See in Reader
auto save
This commit is contained in:
Samuel
root
commit
1be00ab5f1
|
|
@ -0,0 +1 @@
|
|||
\v 1 Pol na, iana Iesu Kerisona ena vaisi-vaisi na kaunana ka Diravana ena-uranai, mai ega sinae-kapea na Timotina, Diravana ena-ro'ena Korinto nai mai ena abi-venida kaudada iboudadai Akaia na kano-baganana ibounanai. \v 2 Diravana Auagana mai ega Ovia-Bagana Iesu Kerisona eda iura-venina mai mainona e'vasi iboumui abamuinai
|
||||
|
|
@ -0,0 +1 @@
|
|||
\v 3 Iesu kerisona au'anana Diravana aga-nana ve-vai abi-ra'a. Iana maka-nuavina mai vaira'a-vaira'a na Diravana. \v 4 Diravana eva-ira'aga roa'ava ega vaira'asida agodada. Goaegada isa-va'ira'ada isa-i Diravana eva ira'aga roava a'adina.
|
||||
|
|
@ -0,0 +1 @@
|
|||
\v 5 Isa'i a'a Kerisona nu'u-nu'uda eabi ou-ga'nai.mai ega va-ira'a va-ira'a keriso na aba-nanai. \v 6 Ko ema naida kererena ka ao-nanai imiava emui va-ira'a-nai mai duru-duru nai.ko ema geva ira'a-muuva anaemui va-ira'a va-irana ounanai. Emui vaira'a-vaira'a mauri-nana a'ana ve-paura ovina.ema vu-na'edomui inoku sina'ada isa u'a bou-bou isa'i uida ero sina'ana kapea ka-u'ava.\v 7 Emai ra'da abamuina da vi-va'egeava badina naida i-sa'aku ema sina'ada ka u'a bou bou.ana emai va-ira'a va-ira'ada vu-abi ero.
|
||||
|
|
@ -0,0 +1 @@
|
|||
\v 8 Badina nai-da iu-ra uida ero vuisa'aku. Sinae-kapea'uda boumuinai,a'a kerereda Esia nai i-abi a'a-dada kerereda ege-boiodada ounanai ira i'sia emai maurioa ai eda kua. \v 9 Momoai vagai-nai gesiava eda akunimai.ko,naida da sibomai ira'asimaiva,ko,Dirava-na irasia,badina ia nano kau-geoda veva-ko'oreda diba. \v 10 Nou ge-akunimai ko iana-eugu eva -ra'asimai,ema gava gaga'ada vaida eda ka ana veva-ra'asimai va-i'iro iva momoai ro'ava badina veva-ra'asimai va'iro.
|
||||
|
|
@ -0,0 +1 @@
|
|||
\v 11 Ia'adina evavai ro'ava badina emui gurigurida aodada.urasimai ro'ava.A'a gruigruida mai iurauenida vavaidada oumainai uvavai ro'ava ana kauda eda ogu eda va'nonoada.
|
||||
|
|
@ -0,0 +1 @@
|
|||
\v 12 Naida ira'auva; Badina emai ra'da iboudadai Diravana ena uranai mai ena kapu-kapunai ivavai i'a kanobagana aonanai, da sibomai ko Diravana ena iura-veninai. \v 13 I-rere venimuiva.vuva'aua ana oa vuvaireani,an'nana vu-abia, aisa'aku \v 14 badinana buka da vaida arerenda ana uisa'akunda ounanai, ko aurava andada vu-abida ovinai, inoku ega ovia bagana Iesu na vemai agonana a'anana, naida vira'au ai-ni-mui, mai uida ero vura'au-ainimaiva.
|
||||
|
|
@ -0,0 +1 @@
|
|||
\v 15 Badina ara-ovinai a'unauna amaiva abamuina, ounani uida ero nonoa da vaida vuabi e'u maina ivaruanana a'ana. \v 16 Nana vagana Masedoniana akava ko va'isi vaisanimui be aveai vagana. Masedoniana varuia ana va-ero vamai abamuina ero be vusiei'u vagana Judeana.
|
||||
|
|
@ -0,0 +1 @@
|
|||
\v 17 Ia'adina ra-da a'ada geveri-kaini'u ro'ava e aena? Ara sibou e'u ranai avavai r'ava ana ounanai e'a e ve'o ago kapeanai asia r'oava. \v 18 Ko Diravana ena abi-venina ao-nanai,da ea e veo isaka'.
