\v 1 Harihari ini gau muridiai, Lohiabada ese danu tatau hituahui-rua vada eabidia-hidi, bona rarua-rarua amo e siaidia lasi guna baela ia sibona do bainela hanuadia bona gabudia iboudiai. \v 2 Ia ese e hamaorodia, eto, "uma geigeina (harvest) na momo herea, a gaukara taudia na dia momo. Una dainai uma (Lohiana/Biaguna) ba noia ia ese gaukara taudia baine siaidia lasi ena geigei lalonai.
\v 3 Vada aola. Aitaia, lau ese na siaimui lasimu mamoe natuna na heheto uda sisiadia bogaragidiai. \v 4 Moni vainana ta, e laolao tauna ena kohu uda baegena ta, tamaka danu ta basio abidia-kau bona dala ai ta basio hedavari henia.
\v 5 Edena ruma lalonai o vareaimu, guna baoto, 'Maino na ina rumai baine mia.' \v 6 Bema maino natuna na unuseni, emui maino na ia latanai baine mia; a bema lasi neganai, ia na baine lou emui ai. \v 7 Una ruma tamona ai ba noho, idia ese ba henimui gaudia na bavanidia bona ba inudia, badina gaukara tauna na ena gaukara davana do baine abia. Dia ruma ta amo ruma a baola.
\v 8 Edena hanua lalona ai o vareaimu, bona idia ese eabimui daemu, dahaka vairamui ai e dabaramu na bavani, \v 9 bona ruma lalonai gorere taudia ba hanamodia, bona ba hamaorodia, 'Dirava ena basileia na emu ai vada eme kahirakahira.
\v 10 Edena hanua lalonai ba vareai, bona idia ese basie abimui dae, baola hanua daladia ai bona baoto, \v 11 'dounu emui hanua kahudia aemu ai e kamokau gaudia na ba dahudia ohomu umui ihabadelaimui! A ina na badiba, Dirava ena basileia na vada eme kahirakahira. \v 12 Na hamaoromuimu una dina ai una hanua ese Sodoma ena dika na be hereaiamu.
\v 13 Madi ihabaimui, Korasina! madi ihabaimu, Betesaida! Badina bema siahu karadia hereadia emu ai vada e vara na Tyre bona Sidono ediai bema vara neganai, idia na idau negai vada bema helalo kerehai, boroma kopidia bona kahu ai helaidiai.\v 14 A Tyre bona Sidono edia dika hahemaorona na umui ese bo hereaiamu. \v 15 Bona umui, Kaperanauma, oi na basie abimu-isi gubai, a? Oi na bae diholaimu tanobada henunai.
\v 16 E kamonai henimuimu tauna ese lau e kamonai henigumu, bona e daradaraimuimu tauna ese lau e dadaraigumu, bona lau e dadaraigumu tauna ese e siaigu tauna e dadaraiamu.
\v 17 Bena hitahui-rua osi e lou mai moaledia ida, etomava, "Lohiabada e, lauma dikadia ese eremai e kamonai oi ladamu dainai." \v 18 Unu amo ia ese e hamaorodia, eto, "Lau ese Satani guba amo e moru vada na itaia, kevaru na heto. \v 19 Aitaia, lau ese siahu vada na henimui gaigai bona doadoa ba moidia tao, bona inai tauna ena siahu idoinai danu, bona ma gau ta ese dala ta ai basine hahisihisimu diba. \v 20 Vadaeni dia lauma dikadia ese e kamonai henimuimu mo daidiai ba moale, a ba moale danu ladamui gubai vada e toredia dainai.
\v 21 Una nega tamonai, ia na Lauma Helaga lalonai e moale bada herea, bona eto, "Na hamaoromumu, Tamagu, guba bona tanobada Lohiana, badina be oi ese ini gau vada o hunidia aonega bona laloparara taudia edia amo, bona maragidia ediai vada o hahedinaraidia. Oibe, Tamagu badina ini na nanamo heherea oi vairamu ai."
\v 22 Gau iboudiai na Tamagu ena amo vada e gwaurai henigu, bona ta asi dibana Natuna be daika Tamana sibona mo, bona Tamana be daika Natuna sibona mo, bona daika Natuna ese e gwauraia tauna ese baine hahedinaraia.
