Thr_reg/60-JAS.usfm

\id JAS
\ide UTF-8
\h याकुबको चिठ्ठी
\toc1 याकुबको चिठ्ठी
\toc2 याकुबको चिठ्ठी
\toc3 jas
\mt याकुबको चिठ्ठी
\c 1
\cl याकुब १
\p
\v 1 परमेश्‍वार और येशू खीष्टको सेवक याकूबसे: ठाउँ-ठाउँमे बिग्दे भए बाह्र कुलनके अभिवादन ।
\p
\v 2 मीर भैया रेओ तुमर उपर मेलमेल के आफतबिफत आएपडेसे बिनके पुरो आनन्दकि बात सम्झऔ ।
\v 3 काहेकी तुम जान्त हौ, तुमरो विश्‍वासको जाँच धैर्य उत्पन्‍न करत् हए ।
\v 4 धैर्यको पुरा काम करन देओ, ताकि तुमर मे कोइ बातको अभाव नाए हुइके तुम परिपक्को और पूरो होबओ ।
\p
\v 5 पर तुमरमैसे कोइके बुद्धिकि जरुरत हयकहेसे उद्धार चितसे नदिक्कान बारो प्रभुसेबा मागय बा बाेके देबैगो।
\v 6 पर बो एकु फिर शंखा नाए करके विश्‍वासकेसाथ मागए । शंखा करन बारेनके आँधी गिरात बैठात् करत् समुन्द्रको लाढुरा जैसो हुइहए ।
\v 7 अइसो आदमी जा नाए सोचए, कि बो प्रभुसे कछु पए हए ।
\v 8 काहेकी दोहोरो मन भव आदमी बाके सब चालचलनमे अस्थिर होत हए ।
\p
\v 9 दीन अवस्थाको भैया अपन उँचो अवस्थामे गर्भ करए,
\v 10 और धनी त अपने दीन अवस्थामे गर्भ करए, काहेकी आदमी घाँसको फुला जैसो अइलिआए जात हए ।
\v 11 काहेकी चटक्का घामुसे दिन निकर्त हए, और घाँसके अइलबाए देत हए | फुला झर्त हए और बाको सोभा नष्ट होतहए । उइसीअए धनी आदमी फिर अपन कामधन्धामे नष्ट हुइके जात हए ।
\p
\v 12 बो आदमी धन्य हँए, जो आपत- विपतमे अटल रहात् हए, काहेकी जाँचको सामना करके पिच्छु बो जीवनको मुकुट पए हए, जो परमेश्‍वार बोके प्रेम करन बारेनके देनके बाचा करी हए ।
\p
\v 13 परीक्षा होत कोइ फिर अइसे नाए कहाबए, “परमेश्‍वारसे मिर परीक्षा भव हए ।” काहेकी कोइ खराब चीजसे परमेश्‍वारको परीक्षा होत नैयाँ, और बो अपनए कोइ कि फिर परीक्षा कर्त नैयाँ ।
\v 14 पर सब आदमी अपन खराब इच्छासे लोभसे परीक्षामे पड्त् हए ।
\v 15 तव खराब इच्छासे गर्भधारण करके पिच्छु बो पाप जन्मात हए । और पाप पुरो बढके पिच्छु बो मृत्यु लात हए ।
\p
\v 16 मिर प्यारे भैया तुम, धोखामे मत पड्ओ ।
\v 17 सबए अच्छो दान और सब सिध्द वरदान स्वर्गसे हए, जा वरदान ज्योतिको पितासे आत हए । बादलत रहन बारी छाहीँ जैसो बामे कोइ हेरफेर नैयाँ ।
\v 18 बो अपने इच्छासे सत्यको वचनसे हमके जन्म दैहए, जा हेतुसे कि हम बाको सृष्टिको एक पहिलो फराजैसो बन्‍न सिकएँ ।