|
||||
|
|
@ -0,0 +1 @@
|
|||
\v 19 Badina Diravana nakunana Iesu kerisona, a'a Silvanusna, Timotina mai nana iva-raroa ia na da "ea" e "veo" ko iana "ea" no. \v 20 Badina maorada eva -raroda'ada eva-momo'aida. Ana ounanai Diravana aganana iva gaegae'a boio, mai iva momoai'ava.
|
||||
|
|
@ -0,0 +1 @@
|
|||
\v 21A'ga-naDiravana eugu eva momoai-maiva mai keriso na siauda evenimaiva,\v 22 mai ena siauda e'veni-maiva mai rauma-nana ao-mai-nai ekorea, i-o'nau-maina.
|
||||
|
|
@ -0,0 +1 @@
|
|||
\v 23 Ko, Diravana ava'onia veva momo'aiuva, gavaka ounanai da avasiva Korinto nai badina vaida yu mia, a'agamuida eda gae. \v 24 In'a da emu abi-venina vi-Koi'a ikava ko,emui ra'auna Pauranana i-vavaia,inoku emui abi-veni nai va-ava ira'a.
|
||||
|
|
@ -0,0 +1 @@
|
|||
Sapta 1
|
||||
|
|
@ -0,0 +1 @@
|
|||
\v 1 Ana ounanai ara da va'ero va'iro vavasi ema mai nu'u-nu'u-u. \v 2 Ema nu'u-nu'u da avenimuiva, gai ve'ogu veva ra'au'uva ko a'a ava-nu'unu'uda a'adada e?
|
||||
|
|
@ -0,0 +1 @@
|
|||
\v 3 Arere isa'i avavai badina ema avasiva a'ana da vuva gaga'uva ko vuva ra'au'u. Nana aisa'aku vaisa, nana e'u ra'auna uida osidi idai-idai. \v 4 Ao'una mai nu'u-nu'una arere venimuiva. Da a'ura uida vu aonu'unu'u ko a'ura vuisa'aku, aeadi a-ragae'ainimuiva.
|
||||
|
|
@ -0,0 +1 @@
|
|||
\v 5 Ema ka evavai gaga'a, da sibo'u aba'unai evavaiva ko ana evanai ko da evasiva abamuinai. \v 6 Ko a'a kau-na'ana kauda iboudadai eda nu'unu'uda ve-abi. \v 7 Ko agana ema kauda geva-gaga'ova, vo vairearea inoku aonana veira'a. A'adina vokava inoku da ao'nu'unu'unai eda mia.
|
||||
|
|
@ -0,0 +1 @@
|
|||
\v 8 Ana ounanai avaonimuiva emui ragaena abanana ana kauda iboudadai vu-vaonda. \v 9 Ana ia'adinana ounanai arereva, inoku vava-ira'amuiva mai vaisa'aku u-maura'ono ro'ava.
|
||||
|
|
@ -0,0 +1 @@
|
|||
\v 10 Ema kauda eda kerereda vovairearea, nana ero vavairearea. Kerere gavaka avairearea-venava, ema kerere da vaida avairearea, onina oumunai kerere a'adada avairearea Keriso na abananai. \v 11 Ia'adina vokava ana Diaborona da verebani-ova. Badina da kaisa'aku gavaka vevavai'a.
|
||||
|
|
@ -0,0 +1 @@
|
|||
\v 12 Ovia Baga na agena ka eke'ona aba'unai a'a amaiva Troasnai a'ana Keriso na ena maorana va'iroroai. \v 13 Ko ao'una da enonoava, badina e'u sinae-kapeana Taitus na a'aena da agavaria. Ana ounanai aruida inoku a-ero agana Masedonianai.
|
||||
|
|
@ -0,0 +1 @@
|
|||
\v 14 Ko Diravana isa vanonoa, Keriso na abananai e unauna-ainimai ro'ava. Naida i-ogu ena aonegada abu da boudadai ivararo ro'ava. \v 15 Badina naida Diravana, Kerisona ena maga'a nonoada, kau maurida mai kau geoda evo-dadai.
|
||||
|
|
@ -0,0 +1 @@
|
|||
\v 16 A'a kauda gegeodo-geodo a'ada maga'ana isa'i geoda maga'adada. Mauri gemia kaudada ana mauri da maga'adada. Gai veogu vevavai? \v 17 Ko naida da isa'i kauda vaida Diravana ena maora poropedida gevavai ro'ava a'adina. Ko naida gavana da ka irasa ro'ava, Kerisona ivararoa ro'ava, Diravana esieimai ro'ava, Diravana aronanai.