\v 23 Bena ia na e hegiro hahediba edia ai bona sibodia mo e hereva henidia, eto, "Ini gau o itamu taumui matamui na vada nanamo. \v 24 Badina na hamaoromuimu, peroveta bona pavapva taudia momo eurava umui ese o ita gaudia bema ita to asi e itava, bona o kamonai gaudia bema kamonai to asie kamonaiva."
\v 25 Harihari aitaia, Iudea taravatuna dibana momo tauna ta vada e tore-isi ia baine dibagania, etomamu, "Hahediba Tauna e, lau be dahaka baina kara mauri hanaihanai baina abia? \v 26 Ia ese vada e hamaoroa eto, "Taravatu lalonai be dahaka e tore, a? Oi ese be ede o duahia tomamu, a? \v 27 Ia vada e haere bona eto, "Lohiabada emui Dirava ba lalokau henia mai kudoumu idoinai ida, bona mai daramu idoinai ida, bona mai goadamu idoinai ida, bona mai lalomu idoinai ida, bona dekemu tauna sibomu o helalokaumu hegeregerena." \v 28 Ia ese vada e hamaoroa eto, "Emu haere na maoro. Ini ba kara toma, bona oi na bo maurimu."
\v 29 A sibona eurava baine maoro urana, ia ese Iesu e hamaoroa eto, "Bona lau dekegu tauna be daika, a? \v 30 Iesu e haere bona eto, "Tau ta na Ierusalema amo Ieriko e laova. Ia na henao taudia padadiai e moru, idia ese dabuana e daredia bona eha- beroa, vada e rakatania, mokona eha-masea.
\v 31 Ma ini e vara toma, helaga tauna ta una dala amo e diho laova, bona ia ese ina tau e itaia neganai, dala kahana amo e rakaia hanai. \v 32 Hegeregerenai, Levi tauna ta danu, ema ina gabu bona tau e itaia neganai, dala kahana amo e rakaia hanai.
\v 33 A Samaria tauna ta, ena laolao ai, ina tau enai e kau, bona ia ese ina tau e itaia neganai, e bogaiahisi. \v 34 Dekena ela, ia ese dehoro bona vine ranuna amo berona e dairidia, bona e kumidia. Bena sibona ena doniki ai e hahelaia-kau, e laohaia noho rumana, bona unuseni ai eregua. \v 35 Dina iha ruana ai, ia ese denaril (moni) rua e vaidia noho rumana biaguna e henia, bona eto, 'Ba naria namonamo, bona ma dahaka ia dainai ba hoidia, baina loumai neganai, davadia baina henimu lou.'
\v 36 Ini taunimanima tatoi-osi oi ese o laloamu edena be henao taudia ese eha beroa tauna dekena tauna na bo gwauraiamu?" \v 37 Ia eto, "Ia e bogaia-hisi tauna." Bena Iesu ese eha maoroa eto, "Aola bona oi danu unu ba kara toma."
\v 38 Harihari idia edia laolao ai, ia na hanua ta lalonai e vareai, bona hahine ta ladana Mareta ese eabidia dae vadivadi ai e haloa. \v 39 Ia na mai tadina ta, ladana Maria, ia danu Iesu aena badinai e helai diho bona ena hereva e kamonai.
\v 40 A Mareta na hegaegae karadia ese lalona eha-hekwarahiava, una dainai ia vada ema bona eto, "Lohiabada e, oi be so laloamu tadigu ese vada e rakatanigu sibogu baina gaukara, a? \v 41 A Lohiabada e haere bona eto, "Mareta e, oi na gau momo daidiai lalomu e metaumu bona e hisihisimu, \v 42 a gau tamona mo herea. Badina Maria ese gau namona vada e abiahidi, ina na ia ena amo basine heabi oho."
Translation done by: Mrs Boio English on Friday (28/07/23), time: 4.30 pm. Ready for quality checking
\v 1 Una negana ai haida e vaira bena Galileia taudia sivaraidia ia e hamaorolaia eto, Pilato ese idia raradia na edia boubou gaudia ida e bulo hebou. \v 2 Iesu ese e haere henidia bena eto, umui o laloamu unu Galileia taudia edia dika ese Galileia taudia oreadia edia dika e hereadiamu badina una dala ai unu e hahisihisidia tomava dainai a? \v 3 Na hamaoromuimu, lasi. To bema umui basio helalokerehai, iboumui ai unu ba mase toma.
