See in Reader
1591 lines
128 KiB
Plaintext
1591 lines
128 KiB
Plaintext
\id LUK
|
||
\ide UTF-8
|
||
\h Luka
|
||
\toc1 Luka
|
||
\toc2 Luka
|
||
\toc3 luk
|
||
\mt Luka
|
||
\c 1
|
||
\cl Kingutit 1
|
||
\p
|
||
\v 1 Lotem cio becek kigero tenya lo sangite kuna litiihino kiji niyang,
|
||
\v 2 iya na lotenyare cio kulafa lodeu kuno sangite to konyeha many to kiteri ofuonu many iceng ara karwaak kulo tenya ifotunorehin diho ohoi.
|
||
\v 3 Iya na langingijunore nan kuno tenyi tenyi many to lohicahi, ocam diho nan kigerohino isi ara na lotub otoc Lahitok Teopilo,
|
||
\v 4 ojir iniang fotiri lo tenya lo dede lafa lohitiyenarihin isi.
|
||
\p
|
||
\v 5 To faritin kulo Erod kabu lo Judea, ongon afa lobo kadwarani lobara Zakaria oreu inyi to agwala lo kadwarani Abia, ngorwani nenge Elisabet manyu ara lo tata lo Aaron.
|
||
\v 6 Iceng fad orumu obiri to ketemoni lo Lobanga, oric, manyu ijifita iceng cihicihi kulo Lobanga ko tenyi tenyi kunenge fad to bangun.
|
||
\v 7 Ati ida iceng otek tee, tonyio ikorif Elisabet manyu orumu iceng longoroyoni.
|
||
\p
|
||
\v 8 Tofaritin kude afa litiyore Zakaria ara kadwarani kaji lo Lobanga to gonyo agwala neiceng iya na longonita diho iceng kadwarak.
|
||
\v 9 Onyumuni inyi to gumar lo loro kitifurio iheru kaji lo Lobanga.
|
||
\v 10 Kologoru tik lo kitifurio iheru, cio kaworak fad orumu ilifati to oleng.
|
||
\v 11 Oto malaika lo Lobanga ko boto iyo Zakaria owoita to ngati lo iteten lo ciali na
|
||
\v 12 litifuriorihin iheru. Kolodeu Zakaria inyi, oto ko rienya bangun ko kiniefa inyi.
|
||
\v 13 Ati ojo malaika diho inyi, “kebang Zakaria loningi kilifa nino. Ngorwani nino Elisabet otomonu ca kito retoni, ojir isi itibarahi Jon”
|
||
\v 14 Ara ca inyi kwama ko kwerun lo tau diho isi manyu okwama ca cio becek otomone nenge.
|
||
\v 15 Tonyio obolo ca inyi to ketemoni lo Lahitok. Ojir inyi ida omat vino kode lobo imatit litiruma cio manyi ifut mute inyi ko okorif nainyu many to otomone.
|
||
\v 16 Iyauno ca inyi becek kulo cio kulo Isirael iyo Lahitok Lobanga neiceng.
|
||
\v 17 Manyu olo ca inyi ketemoni lo Lahitok to okorif lo Elia lo kibeluno taulo kulo monyeri kulo tee diho tee kuneiceng ko kafajiarak iyo genyun lo cio kuna ijiri, lo kikukuma cio kuna likukumahino to Lahitok.
|
||
\p
|
||
\v 18 Itifi Zakaria malaika ojo, “Aja ayen nan jimitan itiihino ca kuno? Tonyio langoroyon nan manyu ngorwani nei loboreng karihin”.
|
||
\v 19 Inyahahi malaika inyi ojo, “Nan Gabriel: aweita nan ketemoni lo Lobanga manyu kiculuni nan lo tenya ko isi ko rihohino isi ene layomit ijir.
|
||
\v 20 Jija ibuho ca isi ida itenya many far na litiihinore ene tenya, tonyio iberu isi kiruk tenya nitole na mute lolotu ara dede to tik na ibehi.
|
||
\v 21 Cio ten itila Zakaria ipanyiti kirungo nenge katwa lo kaji lo Lobanga.
|
||
\v 22 Langun lorutu inyi, ida inyi itweru tenya ko iceng. Iceng ko yenun jimitan lodeu inyi kitotorita lobo to kaji lo Lobanga tonyio otenya dong iyo iceng to kac ati ida itweru tenya.
|
||
\v 23 Ko lokeru faritin kuna longonyohini kitiyo kaji lo Lobanga, ko loro iya kang.
|
||
\p
|
||
\v 24 To ifonga ngorwani nenge Elisabet iwasihi kaji to ofahin miet.
|
||
\v 25 Ojo inyi litii Lahitok ene diho nan tone, lohitotorohi inyi nan kisisio nenge ko dumaru riri nei tokiji lo cio
|
||
\p
|
||
\v 26 To ofahin ile, ocule Lobanga malaika Gabriel Nazaret na longon kof lo Galilea,
|
||
\v 27 diho kito karioni na lorihe ida loyen retoni na loter lobo lokilahaji lobara Josep na lara lo tata lo David obara nu kito karioni Meri.
|
||
\v 28 Olo malaika diho inyi ojo, “Tofonyo isi na lingon ko gum. Onon Lhitok ko isi”.
|
||
\v 29 Oto tau lo Meri odou to tenya nenge ipany ko kibuha koditi lo ene fonyo!
|
||
\v 30 Ojo malaika diho inyi, “kebang Meri, lirumu isi kisisio diho Lobanga.
|
||
\v 31 Ifonga ca isi itomonu kito retoni na lojir itibarihi karana nenge Yesu.
|
||
\v 32 Obolo ca inyi manyu ilolongi ca inyi ojo inyi na inyi na longon kai noo. Ico ca Lobanga inyi seger lo fafai nenge David.
|
||
\v 33 manyu olanyu ca inyi kaji lo Jacob tur ida ca okabwe nenge icung”.
|
||
\p
|
||
\v 34 Itifi Meri malaika ojo itiihino ca ene tenya aja ati nan ida lohiyenaru ko retoni?
|
||
\p
|
||
\v 35 Inyahahi malaika inyi ojo, “olotu ca okorif na imyu diho isi manyu kimuk ca golun nenge lona longon kai noo isi manyu inyi na inyu na litomuno isi ilolongi ca ojo kito lo Lobanga.
|
||
\v 36 Kileng ijanyi nino Elisabet otomonu ca kito to ongoroyone, nangole lojimi ikorif ongon jija ko kocehe lo ofahin ile.
|
||
\v 37 Tonyio oru lobo tohi lolanyu Lobanga”.
|
||
\p
|
||
\v 38 Ojo Meri, “Nan karwaani lo Lahitok. Ingohi itiihino diho nan iya na liteny isi”. Tinya, malaika ko ngerihino inyi.
|
||
\p
|
||
\v 39 To kuna farihin ikukumahino Meri loro lobo kang longon donge lo Judea.
|
||
\v 40 Olo inyi orute kaji lo Zakaria ko fonyo Elisabet.
|
||
\v 41 Koloning Elisabet fonyo lo Meri ifiri kito to kocehe nenge oto Elisabet ifut ko okorif na inyu.
|
||
\v 42 To ogoro na ikwat igore ojo, “Ingon isi ko gum tokiji lo ngorwo, ongon ko gum kito na mute itomonu isi
|
||
\v 43 Nyio obolo kwenyi nei ji lo ngoto Lahitok nei waja nan?
|
||
\v 44 Nan ningo fonyio nino jii, kito ko kifirita to kocehe nei ko kwama.
|
||
\v 45 Ongon ko gum inyi na liruk ojo tohi na locik Lahitok diho inyi, itiihino ca.
|
||
\p
|
||
\v 46 Oto Meri ojo; Omaja warun nei Lahitok,
|
||
\q2
|
||
\v 47 ko okorif nei ongon ko kwama diho Lobanga alwahani nei.
|
||
\q
|
||
\v 48 tonyio ibuha inyi to kidak lo karwaani nenge kicaha to jija iya ketemoni kofiang fad kilolongoti ca nan ojo na longon ko gum.
|
||
\q2
|
||
\v 49 Tonyio kagoloni litii sangite kuna ijiri diho nan onyu karana nenge.
|
||
\q
|
||
\v 50 Ongon kisa iyo cio kuna lobang inyi many to kofiang many kofiang.
|
||
\q
|
||
\v 51 litii inyi ticitici kuna igoli to kana nenge. Litisara inyi katidarak many to katwa lo kibuhibuhi kuneiceng.
|
||
\q
|
||
\v 52 Liticulu inyi kalanyunok to segeri ati oting kariejak kai.
|
||
\q
|
||
\v 53 Litifut inyi kakingak to sangite kuna ijir ati ifuhe kabarak ofwo to ka.
|
||
\q
|
||
\v 54 Lolwak inyi karwaani nenge Israel igigilo launo iceng
|
||
\q
|
||
\v 55 diho Abram ko latataha kunenge iya ija iya na lotenyare inyi diho monyeri kuniyan.
|
||
\p
|
||
\v 56 Itong Meri kolo Elisabet ofahin uni ko iitoro iya kang neiceng.
|
||
\p
|
||
\v 57 Kolotumohino faritin kulo tomonun lo Elisabet otomonu inyi kito retoni.
|
||
\v 58 Oning loriehati ko kajeba kunenge ojo litotorihi Lahitok inyi kisa nenge nahitok ongari kwama ko inyi.
|
||
\p
|
||
\v 59 Far lo mietauni ofwonuni kitibara kito, owak iceng kitibarahino Zakaria iya monye,
|
||
\v 60 ati otenya ngotenge ojo, “Oru owak inyi obara Jon”.
|
||
\v 61 Ojimi diho inyi “Oru lobo tungani likajo ko ite lilolongi to na karana.
|
||
\v 62 Oto dong otenyi ko kac diho monye, lo kitifia inyi owak inyi kitibara kito ojo ngai.
|
||
\v 63 Itifia inyi toi lo kigero oto itipany cio fad, iger ojo “obara karana nenge Jon”.
|
||
\v 64 Itifia inyi toi lo kigero oto itipany cio fad, iger ojo “obara karana nenge Jon”.
|
||
\v 65 Loriehati fad ko kifut ko bangun manyu kangite kulo donge lo Judaia fad oforo cio na tenya.
|
||
\v 66 Cio fad kuna loning ene tenya ibuhati manyu itifiati ojo, “Ara ca mute ene kito nyio? Tonyio ongon kana lo Lobanga ken nenge”.
|
||
\p
|
||
\v 67 Monye nenge Zakaria ko kifut ko okorif nainyu ko kimoca ojo,
|
||
\q
|
||
\v 68 “Maja ongon diho Lahitok Lobanga lo Isirael tonyio lolotu inyi manyu lolahu cio kunenge.
|
||
\q
|
||
\v 69 loting inyi muriak lo lahuno niyang To kaji lo karwaani nenge David.
|
||
\q
|
||
\v 70 (iya lafa lotenyare inyi to kutuhe kulo kamocak kunenge berien)
|
||
\q2
|
||
\v 71 lwahuno to merok kuniyang ko to kac Kulo cio fad kuna lohiberu ohoi.
|
||
\q
|
||
\v 72 kitotoro kisa nenge diho monyeri kuniyang ko kibuhuno ciha nenge na inyu,
|
||
\q
|
||
\v 73 kibutia lafa libutiare inyi diho monye, liyang Abram.
|
||
\q
|
||
\v 74 lo rujuno ohoi to kac kulo merok kuniyang, manyu kico ohoi kirwaa inyi oru ko bangun
|
||
\q
|
||
\v 75 iyo nyujon ko biran ketemoni nenge faritin kuniyang fad.
|
||
\q
|
||
\v 76 Manyu isi kito nei kilolongi ca ojo, kamocani lo na longon kai noo tonyio ilo ca isi ketemoni lo Lahitok
|
||
\q
|
||
\v 77 lo kikukuma kikoi diho inyi. lo kicwara cio kunenge genyun lo lwaharu to launo lo kipali pali kuneicen.
|
||
\q
|
||
\v 78 Tonyio to jiran lo kisa lo Lobanga niyang na mute lo lotunore kolong na lotuluno diho ohoi to kai
|
||
\q
|
||
\v 79 lo kinwaha kuna litongo katwa lo kimuyuk ko katwa lo okorif lo wei lo kitibirahino kejuha kuniyang kikoi lo kisiliban Otomone lo.
|
||
\p
|
||
\v 80 Manyu obolo kito olotu ogol iyo okorif na inyu. Manyu itongo inyi katwa lo kuny many olotu obotore taranydiho Isirael fad.
|
||
\c 2
|
||
\cl Kingutit 2
|
||
\p
|
||
\v 1 To kunu faritin ico Cesar Agusto cik ojo ojir ikeni cio fad to kof lo Roma.
|
||
\v 2 Ketemoni lo kikena ene lafa litiihino orumu Kwirino ara gavuna lo Siria.
|
||
\v 3 Ofwo cio pili fajihit kulo kangite kuneiceng kigeroro.
|
||
\v 4 Josep manyu ko loro to Nazaret na longon kof lo Galilea iya Judea, Betlem kang lo David tonyio ara inyi lo agwala lo kolo David.
|
||
\v 5 Olo inyi ija kigero ko Meri na lorumu ociharu yemaru ko inyi orumu ligar.
|
||
\v 6 kolongon iceng ija ogoru tik lo tomonun lo Meri.
|
||
\v 7 Inyi ko tomonu okang nenge kito retoni. Obubur inyi idole nenge to kyelani ko kitigetohino iyo twol lo sang tonyio oru faji diho iceng to kaji lowelo.
|
||
\p
|
||
\v 8 Manyu ongoni orumu katibalak mwang onyihaha iboriati sang kuneiceng karwe.
|
||
\v 9 Oboto malaika lo Lahitok diho iceng nyujon lo Lobanga ko kinwaha iceng, oto iceng obangi.
|
||
\v 10 Ati ojo malaika diho iceng, “kebang, ayauno nan layomit na ijir diho ite lo kwama na hitok na lara lo cio fad.
|
||
\v 11 Ene karwe to kang lo David lo tomonuni kalwahani inyi Kristo Lahitok!
|
||
\v 12 Kitotorita ca ene diho ite; irumu ca ite idole obuburi to kyelani itigetihini twol lo sang.
|
||
\v 13 Gaga olo hoi kulo jore lo kai ko moto ko na malaika ara lobito omajati Lobanga ojo,
|
||
\p
|
||
\v 14 “Deyo ongon kai diho Lobanga manyu ene kof kisiliban ongon diho cio kuna longon ko kisisio nenge.
|
||
\p
|
||
\v 15 Kolo ngerihi malaikahin iceng loitori kai, ojo katibalak ake ake, “Lolifwo ba Betelem deya kuno sangite litiihino lo hirihohi Lahitok ohoi”.
|
||
\v 16 Iceng ko ki muriaru ofwori orumuni Meri ko Josep ko kito idole na logeto twol lo sang.
|
||
\v 17 Langun lodeu iceng inyi, itisarihi iceng tenya na lorihohini iceng tone kito,
|
||
\v 18 Oto cio pili kuna loning ipanyiti tohi na lorihohi katibalak iceng.
|
||
\v 19 Ati oricahi Meri kuno sangite pili igigil iceng to tau nenge.
|
||
\v 20 Oite kaboriak itikwatati ko maja Lobanga to sangite fad kuna lo ning ko kuna lodeu iceng kuna manyu lobehi iya na lorihohinorihin iceng.
|
||
\p
|
||
\v 21 Kologoru far lo mietauni, kologoru tik lo ngoto lo kito, itibarahini inyi karana Yesu karana na lico malaika inyi many orihe ida lifonguni inyi.
|
||
\p
|
||
\v 22 Kolotumohino faritin kulo kitinyujo neiceng iya na ligerohini to cik lo Moses, iyaru Josep ko Meri inyi Jerusalem kicwara diho Lahitok.
|
||
\v 23 (iya na ligerore iyo cik lo Lobanga ojo, “tee rei okangi fad ojir iciori diho Lobnga).
|
||
\v 24 Ko kicwara kikum iya na ligerohini iyo cik lo Lahito; kurihin are kode amami are."
|
||
\v 25 Tinya ongon afa lobo tungani Jerusalem lobara Simeon na ibir manyu ico ken diho Lobanga. Itila afa inyi kitilaha lo Isirael manyu ongon okorif na inyu ko inyi.
|
||
\v 26 Lorihohi okorif na inyu inyi ojo ida inyi owei orihe ida odeu kristo lo Lahitok.
|
||
\v 27 Oculu okorif na inyu inyi kaji lo Lobanga. Kaliyauno katomonk kito Yesu kitiyo diho inyi tohi na lowak cik,
|
||
\v 28 otingu Simeon inyi komaja Lobanga ojo,
|
||
\p
|
||
\v 29 Lahitok na lilanyu fad iya na licihare isi to lahahi dong karwaani nino olo to kisiliban.
|
||
\q1
|
||
\v 30 tonyio lodeu konyeha kunei lwaha nino,
|
||
\q2
|
||
\v 31 na likukumahi isi to konyeha kulo cio pili.
|
||
\q1
|
||
\v 32 Wangun na litikweny misiok ko deyo diho cio kunino Isirael.
|
||
\p
|
||
\v 33 Ipany monye lo kito ko ngotenge tenyi tenyi kuna loteny na tungani to inyi.
|
||
\v 34 Simeon ko lifahino iceng gum ko jimitan diho Meri ngotenge; “Onyumuni ene kito ara lo kiyauno uroro ko wojuno lo cio becek to Isirael ko rahun kitotorita na lifita cio.
|
||
\v 35 lo kitibotuno kigigilo lo taulo kulo cio kuna iborengi. Manyu ocuk ca latubot tau nino token.
|
||
\v 36 Orumu ongon manyu lobo kamocani ngorwani na lobara Anna kito lo Panuel lo imanit lo Aser. Longoroyon orumu inyi noo, itong inyi ko retoni nenge karihin mietare to kifwongi lo yemaro nenge,
|
||
\v 37 ko rahun lafuserito many ogoru karihin kunenge keek mietauni ko ongon. Ida afa inyi ingohi kaji lo Lobanga ati orima Lobanga karwe ko far illifa ko faranun kinga.
|
||
\v 38 Lotuno diho iceng na tik, ico lobanga kwama ko tenya tenyi tenyi ken lo kito diho cio pili kuna litila lwahuno lo Jerusalem.
|
||
\v 39 Koloderu Josep ko Meri kitiyo sangite fad iya na lowahare cik lo Lobanga, oitori galileya kang neiceng na longon Nazaret.
|
||
\p
|
||
\v 40 Manyu kito ko bolojun, ogol ifut ko genyun manyu kisa lo Lobanga ongon ken nenge.
|
||
\p
|
||
\v 41 Karihin fad ofworita katomonok kulo Yesu Jerusalem daha karama lo Paska.
|
||
\v 42 Kologoru karihin kunenge tomon, ilihe iceng ko inyi iya Jerusalem iya na longonore iyo itidwar.
|
||
\v 43 Langun loru karama, koloitoro katomonok kunenge kang, otong kito Yesu Jerusalem, ati ida iceng oyen.
|
||
\v 44 To kibuha jimitan ongon lofe kiji lo cio, ofwo iceng owele lo far lobito. Oto iciahi tahita inyi kiji lo kajeba kuneiceng ko morot.
|
||
\v 45 Ojo ida orumuni inyi oitori Jerusalem tahita inyi.
|
||
\v 46 kifwongi lo faritin uni orumahi iceng inyi kaji lo Lobanga itongo kiji lo katiyenak ningo iceng ko kitifia iceng kitifiti.
|
||
\v 47 Cio fad kuna loning inyi ipanyiti ki niang nenge ko kitirangita kunenge.
|
||
\v 48 Kolodeu katomonok kunenge inyi, ipanyiti, ojo ngotengediho inyi, “Kito, nyio kitii isi ohoi ji? Munyi ko nan kingon orumu tahita isi to kiudo”.
|
||
\v 49 Itifi inyi iceng ojo “Nyio itahita ite nan? Ida ite iyen jimitan ocam nan ngonun kaji lo apa nei?
|
||
\v 50 Ati ida iceng iniang tohi na lotenya inyi diho iceng.
|
||
\v 51 Oto inyi ko loro iya Nazaret ko iceng. Ati oricahi ngotenge kuno sangite pili tau nenge.
|
||
\p
|
||
\v 52 Manyu obolo Yesu to genyun ko jiran manyu orumu kisisio to ngati lo Lobanga ko.
|
||
\c 3
|
||
\cl Kingutit 3
|
||
\p
|
||
\v 1 To kari lo tomon ko miet iyo karihin kulo obolore lo Tiberios Cesar- na larahare Pontios Pilato gavona lo Judea, Erod tetrak lo Galilea, rece nenge Pilip tetrak lo Iturea ko Trakontis ko Lasanias tetrak lo Abilene,
|
||
\v 2 to obolore lo kadwarak Annas ko Kaiapas, olotu tenya lo Lobanga diho Jon kito lo Zakaria to katwa lo kuny.
|
||
\v 3 Ilor inyi kofikofi kuna lirit Jordan fad kititima kibatisa lo kirwo to launo lo kipalipali.
|
||
\v 4 Iya na ligerore iyo buk lo tenyitenyi kulo Isaia kamocani “Ogoro lo na lifura to katwa lo kuny, ikukumata kikoi diho Lahitok, itibirati kikohin kunenge.
|
||
\q1
|
||
\v 5 Gurahin fad ojir onuhi dongeco ko dumi fad osuruni kof obiri kikohin kuna ingararaha osoti onyuji,
|
||
\q1
|
||
\v 6 manyu cio fad ca odeuni lwaha lo Lobanga."
|
||
\p
|
||
\v 7 Orihohi Jon ilulung kuna lofwonu diho inyi kibatisa ojo, “Ite tee kulo ibohoyohin! Ngai lohisony ite iyo kilongo lo Lobanga na lo lotuno?
|
||
\v 8 Itongi ngak kuna litotoro kirwo manyu kerihohita kenite kuningi, ‘kingon ohoi ko Abram ara monye niyang. Tonyio ahirihohi nan ite jimitan kileng iyo kuno moruto otum Lobanga dumuno lotataha diho Abram.
|
||
\v 9 Longon rafal kerda kulo canitok, manyu cani cani lobito lobito na lida ongi ngak kuna ijiri ongodari mute ibirohini kimatare”.
|
||
\p
|
||
\v 10 tifi ilulung inyi ojo, “Ojir haj dong ohoi kitii nyio?”
|
||
\p
|
||
\v 11 Inyahahi Jon ojo, “tungani na longon ko kyelani are ojir ico iyo na lorujore ko inyi na lotehita daha ojir ongar ko kuna lodaha kinga”.
|
||
\p
|
||
\v 12 Ofwonu manyu katisofok kulo mucoro ojo ojir kibatisi. Itifi iceng inyi ojo katiyenani ojir ohoi ki tii nyio?
|
||
\p
|
||
\v 13 Orihohi iceng ojo, “ketisofo orang wel na lohirihohini ite”.
|
||
\p
|
||
\v 14 ofwonu manyu asegere itifi inyi ojo, “adi ohoi ojir ohoikidim nyio?” Inyahahi inyi ojo, “kerujo rabia diho cio cemanyu kegulihita cio tenyi tenyi. Ingohi mucara ningi kitum ite”.
|
||
\p
|
||
\v 15 Itila cio to kodomo manyu ikukuyati kalara ba Jon lara kristo.
|
||
\v 16 Inyahahi Jon iceng fad ojo, “Ahibatisa nan ite to kifi. Ati olotuno na igol kilany nan, na lida nan kileng acam laha kamuha kunenge. Inyi ca lihibatisa ite to okorif na inyu ko to kima.
|
||
\v 17 Ongon irite nenge kana nenge lo kiaru kilongoni nenge, ofik ca inyi ngamang kunenge dero ati ocure ingarum to kima na lida odunye.
|
||
\p
|
||
\v 18 Manyu to tenyi tenyi kude kuna iborengi itiyen Jon cio manyi ititimahi layomit na ijir diho iceng.
|
||
\v 19 Ati ojo Jon iryeng Erode tetrak to tenya lo Erodias ngorwani lo rece ko sangite kuna irohori becek litii inyi,
|
||
\v 20 osodohi Erod ene iyo iceng fad: otorahi Jon mabus.
