Thr_reg/64-2JN.usfm

\id 2jn Regular
\ide usfm
\h युहन्‍नाकी दुसरी चिठ्ठी
\toc1 युहन्‍नाकी दुसरी चिठ्ठी
\toc2 युहन्‍नाकी दुसरी चिठ्ठी
\toc3 2jn
\mt युहन्‍नाकी दुसरी चिठ्ठी
\c 1
\p
\v 1 एल्डरसे, चुनि भई मिहिला और बिनके लौड़ा लौड़ीयनके जौनके मए सच्चो प्रेम करत हऔ, और मए इकल्लो ना, पर सत्यके चिनन् बारे सबए फिर बिनके प्रेम करत हँए।
\v 2 जौन सत्या हमर भितर हए और हर समय हमर सँग रहए, बहे के खातिर तुमके प्रेम करत हँए।
\v 3 परमेश्‍वर पिता और पिताको पुत्र येशु ख्रिष्टसे अनुग्रह, कृपा और शान्ती हमर सँग सत्यता और प्रेममे रहा बएगो।
\v 4 अइसिए तुमर लौड़ा लौड़ीया मैसे कोई कोईनके मए पितासे पाओ भओ आज्ञाके जैसो नेगत पएके गजबै अनन्दीत् हऔ।
\v 5 अब हे महिला मए तुमके एक नयँ अज्ञा ना लिखो हऔ, पर बहे लिखो हऔ, जो सुरुसे हमर सँग हए- हम एक दुसरेसे प्रेम करैं काहेकी मए तुमसे बिनती करत हँए।
\v 6 बाको इच्छाके जैसो चल्नो ही प्रेम हए। तुमके सुरुसे सुनोभओ आज्ञा जहे हए, कि तुम प्रेम के अनुकरन करऔ।
\v 7 काहेकि भरम् मे डारन बारे बहुत जा संसारमे आएगए हँए। जौन येशु ख्रिष्ट शरीरमे आओ हए कहेके स्विकार ना करत हँए। जहे छलि और ख्रीष्ट बिरोधी हँए।
\v 8 होसियार रहीओ, जौन बातके ताँही तुम काम कर रहे हओ, बा के गुमान नापणए पर पुरो इनाम पान बारो बनओ।
\v 9 ख्रिष्टके सिद्धान्तमे अटल ना रहन बारो, बाक सिमासे बाहिर जान बारो आदमीनके सँग प्रमेश्‍वर ना हए। पर बक सीद्धान्तमे अटल रहन बारेक सँग पिता और पुत्र दोनो होत हँए।
\v 10 यदी तुमर जौने कोइ जा सिद्धान्त ना लाई हए तव बाके अपन घरमे स्वगत मतकरओ।
\v 11 काहेकि बक अभिबादन करन बारो, बक खराब कामके सँग सह भागी होत हए।
\v 12 मए तुमर ताँही बहुतसी बात लिखन चाहत हऔ। पर कागज और मसीसे लिखन ना चाहत हऔ। पर हमर अनन्त पुरो होबए, कहेके तुमर जौने आएके और आमने सामने बात चित करन ताँही आसा करत हऔं।
\v 13 चुनी भई तुमर बहिनियाँ के लौड़ा लौड़ीया तुमके अभिवादन करत हँए।