See in Reader
42 lines
2.6 KiB
Plaintext
42 lines
2.6 KiB
Plaintext
\id PHM
|
|
\ide UTF-8
|
|
\h Pilimon
|
|
\toc1 Pilimon
|
|
\toc2 Pilimon
|
|
\toc3 phm
|
|
\mt Pilimon
|
|
\c 1
|
|
\cl Kingutit 1
|
|
\p
|
|
\v 1 Nan Paul mabusoni lo Kristo Yesu ko Timoti rece niyang. Diho Pilimon morte niyang na lohimaru ko katiyoni kaletoni niyang
|
|
\v 2 diho Appia kanece niyang, diho Arcippas asegereni kaletoni niyang, manyu diho kanisa na lotubitita kalingi.
|
|
\p
|
|
\v 3 Kisa ko kisiliban na lolotu iyo Lobanga Apa niyang ko Lahitok Yesu Kristo.
|
|
\p
|
|
\v 4 Akwamitita nan Lahitok Lobanga kalabuhunita isi iyo kilifa nei tik tik,
|
|
\v 5 tonyio aningo nan kiruk nino iyo Lahitok Yesu ko kimaruno nino cio kulo Lobanga fad.
|
|
\v 6 Alifa nan jimitan ojir isi ingara kiruk nino to kirunga ojir irumu kinianga na ifut lo sangite kuna ijiri pili kuna lohingonore ohoi iyo Kristo.
|
|
\v 7 Lohicio kimaruno nino nan kwama nahitok ko kitigolo lo tau tonyio itikwe isi taulo kulo cio kulo Lobanga rece.
|
|
\p
|
|
\v 8 Tona kileng ngocam diho nan iyo Kristo to rihohino isi tohi na lojir isi itii,
|
|
\v 9 ati alelia nan diho isi to kimaruno. Dong nan iya Paul ngoroyoni na manyu jijia lara mabusoni lo Kristo Yesu
|
|
\v 10 alelia nan diho isi to kito nei Onesimas, na lolotu ara kito nitole to katwa lo mabus.
|
|
\v 11 Loru afa faida nenge dihosi ati jijia lara inyi lo faida nahitok ida ara dihosi ake ati ko diho nan manyu.
|
|
\v 12 Aculuno nan inyi na lara lo tau nei lo ituno dihosi.
|
|
\v 13 Orumu nan kidam kitongo ko inyi ene ojir kilwak nan ara faji nino orihe nan angon mabus to kititima layomit na ijir.
|
|
\v 14 Ati ida nan awak kitiyo lobo tohi ida hati isi iruk ojir tohi na litiyo isi owoju to tau nino ida ara na lohifudahini isi ara kifudahino.
|
|
\v 15 Kuya tohi na licio inyi kikorare ko isi orumu ara na lojir oitunore dihosi tur,
|
|
\v 16 ida dong ara opi ati na logal opi ara rece na limaru. Amaru nan inyi bebe ati imaru isi inyi ogal ara katiyoni nino manyu ara rece iyo Lahitok.
|
|
\v 17 Dong kalirima isi nan manyu ideya nan ara katiyoni kaletoni nino, ifotu inyi iya na ngifotunore isi nan.
|
|
\v 18 Kalitii afa inyi lobo tohi irohoi iyosi kode kolongon lobo mongiyo nino lotehita inyi igerohi kwe nei.
|
|
\v 19 Nan Paul to ken lagero ene to kana nei, adum cia nan ida hati nan atenya jimitan ingon isi ko mongiyo lo ken nino token.
|
|
\v 20 Akodomo nan rumuno lobo faida iyosi rece iyo Lahitok, itirobia tau nei iyo Kristo.
|
|
\p
|
|
\v 21 To kigeno iyo ningoro nino, agero nan dihosi to yenun jimitan itii cia isi ogal na latenya nan.
|
|
\v 22 Ongon manyu Lobito tohi: Ikukumahi kaji lo welo to nan tonyio ageno nan jimitan kinyiahuni cia nan dihote to kilifa ningi.
|
|
\p
|
|
\v 23 Epapras mabusoni kaletoni nei to Yesu Kristo kifonyo isi,
|
|
\v 24 iya na lofonyore Mark, Aristokas, Demas ko Luka katiyok kaletok kunei.
|
|
\p
|
|
\v 25 Kisa lo Lahitok niyang Yesu Kristo ongon ko okorif nino.
|