old file

thr_tit_text_reg.usfm

@@ -1,59 +0,0 @@
-\id tit Regular
-\ide usfm
-\h तीतसके पावलको चिट्ठी
-\toc1 तीतसके पावलको चिट्ठी
-\toc2 तीतसके पावलको चिट्ठी
-\toc3 tit
-\mt तीतसके पावलको चिट्ठी
-\c 1
-\p
-\v 1 परमेश्‍वरके सेवक और येशू ख्रीष्टके प्रेरित पावल परमेश्‍वरसे चुनेभए आदमीनको विश्‍वासके सुरुवात करन और सत्यताको ज्ञानके सुरु करन जौन भक्तिसे सहमत होतहए
-\v 2 अनन्त जीवनको बादमे, सत्य परमेश्‍वर समयके सबए युगसे पहिले प्रतिज्ञा करीहए ।
-\v 3 ठिक समयमे हमर मुक्तिदाता परमेश्‍वरको आदेशजैसो मोके प्रचार करन सौँपोभौ सन्देशसे बा अपन वचन प्रस्ट करीहँए ।
-\v 4 एकए विश्‍वासमे भओ मिर साँच्चो बालका तीतसके परमेश्‍वर पिता और हमर मुक्तिदाता येशू ख्रीष्टसे अनुग्रह औ शान्ति ।
-\v 5 तुम  जो चिज अभेतक पुरा ना भओ  हएँ बाकी व्यवस्था करौ और मएँ तुमके बताऔ जैसो सबए सहरमे एल्डर बनाँऔ कहिके मएँ तुमके क्रेटमे छोड़ो ।
-\v 6 एल्डर दोषरहित, एकए बैयरको लोगा, दोषरहित और अइसो आदमी होबए, जौनक लौड़ा-लौड़िया विश्‍वासी होमए, और चरित्रहिन और अनाज्ञाकरी ना होमए ।
-\v 7 काहेकी परमेश्‍वरको कारिन्दा भओ के करण बिशपचाहिँ दोषरहित और होन पणत हए । बे हठी और झट्ट दिक्कान बारे ना होमए, और मतवाला, और झगडालु और धनको लोभी ना होन पणत् हए।
-\v 8 पर पाहुनाको सेवा करनबारे भलाईको प्रेमी, अपनएके वशमे धरन बारे, इमान्दार, पवित्र और संगमी होन पडत् हए ।
-\v 9 बिनके सिखओ विश्‍वासयोग्य वचनमे बे बलियो हुइके बैठन पडत् हए, ताकि बिनको पक्का सिध्दान्त अनुसार शिक्षा देन सिकओ और बे बातको खण्डन करके झुटा साबित करन सिखँए।
-\v 10 काहेकी बहुत आदमी औरके अधीनमे ना वैठन बारे, बकवादी और छली होतहँए, और बिशेष करके खतनाबाले त अइसी होतहए,
-\v 11 यिनको मुख बन्द करन पणैगो, काहेकी बे निजि लाभके ताहिँ सारा परिवारके खलबल्याए देतहँए| अइसो शिक्षा बिनके ना देन रहँए ।
-\v 12 "बे मैसे एक जनै बिनके अगमवक्ता कहि रहए, "क्रेटके आदमी सबदिन झुट बोल्नबारे, दुष्ट जनवार और अल्छी घिचुवा हँए।”
-\v 13 जा गवाही सच्चो हए  जहेमारे बिनके करेसे हप्काओ, ताकि बे विश्‍वासमे पक्का होमए।
-\v 14 और सत्यताके इन्कार करके आदमीनके आज्ञा और यहूदी दन्त्यकथामे ध्यान मत लगओ ।
-\v 15 सुध्दनके सब चीज सुध्द हए, पर असुध्द और अविश्‍वासनके चाहिँ कोइ बात फिर सुध्द नैयाँ, पर बिनको मन और विवेक समेत भ्रष्ट भओ हए ।
-\v 16 तुम परमेश्‍वरके चिने हौँ करके कहन त कहत् हौ, पर बे अपन कामसे बोके इन्कार करत् हौ । बे घृणित और अनाज्ञाकारी हँए, और कोइ फिर असल कामको ताहिँ योग्यके ना होतए ।
-\c 2
-\p
-\v 1 तुम चाहिँ जो पक्का धर्मीक-सिध्दान्त सुहन बारो हए बहे सिखओ ।
-\v 2 बुड्ढा आदमीनके संगमी, गम्भीर, समझदार, विश्‍वासमे पक्का, प्रेम और धर्यमा पक्के होन सिखओ ।
-\v 3 अैइसी करके बुढिया बतोरी ना, सदामान अपनेके इज्जतदार बनान पडत हए । बिनके दारु पित ना रहन पड्त  हए ।
-\v 4 बिनके जबान बैयरके बिनको सोचमे प्रेम करन हौँसला देन, समझदार होन,
-\v 5 शुद्ध, अच्छेसे घर सम्हारन बालि और बिनको लोगाके आज्ञा पालन करन, जो अच्छो हए बहे सिखान पडत हए, ताकि परमेश्‍वरको वचनको खिल्ली ना उणाएँ ।
-\v 6 अैइसी करके जबान आदमीनके फिर आत्मसंयमी होनके अर्ती देओ ।