|
||||
|
|
@ -0,0 +1 @@
|
|||
Sapta 2
|
||||
|
|
@ -0,0 +1 @@
|
|||
\v 1 Isa isa'aku ema ia kanobagana e-gaga'ava, isada mai ega ruma Diravana abananai. Rumana a'anana da kau da geugu ge'abia, ko basileianai emia.\v 2 I'inana isa'i ivararo vaisa isa'i vavaia a'a gubunada a'adin isa gana basileiana. \v 3 Isa vavaia ana isa'i da mai obu-obuga a'adin.
|
||||
|
|
@ -0,0 +1 @@
|
|||
\v 4 Momoai ia gubunana kavavai ana ge-sina'a roava a'adina. Naida iba'oava mai obuobumai vimia. Ko gubunada a'adada vivavaida, ema raumada gaga'adada emai mauri da eda koida ko da eda idai.\v 5 Diravana eogu rumana'ana eabia vaisa, Rauma Kapukapu na gubunada a'adin, gava gaga'ada ve-avinia'a.
|
||||
|
|
@ -0,0 +1 @@
|
|||
\v 6 Ko isa raona, ema siboga kamia, ana Ovia Baga na da abaganai. \v 7 Badina abi-veninai kamia ro'ava, da ega vi'o-vi'onai. \v 8 Ko ka-isa'aku aiai, ema kanobagada mauridada isa rui'a ana isada Ovia Bagana abananai.
|
||||
|
|
@ -0,0 +1 @@
|
|||
\v 9 Ana ounanai a'adina isa vavai'a ro'ava, ema vanuanai kamia e kara'asi ko viva-ra'aua. \v 10 ko ibougana Keriso na ve-ogu veva-vagaiga, inoku kaka-kaka isa isa'aku gavada ka vavai ro'ava a'adada nonoa e gaga'a.
|
||||
|
|
@ -0,0 +1 @@
|
|||
\v 11 Badina Ovia Bagana imekauaina ro'ava, kauda ivaonda ro'ava. Gavaka ivavai ro'ava ana Diravana eisania ovinai ro'ava. A'ura ramuida vu kaurida ovinava. \v 12 Da vivaonimui va'iro mai vuisanimai isa'i Diravana ena paurada kaudada. Ko ve'o naida ivavaia'ana vu ra'auainimai, mai vuisa'aku a'a kauda a'a ge-po'upo'u ro'ava mai a'a ukomomoaidadai gekumua ro'a
|
||||
|
|
@ -0,0 +1 @@
|
|||
\v 13 Mai ema ega rada ge-ku'ava, ana Diravana ounanai; mai ema ra-ganai kapaura, ana sibo-ragana. \v 14 Badina Kerisona ena raga'ena komea abaganai: ouganai ege'o.mai ero iboudadai gegeova. \v 15 Ouganai egeova, ounanai kauda eda rasia ro'ava badinana oudadai egeova
|
||||
|
|
@ -0,0 +1 @@
|
|||
\v 16 A'adina ounanai, agana egana ana kauda isa vagaida da kauda kavagai ro'ava a'adin, Kerisona ena gereana. Ko agana da a'adina kakaro'ava. \v 17 Ema kauna ka Kerisona abananai emia, ianai e-makamaka, vavaida avaidada ai gegana, makamakadada ai gemai.
|
||||
|
|
@ -0,0 +1 @@
|
|||
\v 18 Ia gavada boudadai a'adada Diravana abananai. Iana eogu Kerisona evavaiga kamai kamia kapea, mai ministiri na eveniga a'ana isa mia kapea. \v 19 A'adina ounanai Dirava na eogu kano bagana eva kapea badidina Keriso na ounanai. Eda vavai gaga'ada da eva'auda. Iana eogu mia-kapea na maurinana eruia abagana.
|
||||
|
|
@ -0,0 +1 @@
|
|||
\v 20 Ana ounanai Keriso na eogu esieimaiva, isa'i Dirava na vevavai a'ana naida iogu ena maorada ivararova. Ana ounanai inoninimuiva Kerisona ounanai. "Vumia kapea Diravana abanana!" \v 21 Iana eogu Kerisona ge-akuna ega vavai gaga'ada oudadai. Ianano vavaina gaga'a-anana da ka evavai'a. Ia'adina eogu ounanai isa da ero ara vavai gaga'ada da isa vavai Diravana ena Gere'ana.
|
||||
|
|
@ -0,0 +1 @@
|
|||
Sapta 5
|
||||
|
|
@ -0,0 +1 @@
|
|||
\v 1 E'u Raga'eda, kavamoaia ai-ai, kau'anigada eraumagada ema vavaida gaga'a da vaida kavavai,isa ru'anda mai isa makamaka va'iro. Imaganai isa va-kapukapuga, mai dirava na isa mekau'aina ero.
