gugamo ni, “Doŋ in i Wod pa Lubaŋa do?” Yecu ogamo ni, “Wun wuwaco ni an a en.”
\v 71 Guwaco ni, “Dok wamito caden me ŋo? Wan doŋ wawinyo piwa kenwa ki i doge kene.”
\c 23
\cl Chura 23
\p
\v 1 Lwak ducu gutwarre, gutero Yecu i nyim Pilato.
\v 2 Gudote kun giwaco ni, “Dano man wanoŋo tye ka rwenyo rokwa, ogeŋowa ni pe wacul mucoro bot Cecar, kun lwoŋŋe kene ni en Kricito, kabaka.”
\p
\v 3 Pilato openye ni, “In i Kabaka pa Lujudaya bo?” Yecu ogamo ni, “Iwaco kakare gire.”
\p
\v 4 Pilato owaco bot ajwagi madito pa Lubaŋa ki lwak ducu ni, “Pe anoŋo kop marac i kom dano man.”
\p
\v 5 Ento gin gudiye kun giwaco ni, “Dano-nu poyo lwak, kun pwonyo i lobo Judaya ducu, cakke ki i Galilaya nio kwede wa kany.”
\p
\v 6 Ka Pilato owinyo lok man openyo ka gwok nyo Yecu Lagalilaya.
\v 7 Ka oniaŋ ni en tye i te loc pa Kerode, ci ocwale bot Kerode, ma en kikome bene onoŋo tye i Jerucalem i kare-nu.
\v 8 Ka Kerode oneno Yecu, cwinye obedo yom twatwal, pien onoŋo yam con paro pi nene, pien owinyo pire, dok onoŋo geno ni ebineno lanyut mo ma en bitiyo.
\v 9 Omiyo Kerode openyo Yecu ki peny mapolpol; ento Yecu pe omedo ki dok iye lok mo.
\v 10 Ajwagi madito pa Lubaŋa ki lupwony-cik gucuŋ i ŋete kun gidote ki tek.
\v 11 Kerode ki askarine bene guŋale, gunyware; guruke ki boŋo me deyo, gudwoke kwede bot Pilato.
\v 12 Kerode ki Pilato gudoko lurem i nino meno cut, pien yam con onoŋo gimon kekengi.
\p
\v 13 Pilato olwoŋo ajwagi madito pa Lubaŋa ki luloc ki lwak kacel,
\v 14 owaco botgi ni, “Wun wukelo dano man bota ni en ŋat ma rwenyo lwak, an apenye i nyimwu, ci nen, pe anoŋo kop mo marac i kome i kom lok ducu ma wudote kwede.
\v 15 Kadi Kerode bene pe onoŋo, pien Kerode odwoko en botwa. Nen, pe otimo gin mo ma myero gineke pire;
\v 16 pi meno abigoye, ci abigonye.
\v 17 I kare me karama, yam mitte ni myero ogony botgi ŋat acel pigi.”
\p
\v 18 Ento lwak ducu gudaŋŋe lawaŋacel ni, “Tere woko! Gony botwa Baraba!”
\v 19 Baraba kono yam dano ma gitweye i mabuc pi tugo lwak i Jerucalem ki pi nek.
\v 20 Pilato dok oloko botgi, kun mito gonyo Yecu;
\v 21 ento lwak gumedde ki daŋŋe ni “Gure woko i kom yatariya, gure woko i kom yatariya!”
\v 22 Pilato owaco botgi tyen me adekke ni, “Piŋo kaa? Otimo kit gin aŋo marac? An gira pe anoŋo kop mo marac i kome ma myero gineke pire; pi meno abigoye, ci abigonye.”
\v 23 Ento lwak guwo ki daŋŋe kun gidiye ni myero gigure i kom yatariya. Dwangi oloyo.
\v 24 Omiyo Pilato oŋolo kop ni myero gitim Yecu kit macalo gimito.
\v 25 Ogonyo dano ma yam gitweyo i mabuc pi tugo dano ki pi nek, ma lwak gubako doggi bote pire; ento omiyo Yecu botgi wek gutime kit macalo gimito.
