See in Reader
82 lines
9.2 KiB
Plaintext
82 lines
9.2 KiB
Plaintext
\id 2PE
|
|
\ide UTF-8
|
|
\h 2 Petero
|
|
\toc1 2 Petero
|
|
\toc2 2 Petero
|
|
\toc3 2pe
|
|
\mt 2 Petero
|
|
\c 1
|
|
\cl Kingutit 1
|
|
\p
|
|
\v 1 Nan Saimon Petero karwaani ko jayo lo Yesu Kristo. Iyo cio kuna to biran lo Lobanga niyang ko kalwahani niyang Yesu Kristo lorumu kiruk na idwaru iya niyang.
|
|
\p
|
|
\v 2 Ingohi kisa ko kisiliban ifut iyo ite to yenun lo Lobanga ko lo Yesu Lahitok niyang.
|
|
\v 3 Licio golun nenge ohoi sangite fad kuna lewak ohoi to warun ko biran niyang to yenun niyang inyi na lilolongu ohoi to deyo ko jiran nenge.
|
|
\v 4 Tone licio inyi ohoi ciharu nenge na hitok ojir ara iyo icieng ohoi kingar koditi nenge lo Lobanga manyu kifur iyo muraru lo kof na liyauno wahun na irohoi.
|
|
\v 5 Tone tenya totem bebe sodohino jiran iyo kiruk nino, manyu iyo jiran tosodohi yenun,
|
|
\v 6 manyu iyo yenun tosodohi rica lo ken, manyu iyo rica lo ken tosodohi dihan, manyu iyo dihan
|
|
\v 7 tosodohi warun lo Lobanga, manyu iyo warun lo Lobanga tosodohi kibaya lo tau iyo recera, manyu iyo kibaya lo tau iyo recera tosodohi kimaruno.
|
|
\v 8 Tonyio kalingon ite ko kuno sangite fad manyu osodoro ketemoni to warita kuningi, kilwak cia ite ida kilanyu kitiyo iyo yenun lo Lahitok niyang Yesu Kristo.
|
|
\v 9 Ati tungani na lida otehita icieng, ongodo manyu ida odeya otoc manyu loluluoro jimitan kilalari afa inyi iyo warun na irohoi lo kipal.
|
|
\v 10 Tona recera, igeriati bebe lo kitibotuno kilolongo ko nyumuno ningi. Tonyio kalitiyo ite kuno sangite ida ite itum uroro.
|
|
\v 11 Oto cia kifotuni ite iyo okabwe na ibara na losio tur lo Lahitok ko kalwahani niyang Yesu Kristo.
|
|
\p
|
|
\v 12 Tona atiiunita mute nan ite kuno sangite kileng liyen ite manyu kileng ligurohino ite otoc iyo tenya lo dede na jijia litehita ite.
|
|
\v 13 Aiiyo nan jimitan ojir kitikwenyunita kibuha ningi kolorihe nan angon iyo ene ken ene kof
|
|
\v 14 tonyio ayen nan ajo lolelek nan angerihi ene kof iya lafa lerihohinore Lahitok niyang Yesu Kristo nan.
|
|
\v 15 Atem cia nan to kikohin fad lo deya jimitan kileng mute ngaru nan itum ite iiunita kuno sangite.
|
|
\v 16 Ida afa ohoi kijifita tenyi tenyi kuna loguliuni to genyun lo cio pafar lerihohinore ohoi ite golun ko lotuno lo Yesu Kristo ati ohoi afa sadeni kuna lodeu obolore nenge.
|
|
\v 17 Tonyio orumu inyi rima ko kwatun iyo Lobanga Apa na lolotunore ogoro iyo inyi to obolore lo kai na lojio, “Kito nitole ene na lamaru nan to inyi akwama nan bebe”.
|
|
\v 18 Ohoi to kenite lening na ogoro lolotu to kai lafar lengonore ohoi ko inyi kai lo donge na inyu.
|
|
\v 19 Manyu kingoni ohoi ko tenyi tenyi kulo kamocak kuna lobehi, manyu itii cia ite ara na ijir kalifik ite taulo iyo icieng, iya na lefihare taulo iyo wangun na linwaha kangeriti lo kiwanyi katwa lo taulo kuningi.
|
|
\v 20 Na lilany fad, ojir ite iniang jimitan oru kimoca lo igeriti na lolotu to kitibibila lo kamocani to ken nenge.
|
|
\v 21 Tonyio ida imociti oreu iyo wahun lo tungani. Ati otenya cio tenya lo Lobanga iya na lolotitare okorif na Inyu icieng.
