See in Reader
77 lines
13 KiB
Plaintext
77 lines
13 KiB
Plaintext
\id 2TH
|
|
\ide UTF-8
|
|
\h थेसलोनिन्के पावलको दुसराे चिठ्ठी
|
|
\toc1 थेसलोनिन्के पावलको दुसराे चिठ्ठी
|
|
\toc2 थेसलोनिन्के पावलको दुसराे चिठ्ठी
|
|
\toc3 2th
|
|
\mt थेसलोनिन्के पावलको दुसराे चिठ्ठी
|
|
\c 1
|
|
\cl अध्याय १
|
|
\p
|
|
\v 1 पावल, सिलास और तिमोथीसे, परमेश्वार हमर पिता और प्रभु येशू ख्रीष्टमे थेसलोनिकीनको मण्डलीनके:
|
|
\v 2 परमेश्वार पिता और प्रभु येशू ख्रीष्टसे तुमके अनुग्रह और शान्ति।
|
|
\p
|
|
\v 3 भैयओ, तुमरे ताहिँ परमेश्वारके सबदिन धन्यबाद देनके हम बाध्य हँए| जाके योग्य फिर हँए, कहेकी तुमरो विश्वास प्रशस्त करके बृध्दि हुइरहोहए, और एक- दुसरे प्रति तुमरो हरेकको प्रेम बढरहो हए।
|
|
\v 4 जहेमारे तुम सब सतावट और तुम सहेरहे कष्टके बीचमे तुमरो स्थिरता और विश्वासके ताहिँ परमेश्वारको मण्डलीके बीचमे हम बहुत गर्व कर्तहँए।
|
|
\p
|
|
\v 5 परमेश्वाके धार्मिक इन्साफके साक्षी जहेहए, कि तुम परमेश्वारके राज्यकेयाेग्गेक ठाहिरन सिकौ, जौनके ताहिँ तुम दु: ख भोग रहेहौ।
|
|
\v 6 परमेश्वार न्यौ कारन बारो हय, बा तुमके दु: ख देनबारेनके दु: ख देहए,
|
|
\v 7 और तुम कष्ट पाएभएनके हमरसंग आराम देहए| जा तब हुइहए, जब प्रभु येशू अपन स्वर्गसे प्रघट हुइहए।
|
|
\v 8 परमेश्वारके नाए चिन्हन बारेऔर हमर प्रभु येशूको सुसमाचार नाए मान्नबरेन के बा दण्ड देहए।
|
|
\v 9 बे अनन्त विनाशको दण्ड औ प्रभुको उपस्थिति और बाको शक्ति को महिमासे अलग होनबारो दण्ड भोगेहए,
|
|
\v 10 जब बो दिन बाके सन्तानमे महिमा पान और विश्वास कर्नबारेनके आश्चर्यचकित कर्न बो अबैगो, कहेकी तुमके दओ हमरे साक्षीमे तुम विश्वास करे।
|
|
\p
|
|
\v 11 जा मारे हम तुमके सबके ताहिँ लगातार प्रार्थना फिर कर्तहए, कि हमर परमेश्वार तुमके अपन बोलावटको योग्य बनाबए, और हरेक अच्छाे उदेश्य और विश्वासके कामसे बाको शक्तिसे पूरो करदेबए,
|
|
\v 12 ताकि हमए परमेश्वार और प्रभु येशू ख्रीष्टको अनुग्रह अनुसार हमर प्रभु येशूको नाउँ तुमरमे महिमित होबए, और तुम बामे।
|
|
\c 2
|
|
\cl अध्याय २
|
|
\p
|
|
\v 1 भैया तुम, हमर प्रभु येशू ख्रीष्टको आग्मनके बारेमे और बाके भेटन हम एकसाथ इकठ्ठा होनके बारेमे हम तुमसे बिन्ती कर्तहए,
|
|
\v 2 कि कोइ अगमवाणी और वचन औ कोइ पत्र प्रभुको दिन नजिक आओ हए करके बतामए तव, बे हमसे आए हँए करके तुमरो मन हल्दी नडगमगा -बए औ तुम मतघबणैओ।
|
|
\v 3 कोइ फिर कोइ किसिमसे तुमके धोखा नाएदेबए। कहेकी पहिले विद्रोह नाए भए तक पापको आदमी, और सर्वनाशको लौणा प्रकट नाए भएतक बो दिन
|
|
\v 4 आबैगोनए। येशु ईश्वर कहो भव सब औ पूजे चीझनको बिरोध करेहए और बोसे अपनएके उचाे बनाएहए, हियाँ ताकि अपनए परमेश्वार- रय घोषणा करेहए परमेश्वारको मन्दिरमे बा बैठैगो।
|
|
\v 5 का तुमके याद नैयाँ, मए तुमरे संग रहत मए जा बात तुमसे कहो रहौ?