|
||
\p
|
||
\v 21 Langun libatisi cio fad, ibatisi manyu Yesu. Manyu ojo inyi ilifa, ongaja kai,
|
||
\v 22 iculuno okorif na jnyu iyo inyi olotu iya kuri. Dong olotu ogoro to kai ojo, “Isi kito nei na lamaru nan, akwama nan to isi noo”.
|
||
\p
|
||
\v 23 Iciaha Yesu tic nenge inyi lara karihin keek uni. Orumu ojimi ara inyi kito lo Josep,
|
||
\v 24 kito lo Eli, kito lo Matat, kito lo Josep.
|
||
\p
|
||
\v 25 kito lo Matatias, kito lo Amos, kito lo Naum, kito lo Esli,
|
||
\v 26 kito lo Nagai, kito lo Maat, Kito lo Matatias, kito lo Semen, kito lo Josek, kito lo Joda.
|
||
\p
|
||
\v 27 Kito lo Jonan, kito lo Resa, kito lo Zerubabel, kito lo Seltiel, kito lo Neri,
|
||
\v 28 kito lo Melki, kito lo Addij, kito lo Kosam, kito lo Elmadam, kito lo Er,
|
||
\p
|
||
\v 29 kito lo Josua, kito lo Elieza, kito lo Jorim, kito lo Matat, kito lo Levi.
|
||
\v 30 kito lo Simeon, kito lo Juda, kito lo Josep, kito lo Eliakim,
|
||
\p
|
||
\v 31 kito lo Melea, kito lo Menna, kito lo Matata, kito lo Natan, kito lo David,
|
||
\v 32 kito lo Jese, kito lo Obed, kito lo Boaz, kito lo Salmon, kito lo Nason,
|
||
\p
|
||
\v 33 kito lo Aminadab, kito lo Ram, kito lo Ezron, kito lo Perez, kito lo Juda,
|
||
\v 34 kito lo Jakob, kito lo Isaak, kito lo Abram, kito lo Tera, kito lo Naor,
|
||
\p
|
||
\v 35 kito lo Serug, kito lo Reu, kito lo Peleg, kito lo Eber, kito lo Sela.
|
||
\v 36 kito lo Kainan, kito lo Arapaksad, kito lo Sem, kito lo Noa, kito lo Lamek,
|
||
\p
|
||
\v 37 kito lo Metusela, kito lo Enok, kito lo Jared, kito lo Mahalalel, kito lo Kenan,
|
||
\v 38 kito lo Enos, kito lo Set, kito lo Adam, kito lo Lobanga.
|
||
\c 4
|
||
\cl Kingutit 4
|
||
\p
|
||
\v 1 IbelunoYesu to Jordan ifut ko okorif na inyu, oto okorif orihe inyi iya kuny,
|
||
\v 2 faji na lotemare sitan inyi langun lokeru farihin keek ongon. Oru lobo tohi lonya inyi to kuna faritin fad, langun loru onyia kinga inyi.
|
||
\v 3 Ojo sitan diho inyi, “kalira isi kito lo Lobanga torihohi kuno moruto ibelo ara tafa”.
|
||
\p
|
||
\v 4 Ifotu Yesu ojo, “Igero ojo ida tungani owar to tafa keken, oto to tenyi tenyi kulo Lobanga fad”.
|
||
\p
|
||
\v 5 Orihoro sitan inyi kai faji na itedo ko kitotorohino inyi to tik lobo sidi okabwehin kulo kof fad.
|
||
\v 6 Ko jimitan diho inyi, “ahico ca nan isi obolore nenge ko dwarajun neiceng fad, tonyio lohicori afa nan, manyu atweru nan kicwara lobo tungani keken lawak nan.
|
||
\v 7 Tona kalohiwor isi nan, oto ca ara kunino fad.
|
||
\p
|
||
\v 8 Ifotu Yesu ojo, “Igero ojo iwora Lahitok Lobanga nino manyu irwaa diho inyi ake”.
|
||
\p
|
||
\v 9 Iyaru sitan inyi Jerusalem otedohi inyi many olele lo kaji lo Lobanga, ko jimitan diho inyi, “kalira isi kito lo Lobanga, ibiroro kof ten.
|
||
\v 10 Tonyio igero ojo, ocik ca inyi malaikahin to isi lo kiriria isi otoc,
|
||
\q1
|
||
\v 11 kiting ca iceng isi kai to kac kuneiceng."
|
||
\p
|
||
\v 12 Ifotu Yesu ojo, “igero ojo, kotem Lahitok Lobanga nino”.
|
||
\p
|
||
\v 13 Kolokeru sitan kuno ilabati fad, ongerihi inyi many lobo tik ake. Oberuni Yesu to Nazaret.
|
||
\p
|
||
\v 14 Oitu Yesu Galilea to golun lo Okorif na Inyu, layomit nenge ko kisararu na kov fad.
|
||
\v 15 Itiyen inyi to lotubarehin kunecieng oto cio fad omaja inyi.
|
||
\p
|
||
\v 16 Olo inyi Nazaret faji lo lomolojore inyi, kologoru far lo sabit olo lotubare necieng iya langun larahare koditi nenge. Manyu ko wojuno kikena.
|
||
\v 17 Icori inyi buk lo kamoconi Isaia, kalonga inyi oto orumu faji na ligero ojo,
|
||
\q1
|
||
\v 18 Ongon Okorif lo Lahitok kennei Tonyio lohitwe inyi nan Kititima layomit naijir iyo kakidahak Lohiculu inyi nan rihohino laharu Diho kuna lotora Ko kitikwenya diho kangodok Lolahahino cio kuna litigimati,
|
||
\q2
|
||
\v 19 lo rihohino cio kari lo kisisio lo Lahitok."
|
||
\p
|
||
\v 20 Oto ko bibira buk inyiahahi diho katiyoni ko kitongohino kof. Cio fad to lotubare ko fihahinoti konyeha ken nenge.
|
||
\v 21 Oto icung to jimitan diho diho icieng; “Enefar litifuta ene kigero iya na lining ite”
|
||
\p
|
||
\v 22 Omaj cio fad inyi manyu ipanyiti tenyitenyi kuna ilemi lofwonu to kutuk nenge. Itifiati ojo, “Ida re kito lo Joseph ene?”
|
||
\p
|
||
\v 23 Ojo Yesu diho icieng; “dede irihohi ca ite nan ene kitidafi, diho nan ijjo; Daktarini, itifurioro ake. Itiyo ene kileng sangite kuna lohining ohoi ojo itii isi to Kapernaum.
|
||
\v 24 Osodoro inyi ojo; Ahirihohi ite tenya lo dede, oru lobo kamoconi liruhuni to kalecieng.
|
||
\v 25 Ahirihohi ite ajo omorengi afa lafuseritohin ene Israel to karihin kulo Elia kula karihin ligonorore kai to karihin uni ko nusu manyu olotu kinga na hitok kofikofi fad.
|
||
\v 26 Oto ida afa oculari Elia iyo lobo to kiji necieng ati diho lafuserito lo Zerapas idi kov lo Sidon.
|
||
\v 27 Manyu oborengi afa cio Israel kuna lomwai talulu to faritin kulo Elisa ati ida afa itinyuji lobo to kiji necieng, ara Naman tungani lo Siria keken.
|
||
\v 28 Ilongo cio to lotubare fad koloningiti ene tenya.
|
||
\v 29 Ko wojunoti ifuhari inyi to kanghatua, ko ki yaroti kalele lo donge na loduho kang kai nenge ojo ojir kicule inyi to lofias.
|
||
\v 30 Inyi ko lotita to kiji lo ilulung ko loro kikoi nenge.
|
||
\p
|
||
\v 31 Olo Yesu iya kapernaum kang na longon Galilea manyu to Sabit icak kitiyena cio.
|
||
\v 32 Ipany icieng kitiyena nenge tonyio ongon kitiyena nenge ko golun.
|
||
\v 33 Inyia lotubare orumu ongon lobo tungani longon ko okorif na irohoi. Igore inyi to ogoro na ikwat ojo,
|
||
\v 34 “Aa Nyio iwak isi diho ohoi Yesu lo Nazaret? Lilotu isi keruno ohoi? Ahiyen nan isi, isi na Inyu lo Lobanga.
|
||
\p
|
||
\v 35 Iryeng Yesu inyi ojo, “Tobuho! Torutu to ken nenge!” Na okorif ko borahino latungani kof ketemoni necieng fad ko rutuno to ken nenge ida opot ko lobo faji.
|
||
\p
|
||
\v 36 Cio pili ko kipany itifiati kenite kunecieng ake ake. Nyio ene kitiyena? To golun ko twero iryenga inyi okorifi kuna irohori orutu!
|
||
\v 37 layomit nenge ko kisararu iric na kof.
|
||
\p
|
||
\v 38 Ongerihi Yesu lotubare ko loro kolo Saimon. Orumu komoni lo Saimon omwai onok ken noo. Oto icieng orihohi Yesu oijr olwak inyi.
|
||
\v 39 Olo Yesu ocumo diho inyi ko kiryenga nohun oto ko ngerihino noho inyi. Inyi ko wojuno deudeu icak kirwaa icieng.
|
||
\p
|
||
\v 40 kolodoyoro kolong, iyauno cio diho Yesu kamwayak kuna lomwaiha mwaita gelegele. ofik inyi kana kenite kunecieng ko kitifurioro icieng.
|
||
\v 41 Oto manyu, imura lodonyok to kenite kulo cio kuna iborengi igoritati ojo, “isi kito lo Lobanga.” Ati irieng inyi icieng ida iruk icineng otenya tonyio oyeniti jimitan ara inyi kristo. Kiwanyi berien olo Yesu faji na ipolo.
|
||
\p
|
||
\v 42 Orumu cio otahita inyi, ojo ofwonuni orumuni, otemi kitiho inyi loro ngerihino icieng.
|
||
\v 43 Ati ojo inyi, “owak nan atitim layomit na ijir lo Okabue lo Lobanga many kangite kunakude tonyio tenya na lohiculunorihin nan inyi na.
|
||
\p
|
||
\v 44 Ati osodoro inyi kititima tenya lotubarihin kulo Judea.
|
||
\c 5
|
||
\cl Kingutit 5
|
||
\p
|
||
\v 1 Iobo far kolowoita Yesu kutuk lo nam lo Genezaret ko cio irit inyi oningoti tenya lo Lobanga,
|
||
\v 2 odeu tigoli are kalele lo nam kuna logerihi kaniefak kulo kayam kuna lorumu ilala bwaihin kunecieng.
|
||
\v 3 Ko kirwoho lobito tigol na lara lo Saimon ko rihohino inyi ojo ojir iyaru tigol iya namhatwa lobo gaa, oto itongohino itiyena cio to katua lo tigol.
|
||
\v 4 langun lokeru inyi tenya ko jimitan diho Saimon, “Yaru tigol faji na iluko ibirohi bwaihin kulo kayam.”
|
||
\p
|
||
\v 5 Inyiahahi Saimon inyi ojo, “Lahitok kitii ohoi karue mwaa oru ko lobo tohi lohiniefu, ati kalijo isi jii abirohi ca nan bwaihin.”
|
||
\v 6 Langun litii icieng jii oto iniefuni kayam kuna iborengi many icak bwaihin cira.
|
||
\v 7 Iwatu icieng kaletok kunecieng kulo nu tigol mito ojo ojir ofwonu olwak icieng ofwonuni itifuti tigoli are fad to kayam many omana tigoli loyoro katua lo nam.
|
||
\v 8 Kolodeu Saimon Petero jii oto ko urohino to kunga ketemoni lo Yesu ko jimitan, “ilo ten diho nan Lahitok nan tungani kapalani!”
|
||
\v 9 Tonyio inyi ko kaletok kunenge fad orumu ipanyiti borengojun lo kayam kuna liniefu icieng.
|
||
\v 10 Jems ko Jon tee kulo Zebedi manyu kaletok kulo Saimon manyu orumu ipanyiti. Oto Yesu ko jimitan diho Saimon, “kebang kicaha tolefar iya ketemoni ira ca isi kaniefani lo cio.”
|
||
\v 11 Icieng ko kipihuno tigoli kunecieng tode kongerihinoti sangite fad ko kijijfita inyi.
|
||
\p
|
||
\v 12 Kolongon Yesu lobo kang, olotu lobo tungani na lokeru talulu ken fad, ojo inyi odeu Yesu ko urohino ketemoni nenge ofik komom kov ko kilelia diho inyi ojo, “Lahitok, kaliwak isi itweru isi kitinyujo nan.”
|
||
\p
|
||
\v 13 Ocule Yesu kana nenge ko tiro inyi ojo, “ awak nan! Tonyu!” deudeu talulu ko rujon to ken lona tungani.
|
||
\p
|
||
\v 14 Oto Yesu ko ciha inyi ojo, “kerihohi lobo tungani ati ilo itotorohi ken nino diho kadwarani manyu icwara kikumi lafa locik Moses to kitinyujo nino ara saden diho icieng.
|
||
\v 15 Ati layomit lo ken nenge isarihi kof, tona ilulung lo cio ko fuonuno ningo tenya nenge ko kiyauno mwaita kunecieng kitifurioro.
|
||
\v 16 Ati tihitik ingadarita Yesu fajihit kuna ipoloho kilifa.
|
||
\p
|
||
\v 17 obo far kalitiyena inyi, ofwonu parisihin ko katiyenak kulo cik to kangite pili kulo Galilea ko Judea ko Jerusalem itongoti inya. Manyu golun lo Lobanga ongon diho inyi lo kitifurioro mwai.
|
||
\v 18 Ofwonu kude cio otingunoti tungani kangwalani to biris otemi rutorore kaji diho Yesu.
|
||
\v 19 Kolo lanyu kikoi lo rutoro kaji icieng to ilulung, irwok icieng onga kwe lo kaji ko kiticuloroti inyi ketemoni lo Yesu.
|
||
\v 20 Kolodeu Yesu kiruk neiceng, ko jimitan diho kangwalani, “mortele lolauni kipalipali kunino”.
|
||
\p
|
||
\v 21 Parisihin ko katiyenak kulo cik ko kicaha kiiyo to taulo kuneicieng ojo, ngai lerok lomoro Lobanga? Ngai lotum launo kipal kalida ara Lobanga ake?
|
||
\p
|
||
\v 22 Yesu ko yenun na kiiyo neicieng ko kitifia icieng ojo, “Nyio iiyo ite kuna to taulo kuningi?
|
||
\v 23 Ani lo tanga jimitan; lolauni kipalipali kunino kode jimitan; towoju ilo?
|
||
\v 24 Ati ojir iyenare ite ijo ongon kito lo tungani ko golun lo laa kipal ten to kof… oto ojo iyo na kangwalani ahirihohi nan isi ajo towoju todumu biris nino ilo kang.”
|
||
\v 25 Deu deu to ketemoni neicieng, owoju inumu kigetit nenge ko loro kang omaja Lobanga.
|
||
\p
|
||
\v 26 Ipany cio fad ko kicwarati maja diho Lobanga. Ifut icieng ko kwama many ojimi, “lohideu ohoi sangite kuna igoli ene far”.
|
||
\p
|
||
\v 27 To kifwongi lo ne, olo Yesu odeu lobo tungani na lobara Levi katisofoni lo mocoro itongo iyo meja lo katisofok kulo mocoro. Ojo diho inyi, “kijif nan”.
|
||
\v 28 Levi ko wojuno ongerihi sangite fad ko ki jifita inyi.
|
||
\p
|
||
\v 29 Levi ko loro fiha karama na hitok to Yesu oto ilulung nahitok lo katisofok kulo mucoro ko kuna kude cio ofwonu odahati ko icieng.
|
||
\v 30 Ati Farisihin kjo katiyenak kulo cik kuna longon ngati necieng ofwonu kimomodo diho jayona kunenge ojo, “nyio idaha ite manyu imata ko katisofok kulo mucoro ko kapalak?
|
||
\p
|
||
\v 31 Inyiahahi Yesu icieng ojo, “ida ara cio kuna ijiri lowak daktari ati kamwayak.
|
||
\v 32 Ida nan alotu kilolongo kanyujok ati kapalak ojir irwoti.
|
||
\p
|
||
\v 33 Ojimi iyo inyi, “kalihitak kulo Jon ko kulo Parisihin ofaraniti kinga ko kilifa ati kunino osodoro daha ko mata.”
|
||
\p
|
||
\v 34 Inyiahahi Yesu ojo, “Itweru welo kulo lateran faranun kinga kolorihe ilihitati ko inyi?
|
||
\v 35 Ati olotu ca far na lodamarorihin lateran to kiji necieng; to kunu faritin ofaran mute icieng kinga.”
|
||
\v 36 Orihohi icieng ene kitisirani ojo, “Oru tungani lociru kyela ngejuk otadare ongore. Kalitii jii irumu inyi locir kyela ngejuk cie manyu nu kitadit ida ori ko na kyela ongore.
|
||
\v 37 Manyu oru lobo tungani liturahita vino ngejuk iyo okodo ongore. Kalitii jii, otwaje ca vino ngejuk na okodo ongore oto ca okodo ko vino fad
|
||
\v 38 ipalaru ida, vino ngejuk ocam ijuhohini iyo okodo ngejuk.
|
||
\v 39 Manyu oru tungani na kolomat vino ongore orihe manyu owak ngejuk tonyio ojo inyi ojir ongore ilany."
|
||
\c 6
|
||
\cl Kingutit 6
|
||
\p
|
||
\v 1 Tolobo sabit orumu Yesu olot ara katwa lo manatak, oto jayona kunenge ogesunitati ngamang onotati to kac kunecieng oningati.
|
||
\v 2 Itifi kude Parisihin, “Nyio itiyo ite tohi na litidwara to sabit?
|
||
\p
|
||
\v 3 Inyahahi Yesu icieng ojo, “ida ite liken tohi lafa litii David afa kolonyia kinga inyi ko kalihitak kunenge?
|
||
\v 4 Orute inyi kaji lo Lobanga ko dumuno mugati kulo ketemoni lo Lobanga onyia tohi na locam to kadwarani keken ico manyu kalihitak kunenge.
|
||
\v 5 Yesu ko jimitan diho icieng, “kito lo tungani lara lahitok lo sabit.”
|
||
\p
|
||
\v 6 To sabit ari orute inyi lotubare orumu inyi itiyena, manyu ongon tungani ija na lowei kana iteten.
|
||
\v 7 Parisihin ko katiyenak kulo cik orumu otahitati kikoi lo kidoro Yesu, tona iriria icieng inyi otoc lodeya kalitifurie inyi to sabit.
|
||
\v 8 Ati orumu Yesu loyen tohi na libuha icieng ko rihohino na tungani iwei kana ojo, “towoju to woita ketemoni lo cio fad.” Inyi ko wojuno ko woita ija.
|
||
\v 9 Yesu ko jimitan diho icieng, “ahitifi ite, ani locam to sabit; kitiyo jiran kode kitiyo rohojun, lwahuno warun kode kifadaru?
|
||
\v 10 Ongolo inyi ode icieng fad, oto ko jimitan diho na tungani, “todong kana nino.” Itii inyi jii, kana nenge ko jiran.
|
||
\v 11 Ati ilongo icieng noo icahi kigugumo tenya kiji necieng tohi na ngitii icieng ken lo Yesu.
|
||
\p
|
||
\v 12 Lobito far tokuna faritin, olo Yesu kai lo donge kilifa karwe mwaa diho Lobanga.
|
||
\v 13 Kolowang kof ilolongu kalihitak kunenge diho inyi ko nyumuno tomon ko are kuna lofik inyi ara jayonaj kunenge.
|
||
\v 14 Saimon (na litibarahini inyi ojo Petero), rece nenge Andru, Jems, Jon, Pilip, Batulmaio,
|
||
\v 15 Matiu, Tomasj, Jems kito lo Alipeu, Saimon na orumu lilongoti ojo Zilot,
|
||
\v 16 Judas kito lo Jems ko Judas Iskariot na ca mute lara katoboni nenge.
|
||
\v 17 Iculoro inyi ko icieng ko woita faji na ifete. Ilulung nahitok lo kajifitak kunenge orumu ongoni ko cio becek kuna iborengi kuna lofwonu to kof lo Judea fad, to Jerusalem ko todeco kulo Taya ko Sidon.
|
||
\v 18 Kuna lofwonu ningo inyi ko fwonuno kitifurioro mwai kuneiccieng. Kuna liticana okorifi kuna irohori itifuriori.
|
||
\v 19 Manyu cio fad otemi tiro inyi tonyio olotuno orumu golun to ken nenge itifurio icieng fad.
|
||
\p
|
||
\v 20 Kolodeu kalihitak kunenge oto ojo, “Ingoni ko gum ite kuna likidahi tonyo ningi okabwe lo Lobanga.
|
||
\q
|
||
\v 21 Ingoni ko gum ite kuna likingaha jija tonyio kitimonei mute ite. Ingoni ko gum ite kuna licira jija, tonyio ikweni mute ite.
|
||
\q
|
||
\v 22 Ingoni ite ko gum kolohiberu cio ite, kolohigelati ite kimoroti, manyu oberuni karana nino ojo orohoi to kito lo tungani.
|
||
\p
|
||
\v 23 Itikwamati nafar manyu ifiritati to kwama tonyio obolo bahacic nino tokai, tonyio koditi lafa litii monyeri iyo kamocak inyi na.
|
||
\q
|
||
\v 24 Ati kidak diho ite kabarak tonyio likeru ite rumuno warun na ijir.
|
||
\q
|
||
\v 25 Kidak diho ite kuna limoneho jija, tonyio kinya mute kinga ite. Kidak diho ite kuna likwenita jija, tonyio itoyo mute ite ko kicira.
|
||
\q
|
||
\v 26 Kidak diho ite kolohimaja cio ite, tonyio koditi lafa litiyore monyeri kamocak kuna italeri inyi na”.
|
||
\p
|
||
\v 27 “Ati ahirihohi ite kuna lohiningo nan; imaru meroni nino manyu itiyo na ijir diho kuna lohiberu isi.
|
||
\v 28 Igatahi kuna lohifico isi, ilifa to kuna lohitigema isi.
|
||
\v 29 Kolohinang tungani isi makal ikajong, ibelohi manyu iteten. Koloruje tungani cati nino ketik inyi dumaru long.
|
||
\v 30 Icwara cio fad kuna lilifa diho isi manyu kolodume tungani tohi nino kelo kinyahita diho inyi.
|
||
\v 31 Itiyo diho cio, iya nadi ngiwahare isi icieng itii diho isi.
|
||
\v 32 Kalimaru isi cio kuna lohimaru isi keken, kwama nyio ca ngirumu isi? Kileng kapalak imaruni kuna limaruni icieng.
|
||
\v 33 Manyu kolitiyo isi jiran diho kuna lojiri diho isi, kwama nyio ca ngirumu isi? Kileng kapalak itiyoti jii.
|
||
\v 34 Manyu kalitideno isi diho cio kuna liyen isi jimitan odum ca, kwama nyio ca ngirumu isi? Kileng kapalak itideno kapalak oyeniti jimita odumi ca fad.
|
||
\v 35 Ati imaru merok kunino itiyo na ijir diho icieng manyu itideno icieng ida ikodomo kidumi. Oto mute bahacic nino obolo, manyu ito ca ite ira tee kulo lona longon kai noo. Tonyio ojir inyi diho kamenak ko karohojak.
|
||
\v 36 Itingon ko kisa iya na longonore apa ningi ko kisa.
|
||
\v 37 Kengot tenya diho kuna kude oto manyi ida kingotohini ite tenya, kengot tenya olanyu kuna kude oto manyu ida kingotohini ite tenya ki lanyu. Itolau kilauni manyu ca.
|
||
\v 38 Icwarata kicori manyu ca ite. Kitemit na ijir, na loruji, icihi, many ijujuho ijuhohini ca bongi-bongi kuningi, tonyio to kitemit na litemare isi kitemihinorehin ca isi.
|
||
\p
|
||
\v 39 Oto manyu inyi orihohi icieng ene kitisirani ojo, itweru kangodoni riho kangodoni? Ida icieng fad ofwo owuroro tula?
|
||
\v 40 Ida ka kenani ilany katiyenani. Ati na lokeru kikena nenge fad, olotu ori ko katiyenani nenge.
