See in Reader
123 lines
11 KiB
Plaintext
123 lines
11 KiB
Plaintext
\id 1TH
|
|
\ide UTF-8
|
|
\h 1 Tesolonika
|
|
\toc1 1 Tesolonika
|
|
\toc2 1 Tesolonika
|
|
\toc3 1th
|
|
\mt 1 Tesolonika
|
|
\c 1
|
|
\cl Kingutit 1
|
|
\p
|
|
\v 1 Paul Sailas ko Timoti. Diho kanisa lo cio kulo Tesolonika kuna longoni iyo Lobanga Apa ko Lahitok Yesu Kristo. Ingohi kisa ko kisiliban tongon diho ite.
|
|
\p
|
|
\v 2 Kikwama ohoi Lobanga tote pili to kiletohita ite iyo kilifa niyang.
|
|
\v 3 Kitiringa ohoi kiiunita to ketemoni lo Lobanga Apa niyang tic ningi na liyauno kiruk ko kirunga ningi na liyauno kimaruno ko kidonyo lo taulo kuningi na liyauno kigeno iyo Lahitok niyang Yesu Kristo.
|
|
\v 4 Tonyio recera kuna lohimaru Lobanga kiyen ohoi jimitan lohinyumu inyi ite
|
|
\v 5 tonyio ida layomit na inyu niyang olotu diho ite to tenya keken ati to golun manyu to Okorif na Inyu manyu ko kitigoolo lo tau. Iyen ite koditi lafa lohitongore ohoi kiji ningi tote.
|
|
\v 6 Lira afa ite katetemak kuniyang ko kulo Lahitok kileng lirumu kidak ifotu afa ite layomit to kwama na licio Okorif na Inyu.
|
|
\v 7 Lifwonu afa ite ira kitotorita to Masedonia ko Akaia
|
|
\v 8 Okwataru tenya lo Lobanga diho ite ida afa ara Maedonia ko Akaia keken loningoro kiruk ningi iyo Lobanga fajihit fad. Tona ida manyu ohoi kirihe kitenya lobo tohi.
|
|
\v 9 tonyio otenya icieng to kenite koditi na lohifotunore ite ohoi. Otenya icieng koditi lafa libelore ite iyo lopidingahin kiwora Lobanga na iwar lo dede,
|
|
\v 10 ko kitila kito nenge lotuno to kai lafa litibuhu inyi to kiji lo kaweyak Yesu na lohilwahu ohoi iyo awo na lolotuno.
|
|
\c 2
|
|
\cl Kingutit 2
|
|
\p
|
|
\v 1 Recera iyen ite jimitan ida afa waja niyang ite ara lo arus.
|
|
\v 2 Iya na liyenare ite lohitigemi manyu kimori ohoi to Pilipi ngole tang ati to lwaha lo Lobanga niyang lohititim ohoi layomit na ijir iyo ite kileng lobolo peha noo.
|
|
\v 3 Tonyio ida tenya na lohititima ohoi diho ite ara kitinononga kode na lolotu iyo taulo kulo kitimumuna, kode kiwak kitigulunya ite.
|
|
\v 4 Ati kitenya ohoi iya cio kuna lonyumu Lobanga kuna litifahi to layomit na ijir. Ida ohoi kitikwama cio ati kitikwama ohoi Lobanga na lotema taulo kuniyang.
|
|
\v 5 Iyen ite jimitan ida ohoi kitinononga kode kitiyore laba lo kiduha kingaru niyang. Ara Lobanga saden niyang.
|
|
\v 6 Ida orumu ohoi kitahita maja to kutuhe kulo cio, kode to kutuhe kuningi kode kulo kude cio. Iya jayona kulo Kristo ji ohoi kiticuna ite,
|
|
\v 7 ati kiriejiha afa ohoi to kiji ningi iya iyang na loria tee kunenge kuna sidiha.
|
|
\v 8 Kimaru orumu ohoi ite bebe kifwonunore ngara ko ite ida ara layomit na ijir keken ati ko warita kuniyang fad, tonyio lolotu lofere ningi ogol bebe diho ohoi.
|
|
\v 9 Iyen ite recera iya na libuhare tic ko kidak na lohirumu ohoi iya na lohitiyore afa karwe ko far ojir ida kiticun lobo tungani kolohititima tenya lo Lobanga diho ite.
