Ino-x-okolie_reg/46-ROM.usfm

\id ROM
\ide UTF-8
\h Romans
\toc1 Romans
\toc2 Romans
\toc3 rom
\mt Romans
\c 1
\cl Kingutit 1
\p
\v 1 Nan Paul karwaani lo Kristo Yesu na lohilolonguni ara jayo manyu kitingadari kalele lo tuluno layomit na ijir lo Lobanga,
\v 2 layomit na locik afa inyi many berien ara diho kamocak to igeriti kuninyuji
\v 3 kuna lititima to kito lo Lobanga na torahun tungani ara lotata lo David
\v 4 na lara to okorif na inyu itibotuni to golun ara kito lo Lobanga to kibuhuno nenge to kiji lo kaweyak; Yesu Kristo Lahitok niyang.
\v 5 Tonyi manyu to golun lo karana nenge, kirumu ohoi kisa ko kijayolo kilolongo cio to kiji lo misiok fad iyo ningo na lolotu to kiruk.
\v 6 Manyu ira ite kuna lohilolonguni iyo kiji lo cio kuna lara kulo Yesu Kristo.
\p
\v 7 Diho cio kulo Roma fad kuna limaru Lobanga manyu ilolonguni lo rahun kanyujok. Kisa ko kisiliban lo Lobanga monye niyang ko Yesu Kristo ongon diho ite. Kigeria lo Paul waja Roma
\p
\v 8 Ketemoni, akwama Lobanga nei to Yesu Kristo to ite fad, tonyio logoru tenya lo kiruk ningi kofi kofi fad.
\v 9 Lobanga na larwaa nan to tau nei fad to kititima layomit lo kito nenge inyi saden nei na lodeu jimitan
\v 10 alifa nan to ite tik tik manyu alifa jimitan to wahun lo Lobanga, ngongaja hati kikoi diho nan lo lotuno diho ite.
\v 11 Ageria nan deya ite ojir manyu ahikorahi ite kue kicoriti lo Okorif kulo kitigolo ite
\v 12 ojir nan ko ite ara lobito kitigol kiruk niyang. Kiruk ney itigol taulo kuningi kiruk ningi manyu itigol tau nei.
\v 13 Awak nan ite iyen recera kunei jimitan latem nan kikukuma ka keny becek lo lotuno diho ite (ati kitihi nan ko jija) na lawak nan jimitan ojir alotu arumu cio
\v 14 kude to kiji ningi iya na larumunore to kiji lo misiok kuna lida ara Grik, diho kangenyak ko kadatarok.
\v 15 Inyi licio nan aura kititima ene layomit diho ite manyu kuna lingoni Roma. Golun lo layomit na ijir lo Lobanga.
\p
\v 16 Ida riri kidaha to tenya lo daha to tenya lo layomit na ijir tonyio ara golun lo Lobanga lo lwahuno cio fad kuna liruk, ketemoni diho Judeahin ko misiok manyu.
\v 17 Tonyio iyo layomit na inyu itotoruno nyujon na lolotuno idi iyo Lobanga, nyujon na lolotuno to kiruk to lohiciahi many lohicungi, iya na ligerorihin ojo, “owar mute kanyujok to kiruk” Kilolongo lo Lobanga iyo cio
\p
\v 18 Itimotunoti kilolongo lo Lobanga to kai idi iyo cio karohojak fad kuna lidonyio tenya to ticitici kuneicieng kuna irohori.
\v 19 Ati hati sangite kuna ngoyeniti to ken lo Lobanga olwa, tonyio lolwehi Lobanga idi iyo icieng.
\v 20 Tonyio many to lohiciahi lo kof koditi lo Lobanga ko golun nenge na lida oboto itibotuni otoc na lotumiti kiniang idi iyo sangite kuna loduk inyi ojir cio oru ko kigera.
\v 21 Tonyio kileng loyeniti Lobanga ida owahiti kitikwata ara Lobanga kode kicwara inyi kwama ati itongo kiiyo lo kweci kuneicieng ara tohi na lida olwaha many itale mutohun taulo kuneicieng kuna idataruha.
\v 22 Kokileng ngo tenyati ojo kigenyi icieng lofwonu ara kadatarok
\v 23 manyu otobi kitiririta lo Lobanga na lida otum weyaruitiririhini ko sangite kuna ngowei iya cio; kode kweny, kode tyangi, kode muniok.
\p
\v 24 Inyi lico Lobanga ocorihi icieng iyo wahita kuna irohori kulo taulo kuneicieng lo kipapalare lo deyo lo kenite kuneicieng ake ake.
\v 25 Otobi tenya lo dede lo Lobanga to talerun manyu iworati ko kirwaa sangite kuna loduhi ingohini kaduhoni na lomajati karihin ko karihin Amen.
\p
\v 26 Tona tenya, locorihi lobanga icieng diho wahita kulo riri. Kileng ngorwo kuneicieng ingohini geto iya na lo otomone, itiyoti kude ake.
\v 27 Tona kikoi bito longerihi manyu rei kitongo ko ngorwo owahiti kitongo ko rei kaletok. Itiyo rei ticitici kuna iboti kulo riri ko rei kaletok licio cia icieng orumu kitigema iya na locam to kuna ticitici iboti litiyo icieng.
\p
\v 28 28 Dong iya na litiyore icieng jimitan ida kiwak rica genyun lo Lobanga, ocorihi Lobanga icieng iyo kiiyo na logere lo kitiyo sangite kuna lida ocam to kitiyo.
\v 29 Lifut dong icieng ko ticitici kuna liboti fad, rohojun, kingaru, ko kiiyo na lotoboro. Ifutiti ko damun lo sangite kulo cio, kifada cio, remoro, kitinononga ko liwa. Arahi kamongak,
\v 30 kalabak, kaberunok kulo Lobanga, kamorok, kapufak, ko katidarak, otahitati kikohin kulo kitiyo kipal, oberuni manyu ningo katomonok kuneicieng
\v 31 Arahi cio kuna loru kiiyo, oru kiruk, orohori taulo manyu ara kasasuok.
\v 32 kileng loyeniti cik lo Lobanga na inyu na lojo cio kuna litiyo kuno sangite ocam to wei, ida icieng osodoro kitiyo kuno sangite keken ati okwamati manyu cio kuna litiyo icieng.
\c 2
\cl Kingutit 2
\p
\v 1 Tona loru lobo tohi na ngitenya isi tungani na lingoto tenya kweci kulo cio kaletok, tonyio inyia lingotore isi tenya kweci kulo cio kuna kude lingot manyu isi tenya kwe nino ake ake tonyioitiyo manyu isi iya na litiyore icieng.
\v 2 Jiji kiyen ohoi jimitan ngoto lo tenya lo Lobanga diho cio kuna litiyo kuna ticitici owoita iyo tenya lo dede.
\v 3 Dong kalingoto isi tungani tenya kweci kulo cio kuna kude ito hati itiyo icieng kuna ticitici litiyo icieng ifik isi ijo ifur cia isi to ngoto lo tenya lo Lobanga?
\v 4 Kode itikaja isi bara lo kisa, jiran, riejun ko kidonyo lo tau ko diha lo Lobanga ida hati niyen ijo kirihoro jiran lo Lobanga ite diho kirwo lo kipal?
\v 5 Ati to tuho nino ko beruno kirwo ingon isi ricahino moto lo kilongo lo Lobanga to far lo kilongo nenge na mute litibotunore inyi ngoto lo tenya na ibir.
\v 6 Icio mute Lobanga tungani to lobito to lobito tohi na locam to tic nenge.
\v 7 Diho kuna lodik kitiyo ticitici kuna ijiri manyu otahitati deyo, kwatun ko siojun, icio cia inyi icieng warun na losio tur.
\v 8 Ati diho kuna lotahita wahun kuneicieng manyu oberu tenya lo dede ijifitati rohojun, orumu cia icieng kilongo ko kidak.
\v 9 Ongon cia kidak ko mejun lo taulo diho cio fad kuna litiyo rohojun, ketemoni diho Judeahin ko diho misiok.
\v 10 Ati deyo, kwatun ko kisiliban diho cio pili kuna litiyo ticitici kuna ijiri, ketemoni dihoJudeahin ko diho misiok.
\v 11 Tonyio ida Lobanga igegela.
\v 12 Ciofad kuna lipalida oyen cik okeroroti cia ida oyeniti cik manyu kuna lipal to cik, ongotohini icieng tenya to cik.
\v 13 Tonyio ida ara kaningok kulocik lo biri to ketemoni lo Lobanga ati ara kuna litiyo iya na lotenyare cik icieng litotoruni ara kabirak.
\v 14 (Kalitii misiok kuna loru ko cik sangite kuna longoni iyo cik to koditi neicieng, irumu dong icieng to kenite lara monyeri kulo cik ko kileng ngoru cik lo Moses diho icieng.
\v 15 Tonyio litotoru icieng jimitan igero tenyi tenyi kulo cik taulo kuneicieng manyu yenun na longonore icieng taulo na litotorohita icieng kipalipali inyi lara saden na tolobo otora icieng tolobo olaha).