|
||
\v 41 Tonyio ideya isi ingarumiti to konyek lo rece nino ingerihi tul konyek nino?
|
||
\v 42 Aja ngijo isi diho rece nino, rece ingohi odume ingarumiti to konyek nino ati isi token ida ideu rabocoti tona longon konyek nino? Isi kataleroni itemo re todume rabocoti to konyek nino ideyare bo otoc idumarore ngarumiti to konyek lo rece nino.
|
||
\v 43 Oru lobo ciani ijir longi ngak kuna irohori ida manyu ciani na irohoi ongi ngak kuna ijiri.
|
||
\v 44 Oyeniti ciani lobito lobito to ngak kunenge. Ida cio odia bule to ciani lo ngairati kode ngak kulo vino iyo curati.
|
||
\v 45 Tungani na ijir oduma sangite kuna ijiri kuna loricahi inyi tau nenge manyu tungani na irohoi oduma sangite kuna irohori kuna loricahi inyi tau nenge. Tonyio to kifut lo tau lo tungani otenya kutuk nenge.
|
||
\p
|
||
\v 46 Nyio ilolongo ite nan ijo Lahitok, Lahitok ati ida iwak kitiyo tohi na lajo nan.
|
||
\v 47 Ahitotorohi ca koditi lo tungani na lolotu diho nan, oning tenyi tenyi kunei ofihahi tic.
|
||
\v 48 Ori inyi iya tungani na loduho kaji, oto obok iluko lo fiha fotiri lo guri nenge iyo tabak. Kalitihu kare itang kifi na kaji ati ida itinienieng na kaji tonyio oduho otoc.
|
||
\v 49 Ati na loning tenyi tenyi kulitole ida hati ofik iyo tic ori iya tungani na loduhohi kaji kof oru fotiri loguri. Kalitihu kare itang na kaji ouroro uroro na irohoi.
|
||
\c 7
|
||
\cl Kingutit 7
|
||
\p
|
||
\v 1 Langun lokerihi Yesu tenya kuno tenyi tenyi fad oning cio, orute inyi kapernaum.
|
||
\p
|
||
\v 2 Tija karwaani lo lobo lahitok lo asegere na limaru inyi bebe orumu omwai na lara kaweyani.
|
||
\v 3 Oning ene asegere layomit lo Yesu ko cularu kude lohitwaha kulo Judaya diho inyi kilolonguno inyi ojir olotu itifurie karwaani nenge.
|
||
\v 4 Kolofwonu iceng diho Yesu, ileliati bebe diho inyi, ojimi diho inyi, “ocam lerok rumuno lwaha nino,
|
||
\v 5 tonyio imaru inyi kof niyang manyu kiduhohi ohoi lotubare”.
|
||
\p
|
||
\v 6 Tinya Yesu ko kiliharu ko icieng. Orumu inyi lonyiharu kaji, oculu na asegere morot kunenge kitirico inyi ojo diho inyi, “Lahitok ketigena ken, ida nan acam to isi rutuno kaji nei,
|
||
\v 7 inyi lico nan manyu ake ake jimitan ida nan acam to lotuno diho isi. Ati torihu tenya oto ca karwaani nei ko jiran.
|
||
\v 8 Tonyio nan token angon nan ko kuna lohilanyu nan, angon manyu ko asegeri kuna lalanyu nan. Arihohi nan ene ilo “olo orihohi nu ou” olotu. Ajo diho karwaani nei itiyo ene itii.
|
||
\p
|
||
\v 9 Koloning Yesu ene tenya, ipany bebe tona asegere. Gaolo diho ilulung kuna lijifita inyi, oto ojo, “ahirihohi ite ida nan larumu koditi lo kiruk na ibolo iya ene kileng to Isirael”.
|
||
\v 10 kuna cio lo culuni ko itoro kaji orumahi nu karwaani lo na lahitok lofurie.
|
||
\p
|
||
\v 11 Deu to kifwongi, olo Yesu lobo kang lobara Nain manyu jayona kunenge ko ilulung nahitok ilihe ko inyi.
|
||
\v 12 Kolonyiharu lokoli lo na kang, (lobo tungani kaweyani orumu lo tingoroti iya oleng) iric ko cio otingita lobo kaweyani iyaroti oleng. Ara kaweyani kito lobito hilong lo lobo lafuserito. Manyu ilulung lo cio tona kang orumu ilihitati ko inyi.
|
||
\v 13 Kolodeu Yesu inyi, olo tau nenge giho inyi, oto ojo, “kecira”.
|
||
\v 14 kololo otir kitingit ka tingitak ko woita. Oto ojo, “kito lokilahaji, ajo nan diho isi towoju!”
|
||
\v 15 Kaweyani ko wojuno icak tenya. Manyu Yesu ko kinyiahahino inyi diho ngotenge.
|
||
\p
|
||
\v 16 Ifuti icieng fad ko kipany manyu omaji Lobanga ojo, “loboto kamocani lahitok kiji niyang, lolotu Lobanga lwaha cio kunenge”.
|
||
\v 17 Ene layomit lo Yesu ko kisarahino Judaia ko kofikofi fad.
|
||
\p
|
||
\v 18 Orihohi kalihitak kulo inyi kuno tenyi tenyi fad. Ilolongu inyi icieng are,
|
||
\v 19 ocule icieng diho Yesu kitifia ojo itifiata itijo, “isi re lafa lojimi olotuno kode ojir ohoi kidodomo lobo ake?”
|
||
\p
|
||
\v 20 Kologoru kuna cio diho Yesu, oto ojimi diho inyi, “kiculu Jon kabatisani ohoi diho isi kitifia jimitan, Isi re lafa lojimi ilotuno kode ojir ohoi kikodomo lobo tungani ake?”
|
||
\p
|
||
\v 21 Tona tik token, itifurie Yesu cio becek kuna lomwaiha mwaita gele gele ko kuna longon ko okorifi kuna irohori ko ngaja konyeha kulo kangodok becek.
|
||
\v 22 Inyahahi inyi kuna ifahi kulo Jon ojo, “Itoite ifwo itorihohi Jon tohi na lideu ite ining manyu, lokwenyi kangodok, lolot kangurak, lonyuji kulo talulu, loningo katuhok, litiwaruni kaweyak manyu layomit na ijir ititimati iyo kakidahak.
|
||
\v 23 Ongon ko gum tungani na lida ouroro to tenya lo ken nei”.
|
||
\p
|
||
\v 24 langun lofwo ifahi kulo Jon, icak Yesu tenya diho ilulung tenya lo ken lo Jon. “Nyio afa ifwo ite deya to kuny? Gerecati na lokuta iyoma?
|
||
\v 25 Kalida ara ji ifwo afa ite deya nyio? Tungani na licefita kyelani kuna idwaruha? Oru cio kuna licefita kyelani kulo wel manyu ongoniti ara naijir itongoti Jerusalem.
|
||
\v 26 Ati nyio afa ifwo ite deya? Kamocani? Ibo ahirihohi ite, manyu na lilany kamocani.
|
||
\v 27 inyi ene lafa ligerohini ojo, Acule ca nan ifak nei ketemoni Nino, Na ca likukum kikoi nino Ketemoni nino,
|
||
\v 28 ahirihohi ite, tokiji lo kuna lotomonu ngorwo, oru lobo lobolo ilany Jon, oto hati, na lisidi to Okabue lo Lobanga obolo ilany inyi."
|
||
\v 29 (cio fad kileng katisofok kulo mucoro koloningi tenya lo Yesu iniangiti jimitan obehi kikoi lo Lobanga tonyio libatis Jon icieng.
|
||
\v 30 Ati Parisihin ko katiyenak kulo cik oberuni kikukuma lo Lobanga to icieng tonyio ida icieng iruk kibatisa lo Jon.)
|
||
\v 31 Ngatiririhi ba nan cio kulo ene kofiangiti ko nyio? Ori icieng iya nyio?
|
||
\v 32 oriti iya tee kuna litongo faji lo cuk ilolongo kunu kuno ojo, Kikut ohoi omilere diho ite, Ida ite ikya; Kiwol diho ite wole lo tai Ida ite icira.`
|
||
\v 33 Tonyio olotu Jon Kabatisani ida odaha mugati manyu ida omata vino, ijo ite ongon inyi ko lodonyok.
|
||
\v 34 Olotu kito lo tungani, odaha manyu omata, ito de ene kangatani ko karumani morte lo katisofok kulo mucoro ko kapalak.
|
||
\v 35 Ati itotoruno manyu oboto genyun ara na ibir iyo tee kunenge.
|
||
\p
|
||
\v 36 Ilolonge lobo Parisini loro daha kalenge inyi ko loro kolo na Parisini itongohinoti daha.
|
||
\v 37 Koloning lobo ngorwani lorohoi warun nenge tona faji ojo ongon Yesu kolo na Parisini, iyauno inyi kutuba lo ngoroni na iur.
|
||
\v 38 Ojo inyi owoita to korwong nenge icira icak inyi kiticora kejuha kunenge to kifi kulo konyeha kunenge ofie to fofi kulo kue imaruk kejuha kunenge otwe to na ngoroni iur.
|
||
\v 39 Kolodeu na Parisini lilolongu inyi jio, oto ibak to tau nenge ojo, “ngara elerok kamocani ngoyen jimitan ngai lohitiro inyi ko ani koditi lo ngorwani ara inyi, jimitan ara inyi kapalani.”
|
||
\p
|
||
\v 40 inyiahahi Yesu inyi ojo, “Saimon angon nan ko lobo tohi lawak nan rihohino isi.” Ojo inyi, “kirihohi nan katiyenan!”
|
||
\p
|
||
\v 41 Ojo Yesu, “ongon afa kude cio are ko den lo robia kulo lobo kabarani, iden lobito robia mia miet, lobito keek miet.
|
||
\v 42 Olanyu duma lo mongiyo icieng fad. Lerok ko kibalihino mongiyohin kunecieng fad. Ani to kiji lo kuna cio ca limaru nu Lahitok ilany?
|
||
\p
|
||
\v 43 inyahahi Saimon ojo, “Ojir ara na lobolo mongiyo nenge.” Ojo Yesu, “ingot isi obehi.”
|
||
\v 44 Oto ko kibelo diho na ngorwani ko jimitan diho Saimon, “ideu isi ene ngoruani? Alotu nan kalilo, ida isi kico nan kifi kulo kejuha ati iticor inyi kejuha kunei to kifi kulo konyeha kunenge manyu ofie to fofi kunenge.
|
||
\v 45 Ida isi kimaruk nan ati ene ngoruani many to lotuno ida liticung kimaruha kejuha kunei.
|
||
\v 46 ida isi itwe kue nei to ngoroni ati ene ngoruani ijuhohi ngoroni kejuha kunei.
|
||
\v 47 inyi na ahirihohi na isi kuna palipali kunenge iborengi lolauni imaru inyi noo ojo inyi na lolauni kude kuting isidi kimaruno nenge."
|
||
\v 48 Oto Yesu ojo diho na ngorwani, “Lolauni kipalipali kunino.”
|
||
\p
|
||
\v 49 icak kulakude welo tenya kiji necieng akeake, “Ngai ene lola ko kipalipali?”
|
||
\p
|
||
\v 50 Ojo Yesu diho na ngorwani, “Lohilwahu kiruk nino isi ilo to kisiliban.”
|
||
\c 8
|
||
\cl Kingutit 8
|
||
\p
|
||
\v 1 To kifwongi ilor Yesu kangite fad ititima layomit na ijir lo okabwe lo Lobanga, ongon orumu inyi ara lobito ko kuna jayona kunenge tomon ko are,
|
||
\v 2 ko ngorwo kude kuna lifuk inyi lodonyok to kenite kuneicieng ko mwaita; Meri (na lojimi Magdalena) na lifuhari lodonyok mietare to ken nenge,
|
||
\v 3 Joana ngorwani lo Kuza, kalanyunoni lo kaji lo Erod; Susana ko kaletok becek. Kuno ngorwo orumu olwahati icieng to sangite kulo kajihit kuneicieng.
|
||
\p
|
||
\v 4 Kolotubuno ilulung nahitok ko cio ofwonuno diho Yesu to kangite ko kangite orihohi inyi icieng ene kitisirani;
|
||
\v 5 “Olo karemoni yaa kinyemo mana nenge. Kolo yaa inyi kinyemo, odohi kude kikoi onyoni manyu inume kweny.
|
||
\v 6 Odohi kude morutore ojo obuju, ocure kolong tonyio oru kof.
|
||
\v 7 Odohi kinyemo kude kikware ofwonu kikwa ifuhe icieng ida ongi.
|
||
\v 8 Kuna kude kinyemo odohi iyo kof na ijir, obuju oboroho ongiju kakeny miya lo kulafa loihini”. Kolokeru inyi tenya, ko jimitan, “Na longon ko kiyoha ingohi toning”.
|
||
\p
|
||
\v 9 Itifi jayina kunenge inyi fotiri lone kitisirani.
|
||
\v 10 Ojo inyi, “genyun lo imonit lo okabwe lo kai icori diho ite, ojo diho kunakude cio, atenya nan to kitisirani ojir.
|
||
\v 11 Fotiri lo ene kitisirani ene. Kinyemoti inyi tenya lo Lobanga,
|
||
\v 12 kuna lo dohi kikoi icieng kuno loning ati olotu sitan odume tenya to taulo kuneicieng. Ojir ida iruhiti ojir olwaharu.
|
||
\v 13 Kuna to morutore icieng kuna lifotu tenya to kwama koloningiti ati oru kereda kuneicieng. Iruk icieng to kude faritin kuting ati kolo goru faritin kulo tema ouroroti.
|
||
\v 14 Kinyemo kuna lodohi kikware ori iya kuna loning ati kolofwo icieng ifuhe kibuha lone warun, bara ko sangite becek ida dong icieng ongi.
|
||
\v 15 Ati kinyemo kulo kof na ijir owoita to cio kuna ijiri taulo kuna loning tenya oricahi ko to ricahino ongiju ngamang.
|
||
\p
|
||
\v 16 Oru tungani li nwahahi lomo ilutohi moti kode ofik fotiri lo lagere. Ofik inyi lotedore nenge ojir cio kuna lorutu kaji odeya wangun.
|
||
\v 17 Tonyio oru lobo tohi liduha na mute lida itibotuni kode imuho ida mute ongajuni kode oyeniti.
|
||
\v 18 Tona toric otoc koditi na liningore isi. Na lotehita, osodohini ojo na lo rujore kokileng lobo tohi libuha inyi ojo atehita orujori mute diho inyi”.
|
||
\p
|
||
\v 19 Oto ngoto Yesu ko recera kunenge ofwonu deya inyi, ati ida icieng itweru nyiharu diho inyi to ilulung.
|
||
\v 20 Orihohi lobo tungani inyi ojo, oho iyang nino ko recera kunino kuna lowoitati sita kiwahiti deya isi.
|
||
\v 21 Inyiahahi inyi ojo, “Iyang nei ko recera kunei cio kuna loning tenya lo Lobanga ofihahini tic”.
|
||
\p
|
||
\v 22 Lobo far, ojo Yesu diho jayona kunenge, “ngatirange iya nu tode lo nam”. Oto icieng ko kirwoho tigol icahi lotita.
|
||
\v 23 Kolifeita tigol ogetoro inyi. kiyoma na hitok ko kiposa nam ifuta tigol to kifi owak diloro katwa lo nam, lodeya icieng wei tang.
|
||
\v 24 Ofwo jayona itikwenyu inyi ojo, “Lahitok, Lahitok, kidiloro nam ohoi”. Owoju inyi ko kiryenga kiyoma ko kifi kuna litiwoju kiyoma, kiyoma ko woita, nam ko riejun tii.
|
||
\v 25 Itifi inyi jayona kunenge ojo, “Aji ongon kiruk ningi?” oro “Tani kiruk ningi?” [use one of these question]. To bangun ko kipany itifiaru icieng ake ake ojo, “ngai ene?” Lirienga kiyoma ko nam fad oningo inyi.
|
||
\p
|
||
\v 26 Ikwangaru icieng iya ngati lo Gerasens, na longon tode lo nam lo ngati lo Galilea.
|
||
\v 27 kolorang Yesu tode, olotu lobo tungani lo daha lodonyok itiric inyi. to karihin becek ida ene tungani licef kyela kode litong kaji ati itongo inyi faji lo kwecerehin.
|
||
\v 28 Kolodeu inyi Yesu, ilulu inyi ko urohino kejuha kunenge, igore to ogoro na ikwat ojo, “nyio iwak isi diho nan Yesu kito lo Lobanga na longon kai noo? Alelia nan diho isi kehitigem nan!”
|
||
\v 29 tonyio orumu Yesu ocik lodonyok lo rutuno to ken lo na tungani. Kakeny becek lolanyu inyi cio kokileng ngotori to nyororo kac ko kejuha manyu iririati, lodung inyi nyororo manyu olorita fajihit kuna ilomaha ko cio.
|
||
\p
|
||
\v 30 Itifi Yesu inyi ojo, “karana nino ngai?” Inyiahahi inyi ojo, “Lijon” tonyio lofwo lodonyok becek ken nenge.
|
||
\v 31 Ilelia lodonyok diho Yesu kakeny ojo kefuhe icieng katwa lo abis tula.
|
||
\v 32 Iborohi olohoi orumu odahati gum lo donge. Ilifa lodonyok Yesu ojo ojir kilahi hati icieng kifwo katwa lo iborohi, inyi ko lahahino icieng.
|
||
\v 33 Kolorutu lodonyok to ken lo na tungani, ko rutohinoti iyo iborohi, oto iborohi kuna fad ko coraru to lofias katwa lo nam okeroroti.
|
||
\v 34 Kolodeu katibalak kulo iborohi tohi na litiihino, ko kifejaroti iya kang ko kangite kuna longon na kof,
|
||
\v 35 oto cio ko fworo deya tohi na litiihino, kolofwonu icieng diho Yesu, ofwonu orumuni la tungani lorutu lodonyok to ken itongo kejuha kulo Yesu iciefita kyela manyu owat kwee oto icieng ko bangun.
|
||
\v 36 Orihohi kadunok cio koditi na lojirarore na tungani ko lodonyok.
|
||
\v 37 Tinya cio kulo kof lo Geresens fad ko rihohinoti Yesu ojo ojir olo ongerihi kof neicieng tonyio obolo bangun na linief icieng. Inyi ko kirwoho tigol ko lotita.
|
||
\p
|
||
\v 38 Lerok lorutu lodonyok to ken, ilelia diho Yesu ojo ojir kilik ko inyi ati inyiahe Yesu inyi ojo,
|
||
\v 39 “Toite kang ilo irihohi kalingi tohi na litii Lobanga to isi”. Tinya na tungani koloro rihohino cio to kang fad tohi na litii Yesu to inyi.
|
||
\p
|
||
\v 40 Tinya koloitu Yesu, itiric ilulung inyi tonyio orumu icieng fad itilati inyi.
|
||
\v 41 Oto lobo tungani lobara Yairo, kalanyunoni lo lotubare ko lotuno urohino kejuha kulo Yesu, ilelia diho inyi ojo ojir olotu kaji nenge
|
||
\v 42 tonyio kito nenge lobito keken karioni na lara karihin kunenge tomon ko are ongon weyaru. Kololoro Yesu omana ilulung kidonyoro inyi.
|
||
\p
|
||
\v 43 Manyu ongon ngorwani ija na lomwai iyafyaf karihin tomon ko are ati oru tungani na ngotum kitifurioro inyi.
|
||
\v 44 Oliebuno inyi to kifongi lo Yesu ko tiro kutuk lo kyela nenge, deu deu okoto to ken nenge ko woita.
|
||
\v 45 Itifi Yesu ilulung ojo, “Ngai lohitir nan?” Kolopek cio fad ojo Petero, “Lahitok ifuda cio manyu iriesati ken nino”.
|
||
\p
|
||
\v 46 Ati ojo Yesu, “lohitir lobo tungani nan; ayen nan jimitan lolo golun to ken nei.”
|
||
\v 47 Tona kolode dong na ngorwani jimitan ida inyi atweru rijoro, olotu ihihiruno ko urohino kejuha kulo Yesu. To ketemoni lo cio fad, ko rihohino Yesu tohi na latirore inyi inyi manyu ofuriorore inyi deu deu.
|
||
\v 48 Oto ko jimitan diho inyi, “Kito, lohitifurie kiruk nino isi, ilo to kisiliban”.
|
||
\p
|
||
\v 49 Orihe Yesu otenya, olotu lobo tungani to kolo Yairo, kalanyunoni lo lotubare, ko rihohino inyi ojo, “lowei kito nino, kerihe iyeyela katiyenani”.
|
||
\p
|
||
\v 50 Koloning Yesu ji oto ojo diho Yairo, “kebang, iruho ja isi keken oto ca inyi ko furioro”.
|
||
\v 51 Kolo goru inyi kolo Yairo, ida inyi iruk lobo tungani kiliharu ko inyi ake ko Petero, ko Jems ko Jon ko monye ko ngoto kito.
|
||
\v 52 Oto hati cio fad orumu icirati inyi. ojo Yesu diho icieng, “iticungoti kicira. Ida inyi owei ati ogetoro”.
|
||
\v 53 Okwenitare icieng inyi to yenun jimitan lowei kito.
|
||
\v 54 Ati inief inyi kito tokana ko jimitan, “kito nei towoju kai!”
|
||
\v 55 Oyitu okorif nenge ko wojuno deu deu. Yesu ko rihohino icieng ojo ojir icori tohi lo daha.
|
||
\v 56 Ipany katomonok kunenge noo ati ocik inyi icieng ojo ojir ida orihohini lobo tungani tohi na litiihino.
|
||
\c 9
|
||
\cl Kingutit 9
|
||
\p
|
||
\v 1 Kalilolongu Yesu jayona kunenge tomon ko are, oto icio icieng twero ko golun lo kifuhita lodonyok fad ko lo kitifurioro mwaita,
|
||
\v 2 manyu itifahe icieng to fworo kitifurioro mwaita ko kititima okabwe lo Lobanga.
|
||
\v 3 Orihohi icieng ojo, “keyaru lobo yohi ene owele, oru iluk, oru ogogor, oru mugati, oru robia, oru kirwata lo kyelani.
|
||
\v 4 Kaji na lirute ite itongoti inya manyu ingerihi na kang.
|
||
\v 5 Kalida cio kifotu ite idafuhoto fur to kejuha kuningi kalingerihino ite kang neicieng ara saden diho icieng”.
|
||
\v 6 Oto icieng ofwo kangite to kangite ititimati tenya lo Lobanga ko kitifurio cio fajihit fad.
|
||
\p
|
||
\v 7 Oto Erod oning kuna sangite litiihino fad. Oto itingaihi inyi tonyio orumu kude ojo lowaru Jon kabatisani,
|
||
\v 8 ojo kude Elia loitu orihe kude ojo lobito iyo kamocak kulafa berien lowaru.
|
||
\v 9 Ati ojo Erod, angute afa nan kwe lo Jon, ngai hati ene laningo nan itiyo kuno sangite? Oto inyi otahita deya Yesu.
|
||
\p
|
||
\v 10 Koloitu iayona, orihohi icieng Yesu sangite fad kuna litii icieng. Inyi ko dumuno icieng ilihe ko inyi, ingadari lobo kang lojimi Betsaida.
|
||
\v 11 Ati oning ilulung loro nenge ijia ko kijifaroti inyi. ifotu inyi icieng manyu ititim diho icieng tenya lo okabwe lo Lobanga manyi itifurie kuna lotahita kitifurioro.
|
||
\v 12 Langun lobolo kurou, ofwonu kuna tomon ko are ojo diho inyi, “tolahahi cio ofwo ojir ofwori kangite kuna longoni ene ofwori inyangi sangite kulo daha ko logetorihin tonyio kingoni faji na ipolo.
|
||
\p
|
||
\v 13 Inyiahahi inyi icieng ojo, “icwarata icieng tohi lo daha”. Inyiahahi icieng ojo, “kingoni ene ko mugatihin miet ko kayam are- na lowak ojo ngohifwo kinyianga daha to kuno cio ilulung”.
|
||
\p
|
||
\v 14 (otum cio rei alif miet kuna lo ongoni) ati ojo inyi diho jayona kunenge, “ititongohiti icieng kof to keek miet tabani fad”.
|
||
\v 15 itii jayona jii itongohino cio fad kof.
