Ino-x-okolie_reg/44-JHN.usfm

\id JHN
\ide UTF-8
\h Jowani
\toc1 Jowani
\toc2 Jowani
\toc3 jhn
\mt Jowani
\c 1
\cl Chapter 1
\p
\v 1 kiteri ongon afa tenya, ongon tenya ko Lobanga, tenya inyi Lobanga.
\v 2 Ongon afa inyi ko Lobanga kiteri.
\v 3 To inyi itii sangite fad. Oru lobo tohi lofihi oru inyi
\v 4 Katwa nenge ongon warun, inyi na warun lara wangun lo cio.
\v 5 Inwaha wangun katwa lo lokimuyuk ati ida lokimuyuk oyen inyi.
\p
\v 6 Ongon afa tunganina loculu Lobanga lobara Jon.
\v 7 Olotu inyi ara saden lo rihohino cio tenya lona wangun, ojir cio pili iruk to tenya nenege.
\v 8 Ida afa ara inyi token lara wangun ati olotu inyi ara saden lo wangun.
\p
\v 9 Wangun lo dede na linwaha cio fad orumu olotuno kof.
\v 10 Ongon afa inyi kof, ati kileng lara inyi likukum kof, ida kof oyen inyi.
\v 11 Olotu inyi iyo cio kunenge token ati oberuni kifotuno inyi.
\v 12 Ati diho kuna fad lifotu inyi, kuna liruk to karana nenge, icio inyi icieng golun lo rahun tee kulo Lobanga.
\v 13 Tee kuna lida otomonuni to okoto kode to kenite kode to wahun lo tungani ati to wahun lo Lobanga.
\p
\v 14 Olotu tenya ara tungani itongo kiji niyang. Lohideu ohoi deyo nenge, deyo lo kito lobito keken na lolotu diho monye, ifut ko kisa ko dede.
\v 15 Ico Jon saden to inyi na ligore ojo; “Lafa ene lateny nan ajo, ongon na lolotuno to kifwongi nei na lehigal nan to bolojun tonyio ongon afa inyi many orihe nan aru.
\v 16 To kifut lo kisa nenge lohirumahi ohoi gum kifwongi lo gum.
\v 17 Tonyio olotu afa cik ara diho moses; kisa ko dede olotu ara diho Yesu Kristo.
\v 18 Oru lobo tungani lodeu Lobanga, ati Lobanga lobito hilong na loryeha ko monye inyi litibotu inyi kiyenare ohoi”. Tenya lo kitisadeni lo Jon kabatisani
\p
\v 19 Dong saden lo Jon afa ene kolocule cio kulo Jerusalem kadwarak ko Levihin kitifia jimitan ngai inyi.
\v 20 Ida afa inyi oberu kititima ati ititimahi icieng tarany ojo, “ida nan ara Kristo”
\v 21 Itifi icieng inyi ojo, “Isi hati ngai? Isi Elia?” Ojo inyi “ida” “isi kamocani” inyiahahi inyi ojo “ida”.
\v 22 To kifwongi ojo icieng, isi hati ngai? Kicio ohoi tenya na ngohiyaru ohoi diho kunu lohiculu ohoi. Nyio hati ijo isi ira isi?”
\v 23 Inyiahahi Jon to tenya lo kamocani Isaia ojo, “nan ogoro lona lotenya to kuny ojo, “itibirata kikoi lo Lahitok”.
\p
\v 24 Oto kude Parisihin loculuni
\v 25 itifi inyi ojo, “Nyio hati ibatisa isi kalida isi ira Kristo kode Elia kode kamocani?”
\v 26 Inyiahahi Jon icieng ojo, “abatisa nan to kifi ati kiji ningi owoita lobo na lida ite iyen.
\v 27 Inyi lolotuno to omot nei obolo inyi na lida nan acam kileng laha kamuha kunenge”.
\v 28 Itiihino kuno fad Beteni angati tode lo Jordan. Yesu kito lo ker lo Lobanga
\p
\v 29 Kiwanyi nenge odeu Jon Yesu olotuno diho inyi oto ojo, “Itide kito lo ker lo Lobanga na lodume kipalipali kulo kof.
\v 30 Inyi ene bo afa ajimitare nan, ongon na lolotuno to kifwongi nei, kilany nan tonyio inyi afa litem ngonun.
\v 31 Orumu kileng nan ida ayen inyi ati tohi na lico nan alotu abatisare to kifi inyi jimitan ojir itibotuni inyi iyo Isirael.
\v 32 Oto Jon ico ene saden, “Adeu nan okorif na inyu olotu to kai iya kuri odohi ken nenge.
\v 33 Ji nan ida ayen inyi, ara na lohiculu nan kibatisa to kifi inyi lohirihohi nan ojo, ‘tungani na lideu isi okorif olotu odohi ken nenge inyi lolotuno kibatisa to okorif na inyu.
\v 34 Ladeu nan manyu icio saden nei jimitan, kito lo Lobanga ene. Kajifitak kulo Yesu ketemok
\p
\v 35 Kolowangu ari orumu Jon ongon ko kajifitak kunenge are
\v 36 kolodeu Yesu oringaru ojo “itide kito lo ker lo Lobanga”.
\v 37 Koloning kuna kajifitak kunenge inyi ojo jii, ijifi omot lo Yesu.
\v 38 Kolongolo Yesu odeu itifi icieng ojo, “iwak ite nyio?” Ojo icieng diho inyi, “katiyenani, aji imanya isi?”
\v 39 Inyiahahi icieng ojo, “ifwonu itide”. Oto icieng ofwo odeu lomanyare nenge ko faranun ko inyi lafar. Orumu logoru tik lo tomon.
\p
\v 40 Andru rece lo Saimon Petero inyi lobito to kiji lo kuna are loning tohi na lojo Jon ko kijifaru Yesu.
\v 41 Tohi na litem Andru kitiyo inyi loro rumuno rece Saimon ko rihohino inyi ojo, “lohirumu ohoi Masia (inyi jimitan kristo).
\v 42 Oto ko kiyauno inyi diho Yesu. Odeu Yesu inyi ojo, “Ira isi Saimon kito lo Jon. Ibara ca isi Kepas (jimitan Petero). Ilolongu Yesu Pilip ko Natanael
\p
\v 43 Kiwanyi nenge owak Yesu loro iya Galilea. Ojo orumu Pilip ko jimitan diho inyi “kijif nan”
\v 44 Pilip, Andru ko rece Petero ara icieng kulo Betesaida.
\v 45 Pilip ko rumuno Natanael ko rihohino inyi ojo, “lohirumu ohoi lafa tungani liger Moses to inyi na manyu liger kamocak fad. Yesu lo Nazaret kito lo Josep.
\v 46 Ojo Natanael, “Nazaret! Ngolotu ba lobo tohi ijir tija? Ojo Pilip, “ou tode”.
\v 47 Kolodeu Yesu Natanael olotuno ojo diho inyi, “Israelani lo dede ene, na loru lobo talerun to ken”.
\v 48 Itifi Natanael ojo, “Aja iyen isi nan?” Inyiahahi Yesu ojo, “Ahideu nan isi to fotiri lo bule orihe Pilip ida lohilolongu isi”.
\v 49 Oto Natanael oteny ojo, “katiyenani ira isi kito lo Lobanga, ira isi kabu lo Isirael”.
\v 50 Ojo Yesu, “iruk isi tona la jimitare nan lahideu nan isi to fotiri lo bule. Ideu ca isi sangite kuna hitoha ilany na”.
\v 51 Oto inyi osodoro ojo, “Ahirihohi isi tenya lo dede, ideu ca isi kai ongaja ko malaikahin irwohita manyu iculitati diho kito lo tungani”.
\c 2
\cl Chapter 2
\p
\v 1 ”. Ibel Yesu kifi ara vino. To kitiuni lo far, ongon kiyemi Kana kof lo Galilea. Ongon orumu ngoto Yesu ijia
\v 2 manyu orumu ilolongi Yesu ko kajifitak kunenge daha karama lo kiyemi.
\v 3 Langun loru vino, ojo ngoto Yesu diho inyi. loruhi vino icieng.
\v 4 Inyiahahi Yesu icieng ojo, “Iyang. Nyio kitirutohino isi nan? Orihe faritin kunei ida lotumohino”.
\v 5 Orihohi ngotenge karwaak ojo, “itiyoto tohi na lojo inyi”.
\p
\v 6 Tang, tang inyia orumu ongoni motiong kuna lara morutok ile kuna lofihahitati kifi ilalarehin na lotum lobito kiyaru galoni keek uni.
\v 7 Ojo Yesu diho karwaak, “itifutata kuno motiong to kifi”. Oto ifuti motiong ber ber.
\v 8 Oto ko jimitan diho icieng, “itiyohu kude iyaru diho tungani na lobolojohi karama”. Itii jii
\p
\v 9 Lahitok lo karama ko kimanga kifi kuna loluluoro ara vino. Ida inyi oyen lorunore ati honyi karwaak kuna loyok kifi oyen. Oto inyi ilolonge lateran retoni kalele.
\v 10 ojo diho inyi, “itemitita cio kiyauno vino na ilem ojo hati lomat welo bebe iyauni hati na jelem to kifwongi. Ati iric ite na ilem ko jija”.
\v 11 Ara ene tangu kitotori ketemoni na litii Yesu to kana to Galilea. Tona itibotu inyi deyo nenge ofihare kajifitak kunenge kiruk neicieng ken nenge. Itinyu Yesu kaji lo Lobanga
\v 12 Tokifwongi olo inyi ko ngotenge, recera kunenge ko kajifitak kunenge fad iya Kapernaum. Itongi ijia faritin kude kuting.
\p
\v 13 Kolonyiha faritin kulo karama lo paska olo Yesu iya Jerusalem.
\v 14 To kaji lo Lobanga orumahi inyi cio itiloto kicu, kera ko kurihin ko kude itongo mejahin otoboti robia.
\v 15 Oto inyi ikad kiyenihin ara lanino ko kifuharu cio katilotok fad to kaji lo Lobanga, mongi ko kera fad, itisara robia kulo katobok manyu itirubuk mejshin kuneicieng.
\v 16 Iyo kuna litiloto kurihin ojo, “itidume kuno sangite ten aja ibel ite kaji lo Apa nei ara cuk!”
\v 17 Ibuhu kajifitak kunenge jimitan igero ojo, “kiwak lakaye lo kaji nino keruno nan”.
\p
\v 18 Ofwonu cio kulo Judaia itifi inyi ojo, “ani tangu ngihitotorohi isi ohoi kiyenare twero na litiyore isi kuno sangite?”
\v 19 Inyiahahi Yesu icieng ojo, “itibunye ene kaji lo Lobanga oto ca nan aduhohi to faritin uni”.
\v 20 Inyiahahi icieng inyi ojo iyaru karihin keek ongon ko ile kifaha ene kaji ati ijo isi afahahi cia inyi to farihin uni?”
\v 21 Ati kaji lo Lobanga na lotenya inyi inyi ken nenge.
\v 22 Afa langun libuhu inyi to loweyare ofwonu kajifitak kunenge ibuhu ene tenya lo Lobanga ko tenyi tenyi kuna loteny Yesu.
\p
\v 23 Ati kolongon inyi Jerusalem daha karama lo Paska, odeu cio becek tanguhin kuna litiyo inyi oto iruhiti to karana nenge.
\v 24 Ati ida Yesu ofik kigeno nenge diho icieng tonyio oyen inyi cio fad.
\v 25 Ida orumu inyi owak saden lo tungani tonyio oyen inyi tohi na longon katwa lo tungani.
\c 3
\cl Chapter 3
\p
\v 1 Itiyen Yesu Nikodemo Ongon afa lobo tungani kiji lo Parisihin lobara Nekodemo, ara afa inyi tungani na longon kiji lo kalanyunok kulo Judea.
\v 2 Olotu inyi diho Yesu karwe, ojo diho inyi, “katiyenani, kiyen ohoi jimitan ira isi katiyenani na lilotu diho Lobanga tonyio oru lobo tungani ngitweru kitiyo kuno tanguhin kitotori litiyo isi kalida Lobanga ongon ko inyi”.
\v 3 Tokinyahahino ojo Yesu diho inyi, “Ahirihohi isi tenya lo dede, oru tungani lodeu okabwe lo Lobanga many kolotomonuni ari”.
\p
\v 4 Itifi Nekodemo ojo, “itweru tungani tomonun ari aja kolongoroyon? Dede ida bo otum rutoro ari kocehe lo ngotenge ojir otomonuni.
\v 5 Inyiahahi Yesu ojo, “ahirihohi isi tenya lo dede oru tungani lodeu okabwe lo Lobanga kalida otomonuni to kifi ko okorif.
\v 6 Otomon ken ken ati otomon okorif okorif.
\v 7 Kepany to rihohino nan isi jimitan, ojir kitomonuni isi ari.
\v 8 Okuta kiyoma faji na lowak inyi, ining isi kwatun nenge ati ida iyen lolotunore nenge kode lolorore nenge. Ori manyu ji diho cio kuna lotomonu okorif”.
\p
\v 9 Itifi nekodemo ojo, “ori kuno aja?”
\v 10 Ojo Yesu, “isi katiyenani lo Isirael ida isi iniang kuno sangite?
\v 11 Ahirihohi tenya lo dede, kitenya ohoi tohi na lohiyen ohoi manyu kitisadena tohi na lohideu ati ida ite iruk saden niyang.
\v 12 Ahitenyahi nan isi sangite kulo kof manyu ida isi iruk aja hati ca iruk isi kalateny nan sangite kulo kai?
\v 13 Oru lobo tungani lolo kai ati inyi na lolotu to kai- kito lo tungani.
\v 14 Iya na afa lotingore Moses munu to kuny, jiha manyu ojir otingi kito lo tungani.
\v 15 Ojir kuna liruk inyi ongon ko warun na isio tur.
\p
\v 16 Tonyio imaru Lobanga kof bebe, icio kito nenge lobito hilong ojir cio pili kuna liruk inyi ida owei ati ongon ko warun na I sio, tur.
\v 17 Tonyio ida Lobanga oculu kito nenge ene kof lo ngotohino kof tenya ati lo lwahuno kof to inyi.
\v 18 Na liruk inyi ida tenya olanyu ati na lida iruk lolanyu tenya tonyio ida inyi iruk karana lo kito lo Lobanga lobito hilong.
\v 19 Ongon ngoto lo tenya ji; lolotu wangun kof ati imaru cio lokimuyuk ilany wangun tonyio orohori ticitici kuneicieng.
\v 20 cio fad kuna litiyo rohojun oberu wangun manyu ida ofwonu iyo wangun to bangun jimitan itibotu cia ticitici kuneicieng.
\v 21 Ati na lowar to tenya lo dede olotu iyo wangun ojir itibotu tarany jimitan tohi na latii inyi atii inyi to Lobanga”. Saden lo Jon kabatisani to Yesu
\p
\v 22 To kifwongi, olo Yesu ko kajifitak kunenge mwang lo Judea, itong ko icieng ija to kude faritin ibatisati manyu cio.
\v 23 Orumu manyu Jon ibatisa lobo faji lojimi Aenon na lonyiha ko Salim tonyio orumu oborengi kifi itiringa manyu cio lotita kibatisa.
\v 24 (ara ene orihe ida lofihi Jon mabus).
\p
\v 25 Icak lobo rija kiji lo kajifitak kulo Jon ko Judeani to tenya lo kilala.
\v 26 ofwonuni diho Jon ojimi, “katiyenani, lafa tungani lohingon ko isi lungati lo Jordan- lafa litisadena isi to inyi- ongon jija kibatisa itihita dong cio diho inyi”.
\p
\v 27 Inyiahahi Jon ojo, “ifotu tungani tohi na licori inyi to kai.
\v 28 ite to kenite itweru ite kicwara saden jimitan lateny afa nan ajo ida nan ara Kristo ati kiculuni nan ketemoni nenge.
\v 29 Ara (lateran karioni) ngorwani lo kayemani (lateran retoni). Ara morte lo lateran na litila ningo ogoro lo lateran manyu ifut ko kwama koloning ogoro lo lateran, ara na kwama nei cie manyu lifut jija.
\v 30 Ojir inyi oboloruno nan asidiuno. (ojir inyi osodoro nan angaduno).
\p
\v 31 Na lolotu to kai ilany fad. Na lolotu to kof ara lo kof manyu oteny iya tungani lo kof. Na lolotu to kai inyi lilany fad.
\v 32 Icwara inyi saden iyo tohi na lodeu inyi oning manyu ati oru tungani liruk saden nenge.
\v 33 Tungani na liruk litotor jimitan ara Lobanga lo dede.
\v 34 Tonyio na loculu Lobanga otenya tenya lo Lobanga tonyio ico Lobanga okorif na loru lohicungi.
\v 35 Imaru monye kito manyu ofik sangite fad kana nenge.
\v 36 Inyi na liruk kito ongon ko warun na isio tur. Ati na loberu kito ida mute odeu warun, tonyio iwasihi kilongo lo Lobanga ken nenge”
\c 4
\cl Chapter 4
\p
\v 1 Oteny Yesu ko ngorwani Samariani Oning Parisihin jimitan ibatisa Yesu cio kuna iborengi ilany Jon kabatisani
\v 2 orumu hony ida ara Yesu libatisa ati kalihitak kunenge.
