Thr_reg/thr_1jn_text_reg.usfm

\id 1jn Regular
\ide usfm
\h युहन्‍नाकी पहीली चिठ्ठी
\toc1 युहन्‍नाकी पहीली चिठ्ठी
\toc2 युहन्‍नाकी पहीली चिठ्ठी
\toc3 1jn
\mt युहन्‍नाकी पहीली चिठ्ठी
\c 1
\p
\v 1 जीवनको जा वचनके बारेमे, जो सुरुसे रहए जो हम सुने हँए, जो हमर आँखीसे देखे और हातसे छोए,
\v 2 बा जीवन प्रकट भओ, और हम देखे, और हम गवाही देत हँए और तुमके बा अनन्त जीवनको सन्देश शुनात हँए, जो पिता सँग रहए, और हमरे ठिन प्रकट भओ,
\v 3 हम जो देखे और सुने हँए, सो हम तुमके सुनात हँए, ताकी हमर सँग तुमर सङ्गती होबए। हमर सङ्गती पिता और बाको पुत्र येशु ख्रिष्ट सँग हए।
\v 4 हम जा बात जा कारण से लिखे हँए, कि हमर आनन्द पुरो होबए।
\v 5 जौन सँन्देश हम तुमसे सुने और बा हम तुमके सुनात हँए, बा बहे हए, कि परमेश्‍वर ज्योती हए, और बामे कतै अँध्यारो ना हए।
\v 6 अगर बाकेसँग हमर सङ्गती हए कहिके हम काहात हँए और अन्धकारमे नेगत हँए, तओ हम झुठ बोलत हँए और सत्यमे ना चलत हँए।
\v 7 पर बा जैसो ज्योतीमे हए उइसिए हम ज्योतीमे चलत हँए तव एक दुसरे से हमर सङ्गती होत हए, और बाको पुत्र येशुको खुनसे हमके सब पापसे सुध्द करत हए।
\v 8 अगर हममे पाप ना हए कहेके हम काहत हँए तव हम अपने आपके धोका देत हँए, और हममे सत्य ना हए।
\v 9 अगर हम अपने पाप के स्वीकार करङ्गे तओ बा हमर पापके क्षमा करैगो और सबए अर्धमसे हमके शुध्‍द कर देबैगो, काहेकी बा बिश्‍वास योग्यऔर धर्मी हए।
\v 10 अगर हम पाप ना करे हँए कहेसे हम काहत हँए तव हम झुठ बोलत हए और बाको बचन हम मे ना हए।
\c 2
\p
\v 1 मेरे छोटे बालकओ, तुम पाप मत करओ जा बात मए लिखत हऔं। पर कोइ आदमी पाप करलै हए, तओ भी हमर ताँही पितासँग हमर पक्षमे बोलन ताँही एक जनी हए, औ धर्मी येशू ख्रीष्ट।
\v 2 बा हमर पापके ताँहि प्रायश्‍चीत हए, और हमर ताँही इकल्लो ना, पर सारे संसारके पापके ताँही फिर।
\v 3 अगर हम बाको आज्ञाके पालन करत हँए, तओ जहेमे हम जानत हँए कि हम बाके चिनत हँए।
\v 4 जौन मए बाके चिनत हऔं काहत हए, पर बक आज्ञाके उलङ्गन करत हए, कहेसे बा झुटो हए, और बामे सत्य ना होत हए।
\v 5 पर जौन बक बचनके पालन करत हए, बा परमेश्‍वार घेनको प्रेमसे नेहत्य शिद्ध भऔं हए। हम बामे हँए, कहेसे जहेसे पता चलत हए।
\v 6 परमेश्‍वरमे हओं कहेन बारे आदमी अपनएके येशू ख्रीष्ट के जैसो चलन पड़त हए।
\v 7 प्रिय मए तुमके नयाँ आज्ञा ना, पर बहए पुरानो आज्ञा लिखत हऔं, जो सुरुसे ही तुमर सँग रहए, जा पुरानो आज्ञा तुमर सुनोभओ बचन हए।
