\v 7 Ye e rera ere,"mongwe yo o da go dha gka mojwa game, yoo nonohile thytya go naleno, rikgole jha mpechane wagwe ha ke legkanye go ya dhatshe ke ri boholola. \v 8 Kele kolobetsa gka maze ,mme ena o dile gole kolobetsa gka Moya oo Boitshepo."
\v 7 Iye e rera ere,"mongwe yo o da go dha gka mojwa game, yoo nonohile thytya go naleno, rikgole jha mpechane wagwe ha ke legkanye go ya dhatshe ke ri boholola. \v 8 Kele kolobetsa gka maze ,mme ena o dile gole kolobetsa gka Moya oo Boitshepo."
\v 12 Moya wa moshela nageng. Mme ya le mo nageng malatsji ale masome mane e legkwa ke Saatane. \v 13 Iye ena le riphologolo ja naga le baengele be mo rihela.
\v 12 Moya wa mo goshela nageng. Mme ya le mo nageng malatsji ale masome mane e legkwa ke Saatane. \v 13 Iye ena le riphologolo ja naga le baengele be mo rihela.
\c 12 \v 1 Jhaanong Jheso a simolola go ba rutja gka bi tshwantsho. A re, "mothyo a lema tshimo ya mofine, a e jweshelela ,a epa shethothelo sha mofine. A jwega lehelo la mothogkomeri a ba a hiriseja balemi ba mofine. A be a dhoga a le mo leetyong. \v 2 Gka nako ye yong ,a roma mothanka go ya baleming ba mofine go ya go tshola mangwe a maungo a tshimo ya mofine. \v 3 Ba mo tshola ba mbetsa, ba be ba moleleka a sha tshotse shengwe.
\v 4 A boya a roma mothanka nngwe, ba mo ntsha rithyo mo thogong ba jwelela gka go mo thabisa rithong mo goye. A romela nngwe gatshi, mme ena ba mbolaya . \v 5 Ba jwelela gka go chwara mba bangwe heri gka tsela e chwanayo, ba betsa bangwe le go bolaya bangwe.
\v 6 Ya shana le nngwe yo o gka mo roma, morwa wagwe yo o mo ratyileyo iye ele wa bohelo go mo roma gobo. A re ,"Ba dha go tota morwaagke." \v 7 Balemi ba mofine ba raana bare, " yo ke mojha boshwa. A he mo bolaye gore boshwa bo rihe jwecho."
\v 8 Ba mo chwara ba mbolaya, ba mo tolopela gkaite ga tshimo ya mofine. \v 9 Jhaanong,monyi wa tshimo wa go riha jwang? O dha guda abe a bolaya balemi ba mofine abe a naya bathyo basele tshimo.
\v 10 Iye la shegka la bala lekwalo le? ' Lijwe le baagi iye be le thoboga iye la rihwa pilara. \v 11 She iye shejwa Moreneng, sheshe nte marong echo." \v 12 Mojwa ga she bahetjeleri pele baba Juta ba loga leano la go chwara Jheso gka gore iye ba thaloganya gore o logka gka shetshwantsho sheshe kgathanong nabo. Jhaanong iye be chaba boiriiri jwa batyho.Ba mo lesha ba dhoga.
\v 13 Jhaanong ba roma mba bangwe ba Bafarasai le Baherote gore ba ye go mo chwara gka mahogko. \v 14 Habe dha, ba mo raya bare, "Morutyi, she bathyo ba she akanyago hase shengwe mo gowe gka gore ha o kgetholole nngwe. O rutja tsela ya Morimo. A go gkaha molaong go ruela lekgetho goo Kaisara kana nnyaa? He gka ruwela kana ha shegka ha ruwela?" \p \v 15 Jheso iye e ze boitomokanyi jwabo a ba raya a re ,"Ke shing le ntyegka? Nnaya leri ke le labe."
\v 16 Ba naya Jheso leri. A ba raya are, "Shetshwantsho le mokwalo o ke zha ganye?" Ba re, "zaga Kaisara." \v 17 Jheso are , "Naya Kaisara bilo zagwe e be le naya Morimo zee leng zagwe." Ba mo hakgamalela.
\v 18 Jhaanong Basadukai, mba ba re ha gona tsogo ba dha mo goye. Ba mboja bare, \v 19 "Morutyi, Moshe iye a he kwalela, ha monona a shwa a siya mozalwa naye a siya le mosari wagwe a le bochelong, mme ba sena motyhwana ,mozalwa naye o chwaneye a tshola mosari yo, mme a gorisheja mozalwa naye batyhwana.'
\v 20 Ga bo go na le barwa motyho ba le supa ,wa ntha go ngwala mosari a shwa, a sena batjhwana. \v 21 Wa boberi a ngwala mosari yo le ena a shwa a sena motjhwana ,wa boraro le ena jwalong. \v 22 Bosupa jo jwa shwa bo sena batyhwana. Labohelo mosari yo le ena a shwa. \v 23 Mo tsogong ha bashwi be zoshwa gatshi mosari yo e dho gobe e le wa ga yo o heng?Gka gore iye a le mongwalwe ke barwa ba motyho mba supa."
