Delete 63-1JN.usfm

63-1JN.usfm

@@ -1,144 +0,0 @@
-\id 1JN
-\ide UTF-8
-\h युहन्‍नाकी पहीली चिठ्ठी
-\toc1 युहन्‍नाकी पहीली चिठ्ठी
-\toc2 युहन्‍नाकी पहीली चिठ्ठी
-\toc3 1jn
-\mt युहन्‍नाकी पहीली चिठ्ठी
-\c 1
-\cl अध्याय 1
-\p
-\v 1 जीवनको जा वचनके बारेमे, जो सुरुसे रहए जो हम सुने हए, जो हमर आखीसे देखे और हातसे छोए,
-\v 2 बा जीवन प्रकट भव, और हम देखे, और हम गवाही देत हए और तुमके बा अनन्त जीवनको सन्देश शुनात हए, जो पिता सग रहए, और हमरे ठिन प्रकट भव,
-\v 3 हम जो देखे और सुने हए, सो हम तुमके सुनात हए, ताकी हमर सग तुमर सँगती होवए । हमर सँगती पिता और बाको पुत्र येशु ख्रिष्ट सँग हए ।
-\v 4 हम जा बात जा कारण से लिखेहए, कि हमर आनन्द पुरो होबए ।
-\p
-\v 5 जौन सँन्देश हम तुमसे सुने और बा हम तुमके सुनात हए, बा बहे हए, कि परमेश्वर ज्योती हए, और बामे कतै अध्यारो नाहए ।
-\v 6 अगर बाकेसँग हमर सँगती हए कहिके हम काहत हए और अन्धकारमे नेगत हए, तव हम झुठ बोलत हए और सत्यमे नचलत हए ।
-\v 7 पर वा जैसो ज्योतीमे हए उइसिए हम ज्योतीमे चलत हए तव एक दुसरे से हमर सँगती होत हए, और बाको पुत्र येशुको खुनसे हमके सब पापसे सुध्द करत हए ।
-\v 8 अगर हममे पाप नाहए कहेके हम काहत हए तवहम अपने आपके धोका देत हए, और हममे सत्य नाहए ।
-\v 9 अगर हम अपने पाप के स्वीकार करङ्गे तव हमर पापके क्षमा करैगो और सबै अर्धमसे हमके शुध्‍द कर देबैगो, काहेकी बा बिश्‍वास योग्यऔर धर्मी हए ।
-\v 10 अगर हम पाप ना करे हए कहेसे हम काहत हए तव हम झुठ बोलत हए और बाको बचन हम मे नाहए ।
-\c 2
-\cl अध्याय २
-\p
-\v 1 मेरे छोटे बालकौ, तुम पाप मत करऔ जा बात मै लिखत हओ । पर कोइ आदमी पाप करलै है, तौ भी हमर ताही पितासँग हमर पक्षमे बोलन ताही एक जनी हए, औ धर्मी येशू ख्रीष्ट ।
-\v 2 बा हमर पापके ताहि प्रायश्‍चीत हए, और हमर ताही इकल्लो ना, पर सारे संसारके पापके ताही फिर ।
-\p
-\v 3 अगर हम बाको आज्ञाके पालन करत हए, तव जहेमे हम जानत है कि हम बाके चिनत हए ।
-\v 4 जैन मै बाके चिनत हओ काहत है, पर बक आज्ञाके उलङ्गन करत हए, कहेसे बा झुटो हए, और बामे सत्य ना होत हए ।
-\v 5 पर जैन बक बचनके पालन करत है, बा मे परमेश्‍वार घेनको प्रेमसे नेहत्य शिद्ध भौ हए । हम बामे हए, कहेसे जहेसे पता चलत हए ।
-\v 6 परमेश्‍वरमे हओ कहेन बारे आदमी अपनैके येशू ख्रीष्ट के जैसो चलन पड़त हए ।
-\p
-\v 7 प्रिय मै तुमके नयाँ आज्ञा ना, पर बहैए पुरानो आज्ञा लिखत हओ, जो सुरुसे ही तुमर सँग रहए, जा पुरानो आज्ञा तुमर सुनोभव बचन हए ।
