\v 1 Bilina Jisas mu kuli me capernaum mito ne wembung vijo, te yam ongane na nge mbe tenem. \v 2 Te yam puoten na yam sukuo, te orr ma kekei ne nio te me besili ne mbelem mon, te ma soro te ma ka ndaa miane nio.
\v 3 Te vianten woswa yam mene nge, yam viose vianten swa na ma mese bien mu lunglung, niosi vier yem viose nge. \v 4 Bilina yeto wese ka ye vian besili tevian wuo vianten, te yem sekuwu vijuop ane hem na memior ane Jisas, ka yiet sangave te sengep te yem ling kowene mese-an na mu lunglung miane san nding me yan tan.
\v 5 Me esi sasi mbiangru, Jisas ma ka miane na mu lunglung, ''Netuk, sam sanga-an nam yiormiline.'' \v 6 Te tija ne low woswa yam tas ndu ate te sa meuan masanga ne nge, Yam ndu ndimie ka, \v 7 ''Tevian sewe sa nge mbe soro mangetak? Ma soro imaru! Si ka wu liep kuwu sanga-an? God suwuon!
\v 8 Viaswa kuon Jisas mo kowilye yen ninmeuan sewe sa nio yam ndu noir husili, te maka niane nio, ''Tevian sewe sa kim ndu niornior mangete yen simim meuan? \v 9 Enbe-an sa mololo ka yap ka miane vianten na mu lunglung, 'Sam sanga-an yam yiormiline,' mente yap ka, 'Tavia, liye sam nding te hoko'?
\v 10 Tevian ka kip kowilye na Neti Viannten ma liye yasan yan tanapian na ka wi yiormiline sanga-an,'' \v 11 Te maka miane mese-an na mu lunglung, ''Nam ka miane ngok, tavia, liye sam nding te vian tenem.'' \v 12 Ma tavia viaswa kuon te liye san nding te sovilye nane hem mone kevene, kuon te kevene mehas ane nge ah vivio pian is se God te ka, ''Kinieto esi sietuswa ningitak.''
\v 13 Me vian tetes tevesie mbiliwie, te wou vianten na towo yam mene nge, te mbe pisien miane nio. \v 14 Ka te be save orr vian te me esi Levi neti Alphaeus ma tes ber yan mili puos tax an pian tent, ma ka miane, ''Husili nye.'' Ma tavia kuon te husili nge.
\v 15 Jisas mbe hen pian hem me Levi miane nio yam puo na yam ndu suku tax, miane vianten ne sanga-an nio yam hen miane nge miane san hepepeso nio, nio yam puisten na yam ndu husili nge. \v 16 Bilina tija ne low miane pharisee nio yam esi na nge hen miane vianten ne tax nio ah sanga-an nio, te yan ka miane san hepepeso nio, ''Tevian sewe sa nge me hen ah min miane vianten nio na yam sanga?''
\v 17 Bilina Jisas ma ongane te ma ka miane nio, ''Vianten na me meu toh ndimie dokta, ah vianten na ma mese kuon. Nato me tevian nio na yam mior, ah nam me tevian nio na yam sanga ka yap kone nio motone sanga-an.''
\v 18 Hepepeso se Jon nio miane se pharisee nio yam ngene fasting. Vianten woswa yam me te ka miane nge ka, ''Tevian sewe sa hepepeso se Jon miane hepepeso se pharisee nio yam fast, ah sam hepepeso yato fast?'' \v 19 Jisas ma ka miane nio, ''Nio na ka yap ngene lee-an yam kowilye ka yap fast bilina bridegroom me ber miane nio? Ka bridegroom te ber miane nio te saka yan fast.
\v 20 Ah wumbung tuswa ka we me na ka yap liyep kuwu bridegroom motone nio, bili ente bon ka ya wet fast. \v 21 Toi vinaten tuswa ka wi mbite kaliko vivi yan kaliko miatoh. Katikite ka wa mijio motone na te miatoh, te ka wet mijio wa sangaten.
