Ino-x-okolie_reg/47-1CO.usfm

\id 1CO
\ide UTF-8
\h 1Korinto
\toc1 1Korinto
\toc2 1Korinto
\toc3 1co
\mt 1Korinto
\c 1
\cl Kingutit 1
\p
\v 1 Nan Paul na lohilolongi lo lotuno rahun jayo lo Kristo Yesu to wahun lo Lobanga, ko rece niyang Sostenes.
\p
\v 2 Diho kanisa lo Lobanga na longon Korint, diho cio kuna litinyuji iyo Kristo Yesu kuna lilolonguni ara kanyujok ara lobito ko kuna longon fajihit pili kuna lilolongo karana lo kabu niyang Yesu Kristo na lara Lahitok neicieng ko niyang.
\p
\v 3 Ingohi Lobanga monye niyang ko Lahitok niyang Yesu Kristo kicio ite kisa ko kisiliban.
\p
\v 4 Akwama nan Lobanga tik tik to kisa nenge na licio inyi diho ite iyo Yesu Kristo.
\v 5 Tonyio to ngonun ningi iyo Kristo lohiciori ite bara to kikohin fad, iyo tenya ningi ko yenun ningi fad.
\v 6 Tonyio tenya lo Kristo na lohirihohi ohoi ite lorute diho ite otoc.
\v 7 Tona oru lobo kicwara lo Okorif longoromahino diho ite kalingon kitila far na lobotore Lahitok niyang Yesu Kristo.
\v 8 Kitigol cia inyi ko rica ite many lohicungi, ojir itongo ira cio kuna loru ko lobo rohojun to far lo Lahitok niyang Yesu Kristo.
\v 9 Tonyio igenoro Lobanga la lohilolongu ite kimora ko kito nenge Yesu Kristo.
\p
\v 10 Alelia nan diho ite recera to karana lo Lahitok niyang Yesu Kristo jimitan itoningoroti ara Lobito ojir kokora oru to kiji ningi manyu imoraroti to kiiyo ko kibuha.
\v 11 Recera kunei, ofwonu kude to kolo Kloe kirihohi nan ojo obolo ngolofa kiji ningi.
\v 12 Tohi na latenya nan diho ite inyi ene; ojo lobo to kiji ningi “nan lo Paulo” lobo ojo, “nan lo Apollos” lobo ojo, “nan lo Kepas” orihe manyu lobo ojo, “nan lo Kristo”.
\v 13 Okora Kristo? Ogurohini afa Paul to ite? Kibatisi afa ite to karana lo Paul?
\v 14 Akwama nan jimitan ida afa nan ahibatis ite, ara cio kuna labatis nan Krispas ko Gaios keken,
\v 15 ojir lobo ida ojo kibatisi inyi to karana nei
\v 16 (Ibo alotu manyu abatis cio kulo kaji lo Stepanas oru manyu lobo na ngaiiu nan jimitan abatis afa nan)
\v 17 Tonyio ida afa Kristo kicule nan kibatisa ati kititima layomit na ijir ida manyu ara to tenyi tenyi kulo genyun lo cio icio kuruce lo Kristo orujoro golun nenge.
\p
\v 18 Tonyio ara tenya lo kuruce dataru diho cio kuna lorijoro ati diho ohoi kuna lohilwahunoti ara golun lo Lobanga.
\v 19 Tonyio igero ojo, “Apale cia nan genyun lo kagenyak, Yenun lo kayenan atibaha cia nan”.
\p
\v 20 Aji kagenyani? Aji kayenani? Aji kaleferoni lo kuno faritin? Ida Lobanga litirak genyun lone kof ara dataru?
\v 21 Tonyio to genyun lo Lobanga ida kof to genyun nenge oyen inyi, okwama Lobanga to dataru lo tenya na lititimati lwahuno cio kuna liruk inyi.
\v 22 Itifia Judeahin kitotori lo tanguhin, manyu otahita Girik genyun
\v 23 ati kititima ohoi Kristo na logurohini iyo kuruce, na lara kigingi diho Judeahin ko dataru diho misiok
\v 24 Ati diho cio kuna lilolongo Lobanga, Judeahin fad ko Girik, ara Kristo golun ko genyun lo genyun lo Lobanga.
\v 25 Tonyio ogeny dataru lo Lobanga ilany genyun lo cio manyu ogol kigoro lo Lobanga ilany golun lo cio.
\p
\v 26 Recera iiyoti ba warun ningi orihe ida lohiilolonguni ite, ida afa becek to kiji ningi ogenyi to koditi lone kof, ida afa oyeniti becek to kiji ningi manyu ida afa otomonohini becek to kiji ningi kangite kulo kakwatak.
\v 27 Ati onyumu Lobanga tenya lo dataru lone kof lo kitidahahino kagenyak riri manyu onyumu Lobanga tohi na igoro lone kof lo kitidahahino kagolok riri.
\v 28 Onyumu inyi sangite kuna inyunaha kulone kof ko sangite kuna litikajati ko sangite kuna loru lo kitirioro sangite kuna ingoni
\v 29 ojir oru lobo tungani litidara to ketemoni nenge.
\v 30 Ara tonyi ingonore ite iyo Kristo Yesu na lolotu ara diho ohoi genyun na loreu diho Lobanga na lara biran, nyujon ko lwahuno niyang.
\v 31 Tona iya na ligerorihin ojo, “Ingohi inyi na lopufa to pufa iyo Lobanga”.
\c 2
\cl Kingutit 2
\p
\v 1 Afa kalalotu nan diho ite recera ida afa nan alotu to yenun lo tenya kode to genyun na logal lafar kalalotu nan kititima diho ite tenya lo Lobanga.
\v 2 Tonyio ida afa nan awak yenun lobotohi lafar lamanyare nan kiji ningi ati Yesu Kristo keken lafa logurohini iyo kuruce tohoi.
\v 3 Alotu afa nan to kigoro ko bangun ko kihihirita bebe diho ite.
\v 4 Ida afa nan atitima tenya diho ite to genyun ko tenyi tenyi kulo yenun ati to kitotoro lo golun lo Okorif na Inyu
\v 5 ojir kiruk ningi ida otiro iyo genyun lo cio ati iyo golun lo Lobanga.
\p
\v 6 Kititima manyu ohoi tenya lo genyun diho cio kuna logoli ati ida ara genyun lone kof kode lo kalanyunok kulo ene kof kuna longon lohicungi.
\v 7 Ida, kitenya ohoi genyun ilifit lo Lobanga. Genyun na lorumu liduhari na likukumahi Lobanga ara lo kwatun niyang many orihe tik ida liciaha.
\v 8 Oru afa lobo iyo kabolorok kulone kof liniang na tenya, tonyio ngara iniangiti ngida afa icieng ogurohi Kabu kaboloroni iyo kuruce.
\v 9 Ati iya na ligerorihin ojo, “Oru konyek afa lodeu, oru kiyok loning, Oru kwe liniang, Tohi na likukumahi Lobanga to cio kuna limaru inyi”__
\p
\v 10 Ati litibotu Lobanga diho ohoi to Okorif na Inyu nenge. Idadafa Okorif sangite pili, kileng sangite kulo Lobanga kuna liduharu.
\v 11 Tonyio ngai to kiji lo cio loyen kiiyo lo tungani kalida ara Okorif lo tungani na longon katwa nenge? Tona kikoi bito, oru tungani loyen kiiyo lo Lobanga ati Okorif nenge keken.
\v 12 Ida ohoi kirumu okorif lo kof ati okorif na lolotu diho Lobanga, ojir ohoi kiyenare kicwara na lohicio Lobanga ohoi arus.
\v 13 Tohi na lohitenya ohoi inyi ene ida ara to tenyi tenyi kulo genyun lo cio ati to tenyi tenyi kuna lohitiyen Okorif na Inyu ohoi, na lititima tenyi tenyi kulo dede kulo okorif to tenyi tenyi kulo Okorif.
\v 14 Tungani na loru ko Okorif ida otum kiruk sangite kuno lofwonu iyo Okorif lo Lobanga, tonyio ara icieng dataru diho inyi manyu ida inyi otum yenun icieng tonyio okorif litinianga icieng.
\v 15 Tungani na lomanya to Okorif ongoto inyi tenya na ibehi iyo sangite fad ati ida inyi ongon ko lobo ngoto lo tenya ken nenge. Tonyio igero ojo,
\q
\v 16 “Tonyio ngai loyen kiiyo lo Lobanga, na ngotum kisinga inyi?” Ati kingon ohoi ko kiiyo lo Kristo.
\c 3
\cl Kingutit 3
\p
\v 1 Recera, ida nan atum kisinga ite iya cio kulo Okorif ati iya cio kulone kof kuna lara tee kuna sidiha to katwa lo Kristo.
\v 2 Ahicio nan ite lei ida ara daha na igol tonyio orihe ite ida litum to daha. Dede orihe ite ida igoli.
\v 3 Orihe ite ira cio kulone kof. Tonyio kolorihe okaine ko ngolofa ongon kiji ningi ida ite ira cio kulone kof? Ida ite itiyo iya cio arus?
\v 4 Tonyio kolojo lobo nan lo Paul lobo ojo nan lo Apolos ida ite ira cio arus?