|
||
\v 16 Dumuno kuna mugatihin miet ko kayam are, ode iya kai, icio kwama ko ki bebenya icieng ko ki cwara jayona kunenge ico cio,
|
||
\v 17 onyia icieng fad imoneho oto jayona itutufu otonge aduhuhin tomon ko are.
|
||
\p
|
||
\v 18 Tolobo afa kalilifa Yesu to tik ongon ko jayona kunenge itifi inyi icieng ojo, “ojo re ilulung ojo nan ngai?”
|
||
\p
|
||
\v 19 Inyiahahi icieng ojo, “ojo kude Jon kabatisani kude ojo Elia orihe manyu kude ojo lobito to kiji lo kamocak kulafa berien lowaru”.
|
||
\p
|
||
\v 20 Itifi inyi icieng ojo, “adi ite? Ijo ite nan ngai?” inyiahahi Petero ojo, “kristo lo Lobanga”.
|
||
\p
|
||
\v 21 Ocik Yesu icieng rik rik ojo ojir ida orihohini ene tenya iyo lobo tungani.
|
||
\v 22 Manyu ojo, “orumu ca kito lo tungani kidak nahitok manyu oberu lohitwaha, kadwarak kuna hitoha ko katiyenak kulo cik inyi manyu ifadari ca inyi ati to far lo uni owaru”.
|
||
\v 23 Oto ko jimitan diho icieng fad, “kolohijifu lobo tungani nan, ojir oberu ken nenge manyu oting kuruce nenge faritin fad kijif nan,
|
||
\v 24 tonyio na loric warun nenge itiri ati na litiri warun nenge to nan oric ca.
|
||
\v 25 Nyio jiran ngorumu tungani kolodumu ene kof fad ara nenge oto hati itiri kode ijuhe warun nenge?
|
||
\v 26 Kolodaha riri tungani to nan kode to tenya nitole onyia manyu mute iriri kito lo tungani kololotu to deyo nenge ko deyo lo apa nenge ko lo malaikahin kuna inyuji.
|
||
\v 27 Ahirihohi ite tenya lo dede, kude kuna lowoita ene ida ca imang wei orihe ida lodeuni okabwe lo Lobanga.
|
||
\p
|
||
\v 28 Koloring faritin mietauni langun loteny Yesu kuna tenyi tenyi, iyaru inyi Petero, Jems, ko Jon ko inyi ko loro donge kilifa.
|
||
\v 29 Kalilifa inyi, ibeloro komom nenge, ko kyelani kunenge ko kwerun iya hila.
|
||
\v 30 Cio are Moses ko Elia,
|
||
\v 31 ko boto iyo deyo lo nyujon otenyati ko Yesu. Otenyati to lotita nenge na lo lelek itiihino to Jerusalem.
|
||
\v 32 Petero ko kaletok kunenge orumu ilurati ati langun lokwenyuni, odeu icieng deyo nenge ko kuna cio are owoitati ko inyi.
|
||
\v 33 Ojo lofworo kuna cio longerihinoti Yesu, ojo Petero diho inyi Lahitok ojir diho ohoi ki tongo ene. Ngatiduhohiti tuguno uni ene lobito nino, lobito lo Moses ko lobito lo Elia (ida manyu kileng inyi oyen tohi na lotenya inyi).
|
||
\v 34 Kolorihe inyi otenya, idis ko lotuno imuhe icieng oto icieng obangi kolongon icieng idis hatwa.
|
||
\v 35 Ojo ogoro to katwa lo idis, “kito nitole ene na lanyumu nan. Itining inyi”.
|
||
\v 36 kolokeru ene ogoro tenya orumuni Yesu lotong ake. Oricahi kuna jayona na tenya taulo kuneiceng ida orihohini lobo tungani to kuna faritin tohi na lodeu icieng.
|
||
\p
|
||
\v 37 Kiwanyi nenge kaliculunoti to donge, itiric ilulung na hitok inyi.
|
||
\v 38 Ilolongo lobo tungani to kiji lo ilulung “ katiyenani alelia nan diho isi tolwak kito nei ara lobito hilong,
|
||
\v 39 iniefunita okorif inyi oruny kiluluo iti goliorita inyi many ifurita lohapoyok to kutuk. Ida owak ngerihino inyi manyu ifadaru inyi aleliahi nan jayona kunino ojir ifuhe na okorif ati ida icieng itweru”.
|
||
\v 40 Inyiahahi Yesu inyi ojo."
|
||
\p
|
||
\v 41 “Ofiangiti na lipalaru ko na loru kiruk, many anu ca nan kitongo ko ite manyu ahidik ite? Iyauno kito nino ene”.
|
||
\v 42 Kileng orihe kito na ongon lotuno, ibirohi lodonyok inyi kof ko kitigolioro. Ati irieng Yesu lodonyok itifurie kito ko kicwara inyi diho monye.
|
||
\v 43 Ati ipany icieng fad bolojun lo Lobanga. Kolorihe cio ipany kuna litiyo Yesu, ojo inyi diho jayona kunenge,
|
||
\v 44 “itoning otoc tohi na laloro nan rihohino ite; ofworoti ki tobohino kito lo tungani kac kulo cio”.
|
||
\v 45 Ati ida icieng iniang fotiri lo ne tenya, iduharu diho icieng, ida icieng oyenare manyu obang icieng kitifia inyi.
|
||
\p
|
||
\v 46 Iciak peha kiji lo jayonak kulo Yesu lo jimitan ani to kiji neicieng lobolo ilany.
|
||
\v 47 Oyen Yesu kigigilo neicieng berien ko dumuno kito nasidi itiwoitahi to mari nenge
|
||
\v 48 ko jimitan hati diho icieng, “tungani na lifotu ene kito sidi to karana nei, kifotu nan manyu tungani na lohifotu nan, ifotu inyi na lohiculu nan. Tonyio inyi na sidi noo tokiji ningi inyi na lobolo ogal”.
|
||
\p
|
||
\v 49 Ojo Jon, “lahitok kideu ohoi lobo tungani ifuhita lodonyok to karana nino, kitem ohoi kitiho inyi tonyio ida inyi ara lobito to kiji niyang.
|
||
\v 50 Ojo Yesu, “ketik inyi tonyio na lida kitiremo ite ara ningi”.
|
||
\p
|
||
\v 51 Kolonyihu faritin diho inyi kulo loro kai, icak Yesu lotita iya Jerusalem.
|
||
\v 52 Inyi ko cularu ifak kunenge ketemoni lobo kang lo Samaria ojo ojir ikukumahini sangite to inyi.
|
||
\v 53 Ati oberu cio kulo na kang kifotuno inyi tonyio oloro inyi iya Jerusalem.
|
||
\v 54 Kolodeu jayona Jems ko Jon ji itifi inyi ojo, “Lahitok iwak isi ohoi kilolongu kima to kai ojir okeru icieng?”
|
||
\v 55 Ati ibelo Yesu irieng icieng,
|
||
\v 56 kofworoti lobo kang ake.
|
||
\p
|
||
\v 57 Kololot icieng to kikoi, ojo lobo tungani diho inyi, “ahijif ca nan isi fajihit fad kuna liloro isi”.
|
||
\p
|
||
\v 58 Inyiahahi Yesu ojo, “ongon lobeyohi ko ococi manyu ongo kweny kulo kai ko kajihit ati oru kito lo tungani ko faji na ngitigetihi kwe”.
|
||
\v 59 Ojo inyi diho lobo tungani, “kijif nan”. Ati inyahahi na tungani inyi ojo, “Lahitok ingohire alo amuk apa nei”.
|
||
\p
|
||
\v 60 Ojo Yesu diho inyi, “Ingohi kaweyak to nuk kaweyak kuneicieng ake ati ilo isi kititima tenya lo okabwe lo Lobanga”.
|
||
\p
|
||
\v 61 Ari ojo manyu lobo, “Ahijif ca nan isi lahitok ati ingohi re alo acik cio kunitole”.
|
||
\p
|
||
\v 62 Inyahahi Yesu ojo, “oru lobo tungani lofik kana iyo kebu orihe ongolo kifongi locam kitiyo diho okabwe lo Lobanga”.
|
||
\c 10
|
||
\cl Kingutit 10
|
||
\p
|
||
\v 1 To kifwongi, onyumu Lahitok cio keek mietare ko ara ko kitifaha icieng tare tare ketemoni nenge iyo kangite kuna lowak inyi loro,
|
||
\v 2 orihohi icieng ojo, “Obolo mana oto ikuting kadengok. Ilifata lahitok lo mana ojir oculahi kadengok mana nenge.
|
||
\v 3 Ifwo ahiculahi nan ite iya tee kulo kera kiji lo lowohoho.
|
||
\v 4 Keyaru ogogr kode robia kode kamuha manyu ke fony lobotungani to kikoi.
|
||
\v 5 Kalirute lobo kaji itemo re itijo kisiliban tongon ene kaji,
|
||
\v 6 kolongon tungani lo kisiliban ija imuk ca kisiliban inyi koloru ibelo ca diho ite.
|
||
\v 7 Itongoti na kaji idaha komata tohi na lohicori ite tonyio ocam katiyoni lo bahacic kelorita to kajihit.
|
||
\v 8 Kalirute ite kang ki fotuni ite, itonya tohi na lofihi ketemoni
|
||
\v 9 ningi itifuriete kamwayak kuna longon ija, manyu iti rihohi icieng iti jo, “lonyiha okabwe lo Lobanga diho ite”.
|
||
\v 10 Ati kalirute ite kang ida kifotuni ite, ifwo kikohin kuneicieng itijo,
|
||
\v 11 kileng fur lo kang ningi na lo furihi kejuha kuniyang kifyehi ohoi diho ite ati itoyen ene, “Lonyihu okabwe lo Lobanga”
|
||
\v 12 Ahirihohi ite omayak mute kidak lo sodom ilany lona kang.
|
||
\v 13 Kidak iyo isi Korazin! Kdak iyo isi Betsaida! Tonyio ngara iti kuna tanguhin litii katwa nino Taya ko Sidon ji icieng lirwo many afa, iciefi kyelani kulo tai manyu itongoti lokuroni.
|
||
\v 14 Omayak mute kidak lo Taya ko Sidon far lo ngoto lo tenya ilany kidak nino.
|
||
\v 15 Ko isi kapernaum kitingi ca isi many kai? Oru ilo ca isi tula na iluko.
|
||
\v 16 Na kohining ite kining nan. Na lohiberu ite kiberu nan ati na lohiberu nan oberu inyi na lohiculahi nan”.
|
||
\p
|
||
\v 17 Oyitu kuna keek mietare ko are to kwama manyu ojimi, “Lahitok kileng lodonyohi kiningo ohoi to karana nino”.
|
||
\p
|
||
\v 18 Inyiahahi inyi ojo, “Adeu nan sitan ouruno iya hila to kai.
|
||
\v 19 Lahicio nan ite twero lo nyona munuok ko lokidokorohin ko lanyuno golun fad lo meroni oru ca lobotohi lohinya ite.
|
||
\v 20 Otohati kekwama ijo kiningo okorifi ite ati ito kwamati tonyio ligero karaneco kuningi idi kai.”
|
||
\p
|
||
\v 21 To na tik na lifutare Yesu ko kwama to okorif na inyu ko jimitan, “Ahimaja nan isi apa Lahitok lo kai ko kof tonyio liduhe isi kuno sangite diho kagenyak ko kakenak manyu itotoru icieng diho tee kuna sidiha. Ibo apa tonyio ara ene kwama nino.
|
||
\v 22 Sangite fad lohicorihi apa nei nan. Oru lobo tungani loyen kito, monye ake. Manyu oru lobo tungani loyen Apa ati kito ake ko kuna lowak kito itotorohino inyi”.
|
||
\v 23 Tinya ko kibelo diho jayona kunenge ko rihohino icieng lo lit ojo, “Ongon ko gum konyeha kuna lodeya tohi na lideya ite,
|
||
\v 24 tonyio ahirihohi ite ajo kamocak kuna iborengi ko kabuno owahiti orumu deya sangite kuna lideya ite ati ida odeuni”.
|
||
\p
|
||
\v 25 To lobo far lobo kayenani lo cik ko wojuno tema Yesu. Ojo diho inyi, “katiyenani, nyio ngatii nan arumunore warun na isio”?
|
||
\p
|
||
\v 26 Inyiahahi Yesu inyi ojo, “nyio ligero iyo cik? Iken isi aja?”
|
||
\p
|
||
\v 27 Inyiahahi inyi ojo, “imaru lahitok lobanga nino to tau nino fad, to warun nino fad, to golun nino fad manyu to kibuha nino fad manyu imaru loriehat nino iya ken nino.
|
||
\p
|
||
\v 28 Ifotu Yesu ojo, “Inyahu isi ara na ibir. Itiyo ji ito ca iwar”.
|
||
\v 29 Ati owak inyi kitibira ken nenge, oto itifi Yesu ojo, “ngai loriehat nei?”
|
||
\p
|
||
\v 30 Lo kinyahahino ojo Yesu, “oloro afa lobo tungani to Jerusalem iya Jeriko, ourohino inyi kac kulo kabelak. Oto ko pucaroti kyelani kunenge olumi ko ngerihinoti lomana weyaru.
|
||
\v 31 Oloro manyu lobo kadwarani ara na kikoi bito ojo olotu orumahi na tungani ko geraru ara kalele.
|
||
\v 32 Levini manyu ji ojo ogoru na faji ko geraru ara kalele ongerihi na tungani.
|
||
\v 33 Ati Samariani kololotu orumu na tungani inief kisa inyi.
|
||
\v 34 Olo diho inyi obubur korongan kunenge kolokeru kijuhohino ngoroni ko vino, kotingohino na tungani kai lo sigiria nenge. Iyaru inyi lohitimwayare olwak inyi.
|
||
\v 35 Kiwanyi nenge ko dumuno robia are ko kicwara monye lo na faji ko ciha ojo “itimwaya inyi manyu kalaitu nan ahidumahi ca isi kologal kude robia”.
|
||
\v 36 Ani diho kuna cio itam isi ijo ara loriehat lona tungani lolum kabelak?”
|
||
\p
|
||
\v 37 Inyiahahi kayenani lo cik ojo, “na linief kisa diho inyi”. inyiahahi Yesu ojo, “ilo itiyo iya na”.
|
||
\p
|
||
\v 38 Kololot Yesu ko jayona kunenge ofwonuni lobo kang na lorumu inyi lobo ngorwani lobara Marta ifotu icieng kalenge.
|
||
\v 39 Ongon inyi ko kanece lobo lobara Meri na litongo kejuha kulo lahitok oningo tohi na lotenya inyi.
|
||
\v 40 Ati Marta dong obolojohi tic lo kikukuma sangite. Inyi ko lotuno diho Yesu ojo, “Lahitok ida isi ideu jimitan lohilahi kanece nei nan tic fad ake? Torihohi inyi olotu kilwak nan! “
|
||
\p
|
||
\v 41 Inyiahahi Lahitok inyi ojo, “Marta iudo isi manyu ilongojita to sangite becek,
|
||
\v 42 ati lobito tohi keken owahiti. Lonyumu Meri tohi na lojir ilany manyu ida mute odumari diho inyi.
|
||
\c 11
|
||
\cl Kingutit 11
|
||
\p
|
||
\v 1 Lobo far ilifa Yesu tolobo faji. Langun lokeru inyi ojo jayona nenge lobito diho inyi, “Lahitok kitiyen ohoi kilifa iya na litiyenare Jon jayona kunenge”.
|
||
\p
|
||
\v 2 Ojo inyi diho icieng, “kalilifa itijo; Apa Karana nino obangiti Okabwe nino olotu.
|
||
\q
|
||
\v 3 Kicio ohoi to faritin daha niyang lo tik tik.
|
||
\q
|
||
\v 4 kilau ohoi kipali pali kuniyang Tonyio kilau manyu ohoi kuna lipal diho ohoi Manyu kehirihoro ohoi diho lab.'"
|
||
\p
|
||
\v 5 Oto ojo diho icieng, “Adi ba gongon lobo to kiji ningi ko morte, oto hati olo diho inyi tuk lo karwe ojo, mortele kikurohi nan mugatihin uni,
|
||
\v 6 tonyio lobo morte nei lolotu diho nan oru tohi na ngaco nan diho inyi.
|
||
\v 7 Oto nu longon kaji ifotu ojo, “kehiticana nan. Ligiena agwala li punga manyu tee kunei lohingon ko nan logetore ida nan atweru wojuno ahicio isi lobo tohi.
|
||
\v 8 Ahirihohi kileng ngida owoju icio inyi lobo tohi tarahun morte nenge ati to kingere lo lerok, owoju ca iciorihi inyi sangite fad kuna lowak inyi.
|
||
\v 9 Tona ajo nan diho ite itifia kicori ca, totak irumu ca, itotoho kingajihini ca isi agwala.
|
||
\v 10 Tonyio tungani fad na litifia icori, inyi na lotahita orumahi ko diho inyi na litotoho ongajihini agwala.
|
||
\v 11 Ngai to kiji ningi apaico, kalilifia kito nino kayamiti icorihi munu?
|
||
\v 12 Kode kali tifia katarati icorihi lokidokoro?
|
||
\v 13 Adiha ite kileng lirohori kaliyen kicwara tee kuningi sangite kuna ijiri, many baya ca Apa ningi na longon kai icio okorif na Inyu diho cio kuna litifia inyi?”
|
||
\p
|
||
\v 14 Ifuhita orumu Yesu lobo lodonyohiti lida otenya. Kolo lo na lodonyohiti na lotungani lorumu lida otenya ko tenya oto ilulung ipany.
|
||
\v 15 Ati ojo kude, “to Belzebub lahitok lo lodonyok ifuhita inyi lodonyok”.
|
||
\v 16 Kude otema inyi to kitifia kitotorita to kai.
|
||
\p
|
||
\v 17 Yesu ko yenun kibuha neicieng ko jimitan diho icieng, “lobo kabwe na li kokor ken orem ake ake ouroro, manyu kaji na lokokora ouroro.
|
||
\v 18 Kolokokora sitan ake otum inyi owoita aja? Ajo nan ji tonyio ijo ite afuhita nan lodonyok to Belzebub.
|
||
\v 19 Kalafuhita nan lodonyok to Belzebub ifuhita hati kajifitak kuningi to ngai? Inyi jimitan ara mute icieng kangotok kulo tenya kweci kuningi.
|
||
\v 20 Ati kalafuhita nan lodonyok to kafiele lo Lobanga, inyi jimitan lolotu okabwe lo lobanga diho ite.
|
||
\v 21 Kalikura tungani ka goloni kalenge otehita sangita kiremita kunenge inyi jimitan otuba sangite kunenge.
|
||
\v 22 Ati kololotu lobo lilany golun nenge inyi odume ko kuladi kiremita kunenge ligeno inyi ojo kilwak cia inyi ko sangite dot to kalenge.
|
||
\v 23 Tungani na lida kingon ko nan, kiberu nan manyu na lida kitutuba ko nan, ara katisarani.
|
||
\v 24 Kolorutu okorif na irohoi to ken lo tungani, olo ilor fajihit kuna itowi otak lohiyomare ida orumu. Oto ojo, “aite ca lafa kaji langerihi nan”
|
||
\v 25 kololotu orumu kaji ofiaru onyu ikukumahino.
|
||
\v 26 Oto ko itoro olo iyauno okorifi kuna kude mietare kuna irohori ilany inyi ko rutoroti kitongo ija. Oto warun tona tungani ko rohojun ilany lafa lo ketemoni.”
|
||
\p
|
||
\v 27 Kolo tenya Yesu kuno tenyi tenyi, lobo ngorwani to katwa lo ilulung ko jimitan, “ongon gum diho iyang na lohitomonu isi kitinak manyu”.
|
||
\p
|
||
\v 28 Inyahahi Yesu inyi ojo, “ati ongon ko gum cio kuna loningo tenya lo Lobanga manyu itiyorihin”.
|
||
\p
|
||
\v 29 Kolo sodo ilulung ojo Yesu, “Ene kofiangiti irohoi. Itifia diho nan kitotorita lo tangu, ati oru ca lobo liciori icieng maak kalara kitotorita lo Jona.
|
||
\v 30 Tonyio iya lafa lorahare Jona kitotorita diho cio kulo Nineve ara manyu ca kito lo tungani kitotorit diho ene kofiangiti.
|
||
\v 31 Lafa kabu ngorwani lolotu to ngati lo orof owoita mute lokiho ko ene kofiangiti ongotohi icieng tenya tonyio olotu afa inyi many to lohicungi lo kof ningo genyun lo Solomon, manyu jija ongon na lilany Solomon ene.
|
||
\v 32 Owoju mute cio kulo Nineve owoita ko ene kofiangiti ongotohi icieng tenya to lokiho tonyio irwo afa icieng kolonigi tenya lo Jona. Manyu jija ongon na lilanyu Jona ene.
|
||
\p
|
||
\v 33 Oru tungani linwahahi lomo ofik faji na liduha kode imuk to ilebu. Ati ofik inyi lotedore nenge ojir cio kuna lorutuno kaji odeu wangun.
|
||
\v 34 Ara konyek lomo lo ken nino. Kolojiri konyeha kunino ken nino manyu fad ko wangun. Ati kolorohoi konyeha kunino ken nino manyu fad ko ngonun iyo kimuyuk.
|
||
\v 35 Kocio bo wangun na longon diho isi ara lokimuyuk.
|
||
\v 36 Inyi na, kalifut ken nino fad ko wangun oru lobo faji lomutok, oto ca fad owang iya na nginwahare wangun lo lomo ken nino.
|
||
\p
|
||
\v 37 Langun lokeru Yesu tenya ilolonge lobo Parisini inyi kalenge daha ko inyi, oto inyi ko loro olo itongohino meja.
|
||
\v 38 Ati odeu parisini jimitan ida Yesu ilal kac orihe ida liak daha oto inyi ipany noo.
|
||
\v 39 Tinya ojo lahitok diho inyi, “jija ite Parisihin ilala ite oleng lo kubayahin ko sahani ati katwa ifut ite ko kingaru ko rohojun.
|
||
\v 40 Ite cio kuna idataruha! Ida afa inyi na likukum oleng ikukum ko katwa fad?
|
||
\v 41 Ati icwarata tohi na longon katwa diho kakidahak oto ca sangite fad ko nyujon diho isi.
|
||
\p
|
||
\v 42 Kidak diho ite Parisihin tonyio icorita ite Lobanga lobito lo tomon lo ingete, lotuper ko jationg kuna kude, ati itikaj ngotolo tenya obir ko kimaruno Lobanga. Ji ite itiyo kuna ida ingohi kuna kude.
|
||
\v 43 Kidak diho ite Parisihin tonyio imaru ite lohitongorehin kuna hitoha to lotubarehin manyu kifonyoti to cuhi.
|
||
\v 44 Kidak diho ite tonyio iri ite iya kwecerehin kuna lo ru tohi na litotoro onyona cio manyu orangitati ida kileng oyeniti.”
|
||
\p
|
||
\v 45 Lobito to kiji lo katiyenak kulo cik ko kifotuno tenya nenge ojo, “katiyenani, kalitenya isi ji imoro isi ko ohoi fad”.
|
||
\v 46 Inyiahahi inyi ojo, “manyu ite katiyenak kulo cik kidak diho ite tonyio iticuna ite cio to ter na lida otumiti tingita ito hati ite ida iting kileng kafiele lo kingara icieng.
|
||
\v 47 Kidak diho ite tonyio iduk ite kwecerehinkulo kamocak ara manyu munyiri lifade icieng.
|
||
\v 48 Inyi jimitan itisadeno ite tohi na litii munyiri, ifade icieng kamocak, iduk manyu ite kwecerehin kuneicieng.
|
||
\v 49 Tone oteny Lobanga to genyun nenge ojo, ‘aculahi ca nan icieng kamocak ko jayona kude ifade ca icieng itican kud.
|
||
\v 50 Tona, ene kofiangiti ca liyuk okotohin kulo kamocak fad kuna lifadi manyu to lohicahi lo kof,
|
||
\v 51 manyu to okoto lo abel ogorunore diho Zakaria na lifadihini kiji lo ciali ko kaji lo Lobanga. Ibo ahirihohi jimitan iyuk ca ene kofiangiti fad.