|
|
\v 10 Ira ite ko Lobanga sadeni lo nyujon, biran ko jiran niyang iyo ite kuna liruk lafar lohimanyare kiji ningi.
|
|
\v 11 Tonyio iyen ite koditi lafa lohitiyore ohoi kote tolobito tolobito iya na litiyore monye ko tee kunenge,
|
|
\v 12 kitigolo taulo, kitirobia taulo ko kisinga lo manya iya na locam to cio kulo Lobanga na lohilolongu ite iyo okabwe ko deyo nenge.
|
|
\p
|
|
\v 13 Manyu kikwama ohoi Lobanga to faritin fad tonyio kalifotu afa ite tenya lo Lobanga na lining ite iyo ohoi, ida ite ifotu mejo tenya lo cio ati iya tenya nenge lo Lobanga na jijia longon kitiyo iyo kenite kuningi ko lo cio kuna liruk.
|
|
\v 14 Tonyio lifwonu ite recera ira katetemak kulo kanisa lo Lobanga na longon Judea kuna longoni iyo Kristo Yesu: Irumu ite kidak iyo cio kulo kof ningi iya na lorumunore kunu kanisahin kidak iyo Judeahin;
|
|
\v 15 kulafa lifade Lahitok Yesu ko kamocak manyu kuna lohifuhu ohoi. Ida icieng itikwama Lobanga manyu itirijoriati cio pili
|
|
\v 16 Iyo tic neicieng na lowaharihin kitiho ohoi to fwonuno kitiyo iyo misiok ojir manyu icieng orumahi lwaha. Iyo na tic neicieng ongon icineng kifuro kipalipali kuneicieng many lohicungi. Lolotu kilongo lo Lobanga kenite kuneicieng to lohicungi.
|
|
\p
|
|
\v 17 Ati recera kolohikora afa ohoi to kenite jia ida ara to taulo kote to kude faritin kuting, obolo gere jijia diho ohoi lo fwonuno deya komoma kuningi ari.
|
|
\v 18 Tonyio kiwak orumu ohoi dede fwonuno diho ite, nan Paul latem nan kakeny ati kitik sitan ohoi.
|
|
\v 19 Kode, nyio kigeno niyang, kwama niyang kode tahi niyang na mute lohideyore to ketemoni lo Lahitok niyang Yesu Kristo kololotu? Ida ite?
|
|
\v 20 Dede ite lira deyo ko kwama niyang.
|
|
\c 3
|
|
\cl Kingutit 3
|
|
\p
|
|
\v 1 Dong kolohideu ohoi jimitan lida kitum dihan kifwonu dong kijo ojir dong re kitongo ake Asiens.
|
|
\v 2 Kiculu ohoi Timoti na lara rece niyang na lohimaru ko katiyoni kaletoni niyng iyo Lobanga to kititima layomit na ijir lo Kristo lolotuno kisinga ko kitigolo kiruk ningi.
|
|
\v 3 ojir lobo tungani ida oiha tau to kuna kitemiti. Iyen ite otoc jimitan sangite kuna longoni kikoi lo kiruk niyang kuna.
|
|
\v 4 Manyu to kunu faritin afa lohingonore ohoi kote, kitiringa manyu afa ohoi tenya diho ite jimitan kitigemi mute ohoi. Inyi na litiihino iya lafa lohitenyare iya na liyenare ite.
|
|
\v 5 Tona tenya lafa ladik nan kwiik aculunore nan tungani lo lotuno yenun kiruk ningi. Orumu nan audo jimitan ngolotu ha kalabani kilab ite oto cia tic niyang ara lo arus.
|
|
\v 6 Ati orihe Timoti ogoruno ene iyo ohoi tijia dihote iyauno layomit na ilem lo kiruk ko kimaruno ningi. Kirihohi inyi ohoi ojo ibuha ite ara na ijir tohoi manyu ojo igeria ite deya ohoi iya na lohigeriare ohoi deya ite.
|
|
\v 7 Tona recera iyo kidak ko kiudo niyang fad lofwonu taulo kuniyang ogoli to ite ko to kiruk ningi.
|
|
\v 8 Dong jijia lohiwari ohoi kaliwoita ite to golun diho Lobanga.