\v 22 Tuswa saka ni lingi wain vivi vian yien mbeh miato. Katikite ka mbeh wo top ah wain ka wi lip, te mbeh-an ka wi hormes. Wain vivi ka we vian yein mbeh vivi.''
\v 23 Yan Sabbath Jisas me vian pisia yen toh ne kon, te san hepepeso niosi yem ndowa kon te ndu vian. \v 24 Te pharisee nio yam ka miane nge, ''Kowesi, tevian sewe sa yam ngene sie na tho mior yen low yan Sabbath?''
\v 25 Nge ma ka miane nio, ''Kito esi na mi tis ber husili na David mbe yen ndimiane-an ah mya ma ate nge miane san vianten nio, \v 26 Mangivi na nge te vian pian hem me God bilina Abiatar ti hai prist, ah hane mia na toh mior ka tuswa ne hane, ah prist kuon, te liye vian sengene miane nio na yam ndu miane nge?''
\v 1 Jisas mu kuli vian tetes mon pian hemyio, te vianten swa me ber ate vehan mu lunglung. \v 2 Vianten woswa yam ndu miar ane nge na ka te kune vianten ente ne san mese-an yan Sabbath te maka yap toh ndaa miane nge.
\v 3 Jisas ma ka miane vianten na vehen mu lunglung, ''Me atak.'' \v 4 Kuon te ma ka miane vianten nio, ''Yen low te mior ka yap ngene wuhan yan Sabbath mente yap ngene sanga-an; ka yap sakuwu meuan mente yap tiye meuan?'' kuon te orr ma mborr.
\v 5 Me esi nio yen yoyaya ah ongane ma sanga tevian sa meuan mi yas ten, te ma ka miane na vihan mu lunglung, ''Kop sio sisie viham.'' Te mi sio sisie vihan kuon te meme mior tetes. \v 6 Viaswa kuon pharisee nio yam sovilye te ndu betene miane vianten se Herod nio na ka wa kivi na yap lingi nge yen mer-an.
\v 7 Jisas miane san hepepeso nio yam kuo vian husili tes, te wuo vianten ne Kalili miane Judia yam ndu husili nge. \v 8 Nio na Jerusalem ah Idumea ah vian tone Jordan ah kokio Tyre ah Sidon. Bilina yam ongane sisie na nge be ngene, te wuo vianten na towo yam me ne nge.
\v 9 ka miane san hepepeso nio ka yap naknak ane apialo kekei tuswa tene nge, tevian viye nio saka yan tusivia nge. \v 10 Ma sengene meuan miane nio yam pis, te kevene na yam mese yam vian ane nge, tevian yam ndimiane ka yap sikia nge.
\v 11 Bilina ninmeuan na yam sanga ka yat esi nge, te yam murr mo ne nge ah ndeng te ka, ''Ngok komi Neti God.'' \v 12 Nge me kietase mabayias miane ka saka yan warwuwuo nge.
\v 13 Nge me vian yan wehu te kie nio na ma ndimiane nio, te yam mene nge. \v 14 Mi ling viha yan niosi songavialo ka yap ndu miane nge, ah ka wa sengene nio ka yap vian ka ndion. \v 15 Ah ka yap liye yasan-an na ka yap siokuwu mese-an ah ka yap kokuwu demiarr. \v 16 Ma tilia nio na yami somngavialo: Simon na san is mi Peter;
\v 17 \v 18 \v 19 James na mie neti zebedee, John mbivian se James na malingie is Boanerges,na mie neti thunder.Mene andrew,Pillip,Bartholomew,Thomas James neti Alphaeus,
\v 17 James na mie neti zebedee, John mbivian se James na malingie is swa yan nia mi Boanerges,na yemi neti mbiata. \v 18 Ah Andrew, Philip, Bartholomew, Matthew, Thomas, James neti Alphaeus, Thaddaeus, Simon ne Caanan. \v 19 Ah Judas Iscariot na ka wu pusane nge. Te nio yam vian tenem.
