Thr_reg/65-3JN.usfm

\id 3jn Regular
\ide usfm
\h युहन्‍नाकी तिसरी चिठ्ठी
\toc1 युहन्‍नाकी तिसरी चिठ्ठी
\toc2 युहन्‍नाकी तिसरी चिठ्ठी
\toc3 3jn
\mt युहन्‍नाकी तिसरी चिठ्ठी
\c 1
\p
\v 1 प्यारो एल्डरसे मिर सङ्गी गयासके जौनसे मए सच्चो प्रेम करत हओ।
\v 2 प्रिय सङ्गी मए प्राथना करत हओ, की सबए बातमे तुमर भलो होबए और तुमरो स्वास्थ्य ठीक राहाबय तुमर आत्मीक जीवन ठीक हए कहिके मए जानत हओ।
\v 3 कित्तो जनी आएके तुमर जीवनको सत्य गवाही दईं, मए बहुत अनन्दीत भओ। तुम नेहात्यही सत्यको अनुकरण करत हओ।
\v 4 मिर लौड़ा लौड़ीया सत्यको अनुकरण करत हँए, कहिन बारी बात सुनन पानो और जादा अनन्दको मिर ताँही का बात हुइ सकत हए।
\v 5 मिर प्रिय तुम विश्‍वास योग्यके काम करत हओ जब तुम अपने दादा भइयाको, विशेष करके परदेशीनको सेवा करत हओ।
\v 6 बे मण्डलीके अग्गु तुमर प्रेमकी गवाही दई हँए। परमेश्‍वरके अग्गु मन पणन बारो कहिके विनके यात्रामे जान प्रवन्ध मिलाए दए हओ, कहिके तुम अच्छो करत हओ।
\v 7 काहेकी अविश्‍वासीनसे कछु ना लइके बे बक नाउके ताँही यात्रामे निकरे हँए।
\v 8 जहए बजैसे अइसे आदमीको सेवा सत्कार करन पडथहए, ताकी हम सत्यताके सहकर्मी बन सकए (हात वटानबारे)।
\v 9 मए मण्डलीके कछु बात लिखो रहऔ, पर तुमरे विचमे बडो होन ढुडन बारे डियोत्रिफस मिर अधिकारके ना मानत हए।
\v 10 जा कारन जब मए आमङ्गो बाको करो भओ कामको बातके उठामङ्गो। हमर विरुद्धमे वा खराब वचन बोलत जात हए। इत्कामे सन्तुष्ट ना हुइके बा भइयनके स्वागत करन इन्कार करत हए, और विनके स्वागत करन बारेनके फिर रोकत हए, और विनके मण्डलीसे बाहेर निकार देतहए।
\v 11 मिर प्रियो खराबीके अनुकरण मत करओ पर भलाई को अनुकरण करओ जौन भलो करत हए, बा परमेश्‍वरको हए, जौन खराबी करत हए बा परमेश्‍वरके ना देखी हए।
\v 12 डेमोत्रियासके ताँही त सबए आदमी गवाही दई हँए, और सत्य फिर जा गवाही देत हए। हम फिर गवाही देत हँए, और तुम जानत हओ की हमरो गबाही सत्य हए।
\v 13 मोके बहुत बात लिखन रहए पर मसी और कलमसे बे तुमके लिखत ना हऔं।
\v 14 पर तुमके बहुत जल्दी मिलनको आशा करत हऔं और हम आमने सामने मिलके बात करङ्गे।
\v 15 तुमके शान्ती मिलए। सबए सङ्गीनसे तुमके अभिवादन। सङ्गीनके नाउ लैके अभिवादन देबओ।