See in Reader
130 lines
11 KiB
Plaintext
130 lines
11 KiB
Plaintext
\id COL
|
|
\ide UTF-8
|
|
\h Kolosae
|
|
\toc1 Kolosae
|
|
\toc2 Kolosae
|
|
\toc3 col
|
|
\mt Kolosae
|
|
\c 1
|
|
\cl Kingutit 1
|
|
\p
|
|
\v 1 Nan Paul jayo lo Kristo Yesu to wahun lo Lobanga ko Timoti rece liyang.
|
|
\p
|
|
\v 2 Diho recera kuna inyuji kuna ligenoro to kanisa lo Kolosae. Kisa ko kisiliban iyo Lobanga Apa kingon ko ite.
|
|
\p
|
|
\v 3 Tik tik kikwama ohoi Lobanga monye lo Lahitok niyang Yesu Kristo iyo kilifa niyang to ite,
|
|
\v 4 Tonyio lening ohoi kiruk ningi iyo Kristo Yesu ko kimaruno na lingonore ite iyo cio kulo Lobanga fad,
|
|
\v 5 kiruk ko kimaruno na lobuju iyo kigeno na likumahini to ite idi kai na lining ite iyo tenya lo layomit na Ijir,
|
|
\v 6 na lolotu iyo ite. To kofi kofi fad ongi ene layomit Inyu ngak manyu osodoro litan iya na litiyore to kiji ningi many to nu far afa liningore ite manyu iniangare kisa lo Lobanga iyo dede nenge fad.
|
|
\v 7 Ining ite ene layomit Ijir iyo Epapras karwaani kaletoni niyang na lemaru ohoi na lara katiyoni lo Kristo na ligenoro noo to ohoi
|
|
\v 8 na manyu lorihohi ohoi kimaruno ningi iyo Okorif.
|
|
\p
|
|
\v 9 Tone tenya many to far lafa leningore ohoi tenya ningi, ida ohoi kiticung kilifa to ite ko rihohino Lobanga ojir kitifut ite to genyun lo wahun nenge to genyun ko kiniang lo Okorif.
|
|
\v 10 Manyu kilifa ohoi jii ojir ite imanya manya na locam to cio kulo Lobanga manyu itikwama inyi iyo kikohin fad manyu ingi ngak kulo ticitici kuna ijiri igolohino manyu iyo yenun Lobanga.
|
|
\v 11 kitigoli to golun fad iya na longonore kilotir lo deyo nenge na licio ite woitahino ko dihan ko
|
|
\v 12 kicwara kwama iyo Apa na lonyumu ite ngara ko cio kuna inyuji iyo okabwe lo wangun.
|
|
\v 13 Tonyio lolwahu inyi ohoi iyo okabwe lo mutohun kiyauno ohoi iyo okabwe lo kito nenge na limaru inyi,
|
|
\v 14 na lara to inyi kirumu ohoi lwahuno ko launo lo kipal.
|
|
\v 15 Ara inyi iririt lo Lobanga na lida oboto, okang lo sangite kuna loduhi fad.
|
|
\v 16 Tonyio inyi loduk sangite fad sangite kuna longoni kai ko kof kuna ibotoho ko kuna lida obotoho kode segeri kulo obolore kode golun kode kalanyunok kode kabolorok oduk inyi sangite fad to inyi ko iyo inyi.
|
|
\v 17 Inyi litem ngonunu orihe sangite fad manyu iyo inyi owoita sangite fad.
|
|
\v 18 Manyu inyi kwe lo kanisa na lara ken nenge inyi lohiciahi manyu okang to kibuhuno to kiji lo kaweyak ojir inyi obolorohi sangite fad.
|
|
\v 19 Tonyio okwama afa Lobanga kicwara kifut nenge fad ongon iyo inyi
|
|
\v 20 manyu ara iyo inyi itiyomohinore sangite fad ko inyi kode sangite kuna longoni kof kode kuna longoni kai to kiyauno yomo to okoto nenge ne loiju to kuruce.
|
|
\v 21 Ilomaha afa ite ko Lobanga manyu ira merok kunenge iyo kibuha ningi to ticitici kuningi kuna irohori.
|
|
\v 22 Ati jijia litiyomohi inyi ite to ken lo Kristo to wei nenge lo kiyauno ite ira kuna inyuji to ketemoni nenge oru lobo rohojun manyu ilaharu iyo ngoto lo tenya
|
|
\v 23 kalisodoro ite iyo kiruk ningi igoli ida ingade iyo kigeno na longon iyo layomit na Ijir. Ene layomit Ijir ene lining ite na manyu lititimati iyo sangite kuna loduhi fad to fotiri lo kai na manyu larahare nan Paul karwaani.