\v 3 Koloning Lahitok jii oto ko ngerihino Judea ko itoro iya Galilea.
\v 4 Tona olo inyi ara Samaria
\v 5 olotu inyi lobo kang to Samaria lobara Sika na lonyiha ko mana lafa licio Jakob iyo kito nenge Josep.
\v 6 Ongon orumu kare itibi lo Jakob ija, oto Yesu to niema lo lotita olotu itongohino tang ko kare itibi orumu logoruno tik lo ile.
\p
\v 7 Kololotu lobo ngorwani Samariani yoho kifi, ojo Yesu diho inyi, “kicio kifi amat”.
\v 8 (orumu kajifitak kunenge lofwo katwa lo kang kinyanga daha).
\p
\v 9 Ojo na ngorwani Samariani diho inyi, “isi Judaiani nan Samariani aja isi ilifa kifi diho nan?” (tonyio Judaia ko Samaria ida oyomoti).
\p
\v 10 Ojo Yesu diho inyi, “Ngara iyen isi kicwara na lico Lobanga kode ngai lilifa kifi diho isi ji itifi inyi kico isi kifi kulo warun”.
\p
\v 11 Ojo na ngorwani diho inyi, “Lahitok oru tohi na ngiyohore isi manyu iluko itibi. Aji hati ngirumahinore isi kuno kifi kulo warun?
\v 12 Igal isi apa niyang Jakob na lohicio ohoi ene itibi afa lomata inyi ko tee kunenge ko sang kunenge fad?”
\p
\v 13 Inyiahahi Yesu ojo, “cio fad kuna lomat kuno kifi, orihe ca kure oura ari
\v 14 ati tungani na lomat kifi kuna lacio nan diho inyi ida ca orihe oura kure ari. Dede oto ca kuna kifi lacio nan ko rahun ipulak lo kifi kuna lisod many warun na isio tur”.
\p
\v 15 Ojo na ngorwani diho inyi, “Lahitok kicio nan kuno kifi ojir ida aura ari ida manyu aitunita ene yoho kifi”.
\p
\v 16 Orihohi inyi ojo, “ilo ilolongu retoni nino iitu ene”.
\p
\v 17 Oitohi inyi ojo, “oru retoni nei”. Ojo Yesu diho inyi, “iteny isi na ibehi lo jimitan oru retoni nino
\v 18 tonyio litong isi ko rei miet, manyu tungani na lohitongo ko isi jija ida ara retoni nino. Iteny isi tenya lo dede”.
\p
\v 19 Ojo na ngorwani, “Lahitok adeu nan isi kamocani.
\v 20 Iwora afa lohitwaha kuniyang Lobanga ene donge ati ijo ite Judea faji na locam iworahinorehin Lobanga inyi Jerusalem”.
\p
\v 21 Oteny Yesu ojo, “iruho tenya nei ngorwani ofwonu no faritin kuna mute lida orihe iworarihin Lobanga ene donge kode Jerusalem.
\v 22 Iwora ite Samaria tohi na lida ite iyen. Kiwora ohoi tohi na lohiyen ohoi tonyio olotuno lwaha ara diho ohoi.
\v 23 Ati olotuno tik, manyu logoru na mute liworare kaworak kulo dede Apa to okorif ko dede, tonyio icieng kaworak kuna lotahita Apa.
\v 24 Ara Lobanga okorif manyu ojir kaworak kunenge iwora inyi to okorif ko dede”.
\p
\v 25 Ojo ngorwani, “ayen nan jimitan olotuno Mesia na lojimi Kristo. Kololotu inyi ititimahi mute ohoi sangite pili”.
\p
\v 26 Oto Yesu ko jimitan, “nan ene lahitenya ko isi, nan inyi”. Oitu kalihitak diho Yesu
\p
\v 27 Gaga kalihitak ko ituno oto ipanyiti rumuno inyi otenya ko ngorwani. Ati oru tungani litifi jimitan, iwak isi nyio? Kode nyio itenya isi ko inyi?
\p
\v 28 Na ngorwani ko ngerihino moti lo kifi nenge ko loro kanghatwa ko rihohino cio ojo,
\v 29 “ifwonu itode tungani na lohirihohi nan sangite pili kuna latii nan. Ara haba inyi Kristo?”
\v 30 Ofwonu cio to kangite iya na faji na longon inyi.
\p
\v 31 Orumu kalihitak kunenge otana inyi ojo, “katiyenani tonyia bo lobo tohi”.
\v 32 Ati ojo diho icieng, “Angon nan ko daha na lida ite iyen”.
\v 33 Itifia kalihitak kunenge kenite ojo, “ongon ba lobo tungani liyahahi inyi daha?”
\p
\v 34 Ojo Yesu, “Daha nei inyi kitiyo wahun lo na lohiculu nan ko keruno tic nenge.
\v 35 Ida re ngun ite ijo lotong ofahin ongon odengoti? Ahirihohi ite itinga konyeha ide manatak! Lodori lowak dengo.
\v 36 Kileng jija lodumi kadengoni lo dengo kinyemo kulo warun na losio tur. Ojir kayaani ko kadengoni okwama ara lobito.
\v 37 Tona tenya lojimi, “oyihi lobo odengu lobito” ara dede.
\v 38 Ahicule nan ite dengo tohi na lida ite itii. Litii kulakude tic na igol ifwonu ite idengu lemun lo cora neicieng”. Iruk Samaria kuna iborengi tenya lo Yesu
\p
\v 39 Becek kulo Samaria tona kang iruhiti inyi to saden lona ngorwani “kirihohi nan sangite pili kulafa latii nan”.
\v 40 Ojo cio kulo Samaria ofwonu diho inyi, otani inyi ojo ojir itongo ko icieng oget inyi na kang faritin are.
\v 41 41 Manyu to tenya nenge ofwonu becek ara karuhok.
\v 42 Ojo icieng diho na ngorwani, “lida dong ohoi kiruk to tenya nino keken; jija lohining ohoi to kenite kuniyang manyu kiyen ohoi jimitan dede ara ene tungani kalwahani lo kof”. Itifurie Yesu kito lo lobo lahitok
\p
\v 43 Koloru kuna faritin are olo inyi iya Galilea.
\v 44 (Naha orumu Yesu to ken nenge oteny ojo ida orimati kamocani to kof neicieng).
\v 45 Kologoru inyi Galilea, ifotu cio kulo Galilea inyi. lodeu orumu icieng sangite fad kuna litii inyi to Jerusalem faritin kulo karama lo Paska tonyio orumu manyu icieng ongoni ijia.
\p
\v 46 Ari olo inyi owaj Kana to kof lo Galilea lafa faji litiluluore inyi kifi ara vino. Ongon manyu ijia lobo lahitok litiyo kolo kabu lomwai kito nenge to kapernaum.
\v 47 Koloning ene tungani ojo lolotu Yesu Galilea to Judea, ko loro diho inyi tana inyi ojir olotu itifurie kito nenge na lorumu omwai omana weyaru.
\v 48 Orihohi Yesu inyi ojo, “many kalideu ite tangu ko kitotorita inyi ha ite iruk”.
\v 49 Ilelia na tungani ojo, “Lahitok ou ja deu orihe kito nei ida lowei”.
\v 50 Inyiahahi Yesu ojo, “itum isi ilo. Owar cia kito nino”. Oning lerok tenya lo Yesu ko lotita.
\v 51 Kolorihe inyi kikoi, itiric karwaak kunenge inyi to layomit ojo owar kito nenge.
\v 52 Kalitifi inyi tik na lojirarore kito nenge, orihohini inyi ojo, “ofurie inyi ngole tik lo mietare”.
\v 53 Monye ko yenun jimitan na tik ngole token ojimitare Yesu diho inyi, “owar cia kito nino”. oto inyi ko kalenge fad ko kiruk.
\v 54 Ara ene tangu lo are na litii Yesu koloitu to Judea iya Galilea.
\c 5
\cl Chapter 5
\p
\v 1 Kitifurioro to kutuk lo kut Kude faritin to kifwongi olo Yesu Jerusalem to lobo karama lo Judea.
\v 2 Oto ija Jerusalem lobo faji lonyiha ko lokoli lo kera orumu ongon kut na lilolongoti to kutuk lo Aramaic ojo Betesda na lirit rifarifahin miet.
\v 3 Ija orumu cio kangwalak ko kamwayak becek orumu ogeto ija, kangodok, kangurak ko kangwalak.
\v 4 
\v 5 Orumu ongon lobo tungani ijia na lingwal to karihin keek uni ko mietauni.
\v 6 Kolodeu Yesu inyi ogeto ijia oyen ojo litong inyi kona mwai karihin becek, olotu itifi inyi ojo, “iwak isi jiran?”
\v 7 Inyiahahi na tungani kangwalani inyi ojo, “Lahitok, aru nan ko tungani na ngohilutohi nan katwa lo kifi ka likaruto. Orihe nan atema ajo ojir apoloro item lobo tungani.
\v 8 Tinyia ojo Yesu diho inyi, “towoju todumu biris nino tolot”.
\v 9 Deu deu na tungani ko furioro, ko kinumuno biris nenge ko lotita. Orumu lafar ara far lo sabit
\v 10 oto Judaiahin ojo diho na tungani litifuriori, “ara ene far sabit oberu cik isi tehita biris nino”.
\v 11 Ati inyiahahi inyi ojo, “lobo tungani lohitifurie nan inyi lojo diho nan, todumu biris nino tolot”.
\v 12 Oto itifi inyi ojo, “ngai lerok lojo diho isi inumu tolot?”
\v 13 Ida dong ene tungani litifuriori oyen jimitan ngai inyi tonyio lorihi Yesu katwa lo ilulung na lorumu ongon ija.
\p
\v 14 To kifwongi olotu Yesu orumu inyi kaji lo Lobanga ko jimitan diho inyi, “tode lijir isi ari. Iticungohi kipal kode itiihino cia lobo tohi irohoi diho isi”.
\v 15 Na tungani ko loro rihohino Judeahin jimitan Yesu lohitifurie inyi. Warun ara diho kito.
\p
\v 16 To kitiyo Yesu kuno sangite to sabit, itisua Judeahin inyi.
\v 17 Ojo Yesu diho icieng, “ongon Apa nei tihitik kitiyo tic nenge kone far, nan manyu atiyo”.
\v 18 Tone tenya otem Judeahin kikohin fad lo kifadaru inyi, ida dong orumu inyi ogila cik lo sabit keken ati ilolongo manyu inyi Lobanga ojo Apa nenge itiririo ken nenge ko Lobanga.
\p
\v 19 Icio Yesu icieng ene kifotit, “ahirihohi ite tenya lo dede, ida kito otum kitiyo lobo tohi token nenge, itiyo inyi tohi na lodeu monye itiyo, tonyio tohi na litiyo monye, itiyo manyu kito nenge.
\v 20 Tonyio imaru monye kito manyu itotorohi inyi sangite fad kuna litiyo inyi. Ibo, manyu to kipany ningi itotorohi ca inyi sangite kuna hitoha lilany ko kuno.
\v 21 Manyu iya na litibuhunitare monye kaweyak icorihi warun, iya na manyu icwara kito warun diho na lowak inyi kicwara
\v 22 cie manyu ida monye ongoto tenya diho lobo tungani ati icio ngoto lo tenya fad diho kito nenge.
\v 23 Ojir fad orima kito iya na lorimarihin monye. Tungani 5 na lida orima kito ida manyu ce orima monye na loculu inyi.
\v 24 Ahirihohi ite tenya lo dede inyi na loning tenya nei iruk inyi na lohiculu nan ongon ko warun na isio tur manyu ida mute ongotohini tenya olanyu; lorang inyi to wei iyo warun.
\p
\v 25 Ahirihohi ite tenya lo dede, olotuno far manyu lolotu na loningore mute kaweyak ogoro lo kito lo Lonanga manyu kuna loning owari mute.
\v 26 Tonyio iya na longonore monye warun to ken nenge ici manyu inyi kito ngonun ko warun token nenge.
\v 27 Manyu licio inyi twero lo ngoto lo tenya tonyio ara inyi kito lo tungani.
\v 28 Kepany ene tenya tonyio olotuno tik na loningore mute kuna longon kwecerehin kuneicieng ogoro nenge,
\v 29 ko rutunoti oleng- kuna litii kuna ijiri ibuhu iyo warun manyu kuna litii kuna irohori ibuhu iyo ngoto lo tenya.
\p
\v 30 To ken nei ake ida nan atii lobo tohi; angoto nan tenya iya na laningore nan manyu obir ngoto lo tenya nei tonyio ida nan atahita kitikwama ken nei ati kitikwama na lohiculu nan. Sadeni ken lo Yesu.
\v 31 Kala saden nan diho ken nei ake, ida saden nei iten.
\v 32 Ongon lobo na lisaden to nan manyu ayen nan ajo iten saden nenge to nan.
\v 33 Icule afa ite cio diho Jon manyu isaden inyi to tenya lo dede.
\v 34 Ida ene ara jimitan aruk nan kisaden lo tungani ati aletu nan ojir ite irumu lwaha.
\v 35 Ara afa Jon lomo na licwara wangun nenge lobo gaa.
\v 36 Angon nan ko saden na irioci ilany kileng lo Jon. Tonyio ene tic lohicio Apa nei nan ojir akeru manyu atiyo nan jija itisadeno jimitan kiculu Apa nei nan.
\v 37 Manyu Apa na lohiculu nan licio saden to ken nenge to nan. Ida ite ining ogoro nenge kode ideu ken nenge
\v 38 kode ida tenya nenge itongo katwa ningi, tonyio ida ite iruk na loculu inyi.
\v 39 Ifik ite taulo kikena igeriti tonyio ibuha ite jimitan to icieng irumu ca ite warun na isio tur. Icieng kuno igeriti lotenya kisaden to nan.
\v 40 Orihe ce ite iberu fwonuno diho nan rumuno warun.
\v 41 Ida nan awak maja to kutuhe kulo cio
\v 42 ati ahiyen nan ite. Ayen nan jimitan iru ite ko kimaruno lo Lobanga to taulo kuningi.
\v 43 Alotu nan to karama lo Apa nei ati ida ite kiruk nan ati kololotu lobo tungani to karana nenge iruk ite.
\v 44 Ngiruk hati ite aja kalitahita ite maja kenite kuningi ake ake ati ida itahita rumuno maja na lolotu diho Lobanga lobito?
\v 45 Ati kebuha ijo adoro ca nan ite diho Apa. Kadoroni ningi inyi Moses na lifik ite kigeno ningi ken nenge.
\v 46 Ngara iruk ite Moses, ngiruk ite nan tonyio iger afa inyi to nan.
\v 47 Oto hati kalida ite iruk tohi na liger inyi, ngiruk hati ite tohi na latenya nan aja?” Icio Yesu cio alif miet daha.
\c 6
\cl Chapter 6
\p
\v 1 To kifwongi lo faritin kude, orange Yesu iya tode angati lo nam lo Galilea (na lobara lolobo nam lo Tiberias)
\v 2 manyu ijif ilulung lo cio inyi tonyio lodeu icieng ititorita kulo tanguhin kuna litii inyi kenite kulo kamwayak.
\v 3 Tinya Yesu ko kirwohoro gum lo donge ko kitongohino ko kalihitak kunenge.
\v 4 Orumu karama lo Paska lonyiha.
\v 5 Kolodeu Yesu ilulung nahitok olotuno diho inyi, oto ojo diho Pilip, “aji ca kinyangunore ohoi mugati na ngonyia kuno cio?”
\v 6 Itifi inyi jii lo tema inyi keken tonyio orumu inyi loyen tohi na ngatii inyi.
\v 7 Inyiahahi Pilip ojo, “mucara lo ofahin mietauni ida otum kinyanga mugati na ngimang lobito tungani kileng lobo sidi.
\v 8 Lobito to kiji lo jayona kunenge Andru rece lo Saimon Petero ko tenya ojo,
\v 9 “ongon kito lobo ene ko mugatihin miet ko kayam kuna sidiha are oto hati kuna ngotum nyio iyo ilulung na lori iya kuno?
\v 10 Ojo Yesu, “ititongohiti cio kof”. Obolo orumu nyiari na faji oto itongohino cio kof cio rei alif miet.
\v 11 Odumu Yesu kuna mugatihin icio kwama okorahi cio kuna litongo kof itii manyu jii to kuna kayam.
\v 12 Kolonyiai lotum icieng fad, ojo inyi diho jayona kunenge, “itutufuti otonge keco lobo tohi ipalaru”.
\v 13 Oto icieng itutufu otonge ifut aduhuhin tomon ko are lo kuna mugatihin miet.
\v 14 Kolodeu cio ene tangu litii Yesu oto ojimi “dede ara ene kamocani lafa lojimi olotuno ene kof.
\v 15 Oto Yesu ko yenun ojo owak icieng fiha inyi ara kabu to golun ko kingadaru iya gum lo donge faji na ipolo inyi ake. Olot Yesu kwe lo kifi to kejuha.