|
|
\p
|
|
\v 6 येशु अपन समयमे प्रकट होबए करके कौन बात बाके हबए तक रोकेहए, जा तुम जन्तहौ।
|
|
\v 7 कहेकी अधर्मको रहस्य अग्गुसे काम कर रहोहए। हबए तक जौनबाके रोकरहो हए, बा नाएहटन तक बा रोकिरैहए।
|
|
\v 8 तव बो पापको आदमी प्रकट हुइहए, जौनके प्रभु येशू अपन मुहूको साससे नाश करेहए, और बाको आगमनको प्रकाशसे बाके नाश करेहए|
|
|
\v 9 शैतानको काम बमोजिम पापको आदमी सारा शक्ति और छलपूर्ण चिन्ह और चमत्कारसहित,
|
|
\v 10 और नाश होनबारे छलमे पणन समस्त दुष्टतासहित अबैगो, कहेकी बे सत्यके प्रेम कर्न और उइसी बाँचन इन्कार करीँ |
|
|
\v 11 जहेमारे बे झुटा बातमे विश्वास करए कर्के परमेश्वार बिनके उपर एक शक्तिशाली भ्रम पठाबैगो,
|
|
\v 12 ताकि सत्य उपर विश्वास नाएकरए, पर अधर्मिकतामे आनन्द मनानबारे सब दोषी ठ्हिरए।
|
|
\p
|
|
\v 13 प्रभु प्रेम करे भैयनके, तुमरे ताहिँ हम परमेश्वारमे सबदिन धन्यबाद चढनके बाध्य हए, कहेकी सुरुय से पवित्र आत्मासे पवित्र बनानबरो कामसे और सत्यता उपरको विश्वाससे बाँच्नके ताहीँ परमेश्वार तुमके चुनिहए।
|
|
\v 14 जहेके ताहिँ हमर सुसमाचारसे हमर प्रभु येशू ख्रीष्टको महिमा प्राप्त कर्न बा तुमके बुलाई हए।
|
|
\p
|
|
\v 15 जहेमारे भैया ओ, मजबुत हुइके खणा होबओ, और चहु मुहुको वचनसे होबए, चहु हमर चिठ्ठीसे होबए: तुम जो शिक्षा पाएहौ बिनके रोके -रखओ।
|
|
\p
|
|
\v 16 अब हमके प्रेम कर्नबारो और अनुग्रहसे अनन्तको सान्ति और उत्तम आशा देनबारो हमर पितासे,
|
|
\v 17 तुमरे ह्रदयके सान्ति देबए और हरेक अच्छाे काम और वचनमे तुमके अटल कराबए।
|
|
\c 3
|
|
\cl अध्याय ३
|
|
\p
|
|
\v 1 अन्तमे भैया रेव हमर ताहिँ प्रार्थना करओ, ताकि प्रभुको वचन जल्दीसे पुरो फैलए और बिजय होबए, जैसी तुमरे बीचमे भव फिर रहए,
|
|
\v 2 और हम दुष्ट औ परमेश्वारसे दुरभए आदमीनसे छुट्कारा पान सीकएँ, काहेकी सबएसँग बीसवास नाए होतहए ।
|
|
\p
|
|
\v 3 पर प्रभु त बिश्वास योग्य हए। बो तुमके स्थिर करैगोऔर दुष्टसे सुरक्षित रखाबैगो।
|
|
\v 4 हम जौन बातके आज्ञा देतहए, बे तुम कर रहेहौ और करेहौ करके हम तुमरे बारेमे प्रभुमे भरोसा कर्तहए।
|
|
\v 5 प्रभु तुमके ह्रदयसे परमेश्वारको प्रेम और ख्रीष्टको शान्तिघेन लैजाबए।
|
|
\p
|
|
\v 6 अब भैया हमर प्रभु येशू ख्रीष्टके नाउँमे हम तुमके आज्ञा देतहए, कि हमसे तुम पाओ भव शिक्षामे नाएचल्नबारे सबय अल्छी भैयनसे अलग बैठओ।
|
|
\v 7 कहेकी तुम कैसे हमर अनुकरण कर्नपणैगो सो तुम अपनए जन्तहौ| हम तुमरेसंग रहत अल्छी हुइके बैठेनाए।
|
|
\v 8 हम कोइ कि रोटी सेतएमे खाएनाए। पर तुमके कोइके भार नाएहोबए करके हम रातदिन परिश्रमसाथ खटके काम करे।
|
|
\v 9 सहायता पान हमर हक नाएहुइके नायाँ, पर हमर आचरण तुमरे ताहिँ एक अच्छाे बनए, करके हम अइसे करे।
|
|
\v 10 तुमरे साथमे रहत् हम तुमके जा आज्ञा दए रहए, “कोइ काम नाए कर्त हए तव बो नाए खाबए।”
|
|
\v 11 कहेकी हम सुन्तहए, कि तुमर मैसे कित्तो अल्छी जीवन बितए रहेहए| बे अपनए त कोइ काम कर्त नैयाँ पर औरनके काममे व्यर्थमे हात डार्तहए।
|
|
\p
|
|
\v 12 अब अइसे आदमीनके प्रभु येशू ख्रीष्टके नाउँमे हम आज्ञा और अर्ती देतहए, कि बे चुपचाप अपन काम करए और अपन जीवन चलामए।
|
|
\p
|
|
\v 13 तुम त भैयओ भलाइ कर्नमे थकित मत होबओ।
|
|
\p
|
|
\v 14 जा चिठ्ठीमे हमर कहिँ बातके अगर इन्कार करेहए तव, बो आदमीनके चिन्हेरखओ और बोकेसंग कोइ सम्बन्ध मतरखओ, और बो शर्ममे पणए।
|
|
\v 15 ताहुफिर बोके शत्रु जैसो मत मानिओ, पर भैया जैसो करके बोके चेताउनी देओ।
|
|
\p
|
|
\v 16 अब शान्तिको प्रभु अपन सब समय, हरतरहसे तुमके शान्ति देबए। प्रभु तुमरे सबके संग रहबए।
|
|
\v 17 मए पावल, अपने हातसे जा अभिवादन लिखतहौ। मिर सब चिठ्ठीको चिन्ह जहे हए।
|
|
\v 18 हमर प्रभु येशू ख्रीष्टको अनुग्रह तुमर सबके संग रहबए।
|