|
|
\v 9 Tona, nyio ba ngohikwamare ohoi Lobanga tote to kwama na hitok na lohicio inyi ohoi to ketemoni nenge tote?
|
|
\v 10 Karwe ko far kilifa ohoi to golun jimitan ngohideu ite ari lo kicwara ite tohi na longoromahino to kiruk ningi.
|
|
\p
|
|
\v 11 Jijia ingohi Lobanga Apa niyang to ken ko Lahitok Yesu Kristo tofie kikoi kifwonunore ohoi diho ite.
|
|
\v 12 Ingohi Lobanga icio kimaruno ningi osodoro manyu itihita to kiji ningi ake ake ko to cio kulakude fad iya na litihitare kimaruno niyang tote.
|
|
\v 13 Ingohi inyi itigol taulo kuningi ojir itongo ara kuna ijiri ko kuna inyuji to ketemoni lo Lobanga Apa niyang kololotu Lahitok niyang Yesu Kristo ko kanyujok kunenge to far lo lohicungi
|
|
\c 4
|
|
\cl Kingutit 4
|
|
\p
|
|
\v 1 Lo lohicungi recera, kirihohi afa ohoi ite koditi lo manya na ngitikwamare ite Lobanga iya na limanyare ite jijia. Jijia kirihohi ohoi ite ko kilelia diho ite iyo Lahitok Yesu, lo sodoro iya ketemoni ko koditi lona manya.
|
|
\v 2 Tonyio iyen ite kisinga nafa lohisingare ohoi ite iyo Lahitok Yesu.
|
|
\v 3 Ara wahun lo Lobanga jimitan ojir kitinyuji, jimitan ojir ite ingohi ticitici kulo somun
|
|
\v 4 jimitan ojir ite tolobito tolobito iric kenite kuningi to kikoi lo nyujon ko rima
|
|
\v 5 ida ara to wahun na irohoi iya na litiyore cio kulo kof, kuna lida oyen Lobanga
|
|
\v 6 manyu keco tungani itii na irohoi diho rece kode itimumun inyi. Itigem mute Lobanga cio ko koditi kulo kipalipali kuna lori iya kuna iya na afa lohirihohinore manyu kisonyare ohoi ite.
|
|
\v 7 Tonyio ida Lobanga kilolongu ohoi iyo manya lo kibot ati kitongo warun na inyu.
|
|
\v 8 Tona na loberu ningo ene kisinga irumu ida oberu ningo tungani ati Lobanga na lohicio ite Okorif nenge.
|
|
\p
|
|
\v 9 Dong to tenya lo kimaruno to kiji ningi iya recera ida ohoi kirihe kigero iyo ite tonyio lohising afa Lobanga ite to kenite tenya lo kimararu.
|
|
\v 10 Ojo manyu iyo tenya lo dede imaru ite recera to kof lo Masedonia fad ati orihe ohoi kisinga ite recera jimitan ito sodoroti ketemoni.
|
|
\v 11 Icwara itongo ara wahun ningi manya manya to riejun, ko kibuha tohi na liwak isi ko kitiyo to kac kunino iya lafa lohitiyenare ohoi ite.
|
|
\v 12 ojir manya ningi lo tik tik ilolongu cio kuna lorihe ongoni oleng manyu icio ite ida igeno warun to kac kulo cio.
|
|
\p
|
|
\v 13 Recera ida nan awakite itongo to lunya iyo tenya lo cio kuna lowei manyu ida itoyio iya cio kuna kude kuna loruko kigeno.
|
|
\v 14 Kiruk ohoi jimitan owei afa Yesu anyu ibuhu ari manyu iruk jimitan itibuhu mute Lobanga cio kuna lowei iyo Yesu fad.
|
|
\v 15 To tenya na loteny inyi Lahitok to ken kirihohi ite jimitan ohoi kuno lorihe kiwari kuna mute lorumu Lahitok, ida cia kitem iyo cio kulafa lowei.
|
|
\v 16 Tonyio olotu mute lahitok to ken nenge to kai to ogoro na ikwat manyu to ogoro lo malaika lahitok manyu to kwatun lo ture na lilolongore Lobanga. Oto cio kulafa loweiha iyo Kristo item ibuhu.
