meu_luk_text_reg/07/11.txt

\v 11 Hari una e vara murinai Iesu na hanua ta ela ladana Nain, bona ena hahediba bona hutuma badaherea ia ida ela. \v 12 Hanua ikoukouna e raka kahi laova ai, haida ese mase tauna ta e huaia lasi, hahine ta natuna vara-edeana (bona ia na vabu), bena hanua taudia hutuma ese e bamoa. \v 13 Lohiabada ese e itaia, bena e bogaiahisi dikadika, bena e hereva henia, eto, "Asio tai." \v 14 Bena e raka kahi lao mase patana ai e dau kau bena e huaia taudia danu e gini. Bena e hereva, eto, "Tauhau e, na hamaoromumu, a toreisi." \v 15 Bena mase tauna e helai tore bona e hereva, bena Iesu ese sinana e henia.