\c 7 \v 1 Melchizedek nia sumbue non Salem, sumbue tamalohi tambu non Moli God muende mo tambai Abraham mo tale hilu mai ana jara tampu nona vasumbue moiso mo sora duhu hinia. \v 2 Le nia muende Abraham mo sile na sangavului vevesai hinau,talom imposi na hisana nia sumbue matai hina mahere, moiso le sohen nia sumbue non Salem muende sumbue matai tamata. \v 3 Tamana mo tetea, tinana mo tetea, na johona tuai mo tetea, mo te lai na hunjui bongi tene ana evinai mauru, ne mo lolia asohen Natuni God, Nia le ovi tamalohi tampu mo seturu.
\c 11 \v 1 Moiso domitauhia nia avutehenda matai hina hinau rindi ka domtu tunu hinira, moiso ka lolilesi na hina hinau rindi muende kate soaria. \v 2 Matan vitivavuotovuotoa mo mai telei na tamalohi matahi hinia. \v 3 Kamatavuosai hina domtauhia mue verama God mo lolia hina nona Sorae, mue muende ka soaria nia mo mai hini muende kate soaria.
\v 4 Abel mo sile na silesilea mo duhu asena mo liu hina domtauhia telei God, viti vuotovuoto mo mai teleia hinia mue nia mo mahere, moiso God mo vitivuotovuoto hins nona silesilea rindi, moiso nia mo mate ne mo sora teleinda hinia nona domtauhia (Gen: 4; 4)
\v 5 Enoc mo riu mue nia ate soari na matea hina domtauhia moiso motete tamalohi a soaria matan God mo riua matan talom nona riua Vitivuotovuotoa mo mai teleia mue God mo mangisi hinia. ( Gen: 5; 22 - 24 ). \v 6 Moiso ale domtauhia mo teletea God ate mangisi wuati hinia matan muende a mai telei God mo duhu a domtau mue God nia mauru, moiso mue nia mo vuoli muende nale saia.
\v 7 Noa tovuon God mo Soratinerani teleina matai hina hinau rindi mote le soaria, matahua noni God mo hisi na lolona, mo loli na aka atea mue a vahamauru muende ana Vanuana hina domtauhia. ( Gen: 7; 13 - 22 ). Moiso mo simpiti na verama hinia, moiso mo lai na hina mahere muende nia hina domtauhia.
\v 8 Abraham, tovuon God mo tovia mue a vano ana jara atea mue ambo laia asana, mo dolo hinia hina domtauhia. Moiso mo vano tiu aie, mote matavousai mue nia abo vano ambe. \v 9 Moiso nia tamalohi ori_vuontahi ana tanoi vititauhia hina domtauhia ( Gen: 12; 1, 4 ), a sohen ana jara rindi mote nona, mo ovi ana Vanuatarovorovo, tolu mai Isaac mai Jacob, nira atolu na lai na hinahinau rindi noni soraetauhia le sohena. \v 10 Matan nia mo le hilo sai na batuivanua atea muende mo hunjuha, muende God mo domdomia moiso mo saua mo sahe.
\v 11 Le sohena sera mia hasena mo lai na suina matai vira ana bangena, tovuon bongi matana moiso hina domtauhia, matan nia mo soravuotovuoto muende mo le vititauhia mue nia embe - manjinga. \v 12 Matan le sohen sulasulani muende atea, moiso nia a sohena embe - koru, tari asena a sohena vitu sarasara ana tukailangi, mosio a sohena oneone ana bahisai tarusa, kate sondo wuatira.
\v 13 Vevesara na mate hina domtauhia, nate lai na sorae - tauhia, ne na soarira atihai moiso lolora natauri, moiso na vitivitia mue nira marasai mana tamlohi ori - vuontahi ana verama. \v 14 Matan muende na vitia sohena na viti sesevuahia mue nira na le saina nora jara atea.
\v 15 Moiso le retiduhu ale na domdomi na jara rindi nale vano tina, na lai na bongi duhu mue na ta hiju aie. \v 16 Ne balosuro na boi na jara mo duhu mo liu, nia nontukailangi, matan le sohena God mote mahanuhanu hinira, mue na tovia nora God. Matan nia mo sau na batuivanua a tea mo sahe matara.
\v 17 Moiso tovuon God mo vivilolesi Abraham, mo sile Isaac matai silesilea ana vuota hina domtaunia ( Gen: 22 ). Io muende nia mo lai na soraetauhia mo mangisi mo sile natuna hese matai silesilea ana vuota. \v 18 Muende nia niani mo vitia, mo re, ku bo tovi na sulasulam hini Isaac ( Gen: 21: 12 ). \v 19 Mo Vitivitia mue God mo matavousai mue a sauteterahia tiu na tamate leretiduhu. Moiso le sohena mo ta lai tiua ai hina vitiviti leana a tea.