\v 5 Kalara iyo dede nyio lara Apolos ko nyio lara Paul? Kira ohoi karwaak jia kuna lohiyauno ite iyo kiruk iya na licwarare Lobanga lobito lobito oliboi lo tic nenge.
\v 6 Atibulahi nan kinyiemo iruruhi Apolos kifi ati Lobanga litibu ko kitilita.
\v 7 Tona ida ara katibulani kode karuruoni lara lobo tohi ati Lobanga ake na litilita sangite.
\v 8 Katibulani ko karuruoni lo kifi itiyoti tic lobito, manyu odumi mute lobito lobito to tic nenge.
\v 9 Tonyio kira ohoi katiyok kulo Lobanga, ira ite mana lo Lobanga, kode kaji lo Lobanga.
\p
\v 10 To kisa na lohicio Lobanga nan labohahi nan fotiri lo kaji iya kaduhoni na ilefere, loduho dong tungani lobo ake iyo na fotiri lo kaji, ati ojir tungani lobito lobito oric koditi na loduhore inyi.
\v 11 Tonyio oru lobo tungani ngobohahi fotiri lo kaji lobo ake kona lobohahini na lara inyi Yesu Kristo.
\v 12 Koloduho tungani kai lona fotiri lo kaji to dab, rial, morutok kuna igoli, keek, gereca kode nyiari,
\v 13 itibotuni cia tohi na loduhore inyi, tonyio olwehi mute lufar tic nenge iyo wangun. Itibotu cia kima manyu otem cia kima golun lo tic lo tungani lobito lobito.
\v 14 Kolowoita nwa tohi lifak inyi (ida ocuraru) iciori mute inyi bahacic.
\v 15 Ojo kolocuraru na kifaha nenge ida cia inyi orumu lobo bahacic, olwaharu cia inyi to ken nenge keken iya tungani na liburuno to kimatare.
\p
\v 16 ida iteiyen jimitan ite to kenite lira kaji lo Lobanga na lomanya Okorif lo Lobanga katwa ningi?
\v 17 Kalipale lobo tungani kaji lo Lobanga ipale manyu cia Lobanga inyi tonyio onyu kaji lo Lobanga manyu isi token nino lira na kaji.
\p
\v 18 18 Ketinononga kenite kuningi. Kolofik lobo to kiji ningi ojo ageny inyi to koditi lo genyun lone kof, ingohi tara kadataroni ojir olotu ogeny.
\v 19 Tonyio ara genyun lone kof dataru to ketemoni lo Lobanga. Iya na ligerore ojo, “Iniefunita inyi kagenyak iyo kitigulunya Neicieng”
\v 20 Ojo manyu ari, “Oyen Lobanga jimitan oru jiran iyo kiiyo Lo kagenyak”.
\v 21 Tona dong kepufare cio! Ara sangite fad kuningi
\v 22 kode Paul kode Apolos kode Kepas kode kof kode warun kode wei kode jija kode mute ara fad kuningi
\v 23 manyu ira ite kulo Kristo manyu Kristo ara lo Lobanga.
\c 4
\cl Kingutit 4
\p
\v 1 Iya na, ojir cio kideya ohoi ara karwaak kulo Kristo manyu ara karicak kulo sangite ilititi kulo Lobanga.
\v 2 Tohi na lowahiti iyo karicak kulo sangite inyi jimitan ojir icieng ara cio kuna ligenoro.
\v 3 To nan, atisidi nan ngoto lo tenya ningi ken nei kode ngoto lo tenya lo lobo lokiho lo cio ken nei, kileng nan token nei ida nan angoto tenya ken nei.
\v 4 Owang tau nei ati ida ene itotoro jimitan lalanyu nan tenya. Ara Lobanga lo ngoto tenya ken nei.
\v 5 Tona kengot tenya lo lobo tohi orihe far nenge, itilati many olotu Lahitok. Inyi mute litibotu tenyi tenyi kuna liduha iyo lokimuyuk manyu olwehi kibuha lo taulo kulo cio oleng. Tonu far orumu mute tungani lobito lobito maja nenge diho Lobanga.
\p
\v 6 Recera kunei, aforohi nan kuno tenyi tenyi ken nei ko Apolos to ite ojir ite itiyenaru to kenite kuniyang fotiri lone tenya lojo “kefwo igal tohi na ligero”. Ito cia ite ida itidarare kitiririo lobito tungani ko kaletoni.
\v 7 Ngai re lohifik isi ingon ake ko cio kuna kude? Nyio itehita isi na lida kiciori isi? Manyu kolohiciori isi ara kicwara nyio hati itidara isi mejo ida kiciori?
\v 8 Jija lingoni ite ko sangite fad kuna liwak ite! Jijia manyu libara ite! Lira ite kabuno- na lida kohoi kingoni katwa! Ngira hati kabuno dede ojir manyu ohoi kira kabuno ara lobito kote.
\v 9 Tonyio ori diho nan mejo kifik Lobanga ohoi jayona kifwongi iya cio kuna longotohini wei kweci kuneicieng par faji na lodeya kof fad, diho malaika ko cio.
\v 10 Kira ohoi kadatarok iyo Kristo ati ira ite kangenyak noo iyo Kristo. Kigoroha ohoi ati igoli ite! Kirimati ite kitikajati ohoi!
\v 11 Many jijia ene tik kidaha kinga ko kure ohoi, kicefita ohoi racaracahin, kiriengati ohoi oru ko kangite kuniyang.
\v 12 Kitiyo ohoi bebe to kac kuniyang. Kolohificoti ohoi, ohoi kigatahi kuna ijir, kolohitigemati ohoi, ohoi kidik,
\v 13 kalipapalati karaneco kuniyang ohoi kinyiahahi to riejun. Ko jijia loohira ohoi tanyanya kulo kof lohira ohoi cora lo sangite fad to kof.
\p
\v 14 14 Ida nan agero kuno lo kitidaha ite riri ati lo sonya ite iya tee kunei kuna lamaru.
\v 15 Kileng ngingoni ite ko sangite alif tomon iyo Kristo oru lobo apa ningi, tonyio iyo Kristo Yesu lara nan apa ningi to tenya lo layomit na ijir.
\v 16 Tona alelia nan diho ite jimitan ijifata koditi nei.
\v 17 Tone tenya aculuno nan diho ite Timoti kito nei na lamaru nan, na ligenoro iyo Kristo kitiiu cia inyi ite koditi lo warun nei iyo Kristo Yesu na lolot ara lobito ko tenya na latiyena nan fajihit fad ko to kanisahin pili.
\v 18 Litidara kude to kiji ningi mejo ida cia nan arihe agoru ijia.
\v 19 ati alotu cia nan diho ite deu kaliruk Lobanga atohati alotu ade ida ara tenya na lotenya kuno katidarak keken ati adeu ko golun na lotehita icieng.
\v 20 Tonyio ida okabwe lo Lobanga itongo ara lo tenya ake ati lo golun.
\v 21 Itinyumuti ba ani iwak ite? Iwak ite nan alotu diho ite ko lanino kode to kimaruno ko tau na irie?
\c 5
\cl Kingutit 5
\p
\v 1 Loninguno ojo obolo tic lo somun kiji ningi na hitok na lida kileng cio kuna lida oyen Lobanga itiyo jii, ilany ningi. Iruma tungani ngorwani lo money
\v 2 ito hati ite ipufa! Ngida baa di ite icam to kitoyo manyu itingade koditi lona tungani kalele to kiji ningi?
\v 3 Kileng ngida many adi nan angon ijia to ken nei imora okorif nei kote manyu lakeru nan ngoto tenya lona tungani litii jii iya na adi ngangon nan ijia.
\v 4 Kalituba ite to karana lo Lahitok niyang Yesu Kristo, nan manyu angon ko ite iyo Okorif ongon manyu golun lo Lahitok niyang Yesu
\v 5 ifotohiti la lerok iyo sitan ojir ipalari koditi lo kipal to katwa nenge olwahuni okorif nenge to far lo Lahitok.
\v 6 Ida kitidara ningi ojir. Ida ite iyen ijo ibula kude kuting itifuru kofwo kulo mugati fad?
\v 7 Itidume ibula ongoro ojir ite ira kofwo ngejuho kuna lingoli oru ibula iya na dede lingonore ite. Tonyio Kristo kito lo ker lo Paska niyang lifadari.
\v 8 Tona dong ngatiric karama ida ara to ibula ongoro, ibula kulo kisasuo ko ticitici kuna iboti ati to mugati na likukumi oru ibula, mugati wangun ko dede.
\p
\v 9 Ager nan diho ite, iyo waraga nei ajo nan kemora ko cio kuna litiyo ticitici kulo samun
\v 10 ida hati nan ajo cio kulone kof kuna lori jii kode kangatak kode katimumunak kulo cio kode kaworak kulo lopidingahin, kalara jii inyi jimitan ojir ingerihi ene kof.
\v 11 Ati jijia agero nan diho ite ajo kengar lohitongore ko tungani na lojo inyi rece ati itiyo ticitici kulo somun, kode ongat, iwora lopidingahin kode kalabani lo cio, karumani kode katimumunani lo cio. Kedaha kileng ko koditi lo tungani na lori jii.