\v 4 Eiava unu taunimanima gwauta taurahaniosi Siloam ai kohoro e moru bena e aladia mase umui ese o laloamu edia dika ese Ierusalema ai, e nohomu taudia iboudiai edia dika e hereaia a? \v 5 Na hamaoromuimu, lasi. To bema umui basio helalokerehai, iboumui ai unu ba mase toma.
\v 6 Bena Iesu ese sivarai hegeregerena e hamaorodia eto, "Tau ta ena vine imeana lalonai suke auna ta e hadoa, bena huahua itahuna ela, to ta se davaria. \v 7 Bena ia ese imea ireguna tauna, e hamaoroa eto, "aitaia, lau na lagani ihatoina nama ina suke auna ai huahua name tahua to gau ta asiname davaria ba utua oho.
\v 8 A ia ese e haere henia bena eto, Biagugu e, ina lagani mo do boma rakatania lau ese badina do baina geia hegege bona tano namona latanai baina atoa. \v 9 Bena eto bema una neganai huahuana baine dobi, be namo A bema lasi, oi ese na ba utua oho!
\v 10 Hari Iesu na dina helagana ai dubu helaga ta lalonai ai e hahedibava, \v 11 bona unuseni ai hahine ta, lagani gwauta-taurahani lauma dikadia ese e boloa, doruna dika bona se maoro guguruva.
\v 12 Una hora ai Iesu ese e itaia, bena e boiria kahi bena e hamaoroa eto, "Hahine e, "emu manokamanoka amo ame herua nege." \v 13 Bena imana latanai e atoa kau, una horanai doruna e maoromaoro bona ia ese Dirava e hanamoa. \v 14 A dubu lohiana, e badu badina Iesu ese dina helagana ai e hamauria dainai. Hutuma e haere henia bona eto, "Dina tauratoi mimia taunimanima edia gaukara dinadia bona unu dinadia hahemauri totona baoma.
\v 15 A Lohiabada ese e haere henia bena eto, "koikoi taumui e! umui ta dina helaga ai ena boromakau eiava doniki asio ruhaiamu, ranu ihenina asio hakaua laomu a?\v 16 A ina hahine, na Aberahamo besena hahinena, lagani gwauta taurahani Satani ese e guia, be dina helaga ai ia ina igui amo basine ruhaia a?"
\v 18 Bena Iesu eto, "Dirava ena basileia be ede heto? bona dahaka ai baine hegeregerea? \v 19 Ina na e kara sinapi nadinadina ta na heto tau ta ese eabia bena ena uma ai e tahoa, bena e tubu bona au badana ta ai ela, bona atai manudia na rigina ai e roho kau e laga'ani."
\v 20 Bena ma eto, "to Dirava ena basileia be dahaka ai baina hegeregerea? \v 21 Ina na e kara asi e hatubua muramurana ta na heto Hahine ta ese eabia bena flaoa nau atoi ida e buloa ela bona idoinai vada e tubu."
\v 22 Bena Iesu na Ierusalema e lao heniava ai hanua badadia bona maragidia, lalodiai e hahedibava. \v 23 Bena tau ta ese hereva henia eto, "Lohiabada e, gagadoi mo bae mauri a? Ia e haere eto, \v 24 hededegwa ai ikoukou hekahi-hekahina amo ba raka vareai, badina be na hamaoromuimu, hutuma bae hetahu bae raka vareai toho, to basie karaia diba.
\v 25 Ruma biaguna baine toreisi bena iduara baine koua bena oi na murimuri ai ba gini bena iduara ai ba pidipidi ba gwau "Lohiabada e, iduara mai ame kehoa! A ia ese baine haere henimui bona baineto, "Umui be ede amo oma, asi dibagu umui! \v 26 Bena umui na baogwa, "aina umui vairamui ai baia aniani bona baia inuinu, emai ariara ai o hahedibava." \v 27 A ia e haere eto, na hamaoromuimu, launa asi dibagu umui be ede amo oma. Karadika taumui iboumui ai, egu amo dauha aola."