|
||
\v 52 Kidak diho ite kayenak kulo cik tonyio lidume ite kingajit lo genyun manyu ite to kenite ida irute manyu itiho kuna lowak rutoro”.
|
||
\p
|
||
\v 53 Langun lolo Yesu tija, icak Parisihin ko katiyenak kulo cik kitirisa inyi tonaigol manyu kirita inyi to kitifihin,
|
||
\v 54 lotahita kiniefuno inyi to lobo tohi ngoteny inyi.
|
||
\c 12
|
||
\cl Kingutit 12
|
||
\p
|
||
\v 1 Tolobo, kalifuruno ilulung lo alifi kuna iborengi manyu onyonati kenite ake ake, icak Yesu tenya re ko kalihitak kunenge ojo, “itigeny itoric kenite iyo ibula kulo Parisayohin na lara talerun.
|
||
\v 2 Oru lobo tohi limuho ida mute ongajuni kode iduha ida mute itibotuni.
|
||
\v 3 Tohi na liteny isi to karwe ofwonuni oforohini to kolong ko tohi na limongahi isi kiyok lo tungani to kudule ofwonuni iwawangahini to kwe lo kaji.
|
||
\v 4 Ahirihohi ite morot kunei, kebang kuna lifade ken oru lobo tohi na ngitii icieng to kifongi,
|
||
\v 5 ati ahitotorohi ca nan ite tungani na ngibang ite; itobang inyi na koli fade ken ibirohi manyu okorif kimatare lo geena. Ibo ahirihohi nan ite itobang inyi.
|
||
\v 6 Ida re itilotitati titihin miet o robiahin are? Ati oru kileng lobito to kiji neicieng na lotum lobanga luluhino.
|
||
\v 7 Tona kileng fofi kulo kweci kuningi likeni fad. Kebang ogol lofere ningi ilany tii tiihin becek.
|
||
\v 8 Ahirihohi ite, na lohitikwat nan to ketemoni lo cio, itikwat manyu mute kito lo tungani inyi to ketemoni lo malaikahin kulo Lobanga.
|
||
\v 9 Ati na lohiberu nan to ketemoni lo cio, oberuni mute to ketemoni lo malaikahin kulo Lobanga.
|
||
\v 10 Manyu tungani fad na loteny lobo tenya omena kito lo tungani olauni mute ati tungani na lomor okorif na inyu ida mute olauni.
|
||
\v 11 Kalohiyauni ite ketemok kulo lotubarihin, kabolorok kode kalanyunok, keudo koditi na ca ngifurare isi kode tohi na ca liteny.
|
||
\v 12 Tonyio kitiyen ca okorif na inyu isi tohi na ngiteny isi tona tik.
|
||
\p
|
||
\v 13 Ojo lobo tungani to katwa lo ilulung diho inyi, “katiyenani torihohi rece nei okor sangite kulo lunyo ko nan”.
|
||
\p
|
||
\v 14 Inyiahahi Yesu ojo, “Ele, ngai lohidumu nan ara kangotoni lo tenya kode kasingani kiji ningi?”
|
||
\v 15 Oto ojo diho icieng, “itigeny, iririati kenite kuningi iyo koditi kulo kingaru fad. Ida ara sangite kuna lotehita tungani lifak warun nenge”.
|
||
\v 16 Oto orihohi icieng ene kitisirani, “Odo afa mana lo lobo tungani kasamani.
|
||
\v 17 Oto ojo ake ake, nyio ca ngatii nan? Oru faji ngadengohi nan samata kunei.
|
||
\v 18 Ko jimitan, tohi na ca ngatii nan inyi ene; atisara ca nan gogahin kunei afak kuna hitoha. Ato hati atifutahi ngamang kunei fad ko sangite kuna kude.
|
||
\v 19 Ato hati arihohi ken nei ajo, ingon isi ko sangite kuna ijiri kuno lotum daha karihin becek. Totenu dong warun tonyia, imat, ikwama.
|
||
\v 20 Ati ojo Lobanga diho inyi, ‘isi kadataruni. Ene karwe orujori ca warun nino diho isi. Oto ca ngai orumu sangite kuna likukumahi isi to ken nino?
|
||
\v 21 Ori mute ji diho tungani na loric kikuma sangite ara kunenge ida hati obara to ketemoni lo Lobanga.
|
||
\p
|
||
\v 22 Oto Yesu ojo diho jayona kunenge, “tona ahirihohi nan ite, kebuha to warun nino, nyio ca inya isi, kode to ken nino nyio ca icief
|
||
\v 23 ogol warun ilany daha manyu ilany ken kyelani.
|
||
\v 24 Itide kweny; ida icieng oremo kode odengo. Oru gogahin kode derona kuneicieng orihe hony Lobanga ifita icieng. Ida lofere ningi ogol diho Lobanga ilany kweny?
|
||
\v 25 Ngai to kiji nigi lotum osodohi hati kileng tik lobito hilong iyo warun nenge to kiudo?
|
||
\v 26 Kalida isi itum kitiyo ene tohi sidi nyio iudo isi kude?
|
||
\v 27 Itide koditi na lolitare keek, ida icieng itiyo kode orifa. Ati ahirihohi ite kileng kabu Solomon afa ko kwatun nenge ko bara nenge fad, ida icief kyelani kuna idwaruha iya katurahak.
|
||
\v 28 Kaliti ciefita Lobanga nyiari kulo mwang kuna longoni jija ojo kiwanyi ocure kima, kiticief dong ca isi aja? O isi na lisidi kiruk.
|
||
\v 29 Manyu kefik tau nino iyo tohi lo daha ko lo mata, keudo to kuna sangite.
|
||
\v 30 Sangite kuna lifuhita cio kuna lolunya Lobanga kuna manyu oyen Apa ningi ojo iwak ite icieng.
|
||
\v 31 Ati itemo re totak okabwe nenge, oto ca kuno sangite manyu ara kunino.
|
||
\v 32 Kebang, ite kera kulo twol nei, tonyio okwama Apa ningi kicwara ite okabwe.
|
||
\v 33 Itiloteti sangite kuningi icwarata kakidahak. Itirif ogogori kuna lida mute ociraha, ibar idi kai na lida oru faji na lida kakatak, kabelak ko kakokok ogoru, ida manyu ingenyuk ipale.
|
||
\v 34 Tonyio faji na longon bara nino ijia manyu ongon tau nino”.
|
||
\p
|
||
\v 35 Icefitati ira kirwaa manyu ingohi lomohin to nok.
|
||
\v 36 Iya cio karwaak kuna litila Lahitok neicieng ituno to karama lo kiyemi, ojir kololotu inyi itotoho angwala ongajuni deu deu.
|
||
\v 37 Olotu ca ojir diho kuna karwaak lolotu lahitok neicieng orumahi icieng iriria. Ahirihohi tenya lo dede icief ca inyi kyela lo kirwaa, ititongohi icieng diho meja ko lotuno kirwaa icieng.
|
||
\v 38 Ojir ca diho kuna karwaak lorumahi lahitok neiceng ikukumahino kileng ngolotu inyi to tik lo are kode lo uni lo karwe.
|
||
\v 39 Ati iniangata ene; ngara oyen monye lo kaji tik na lolotunore kakokoni, ngida ongerihi ogili kaji nenge.
|
||
\v 40 Ojir manyu ite ikukumahino tonyio olotu mute kito lo tungani to tik na lida ite ikodomo”.
|
||
\p
|
||
\v 41 Itifi Petero ojo Lahitok, itenya isi ene kitisirani diho ohoi kode diho cio fad?
|
||
\p
|
||
\v 42 Inyiahahi Lahitok ojo, “ngai hati kalanyoni na igeny ligenoro na lofik Lahitok olanyu karwaak kunenge kicwara robia kuneicieng kulo daha to tik na ibehi?
|
||
\v 43 Ojir ca diho na karwaani lo lotu Lahitok nenge orumahi itiyo ji koloitu inyi.
|
||
\v 44 Ahirihohi tenya lo dede ofik ca inyi ara kalanyunoni lo sangite kunenge fad.
|
||
\v 45 Adi ba ngojo na karwaani to tau nenge ojo ‘ida lahitok nei olotuno deu icak lumo karwaak kuna kude ko daha omata oruma.
|
||
\v 46 Oto hati lahitok lo na karwaani ko lotuno far na lida inyi okodomo ojo olotuno Lahitok iyo tik na lida inyi oyen. Olotu ingungut inyi ara tuli ico inyi ongar lohitongore ko kuna lida iruk Lobanga.
|
||
\v 47 Na karwaani loyen wahun lo lahitok nenge ida hati ikukumahino kode ida itii tohi na lowak Lahitok nenge, olumi inyi kario becek.
|
||
\v 48 Ati na lida oyen itii hati tohi na locamare inyi to lumo, olumi inyi kario kude kuting. Diho tungani na licori obolo okodomoti manyu tohi na hitok, manyu diho tungani na litibarahini becek owahiti manyu becek ilany.
|
||
\p
|
||
\v 49 Alotu nan kiyauno kima kof manyu akodomo jimitan ngara hati adi linohahino.
|
||
\v 50 Ati atila nan kibatisa na lohibatisrihin ca nan, ce many audo nan many ca koloru.
|
||
\v 51 Itam ite ijo alotu nan kiyauno kisiliban kof? Ida, ahirihohi, ati kokora.
|
||
\v 52 Kicaha tole far olorore iyo ketemoni ongon cio miet kaji lobito okora ca uni oberu are, are oberu uni.
|
||
\v 53 Okorati ca monye oberu kito, kito oberu monye, iyang oberu kito kito oberu iyang nenge, kakanyi oberu kokwa, kokwa oberu kakanyi”.
|
||
\p
|
||
\v 54 Kalideu ite idis ongon lodoyore lo kolong, ijo ite oca ca kuju, oca manyu dede.
|
||
\v 55 Manyu kolo kuta kiyoma to ngati lo orof, ijo, “onok ca ene far, onok manyu.
|
||
\v 56 Katelorok iyen ite hera kibebelo lo kof ko kai. Aja hati ite ida iyen hera kof lo kuno faritin?
|
||
\v 57 Nyio ida ite to kenite kuningi iheru tohi na ijir?
|
||
\v 58 Kaliloro isi ko kadoroni nino iyo lokiho, totem bebe yomo ko inyi to kikoi kode kiyaru ha ca inyi isi diho kangotoni lo tenya, kico kangotoni lo tenya isi diho lahitok lo polis manyu lahitok lo polis ko kibirohino isi mabus.
|
||
\v 59 Ahirihohi ida ca isi irihe irutu many ikerehi duma lo kipal nino many tarifati.
|
||
\c 13
|
||
\cl Kingutit 13
|
||
\p
|
||
\v 1 Ofwonu kude longoni inya orihohi Yesu tenya lo kude cio kulo Galilea likarutohi Pilato okotohin kuneicieng ko kulo kikumihin kuneicieng.
|
||
\v 2 Inyiahahi Yesu icieng ojo, “ifik ite ijo kalitii kunu cio jii, ara icieng kapalak bebe ilany cio kulo Galilea kuna kude fad?
|
||
\v 3 Ahirihohi ite jimitan ida ara ji. Ati kalida ite irwo ite fad ikeroro ca ji.
|
||
\v 4 Kode kunu cio tomon ko mietare lo wurohino kaji na ikarit to Siloam, ifik ite ijo icieng lara kapalak ilany fad to Jerusalem?
|
||
\v 5 Ahirihohi ite jimitan ida ara jii! Ati kalida ite irwo ite manyu ca ikeroro ca ji”.
|
||
\p
|
||
\v 6 Oto ko rihohino icieng ene kitisirani ojo, “itibulahi afa lobo tungani bule mana nenge ko loro deya ngak kolo ngiju bule nenge ngak, ati ida orumu kolobo.
|
||
\v 7 Oto korihohino tungani karicani lo mana nenge ojo, lara karihin uni na lalotunita nan waja ngak iyo ene bule ati ida arumu. Tongode ja! Nyio ha ongerihini ifuho mana ipapala kof?`
|
||
\p
|
||
\v 8 Inyiahahi karicani lo mana inyi ojo, lahitok, to ngerehi hati ba re to kari lobito ari, akukum ca nan fotiri afik ko kitilitita.
|
||
\v 9 Kolo ngiju ngak lukari ojir ojo koloru, kitum ngodaru”.
|
||
\p
|
||
\v 10 Itiyena orumu Yesu lotubare lobo sabit.
|
||
\v 11 lobo ngorwani manyu ongon ija na logil okorif na irohoi inyi to karihin tomon ko mietauni. Ogil rupanyati inyi olanyu biran tur.
|
||
\v 12 Kolodeu Yesu inyi oto ko kilolonguno inyi ketemoni ko jimitan diho inyi, “ngorwani lilaharu isi to mwai nino”.
|
||
\v 13 Oto ko fiha kana nenge ken nenge, manyu deu deu iyni ko biran omaja Lobanga.
|
||
\p
|
||
\v 14 To kilongo jimitan itifurie Yesu na ngorwani to sabit, ojo kalanyunoni lo lotubare diho cio, ongon farihin kulo tic ile ifwonu itirumu furioro to kuna faritin ati ida ara to sabit.
|
||
\p
|
||
\v 15 Lahitok ko ki nyiahahino inyi ojo, “ite kataerok! Ida ite ilahitita mongi ko sigiriahin kuningi to lotorare irihe ifwo itimat?
|
||
\v 16 Ojir hati ene ngorwani kito lo Abram na lotor sitan to karihin tomon ko mietauni ida olahi to sabit to kidak na lotorare inyi?
|
||
\v 17 Ojo inyi oteny jii odahahi iriri merok kunenge fad ati okwama cio to sangite kuna ijiri kuna litiyo inyi.
|
||
\p
|
||
\v 18 Tinyia itifi Yesu ojo, “ori okabwe lo Lobanga iya nyio? Ngatiriri ba nan ko nyio?
|
||
\v 19 Ori iya kirejati lo karadali na lodumu tungani itibulahi mana nenge olotu obolo ilany keek kuna longon mana fad ofwonu ko kweny ododo tanitanihin kunenge”.
|
||
\p
|
||
\v 20 Ari ojo, “ngatiriri nan okabwe lo Lobanga ko nyio?
|
||
\v 21 Ori iya ibula kuna lodumu ngorwani kileng lara kude to kana keken ikarutore kofwo kulo mugati ititukan na ibune fad.”
|
||
\p
|
||
\v 22 Dong osodoro Yesu ko lotita nenge to kangite fad itiyena cio iya na longon inyi owele nenge lo loro iya Jerusalem.
|
||
\v 23 Itifi lobo tungani inyi ojo, “Lahitok, cio kude huting re mute lo lwahuno?” Ojo inyi diho icieng,
|
||
\v 24 “Ititem bebe rutoro to agwala na itiya tonyio ahirihohi nan ite jimitan cio becek otem mute rutoro ati ida itweruni.
|
||
\v 25 Kalowoju ja monye lo kaji igienihi agwala, iwoita mute ite oleng itotoho ilelia ijo, ‘Lahitok kingaju ja ohoi’. Ati inyahu mute inyi ojo, ‘ida nan ahiyen ite kode lofwonunore ningi’.
|
||
\p
|
||
\v 26 Ito mute ite ijo, ‘kidaha afa ohoi kimata manyu ko isi, manyu itiyena afa isi kikohin kuniyang’.
|
||
\p
|
||
\v 27 Ati kinyiahahi mute ite ojo, ‘ida nan ahiyen ite kode lofwonunore ningi. Ifwo ten diho nan, ite fad katiyok kulo rohojun!`
|
||
\v 28 Ongon mute kicira ko komo lo kala ijia, kalideu mute ite Abram, Isak ko Jakob ko kamocak fad iyo okabwe lo Lobanga ojo ite tokenite kibirori.
|
||
\v 29 Ofwonu mute cio to lotulunore ko lodoyore lo kolong ko to kai ko orof manyu itongoti fajihit kuneicieng iyo karama iyo okabwe lo Lobanga.
|
||
\v 30 Dede ongon kuna lara lohicungi mute lara katemok ongon manyu katemok lara licung.
|
||
\p
|
||
\v 31 Kuna farihin ofwonu kude Parisihin diho Yesu oto ojimi diho inyi, “Tongerihi ene faji ilo lobo faji ake. Otahita Erod kifadaru isi”.
|
||
\p
|
||
\v 32 Inyiahahi inyi ojo, “Ifwo itorihohiti na lobeyok, afuhita ca nan lodonyok ko kitifurio cio jija ko kiwanyi manyu far lo uni akeru.
|
||
\v 33 Ati owak nan asodoro jija ko kiwanyi ko lufar ati to dede oru lobo kamocani loweihi lobo faji ake ko Jerusalem.
|
||
\v 34 O Jerusalem, Jerusalem isi na lifada kamocak manyu icak to morutok kuna loculuni diho isi, kakeny baya awahare nan itutumuno tee kunino iya na lifurore ikokor tee kunenge iyo fuho kunenge ati ida isi iwak.
|
||
\v 35 Tode longerihini kaji nino ara mura. Ahirihohi ite ida ca ite irihe ideu nan ari many mute kalijo, kikwama na lolotu to karana lo Lahitok”.
|
||
\c 14
|
||
\cl Kingutit 14
|
||
\p
|
||
\v 1 Lobo sabit bito kololo Yesu daha kaji lo lobo Parisini hitok, orumu iririati inyi bebe.
|
||
\v 2 Ija ketemoni nenge orumu ongon tungani na lomwai mwai lo ulan.
|
||
\v 3 Itifi Yesu Parisihin ko ka genyak iyo cik ojo, “Iruk cik kitifurio to sabit kode ida?"
|
||
\v 4 Ati obuho icieng, Yesu ko dumuno na tungani, itifurie ko lahahino olo.
|
||
\v 5 Oto hati ko kitifia icieng ojo, “Kolongon lobo tokiji ningi ko kito kode mongo na louroro katwa lo tula to sabit, ngida isi ipihu oleng deu deu to sabit?”
|
||
\v 6 Ati oru icieng ko lobo tenya ngotenyi.
|
||
\p
|
||
\v 7 Kolodeu koditi na loterore cio segeri kuna hitoha to karama, orihohi icieng ene kitisirani,
|
||
\v 8 “kolohilolong tungani isi karama lo kiyemi, keter faji na hitok, ngilolongi ha ba lobo tungani lo hilany isi to obolore.
|
||
\v 9 Kalara ji olotu ca kalolongoni ningi ojo diho isi. Icorihi ene tungani na faji nino, dong to riri na hitok ilo ca isi itongo faji na longon kifwongi noo.
|
||
\v 10 Ati kolohilolongi isi ilo itongohino seger na sidi noo, ojir kololotu kalolongoni nino ojo diho isi. Mortele ou ene faji lonyau to isi, oto ca na kico isi obolore to ketemoni lo welo kuna kude.
|
||
\v 11 Tonyio tungani na loting ken, itisidi, ati tungani na litisidi ken nenge ake otingi”.
|
||
\p
|
||
\v 12 Tinya ojo Yesu diho kalolongoni nenge, “Kali lolongohi isi cio daha lo far kode lo kurou, kelolong morot, recera kode kajeba kunino kode loriehati kunino kuna ibaraha, tinyio kali tii isi jii, kilolong manyu mute icieng isi tona oto kidumahini isi.
|
||
\v 13 Ati kalikukum isi karama ilolongu kakidahak, kangwalak, kangurak ko kangodok,
|
||
\v 14 ito ca isi irumu gum. Kileng ngida icieng kidumahi isi, kidumi mute isi far na lowarunore kajirak.
|
||
\p
|
||
\v 15 Koloning lobo na longon ko icieng iyo meja jii oto ojo diho Yesu, “ongon ko gum tungani na mute lolo daha karama iyo okabwe lo Lobanga”.
|
||
\p
|
||
\v 16 Inyiahahi Yesu ojo, “Ikukuma afa lobo tungani karama na hitok ilolong cio becek.
|
||
\v 17 Kologoru far lo karama, ocule karwaak ojo ojir ofwo ilolongu kulangole cio lilolongi jimitan, ifwonu tonyio likukumahino sangite fad.
|
||
\p
|
||
\v 18 Ati icak icieng kigera tolobito. Ojo lo ketemoni orihe ngole nan anyangu mana aloro nan deya, kingohi ja nan.
|
||
\p
|
||
\v 19 Ojo lobo anyangu ngole nan mongi karemok kebuna miet aloro nan tema icieng, kingohi ja nan.
|
||
\p
|
||
\v 20 Orihe many ce lobo ojo, arihe ngole nan ayema tona, ida nan alotuno.
|
||
\p
|
||
\v 21 Oitu karwaani ko rihohino lahitok nenge kuno tenyi tenyi fad. Oto monye lo kaji ko kilongo noo. Kociha karwaak kunenge ojo, ‘ifwo deu deu kikohin fad kulo katwa lo kang iyaunoti kakidahak, kangwalak, kangodok ko kangurak.
|
||
\p
|
||
\v 22 Ojo karwaani lahitok, kuna licik isi pili litii ati orihe kaji olalat.
|
||
\p
|
||
\v 23 Oto lahitok ojo, Ifwo kikohin fad kuna longon kiji lo kangite itorihohi cio ofwonu ojir kaji nei ifut.
|
||
\v 24 Ahirihohi oru lobo to kiji lo kunu cio ngole lilolongi lolotu imang daha lo karama nei."
|
||
\p
|
||
\v 25 Olot orumu ilulung ko Yesu, kibelo diho icienge oto ojo,
|
||
\v 26 “Kololotu tungani diho nan ida hati oberu monye ko ngotenge, ngorwani ko tee, recera ko kanecera ibo ko ken nenge token, ida otum rahun kajifitani nei.
|
||
\v 27 Manyu tungani na lida oting kuruce nenge, ida otum rahun kajifitani nei.
|
||
\v 28 Adi ba ngowak lobo to kiji ningi duho kaji na ikarit. Ngida ba re inyi itongohino kof itutum bolojun ko karitun nenge odeyare kolotum robia kunenge keruno duho?
|
||
\v 29 Tonyio kalijuk ca inyi tadati lo kaji ida hati okeru duho, cio fad kuna lodeya omongati ca inyi
|
||
\v 30 ojo, ‘icak lerok duho ida hati otum keruno’.
|
||
\v 31 Kode ngowoju lobo kabu oloro rem ko lobo kabu. Ida re ca inyi itongo kof ode kolotum inyi to asegere alif tomon kitiremo nu lolotuno diho inyi ko asegere alif keek are?
|
||
\v 32 kalida inyi otum ocule ca inyi cio lo fworo kitirico lu kabu bito orihe oloma lo foro tenya lo yomo.
|
||
\v 33 Tona kikoi bito lobo to kiji ningi lida otum ngerihino sangite fad, ida otum rahun kajifitani nei.
|
||
\v 34 Ojir balang ati kalitiri balang lemun nenge aja ca itweruni ki nyiahahino na lemun?
|
||
\v 35 Lida ojir tolobo tohi keken kode to koforo kode to mona, ojir ibirori oleng. Na longon ko kiyoha kulo ningo, ingohi toning”.
|
||
\c 15
|
||
\cl Kingutit 15
|
||
\p
|
||
\v 1 Tinyia ofwonu katisofok kulo mucoro ko kapalak, itongoti iriti inyi ningo tenya nenge.
|
||
\v 2 Ati ofwonu Parisihin ko katiyenak kulo cik ongungunita ojo, “Ifotunita lerok kapalak odaha manyu ko icieng”.
|
||
\p
|
||
\v 3 Oto Yesu ko forohino icieng ene kitisirani ojo,
|
||
\v 4 “Adi ba ngotehita lobo tokiji ningi kera mia lobito oto hati lobito ori, ngida ba inyi ongerihi keek mietangon ko metangon olemore olo tahita na lori many orumahi?
|
||
\v 5 Manyu ojo inyi orumahi otingohi okokoho kunenge.
|
||
\v 6 iyaru kang. Oto ilolongu morot ko loriehati kunenge ara lobito icieng ojo itokwamati ara lobito ko nan, larumu nan langole ker nei lori.
|
||
\v 7 Ahirihohi nan ite ajo, tona kikoi bito obolo kwama kai to kapalani lobito na lirwo ilany cio keek mietangon ko mietangon kuna lida ipal”.
|
||
\p
|
||
\v 8 “Kode ngongonore ngorwani robia tomon, itiri hati lobito. Ngida inyi inohahi lomo ofie kaji many orumu?