\p
\v 26 Ka gitye ka tere doŋ woko, ci gimako Cimon, dano mo me Cirene ma onoŋo donyo i gaŋ kun oa ki i kin paco, gucibo yatariya i kome, wek otiŋ, olub ki kor Yecu.
\v 27 Lwak dano madwoŋ gulube, ki mon mapol ma gikumo kun gikok pire.
\v 28 Ento Yecu olokke botgi owaco ni, “Anyira Jerucalem, pe wukok pira, ento wukok piwu kenwu ki pi litinowu.
\v 29 Pien nen, kare bibino ma gibiwaco ni, ‘Tye ki gum lulur, kiot nyodo ma pe nywal, ki tuno ma pe gidoto!’
\v 30 Lacen dano biwaco bot godi matino ni, ‘Wupot i komwa’; ki bot godi matino ni, ‘Umwa.’
\v 31 Pien ka gitimo man ma yat pud dyak, bibedo niŋniŋ ka yat doŋ otwo?”
\p
\v 32 Jo aryo mukene bene, ma lutim maraco, giterogi wek ginekgi kacel kwede.
\v 33 Ka guo i kabedo ma gilwoŋo Cogo Wic, gigure i kom yatariya kunnu, ki lutim maraco, ŋat acel tuŋ lacuc, ŋat acel tuŋ lacam.
\v 34 Yecu owaco ni, “Aba, wayi tim kica botgi, pien pe giŋeyo gin ma gitye ka tiyone.” Gubolo kwir pi poko ginarukane.
\v 35 Lwak gucuŋ kun gineno; ento luloc guŋale kun giwaco ni, “Yam olaro jo mukene, koŋ olarre kene ka en Kricito pa Lubaŋa, ma en oyero.”
\p
\v 36 Askari bene gunyware, gubino gumine koŋo vino mawac,
\v 37 kun giwaco ni, “Ka in i Kabaka pa Lujudaya, larre keni!”
\v 38 I waraga ma giketo ka wiye, gicoyo nukuta me leb Grik, ki me leb Roma, ki me leb Ibru ni, “Man aye Kabaka pa Lujudaya.”
\p
\v 39 ŋat acel i kin lutim maraco ma giguro kacel kwede ocaye kun waco ni, “In pe i Kricito ma Lubaŋa oyero ce? Larre keni wa ki wan bene!”
\p
\v 40 Ento lawote-ni ojuke kun waco ni, “In pe ilworo Lubaŋa, ma kun giŋolo kop i komi kwede ma rom?
\v 41 Wan giwa giŋolo kop i komwa kakare; pien watye ka limo cul ma myero, pi timwa; ento dano man pe otimo gin mo marac wacel.”
\v 42 Ci owaco ni, “Yecu, po pira ka ibidonyo i kerri.”
\p
\v 43 Yecu odok iye bote ni, “Ada, awacci ni, tin wabibedo kwedi i Paradic.”
\p
\v 44 Ka cawa doŋ mito romo abicel, piny ocido macol i wi lobo ducu nio wa i cawa aboŋwen,
\v 45 kun waŋ ceŋ oumme woko; boŋo kicika me ot pa Lubaŋa obar, dyere opokke aryo.
\v 46 Yecu odaŋŋe ki dwan matek, owaco ni, “Aba, amiyo cwinya i ciŋi!” Ka owaco lok man, ci oto.
\p
\v 47 Ka ladit ma loyo askari oneno gin ma otimme, opako Lubaŋa kun waco ni, “Ada, dano man kara dano ma kite atir.”
\v 48 Lwak ducu ma gucokke ka nene, ka guneno gin ma otimme, gudok paco kun gidoŋo korgi.
\v 49 Lureme ducu ki mon ma yam gubino kwede nia i Galilaya, gucuŋ ki cen kun gineno gin man.
\p
\v 50 I kare-nu onoŋo dano mo ma nyiŋe Yucepu tye kunnu ma oa ki i gaŋ mo pa Lujudaya ma gilwoŋo Arimataya. En onoŋo ŋat acel i kin jo ma bedo i Lukiko, en dano maber, dok kite atir,
\v 51 yam pe ocwako tamgi kadi ki ticgi, ento onoŋo kuro ker pa Lubaŋa.