\v 20 Viye nio yam me buo kio nio tetes mon te ngene yato wese ka yap hen. \v 21 San viale nio yam ongane te vian ka yap nkumkate nge, teviana yam ka, ''San noirnior-an masea.'' \v 22 Tija ne low nio na yam me Jerusalem yam ka, ''Nge ma liye Beelzabul, miane prince se demiarr na mo kokuwu demiar.''
\v 23 Jisas mi kie nio me te ka miane nio yen jiopte-an, ''Ka wakivi ne na ka Satan ka wa kokuwo Satan tetes? \v 24 Ka kingdom tuswa ti bibi motone nge tetes, ka kingdom ente saka ni dinio. \v 25 Ka hem tuswa ka te bibi motone nge tetes, saka hem ente ni dinio.
\v 26 Ka Satan wa mbah miane nge tetes te ma bibine nge suwuon, saka nge ni dinio, ah ka wi san ngilisie kuon te. \v 27 Tuswa toh wese ka we vian pian hem me vianten na mabayas te tilia sukuon, wimo ka wa piskate vianten ente ngambak, ah kawet vian pian hem te mawane sukuon.
\v 28 Petenten nap ka miane kimim, sanga kevene san vianten nio me mo kole ka yap yorrmiline, miane soro vivi-an. \v 29 Ah tuswa ka te soro vivi ane ninmeuan na mu kuon, yorrmiline-an ka wi ndianga, kawa viose san kienkien-an ber miato ten.'' \v 30 Jisas ente teviane yam ka, ka, ''Nge ti liye ninmeuan na masanga.''
\v 31 San nana miane san bivian niosi yem dinio ndu viye, ah sengene ndaa ka yap kie nge. \v 32 Viye nio na yam tas kikio nge yam ka miane ka, sam nana ah sam bivian ah sam meteseli nio yam ndu vilye, yam tee ane ngok.''
\v 33 Te nge ma ka miane nio, ''Si mi sak nana, ah si mi sok bivian?'' \v 34 Me tee husili nio na yam tas kio nge te ka, ''Niontak sa yami sok nana, ah i sok bivian! \v 35 Si sa me ngene ndimiane-an se God, nge sa mi sok bivian, sok meteseli ah sok nana.''
\v 1 Tetes mon mbe husi visia tess, vianten nio yam buwo kio nge,ma meia vian yan abialo na me ber yen tess, te tass yan. Te vianten nio yam buo orr visia tess. \v 2 Ma ka sie me buo miane nio yen jubdene an, are yen san usie an, ente mi sewe sa maka miane nio.
\v 1 Tetes mon nge mbe husi visia tes, viye nio yam me buo kio nge, ma meia vian yan abialo na me ber yen tes, te tas yan. Te vianten nio yam buo orr visia tes. \v 2 Ma ka sie me buo miane nio yen jubdene an, are yen san usie an, ente mi sewe sa maka miane nio.
\v 3 ''Ongane! vianten na me vian kawe bia an yie. \v 4 Ma towane wuti yie,te wosua me tesi visia seli, te base mahane nio. \v 5 Wosua me tesi yan vior, na dan me njanga. Ma sanga.
\v 3 ''Ongane! vianten na me vian kawe towane an wutiye . \v 4 Ma towane wutiye, te wosua me tesi visia seli, te base mahane nio. \v 5 Wosua me tesi yan vior arna tan toi towo. Muluk me mamanga ten kuon tevian na tan tio wese.
\v 1 Nge ma ka meane nio, ''Petenten nam ka meane kimim, kimim woswa na kim ndu tinio tak saka kin esi mer-an, ah ka kiwesi Yapu ka wa pisien ane san yas-an na nge mi King.'' \v 2 Wembung milipsies meme vian, Jisas ma liye Peter meane James ten John te yem bunguo vian yan wohu swa towo, niosi suwuo si kuon. Bilina yem ndu ate, nge be sakuokuo mo ne niosi. \v 3 San kaliko me vain bibio, bibio ten save sie tuswa yen tanapian entak ka yap ngene wa bibio.
