See in Reader
100 lines
22 KiB
Plaintext
100 lines
22 KiB
Plaintext
\id 2ti Regular
|
|
\ide usfm
|
|
\h 2 Timothy
|
|
\toc1 2 Timothy
|
|
\toc2 2 Timothy
|
|
\toc3 2ti
|
|
\mt 2 Timothy
|
|
\c 1
|
|
तिमोथीके पावलको दुसरी चिठ्ठी
|
|
आध्याय १
|
|
\v 1 ख्रीष्ट येशूमे भए जीवनको प्रतिज्ञा अनुसार परमेश्वरको इच्छयसे ख्रीष्ट येशूको प्रेरित पावलसे,
|
|
\v 2 मिर प्यारे बालक, तिमोथीके: परमेश्वर पिता और हमर प्रभु ख्रीष्ट येशूसे अनुग्रह, कृपा और शान्ति ।
|
|
\v 4 जब मए तुमके निरन्तर अपन प्रार्थनामे सम्झत हौं,मए परमेश्वरके धन्यवाद देत हौँ, जौनको सेवा मिर पिता पुर्खा करे जैसो मए शुद्ध विवेकसे कर्त हऔ
|
|
\v 3 ।तिर आँशु सम्झत् रातदिन तोसे भेटन मेरो उत्कट इच्छा होतहए, और मए आनन्दसे भरन सकौँ।
|
|
\v 5 मोके तुम्हर निष्कपट विश्वासको सम्झना होतहए। बा विश्वास, जो पहिले तुमरी दादी लोइसमे रहए, और तुमरी अइया युनिसमे तव मोके निश्चित हए, बो विश्वास तुमर मे फिर हए।
|
|
\v 6 जहेमारे मए तुमके याद करबात हौँ, कि मए तुमर उपर हात धरके तुम मिलो भओ परमेश्वरको वरदानके चम्काए राखओ।
|
|
\v 7 काहेकी परमेश्वर हमके डरको आत्मा नाए , पर शक्ति, प्रेम और आत्मासंयमको आत्मा दैहए।
|
|
\v 8 जहेमारे हमर प्रभुको गवाही देन शर्म मतमनओ, मए, बाको एक कैदी हौ,, पर परमेश्वरको शक्तिमे सुसमाचारके ताहिँ दु:ख भोगनमे तुम सहभागी होबओ ।
|
|
\v 9 बा हमके उध्दार करी रहए, और एकए पवित्र बोलावटसे बुलाई रहए। हमर कामके आधरमे ना, पर बाको अपन इच्छा और अनुग्रहके आधरमे हए, जो बा ख्रीष्ट येशूमे युग-युग अग्गुसे हमके दै रहए ।
|
|
\v 10 जौन अनुग्रह अब हमर मुक्तिदाता ख्रीष्ट येशूको आगमनसे प्रकट करी हए ।जौन मृत्युके नाश करीरहए, सुसमाचारसे कबहु नष्ट नहोन बारो जीबन लातहए ।
|
|
\v 11 जहे सुसमाचारके ताहिँ मए एक प्रचारक, प्रेरित और शिक्षक नियुकत् भव हौँ।
|
|
\v 12 जहेमारे मए जा बात भोगो फिर हौँ। पर मए ना शर्मात हौँ, काहेकी मए कौन उपर विश्वास धरे हौँ सो मए जनत हौं, और मोएँ बिश्वास हए, जौन चिज मए बाके सुम्पो हौँ, बा चिज बोअन्त के दिनसम्म सुरक्षित् धरन बारो हए ।
|
|
\v 13 ख्रीष्ट येशूमे भव विश्वास और प्रेममे तुम मोसे सुने सच्ची बातको आज्ञाके अपनाबौ ।
|
|
\v 14 तुमके जिम्मा लागओ सत्य हमरमे वास करन बारो पवित्र आत्मासे सुरक्षित् राखए ।
|
|
\v 15 एशियामे होनबारे सबए मोसे बाराने तुमके पतए हए, बे मैसे फुगेलस और हर्मोगेनस पणत् हए।
|
|
\v 16 प्रभु ओनेसिफरसके घरानाके कृपा करए, काहेकी बे मोके बहुत हौसला दैँ रहँए, और मिर साँकरको शर्म ना मनत रहए,
|
|
\v 17 पर बे रोममे आएके पिच्छु बहुत ढुणके मोके भिटाने |
|
|
\v 18 प्रभुके दिनमे बिनके प्रभु कृपा करए और तुमके अच्छेसे पता हए, एफिससमे बे मिर पुरा मद्दत करी रहँए।