\v 16 Itiihino mute kuno far na longotore Lobanga tenyi tenyi kulo taulo kulo cio ara diho Yesu Kristo iya na lotenyare jiri nei. Judeahin ko cik
\p
\v 17 Jijia kalilolongoro isi ijo inyi Judeani, kaliganga isi iyo cik manyu ipufa jimitan angon inyi ko Lobanga
\v 18 Kaliyen wahun nenge manyu ikwama tohi na ijir ilany tonyi lohitiyeni isi to cik
\v 19 kaliyen isi jimitan inyi karihitani lo kangodok manyu ira wangun iyo kuna longoni iyo lokimuyuk,
\v 20 kasingani lo kadatarok, katiyenani lo tee tonyioingonore isi genun ko dede na lolotu iyo cik
\v 21 isi bo na litiyena kulakude ida isi itiyen ken nino? Isi na lijo kekoko ikoko manyu isi?
\v 22 Isi na lijo keyau ngorwani lotungani, iya manyu isi ngorwo kulo cio? Isi na liberu lopidingahin ibela manyu isi tifinehin?
\v 23 Isi na lipufare cik itikaja manyu isi Lobanga to gila cik?
\v 24 Iya na ligerorihin ojo, “omoroti karana lo Lobanga to kiji lo misiok to ite”.
\v 25 Olwaha kiliraru kalijifita isi cik ati kaligila isi cik ito manyu iri mejo ida kiliri kileng.
\v 26 Koloric kuna lida iliraru cik ida cia icieng ori mejo iliraroti?
\v 27 Tungani na lida iliraru ati oric tenya lo Lobanga, kingotohi cia isi tenya na liyen cik itohati ida iric kijifita tic nenge.
\v 28 Ida tungani ara judeani kalara lobito to oleng, ida manyu kiliraru itongo ara loken jia.
\v 29 Ara tungani Judeani kalara inyi Judeani to katwa lo tau, manyu ara kiliraru nenge kiliraru lo tau na lilir Okorif na inyu ida ara to kigero, manyu koditi lo na tungani kileng ngida cio oyen inyi ati oyen Lobanga inyi.
\c 3
\cl Kingutit 3
\p
\v 1 Nyio ha jiran lo rahun Judeani kode nyio jiran lo kiliraru?
\v 2 Obolo iyo kikohin fad! Ketemoni re, icieng iciori tenya lo Lobanga.
\p
\v 3 Adi ba ngida kude to kiji neicieng iruk? Ipale cia na rujon lo kiruk neicieng kigenoro lo Lobanga?
\v 4 Oru tur! Ingohi Lobanga tara dede ara cio fad katalerok. Iya na ligerore ojo,“Ojir tohi na litenya isi itotoru ojo ibir isi. Manyu itiihino kalingoto isi tenya.”
\p
\v 5 Ati kaliyauno rohojun niyang jiran lo Lobanga otoc ojir dong kijo nyio? Kijo ida Lobanga ojir to kiyauno longo nenge kuniyang? (Angon nan tenya iya tungani).
\v 6 Ida ori iya na. Ngara ori jii ngongot hati Lobanga tenya lo kof fad aja?
\v 7 Kalitibotu talerun nei dede lo Lobanga manyu osod deyo ko kwatun nenge, nyio hati manyu orihe kingotohinorehin nan tenya to kipal nei?
\v 8 Nyio ida kijio- iya na lojimitare kude ojo kijo ohoi, “Ngatiyoti rohojun ojir jiran olotu? Kalongotohini koditi lo kuna cio tenya, irumu obehi. Oru lobo tungani ibir.
\p
\v 9 Kijo hadong ba aja? Kijiri ohoi Judeahin kilany cio kulakude? Oru tur. Lohikeru adi ohoi tuluno jimitan Judeahin ko misiok fad ara kapalak.
\v 10 Iya na ligerore ojo, “Oru lobo tungani lojir ko lobo bito
\q2
\v 11 oru manyu lobo tungani liniang Oru manyu lobo lotahita Lobanga
\q
\v 12 logere icieng fad, icieng fad lipalaroti Oru lobo litiyo na ijir oru kolobo bito.
\q
\v 13 Oyamaha iya kwecerehin kuna iwati otenya ngadiefo Kuneicieng kitinononga jia odwar tenya lo kutuhe Kuneicieng iya kiyeri lo munu.
\q2
\v 14 ifut kutuhe kuneicieng ko kifico ko dwarun
\q
\v 15 Otawahi kejuha kuneicieng fworo kifada
\q2
\v 16 Itongo kikohin kuneicieng ara kulo kipalaru lo kof ko kidak
\q
\v 17 manyu ida icieng oyen kikoi lo kisiliban.
\q2
\v 18 oru bangun lo Lobanga tokonyeha kuneicieng.
\p
\v 19 Jijia kiyen jimitan tohi na loteny cik, otenyaq diho cio kuna longon fotiri lo cik ojir itibuhi kutuhe fad manyu ojir kof fad otubuno diho lokiholo Lobanga.
\v 20 Tona oru mute lobo tungani lojimi obir to kijifita lo cik. Ati to cik kiyen ohoi jimitan kira kapalak.
\p
\v 21 Ati jija loboto biran na lolotu diho Lobanga na lida ara to cik, na longon kisaden nenge iyo cik ko kamocak.
\v 22 Ene biran liyauno Lobanga olotu to kiruk diho Yesu Kristo diho cio pilikuna liruk
\v 23 tonyio ipal cio fad manyu olomaha diho deyo lo Lobanga,
\v 24 manyu olahuni jia to kisa nenge ko lwaha na lolotu to Yesu Kristo.
\v 25 Icio Lobanga inyi ara kikumi lokilala to okoto nenge. Itii inyi jii lo kitotoro biran nenge tonyio to dihan nenge, lolau inyi kipalipali kulafa litii ida itigem.
\v 26 Lo kitotoro jimitan abir inyi manyu akena tungani jimitan obir to kiruk nenge diho Yesu.
\p
\v 27 Aji ha dong ongon pufa? Lingohini. Tani kikoi? To na lorica cik? Oru ara to kikoi lo kiruk.
\v 28 tonyio longon jija jimitan itibirahini tungani to kiruk ida ara to rica lo cik.
\v 29 Ara Lobanga Lobanga lo Judeahin keken? Ida inyi ara Lobanga lo misiok manyu? Ibo ara inyi Lobanga lo misiok manyu.
\v 30 Iya na lorahare Lobanga Lobito hilong na cia litibirahi kuna liliraru to kiruk manyu kuna lida iliraru tona kiruk bito.
\p
\v 31 31 Kitifuhe hati ohoi cik tone kiruk? Ida ara jii tur ati kiting ohoi cik kai to kiruk.
\c 4
\cl Kingutit 4
\p
\v 1 Ngohijo ha dong aja to fafai niyang Abraham, tone tenya?
\v 2 Ngara ba dede itibiri Abraham to tic, ngongon afa inyi ko pufa ati ida ara to ketemoni lo Lobanga.
\v 3 Ojo kigerit aja? “Iruk Abraham tenya lo Lobanga oto ikenihini inyi biran”.
\p
\v 4 Jijia kalitii tungani ida ikeni kidumit nenge ara tohi na licori ati ara mucara.
\v 5 Oto hati, diho tungani na lida itii ati igeno Lobanga na litibira kapalak, ikeni kiruk nenge ara nyujon
\v 6 Oteny David na tenya bito kalititima inyi to gum na lico Lobanga biran ida ara to tic ojo,
\p
\v 7 “Ongoni ko gum kuna lo launi rohojitakuneicieng. Kuna limuhi kipalipali kuneicieng
\q
\v 8 Ongon ko gum tungani na lida Lobanga ikenihi Kipal kwe nenge”.
\p
\v 9 Ara ene gum lo cio kuna liliraru keken kode lo cio kuna lida iliraru manyu? Kijo adi ohoi kijo, ikenihini kiruk lo Abraham ara biran.
\v 10 Ikenihini tani kikoi? Ara afa langun liliraru inyi kode orihe ida iliraru? Ikenihini afa orihe inyi ida iliraru!
\v 11 Oto orumu kitotorita lo kiliraru lo kitigolo biran na lorumu inyi to kiruk orihe ida iliraru. Tona ara inyi money lo cio pili kuna liruk kileng lida iliraru ojir biran icori icieng.
\v 12 Ara manyu inyi money lo cio kuna lilirarukuna lo lotita to kiruk iya afa lolotitare Abraham orihe ida iliraru. Itifuta mute ciharu to kiruk
\p
\v 13 Ida afa ara to cik icwarararihin Abraham ko lotataha kunenge ciharu lo lunyo lo kof ati ara afa to biran na lolotu to kiruk.
\v 14 Tonyio ngara kuna lowar to cik kalunyok oto kiruk oru faida nenge oru manyu fotiri lo ciharu.
\v 15 Tonyio iyauno cik kilongo. Manyu faji na loru cik oru manyu kipal tijia.
\v 16 Tona olotu ciharu to kiruk ojir ara to kisa ojir otumohino to lotataha kulo Abraham fad ida ara to kulo cik keken ati to kulo kiruk lo Abraham tonyio ara inyi fafai niyang fad.
\v 17 Iya na ligerorihin ojo, “Lafik nan isi ara money lo kofi kofi fad”. Ara inyi money niyang to ketemoni lo Lobanga na liruk inyi- Lobanga na licwara warun diho kaweyak na liyaunita sangite kuna iruji iyo ngonun.
\v 18 Iruk afa Abraham manyu ofik kigeno nenge diho tohi na ngida otumiti kigeno, tona olotu inyi ara monye lo kofi kofi fad iya na lotenyarihin diho inyi ojo, “ori mute lotataha kunino jiha”.