\p
\v 19 मिर प्यारे भैया, जा बात जानऔ: सबए आदमी सुन्‍नमे जल्दी, बोलनमे ढिलो और दिक्कनमे मद्दो होन पणत् हए ।
\v 20 काहेकी आदमीको दिक्क परमेश्‍वारको धार्मिकता लात नैयाँ ।
\p
\v 21 जहेमारे सब खराब बात और सब दुष्टताके हटओ, और तुमर ह्रदयमे बुओ वचनके नम्रता पुर्वक धारण करओ, जौन तुमरो प्राणके उध्दार कर सिकत हए ।
\v 22 पर वचन पालन करन बारे होबओ, और सुन्‍नके अपनएके धोखा मत देबओ ।
\v 23 कोइ आदमी वचन सुन्त हए पर पालन नाए करत् हए तव, बो एक अइसो आदमी जैसो हए, जौन अपन चेहरा दरपनमे देख्त हए,
\v 24 काहेकी बो अपनएके देखत् हए और चलोजात हए, और बो कैसो रहौ करके बो तुरन्त भुल जात हए ।
\v 25 पर बो आदमी जौन स्वतन्त्रता देन शुध्द व्यवस्थाके देख्त हए और बामे लागो रहात् हए, और सुनके भुलत् नैयाँ पर काम करनबारो फिर होतहए, बो तौ अपने करे काम मे आशिष पए हए ।
\p
\v 26 अगर कोइ आदमी अपनएके धर्मी साम्झत हए, और अपन जिभमे लगाम लगात नैयाँ, तव अपन ह्रदयके धोखा देतहए तव बो आदमीको धर्म व्यर्थ हए ।
\v 27 परमेश्‍वार और पिताके अग्गु शुध्द और पवित्र धर्म जहे हए: अनाथ और विधुवानके बिनके दुःखमे रेकदेख करीओ और अपनएके संसारसे निष्कलं रखैओ ।
\c 2
\cl अध्याय २
\p
\v 1 मिर भैया रेओ, प्रभु येशू ख्रीष्ट, महिमाको प्रभु उपर तुम विश्‍वास करत् हौ तुम कोइ उँचनिच मत दिखओ ।
\v 2 अगर कोइ आदमी सोनोक उगठी और अच्छो-अच्छो कपणा लगएके तुमरे सभामे आओ, और कोइ एक जनै गरीब फिर फटोफटओ कपणा लगाएके आओ तव,
\v 3 “तुम बो अच्छो कपणा लगान बारेके आदर करके, “हियाँ अच्छो ठाउँमे बैठओ" कहात हौ, और बो गरीबके चाहिँ “हुवाँए ठाढो रहौ"चहुँ “मिर पाउठिन वैठ" कहातहौ तव,"
\v 4 का तुम अपनि बीचमे उँचनिच नादिखए और खराब विचार भए नेव करन बारे नाभएका?
\v 5 मिर प्रिय, सुनओ, का परमेश्‍वार संसारके गारीबनके विश्‍वासमे धनी बनाएके बा राज्यके उत्तरधिकार होनके चुनिका नायाँ? बहे राज्य बोके प्रेम करन बारेनके बो देनके प्रतिज्ञा करीका नायँ?
\v 6 पर तुम ता गरीब आदमीनके अपमान करेहौ । का धनी तुमके अत्याचार नकरत् हय? का बे तुमके अदालतमे लैजत नैयाँ?
\v 7 का बे बहे आदरणीय नाउँको अपबाद करत् नैयाँ का, जौन नाउँसे तुम बोलावट पाए हौ?
