\v 33 \v 34 \v 35 33ແລ້ວ​ຈຶ່ງ​ຈັດ​ອາຫານ​ມາ​ຕ້ອນຮັບ​ລາວ. ແຕ່​ລາວ​ໄດ້ເວົ້າ​ວ່າ, “ຂ້ອຍ​ຈະ​ບໍ່​ກິນ​ຈົນກວ່າ​ຂ້ອຍ​ຈະ​ໄດ້​ເວົ້າ​ເຖິງ​ສິ່ງ​ທີ່​ຂ້ອຍ​ໄດ້​ຮັບ​ມອບໝາຍ​ມາ​ນັ້ນ​ໃຫ້​ທ່ານ​ຟັງ​ສາ​ກ່ອນ.” ລາບານ​ເວົ້າ​ວ່າ “ເຊີນ​ເວົ້າ​ມາ​ເທາະ.” 34ລາວ​ຈຶ່ງ​ເລີ່ມ​ເວົ້າ​ວ່າ “ຂ້ອຍ​ເປັນ​ຄົນ​ຮັບໃຊ້​ຂອງ​ອັບຣາຮາມ. 35ພຣະເຈົ້າຢາເວ​ໄດ້​ອວຍພອນ​ນາຍ​ຂອງຂ້ອຍ​ຢ່າງ​ຫລວງຫລາຍ. ສະນັ້ນ ເພິ່ນ​ຈຶ່ງ​ກາຍເປັນ​ຄົນ​ຮັ່ງມີ. ພຣະອົງ​ໂຜດ​ໃຫ້​ເພິ່ນ​ມີ​ຝູງແກະ, ຝູງແບ້, ຝູງງົວ, ຝູງ​ລໍ ແລະ​ຝູງ​ອູດ ທັງ​ມີ​ເງິນຄຳ​ແລະ​ຄົນ​ຮັບໃຊ້​ຊາຍ​ຍິງ​ຢ່າງ​ຫຼວງຫລາຍ.