\v 19 Na lida ko kiruk nenge ohuliete itikaj inyi ko deya jimitan loru golun to ken nenge tonyio logoru karihin kunenge mia Lobito manyu lorubuk mudong lo ngorwani nenge Sarah.
\v 20 Ida afa kiruk nenge otutuk to ciharu lo Lobanga ati itigoli inyi to kiruk nenge iyauno deyo diho Lobanga,
\v 21 to yenun otoc jimitan otum Lobanga kitiyo tohi na locik inyi.
\v 22 Inyi lico ikenahini diho inyi ara biran.
\v 23 Ene tenya lojimi, “ikenahini diho inyi” ida igerohini to inyi ake
\v 24 ati diho ohoi manyu kuna lohikenahi Lobanga biran,- to ohoi kuna liruk diho inyi na litibuhu Yesu to kiji lo kaweyak.
\v 25 Iciori afa inyi owei to kipalipali kuniyang manyu ibuhu to kitinyujo ohoi.
\c 5
\cl Kingutit 5
\p
\v 1 Iya na dong lohitibirahini ohoi to kiruk, lohingon ohoiko yomo ko Lobanga to ken lo Yesu Kristo.
\v 2 Tonyio lico kingajahini ohoi kikoi lo rumuno kisa na lo lowoita to kiruk manyu kitongore to kwama ko kigeno lo ngara deyo lo Lobanga.
\v 3 Ida ara jii keken ati kingon manyu ko kwama to kidak na lohirumu tonyio iyauno kidak diha,
\v 4 oto diha iyauno koditi na ijir kicio koditi na ijir kingon ko kigeno
\v 5 manyu ida kigeno kicio ohoi mejun lo taulo tonyio lijuhohi Lobanga kimaruno nenge taulo kuniyang to Okorif na Inyu na lohicio inyi ohoi.
\v 6 Tode to faritin kuna lorihe ohoi kigoroho, owei Kristo to ohoi
\v 7 Ogol diho tungani to weyaru to tungani na ibir, ati lofe to lobo otum ha tungani kipotoro warun nenge to kaletoni
\v 8 Ati itotor Lobanga kimaruno nenge diho ohoi tone tic bito jimitan, orihe ohoi kira kapalak, owei Kristo to ohoi.
\v 9 Oto, iya na lohitibirarihin ohoi to okoto nenge, ajan ca bolojun lo lwahuno niyang iyo kilongo lo Lobanga tonyi!
\v 10 Tonyio kolohira afa ohoi merok kulo Lobanga oto hati inyi kitiyomohi ohoi ko inyi towei lo kito nenge oto ca ori aja lwahuno niyang to warun nenge!!
\v 11 Ida hati ara jii keken, ati kingon manyu ko kwama diho Lobanga to Lahitok niyang Yesu Kristo na lara inyi lohitiyomohi ohoi ko money. Wei to Adam- warun to Yesu Kristo.
\p
\v 12 Dong iya na lolotunore kipal kof to tungani lobito, manyu olotunore wei to kipal, tona kikoi bito manyu olotunore wei diho cio fad tonyio lipal cio pili,
\v 13 many orihe ida icori cik orumu kipal longon kof. Ati ida otumiti kituba kipal koloru cik.
\v 14 Oto hati, olanyu afa wei kof many to Adam many diho Moses kileng diho kulafa lida ipal to gila lo cik iya lafa logilare Adam na afa kitotorita lo na lolotuno to kifwongi.
\p
\v 15 Ati ida kicwara lo kisa na licio Lobanga ori ko kipal lo Adam, naha kolowei cio kuna iborengi to kipal lo tungani lobito. Ori ca kicwara lo Lobanga aja na licio inyi to kisa nenge tona tungani bito; Yesu Kristo na lotum to cio kuna iborengi!
\v 16 Cie manyu ida kisa lo Lobanga ori ko kipal lo na tungani bito. Ijifu ngoto lo tenya kipal lobito, ati olotu kicwara to omot lo kipalipali beciek iyauno kitibira.
\v 17 Kalara to kipal lo loboito tungani olanyu wei kof tona tungani bito, inyi jimitan ogal ca lo cio kuna lorumu kisa lo Lobanga na loraban ko kicwara lo biran na liyauno warun na lolotu to tungani lobito inyi Yesu Kristo.
\v 18 Iya na liyaunore kipal lo lobito tungani ngoto lo tenya diho cio fad, jihaha manyu tic lo biran lo tungani lobito liyauno biran ko warun diho cio pili.
\v 19 Dong iya na to kingis lo lobito tungani ofwonu cio fad ara kapalak, jiha manyu to ningo lo lobito tungani ofwonu manyu cio becek ara kabirak.
\v 20 Iciori afa cik ojir kipal osodoro. Ati faji na losodoro kipal, osodoro manyu hati kisa lo Lobanga bebee
\v 21 ojir dong iya na liyaunore kipal wei, ojir manyu kisa olanyu to biran lo kiyauno warun na losio tur to Yesu Kristo.
\c 6
\cl Kingutit 6
\p
\v 1 Kijo dong aja? Ojir kisodoro kipal osodorore manyu kisa?
\v 2 Ida lohiwei ohoi iyo kipal aja manyu kisodoro warun iyo kipal ari?
\v 3 Kode ida ite iyen jimitan ohoi fad kuna lohibatisi diho Kristo kibatisi diho wei ko inyi?
\v 4 Inyi jimitan lohinuhahini ohoi ko inyi iyo kibatisa to wei nenge, ojir iya lafa litibuhunorihin Kristo to kiji lo kaweyak to deyo lo money, ojir manyu ohoi kiwari warun ngejuk. 
\v 5 Kolohimora ohoi ko inyi jii iyo wei nenge kito manyu cia kimora ko inyi iyo kibuhuno nenge.
\v 6 Tonyio kiyen ohoi jimitan ogurohini afa kenite kuniyang ongoro ko inyi iyo kuruce ojir itiriori ken lo kipal ojir ohoi ida kirihe kira opihin kolo kipal.
\v 7 Tonyio, tungani na lowei lolahari iyo kipal.
\v 8 8 Jija kolohiwei ohoi ara Lobito ko Kristo kiruk ohoi jimitan kiwari manyu mute ohoi ko inyi.
\v 9 9 Tonyio kiyen ohoi jimitan, iya na afa litibuhunorihin Kristo to kiji lo kaweyak ida ca inyi otum wei ari, lida dong wei ongon ko golun lobo ken nenge.
\v 10 Alotu nan arumu jimitan inyi na cik bito lorumu ojir iyauno warun, liyauno wei.
\v 11 Tonyio orumu kipal faji lowoitare to cik ko kiyauno diho nan wei.
\p
\v 12 Oto hati ojir cik onyu manyu.
\v 13 Lolotu hati tohi na ijir inyu iyauno wei diho nan? Ida ara jii. Ati lo kitibotuno kipal ara kipal olotu kipal otomonu wei diho nan to cik na ijir inyi jimitan cik na lara tohi na ijir inyi litibotu kipal otoc.
\v 14 Kiyen jimitan ara cik tohi lo okorif ati ara nan tungani lo ken na lohitilotori ara opi lo kipal.
\p
\v 15 Ida nana yen tohi na latiyo nan. Tonyio ida nan atiyo tohi na lawak nan kitiyo ati tohi na laberu nan inyi atiyo nan.
\v 16 Dong kalatiyo nan tohi na laberu nan, ayen lofe jimitan ojir cik.
\v 17 Inyi jimitan ida ara nan latiyo sangite kuna laberu nan ara kipal na longon katwa nei litiyo
\v 18 Ayen nan jimitan oru lobo tohi ijir to katwa lo kipal na longon ken nei. Tonyio angon nan ko wahunlo kitiyo tohi na ijir ati ida nan atweru kitiyo.
\v 19 Tonyio ida nan atiyo tohi na ijir na lawak nan kitiyo, tohi na irohoi na laberu nan inyi atiyo nan.
\v 20 Dong kalatiyo nan tohi na lida nan awak inyi jimitan ida ara nan latiyo ara kipal na lomanya katwa nei litiyo kuna ticitici irohori laberu nan.
\v 21 Dong arumu nan ene cik ongon tic. Kalawak nan kitiyo na ijir, ongon rohojun inyia ko nan.
\v 22 Tonyio to katwa lo tau nei ageria nan cik lo Lobanga
\v 23 ati adeya nan lobo cik ake kitiyo to ken nei na litiremo cik to tau nei kico nan ara mabus lo kipal na longon kitiyo to ken nei.
\c 7
\cl Kingutit 7
\p
\v 1 kwama tongon diho Lobanga to kito nenge Yesu Kristo Lahitok niyang! Dong nan to katwa lo tau nei ara nan opi lo cik lo Lobanga, ati to koditi lo kipal ara opi lo cik lo kal.
\v 2 Tonyio iyo Kristo Yesu lohilak cik lo okorif ko warun nan iyo cik lo kipal ko wei.
\v 3 Tonyio tohi na lida cik itweru kitiyo to lanyuno lo ken lo kipal, litii Lobanga to culuno kito nenge iyo ken na lori na lori ko kulo cio kapalk ojir ara lajulot lo kikumaru kipal. Inyi na lifufuse kipal to kenite kulo cio kapalak.
\v 4 Ojir tenyi teniy kuna ibiri kulo cik itifuti diho ohoi kuna lida kimanya to koditi lo kipal ati to koditi lo Okorif.