|
||||
|
|
@ -0,0 +1 @@
|
|||
\v 2 Evoda vaida u-vauai! Naida da kau ka iva, gaga'a e ka i-akuna e ka iva-ga'ua. \v 3 Nana da ava-gaga'amuiva, badina ava'ononomui ai'ai uko'una aunanai u'mia ro'ava, Vu'geo ana isa geo,ema mauri umia, ana mauri isa mia. \v 4 Nana ava-momoaimuiva mai ava-nonoamuiva. Agana amia ovinai, gaga'ada mara'idada vaida ko ao'una era'au-gagava
|
||||
|
|
@ -0,0 +1 @@
|
|||
\v 5 Imai Masedonianai ira'asi, kauanimaida gemano gagava. Idua-iduada evomai nai, mai aomaida gemekau mekauva. \v 6 Ko Diravana eu-gu Taitus na esieia emai eva ira'amai. \v 7 Diravana da Taitus nano eiei'a emai eva ira'a mai ko, uida ero Taitusna uvaira'a. Evaonomaiva ae'adi urasimai gagava, mai emui ra-na aba'unai.
|
||||
|
|
@ -0,0 +1 @@
|
|||
\v 8 Momoai e'u revarevana eo-gu aomuida eva sina'ada ko da ara'aona, ko aveai e'u revarevana aisana ana aomuida eva sina'ada ounanai ara-va'iro. Ko aomuida gesina'a ba'ana.\v 9 Agana ara'auva, da badina emui maurida ge-ira'a ko aomuida gesina'a inoku emui vavai gaga'ada uruidava.Makanuavina ege boionana ka e'abimui ko gavanadaka uva gaureava badina naida i'ogu. \v 10 Diravana ena gere'anai vu aonu'u-nu'u,emui vavai gaga'ada iboudadai vuruida. Ko ema ia kanobagana aonu'unu'u-dada ana geo nano emai'aina ro'ava.
|
||||
|
|
@ -0,0 +1 @@
|
|||
\v 11 Aganai vuisana Diravana ena aonu'u-nu'una gere'anana evavai ro'ava. Ae'adi naida vi-isa'aku da u'kerere, emui idua da, emui mekauda, emui ra-boubouda iboudadai mai emui urana ana meoroda eda puru vaka. \v 12 Nana aougu arere-venimuiva ko da kaina-ororoda kaudada eda isa e a'a kauna geva gaga'ava a'anana ko Diravana emu vavai nonoada vei-sa'aku.
|
||||
|
|
@ -0,0 +1 @@
|
|||
\v 13 Ia adina ounanai ira'ada ka-abi ro'ava. Ana ounani sibomai iva-ira'a-va'ira'a mai ira'auainimuva badina uida uogu Taitus na na era'auva. \v 14 Agamuida a'abi ra'anda ana ao'una egaga'a. Ko idainana maorada boudadai ivararoda abamuinai a'ada momoai. Taitus na eu'gu eva momoaia.
|
||||
|
|
@ -0,0 +1 @@
|
|||
\v 15 Iboumuinai eva nonoamui, badina emui maora onoda erasida, mai emai era'asi venimui ana ubau'au venia mai uabia gae.\v 16 Ara'auva badina ava momoa'aimui gagava.
|
||||
|
|
@ -0,0 +1 @@
|
|||
Chapter 7
|
||||
|
|
@ -0,0 +1 @@
|
|||
\v 1 Naida iura sinae-kapeamaida vui-sa'aku Diravana eogu Masedoniada eda ro'eda iboudadai eva nonoada. \v 2 Sina'ada, nu'u-nu'uda mai eda oranai ko makanuavinai duruduru kome'ada gepuru badina ao'nonoada gaidada.
|
||||
|
|
@ -0,0 +1 @@
|
|||
\v 3 Nana sibo'u ava momoaiva badina geveni ro'ava vegana vega aenai ge'idaidai a'ana. Siboda eda uranai \v 4 eda begunimai isa'i iada ero eda iroro ia ministirida aodadai ena abi-venida kaudada abadadai. \v 5 Naida da ira isiava gavanaka ve-puru, ko ge unauna gemai siboda ukodada Ovia Bagana gevenia. Inoku gemai ge kauainimava Diravana ena ura nai.
|
||||
|
|
@ -0,0 +1 @@
|
|||
\v 6 Ana ounanai iouraro ira'a Taitus na abananai, gai ia paurana e-unaunaina evavai ve gana abamuinai ve ku'a. \v 7 Ko uida gavada iboudadai uisa'aku, abi-venina, isa'akunai, mai emui ragaena emaiva abamainai.