|
|
\p
|
|
\v 24 Jijia akwama nan to kidak na lerumu to ite manyu atifuta ken nei to tohi na lorihe ongoromahino to ngati lo kidak lo Kristo to jiran lo ken nenge inyi kanisa.
|
|
\v 25 Lara nan karwaani nenge to kitifaha lo Lobanga lo kiyauno tenya nenge iyo ite ifut.
|
|
\v 26 ilitit lafa liduhari to karihin ko kofiang beciek ati jijia litibotuni iyo cio kulo Lobanga.
|
|
\v 27 Iyo icieng, lonyumu Lobanga kitibotuno iyo misiok bara lo deyo lone ilitit na lara; Kristo katwa ningi kigeno lo deyo.
|
|
\v 28 Kitulo ohoi inyi, kisinga ko kitiyena cio pili to genyun fad ojir kiyaunore cio pili ara kuna inyuji iyo Kristo.
|
|
\v 29 Manyu ko jijia angon nan kitiyo ko kifufulinga to golun nenge fad na longon kitiyo katwa lo ken nei.
|
|
\c 2
|
|
\cl Kingutit 2
|
|
\p
|
|
\v 1 Awak nan ite iyen kifufulinga nei to ite ko to cio pili kuna longoni Laudicea ko to cio pili kuna lorihe ida lohideu nan.
|
|
\v 2 Wahun nitole inyi jimitan ojir atigol taulo kuneicieng manyu imorati iyo kimaruno ojir ongoniti ko bara lo kiniang na ngicio icieng oyen ilitit lo Lobanga na lara Kristo
|
|
\v 3 na liduha bara lo genyun ko yenun fad iyo inyi.
|
|
\v 4 Arihohi nan ite kuno ojir lobo tungani ida kitinonong ite to tenyi tenyi kulo risa na lori mejo olem ida hati ara dede.
|
|
\v 5 Tonyio kileng ngaloma nan iyo ite to ken angon nan ara Lobito ko ite iyo Okorif manyu akwama deya koditi na limanyare ite tona ijir manyu itigol kiruk ningi iyo Kristo.
|
|
\p
|
|
\v 6 Dong iya na lifotunore ite Kristo Yesu ara Lahitok ningi, itosodoroti manya katwa nenge
|
|
\v 7 igur kerda iwoita ara kuna igoli katwa nenge, igolohino iyo kiruk ningi iya na afa litiyenarihin ite manyu ifut ko kwama.
|
|
\p
|
|
\v 8 Keco lobo tungani inief kweci kuningi to tenyi tenyi kulo igenyiti kulo talerun kuna lowoita iyo itidwari kulo cio kulo ene kof ida ara lo Kristo.
|
|
\v 9 Tonyio omanya Lobanga to ken nenge fad iyo Kristo.
|
|
\v 10 Manyu ifut Lobanga katwa niyang kalengoni ohoi iyo Kristo na licori obolore ko golun fad lo lanyuno kalanyunok fad.
|
|
\v 11 Iyo inyi manyu liliraru ite to pucaru koditi lo kipal ida ara to kiliraru na litii to kac kulo cio ati to kiliraru na litii Krito,
|
|
\v 12 tona lonuhahinorihin konyi iyo kibatisa manyu kitibuhuni ko inyi iyo kiruk ningi to golun lo Lobanga na litibuhu inyi to kiji lo kaweyak.
|
|
\v 13 Afa kaliweiha ite iyo kipalipali kuningi ko iyo koditi lo kipal na longon kenite kuningi, kicio Lobanga ite iwari ko Kristo. Olau inyi kipali pali kuniyang fad,
|
|
\v 14 na longotore inyi igeriti kulo cik ko cihicihi kunenge fad kulafa litiho ohoi odume inyi pili iyo ohoi to gurohino icieng fad iyo kuruce.
|
|
\v 15 Manyu odume golun iyo kalanyunok kulo ene kof fad ko kitidahahino icieng riri to kuruce.
|
|
\p
|
|
\v 16 Inyi lajo nan, keco lobo tungani ongotohi isi tenya to tohi na lidaha kode imata isi kode tolobo karama lo dini kode lo ofa ngejuk kode sabit.
|
|
\v 17 Itongo afa kuno ara okorif lo tohi na lolotuno, orumuno dede nenge iyo Kristo.
