Thr_reg/64-2JN.usfm

\id 2JN
\ide UTF-8
\h युहन्‍नाकी दुसरी चिठ्ठी
\toc1 युहन्‍नाकी दुसरी चिठ्ठी
\toc2 युहन्‍नाकी दुसरी चिठ्ठी
\toc3 2jn
\mt युहन्‍नाकी दुसरी चिठ्ठी
\c 1
\cl अध्याय 1
\p
\v 1 एल्डरसे, चुनि भई मिहिला और बिनके लैणा लैणियनके जौनके मै सच्चो प्रेम करत हौ, और मै इकल्लो नाए, पर सत्याके चिनन् बारे सबै फिर बिनके प्रेम करत है ।
\v 2 जैन सत्या हमर भितर है और हर समय हमर सँग रहए, बहे के खातिर तुमके प्रेम करत हए ।
\v 3 परमेश्‍वर पिता और पिताको पुत्र येशु ख्रिष्टसे अनुग्रह, कृपा और शान्ती हमर सँग सत्यता और प्रेम रह बैगो ।
\p
\v 4 अइसिए तुमर लैणा लैणिया मैसे कोई कोईनके मए पितासे पाओ भओ आज्ञाके जैसो नेगत पएके गजबै अनन्दीत् हौ ।
\p
\v 5 अब हे महिला मै तुमके एक नयँ अज्ञा ना लिखो है, पर बहे लिखो है, जो सुरुसे हमर सँग है- हम एक दुसरेसे प्रेम करै कहेकी मै तुमसे बिनती करत हौ ।
\v 6 बाको इच्छा जैसो चल्नो ही प्रेम है । तुमके सुरुसे सुनोभओ आज्ञा जहे है, कि तुम प्रेम के अनुकरन करै ।
\p
\v 7 काहेकि भरम मे डारन बारे बहुत जा संसारमे आएगए है। जैन येशु ख्रिष्ट शरीरमे आओ हए कहेके स्विकार ना करत है। जहे छलि और ख्रीष्ट बिरोधी हए ।
\v 8 होसियार रहीओ, जौन बातके तहीं तुम काम कररहे हओ, बा के गुमान नापणए पर पुरो इनाम पान बारो बनओ ।
\v 9 ख्रिष्टके सिद्धान्तमे अटल ना रहन बारो, बाक सिमासे बाहिर जान बारो आदमीनके संग प्रमेश्‍वर ना है। पर बक सीद्धान्तमे अटल रहन बारेक सँग पिता और पुत्र दोनो होत है ।
\v 10 यदी तुमर जैने कोइ जा सिद्धान्त ना लाई है तै बाके अपन घरमे स्वगत मतकरओ ।
\v 11 काहेकि बक अभिबादन करन बारो, बक खराब कामके सँग सह भागी होत है ।
\p
\v 12 मै तुमर ताही बहुतसी बात लिखन चाहत है। पर कागज और मसीसे लिखन ना चाहत हौ । पर हमर अनन्त पुरो होबै, कहेके तुमर जैने आएके और आमने सामने बात चित करन ताहीं आसा करत हओ ।
\v 13 चुनी भई तुमर बहिनियाँ के लौणा लौणीया तुमके अभिवादन करत हए ।