|
||||
|
|
@ -0,0 +1 @@
|
|||
\v 8 Ia adina akava, da ava-mekau vamekau ko emui ragaena aeadi mai kauda vaidada ai-adi geka ro'ava. \v 9 Ko ega Ovia Bagana Iesu Kerisona ena ao-nonoana vuisa'aku. Momoai iana idai-dai, ko ouganai egana eve'o boio, ema eve'ova aonanai on'na vo'idai-dai.
|
||||
|
|
@ -0,0 +1 @@
|
|||
\v 10 Ia-adina ounanai va durunimui kainamuida vagainda. Vuisau na ka egana, da gavanaka ovavaia, ko emu urana a'ana vovavaia vaka. \v 11 Agana vave'oa. Ana isa'i emu urana'ana emia aiai, vovavaia vegana vovaveoa, idai-daimunai vovavai. \v 12 Ema uida u'ura gaga ia paurana, ana nonoa mai nonoa vere. Emu i-sa'akunai vovavaia, da a'a da oisa'akunda gavadada.
|
||||
|
|
@ -0,0 +1,3 @@
|
|||
\v 13 Badina ia paurana a'ana da isa'i kauda vovanonoada mai on'na nu'unu'u da vo'ua. Ko vu-idaidai. \v 14 Ema agana da o'ura ana gavaka ge-ura ana eda abia. Ana gedurunimui ero,eda ba'oana veogu vuidaidai. \v 15 A'adinano mai ia'adina gererena:
|
||||
"A'a kauna ira'u e'abi ana aridada ve'o,
|
||||
ko a'a kauna da ira'u e'abiva a'ana da ka eva gaga'ava."
|
||||
|
|
@ -0,0 +1 @@
|
|||
\v 16 Ko Diravana isa vanonoa, iana eogu Taitus na ukonana aonanai iuraveni na komea gaga ekorea isa'i nana a-uravenimui gaga ro'ava. \v 17 Da a'a e'abi'o-gaevano ko ena iuravenina ero emia vavaina. Badina ena ura nai emai veni'o ro'ava.
|
||||
|
|
@ -0,0 +1 @@
|
|||
\v 18 Agana sinae-kapeagana isiei'a a'ana ro'eda iboudadai aganana geabi ra'ana ro'ava, mai a'a ena maorada evararo ro'ava. \v 19 Da ia'-inana-no, ko ro'e da kaudada ero geva momoaiava naida-osidi vi-ebo mai ia vavai nonoana pauranana vivavai'a. I'inana a'ana emai ura nai Ovia Bagana aganana i-aonaira.
|
||||
|
|
@ -0,0 +1 @@
|
|||
\v 20 Naida da-iurava kauna ka ve-mugu ia paurana ivavaiava a'ana ounanai. \v 21 Ia paurana ounanai i'onaurimai roava, da Ovia Baganano abananai i'amouru ro'ava ko kauda ero.
|
||||
|
|
@ -0,0 +1 @@
|
|||
\v 22 Ega sinae-kapeana ka ero ia'dosidi isi'eia evasiva. Ikoia ro'ava, inoku igavariava mai ra'auna ia paurada evavaida ro'ava. Iana agana aonanai ana evavai oviovinai roa'a badina eva momoaimui gagava. \v 23 Ko ana Taitusna'ana iana e'u urame na mai e'u paura kapea na kaunana oumuinai. A'a ega sinae-kapeada a'adada, ro'eda geogu gesieida gevasi. Kerisona agananai. \v 24 Emui ragaeda koadada vuvaisada badina amai avararomui ai'ai.
|
||||
|
|
@ -0,0 +1 @@
|
|||
Sapta 8
|
||||
|
|
@ -0,0 +1 @@
|
|||
\v 1 Aura vumai vuduruni'u isa vavai garau. Ko veo uvavai ovinaiva! \v 2 Ko ai avaiora venimuiva. Da vai'orada gaga'adada ko nonoadada, badina avaoni'o aiaiva kau na kapeano va'abia agava'unai ve'aova. Mai makamaka korikori Keriso na va venia.
|
||||
|
|
@ -0,0 +1 @@
|
|||
\v 3 Ko amekau gadiva, isa'i a'a babaina eogu Ivna eva bo'oava a'anana, emu ra'da eda gana ba'ananai isa'i gurigurinai mai Kerisona ena vavai nonoanai. \v 4 Ema ka emai Iesuna egenana e'iroroaina. E ema raumana egenana ka egogoni'o. E ema dirava egena ka ena maorada oabi-gaeva. Ai ema idaidai!