\v 4 Kuon te provet nia lo na yet meu merin, Moses ten Elijah yem pisia teviasi, te yem ndu soro meane Jisas. \v 5 Kuon te Peter me sene te ka meane Jisas ka, ''Tija, tuwune ka sip ndu atak kuon, te ka sip ngene hem milili tisio, tuswa wi mam, tuswa wi me Moses, ah tuswa wi me Elijah.'' \v 6 (Nge ma ka ndaa ente tevian na nge toh kowilye ka wa ka sewe, tevian hosi menek ten.)
\v 7 Toi merin te metenier swa meme te ononon motowe niosi. Te ndulu daa swa ma soro me yen metenier , ka, ''Entak mi Netuk man na luk mi kieskies ane ten. Kip yiongta pian nge.'' \v 8 Mangitak, ka yiet tee te yem esi Jisas suwuon kuon, yeto wet esi vianten tuswa mon.
\v 9 Bilina ka niosi yiet ndu seling lili me, te nge be ka meane niosi ka saka yen wartai meane vianten tuswa sewe sa yem esi sikia na ka Neti Vianeten ka wa tavia lili nane mer-an. \v 10 Te yem liye mi sasi suwuosi kuon, ah yem ndu sorousili meane niosi ka ''tavia lili nane mer-an'' be ka sewe sa ngete.
\v 11 Yem husi meane nge ka, ''Tevian sewe sa tija ne lo nio yam ndu ka na Elijah ka we me wimo?'' \v 12 Jisas ma ka meane niosi, "Elijah meme mimo tevian na ka nge wa ling kukune sie nio wa ngemiane na ka ne ber. Te tevian sewe sa provet nio yam tis usili na ka Neti Vianten ka we vain tai kienkien-an wi towo ah ka vianten nio ka yio we biane te saka yan ndimiane nge? \v 13 Ah nam ka meane kimim, Elijah te me wuk, ah lida nio yam ndu kuon mawane nge yen sewe sa nio yam ndimiane ka yap ngene, meme ngimiane na provet nio merin yat ndu tis usili nge.''
\v 14 Ka yiet me teve disaipol niosi ndisie, yem esi na viye nio yam buo kio niosi, tija ne lo nio yam ndu tow daa meane niosi. \v 15 Bilina ka viye nio yat esi Jisas, yam kuliye te kuo vian ane nge te sah yan. \v 16 Nge ma husi meane san disaipol niosi ka, ''Tevian sewe sa kim ndu tow daa?''
\v 17 Viye nionte swa ma soro te ka, ''Tija, nam liye netuk man me ne ngok. Ninmuean swa na masanga me be yein nge te me ngene toh kole ka ne soro. \v 18 Ka te me ne nge te mu mur vian yan tan te meaten mo sovilye yen bunguon, ma ate luwuon, monok te piandion ma kevear. Nam husi meane sam disaipol niosi ka yep siokuwu nane nge, ah yeto wese.'' \v 19 Nge ma ka meane nio, ''Teminio, samsi mbeangru ma kekei ten, Maka nap ber meane kamsi vian sikia nanges? Kanap kuone kamsi sikia nanges? Liye me teviok.''
\v 20 Yam liye temiliman ente me ne nge. Bilina ninmeuan na masanga ka te esi Jisas, mamanga ten me vian yen temiliman ente te me ngene nge mbe bebiap tetes. Te temiliman ente mumur vian yan tan te meaten mo sovilye yan bunguon. \v 21 Jisas ma husi dimian ka, ''Nanges sa nge mangitak?'' Dimian ma ka, ''Bilina nge ma kekei. \v 22 Yenwoswa ka te me ne nge te mumur vian yen apiang, yenwoswa mumur vian yen wie, mu tuwuliesi ka wa tie nge. Ah ka ngok kot wese ka kop ngene sie tuswa, wangai kop kune kenma.''
\v 23 Jisas ma ka meane nge, '''Ka ngok kot wese'? sieh kevene ka we melumlum ne swa sa ka we nior kate.'' \v 24 Mamanga ten dimian temili mi is te ka, ''Nam nior kate! kune sok biangru!'' \v 25 Bilina Jisas me esi na viye nioh yam kuoh vian teva, nge mokokuwu ninmeuan na masanga, ''Komi ninmeuan san demiar, Nam ka meane ngok, kop kuoh nane nge te saka kon kuli me yen nge tetes mon.''
