See in Reader
70 lines
6.0 KiB
Plaintext
70 lines
6.0 KiB
Plaintext
\id 2TH
|
|
\ide UTF-8
|
|
\h 2 Tesolonika
|
|
\toc1 2 Tesolonika
|
|
\toc2 2 Tesolonika
|
|
\toc3 2th
|
|
\mt 2 Tesolonika
|
|
\c 1
|
|
\cl Kingutit 1
|
|
\p
|
|
\v 1 Paulo, Sailas ko Timoti. Diho kanisa lo cio kulo Tesolonika kuna longoni iyo Lobanga Apa niyang ko Lahitok Yesu Kristo.
|
|
\p
|
|
\v 2 Kisa ko kisiliban diho Lobanga Apa ko Lahitok Yesu Kristo kingon kote.
|
|
\p
|
|
\v 3 Kicam kwama Lobanga tik tik tote recera manyu otumohino tonyio omoloro kiruk ningi osodoro iya ketemoni, manyu osodoro kimaruno ningi to kenite iya ketemoni.
|
|
\v 4 Tona to kanisahin kulo Lobanga fad kipufare ohoi dihan ko kiruk ningi iyo kitigema fad na lingon ite diha.
|
|
\v 5 Itotoro kuna fad jimitan obehi ngoto lo tenya lo Lobanga manyu iyo kuna fad kikeni ite ara cio kuna locam to okabwe lo Lobanga na lingon ite dihare kidak.
|
|
\v 6 Obir Lobanga, odumahi mute inyi kidak iyo cio kuna lohicwara ite kidak.
|
|
\v 7 kicio ite kuna lirumu kidak jijia kiyoma kohoi fad. Itiihino mute ene kaloboto Yesu to kai to kima na iyarat ko malaikahin kunenge kuna igoli.
|
|
\v 8 Itigem mute inyi cio kuna lida oyen Lobanga ko kuna loberu ningo layomit lo Lahitok niyang Yesu Kristo.
|
|
\v 9 Itigemi mute icieng to wei na lida icung manyu igenori oleng to ketemoni lo Lobanga ko to golun lo obolore nenge.
|
|
\v 10 To far na mute lolotunore inyi kitotoro deyo nenge to ketemoni lo cio kunenge kuna inyuji ojir cio pili kuna liruk odeu. Ara ene ko ite ara Lobito tonyio ite afa liruk kisaden na lohitul ohoi dihote.
|
|
\v 11 Ko kuno tenyi tenyi to taulo kuniyang, kilifa ohoi tote tiktik jimitan ojir Lobanga niyang kiken ite ara cio kuna locam to kilolongo, manyu to golun nenge itifut tenyi tenyi kuna ijiri fad tote ko ticitici fad kuna lofwonu to kiruk ningi.
|
|
\v 12 Kilifa ohoi jii ojir karana lo Lahitok niyang Yesu itikwati iyo ite manyu ite iyo inyi iya na longonore kisa lo Lobanga niyang ko Lahitok Yesu Kristo.
|
|
\c 2
|
|
\cl Kingutit 2
|
|
\p
|
|
\v 1 To tenya lo lotuno lo Lahitok Yesu Kristo ko tubaru niyang diho inyi recera kirihohi ohoi ite jimitan.
|
|
\v 2 kerienya to kude tenyi tenyi kulo kimoca kode lobo waraga lojimi ohoi lohiger ojo lolotu far lo Lahitok.
|
|
\v 3 Kecio lobo tungani kitinonong ite to lobo kikoi keken tonyio ida mute nafar olotu many kaliciaha kijoria manyu langun loboto tungani kagilani lo cik, tungani na lifadaroti mute.
|
|
\v 4 Itongo mute inyi ara na litiboloro ken nenge manyu itipeha lobo tohi ijir keken manyu ofik ken nenge ojo inyi lobanga ida oyen Lobanga manyu ofik ken jimitan ojir kiworati inyi ara Lobanga.
|
|
\v 5 Ida ite ibuhu jimitan lafa langonore nan kote ahirihohi afa nan ite kuno tenyi tenyi?
|
|
\v 6 Manyu jijia iyen ite tohi na lorihe itiho inyi, ara jimitan ojir itibotunorihin mute inyi to tik na locam.
|
|
\v 7 Tonyio ilitit lo golun lo gila lo cik jijia longon kitiyo ati orihe katihoni nenge ongon many mute kolodumari inyi to ketemoni nenge.
|
|
\v 8 Oto dong kagilani lo cik ko boto na mute lolotu Lahitok Yesu ifade to ofuu lo kutuk nenge ko to kimedek lo lotuno nenge.
|
|
\v 9 Ongon mute lotuno lo kagilani lo cik ara Lobito ko tic lo sitan na cia loboto iyo tanguhin kulo talerun ko sangite kulo ticitici kuna litirima.