\v 24 Jheso are, "A she ha se lebagka la gore abe le rimela, gka gore ha leze rikwalo kana tyhatya ya Morimo? \v 25 Gka gore ha be zoga bashwing, ha ba ngwale kana ha ba ngwalwe, jhaanong ba chwana le baengele legorimong.
\v 26 Jhaanong gka bashwi mba ba dha go zoga ,ha se le bale mo lekwalong la ga Moshe ,gka she ya shee bona mo nageng, ha Morimo e logka naye ere , 'Ke Morimo wa ga Aborehama gatshi ke Morimo wa ga Isaka le Jhakoba'? \v 27 Ha se Morimo wa bashwi ke Morimo wa bachiri. Lena le rimelago."
\v 28 Ngwe wa bakwari a dha a uzwa go logkisana gabo; a bona gore Jheso nta a ba araba shente. A ba boja , "Ke molao ohe o bothogkwa go e hetya yothe? " \v 29 Jheso a hetjhola are ," she she bothogkwa ke gore, 'Uzwa, Isiraele , Morena Morimo wecho, Morena o mo yengwe. \v 30 Ratjya Morena Morimo wago gka pelo yago yothe ,gka moya wago othe, gka thaloganyo yago yothe le thyatya yago yothe. \v 31 Thyaelo ya boberi keye, ' ratjya mabapi wago jwagka o ithyatya.' Ha gona thyaelo e hetya ye."
\v 32 Bakwari bare ," Morutyi ,yo molemo! iye ware Morimo o me engwe, ha gona nngwe gatshi nteng gagwe. \v 33 Go mo ratjya gka pelo yothe le gka thaloganyo yothe le gka thyatya yothe , le go ratya mabapi wago jwaagka o ithyatya gona le bithabelo zothe ze be hisijwego le meneelo." \v 34 Ha Jheso a bona gore nte a ba araba gka bothale, a mo raya are ,"Ha o kgakala le bogoshi jwa Morimo." Mojwa ga mohong, ga shegka ga rula le yo o legka go boja Jheso ripojo.
\v 35 Ha Jheso a nje a rutjya mo tempeleng are, " Go dha jwang gore bakwari ba re Keresete ke morwa Dafite? \v 36 Dafite gka boena ,a le moyeng o boitshepo are, 'Morena a raya Morena wame, "Rula mo lebogong lame la mojha go hithelela ke baya baba bago gka datshe ga rinoyo jago." \v 37 Dafite gka boena iye a mbija 'Morena', jhaanong Keresete a gka rula morwa Dafite jwang?" Boiriiri jwa reeja gka boitjumelo.
\v 38 Motyhutyong yagwe Jheso are ," Ikele thogko bakwaring, mba ba ratjya go shekela gka biaparo ze bityelele ebe ba rumejwa mahelong a thyegkiso \v 39 ,ebe ba rula bityilong ze bi totegago mo ri Sinagogeng le mahelong a totegago a meriho. \v 40 Ba shena matu a bashwagari ,ibile ba rapela rityapelo je ri tjyelele gore batyho ba ba bone. Batyho mba ba dho go amoshela katholo ye tjyona."
\v 41 Jheso a rula hatshe ha lepokising la meneelo mo tempeleng; iye a labeleye batyho jwagka ba tsjenya mari abo mo lepokising. Bontsi jwa bahumi ba ntsha mari uwa mantsi. \v 42 Jhaanong moshwagari wa mothogki a dha gka majana a le maberi a riha peni.
\v 43 A bija barutwya bagwe a ba raya are "Ammaaruri ke le ra yago, moshwagari yo wa mohumaneshi nte a neela gole gontsi gona le bothe mba nte be rula le sheabe mo lepokising la meneelo. \v 44 Bothe nte be neela go jwa mahumong abo, mme moshwagari yo, go jweng mo lethogkong lagwe ta tsjenya mari othe uwa o chwaneye go chela gkao."
\c 13 \v 1 Ha Jheso a jwa mo tempeleng, nngwe wa barutjwa a mo raya a re, "Morutyi, bona majwe uwa mante le rikago." \v 2 Jheso a mo raya are, "O bona rikago je rityona je? Ha gona lijwe le le dho go siiwa go lengwe le sha thyungwe."
\v 3 Ha e nje mo thabeng ya Lethware ye ha pele ga tempele, Petere, Jhakobe, Jhohane le Entereya ba mboja gka shephiring, \v 4 "He gkele, bilo ze bi dho go rihega leng? She supo e dha go rula shing ha bilo ze zothe bi dhoga bi rihega?"
\v 5 Jheso a simolola go ba raya a re ," Le ikele thogko gore go shegka ga rula le yo o le rimejayo. \v 6 Mba bantsi ba dho go dha gka lebijo lame a be bere, 'To nna keresete,' mme ba dho go rimeja ba le bantsi.