|
||
\v 9 Ojo orumu ilolongu morot ko loriehat kunenge ara lobito ojo diho icieng, ‘itokwamati ara lobito ko nan; larumu nan langole robiati nei lori.
|
||
\v 10 Tona kikoi bito ahirihohi ite, obolo kwama diho malaika kulo Lobanga idi kai to kapalani lobito na lirwo”.
|
||
\p
|
||
\v 11 Osodoro Yesu ojo, “ongon afa lobo tingani ko tee kilahaji are.
|
||
\v 12 Ojona sidi diho monye, apa kico nan sang kuna lara kunei, oto inyi ko korahino sang kunenge diho tee kunenge.
|
||
\v 13 Orihe ida iyaru faritin kuna iborengi, odumu ene sidi sang kunenge fad, ko loro kof na iloma olo okeru sang kunenge fad to warun na irohoi.
|
||
\v 14 Kolo keru inyi sang kunenge pili, olotu kinga na hitok na kof fad, icak dong inyi kiratita.
|
||
\v 15 Olo inyi tahita tic ico lobo tungani lo na kof inyi tic lo kifita iborohi.
|
||
\v 16 Owak ojo ojir ongar ko iborohi kiwonyita kuna lodaha tonyio oru lobo tungani lico inyi daha.
|
||
\v 17 Langun loitu genyun kwe ibuhu ojo baya karwaak kuna longon kolo apa nei odahati otong daha ati nan ene kiwak kinga kifadaru,
|
||
\v 18 awoju ca nan aite diho apa nei alo arihohi inyi ajo apa, lapal nan ketemoni lo kai ka ketemoni nino.
|
||
\v 19 Lida dong nan acam to kilolongo ojo kito nino kitirak dong nan mejo lobito to kiji lo karwaak kunino.
|
||
\v 20 Oto inyi ko wojuno ko lotita diho apa nenge. Ati orihe inyi oloma, odeu monye inyi oto kisa inief to inyi, ife itiric kito nenge olo imaruk inyi.
|
||
\v 21 Ojo kito diho inyi, ‘Apa lapal nan ketemoni lo kai ko ketemoni nino, lida nan arihe acam kilolongi ojo kito nino’.
|
||
\p
|
||
\v 22 Ati ojo monye diho karwaak kunenge; ‘Deu. Iyaunoti kyela na ijir noo iticefohiti inyi. itifik ring kafiele nenge ko kamuha kejuha.
|
||
\v 23 Iyau kace na ifir ngafadeti. Ngatinyia karama!
|
||
\v 24 Tonyio lowei afa ene kito nei ati lowaru ari. Lori afa ati lorumuno. Oto icahi daha karama.
|
||
\p
|
||
\v 25 Tona orihe kito na hitok ongon mwang. Ojo olotu lonyihuno kang oning wole ko kya lo cio.
|
||
\v 26 Kokilolonguno lobito karwaani itifi nyio longon kitiihino.
|
||
\v 27 Ojo karwaani diho inyi loitu rece nino, apa nino dong ko kifadaru kace na ifir tonyio lolotu inyi ara na ijir oru kude’.
|
||
\p
|
||
\v 28 Ilongo rece nahitok oberu ko rutoro kang. Oto apa nenge olo kilelia diho inyi.
|
||
\v 29 Ati inyiahahi inyi monye ojo, ‘tode kuno karihin fad atiyo nan diho isi manyu ida laberu tenya nino oto hati oru ko kilelo na lico isi nan kinya ko morot kunei.
|
||
\v 30 Ati ojo ene kito nino olotu lafa lipale sang kunino iyo mulayahin ifadahi isi kace na ifir.
|
||
\p
|
||
\v 31 Ojo monye diho inyi, ‘kito nei, kingon isi ko nan ene faritin fad manyu sangite kuna latehita nan fad ara kunino.
|
||
\v 32 Ati ocam diho ohoi to daha karama ko to kwama tonyio ene rece nino lowei afa ati lowaru ari, lori afa ati lorumuno”.
|
||
\c 16
|
||
\cl Kingutit 16
|
||
\p
|
||
\v 1 Orihohi Yesu jayona kunenge ojo, “Ongon afa lobo tungani kabarani na lorihohini ojo ipapala karicani nino sangite kunino.
|
||
\v 2 Oto inyi ko kilolonguno na katiyoni ojo, ‘nyio ene tenya la ningo nan ken nino? Iyauno waragahin kulo tic nino tonyio ida ca isi irihe isodoro rica sangite kunei’.
|
||
\p
|
||
\v 3 Ojo na katiyoni ake ake, ‘nyio ca atii nan jija? Lodumaru lahitok nei tic nei. Ida nan atweru remo, manyu ariri nan kililifita.
|
||
\v 4 Ayen ca nan tohi na ngatii nan ojir kileng ca ngoru tic nei ten, kifotu ca cio nan kangite kuneicieng.
|
||
\p
|
||
\v 5 Oto ilolongu kayimongiyok kulo lahitok nenge fad.
|
||
\v 6 Iciak kitifia ketemoni ojo, ‘baya mongiyo lo lahitok nei diho isi?’
|
||
\p
|
||
\v 7 Inyiahahi na ojo sufiahin alif lobito kulo ngamang. Ojo na karicani diho inyi todumu waraga nino igero sofiahin mia mietauni.
|
||
\p
|
||
\v 8 Okwama lahitok lona karicani lida igenuno to kitoyo to genyun. Tonyio cio kulo ene kof ogenyi to kitiyore sangite kulo ene kof ilany cio kulo wangun.
|
||
\v 9 Ahirihohi nan ite itiyoreti lonyo lone kof to rumuno morot kuningi ojir mute koloru kifotuni iyo kang na losio.
|
||
\p
|
||
\v 10 Na ligenoro to kude kuting igenoro manyu to kuna iborengi. Manyu na lida igenoro to kude kuting ida manyu igenoro to kuna iborengi.
|
||
\v 11 Dong kalida isi kigenoti to tehita bara lone kof, ngai ca lohigeno isi to bara lo dede?
|
||
\v 12 Manyu kalida isi igenoro to rica sangite kulo cio kulakude, ngai ca lohico isi sangite kuna lara kunino?
|
||
\p
|
||
\v 13 Oru lobo karwaani lotum kirwaa kulahitoha are. Kode oberu ca lobito imaru nu bito kode orima ca lobito itikaj nu bito. Ida isi itweru kirwa Lobanga ara lobito ko robia”.
|
||
\p
|
||
\v 14 Parisihin kuna limaru robia oningiti kuno fad ko kitisiriati Yesu.
|
||
\v 15 Orihohi inyi icieng ojo, “Ite litijira kenite kuningi to konyeha kulo cio ati oyen Lobanga taulo kuningi. Tohi na logol lofere nenge diho cio isiria to konyeha kulo Lobanga.
|
||
\v 16 Cik ko kamocak ititimati afa many olotu Jon. Manyu tonu tik nayomit na ijir lo okabwe lo Lobanga ongoniti kititima, manyu cio fad ifudaru kenite kuneicieng ijia.
|
||
\v 17 Otanga iyo kof ko kai rijoro ilany kileng kiswahit lobo sidi lo galam douno to katwa lo cik.
|
||
\p
|
||
\v 18 Tungani na lojak ngorwani nenge oyem lobo ake, itii lomuna. Manyu tungani na loyem ngorwani ijaha, itii lomuna.
|
||
\p
|
||
\v 19 Ongon afa lobo tungani kabarani na licefita kyenani kuna ifurangi ko Iribi manyu ida daha ko mata odungo okwama faritin fad.
|
||
\v 20 To lokoli lo kalenge ongon lobo tungani kakidaha lobara Lazaro na lipude korongan,
|
||
\v 21 na litila daha finyufinyu kulo daha kuna lodounita to meja lo kabarani. Ofwonunita ikurieho kidiela korongan kunenge
|
||
\v 22 Olotu far lo wei lona kakidahani otinge malaikahin inyi ofihahini oryeha ko Abram, owei manyu kabarani onuhi.
|
||
\v 23 Kimatare faji na longonore inyi iyo kidak. Oto ilom kai odeu Abraham oloma noo ko Lazaro orieha ko inyi,
|
||
\v 24 Oto ko kilolongo inyi ojo, Apa Abraham ingohi kisa kinief to nan, to culu Lazaro ilutohi kafiele katwa lo kifi olotu itirobiare ngadief nei tonyio angon nan iyo kidak katwa lone kima.
|
||
\p
|
||
\v 25 Ati inyiahahi Abraham inyi ojo kito ibuha jimitan to karihin kulo warun nino irumu afa isi sangite kunino kuna ijir ati Lazaro orumu kuna irohori ati jija litirobi dong tau nenge ene isi ingon diho kidak.
|
||
\v 26 Oto hati iyo kuna fad, kiji niyang ko ite ongon ikilom na iluko na lofihi ojir cio kuna lojo ngohifwo iya ija diho ite ten, ida itweru kuna manyu lojo ngohifwonu tija iya ene ida itweru.
|
||
\p
|
||
\v 27 Inyiahahi inyi ojo, ‘hati alelia diho isi apa tocule Lazaro idi kolo monye nei,
|
||
\v 28 tonyio angon nan ko recera miet, ojir olo osony icieng ida mute ofwonu ene faji lo kidak.
|
||
\p
|
||
\v 29 Inyiahahi Abraham ojo ongon Moses ko kamocak ijia diho icieng ingohi icieng toning.
|
||
\p
|
||
\v 30 Ifotu ojo, ‘Ida apa Abraham ati kololo tungani to kiji lo kaweyak diho icieng irwo ca icieng’.
|
||
\p
|
||
\v 31 Ojo diho inyi, ‘Kalida icieng oning Moses ko kamocak, ida ca icieng ibel taulo kileng ngowaru tungani to kiji lo kaweyak”.
|
||
\c 17
|
||
\cl Kingutit 17
|
||
\p
|
||
\v 1 Ojo Yesu diho jayona kunenge, “sangite kuna licwara cio ourorita iyo kipal ofwonu ca ati ongon kidak diho tungani na lofwonu nitare icieng.
|
||
\v 2 Ocam inyi kibiro hino nam ko moru na hito otora murut nenge ilany inyi kicwara kuno sidiha iya kuno ourohino iyo kipal.
|
||
\v 3 Naha iririati kenite kuningi. Kalipal rece nino irienga inyi, kalirwo, tolau inyi.
|
||
\v 4 Kalipal diho isi kakeny mietare lobito far manyu olotu diho isi kakeny mietare ojo larwo nan, tolau inyi”.
|
||
\p
|
||
\v 5 Ojo jayona diho Lahitok, “tosod kiruk niyang”.
|
||
\p
|
||
\v 6 Inyiahahi ojo, “kalitehita ite kiruk kileng ngori iya kirejati lo karadali itum isi ijo iyo ene ciani, ‘to dutuno ilo itibulahino katwa lo nam otum kining isi’.
|
||
\v 7 Adi ba ngongon lobo diho ite ko karwaani na loremo mana kode itibala kera, ngojo inyi diho karwaani kololotu to mwang, ‘ou dong itongohino idaha?’
|
||
\v 8 Ngida ba inyi ojo ikukumahi daha nei lo kurou ikukumahino iyauno adaha nan, amat ojo hati lakeru nan ito hati isi idaha ko mata?
|
||
\v 9 Okwama inyi karwaani to kitiyo tohi na litii inyi?
|
||
\v 10 Ite manyu kali tii sangite fad kuna lohirihohini ite ojo itiyoto, ojir ijo, ‘kira ohoi karwaak kitii ohoi tic iyang”.
|
||
\p
|
||
\v 11 Dong kololoro Yesu iya Jerusalem, oto inyi ijif kikoi na litolita lokorare lo Samaria ko Galilea.
|
||
\v 12 Kolonyiha inyi rutoro lobo kang, itiric cio tomon kuna lomwai talulu inyi. owoitati lolomaje
|
||
\v 13 oto hati ilolongoti to ogoro na ikwat ojo, “Yesu lahitok icwara kisa kinief diho ohoi!”
|
||
\p
|
||
\v 14 Kolodeu icieng ko jimitan, “ifwo itotorohiti kenite diho kadwarak”. Ojo icieng ofworo, icieng ko nyujon.
|
||
\v 15 Lobito to kiji neicieng deuno jimitan lajir inyi ji, ko ituno omaja Lobanga to ogoro na ikwat.
|
||
\v 16 Olotu ko urohino kejuha kulo Yesu ko kwama inyi-ara manyu inyi Samariani.
|
||
\v 17 Itifia Yesu ojo, “Ida adi kuno cio litinyujoro fad ara tomon? Aji ha ongoni kuna kude mietangon?
|
||
\v 18 Oru lobo loitu maja ko kwama Lobanga ara ene misiohoni keken?”
|
||
\v 19 Oto ko jimitan diho inyi, “towoju ilo lohitijir kiruk nino isi”.
|
||
\p
|
||
\v 20 Tolobo kalitifi afa Parisihin inyi jimitan anu olotuno okabwe lo Lobanga, inyiahahi Yesu ojo, “Ida okabwe lo Lobanga lolotuno to kiriria ningi
|
||
\v 21 kode ida ca cio ojo, ‘Ene longon ene kode nu longon idi tonyio ongon okabwe lo Lobanga kiji ningi”.
|
||
\p
|
||
\v 22 Oto ko jimitan diho jayona kunenge, “Olotuno mute tik na lohidamare ite deya kuno faritin kulo kito lo tungani ati ida ca ideu.
|
||
\v 23 Ojo mute cio diho ite, oinu idi kode oine ene; kefefeita omot neicieng.
|
||
\v 24 Tonyio kito lo tungani to far nenge ori mute iya hila na linwak kai to lobito ngati oringe manyu angati.
|
||
\v 25 Ati ketemoni re ojir iticani re many oberu ene kofiangiti inyi”.
|
||
\v 26 Iya lafa to faritin kulo Noa ori manyu mute ji to far lo kito lo tungani, odaha afa cio omatati, oyemati,
|
||
\v 27 itiyemati many far na lorutorore Noa katwa lo tigol. Oto hati kifi ko fwonuno kerihino icieng fad.
|
||
\v 28 Ori manyu afa ji to faritin kulo Lot. Odaha afa cio, omatati, inyiangati, itilototi, itibulati, ifahati kajihit
|
||
\v 29 ati far na longerihinore Lot Sodom, kima ko salfa ko ca to kai ko keruno icieng fad.
|
||
\v 30 Ori mute ji token far na lobotore kito lo tungani.
|
||
\v 31 Na far mute oru tungani na longon kai lo kaji nenge, sangite ongon katwa lo kaji lo lo mute odumu icieng. Iya na oru tungani longon mana lifeju ojo ayomuno lobo tohi.
|
||
\v 32 Ibuhati ngorwani lo Lot.
|
||
\v 33 Tungani na lotem rica warun nenge itiri mute manyu na litiri warun nenge oricahi mute.
|
||
\v 34 Ahirihohi ite na karwe ongon mute cio are lagere lobito iyari mute otong lobito.
|
||
\v 35 Iya mute ngorwo are kirie, iyari mute lobito otong lobito.
|
||
\v 36 Ongon mute cio are mana, iyari lobito lobito otong.
|
||
\p
|
||
\v 37 Itifi icieng ojo, “Aji Lahitok”. Inyiahahi inyi ojo, “Faji na longon tohi na iwei, otuba taruha”.
|
||
\c 18
|
||
\cl Kingutit 18
|
||
\p
|
||
\v 1 Oto Yesu orihohi jayona kunenge kitisirani lo rihohino icieng jimitan ojir ilifati ida oniemaha.
|
||
\v 2 Oto ojo, “Iyo lobo kang afa, ongon lobo kangotoni lo tenya na lida obang Lobanga kode ibuha to cio.
|
||
\v 3 Ongon many lobo ngorwani lafuserito na kang na locud lotita diho inyi ilelia ojo tokeru tenya nei ko katiudok kunei.
|
||
\p
|
||
\v 4 To faritin kuna iborengi oberu inyi. ati to kifwongi olot ojo diho ken nenge ake ake, ‘kileng ngida nan abang Lobanga kode abuha to cio,
|
||
\v 5 Ati tonyio ocuda ene lafuserito lotita diho nan, ade ca nan tenya nenge ojir ida kitimote nan tone cuda lo lotita nenge”
|
||
\v 6 Oto Lahitok ojo, “itining tenya lo nu kangotoni lo tenya irohoi.
|
||
\v 7 Oto hati ca Lobanga ida ongot tenya lo tee kunenge kuna lonyumu inyi kuna licira diho inyi karwe ko far? Itiring ca inyi cularita icieng?
|
||
\v 8 Ahirihohi nan ite ode ca inyi jimitan akeru tenya neicieng. Manyu okeru deu deu. Oto hati koloitu mute kito lo tungani orumu ca inyi kiruk ongon kof?”
|
||
\p
|
||
\v 9 Diho cio kude kuna lofik ojo kijiri icieng itikajati cio kuna kude, oforohi Yesu icing ene kitisirani ojo,
|
||
\v 10 “ofwo afa cio are kilifa, lobito parisini ati lobito katisofoni lo mocoro
|
||
\v 11 Owoju Parisini ilifa to ken nenge ojo, ‘Lobanga akwama nan isi tonyio ida nan ari iya cio kude- kabelak, katiyok kulo ticitici kuna irohori, katiyok kulo lomuna kode iya ene katisofoni lo mocoro.
|
||
\v 12 Afaranita nan kinga kakeny are to sabit lobito, aciorihita manyu lobiton lo tomon kulo sangite fad kuna larumunita nan.
|
||
\p
|
||
\v 13 Ati owoita kasofoni lo mocoro to lolomaje ida kileng oting konyeha kai ati onanga locolo nenge ojo, ‘Lobanga kilau nan kapalani’.
|
||
\v 14 Ahirihohi ite jimitan ene lerok ida ara ladi bito oning Lobanga kilifa nenge. Tonyio tungani fad na loting ken nenge kai iticuluni ati na litisidi ken nenge otingi.
|
||
\p
|
||
\v 15 Iyauno cio tee kuna sidiha diho Yesu ojo ojir inyi otir icieng.
|
||
\v 16 Ojo jayona kunenge odeu ji, iriengi cio. Ati ilolong Yesu tee kuna sidiha diho inyi ojo, “ingohiti tee kuna sidiha ofwonu diho nan, manyu ketik icieng tonyio okabwe lo Lobanga ara lo kuno lori ko kuno.
|
||
\v 17 Ahirihohi ite tenya lo dede jimita tungani na lida ifotu okabwe lo kai iya kito na sidi ida mute orute”.
|
||
\p
|
||
\v 18 Itifi lobo kalanyunoni inyi ojo, “katiyenani na ijir, nyio ba ngtii nan arumunore warun na isio?”
|
||
\p
|
||
\v 19 Inyiahahi Yesu inyi ojo, “nyio ilolongo isi nan ijo na ijir? Oru lobo tungni lojir ati ara Lobanga ake.
|
||
\v 20 Iyen isi cihicihi ketii lomuna, kefade, kekoko, kegulihi, tobang munyi ko ngutingi”.
|
||
\p
|
||
\v 21 Ojo inyi, “kuno fad aric nan many afa arihe nan asidi.
|
||
\p
|
||
\v 22 Kolonig Yesu ji, oto ojo diho inyi, “orihe ongoromahino lobito tohi diho isi, itilote sangite kuna litehita isi fad, icio diho kakidahak ito ca isi ifik bara nino kai. Ilotu hati kijif nan”.
|
||
\p
|
||
\v 23 Koloning inyi ji oto itoyo noo tonyio ara afa inyi tungani kabarani noo.
|
||
\v 24 Ode Yesu inyi ko jimitan, “golun ha re diho kabarak rutoro okabwe lo Lobanga!
|
||
\v 25 Dede otanga iyo lonaga rutoro to konyek lo libira ilany kabarani rutoro okabwe lo Lobanga”
|
||
\p
|
||
\v 26 Kuna loning ene tenya ko kitifia inyi ojo, “ngai hati dong mute lo luaharu?
|
||
\p
|
||
\v 27 Inyiahahi Yesu ojo, “tohi na lida itweruno diho cio, diho Lobanga itweruno”.
|
||
\p
|
||
\v 28 Ojo Petero diho inyi, “lohingerihi ohoi sangite kuniyang fad kijif isi”.
|
||
\p
|
||
\v 29 Ojo Yesu diho icieng, “ahirihohi ite tenya lo dede, oru tungani longerihi kalenge kode ngorwani nenge, kode recera kode katomonok kode tee to tenya lo okabwe lo Lobanga,
|
||
\v 30 lida ca orumu kakeny becek iyo ene kof ojo manyu to kof na lolotuno warun na isio”.
|
||
\p
|
||
\v 31 Odumu Yesu jayona kunenge tomon ko are ko kitingadaru icieng kalele, orihohi icieng ojo, “kifworo ohoi manyu Jerusalem ko sangite pili kuna liger kamocak to kito lo tungani ofwo ca itufuta,
|
||
\v 32 icori ca inyi kac kulo misiok, ofwo ca icieng okwenitare inyi, omori inyi, omitahini kamilak ken, olumi manyu ifadari inyi.
|
||
\v 33 Far lo uni owaru ari”.
|
||
\v 34 Ida jayona iniang lobo tohi diho kuno tenyi tenyi loteny Yesu. Iduharu fotiri lo tenya nenge diho icieng ida icieng oyen tohi na lotenya inyi.
|
||
\p
|
||
\v 35 Kolo nyihuno Yesu Jeriko, lobo tungani ka ngodoni orumu itongo kalele lo kikoi ililifita,
|
||
\v 36 koloning ilulung oringaru, itifi nyio longon kitiihino.
|
||
\v 37 Orihohini inyi ojo Yesu loNazaret oringaru.
|
||
\v 38 Oto ilolong ojo “Yesu kito lo David kide nan to kisa”.
|
||
\v 39 Cio kuna litemita ko kirienga inyi ojimi ojir obuho. Ati igore noo, “kito lo David kide nan to kisa”
|
||
\p
|
||
\v 40 Yesu ko woita, ko rihohino cio ojo ojir iyauni na tungani diho inyi. ojo inyi lonyihu diho Yesu itifi inyi ojo,
|
||
\v 41 “iwak isi nan atii nyio diho isi?” Inyiahahi inyi ojo, “Lahitok awak nan deya”
|
||
\p
|
||
\v 42 Ojo Yesu diho inyi, “torumu konyeha kunino; lohitijir kiruk nino isi”.
|
||
\v 43 Deu deu inyi ko deya ko kijifita Yesu omaja Lobanga. Kolodeu cio fad ji, omaj manyu icieng Lobanga.
|
||
\c 19
|
||
\cl Kingutit 19
|
||
\p
|
||
\v 1 Orute Yesu Jeriko orumu ongon ringaru.
|
||
\v 2 Ongon tungani lobo ija na lobara Zakaio, ara inyi lahitok lo katisofok kulo mocoro manyu obara noo.
|
||
\v 3 Owak orumu inyi yenun Yesu inyi ngai, ati to suhon nenge, itilanyu ilulung inyi.
|
||
\v 4 Oto inyi ife ketemoni olo irwok ciani bule ojir adeunore Yesu tonyio orumu olotuno Yesu ara fotiri lona bule
|
||
\v 5 Kolo goru Yesu na faji ko deya kai ko jimitan diho inyi, Zakaio iculuno kof deu, aloro nan kitongo kaji nino ene far.
|
||
\v 6 Oto inyi iculuno deu deu ko kifotuno Yesu kaji nenge to kwerun lo tau.
|
||
\v 7 Odeu cio fad icahi ngungunita ojo, “lolo inyi ara weloni kaji lo kapalani”
|
||
\v 8 Ati owoju Zakaio ko jimitan diho Lahitok, “tode Lahitok jija acio ca nan nusu lo sangite kunei diho kakidahak, manyu kalatimumun afa nan tungani iyo lobo tohi, anyahahi ca nan kakeny ongon.
|
||
\p
|
||
\v 9 Ojo Yesu diho inyi, “ene far lolotu lwaharu ene kaji, tonyio ara manyu ene tungani lo tata lo Abraham.
|
||
\v 10 Tonyio olotu kito lo tungani tahita ko lwaha kuna lorii”.