-\v 8 तहु फिर एक नयाँ आज्ञा मै तुमके लिखत हव जोबामे और तुममे सच्चो हैए, काहेकी अन्धकार बितरहोहए और सच्चो ज्योती अग्गु चमक रहोहए ।
-\v 9 जौन मए ज्योतीमे हव कहीके काहत है और अपने भैयाके अच्छो ना मानत है तै बा अभए फिर अन्धकारमे हए ।
-\v 10 जौन अपने भौइयाके प्यार करत हए बा ज्योतीमे राहत हए और बामे ठक्करको कारन ना होतहए ।
-\v 11 पर जौन अपन भौइयाके अच्छो ना मानत है बा अन्धकारमे हए ।और अध्यारो मे नेगत हए । और मए काहं जाएरहो हओ बाके पता ना चलत हए । काहेकी अंध्यारो बाके अंधरा बनाए देत हए ।
-\p
-\v 12 मेरे छोटे बच्चा मए तुमके लिखत हओ, काहेकी येशू ख्रीष्टके नाऊँके बजेसे तुम्के पाप क्षमा भओ हए ।
-\v 13 पिता मए तुमके लीखत हओ, काहकी सुरुसे जो रहए बाके तुम चिनत हओ । जवान, मए तुमके लिखत हओ, काहेकी तुम दुष्टके जिते हओ । मिर छोटे छोटे लौडीया, मए तुमके लिखत हव, काहेकी तुम पिताके चिनत हव।
-\v 14 पिता, मए तुमके लिखत हव, काहेकी सुरुसे जो रहए बाके तुम चिनत हव । हे जवान मए तुमके लिखत हव, काहेकी तुम तागत बारे हव, और परमेश्वरको वचन तुम्मे राहत हए, और तुम दुष्टके जितलए हव ।
-\p
-\v 15 संसारके और संसारमे भए कोइ चिजके प्यार मत करऔ। अगर कोइ आदमी संसारके प्यार करत हए तौ बामे पिताको प्यार नाहोथहए ।
-\v 16 काहेकी ससारमे भए सबए चीज औ शरीरको अभिलाषा, आँखीको अभिलाषा, जीवनको शेखी पितासे ना आओ, बल्की ससारसे आओ हए ।
-\v 17 संसार बित जए हए और बाको अभिलाषा फीर बितजएहए, पर परमेश्‍वरको इच्छा पुरो करन बारे सदाके ताही राहामङ्गे ।
-\p
-\v 18 छोटे- छोटे लौडा लौडीया आखिरी घडीमे ख्रिष्ट विरोधी आए रहेहए तुम सुन्लएहव अब बहुत ख्रिष्ट विरोधी आएगए हए, जाके मारे हम जानत हए कि, जा आखिरी घडी हए ।
-\v 19 बेए हमसे निकरके गएहए, काहेकी वेए हमरे नारहए अगर वेए हमरे होते तव वेए हमर संग रहेते । पर वेए सबए हमरे ना रहए जा बातके प्रकट करन ताहीँ वेए हमसे निकरके गए ।
-\v 20 पर तुमरो अभिषेक महापवित्रसे भव हए और तुम सबए सत्यके जानत हव ।
-\v 21 तुम सत्य के नजान्थओ कहीके मए नालिखो हव पर कोइ फिर झुट सत्यसे ना आतहए कहिके तुम जानत हव तभइ मए लिखो हव ।
-\v 22 झुटो कौन हए? झुटो बा हए, जौन येशु ही ख्रिष्टकहिके इन्कार करतहए । पिता और पुत्रके इन्कार करन बारो ही, ख्रिष्ट विरोधी हए ।
-\v 23 पुत्रके इन्कार करन बारो कोइ भी आदमीमे पिता नाहए । जौन पुत्रके स्वीकार करत हए, बाके सँग पिता हए ।
-\v 24 जो बात तुम सुरुसे सुने हव, बा तुममे रहिराहाबए । अगर सुरुसे ही सुनिभइ बात तुमरमे रहो तओ तुम पुत्र और पितामे राहाबएगे ।