|
|
\v 18 Keco lobo tungani na lorie riejun lo talerun kode na liwora malaikahin kitik ite rumuno faida. Ititima na tungani tenyi tenyi beciek kuna lodeu inyi opufare inyi sangite kuna lida ara kulo Okorif.
|
|
\v 19 Litiri inyi kwe na lara inyi licwara warun iyo ken fad na licio ken oduhohino otoc to fuihin na loduho Lobanga iya na lowahare inyi.
|
|
\p
|
|
\v 20 Iya na likeru afa ite weyaru ko Kristo iyo tenyi tenyi kulo ene kof nyio orihe ite ijifita cihicihi kunenge ori mejo irihe ite ingoni iyo cik na lojo
|
|
\v 21 Ketir ene! Kenya ene! Ketek ene!
|
|
\v 22 Icungo kuno fad tonyio owoita icieng iyo cihicihi kulo cio ko kitiyenita kuneicieng.
|
|
\v 23 Dede ori kuno cihi cihi mejo ongon genyun katwa ko kiworiwori kulo talerun, riejita kulo talerun ko ticitici kulo kitigema lo ken ati ida otehita golun lo dumaru ticitici kulo wahita kulo tau lo tungani.
|
|
\c 3
|
|
\cl Kingutit 3
|
|
\p
|
|
\v 1 Iya na litibuhuni ite ara Lobito ko Kristo, itifik taulo kuningi iyo sangite kulo kai faji na litongore Kristo iyo iteten lo Lobanga.
|
|
\v 2 Itifik kibuha ningi iyo sangite kulo kai ida ara kulo kof.
|
|
\v 3 Tonyio liweiha ite tona liduha warita kuningi ko Kristo iyo Lobanga.
|
|
\v 4 Koloboto Kristo na lara warun ningi, ito manyu mute ite iboto ko inyi iyo deyo
|
|
\p
|
|
\v 5 Ifade dong sangite fad kuna lara kulo koditinlo warun lo ken, somun, ticitici kuna iboti, damun, wahun na irohoi ko ngatun na lori iya kiwora lo lopidinga.
|
|
\v 6 Tonyio to kuno sangite olotuno kilongo lo Lobanga.
|
|
\v 7 Imanyitita afa ite jii iyo warun ningi ongore.
|
|
\v 8 Ati jijia ojir ingohi kuna sangite fad iya kilongo, rohojun lo taulo, dorun lo taulo, moro ko tenyi tenyi kulo riri ojir ida ofwonu to kutuhe kuningi.
|
|
\v 9 Ketaler iyo kaletok iya na lingerihi ite kenite ongoro ko ticitici kuneicieng fad,
|
|
\v 10 manyu liburahi kenite ngejuho kuna litingejuhoti iyo genyun ko yenun lo kaduhoni ningi.
|
|
\v 11 Ene loru Girihoni kode Judeani kode iliraru kode ida iliraru kode misiohoni kode misiok kuna lida oyen ko lobo tohi kode opi kode tungani na lolanyu ken ake ati Kristo lara fad manyu ongon iyo fad.
|
|
\p
|
|
\v 12 Dong iya cio kulo Lobanga kuna lonyumuni manyu imaruni noo iburata kenite to kibaya lo taulo, jiran, riejun, rima ko kidonyo lo taulo.
|
|
\v 13 Itirobiati taulo iyo kaletok manyu itolaati kipalipali kuna longoni kiji ningi. Itolaati iya na lelaunore Lahitok ite.
|
|
\v 14 Manyu lo sodo kuna ticitici ijiri fad iburata kimaruno na lotubu icieng fad iyo Kimora na igol.
|
|
\v 15 Ingohi kisiliban lo Kristo tolanyu taulo kuningi iya na lilolongunorehin ite iyo kisiliban to rahun ken Lobito. Manyu itokwamati.
|
|
\v 16 Ingohi tenya lo Kristo to manya taulo kuningi to bara nenge fad kalitiyena ite ko kisinga kenite to genyun fad manyu kaliwolo Zaburi ko woleco kulo okorif imajare Lobanga to kwama to taulo kuningi.
|
|
\v 17 Manyu sangite fad kuna litiyo ite kode to tenya kode to tic itiyoti fad to karana lo Lahitok Yesu icwara kwama iyo Lobanga Apa tonyi.
|
|
\p
|
|
\v 18 Ngorwo, icwarata kenite kuningi iyo rei kuningi iya na locamare to cio kulo Lobanga.