|
||
\p
|
||
\v 11 Kolorihe oningoti ene, osodoro inyi foro kitisirani lobo diho icieng tonyio orumu inyi lonyiharu Jerusalem manyu ibuha cio ojo loloro ca okabwe lo Lobanga boto tarany.
|
||
\v 12 Ojo inyi, “lobo tungani kaboloroni afa ko loro lobo kof iloma ojir ofihi inyi ara kabu aitu hati.
|
||
\v 13 Oto inyi ilolongu karwaak kunenge tomon ico icieng robia tomon ojo, ‘itiyoreti kuno robia tujar manyu alotu nan’, tenya na lorihohi inyi karwaak kunenge inyi na.
|
||
\p
|
||
\v 14 Ati orumu cio kulo kof nenge oberu inyi oculari cio omot nenge ojo ida ohoi kiwak ene tungani ara kabu niyang.
|
||
\v 15 Ofwori ofihi lrok ara kabu, oitu kang. Inyi ko kilolonguno karwaak kunenge kuna ngole afa licio inyi robia lodeunore tohi na litii icieng to kuna robia.
|
||
\p
|
||
\v 16 Olotu lo ketemoni ojo, ‘Lahitok, lorumu robiati nino kuna kude tomon’.
|
||
\p
|
||
\v 17 Inyiahahi lahitok nenge inyi ojo, “itii isi otoc karwaani nei na ijir, tona ligenorore isi to sangite kuna sidiha tolanyu isi kangite tomon.
|
||
\p
|
||
\v 18 Olotu lo are ojo, ‘Lahitok lorumu robiati nino kula kude miet’.
|
||
\p
|
||
\v 19 Ojo lahitok nenge diho inyi, to lanyu isi kangite miet.
|
||
\p
|
||
\v 20 Oto lobo karwaani bito olotu ojo, Lahitok, robiati nino ene, adumu afa nan abubur to kyela aricahi.
|
||
\v 21 Ahibang orumu nan isi tonyio isi tungani na logol koditi, idumarita isi tohi na lida isi ifik, manyi idengo faji lafa lida isi iihi kinyemo.
|
||
\p
|
||
\v 22 Inyiahahi Lahitok nenge ojo, ‘Ahingotohi nan isi tenya to tenyi tenyi kulo kutuk nino, isi ene karwaani ikaru irohoi, iyen isi kode jimitan ogol koditi nei, adumarita nan tohi na lida nan afik, manyu adengo faji na lida nan aiihi kinyemo?
|
||
\v 23 Nyio hati afa lohitik isi fiha robiati nei benge ojir ngole ajo nan alotu arumu loborengi?
|
||
\v 24 Oto ko rihohino kuna lo woita inya ojo, ‘itodume robiati nenge to kana nenge icwarata diho na longon ko robia tomon’.
|
||
\p
|
||
\v 25 Ojo icieng, ‘Lahitok lotehita manyu inyi tomon kulu’.
|
||
\p
|
||
\v 26 Inyiahahi inyi ojo, ‘Ahirihohi ite, diho tungani na lotehita, osodohini ojo diho tungani na lorujore, kileng lobo sidi lotehita inyi odumari’.
|
||
\v 27 Ati kuna merok kunei lida owak nan ara kabu neicieng, iyaunoti icieng ene ifadeiti icieng to ketemoni nei”
|
||
\p
|
||
\v 28 Kolokeru Yesu tenya kuno, ko loro iya ketemoni ara kaloroni iya Jerusalem.
|
||
\p
|
||
\v 29 Langun lonyiharu Betapeg ko Betani iyo donge na lojimi donge lo Olive, ocule jayona kunenge are ketemoni ojo diho icieng,
|
||
\v 30 “ifwo na kang to ketemoni ningi, langun lirutoro ite, ifwo ca ite irumu kito lo sigiria otora ija na lorihe ida tungani irwok. Itilahu iyauno ene
|
||
\v 31 kalohitifia tungani ite ojo nyio ilaha ite inyi? itorihohi inyi ijo owak Lahitok inyi”.
|
||
\v 32 Kuna loculari ketemoni, ofwo orumu iya na lorihohinore inyi icieng.
|
||
\p
|
||
\v 33 Kololaha icieng kito lo sigiria, itifi monyeri icieng, ‘nyio ilaha ite kito lo sigiria?’
|
||
\p
|
||
\v 34 Inyiahahi icieng ojo, ‘owak Lahitok inyi’.
|
||
\v 35 Iyauno icieng diho Yesu, ofetahini kyelani kuneicieng korwong nenge ko kiti rwohohino Yesu.
|
||
\v 36 Kalolot inyi, ofetahi cio kyelani kuneicieng kikoi.
|
||
\p
|
||
\v 37 Kologoru faji na liculorore kikoi to donge lo Olive, ilulung lo kajifitak kunenge ko kicaha maja Lobanga to kwama to ogorohin kuna ikwati to tanguhin fad kuna lodeu icieng.
|
||
\q
|
||
\v 38 Ongon gum diho kabu na lolotu to karana lo Lahitok kisiliban ongon kai ko deyo ongon kai noo!
|
||
\p
|
||
\v 39 Kude Parisihin to katwa lo ilulung ko jimitan diho Yesu, ‘katiyenani, irienga kajifitak kunino!’
|
||
\p
|
||
\v 40 Inyiahahi inyi ojo, “Ahirihohi ite kalobuho icieng igore ca morutok”.
|
||
\p
|
||
\v 41 Kolonyihuno inyi Jerusalem lodeu kang na hitok, icira inyi to Jerusalem oto
|
||
\v 42 ojo, “Ngara ba iyen isi ene far tohi na ngiyauno diho isi kisilibanati jija iduhari to konyeha kunino.
|
||
\v 43 Olotu mute far na lofwonunore merok kunino oduhi kigilita iyo isi kiriti isi kiculati isi to fajihit fad
|
||
\v 44 kibirohini isi kof, isi ko tee kuna longon katwa lo kiwata nino. Ida mut ongerihini moru icodoho kai lo kaletoni tonyio ida afa isi iheru faritin kulo lotuno lo Lobanga diho isi”.
|
||
\p
|
||
\v 45 Ko rutoro Yesu kaji lo Lobanga, ko kicaha kifuhita cio kuna lorumu itiloto ija.
|
||
\v 46 Ojo diho icieng, “Igero ojo, ‘itongo mute kaji nei ara kaji lo kilifa’ ati litirak ite ara kunom lo kabelak”
|
||
\p
|
||
\v 47 Faritin fad itiyena orumu inyi to kaji lo Lobanga, ati kadwarak kuna hitoha, katiyenak kulo cik ko kabolorok to kiji lo cio orumu otemati kifadaru inyi.
|
||
\v 48 Oto hati ida icieng orumu kikoi lo kifada inyi tonyio cio pili okodomoti ningo tenya nenge.
|
||
\c 20
|
||
\cl Kingutit 20
|
||
\p
|
||
\v 1 Lobo far kalitiyena inyi cio to kaji lo Lobanga ko kititima layomit na ijir, kadwarak kuna hitoha ko katiyenak kulo cik ara lobito ko lohitwaha ko fwonuno dih inyi.
|
||
\v 2 Ojimi diho inyi, ‘kirihohi ohoi tani twero itiyore isi kuno sangite? Ngai lohico isi ene twero?’
|
||
\p
|
||
\v 3 Inyiahahi inyi ojo, “Ahitifi manyu nan ite kitifit, kirihohi nan.
|
||
\v 4 Kibatisa lo Jon, olotu afa to kai kode diho cio?”
|
||
\p
|
||
\v 5 Oteny icieng ake ake ojo, “kolohijo ca to kai ojo ca inyi, Nyio hati afa ite ida iruk tenya lo Jon?
|
||
\v 6 Ati kolohijo diho cio, oto ca kuno cio fad kicak ohoi to morutok tonyio oyen icieng fad jimitan ara afa Jon kamocani”.
|
||
\v 7 Oto dong icieng inyiahahi ojo, “ida ohoi kiyen faji na loreunore kibatisa lo Jon”.
|
||
\p
|
||
\v 8 Ojo Yesu, “ida manyu ca nan ahirihohi ite twero na latiyore nan kuno sangite”.
|
||
\p
|
||
\v 9 Osodoro inyi forohino cio ene kitisirani, “Itibul afa lobo tungani mana lo vino nenge, ko itipangahino diho cio kude ko loro faji na iloma.
|
||
\v 10 Kologoru ofahin kulo ngak, ocule inyi karwaani nenge ojo ojir olo iyauno kude ngak. Ati olum kapangak inyi ifuhari oite to kac.
|
||
\v 11 Ocule lobo karwaani ari, kileng na olumi itidahahini riri ifuhari oite to kac.
|
||
\v 12 Ocule ari kiti uni itikorongani na ifuhari oleng.
|
||
\v 13 Ojo dong monye lo mana, ‘Adim ca nan aja? Aculahi ca nan kito nei na lamaru nan, kuya obangiti ca inyi’.
|
||
\p
|
||
\v 14 Ati ojo kapangak odeu inyi otenyi ake ake ojo, ‘kalunyoni ene, ifwonu ngafadeti ojir tohi lo lunyo nenge ara niyang.
|
||
\v 15 Inyi na ko ki biroroti inyi to manahatwa ko kifadaru inyi. nyio dong ca itii monye lo mana diho kuna kapangak?
|
||
\v 16 Olotu ca inyi ifade kuna kapangak ko kicwara mana nenge diho kude”. Koloning cio kuno tenyi tenyi oto ojimi ‘keco hati kuno ori jii’.
|
||
\p
|
||
\v 17 Oto Yesu ode icieng tok ko kitifia ojo, “Nyio hati dong fotiri lone tenya ligero ojo,
|
||
\v 18 Tungani fad na lourohino iyo na moru igigilaru ca ati na lodohi na moru ken nenge ibonyaru ca”.
|
||
\p
|
||
\v 19 Katiyenak kulo cik ko kadwarak kuna hitoha ko tahita kikoi lo kiniefa inyi deu tonyio oyeniti jimitan ofor inyi ene kitisirani to icieng. Ati obangi orumu icieng cio.
|
||
\v 20 Kaliriria icieng inyi, oto oculari katidak diho inyi kuna litetema jiran. Otahita ojo ojir kiniefu Yesu to tohi na loteny inyi ojir kicorihinore inyi diho golun ko twero lo gavona.
|
||
\v 21 Dong itifi kulo katidak inyi ojo “katiyenani kiyen ohoi jimitan itenya manyu itiyena isi tohi na ibehi manyu ida isisio ati itiyena kikoi lo Lobanga na lijifita dede.
|
||
\v 22 Ocam re diho ohoi sofo mocoro diho Cesar kode ida?
|
||
\p
|
||
\v 23 Odeu inyi owic neicieng ko jimitan,
|
||
\v 24 “kitotorohi nan robiati. Longai ene kitiriri ko kigero longon ija?”
|
||
\p
|
||
\v 25 Inyiahahi icieng ojo, ‘lo Cesar’ ojo dong inyi diho icieng, “Dong icorihiti Cesar sangite kulo Cesar ko Lobanga manyu kulo Lobanga”.
|
||
\v 26 Ida icieng itweru lohuno inyi to tenya na loteny inyi tinya to ketemoni lo cio fad. Manyu ipanyiti tenya na linyahu inyi ko buhoroti.
|
||
\p
|
||
\v 27 Kude sadusihin kuna lojo oru kibuhuno ko fwonuno diho Yesu ko kitifit.
|
||
\v 28 Ojimi diho inyi, “katiyenani, iger afa Moses diho ohoi ojo kolowei rece lo tungani ongerihi ngorwani ati oru tee, ojir inyi ojung ngorwani otomonu tee kuna lara kulo kaweyani.
|
||
\v 29 Ene ongon afa recera mietare. Oyem ketemoni ngorwani ati owei oru kito longerihi,
|
||
\v 30 Lo are
|
||
\v 31 manyu lo uni ojung inyi, inyi na kikoibito, kuna cio fad mietare oweiha oru kolobo kito.
|
||
\v 32 To kifwongi owei manyu ngorwani,
|
||
\v 33 Adi dong to kibuhuno mute ara mute inyi ngorwani lo ngai ati kuno cio fad mietare litong ko inyi.”
|
||
\p
|
||
\v 34 Inyahahi Yesu ojo, “cio kulo ene kof loyema manyu itiyemati.
|
||
\v 35 Ati kuna likeni manyu ocam to nu warun ko kibuhuno to kiji lo kaweyak, ida oyema kode itiyemi.
|
||
\v 36 Manyu ida orihe owei tonyio ori icieng iya malaikahin, ara icieng tee kulo Lobanga tona lorahare icieng tee kulo kibuhuno.
|
||
\v 37 Ati to tenya lo tim na locura kileng Moses oyen ojo ibuhu mute kaweyak tonyio ilolong inyi Lobanga ojo Lobanga lo Abraham, lo Isak ko lo Jakob.
|
||
\v 38 Ida inyi ara Lobanga lo kaweyak ati lo kawarak, tonyio diho inyi owari pili”.
|
||
\p
|
||
\v 39 Inyiahahi kude kulo katiyenak kulo cik ojo, ‘iteny isi otoc katiyenani’.
|
||
\v 40 Ida dong lobo tungani inyahat kitifia inyi lobo kitifit.
|
||
\p
|
||
\v 41 Tinya ojo Yesu diho icieng, “Aja re ojimi ojo ara kristo kito lo David?
|
||
\v 42 David token lotulu iyo buk lo woleco,
|
||
\q
|
||
\v 43 ‘ojo Lahitok diho Lahitok nei: Itongo to ngati lo iteten nei, manyu afik nan merok kunino ara seger lo kejuha kunino.
|
||
\v 44 David ilolong inyi ojo Lahitok, aja hati manyu ara kito nenge?”
|
||
\p
|
||
\v 45 Koloningo cio fad ojo Yesu diho kajifitak kunenge,
|
||
\v 46 “Itigeny katiyenak kulo cik. Imaruni kingalita ko kyelani kuna ikariti manyu imaruni fonyo lo cio to fajihit kulo cuk manyu onyumoti segeri kuna hitoha to lotubarihin ko fajihit kulo kiwora to karamahin.
|
||
\v 47 Orujoti kajihit kulo lafuseritohin oto hati itotoroti kenite to kilifa na ikarit, koditi lo kuna cio obolo mute kitigema neicieng."
|
||
\c 21
|
||
\cl Kingutit 21
|
||
\p
|
||
\v 1 Kolodeya Yesu, odeu kabarak icwara robia katwa lo sanduk na longon kaji lo Lobanga.
|
||
\v 2 Odeu manyu lobo ngorwani lafuserito kakidahani ofihahi girisi are.
|
||
\v 3 Oto ojo, “Ahirihohi nan ite tenya lo dede ene lafuserito kakidahanin lofik ilany cio fad.
|
||
\v 4 kuno cio kude fad icwarati robia itutumo bara na longonore icieng ati inyi to kidak na longonore inyi icio fad kuna lotehita inyi to warun nenge.”
|
||
\p
|
||
\v 5 Kude to kiji lo kajifitak kunenge orumu otenyati duho ko dwarujon lo kaji lo Lobanga, na loduhi to morutok kuna litibibilarihin ko kicwara lo kicorita diho Lobanga. Ojo Yesu,
|
||
\v 6 “kalara to kuno sangite lideya ite ene, olotuno far na mute lida ongerihinorehin lobo moru icodoho kai lo kaletoni icieng fad osuruni ca kof”.
|
||
\v 7 Itifi icieng inyi ojo, “katiyenani, itiihino mute kuno sangite anu? Adi nyio mute litotoro jimitan lonyiha icieng itiihino?”
|
||
\v 8 Inyiahahi ojo, “Iririati kecio kinonongi. Tonyio becek kuna ca lofwonu to karana nei otenyati ojo ‘inyi nan’ kode ‘lonyiha tik’ kejif icieng.
|
||
\v 9 Kalining ite tenyi tenyi kulo rem ko jorehin kebang, ocam kuna sangite re itiihino ketemoni ati ida ca lohicungi oruk lotuno”.
|
||
\p
|
||
\v 10 Oto ojo diho icieng, “Orem ca kof ko kof manyu okabwe ko okabwe,
|
||
\v 11 ongon mute otirahin kuna hitoha, kingaco ko johijohi fajihit kuna iborengi, ko ticitici kuna litirima ko kitotorita kuna hitoha, to kai.
|
||
\v 12 Ati orihe kuno fad icahi lo kiyeyela ite. Kiyari ca ite ketemoni lo lotubarihin ko mabus manyu kiyauni ca ite ketemok kulo kabunok ko gavunahin to karana nei.
|
||
\v 13 Itongo ca ene diho ite ara lo rahun sadeni diho icieng.
|
||
\v 14 Ati keco ite iudo jimitan kiteny ca nyio? Kijo aja?
|
||
\v 15 Tonyio ahicio ca nan ite tenyi tenyi ko genyun na lida kileng kadorok kuningi kitum peha ko ite.
|
||
\v 16 Kitob ca ko katomonok, recera, kajeba ko morot ite manyu kude tokiji ningi ifadari ca.
|
||
\v 17 Cio fad kiberu mute ite to nan.
|
||
\v 18 Ati kileng fofiti lo kweci kuningi ida ca ori.
|
||
\v 19 To woita to golun irumu ca ite warun.
|
||
\p
|
||
\v 20 Kalideu ite karemok lirit Jerusalem, itiyen jimitan lonyiha kisararu nenge.
|
||
\v 21 Dong ingohi kuna longon Judea ife iya dongeco, ingohi kuna longon Jerusalem torutu, keco kuna longon oleng orute Jerusalem.
|
||
\v 22 Tonyio ara kuno faritin kulo kidak lo kitifuta kigero kulafa ligeri fad.
|
||
\v 23 Bolojun ha re lo kidak lo kuna faritin diho ngorwo kafongak ko katinahak! Obolo ca kidak ene kof fad ko kilongo lo Lobanga diho kuno cio.
|
||
\v 24 Ifadi ca icieng to latubot manyu iniefari ara mabusi kofi kofi fad. Onyion ca misiok Jerusalem manyu otumohino faritin kulo misiok.
|
||
\p
|
||
\v 25 Ongon mute kitotorit iyo kolong, ofa ko kanger. Cio kulo kofi kofi fad itoyoti mute oiha taulo to kitirita ko kifoloha lo nam.
|
||
\v 26 Ihihirita mute cio ko bangun tohi na lolotuno kof tonyio golun na longon kai itinieniengi mute.
|
||
\v 27 To nu tik odeuni mute kito lo tungani olotuno to idis to golun mo deyo na hitok.
|
||
\v 28 Kalicak kuno sangite kitiihino itiwoju iting kweci kai tonyio lonyihu lahuno ningi”.
|
||
\p
|
||
\v 29 Oforohi icieng ene kitisirani; “itide ciani lo bule ko cianitok kuna kude fad.
|
||
\v 30 Ko lo lit bene ito manyu ite ideu jimitan lonyiha kamieu.
|
||
\v 31 Ori manyu jii, kalideu ite kuno sangite ongon kitiihino ojir iyen ijo lonyiha okabwe lo Lobanga.
|
||
\v 32 Ahirihohi ite tenya lo dede ida ca ene kofiangiti oringe many itiihino kuno sangite fad.
|
||
\v 33 Oringe mute kof ko kai ati tenya nei ida mute oringe.
|
||
\p
|
||
\v 34 Itigeny, kode keco taulo kuningi ogoli, ruma ko kiudo lo warun, oto cia nu far kimuhi ite iya kitu.
|
||
\v 35 Tonyio olotuno na far to cio pili kuna longoni ene kof.
|
||
\v 36 Itongoti iriria faritin fad manyu ilifa ojir ifur iyo sangite pili kuna mute lofwonu kitiihino manyu ojir mute itum woita ketemoni lo kito lo tungani”.
|
||
\p
|
||
\v 37 Faritin fad orumu Yesu itiyena to kaji lo Lobanga ati to kurou olorita geto donge na lojimi donge lo Olive.
|
||
\v 38 Manyu ofwonunita cio to kiwanyi ningo tenya nenge kaji lo Lobanga.
|
||
\c 22
|
||
\cl Kingutit 22
|
||
\p
|
||
\v 1 Orumu lonyihu far lo mugatihin kuna lida ikukumati to ibula na lilolongoti ojo far lo Rangaru (Paska)
|
||
\v 2 manyu kadwarak kuna hitoha ko katiyenak kulo cik orumu otahitati kikoi lo kiniefuno ko kifadaru Yesu tonyio obang icieng cio.
|
||
\p
|
||
\v 3 Oto sitan orute katwa lo Judas Iskariot na lara lobito to kiji lo tomon ko are,
|
||
\v 4 Judas ko loro diho kadwarak kuna hitoha ko kabolorok kulo kaririak kulo kaji lo Lobanga ko loro kikukuma ko icieng kikoi na ngatobohinore inyi Yesu diho icieng.
|
||
\v 5 Okwama icieng manyu iruhiti kicwara inyi robia.
|
||
\v 6 Iruk inyi odeya dong tik na ngapotohinore inyi Yesu diho icieng irumu ilulung oru.
|
||
\p
|
||
\v 7 Oto olotu far lo mugati kuna lida ikukumi to ibula far na longotorihin kirieho kulo Paska.
|
||
\v 8 Ocule Yesu Petero ko Jon ocik icieng ojo, “ifwo ikukumahiti diho ohoi faji lodahare karama lo Paska”.
|
||
\p
|
||
\v 9 Itifi icieng ojo, “Aji ngohikukumahinore ohoi karama?”
|
||
\p
|
||
\v 10 inyiahahi inyi ojo, “kalirutoro ite Jerusalem kitiric ca tungani na liyuhita moti lo kifi ite. Ijifata inyi many kaji na lorute inyi.
|
||
\v 11 Ito hati ijo diho monye lo kaji, ‘ojo katiyenani aji faji na ngadahare nan karama ko jayona kunitole?’"
|
||
\v 12 Kitotorohi ca ite kaji lo kai na ilalat na lotuba ikukumahino, ikukumahiti karama ija”.
|
||
\v 13 Ofwo icieng orumu sangite fad iya na lotenyare Yesu. Oto icieng ko kikukuma karama lo Paska.
|
||
\p
|
||
\v 14 Kololotu tik, Yesu ko jayona kunenge orumu ongoniti daha.
|
||
\v 15 Oto ojo diho icieng, “Orumu nan akodomo to tau nei daha ene Paska ko ite orihe ida larumu kidak.
|
||
\v 16 Ahirihohi nan ite ida ca nan arihe anyia ari many kalorumu kitifuta lo fotiri nenge iyo okabwe lo Lobanga”.
|
||
\v 17 Langun lodumu kubaya, icio kwama ko jimitan, “Ikai ene itikor ite fad.
|
||
\v 18 Tonyio ahirihohi ite ida ca nan arihe amat vino ari many kololotu okabwe lo Lobanga”.
|
||
\v 19 Odumu mugati icio kwama ko benya, ko kicwara icieng ojo, “ken nei ene na licori to ite; itiyoto jii kiiunitare nan”.
|
||
\v 20 To na kikoi bito koloru daha, odumu kubaya ojo, “Ara ene kubaya cik ngejuk to okoto nei na lijuhori to ite.
|
||
\v 21 Ati kana lo na ca lohitob nan ongon ko nan kai lo meja.
|
||
\v 22 Olo ca kito lotungani iya na likukumarihin ati kidak diho katoboni nenge.
|
||
\v 23 Iciak icieng kitifiaru ake ake ani tokiji neicieng lolo ca kitiyo na tic.
|
||
\p
|
||
\v 24 Olotu rija ongon kiji neicieng lo jimitan ani to kiji neicieng lobolo ilany fad.
|
||
\v 25 Ojo Yesu diho icieng, “Kabolorok kulo misiok, olanyu icieng cio to golun manyu kuna longon ko obolore to kiji neicieng ilolongoroti ojo katiyok kuna ijiri to cio.
|
||
\v 26 Ati ida ite itum iri ji. Ati nahitok ilany to kiji ningi owak ara nasidi tur, manyu na lolanyu iya karwaani
|
||
\v 27 kode ani lobolo na litongo meja kode na lirwaa? Ida na longon iyo meja? Ati angon nan kiji ningi iya karwaani.
|
||
\v 28 Ite kuna lohiwoita ko nan diho kidak nei.