\v 52 Dano man ocito bot Pilato, olego pi kom Yecu.
\v 53 Okwanye ki i kom yatariya, ci oboye ki boŋo camanini maleŋŋe, ka opyele i lyel ma gikwinyo i got, ka ma peya gipyelo iye kom ŋat mo.
\v 54 Nino-nu onoŋo nino me Yubbe, cabit bene onoŋo doŋ cok cakke.
\v 55 Mon ma yam gubino kwede nia ki i Galilaya, guneno lyelle, ki kit ma gipyelo kwede kome;
\v 56 gudok, guyubo aŋwece ki moo wir. I cabit, guywe kit macalo cik tye.
\c 24
\cl Chura 24
\p
\v 1 I nino mukwoŋo me cabit, mon gupuk kwarpiny, gubino i wi lyel, kun gikelo aŋwecegi ma guyubo.
\v 2 Gunoŋo ni giloro got woko ki i dog lyel,
\v 3 ento ka gudonyo iye, pe gunoŋo kom Rwot Yecu.
\v 4 Ka onoŋo pud guro lok man, nen, co aryo gucuŋ i ŋetgi ma guruko jor ma ryeny lidaŋdaŋ.
\v 5 Ka komgi oryaŋŋe, ci guryebbe piny, co-nu gupenyogi ni, “Piŋo wuyenyo dano makwo i kin jo muto?
\v 6 En pe tye kany, ento ocer woko. Wupo lok ma yam en owaco botwu i kare ma pud en tye i Galilaya,
\v 7 ni, Wod pa dano myero gimiye i ciŋ lubalo, gigure i kom yatariya, ki cer woko i nino me adekke.”
\v 8 Gupo lokke,
\v 9 ka gua ki i wi lyel gudok, gutito lok man ducu bot jo apar wiye acel ca, ki bot jo mukene ducu.
\v 10 Jo ma yam gutito lok man bot lukwena gin aye Maliam Lamagdala, Joana, ki Maliam min Yakobo, ki mon mukene ma onoŋo tye kwedgi.
\v 11 Lokdgi obedo calo lok miŋo ki bot lukwena, pe guye lokgi.
\v 12 Ento Petero oa, oriŋo wa i wi lyel; ka ocuŋ oneno lyel, oneno boŋŋi camanini ma tye kengi pat; odok paco kun uro gin ma otimme.
\p
\v 13 I nino-nu kikome jo aryo ki i kingi onoŋo nene gicito i paco ma gilwoŋo ni Emau, ma mito romo mairo abiro ki i Jerucalem,
\v 14 kun giboko lok kekengi i kom gin ma otimme.
\v 15 Ka kun giboko lok ma bene gilaro kacel, Yecu kikome onyiko cok, owoto kwedgi.
\v 16 Ento waŋgi oumme woko, pe guŋeye.
\v 17 Owaco botgi ni, “Wularo lok aŋo kekenwu kun wutye ka wot-ti?” Gucuŋ ma waŋgi nen ki can.
\p
\v 18 ŋat acel i kingi ma nyiŋe Kelopa, odok iye bote ni, “In i welo keni i Jerucalem ce, ma pe iŋeyo lok ma otimme kunnu i kare man?”
\p
\v 19 Yecu openyogi ni “Gin aŋo?” Gudokke iye ni, “Lok i kom Yecu Lanajaret, ma yam obedo lanebi matek i lokke ki i ticce i nyim Lubaŋa, ki i nyim dano ducu,
\v 20 ki kit ma ajwagi madito pa Lubaŋa ki lulocwa gudobe wek giŋol kop i kome me neke, gugure i kom yataria.
\v 21 Ento yam wageno ni en aye ŋat ma bikoko Icrael. Iyo, medo i kom meno ducu, tin doŋ nino me adek nia ma lok man otimme.
\v 22 Mon mogo i kinwa bene gumiyowa ur. Gupuk i wi lyel odiko con,
\v 23 pe gunoŋo kome; gudwogo cen kun giwaco ni guneno lumalaika ma onyutte botgi, kun giwaco ni en kwo gire.