|
|
\c 2
|
|
\cl Kingutit 2
|
|
\p
|
|
\v 1 Ati ongoni manyu afa kamocak kuna italeri kiji lo cio iya na many cie longonore katiyenak kuna italeri kiji ningi. Iciahi cia kiyauno itiyeniti kuna litisara manyu oberuni obolore lo Lahitok na linyiang icieng iyauno keroro deu deu iyo kenite kuneicieng.
|
|
\v 2 Ijif cia cio beciek kuna kikohin kuneicieng kulo riri manyu icio kikoi lo tenya lo dede itikaji.
|
|
\v 3 To kingaru neicieng kitimumun cia kuno katiyenak italeri ite to tenyi tenyi kuna locifu icieng. Litila ngoto lo tenya neicieng icieng many berien manyu ida keroro neicieng ogetoro.
|
|
\v 4 Tonyio kalida afa Lobanga ongerihi malaikahin kuna lipal ati ocule icieng kimatare ofihahi icieng mabusi kuna imutohi itilarihin ngoto lo tenya neicieng,
|
|
\v 5 kalida afa inyi ingohi kof afa berien liyaunore kifi iyo cio kuna loberu Lobanga ati oric Noa katitimani lo tenya lo biran ko cio mietare kuna kude,
|
|
\v 6 Kolokeru afa inyi kangite kulo Sodom ko Gomora, ocure many ara ingula ara kitotorita iyo cio kuna loberu Lobanga.
|
|
\v 7 manyu kalolwahu afa inyi Lot tungani na ibir na litiudo tic lo kibot lo cio kuna lida oningo cik
|
|
\v 8 tonyio na tungani ibir lomanya kiji neicieng orumunita kidak to faritin fad iyo okorif nenge to sangite kuna iboti kuna lodeya inyi ko kuna loningo
|
|
\v 9 kolongon ene tenya jii inyi jimitan oyen Lobanga lwahunita cio kuna ijiri iyo itemiti ko kikukuma far lo kitigema lo cio kuna irohori manyu icio icieng kitigema ten to kof.
|
|
\v 10 Ara ene dede bebe nenge to cio kuna lijifita wahita kuna irohori kulo kipal manyu itikajati obolore. Ogoli taulo kuneicieng manyu ifudati tenya neicieng manyu ida obangiti ko moro monyeri kulo deyo.
|
|
\v 11 Ati kokileng lilany malaikahin icieng to golun ko genyun ida omoroti kaliyauno kidoro kenite kuneicieng ketemoni lo Lahitok.
|
|
\v 12 Ati omoro kuno cio Lobanga to tenyi tenyi kuna lida kileng icieng oyen. Ori kuna cio iya tyangi kuna lida ogenyi kuna manyu lijifita koditi na lotomonunorehin icieng na lotomonuni icieng ara kulo kiniefa ko kifada manyu iya tyangi okeroro manyu mute icieng.
|
|
\v 13 Odumi cia icieng to rohojun to rohojun na litii icieng. Ara kibuha neicieng lo kwama, kiyada ko kwenita to kiji lo far. Ara icieng kapapalak kulo kof ko kapapalak kulo jiran, opufati iyo kwama neicieng kolodahati ko ite karama.
|
|
\v 14 Otahita konyeha kuneicieng ngorwo kulo kiya. Ida oniamati tahita kikohin kulo kitiyo kipal. Oloha icieng owici kulo kiniefa cio kuna lilorita kweci arus. Ara icieng cio kuna lilany iyo kingaru lo robia, manyu ara icieng kulo okoto na lificiori.
|
|
\v 15 Longerihini kikoi na ibir logerari kijifita kikoi lo Balam kito lo Beor na limaru kidumita kulo kipal.
|
|
\v 16 Ati iriengi inyi to kipal nenge, na lara sigiria, tiang na lida otenya oteny to ogoro lo tungani irieng kimininga lo kamocani.
|
|
\v 17 Ara kuno cio karecio itibihin kuna loru kifi ko lokidihisa na lokuta kiyoma. Ikukumahini lokimuyuk na imutok to icieng.
|
|
\v 18 Otenyati tenyi tenyi kuna hitoha kulo pufa itinonongarihin cio kuna lofuru to kiji lo cio kuna lomanya arus arus iyaru manyu icieng iyo ticitici kuna irohori kulo wahun lo kenite.
|
|
\v 19 Ociharu icieng lo kicwara kuna cio manya lo lanyuno lo kenite kuneicieng ake ati icieng to kenite ara opihin kulo tohi na lipapala icieng tonyio ara tungani opi lo tohi na lolanyu ken nenge.