\p
\v 16 Kololotu kurou ofwo jayona kunenge nam,
\v 17 orumuni tigol ko kirwohoti owahiti rangaru nam iya Kapernaum. Tona tik orumu lomutok orihe Yesu ida lolotu diho icieng.
\v 18 Orumu kiyoma okuta to na igol icak ko kifi kitigema.
\v 19 Kologoru icieng maili uni kode uni ko nusu, odeu icieng Yesu olotuno iya faji na longon tigol olot to kai lo kifi oto bangun inief icieng.
\v 20 Ati ojo inyi diho icieng, “ara nan kebang”.
\v 21 Oto icieng iruk ki fotuno inyi katwa lo tigol manyu deu deu tigol ko goruno tode ladi faji lofworo icieng.
\p
\v 22 Kiwanyi nenge ilulung kuna lorumu otong angati tode lo nam ko yenun jimitan ara orumu tigol lobito manyu ida orumu Yesu irwok ko jayona kunenge manyu ofwo icieng ake.
\v 23 Ofwonu kude tigoli to Tiberias itawati longole faji licwarare Lahitok cio mugati langun licio inyi kwama.
\v 24 Kolodeu cio jimitan oru Yesu kode jayona kunenge to kuna tigoli, ko kirwohoroti katwa lo kuna tigoli ofwori iya Kapernaum taharu Yesu. Yesu tafa lo warun.
\v 25 Kolorumahi icieng inyi lutode lo nam, itifi inyi ojo, “katiyenani ilotu isi ene anu?”
\v 26 Inyiahahi Yesu ojo, “ahirihohi nan ite tenya lo dede, itahita ite nan ida ara to deuno tanguhin ati to mugati kunangole linyia ite imoneho.
\v 27 Ketiyo to daha na lotum omura ati to daha na logoru many warun na isio tur, na licio kito lo tungani ite. Ken nenge lofik Lobanga Apa kingudo lo kiruk nenge”.
\v 28 Oto icieng itifi inyi ojo, “ojir ohoi kidim nyio kitiyore tohi na lowak Lobanga?”
\v 29 Inyiahahi Yesu icieng ojo, “tic lo Lobanga inyi ene, kiruk diho na loculu inyi”.
\v 30 Oto icieng itifi inyi ojo, “nyio tangu lo kitotori ca icio isi ojir ohoi kiruhore isi? Itii cia isi nyio?
\v 31 Onyia afa fafaico kuniyang mana to mwang; iya na ligerore ojo, ‘icio inyi icieng mugati to kai lo daha”.
\v 32 Ojo Yesu diho icieng, “ahirihohi ite tenya lo dede, ida ara Moses lohicio ite mugati to kai, ati ara Apa nei lohicio ite mugati lo dede na lolotu to kai.
\v 33 Tonyio mugati lo Lobanga inyi na lolotu to kai manyu icio warun diho kof”.
\v 34 Ojo icieng, “Lahitok kiciaha tone far kicio ohoi ene mugati”.
\v 35 Oto Yesu ifotu ojo, “nan mugati lo warun. Tungani na lolotu diho nan ida ca kinga onyia, manyu na liruk nan ida ca kure onyia.
\v 36 Ati iya na lahirihohinore nan ite, lideu ite nan ati ida iruk.
\v 37 Fad kuna lohicio Apa nei nan ofwonu ca diho nan manyu na lolotu diho nan ida ca nan afuhe
\v 38 38 tonyio alotu nan to kai ida ara kitiyo wahun nei ati kitiyo wahun lo na lohiculu nan.
\v 39 Manyu wahun lo na lohiculu nan inyi ene, ojir nan ida atiri kuna lohicio inyi nan fad ati itiwojuno icieng far lo lohicungi
\v 40 tonyio wahun lo Apa inyi jimitan to tungani fad na lodeya kito manyu iruk inyi ojir orumu warun na isio tur. Manyu atiwaru ca nan inyi to far lo lohicungi”.
\p
\v 41 Tone iciak Judeahin ngungunita to inyi tonyio ojo inyi, “ara nan mugati na lolotu to kai”.
\v 42 Ojo icieng, “ida re Yesu ene kito lo Josep na lohiyen ohoi monye ko ngotenge? Aja hati manyu ojo inyi, “alotu nan kof to kai?”
\v 43 Ojo Yesu diho icieng, “iticungoto ngungunita kiji ningi
\v 44 oru tungani na ngotum olotu diho nan many kalara Apa nei lorihu inyi diho nan manyu atiwaru ca nan inyi far lo lohicungi.
\v 45 Iger afa kamocak ojo, ‘itiyen ca Lobanga icieng fad. Tungani fad na loningo Apa olotu diho nan.
\v 46 Oru lobo tungani lodeu Apa ara na lolotu diho Lobanga inyi ake lodeu Apa.
\v 47 Ahirihohi ite tenya lo dede, tungani na liruk nan ongon ko warun na losio tur.
\v 48 Nan mugati lo warun.
\v 49 Onyia afa fafaicio kuningi mana to kuny orihe cie oweiha
\v 50 ati mugati ene na lolotu to kai na ngonyia tungani ida owei.
\v 51 Nan tafa na iwar na lolotu to kai. Kolonyia tungani ene tafa, owar tur. Ara ene tafa ken nei na ca lacio nan to warun lo kof fad”.
\p
\v 52 Tinyia iciak cio kulo Judea rija bebe kiji neicieng ake ake. Aja kicio lerok ohoi ken nenge ara daha?
\v 53 Ojo Yesu diho icieng, “Ahirihohi ite tenya lo dede, kalida ite inyia ken lo kito lo tungani manyu imat okoto nenge, ida ite ingoni ko warun katwa ningi.
\v 54 Kolonyia tungani ken nei manyu omat okoto nei orumu warun na losio tur manyu atiwaru mute na inyi far lo lohicungi
\v 55 tonyio ara ken nei daha lo dede manyu okoto nei ara imatit lo dede.
\v 56 Na lonyia ken nei manyu omat okoto nei, itongo katwa nei, nan manyu katwa nenge.
\v 57 Iya na lohiculunore Apa na iwar nan, awarare nan to inyi, jiha na manyu lonyia nan owar manyu mute to nan.
\v 58 Ara ene lafa na lolotu to kai. Onyia afa fafaicio kuningi mana to kuny ati oweiha ati na lonyia ene tafa owar warun na isio tur”.
\v 59 Oteny inyi kuno lobo far litiyenare iyo lotubare to Kapernaum. Tenya lo warun na losio tur
\p
\v 60 Becek kulo kajifitak kunenge koloning ene tenya ko jimitan, ogol ene kitiyena noo, ngai lotum oning?
\v 61 Koloning ojo longungunita kajifitak kunenge tone tenya ojo Yesu diho icieng, “kitilongojita ene tenya ite?
\v 62 Adi ba ngide ite kito lo tungani irwohoro iya idi afa longon inyi!
\v 63 Okorif licwara warun ida ken odumu lobo tohi. Tenyi tenyi kuna latenyahi nan ite ara okorif manyu ara warun
\v 64 ati ongon kude kiji ningi lida iruk”. Tonyio loyen Yesu many ro lohicahi ngai to kiji neicieng lida iruk manyu ani mute lara katoboni nenge.
\v 65 Oto osodoro jimitan, “ene tenya ene lico nan ajo diho ite oru tungani ngolotu diho nan kalida ara Apa nei loculu”.
\p
\v 66 Kicaha tona far, becek kulo kajifitak kunenge ko ngerihino kijifita inyi.
\v 67 Itifi inyi kuna tomon ko are ojo, “adi ite iwak manyu ite kisararu?”
\v 68 Inyiahahi Petero inyi ojo, “Lahitok, kifwo manyu diho ngai? Isi litehita tenya lo warun na losio tur.
\v 69 Kiruk ohoi manyu kiyen jimitan ira isi na inyu lo Lobanga”.
\v 70 Inyiahahi Yesu ojo, “ida re ara nan lahinyumu ite kuno tomon ko are? Ati ara lobito tokiji ningi lo sitan”.
\v 71 (Orumu inyi otenya Judas kito lo Saimon Iskariot na kileng longon kiji lo tomon ko are olotu ara katoboni).
\c 7
\cl Kingutit 7
\p
\v 1 To kuna faritin ilor Yesu kangite kulo kof lo Galilea oberu loro iya Judea tonyio owak orumu cio kulo Judea kifadaru inyi.
\v 2 Ati kolonyihu far lo karama lo tuguno,
\v 3 ojo recera kunenge diho inyi, “owak isi ilo iya Judea ojir kajifitak kunino odeu tanguhin kuna litiyo isi.
\v 4 Oru lobo tungani litiyo lo lit kolowak ojo ojir cio kiyen inyi. iya na litiyo isi kuno ticitici itotorohi ken diho cio kulo kof fad”.
\v 5 Tonyio ida kileng recera kunenge iruk inyi.
\v 6 Tona oto Yesu orihohi icieng ojo, “orihe tik na ijir diho nan ida logoru; diho ite ojir itihi fad.
\v 7 ida kof kiberu ite ati kiberuni nan, tonyio atisadena nan jimiitan itiyo icieng ticitici kuna irohoi.
\v 8 Ifwo ite karama orihe nan ida awak loro ene karama tonyio orihe tik na ijir ida lotumohino diho nan.
\v 9 Langun loteny diho icieng ji ko tongun loteng galilea.
\p
\v 10 Tolobo langun lofwo recera kunenge daha karama, olomunyu inyi ati lotit ida ara tarany
\v 11 Tinyia to karama, otahita cio inyi itifiati ojo, “Aji ongon tangun lungani?
\v 12 To katwa lo ihulung orumu obolo momongita kiji lo cio to ken nenge, ojo kude, “Ara inyi tungani na ijir. Inyiahahi kude ojo, “ida itinononga inyi cio”.
\v 13 Oru hati lobo tungani litikwat tenya nenge to bangun cio kulo Judea.
\p
\v 14 Ati logoru faritin nusu lo faritin kulo karama olo Yesu kaji lo Lobanga ko kicaha kitiyena cio.
\v 15 Ipany Judeahin noo itifiati ojimi, “aja orumu lerok ene genyun ati ida iken?”
\v 16 Inyiahahi Yesu ojo, “ida kitiyena nei ara nitole, olotu diho na lohiculu nan.
\v 17 Kolonyumu lobo tungani kitiyo wahun lo Lobanga, oyen ca jimitan olotu kitiyena nei diho Lobanga kode ara lo ken nei.
\v 18 Tungani na lotenya to ken nenge itiyo to rumuno kwatun nenge ake ake ati na litiyo to kwatun lo na loculu inyi, itongo ara tungani lo dede oru lobo talerun diho inyi.
\v 19 Ida afa Moses kicio ite cik? Ati oru lobo to kiji ningi lijifita cik. Nyio itahitare ite kifadaru nan?”
\v 20 Ojo ilulung diho inyi ojo, “ingon isi ko lodonyiok ken. Ngai lo tahita kifadaru isi?”
\v 21 Ojo Yesu diho icieng, “atii nan tangu lo bito many ipany ite fad.
\v 22 Oto tona lohicwarare Moses ite kitilongoro. (ati honyi ida ara Moses liyauno kitilongoro ati lohitwaha) itilongoro ite kileng to sabit.
\v 23 Dong kalitilongori kito to sabit ojir cik lo Moses ida ogila, nyio ilo ite diho nan to kitifurioro tungani to sabit?
\v 24 Iticungoto ngoto lo tenya to deya manyu iciahata ngoto tenya to dede.
\p
\v 25 Tinyia iciak kude cio kulo Jerusalem kitifia, “ida langun tungani ene lotahita icieng kifadaru?
\v 26 Ene manyu lotenya tarany ida icieng otenya lobo tohi diho inyi. liruk re ba kalanyunok jimitan ara inyi Kristo?
\v 27 Ati kiyen ohoi loreunore lo ene tungani. Ati kolotu Kristo, oru mute tungani loyen loreunore nenge”.
\v 28 Oto Yesu orihe itiyena kaji lo Lobanga ko kigororo rihohino icieng ojo, “ibo iyen ite nan manyu iyen loreunore nei. Ida nan angon ene to ken nei ake ati na lohiculu nan ara dede. Ida ite iyen inyi
\v 29 ati ayen nan inyi tonyio alotu nan diho inyi ara manyu inyi lohiculu nan”.
\v 30 Tona owak icieng kiniefa inyi ati oru lobo lofik kana ken nenge tonyio orihe tik nenge ida lotumohino.
\v 31 Ati becek lo ilulung ofik kiruk diho inyi. oto ojimi, “kololotu mute Kristo itii mute tanguhin ilany ene tungani?”
\v 32 Oning Parisihin cio omomongita kuno tenyi tenyi to ken nenge. Oto kadwarak kuna hitoha ko parisihin ko cularoti kaririak kulo kaji lo Lobanga lo fworo kiniefuno inyi.
\v 33 Ojo Yesu diho icieng, “arihe nan angon ko ite to fritin kude kuting alo hati diho nu lohiculu nan.
\v 34 Itak mute ite nan ati ida kirumahi nan manyu faji na langon nan ida ite itweru fwonuno”.
\v 35 Ojo Judeahin kiji neicieng ake ake, “aji owak ene tungani loro lida ohoi kirumahinore inyi? olo ca inyi idi lisarihinore cio kuniyang kof lo Grik ko kitiyena cio kulo Grik?
\v 36 Nyio fotiri lo ene tenya lojio inyi, ‘kitak mute ite nan ati ida kirumahi ko faji na langon nan ida ite itweru fwonuno?”
\p
\v 37 To far lo lohicungi manyu na igol noo lo karama, owoju Yesu ko jimitan to ogoro na ikwat, “koloura lobo tungani ingohi to lotu diho nan omat.
\v 38 Na liruk nan iya na lotenyare kigeriti ojo, ‘itihita ca kare lo kifi kulo warun to katwa nenge”.
\v 39 Oteny inyi ene tenya to okorif na inyu na mute lolotuno diho cio kuna liruk inyi. orihe tona ida liciori okorif na inyu tonyio orihe Yesu ida lorute iyo deyo nenge.
\v 40 Koloningi tenya nenge ojo cio kude, “dede ara ene tungani kamocani”.
\v 41 Ojo kude, “ara inyi Kristo”. Orihe kude ojo, “aja olotu Kristo to Galilea?”
\v 42 Ida kigeriti ojo olotu mute Kristo to kaji lo David manyu to Betlem kang lafa litongore David?
\v 43 ona okokora cio to tenya lo Yesu.
\v 44 Owak kude kiniefa inyi ati oru lobo lofik kana ken nenge.
\p
\v 45 To kifwongi oite kaririak kulo kaji lo Lobanga diho kadwarak kuna hitoha ko parisihin kuna lofwo itifi icieng ojo, “nyio ite ida iniefuno inyi?”
\v 46 Ojo kaririak diho icieng, “oru lobo tungani loteny koditi lo kuno tenyi tenyi loteny ene tungani”.
\v 47 Inyiahahi parisihin icieng ojo, “inyi jimitan lohitinonong manyu ite?
\v 48 Liruk lobo kalanyunoni kode parisini inyi?
\v 49 Oru! Ati kuno ilulung lida oyen ko cik! Ifici kuno cio.
\v 50 Oto Nikodemas lafa lolo diho Yesu ketemoni na manyu lara lobito to kiji neicieng itifi ojo,
\v 51 “iruk cik niyang ngotohino tenya ken lo tungani ida re lining inyi lo yenun tohi na litiyo inyi?”
\v 52 Inyiahahi icieng inyi ojo, “ira manyu isi lo Galilea? Tode otoc oto ca isi irumu jimitan oru lobo kamocani lolotu to Galilea”.
\p
\v 53 Oto tungani lobito lobito olo kalenge.
\c 8
\cl Kingutit 8
\p
\v 1 Ati olo Yesu donge lo Oliv
\v 2 kiwanyi berien oitu inyi kaji lo Lobanga faji na lotubare cio fad irit inyi, inyi ko kitongohino kitiyena icieng.
\v 3 Katiyenak kulo cik ko parisihin ko kiyauno lobo ngorwani liniefuni itiyo lomuna itiwoitahini ketemoni lo cio,
\v 4 Ko jimitan diho Yesu, “katiyenani iniefuni ene ngorwani itiyo lomuna.
\v 5 To cik ojo Moses, ojir ocahi koditi lo kuno ngorwo to morutok ifadari. Jija ijo isi aja?”
\v 6 Itiyore icieng ene kitifit ara kitu ojir kidorore inyi. ati ocumo Yesu igero kof to kafiele nenge.
\v 7 Ojo icieng osodoro kitifia inyi oto Yesu ko biran ko rihohino icieng ojo, “koloru kipal diho lobo to kiji ningi ingohi inyi tofir caha moru lo ketemoni”.
\v 8 Oite Yesu ocumo ari igero kof to kafiele.
\v 9 Tona, cio kuna loning fad iciak kisararu lobito lobito iciak to ngoroyok many otong Yesu ake ko na ngorwani owoita ketemoni nenge.
\v 10 Obir Yesu ko kitifia inyi, “ngorwani akuni ha icieng? Oru tungani lohingotohi isi tenya kilanyu?”