-\v 25 बा हमसे जो प्रतिज्ञा करी बाअनन्त जीवन हए ।
-\p
-\v 26 तुमके छल करनबारेनके ताही जा बात मए लिखदौहोहव ।
-\v 27 बासे पाव भव अभिषेक तुमके सबए बात के बारेमे सिकाथहए । और बा अभिषेक सत्य हए बा बनावटी नाहए। जा अभिषेक जो सिकात है, बा सत्य हए, बा झुटो ना हए । जहए जैसो ख्रिष्टमे बने राहावओ।
-\p
-\v 28 छोटे बच्चव बामे बने रहावओ ताकी बा प्रकट होबए तव तुमके हिम्मत मिलए और बाके आनमे बाके अग्गु हमे सरमान ना पणए ।
-\v 29 बा धर्मी हए कहिके जा बात तुम जानत हओ, जा तुमसे पक्को होबए, की धार्मीक काम करन बारे हरेक परमेश्‍वरसे जन्मे हए तुम जानत हओ ।
-\c 3
-\cl अध्याय ३
-\p
-\v 1 देखओ, पिता हमके कैसो प्रकारको प्यार करी हए, कि हम परमेश्‍वरको सन्तान कहिलाए हए । और जा सच हए जहएकमारे त संसार हमके ना चिनत हए, काहेकी बे बाके ना चिनी ।
-\v 2 प्रिय हबए हम परमेश्वरके सन्तान हए, और हम का हुइहए सो हबे प्रकट ना भव हए इतकए जानत हए, कि जब बा प्रकट हुइहए, तब हम बाके जैसो होइहए । काहेकी बा जैसो हुइहए हम बाके उइसी दिख्हए ।
-\v 3 और बा जैसो पवित्र हए, बाके उपर जा आज्ञा धरनबारे हरेक आदमी अपने आपके पवित्र करतहए ।
-\v 4 पाप करनबारे व्यवस्था भङ्ग करत हए ।
-\v 5 पापहरण करन ताही बा प्रकट भओ रहए, जा बातके तुम जान्थओ। और बामे कोइ पाप नाहए ।
-\v 6 बामे रहेन बारे कोइ पाप ना करतहए, पाप करन बारे कोइ भी नता बाके देखी हए ना चिनत हए ।
-\v 7 छोटे बच्चव कोइ आदमी तुमके छलन नापाबए । जौन धर्मिकतामे चलतहए, बा धर्मी हए, जैसी बा धर्मी हए।
-\v 8 जौन पाप कर्थए बा दियाबलस् हए । काहेकी दियावलस् त सुरुसे पाप करत आओ हए । दियावलसको काम खतम करनके परमेश्‍वरको लौणा प्रकट भव हए ।
-\v 9 परमेश्‍वरसे जन्मो कोइ फिर पाप नाकरत राहाथए, काहेकी बाको स्वभाब बामे होथए और बा पाप करत ना राहथए, काहेकी बा परमेश्वरसे जन्मो हए ।
-\v 10 परमेश्‍वरको सन्तान कौन हए और दियाबलस को सन्तान कौन हए जहएसे खास करके पता चलतहए जौन धर्मिकतामे नाचलत हए । और बा आदमी परमेश्‍वरको ना है जो अपने दादा भइयनके प्यार ना करतहए ।
-\p
-\v 11 तुम सुरुसे सुनोभओ सन्देश जहए हए,” हमके एक दुस्रेसे प्यार करन पणंत हए।
-\v 12 कैइन जैसो मत होओ, जौन शैतानको रहए । बा अपने भइयाक हत्या करि । बा अपने भइयाक हत्या काहे करी? काहेकी बक शैतानीक काम रहए । और बाको भइयाको काम धार्मीक रहए ।
-\v 13 भइया रेओ संसार तुमके घृणा करत हए अचम्मो मत मानओ ।
-\v 14 हम जानत हए, कि हम मृत्युसे पार हुइके जीवनमे पहुच गए हए । काहेकी हम अपने दादा भइयनके प्यार करतहए । जौन प्यार ना करत हए बा मृत्युमे राहाथए ।