\v 12 Ida ara tic nei lo ngoto tenya kweci kulo cio kuna lorihe ongoni iyo warun lo kof. Ati ida ohoi kicam ngoto tenya lo cio kuna longon katwa lo Kristo?
\v 13 Ongot cia Lobanga tenya lo cio kuna longoni oleng. Ifuheiti tungani na irohoi na longon kiji ningi.
\c 6
\cl Kingutit 6
\p
\v 1 Kolongon lobo tenya kiji lo lobo tungani ko kaletoni to kiji ningi ocam diho ite kiyaru na tenya ketemoni lo cio kuna longon oleng ida iyauno diho cio kulo Lobanga?
\v 2 Ida ite iyen jimitan cio kulo Lobanga mute longoto tenya lo kof? Dong kalingoto mute ite tenya lo kof ida ite itum ngoto tenyi tenyi kuna longon kiji ningi?
\v 3 Ida ite iyen jimitan ohoi mute lohingoto tenya lo malaikahin? Aja hati ida kitweru ngoto tenyi tenyi kulone kof?
\v 4 Tona kolongon risa to tenyi tenyi kuna lori iya kuna, itidumu kileng cio kuna lorihe ida ogoli to kanisa?
\v 5 ara kangotok kulo tenya! Atenya nan jii lo kitidaha ite riri. Kitum jimitan oru to kiji ningi kileng tungani lobito na igeny na ngotum olwak ngoto tenya kiji lo karuhok?
\v 6 Ati na ngitii ite iya na orihe tungani owoju iyaru rece nenge lokiho ketemoni lo cio kuna lida oyen Kristo!
\v 7 Kalifufurita ite kiji ningi itotoro jimitan lohilanyu kof ite. Nyio ida ite idik kolohingiruni? Nyio ida ite idik kitimumuni?
\v 8 Iwak ite ara ite lingirunita cio, iwak ijo ngara ite litimumuna ira manyu recera.
\v 9 Ida ite iyen jimitan ida mute karohojak oluny okabwe lo Lobanga? Keco kitinonongi. Ida kasomok kode kaworak kulo lopidingahin, kode kayak kulo ngorwo kulo cio, kode cio kuna logeto ko rei kaletok
\v 10 kode kakokok kode kangatak, kode karumak kode kamorok kode kabelak ida mute ogoruni iyo okabwe lo Lobanga.
\v 11 Kode to kiji ningi ori afa jii. Ati lokeruni kilala ite lira ite cio kuna inyuji, cio kuna ibir, cio kuna lolak Lobanga to karana lo Lahitok Yesu Kristo ko to Okorif lo Lobanga niyang.
\p
\v 12 "Atum nan kitiyo sangite fad ati ida sangite fad ara kuna lohilwak. "Atum nan kitiyo sangite fad" ati ida nan awak lobo tohi olanyu ken nei.
\v 13 " Ara daha lo kocehe ara manyu kocehe lo daha", ati okeru mute Lobanga icieng fad. Ida ken ara lo kitiyo tic lo somun ati ara lo Lobanga manyu ara Lobanga lo ken.
\v 14 To golun nenge itibuhu Lobanga Yesu to kiji lo kaweyak, kitibuhu manyu mute ohoi
\v 15 Ida ite iyen ijo ara kenite kuningi ken lo Kristo token? Ojir hati nan adumu ken lo Kristo amorihi ko mulayani? Oru tur!
\v 16 Ida ite iyen jimitan tungani na limorihi ken nenge ko mulayani ofwonu ara lobito konyi? Tonyio igero ojo “Ofwonu kuna are ara ken lobito”.
\v 17 Ati tungani na limora ken nenge ko Lahitok ofwonu ara ken lobito konyi iyo Okorif.
\v 18 Ibirete tic lo somun oleng. kipali kude kuna lipal tungani fad ongoni oleng ati tungani na lipal kipal lo somun ipal ken nenge.
\v 19 Ida isi iyn ijo ara ken nino kaji lo Okorif na Inyu na longon katwa nino na lifotu isi iyo Lobanga?
\v 20 Ida isi ira lo ken nino, kinyianguni isi to wel. Tona iwora Lobanga to ken nino.
\c 7
\cl Kingutit 7
\p
\v 1 Dong to tenyi tenyi kulafa ligerunore ite waraga diho nan: ojir kalida tungani oyema.
\v 2 Ati to kitiho ticitici kulo lomuna, ojir tungani lobito lobito ongon ko ngorwani nenge, manyu ngorwani lobito lobito ko retoni nenge.
\v 3 Ojir retoni itifut tic lo kiyemi nenge iyo ngorwani nenge, ngorwani manyu itifut tic lo kiyemi iyo retoni nenge.
\v 4 Ida ken lo ngorwani ara nenge ake ati ara lo retoni nenge, tona kikoi bito, ida manyu ken lo retoni ara nenge ake ati ara manyu lo ngorwani nenge.
\v 5 Kengonyoro kenite kitongo ara lobito, mayak kalara to kude tihi kuting na likukum ite ara lobito lo fwonuno ketemoni lo Lobanga kilifa. Koloru ojir iitu kitongo ara lobito ojir sitan ida kilab ite to rujon lo rica lo kenite diho ite.
\p
\v 6 Atenya nan ene ara kisinga ida ara cik.
\v 7 Ajo nan ngara itongo rei fad iya nan. Ati ongon cio fad ko kiciorita gele gele kuna licwara Lobanga, ongon ene ko kicwara nenge ake lobo manyu ko nenge.
\v 8 Dong diho kuna lida oyemaru ko lafuseritohin ajo nan, ojir adi icieng kitongo ida oyemaroti iya ene latongore nan.
\v 9 Ati kalida icieng itweru rica kenite kuneicieng ingohi to yemaroti, tonyio ojir yemaru ilany tungani diha wahun.
\v 10 Diho cio kuna loyemaru acio nan ene cik (ida ara nan ati Lahitok). Keco ngorwani okoraru iyo retoni nenge.
\v 11 Ati kalokoraru inyi, ojir itongo ake koloru oite oyomoti ko retoni nenge. Ojir many retoni ida ojak ngorwani nenge.
\v 12 Diho cio kula kude ajo nan jii (nan lajo ida ara Lahitok) kolongon lobo tungani ko ngorwani na lida ara karuhoni oto hati iruk kitongo konyi, ojir ida ojak na ngorwani.
\v 13 Manyu kolongon ngorwani ko retoni na lida ara karuhoni iruk hati kitongo konyi ojir inyi ida ojaharu.
\v 14 Tonyio retoni na lida iruk litinyuji inyi to kitongo ko ngorwani nenge na liruk, ngorwani na lida iruk manyu litinyuji inyi to kitongo ko retoni nenge na liruk. Ngida ara jii ngida tee kuneicieng onyuji ati tona onyuji icieng.
\v 15 Ati kololo na tungani lida ara karuhoni, ingohi tolo. Ida retoni kode ngorwani karuhoni otora iyo na manya. Lohilolongu Lobanga ohoi iyo warun lo manya ko kisiliban.
\v 16 Aja iyen isi ngorwani jimitan ilwahu ca isi retoni nino? Kode iyen isi aja retoni jimitan ilwahu ca isi ngorwani nino?
\v 17 Ojir tungani lobito lobito ijif koditi lo warun na licio Lahitok inyi nafa lilolongunore Lobanga inyi. Ara ene cik na lacio nan iyo kanisahin fad.
\v 18 Orumu tungani liliraru lafar lilolongunore Lobanga inyi? Ojir ida otahita kikoi lo kipalaru kiliraru nenge. Orumu tungani ida iliraru lafar lilolongunorihin inyi? Keco iliraru.
\v 19 Ida kiliraru ara lobo tohi ida manyu kitongo ida kiliraru ara lobo tohi. Rican lo cihicihi kulo Lobanga logol.
\v 20 Ojir tungani lobito lobito osodoro kitongo to koditi lafa lilolongunore Lobanga inyi.
\v 21 Ira afa isi opi lafar lohilolongunore Lobanga isi? Kebuha ati kalideu isi owat agwala lo laharu nino, tolaharu.
\v 22 Tonyio tungani na lara opi kalilolongu Lobanga ara tungani na lolaharu tona kikoi bito tungani na lolaha lafar lilolongunorehin inyi, ara opi lo Kristo.
\v 23 Kinyianguni afa ite to wel, kefwonu ira opihin kulo cio.
\v 24 Recera tungani fad na longon ko tic iyo Lobanga ingohi itongo iya na koditi afa lilolongore Lobanga inyi.
\p
\v 25 Jijia diho tee kilahaji ko kariok kuna lorihe ida oyemaru, aru nan ko cik na licio Lobanga ati angon nan ngoto tenya iya tungani na ligenoro to kisa lo Lobanga.
\v 26 To kidak lo kuno faritin, abuha nan jimitan ngomayak diho ite kitongo iya na lingonore.
\v 27 Liyema isi? Ketahita jaha. Orihe isi ida iyema? Ketahita ngorwani.
