\v 4 Mo oli talem long hem se, ''Tija,mifala i faenem woman ya stret long taem we hemi stap mekem atoltri.
\v 5 Loa blong Mosis i talem se,yumi se yumi mas stonem ded ol kaen man olsem;wanem tingting blong yu long wanem we woman ya i mekem?''
\v 6 Oli talem olsem blong trikim hem blong oli save talem wan samting we hemi mekem we ino stret,be Jisas i godaon mo i raet long graon wetem finga blong hem.
\v 7 Be afta we oli bin askem kwesten ya long hem fulap taem,hem i girap mo i talem long olgeta se, ''Wan long yufala we ino gat sin,hem nao bae i sakem ston long woman ya.''
\v 8 Mo bakegen hemi godaon,mo i raet long graon long finga blong hem.
\v 9 Taem oli harem, toktok ya i stikim hat blong olgeta nao oli go wan wan,istat long olfala go kasem laswan.Naia Jisas nomo istap yet,wetem woman we i stanap long medel.
\v 10 Jisas i stanap mo i talem long hem se, ''woman,wem ol man we oli stap talem aot yu?Inogat man i jajem yu?''
\v 11 Hemi talem se, ''Masta,inogat man.''Mo Jisas i talem long hem se, ''Mi tu mi no jajem yu.Yu go be yu nomo mekem sin.''
\v 12 Afta Jisas i stori wetem olgeta bakegen se, ''Mi nao mi laet blong wol;man we i folem mi,bae inomo wokbaot long tudak be bae hemi gat laet blong laef.''
\v 13 Nao ol farasi oli talem long hem se, ''From we yu nomo yu givim witnis blong yu wan; witnis blong yu ino save tru.''
\v 6 Afta we Jisas i talem ol samting ya,hemi spet long graon,mo i mekem sofmat wetem graon ya,mo i kavremap ae blong blaen man ya wetem sofmad.
\v 7 Nao Jisas i talem long hem se, ''Go, wasem ae blong yu long pul Siloam'' ( we i minim se ''Sendem'').Ale,hemi go wasem;mo taem hemi kam bak,hemi save lukluk.
\v 10 Mo oli askem lem se, ''Olsem wanem nao ae blong yu i open?''
\v 11 Hemi ansa se, ''Man ya we nem blong hem Jisas,hemi mekem sofmad mo i putum long ae blong mi mo i talem se, 'Go long Pul Siloam mo wasem.' Ale,mi go wasem,mo afta mi save lukluk.''
\v 12 Nao oli askem hem se, ''Wem man ya? ''Hemi talem se, ''Mi no save.''
\v 13 Afta,oli karem man ya we i bin blaen ikam long ol farasi.
\v 14 Mo hemi sabat dei taem Jisas i mekem sofmad mo i openem ae blong man ya.
\v 15 Nao ol farasi tu oli askem hem olsem wanem nao hemi save lukluk.Hemi ansa long olgeta se, ''Man ya i putum sofmad lonf ae blong mi,mo mi wasem.Ale,naoia mi save lukluk.''
\v 16 Mo sam farasi oli talem se, ''Man ya i no blong God from we hem i no kipim sabat dei.''Be samfala askem se, ''Hao nao wan sinaman i save mekem ol merikol olsem?''Naoia oli raorao from.
\v 17 Ale,oli qwestinim blaen man ya bakegen se, ''Wanem tingting blong yu long man ya we i bin openem ae blong yu?'' Hemi ansa se, ''Hemi i wan profet.''
\v 18 Nao ol Jiu ol no biliv se hem i bin blaen bifo be naoia hemi save lukluk.Ale,oli singaotem Papa mo mama blong man ya we i save lukluk.
\v 19 Mo oli askem tufala se, ''Hemia hemi boe blong yutufala we yufala i stap talem se hemi bon blaen?Hao nao hemi save lukluk bakegen?''
\v 20 Papa mo mama blong hem i ansarem olgeta se, ''Mifala i save se hemia hemi boe blong mitufala we hemi bon blaen.
\v 21 Be hao nao hemi save lukluk naoia,mifala i no save,mo huia i bin openem ae blong hem,mitufala ino save nating.Hemi bigwan finis,go askem hem.Hemi save toktok long bihaf blong hem wan.''
\v 22 Papa mo Mama blong hem i talem olsem, from we tufala i fraet long ol Jiu.From oli Jiu oli talem finis se sipos eni man i talem aot se Jisas i Mesaea,bae oli aotem man ya long sinagog.
\v 23 From samting ya nao,Papa mo mama blong hem oli talem se, ''Hemi bigwan finis,askem long hem.''
\v 24 Nao namba tu taem oli singaotem man ya we i bin blaen mo oli talem long hem se, ''Yu sud givim glory igo long God.From mifala i save se man ya hemi wan sina man nomo.''
\v 25 Hemi ansa se, ''Mi no save se hemi sina man o no.Mi save wan samting nomo:Se fastaem mi blaen,be naoia mi save lukluk.''
\v 26 Nao oli askem hem bakegen se, ''Hem i mekem wanem long yu?Hem i bin openem ae blong yu olsem wanem?''
\v 27 Hem i ansarem olgeta se, ''Mi talem long yufala finis,be yufala i no lesin.From wanem yufala i wantem harem bakegen?Yufala tu iwantem kam ol disaepol blong hem?''
\v 39 Nao Jisas i talem se, ''Mi bin kam long wol blong mekem jajmen.Blong mekem se olgeta we oli no save lukluk,bae oli save lukluk.Be olgeta we oli save lukluk bae oli kam blaen.''
\v 40 Mo sam farasi we oli stap wetem hem oli harem toktok ya,mo askem hem se, ''mifala tu i blaen?''
\v 41 Jisas i ansa long olgeta se, ''Sipos yufala i blaen,bae yufala i no kilti from sin.Be naoia yufala i talem se,mifala i save lukluk.Naoia, sin blong yufala istap yet.''