\v 11 Ojo inyi oru Lahitok. Ojo Yesu, “ida manyu nan ahingotohi tenya kilanyu isi. Ilo ati tongerihi na warun nino lo kipal”.
\p
\v 12 Kolotenya Yesu ari ko cio oto ojo, “ara nan wangun lo kof. Tungani na lijifita nan ida olot katwa lo kimuyuk ati ongon ko wangun lo warun”.
\v 13 Itipek parisihin inyi ojo, “jija itenya isi to ken nino ake ida saden nino ara dede”.
\v 14 Inyiahahi Yesu ojo, “kileng ngatisadena nan ake ara saden nei lo dede tonyio ayen nan loreunore nei ko faji na laloro nan. Ati ida ite iyen loreunore nei ko faji na laloro nan.
\v 15 Ingoto ite tenya to kikohin kulo cio, ida nan angoto tenya diho cio.
\v 16 Ati kalangoto nan tenya, ara tenya nei na ibir tonyio ida nan angon ake, awoita nan ko Apa na lohiculu nan
\v 17 Iyo cik ningi igero ojo saden lo cio are ara dede.
\v 18 Acwara nan saden to ken nei. Saden lo are inyi Apa nei na lohiculu nan”.
\v 19 Oto icieng itifi inyi ojo, “ongon munyi aji?” Inyiahahi inyiahahi inyi ojo, “ida ite iyen nan kode Apa nei. Ngara kiyen ite nan ji iyen manyu Apa nei”.
\v 20 Otenya inyi kuno tenyi tenyi inyia litiyenare kaji lo Lobanga inyia lonyiha ko faji na lofihahitarehin kicorita ati oru lobo tungani linief inyi tonyio orihe tik nenge ida lotumohino.
\p
\v 21 Ari ojo Yesu diho icieng, “aloro nan, kitak ca ite iweihi iyo kipal ningi. Faji na laloro nan ida ite itweru fwonuno”.
\v 22 Iciak Judeahin ki tifia kenite ojo, “ifade ca inyi ken nenge? Inyi ojimitare inyi ojo, “faji na laloro nan ida ite itweru fwonuno?”
\v 23 Osodoro inyi ojo, “ira ite kulo kof; ara nan lo kai. Ira ite kulo ene kof. Ida nan ara lone kof.
\v 24 Ahirihohi nan ite ajo iweihi cia ite iyo kipalipali kuningi; kalida ite iruk jimitan inyi na lajo ara nan; iweihai ca ite iyo kipalipali kuningi dede”.
\v 25 Iti icieng inyi ojo, “isi ngai?” Inyiahahi Yesu ojo, “iya na ce latenyare nan tik tik.
\v 26 Angon nan ko tenyi tenyi becek kuna ngatum ngotore tenya kenite kuningi. Ati inyi na lohiculu nan igenoro, manyu tohi na laning nan diho inyi arihohi nan kof”.
\v 27 Ida icieng iniang jimitan ongon inyi rihohino icieng tenya lo Apa nenge.
\v 28 Tona ojo Yesu, “langun mute liting ite kito lo tungani ifwonu ca iyen jimitan nan inyi na lajo nan ara nan manyu ida atiyo lobo tohi to kwe nei ati atenya nan tohi na lohitiyen apa nei nan.
\v 29 Kingon na lohiculu nan ko nan, ida inyi lohingohi nan ake tonyio atiyo nan tohi na litikwama inyi”.
\v 30 Oto kileng lotenya inyi ofik cio becek kiruk diho inyi.
\p
\v 31 Diho Judeahin kuna liruk inyi ojo Yesu, “kalinief ite kitiyena nei, ira ite kajifitak kunei dede.
\v 32 Oto ca iyen tenya lo dede oto dede kilak ite”.
\v 33 Inyiahahi icieng ojo, “ohoi lotataha kulo Abraham manyu ida lohitongo ara opii lo lobo tungani, aja ijo isi diho ohoi ijo kilaharu ca ohoi?”
\v 34 Inyiahahi Yesu icieng ojo, “Ahirihohi ite tenya lo dede tungani na lipal ara opii lo kipal.
\v 35 Naha ida opii itongo tur ara kito lo kaji ati lara lo kaji tur.
\v 36 Inyi lico kalolak kito isi ilaharu isi tur.
\v 37 Ayen nan jimitan ite lotataha kulo Abraham, ati iwak ite kifadaru nan tonyio oru lohitongore lo tenya nei to taulo kuningi.
\v 38 tenya nan diho ite tohi na ladeu nan to ketemoni lo Apa nei. Manyu itiyo ite tohi na lideu ite diho apa ningi”.
\v 39 Inyiahahi icieng ojo, “Abraham lara apa niyang”. Ojo Yesu diho icieng, “ngara ira ite tee kulo Abraham ji ite itiyo sangite kuna litiyo Abraham.
\v 40 Iya na jija itahita ite kifadaru nan, tungani na lorihohi ite tenyi tenyi fad kuna loningu diho Lobanga. Ida afa Abraham itiyo sangite kuna lori ko kuna.
\v 41 Itiyo ite sangite kuna litiyo apa ningi”. Itirija icieng ojo, “ida ohoi kira tee kulo apila. Apa niyang lobito na lohitehita ohoi inyi Lobanga.
\v 42 Ojo Yesu diho icieng, “ngara Lobanga Apa ningi ji ite kimaru nan tonyio alotu nan diho Lobanga manyu angon jija ene. Ida nan alotu to kwe nei ake ara inyi lohiculu nan.
\v 43 Nyio ida ite iniangare tenya nei? Tonyio ida ite itum ningo tohi na latenya nan.
\v 44 Ira ite kulo monye ningi sitan, manyu iwak kitiyo wahun lo monye ningi. Ara inyi kafadani manyu kiteri ida iniefita tenya lo dede tonyio oru dede diho inyi. kolotaler inyi irumu otenya tenya nenge tonyio ara inyi kataleroni manyu monye lo talerun.
\v 45 Inyi lico kalatenya nan tenya lo dede ida ite kiruk nan.
\v 46 Ngotum lobo to kiji ningi kitotoruno kipal nei? Kalatenya nan tenya lo dede nyio ida ite iruk tenya nitole?
\v 47 Tungani na lara lo Lobanga oningo tenya na lotenya Lobanga. Tohi na litik ite ningo, tona lida ite irahare kulo Lobanga”.
\v 48 Ojo Judeahin diho inyi, “ida re ohoi lohiteny dede jimitan isi Samariani na linief lodonyok?”
\v 49 Ojo Yesu diho icieng, “oru lodonyok to ken nei ati arima nan Apa nei ati ids ite kirima nan.
\v 50 Ida nan atahita kwatun to ken nei ake ati ongon na lotahita manyu ara inyi kangotoni lo tenya.
\v 51 Ahirihohi ite tenya lo dede, koloric tungani tenya nei ida ca odeu wei”.
\v 52 Tone Judeahin ko kigororo ojo, “jija lohiyen dong ohoi jimitan ingon isi ko lodonyok ken! Lowei afa Abraham ko kamocak, isi ten ijo koloric tungani tenya nino ida imang wei.
\v 53 Ilany isi monye niyang Abraham? Lowei inyi owei manyu kamocak. Ibuha isi ijo isi ngai?”
\v 54 Inyiahahi Yesu ojo, “kalatikwata nan ken nitole ida kwatun nei ara lobo tohi. Apa nei na lilolongo ite ijo Lobanga ningi inyi litikwata nan.
\v 55 Kileng ngida ite iyen inyi, ayen nan inyi. kalajo nan ida nan ayen inyi, oto nan ara kateloroni iya ite ati ayen nan inyi manyu aric tenya nenge.
\v 56 Okwama afa apa ningi Abraham to deuno far nitole; odeu inyi ko kifut ko kwama”.
\v 57 Ojo Judeahin diho inyi, “orihe isi ida ligoru karihin keek miet ijo isi ladeu inyi Abraham!”
\v 58 Ojo Yesu diho icieng, “ahirihohi ite tenya lo dede, orihe ida lotomonuni Abraham Nan- NAN.
\v 59 Koloningiti ji ko kinumuno morutok owahiti caha inyi ati orwe Yesu to kaji lo Lobanga.
\c 9
\cl Kingutit 9
\p
\v 1 Kololotu inyi, oto odeu tungani na longodo many to otomone.
\v 2 Itifi kajifitak kunenge inyi ojo, “katiyenani, ara kipal lo ngai lico ene tungani otomonuni ongodo, nenge kode lo katomonok kunenge?”
\v 3 Ojo Yesu, “ida ene tungani kode katomonok kunenge ipal ati itiihino ene ojir tic lo Lobanga oboto ara diho warun nenge.
\v 4 Kalorihe ce ara far ojir kitii tic lo na loculu nan. Olotuno karwe na ca lida cio itiyore.
\v 5 Kolorihe nan angon kof, nan lara wangun lo kof”.
\v 6 Koloteny ji ko mitahino kamilak kof inunutu lokulufi to kuna kamilak ko fihahino konyeha kulo na kangodoni
\v 7 ko rihohino inyi ojo, “ilo ilala to kut lo Siloam” (na lara jimitan ‘itifahuni). Na tungani ko loro kilala oitu kang lodeya.
\v 8 Oto loriehati kunenge ko cio kulangun lodeu inyi ongodo ililifita itifi ojo, “ida re langun tungani ene litongita ililifita?”
\v 9 Ojo kude inyi kode oru oriworo ko inyi ara riworo.
\v 10 Itifi icieng ojo, “aja hati ongaja konyeha kunino?”
\v 11 Inyiahahi inyi ojo, “lobo tungani lobara Yesu lodumu lokulufi ko fiha konyeha kunei ko jimitan diho nan ilo ilala to Siloam tinya alo nan alala ko deya.
\v 12 Itifi icieng ojo, “aji ongon ene tungani?” Ojo inyi, ‘ida nan ayen”.
\p
\v 13 Iyauni la tungani afa ingodo diho Parisihin.
\v 14 Naha lafar linunutunore Yesu lokulufi itifuriore konyeha kulo na kangodoni orumu ara far lo sabit.
\v 15 Tona itifi Parisihin kikoi na lico inyi odeyare. Ojo inyi diho icieng, “ofik inyi lokulufi konyeha kunei nan ko loro kilala ko deya ji”.
\v 16 Ojo kude Parisihin, “ida ene tungani ara lo Lobanga tonyio ida inyi orica sabit”. Ati itifia kude ojo, “aja kapalani otum kitiyo tangu na hitok iya na? tona okora icieng.
\v 17 To kifwongi oituni ari diho na kangodoni itifi inyi ojo, “ijo isi nyio to inyi? ara konyeha kunino onga inyi”. inyiahahi na tungani icieng ojo, “ara inyi kamocani”.
\v 18 Orihe ce Judeahin ida iruk jimitan ara orumu inyi kangodoni many ilolonguni katomonok kunenge.
\v 19 Itifi icieng katomonok kulo na tungani ojo, “kito ningi ene? Inyi na lijo ite otomonuni ongodo ene? Aja hati itikwenyi inyi?
\v 20 Inyiahi katomonok kunenge icieng ojo, “kiyen ohoi jimitan kito niyang ene. Manyu kiyen ohoi jimitan kitomonu ohoi inyi ongodo.
\v 21 Ati aja odeya inyi jija kode ngai longa konyeha kunenge ida ohoi kiyen. Itifiata inyi lobolo manyu inyi otum inyi tenya to ken nenge”.
\v 22 Ojo katomonok kunenge ji tonyio obang orumu icieng Judeahin tonyio orumu icieng lojo lobo tungani loteny ojo ara Yesu Kristo, ojir ifuhari to lotubare.
\v 23 Inyi na lico katomonok kunenge ojo, “lobolo inyi, itifiata inyi to ken nenge”.
\v 24 Ari ilolonguni na tungani lorumu lara kangodoni. Oto ojimi diho inyi, “icwara kwatun diho Lobanga kiyen ohoi ara ene tungani kapalani.
\v 25 Inyiahahi inyi icieng ojo, “kode ara inyi kapalani kode ida ara, ida nan ayen. Ati lobito tohi ayen nan, angodo ngun nan ati lakweny nan jija!”
\v 26 Itifi icieng inyi ojo, “itii inyi nyio diho isi? Onga inyi konyeha kunino aja?”
\v 27 Inyishshi inyi icieng ojo, “lahirihohi manyu nan ite ida ite iwak ningo. Nyio iwahare ite ningo ari? Iwak manyu ite rahun kajifitak kunenge?”
\v 28 Iciak icieng moro inyi ojimi diho inyi, “ira isi kajifitani lo na tungani! Kira ohoi kajifitak kulo Moses
\v 29 kiyen ohoi jimitan otenya afa Lobanga ko Moses ati tone tungani ida kileng ohoi kiyen faji na lolotunore inyi.
\v 30 Inyiahahi inyi icieng ojo, “ogol ene tenya noo! Ida ite iyen faji na lolotunore inyi oto inyi onga konyeha kunei
\v 31 kiyen ohoi jimitan ida Lobanga oningo kapalak. Oningo inyi tungani na ijir na litiyo wahun nenge.
\v 32 Oru lobo tungani loning tenya lo ngaja konyeha kulo tungani na lotomonuni ongodo.
\v 33 Ngida ene tungani olotu diho Lobanga ngida itii lobo tohi”.
\v 34 Tone inyiahahi icieng inyi ojo, “ira isi kapalani many to tomonuno aja ilotu isi kitiyena ohoi”. Ko ki fuharoti inyi oleng.
\p
\v 35 Oning Yesu jimitan lifuhari inyi oleng, oto ojo diho inyi, “iruk isi kito lo tungani?”
\v 36 Itifi inyi ojo, “ngai inyi Lahitok kirihohi ojir nan aruk inyi”.
\v 37 Ojo Yesu, “lideu isi inyi, to dede inyi lohitenya ko isi”.
\v 38 Na tungani ko jimitan, “Lahitok laruk nan”. Ko kiwora inyi.
\v 39 Ojo Yesu, “to ngoto lo tenya alotunore nan ene kof, ojir kangodok odeya ojo cio kuna ikwenyi ongodoho”.
\v 40 Kude parisihin longon inyia ko inyi ko kitifia ojo, “nyio? Kingodoho manyu ohoi?”
\v 41 Ojo Yesu, “ngara ingodoho ite ngida ite ingoni ko kipal ati tona lijimitare ite ijo kikwenyiha icieng iwasihi kipal ningi”.
\c 10
\cl Kingutit 10
\p
\v 1 Ahirihohi ite tenya lo dede, tungani na lida orute twol lo kera to lokoli ati irwok tolobo faji ake ara kakokoni ko kabelani.
\v 2 Tungani na lorute to lokoli ara katibalani lo kera kunenge
\v 3 Ongajahi kaririani inyi lokoli manyu oningo kera ogoro nenge, ilolongo inyi kera kunenge to karanico manyu omire icieng oleng.
\v 4 Kolongaju kera kunenge fad, item ketemoni neicieng ijifita kera kunenge inyi tonyio oyeniti ogoro nenge.
\v 5 Ati ida icieng otum kijifita weloni, to dede otumiti kisararu diho inyi tonyio ida icieng omohu ningo ogoro lo weloni.
\v 6 Ititeny Yesu icieng tone kitisirani ati ida icieng iniang tohi na lotenya inyi.
\p
\v 7 Tona oto Yesu ko jimitan ari, “ahirihohi ite tenya lo dede. Nan lara lokoli lo kera
\v 8 kulangole lofwonu to ketemoni nei fad ara kakokok ko kabelak ati ida kera oning icieng.
\v 9 Nan lokoli; na lorutu ara diho nan, oricahino olotu ca inyi katwa lo twol, orute oleng olo orumu olemo.
\v 10 Olotu ka kokoni kokolaru, kifadaru ko keruno. Alotu nan ojo ojir orumuni warun manyu orumuni na lifut.
\v 11 Nan katibalani na ijir. Icio katibalani na ijir warun nenge to kera kunenge.
\v 12 Tungani na lodumi ida ara katibalani na lara monye lo kera, tona kolodeu inyi lowoho olotuno, ongerihi inyi kera ko kifejaru. Olotu lowoho itisara kera.
\v 13 Ife nu tungani tonyio odumi inyi ara duma ida kera ara kunenge ida inyi ibuha to icieng.
\v 14 Nan katibalani na ijir ayen nan kera kunei manyu kera kunei kiyen nan.
\v 15 Iya na lohiyenare Apa nei nan ayen manyu nan Apa nei manyu acio nan warun nei to kera kunei.
\v 16 Angon nan ko kera kude kuna lida ara kulo ene twol. Awak nan ayauno manyu icieng. Ofwonu manyu ca icieng oning ogoro nei ojir ofwonuni fad ara twol lobito ko katibalani lobito.
\v 17 Tohi na licio Apa nei kimaru nan inyi jimitan acorihi nan warun nei manyu adumu ca ari.
\v 18 Oru lobo tungani lodume warun nei to ken nei ati acio nan ake manyu adumu ari ake. Angon nan ko twero lo ipotoro warun nei manyu angon ko twero lo kinyiahahino ari. Ara ene cik na larumu nan diho Apa nei”.
\p
\v 19 To kuno tenyi tenyi okora cio ari.