\v 28 Ati kaliyema isi ida isi ipal. Manyu kaloyemaru kito karioni ida ipal. Ati orumu cia cio kuna loyema kidak ko tenyi tenyi kuna iborengi iyo warun lone kof, awak nan sonya ite iyo kuna.
\v 29 Tohi na lajo nan recera ahirihohi losuk tik. Kiciaha to jijia, ingohi cio kuna longon ko ngorwo itongo mejo oru ngorwo.
\v 30 Kuna litoyo ingohi itongoti mejo ida itoyoti. Kuna lokwama mejo ida okwamati. Kuna linyiang tohi mejo ida ara neicieng.
\v 31 Kuna litiyore sangite kulo kof mejo ida ongoni kac kuneicieng. Tonyio ene kof ko koditi nenge fad oringaru.
\v 32 Awak nan ite ilaharu iyo kibuha. Tungani na lida oyema ibuha inyi tic lo Lobanga- kikoi na ngatikwamare inyi Lobanga.
\v 33 Ati tungani na loyema ibuha warun lone kof- kikoi na ngatikwamare inyi ngorwani nenge
\v 34 okora dong wahun nenge. Ngorwani kode kito karioni na lida oyemaru ibuha inyi tic lo Lobanga. Wahun nenge pili lo kicwara ken nenge ko okorif nenge iyo Lobanga. Ati ngorwani kode kito karioni na loyemaru ibuha sangite kulo warun lone kof, kikoi na ngatikwamare inyi retoni nenge.
\v 35 Atenya nan kuno lo jiran ningi ida ara lo kitiho ite ati lo jimitan ojir ite iwar warun na ibehi lo kicwara kenite kuningi iyo tic lo Lobanga.
\v 36 Kolodeu tungani jimitan ida kitongo nenge ongon otoc ko karioni na lociharu ko inyi kalimaru inyi na karioni manyu loboreng karihin odeu ojo ojir ayem inyi, ingohi itii iya na lowahare inyi. Ida inyi ipal. Ingohi toyemaroti.
\v 37 Ati tungani na lokeru kingingija tenya to tau nenge, na loru lobo kifuda ati na loric wahun nenge na liruk to tau nenge ojo ida inyi ayema na karioni, itii manyu na tungani tohi na ijir.
\v 38 Iya nan a loyema itii tohi na ijir ati na lida oyema itii na ijir ilany.
\v 39 Iwasihi ngorwani kitongo iyo retoni nenge kolorihe retoni nenge owar. Ati kolowei retoni nenge, otum inyi yemaru diho tungani lobo ake na lowak inyi ati owak ara tungani na liruk Lobanga.
\v 40 Tona, ngokwama inyi kalitongo ake iya na longonore- manyu abuha nan angon manyu nan ko Okorif lo Lobanga.
\c 8
\cl Kingutit 8
\p
\v 1 Dong to daha na litwerarihin lopidingahin. Kiyen ohoi jimitan kingon ohoi fad ko genyun. Itipufa genyun ati itigolo kimaruno cio.
\v 2 Tungani na liiyo ojo ayen inyi lobo tohi orihe ida oyen iya na ngoyenare inyi.
\v 3 Ati tungani na limaru Lobanga, oyen Lobanga.
\v 4 Dong to daha na licwarihini kode itwerarihin lopidingahin. Kiyen jimitan ida lopidinga ara kude saye tur to kof manyu kiyen jimitan oru lobo lobanga ati lobito.
\v 5 Kokileng ngohining jimitan ongon kuna lojimi lobangahin kode kai kode kof (iya na longonore lobangahin ko kulahgitoha beciek)
\v 6 ati iyo ohoi, ara Lobanga lobito apa na lofwonu sangite fad diho inyi na many lohiwar tonyi manyu ara Lahitok lobito Yesu Kristo na lofwonu sangite fad ara diho inyi na manyu lohiwar ara diho inyi.
\p
\v 7 Ati ida cio fad oyen jii. Orihe cio kude omohoro ko lopidinga na kolodaha daha na lori iya na orihe iiyo ojo itwerarihin lopidinga na tonyio igoroho taulo kuneicieng oto na daha ipalaru.
\v 8 Ati ida daha kitinyiha ohi diho Lobanga, oru lobo tohi irohoi diho ohoi kalida kinyia kode oru lobo tohi ijir kalohinya.
\v 9 Iririati otoc kecio tic lo genyun ningi olulworo ara kigingi diho cio kuna igoroho kiruk.
\v 10 Tonyio kolohideu tungani na ligoro tau isi lijo ageny inyi idaha tifine lo lopidinga ida cia icio inyi kingere lo loro daha tohi na litwerarihin lopidinga?
\v 11 Oto ene rece nino na lowei Kristo to inyi ipalaru tona genyun nino.
\v 12 Kalipal isi diho recera kunino kuna igoroho taulo tona kikoi lipal isi diho Kristo.
\v 13 Tona, kalara tohi na ladaha nan licio rece nei ourohino iyo kipal, ida dong cia nan arihe anyia tyang ari na licio inyi ourohino iyo kipal.
\c 9
\cl Kingutit 9
\p
\v 1 Ida nan alanyu ken nei ake? Ida nan ara jayo? Ida nan ladeu Yesu Lahitok niyang? Ida ite ira kitotorita kulo tic nei diho Lobanga?
\v 2 Kileng many adi ngida nan ara jayo lo Yesu diho cio kude ati diho ite ara nan! Tonyio ite lira sadeni kulo kijayo nei iyo Lobanga.
\v 3 Ara ene kifurita nei iyo cio kuna longoto tenya ken nei.
\v 4 Ida ohoi kingon ko twero lo daha ko mata?
\v 5 Ida ohoi kingon ko twero lo kilihita ko ngorwo kuna liruk iya na lilihitare jayona kulakude ko kuneicieng ko recera kulo Lahitok ko Kepas?
\v 6 Kode ara nan ko Barnabas keken lojir kitiyo kirumunore daha?
\v 7 Ngai lotum kitiyo ara asegere to robia kunenge ake ake? Ngai lotum itibul vino ida onyia ngak kunenge? Ngai litibala kera ida omata lei kulo twol nenge?
\v 8 Atenya nan kuno to koditi lo tungani? Ida cik oteny inyi na tenya bito?
\v 9 Tonyio igero iyo cik lo Moses ojo, “ketor kutuk lo mongo kalitiyore isi inyi ciho ngamang”. Ara mongi orica Lobanga?
\v 10 Ida ohoi kuna lotenya Lobanga? Ibo igeri ene tenya tohoi tonyio kolorem karemoni olotu kadengoni odeng itiyo icieng adi igenoti jimitan kingar mute daha.
\v 11 Kolohiihi ohoi kinyiemo kulo Okorif kiji ningi ogol bebe ko lohidengu ohoi sangite diho ite?
\v 12 Kolongoni kulakude ko twero lo rumuno ene kingara diho ite ida ocam iyo ohoi to rumuno ogal? Ati ida ohoi kitiyore ene twero. Kidony ohoi taulo iyo tenyi tenyi pili ojir ida kifik kigingi kikoi lo kititima layomit na ijir lo Kristo.
\v 13 Ida ite iyen ijio kuna litiyo kaji lo Lobanga orumahitati daha neicieng to kaji lo Lobanga manyu kuna litiyo ciali lo kiciorita ongara na daha licwara icieng?
\v 14 Tona kikoi bito ocik Lobanga ojo kuna lititima layomit na ijir, ojir orumunitati daha neicieng to layomit na ijir na lititima icieng.
\v 15 Ati ida nan latiyore lobo to kiji lo kuno twerohin. Manyu ida nan agero to kigeno jimitan itii cia ite sangite iya kuna to nan. Omayak wei ilany tungani rujoro ene pufa diho nan.
\v 16 Ati kalatitima nan layomit na ijir, ida nan atum pufa tonyio kifudahini nan kititima. Ingohi kidak to dohi iyo nan kalida atitima layomit na ijir!
\v 17 Kalatitima nan to kicwara lo ken nei, arumu bahacic, kalida ara to kicwara lo ken nei irumu nan atiyo tic na lohicori nan to kigeno.
\v 18 Nyio hati dong bahacic nei? Inyi ene jia, jimitan iyo kititima layomit na ijir ojir acio jia na loru duma na lida atiyore twero nei iyo kititima nenge.
\v 19 Kileng ngalanyu nan ken nei ake to ketemoni lo cio, afik nan ken nei ara opi lo cio fad ojir orumu cio kuna iborengi iya kuna ngotum rumuno.
\v 20 Diho Judeahin ara Judeani lo kiyauno Judeahin. Diho cio kuna longon fotiri lo cik afik ken nei fotiri lo cik (kileng lida nan to ken angon fotiri lo cik) ojir ayaunore kuna longon fotiri lo cik.
\v 21 Diho cio kuna loru ko cik atongo iya tungani na loru ko cik (kileng ngida nan asabita to cik lo Lobanga ati angon nan fotiri lo cik lo Kristo) ojir ayaunore kuna loru ko cik.
\v 22 Diho kagorok atongo ara kagoroni ojir ayauno kagorok. Lara nan sangite pili iyo cio pili ojir to kikohin fad alwahunore kude.
\v 23 Atiyo nan kuno fad to layomit na ijir ojir arumunore gum na longon ijia.