-\v 7 सब बातमे असल कामको नमुना हुइके तुम अपनए दिखओ, और तुमर शिक्षामे इमानदारी, गम्भीरता, शुद्धता   और कोइको निन्दा ना करन ठीक बोली होबए,
-\v 8 ताकि हमर बिरुध्दमे खराब बोलन बारी बात कुछ ना हुइके हमर विरोधी शर्ममे पड्ए ।
-\v 9 टहालुवा सबए बातमे बे अपन मालिकको आज्ञा पालन करएँ ।बे अपन मालिकके खुसी करन प्रयास करन पड्तहए, और बिनकेसंग विवाद ना करए ।
-\v 10 बे चोरी ना करएँ पर बे असल विश्‍वास प्रकट करए काहेकि बे हमए मुक्तिदाता परमेश्‍वरको धार्मिक-सिध्दान्तको शोभा बढामए ।
-\v 11 काहेकी सब आदमीनको मुक्तिके ताहिँ परमेश्‍वरको अनुग्रह प्रकट भओ बातके हम पान ताहीँ प्रतिक्षा करत, सबए जौने मुक्ति लान असल परमेश्‍वरको अनुग्रह देखा पड़ोहए,
-\v 12 और हमके अधार्मीकता और संसारिक इच्छानके इन्कार करन औ जा युगमे समझदार ।
-\v 13 धार्मिक और ईश्‍वरीय जीवन जिनके तालिम  देत हए ।
-\v 14 येशू हमके अधार्मिकतासे छुणान और अपनी ताहिँ जो ठिक हए बेहे करन इच्छुक अच्छे आदमी या शुद्ध बनान अपनेके हमर ताहिँ  दैहए ।
-\v 15 जे बात बताऔ और उक्साबौ, और अधिकारसहित सुधारौ । तुमके कोईफिर बेजत ना करए ।
-\c 3
-\p
-\v 1 शासक और अधिकारीके अधिनमे रहन, बिनकि बात मानन और हरेक अच्छो कामके ताहीँ तयार बैठन,
-\v 2 कोइक खिल्ली नाउणान, कचकचसे अलग रहन, औरे आदमीके अपन-अपन डगरमे नेगन और सब आदमीक नरम दिखान याद करबाऔ ।
-\v 3 काहेकी एक चोटि हम फिर लापरवाह, अनाज्ञाकारी रहँएँ । हम  बराने और गजब किसिमके खराब इच्छा और आइसोरामको नोकर रहएँ । हम दुष्टता और हिर्समे जित रहँएँ । हम घृणित और एक दुस्रेक घृणा करन बाले आदमी रहँएँ ।
-\v 4 और जब परमेश्‍वर हमके बचान बालोको दया और मानव जातिनके ताहिँ  बाको प्रेम दिखानो
-\v 5 हम धार्मीकतामे करो कामसे ना और बाको कृपा जैसो नयाँ जनमसे हँदबाएक और पवित्र आत्मासे नयाँ करके बा हमके बचाइ हए ।
-\v 6 हमए बचान बालो परमेश्‍वर येशू ख्रीष्टसे हमर उपर पवित्र आत्मा गजब अखनाइँ ।
-\v 7 तव बाको अनुग्रहसे धर्मी बन्के अनन्त जीवनको पक्को उत्तराधिकारी भओ हए ।
-\v 8 जे वचन विश्‍वास करन लाएकको हएँ । मए चाँहत हौँ बे जे बातनके बारेमे दृढतासे मस्कएँ, ताकि परमेश्‍वरमे भरोसा करनबाले बा उनके अग्गु अच्छीबात करनघेन मन लगामएँ । आदमीके ताहीँ  जे सब बात अच्छी और फाइदा करन बाली हएँ ।
-\v 9 तव मुर्ख बाद- बिबाद, वंशवाली, फुट और व्यवस्थासम्बन्धी झगडासे अलग बैठओ, काहेकी बे बेफाइदा और व्यर्थके हँए ।
-\v 10 फुट ल्यान बारो आदमी चाहिँ एक और दुई चोटी चेताउनी दैके पिछु बाके संग और कोइ सरोकार मतकरीओ
-\v 11 जा जानके कि अइसो आदमी भ्रष्ट और पापी हए | बा पाप करतहए और अपनएके दोषी ठहिरात हए  |
-\v 12 जब मए अर्तीमास या तुखीकसके तुमर ठीन पठाएहौँ, जल्दी करौ, और निकोपोलिसमे आबौ, जहाँ मए हिउँद कटानको निर्णय करो हौँ।
-\v 13 जल्दी करौ, और कानुनको बारेमे जानन बारो जेनास और अपोल्लोसके बिनके चाँहन बारो सब चिज दैके पठाऔ ।
-\v 14 हमर आदमी जरुरी खाँचा पुरा करन बालो अच्छो  काममे अपने लगन पणत हए, काहेकी बे  असफल ना होँबए ।
-\v 15 मिरसँग के सबए तुमके अभिवादन पठाईँ हएँ । विश्‍वाससे हमके प्रेम करन बारेनसे अभिवादन कहिदेऔ । तुम सबएसँग अनुग्रह होबए । आमेन ।