|
|
\v 10 ko sangite kuna irohori kode kuna litinonongarihin cio kuna lorijoro. Ori icieng tonyio ida icieng owak kimaruno tenya lo dede na ngorumunore icieng lwaharu.
|
|
\v 11 Tona tenya oculahi Lobanga icing tau lo talerun ojir iruhi kitinononga
|
|
\v 12 ojir ongotohinorehin icieng fad wei icieng cio kuna lida iruk tenya lo dede kuna lokwama tenyi tenyi kuna irohori.
|
|
\p
|
|
\v 13 Ati kiwak kwama Lobanga tote recera kuna lohimaru Lahitok tonyio many to lohiciahi kinyumu Lobanga ite ojir ilwaharu to tic lo kitinyujo lo Okorif manyu to kiruk ningi tenya lo dede.
|
|
\v 14 Kilolongu inyi ite to layomit na ijir niyang ojo ojir ingar deyo lo Lahitok niyang Yesu Kristo.
|
|
\v 15 Dong jijia recera itiwoitati igoli manyu iniefata kitiyena lafa lohicio ohoi ite kode to tenya lo kutuk kode waraga.
|
|
\p
|
|
\v 16 Ingohi Lahitok niyang Yesu Kristo to ken ko Lobanga Apa niyang na lohimaru ohoi na lohicio ohoi kitigolo lo tau na isio ko kigeno na ijir to kisa nenge.
|
|
\v 17 itigol taulo kuningi manyu itigol ite iyo kikohin kuna ijiri ko tenyi tenyi kuna ijiri.
|
|
\c 3
|
|
\cl Kingutit 3
|
|
\p
|
|
\v 1 Lohicungi recera ilifati tohoi jimitan ojir tenya lo Lahitok isarihi deu deu to rima iya lafa litiihinore iyo ite.
|
|
\v 2 Manyu ilifati jimitan ojir kilwahuni ohoi iyo cio kasaruok, cio kuna irohori tonyio ida cio fad iruk.
|
|
\v 3 Ati igenoro Lahitok manyu kitigol cia ite manyu kiric iyo karohojani.
|
|
\v 4 Kingoni ohoi ko kigeno iyo Lahitok jimitan itiyo ite manyu isodoro cia kitiyo kunafa sangite lohicik ohoi.
|
|
\v 5 Ingohi Lahitok torihe taulo kuningi iyo kimaruno lo Lobanga ko ketemoni lo Kristo.
|
|
\p
|
|
\v 6 To karana lo Lahitok Yesu Kristo kiciha ohoi ite recera jimitan ingadata to ken lo tungani na lojo inyi rece okaru hati ida hati omanya ijifita tenyi tenyi kulafa lohitiyenare ohoi ite.
|
|
\v 7 Tonyio iyen ite tokenite koditi na ngijifitare ite manya na lohitotor ohoi. Ida afa ohoi kikaruha lafar lohimanyare ohoi kote.
|
|
\v 8 Manyu ida afa ohoi kinyia daha lo lobo tungani ida kidum. Ati kitiyo afa ohoi karwe ko far kitiyo to kirunga fad ojir ida kiticun lobo tungani to kiji ningi,
|
|
\v 9 kitiyore ohoi jii ida ara jimitan ida orumu ohoi kicam to lwaha ati kiwak ohoi kitotorohi ite kikoi na ngijif ite.
|
|
\v 10 Tonyio kileng afa lohingoni ohoi kote kicio afa ohoi ite ene cik jimitan, “kalida tungani itiyo ojir ida odaha”.
|
|
\v 11 Kining ohoi ojo isabita kude to kiji ningi. Ida icieng ara katiyok ara icieng kasabitak.
|
|
\v 12 Kiciha ohoi kuna cio to kilelia diho icieng to Yesu Kristo ojir itongohinoti itiyoti orumunorehin daha na lodaha icieng.
|
|
\v 13 Dong to ite recera keniama kitiyo ticitici kuna ijiri.
|
|
\v 14 Kalida lobo tungani oning kisinga niyang iyo ene waraga itode inyi otoc. Kelihita konyi ojir riri odahahi.
|
|
\v 15 Ati ketirak inyi ara meroni ati itisony inyi iya rece.
|
|
\p
|
|
\v 16 Jijia ingohi Lahitok lo kisiliban to ken nenge kicio ite kisiliban faritin fad manyu to kikohin fad. Ingohi Lahitok kingon kote fad.
|
|
\v 17 Nan Paul token lagero ene fonyo diho ite to kana nei, na lara kiyenita lo waragahin kunei. Koditi lo kigero nei ene.
|
|
\v 18 Kisa lo Lahitok niyang Yesu Kristo kingon kote fad.
|