\v 24 Ida ite iyen jimitan iyo kitilanyahino lo angwala ifeita cio fad ati lobito tungani jia lorumu kicorita lo kwama? Ifeitati lo rumuno kicorita lo kwama.
\v 25 Cio fad kun litilanyahino iyo kisonga ifwori diho cik na igol ko kijifita koditi lona kisonga. Itiyo icieng lo rumuno Tahi na lida irungo ati kitiyo ohoi niyang to rumuno Tahi na losio tur.
\v 26 Inyi na ida nan afeita iya tungani lifeita arus. Ida nan abaha iya tungani na lolumo kiyoma.
\v 27 Ida, alumo nan ken nei atirak ara opi nei ojir kalatitima nan tenya diho cio kuna kude. Ojir manyu nan to ken nei id angotohi kicorita lo kwama.
\c 10
\cl Kingutit 10
\p
\v 1 Tonyio ida nan awak ite ilunyaha ene tenya lo dede recera, jimitan ongon afa fafaico kuniyang fad iyo okorif lo idis, manyu icieng fad ofwonuni ara katwa lo nam.
\v 2 Ibatisi afa icieng fad ara kajifitak kulo Moses iyo idis ko katwa lo nam.
\v 3 Onyia afa icieng daha lo okorif lobito
\v 4 omati manyu imatit lobito lo Okorif tonyio omat icieng to tabak lo okorif na lilihita ko icieng manyu ara afa na tabak Kristo.
\v 5 Ati honyi ida afa Lobanga okwama to kuna iborengi to kiji neicieng. Owei afa icieng isarihi kenite katwa lo kuny.
\v 6 Itiihino afa kuna sangite ara kitotorita diho ohoi lo sonya ohoi iyo fiha taulo iyo sangite kuna irohori iya lafa lofihare icieng.
\v 7 Kera kaworak kulo lopidingahin iya lafa liworare kude to kiji neicieng, iya na ligerorihin ojo, “itongohino cio kof daha ko mata ko wojunoti kiya”.
\v 8 Ojir ohoi ida kitii ticitici kulo somun iya na litiyore kude to kiji neicieng- ko kerunoti alif keek are ko uni to Lobito far.
\v 9 Ojir ohoi ida kitem Lobanga iya na litiyore afa kude to kiji neicieng, ofwonunore muniok ifadarore.
\v 10 Ojir ida kingungunita iya lafa litiyore kude to kiji neicieng, olotunore malaika kafadani okeru icieng.
\v 11 Itiihino kuno sangite iyo icieng ara kitotorita manyu igeri lo sonya ohoi kuna lofwonu kitifutita kulo karihin kirumu.
\v 12 Kalibuha isi ijo awoita inyi agol, to gol ha uroro.
\v 13 Oru lobo laba lo lotu diho ite na logal na lolabarihin cio fad manyu igenoro Lobanga ida cia iruk kilabi ite ogal na ngitum ite dihan. Ati kolohilabi ite ofik manyu cia inyi kikoi lo rutunore ojir ite iwoitare kiji nenge.
\p
\v 14 Tona, morot kunei kuna lamaru nan ibireti kiwora lo lopidingahin tur.
\v 15 Atenya nan diho cio kagenyak itingot ba to kenite kuningi tohi na latenya nan.
\v 16 Ida re kubaya lo kwama na lohicwarare ohoi kwama na lohingarare okoto lo Kristo? Manyu kingar ken lo Kristo?
\v 17 Tona larahare mugati lobito, ohoi kuna iborengi manyu kira ken lobito tonyio kingar fad inyi na mugati bito.
\v 18 Ibuhata ba to cio kulo Israel, ida re kuna lodaha kicorita itiyo ciali?
\v 19 Atenya re nan? lo jimitan kikumi na licori? lopidinga ara lobo tohi?
\v 20 Ida, ati kikumihin kulo cio kuna lida oyen Lobanga iciori iyo lodonyok ida ara iyo Lobanga manyu ida nan awak ite ingar daha ko lodonyok.
\v 21 Ida ite imata kubaya lo Lahitok ifwo manyu mata kubaya lo lodonyok, ida ite itum ngara iyo meja lo Lahitok ifwo manyu ngara iyo meja lo lodonyok.
\v 22 Kiwak re ohoi kitifuruno okaine lo Lahitok? Kigoli ohoi kilany inyi?
\p
\v 23 Atum nan kitiyo sangite fad ati ida sangite fad ara kuna lohilwak. Atum nan kitiyo sangite fad ati ida sangite fad itiboloro kiruk lo tungani.
\v 24 Ojir tungani ida otahita tohi na lojir diho inyi ati ojir otahita tohi na lojir do cio kulakude.
\v 25 Tonyia lobo tohi litilototi cuk to tiyang ida itifia kitifi kuna litibuha tau
\v 26 tonyio arak of lo Lobanga ko sangite fad kuna longoni katwa.
\v 27 Kalohilolonge lobo tungani na lida iruk Lobanga isi loro daha ko inyi, tonyia tohi na lofihi ketemoni nino ida itifia kitifi kuna litibuha tau.
\v 28 Ati kolojo tungani diho isi, “ara ene kikumi”, kerihe inyia to lwahuno na tungani lohirihohi isi ko to kibuha lo tau.
\v 29 Atenya nan kibuha lo tau lo ladi tungani bito ida ara nino. Nyio kitihoti nan to kibuha lo tau lo lobo tungani?
\v 30 Kalanyia nan na daha to kicwara karama nyio kitigemati nan to tohi na lacio nan kwama diho Lobanga?
\v 31 Tona kode idaha isi kode imata kode lobotohi itiyo isi itiyo pili to kicwara kwatun diho Lobanga.
\v 32 Kecio lobo tungani ouroro kode Judeani, Girikoni kode kanisa lo Lobanga
\v 33 iya na latemare nan kitikwama cio fad to kikohin fad. Tonyio ida nan atahita jiran nei ati jiran lo cio fad ojir orumuni lwaha.
\c 11
\cl Kingutit 11
\p
\v 1 Ijifata kitotori nei iya na lajifitare nan kitotori lo Kristo.
\p
\v 2 Akwama nan ite to kiiyo nan iyo sangite fad ko to rica lo kitiyena iya lafa lahicorihinore nan ite.
\v 3 Jijia awak nan ite iyen jimitan kwe lo retoni tolobito tolobito inyi Kristo manyu kwe lo ngorwani inyi retoni kwe lo Kristo inyi Lobanga.
\v 4 Tungani retoni nan lititima tenya lo Lobanga kode ilifa imuho kwe itikaja kwe nenge.
\v 5 Manyu ngorwani na lititima tenya kode ilifa ida imuk kwe itikaja kwe nenge ori na mejo ogiti kwe nenge.
\v 6 Kalida ngorwani obubur kwe ojir ogite kwe nenge, ati koloria gita lo kwe ngorwani ojir obubur kwe nenge.
\v 7 Ida bubura lo kwe ocam to retoni tonyio ara inyi kitiririt ko deyo lo Lobanga ati ara ngorwani deyo lo retoni.
\v 8 Tonyio ida afa retoni olotu iyo ngorwani ati ngorwani lolotu iyo retoni,
\v 9 manyu ida afa oduhi retoni to ngorwani ati ngorwani to retoni.
\v 10 Tone tenya, manyu to malaikahin ojir ngorwani ongon ko lanyuno iyo kwe nenge.
\v 11 Iyo Lobanga, ida ngorwani okora ko retoni ida manyu retoni okora ko ngorwani.
\v 12 Tonyio olotu ngarwani iyo retoni, ori manyu jii tonyio ngorwani manyu lotomonu retoni. Ati ofwonu sangite fad iyo Lobanga.
\v 13 Itongot ba ene tenya to kenite kuningi, ocam diho ngorwani kilifa Lobanga ida obubur kwe?
\v 14 Ida ba kileng koditi na longonore sangite kitiyen ite jimitan kolokariti fofi kulo retoni iyauno itikaj ken nenge?
\v 15 Ati kolongon ngorwani ko fofi kuna ikariti ara deyo nenge? Tonyio iciori inyi fofi kuna ikariti ara kimuhi.
\v 16 Kolowak lobo tungani peha ene tenya, oru lobo tic ake kone lohitehita ohoi kode kanisahin kulo Lobanga.
\p
\v 17 Iyo kuno tenyi tenyi laloro nan tenya, ida nan ahikwama ite, tonyio itiyo tuba ningi rohojun ida ar jiran.
\v 18 Ketemoni re aning nan ojo kalituba ite iya kanisa, ongon kokora kiji ningi, otohati aruk nan ara cia dede.
\v 19 Oru peha, ojir gegela ongon kiji ningi lo kitibotuno akuni to kiji ningi litikwama Lobanga.
\v 20 Kalitubuno ite, ida ara daha lo Lahitok idaha ite
\v 21 tonyio kalidaha ite odaha nu daha nenge ida itila cio kulakude, odaha kinga kude kude orumaha.
\v 22 Oru kangite kuna lidahare ite ko mata ijia? Kode itikaja ite kanisa lo Lobanga itidahare cio kuna loru kude saye kuneicieng riri? Nga jo ha nan nyio diho ite? Nga kwama nan ite tona? Oru tur.