\v 8 “अगर अपन पणोसीके अपनए कता प्रेम करओ" करके पवित्र-धर्मशास्त्रको राजकीय व्यवस्थाके नेहत्व पुरा कर्त हौ तव असलए करत् हौ ।"
\v 9 अगर तुम भेदभाव दिखत हौ तव तुम पाप करत् हौ, और व्यवस्थासे अपराधी ठैहेर्त हौ ।
\p
\v 10 । काहेकी जौन पुरो व्यवस्था पालन करत् हए पर एक बातमे चुक्त हए तव, व्यवस्थाके सब बातमे दोषी ठैहेर्त् हए ।
\v 11 “काहेकी जौन “व्यभिचार मत करए" कहिहए, बा “हत्या मत करओ" फिर कहि । और अगर तुम व्यभिचार नाए करेहौ पर हत्या करेहौ तव, तुम व्यवस्थाके अपराधी हुइहौ ।"
\p
\v 12 जहेमारे तुमर बोली और व्यवहार स्वतन्त्रताको व्यवस्था बमोजिम न्याय पानबारे जैसे होबओ ।
\v 13 काहेकी जौन आदमी कृपा करी नैयाँ, बाको न्याय कृपाविना हुइहए । कृपा न्याय उपर बिजय होत हए ।
\p
\v 14 “मिर भैया तुम, अगर कोइ आदमी “मेरे ठिन विश्‍वास हए" कए हए, पर काम नाए करेहए तव, जासे का फाइदा? का बाको विश्‍वास बाके बचाए पए हए?”
\v 15 अगर कोइ भैया या बाहिनिया फटे-फटाए कुर्ता लगाए हए, और बोके दिनको खानुको कमि हए,
\v 16 “और तुमर मैसे कोइ बोसे, शान्तिसे जाव, भरक्के बैठीए, पेट भरके खाओ" इकल्लो कएहौ, पर”
\v 17 अइसी विश्‍वास फिर काममे प्रघट हुइहए नाए तव बो विश्‍वास मरो हए ।
\p
\v 18 पर कोइ कए हए, “तुमर संग विश्‍वास हए, मिर त काम हए ।” काम बिनाको तुम्रो विश्‍वास मोके दिखओ, और मए करो कामसे मए अपन विश्‍वास तुमके दिखए हौ
\v 19 तुम विश्‍वास करत् हौ कि परमेश्‍वार एकए हए | बो अच्छो हए । भूतात्मा फिर विश्‍वास करत् हए और थरथर कामत् हँए ।
\v 20 मुरख तुमर, कामविनाको विश्‍वास व्यर्थ हए करके बातको प्रमाण चाँहत हौ?
\v 21 जब हमर पुर्खा अब्राहम अपन लौणा इसाहकके वेदीमे अर्पण करीं, तव बे कामसे धर्मी नाएठहिरे का?
\v 22 तुम देख्त हौ, कि बिनको कामके संगसंग विश्‍वास पक्को रहए, और कामसे नाए विश्‍वास पुरो भव रहए ।
\v 23 “पवित्रधर्मशास्त्रको अइसो कहान बारो वचन पुराे भव, “अब्रहाम परमेश्‍वारमे विश्‍वास करी, और जा उनके ताहिँ धार्मिकता गिनो" और बो परमेश्‍वारको संगी कहलानो ।"
\v 24 तुम देख्त हौ कि कामसे आदमी धर्मी ठाहिर्तहए विश्‍वाससे इकल्लो नाए ।
\v 25 उइसी करके राहाब ब्याभिचारिणी फिर, जब बे गुप्तचरनके सत्कार करके दुस्री डगरपठाए दै, तव कामसे बाे धर्मी ठ्हिरी नैयाँ का?