\v 8 तहु फिर एक नयाँ आज्ञा मए तुमके लिखत हऔं जो ख्रीष्टमे और तुममे सच्चो हए, काहेकी अन्धकार बितरहो हए और सच्चो ज्योती अग्गु चमक रहोहए।
\v 9 जौन मए ज्योतीमे हओ कहीके काहत हए और अपने भइयाके अच्छो ना मानत हए तओ बा अभए फिर अन्धकारमे हए।
\v 10 जौन अपने भौइयाके प्यार करत हए बा ज्योतीमे राहत हए और बामे ठक्करको कारन ना होतहए।
\v 11 पर जौन अपन भौइयाके अच्छो ना मानत हए बा अन्धकारमे हए।और अध्यारो मे नेगत हए। और मए काहाँ जाएरहो हओं बाके पता ना चलत हए। काहेकी अँध्यारो बाके अँधरा बनाए देत हए।
\v 12 मेरे छोटे बच्चा मए तुमके लिखत हऔं, काहेकी येशू ख्रीष्टके नाऊँके बजैसे तुम्के पाप क्षमा भओ हए।
\v 13 पिता मए तुमके लीखत हऔ, काहकी सुरुसे जो रहए बाके तुम चिनत हओ। जवान, मए तुमके लिखत हऔं, काहेकी तुम दुष्टके जिते हओ। मिर छोटे छोटे लौड़ीया, मए तुमके लिखत हऔं, काहेकी तुम पिताके चिनत हओ।
\v 14 पिता, मए तुमके लिखत हऔं, काहेकी सुरुसे जो रहए बाके तुम चिनत हओ। हे जवान मए तुमके लिखत हऔं, काहेकी तुम तागत बारे हओ, और परमेश्‍वरको वचन तुम्मे राहत हए, और तुम दुष्टके जित लए हऔ।
\v 15 संसारके और संसारमे भए कोइ चिजके प्यार मत करऔ। अगर कोइ आदमी संसारके प्यार करत हए तओ बामे पिताको प्यार नाहोथहए।
\v 16 काहेकी संसारमे भए सबए चीज औ शरीरको अभिलाषा, आँखीको अभिलाषा, जीवनको शेखी पितासे ना आओ, बल्की संसारसे आओ हए।
\v 17 संसार बित जए हए और बाको अभिलाषा फीर बितजएहए, पर परमेश्‍वरको इच्छा पुरो करन बारे सदाके ताँही राहामङ्गे।
\v 18 छोटे- छोटे लौड़ा लौड़ीया आखिरी घडीमे ख्रिष्ट विरोधी आए रहेहंए तुम सुन्तय हओ, अब बहुत ख्रिष्ट विरोधी आएगए हँए, जाके मारे हम जानत हँए कि, जा आखिरी घडी हए।
\v 19 बे हमसे निकरके गएहँए, काहेकी बे हमरे ना रहँए अगर बे हमरे होते तओ बे हमर सँग राहाते। पर बे सबए हमरे ना रहँए जा बातके प्रकट करन ताँही बे हमसे निकरके गए।
\v 20 पर तुमरो अभिषेक महापवित्रसे भओ हए और तुम सबए सत्यके जानत हओ।
\v 21 तुम सत्य के नजान्थओ कहीके मए नालिखो हऔं पर कोइ फिर झुट सत्यसे ना आतहए कहिके तुम जानत हओ तभइ मए लिखो हऔं।
\v 22 झुटो कौन हए? झुटो बा हए, जौन येशु ही ख्रिष्ट कहिके इन्कार करतहए। पिता और पुत्रके इन्कार करन बारो ही, ख्रिष्ट विरोधी हए।
\v 23 पुत्रके इन्कार करन बारो कोइ भी आदमीमे पिता नाहए। जौन पुत्रके स्वीकार करत हए, बाके सँग पिता हए।
\v 24 जो बात तुम सुरुसे सुने हऔ, बा तुममे रही राहाबए। अगर सुरुसे ही सुनिभइ बात तुमरमे रहो तओ तुम पुत्र और पितामे राहाबैगे।