\v 23 Tonyio arumu nan iyo Lahitok tohi na latiringa nan diho ite; Lahitok Yesu la kurou litoborehin inyi, odumu mugati
\v 24 ojo langun licio inyi Lobanga kwama ko benya oto ojo, “ken nei ene na licori to ite; itiyoti jii kibuhunitare nan”.
\v 25 Tona kikoi bito langun loru daha, odumu kubaya ojo, “ara ene kubaya lo cik ngejuk to okoto nei, itiyoti jii to faritin kuna limatare ite ibuhunitare nan”.
\v 26 Tonyio faritin kuna lidahare ite ene mugati, imatare ene kubaya ingon ite kulo wei lo Lahitok many mute far na lolotunore inyi.
\v 27 Tona tungani na lonya mugati kode omat kubaya lo Lahitok to kikoi na lida ocam, ipal inyi iyo ken ko okoto lo Lahitok.
\v 28 Ojir tungani igigil koditi lo warun nenge otoc orihe ida lonyia mugati kode lomat kubaya.
\v 29 Tonyio tungani na lonyia kode omat ida oyen ken lo Lahitok, onyia kode omat ngoto lo tenya ken nenge.
\v 30 Na tenya na licio becek to kiji ningi igoroha manyu omwaiha manyu oweyare kude to kiji ningi.
\v 31 Ati ngara kingoto ohoi tenya kenite kuniyang ake ake ngida ohoi kifwonu iyo ngoto lo tenya.
\v 32 Kolongoto lahitok tenya kweci kuniyang ongon kisinga ohoi ojir mute ida kingotohini tenya lo wei ara lobito ko cio kulo kof.
\v 33 Dong recera, kalitubuno ite fwonuno daha daha lo Lahitok itilauti kaletok kunakude.
\v 34 Kolodaha kinga lobo ingohi tonyia daha to kang, ojir ojo ifwonu ara lobito ida iyauno ngoto lo tenya. Manyu kalalotu nan ahicio ca nan ite tenyi tenyi kulakude.
\c 12
\cl Kingutit 12
\p
\v 1 Dong tenya lo kicorita kulo Okorif, recera ida nan awak ite itongo ara kalunyak.
\v 2 Iyen ite jimitan orihe afa ite ida liruk Lobanga, to kikoi lobito kode lobo kisusui ata ite kitigerari kiwora lopidingahin kuna ituhoho.
\v 3 Tona ahirihohi nan ite ojo oru lobo tungani lotenya to Okorif lo Lobanga lojio ingohi ificori Yesu oru manyu lobo tungani lotum jimitan Yesu inyi Lahitok koloru Okorif na lo Lobanga to ken nenge.
\p
\v 4 Ongoni kicorita ake ake ati Okorif lobito.
\v 5 Manyu ongoni kirwaaita gele gele ati Lahitok lobito.
\v 6 Ongoni ticitici gele gele ati Lobanga lobito litiyo icieng iyo cio fad.
\v 7 Diho tungani lobito lobito itibotuni ticitici kulo Okorif na Inyu to jiran lo cio fad.
\v 8 Diho obito icio Okorif tenya lo genyun iyo lobo tenya lo yenun to inyi na Okorif bito.
\v 9 diho lobo kiruk to inyi na Okorif bito, diho lobo kicwara lo kitifuriorita cio tona Okorif bito.
\v 10 Diho lobo golun lo tanguhin kode, diho lobo kimoca, iyo lobo kora lo okorifi, iyo lobo tenya to tenyi tenyi gele gele orihe cie iyo lobo kitilaha lo tenyi tenyi.
\v 11 Ara kuno fad ticitici kulo inyi na Okorif bito manyu icwara inyi diho tungani tolobito tolobito iya na lowak inyi.
\p
\v 12 Ara ken lobito kileng ngoborengi fajihit, kileng ngogegela fajihit ara inyi na ken bito. Ori manyu Kristo jii.
\v 13 Tonyio Okorif lobito lohibatis ohoi iyo ken Lobito kode Judeani kode Girihoni kode opi kode na lolanyu ken nenge manyu kiciori ohoi kimat inyi na Okorif bito.
\v 14 Naha ida ken ara faji Lobito ati oboreng.
\v 15 Ngojo ba keju, “tonyio ida nan ara kana ida nan ara faji lo ken” ida cia na itik inyi rahun faji lo ken.
\v 16 Kode ngojo kiyok, “tonyio ida nan ara konyek ida nan ara faji lo ken” ngida na itik inyi rahun faji lo ken.
\v 17 Ngara afa ken fad konyek, ngoningo aja? Ngara ken fad kiyok ngingura to nyio?
\v 18 Ati ikukumahi Lobanga fajihit kulo ken fad icieng fad tolobito tolobito iya na lowahare inyi.
\v 19 Ngara icieng fad tohi lobito jii ken ongon aji?
\v 20 Iya na longonore, oborengi fajihit ati ken lobito.
\v 21 Ida konyek otum jimitan iyo kana, “ida nan ahiwak isi! Ida manyu kwe otum jimitan iyo kejuha ida nan ahiwak ite.
\v 22 Oto hati kuna fajihit kulo ken lori mejo igoroho ida otumiti kibiroro.
\v 23 Manyu fajihit kuna lida ocam orimati icieng lorimati noo. Manyu fajihit kuna ngida ocam to kitibotuno icieng oriciti noo
\v 24 oto fajihit kuna ibotoho ida oriciti na rican. Ati imorahi Lobanga fajihit kulo ken manyu icio rima nahitok iyo fajihit kuna lida ocam to rima.
\v 25 ojir kokora oru to ken ati ojir fajihit fad ongon ko rica kunakude.
\v 26 Kolomwai lobo faji, omwai fajihit fad ara lobito konyi Kolorimati lobito faji, okwama fajihit kuna kude fad inyi.
\v 27 Jijia ira ite ken lo Kristo manyu ira ite tolobito tolobito fajihit kunenge.
\v 28 Manyu to kanisa onyumu Lobanga ketemoni jayona, lare kamocak, lo uni katiyenak oto hati katiyok kulo tanguhin manyu kuna longon ko kicwara lo kitifurioro, kuna litweru lwaha kulakude, kuna longon ko kicwara lo kitibaha ko kuna lotenya tenyi tenyi kuna longon gele gele.
\v 29 Ara cio fad jayona? Ara fad kamocak? Ara fad katiyenak? Kitiyo fad tanguhin?
\v 30 Ongoni fad ko kicwara lo kitifurioro? Otenya fad to tenyi tenyi gele gele?
\v 31 Ati itotahitati kicorit na lobolo ogal.
\c 13
\cl Kingutit 13
\p
\v 1 Kalatenya nan to tenya lo cio ko lo malaikahin oto hati oru kimaruno ari nan iya igolo kode tororo kuna ligorita.
\v 2 Kalangonore nan kicorit lo kimoca, manyu ayen lititi kuna hitoha atehita yenun fad kode kalangon nan ko kiruk na lotingo dongecio aru hati ko kimaruno ida nan ara lobo tohi.
\v 3 Ngacio manyu adi nan sangite kunei pili iyo kakidahak kode acio ken nei ocurari ato hati aru ko kimaruno ida nan arumu lobo tohi.
\v 4 Idonyio kimaruno tau, orie kimaruno, ida odam sangite kulo cio, ida itidara, ida opufa,
\v 5 ida osil, ida otahita ken nenge ake, ida ilongo deu, ida ikena kipalipali,
\v 6 ida kimaruno okwama kipal ati okwama tenya lo dede.
\v 7 Oric kimaruno, igeno, oric, ikukuma.
\v 8 Ida kimaruno ouroro. Ati faji na longon kimociti icung mute, faji na longon tenyi tenyi gele gele imuhoro mute, faji na longon yenun orange mute.
\v 9 Tonyio kiyen ohoi lobo gaa manyu kimoca ohoi lobo gaa.
\v 10 Ati kalolotu mute kifut, orii mute ngorun.
\v 11 orihe afa nan ara kito, aiiyo afa nan iya kito, atenya iya kito, abuha iya kito. Ojo afa labolo nan ko kingohino oteeje kifongi nei.
\v 12 Jijia orihe kideya iya komom na lohideya to madara, ojo mute kide dong komom ko komom. Jija orihe nan ayen lobo gaa; ati alotu mute ayen otoc iya na lohiyenarihin nan otoc.
\v 13 Ati jijia iwasihi kuno sangite uni. Kiruk, kigeno ko kimaruno. Ati na lobolo ilany inyi kimaruno.
\c 14
\cl Kingutit 14
\p
\v 1 Ijifata kikoi lo kimaruno manyu igeriati kicoriti kulo Okorif, bebe nenge kicorit lo kimoca.
\v 2 Tonyio tungani na lotenya itenyiti gele gele ida otenya ko cio ati otenya ko Lobanga. Dede oru tungani liniang tenya nenge otenya inyi ilititi kulo tenyi tenyi to Okorif.
\v 3 Ati tungani na limoca otenya diho cio lo kitigolo icieng, kisinga ko kitirobija lo taulo.