-\v 15 अपनी दादा भइयानके घृणा करनबारे हरेक हत्यारे हए और कोइ हत्यारनके संग सदा (अनन्त) जीवन नाहोथहए काहेकि जा बात तुनके पतए हए ।
-\v 16 जहएकारणसे प्यार का हए हमे पता चलत हए, कि बा हमर ताहि अपनो ज्यानके दएदई हमे फिर अपने दादा भइयानके ताहिँ अपनो ज्यान देन पणत हए ।
-\v 17 कोइके झौने संसारको धन सम्पती है, तहु फिर अपने दादा भइयनके समस्या पडो मे देखत हए, तहु फिर अपनो मनके कठोर करत हए तब परमेश्‍वरको प्यार कैसे बामे राहावएगो ।
-\v 18 मेरे छोटे वच्चओ वचन और बोलीसे इकल्लो हम प्यार नाकरए पर काम और सत्यतासे प्यार करए ।
-\p
-\v 19 जहएसे हम जान सकतहए की हम सत्यके हए, और अइसिए हम बाके अग्गु अपने ह्रदयमे हिम्मत दएसक्थहए ।
-\v 20 जब हमरे ह्रदय हमके दोस देथहए हम जानतहए परमेश्‍वर हमरो ह्रदयसे माहान हए । और बा सब बात जानत हए।
-\v 21 प्रियओ, हमर ह्रदय हमके दोष नलगात हए तव परमेश्‍वरके अग्गु हमरो हिम्मत बढ्थहए ।
-\v 22 और हम जो मागत हए सो बासे पात हए, काहेकी हम बाकी आज्ञापालन करत हए । और बाके मन पडनबारो काम करत हए ।
-\v 23 और बाको आज्ञा जहय हए कि हम बाको पुत्र येशु ख्रिष्टके नाउँमे विश्‍वस करन पडो । और बा हमके आज्ञा दइ जैसे हम एक दुस्रेसेप्यार करन पडथहए ।
-\v 24 बाको आज्ञापालन करनबारे सबए बामे रहेथहए और बा बिनमे राहाथहए । बा हमके दवभव पवित्र आत्मासे हम जानत हए । कि बा हमरेमे बास करतहए ।
-\c 4
-\cl अध्याय ४
-\p
-\v 1 प्रित हो जोकोइ आत्माके विश्‍वास मत करओ पर आत्मा परमेश्‍वरसे आय हऐं कि ना आय हऐं कहिके विनके जाँच करओ । काहेकी वाहुत झुटे अगम्वक्ता जा संसारसे निकरके आए हऐं।
-\v 2 जेहेसे तुम परमेश्‍वरकी आत्माके जानएगे । हरेक आत्मा जौन येशु ख्रिष्ट शरीरमे आओ हय पहिले स्वीकार करत हए वा परमेश्‍वरसे हय ।
-\v 3 येशु के स्वीकार ना करन वारे हरेक आत्मा परमेश्‍वरसे ना हय पर वा ख्रिष्ट विरोधी हए । जौनके बारेमे “बा आथहए” कहिके तुम सुने हव । अब बा जा संसारमे आएगव हए ।
-\p
-\v 4 मेरे छौटे बच्चओ, तुम ता परमेश्‍वरके हव और विनके उपर विजय हुइगए हव । काहेकी जो तुममे हए, वा संसारमे भएसे महान हए ।
-\v 5 वे संसारके हए जहयकारनसे बे संसारकी बात कर्थहए और संसार बिनकी वात सुन्थहए ।
-\v 6 हम त परमेश्‍वरके हए। जौन परमेश्‍वरके जानतहए बा हमरी वातके सुन्थहए, और जौन परमेश्‍वरको ना हए, बा हमरी वातके ना सुन्थहए । जहएसे हम सत्यकी आत्मा और भ्रमको आत्माके जानत हए ।
-\p