\v 20 Kude to kiji neicieng ojo, “odaha lodonyok inyi. nyio iningo ite inyi?”
\v 21 Ojo kude, “ida ara tenyi tenyi kulo tungani na lodaha lodonyiok kuno. Ongajitita lodonyok konyeha kulo kangodok?”
\p
\v 22 Tinyia olotu far lo karama na lokwamarihin kaji lo Lobanga to Jerusalem. Ara orumu kof furat,
\v 23 orumu Yesu ongon kaji lo Lobanga olotita to lohileleri lo Solomon.
\v 24 Ifurohino Judeahin irit inyi ojimi diho inyi, “manyu anu mute kitingoyahi isi ohoi? Kalira isi kristo kirihohi ohoi komoma”.
\v 25 Inyiahahi Yesu icieng ojo, “larihohi manyu nan ite iberu ite kiruk. Tanguhin kuna latii nan to karana lo Apa nei otenya to nan,
\v 26 ati ida ite iruk tonyio ida ite ira kera kunei.
\v 27 Oningo kera kunei ogoro nei, ayen nan icieng manyi kijifita icieng nan.
\v 28 Aciorihi nan icieng warun na isio tur manyu ida mute icieng owei, oru lobo tungsni ngokware icieng to kana nei.
\v 29 Apa nei na lohicio icieng diho nan, obolo ilany fad oru lobo tungani ngoruje icieng to kana lo Apa nei.
\v 30 Nan ko Apa nei kira lobito”.
\v 31 Ari inumu icieng morutok kulo caha inyi.
\v 32 Ati ojo Yesu diho icieng, “lahitotorohi nan ite tanguhin kuna hitoha diho Apa nei. Ani tokiji neicieng iwak ite ciahare nan?”
\v 33 Inyiahahi icieng inyi ojo, “ida ohoi kiciaha isi to lobo to kiji neicieng, ati to moro isi tungani jia itiririo ken ko Lobanga”.
\v 34 Inyiahahi Yesu icieng ojo, “ida igero iyo cik ningi ojo, ‘ajo nan ite lobangahin?’
\v 35 Kalilolong inyi kulafa liciori tenya lo Lobanga ojo lobangahin- manyu tenya kigeriti ida otum ogili-
\v 36 adi dong na lonyumu Apa igele ara nenge manyu oculu kof? Nyio hati idoro ite nan ijo amoro kalajo nan. Nan kito lo Lobanga?
\v 37 Keruk nan kalida nan atiyo tohi na litiyo Apa nei.
\v 38 Ati kalatiyo nan, kileng ngida ite kiruk nan iruhoto tanguhin ojir iyen manyu iniang jimitan ongon Apa katwa nei, ko nan katwa nenge”.
\v 39 Ari otem icieng kiniefa inyi ati orwe inyi to kac kuneicieng.
\p
\v 40 Oto Yesu ko rangaru tode lo Jordan lafa faji litibatisare Jon to kulafa faritin berien. Itong ijia
\v 41 manyu ofwonu cio becek diho inyi. ojo icieng, “kileng ngida afa Jon itii lobo tangu, sangite fad kuna loteny Jon tone tungani ara dede”.
\v 42 Mabyu tona faji iruk cio becek Yesu.
\c 11
\cl Kingutit 11
\p
\v 1 Naha omwai lobo tungani lobara Lazaro. Ara inyi lo Beteni kang loho Meri ko kanece Marta.
\v 2 Inyi ene Meri lomwai rece Lazaro afa lijuhohi ngoroni na iur ken lo Yesu manyu ofie kejuha kunenge to fofi kulo kwe nenge.
\v 3 Oto kaneceha ocule ifahit diho Yesu jimitan, “Lahitok omwai morte nino na limaru isi”.
\v 4 Koloning ji ojo Yesu, “ida ca ene mwai icung iyo wei. Ida ara lo deyo lo Lobanga, ojir kito lo Lobanga orumu deyo to inyi”.
\v 5 Imaru orumu Yesu Marta, kanece ko Lazaro bebe.
\v 6 Ati koloning ojo omwai Lazaro, itong ari na faji longon inyi faritin are.
\v 7 Oto ko rihohino jayona kunenge ojo, “ingatiite iya Judea”.
\v 8 Ati ojo jayona kunenge diho inyi, “katiyenani ngole kude faritin tang owak orumu Judeahin caha isi to morutok, inyi ijia manyu iwak isi itoro?”
\v 9 Inyiahahi Yesu ojo, “ida re far otehita tihi tomon ko are? Tungani na lolot to far ida ourohita tonyio odeya inyi to wangun lo ene kof.
\v 10 Ara tungani na lolot karwe lo urohita tonyio oru wangun diho inyi”.
\v 11 Langun loteny inyi ji oto osodoro jimitan diho icieng, “logetoro morte niyang Lazaro, ati aloro nan ija kitikwenyuno inyi”.
\v 12 Inyiahahi kajifitak kunenge inyi ojo, “lahitok kolo getoro oto ca omayak”.
\v 13 Orumu Yesu otenya to wei lo Lazaro ati ibuha jayona kunenge ojo otenya ba inyi jio kulo tik tik.
\v 14 Oto inyi orihohi icieng tarany ojo, “lowei Lazaro.
\v 15 dong to ite akwama nan to rujon nei tija ojir ite iruhore. Ati ingafi diho inyi”.
\v 16 Oto Tomas (na lobara Didimos) ojo diho jayona kaletok, “ingafi fad ko inyi ojir kifwo kiwei ko inyi ara lobito”.
\p
\v 17 Kologoru Yesu, orumu ojo loget Lazaro katwa lo kwecere faritin ongon.
\v 18 Ara Beteni maili are to Jerusalem,
\v 19 manyu ofwonu cio becek tai fwonuno kitigolo tau lo Marta ko kanece to wei lo rece neicieng.
\v 20 Koloning Marta ojo olotuno Yesu owoju olo kitirico inyi ati itongo Meri kang.
\v 21 Ojo Marta diho Yesu, “Lahitok ngara orumu ingon isi ene ngida rece nei owei.
\v 22 Ati ayen nan ajo kileng jija kicio Lobanga isi tohi na litifia isi”.
\v 23 Ojo Yesu diho inyi, “owaru ca rece nino ari”.
\v 24 Ifotu Marta ojo, “ayen nan jimitan ibuhu mute inyi ari far lo lohicungi”.
\v 25 Ojo Yesu diho inyi, “nan kibuhuno ko warun. Tungani na liruk nan owar ca kileng ngo wei
\v 26 ko na lowar iruk nan ida mute owei. Iruk isi ji?”
\v 27 Inyiahahi Marta ojo, “ibo lahitok aruk nan jimitan isi Kristo kito lo Lobanga na lorumu olotuno ene kof”.
\v 28 Langun lojo inyi jii ko itoro iya kang hatwa ko loro kilolongoro kanece Meri kalele orihohi inyi ojo, “ongon katiyenani ene manyu kitifia isi”.
\v 29 Koloning Meri ji ko wojuno deu deu ko loro diho inyi.
\v 30 Tona rihe Yesu ida lorute kanghatwa ati ongon na faji lorumahinore Marta inyi.
\v 31 Kolodeu Judeahin kuna lorumu itongo ko Meri otafati inyi, Meri owoju deu deu jii oto icieng ko kijifuno inyi, ibuha jimitan oloro ba inyi kwecere kicira ijia.
\v 32 Kologoru Meri faji na longon Yesu odeu inyi, ko urohino kejuha junenge ko jimitan, “Lahitok ngara orumu ingon isi ene ngida rece nei owei”.
\v 33 Kolodeu Yesu inyi icira ko Judeahin kuna lilihu ko inyi manyu icira, oto inyi itoyo noo to okorif manyu ome tau.
\v 34 Itifi inyi ojo, “itigetihi ite inyi aji?” ojo icieng diho inyi, “ou tode Lahitok”.
\v 35 Icira Yesu.
\v 36 Oto Judeahin ojo, “itide kimaruno nenge inyi”.
\v 37 Ojo kude, “ngida orumu inyi tungani na litikwenya ko kangodok itik inyi wei?”
\v 38 Yesu ari ko kidak lo tau ko lotuno kwecere na lara kunom igiena hati kutuk to moru na hitok. Ojo inyi diho cio,
\v 39 “itingaje moru!” Ojo Marta, “ati Lahitok to jija irumu dong longwo tonyio itong inyi kwecere faritin ongon”.
\v 40 Yesu ko jimitan diho inyi, “ida adi nan ahirihohi isi ajo kaliruk isi ideu ca isi deyo lo Lobanga?
\v 41 Oto icieng ko ngajaru moru. Yesu ko deya kai ko jimitan, “Apa akwama nan isi tonyio lehining isi nan.
\v 42 Ayen nan jimita kiningitita isi nan ati ajo nan ji to cio kuna lowoita ene ojir iruhiti jimitan isi lohiculu nan”.
\v 43 Kolokeru jimitan ji, ilolong Yesu to ogoro na ikwat ojo, “Lazaro, torutu!”
\v 44 Orutu tungani kaweyani, obubura kac ko kejuha to kyela iribi ko kyela na limuk komom. Ojo Yesu diho icieng, “itilahe kyelani kulo kwecere ingerihi inyi olo”.
\p
\v 45 Tona Judeahin fad kuna lorumu ofwonu waja Meri manyu odeu tohi na litii Yesu, ofik kiruk neicieng diho inyi.
\v 46 Ati pfwp kude diho parisihin ofwori orihohi icieng tohi na litii Yesu.
\p
\v 47 Oto kadwarak kuna hitoha ko parisihin ko kilolongo tuba lo lokiho nahitok. Itifi icieng kenite ake ake ojo, “kirihe ohoi kidumu nyio? Lerok ene itiyo tanguhin becek.
\v 48 akaolohingerihi ohoi inyi osodoro ji oto ca cio becek iruk inyi, oto cia cio kulo Roma ko fwonuno dumaru faji niyang ko kof niyang”.
\v 49 Oto lobito to kiji neicieng na lobara Kaiapa na lara kadwarani lahitok na kari oteny ojo, “ida ite iyen lobo tohi tur!
\v 50 Ida ite iyen jimitan ojir lobito tungani owei ilany kof niyang fad keroro”.
\v 51 Ida inyi oteny kuna to kwe nenge ati to rahun kadwarani na kari imoca inyi jimitan ojir Yesu owei to kof lo Jueahin.
\v 52 Ida manyu ara tona kof ake ati to cio kulo Lobanga kuna lisarahi kofi kofi fad lo tubuno neicieng ara lobito.
\v 53 Dong kicaha tona far ifita icieng dumaru warun nenge.
\p
\v 54 Tona ida dong Yesu olot tarany kiji lo cio ati ingade iya kuny olo manyu lobo kang lobara Epraim ko jayona kunenge.
\v 55 Kolonyiha far lo Paska ofwonu cio becek to kangite iya Jerusalem fworo kitunyujo kenite ojir odaharihin karama lo Paska.
\v 56 Itiring icieng tahita Yesu manyu ojo owoitati kaji lo Lobanga, itifiaroti ake ake ojo, “ibuha ite jimitan ida ba ca inyi olotu kaji lo Lobanga tur?”
\v 57 Ati orumu kadwarak kuna hitoha ko parisihin locik jimitan tungani na lodeu faji na longon Yesu ojir iyauno tenya diho icieng ojir ofwori iniefuni.
\c 12
\cl Kingutit 12
\p
\v 1 Kolotong faritin kulo Paska ile, ogoru Yesu Beteni faji na lomanya Lazaro lafa litibuhu Yesu to wei.
\v 2 Oto ikukumi daha na lokwamarihin Yesu. Iyauno Marta daha ati orumu Lazaro itongoti ko Yesu ara lobito iyo meja lodahare.
\v 3 Oto Meri ko dumuno ngoroni na iur na lobolo wel nenge, ongoroni lo spikenard na ilinyo na lotum ratil lobito otware kejuha kulo Yesu manyu ifufus kejuha kulo Yesu to fofi kulo kwe nenge, oto uron lo na ngoroni iririk kaji fad.
\v 4 Oto Judas Iskariot lobito to kiji lo jayona kunenge na lolotu ibelo ara katoboni nenge itifi ojo,
\v 5 nyio ida itiloti ene ngoroni to robia kuna lotum mucara lo kari lobito icori robia kunenge diho kakidahak.
\v 6 Ida inyi oteny ji lo jimitan oric inyi kakidahak ati to rahun inyi kakokoni iya na larahare inyi karicani lo ogogor lo robia odumunita inyi robia kuna losofohini katwa.
\v 7 Ojo Yesu ingohiti inyi ake, itubahi inyi ene ngoroni to kikukuma nuha nan.
\v 8 Irihe ca ite ingon ko kakidahak faritin fad ati ida ca ite ingon ko nan.
\p
\v 9 Tona koloning ilulung kulo cio ojo ongon Yesu ija, ko fwonunoti ida manyu dong to Yesu ake ati deya Lazaro na litibuhu inyi to wei
\v 10 Oto kadwarak kuna hitoha ikukum tenya lo kifadaru ko Lazaro
\v 11 tonyio ara to inyi ofihare cio becek kiruk diho Yesu.
\p
\v 12 Kiwanyi nenge, oto ilulung kulo cio kuna lofwonu daha karama oning ojo olotuno Yesu Jerusalem.
\v 13 Oto ongoduni midila ko otik ofwororihin kitirico inyi owoloti ojo, “Osana! Ongon ko gum inyi na lolotu To karana lo Lahitok Ongon ko gum kabo lo Israel”.
\p
\v 14 Orumu Yesu kito lo sigiria irwok kai nenge iya na ligerorihin ojo,
\q
\v 15 “kebang kito karioni lo Zaion Tode olotuno kabu nino Irwohita kito lo sigiria”
\p
\v 16 Ketemoni orumu jayona kunenge ida iniang ene. Ofwonuni afa yenun to kifwongi langun lorumu Yesu deyo nenge ofwonu icieng oyen jimitan igeri afa kuno to inyi manyu icieng lohitii kuno diho inyi.
\v 17 Ilulung kulafa longon ko inyi lafar lilolongunore inyi Lazaro to kwecere, itibuhu inyi to wei osodoroti kitikwata tohi na litii inyi.
\v 18 Ilulung kulo cio kuna loyen ojo itii inyi ene kitotorita ofwori kitirico inyi.
\v 19 Oteny Parisihin ake ake ojo, “tode oru lobotohi na lohitiyo ohoi. Tode jija lofwo kof fad omot nenge”.
\p
\v 20 Orumu ongon kude Grik kiji lo ilulung kuna lofwo kiwora Lobanga Jerusalem.
\v 21 Ofwonu icieng diho Pilip na lolotu to Betesaida kof lo Galilea ojo diho inyi, “lahitok kiwak ohoi deya Yesu”.
\v 22 Olo Pilip orihohi Andru ofwo dong icieng are fad orihohini Yesu.
\v 23 Ifotu Yesu ojo, “lolotu tik na lofihahinorihin deyo diho kito lo tungani.
\v 24 Ahirihohi ite tenya lo dede, kalida ngamariti odohi kof owei, iwasihi ara kinyemoti lobito. Ati kolowei ongiju kinyemo becek.
\v 25 Tungani na limaru warun nenge, itiri mute ati tungani na loberu warun nenge ten tone kof, oricahi mute many diho warun na losio tur.
\v 26 Na lohirwaa nan ojir kijif nan manyu faji na langon nan ongon manyu mute karwaani nei ija.
\v 27 Jija okaca tau nei, ati ajo ca aja? Apa todume ene tik to ketemoni nei? Ida, ara tone tenya afa alotunore nen.
\v 28 Apa itikwata karana nino!” oto ogoro oninguno to kai na lojo, “latikwat nan manyu atikwat ca ari”.
\v 29 Ilulung kuna longon ijia oningiti oto ojiti, “ligor kai” ojo kude “otenya malaika ko inyi”.
\v 30 Ojo Yesu, “ara ene ogoro to ite ida ara to nan.
\v 31 Jija longoti tenya diho ne kof, jija ifuharoti ca kalanyunoni lone kof.
\v 32 Ati nan, kolohitingi nan to kof arihu ca nan cio fad ken nei”.
\v 33 Oteny inyi ene lo kitotoro koditi lo wei na ca loweyare inyi.
\v 34 Oto ilulung otenya ojo, “lohining ohoi iyo cik ojo itongo mute kristo tur, aja hati ijo isi ‘owak kito lo tungani otingi kai? Ngai ene kito lo tungani?”
\v 35 Tinya orihohi Yesu icieng ojo, “orihe ca ite ingon ko wangun lobo gaa, itilot iyo wangun orihe lokimuyuk ida lohingutahi ite. Tungani na lolot to katwa lo lokimuyuk ida oyen faji na loloro inyi.
\v 36 Itifik kigeno ningi iyo wangun orihe ongon. Ojir ite ifwonu ara tee kulo wangun”. Kolokeru tenya ko icieng olo Yesu iduharu to kiji neicieng.
\v 37 Kileng litii Yesu kitotorita kulo tanguhin becek ketemoni lo cio kulo Judea ida icieng iruk inyi
\v 38 oto itifut tenya lafa liger kamocani Isaia ojo, “Lahitok ngai liruk ifahit niyang, Manyu diho ngai oboto kana lo lahitok?