|
|
\v 19 Rei, imarutu ngorwo kuningi manyu ketiyo to ngere iyo icieng.
|
|
\v 20 Tee itiningoti katomonok kuningi iyo sangite fad tonyio itikwama na Lobanga.
|
|
\v 21 Monyeri ketilongojita tee kuningi icio cia taulo kuneicieng ogilaru.
|
|
\v 22 Opihin itiningati kunahitoha kuningi ida ara kolongoni icieng kideya ite keken lo kitikwera taulo kuneicieng ati kileng ngoru icieng itiyoti otoc iya na ngitiyore ite iyo Lahitok.
|
|
\v 23 Tohi na litiyo ite itiyoti to taulo fad mejo itiyo iyo Lobanga ida ara iyo tungani,
|
|
\v 24 iya na liyenare ite ijio irumu ite faida iyo Lobanga ida ara iyo tungani. Ara Lahitok Krito irwaa isi.
|
|
\v 25 Tungani na litiyo rohojun odumahini mute inyi na rohojun nenge na loru kisisio.
|
|
\c 4
|
|
\cl Kingutit 4
|
|
\p
|
|
\v 1 ulahitoha, icwarata opihin kuningi sangite kuna ijiri ko kuna locam tonyio iyen isi jimitan ingon manyu isi ko Lahitok kai.
|
|
\p
|
|
\v 2 Icwarata kenite kuningi iyo kilifa manyu iriria to kwama.
|
|
\v 3 Ilifati manyu tohoi jimitan ojir Lobanga onga agwala lo layomit niyang ojir ohoi kitulore ilitit lo Kristo na larahare jijia nan mabusoni.
|
|
\v 4 Ilifati jimitan ojir nan atulo tenya lo Kristo ara na ibir iya na locamare.
|
|
\v 5 Itigeny iyo manya ningi ko cio kulo oleng. Itiyoreti tihi kuna loraban.
|
|
\v 6 Ingohi foro ningi ifut ko kisa iforo to na ilem ojir iyenare kifotore tenya iyo cio fad.
|
|
\p
|
|
\v 7 Kirihohi cia Ticikas ite layomit nei fad. Ara inyi rece niyang na lemaru ohoi, katiyoni na ligenoro ko karwaani kaletoni niyang iyo Lahitok.
|
|
\v 8 Aculu nan inyi iyo ite lo jimitan ojir kitiyen ite koditi na lemanyare ohoi, manyu ojir itigol taulo kuningi.
|
|
\v 9 Ilihuno inyi ko Onesimos rece niyang na ligenoro na lara Lobito to kiji ningi. Kirihohi cia icieng ite sangite fad kuna longon kitiihino ene.
|
|
\p
|
|
\v 10 Ofonyo mabusoni kaletoni nei Aristokas ite iya na manyu lofonyore Mark iyanyi lo Barnabas. (Lirumu ite layomit tonyi kalolotu inyi ijia iyo ite ifotutu inyi ara na ijir).
|
|
\v 11 Ofonyo manyu Yesu na lilolongoti ojimi Justo. Icieng kuno leroha kuno keken lara Judeahin iyo cio kuna litiyo ko nan to okabwe lo Lobanga icieng litirobia tau nei.
|
|
\v 12 Epapras na lara ningi na lara karwaani lo Kristo Yesu kifonyo manyu ite. Orem inyi iyo kilifa to ite tik tik jimitan ngiwoita ite to golun iyo wahun lo Lobanga fad manyu igoli iyo kiruk.
|
|
\v 13 Arihohi nan ite jimitan itiyo inyi bebe to ite ko to cio kulo Laudicea fad ko kulo Irepolis.
|
|
\v 14 Morte niyang Luke na litongo ara daktarini ko Demas ofonyoti.
|
|
\v 15 Icwarata fonyo nei iyo recera kuna longoni Laudicea ko iyo Nyampa ko kanisa na longon kalenge.
|
|
\v 16 Langun likeni ene waraga iyo ite icwara iyari manyu iyo kanisahin kulo Laudicea ojir manyu waraga lo Laudicea iyauni kikenahini ite.
|
|
\v 17 Itorihohiti Acipas ijo, “Ojir ide jimitan likeru isi lafa tic lifotu isi iyo Lahitok”.
|
|
\p
|
|
\v 18 Nan Paul lager ene fonyo to kana nei to ken. Keluluoro nyororo kunei. Kisa kingon ko ite.
|