|
|
\v 20 Kolofur icieng iyo kipalaru lo kof to yenun Lahitok niyang Yesu Kristo oto hati ofwori ari iniefiti iyo kipalaru lo kof oto icieng ipalaru to lohicungi ilany afa ketemoni.
|
|
\v 21 Orumu ngojir iyo icieng ngara afa ida oyeniti kikoi lo biran, ilany yenun oto hati ibelihi korwonga iyo cik na inyu nafa liciorihini icieng.
|
|
\v 22 Otumohino iyo icing kitidafi na lojo, “Oite ikure kidiela tohi na losieu inyi” ko na lojo, “Iborok na lilala oitohi kifofoda iyo todohai”.
|
|
\c 3
|
|
\cl Kingutit 3
|
|
\p
|
|
\v 1 Morot kunei kuna lamaru, ara ene waraga nei lo are iyo ite. Ager nan icieng fad lo kitiiunita ite lo kibuha ara na ijir.
|
|
\v 2 Awak nan ite iiu tenyi tenyi kulafa loteny kamocak kuna inyuji afa berien ko ciha lafa licio Lahitok ko kalwahani niyang ara iyo jayona kuningi.
|
|
\v 3 Ketemoni ojir ite iniang jimitan iyo faritin kulo lohicungi ofwonu mute kangalak ingalati manyu ijifitati wahita kunicieng kuna irohori.
|
|
\v 4 Idimati cia jimitan aji ongon inyi ene lotuno afa locik inyi? Many afa loweyare monyeri kuniyang orihe sangite iwasihi many afa to lohiciahi lo kof.
|
|
\v 5 Ati oluluhini ara lati jimitan many to lohiciahi oduho afa kai ko kof to tenya lo Lobanga to kenite kulo kifi manyu to kifi.
|
|
\v 6 To kuna kifi manyu okerunorihin afa kof lo berien.
|
|
\v 7 Tona tenya bito lo Lobanga ene kof lo jijia ko kai oricahini ara lo curare to kima, ikukumahini to far lo ngoto lo tenya ko keruno lo cio kuna lida oningo Lobanga.
|
|
\p
|
|
\v 8 Ati keluluoro ene tohi bito morot kuna lamaru; iyo Lobanga ori far Lobito iya karihin alif Lobito ari manyu karihin alif Lobito iya far Lobito.
|
|
\v 9 Ida Lobanga odidi kitifuta ciharu nenge iya na libuhare kude didijon. Idonyo inyi tau to ite ida owak lobo to kiji ningi ori ati owak inyi cio fad ofwonu iyo kirwo lo kipal.
|
|
\v 10 Ati olotu mute far lo Lobanga iya kakokoni. Orii mute kai to kigurita; okeruni mute sangite fad to kima manyu kof ko sangite fad kuna longoni olwa mute oleng.
|
|
\v 11 Naha kalokeruni mute sangite fad jii, ojir ite ira cio kuna lori aja? Ojir ite iwar warun lo nyujon ko rima Lobanga,
|
|
\v 12 iya na litilare ite far lo Lobanga manyu iruk lotuno nenge. Iyauno mute na far keruno lo kai to kima manyu ocular mute sangite to nohun.
|
|
\v 13 Ati iyo to ciha nenge kitila ohoi kai ngejuk ko kof ngejuk, kang lo biran
|
|
\p
|
|
\v 14 Dong morot kuna lamaru, iya na litilare ite kuno tenyi tenyi, itotem to golun fad lo kitongo oru kipal oru lobo tenya irohoi lotenyati kenite kuningi kuningi manyu iyomo ko inyi.
|
|
\v 15 Itofik kweci jimitan ara kidonyo lo tau lo Lobanga lwaha iya na ligerore manyu rece niyang Paul iyo ite to genyun na licio Lobanga inyi.
|
|
\v 16 Igero inyi tona kikoi bito iyo waragahin kunenge fad manyu otenya to icieng kuna waragahin inyi na tenya bito. Ongon waragahin kunenge tolobo ko tenyi tenyi kuna logol yenun nenge, kuna lodumu cio kalunyiak itiyore lo kikoi na lida obehi iya na litiyorihin igeriti kuna kude lo keruno kenite kuneicieng.
|
|
\v 17 Dong morot iya na liyenare ite jii, iririati kenite ojir ida kitigerari to talerun lo cio kuna lida ijifita cik kitiurori to faji ningi na ijir.
|
|
\v 18 Ati itoboloroti iyo kisa ko genyun lo Lahitok ko kalwahani niyang Yesu Kristo. Ingohi deyo tongon iyo inyi jijia ko faritin fad. Amen.
|