\v 20 Moiso Isaac mo soraduhu hini Jacob mai Esau hina domtauhia ( Gen: 27; 27 - 40 ), matai hinau rindi abo mai. \v 21 Moiso Jacob, tovuon le vai a mate, mo soraduhu hin nanatuni Joseph a rua hina domtauhia, moiso mo bombohi telei God, mo enom bese ana itihona ( Gen: 48: 8 - 20 ). \v 22 Moiso Jpseph, tovuon non bongi maravitu a iso, mo sorahi na rovoa noni na natuni Israel hina domtauhia, moiso mo soramatua teleira matana suina ( Gen: 50; 24 - 25 ).
\v 23 Moiso tovuon Moses mo vuora, tamana mai tinana na tausohia matai vitu atolu hina domtauhia, matan na soari mue nia uranji duhu vuisai, moiso nate matahu matai sorae noni sumbue.( Exo:2: 2 ). \v 24 Moiso Moses tovuon nia mo sahe, mote boi na tovia natuni Pharaoh. \v 25 Mo matatauhi mue mo rongo na varihanjia tolu mana Ivao noni God, mo liu mue nia abo mangisi matai mangisianai hinasasati matai bongi bosohi hina domtauhia. \v 26 Mo le domndomi na hinaui vaiveleveleia matan Kristo nira tavuihin au tavuera mo liu na tavuihinau non Egypt, matan nia mo hilo mo le matahi na vuolivuolia muende abo mai.
\v 27 Nia mo malehi Egypt hina domtauhia, mote matauhi na lolotaesia noni sumbue, matan mo turu matau a sohen mo soari muende nia kate soari ( Exo: 2: 14, 15 ). \v 28 Moiso mo tahunjuhi na hanihanianai tiolahau domtauhia moiso mo rakisi na daae mue muende mo ambembunihi na vuora talom a tere abo hisira ( Exo: 12: 21, 22 ).
\v 29 Moiso na mule utu ana tarusa Daeha a sohena tano mamasa hina domtauhia, muende mara Egypt na domndomi na Vano aie a sohen, moiso mo donomira ( Exo: 14: 22 -28 ). \v 30 Moiso vondani Jeriho, hitahu na waladali hahia matai bongi abitu, mo jovi atano hina domtauhia ( Jos: 6: 20 ). \v 31 Moiso Rahab nia havihai horosala mote tihai mia tolu mai muende nate ololo, tovuon nia mo lai na tamalohi wala - tamturongo hia tamata hina domtauhia. ( Jos: 2:1. 6: 23 ).
\v 32 Moiso sara ku bo vitia a liu, matan bongi mo busohi lavueku ale ku viti Gideon, mai Barak mai Samson, mai Jevah, mai David, mai Samuel, mana tamalohi sorae tinambu. \v 33 Muende batuinjara na balaruru hinira cina domtauhia, moiso na lolina hinomahere, moiso na lai na soraetauhia, moiso na hono na jingoi lion. ( Dan: 6:22 ). \v 34 Moiso na horo na suihai hambu mote hanira ( Dan 3) moiso voroi simbai vuro mote hisira, moiso muende na jaro na lai na suiha hinia, moiso nira mara suiha hina vuro, moiso na loli na banubanui tavaluivuro na bosi na walau.
\v 35 Moiso ravavine na lai na nora tamate hina teterahia ( 1st kings: 17: 23, 2nd Kings: 6: 37 ) moiso hinau tinambu na lai na varihan - jianai matea, nora manjingae mo tetea mue na lai na hora vuolituhutuhua mue na bo lai na teterahia rindi mo duhu mo liu. \v 36 Moiso na lolilesi hinatinambu na vaimanamanahira mo sasati asena moiso na hamanjira, Io, na lasira, moiso na taura ana vanuai lasilasia. \v 37 Moiso na nandira hina tahasi ( 2nd Chro: 24: 20, 21 ) moiso na tai viraviraira, moiso na jinajinara, moiso na losu mateira hina simbai Vuno ( 1st Kings: 19: 14, Jerimiah: 26: 20 - 23 ) moiso na ruru hina huri sheep, ma na huri nanny, mosio nora na hina hinau mo tetea, moiso na lai varihanjia, mosio na lolira na rongovarihanji. \v 38 ( Verama mote duhu hinira ) moiso na vanovano lalihi ana jaravuono mana batuliu mana jarai sohia mana wuamba.
\v 39 Moiso vitivuotovuotoa mo mai teleira naisoduhu hina nora domtauhia, moiso nate lai na soraetauhia. \v 40 Matan God mo matatauhi na tuai hinu mo duhu mo liu matanda, mue nira na tere nabo duhu va-a-sati ale hinda a tetea.
See in Reader
Talo