See in Reader
138 lines
13 KiB
Plaintext
138 lines
13 KiB
Plaintext
\id 1JN
|
|
\ide UTF-8
|
|
\h 1Jowani
|
|
\toc1 1Jowani
|
|
\toc2 1Jowani
|
|
\toc3 1jn
|
|
\mt 1Jowani
|
|
\c 1
|
|
\cl Kingutit 1
|
|
\p
|
|
\v 1 Kingon rihohino ite tona lafa longon many to locahare, na lening, kideu to konyeha, na ledeya ko na letir to kac kuniyang, inyi ene tenya letulo iyo tenya lo warun.
|
|
\v 2 Loboto afa warun ledeu ohoi manyu kicio sadden to inyi manyu kititimahi ohoi iyo ite warun na losio turn a afa longon ko Apa na lolotu oboto iyo ohoi.
|
|
\v 3 Kitulo ohoi iyo ite tohi na ledeu ohoi kining manyu ojir manyu ite kimorare ko ohoi. Manyu kimora niyang ongon ko Apa ko kito nenge Yesu Kristo.
|
|
\v 4 Kigero ohoi ene lo kitifuta kwama ningi.
|
|
\p
|
|
\v 5 Ara ene tenya na lening ohoi iyo inyi manyu kirihohi ite: Ara Lobanga wangun oru lokimuyuk iyo inyi tur.
|
|
\v 6 Kalejo ohoi Kimora ko inyi atihati kingoni iyo lokimuyuk, kitaleri ohoi manyu ida kilotita iyo tenya lo dede.
|
|
\v 7 Ati kalelot ohoi iyo wangun iya na longonore inyi iyo wangun, kilihita ohoi ara Lobito to kiji niyang manyu kitinyujo okoto lo kito nenge Yesu Kristo ohoi iyo kipalipali fad.
|
|
\v 8 Kalejio kiru ohoi ko kipal kitinononga ohoi kenite kuniyang ake ake manyu oru tenya lo dede to katwa niyang.
|
|
\v 9 Kaletulo ohoi kipali pali kuniyang, igenoro inyi manyu obir kilau cia inyi ohoi, manyu kitinyu ohoi iyo rohojun niyang fad.
|
|
\v 10 Kalejo ohoi kiru ko kipal, kititalero ohoi inyi manyu oru lohitongore lo tenya nenge to katwa lo taulo kuniyang.
|
|
\c 2
|
|
\cl Kingutit 2
|
|
\p
|
|
\v 1 Tee kunei kuna lamaru, agero nan kuno tenyi tenyi iyo ite ojir ite ida ipal. Ati kalipal lobo tungani, kingon ohoi ko kasisioni niyang na lotenya iyo Apa Yesu Kristo kabirani.
|
|
\v 2 Inyi lara kikumi lo kipal niyang, ida manyu ara to kipal niyang ake ati to kipal lo kof fad.
|
|
\v 3 Kiyen ohoi jimitan lefwonu ohoi iyo yenun inyi koleningo ciha nenge.
|
|
\v 4 Tungani na lojo ayen inyi Yesu ida hati itii nu tohi na locik inyi, ara kataleroni manyu oru tenya lo dede to katwa lo tau nenge.
|
|
\v 5 Ati kaloningo lobo tungani tenya nenge, dede ifut kimaruno lo Lobanga ken nenge, koditi na leyenare jimitan kingoni ohoi iyo inyi ene.
|
|
\v 6 Tungani na lojo awar inyi katwa nenge, ojir owar iya na afa lowarare Yesu.
|
|
\p
|
|
\v 7 Morot kuna lamaru, ida nan agero iyo ite cik ngejuk ati ongore, na lingonore ite many to lohiciahi. Ene cik ongore itongo ara ifak na lining ite.
|
|
\v 8 Oto hati agero nan iyo ite cik ngejuk na loboto dede nenge iyo inyi ko iyo ite tonyio loringaru lokimuyuk manyu linwaha jijia wangun lo dede.
|
|
\v 9 Tungani na lojo angon inyi iyo wangun oto hati oberu rece nenge orihe ongon iyo lokimuyuk.