\p
\v 39 Tona tenya ida icieng iruk tonyio iya na lotenyare Isaia ari lobo faji ojo,
\q
\v 40 “itingodo inyi konyeha kuneicieng Manyu ititoti taulo kuneicieng, Ojir ida odeyati to konyeha kuneicieng Kode iniangiti to taulo kuneicieng. Kode ibeloti ojir atifurie icieng”.
\p
\v 41 Oteny Isaia ji tonyio odeu inyi deyo lo Yesu oto oteny to inyi.
\v 42 Ati becek manyu kileng to kiji lo kalihitak ofwonu iruk. Ati to bangun parisihin, ida owahiti tuluno kiruk neicieng to bangun jimitan kifuhari ca to lotubare.
\v 43 Tonyio okwama icieng maja lo cio ilany lo Lobanga.
\p
\v 44 Oto Yesu iwawang ojo, “kalohiruk tungani nan, ida kiruk nan ake ati inyi na lohiculu nan.
\v 45 Kolohideya inyi nan, odeya inyi na lohiculu nan.
\v 46 Alotu nan ene kof iya wangun ojir tungani na liruk nan ida itongo katwa lo lokimuyuk
\v 47 ojo diho tungani na loning tenyi tenyi kunei ida hati oric ida nan angotohi tenya kwe nenge. Tonyio ida nan alotu ngoto tenya iyo kof ati lwaha kof.
\v 48 Ongon kangotoni lo tenya diho tungani na lohiberu nan ida oric tenyi tenyi kunei. Inyi na tenya bito lateny nan ca longotohi inyi tenya kwe nenge to far lo lohicungi.
\v 49 Tonyio ida nan atenya to ken nei ake ati Apa na lohiculu nan inyi lohicik nan tohi na latenya nan ko koditi na latenyare nan.
\v 50 Ayen nan jimitan ciha nenge kiyaru ohoi iyo warun na isio tur. Tona tohi na latenya nan ara Lobanga Apa lohirihohi nan ojo ojir ateny.
\c 13
\cl Kingutit 13
\p
\v 1 To ketemoni lo far lo Paska, oyen Yesu jimitan lolotu tik nenge lo ngerihino ene kof lo loro diho monye. Iya na limarunore inyi kunenge kuna longon ene kof oto inyi itotorohi icieng kifut lo kimaruno nenge.
\v 2 Orumu lokorati daha lo kurou manyu orumu sitan lorutohi katwa lo Judas Iskariot kito lo Simon lo kitobo Yesu.
\v 3 Oyen Yesu jimitan lofik monye sangite fad iyo twero nenge. Manyu olotu inyi to diho Lobanga manyu oloro diho Lobanga,
\v 4 oto owoju to lodahare ko pucaru kyela nenge nahitok odumu taulo ko torahino komoc.
\v 5 Langun litii jii, ko kijuhohino kifi iyo besen icak kilala kejuha kulo jayona kunenge ifufuso to taulo na lotora komoc nenge.
\v 6 Olotu diho Saimon Petero na lojo diho inyi, “Lahitok isi lilala kejuha kunei?”
\v 7 Ojo Yesu diho inyi, “ida isi iyen jija tohi na latiyo nan ati ilotu ca isi iniang to kifwongi”.
\v 8 Ojo petero diho inyi, “oru. Oru ida isi ilal kejuha kunei tur”. Inyiahahi Yesu inyi ojo, “kalida nan alal kejuha kunino ida dong isi kimora ko nan”.
\v 9 Ojo Petero diho inyi, “kalara dong ji lahitok keco ara kejuha keken ojir dong ilal ko kac ko kwe fad”.
\v 10 Inyiahahi Yesu ojo, “tungani na lokeru kilala ilala kejuha keken tonyio lonyu. Manyu linyuji ite ati ida ara fad”.
\v 11 Tonyio orumu inyi loyen jimitan ara ca lobito katoboni nenge inyi lico ojo ida icieng onyuji fad.
\p
\v 12 Kolokeru inyi kilala kejuha kuneiceng oto iciefohi kyela nenge oite lohitongore nenge. Oto itifi icieng ojo, iniang ite tohi na latii nan diho ite?
\v 13 Ilolongo ite nan ijo katiyenani kode Lahitok obehi manyu tonyio ara nan jii.
\v 14 Jija iya na lalarare nan Lahitok ko katiyenani ningi kejuha kuningi ojir manyu ite ilal kejuha kulo kaletok kuningi ake ake
\v 15 lahicio nan ite kitotorita ojir ite itii kiji ningi ake ake iya na latiyore nan diho ite.
\v 16 Ahirihohi ite tenya lo dede oru lobo karwaani lobolo ilany lahitok nenge kode ida ifak ilany katifahani.
\v 17 Jija iya na liyen ite kuno sangite irumu ca ite gum kalitiyo icieng.
\v 18 Ida nan atenya kuno to ite fad; ayen nan kuna lanyumu nan. Ati ara ene lo kitifuta igerit, ‘na lohingar ko nan daha loting tutunye nenge ken nitole’.
\v 19 Ahirihohi nan ite kuno orihe ida litiihino ojir ojo ca itiihino iyenare jimitan nan inyi nan.
\v 20 Ahirihohi ite tenya lo dede, tungani na lifotu tungani na laculu nan ifotu nan manyu na lohifotu nan ifotu inyi na lohiculu nan.
\p
\v 21 Langun loteny kuno tenyi tenyi oto tau lo Yesu oiha noo ko tuluno ojo, “ahirihohi ite tenya lo dede, lobito to kiji ningi ca lohitob nan”.
\v 22 Iriangaru jayona kunenge deya kenite lo yenun ngai ba to kiji neicieng otenya inyi.
\v 23 Lobito to kiji neicieng jayona na limaru Yesu noo orumu itongo onyiha ko inyi.
\v 24 Igwel Saimon Petero inyi ojo ojir itifi Yesu ani ongon inyi tenya.
\v 25 Na jayona ko ganga locolo lo Yesu itifi ojo ngai itenya isi Lahitok?
\v 26 Ifotu Yesu ojo, “ara tungani na lacio ca nan ene mugati kaladutohi iyo ilebu”. Oto ko kidutohino mugati icio diho Judas Iskariot kito lo Saimon.
\v 27 Deu deu kolonya Judas na mugati sitan ko rutohino katwa nenge. Orihohi Yesu inyi ojo, “tohi na liwak isi kitiyo, itiyo deu deu”.
\v 28 Ati iyo kuna longoni inya lodahare oru tungani liniang na tenya loteny Yesu diho inyi.
\v 29 Iya na lotehitare Judas robia ibuha kude ojo ocularu ba Yesu inyi kinyanga lobo tohi na ngodaharihin karama kode kicwara lobo tohi diho kakidahak.
\v 30 Deu deu kalifotu Judas na mugati ko loro oleng manyu ara kof karwe.
\p
\v 31 Langun lolo inyi ojo Yesu, “jija liciori deyo diho kito lo tungani manyu licori Lobanga deyo to inyi.
\v 32 Kalicori Lobanga deyo to inyi, ico ca Lobanga kito lo tungani deyo to katwa nenge manyu icio ca deyo deu deu.
\v 33 Tee kunei angon ca nan ko ite lobo gaa. Kitak ca ite nan; iya na afa larihohinore nan cio kulo Judea ahirihohi manyu ite jija. Faji na laloro nan ida ite itum fworo.
\v 34 Cik ngejuk ahicio nan ite; imaruti kenite kuningi. Iya na lahimarunore nan ite ojir manyu ite imaru kenite kuningi.
\v 35 Tone ca oyenare kof jimitan ira ite kajifitak kunei kalimaru ite kenite kuningi.
\p
\v 36 Itifi Petero inyi ojo lahitok iloro isi aji? Inyiahahi Yesu ojo, “faji na laloro nan ida isi itum kijifuno jija ati ijifu mute isi to kifwongi”.
\v 37 Itifi Petero ojo, “Lahitok aja ida nan ajifu isi jija? Acio ca nan warun nei to isi”.
\v 38 Oto Yesu inyiahahi ojo, “dede itweru ca isi kicwara warun nino to nan? Ahirihohi isi tenya lo dede. Orihe ikokor ida ikok orumu isi lohiberu nan kakeny uni.
\c 14
\cl Kingutit 14
\p
\v 1 Kecio taulo kuningi oihaha. Igenoti Lobanga, kigenoti manyu nan.
\v 2 Kolo Apa nei oboreng kajihit; ngida ara ji ngahirihohi nan ite. Aloro nan ija kikukuma lohitongore ningi.
\v 3 Ati kalakeru kikukuma lohitongore diho ite, ato hati nan aitu kiyomuno ite ojir faji na langon nan ite manyu ingon ijia.
\v 4 Iyen ite kikoi lo faji na laloro nan.
\v 5 Ojo Tomas diho inyi, “Lahitok ida ohoi kiyen faji na liloro isi, aja hati kiyen ohoi kikoi loloro ijia?”
\v 6 Inyiahahi Yesu ojo, “nan kikoi ko dede ko warun. Oru lobo tungani logoru diho Apa kalida olotu ara diho nan.
\v 7 Kaliyen ite nan itum manyu iyen Apa nei. Kiciaha to jijia liyen manyu ite inyi”.
\v 8 Ojo Pilip diho inyi, “Lahitok kitotorohi ohoi Apa tohi na ngohitum ohoi inyi na keken”.
\v 9 Inyiahahi Yesu ojo, “orihe isi ilunya nan kileng ngatong nan ko ite karihin becek? Tungani na lohideu nan irumu lodeu Apa nei. Aja ijo isi diho nan kitotorohi Apa?
\v 10 Ida ite iruk jimitan angon nan katwa lo Apa manyu ongon Apa katwa nei? Tenyi tenyi kuna lateny nan diho ite ida ara kunei. Ara Apa na longon katwa nei litiyo tic nenge.
\v 11 Iruhoto kalajo nan angon nan katwa lo Apa manyu ongon Apa katwa nei; kode iruhoto to saden lo tanguhin.
\v 12 Ahirihohi ite jimitan tungani na longon ko kiruk diho nan itii ca kuno ticitici latiyo nan. Itii manyu ca kuna hitoha ilany kuno tonyio aloro nan diho Apa.
\v 13 Manyu atii ca nan tohi na litifia ite to karana nei ojir kito iyauno deyo diho monye.
\v 14 Itum ite itifia lobo tohi keken to karana nei, manyu atii ca nan”.
\v 15 Kalimaru ite nan iric ca ite cik nei.
\v 16 Ato ca nan atifi Apa manyu kicio ite kasingoni lobo ake na lolotu manya ko ite tur.
\v 17 Okorif lo dede. Ida kof otum kifotuno inyi tonyio ida odeya inyi manyu ida oyen inyi. ati iyen ite inyi tonyio itongo inyi ko ite manyu ongon ca inyi katwa ningi.
\v 18 Ida ca nan ahingerihi ite iya okidahi, alotu ca nan diho ite.
\v 19 Ida iyaru ca faritin kuna iborengi ida ca kof orihe kideu nan, ati kideu ca ite nan. Tonyio awar nan iwari manyu ca ite.
\v 20 To nu far iniang ca ite jimitan angon nan katwa lo Apa nei ingoni ite katwa nei manyu angon nan katwa ningi.
\v 21 Na longon ko cihi cihi kunei manyu oric icieng inyi lohimaru nan. Na lohimaru nan imaru Apa nei inyi nan manyu ca amaru inyi manyu atotorohi ken nei diho inyi.
\v 22 Oto Judas (ida ara Judas Iskariot) ojo, “Lahitok nyio iwahare isi kitotoruno ken nino diho ohoi ida ara diho kof?”
\v 23 Inyiahahi Yesu ojo, “kolohimaru tungani nan oric ca inyi kitiyena nei. Imaru ca Apa nei inyi manyu kifwonu ca ohoi diho inyi kikukum lohitongore niyang diho inyi.
\v 24 Na lida kimaru nan ida oric kitiyena nei. Kuno tenyi tenyi liningo ite ida ara kunei, ara kulo Apa na lohiculu nan.
\p
\v 25 Kuno tenyi tenyi fad lateny nan orihe kingoni ko ite.
\v 26 Ati kololotu kasingoni, okorif na inyu na ca loculu Apa to karana nei, kitiyen ca ite sangite pili manyu kitiiu ca ite tenyi tenyi kunei fad kuna lateny nan diho ite.
\v 27 Angohi nan kisiliban diho ite, kisiliban nitole ahicio nan ite. Ida nan acio diho ite iya na licwarare kof. Kecio taulo kuningi oiha manyu kebang.
\v 28 Ining ite nan ajo aloro nan, manyu aituno nan diho ite. Kolohimaru ite nan ji ite ikwama tonyio aloro nan diho Apa tonyio obolo Apa kilany nan.
\v 29 Lahirihohi nan ite jija orihe ida litiihino ojir ca ojo litiihino itigol kiruk ningi.
\v 30 Ida ca nan arihe atenya ko ite tek tek tonyio olotuno kalanyunoni lone kof. Ida hati inyi ongon ko golun ken nei.
\v 31 ati ojir kof oyen ojo amaru nan Apa nei manyu atiyo nan tohi na locik Apa nei diho nan. Ifwonu lohifwo”.
\c 15
\cl Kingutit 15
\p
\v 1 “Nan ciani lo vino lo dede manyu Apa nei karemoni
\v 2 ongodarita inyi tani tani fad to ken nei kuna lida ongi ngak oto tani tani fad kuna longi ibubuso inyi ojir ongiji ngak kuna iborengi.
\v 3 Linyuji ite to tenya na lahicio nan ite.
\v 4 Itongoti iyo nan nan manyu atongo iyo ite. Ida tani tani otum ngijan ngak ake kalida ongon diho ciani. Ida manyu ite itum ngijuno ngak ake many ingoni diho nan.
\v 5 Nan ciani lo vino ite tani tani. Kolongon tungani katwa nei nan manyu angon katwa nenge, ongiju ngak kuna iborengi. Kalaru nan ida ite itum kitiyo lobo tohi.
\v 6 Kalida tungani ongon katwa nei, ori iya tani tani na libirori otou; koditi lo kuna tanitanihin itutubati ocurari to kima.
\v 7 Kalitongo ite katwa nei tenya nei manyu ongon katwa ningi itifiati tohi na liwak ite kiciori cia ite.
\v 8 Ara ene lo fiha deyo ken lo Apa nei ojir ite ingi ngak kuna iborengi itotoro jimitan ira ite kajifitak kunei.
\v 9 Iya na lohimarunore Apa nei nan, jiha manyu amaru nan ite. Dong itongoti iyo kimaruno nei.
\v 10 Kaliric ite cihi cihi kunei, itongo ca ite iyo kimaruno nei iya na laricare nan cihi cihi kulo Apa nei atongore iyo kimaruno nenge.
\v 11 Lahirihohi nan ite kuno ojir kwama nei ongon katwa ningi ojir kwama ningi ifut.
\v 12 Cik nitole ene, imaruti kenite kuningi iya na lahimarunore nan ite.
\v 13 Oru lobo tungani lo ngon ko kimaruno na logal ene, na licio tungani warun nenge to morot kunenge.
\v 14 Ira ite morot kunei kalitiyo ite tohi na lacik nan.
\v 15 Ida nan arihe ahilolongo ite ajo karwaak tonyio ida karwaani oyen tic lo lahitok nenge. Tona ahilolongo nan ite ajo morot tonyio sangite fad kuna laning nan diho Apa nei lahitiyen nan ite.
\v 16 Ida ara ite lohinyumu nan ati nan lahinyumu ite manyu ahicule ite ojir ifwo ingiju ngak- ngak kuna losio. Oto ca Apa kicio ite sangite fad kuna litifia ite to karana nei.
\v 17 Cik nei ene; imararoti kenite kuningi.
\v 18 Kolohiberu kof ite, itiyen jimitan item afa beruno nan.
\v 19 Ngira ite kulo kof ngohimaru kof ite to jimitan kunenge. Ati iya jija ida ite ara kulo kof tonyio lahinyumu nan ite to kof. Inyi licio kof kiberu ite.
\v 20 Iiyoti tenya lafa lahirihohi nan ite, ida karwaani obolo ilany lahitok nenge. Kalohitigeni nan kitigeni manyu ca ite. Koloningi tenya nei oningi manyu ca ningi.
\v 21 Itii ca icieng ite jii to karana nei tonyio ida icieng oyen na lohiculu nan.
\v 22 Ngara ida nan alotu atenya ko icieng, ngida adi mongiyo ongon diho icieng ati jija loru lobo tenya ngigerare icieng kipalipali kuneicieng.
\v 23 Tungani na lohiberu nan oberu manyu Apa nei.
\v 24 Ngara ida nan ati kiji neicieng tici tici kuna lida lobo tungani litii, ngida icieng ongon ko mongiyo lo kipal. Ati jija lodeu icieng kuno tanguhin ati kiberuni nan ko Apa nei fad.
\v 25 Ati ara ene lo kitifuta igerit lo cik na lojo, “kiberu icieng nan oru ko tenya”.