|
||
\v 29 Manyu ahicio nan ite okabwe iya na lohicwarare Apa nan
|
||
\v 30 ojit mute idaha ko mata ko nan iyo okabwe nei manyu itongo to segeri kulo obolore ingoto tenya diho imaniti tomon ko are kulo Isirael.
|
||
\p
|
||
\v 31 Saimon, Saimon, owak sitan kiyoyonga ite iya ngamang.
|
||
\v 32 Ati lalifa nan to isi Saimon jimitan ida kiruk nino odoi manyu kaliitu ca isi, itigolo recera kunino.
|
||
\p
|
||
\v 33 Ati ifotu inyi ojo, “Lahitok akukumahino nan lo loro ko isi kileng ngara mabus kode wei”.
|
||
\p
|
||
\v 34 Ifotu Yesu ojo, “Ahirihohi isi Petero, orihe ikokor ida likok orumu isi liberu nan kakeny uni”.
|
||
\p
|
||
\v 35 Oto Yesu itifi icieng ojo, “Lafar kalahicule nan ite oru ko ogogori, robia kode kamuha ongon afa lobo tohi longoromahino diho ite?” Inyiahahi icieng ojo “oru”.
|
||
\p
|
||
\v 36 Ojo diho icieng, “Ati jija, na longon ogogor ingohi totek manyu koloru latubot nino lo lobo, itilote kiela inyangu.
|
||
\v 37 Igero ojo ‘ikenahini inyi ko kapalak’ manyu ahirihohi ite ojo itiihino ca ene diho nan. Ibo sangite fad kuna ligero to nan ogoruno kitifuta”.
|
||
\p
|
||
\v 38 Ojo jayona, “Tode Lahitok latuboti are kuno”. Ifotu inyi ojo, “otum kuna.”
|
||
\p
|
||
\v 39 Olo Yesu iya langun; donge lo Oliv ko jayona kunenge ijifita inyi
|
||
\v 40 kalogoruni nu faji, ojo diho icieng, “Ilifati ojir ida iurohino iyo laba”.
|
||
\v 41 Isol tinya diho icieng many fajii na ngotum moru dohino kalibirori, ogung kof ilifa ojo,
|
||
\v 42 “Apa kaliwak isi, todume ene kubaya diho nan, ati ida ara wahun nei, ati nino itiihino”.
|
||
\v 43 Oboto malaika to kai diho inyi itigol inyi.
|
||
\v 44 Tona longonore inyi iyo kidak noo ilifa to tau fad oto cora nenge ododo kof ara okoto.
|
||
\v 45 Kolowoju inyi to lohilifare olo diho jayona, olo orumu icieng logetoro loniamaha to kitoyo.
|
||
\v 46 Itifi icieng ojo, “Nyio igeto ite? Itowoju ilifati ojir ida iurohino iyo laba”.
|
||
\p
|
||
\v 47 Kolorihe inyi otenya, ofwonu ilulung manyu tungani na lobara Judas, lobito to kiji lo tomon ko are inyi lorihita icieng, ko loro ojo oji amaruk Yesu.
|
||
\v 48 Ati itifi Yesu inyi ojo, “Judas itob isi kito lo tungani to kimaruha?”
|
||
\p
|
||
\v 49 Ko lodeu kajifitak kulo Yesu tohi na loloro kitiihino, ojimi diho inyi, “Lahitok kingod icieng to latuboti kuniyang?
|
||
\v 50 Lobito to kiji neicieng ko ngoda karwaani lo kadwaarani lahitok ongute kiyok nenge iteten.
|
||
\p
|
||
\v 51 Ati ojo Yesu, “Kerihe isodohi” ko tiro kiyok lona tungani ko kitifurioro.
|
||
\v 52 Yesu ko jimitan diho kadwarak kuna hitoha, kulahitoha kulo kaririak kulo kaji lo Lobanga ko lohitwaha kuna liyomuno inyi, “Arihita nan kasasuok ifwonunore ite ko latuboti ko iluhi?
|
||
\v 53 Faritin fad angonita nan ko ite kaji lo Lobanga manyu ida ite kitir nan. Ati tik ningi ene kololanyu lokimuyuk kof”.
|
||
\p
|
||
\v 54 Tinyia kiniefunoti inyi ji ko rihoroti inyi iyari kaji lo kadwarani lahitok. Ijifita Petero lo lomaje.
|
||
\v 55 Ati kalinohahini kima kiji lo sita manyu itongohinoti ara lobito, itongohino ko icieng.
|
||
\v 56 Lobo kito karioni karwaani ko deuno Petero to wangun lo kima itongo ija. Oto ko hera inyi otoc ko jimitan, “ongon ade ene tungani ko inyi”.
|
||
\p
|
||
\v 57 Ati oberu inyi ojo “ngorwani ida nan ayen inyi”.
|
||
\p
|
||
\v 58 Orihe gaa, odeu manyu lobo tungani inyi ko jimitan, “ira isi lobito to kiji neicieng”. Inyiahahi Petero ojo, “ele ida nan ayen”.
|
||
\p
|
||
\v 59 Kolorang tik lobito, ojo manyu lobo, “Dede ara lerok lobito tonyio ara manyu inyi Galileani”.
|
||
\p
|
||
\v 60 Inyiahahi Petero inyi ojo, “ele ida nan ayen tohi na litenya isi “. Orihe inyi otenya jii, ikok ikokor.
|
||
\v 61 Lahitok ko ngolo ko deya konyeha kulo Petero to ken. Petero ko kiiuno tenya na loteny Lahitok diho inyi ojo, “Orihe ikokor ida likok irumu isi liberu nan kakeny uni”.
|
||
\v 62 Ko rutoro oleng olo icir bebe.
|
||
\p
|
||
\v 63 Iciak kuna asegere likura Yesu kwenitare ko lumo inyi.
|
||
\v 64 Imuhi konyeha kunenge olumi kode onangi itifi hati ojimi, “Imoca, ngai lohilum isi?”
|
||
\v 65 Otenyitenyi tenyi becek kulo kwenitare ko moro inyi.
|
||
\p
|
||
\v 66 Kiwanyi berien, lokiho lo lohitwaha kulo cio, kadwarak kuna hitoha ko katiyenak kulo cik ko kifuro ara lobito, ko kiyaunoti Yesu ketemoni neicieng.
|
||
\v 67 Oto icieng ojo diho Yesu, “Kalira isi Kristo irihohi ohoi”. Inyiahahi Yesu ojo, “Kalahirihohi nan ite ida ca ite iruk tenya nei,
|
||
\nb
|
||
\v 68 manyi kalahitifi nan ite ida ite itirang.
|
||
\v 69 Ati kicaha tone far itongo ca kito lo tungani iteten lo Lobanga na lilany fad”.
|
||
\p
|
||
\v 70 Itifi icieng fad ojo, “Ira hati isi kito lo Lobanga?” Inyiahahi inyi ojo, “Ibehi ite jimitan inyi nan”.
|
||
\p
|
||
\v 71 Oto ojimi. “nyio manyu kirihe kitahitare lobo saden? Lohining manyu ohoi to kutuk nenge”.
|
||
\c 23
|
||
\cl Kingutit 23
|
||
\p
|
||
\v 1 Oto ilulung fad ko wojuno ko kiyaruno Yesu diho Pilato.
|
||
\v 2 Manyu iciak icieng fad kidoro inyi ojo, “kirumu ohoi ene tungani itirijoro kof niyang. Itiho sofo lo mocoro diho Cesar manyu ilolongoro ake ake ojo inyi kristo kabu”.
|
||
\p
|
||
\v 3 Itifi Pilato inyi ojo “ira isi kabu lo cio kulo Judea?” Inyiahahi inyi ojo, “Ibo, ori iya na liteny isi”.
|
||
\p
|
||
\v 4 Oto Pilato ko rihohino kadwarak kuna hitoha ko ilulung ojo, “ida nan aumu lobo kipal na ngotum ifadarorihin ene tungani”.
|
||
\p
|
||
\v 5 Ati ifud icieng ojo, “Isusua lerok cio ene Judea fad to kitiyena nenge. Iciak many to Galilea olotunore many ene”.
|
||
\v 6 Koloning Pilato jii itifi icieng kalara Yesu tungani lo Galilea.
|
||
\v 7 Koloning ojo ara Yesu tungani lo kof na lolanyu Erod, na manyu lorumu ongon Jerusalem to kuna faritin, ocule inyi diho Erod.
|
||
\p
|
||
\v 8 Kolo deu Erod Yesu oto okwama bebe tonyio to faritin becek orumu inyi otahita deya Yesu. To kuna loning inyi iyo ticitici kulo Yesu, orumu inyi okodomo ojo ojir Yesu itii lobo tangu.
|
||
\v 9 Itifi inyi kitifi becek ati ida Yesu ifotu.
|
||
\v 10 Kadwarak kuna hitoha ko ktiyenak kulo cik orumu owoita ijia, ifudati kidoro inyi.
|
||
\v 11 Oto Erod ko asegere kunenge ingal ko kwenitare inyi. langun liticiefi inyi kyela na litibibila, ko kinyiaharoti inyi diho Pilato.
|
||
\v 12 Kiciaha many tona far ofwonu Erod ko Pilato ara morot orumu berien oswaati.
|
||
\p
|
||
\v 13 Ilolongu Pilato kadwarak kuna hitoha ko kalanyunok ko cio pili
|
||
\v 14 ko jimitan diho icieng, “iyauno ite ene tungani diho nan ijo isusua cio lo beruno imiri. Latifi nan inyi to ketemoni ningi manyu ida arumu lobo kipal na ngotum ngotohinorehin inyi wei.
|
||
\v 15 Ida kileng Erod orumu tonyio inyahu manyu inyi diho ohoi, iya na lideyare ite ida inyi itii lobotohi na ngotum kifadarore inyi
|
||
\v 16 tona atilum ca nan inyi alahahi olo.
|
||
\v 17 to faritin kulo karama ongonita afa ojo ojir olahahi tungani mabus lobito to icieng".
|
||
\v 18 To ogoro lobito igori, “todume ene tungani tolahahi Barabas diho ohoi!”
|
||
\v 19 orumu Barabas otori to kisusua ko kifada lo tungani.
|
||
\v 20 Iya na lowahare Pilato lahahino Yesu, otan inyi icieng ari.
|
||
\v 21 Ati itiring icieng kigorita, “togurohi iyo kuruce! Togurohi iyo kuruce!”
|
||
\v 22 Lo kakeny uni oteny inyi diho icieng, “tonyio kipal nyio itii ene tungani? Ida nan arumu ken nenge lobo kipal ngocamare nan kifadaru inyi, tona, atilum nan inyi alahahi olo”.
|
||
\v 23 Ati to ogorohin kuna ikwati itiring kigorita ojo ojir inyi ogurohini iyo kuruce, olanyu dong icieng tona kigorita neicieng.
|
||
\v 24 Tona pilato ko kiruk kicwara icieng wahun neicieng.
|
||
\v 25 Olahahi inyi na tungani lotori to kisusua ko kifada lo tungani, iya na lilifare icieng ko lahahino Yesu iyo wahun neicieng.
|
||
\p
|
||
\v 26 Kolorihoroti inyi, ko kiniefunoti Saimon lo Ciren na lolotu to kangite oloro katwa lo Jerusalem ko kifudahinoti inyi tingo kuruce to omot lo Yesu.
|
||
\p
|
||
\v 27 Ilulung lo cio orumu ijifita inyi ko ngorwo kuna lorumu icira inyi.
|
||
\v 28 Ibelo Yesu orihohi icieng ojo, “tee kulo Jerusalem kecira nan, icirati kenite kuningi ko tee kuningi.
|
||
\v 29 Tonyio olotuno far na lijimitare ite, ‘ongon ko gum ngorwo kakorifok, koceheri kuna lida ifongu ko iki kuna lida itinak.
|
||
\q
|
||
\v 30 Oto ojimi diho dongeco, kiurohinoohoi manyu diho locolongi kimuk ohoi!’
|
||
\v 31 Tonyio, kalitiyo cio kuno sangite kolocef ciani, oto ca itii aja kalotou?”
|
||
\p
|
||
\v 32 Cio are kuna kude kuna lara kabelak orumu iyaroti ko inyi lo fworo gurohino kuruce.
|
||
\p
|
||
\v 33 Kolofwonuni lobo faji lobara “koite lo kwe”, kogurohinoti inyi ijia ko kuna kabelak ara lobito- lobito ngati lo iteten ko lobito ngati lo ikajong nenge.
|
||
\v 34 Ojo Yesu, “Apa tolau icieng tonyio ida oyeniti tohi na litiyo icieng”. Manyu ikokor icieng kyelani kunenge to kibiro lo gumar.
|
||
\p
|
||
\v 35 Owoita cio odeya ko kalanyunok isiriati inyi ojimi, “Olwahu inyi kuna kude, ingohi to lwak ken nenge kalara inyi kristo lo Lobanga na lonyumuni."
|
||
\p
|
||
\v 36 Ofwonu manyu asegere okwenitare inyi icori inyi vino na itatang
|
||
\v 37 ojimi diho inyi, “kalira isi kabu lo Judea, tolwahu ken nino”.
|
||
\v 38 Orumu ongon kigero na lofihi kai lo kuruce nenge na ligero ojo ene lara Kabu Lo Judea.
|
||
\p
|
||
\v 39 Lobito diho kuladi kabelak logurohini ko inyi manyu omor inyi ojo, “Ira isi kristo tolwahu ken nino ko ohoi”.
|
||
\p
|
||
\v 40 Ati irieng na kabelani bito inyi ojo, “ida isi ibang Lobanga, iya na lingonore isi ko inyi iyo kidak ara lobito?
|
||
\v 41 Kicori ohoi niyang obehi, tonyio kirumuno ohoi tohi na locam to tic niyang. Ati ida ene tungani itii lobo tohi iroho.”
|
||
\v 42 Oto ko jimitan, “Yesu kiiu nan kalilotu isi okabwe nino”.
|
||
\p
|
||
\v 43 Ifotu Yesu inyi ojo, “Ahirihohi isi tenya lo dede ene far kingon ca isi ko nan Paradise."
|
||
\p
|
||
\v 44 Orumu longon tik lo ile, oto lokimuyuk olotu imuk kof fad many ogoru tik lo mietangon.
|
||
\v 45 Tonyio oberu kolong nohun manyu kyela na lokor kaji lo Lobanga ocira are tokai many kof.
|
||
\v 46 Igore Yesu to ogoro na ikwat ojo, “Apa iyo kac kunino acorihi nan okorif nei”. Kalokeru jimitan jii, ko wirita lo lohicungi.
|
||
\p
|
||
\v 47 Lahitok lo asegere deuno tohi na litiihino, omaj Lobanga ko jimitan, “dede tungani na ibir orumu ene”.
|
||
\v 48 Kolodeu cio pili kulafa longoni kiriria tohi na litiihino, ofwori iya kangite onangati locoloho.
|
||
\v 49 Ati cio pili kunafa loyen inyi ara lobito ko ngorwo kulafa lijifuno inyi many to Galilea, owoitati lolomaje iririarihin kuna tenyi tenyi.
|
||
\p
|
||
\v 50 Tinya ongon afa lobo tungani lobara Josep, ara afa inyi tungani na longon kiji lo cio kulo lokiho ati ara inyi tungani na ijir,
|
||
\v 51 obir na lida orumu iruk gulia lo tenya neicieng ko ticitici kuneicieng. Ara inyi lo lobo kang to Judea lobara Arimatea manyu orumu inyi itila lotuno lo okabwe lo Lobanga.
|
||
\v 52 Olo diho Pilato kilifa ken lo Yesu.
|
||
\v 53 Oto ko kiticuluno kof, obubur to kyela iribi ko kitigetohino tula na lobohuni iyo moru na lorihe ara ngejuk ida lonuhahini lobo tungani.
|
||
\v 54 Orumu lafar ara far lo kikukumahino manyu lonyiha sabit icaha.
|
||
\v 55 Ngorwo kuna lilihu ko Yesu to Galilea, ijifari Josep manyu odeuni kwecere ko koditi na litigetohinorehin ken lo Yesu katwa nenge. Ko itooti ki kukuma iheru
|
||
\v 56 ko ngoronico kuna iuri. Ati iyoma icieng to sabit lo kijifita cihicihi.
|
||
\c 24
|
||
\cl Kingutit 24
|
||
\p
|
||
\v 1 To far kiteri lo sabit, kiwanyi berien, odumu ngorwo cianitok kuna likukum icieng ko fworoti kwecere.
|
||
\v 2 Orumu icieng moru litiboborori to kutuk lo tula.
|
||
\v 3 Ati ojo icieng orute, ida icieng orumu ken lo Lahitok Yesu.
|
||
\v 4 Kolorihe icieng ibuha kuno, deu deu cio are kuna licefita kyelani kuna imedehi iya hila ko boto owoitati ko icieng.
|
||
\v 5 Iyo bangun neicieng ogung ngorwo ko komoma kuneicieng many kof ati ojo kuna cio diho icieng; “Nyio itahita ite kawarani to kiji lo kaweyak?
|
||
\v 6 Oru inyi ten. Libuhu inyi! iiyoto kulafa tenyi tenyi lohirihohi inyi ite to Galilea ojo;
|
||
\v 7 “Ojir icori kito lo tungani kac kulo cio kapalak, ogurohini kuruce manyu to far lo uni ibuhu ari.”
|
||
\v 8 Oto icieng ko kiiuno tenyi tenyi kunenge.
|
||
\v 9 Koloitu icieng to kwecere, ko rihohinoti ene tenya diho kuna tomon ko lobito ko kuna kude fad.
|
||
\v 10 Orumu ara icieng Meri Magdelena, Joanna, Meri ngoto Jemes ko kuna kude kuna lilihita ko icieng, icieng lorihohi ene tenya diho jayona.
|
||
\v 11 Ati ida icieng iruk tenya lo ngorwo tonyio ori tenya neicieng diho icieng mejo tenya lo talerun.
|
||
\v 12 Petero ko wojuno ko kifejaru kwecere. Igigil katwa odeu kigwahiti kulo kyela iribi ofeta jia okabahi ko loro ibuha ake ake jimitan nyio ba litiihino.
|
||
\p
|
||
\v 13 Dong inyi na far bito kude kuneicieng are orumu ofworoti lobo kang lobara Emaus na lotum maili mietare to Jerusalem,
|
||
\v 14 orumu icieng oforo kuno tenyi tenyi litiihino fad.
|
||
\v 15 Kolotenya icieng oforoti kuno tenyi tenyi, Yesu to ken ko lotuno ko lotita ko icieng ara lobito.
|
||
\v 16 Ati itihi icieng yenun inyi.
|
||
\v 17 Itifi inyi icieng ojo, “Nyio itenya ite ara lobito tone lotita ningi?” Icieng ko woita, idisi komoma.
|
||
\p
|
||
\v 18 Lobito to kiji neicieng na lobara Kleopas ko kitifia ojo, “ira isi weloni Jerusalem na lida iyen sangite kuna litiihino ija kuno ngole faritin?”
|
||
\p
|
||
\v 19 Itifi inyi ojo’ “Akuni sangite?” Inyiahahi icieng ojo, “Tenya lo Yesu lo Nazaret. Ara ngole afa inyi kamocani na igol iyo tic ko tenya nenge to ketemoni lo Lobanga ko cio fad,
|
||
\nb
|
||
\v 20 kadwarak kuna hitoha ko kalanyunok kuniyang ko kicwarati inyi ifadari ico ogurohini inyi iyo kuruce.
|
||
\v 21 ati orumu ohoi ki kodomo jimitan inyi ca lo lotu lahuno Isirael. Manyu iyo kuna fad, liyaru jija faritin uni many to wei nenge.
|
||
\v 22 Losodo kuna, kude iyo ngorwo kuniyang ofwonu kipany ohoi noo. Ofwori kwecere adi kiwanyi berien
|
||
\v 23 ati ida orumahini ken nenge. Ofwonuni kirihohini ohoi ojo kideu icieng malaikahin kuna lohiihohi icieng ojo libuhu inyi.
|
||
\v 24 Kude to kiji niyang manyu ko fworo kwecere orumahi sangite ori iya na loteny ngorwo ati inyi ida icieng odeu.
|
||
\p
|
||
\v 25 Ojo inyi diho icieng, “idataruha ite manyu ikaruha kiniang tenya lafa loteny kamocak!
|
||
\v 26 Ida orumu kristo ojir orumu kidak lo kuno sangite fad orutorore iyo deyo nenge?”
|
||
\v 27 Icak inyi many to Moses ko kamocak fad ititimahi icieng tohi na lorumu igeri ojir itiihino diho inyi.
|
||
\p
|
||
\v 28 kolonyiharu icieng kang na lorumu icieng ofworo, otem Yesu mejo oringaru ketemoni.
|
||
\v 29 Oto otani inyi to naigol ojo, “kitongo ko ohoi tonyio lobolo kurou, loloro kof mutohun, oto inyi ko kiliharu ko icieng.
|
||
\v 30 Langun litongohino inyi iyo meja ko icieng odumu inyi mugati ico kwama obeny icak kicwara icieng
|
||
\v 31 konyeha kuneicieng ko ngaja icieng ko heruno inyi, inyi ko rijoro to konyeha kuneicieng.
|
||
\v 32 Itifi icieng kenite ake ake ojo, “ ida adi taulo kuniyang ocura kalititima inyi diho ohoi to kikoi tenyi tenyi kuna ligero?"
|
||
\v 33 Icieng ko wojunoti deu deu ko itoroti iya Jerusalem. Ofwo icieng orumahi kunu tomon ko lobito ko kuna longon ko icieng ifuroti lobito faji.
|
||
\v 34 Manyu ojimi, “Ara dede!” Lowaru lahitok oboto diho Saimon.
|
||
\v 35 kuna are ko kititimahino icieng tohi na litiihino kikoi ko koditi na loherunore icieng Yesu na tik lobenyare mugati.
|
||
\p
|
||
\v 36 Kolorihe icieng otenya kuna, Yesu token ko woita kiji neicieng ko jimitan diho icieng, “kisiliban kingon ko ite!”
|
||
\v 37 Oto icieng ko ryenya manyu obangiha iiyoti ojo kideya icieng okorif.
|
||
\v 38 Ojo inyi diho icieng, “Nyio iudo ite manyu nyio ikukuya ite to taulo?
|
||
\v 39 Itide kac kunei ko kejuha kunei. Ara nan token ene. Kitir nan manyu ide ida okorif otehita ken ko koi iya na lideyare ite nan atehita”.
|
||
\v 40 Langun ko lojo inyi ji, itotorohi icieng kac ko kejuha kunenge.
|
||
\v 41 Manyu orihe icieng ida iruk to bolojun lo kwama ko kipany, itifi inyi icieng ojo, “Ingon haba ite ko lobo tohi lo daha ene?”
|
||
\v 42 Icori inyi angati lo kayamiti na itohoro
|
||
\v 43 inyi ko kilifuno ko daha to ketemoni neicieng.
|
||
\p
|
||
\v 44 Ojo inyi diho icieng, “Lafa tenya lateny nan diho ite ene orihe nan kingon ko ite. Sangite fad kuna ligero to nan iyo cik lo Moses, kamocak ko Jabuli itifuti fad to ken nei”.
|
||
\v 45 Oto onga kweci kuneicieng itiniang icieng kigeriti.
|
||
\v 46 Orihohi icieng ojo, “tohi na ligero inyi ene; Orumu ca kristo kidak ati ibuhu to wei far lo uni
|
||
\v 47 manyu kirwo ko laa lo kipali pali ititimi ca to karana nenge iyo kofi kofi fad kicaha to Jerusalem.
|
||
\v 48 Ite lira sadeni kulo kuno sangite.
|
||
\v 49 Aloro nan culahino ite tohi na locik Apa nei ati itongoti Jerusalem many kolohiticiefi ite golun to kai”.
|
||
\p
|
||
\v 50 Kolorihe icieng tang ko Beteni, oting kac kunenge kai igatahi icieng.
|
||
\v 51 Orihe inyi igatahino icieng, ongerihi icieng otingori inyi iya kai.
|
||
\v 52 Tinyia iwor icieng inyi ko itoroti iya Jerusalem ko kwama nahitok.
|
||
\v 53 Itongoti farihin fad kaji lo Lobanga omajati inyi.
|