\v 28 Una gabu amo, bae dorimui lasi murimuri ai ba tai bona gadigadimui ba hahedai bena umui ese Aberahamo, bona Isa'ako, bona Iakobo bona peroveta taudia iboudiai baitadia Dirava ena basileia lalonai. \v 29 Idia na dina dae amo bona dina diho amo, baema, Dirava ena basileia lalonai bae ege diho. \v 30 Bona baitala, haida na do bae gabe to bae guna, bona haida na do bae guna to bae gabe."
\v 31 Una negana ai Farisea taudia haida ia dekena eo, e hamaoroa eto, "Ina gabu ba rakatania bona dauha baola, badina be Heroda e uramu oi baine alamu mase." \v 32 Bena ia ese e hamaorodia eto, "aola bona ba hamaoroa uda sisiana, "ai itaia lau na ina harihari lauma dikadia na luludiamu bona hahemauri karadia na karamu bona kerukeru, bona dina ihatoina ai egu gaukara baine a hagugurua. \v 33 A harihari bona kerukeru, egu laolao baine hesiriu bona bainela bona vaira dinadia, badina be peroveta tauna na se abia daemu Ierusalema murimuri na ai basine mase.
\v 34 Ierusalema e, Ierusalema e, daika ese peroveta taudia e aladia bona dekemu e siaidia vasi taudia nadi amo o hododia. Nega ede hetomana na ura natumu baina haboudia. Kokoroku hahinena ese natuna hanina henunai e gorudia ahumu na heto, to oi na asio uramu. \v 35 A itaia, emui ruma vada e negea badina lau ese umui na hamaoromui, umui ese ma basio itagu lou ela bona negana bainema bena umui baoto, "Lohiabada ladanai e maimu tauna aita hanamoa."
Translation done by: Ret/Dk. Lohia Kohu on Monday (24/07/23), time: 11.57 pm. Ready for quality checking.
\v 34 Una dainai damena na namo, a bema damena mamina na lasi neganai aniani ena ihanamonai mamina be dahaka, a" \v 35 Ia na mai ena gaukara tano enai bona tano anina enai. Idia ese e tahoa lasimu. Mai taiana tauna baine hakala, totona, ia na baine hakaudia.
Translation done by: Ev.Ret/Dk. Arua Taravatu on Monday (17/07/23), time: 10.47 pm. Ready for quality checking.
Translation done by: Mr. Kamea Andrew Taru on Monday (17/07/23), time: 10.47 pm. Ready for quality checking.
\v 1 Iesu ese ena hahediba ma e hereva henidia, eto, "Taga tauna ta na mai ena kohu ireguna tauna, bena ia enai haida ese e habadelaia eto, emu kohu na e petapeta-laiamu. \v 2 Bena taga tauna ese e boiria, bena e hereva henia, eto, "Dahaka name kamonai emu kara amo?" Emu heregu karadia herevadia ba hamaorogu, badina oina vada ba doko.'
\v 3 Bena hari kohu ireguna tauna lalona e hadaia, eto, Dahaka baina kara, biagugu ese ina dagi vada eme kokia egu amo? Lau na asi goadagu tano iruhanai, bona lau na hemaraimu baina noinoi. \v 4 Mai dibagu dahaka baina kara, bema baine kokigu egu dagi amo neganai, taunimanima ese bae abigu dae edia ruma ai.
\v 5 ABena ia ese biaguna enai e abitorehai taudia e boiridia, ta e nanadaia eto, "Emu abitorehai be hida? \v 6 Ia eto, "Dehoro kavabu sinahu-ta." Bena e hamaoroa eto, "Emu abitorehai pepana avabia, bena a helai diho haraga bena imahui ba torea." \v 7 Bena ta ma e nanadaia, eto, bona oi emu be hida? Ia eto, "Uit puse sinahu-ta." Bena eto, emu abitorehai pepana avabia, bena ba torea taurahani-ahui.