\v 26 Kololotu kasingani na ca laculu nan to diho Apa Okorif lo dede na lolotu to diho Apa, olotu ca icio saden to nan.
\v 27 Ojir manyu ite icio saden tonyio ingon ngole afa ite ko nan many to lohiciahi.
\c 16
\cl Kingutit 16
\p
\v 1 Kuno tenyi tenyi fad ahirihohi nan ite ojir ida igere
\v 2 Kifuhi ca ite to lotubare manyu dede ofwonuno faritin kuna mute lifadare cio ite idimati ojo kirwaa icieng Lobanga.
\v 3 Itii ca mute icieng kuna sangite tonyio ida icieng oyen Apa kode nan.
\v 4 Ahirihohi nan itekuno tenyi tenyi ojir mute kolofwonu kunu faritin iiyore jimitan lahicik afa nan ite. Ida afa nan ahirihohi ite kuno tenyi tenyi ketemoni tonyio orihe ngole nan angon ko ite.
\v 5 Jija aloro nan diho lafa lohiculu nan ati oru lobo to kiji ningi litifia ojo, “iloro isi aji?’”
\v 6 Tona lahirihohi nan ite kuno sangite, lifut ite ko kitoyo taulo.
\v 7 Ati ahirihohi ite tenya lo dede ara loro nei lo jiran diho ite tonyio kalida nan alo, ida ca kasingani olotu diho ite. Ati kalalo nan, aculu ca nan inyi diho ite.
\v 8 Kololotu inyi, itiyen ca inyi kof to tenya lo kipal, ko warun na ibir ko ngoto lo tenya.
\v 9 To kipal tonyio ida cio iruk nan
\v 10 To warun na ibir tonyio aloro nan diho Apa faji na lida ite irihe kideunore nan.
\v 11 Ko to ngoto lo tenya tonyio jija kalanyunoni lone kof longotohini tenya lo lanyu.
\v 12 Orihe nan angon ko tenyi tenyi becek kuna ngahirihohi ite, becek kuna ngida ite itum rica fad
\v 13 Ati kololotu ca inyi okorif lo dede kitotor ca inyi ite tenya lo dede fad. Ida ca inyi otenya tenyi tenyi kunenge ati otenya ca inyi tohi na loning inyi manyu kirihohi ca inyi ite tohi na lolotuno.
\v 14 Iyauno ca inyi deyo diho nan to dumuno tohi na lara nitole lo kitotorohino ite.
\v 15 Sangite fad kuna longon diho Apa ara kunei inyi licio nan ajo adumu ca okorif tohi na lara nei kitotorohi ite.
\v 16 To tihi kude kuting ida ca ite ideu nan ati to tihi kude kuting manyu to kifwongi ideu ca ite nan.
\v 17 Oto kude jayona kunenge itifihino ake ake ojo, “nyio ojo inyi, ‘to tihi kude kuting ida ca ite kideu nan ati kolorang tihi kude kuting ideu ca ite nan ari manyu ojo tonyio aloro nan diho Apa?’
\v 18 Osodoro icieng kitifia jimitan, nyio fotiri lo tihi kude kuting? Ida ohoi kiniang tohi na lotenya inyi.
\v 19 Odeu Yesu jimitan owak icieng kitifia inyi tona tenya oto ojo diho icieng, itifia ite kenite ake ake fotiri lo tenya na lajo nan; to tihi kude kuting ida cia ite ideu nan manyu to kifwongi lo tihi kude kuting ari kideu ca ite nan?
\v 20 Ahirihohi ite tenya lo dede icira ca ite manyu itoyo irumu kof okwama. Itoyo ca ite ati ibelo ca kitoyo ningi ara kwama
\v 21 Kaliciak kiboria lo otomone diho ngorwani itoyo inyi noo tonyio lolotu tik lo kidak nenge, ati kolotomon, oluluhi kidak ko kiboria nenge fad tonyio okwama inyi jimitan lotomonu kito ngejuk kof.
\v 22 Ori ji diho ite jija ara tik lo kitoyo ningi ati ahideu ca nan ite ari ito ca ite ifut ko kwama, manyu oru tungani lotum dumaru na kwama diho ite.
\v 23 To nu far ida mute ite irihe itifia nan lobo tohi. Ahirihohi ite tenya lo dede, kicio mute Apa nei ite lobo tohi keken litifia ite to karana nei.
\v 24 Ko jijia orihe ite ida litifi lobo tohi to karana nei. itifiati irumahi ca oto kwama ningi ko kifut.
\p
\v 25 Kileng latenya nan to kitidafi olotuno tik na latenyare nan diho ite tarany to ngati lo Apa nei.
\v 26 Tonu far ilifa mute ite to karana nei. Ida nan ajo alifa mute nan Apa to ite.
\v 27 Ida kimaru Apa ite tonyio kimaru ite nan manyu iruk jimitan alotu nan to diho Lobanga.
\v 28 Alotu nan to diho Apa arutu ene kof, jija angerihino nan kof aitoro diho Apa nei.
\v 29 Oto jayona kulo Yesu ojo diho inyi, “jija itenya isi tarany ida ara to kitidafi kulo tenyi tenyi.
\v 30 Jija lohideu ohoi jimitan iyen isi sangite pili manyu ida iwak jimitan kitifi lobo tungani isi. Icio dong ene ohoi kiruk jimitan ilotu isi to diho Lobanga.
\v 31 Inyiahahi Yesu icieng ojo, “liruk ite jija!
\v 32 Ati lolotu tik na ca lisararore ite kangite kuningi. Kingerihi ca ite nan ake ati ida nan angon ake tonyio kingon Apa nei ko nan.
\v 33 Ahirihohi nan ite kuno sangite ojir ite irumu kisiliban diho nan. Tone kof irumu mute ite kidak. Ati idonyoto taulo tonyio lalanyu nan kof”.
\c 17
\cl Kingutit 17
\p
\v 1 Langun lokerihi Yesu tenya kuno tenyi tenyi, ko kilomo kai ilifa ojo, “Apa lolotu tik. Itideyo kito nino ojir kito manyu itideyo isi.
\v 2 Tonyio icio isi inyi twero diho icio fad ojir icio warun na losio tur diho kuna licio isi inyi fad.
\v 3 Warun na losio tur inyi ene; ojo ojir icieng kiyen isi Lobanga lobito na lira lo dede ko Yesu Kristo na liculu isi.
\v 4 Lahitideyo nan isi ten to kof to keruno kitiyo tic lafa licio isi nan.
\v 5 Dong jija Apa kitideyo nan to ketemoni nino to deyo nafa langonore nan ko isi orihe kof ida litera.
\v 6 Latotorohi nan isi diho kuna licio isi nan ten to kof. Ara afa icieng kunino; icio isi icieng diho nan manyu loning icieng tenya nino
\v 7 jija loyen icieng jimitan sangite fad kuna lohicio isi nan ofwonu diho isi.
\v 8 Tonyio lacio nan icieng tenyi tenyi kuna licio isi nan manyu liruk icieng fad. Loyen icieng otoc jimitan alotu nan to diho isi manyu iruhiti jimitan isi lohiculu nan.
\v 9 Alifa nan to icieng. Ida nan alifa to kof ati to kuna lohicio isi nan tonyio ara icieng kunino.
\v 10 Fad kuna latehita nan ara kunino manyu fad kuna litehita isi ara kunei. Manyu lolotu deyo diho nan to icieng.
\v 11 Ida ca nan arihe angon kof ati orihe icieng ongoni kof manyu alotuno nan diho isi. Apa na inyu toric icieng to golun lo karana nino- karani na lohicio isi nan- ojir icieng ara lobito iya na lohirahare ohoi lobito.
\v 12 Orihe nan angon ko icieng, ariria nan icieng manyu aricahi icieng otoc tona karama lohicio isi nan. Oru lobo to kiji neicieng ngole lori ara lobito na lorumu logere ojir kigeriti itifuta
\v 13 Alotuno jija nan diho isi ati atenya nan kuno sangite orihe angon kof ojir icieng ongon ko kwama nei na ifut katwa neicieng
\v 14 lacio nan icieng tenya nino manyu loberu kof icieng tonyio lida icieng orihe ara kulo kof iya na lida nan arahare lo kof.
\v 15 Ida nan alifa ojo ojir idume icieng to kof ati toric icieng diho karohojani.
\v 16 Ida icieng ara kulo kof iya na lida nan arahare lo kof.
\v 17 Itinyujo icieng to dede, tenya nino lara dede.
\v 18 Iya na liculunore isi nan kof acule manyu nan icieng kof.
\v 19 To icieng, atinyu nan ken nei ojir manyu icieng itinyujoro dede.
\v 20 Ida kilifa nei ara to icieng ake. Alifa manyi to kuna mute liruk nan to tenya neicieng
\v 21 jimitan ojir icieng fad ara lobito, Apa iya na lingonore isi katwa nei nan manyu angon katwa nino. Ingohi manyu icieng tongon katwa niyang ojir kof iruhore jimitan isi lohiculu nan.
\v 22 Lacio nan icieng deyo na lohicio isi nan, ojir icieng ara lobito iya na lohirahare ohoi lobito.
\v 23 Nan katwa neicieng ko isi katwa nei. Icwara icieng ofwoni iyo kimora na igol oyenare kof jimitan isi lohiculu nan, manyu imaru icieng iya na lohimarunore isi nan.
\v 24 Apa awak nan kuna lohicio isi nan kingon ko nan faji na langon nan manyu odeuni deyo nei, deyo na lohicio isi nan tonyio kimaru isi nan many to kiteri lo kof.
\v 25 Apa na inyu, kileng ngida kof kiyen isi ahiyen nan isi manyu oyeniti jimitan isi lohiculu nan
\v 26 Latiyen nan icieng isi manyu asodoro ca kitiyena isi diho icieng ojir kimaruno na limarunore isi nan ongon katwa neicieng ko nan to ken nei manyu angon katwa neicieng.
\c 18
\cl Kingutit 18
\p
\v 1 Kolokeru inyi kilifa, olo Yesu ko jayona kunenge orangi gura lo Kidron tode nenge orumu ongon mana olo Yesu ko jayona kunenge ijia.
\v 2 Judas katoboni orumu oyen na faji tonyio orumu Yesu ko jayona kunenge otubitita ijia.
\v 3 Judas ko lotuno na mana orihuno ko asegere ko kude kuna hitoha kulo Judea ko Parisihin kuna lofwonu diho kadwarak kunahitoha otehitati latuboti ko iluhi inwahitati kimaco to lomohin ko rauno.
\v 4 Iya na loyenare Yesu sangite fad kuna lofworo kitiihino diho inyi, itifi icieng ojo, “itahita ite ngai?”
\v 5 Inyiahahi icieng ojo, “Yesu lo Nazaret”. Ojo Yesu diho icieng, “nan inyi” (Judas katoboni orumu ongon owoita ara lobito ko icieng).
\v 6 Kolojo Yesu “nan inyi” ingadari lokorwonge ko uroroti kof.
\v 7 Itifi icieng ari ojo, “itahita ite ngai?” Ojo icieng, “Yesu lo Nazaret”.
\v 8 Inyiahahi Yesu icieng ojo, “lahirihohi nan ite ajo, ‘nan inyi’ kalitahita ite nan, ingohiti kuno cio ofwo”.
\v 9 Itiihino ene lo kitifuta tenya na lojo inyi iyo kilifa nenge, “ida nan latiri lobo bito to kiji lo kuna lohicio isi nan”.
\v 10 Oto Saimon Petero na lorumu otehita latubot ko sutuno ko ngoda karwaani lo kadwarani lahitok ongute kiyok iteten. (obara karana lo na karwaani Maliko)
\v 11 Ocik Yesu Petero ojo, “inyiahahi latubot nino iyo sohabo nenge. Ida otumohino diho nan mata kubaya na lohicio Apa nei?”
\p
\v 12 Oto asegere ko lahitok neicieng ko kuna hitoha kulo Judeahin ko kiniefa Yesu. Otori inyi
\v 13 ko kiyaroti inyi iyo Annas na lara komoni lo Kaiapas kadwarani lahitok na kari.
\v 14 Kaiapas orumu lorihohi Judeahin ojo ojir tungani lobito owei to ilulung lo cio.
\p
\v 15 Saimon Petero ko lobito jayona orumu ijifitati Yesu. Tonyio oyen kadwarani lahitok ene jayona, ilik inyi ko Yesu katwa lo kang lo kadwarani lahitok.
\v 16 Otong Petero lokoli lo kang. Na jayona loyen kadwarani lahitok ko ituno ititeny karwaani karioni na liriria lokoli iyauno Petero katwa lo kang lo kadwarani lahitok.
\v 17 Itifi na karwaani liriria lokoli Petero ojo, “ida isi lobito to kiji lo jayona kulo la tungani?” Inyiahahi inyi ojo, “ida nan ara”.
\v 18 Orumu irobi kirobi noo, oto karwaak ko kulahitoha inohahi kima sita lo kadwarani lahitok owoitati orafati. Owoita manyu Petero ko icieng rafa kima.
\p
\v 19 Itifi kadwarani lahitok Yesu to jayona kunenge ko tenya na litiyena inyi.
\v 20 Inyiahahi Yesu ojo, “atenya nan tarany iyo kof. Atiyenitita nan to lotubarihin kode to kaji lo Lobanga faji na lotuba cio fad. Ida nan ateny lobo tenya lo lit.
\v 21 Nyio itifia isi nan? Itifia cio kuna loning tenya nei oyen icieng tenyi tenyi kunei”.
\v 22 Ojo Yesu oteny jii lobito to kiji lo kuna hitoha ko nanga komom nenge, itifi ojo, “koditi na nginyahahinore isi kadwarani lahitok na?
\v 23 Inyiahahi Yesu ojo, “kalateny nan lobo tenya irohoi icwara saden lona tohi irohoi. Ati kalateny nan tenya lo dede, kinangahino isi nan nyio?”
\v 24 Annas ko cularu Yesu orihe otora diho Kaiapas kadwarani lahitok.
\p
\v 25 Kolowoita Petero rafa kima itifi lobo inyi ojo, “ida re isi ira lobito to kiji lo jayona kulo na tungani?” Oberu inyi ojo, “ida nan”.
\v 26 Lobo karwaani lo kadwarani lahitok na likajio ko na tungani longode Petero kiyok nenge ko rihohino inyi ojo, “ida adi nan ahideu isi ko inyi to katwa lo mana?”
\v 27 Oberu Petero ari, na tik iciak ikokor kikohita.
\p
\v 28 Oto Judeahin ko rihoro Yesu to kolo Kaiapas kolo gavuna lo Roma. Tona tik orumu lara kiwanyi, manyu to bangun itidwar neicieng ida Judeahin orute kaji lo gavuna tonyio owak icieng daha karama lo Paska
\v 29 tona orutu Pilato diho icieng itifi ojo, “nyio tenyi tenyi kuna lipal ene tungani iyaunore ite inyi diho nan?
\v 30 Inyiahahi icieng ojo, “ngida inyi ara kapalani ngida ohoi kiyauno inyi diho isi”.
\v 31 Ojo Pilato, “iyaroti ite inyi ifwo ingotohi tenya kwe nenge to cik ningi”. Oberu icieng ojo, “kiru ohoi ko twero lo ngotohino tungani wei”.
\v 32 Itiihino kuno ojir tenya na loteny Yesu itotoro wei na ca lowei inyi itifuta.
\p
\v 33 Oite Pilato katwa lo kaji ilolongu Yesu itifi inyi ojo, “ira isi kabu lo Judeahin?”
\v 34 Itifi Yesu inyi ojo, “ara na tenya nino kode cio lohimongare nan diho isi?”
\v 35 Inyiahahi Pilato ojo, “ara nan Judeani? Ara cio kunino ko kadwarak kuna hitoha kuningi lohiyauno isi diho nan. Nyio itii isi?”
\v 36 Ojo Yesu, “ida okabwe nei ara lone kof. Ngara, ji karwaak kunei orem to kitiho kiniefa nei iyo Judeahin. Ati ara okabwe nei lo lobo faji ake”.
\v 37 Ojo Pilato, “inyi jimitan ira isi kabu!” Ifotu Yesu ojo, “ibehi isi jimitan ara nan kabu kitomonuni nan tone manyu alotu nan kof tone lo rahun saden lo tenya lo dede. Cio fad kulo dede oningoti tenya nei”.
\v 38 Itifi Pilato inyi ojo, “dede inyi nyio?” To kuna oite inyi sita ari diho Judeahin ojo diho icieng, “oru lobo tenya larumu nan diho ene tungani ngotum ngotohinore inyi wei.
\v 39 Ati ara ngun itidwar ningi lo kitifia mabus na ngolahahini to karama lo Paska. Iwak ite nan alahahi kabu lo Judeahin?
\v 40 Igore icieng ojo, “ida ara inyi, ati Barabas”. Ara Barabas kasasuoni ko kabelani.
\c 19
\cl Kingutit 19
\p
\v 1 Oto Pilato iyaru Yesu itilum
\v 2 Itiru asegere Tahi lo kikwa ofihi kwe nenge. Iticiefi inyi kyela na ifurang
\v 3 ofworitati kwenitare inyi ojo, “tofonyio lahitok kabu lo Judeahin”. Onangi inyi komom.