\p
\v 26 जैसी शरीर आत्मासे अलग होतए मरी होतहए, उइसी करके विश्‍वास फिर कामसे अलग होत मराे होतहए ।
\c 3
\cl अध्याय ३
\p
\v 1 भैया, तुमरे मैसे जाधा जनै शिक्षक मत होबओ, काहेकी तुम जान्त हौ, हम शिक्षा देनबारेनको न्याय और अग्ठो से हुइहए ।
\v 2 काहेकी हम सब तमान भुल कर्त हँए । जौन आदमी अपनए कहान बारी बातमे भुल नाए कर्त हए, बो अपन पुरी शरीरमे फिर लगाम लगान सिक्त हए, और बो सिध्द आदमी होतहए ।
\v 3 अगर घोणानके बशमे करन बिनके मुहूमे लगाम लगयहँए तव बिनको पुरी शरीरके जितए मन पणो उतै लान सिकैगे ।
\v 4 देखओ त, जहाज जो तेज हावासे चल्तहँए, बे बण-बण हँए तहुसे फिर एक छोटो पखनासे जहाज चलान बारो अपन इच्छा अनुसार जिताए मन लागो उतै लै जात हए ।
\v 5 उइसी जीभ फिर एक छोटो अङग् हुइके बणी बणी बात को अभिमान कर्त हए । देखओ, एक छोटि आगीको चिल्गीँ बणाे वनके फिर स्वाहा करदेत हए ।
\p
\v 6 जीभ फिर एक आगी हए | जा शरीरकी अङग् मैसे अधर्मको एक दुनियाँ हए ।जा पुरी शरीरके खराब कर्त हए और जीवनको पुरी क्रममे आगी लगए देत हए और नरक कि आगीमे बो जल्त हए।
\v 7 सब किसिमके पशुपक्षी, घिस्रनबारे जन्तु और समुद्रके जीवजन्तुनके तह लगाए सिक्त हए, और आदमी जातिनसे तह लगो हए ।
\v 8 पर जीभके कोइ आदमी तह नाए लगा पाई हँए । खराब विषसे भरो जा चन्‍चल दुष्ट हए ।
\v 9 । जा से हम प्रभु और पिताको प्रशंसा कर्त हए, और जहे से परमेश्‍वारके रुपमे बने भए आदमीनके हम सराप्त हँए ।
\v 10 एकए मुहुसे आशिर्बाद और सराप निकर्त हए | मीर भैयओ, अइसो नए होनके हए ।
\v 11 का पानीको मूलसे एकए नलसे मीठो और तीतो पानी निकर्त हए का?
\v 12 मेरे भैयओ, का गुलरके हाँगासे जैतुन और दाखके हाँगामे गुलरके फरा पाए हए का? तीतो पानीके मूलसे मीठो पानी ननिकार हए।
\p
\v 13 तुमर मैसे बुध्दिमान और ज्ञानी कौन हए? अपन अच्छो जीवनसे बुध्दिको नम्रतामे बो अपनो काम दिखाबए ।
\v 14 अगर तुमरे ह्रदयमे कपट और स्वार्थी अभिलाषा हए तव जा बातमे घमण्ड मत करओ, और सत्यके झुठो मत बनओ ।
\v 15 जा बुध्दि स्वर्गसे आनबारी बुध्दि नैयाँ । पर जा त संसारिक, आत्मिक नाय और शैतानिक हए ।
\v 16 काहेकी जहाँ दिक्क और स्वार्थपूर्ण अभिलाषा होतहए, हुवाँ भाँडभैलो और सब मेल, मेलक भ्रष्ट काम होतहए ।
\v 17 पर जौन बुध्दि स्वर्गसे आत हए बो पहिले शुध्द होतहए, तव बो शान्तिप्रिय, कोमल, बिचारशील, कृपापूर्ण और अच्छो फरासे भरो, पक्षपातरहित और कपटरहित होतहए ।
\v 18 शान्ति कायम राखनबारे शान्तिमे बोतहए, और बे धार्मिकताको फसल बटोर्त् हए ।
\c 4
\cl अध्याय ४
\p
\v 1 तुमरे बीचमे लडाइँ और झगडा कौन बात ल्यातहए? का जा सब तुमर शरीरको अगंमे सङर्ष करन बारे अभिलाषासे का नाआए?