|
||||
|
|
@ -0,0 +1 @@
|
|||
\v 5 Ko ara da a'aveava a'a rebarebada kaudada a'adina. \v 6 Ko ema iroroda gereadada da aisa'aku ko a'aonegava. Gere'ada mai vavaida ege'ege ivavai inoku ai uisa'aku.
|
||||
|
|
@ -0,0 +1 @@
|
|||
\v 7 Vavaida gaga'adada vaida avavai venimui ko e ve'o? Badina Diravana ena maora nano a'iroro venimui ro'ava. \v 8 Ro'eda vaida abadadai avainaova badina e'a gekava inoku va'onaurimui. \v 9 Abamuinai amia agonana, e'u sina'ada da ka ava ua ro'ava. Badina e'u urada a'adada ega sinae-kapeagada a'a Masedonianai gemai geduruni'uva. Gavaka aonanai ko e'u sina'ada da vavaonimuva, aba'unaino eda mia, mai vanai-vanai ana a'adinano vamia.
|
||||
|
|
@ -0,0 +1 @@
|
|||
\v 10 Badina Kerisona ena maora momoaida ao'unai gemia, Akaia da kaudada da eda vaku'a ko eda vara-ro'u ro'ava. \v 11 Why? Badina da aragae-ainimui ro'ava e? Diravana sibona eisa'aku.
|
||||
|
|
@ -0,0 +1 @@
|
|||
\v 12 Ana ounanai gavaka avavaiva-a'ana da vavaku'a ko, geva-gaga'uva e agadada ge-abira'a ko ana vavai kapeana ivavaiva. \v 13 Kauda a'adin a'ada rebada kaudada mai paura gaga'ada kaudada. A'adada rebada kaudada isa'i Kerisona ena vaisi-vaisida kaudada.
|
||||
|
|
@ -0,0 +1 @@
|
|||
\v 14 Mai da isa pou-ainda, badina Diaboro na ero erebareba isa'i airarada anerudada a'adin. \v 15 Da isa pou ema ena vaisi-vaisi da kaudada eda mai eda rebaniga ero. Ko aveai ana vavaina ounanai andada eda abi.
|
||||
|
|
@ -0,0 +1 @@
|
|||
\v 16 Ama vaonimui va'iro: Da uma ra uma sia nana bo'obo'o. Ko ema a'adina orava, ana ve'o vakava. \v 17 ema a'aonai aonai ana da Ovia bagana eogu, ko nana abo'obo'o.\v 18 Ko badina kauda ira'u siboda ge-aonairida ro'ava, ounanai nana ero va-aonai aonai akava.
|
||||
|
|
@ -0,0 +1 @@
|
|||
\v 19 Rebada kaudada uva-momoaida. Sibomui emui aonegada. \v 20 Ema uva-momoaida isa'i abadadai u'diburava, e ge abi'o uga abadadai, e evavaio isa'i gava garau na ka, e evavaio isa'i on'na evanairiova, e ioiumuna ge-pe'ania. \v 21 Ko vasia imaridiva badina da vi'idai a'adina vikava. Ko ema ka e-aonai aonaiva, vakumua a'a bo'oda a'adin, mai nana ero va-aonai aonai.
|
||||
|
|
@ -0,0 +1 @@
|
|||
\v 22 A'ada Hibruda eh? Nana ero. A'ada Israilda e? Nana ero. A'ada Abraham na besenada e? Nana ero. \v 23 A'ada Kerisona ena paurada kaudada e? (Akumua isa'i bo'oda a'adina.) Nana avavai ira'uva. Nana paura sina'ada avavai ira'uva, diburada aodadai, ge-karai'u gaga mai ero nou ageono.
|
||||
|
|
@ -0,0 +1 @@
|
|||
\v 24 Juda aodadai ge ubini'u gagava. \v 25 Agoda koi aurinai ge karai'uva. Ago na kapea vakunai ge-dioni'uva. Agoda koi asi kome'ada gegaga'a. Amia rani mai amia ago dio gavaranai. \v 26 Abuda boudadai aebonda ro'ava, vei da vaida mai mekauda, Vainao-vainao da kaudada mekaudada, a'a kauda Diravana da geisa'akuna kaudada mekaudada, goaegada rebadada.
|
||||
|
|
@ -0,0 +1 @@
|
|||
\v 27 A-paura sina'a gagava, eno ovinai veo, orana mai ago'aunai, rove'naino mai imarinai. \v 28 Ko gavana ka ero ana, rana eakuni'u ro'ava mai ro'eda arasida gaga ro'ava. \v 29 Gai da e-ira'a, mai nana da a-ira'a? Gai vevai-ra'asi ekava, mai auararana da akukuia?