\v 4 Tungani na lotenya to ngadief lobo ake ifaha ken nenge ati tungani na limoca ifaha kanisa.
\v 5 Awak nan ite tolobito tolobito itenya to itenyiti gele gele ati bebe nenge awak nan ite imoca. Tungani na limoca obolo ilany tungani na lotenya tenyi tenyi gele mayak kololak inyi to tenya na loningo cio inyi ha olwak kanisa.
\v 6 Jijia recera ngalotu nan diho ite ato afuhk to ngadief na igela, ngahilwak nan ite to nyio kalida nan ayauno lobo tenya iboto kode tenya lo genyun kode kimocit kode tenya lo kisinga?
\v 7 Kileng sangite kuna lida owari iya omilerehin kode ikuma kode lokeme kalida odingi kode okuti otoc itum isi iyen wole nenge?
\v 8 Iya furuji kalida okuti otoc ani asegereni ngolo rem?
\v 9 Ori iyo ite jii kalida ite itenya tenya na loninguno, ngai lotum oyen tohi na litenya isi? Iluta isi tenya iyo kiyoma.
\v 10 Dede ongoni tenyi tenyi beciek kof, oto hati oru lobo lida oninguno.
\v 11 kalida nan atum ningo tenya na lotenya tungani ara nan misiohoni iyo na katenyani ara manyu inyi misiohoni iyo nan.
\v 12 Ori jii iyo ite iya na liwahare ite kicoriti kulo Okorif, itotahitati icoriti kuna loduho kanisa.
\v 13 Tona tenya, lobo tungani kolotenya ngadief lobo ake ojir re ilifa Lobanga jimitan ojir icio inyi genyun lo laha lona tenya lotenya inyi.
\v 14 Tonyio, kalalifa nan to lobo ngadief ake, ilifa Okorif nei ati ida kibuha nei itiyo.
\v 15 Dong atii nan nyio? Alifa ca nan to okorif nei ati alifa manyu to kibuha nei. Awolo cia nan to okorif nei awolo manyu to kibuha nei.
\v 16 Kalimaja isi Lobanga to okorif nino aja ca tungani na lida iniang tohi na litenya ojo Amen iyo na kwama nino kalida oyen tohi na litenya isi?
\v 17 Itum ja isi ikwama otoc ati ida bo olwaha na tungani bito.
\v 18 Akwama nan Lobanga tonyio atenya nan to ngadiefo kuna ake alany ite fad.
\v 19 Ati to kanisa omayak diho nan tenya tenyi tenyi miet kuna loninguno asingare cio ilany tenyi tenyi alif tomon to ngadief na lida oninguno.
\p
\v 20 Recera ingohiti kibuha iya tee. Tongati lo kipal itira tee ati to kibuha ningi itira cio kuna hitoha.
\v 21 Iyo cik igero ojo, “to cio kuna totenya ofulik manyu to kutuhe kulo misiok. Atenya cia nan diho kuno cio ati kileng jii Ida cia oningiti tenya nei”.
\p
\v 22 Inyi jimitan itongo ngadief lobo ake kitotorita diho cio kuna lida iruk ida ara diho karuhok, itongo kimoca ara lo karuhok ida ara lo cio kuna lida iruk.
\v 23 Dong kolotubuno kanisa oto hati cio fad ofulik ngadiefo gele gele oto hati cio kuna lida oyen kode kude lida ara karuhok ongoni inyia ida ojo ida kweci kuningi itiyo?
\v 24 Ati kololotu tungani na lida iruk kode lobo lida oyen orumu cio fad imoca olotu ciao yen ojo ara kara inyi kapalani tonyio ongoto na kimoca tenya iyo icieng
\v 25 manyu itibotu tenyi tenyi kulo tau nenge. Ogung cia inyi iwor Lobanga manyu otulo ojo, “dede ongon Lobanga kiji ningi”.
\p
\v 26 Nyio ha dong ngateny nan recera? Kalifwonu ite ara lobito, to tungani lobito lobito ongon ko wole kode tenya lo kisinga kode kitiboto, tenya lo ngadief lobo ake, laha lo ngadief lobo ake. Ojir kuno fad itii ara lo kitigolo kanisa.
\v 27 Kolotenya lobo to ngadief na ike, are kode tolobo uni ojir otenyati, oteny Lobito ijifahi lobo ijifahi manyu lobo, ojir manyu kalahani lo kuna ngadiefo ongon.
\v 28 Koloru kalahani ojir katenyani obuho to kanisa otenya lolilime tau nenge ko Lobanga.
\v 29 Ojir kamocak are kode uni otenya, ojir kuna kude cio itiririo otoc tohi na lotenyati.
\v 30 Manyu kololotu kitotori iyo lobo tungani na litongo kof ojir nu katenyani ketemoni obuho.
\v 31 Tonyio itum ite kimoca ara na lilunyita ojir cio fad orumu kisinga ko kitigolo lo tau.
\v 32 Okorifi kulo kamocak olanyu kamocak.
\v 33 Tonyio ida Lobanga itingarahala ati ara Lobanga lo kisiliban. Iya na longonore lotubarihin kulo cio kulo Lobanga fad
\v 34 ojir ngorwo obuho to kanisahin. Ida iruhiti icieng otenya ati ojir ara kaningok iya na lotenyare cik.
\v 35 Kolowahiti kitifia lobo tohi, ojir itifi iyo rei kuneicieng to kang tonyio ida ojir iyo ngorwani tenya to kanisa.
\v 36 Iciak afa tenya lo Lonanga tote? Kode ara ite ake ogoru tenya lo Lobanga dihote?
\p
\v 37 Kaliiyo lobo tungani ojo inyi kamocani, kode angon inyi ko kicorit lo Okorif, ingohi toyen jimitan ene tenya lagero nan diho ite ara cik lo Lobanga.
\v 38 Kalitibase inyi ene tenya itibasari manyu cia inyi.
\p
\v 39 Inyi na recera kunei itotahitati kimoca, ati ketik manyu tenya lo ngadiefo.
\v 40 Ati ojir sangite fad itii ara na ijir manyu obehi.
\c 15
\cl Kingutit 15
\p
\v 1 Jijia recera, awak nan kitiiuno ite ene layomit ijir latitimahi nan ite lafa lifotu ite na manyu jijia liwoitwre ite.
\v 2 Tone layomit inyu kilwahuni ite kalinief ite tenya nenge otoc, kalida ara jii liruk ite arus.
\v 3 Tonyio tohi na larumu nan ahifotohi manyu nan ite ara tohi na igol jimitan owei afa Kristo to kipalipali kuniyang iya na lotenyare igeriti.
\v 4 Jimitan onuhi afa inyi manyu ibuhu to far lo uni iya na lotenyare igeriti
\v 5 Manyu olotu oboto iyo Petero ko diho kunu tomon ko are.
\v 6 To kifwongi olotu oboto diho recera kuna logal mia miet ara lobito kuna lorihe becek kuneicieng owari kileng lowei kude
\v 7 Tinya olotu oboto iyo Jems ko jayona fad.
\v 8 To kifwongi tur oboto diho nan kileng lari nan iya kito na lobutuni ara butuno.
\v 9 Tonyio nan lasidi bebe to kiji lo jayona na manyu lida acam kilolongi ojo jayo tonyio latigem afa nan kanisa lo Lobanga.
\v 10 Ati to kisa lo Lobanga ara nan iya ene larahare manyu ida kisa nenge diho nan ara lo arus. Ida, atii nan alany icieng fad oto hati ida ara nan ati kisa lo Lobanga litiyo iyo nan.
\v 11 Kileng ba ngara nan kode icieng tohi na lohititima inyi ene manyu inyi tohi na liruk ite.
\p
\v 12 Ati kalititimati ojo libuhu afa Kristo to kiji lo kaweyak, aja hati kude to kiji ningi ojo oru kibuhuno lo kaweyak?
\v 13 Koloru kibuhuno inyi jimitan ida kileng Kristo ibuhu.
\v 14 Manyu kalida Kristo ibuhu itongo ene kititima niyang ara lo arus kileng kiruk manyu ningi jii.
\v 15 Na logal fad inyi jimitan ara kisaden niyang to Lobanga talerun, tonyio kicio ohoi saden to Lobanga kijo itibuhu inyi Kristo to kiji lo kaweyak. Ati ida inyi itibuhu kalara tenya lo dede jimitan ida kaweyak ibuhu.
\v 16 Tonyio kalida kaweyak ibuhu inyi jimitan ida kileng Kristo ibuhu.
\v 17 Manyu kalida Kristo ibuhu, ara kiruk ningi arus irihe ite ingoni iyo kipalipali kuningi.
\v 18 Kileng kulafa lowei iyo Kristo lorii.
\v 19 Kalara kigeno niyang iyo Kristo tone warun jia inyi jimitan ohoi lohimehino kilany cio fad tone kof.
\p
\v 20 Ati libuhu afa Kristo to kiji lo kaweyak, okang lo kaweyak fad.
\v 21 Tonyio iya lafa lolotunore wei to tungani lobito, kibuhuno manyu olotu to tungani lobito.
\v 22 Tonyio iya na loweyare cio fad iyo Adam, jiha manyu itibuhuni manyu cio fad iyo Kristo.