|
|
\c 2
|
|
अध्याय २
|
|
\v 1 जहेमारे तुम, मेरे बालक, ख्रीष्ट येशूमे भव अनुग्रहमे तागड़े होब।|
|
|
\v 2 बहुत जनै साक्षीनके उपस्थितिमे तुम मोसे जो बात सुने हौ, बे औरनके फिर सिखान सकन बारे बिश्वासयोग्य आदमीनके सौप देओ।
|
|
\v 3 ख्रीष्ट येशूक असल सिपाही कतामिरसँग दु:ख भोगौ ।
|
|
\v 4 सेनामे भर्ना भव सिपाही और काम ना करत हए, काहेकी बो अपन हाकिमके खुसी रखाए कबाए।
|
|
\v 5 प्रतियोगितामे नियमबमोजिम भाग ना लेन तक कोइ खेलाडी फिर इनाम ना पए हए ।
|
|
\v 6 परिश्रम करन बारो किसान बालीक पहिलो हिस्सा(भाग) पान पड्त् हए।
|
|
\v 7 मिर कही बातमे विचार करओ, काहेकी हर बातमे प्रभु तुमके सम्झम बालो ज्ञान देबैगो ।
|
|
\v 8 मरे से जीन्दा भव दाऊद वंशको येशू ख्रीष्टके सम्झना करओ, मए प्रचार करो सुसमाचार जहे हए।
|
|
\v 9 जौन बातके ताँहि मएँ दोसी जैसो बन्धनमे पणनतक कष्ट भोगो | और परमेश्वरको बचन बन्धनमे ना पणो हए |
|
|
\v 10 जहेमारे चुनेनके ताँहि मए हरेक बात साहत् हौं, ताकि बे फिर अनन्त महिमा साहित् ख्रीष्ट येशूमे भव मुक्ति प्राप्त कर पामए|
|
|
\v 11 जा कहाई पक्कि हए, अगर हम बाके संग मरहँए तओ, हम फिर बाके संग जिमंगे,
|
|
\v 12 हम सह्मंगे तओ, हम फिर बाके संग राज्य करंगे, हम बाके इन्कार करंगे तओ, बा फिर हमके इन्कार करहए,
|
|
\v 13 हम अविश्वासी हँए तओ, बा विश्वासयोग्य रहबैगो, काहेकी बा अपनएके इन्कार ना कर हए।
|
|
\v 14 जा बात बिनके घरीघरि सम्झए देओ, और प्रभुके अग्गु आज्ञा देओ, कि बे शब्दके बारेमे बातचित ना करएँ जौन भलाइ कर्त न, पर केवल सुननबारेके नुक्सान पुगातहए |
|
|
\v 15 शर्मान ना पणए और सत्यको वचनके ठीकसे प्रयोग करन बारे कामदार जैसे अपना अपनएके परमेश्वरमे ग्रहणयोग्य बानन भरमग्दुर प्रयत्न करओ।
|
|
\v 16 भक्तिहीन बात त्यागओ, काहेकी जा से आदमीनके और जद्धा बिनाभक्ति घेन लए जए हए ।
|
|
\v 17 बिनको बातचित सणोँ घाउ हानि फैलत जात हए । बिन मैसे हुमेनियस और फिलेतस हँए ।
|
|
\v 18 पुनरुत्थान अग्गु हुइगओ हए करके जे सत्यसे तर्के हँए , कित्तो जनैनको विश्वासके त जे खलबलाए रहेहँए ।
|
|
\v 19 "पर परमेश्वरको दृढ जग खड्ए रहातहए, और बा मे जा छाप लागो हए, “प्रभु अपन जातिके चिन्तहए,” और "प्रभुको नाउँ लेन बारे जित्तो अधर्मसे दुरए रहबएँ ।”
|
|
\v 20 बणो घरमे सोनो और चाँदीके बरतन इकल्लो ना होतहँएँ, पर कठ्ठा और मट्टीके फिर बारतन होतहँए, कोइ आदर और कोइ अनादरके ताहिँ प्रयोग होतहँएं ।
|
|
\v 21 जो चिज अनादरके हँए, अगर कोइ बासे अपनएके शुध्द करैगो तओ, बा आदरको कामके ताहिँ एक पात्र बनैगो, और घरको मालिकके ताहिँ चोखो, उपयोगी, और कोइ असल कामके ताहिँ तयार रएहए ।
|
|
\v 22 जहेमारे जवानीके अभिलाषा त्यागओ, और शुध्द ह्रदयसे प्रभुको नाउँ लेनेके संगसंग धार्मिकता, विश्वास, प्रेम और शान्तिको लक्ष्य राखओ ।