|
||||
|
|
@ -0,0 +1 @@
|
|||
\v 30 Ema va-aonai akava ana, da a-ira'a abudada a'adada vavararoda. \v 31 Diravana Iesu Kerisona Auanana ero eisa'aku da a'rebava.
|
||||
|
|
@ -0,0 +1 @@
|
|||
\v 32 Damascasnai, gavanana eda oviana Aretasna babenana a'anana eogu Demascas na e'onaura veva dibura'u ekava. \v 33 Ko poanai geva-naedo'u.
|
||||
|
|
@ -0,0 +1 @@
|
|||
Sapta 11
|
||||
|
|
@ -0,0 +1 @@
|
|||
\v 1 Va aonai-aonai, ko gavana nonoanana da ka va abi. Ko Ovia Baganano va inivi aina mai ena maora dano vavararo. \v 2 Kauna ka aisa'akuna Kerisona ena kauna ka, Kauan'nana eh raumanana, da aisa'aku, ana Diravana no eisa'aku, e ganava basileia na iva koinana
|
||||
|
|
@ -0,0 +1 @@
|
|||
\v 3 Mai a'a kauna aisa'akuna ko, Kauan'nana eh raumanana, da aisa'aku, ana Diravana no eisa'aku, \v 4 eganava abu nonoana mai vai'uninida maoradada vaida eono ko kauna da ka vevararo diba. \v 5 Ia kauda ia adin a'adada va aonairida. ko sibo'u da va aonairi'u, ko e'u manomano dano abudada vavararoda.
|
||||
|
|
@ -0,0 +1 @@
|
|||
\v 6 Ema a'ura va aonai-aonai, ana nana da bo'o, badina ana maora momoai na vavararoa. Ko da vavavai, inoku kauda eda isa'a-kuni'u mai e'u maorada eda rasida. \v 7 Nana da va aonai-aonai roa'ava badina maora da ira'adada ge'ogu. Ana ounanai, da va po'u-po'u ro'ava, Diaboro na ena paurana ivavainana kaunana ka e'ogu eva gaga'uva, ounanai nana da va po'u-po'u.
|
||||
|
|
@ -0,0 +1 @@
|
|||
Ago da koi vaisa Ovia Bagana anonina, ia gava gaga'a na aba'unai veabi-oania. \v 9 Ko evaoni'uva, "E'u aononoana abamnai anai idai, badina manomanonai ira'a da gemai ro'ava." Ana ounanai e'u manomano da abudada avararo ro'ava, ana ounanai Kerisona ena ira'a ao'u naino eda mia. \v 10 Manoda abudada eda mai, kauda eda va-gaga'ao, kerereda, eda akuni'u geka-ro'avamai ra-boubou da gepuru ro'ava . Ana ounanai ema amano a'ana, va ira'a.
|
||||
|
|
@ -0,0 +1 @@
|
|||
\v 11 Nana ai a-bo'o! Badina uida u'ogu u'beguni'u, a'a aga'una uma abi-ra'ana ana ounanai. a\A'a reba da kaudada da ava nonoada ro'ava, nana ero ve'o. \v 12 Diravana ena vaisi-vaisi momoaida kaudada iva-naedomaiva aomuinai mai koada ivaisamuiva. \v 13 Ema ro'ena aonanai animu ve'o, ko e'u sina'ada da ava ua'o ai? Ia e'u vavaina vovairearea.
|
||||
|
|
@ -0,0 +1 @@
|
|||
\v 14 Vi'o! Nana ai vavasi va'iro agona ivakoinana. Da vava sina'amui, badina emu gavada da va'abida. Nana aura onina. Badina da urameda eda ogu aida-aua eda onaurida ko aida-aua eda ogu urameda eda onaurida. \v 15 Nana vagava mai vagava oumuina. Ema aragai-ainimuva, be ai nana?
|
||||
|
|
@ -0,0 +1 @@
|
|||
\v 16 Ko e'u nu'unu'uda da ava-ua'o. Ko nana idai-idai ounanai, emui rebada vavaidada agavarida. \v 17 Ava gaga'ova eh gava? \v 18 Taitus na mai sinae-kapea na ka asieida gevasiva. Taitus na eva gaga'ova eh? E'u gere'ada da ekauai eh? E gana-ganamaida da idai e?
|
||||
|
|
@ -0,0 +1 @@
|
|||
\v 19 Uida ura i'avaruna sibomai i'uninimaiva e? Dirava na aronana naida Keriso na ena paura kaumaida iva ira'amui ro'ava.