\v 7 Ha le uzweleja ritjwa le merumo yajo, le shegka la choga; bilo ze bi chwaneye za rihega, mme bokhutho hase bu dhe. \v 8 Gka gore chaba e dha go zosholoshela chaba, bogoshi le jona bo dha go zosholoshela bogoshi. Go dha go rula le rityhoromo ja lehatshe mahelong gka bontsi le mauba. Ze ke tshimologo ya birabi ja pelegi.
\v 9 " Mme lena le ityise. Ba dha go le neela makgoteng gatshi le dha go betswa mo ri Sinagogeng. Le dha go ema ha pele ga balauri le rikgoshi gka lebagka la lebijo lame, she e le bopaki mogobo. \v 10 Richaba jothe ri chwaneye jha rerelwa mahogko a molemo pele.
\v 11 Ha be le chwara a be be le isa makgoteng ,le shegka la chwengwa ke gore le dha go logka le reng. Gka gore mo oureng yeyong ,she le chwaneye la she logka le dha go she newa; e dha go be ese lena mba le logkago, e dha go be e le moya o boitshepo. \v 12 Motyho o dha go neela mozalwane gore a bolewe ,le ise wa motyhwana heri jwalong. Batyhwana ba dha go zosholoshela bazari babo a be ba riha gore ba bolewe. \v 13 Le dha go thoiwa ke ngwe le ngwe gka lebagka la lebijo lame. Mme yo o itshogka go ya phelelong motyho yo wong o dha go bologkwa.
\v 14 "Ha le bona makgapha a cheno a ema ho a sha chwaneye go ema hoho," (A yo o logkisa tyemana e a thaloganye) " a mba ba mo Jutia ba chabele rithabeng, \v 15 a yo o ishethoweng sha itu a she holoshele dhatshe kana go tshola shengwe motyeng, \v 16 le yo o mo tshimong a she boyele gkobo yagwe.
\v 17 A thathego wee go mba ba imilego le mba ba angwisa masheya malatsjing uwong! \v 18 Mme le rapele bilo ze bi shegka za rihashala marisha. \v 19 Gka gore malatsji uwong e dha go be e le malatsji a pitagano e tyona, jwagka go isi go dhe go rihagale tshimologo ya lehatshe, e Morimo o e rihileyo, go hithelela hombe, nnyaa ,le gona ha go kita go rihega gatshi. \v 20 Mme go hithella Morimo a khutswahaja malatsji uwong, ha gona motyho yo o gka bologkwa. Mme iye a khutshwahaja malatsji gka lebagka la mba iye e ba ikgetyela.
\v 21 Jhanong ha nngwe a gka re, 'Bona Jheso koyo! ' kana 'Bona ,ko yo uwa gko ,' le shegka la rumela. \v 22 Gka gore go dha go zoga bo Keresete mba ba mano le baporofita mba ba mano mme ba dha go riha metholo le rikgakgamajo e le go tsietsa, ha go kgonega, le mba ba ikgetyhwego. \v 23 Le ityise! Iye gka le kela bilo ze zothe pele ga nako.
\v 24 "Mme mojwa ga pitagano ya malatsji uwong, 'leatsji le dha go hihala, kgweri le yona ha ngke e ntshe leseri layo, \v 25 rinyeleri ri dha go wa go jwa mo lehauhaung, mme rityatyha je ri magorimong ri dha go tshikinyega. \v 26 Jhaanong ba dha go bona morwa mothyo a dha a le marung gka tyatyha e tyona le kgalalelo. \v 27 Jhaanong o dha go roma baengele bagwe le go phutyha bothe mba iye e ba ikgetyhela rintheng jothe ja lehatshe go ya bokhuthong jwa legorimo.
\v 28 Le ithyutye tyhutyo mo sethareng sha mofeige. Ha rigkala ja sho ri ntsha mathare, le ze gore silemo she hautshwane. \v 29 Heri jwalong, ha le bona bilo ze bi rihagala, lemoga gore le ena o hautshwane, go bapa heri le shetswalo.
\v 30 Ammaaruri ke le kelago, kokomane ye ha ikita e hetya go hithelela bilo ze bi rihagala. \v 31 Legorimo le lehatshe ri dha go hetya, mme lehogko lame ha ngke le hela. \v 32 Mme gka ga leatsji le leyong kana oura,ha gona yo o zeyo,le ha e le baengele legorimong kana Morwa, ha e se Rara heri.
\v 33 "Ela thogko !bona, gka gore ha le ze nako ye e yona. \v 34 Go chwana le mothyo yo o mo leetyong -o sije itu yagwe a be a naya mothanka wagwe tyaolo yayo, ngwe le ngwe mo tyihong yagwe, a be e laela bathogkomeri go rula kelothogko.
\v 35 Jhaanong rula kelothogko gka gore ha le ze gore monyi itu u dha leng gaya; e gka rula maitsebowa ,kana bosigo gare ,ha kotyo e lela, kana phakela. \v 36 Ha a gka dha gka tshoganyejo, le shegka la letelela gore a hithele le leye. \v 37 She ke she le kelago ke raya batyho bothe: Bona!"