|
|
\v 10 Tungani na limaru rece nenge ongon iyo wangun manyu oru lobo tohi ngicio inyi oruruhita.
|
|
\v 11 Ati tungani na loberu rece nenge orihe ongon iyo lokimuyuk manyu orihe olot iyo mutohun, ida oyen faji na loloro inyi tonyio litingode lokimuyuk inyi.
|
|
\p
|
|
\v 12 Agero nan iyo ite tee Tonyio lolauni kipalipali kuningi to karana nenge.
|
|
\v 13 Agero nan iyo ite Apaicio tonyio liyen ite inyi. Agero nan iyo ite kilahaji tonyio lilanyu ite karohojani. Agero nan iyo ite tee kuna lamaru tonyio liyen ite Apa.
|
|
\p
|
|
\v 14 Agero nan iyo ite Apaico tonyio liyen ite inyi lafa longon many to lohiciahi. Agero nan iyo ite kilahaji tonyio igoli ite manyu itongo tenya lo Lobanga katwa ningi manyu ilanyu ite karohojani.
|
|
\v 15 Kemaru kof kode lobo tohi lo kof. Kalimaru lobo tungani kof oru kimaruno lo Apa to katwa nenge.
|
|
\v 16 Tonyio sangite fad kuna longon kof iya; kigeria lo cio kapalak, damun lo konyeha, pufare tohi na longonore inyi ko na litii inyi, ida ofwonu iyo Apa ati to kof.
|
|
\v 17 Kof ko wahita kunenge fad orujoro ati tungani na litiyo wahun lo Lobanga owar tur.
|
|
\p
|
|
\v 18 Tee kunei kuna lamaru lara ene tik lo lohicungi; manyu iya na liningore ite ojo olotuno meroni lo Kristo, kileng jijia lofwonu merok kulo Kristo kuna iborengi. Koditi na leyenare jimitan ara ene tik lo lohicungi inyi ene.
|
|
\v 19 Ofwo afa icieng to kiji niyang, ati orumu ida manyu icieng dede ara kuniyang. Tonyio ngara afa ara icieng kuniyang jii kiwasihi ko ohoi, ati itotoro fworo neicieng jimitan oru orumu lobo to kiji neicieng lara niyang.
|
|
\v 20 Ati lotwe kanyujoni ite to ngoroni manyu liyen ite fad tenya lo dede.
|
|
\v 21 Ida nan agero iyo ite jimitan ida ite iyen tenya lo dede ati tonyio iyen ite manyu oru talerun lolotu to ken lo tenya lo dede.
|
|
\v 22 Ngai lara kataleroni? Ara tungani na lojo ida Yesu ara Kristo. Ara na tungani meroni lo Kristo tonyio oberu inyi Apa ko kito.
|
|
\v 23 Oru lobo tungani na loberu Kristo liruk Apa. Tungani na liruk Kito ongon manyu ko Apa fad.
|
|
\v 24 Iririati jimitan tohi lafa lining ite many to lohiciahi ingohi iwasihi iyo ite. Kaliwasihi jii, oto many cia ite iwasihi iyo Kito ko iyo Apa.
|
|
\v 25 Manyu tohi na locik inyi iyo ohoi ara warun na losio tur.
|
|
\v 26 Agero nan kuno sangite iyo ite to cio kuna lowak kitigeraru ite.
|
|
\v 27 Ojo to ite, lafa twa lotware inyi ite iwasihi kenite kuningi manyu ida ite irihe iwak lobo tungani olotu kitiyena ite. Ati iya na litiyenare twa nenge ite sangite fad, manyu iya na larahare na twa lo dede ida ara lo talerun, iya na litiyenare ite iwasihiti katwa nenge.
|
|
\p
|
|
\v 28 Dong jijia tee kuna lamaru, itosodoroti iyo inyi ojir mute kololotu inyi kingon ko golun to taulo ida riri kidahahi to ketemoni nenge kololotu inyi.
|
|
\v 29 Kaliyen ite jimitan obir inyi, iyen manyu ijo cio fad kuna litiyo ticitici kuna ijiri inyi lotomonu.