|
|
\v 23 पर मुर्ख और बेसमझको सवाल जवाफके इन्कार करओ -तुम जान्त हौ जिनसे लाडई होतहए ।
|
|
\v 24 परमेश्वरको सेवकके लणन्का होन ना पड्त हए, पर बे सब के ताहिँ दयालु, योग्य शिक्षक, सहनशिलत होनपड्त हए ।
|
|
\v 25 और नम्रता साथ अपन विरोधीनके सुधार्न बारो होन पड्त हए, और शायद परमेश्वर बिनके पश्चात्ताप करन, सत्यताके बुझन ज्ञान देतहए ।
|
|
\v 26 और बे चेतना पाएके दियाबलसके फन्दासे उमकंगे, जौन बिनके बाको इच्छाअनुसार चलनके कैदी बनाए हए ।
|
|
\c 3
|
|
आध्याय ३
|
|
\v 1 पर जा याद करओ, कि आखिरी दिनमे डरलागन बारो समय अबैगो ।
|
|
\v 2 काहेकी आदमी अपनए इकल्ले माया करन् बारे, रुपैया पैसाको लालच करन बारे, घमण्डी, ढिट, औरको बदनाम करन बारे, अइया-दौवाको आज्ञापालन ना करन बारे,बिना गुन भए और अपवित्र,
|
|
\v 3 स्वाभाविक प्रेमनभएके, खुशी ना कर पनबारे, औरेको बिजरो करन बारे, दुरचारी, क्रूर, अच्छी बातके घिणना करन बारे,
|
|
\v 4 विश्वासघाती, उत्ताउला, अहङाकारसे फुले, परमेश्वरसे जद्धा सुख-विलासके प्रेम करन बारे,
|
|
\v 5 भक्तिको भेष लेनो, पर बाको शक्तिके इन्कार करन बारे होमंगे । अइसे आदमीनसे अलगए बैठओ ।
|
|
\v 6 काहेकी बिन मैसे कोइ-कोइ घर-घर घुसके पापसे थिचरे और बिभिन्न पापके कब्जामे पणे कमजोर बैयरनके अपन अधीनमे करत हँए ।
|
|
\v 7 जौन बैयर सिखन त सदामान सिखत हँए, पर सत्यको ज्ञानमे कबहु आए ना पात हँए ।
|
|
\v 8 जैसे यान्नेस और याम्ब्रेस मोशाको विरोधमे खडा भएहँएँ ,आइसीयए जे झुठे शिक्षक सत्यके विरुद्धमे खडा होतहँएँ । बिनकी मन भ्रष्ट हुईगईहए, औ बे विश्वासके इन्कार कर्त हँए ,
|
|
\v 9 पर बे अदमीऔर जद्धा ना टिकंगे , काहेकी बे दुई आदमीको जैसो बिनको मुर्खता सबए के ठिन प्रकट हुइहए ।
|
|
\v 10 अब त तुम मिर शिक्षा, मिर बानी, मिरजीवनको लक्ष्य, मिर विश्वास, मिर धैर्य, मिर प्रेम, मिर स्थिरता , सहनशक्ति,
|
|
\v 11 मिर सतावटके और मिर कष्टनके एन्टिओखियामे, आइकोनियामे और लुस्त्रामे मिर उपर का पणन आओ और कैसे-कैसे सतावट सहो, ताहु फिर बे सबएसे प्रभु मोके बचाई।
|
|
\v 12 ख्रीष्ट येशूमे भक्तिसाथ जीवन बितानके इच्छा करन बारे आदमी सतावटमे पणत हँए।
|
|
\v 13 पर दुष्ट आदमी और ठगान बारे और खराब होत जयहँए,बे दुस्रेक दिमाक खराब करहँए और अपन फिर औरेनसे दिमाक खराब करबैहँए ।
|
|
\v 14 पर तुम त अपनए सिके और दृढसंग विश्वास करे जे बातमे लागेरहौ| बे कौनसे सिकेहौ, सो तुम अपनए जान्त हौ ।
|
|
\v 15 तुम बालक काल से पवित्र-धर्मशास्त्रसंग परिचित हौ, जौन ख्रीष्ट येशूमे भव विश्वाससे मुक्तिके ताहिँ तुमके बुद्धिमान बनाए सकत हए।
|
|
\v 16 सबए पवित्र-शास्त्र परमेश्वरको प्रेरणासे भव हए, और जा सिकानके, अर्ती देनके, सच्यानके, धार्मिकतामे तालिम देनके ताँही लाभदायक होतहए,
