Thr_reg/54-2TH.usfm

\id 2th Regular
\ide usfm
\h 2 Thessalonians
\toc1 2 Thessalonians
\toc2 2 Thessalonians
\toc3 2th
\mt 2 Thessalonians
\c 1
थेसलोनिन्के पावलको दुसराे चिठ्ठी
अध्याय १
\v 1 पावल, सिलास और तिमोथीसे, परमेश्‍वार हमर पिता और प्रभु येशू ख्रीष्टमे थेसलोनिकीनको मण्डलीनके:
\v 2 परमेश्‍वार पिता और प्रभु येशू ख्रीष्टसे तुमके अनुग्रह और शान्ति।
\v 3 भैयओ, तुमरे ताहिँ परमेश्‍वारके सबदिन धन्यबाद देनके हम बाध्य हँए| जाके योग्य फिर हँए, कहेकी तुमरो विश्‍वास प्रशस्त करके बृध्दि हुइरहोहए, और एक- दुसरे प्रति तुमरो हरेकको प्रेम बढरहो हए।
\v 4 जहेमारे तुम सब सतावट और तुम सहेरहे कष्टके बीचमे तुमरो स्थिरता और विश्‍वासके ताहिँ परमेश्‍वारको मण्डलीके बीचमे हम बहुत गर्व कर्तहँए।
\v 5 5परमेश्‍वाके धार्मिक इन्साफके साक्षी जहेहए, कि तुम परमेश्‍वारके राज्यकेयाेग्गेक ठाहिरन सिकौ, जौनके ताहिँ तुम दु:ख भोग रहेहौ।
\v 6 6 परमेश्‍वार न्यौ कारन बारो हय, बा तुमके दु:ख देनबारेनके दु:ख देहए,
\v 7 और तुम कष्ट पाएभएनके हमरसंग आराम देहए| जा तब हुइहए, जब प्रभु येशू अपन स्वर्गसे प्रघट हुइहए।
\v 8 परमेश्‍वारके नाए चिन्हन बारेऔर हमर प्रभु येशूको सुसमाचार नाए मान्‍नबरेन के बा दण्ड देहए।
\v 9 बे अनन्त विनाशको दण्ड औ प्रभुको उपस्थिति और बाको शक्ति =को महिमासे अलग होनबारो दण्ड भोगेहए,
\v 10 जब बो दिन बाके सन्तानमे महिमा पान और विश्वास कर्नबारेनके आश्चर्यचकित कर्न बो अबैगो, कहेकी तुमके दओ हमरे साक्षीमे तुम विश्वास करे।
\v 11 जा मारे हम तुमके सबके ताहिँ लगातार प्रार्थना फिर कर्तहए, कि हमर परमेश्‍वार तुमके अपन बोलावटको योग्य बनाबए, और हरेक अच्छाे उदेश्य और विश्‍वासके कामसे बाको शक्तिसे पूरो करदेबए,
\v 12 ताकि हमए परमेश्‍वार और प्रभु येशू ख्रीष्टको अनुग्रह अनुसार हमर प्रभु येशूको नाउँ तुमरमे महिमित होबए, और तुम बामे।
\c 2
अध्याय २
\v 1 भैया तुम, हमर प्रभु येशू ख्रीष्टको आग्मनके बारेमे और बाके भेटन हम एकसाथ इकठ्ठा होनके बारेमे हम तुमसे बिन्ती कर्तहए,
\v 2 कि कोइ अगमवाणी और वचन औ कोइ पत्र प्रभुको दिन नजिक आओ हए करके बतामए तव, बे हमसे आए हँए करके तुमरो मन हल्दी नडगमगा -बए औ तुम मतघबणैओ।
\v 3 कोइ फिर कोइ किसिमसे तुमके धोखा नाएदेबए। कहेकी पहिले विद्रोह नाए भए तक पापको आदमी, और सर्वनाशको लौणा प्रकट नाए भएतक बो दिन
\v 4 आबैगोनए। येशु ईश्वर कहो भव सब औ पूजे चीझनको बिरोध करेहए और बोसे अपनएके उचाे बनाएहए, हियाँ ताकि अपनए परमेश्‍वार- रय घोषणा करेहए परमेश्‍वारको मन्दिरमे बा बैठैगो।
\v 5 का तुमके याद नैयाँ, मए तुमरे संग रहत मए जा बात तुमसे कहो रहौ?