-\v 7 प्रिय हो हम एक दुसरेसे प्रेम करए, काहेकी प्रेम परमेश्‍वर  हए। जौन प्रेम करत हए वा परमेश्‍वरसे जन्मो हए, और परमेश्‍वरके चिन्थहए ।
-\v 8 प्रेम नाकरन वारे परमेश्‍वर ना चिन्थहए काहेकी परमेश्वर प्रेम हए ।
-\v 9 परमेश्‍वरको प्रेम हमर विचमे अइसो प्रकट भओ, कि बा अपनो एक इकल्लो पुत्र के संसारमे पठाइ ताकी पुत्रसे हम जी सकए ।
-\v 10 प्रेम जहएमे हए, कि हम परमेश्‍वरके प्रेम ना करे, पर बा हमसे प्रेम करी, और हमरे पापसे छुटकराके ताही अपने पुत्रके पठाई ।
-\v 11 प्रिय अगर परमेश्‍वर हमसे अइसो प्रेम करी हए कहेसे, हमऊ फिर एक दुसरेसे प्रेम करए ।
-\p
-\v 12 परमेश्‍वरके कोइ कभइ ना देखी हए । अगर हम एक दुसरेसे प्रेम करङ्गे कहसे परमेश्‍वर हमारे भितर राहथहए, और वाको प्रेम हमारेमे पुरो होथहए ।
-\v 13 बा हमके अपनी आत्मासे दइहए, र जहएकारनसे हम जानत हए कि हम विनमे राहथहए, और बा हममे राहथहए ।
-\v 14 हम देखे हय, और गवाही देथए, कि पिता अपने पुत्रके संसारमे मुक्तीदाता होनके पठाई हय ।
-\v 15 जौन येशुके परमेश्‍वरको पुत्र हय कहिके स्वीकार करथहए, बामे परमेश्‍वरमे राहथहए, और बा परमेश्‍वरमे ।
-\v 16 अइसिए हमरे उपर भओ परमेश्‍वरको प्रेमके हम जानथहए और विश्‍वास कर्थहए । परमेश्‍वर प्रेम हए, जो प्रेममे राहत हए वा परमेश्‍वरमे राहत हए, और परमेश्‍वर बामे राहत हए ।
-\v 17 न्यायके दीनके ताही हम पुरो भरोसा साथ बैठ सकए । काहेकी प्रेम जहएमे हमरे उपर पुरो होथहए । काहेकी बा जैसो हए हम फिर जा संसारमे उइसिए हए ।
-\v 18 प्रेममे कोइ डर ना होथए पर सच्चो प्रेम डरके दुर हटाथए काहेकी डरको सम्बन्ध दन्ढसे हए । पर, जो डरातहए प्रेममे बा पुरो ना भव हए ।
-\v 19 हम प्रेम करथए, काहेकी पहिले बा हमसे प्रेम करी ।
-\v 20 अगर कोई “मए परमेश्‍वरके प्रेम करथहओ” काहत हए पर अपने भइयासे घृणा करथहए कहिसे बा झुटो हए, काहेकी अपनो देखो भइयासे प्रेम ना करन बारो ना देखो भव परमेश्‍वरके प्रेम कैसे करसक्थहए ।
-\v 21 हम बासे जा आज्ञा पाए हए कि जौन परमेश्‍वरके प्रेम करथहए बा अपन भइयाके फिर प्रेम करत हए ।
-\c 5
-\cl अध्याय 5
-\p
-\v 1 येशु ही ख्रिष्ट हय कहिके विश्‍वास करनबारे हरेक परमेश्‍वरके बालक हए । जौन दउवाके प्रेम करत हए वा बाको लउडाके फिर प्रेम कर्थहए ।
-\v 2 जब हम परमेश्‍वरके प्रेम कर्थहए, और बाको आज्ञापालन कर्थहए, जहएसे पता पातहए की हम परमेश्‍वरके सन्तानके प्रेम कर्थहए ।
-\v 3 परमेश्‍वरको प्रेम जहए हए की हम वाको आज्ञाके पालन कर्थहए और वाको आज्ञा कठीन नाहए ।
-\v 4 काहेकी परमेश्‍वरसे जन्मो भओ हरेक संसारके उपर विजय पाथहए । औ संसारके जिवनको विजय हमर विश्‍वास हय ।