\v 8 Bena Lohiabada ese kohu ireguna tauna mai koikoina e hanamoa badina be ena kara e karaia mai lalo-pararana ida. Badina be ina nega uruna taudia edia laloparara ese diari taudia edia laloparara e hereadiamu. \v 9 Na hamaoromuimu, sibomui ba hetura heheni kohu dikadia amo, bena ba dabu neganai oi na basie ore rumadia ai bae abimui dae.
\v 10 Gau maragina e karaia maoromu tauna ese gau badadia baine kara maoro, a gau maragina e karaia kereremu tauna ese gau badadia baine kara kerere. \v 11 Bena una dainai gau dikadia basio regu namonamo, daika ese kohu namodia baine henimu? \v 12 Bona bema oi ese taunimanima idaudia edia kohu basio regu namonamo daika ese umui emui kohu baine henimui.
\v 13 Hesiai tauna ta biguna rarua isiaidia basine lao heni diba, badina ne ta baine inai henia ta be baine lalokau henia, eiava ta baine badinaia, ta baine dadaraia.
\v 14 Farasia taudia, moni e ura henia badamu ese una hereva e kamonaia neganai e kirikirilaia. \v 15 Bena ia ese e e gwau henidia, eto, "Umui na taunimanima vairadiai sibomui o heimodai hehenimu, to Dirava ese lalomui e dibadiamu. Badina be taunimanima ese e imodaimu gaudia na Dirava ese e dadaraidiamu.
\v 16 Taravatu bona peroveta taudia edia hereva e miava ema bona Ioane ena nega. Una negana amo Dirava ena basileia e harorolaiamu bona taunimanima iboudiai e didi vareaimu. \v 17 Guba bona tanobada bae boio na mai dalana, a taravatu ena toutou ta baine boio na asi dalana.
\v 19 Taga tauna ta e nohova, dabu kakakakadia bona aukadia e hadokilaiva bona dina iboudiai ai e moaleva bona aniani namo dia mo e aniva. \v 20 Ena ruma iduaranai noi-hegama tauna ta ladana Lasaro e hekureva tauna be toto ese e dudua hegege. \v 21 Ena ura be taga tauna ana aniani momorudia bema ani. Sisia danu ela ia totona e demariva.
\v 22 Noi-hegame tauna vada e mase. Bena aneru ese eabia Aberahamo dekena e laohaia. Taga tauna danu vada e mase bena e guria, \v 23 mase gabuna ai, hisi eaniva lalonai, matana e roha dae daudauna ai bena Aberahamo e itaia, Lasaro danu ia ohena ai.
\v 24 Bena e tai lolo eto, "Tamagu Aberahamo e, mani a bogagu hisi Lasaro a siaia, imana kwakikwakina ranu ai aine urua diho malagu mo ai name hagavea badina be lau na ina lahi hururu-hururuna ai hisi na animu.
\v 25 To Aberahamo eto, natugu e, a laloa o mauriva dinadia ai gau namodia o abiva bona Lasaro na gau dika dia e abiva, harihari ia na tauhalo e abimu, a oi bena hisi o animu. \v 26 Ina danu ita padadai koupa badana ta mia bona ene amo ta ini basine vasimu bona ene amo ta ini basine maimu.
\v 27 Bena Taga tauna eto, Tamagu e na noimumu ia na basiaia tamagu ena ruma bainela - \v 28 Badina be tadikakagu na laima - ia ese baine hadibadia ina hisiani gabuna baema na garina.
\v 29 A Aberahamo eto, Mose bona peroveta taudia na dekedia ai, idia hari bae kamonai henidia. \v 30 Ia eto, lasi Aberahamo Tamagu e, mase amo ta dekedia bema lao hari bema helalokerehai. \v 31 A Aberahamo eto, lasi idia na Mose bona peroveta taudia basiema kamonai henidia, mase amo ta bema tore isi danu basiema kamonai henidia.
Translation done by: Ret/Dkh. Ori. C. Kohu on Friday (21/07/23), time: 12 10 am. Ready for quality checking.
\v 1 Bena Iesu ese ena hahediba eha maorodia eto, "Hekwakwanai gaudia na do bae vara, to bae havaradia tauna hari madi ihabaina! \v 2 Ia enai namona na nadi metauna ta aiona bema gui laia bona davara ai bema tahoa dobi dia namo ia ese ini maragi-maragina ta baine hahekwakwanaia.