\v 5 Tona cio kuna lomanya to koditi lo tungani ofihi kibuha neicieng iyo tohi na lowak koditi lotungani, ati cio kuna lomanya to koditi lokorif ofik kibuha neicieng iyo tohi na lowak okorif.
\v 6 Ara kibuha lo tungani kapalani wei ati kibuha na lolanyu okorif ara warun ko kisiliban.
\p
\v 7 ijoria kibuha to kipal ko Lobanga. Ida inyi iruk cik lo Lobanga olanyu inyi.
\v 8 Cio kuna kuna lolanyu koditi lo kipal icieng ida itweruni kitikwama Lobanga
\v 9 Ojo to ite, ida ara koditi lo kipal lohilanyu ite ati Okorif kalara Okorif lo Lobanga lohilanyu ite dede. Manyu kolporu tungani lobo ko Okorif lo Kristo, ida inyi ara lo Kristo.
\v 10 ati kolongon Kristo katwa ningi, lowei kenite kuningi iyo kipal ati owari Okorifi kuningi to biran.
\v 11 Manyu kolongon Okorif lo katibuhunonilo Yesu to kiji lo kaweyak katwa ningi oto ca inyi na litibuhu Kristo lo kiji lo kaweyak icio warun diho kenite kuningi iweiha to Okorif nenge na lomanya katwa ningi.
\v 12 Inyi licio recera, kingon ko mongiyo, ati ida ara lo warun lo koditi lo kipal.
\p
\v 13 Tonyio kalimanya isi to koditi lo kipalira isi kaweyani ati kalifade isi ticitici kulo ken to gohin to Okorif iwar isi.
\v 14 Tonyio cio kuna lorihita Okorif lo Lobanga icieng, ara icieng tee kulo Lobanga.
\v 15 Tonyio ida afa kiciori ite Okorif na lohifik ite ira opihin kulo bangun ati irumu ite Okorif lo rahun tee kulo Lobanga tona okorif kicira ohoi kijo “Abba Apa/ monyelei”.
\v 16 Imor Okorif lo Lobanga kisaden ko okorif kuniyang jimitan kira ohoi tee kulo Lobanga.
\v 17 Dong kolohira ohoi tee inyi jimitan ohoi kalunyok, kalunyok ara Lobito ko Kristo kulo kolo Lobanga, kolohingar dede ohoi ko Kristo kidak nenge ojir manyu mute kingar deyo nenge.
\v 18 Adeu nan jimitan ene kidak niyang jija ida ocam to kitiririo ko deyo na mute litibotuni to kenite kuniyang.
\v 19 Itila cifo lo Lobanga. Kitibotuno lo tee kulo Lobanga to kigeria nahitok.
\v 20 Tonyio orumu afa cifo kitigema na lida ara to wahun nenge ati to wahun lo katigemani nenge lo kigeno
\v 21 jimitan ojir cifo to ken olahari to tohi na lipalaru inyi ojir iyauni inyi iyo laharu lo deyo lo tee kulo Lobanga.
\v 22 Kiyen ohoi jimitan cifo fad ongon kiboria na lori ko kiboria lo otomone ko jija.
\v 23 Ida ara jii keken, ohoi manyu kuna lohira ngak ketemok kulo okorif, kiboria to taulo kolohingon kitila kibelo niyang ara tee kulo Lahitok lahuno lo kenite kuniyang.
\v 24 Tonyio tone kigeno kilwahuni ohoi. Ati kigeno na loboto ken ida ara kigeno. Ngai ligenitita tohi na lotek inyi?
\v 25 Ati kolohigeno tohi na lorihe ida kitek, kitila to kidonyo lo taulo.
\c 8
\cl Kingutit 8
\p
\v 1 jija loru lobo ngoto lo tenya to cio kuna longoni iyo Kristo Yesu
\v 2 Tonyio iyo Kristo Yesu lohilak cik lo okorif ko warun nan iyo cik lo kipal ko wei.
\v 3 Tonyio tohi na lida cik itweru kitiyo to lanyuno lo ken lo kipal, litii Lobanga to culuno kito nenge iyo ken na lori na lori ko kulo cio kapalk ojir ara lajulot lo kikumaru kipal. Inyi na lifufuse kipal to kenite kulo cio kapalak.
\v 4 Ojir tenyi teniy kuna ibiri kulo cik itifuti diho ohoi kuna lida kimanya to koditi lo kipal ati to koditi lo Okorif.
\v 5 Tona cio kuna lomanya to koditi lo tungani ofihi kibuha neicieng iyo tohi na lowak koditi lotungani, ati cio kuna lomanya to koditi lokorif ofik kibuha neicieng iyo tohi na lowak okorif.
\v 6 Ara kibuha lo tungani kapalani wei ati kibuha na lolanyu okorif ara warun ko kisiliban.
\v 7 ijoria kibuha to kipal ko Lobanga. Ida inyi iruk cik lo Lobanga olanyu inyi.
\v 8 Cio kuna kuna lolanyu koditi lo kipal icieng ida itweruni kitikwama Lobanga.
\v 9 Ojo to ite, ida ara koditi lo kipal lohilanyu ite ati Okorif kalara Okorif lo Lobanga lohilanyu ite dede. Manyu kolporu tungani lobo ko Okorif lo Kristo, ida inyi ara lo Kristo.
\v 10 ati kolongon Kristo katwa ningi, lowei kenite kuningi iyo kipal ati owari Okorifi kuningi to biran.
\v 11 11 Manyu kolongon Okorif lo katibuhunonilo Yesu to kiji lo kaweyak katwa ningi oto ca inyi na litibuhu Kristo lo kiji lo kaweyak icio warun diho kenite kuningi iweiha to Okorif nenge na lomanya katwa ningi.
\p
\v 12 Inyi licio recera, kingon ko mongiyo, ati ida ara lo warun lo koditi lo kipal.
\v 13 Tonyio kalimanya isi to koditi lo kipalira isi kaweyani ati kalifade isi ticitici kulo ken to gohin to Okorif iwar isi.
\v 14 Inyi licio recera, kingon ko mongiyo, ati ida ara lo warun lo koditi lo kipal.
\v 15 Tonyio kalimanya isi to koditi lo kipalira isi kaweyani ati kalifade isi ticitici kulo ken to gohin to Okorif iwar isi.
\v 16 Imor Okorif lo Lobanga kisaden ko okorif kuniyang jimitan kira ohoi tee kulo Lobanga.
\v 17 Dong kolohira ohoi tee inyi jimitan ohoi kalunyok, kalunyok ara Lobito ko Kristo kulo kolo Lobanga, kolohingar dede ohoi ko Kristo kidak nenge ojir manyu mute kingar deyo nenge. Deyo na mute lo lotuno.
\p
\v 18 Adeu nan jimitan ene kidak niyang jija ida ocam to kitiririo ko deyo na mute litibotuni to kenite kuniyang.
\v 19 Itila cifo lo Lobanga. Kitibotuno lo tee kulo Lobanga to kigeria nahitok. 20 Tonyio orumu afa cifo kitigema na lida ara to wahun nenge ati to wahun lo katigemani nenge lo kigeno
\v 20 Tonyio orumu afa cifo kitigema na lida ara to wahun nenge ati to wahun lo katigemani nenge lo kigeno
\v 21 jimitan ojir cifo to ken olahari to tohi na lipalaru inyi ojir iyauni inyi iyo laharu lo deyo lo tee kulo Lobanga.
\v 22 Kiyen ohoi jimitan cifo fad ongon kiboria na lori ko kiboria lo otomone ko jija.
\v 23 Ida ara jii keken, ohoi manyu kuna lohira ngak ketemok kulo okorif, kiboria to taulo kolohingon kitila kibelo niyang ara tee kulo Lahitok lahuno lo kenite kuniyang.
\v 24 Tonyio tone kigeno kilwahuni ohoi. Ati kigeno na loboto ken ida ara kigeno. Ngai ligenitita tohi na lotek inyi?
\v 25 Ati kolohigeno tohi na lorihe ida kitek, kitila to kidonyo lo taulo.
\p
\v 26 Tona kikoi bito kilwak Okorif ohoi iyo goro niyang. Ida manyu ohoi kiyen tohi na ngohilifa, ati ilelia okorif token to ohoi to kiboria na lida otenyuno
\v 27 manyu inyi na lotahita taulo kuniyang oyen kibuha lo okorif tonyio ilelia okorif to cio kulo Lobanga iya na lowahare monye. Kilany kalanyunok.
\v 28 Manyu kiyen ohoi jimitan iyo sangite fad itiyo Lobanga to jiran lo cio kuna limaru inyi, kuna lilolongi iya na lowahare inyi.
\v 29 Tonyio kuna loyen Lobanga ikukum manyu inyi itetemahi ko kito nenge ojir inyi ara okang lo recera kuna iborengi.
\v 30 Manyu kuna likukumahi inyi icieng manyu ilolongu inyi, kuna lilolongu inyi icieng manyu itibir inyi, manyu kuna litibir inyi icieng manyu itideyo inyi.
\p
\v 31 Kijo ha dong ca ohoi nyio iyo ene tenya? Kolongon Lobanga tohoi, ngai ngohitipeha ohoi?
\v 32 Inyi na lida kingony ohoi kito nenge Lobito ati icio tohoi fad, aja cia inyi ida ara Lobito ko inyi kicio ohoi sangite fad.
\v 33 Ngai cia liyauno kidoro iyo cio kuna lonyumu Lobanga? Ara ha inyi Lobanga litibira.