\v 26 Ninmeuan na ma sanga mi his miyas te towone temiliman ente yan tan te kuo nane nge. Temiliman ente mu mur ber ngimiane vianten na me merr, te yam pis yam ka, ''Nge me merr.'' \v 27 Ah Jisas ma sasa te nkomu vihan te tavijio nge te ma tavia.
\v 28 Bilina Jisas ka te me vian pian hem, te sa hepepeso nio yam me vian esi nge suwuosi kuon te husi, ''Tevian sewe sa kisito wese ka kisip kokuwu?'' \v 29 Nge ma ka miane niosi, Toi sie tuswa ma wese ka wa kokuwu sie na mangete, ah temtemiap an kuon.''
\v 30 Te yam kuo nane ate te vian pisia yan vilye kalili. Nge to ndimiane ka tuswa ne kowilye. \v 31 Tevian na nge ma pisien miane san hepepeso nio. Ma ka miane nio ka, ''Neti vianten ka yap sengene nge vian yan vihan vianten nio, te ka nio yap tie nge. Wi toh ne na ka yap, te ka wa tavia tetes yan wembung sii.'' \v 32 Ah yato kowilye ndaa na nge be ka, ah omenek ka yap husi nge.
\v 33 Te yem me Capernaum. Bilina ka yiet mbis vian pian hem te nge ma husi nio ka, ''Sewe sa kasimm ndu toh ndaa miane kamsi tevian, yan sili?'' \v 34 Ah tuswa toh soro. Ah yan seli yem ndu warr miane niosi na ka, ''Si sa kawi towo?'' \v 35 Ma tas te kie nio na yemi songavialo me te ka, ''Ka tuswa ti ndimiane ka we me imo, nge ka we me ito ne kevene, ha i hepepeso san kevene.''
\v 36 Ma liye temili swa te lingi mbistuwuo ne nio. Ka te liye nge yan vihan te ma ka miane nio, \v 37 ''Si vianten na ka te liye temili tuswa na mangetak yen sok is te ma liye nie; sisa kate liye nie, toh liye nie kuon ah ma liye swa na ma sengene nie mon.''
\v 38 Jon ma ka miane ka, ''Masta, kiniem esi vianten swa mbe kokuwu demiarr yen sam is ah husili err, te kiniem kietase tevian na toh husili err.'' \v 39 Ah Jisas ma ka, ''Saka kan kietase, toi vianten tuswa ka ne ngene mbangao yen sok is tonok te soro wa sanga ne nie.
\v 40 Vianten na toh tetes ane err me ber miane err. \v 41 Si vianten ka te sengene wie miane ngok yen sok is, tevian na ngok komi se Kraes, nam ka memior miane ngok, nge saka ne tangilye san wili ngesan.
\v 42 vianten na ka te mawane temili swa na ka te niorkate nie, tuwune ka yap pisi vior na towo kio piandion te ndion ane yen tes. \v 43 Ka viham te mawane ngok, te takuwu, tuwune ka kop enti meuan miane viham swa, save na kop hoko miane viham lo te vian yen apiang na saka ne nok. \v 44 Arna ntoh toh mer, te apiang saka no nok.
\v 45 Ka liem te mawane ngok, te takuwu, tuwune ka kop enti meuan miane liem swa, save na ka kop hoko ne liem lo te yen apiang. \v 46 Arna ntoh toh mer, te apiang saka no nok.
\v 47 Ka metam te be mawane ngok te, takkuwu, tuwune ka kop enti meuan miane metam swa, save na ka kop hoko miane metam lo te vian yen apiang. \v 48 Arna ntoh toh mer, te apiang saka no nok.
\v 49 Vianten kevene ka yap i sol yen apiang. \v 50 Sol muwu, ah ka san kies-an te seah, akop liep liline san kies-an wagivi? Liye sol yen ngok, te ber yen ndu marmar-an miane vianten sian.