\v 23 Ati Lobito Lobito to gonyo nenge. Kristo denguno lo lofirat, ojo hati inyi olotu ibuhu hati cio pili kuna lara kunenge.
\v 24 Olotu hati lohicungi lo kof na licwara inyi okabwe diho Lobanga Apa langun lokeru inyi okabwehin ko obolorehin ko golun fad.
\v 25 Tonyio ojir inyi olanyu many ofik merok kunenge fad fotirico kulo kejuha kunenge.
\v 26 Meroni na mute lolanyuni lohicungi inyi wei.
\v 27 Tonyio “lofik inyi sangite fad fotirico kulo kejuha kunenge”. Dong kolojimi, “lofihi sangite fad kejuha kunenge, oboto oleng jimitan ida ikenihini Lobanga katwa tonyio Lobanga lofiha sangite fad kejuha kulo Kristo.
\v 28 Kolokeru kitiyo jii, oto kito to ken nenge itongo iyo obolore lo money na lofik sangite fad kejuha kunenge ojir Lobanga money ongon fad iyo fad.
\p
\v 29 Ibo koloru kibuhuno adi cio kuna libatisati to kaweyak dong idimi aja? Kalida mute kaweyak ibuhu nyio ibatisati cio to icieng?
\v 30 Adi dong ohoi nyio kifik ohoi warun niyang faji na irohoi faritin fad?
\v 31 Aweita nan faritin fad, recera atenya nan jii iya na lahipufare nan ite iyo Yesu Kristo Lahitok niyang.
\v 32 Kalatirem nan tiyangi kuna ingereha to Epeso to koditi lo cio jia, nyio tohi arumu nan? Kalida kaweyak mute ibuhu, “ngatidahati ko mata tonyio Kiwanyi kiweyaru.”
\p
\v 33 Keco kitinonongi ite: manya ko karohojak ipalarita koditi na ijir.
\v 34 Itiituti iyo kibuha na ijir, manyu ingohiti kipal, tonyio ongoni kude kuna lolunya Lobanga, ahirihohi jii lo kitidaha ite riri.
\p
\v 35 Ati ngitifia ba lobo ojo, “ibuhu kaweyak aja? Ofwonu icieng ko kenite kuna lori aja?”
\v 36 Dataru na baya na! kinyiemoti na litibulahini ida otum warun many re kolowei.
\v 37 Kaliremo isi ida isi itibula ken lo tohi na liwasihi ati kinyiemoti kode lo ngamangiriti kode lo lobo tohi.
\v 38 Ati icio Lobanga inyi ken iya na lowak inyi manyu iyo koditi lo kinyiemoti lobito lobito, icorihi ken na lara nenge.
\v 39 Ida tyangi kulo kenite kulo sangite fad oriworo, ongon tyang lo ken lo tungani ake, ongon lo tyang ake, ongon lo kwenyite ake manyu ongon lo kayamiti ake.
\v 40 Ongoni manyu kenite kulo kai, ongoni manyu kulo kof ati ake dwarujon lo kenite kulo kai ake manyu dwarujon lo kenite kulo kof.
\v 41 Ongon kolong ko koditi lo dwarujon nenge ake, ongon ofa ko nenge ake ongoni manyu kanger ko kuneicieng ake, ongoni manyu kanger ake ake iyo dwarujon.
\v 42 Ori manyu mute jii iyo kibuhuno lo kaweyak. Ara ken na litubulahini na lomuraru ati na libuhuno na lida orihe owei.
\v 43 Itibulahini oru deyo ibuhu to deyo, itibulahini to goro ibuhu to golun,
\v 44 itibulahini tto ken lo kof ibuhu to ken lo Okorif.
\v 45 Iya na ligerorihin ojo, “tungani ketemoni Adam lolotu ara tohi na iwar, Adam lo lohicungi ara Okorif na licwara warun”.
\v 46 Ida ara ken lo Okorif litemu ati ken lone kof olotunore hati ken lo Okorif to kifwongi.
\v 47 Itongo afa tungani lo ketemoni ara fur lo kof, ara afa tungani la are lo kai.
\v 48 Ori cio kulo kof ko lafa tungani loduhuni to kof ori manyu cio kulo kai iya lafa tungani lolotu to kai.
\v 49 Iya na lohirijore ohoi ko lafa tungani lo kof kiri manyu mute ko lafa tungani lolotu to kai.
\p
\v 50 Ahirihohi nan ite recera ajo ida ken ko okoto otum lunyo okabwe lo Lobanga ida manyu tohi na lomuraru orum lunyo tohi na lida omuraru.
\v 51 Itining ahirihohi ilitit, ida mute ohoi fad kiwei ati ibelori mute ohoi fad.
\v 52 deu deu iya kirifoho lo konyek iyo lohicungi lo kicira lo furuji. Tonyio icira mute furuji, ibuhu mute kaweyak to kenite kuna lida orihe owei, manyu kibelori ohoi.
\v 53 Tonyio ojir iticiefi na imura tona lida omura, ko na lowei iticiefi to na lida itweru weyaru.
\v 54 Kaliticiefi na imura to na lida itweru mura, ko na iwei tona lida itweru wei, oto lafa tenya ligeri olotu ara dede na lojo, “lodilori wei lo lanyuni tur
\q
\v 55 Aji ongon lanyuno nino wei? Aji kiyeri nino wei?”
\p
\v 56 Kiyeri lo wei inyi kipal manyu golun lo kipal inyi cik.
\v 57 Ati kikwama Lobanga na lohicio ohoi lanyuno iyo Lahitok niyang Yesu Kristo.
\v 58 Tona recera kunei kuna lamaru, itiwoitati to na igol keco lobo tohi kitijijik ite. Tik tik icwarata kenite kuningi fad iyo tic lo Lobanga tonyio iyen ite jimitan ida tohoro ningi iyo Lobanga ara lo arus.
\c 16
\cl Kingutit 16
\p
\v 1 Jijia tenya lo sofo to cio kulo Lobanga. Itiyoto lafa tohi larihohi nan kanisahin kulo misiok fad.
\v 2 To far lo lobito kulo sabit fad. Ojir lobito lobito to kiji ningi itingade kude robia kuna lotutum to wel na lorumahitare inyi oricahi ojir kalalotu nan oru manyu lobo sofo.
\v 3 Ojir kalagoru nan ager cia nan waraga lo kitotoro iyo cio kuna liruk ite ko cularu icieng ko kiciorita kuningi iya Jerusalem.
\v 4 Kalaloro manyu ba nan kilik cia nan ko icieng.
\v 5 Langun lalo nan ara Masedonia, alotu cia nan diho ite tonyio aloro cia nan ara Masedonia
\v 6 kuya atong cia nan ko ite kode akeru furat ojir ite ilwahare nan iyo owele na laloro nan.
\v 7 Ida nan awak deya ite jija, ahiwaj ite ara na laringita ara ringita: awak nan kitongo ko ite to kude faritin kaliruk Lobanga.
\v 8 Ati arihe nan atongo Epeso many far lo Pentekost
\v 9 tonyio longaja agwala nahitok lo tic iyo nan ene manyu oboreng cio kuna lohitipeha nan ene.
\p
\v 10 Kololotu Timoti itode jimitan ojir ida itongo to bangun kiji ningi tonyio osodoro inyi kitiyo tic lo Lobanga iya na latiyore nan.
\v 11 Keco lobo tungani oberu kifotuno inyi itoculu inyi olotu to kisiliban ojir oitu ene diho nan. Angon nan kitila inyi ko recera.
\v 12 Jijia tenya lo rece niyang Apolos. Acik nan inyi to golun lo lotuno diho ite ko recera. Ida orumu inyi owak lotuno jijia ati olotu cia inyi kolorumahi faritin kulo lotuno.
\p
\v 13 Iririati itowoitati igoli iyo kiruk, itira cio kuna igoli taulo itogol.
\v 14 Itiyoti sangite fad to kimaruno.
\p
\v 15 Iyen ite jimitan cio kulo kolo Stepanas afa lara karuhok ketemok to kof lo Akaya, manyu icio icieng kenite iyo tic lo kirwaa cio kulo Lobanga, alelia nan diho ite recera
\v 16 iworati cio kuna lori ko kuna ko cio pili kuna limorihino iyo tic na lori iya na.
\v 17 Akwama nan no goruno lo Stepanas, Fortunatos ko Akaikas tonyio liyauno icieng tohi na longoromahino ten diho nan tija.
\v 18 Tonyio litirobi icieng okorif nei ko kuningi. Ocam koditi lo cio iya kuna to kiwora.
\p
\v 19 Ofonyo kanisa lo kof lo Asia, ofonyo Akuila ko Piricilia ko kanisa na lotubitita kaji neicieng.
\v 20 Ofonyo recera kuna longoni ene fad. Itifonyohinoti to fonyo na inyu.
\p
\v 21 Nan Paul lagero ene fonyo to kana nei.
\v 22 Tungani na lida imaru Lahitok ingohi ificori. Ou Lahitok Yesu.
\v 23 Kisa lo Lahitok Yesu kingon ko ite.
\v 24 Ingohi kimaruno nei tongon diho ite fad iyo Kristo Yesu. Amen.