\v 6 येशु अपन समयमे प्रकट होबए करके कौन बात बाके हबए तक  रोकेहए, जा तुम जन्तहौ।
\v 7 कहेकी अधर्मको रहस्य अग्गुसे काम कर रहोहए। हबए तक जौनबाके रोकरहो हए, बा नाएहटन तक बा रोकिरैहए।
\v 8 8 तव बो पापको आदमी प्रकट हुइहए, जौनके प्रभु येशू अपन मुहूको साससे नाश करेहए, और बाको आगमनको प्रकाशसे बाके नाश करेहए|
\v 9 9 शैतानको काम बमोजिम पापको आदमी सारा शक्ति और छलपूर्ण चिन्ह और चमत्कारसहित,
\v 10 और नाश होनबारे छलमे पणन समस्त दुष्टतासहित अबैगो, कहेकी बे सत्यके प्रेम कर्न और उइसी बाँचन इन्कार करीँ |
\v 11 जहेमारे बे झुटा बातमे विश्‍वास करए कर्के परमेश्‍वार बिनके उपर एक शक्तिशाली भ्रम पठाबैगो,
\v 12 ताकि सत्य उपर विश्‍वास नाएकरए, पर अधर्मिकतामे आनन्द मनानबारे सब दोषी ठ्हिरए।
\v 13 प्रभु प्रेम करे भैयनके, तुमरे ताहिँ हम परमेश्‍वारमे सबदिन धन्यबाद चढनके बाध्य हए, कहेकी सुरुय से  पवित्र आत्मासे पवित्र बनानबरो कामसे और सत्यता उपरको विश्‍वाससे बाँच्‍नके ताहीँ परमेश्‍वार तुमके चुनिहए।
\v 14 जहेके ताहिँ हमर सुसमाचारसे हमर प्रभु येशू ख्रीष्टको महिमा प्राप्त कर्न बा तुमके बुलाई हए।
\v 15 जहेमारे भैया ओ, मजबुत हुइके खणा होबओ, और चहु मुहुको वचनसे होबए, चहु हमर चिठ्ठीसे होबए: तुम जो शिक्षा पाएहौ बिनके रोके -रखओ।
\v 16 अब हमके प्रेम कर्नबारो और अनुग्रहसे अनन्तको सान्‍ति और उत्तम आशा देनबारो हमर पितासे,
\v 17 तुमरे ह्रदयके सान्‍ति देबए और हरेक अच्छाे काम और वचनमे तुमके अटल कराबए।
\c 3
अध्याय ३
\v 1 अन्तमे भैया रेव हमर ताहिँ प्रार्थना करओ, ताकि प्रभुको वचन जल्दीसे पुरो फैलए और बिजय होबए, जैसी तुमरे बीचमे भव फिर रहए,
\v 2 और हम दुष्ट औ परमेश्‍वारसे दुरभए आदमीनसे छुट्कारा पान सीकएँ,काहेकी सबएसँग बीसवास नाए होतहए ।
\v 3 पर प्रभु त बिश्‍वास योग्य हए। बो तुमके स्थिर करैगोऔर दुष्टसे सुरक्षित रखाबैगो।
\v 4 हम जौन बातके आज्ञा देतहए, बे तुम कर रहेहौ और करेहौ करके हम तुमरे बारेमे प्रभुमे भरोसा कर्तहए।
\v 5 प्रभु तुमके ह्रदयसे परमेश्‍वारको प्रेम और ख्रीष्टको शान्तिघेन लैजाबए।
\v 6 अब भैया हमर प्रभु येशू ख्रीष्टके नाउँमे हम तुमके आज्ञा देतहए, कि हमसे तुम पाओ भव शिक्षामे नाएचल्नबारे सबय अल्छी भैयनसे अलग बैठओ।
\v 7 कहेकी तुम कैसे हमर अनुकरण कर्नपणैगो सो तुम अपनए जन्तहौ| हम तुमरेसंग रहत अल्छी हुइके बैठेनाए।
\v 8 हम कोइ कि रोटी सेतएमे खाएनाए। पर तुमके कोइके भार नाएहोबए करके हम रातदिन परिश्रमसाथ खटके काम करे।
\v 9 सहायता पान हमर हक नाएहुइके नायाँ, पर हमर आचरण तुमरे ताहिँ एक अच्छाे बनए, करके हम अइसे करे।
\v 10 तुमरे साथमे रहत् हम तुमके जा आज्ञा दए रहए, “कोइ काम नाए कर्त हए तव बो नाए खाबए।”
\v 11 कहेकी हम सुन्तहए, कि तुमर मैसे कित्तो अल्छी जीवन बितए रहेहए| बे अपनए त कोइ काम कर्त नैयाँ पर औरनके काममे व्यर्थमे हात डार्तहए।
\v 12 अब अइसे आदमीनके प्रभु येशू ख्रीष्टके नाउँमे हम आज्ञा और अर्ती देतहए, कि बे चुपचाप अपन काम करए और अपन जीवन चलामए।
\v 13 तुम त भैयओ भलाइ कर्नमे थकित मत होबओ।
\v 14 जा चिठ्ठीमे हमर कहिँ बातके अगर इन्कार करेहए तव, बो आदमीनके चिन्‍हेरखओ और बोकेसंग कोइ सम्बन्ध मतरखओ, और बो शर्ममे पणए।
\v 15 ताहुफिर बोके शत्रु जैसो मत मानिओ, पर भैया जैसो करके बोके चेताउनी देओ।
\v 16 अब शान्तिको प्रभु अपन सब समय, हरतरहसे तुमके शान्ति देबए। प्रभु तुमरे सबके संग रहबए।
\v 17 मए पावल, अपने हातसे जा अभिवादन लिखतहौ। मिर सब चिठ्ठीको चिन्ह जहे हए।
\v 18 हमर प्रभु येशू ख्रीष्टको अनुग्रह तुमर सबके संग रहबए।