\v 25 बा हमसे जो प्रतिज्ञा करी बा अनन्त जीवन हए।
\v 26 तुमके छल करनबारेनके ताँही जा बात मए लिख्दओ हऔं।
\v 27 बासे पाओ भओ अभिषेक तुमके सबए बात के बारेमे सिकातहए। और बा अभिषेक सत्य हए बा बनावटी ना हए। जा अभिषेक जो सिकात हए, बा सत्य हए, बा झुटो ना हए। जहए जैसो ख्रिष्टमे बने राहाबओ।
\v 28 छोटे बच्चव बामे बने रहाबओ ताकी बा प्रकट होबए तओ तुमके हिम्मत मिलए और बाके आनमे बाके अग्गु हमे सरमान ना पणए।
\v 29 बा धर्मी हए कहिके जा बात तुम जानत हओ, जा तुमसे पक्को होबए, की धार्मीक् काम करन बारे हरेक परमेश्‍वरसे जन्मे हँए तुम जानत हओ।
\c 3
\p
\v 1 देखओ, पिता हमके कैसो प्रकारको प्यार करी हए, कि हम परमेश्‍वरको सन्तान कहिलाए गए। और जा सच हए जहएकमारे त संसार हमके ना चिनत हए, काहेकी बे बाके ना चिनी।
\v 2 प्रिय अभए हम परमेश्‍वरके सन्तान हए, और हम का हुइहए सो अभए प्रकट ना भओ हए इतकए जानत हए, कि जब बा प्रकट हुइहए, तब हम बाके जैसो होई हँए। काहेकी बा जैसो हुइहए हम बाके उइसी दिख्हँए।
\v 3 और बा जैसो पवित्र हए, बाके उपर जा विश्‍वास धरनबारे हरेक आदमी अपने आपके पवित्र करहँए।
\v 4 पाप करनबारे व्यवस्था भङ्ग करत हए।
\v 5 पापहरण करन ताँही बा प्रकट भओ रहए, जा बातके तुम जान्थहओ। और बामे कोइ पाप ना हए।
\v 6 बामे रहेन बारे कोइ पाप ना करतहए, पाप करन बारे कोइ भी न ता बाके देखी हए ना चिनत हए।
\v 7 छोटे बच्चओ कोइ आदमी तुमके छलन ना पाबए। जौन धर्मिकतामे चलत हए, बा धर्मी हए, जैसी ख्रीष्ट धर्मी हए।
\v 8 जौन पाप कर्थहए बा दियाबलसको हए। काहेकी दियावलस् त सुरुसे पाप करत आओ हए। दियावलसको कामके खतम करनके परमेश्‍वरको लौड़ा प्रकट भओ हए।
\v 9 परमेश्‍वरसे जन्मो कोइ फिर पाप ना करत राहाथहए, काहेकी बाको स्वभाब बामे होथहए और बा पाप करत ना राहथहए, काहेकी बा परमेश्‍वरसे जन्मो हए।
\v 10 परमेश्‍वरको सन्तान कौन हए और दियाबलस को सन्तान कौन हए जहएसे खास करके पता चलतहए जौन धर्मिकतामे ना चलत हए। और बा आदमी परमेश्‍वरको ना हए जो अपने ददा भइयनके प्यार ना करत हए।
\v 11 तुम सुरुसे सुनेभओ सन्देश जहए हए,” हमके एक दुसरेसे प्यार करन पणंत हए।
\v 12 कैइन जैसो मत होबओ, जौन शैतानको रहए। बा अपने भइयक हत्या करी। बा अपने भइयक हत्या काहे करी? काहेकी बाके शैतानीक काम रहँए। और बाको भइयाको काम धार्मीक रहँए।
\v 13 भइया रेओ संसार तुमके घृणा करत हए अचम्मो मत मानओ।
\v 14 हम जानत हए, कि हम मृत्युसे पार हुइके जीवनमे पहुच गए हँए। काहेकी हम अपने ददा भइयनके प्यार करत हँए। जौन प्यार ना करत हए बा मृत्युमे राहाथ हए।