\v 2 तुम इच्छा कर्तहौ, पर तुम पात नैयाँ । तुम हत्या कर्तहौ और लोभ कर्तहौ, पर पात नैयाँ । तुम झगडा कर्तहौ और लडाइँ कर्तहौ | तुमरे संग होत नैयाँ, काहेकी तुम परमेश्‍वारसे नाय मगत ।
\v 3 तुम मगत हौ पर पात नैयाँ, काहेकी अपन अभिलाषा पुरा करन् के गलतसे मगतहौ ।
\p
\v 4 व्यभिचारी आदमीओ, संसारसंगको मित्रता परमेश्‍वारसँगको शत्रुता हए कहिके कहान बाली बात का तुमके पता नैयाँ? जहेमारे जो संसारसे संगी होन चाहत हए बो अपनएके परमेश्‍वारको शत्रु बनात हए ।
\v 5 का तुम जा सम्झतहौ, कि पवित्र-शास्त्र व्यर्थमे अइसो कहिहए, हमरमे परमेश्‍वार धरी आत्माके ताहिँ बो बहुत दीक करत हए,
\v 6 पर बा बहुत अनुग्रह देतहए? जहेमारे पवित्र-शास्त्र अइसे कहात हए, “परमेश्‍वार अभिमानीनको बिरोध करत् हए, पर नम्रनके अनुग्रह करत् हए ।”
\p
\v 7 जहेमारे अपनएके परमेश्‍वारके अधीनमे धरओ । दियाबलसकि विरोध करओ, तव बो तुमर मैसे निकरके भजैगो ।
\v 8 परमेश्‍वारके ढिगैँ आओ, और बा तुमरे ढिगै अबैगो । पापीओ! तुम अपने हात चोखो करओ दुई मनके आदमीओ! तुम अपने ह्रदय शुध्द करओ ।
\v 9 दु: खी होबओ, शोक करओ, और रोबओ | तुमर हँसी शोकमे, और तुमरो आनन्द उदासमे बदलए ।
\v 10 प्रभुके ठिन अपनएके विनम्र बनाबओ, और बा तुमके उचो बनाबैगो ।
\p
\v 11 भैयाओ, एक दुसरेके बिरुध्दमे खराब बात मत कहाबओ, औ अपन भैयाके दोष लगात हए बो व्यवस्थाके बिरुध्दमे कहात हए, और बो व्यवस्थाको दोष दिखत् हए । अगर तुम व्यवस्थाको दोष दिखात हौ तव त तुम व्यवस्था बमोजिम चल्नबारे नयहँ, पर व्यवस्थाके न्याव करनबारे हुइगए ।
\v 12 व्यवस्था देनबारो न्यायकर्ता त एकए हए, जौन बचान और नाश करन् फिर सिक्तहए पर अपन परोसिक दोष लगान बारे तुम कौन हौ?
\p
\v 13 “आज और कल हम फलानो सहेरमे जयहए, हुवाँ एक वर्ष बितए हँए और व्यापार करके नाफा करेहँए”
\v 14 कहानबारे अब सुनओ, कल का हुईहए तुम नाए जन्तहौ । तुमरी जिन्दगी का हए? तुम त् धुवाँ हौ, जो यघरी दिखातहौ, और हरए जात हौ ।
\v 15 जा के बदलामे त तुमके अइसो कहान रहए, “अगर परमेश्‍को ईच्छा हुइहए तव हम बचंगे और अइसे उइसे करंगे ।”
\v 16 पर हबए तुम अ-अपन शेखीमे धाक लागतहौ । अइसो सब शेखी खराब हए ।
\p
\v 17 जहेमारे जौन भलाइ करन् जानके फिर नाए कर्तहए बो पाप कर्तहए ।
\c 5
\cl अध्याय ५
\p
\v 1 धनी आदमी! सुनओ, तुमरे उपर आए पणन बारे कष्टनके ताहिँ रोबओ और विलाप करओ ।
\v 2 तुमर धन सड़ो हए, और तुमर लत्ता किरक् खबो हए ।