\v 34 Ngai hati inyi na litifura? Yesu Kristo lafa lowei manyu lafa libuhu manyu ongon ngati lo iteten lo Lobanga na manyu lilelia to ohoi.
\v 35 Ngai mute lohikor ohoi ko kimaruno lo Kristo? Ara kidak, kode kitoyo, kode kitigema, kode kinga, kode kitongo longature, kode tohi na irohoi kode ngalem latubot?
\v 36 Iya na ligerorihin ojo; “Tosi kideya ohoi wei faritin fad Kiri ohoi iya kera kuna liyaroti ngoto”.
\p
\v 37 Ida, iyo kuno sangite fad kilany ohoi kalanyunok tonyi na lohimaru ohoi.
\v 38 Tonyio ayen nan jimitan ida wei kode warun, kode malaikahin kode lodonyok kode jija kode mute kode lobo golun.
\v 39 kode kaca kode kiluko kode lobotohi to cifo fad ngotum kikor nan to kimarunolo Lobanga na longon diho Kristo Yesu Lahitok niyang. Nyumo lo Lobanga na logal fad.
\c 9
\cl Kingutit 9
\p
\v 1 Atenya nan tenya lo dede iyo Kristo ida nan ataler tau nei manyu isaden jii ko Okorif na Inyu
\v 2 Angon nan ko mehino nahitokko kitoyo nahitok tau nei.
\v 3 To wakun nei ake ake ngara nyafa kificori nan ida angon iyo Kristo to recera kunei cio kuna lara kulo kof nei
\v 4 Cio kulo Israel. Neicieng kibelo ara tee kulo lo Lobanga neicieng deyo lo Lobangako ciha lo Lobangako kitifotunocik, kiwora na longon kaji lo Lobanga ko cihicihi kuna licori fafacio kuneicieng.
\v 5 kuneicieng fafacio manyu odetoloreunore lo Yesu diho icieng na lara Lobanga na lolanyu sangite fad na lomanyati karihin to kahirin. Amen.
\p
\v 6 Ida hati ene itotro jimitan otwo tenyalo Lobanga. Tonyio ida ara jimitan cio fad kuna loreu to Israel ara Israel.
\v 7 Ida manyu ongon jimitan toreuno icieng to ken lo Abram ara icieng tee kulo Abram. Tonyio ojimi afa diho Abram ojo ‘’Tee kulo Isak lara lotataha kunino’’
\v 8 Tinya manyu ida ara tee kuna lotomonuni to koditi lo cio lara tee kulo Lobanga ati ara tee kulo ciharu icieng ikeni lo lotataha kulo Abram.
\v 9 Tonyio ocihi afa ojo’’To faritin kuna lotumohino aitu ca nan arumu Sara lotomonu kito’’
\v 10 Ida ara jii keken, Tee turot kulo Rebeka ara afa monye necieng Lobito, afai niyang Isak.
\v 11 Kileng orihe ida lotomonuni kuna tee turot, kode orihe ida litii icieng lobo tohi irohoi kode ijir lo kitotoro wahun lo Lobanga iyo nyumo cio;
\v 12 Ida ara to tic ati to inyi na lilolongo- orihohini Rebeka ojo, “itongo mute lahitok ara karwaani lo lasidi”,
\v 13 ori ce iya na ligerorihin ojo “Amaru nan Jakob aberu Isau”.
\p
\v 14 Ojir dong kijo aja? Kijo ida Lobanga ongoto tenya ara na ibir kode ara na itumohino? Ida ara jii!
\v 15 Tonyio ojo afa inyi diho Moses ojo, “Abaya cia nan diho na lowak Nan kibaya Manyu amehi cia nan na lawak Nan mehino”.
\p
\v 16 Ida ene owoita to wahun kode kirunga lo tungani ati to kibaya lo Lobanga.
\v 17 Tonyio ojo igeriti diho Farao, “ahiting nan isi lo ne tenya bito, ojir atotor golun nei ara diho isi manyu ojir arana nei itikwati to of fad”.
\v 18 Tona ibaya Lobanga iyo tungani na lowak inyi kibaya manyu itigol tau lo tungani na lowak inyi kitigolo.
\p
\v 19 Ojo ca lobo to iji ningi iyo nan ojo, “nyio hati kitirohoja Lobanga ohoi? Ngai lotum beruno wahun nenge?
\v 20 Oto hati isi tungani ara tungani isi ngai na litifoto kutuk lo Lobanga? Otum tohi na loduhi itifi aduhoni ojo nyio iduk isi nan jii?
\v 21 Ida kaduhoni lo motiong oduhu iyo Lobito lokulufi moti na hitok na igol lofere nenge oduhu many lobo na litongo ara na itiyorihin tiktik?
\v 22 Adi ba ngonyumu Lobanga lo kitotoro kilongo nenge ko kitiyena golun nenge, odik to kidonyo lo tau lo tungani na lonyumu inyi ara kitotori lo kilongo nenge ingohi itila far lo kitotoro na kilongo nenge?
\v 23 Adi ba ngitiyo inyi jii lo kitibotuno bara lo deyo nenge iyo cio kulo kibaya nenge kuna likukumahi inyi many berien lo kicwara deyo nenge.
\v 24 kileng ohoi kuna lilolongu inyi, ida ara to kiji lo Judeahin keken manyu ko kulo misiok?
\v 25 Iya na lotenyare iyo Hosea ojo, “Alolong cia nan icieng ajo cio kunei kuna lida ara cio kunei manyu alolong cia inyi ajo na lamaru nan na lida nan amaru”.
\q
\v 26 Manyu ojo, “itiihino cia iyo faji lafa lajo nan ida ite ara cio kunei Ilolongi cia icieng ojimi tee kulo Lobanga na iwar”.
\p
\v 27 Icira manyu afa Isaia to ogoro na ikwat ojo, “kileng ngori wel lo cio kulo Israel iya singeti lo kutuk lo nam, Ara cia otonge lolwahuno
\q
\v 28 Tonyio ongotohi cia Lahitok tenya ene kof deudeu manyu imumudahi
\p
\v 29 Ori manyu iya na afa lotenyare Isaia tolobo ojo, '’ Ngara afa ida Lahitok lo Jore Kitotongohi ohoi kude lotataha, Jii ohoi kiri ko Sodom kode jii kiri ko Gomora Beruno lo Israel Kiruho layomit na Ijir
\p
\v 30 Kijo ha dong aja? Jimitan Misiok kulafa lida otahita biran lorumuni biran na lolotu to kiruk
\v 31 Ati Israel kulafa loric cik lo biran lida orumuni.
\v 32 Aja? Tonyio ida icieng otahita to kiruk ati otahita icieng mejo tohi na lorumuno to tic. Itangahino icieng iyo moru na litwoma cio
\v 33 Iya na ligerihin ojo, ‘’Tode afahino moru Zaion na licio cio oruruhita Ko moru na litiurorita icieng, Many na lofik kigeno diho inyi ida cia riri onyia.”
\c 10
\cl Kingutit 10
\p
\v 1 Recera, wahun lo tau nei ko kiliva nei iyo Lobanga inyi jimitan oir Israel orumu lwahuno.
\v 2 Tonyio atum kisaden to icieng jimitan obolo wahun necieng iyo Lobanga ati ida wahun necieng owoita iyo genyun.
\v 3 Tona lida icieng oyenaru biran na lolotu diho Lobanga, otahitati rumuno necieng, ida icieng icio kenite iyo biran lo Lobanga.
\v 4 Ara Kristo lohicungi lo cik ojir ongonore biran diho cio fad kuna liruk.
\v 5 Oteny Moses to biran na lolotu to cik ojo, ‘’Tungani na litii kuna sangite owar cia to icieng.”
\v 6 Ati ojo biran na loltu to kiruk ojo, ‘’Ngai cia lirwok kai (lo jimitan kiyauno Kristo kof)
\v 7 Kode ‘’Ngai cia liculoro kof (lo jimitan kinyahuno Kristo to tula)
\v 8 Ati ojo kigerit aja? Ojo, ‘’ Onyiha tenya ko ite; ongon kutuhe kuningi ko taulo kuningi” Inyi jimitan tenya lo kiruk na lohitulo ohoi
\v 9 Jimitan kalitulu isi to kutuk nino jimitan Yesu inyi Lahitok manyu iruk to tau nino ijo itibuhu Lobanga inyi to kiji lo kaweyak ito cia isi ilwahuno.
\v 10 Tonyio ara to tau nino iruk isi kitibiri manyu ara to kutuk nino itulu isi irumunore lwaharu.
\v 11 Iya na lotenyare kigeriti ojo, ‘’Tungani na lofik kigeno diho inyi iadcia iriri onyia.”
\v 12 Tonyio oru kora kiji lo Judeahino ko Misiok inyi Lahitok Lobito lara lahitok locio fad. Manyu icwara gum diho cio fad kuna lilongo karana nenge.
\v 13 Tonyio cio pili kuna lilongo karana lo Lahitok orumu lwaha.
\v 14 Aja hati ilolong icieng karana lo na lida icieng iruk? Manyu aja icieng otum kiruk na lida icieng oning? Manyu otum icieng ningo aja kalida tungani ititimahi icieng?
\v 15 manyu otum icieng kitima aja kalida oculari icienge? Iya na ligerohin ojo, ‘’ Itide dwarujon lo kejuha kulo cio kuna liyauno layomit na ijir!