\v 15 अपनी ददा भइयनके घृणा करनबारे हरेक हत्यारे हए और कोइ हत्यारनके सँग सदा (अनन्त) जीवन ना होथहए, काहेकि जा बात तुमके पतए हए।
\v 16 जहए कारणसे प्यार का हए हमे पता चलत हए, कि बा हमर ताँही अपनो ज्यानके दएदई हमके फिर अपने ददा भइयनके ताँही अपनो ज्यान देन पणत हए।
\v 17 कोइके जौने संसारको धन सम्पती हए, तहु फिर अपने ददा भइयनके समस्या पडो मे नादेखत हए, अपनो मनके कठोर करत हए तब परमेश्‍वरको प्यार कैसे बामे राहाबैगो।
\v 18 मेरे छोटे वच्चओ वचन और बोलीसे इकल्लो हम प्यार ना करँए पर काम और सत्यतासे प्यार करँए।
\v 19 जहएसे हम जान सकत हँए की हम सत्यके हँए, और अइसिए हम बाके अग्गु अपने ह्रदयमे हिम्मत कर सकथ् हँए।
\v 20 जब हमरे ह्रदय हमके दोस देथहए हम जानत हँए परमेश्‍वर हमरो ह्रदयसे माहान हए। और बा सब बात जानत हए।
\v 21 प्रियओ, हमर ह्रदय हमके दोष ना लगात हए तओ परमेश्‍वरके अग्गु हमरो हिम्मत बढ्थहए।
\v 22 और हम जो मागत हँए सो बासे पात हँए, काहेकी हम बाकी आज्ञापालन करत हँए। और बाके मन पडनबारो काम करत हँए।
\v 23 और बाको आज्ञा जहय हए कि हम बाको पुत्र येशु ख्रिष्टके नाउँमे विश्‍वस करन पडो। और बा हमके आज्ञा दइ जैसे हम एक दुसरेसे प्यार करन पडथहए।
\v 24 बाको आज्ञापालन करनबारे सबए बामे रहेथहँए और बा बिनमे राहाथहए। बा हमके दओभओ पवित्र आत्मासे हम जानत हँए। कि बा हमरेमे बास करत हए।
\c 4
\p
\v 1 प्रित हो जोकोइ आत्माके विश्‍वास मत करओ पर आत्मा परमेश्‍वरसे आओ हए कि ना आओ हए कहिके विनके जाँच करओ। काहेकी बहुत झुटे अगम्वक्ता जा संसारसे निकरके आए हँए।
\v 2 जेहेसे तुम परमेश्‍वरकी आत्माके जानैगे। हरेक आत्मा जौन येशु ख्रिष्ट शरीरमे आओ हए पहिले स्वीकार करत हए बा परमेश्‍वरसे हए।
\v 3 येशु के स्वीकार ना करन बारे हरेक आत्मा परमेश्‍वरसे ना हए पर बा ख्रिष्ट विरोधी हए। जौनके बारेमे “बा आतहए” कहिके तुम सुने हओ। अब बा जा संसारमे आए गओ हए।
\v 4 मेरे छोटे बच्चओ, तुम ता परमेश्‍वरके हओ और विनके उपर विजय हुइगए हओ। काहेकी जो तुममे हए, बा संसारसे माहान हए।
\v 5 बे संसारके हँए जहय कारनसे बे संसारकी बात करथ हँए और संसार बिनकी वात सुन्थहए।
\v 6 हम त परमेश्‍वरके हँए। जौन परमेश्‍वरके जानत हए बा हमरी वातके सुन्थहए, और जौन परमेश्‍वरको ना जानत हए, बा हमरी वातके ना सुन्थहए। जहएसे हम सत्यकी आत्मा और भ्रमको आत्माके जानत हँए।