\v 3 Sibomui ba henahuatoho. Bema tadikakamu na e kara dikamu, ba gwau henia; bona bema ia na e helalo-kerehai, ena dika na ba gwau-tao. \v 4 Bema ia na oi e kara dika henimu nega hitu dina ta ai, bona nega hitu oi baine lou henimu, be tomamu, "Vada name helalokerehai" Oi ese ena dika ba gwau-tao."
\v 5 Apostolo taudia ese Lohiabada e hamaoroa eto, "Emai abidadama ame habadadia." \v 6 Lohiabada vada eto, "Bema emui abidadama na sinapi nadinadina na heto, umui ese ina budoa ba hamaoroa, 'Ba heraga isi, bona davara ai ba hehado," bona ia na oi be kamonai henimumu."
\v 7 A umui daika, mai emu hesiai tauna ta tano iruanai eiava mamoe iregudiai, gabuna amo baine lasi na ba hamaoroa baoto,' Ina harihari aoma bona pata ai bame helai diho? \v 8 (Kahanai) Lasi, ia ini basine gwau toma, 'Gau ta a hahegaegaea lau ese baina ania, bona emu dabua beletana arioa bona isiaigu ba laoheni lau na anianimu bona na inuinumu lalonai, bona ini gau muridiai oi na vada bo anianimu bona bo inuinumu, a?
\v 9 Ia na asi ena tanikiu hesiai tauna enai badina be ia na e hamaoroa karadia e kara dainai, ani? \v 10 Ina na hegeregere umui emu ai danu, bema umui na e hamaoromui gaudia iboudiai vada o karadia neganai, umui na baoto, "Ai na dia hesiai taudia namodia. Ai na dahaka baia kara gaudia mo ame karadia."
\v 11 Ia na Ierusalema e dae laova ai, ia na momokani Samaria bona Galileia padadia amo e hanai. \v 12 Ia na hanua ta ai e vareaiva ai, lepera tataudia gwauta ese e hedavari henia. Idia na daudaunai e gini, \v 13 bona gadodia eha bada, e tomava, "Iesu, Biagumai e, ame bogamai hisi."
\v 14 Ia ese e itadia neganai, (ia ese) e hamaorodia eo, "Aola emui helaga taudia ese bae itamui." bona vada e vara, idia dala amo e laovai, idia tauanidia vada e goeva. \v 15 Bena idia taudia ta, e diba ia na vada e namo, e lou ema, mai gadona badana ida Dirava e e hanamoava. \v 16 Ia na e hetuitui Iesu aena badinai, e tanikiu henia. Ia na Samaria Tauna.
\v 17 Bena Iesu e haere bona eto, "Una be dia gwauta osi eme hanamodia, a? A taurahani-ta be edeseni? \v 18 Una na ta asie loumai Dirava bae imodaia, ina idau bese tauna sibona mo, a? \v 19 Bena ia ese e hamaoroa eto, 'Atore-isi bona aola. Emu abidadama ese vada eme hanamomu.
\v 20 Farisea taudia ese e nanadaia eto, Dirava ena Basileia be edena nega do bainema, ia ese e haere henia eto, "Dirava ena Basileia na dia ita eda nari namonamo amo do bainema. \v 21 Eiava dia baeto, 'Aitaia gauna oina!' eiava, 'Gauna ouna! Badina aitaia, Dirava ena Basileia na umui bogaragimui ai.
\v 22 Bena ia ese hahediba taudia e hamaorodia eto, "Dinadia na e maimu bena umui na ouramu Taunimanima Natuna ena dina ta baitaia neganai, a umui ese na basio itaiamu. \v 23 Bena idia ese bae hamaoromui baeto, Unu a rohalao! eiava ini a rohamai! Basio raka lasi eiava muridia ai basio heaukau, \v 24 badina kevaru diarina guba kahana amo guba kahana elaomu hegeregerena, Taunimanima Natuna enai danu unu baine heto.