\p
\v 4 Ari orutu Pilato sita ojo diho Judeahin, “itode ayauno nan inyi kitotorohino ite jimitan ida nan arumu kipal ken nenge”.
\v 5 Kalorutu Yesu iciefita tahi lo kikwa kwe ko kyela na ifurang, ojo Pilato diho icieng, “itode ene tungani”.
\p
\v 6 Kolodeu kadwarak kunahitoha ko kunahitoha kuna kude Yesu, oto igorori fad ojo, “itigurohi iyo kete! Itigurohi iyo kete”. Ati ojo Pilato diho icieng, “iyaroti ite inyi ifwo igur to kenite kuningi. Ojo to nan, ida nan arumu kipal diho inyi”.
\v 7 Ifuda Judeahin ojo, “kingon ohoi ko cik na lojo ojir inyi owei tonyio ojo inyi ara inyi kito lo Lobanga”.
\v 8 Koloning Pilato ene tenya oto bangun inief inyi noo.
\v 9 Oto inyi ko itoro katwa lo kaji nenge. Itifi inyi Yesu ojo, “ilotu isi taji?” ati ida Yesu inyiahahi inyi.
\v 10 Ojo Pilato diho inyi, “iberu isi tenya ko nan ida isi iyen jimitan atehita nan golun lo lahahino isi kode lo gurohino isi iyo kete?”
\v 11 Inyiahahi Yesu inyi ojo, “ngida isi itehita golun diho nan ngara ida kicori isi to kai. Inyi na na lohiyauno nan diho isi obolo kipal nenge ilany”.
\v 12 Many tona saa Pilato ko tahita kikoi na ngolahahinore Yesu ati itiring Judeahin kigorita ojo, “kalilahahi isi ene tungani olo ida isi ira morte lo Cesar. Lobo tungani lojo inyi kabu irumu itipeha Cesar”.
\p
\v 13 Koloning Pilato jii, iyauno Yesu sita ko kitongohino seger longotore lo tenya. Faji na licani to morutok (na lilolongoti to Aramaik ojo Gabatha).
\v 14 Orumu lara far lo kikukumahino lo sabit lo Paska logoru tik ile. Ojo Pilato “kabu ningi ene”
\p
\v 15 Ati igore icieng ojo “yaru inyi oleng! Yaru inyi oleng! Togurohi iyo kete”. Itifi Pilato ojo, “iwak ite nan agurohi kabu ningi iyo kete?” ojo icieng, “kiru ohoi kolobo kabu Cesar lara kabu niyang”.
\v 16 To kifwongi icorihi Pilato inyi diho icieng ojo ojir ofwori ogurohini iyo kete.
\p
\v 17 Iyaru asegere Yesu orutororihin oleng otingita kuruce nenge olo faji lo koite lo kwe (na lilolongoti to Aramaik ojo Golgotha).
\v 18 Ene ko gurohinoti Yesu ko cio kulakude are lobito to lobito ngati lobito to lobito ngati Yesu to kiji.
\v 19 Iger Pilato tenya na logurohini iyo kuruce lo Yesu na ligero ojo YESU LO NAZARET KABU LO JUDAIAHIN.
\v 20 Iken Judaiahin kuna iborengi na kigero tonyio ida nu faji logurohini Yesu oloma ko Jerusalem, tonyio igero orumu na tohi to tenya lo Aramaik, Latin ko Grik.
\v 21 Oberu kadwarak kuna hitoha diho Pilato ojo, “keger ijo kabu lo Judaiahin ati tojo ojo ene tungani inyi kabu lo Judaiahin”.
\p
\v 22 Inyiahahi Pilato icieng ojo, “tohi na lager nan lager nan”.
\p
\v 23 Kologur asegere Yesu, okori kyelani kunenge kakeny ongon, lobito iyo lobito tungani. Otong kyela lo katwa nenge na lida orifi ati oduhi ara duho many to kai many orof.
\v 24 Ojo icieng ake ake, “kecir ene kyela, ngabiroto gumar kideu ngai ca liyaru”. Itiihino ene lo kitifuta kigerit na lojo, Okor icieng kyelani kunei kiji neicieng Manyu ibiri gumar to Kanyi nei Ara ene tohi na litii asegere.
\p
\v 25 Tang to kuruce lo Yesu orumu owoita iyang nenge, kanece lo iyang nenge, Meri ngorwani lo Kleopas ko Meri Magdalena.
\v 26 Kolodeu Yesu iyang nenge ko jayo na limaru inyi owoita onyiha oto ko jimitan diho iyang nenge, “iyang tode kito nino”
\v 27 Ko diho na jayo ojo, “kito tode iyang nino”. Kicaha tona far iyaru na jayo iyang lo Yesu kalenge.
\p
\v 28 To kifwongi langun loyen ojo loru sangite fad manyu lo kitifuta igeriti ojo Yesu, “kiura kure”.
\v 29 Orumu moti lo vino na iwawac otiro ija oto kocafahinoti amur iyo na vino osubohini na amur iyo morok lo lohoyo ifotohinorihin kutuk lo Yesu.
\v 30 Langun lomat na vino, ojo Yesu, “loru” ko cumo ifote okorif nenge.
\p
\v 31 Orumu ara na far far lo kikukumahino ico Judaiahin ofwo itifi Pilato ojo ojir ogili kejuha lo kuna cio loguro ojir odumari kenite kuneicieng to kurucehin ojir ida ogoru sabit tonyio ara na sabit lo Paska.
\v 32 Ofwonu asegere ogil kejuha kulo kuna cio are orumu logurohini ko Yesu
\v 33 Ati ojo ofwonuni diho Yesu orumuni inyi lowei, ida dong ogili kejuha kunenge
\v 34 ati lobito to kiji lo kuna asegere ko cuho mari nenge to fere deu deu itihu okoto ko kifi.
\v 35 Tungani na lodeu licio saden manyu itongo saden nenge ara tenya lo dede. Oyen inyi ojo atisadena inyi tenya lo dede ojir manyu ite iruhore.
\v 36 Itiihino kuno sangite ojir kigerita itifuta na lojo, “ida ca ogili kolobo koite nenge”
\v 37 iya na lotenyare lobo kigerit manyu ojo, “odeya ca icieng na locuhi”.
\p
\v 38 To kifwongi olotu Josep lo Arimatea ilifu ken lo Yesu diho Pilato. Orumu Josep ara kajifitani lo Yesu lo lit to bangun Judaiahin. To kiruk lo Pilato olotu inyi odume ken lo Yesu.
\v 39 Ilik icieng ko Nikodemas lafa tungani lowaj Yesu karwe. Iyauno nikodemas iheru na likaruto ko lolobo- lobo na lotum ratil mia lobito.
\v 40 Odumu icieng are ken lo Yesu ko buburati to kyela iribi ofihi ko iheru ko cianitok iya na longonore iyo itidwar lo Judaiahin.
\v 41 Tinyia logurohinorihin Yesu orumu ongon mana na longon kwecere ngejuk katwa na lorihe ida lonuhahini lobo tungani.
\v 42 To rahun na far far lo kikukumahino lo Judaiahin manyu to nyiha lo na kwecere itigetihi icieng ken lo Yesu ijia.
\c 20
\cl Kingutit 20
\p
\v 1 Kiwanyi berien to far lo lobito lo sabit orihe omutok, olo Meri Magdelena iya kwecere orumu moru longajaru to kutuk lo tula.
\v 2 Oto inyi ko kifejaru diho Saimon Petero ko jayona kulakude, orihohi icieng ojo, “lodumari Lahitok ro katwa lo tula manyu ida kiyen faji na lofik icieng inyi”.
\p
\v 3 Oto Petero ko jayo na limaru Yesu ofwo iya kwecere.
\v 4 Ifeita icieng fad ati irwat nu jayo Petero olo item goruno kwecere.
\v 5 Igigil inyi katwa lo tula odeu kyela iribi kuna lorumu imuhorihin ken lo Yesu ati ida inyi orute katwa.
\v 6 To kifwongi nenge olotu Saimon Petero ko ringaru katwa lo tula. Odeu inyi iciriti lo kyela iribi ofeta ijia
\v 7 ko kyela na lorumu obuburarihin kwe lo Yesu. Obubura na kyela ake okoraru diho kyelani iribi.
\v 8 To kifwongi orute manyu na jayo bito litem katwa lo tula, odeu inyi ko kiruk.
\v 9 (orihe icieng ida iniang iyo igeriti jimitan ojir Yesu ibuhu to kiji lo kaweyak).
\v 10 Oto jayona oite kangite kuneicieng.
\p
\v 11 Ati otong Meri owoita kwecere icira. Kalicira inyi, ocok inyi igigil tulahatwa
\v 12 ko deuno malaikahin are itongo faji na lorumu itigetorhinorihin ken lo Yesu, lobito to ngati lo kwe ko lobito to ngati lo kejuha.
\v 13 Itifi inyi ojo, “ngorwani icira isi nyio?” Ojo inyi, “lodumari Lahitok nei manyu ida nan ayen faji na lofihi”.
\v 14 Tona ongolo inyi odeu Yesu owoita ija ati ida inyi oheru jimitan Yesu na.
\p
\v 15 Ojo Yesu diho inyi, “ngorwani icira isi nyio? Ngai itahita isi?” To kiiyo jimitan ara ba lobo karemoni lotenya ko inyi, oto ojo, “lahitok kalitingoro isi inyi kirihohi faji na longon ojir alo adumu”.
\p
\v 16 Ojo Yesu diho inyi, “Meri” oto inyi ko kibelo diho Yesu ko jimitan to tenya lo Aramaik, “Rabboni!” (jimitan katiyenani).
\p
\v 17 Ojo Yesu diho inyi, “kenief nan, tonyio arihe nan ida laite diho Apa. Ilo torihohi recera kunei tijo laitoro nan diho Apa nei ko Apa ningi diho Lobanga nei ko Lobanga ningi”.
\p
\v 18 Olo Meri Magdelena diho jayona ko layomit ojo, “ladeu nan Lahitok” manyu orihohi icieng ojo inyi loteny kuno tenyi tenyi diho inyi.
\p
\v 19 To kurou lo far lo lobito lo sabit, kolotuba kajifitak kulo Yesu kaji, orohi agwalahin to bangun lo Judaiahin, olotu Yesu owoita kiji neicieng ko jimitan, “kisiliban ongon diho ite!”
\v 20 Kolokeru jimitan jii, itotorohi icieng kac kunenge ko mari nenge. Okwama kajifitak noo kolodeuni Lahitok.
\v 21 Ari ojo Yesu diho icieng, “kisiliban ongon diho ite! Iya na lohiculunore Apa nan, ahicularu nan ite”.
\v 22 Manyu tona owirihi icieng ko jimitan, “ifotuti okorif na inyu.
\v 23 Kalilau ite lobo tungani kipali pali kunenge, olauni. Kalida ite ilau, ida olauni”.
\p
\v 24 Naha orumu Tomas (na lobara Didimas) oru na lobotore Yesu diho kajifitak kulakude.
\v 25 Ofwonu kulakude orihohi inyi ojo, “lohideu ohoi Lahitok”. Ati ojo inyi diho icieng, “manyu kaladeu nan korongan kulo gusumari to kac kunenge manyu afik kafiela kunei iyo fajihit lo gusumari manyu afik kana nei mari nenge, ida nan aruk”.
\p
\v 26 Koloring sabit lobito, otuba kajifitak kaji ari ongon ko Tomas diho icieng. Kileng loroho agwalahin olotu Yesu owoita kiji neicieng ko jimitan, “kisiliban ongon diho ite”.
\v 27 Oto ojo diho Tomas, “tofik kafiele nino ene; tode kac kunei. Tofik kana nino mari nei. Iticungo kikuya. Iruho”.
\p
\v 28 Ojo Tomas diho inyi, “Lahitok nei ko Lobanga nei”.
\p
\v 29 Oto Yesu ojo diho inyi, “todeuno nan licio isi iruk; ongon ko gum cio kuna liruk kileng ngida odeu”.
\p
\v 30 Itii Yesu tanguhin becek kuna lida igero iyo ene book.
\v 31 Ati igeri kuno ojir ite iruk jimitan ara Yesu Kristo kito lo Lobanga. Manyu to kiruk ojir ite ingon ko warun to karana nenge.
\c 21
\cl Kingutit 21
\p
\v 1 To kifwongi olotu Yesu ari oboto diho jayona kunenge to kutuk lo nam lo Tiberias. Itiihino jii;
\v 2 Saimon Petero, Tomas (na lobara Didimas), Natanael lo Kana lo Galilea, tee kulo Zebedee ko kuna kude kajifitak are orumu ongoniti ara lobito.
\v 3 Ojo Saimon Petero diho icieng, “aloro nan loha kayam” ojo manyu icieng diho inyi, “kilik ohoi ko isi”. Oto icieng ko fworo irwohi tigol ati na karwe ida icieng iniefu lobo tohi.
\p
\v 4 Kiwanyi berien owoita Yesu tode ati ida kajifitak oheru ojo Yesu.
\v 5 Ilolong inyi icieng ojo, “morot, oru kude kayam diho ite?” Inyiahahi icieng ojo, “oru”
\p
\v 6 Ojo diho icieng, “ibirohiti bwai ningi ngati lo iteten lo tigol irumu ca ite kude”. Kalitii icieng iya na, olanyu icieng kipihuno bwai to borengun lo kayam kuna liniefuno.
\p
\v 7 Oto na kajifitani limaru Yesu ojo diho Petero, “ara Lahitok”. Deu deu koloning Petero inyi ojo, “ara Lahitok” ko kimuhohino kyela nenge ken (tonyio orumu inyi lopuce) ko kifirioro katwa lo kifi.
\v 8 Ijifuno kuna kude kajifitak inyi to tigol ipihitati kayam to bwai tonyio orumu icieng ida olomaha to tode otum yadi mia lobito jia.
\v 9 kolorangu icieng tode, odeu icieng kima na iyarat ko kayam ofejo ko mugati.
\p
\v 10 Ojo Yesu diho icieng, “iyaunoti kude iyo kuna kayam liniefu ite”.
\v 11 Irwok Saimon Petero tigol ipihu bwai tode. Orumu ifut ko kayam kuna hitoha. Mia lobito ko keek miet ko uni, ati kileng loboreng kayam, ida bwai ocira.
\v 12 Ojo Yesu diho icieng, “ifwonu daha”. Oru lobo to kiji lo kajifitak litifi ojo, “ngai isi?” Tonyio orumu icieng oyen ojo ara Lahitok.
\v 13 Olotu Yesu odumu mugati icio icieng icio manyu kayam.
\v 14 Ara orumu ene kitiuni lo boto lo Yesu diho kajifitak kunenge many to kibuhuno nenge to wei.
\p
\v 15 Langun lokeru icieng daha ojo Yesu diho Petero, “Saimon kito lo Jon, dede kimaru isi nan ilany kuno?” Ojo Petero, “ibo Lahitok iyen isi jimitan ahimaru nan isi”. Ojo Yesu, “ifita tee kulo kera kunei”.
\p
\v 16 Ari ojo Yesu, “Saimon kito lo Jon kimaru isi nan dede?” Inyiahahi inyi ojo, “ibo Lahitok iyen isi jimitan ahimaru nan idsi”. Ojo Yesu, “itibala kera kunei”.
\p
\v 17 Kitiuni ojo diho inyi, “Saimon kito lo Jon, kimaru isi nan?” Ome tau lo Petero tonyio itifi Yesu inyi kakeny uni na lojo, “kimaru isi nan?” Ojo inyi, “Lahitok iyen isi sangite fad iyen isi jimitan ahimaru nan isi”. Ojo Yesu, “ifita kera kunei”.
\v 18 Ahirihohi tenya lo dede, orihe afa isi ingarihi icief afa isi sangite kunino ilo faji na liwak isi ati langun lingoroyon isi iting mute isi kac kiticief lobo tungani ake kirihe faji na lida isi iwak loro.
\p
\v 19 Oteny Yesu jii lo kitotoro koditi lo wei na mute licwarare Petero deyo diho Lobanga. Oto ko jimitan diho inyi, “kijifu nan”.
\p
\v 20 Ongolo Petero odeu jimitan ijifita kajifitani na limaru Yesu icieng. (inyi lafa ene loganga locolo lo Yesu lafar lodahare icieng tafa litifia ojo, “Lahitok, ngai ca lohitobo isi?”)
\v 21 Kolodeu Petero inyi, itifi ojo Lahitok adi ele?
\p
\v 22 Inyiahahi Yesu ojo, “kalawak nan inyi owar many aitu nan, ara na nyio diho isi? Kijifuno isi nan”.
\p
\v 23 Tona ilor tenya kiji lo recera ojo ida ca mute na kajifitani owei. Ati ida Yesu ojo ida ca mute inyi owei, ojo inyi, “kalawak nan inyi owar many aitu nan ara na nyio diho isi?”
\p
\v 24 Ara ene kajifitani litisaden to kuno sangite manyu na liger icieng. Kiyen ohoi jimitan ara saden nenge dede.
\v 25 Itii Yesu sangite becek, na ngara igeri icieng fad tolobito, abuha nan kileng kof fad ngida otum book na ngigeri.