|
|
\c 3
|
|
\cl Kingutit 3
|
|
\p
|
|
\v 1 Itide ba bolorun lo kimaruno na lijuhohi Lobanga Apa ohoi ojo ojir kilolongi ohoi ojo tee kulo Lobanga! Manyu inyi tohi na lera ohoi! Tohi na licio kof ida kiyen ohoi inyi jimitan ida afa oyen inyi.
|
|
\v 2 Morot kunei, jijia kira ohoi tee kulo Lobanga, manyu tohi na mute lera ohoi orihe ida kiyen. Ati kiyen jimitan koloboto mute inyi kiri mute ohoi iya inyi tonyio kideu mute ohoi inyi iya na longonore.
|
|
\v 3 Cio fad kuna lotehita ene kigeno itinyu kenite kuneicieng iya na lonyujore inyi.
|
|
\v 4 Tungani fad na litii kipal irumu ogil cik iyo tenya lo dede ara kipal manya na lida ijifitati cik.
|
|
\v 5 Ati iyen ite ijio tohi na afa lolotunore inyi ene kof ara lo lotuno dumaru kipalipali kuniyang. Manyu oru kipal iyo inyi.
|
|
\v 6 Ida tungani na longon iyo inyi osodoro ko kipal. Oru manyu tungani na losodoro kipal loyen inyi kode odeu inyi.
|
|
\v 7 Tee kunei keco lobo tungani kitibunye ite. Tungani na litiyo tohi na ibir obir manyu iya na lobirare iny.
|
|
\v 8 Tungani na litiyo rohojun ara lo sitan tonyio itiring afa sitan kipal many to lohiciahi. Tohi na licio kito lo Lobanga oboto lo keruno tic lo sitan.
|
|
\v 9 Oru tungani na lotomonu Lobanga osodoro hati ko kipal tonyio ongon kinyemoti lo Lobanga ken nenge: ida otum sodoro ko kipal tonyio Lobanga lotomonu inyi.
|
|
\v 10 Koditi na leyenare tee kulo Lobanga ko tee kulo sitan inyi ene: Tungani na lida itiyo tohi na ijir ida ara kito lo Lobanga ko tungani na lida imaru rece nenge.
|
|
\v 11 Ara ene ifak lafa lining ite many to lohiciahi, ojir ohoi kimararu kenite.
|
|
\v 12 Keri iya Kain na lara lo karohojani lolotu ifade rece. Nyio licio inyi ifade rece? Tonyio orohori orumu ticitici kunenge ojir kulo rece.
|
|
\p
|
|
\v 13 Recera kepany koleberu kof ite.
|
|
\v 14 Kiyen ohoi jimitan lebelo ohoi to wei iyo warun. Tonyio kimaru ohoi recera kuniyang. Tungani na lida imaru orihe ongon katwa lo wei.
|
|
\v 15 Tungani na loberu rece ara kafadani manyu iyen ite jimitan oru lobo kafadani lotehita warun to ken nenge.
|
|
\v 16 Ara ene koditi na leyenare kimaruno: Icio Yesu Kristo warun nenge tohoi ojir manyu ohoi kicio warita kuniyang to recera kuniyang.
|
|
\v 17 Kolongon tungani ko sangite odeu hati rece oru tohi ida hati mehino lo rece oting tau nenge, aja hati kimaruno lo Lobanga ongon tau nenge?
|
|
\v 18 Recera kunei kemaru to tenya kode ngadief ati to tic ko tenya lo dede.
|
|
\v 19 Koditi bon a leyenare kijo kira ohoi kulo dede inyi ene ko koditi na lohifihare taulo kuniyang iyoma to ketemoni nenge. 20
|
|
\v 20 Kolongoto taulo kuniyang tenya kenite kuniyang. Tonyio obolo Lobanga ilany taulo kuniyang manyu oyen sangite pili.
|
|
\v 21 Morot kalida taulo ongoto tenya kenite kuningi, kingoni ohoi ko golun lo taulo ketemoni lo Lobanga.
|
|
\v 22 Manyu kirumu iyo inyi lobo tohi keken na letifia tonyio kiningo ohoi cik nenge manyu kitiyo tohi na litikwama inyi.
|
|
\v 23 Manyu ciha nenge inyi ene ojo ojir kiruk kito nenge Yesu Kristo ko kimaruno kenite kuniyang ake ake iya na locihare inyi ohoi.