\p
\v 16 Ati ida cio kulo Israel fad iruk layomit na ijir. Tonyio ojo afa Isaia,’’Lahitok ngai liruk tenya niyang?
\v 17 Iya na longonore, olotu kiruk to ningo Lo 10 tenya, manyu oningoti tenya lo Kristo”.
\v 18 18 Ati atifia na ajo, “Ida afa icieng oning? Loningiti fad. lofwo ongorohin kuneicieng kof fad. Tenyi tenyi kuneicieng many lohicungi lo kof.
\p
\v 19 Ari atifi ajo,’’Ida afa Israel iniang? Ketemoni oteny afa Moses ojo, ‘’Ahitinef cia nan ite okaine to Cio kuna lida kileng ara kof. Ahitilongo cia nan ite to kof na loru ko kuniang”.
\p
\v 20 Oteny many u Isaia to golun lo tau ojo, “Lohirumu cio kuna lida Kitahita nan Atotoru nan ken nei dihokuna Lida kileng kitifia nan”
\p
\v 21 Ati diho Israel ojo,‘’To far fad atada nan kana diho cio kasilak ko kapehak. Otonge Kulo Israel.
\c 11
\cl Kingutit 11
\p
\v 1 Atifia dong nan ajo, “Loberu Lobanga cio kunenge? Oru tur! Ara nan Israelani to ken nei, lotata lo Abram to imanit lo Benjami.
\v 2 Ida Lobanga loberu cio kunenge kulafa liter inyi yenun. Ida ite iyen tohi na loteny igeriti diho Eliia ko tenya na loteny inyi diho Lobanga to Israel ojo;
\v 3 Lahitok lifadari kamocak kunino fad manyu loborari cialito kunino latong nan Lobito keken. Manyu otemati manyu kifadaru nan?
\v 4 Inyi ahahi ojo aja? Ida ojo, ‘’Aricahi na cio kunei alif meitare kuna lida ogungiho king diho Baal
\v 5 Ori manyu jii to kuno faritin, ongon otonge kuna lonyumu kisa
\v 6 Manyu kalara to kisa inyi jimitan ida orihe ara to tic, ngara to tic ngida dong kisa orihe ara kisa.
\v 7 Nyio hati? Tohi na lotak Israel to golun ida orumu ati orumu cio kuna lonyumuni. Kulakude itigoli,
\v 8 iya na ligerorihin ojo, ‘’ I cio Lobanga icieng tau lo tuho Konyeha kunalida odeya Kiyoha kuna lida oningo Many kuno faritin.
\p
\v 9 Ojo many af David; “icwara meja neicieng tara kilohit Ko owic Moru na litwoma ko ilen diho icieng
\q
\v 10 Icwara konyeha kuneicieng irwohi Ida itweruni deya, Manyu icwara korwonga kuneicieng Okudoho.” Tantanihin Kulo Kitinufa
\p
\v 11 Atifi ari; itangahino re Israel ouroro turn na lida itweruni wojuno? Oru tur Ati ara to kipal neicieng, lolotu lwaharu diho Misiok lo kitimejo taulo kuneicieng(Israel).
\v 12 Ati kaliyauno kipal neicieng bara iyo kof fad ko rijoro neicieng kaliyauno bara diho Misiok adi cia ituno neicieng iyauno cia bara na lori aja!
\v 13 Atenya nan diho ite misiok iya na larahare nan jayo diho misiok atiyo nan ene tic nei to kigingi
\v 14 awak kitimejotaulo kulo cio kuneikuya ngibelo haba kude ofwonu orumu lwaharu.
\v 15 Tonyio kaliyauno beruno neicieng yomo lo kof, iyauno dong cia kinyiahuno neicieng nyio ida warun diho kaweyak?
\v 16 kolonyu kofwo kude kuting kuna litwanyi ara kuna licori mugati kaji lo Lobanga inyi jimitan onyuji kuna kofwo fad. Kalonyuji kerda kulo ciani inyi jimitan onyuji tanitanihin fad.
\v 17 Kalongutori tanitanihin kude otohati kidumu ite kuna liratanitanihin kulo ciani lobo ake kitinufahini fjihit kulo tanitanihin kuna longutori ojir irumu daha to ken lo ciani na ijir,
\v 18 ketidara bo diho kunu tanitanihin longutori. Kalitidara ite itoyen jimitan ida ara ite lifita kerda kerdalohifita ite.
\v 19 Ijo cia isi lobo,’’ongutori afa kunu tanitanihin ojir kitinu fahinorehin nan.”
\v 20 kiruk na. Ati toyen jimitan ongutori afa icieng to beruno kiruk, isi kitifahini to kiruk. Kitidara bo ati tobang.
\v 21 Tonyio kalida afa Lobanga ingohi tanitani kuna lara kulo na ciani, kefik ijo kingohi cia isi.
\v 22 Ojir ibahu jiran ko kigerelo Lobanga. Kigere nenge iyo cio kuna logere to kikoi nenge ati jiran nenge diho ite kalisodoro ite kitongo iyo jiran nenge. Kalida ara jii kingutori many cia ite
\v 23 kalida icieng osodoro ko oberwe otto hati ibeloti; otumiti icieng kitinufahino tonyio otum Lobanga kinyiahuno icieng ari itinufahi faji neicieng.
\v 24 Toyen jimitan kolohingutuni afa isi ito ciani lo mwang oto hati kitinufahini iyo ciani na litibuli, otanga hati kinyiahahino tanitanihin kulon ciani na litibuli faji neicieng. Olwahuno Mute Israel Fad
\p
\v 25 Ida nan awak ite ilunya ene ilitit recera ojir ite ida itidara: itigoli taulo kulo Israel to lobo sidi ojir re otumohino wel lo misiok kuna lowahiti:
\v 26 Oto hati olwahuni cio Israel fad iya na ligerore ojo, “ olotu mute kalwahani to Zaion; Odume mute inyi lunya lo Lobanga to kof lo Jakob
\q
\v 27 Manyu ara ene ciharu nei ko icieng Kaladume mute nan Kipalipali kuneicieng.
\p
\v 28 To ngati lo tenya lo layomit na ijir ara icieng merok to ite, ati to ngati lo nyumo, ara icieng kuna limaru Lobanga to fafaico kuneicieng
\v 29 tonyio kicorita kulo Lobanga ko kiolongo nenge ida ibelo.
\v 30 Iya na lifwonunore ite cio kulafa liberu ningo Lobanga irumu kibaya to beruno neicieng ningo Lobanga
\v 31 jija lofwonu manyu icieng oberu ningo Lobanga lojimitan ojir manyu icieng orumu kibaya to kibaya lo icieng fad. Imajit Lobanga Lobanga diho ite.
\v 32 Tonyio lotorahi Lobanga cio fad iyo beruno ningo inyi ojir aciorihinore kibaya diho
\q
\v 33 Bara lo Lobanga ko genyun ko yenun nenge iluko bebe Ogol kiniang ngoto lo tenya lo Lobanga ko kitohin kunenge Ida otahuno
\q
\v 34 Ngai loyen kiiyon lo Lobanga? Kode ngai kasingani nenge?
\q
\v 35 Ngai lokurohi iyo Lobanga ojo Ojir Lobanga inyahahi?
\p
\v 36 Tonyio iyo inyi ko ara iyo inyi Ko diho inyi, ofwonu sangite fad Icwara deyo tongon diho inyi tur Amen.” Warun ngejuk iyo Kristo
\c 12
\cl Kingutit 12
\p
\v 1 Tona recera alelia nan diho ite to kibaya lo Lobanga, icwarata kenite kuningi iya lajulot na iwar na lidyerahini diho Lobanga, na inyu na litikwama Lobanga- ara ene tic lo okorifi kuningi kulo kiwora Lobanga.
\v 2 Kerihe imanya to koditi lone kof ati ibeloti to kitingejuho kiiyo ningi. Tona ito cia ite imang manyu iruk wahun lo Lobanga, wahun nenge na ijir, idwaru manyu onyu.
\p
\v 3 Tonyio to kisa na lohicori nan ahirihoi ite fad ajo. Keiyo to kitiboloro lo ken nino ogal ati iiyo itutumohi ko kiruk na lohicio Lobanga isi.
\v 4 Iya na longonore ken lobito fajihit kuna iborengi, manyu kuno fajihit ogegela ticitici kuneicieng
\v 5 manyu iyo Kristo kiborengi ati kira ken lobito na lojir tungani to lobito odeya ken lo kaletoni mejo nenge.
\v 6 Kingoni ko kicorita gele gele iya na licwarare kisa lo Lobanga, kalara kicwara lo tungani kimoca ingohi inyi itiyore itutumohi ko kiruk nenge.
\v 7 Kalara kirwaa ingohi irwaa kalara kitiyena ingohi itiyena.
\v 8 Kalara kitirobia lo taulo ingohi itirobia; Kalara kicwara lo lwaha iyo cio kuna lowak ingohi icio to kimorot, kalara bolojohino kaletok ingohi itii to kirunga, kalara kitotoro kibaya ingohi itii to kwerun lo tau.
\p
\v 9 Ingohi kimaruno tara kimaruna lo dede. Toberu tohi na irohoi toric tohi na ijir.
\v 10 itoric kenite to kimaruno lo recera. Torima kunakude ilany ken nino.
\v 11 kekaruha itiyoti to kirunga lo tauloirwaare Lobanga.