|
|
\v 17 To kifwongi, ohoi kuna iwari kuna lohirihe kingoni kitingori ara Lobito ko icieng iyo idis lofworo kitirico Lahitok iyo kiyoma. Tona kifwo kitongo ko Lahitok karihin ko karihin.
|
|
\v 18 Tona itigoloti taulo kuningi ake ake tone tenya.
|
|
\c 5
|
|
\cl Kingutit 5
|
|
\p
|
|
\v 1 Jijia recera, to tenya lo tik ko far nenge ida ohoi kitum kigero diho ite,
|
|
\v 2 Tonyio iyen ite otoc jimitan olotu mute far lo Lahitok iya kakokoni na lolotu karwe.
|
|
\v 3 Orihe cio otenya ojo, “Isiliban manyu oyomo kof” olotu mute kidak diho icieng lorunyat iya na licahare kiboria lo otomone iyo ngorwani na igar, oru mute kolobo to kiji neicieng lo fur.
|
|
\v 4 Ati ida ite ingoni iyo lokimuyuk recera, ida mute na far kiruny ite iya kakokoni na lolotu karwe.
|
|
\v 5 Ira ite fad tee kulo wangun manyu tee kulo far ida ohoi kira kulo karwe kode kulo lokimuyuk.
|
|
\v 6 Dong keco kiri iya kulakude cio kuna logetoro ati ojir ohoi kigenyi kiric kenite.
|
|
\v 7 Tonyio cio kuna logetorita, ogetorita karwe manyu kuna loruma, orumaha karwe.
|
|
\v 8 Ati iya na lohirahare ohoi cio kulo far, ngatiric kenite kifik kiruk ko kimaruno iya kitihi lo locolo manyu kifik kigeno lo lwaharu ara turubuc.
|
|
\v 9 Tonyio ida afa Lobanga kinyumu ohoi ara kuna ngohitigemi to kilongo ati lo rumuno lwaha iyo Lahitok niyang Yesu Kristo.
|
|
\v 10 Tonyio owei inyi tohoi ojir kode kiweiha kode kiwari ojir kiwar ara Lobito konyi.
|
|
\v 11 Tona itigoloto taulo manyu itiboloruti kenite ake ake iya na litiyore
|
|
\p
|
|
\v 12 Jija recera kijo ohoi ojir ite irima cio kuna litiyo bebe to kiji ningi kuna lohilanyu ite iyo Lobanga manyu kuna lohisinga ite.
|
|
\v 13 Itibang icieng bebe manyu imaruti icieng to tic. Itimanyati to kisiliban kiji ningi.
|
|
\v 14 Manyu kilelia ohoi diho ite recera jimitan itisony cio kuna kakarwak itigoloto taulo kulo cio kuna iririho itilwak cio kuna igoroha idonyoto taulo iyo cio pili.
|
|
\v 15 Kecio tungani ilenohi rohojun to rohojun ati ititem kitongo to kinyalam iyo kenite kuningi manyu iyo cio kunakude fad.
|
|
\v 16 Itikwamati faritin fad.
|
|
\v 17 Ilifati tik tik.
|
|
\v 18 Icwarati kwama to sangite pili tonyio ara na wahun lo Lobanga tote iyo Kristo Yesu.
|
|
\v 19 Ketidunye kima lo Okorif,
|
|
\v 20 ketikaj, imociti.
|
|
\v 21 Ititem sangite fad.
|
|
\v 22 Itiric kuna ijiri ingohiti tohi na irohoi.
|
|
\p
|
|
\v 23 Ingohi Lobanga to ken nenge Lobanga lo Kisiliban kitinyu ite ari ko ari. Ingohi Okorif nino tau ko ken itinyuji itilare far lo Lahitok niyang Yesu Kristo.
|
|
\v 24 Igenoro inyi na lohilolong ite manyu itii cia inyi.
|
|
\p
|
|
\v 25 Recera, ilifati to ohoi.
|
|
\p
|
|
\v 26 Itifony recera fad to kimaruha na inyu.
|
|
\v 27 Ahicik nan ite to ketemoni lo Lobanga jimitan ingohi ene waraga ikenihini recera fad.
|
|
\p
|
|
\v 28 Ingohi kisa lo Lahitok Yesu kingon kote.
|