|
|
\v 24 Cio kuna loningo ciha nenge owariti iyo inyi inyi manyu iyo icieng. Manyu ara ene koditi na lemanyare owar inyi katwa niyang; kiyen ohoi to okorif na licio inyi ohoi.
|
|
\c 4
|
|
\cl Kingutit 4
|
|
\p
|
|
\v 1 Morot kuna lamaru, keruk okorifi fad ati totem okorifi lo yenun kalara icieng kulo Lobanga tonyio lofwo kamocak katalerok beciek kof.
|
|
\v 2 Koditi na ngiyenare ite okorif lo Lobanga inyi ene: Okorif fad kuna liruk ojo olotu afa Yesu Kristo to ken, ara Lobanga,
|
|
\v 3 ati okorifi fad kuna lida iruk Yesu ida ara kulo Lobanga. Ara na okorif lo meroni lo Kristo lafa lining ite ojo olotuno manyu jijia longon kof.
|
|
\v 4 Ite tee ifwonu ite iyo Lobanga manyu lilanyu icieng to inyi, inyi na longon katwa nino ilany inyi na longon kof.
|
|
\v 5 Ara icieng kulo kof manyu otenyati to koditi na lodeyare kof manyu oningo kof icieng.
|
|
\v 6 Kifwonu ohoi iyo Lobanga manyu tungani na loyen Lobanga, kiningo ohoi ati tungani na lida olotu iyo Lobanga ida kiningo ohoi. Inyi kikoi na leyenare okorif lo dede ko okorif lo talerun inyi ene.
|
|
\p
|
|
\v 7 Morot kuna lamaru ngamarutu kenite kuniyang tonyio olotu kimaruno iyo Lobanga. Tungani fad na limaru ara Lobanga lotomonu manyu oyen Lobanga.
|
|
\v 8 Tungani na lida imaru ida oyen Lobanga tonyio Lobanga lara kimaruno.
|
|
\v 9 Kikoi na litotorunore Lobanga kimaruno nenge inyi ene: Oculu inyi kito nenge Lobito hilong ene kof ojir ohoi kiwari to inyi.
|
|
\v 10 Ara ene kimaruno; ida ara jimitan ohoi lemaru Lobanga ati inyi limaru ohoi oculu kito nenge ara kikumi lo kipali pali kuniyang.
|
|
\v 11 Morot kuna lamaru iya na limarunore Lobanga ohoi, ojir manyu kimaru kenite kuniyang.
|
|
\v 12 Oru lobo tungani lodeu Lobanga ati kalemaru ohoi kenite itongo Lobanga kiji niyang manyu oto kimaruno nenge ifut iyo ohoi.
|
|
\v 13 Kiyen ohoi jimitan kingoni ohoi katwa nenge inyi manyu katwa niyang tonyio licio inyi ohoi Okorif nenge.
|
|
\v 14 Manyu ledeu ohoi manyu kisaden jimitan loculu Apa kito nenge ara kalwahani lo kof.
|
|
\v 15 Koloyen lobo tungani ojo ara Yesu kito lo Lobanga, ongon Lobanga katwa nenge inyi manyu katwa lo Lobanga.
|
|
\v 16 Manyu kiyen manyu kiganga iyo kimaruno lo Lobanga iyo ohoi. Ara Lobanga kimaruno. Tungani na lowar iyo kimaruno owar iyo Lobanga manyu Lobanga iyo inyi.
|
|
\v 17 Tone kikoi olotu kimaruno ifut to kiji niyang ojir kingonore golun lo taulo to far lo ngoto lo tenya tonyio tone kof kiri ohoi ko inyi.
|
|
\v 18 Oru bangun iyo kimaruno ati kimaruno lo dede ifuhe bangun, tonyio ilihita bangun ko kitigema. Tungani na lobang, ida kimaruno nenge ifut.
|
|
\v 19 Kimaru ohoi tonyio inyi litem kimaru ohoi.
|
|
\v 20 Kolojo lobo tungani, “Amaru nan Lobanga” oto hati oberu rece nenge na lodeu inyi ida itweru kimaruno Lobanga na lida inyi odeu.