\v 7 प्रिय हो हम एक दुसरेसे प्रेम करए, काहेकी प्रेम परमेश्‍वर     हए। जौन प्रेम करत हए बा परमेश्‍वरसे जन्मो हए, और परमेश्‍वरके चिन्थहए।
\v 8 प्रेम ना करन बारे परमेश्‍वरके ना चिन्थहए काहेकी परमेश्‍वर प्रेम हए।
\v 9 परमेश्‍वरको प्रेम हमर विचमे अइसो प्रकट भओ, कि बा अपनो एक इकल्लो पुत्र के संसारमे पठाइ ताकी पुत्रसे हम जी सकँए।
\v 10 प्रेम जहएमे हए, कि हम परमेश्‍वरके प्रेम ना करे, पर बा हमसे प्रेम करी, और हमरे पापसे छुटकाराके ताँही अपने पुत्रके पठाई।
\v 11 प्रिय अगर परमेश्‍वर हमसे अइसो प्रेम करी हए कहेसे, हमऊ फिर एक दुसरेसे प्रेम करए।
\v 12 परमेश्‍वरके कोइ कभइ ना देखी हए। अगर हम एक दुसरेसे प्रेम करङ्गे कहसे परमेश्‍वर हमारे भितर राहत हए, और बाको प्रेम हमारेमे पुरो होथहए।
\v 13 बा हमके अपनी आत्मासे दइहए, और जहए कारनसे हम जानत हँए कि हम विनमे, और बा हममे राहत हए।
\v 14 हम देखे हँए, और गवाही देथहँए, कि पिता अपने पुत्रके संसारमे मुक्तीदाता होनके पठाई हए।
\v 15 जौन येशुके परमेश्‍वरको पुत्र हए कहिके स्वीकार करथहए, बामे परमेश्‍वर राहथहए, और बा परमेश्‍वरमे।
\v 16 अइसिए हमरे उपर भओ परमेश्‍वरको प्रेमके हम जानथहँए और विश्‍वास कर्थहँए। परमेश्‍वर प्रेम हए, जो प्रेममे राहत हए बा परमेश्‍वरमे राहत हए, और परमेश्‍वर बामे राहत हए।
\v 17 न्यायके दीनके ताँही हम पुरो भरोसा साथ बैठ सकए। काहेकी प्रेम जहएमे हमरे उपर पुरो होथहए। काहेकी बा जैसो हए हम फिर जा संसारमे उइसिए हँए।
\v 18 प्रेममे कोइ डर ना होथहए पर सच्चो प्रेम डरके दुर हटाथहए काहेकी डरको सम्बन्ध दण्डसे होत हए। पर, जो डरातहए प्रेममे बा पुरो ना भओ हए।
\v 19 हम प्रेम करथहँए, काहेकी पहिले बा हमसे प्रेम करी।
\v 20 अगर कोई “मए परमेश्‍वरके प्रेम करथहओ” काहत हए पर अपने भइयासे घृणा करथहए कहिसे बा झुटो हए, काहेकी अपनो देखो भइयासे प्रेम ना करन बारो ना देखो भओ परमेश्‍वरके प्रेम कैसे कर सक्थहए।
\v 21 हम बासे जा आज्ञा पाए हँए कि जौन परमेश्‍वरके प्रेम करथहए बा अपन भइयाके फिर प्रेम करत हए।
\c 5
\p
\v 1 येशु ही ख्रिष्ट हए कहिके विश्‍वास करनबारे हरेक परमेश्‍वरके बालक हँए। जौन दौवाके प्रेम करत हए वा बाको लउड़ाके फिर प्रेम करत हँए।
\v 2 जब हम परमेश्‍वरके प्रेम करत हँए, और बाको आज्ञापालन करत हँए, जहएसे पता पातहँए की हम परमेश्‍वरके सन्तानके प्रेम करत हँए।
\v 3 परमेश्‍वरको प्रेम जहए हए की हम बाको आज्ञाके पालन करत हँए और बाको आज्ञा कठीन ना हए।
\v 4 काहेकी परमेश्‍वरसे जन्मो भओ हरेक संसारके उपर विजय पाथहए। औ संसारके जितनको विजय हमर विश्‍वास हए।