\v 3 तुमर सोनो चांदीमे काइ लागो हए, और बहे काइ तुमर बिरुद्धमे साक्षी हुइ हए, और आगी हानी तुमर शरीर खए हए | तुमर ताहीँ दिन के धन जम्मा करे हौ ।
\v 4 । जौंन खेतके आदमी तुमर खेत को बालि काटी हए, बो धोका बाजी करके नाए दै तुमारो ज्याला कहैगो, और बो बालि काटन बालेक पुकार सेना को परमप्रभु को कान तक पुगो हए ।
\v 5 तुम जा पृथ्वीक सुख विलास और मोजमज्जा मे मस्त हुइके बैठे हौ ।
\v 6 तुमर विरोध नाए करन बारे धर्मात्माके दोषी ठहराईके तुम मारे हौ
\v 7 जहेमारे भैया रेओ, प्रभु को आगमन नाए होन तक धैर्य धारण करओ । देखओ भूमीक बहुमुल्य फल को आशा करके तुम अग्गु और पिच्छुक बर्ष नाए होनतक धैर्य धारण करके आसरा देखत रहात हएँ ।
\v 8 तुम फिर धैर्य धारण करओ ।अपन हृदयके स्थिर करओ, काहेकी प्रभुको आग्मान ढिॅगै आइगव हए ।
\v 9 भैया रेव एक दुसरे के बिरुद्ध मे गनगन मत करओ, नत् तुम दोषी ठहरैगे, देखओ न्याएकर्ता फाटक मे हए ।
\v 10 भैयओ, कष्ट भोग और धैर्यको उदहारण कैसे होन पाडत् हए, सो प्रभुक नाउमे मस्कन बारे अगमवक्ता के देखओ ।
\v 11 देखओ धैर्य धारण करन बारेके हम धन्यको काहत हँए, अय्युबको स्थिरताके बारेमे सुने हौ, और प्रभुके अभिप्राय देखे हौ, कि प्रभु कित्तो करुणामय और कृपालु हए ।
\p
\v 12 “मिर भैया तुम सब से अग्गु स्वर्गको या पृथ्वीको और कोइ बात को कसम मत खाओ, पर दोषी ठहरनके तुमर 'हए' त 'हए' और “नाय" - त “नाय" होबए ।"
\p
\v 13 का तुमर मे कोइ कष्ट भोगत हय? बो प्राथना करए । का कोइ आन्दित हए? बो प्रशंसाको गित गाबए ।
\v 14 का तुमर मैसे कोइ बिमार हए? बो मण्डलीके एल्डरके बुलाबए । बे प्रभुके नाउँमे बोके तेलसे अभिषेक करके बोकि ताहिँ प्रार्थना करए ।
\v 15 और विश्‍वासको प्रार्थना से बेमारिक बचए हए ।, और प्रभु बोके अच्छो बनाए हए, और अगर बो पाप करी हए कहेसे बोके क्षमा हुइहए ।
\v 16 जहेमारे एक दुसरे संग अपन अपन पाप स्वीकार करओ । तुम अच्छो होन ताहिँ एक दुसरे के ताहिँ प्रार्थना करओ । धार्मि आदमी को प्रार्थना शक्तिशली और प्रभावशाली होतहए ।
\v 17 एलिया फिर त हाम्री हानि स्वभाव भव आदमी रहए । बे पानी नाए बर्षए कहिके भक्ति साथ् प्रार्थना करिरहए और तिन बर्ष छ महिना तक पृथिवीमे पानी नए बर्षओ ।
\v 18 बो फिर प्रार्थना करी, और बादर से बर्षा हुइगओ, और जमिन उब्जनी दै ।
\p
\v 19 मिर भैया रेव, अगर तुमर मैसे कोइ सत्य से भडकके जात कोइ बाके घुमाएके लिअए हौ कहेसे ।
\v 20 बो जानए कि जौन आदमी पापी बोके गलत डगरसे घुमाएके लाबैगो, मृत्यूसे बचाबैगो और अनगिन्ती पापके तोपैगो ।