-\v 5 संसारके उपर विजय पान बारो कौन हय बहय हए जो येशु ख्रिष्ट परमेश्‍वेको पुत्र हय, कहिके विश्‍वास करन बारो ।
-\p
-\v 6 बा वहए हए जो पानी और खुनसे आओ भओ, और येशु ख्रिष्ट जो पानीसे इकल्लो नाए पर पानी और खुनसे आओ भओ हय ।
-\v 7 गवाही देन बारो त पवित्र आत्माही हय काहेकी पवित्र आत्मा सत्य हय । काहेकी गवाही देन वारे तीन हय
-\v 8 पवित्र आत्मा, पानी और खुन सबए बातमे जे सहमत हथए ।
-\v 9 यदि हम आदमीको गवाही ग्रहण कर्थहए कहेसे परमेश्‍वरको गवाही कित्तो महान हय । काहेकी जहए परमेश्‍वरको गवाही हय जौन गवाही वा अपन पुत्रके विषयमे दइ हए ।
-\v 10 जौन परमेश्‍वरके पुत्रमे विश्‍वास कर्थहए बाके ह्रदयमे जा बातको गवाही होथहए । परमेश्‍वरमे विश्‍वास ना करन बारे बाके झुटो बनाथहए । काहेकी परमेश्‍वर बाके पुत्रके बारेमे दयीभइ गवाहीमे बा विश्‍वास ना करत होथहए ।
-\v 11 गवाही त जहए हय की परमेश्‍वर हमके अनन्त जीवन दै, और जा जीवन वाके पुत्रमे हय ।
-\v 12 जौनकेसंग पुत्र हय, बाकेसंग जीवन हय, जौनकेसंग परमेश्‍वरको पुत्र नाहए, वाकेसंग जीवन नाहए ।
-\p
-\v 13 तुम अनन्त जीवन पाय हओ कहिके बातके जानओ काहन ताही परमेश्‍वरको पुत्रके नाउमे विश्‍वास करनवारे तुमके मै जा पत्र लिखत हओ ।
-\v 14 परमेश्‍वरमे हमर पुरो भरोसा हए की बाके इच्छा जैसो जो मागेसे फिर बा हमर बातके सुनत हए।
-\v 15 हम प्रार्थनामे जो भी मागेसे फिर परमेश्‍वर सुनत हय कहिके हम जानत हय, कहिके जा फिर जानत हय की बा हमके जो मागत हय बा हम पाएगए हए ।
-\p
-\v 16 यदि कोई अपने भइयाके पाप करत देखत हय औ, बा पाप त मृत्युमे लैजान बारो नाहए कहिसे बा भइयाके ताही परमेश्‍वरसे प्रार्थना करदेन पडत हए, और जौनको पाप मृत्युमे लैजान बारो तरिकाको नाहए बाके परमेश्‍वर जीवन देथहए । पर अइसो पाप फिर होथहए, जो मृत्युमे लैजाथहए, जौनके ताही कोइ विन्ती करदेओ कहिके मए ना काहत हओ ।
-\v 17 सबए अधर्म पाप हए, पर अइसो पाप फिर होथहए जो मृत्युमे नालैजाथहए ।
-\v 18 हम जानत हए, की जो परमेश्वरसे जन्मे भए हरकोइ फिर पाप नाकरत हए । पर परमेश्‍वरको पुत्र विनके सुरक्षा करत हए, और दुष्ट बाके ना छुतहय ।
-\v 19 हम जानत हय, हम परमेश्‍वरको हय, और सबए संसार बा दुष्टके अधीनमे पडो हय ।
-\v 20 हम जानत हय, परमेश्‍वरको पुत्र आओ हए जो सत्य हय । बाके चीन सकए, कहिके बा हमके समझ दयी हए । जो सत्य हय हम बामे हय, औ बाके पुत्र येशु ख्रिष्टमे हए, औ बहय सच्चो परमेश्‍वर हय, और अनन्त जीवन हए ।
-\p
-\v 21 छोटे बालक, अपने आपके मुर्तीसे बचाएके धरओ ।