\v 12 Itikwamati iyo kigeno, idonyoto taulo iyo kidak, ilifati Lobanga to taulo kuningi fad.
\v 13 Itingarati sangite kuningi ko cio kulo Lobanga kuna likidahi, itifik taulo rica welo.
\v 14 Igatahiti cio kuna lohigena ite, igatati ke ficio.
\v 15 Itokwamati ko kuna lokwama, itoyoti ko kuna litoyo
\v 16 Itongoti to ningoro kiji ningi. Ketidara ati iruho kilihita ko cio fad. Ke ting ken ijo ageny inyi.
\v 17 Kedum rohojun to rohojun. Toric kitiyo ticitici kuna ijjiri to ketemoni lo cio fad.
\v 18 kalitum kitiyo iya na litwerunore isi itongo to kisiliban ko cio fad.
\v 19 Keleno morot kunei ati ingohi agwala iyo kilongo lo Lobanga. Tonyio iero ojo, ‘’ Ara ilen nei, adum cia nan Lobanga lojo
\q
\v 20 To kuna fad, igero ojo, ‘’ kolodaha kinga meroni nino icwara inyi daha Kaloura icwara tohi Na ngomat. Kalitii isi jii ingon isi kifuro Katalange na iyarat kwe nenge.
\p
\v 21 Kecio rohojun kilanyu ite ati itilanyu rohojun to jiran.
\c 13
\cl Kingutit 13
\p
\v 1 To tungani tolobito-tolobito ojir oningo kalanyunok kuna longon iyo obolore, tonyio oru lobo obolore lida ara Lobanga lofik. Kuna kabolorok jijia lohilanyu ite ara Lobanga lofik.
\v 2 Tokuna, tungani na litijoria kalanyunok ongon inyi kitijoria tohi na lofik Lobanga, manyu cio kuna litiyo jii iyauno ngoto lo tenya kenite kuneicieng.
\v 3 Tonyio ida kalanyunok itibanga cio kuna litiyo ticitici kuna ijiri, ati to cio kuna litoyo kuna irohori. Iwak isi kitongo oru bangun diho kalanyunoni? Itiyo tohi na lokwama inyi.
\v 4 Tonyio ara inyi karwaani lo Lobanga na litiyo to jiran nino. Ati kalitiyo isi ticitici kuna irohori, tobang tonyio ida inyi otehitangalemlatubot arus. Ara inyi karwaani lo Lobanga, ifahiti lo kilongo nenge na litigena cio karohojak.
\v 5 Tona ocam to ite ningo kalanyunok ida ara to bangun kilongo lo Lobanga keken ati ijir manyu itong ara na lowangi taulo.
\v 6 Inyi na tenya na lico manyu ite isofo mocoro tonyio itongo kalanyunok ara karwaak kulo Lobanga kuna lico warun neicieng fad kitibala ite.
\v 7 Icwarata icieng tolobito tohi na lowakicieng diho isi kalara mocoro, losofohi kalara murucan icorihi kalara bangun ara kalara rima ara.
\p
\v 8 Kecio mongiyo ongon kiji ningi ati itottehitati mongiyo lo kmaruno kenite kuningi ake ake, tonyio tungani na limaru kaletoni litifut cik.
\v 9 Cihicihi kuna lojo, keicuk ngorwani lo tungani, kefade, kekoko, kedam ko cihicihi kunakude fad kuna longoni, otubuno icieng fad iyo ene cik bito lojo; Imaru loriehat nino iya na limarunore isi ken nino.”
\v 10 Tungani na limaru kaletoni ida otum kitiyo na irohoi iyo loriehat nenge. Tona ara kimaruno kitifuta lo cik.
\p
\v 11 M anyu itiyoti jii ati iyen kuna faritin lingonore ite. Lolotu tik na lojir ite ikwenyunore to jio tonyio lonyihu lwahuno niyang jija ilany kulafa faritin lohiruhore.
\v 12 Loru karwe, lolelek kof owang. Tona ngangohiti ticitici kulo mutohun manyu ngaciefoto kiremita kulo wangun.
\v 13 Ngatiwar warun na locam to wangun ida ara kisongiti kude kuna irohori, ruma, ticitici kulo kwerun lo konyeha, ngolofa ko okaine.
\v 14 Iya na ibrata kabu Yesu Kristo, manyu ke iyo to kitimangu kenite to wahun lo warun lo koditi lo kipal.
\c 14
\cl Kingutit 14
\p
\v 1 Ifotutu tungani na ligoro kiruk nengeida manyu igoto tenya to tenyi tenyi kuna lida inyi iniang otoc ketipeha inyi.
\v 2 Icio kiruk lo lobo tungani inyi daha dahi dahi fad ati lobo tungani na ligoro kiruk nenge odaha jationg kuna inyoriha keken.
\v 3 keco ene tungani lodaha dahidahi fad iikaj ene lodaha jationg kuna inyoriha keken, inyi manyu na lodaha jationg kuna inyoriha keco ongot tenya diho ene lodaha sangite fad tonyio lifotu Lobanga inyi.
\v 4 Isi ngai lingoto tenya kwe lo karwaani lo lobo tungani? Diho Lahitok nenge ouroro cia inyi kode owoita co inyi tonyio itweru Lahitok kitiwoita inyi.
\v 5 Odumu tungani lobo itinyu far lobito, lobo odeya faritin fad ara kuna iriworoho. Ojir icieng fad iruhiti othi na libaha icieng.
\v 6 Tungani na lodeya lobito far ara na inyu itii jii to rima Lobanga. Tungani na lodaha tiang odaha to Lobanga tonyio icio inyi kwama diho Lobanga. Tungani manyu na loberu tiang itii jii to rima Lobanga many icio Lobanga kwama.
\v 7 Oru lobo to kiji niyang lowar diho ken nenge, oru manyu lobo lowei diho ken nenge.
\v 8 Kolohiwari ohoi kiwari iyo Lobanga kode kiweiha iyo Lobanga. Tona kode kiwari kode kiweiha kira ohoi kulo Lobanga.
\v 9 Tona tenya bito owei Kristo ibuhu ojir inyi ara Lahitok lo kaweyak ko kawarak fad.
\v 10 Isi bo dong nyio ingoto isi tenya kwe lo rece nino? Kode nyio itikaja isi recenino? Tonyi kiwoita mute ohoi fad ketemoni lo seger lo ngoto lo tenya lo Kristo.
\v 11 Tonyio igero ojo, ‘’Ojo Lobanga,’Iya na lawarare nan Ogung cia kunga fad ketemoni nei Otulu mute ngadiefo fad diho Lobanga.’’
\p
\v 12 Tona kititim mute ohoi tolobito tolobito tenyi tenyi kulo kenite kuniyang fad diho Lobanga.
\p
\v 13 Iya na, ngaticungoto ngoto lo tenya kenite kuniyang ake ake. Ilany, kefik kigingi kode kitihita ketemoni kode kikoi lo rece nio.
\v 14 Iya tungani na longon iyo Lahitok Yesu, aniang nan otoc jimitan oru lobo daha lodwa to ken nenge. Ati kolodeya tungani lobo tohi ojo odwa, oto na tohi ko dwarun iyo inyi.
\v 15 Kalitikaca isi tau lo rec nino to tohi na lidaha isi, ida dong isi itiyo to kimaruno.
\v 16 To daha nino ketiri rece nino na lowei Kristo tonyi. Kecio tohi na lidumu isi ijo ojir otenyarihin ara tohi na irohoi.
\v 17 Tonyio ida okabwe lo Lobanga ara daha ko mata ati ara lo biran, kisiliban ko kwama iyo Okorif na Inyu
\v 18 tonyio tungani na lirwaa Kristo tone kikoi itikwama Lobanga mnyu itikwama cio kuna kude.
\v 19 Tona ngatitem to golun tahita kikohin kuna lohiyaru ohoi iyo kitongo to kisiliban ko kitiyena kenite kuniyang fad.
\v 20 Kepale tic lo Lobanga to daha jia. Onyuji dahi dahi fad ati ida otumohino diho tungani lo daha tohi na licio kaletoni ouroro.
\v 21 Omayak ngerihino daha tiang kode mata vino kode kitiyo lobo tohi na ngico rece nino ouroro.
\v 22 Oto hati tohi na liyen isi to kuno sangite ingohi totong kiji nino ko Lobanga. Ongon ko gum tungani na lida ongotohi tenyakwe nenge ake ake to tohi na lokwama inyi.
\v 23 Ati tungani na likuya lotoraru ake tonyio kalonyia tohi na likuya inyi tonyio lida inyi orihe itiyo to kiruk manyu sangite fad kuna lida ofwonu iyo kiruk ara kipal. Iiyo to cio kaletok ida ara tosi ake ake
\c 15
\cl Kingutit 15
\p
\v 1 Ohoi kuna igoli ojir kiric kuna igoroho ida kitahita kitikwama kenite kuniyang.
\v 2 Ojir tungani tolobito tolobito itikwama loriehat nenge ara lo jiran, kitigolo ko kitigoloruno inyi.
\v 3 Tonyio kileng Kristo ida afa itikwama ken nenge, ati iya na ligerore ojo, “moro lo kuna lohimoro isi lodohi ken nei”.
\v 4 Tonyio sangite pili kulafa ligeri berien, igeri lo kitiyena ohoi, ojir to kidonyo lo taulo ko kitigolo lo igeriti ojir ohoi kingon ko kigeno.