\v 5 संसारके उपर विजय पान बारो कौन हए बहय हए जो येशु ख्रिष्ट परमेश्‍वेको पुत्र हए, कहिके विश्‍वास करन बारो।
\v 6 बा बहे हए जो पानी और खुनसे आओ भओ, और येशु ख्रिष्ट जो पानीसे इकल्लो ना पर पानी और खुनसे आओ भओ हए।
\v 7 गवाही देन बारो त पवित्र आत्मा ही हए काहेकी पवित्र आत्मा सत्य हए। काहेकी गवाही देन वारे तीन हँए
\v 8 पवित्र आत्मा, पानी और खुन सबए बातमे जे सहमत होथहँए।
\v 9 यदि हम आदमीको गवाही ग्रहण करत हँए कहेसे परमेश्‍वरको गवाही कित्तो महान हए। काहेकी जहए परमेश्‍वरको गवाही हए जौन गवाही बा अपन पुत्रके विषयमे दइ हए।
\v 10 जौन परमेश्‍वरके पुत्रमे विश्‍वास करत हए बाके ह्रदयमे जा बातको गवाही होथहए। परमेश्‍वरमे विश्‍वास ना करन बारे बाके झुटो बनाथ हँए। काहेकी परमेश्‍वर बाके पुत्रके बारेमे दइ भई गवाहीमे बा विश्‍वास ना करत होथहए।
\v 11 गवाही त जहए हए की परमेश्‍वर हमके अनन्त जीवन दइ, और जा जीवन बाके पुत्रमे हए।
\v 12 जौनके सँग पुत्र हए, बाके सँग जीवन हए, जौनके सँग परमेश्‍वरको पुत्र ना हए, बाके सँग जीवन ना हए।
\v 13 तुम अनन्त जीवन पाए हओ कहिके बातके जानओ, काहन ताँही परमेश्‍वरको पुत्रके नाउँमे विश्‍वास करन बारे तुमके मए जा चिठ्ठी लिखत हओं।
\v 14 परमेश्‍वरमे हमर पुरो भरोसा हए की बाके इच्छा जैसो जो मागेसे फिर बा हमर बातके सुनत हए।
\v 15 हम प्रार्थनामे जो भी मागेसे फिर परमेश्‍वर सुनत हए कहिके हम जानत हँए, और जा फिर जानत हँए की बासे हम जो मागत हए बा हम पाएगए हँए।
\v 16 यदि कोई अपने भइयाके पाप करत देखत हए औ, बा पाप त मृत्युमे लैजान बारो ना हए कहिसे बा भइयाके ताँही परमेश्‍वरसे प्रार्थना करदेन पडत हए, और जौनको पाप मृत्युमे लैजान बारो तरिकाको ना हए बाके परमेश्‍वर जीवन देथहए। पर अइसो पाप फिर होथहए, जो मृत्युमे लैजाथ हए, जौनके ताँही कोइ विन्ती करदेओ कहिके मए ना काहात हऔं।
\v 17 सबए अधर्म पाप हए, पर अइसो पाप फिर होथहए जो मृत्युमे ना लैजाथ हए।
\v 18 हम जानत हए, की जो परमेश्‍वरसे जन्मे भए हरकोइ फिर पाप ना करत हए। पर परमेश्‍वरको पुत्र बिनके सुरक्षा करत हए, और दुष्ट बाके ना छुतहए।
\v 19 हम जानत हए, हम परमेश्‍वरके हए, और सबए संसार बा दुष्टके अधीनमे पडो हए।
\v 20 हम जानत हए, परमेश्‍वरको पुत्र आओ हए जो सत्य हए। बाके चीन सकए, कहिके बा हमके समझ दयी हए। जो सत्य हय हम बामे हँए, औ बाके पुत्र येशु ख्रिष्टमे हँए, औ बहए सच्चो परमेश्‍वर हए, और अनन्त जीवन हए।
\v 21 छोटे बालक, अपने आपके मुर्तीसे बचाएके धरओ।