See in Reader
41 lines
4.0 KiB
Plaintext
41 lines
4.0 KiB
Plaintext
\id JUD
|
|
\ide UTF-8
|
|
\h Juda
|
|
\toc1 Juda
|
|
\toc2 Juda
|
|
\toc3 jud
|
|
\mt Juda
|
|
\c 1
|
|
\cl Kingutit 1
|
|
\p
|
|
\v 1 Nan Jud karwaani lo Yesu Kristo ko rece lo Jems. Iyo cio kuna lilolongi kuna limaru Lobanga Apa ko kuna loricahi Yesu Kristo.
|
|
\p
|
|
\v 2 Ingohi kibaya, kisiliban ko kimaruno tara ningi rief.
|
|
\p
|
|
\v 3 Morot kuna lamaru, kileng ngorumu nan ageria lo kigero iyo ite to lwaharu na lengar, abuk nan lo kigero ko kisinga ite to rem to kiruk lafa lofihi kac kulo cio kulo Lobang kakeny Lobito manyu ngaboi.
|
|
\v 4 Tonyio lofwonu kiji ningi kude cio afa ligeri to ngoto lo tenya neicieng many afa berien. Ara icieng cio kuna lida obang Lobanga kuna libel kisa lo Lobanga niyang ara lo tic lo kwerun lo konyeha manyu oberuni Lahitok ko Kabu niyang Yesu Kristo.
|
|
\p
|
|
\v 5 Kileng liyen ite kuno tenyi tenyi fad awak nan kitiiuno ite jimitan olwahu afa Lobanga cio kunenge to Ijipt ati to kifwongi lolotu okeru kuna lida iruk.
|
|
\v 6 Ko malaikahin kulafa lida oric faji lo twero neicieng ati ongerihini kang neicieng lolotu Lobanga ofik icieng iyo lokimuyuk otori to nyororohin kuna losio tur itilarihin far lo ngoto lo tenya far nahitok.
|
|
\v 7 Tona kikoi bito Sodom ko Gomora ko kangite kuna lirit icieng lofwonu icio kenite iyo ticitici kuna iboti kulo somun. Lofwonu ara kitotorita lo kuna mute litigemi to kima na losio tur.
|
|
\v 8 Tona kikoi bito, ipapala kuno katirijak kenite kuneicieng ake ake, oberuni okabwe lo Lobanga manyu omoroti monyeri kulo deyo lo kai.
|
|
\v 9 Ati kileng lahitok lo malaikahin Maikol afa kolorisati ko sitan to ken lo Moses ida afa inyi ongot tenya kode omor inyi, orihohi jia ojo, “Kirieng Lahitok isi!”
|
|
\v 10 Otohati otenya kuno cio to moro iyo sangite fad kuna lida icieng iniang ati tohi na liniang icieng to koditi lafa lotomonunorehin icieng iya na longon kenite kulo tiangi icieng kuna sangite lokeruno cia icieng.
|
|
\v 11 Iyaru icieng koditi lo Kain, obolo kidak neicieng, lofwo icieng to kiyo lo faida na ngorumu icieng iyo kikoi lo kipal lo Balam lokeroro icieng iyo peha lo kora lafa litipek Moses.
|
|
\v 12 Ara kuno cio kuna lipala jiran lo karamahin kuningi, odahati ko ite oru ko riri lo kobuno koditi neicieng. Katibalak kuna lifita kenite kuneicieng keken. Ori icieng iya idisi kuna lida iyauno kuju kuna lisabitare kiyoma kuta. Cianitok kulo tahat kuna lida odoru ngak, kuna lodutari to kerda, kuna loweiha kakeny are.
|
|
\v 13 Ori icieng ko kafolohi kulo nam kuna ilotiri kuna litifurita riri neicieng, kanger kuna lisabita kuna likukumahini lokimuyuk na imutok to icieng na losio tur.
|
|
\v 14 Imoca afa Enok na lara lotata lo mietare lo Adam to kuno ojo, “Tode olotuno Lahitok Lobanga ko alifi ko alifi kulo kanyujok kunenge
|
|
\v 15 ngoto tenya lo cio pili ko keruno cio kuna lida obang Lobanga to ticitici kuna irohori kuna litii icieng fad to kikohin kuna irohori, ko tenyi tenyi kuna irohori kuna loteny cio kapalak kuna irohori to ken nenge”.
|
|
\v 16 Ara kuno cio katilufok kuna lomeja kipal lo cio; ijifita icieng wahita kuneicieng kuna irohori, opufarihin kenite kuneicieng ati itinonongati cio kuna kude lo rumunore tohi na lowak icieng.
|
|
\p
|
|
\v 17 Ati morot iiyoti tohi lafa limoca jayona kulo Lahitok Yesu Kristo.
|
|
\v 18 Otenyi afa iyo ite ojimi, “To faritin kulo Lohicungi ongoni mute kangalak kuna lijifita wahita kuneicieng kuna irohori”.
|
|
\v 19 Icieng kuno cio kuno kuna lokokora ite, kuna lijifita kibuha lo koditi lo cio kuna loru Okorif iyo icieng.
|
|
\v 20 Ati ite morot kuna lamaru, itigoloroti kenite iyo kiruk ningi na inyu bebee manyu ilifati to Okorif na Inyu.
|
|
\v 21 Itoricahiti kenite iyo kimaruno lo Lobanga iya na litilare kibaya lo Lahitok niyang Yesu Kristo lo kiyauno ite iyo warun na losio tur.
|
|
\v 22 Itingon ko kibaya iyo cio kuna likuya.
|
|
\v 23 Itokwaru kuna kude to kima ilwahu icieng iyo kude itotorohiti kibaya na limora ko bangun, iberu kileng kyelani kuna litibot kipal lo ken.
|
|
\p
|
|
\v 24 Iyo inyi na litweru rica ite iyo uroro ko kiyauno ite iyo deyo lo ngonun nenge oru ko kipal manyu to kwama nahitok
|
|
\v 25 ingohi kwatun, deyo, okabwe, golun ko obolore tongon iyo Lobanga Lobito kalwahani niyang to Yesu Lahitok niyang orihe karihin fad, jijia ko karihin kuna lida icung. Amen.
|