See in Reader
28 lines
1.6 KiB
Plaintext
28 lines
1.6 KiB
Plaintext
\id 2JN
|
|
\ide UTF-8
|
|
\h 2 Jowani
|
|
\toc1 2 Jowani
|
|
\toc2 2 Jowani
|
|
\toc3 2jn
|
|
\mt 2 Jowani
|
|
\c 1
|
|
\cl Kingutit 1
|
|
\p
|
|
\v 1 Nan lohitwok. Iyo ngorwani na lonyumuni ko tee kunenge na lamaru nan iyo tenya lo dede ida manyu ara nan ake ko cio fad kuna loyen tenya lo dede.
|
|
\v 2 To tenya lo dede na longon katwa niyang na mute longon kohoi tur.
|
|
\p
|
|
\v 3 Kisa, kibaya ko kisiliban iyo Lobanga Apa manyu iyo Yesu Kristo kito lo Apa kingon cia ko ohoi iyo tenya lo dede ko kimaruno.
|
|
\p
|
|
\v 4 Licio nan kwama bebe kalarumu nan kude tee kunino olot iyo tenya lo dede iya na locihare Apa ohoi.
|
|
\v 5 Dong jijia ngorwani ida nan agero iyo isi cik ngejuk ati lafa letehita many to lohiciahi. Alifa nan jimitan ojir kimararu ongon kiji niyang.
|
|
\v 6 Ara ene kimaruno jimitan ojir kimanya to cik nenge iya na liningore isi many to lohiciahi, ciha nenge inyi jimitan ojir ite imanya to kimaruno.
|
|
\v 7 Lofwo katinonongak kof kuna lida iruk ojo olotu afa Yesu Kristo to ken. Koditi lona tungani, ara katinonongani manyu meroni lo Kristo
|
|
\v 8 Iririati jimitan ojir ida itiri tohi na litii ite ati ojir kidumahini ite rief.
|
|
\v 9 Tungani na loruharu iya ketemoni ida osodoro iyo kitiyena lo Kristo ida ongon ko Lobanga; tungani na losodoro iyo kitiyena ongon ko Lobanga Apa ko kito.
|
|
\v 10 Kololotu tungani iyo isi ati ida iyauno kitiyena lo Kristo, keyaru inyi kaji nino kode kefotu inyi.
|
|
\v 11 Tungani na lifotu inyi irumu ongar ko inyi na tic lo rohojun nenge.
|
|
\p
|
|
\v 12 Oborengi tenyi tenyi kuna nagger nan iyo isi ati ida nan awak kitiyore waraga ko galam. Ati ageno nan lotuno waja isi to kuno faritin tang ojir atenya ko ite kideya komoma ojir kwama ningi ifut.
|
|
\p
|
|
\v 13 Ofonyo tee kulo kanece nino na lonyumuni.
|