\v 24 Jo mukene ma onoŋo tye kacel kwedwa gucito i wi lyel, gunoŋo tye kit macalo mon guwaco; ento pe guneno kome.”
\p
\v 25 Yecu owaco botgi ni, “Wun lumiŋ, ki luwackom i cwinywu pi ye lok ducu ma lunebi yam guloko!
\v 26 Pe myero ni Kricito ma Lubaŋa oyero onen can magi, wek odony i deyone?”
\v 27 Cakke wa i kom Moses, ki lunebi ducu, en ogonyo botgi lok ducu ma i ginacoya ma mako kome.
\p
\v 28 Ka gunyiko cok ki paco ma onoŋo gicito iye-ni, Yecu otimo macalo mito kato akata ki wotte,
\v 29 ento gudiye matek kun giwaco ni, “Bed botwa, pien piny doŋ cok yuto, ceŋ bene doŋ cok poto woko.” Odonyo i ot obedo kwedgi.
\v 30 Ka tye i dog cam kacel kwedgi, omako mugati, opwoyo, obaro iye, omiyo botgi.
\v 31 Waŋgi oyabbe, guŋeye; ci cutcut orwenyo woko ki i waŋgi.
\v 32 Gupennye kekengi ni, “Cwinywa nakanen pe obedo ka pukke i kare ma en tye ka lok kwedwa i waŋayo, kun yabbiwa ginacoya?”
\v 33 Gua i cawa-nu, gudok i Jerucalem; gunoŋo jo apar wiye acel ca gucokke kacel, ki jo ma onoŋo tye botgi.
\p
\v 34 Jo-nu guwaco ni, “Rwot ocer ada, onyutte bot Cimon!”
\v 35 Gutito lok ma otimme i waŋayo, ki kit ma giŋeye kwede i kare ma obaro mugati.
\p
\v 36 Ka pud gitye ka loko lok man, Yecu kikome ocuŋ i kingi, owaco botgi ni, “Kuc obed i komwu!”
\v 37 Ento komgi oto woko lirut, gulworo kun gitamo ni gineno tipo.
\v 38 Yecu openyogi ni, “Piŋo cwinywu opoto? Piŋo wupennye kekenwu i cwinywu?
\v 39 Wunen ciŋa, ki tyena, man an kikoma; wuboŋa, wunena; pien tipo pe tye ki kom ki cogo kit macalo wuneno an atye kwede.”
\v 40 Ka doŋ owaco lok man, ci onyuto ciŋe ki tyene botgi.
\v 41 Ento ka pud peya giye pi yomcwiny, kun giuro, owaco botgi ni, “Wutye ki gin mo kany me acama?”
\v 42 Gumiye but rec ma gubulo,
\v 43 ogamo, ci ocamo i nyimgi.
\p
\v 44 Lacen owaco botgi ni, “Man aye lokka ma yam aloko botwu i kare ma onoŋo pud atye kwedwu, ni, lok ducu ma gicoyo i koma i cik pa Moses, ki i lunebi, ki i jabuli myero ocobbe kakare.”
\v 45 Oyabo tamgi wek giniaŋ ginacoya,
\v 46 owaco botgi ni, “Yam gicoyo kit man ni, Kricito ma Lubaŋa oyero myero onen can, ci i nino me adekke myero ocer ki i kin jo muto,
\v 47 dok myero gitit lok i kom ŋut ma kelo weko bal i nyiŋe bot rok ducu kun gicako ki i Jerucalem.
\v 48 Wun wucaden me lok man.
\v 49 Nen, abicwalo botwu gin ma Wora ociko; ento myero wubed i Jerucalem, nio ka gibirukowu ki tek ma a ki i polo.”
\p
\v 50 Lacen oterogi woko nio wa Betania, otiŋo ciŋe malo olamo gum i komgi.
\v 51 Ma kun pud lamo gum i komgi, ci opokke woko ki botgi, gitiŋe, gitere i polo.
\v 52 Guwore, lacen gudwogo i Jerucalem ki yomcwiny madwoŋ,
\v 53 guri i ot pa Lubaŋa jwijwi, kun gipwoyo Lubaŋa.