\v 25 A ia na guna gau momo ai do baine hisihisi bona ina uru taudia ese do bae dadaraia. \v 26 Noa ena negai vada e vara hegeregerena, Taunimanima Natuna enai danu ini do baine vara toma. \v 27 Idia be e anianiva, idia be e inuinuva, idia be e headavava, e headava heheniva - ela bona Noa lagatoi lalonai e vareai dinana, bona abata e kau bona iboudiai eha-buadia-tari.
\v 28 Lota ena negai vada evara hetomana - idia be e anianiva, idia be e inuinuva, idia be e hoihoiva, idia be e hadohadova, idia be ruma e karava, \v 29 a una dinai Lota ese Sodoma e rakatania neganai, lahi mai siahu mase-masena guba amo e diho bona iboudiai e habuadia-tari.
\v 30 Ina evara hegeregerena danu Taunimanima Natuna ena hedinarai neganai na unu baine vara toma. \v 31 Una dina ai, tau ta ruma guhinai bona ena kohu na ruma lalonai, na basio hadihoa ena kohu baine abidia oho; bona murimuri tauna danu, unu hetomana basio haloumai.
\v 32 Lota adavana ba laloa. \v 33 Daika e hetahumu ena mauri baine abia, na baine reaia (ha boioa), a daika ese baine reaia (haboioa), na baine davaria.
\v 34 Na hamaoromuimu, una hanuaboi ai taunimanima rarua na geda tamonai bae mahuta. Ta be baine abia, a ta be baine hoho. \v 35 Hahine rarua be uiti iririlaina nadina igirona gabunai. Ta bae abia-oho, a ta be baine noho.\v 36 Tatau rua uma ai bae gaukara ta baine heabi oho, ta be baine noho.
\v 1 Dina ta ai ia na dubu helaga lalonai e hahedibava sivarai namo e harorolaiava, bena hahelaga taudia bona itorena taudia bona tau-badadia ia dekena ela. \v 2 E hereva henia, eto, "Mani a hamaoromai edena siahu ai ini gau o karamu? Eiava daika ese ina siahu e henimu."
\v 3 Bena ia ese haere henidia, eto, Lau danu mani umui henanadai, ta aina nanadailaimui, bena ba hamaorogu. \v 4 Ioane ena bapatiso: be guba amo eiava taunimanima edia amo?
\v 5 Bena sibodia e hereva heheni eto, "Bema ita baitato, 'guba amo, 'Dahaka dainai so hamomokaniamu?' \v 6 A baitato "taunimanima edia amo? taunimanima iboudia ai ese nadi amo be hododamu, badina be idia na etomu Ioane na peroveta tauna.
\v 7 Una dainai idia ese e haere henia eto, ai na asi dibamai ia be ede amo. \v 8 Bena Iesu eto, "O lau danu dahaka siahu ai ini gau na karalaimu na basina hamaorolaimuimu."
\v 9 Bena ia ese palabore ai e hereva henidia matama, "A tau ta ese vine imeana e hadoa, bena imea ireguna taudia eha-badinalaidia, bena hanua ta ela nega daudau e noho. \v 10 Huahua negana ai (horana) hesiai tauna ta e siaia lao imea ireguna taudia dekedia, vine anidia baine abi, to imea ireguna taudia ese e dadabaia, bona e siai oho ima-kavakavana ida.
\v 11 Bena hesiai tauna ta ma e siaia, to idia ese e dadabaia, e hahemaraia, ma ima kavakavana e haloua. \v 12 Ihatoina danu e siaia, to ia danu ma e haberoa bena murimuri ai e tahoa lasi.
\v 13 Bena imea biaguna eto, Lau be ede baina kara toma?Lau natugu egu lalokau, hari baina siaia. Reana baitaia bae matauraia. \v 14 To imea ireguna taudia ese e itaia, sibodia e hereva heheni eto, Dihina binai. Ai ta alaia mase, bena imea na baita abia ita eda.
\v 15 Bena e tahoa lasi imea lalona amo bona e alaia mase. Imea biaguna be ede baine kara toma idia edia ai? \v 16 "Ia na bainema bena imea ireguna taudia baina aladia, Vine imeana haida baine henidia." A idia na e kamonai, bena eto, "Lasi dia unu heto."