|
||||
|
|
@ -0,0 +1 @@
|
|||
\v 20 Nana maimekau'u, a'ura vavasi ana idai'idai vagavarimui. Amekauva badina a'a da iogugu da vugavari'u isa'i urasava a'adin. Amekauva idua-idua da eda komea, vai'orada, dini'ada, sisiba kauda mai po'upo'uda. \v 21 Amekau badina va'ero vamai ana, da e'u Dirava na veva naedo'u aromuinai. Amekauva badina kauda ira'u vavai gaga'ada gevavai aiai ma eda vavai gaga'ada da geva'ada da gevairea-rea venda.
|
||||
|
|
@ -0,0 +1 @@
|
|||
Sapta 12
|
||||
|
|
@ -1 +1 @@
|
|||
Koritio'na Bukanana Ivaruanana
|
||||
Korintio'na Bukanana Ivaruanana
|
||||
|
|
|
|||
|
|
@ -1 +1 @@
|
|||
{"project":{"id":"2co","name":""},"type":{"id":"text","name":"Text"},"generator":{"name":"ts-android","build":176},"package_version":7,"target_language":{"name":"Gabadi","direction":"ltr","anglicized_name":"Gabadi","region":"Pacific","is_gateway_language":false,"id":"kbt-x-maura"},"format":"usfm","resource":{"id":"reg"},"translators":["FRANCIS PAUL MAIANI"],"source_translations":[{"language_id":"en","resource_id":"ulb","checking_level":"3","date_modified":20170329,"version":"9"},{"language_id":"en","resource_id":"ulb","checking_level":"3","date_modified":20170329,"version":"9"},{"language_id":"en","resource_id":"ulb","checking_level":"3","date_modified":20170329,"version":"9"}],"finished_chunks":["04-title","04-01","03-04","03-07","03-09","03-12","03-17","03-title","13-title","13-01","13-03","13-05","13-07","13-09","13-11","13-13","10-title","10-01","09-title","09-01","09-08","10-15","10-03","10-05","10-07","10-09","10-11","10-13","10-17","09-03","09-06","09-10","09-12","04-16","04-13","04-11","04-05","04-03","03-01","03-14","06-11","06-01","06-04","04-07","06-title","06-08","06-14","06-17"]}
|
||||
{"project":{"id":"2co","name":""},"type":{"id":"text","name":"Text"},"generator":{"name":"ts-android","build":176},"package_version":7,"target_language":{"name":"Gabadi","direction":"ltr","anglicized_name":"Gabadi","region":"Pacific","is_gateway_language":false,"id":"kbt-x-maura"},"format":"usfm","resource":{"id":"reg"},"translators":["FRANCIS PAUL MAIANI","PAUL S POESI"],"source_translations":[{"language_id":"en","resource_id":"ulb","checking_level":"3","date_modified":20170329,"version":"9"},{"language_id":"en","resource_id":"ulb","checking_level":"3","date_modified":20170329,"version":"9"},{"language_id":"en","resource_id":"ulb","checking_level":"3","date_modified":20170329,"version":"9"},{"language_id":"en","resource_id":"ulb","checking_level":"3","date_modified":20170329,"version":"9"},{"language_id":"en","resource_id":"ulb","checking_level":"3","date_modified":20170329,"version":"9"}],"finished_chunks":["04-title","04-01","03-04","03-07","03-09","03-12","03-17","03-title","13-title","13-01","13-03","13-05","13-07","13-09","13-11","13-13","10-title","10-01","09-title","09-01","09-08","10-15","10-03","10-05","10-07","10-09","10-11","10-13","10-17","09-03","09-06","09-10","09-12","04-16","04-13","04-11","04-05","04-03","03-01","03-14","06-11","06-01","06-04","04-07","06-title","06-08","06-14","06-17","01-15","01-11","07-title","07-01","07-02","07-08","07-11","07-13","07-15","05-01","05-04","05-06","05-09","05-11","05-13","05-16","05-18","05-20","02-01","02-03","02-08","02-10","02-12","02-14","02-16","08-01","08-03","08-06","08-10","08-13","08-16","08-18","08-20","08-22","05-title","08-title","02-title","11-title","11-01","11-05","11-07","11-10","11-12","11-14","11-16","11-19","11-22","11-24","11-27","11-32","12-title","12-01","12-03","12-06","12-08","12-11","12-14","12-16","12-19","12-20","11-30","07-05","01-21","01-01","01-title","01-03","01-05","01-08","01-12","01-17","01-19","01-23","02-05","08-08","11-03","front-title"]}
|
||||
Loading…
Reference in New Issue