|
|
\v 21 Manyu kicio inyi ohoi ene cik: Tungani na limaru Lobanga ojir manyu imaru rece nenge.
|
|
\c 5
|
|
\cl Kingutit 5
|
|
\p
|
|
\v 1 Tungani na liruk ojo ara Yesu Kristo Lobanga lotomonu, manyu tungani na limaru Apa imaru manyu kito nenge.
|
|
\v 2 Kikoi na ngiyenare jimitan kimaru ohoi tee kulo Lobanga inyi ene: to kimaruno Lobanga manyu ko kitiyo tohi na locik inyi.
|
|
\v 3 Ara ene kimaruno lo Lobanga ningo cik nenge: Manyu ida cihicihi kunenge iriociho,
|
|
\v 4 4 tonyio tungani fad na lotomonu Lobanga olanyu kof. Ara ene lanyuno na lelanyunore ohoi kof inyi manyu kiruk niyang.
|
|
\v 5 Ngai inyi litweru lanyuno kof? Ara inyi na liruk jimitan ara Yesu kito lo Lobanga.
|
|
\v 6 Inyi ene na lolotu to kifi ko okoto Yesu Kristo. Ida afa inyi olotu to kifi jia ati to kifi ko okoto. Manyu Okorif licio saden tonyio ara Okorif dede.
|
|
\v 7 Tonyio ara sadeni uni.
|
|
\v 8 Okorif, kifi ko okoto manyu icieng kuno uni fad iruhohinoti.
|
|
\v 9 Kiruhititia ohoi saden lo cio ati obolo sadden lo Lobanga ilany tonyio ara sadden lo Lobanga na licio inyi to kito nenge.
|
|
\v 10 Tungani na liruk kito lo Lobanga ongon ko ene sadden tau nenge. Tungani na lida iruk ene saden, itirak inyi Lobanga ara kataleroni, tonyio ida inyi iruk sadden na licio Lobanga to kito nenge.
|
|
\v 11 Manyu sadden inyi ene: licio Lobanga ohoi warun na losio tur manyu ongon ene warun iyo kito nenge.
|
|
\v 12 Inyi na longon ko kito otehita warun; inyi na lida ongon ko kito lo Lobanga ida otehita warun.
|
|
\p
|
|
\v 13 Agero nan ene tenya iyo ite kuna liruk iyo karana lo kito lo Lobanga ojir iyen jimitan ingon isi ko warun na losio tur.
|
|
\v 14 Ara ene golun lo taulo na lefwonunore ohoi iyo Lobanga jimitan kaletifia ohoi lobo tohi ijifita wahun nenge kiningo inyi ohoi.
|
|
\v 15 Manyu koleyen jimitan ongon inyi iyo ohoi, lobo tohi keken lelifa, kiyen jimitan kirumu cia tohi na letifia iyo inyi.
|
|
\v 16 Kolodeu tungani rece ipal kipal na lida iyaru inyi iyo wei ingohi ilifa icio cia Lobanga inyi warun. Atenya ha nan kuna lida kipalipali kuneicieng iyaru icieng iyo wei. Ongon kipal na liyaru tungani iyo wei. Ida nan ajo ilegati to na.
|
|
\v 17 Ara tic na irohoi fad kipal ati ongon kipal na lida iyaru tungani iyo wei.
|
|
\p
|
|
\v 18 Kiyen ohoi jimitan tungani na lotomonu Lobanga ida osodoro kipal: lafa lotomonu Lobanga cia loriciahi inyi itongo ara na ijir manyu ida karohojani otum kisiolihino inyi.
|
|
\v 19 Kiyen jimitan kira ohoi tee kulo Lobanga manyu kiyen jimitan ongon kof fad iyo twero lo karohojani.
|
|
\v 20 Kiyen manyu kijio olotu kito lo Lobanga licio ohoi kiniang ojir kiyenare inyi na lara dede. Manyu kingoni ohoi iyo inyi na lara dede ko iyo kito nenge Yesu Kristo. Inyi lara Lobanga lo dede manyu warun na losio tur.
|
|
\v 21 Tee kuna lamaru itoric kenite iyo lopidingahin.
|