\v 5 Ingohi Lobanga na licwara kidonyo lo taulo ko kitigolo kicio ite tau lo kimoraru, kiji ningi ijifitare Kristo Yesu.
\v 6 ojir to tau ko kutuk lobito icio deyo diho Lobanga ko Apa lo Lahitok niyang Yesu Kristo.
\p
\v 7 Ifotutu kenite kuningi iya na lifotunore Kristo ite iyaunore maja diho Lobanga.
\v 8 Tonyio ahirihohi ite, lolotu Kristo ara karwaani lo Judeahin to ngati lo tenya lo dede lo Lobanga lo kitifuta ciharu lafa licio Lobanga diho lohitwaha
\v 9 ojir misiok itikwat Lobanga to kibaya nenge iya na ligerorihin ojo, “tona ahimaj mute nan isi to kiji lo misiok Awol mute nan woleco diho isi To karana nino”.
\p
\v 10 Ari igero manyu ojo, “itikwamati misiok ko cio kunenge”
\p
\v 11 Ari manyu ojo, “itimaj lobanga ite misiok fad manyu itiwol woleco Kulo maja diho inyi ite cio pili”.
\p
\v 12 12 Manyu ari ojo Isaia, “Ifiru cia kerdeti lo Jesse kai inyi na lolotu lanyuno kofi kofi Ofik mute misiok kigeno diho inyi”.
\p
\v 13 13 Ingohi Lobanga lo kigeno fad kitifut ite to kwama ko kisiliban iya na lifihare ite kiruk ningi ken nenge ojir ite itihita ko kigeno to golun lo Okorif na Inyu.
\p
\v 14 14 Nan token ayen nan recera jimitan ifut ite to kenite kuningi ko jiran, ingoni ko genyun na manyi ilefereha lo kitiyena kenite kuningi ake.
\v 15 Ager nan diho ite tarany to tenyi tenyi kude iya lokitiiuno ite ari to kisa na lohicio Lobanga nan
\v 16 lorahun karwaani lo Kristo Yesu kiji lo misiok ko tic lo dwarun lo kititima layomit na ijir lo Lobanga ojir misiok ofwonu ara kiciorita na locam diho Lobanga na litinyu Okorif na Inyu.
\v 17 Tona arumu nan deyo diho Kristo Yesu to tic nei diho Lobanga.
\v 18 Ida cia nan arutohi kititima lobo tenya ake ko tohi litii Kristo ara diho nan lo kiyauno Misiok kiruk Lobanga to tenya na lateny nan ko tic
\v 19 to golun lo kitotorita ko tanguhin to golun lo Okorif na Inyu. Dong many to Jerusalem aloru kuna kofi kofi fad manyIlliri kium latifut nan kititima layomit lo Kristo.
\v 20 Ara wahun nei lo kititima layomit lo Kristo faji na lorihe ida cio oning, ojir ida aduho kai lo guri kulo lobo tungani ake.
\v 21 Ati iya na ligerorihin ojo, “kuna lorihe ida lorihohini tonyio Odeuni cia Ko kunalorihe ida oning Iniangiti cia.”
\p
\v 22 Inyi ene tenya lohitihohi nan, licio nan ida aluto diho ite. Kikukmahino lo Paul loro Roma
\v 23 Ati iya na loru dong lobo faji na ngatiyo nan to kuna kofi kofi, manyu iya na lageriare nan karihin beciek lo deya ite,
\v 24 Akukum nan kitiyo jii kalaloro Spein. Ageno nan waja ite kalaringaru manyu ojir ite ilwahare nan loro iya ijia langun latenu kitongo ko ite to kude faritin.
\v 25 Ati to jija agon nan loro Jerusalem twaha karuhok kuna langoni ijia.
\v 26 Tonyio lofwonu cio kulo Masedonia ko Akaya osof robia kulo lwaha cio kulo Lobanga kuna ikidahi to Jerusalem.
\v 27 Okwama orumu icieng kitiyo jii, ara jii tonyio ongon manyu icieng ko mongiyo lo cio kulo Jerusalem tonyio kolongar Judeahin gum nan diho ite recera.
\v 28 to karana lo Lahitok niyang Yesu Kristo ko kimaruno lo Okorif lo kimorihino
\v 29 ko nan iyo kififida nei to kilifa Lobanga to na.
\p
\v 30 
\v 31 Ilifati jimitan ojir kilwahuni nan diho cio kuna lida iruk to Judea manyu ojir kirwaa nei diho cio kulo Lobanga to Jerusalem iruhiti.
\v 32 Ojir to kiruk lo Lobanga nan alotu diho ite to kwama ojir nan ko ite ara lobito kikwama.
\v 33 Ingohi Lobanga lo kisiliban kingon ko ite fad Amen.
\c 16
\cl Kingutit 16
\p
\v 1 Aculuahi nan kac kuningi kaneceniyang Poebe karwaani lo kanisa na longon Konakri
\v 2 Ifotutu inyi to karana lo Lahitok to kikoi na locam to cio kulo Lobanga ko kicwara inyi lwaha na lowak inyi diho ite tonyio lolwak iinyi cio beciek kileng nan.
\p
\v 3 Itofonyohiti Priscila ko Akula katiyok ko nan ara lobito iyo Kristo Yesu.
\v 4 Licio afa icieng kenite kuneicieng lo lwahuno warun nei: ida manyu ara nan ake kanisahin kulo misok pili okwamati icieng.
\p
\v 5 Itofonyohiti manyu kanisa na lotubitita kalecieng. Itofonyihiti morte nein a lamaru nan Epenetus na orumu lara karuhoni ketemoni to kof lo Asia.
\p
\v 6 Itofonyohiti Meri na litiyo bebeto ite.
\p
\v 7 Itofonyohiti Andonicius ko Junias kajeba kunei kulafa lo hingonko nan mabus. Ara icieng cio kuna loyeniti bebe kiji lo jayona manyu icieng afa litem ngonun iyo Kristo arihe nan.
\p
\v 8 Itofonyohiti Ampiliatus na lamaru nan iyo Kristo.
\p
\v 9 Itofonyohiti Urbanus atiyoni kaletoni niyang iyo Kristo ko morte nein a lamaru Stacis.
\p
\v 10 Itofonyohiti Apelles tungani na ligenoro iyo Kristo. Itofonyohiti cio kulo kaji lo Aristobulus.
\p
\v 11 Itofonyohiti Erodion lokajimonye nei, itofonyohiti cio kulo kaji lo Narcisus kuna longon iyo Lahitok.
\p
\v 12 Itofonyohiti Traipena ko Traiposa kuna ngorwo katiyok bebe iyo Lahitok. Itofonyohiti morte nein na lamaru nan Persis ngorwani manyu lobo na litiyo bebe iyo Lahitok.
\p
\v 13 Itofonyohiti Rufus na lonyumuni iyo lahitok, itofonyohiti iyang nenge na manyu lara iyang nei.
\p
\v 14 Itofonyohiti Asincritus, Plegon, Ermes, Patrobas, Ermas ko recera kuna longoni ko icieng.
\p
\v 15 Itofonyohiti Pilologas, Julia, Nereus ko kanece ko Olimpas ko cio kulo Lobanga pili kuna longoni ko icieng ara lobito.
\p
\v 16 Itofony kenite to fonyio na inyu lo kimaruno. Oculu kanisa lo Kristo fad fonyo diho ite.
\p
\v 17 Alelia nan diho ite recera jimitan iririati cio kuna liyauno kokora ko fiha kigingihin kikoi ningi kuna longon ake ko kitiyena na lirumu ite. Ingadata to kiji neicieng.
\v 18 Tonyio ida kuna cio irwaa Lahitok Yesu Kristo ati irwaa icieng wahun neicieng. Itinononga icieng kweci kulo cio kuna lorihe ida iniang otoc to tenyi tenyi kuna iruruti ko talerun.
\v 19 Ningo na liningore ite Lobanga loning cio fad inyi lico nan angon ko kwama to ite ati awak nan ite igenyi to sangite kuna ijiri ati ilunyiaha sangite kuna irohori.
\v 20 Lolelek Lobanga lo kisiliban onyonahi sitan fotiri lo kejuha kuningi. Ingohi kisa lo Yesu tongon ko ite.
\p
\v 21 Ofonyo Timoti katiyoni ko nan ara lobito ite fad iya na lofonyore manyu Lucius, Jason ko Sosipata kajeba kunei.
\v 22 Nan Tito manyu kageroni lone waraga ahifonyo manyu nan ite.
\v 23 Ofonyio manyu Gaius na lohitenu ohoi ko kanisa fad kitongita kalenge. Ofonyo manyu Erastus na lara kaboloroni lo katiyok kulo katwa lone kang ko Kwartos.
\v 24 Ingohi kisa lo Lahitok niyang tongon ko ite fad. Amen.
\q
\v 25 Kicam to kicwara deyo diho Lobanga na litweru kicwara ite iwoita to golun iya na lahitiyenare nan ite to layomit na ijir na latitima nan. Ko tenya na lititimati to ken lo Yesu Kristo. Ilitit lafa liduhahi Lobanga to karihin becek olotu dong olwehi oleng.
\q
\v 26 Ati jijia litibotuni oyeniti to kigeriti kulo kamocak to ciha lo Lobanga na losio tur ojir kofi kofi fad iruk manyu oning inyi.
\q
\v 27 27Diho Lobanga lobito na igeny noo icwara kwatun tongon ara diho Yesu Kristo. Amen.