|
|
\v 17 ताकि परमेश्वरको जन हरेक आच्छो काममे पूर्ण रुपसे उत्साहित हुइके शुद्ध होबए।
|
|
\c 4
|
|
आध्याय ४
|
|
\v 1 परमेश्वरके सामने और जिन्दा और मरेनको इन्साफ करन आनबारो ख्रीष्ट येशूके सामने, और बाको आगमन और राज्यके ध्यानमे धरके मए तुमके कडा आज्ञा देत हौँ:
|
|
\v 2 वचन प्रचार करओ, सजिलो और असजिलो दुनए बखतमे तत्पर बैठओ। सबए किसिमको धैर्यमे और शिक्षासे सुधारौ, दरपऔ और उपदेश देऔ।
|
|
\v 3 काहेकी अइसो समय आए रहोहए, जब बे ठीक शिक्षाके ना सहान बारे होमंगे । पर अपनएऔर के मन पणि बात इकल्लो सुनन चाहंगे, और अपन रुचीअनुसार शिक्षा देन बलो शिक्षकसे घिरङ्गे।,
|
|
\v 4 और सत्य बात सुननसे बारए जए हँए, कहानी घेन घुमके चले जए हँए।
|
|
\v 5 पर तुम दरिलो होबौ, कष्ट भोगओ, प्रचारको काम करओ, अपन सेवा पुरा करओ।
|
|
\v 6 काहेकी, मए त पुजनाके रुपमे अर्पण होन लागो हौ, और बिदाइको बेरा आइ गओ हए।
|
|
\v 7 मए उत्तम लणई लणो हौँ। मए दौड सकाए डारो हौँ| मए विश्वासके बचाए रहो हौ।
|
|
\v 8 मिर ताहिँ धार्मिकताको मुकुट धरोहए, जो धार्मिकताको न्यायधीश प्रभु बा दिन मोके देबैगो, और मोके इकल्लो नाए, पर बाको पुनरागमनके प्रिय मानन् बारे सबके देबैगो।
|
|
\v 9 मेरे ठिन आनके भरसक कोसिस करओ।
|
|
\v 10 काहेकी डेमास जा वर्तमान संसारके प्रेम करी मोके त्यागके बा थेस्लोनिकेमे गओ हए| क्रेसेन्स गलातियामे गव हँए, और तीतस त दलमातियामे।
|
|
\v 11 लुका इकल्लो मिर संग हए| मर्कूसके ढुणके तुमरे संगए लाबओ, काहेकी बा मिर सेवा करनमे खुबए जुगणी हए।
|
|
\v 12 पर तुखिकसके मए एफिससमे पाठओ हौँ।
|
|
\v 13 त्रोआसमे कार्पस ठिन मए छुडो पिछौडा और किताबनके विशेष करके चर्मपत्रनके तुम आबौ तौ तुमरे संग लैके आओ।
|
|
\v 14 तमौटे अलेक्जेन्डर मोके बहुतए खराबी करी| प्रभु बाके बाको कामअनुसार बदला देबैगो|
|
|
\v 15 बासे तुम फिर होशियार वैठओ, काहेकी बा हमर प्रचारको घोर विरोध करी|
|
|
\v 16 मिर पहिलो प्रतिवादमे कोइ मिर पक्ष लै ना, पर सब मोके त्यागीँ जा बातको दोष बिनके ना लागए !
|
|
\v 17 पर सब अन्यजाति सुन सकएँ कहिके प्रभु मेरे सँगमे खणा भव, और सबए रुपसे वचनको धोषणा करन मोके शक्ति दै| और मए बघटाको मुहूसे छुटकारा पओ|
|
|
\v 18 प्रभु मोके सब खराबीसे जुगाई हए, और बाको स्वर्गीय राज्यके ताहिँ मोके उध्दार करैगो| बाके सदासर्वदा महिमा होबए| आमेन|
|
|
\v 19 प्रिस्कीला और अकिलासके और ओनेसिफरसके घरानाके अभिवादन कहिदिओ।
|
|
\v 20 इरास्तस कोरिन्थमे बैठो,पर त्रोफिमसके त मए मिलेटसमे बेमारी हालतमे छोणो।
|
|
\v 21 हिउँतसे अग्गु आनके भरसक्त कोसिस करओ| युबुलस तुमके अभिबादन पठाइ हए, और पुडेस, लिनस, क्लौडिया और सब भैया फिर।
|
|
\v 22 प्रभु तुमर आत्मा संग रहबए| तुमरसंग अनुग्रह रहबए।
|