\v 17 A ZIesu ese e raraidia, bena eto, Buka ai torea herevana anina be dahaka? Ruma ikarana taudia ese e dadaraia nadina na daiguni nadina ai vada ela? \v 18 Una nadi latanai baine moru tauna na baine makohi rohoroho. A una nadi ese baine kurea tao tauna na baina hapataia."
\v 19 Itorena taudia bona hahelaga taudia ese idabai-taona e ura una horana ai, badina idia dibadia una sivarai hegeregerena matana be idia ediai. \v 20 Bena e itaia tao, dibaka taudia e siaidia kara maoro-maoro taudia na heheto, bae nanadaidia ena hereva amo bae idoaia bena gavana imanai bona siahuna ai bae henia eto.
\v 21 Idia ese e nanadaia eto, Hahediba taumu e, ai dibamai emu hereva bona emu hahediba na mamaoro-mamaoro bona taunimanima oromadia so lalomu, a Dirava ena dala o hahedibalaia goevagoevamu. \v 22 Ina be maoro ai ese Kaisara ena tax baia heni, eiava lasi?
\v 25 Bena ia eto, Una dainai Kaisara ena, Kaisara ba henia, Dirava ena, Dirava ba henia. \v 26 Bena aru taudia vairadia ai ena hereva amo e idoaia, ena haere e hoalaia, asi edia hereva ta.
\v 27 Bena Sadukea taudia haida ia dekena ela: una orea e tomava mase na basie tore isi lou, bena e nanadaia eto, \v 28 Hahediba Taumu e, Mose ese emai taravatu e henimai eto, "Tau ta baine mase bona vabuna baine noho asi natuna, vabu na ihana ese baine adavaia natuna baine havara mase tauna ena,
\v 29 Unuhetomana tadikaka hahitu e nohova, bena tauguna ese hahine ta e adavaia, vada e mase, asi natuna. \v 30 bona iharuana, \v 31 bona ihatoina ese adavaia; ela bona hahituosi ese vada eabia iboudia ai asi natudia, bena e mase. \v 32 Gabe amo hahine danu vada e mase. \v 33 Toreisi lou negana ai una, na daika adavana? Badina be hahituosi ese e adavaia."
\v 34 Iesu e haere eto, ina nega (uru) taudia ese hahine eabimu bona e headavamu. \v 35 A do baema taudia na kara maoromaoro ai mase amo bae toreisi lou, na bae headava eiava basie headava;\v 36 bona basie mase lou, idia na aneru ida bae hegeregere; bona Dirava natuna ai baela, badina be idia na toreisi lou taudia.
\v 37 A mase amo e toreisi lou, Mose ese uda ai e haheitalaidia, ia ese Lohiabada vada e gwauraia Aberahamo ena Dirava, bona Isa'ako ena Dirava, bona Iakobo ena Dirava. \v 38 Harihari ia na dia mase Diravana, to mauri taudia edia, badina be taunimanima iboudia ai na ia dainai e maurimu.
\v 41 Bena Iesu ese e nanadaia eto, "Edeheto idia na e tomamu Keriso na Davida natuna? \v 42 Badina Davida na sibona Salamo lalonai eto, Lohiabada egu Lohia e hamaoroa eto, 'Idibagu kahana ai ba helai, \v 43 ela bona inaimu iboudiai na oi aemu ihadaidia gaudia ai baina halaodia.' \v 44 Davida una daina Keriso 'e gwauraia Lohiabada,' O ede heto ia na ia (Dirava) natuna?"
\v 45 Hari (Bena) taunimanima iboudia ai na e kamonaiva, ia ese ena hahediba e hamaorodia eto, \v 46 "Itorena taudia nahuadia ba toho, idia na e uramu dabua latadia bae rio, bae raka loa, bona e uramu hahenamo hereadaedia bae henidia hoihoi gabudiai, dubu ai bona anibou ai gabu hereadia ai bae helai. \v 47 Idia ese vabu edia ruma eha-ogogamidiamu, bona edia guriguri eha-daudaumu. Idia na dava metauna do bae abia.
Translation done by: Ret/Dkh. Ori Claudie Kohu on (31/07/23), time: 11.10 am. Ready for quality checking.