\c 14 \v 1 Iye go seye malatsji a le maberi pele ga paseka le moletyo wa borotyho jo bo sha birisijwego. Baperesiti bagolo le bazerikwalo ye be senka ritsela ja go mo chwara e be be mo bolaya gka shephiri. \v 2 Gka gore ye be re ," eseng gka nako ya moletyo, gore go shegka ga dha ga zoga pherethego baathyong."
\v 3 Mme Jheso ye a re a le Bethani mo itung ya ga Simone wa molepero, e nje ha tafoleng ya gojha, ga dha mosari e chwere lebotele la lookwane la shenchisa monatye she she turu sha narete. \v 4 A thyuma lebotele mme a mo chela narete mo thogong ya gwe. Mme bathyo bangwe mba iye ba le mohong ba tyenega. Ba logka ba raana ba re; \p " lebagka la cheno ya shenchisa monatye she ke shing? \v 5 Shenchisa monatye she kga regkiswa ridenari ri hetya makgolo a le mararo, mari a teng a newa bahumaneshi." Mme ba mo omanya.
\v 6 Mme Jheso a ba raya a re ,"mo leshe, le mo tshwenyejang? o ntyiheye she she molemo. \v 7 Bahumaneshi le na nabo rinako jothe, mme le gka ba rihela molemo nako nngwe le nngwe ye le batago, mme hase nako jothe je le dha be le na leno. \v 8 Nte a riha she o she kgonayo , nte e dholeja mbele wame phiro go shantse go nale nako. \v 9 Ammaruri ke le raya ke re ,gongwe le gongwe gko mahoko uwa a molemo a dha go rerwa gkayo mo lehatsheng, le she mosari yo te e she riha she dha go kiwa e le shegoporiso shagwe."
\v 10 E be Judas Isekariota ,nngwe wa mba ba boheraboberi, a be e doga e ya rithogong ja baperesiti gore a dhe a ba mo neye. \v 11 Ha rithogo ja baperisiti be uzwa she, ba ityumela ba mo sholoheja gore ba dha go mo naya mari. Mme a simolola go bata tshono ya go mo ba naya.
\v 12 Yaare gka leatsji la ntha la borothyo jo bo sha berisijwego , ha be isa shethabelo sha tolagano, barutywa bagwe ba mo raya ba re, "O bata he ya go baakanya gkae gore o jhele tolagano gkayo?" \v 13 Mme a roma barutjwa bagwe ba le baberi a ba raya a re ,"dhoga le ye toropong ,metshe le kopana le monona e rwele nkgwana ya maze, le mo sale mojwa. \v 14 Ha e tsjena itung ,le tsjene naye mo goyo le be le hetya le raya monyi itu le re, Morutyi a re , "itwana yame ya bawei ye metshe ke jhela tolagano mo goyo le barutywa ba me e gkae?"
\v 15 O dha go le supeja itwana ye buleshileyo e le gorimo, e tsjinyijwe bilwana e baakanyijwe. Le he baakanyeje mo tjeng. \v 16 Barutywa ba jwa ba ya toropong. Ba hithela shengwe le shengwe she nje jwaagka iye e ba kela. Mme ba bakanyeja shejho sha tolagano.
\v 17 Ha go rula maitseboa, a be e dha le mba ba lesome le boberi. \v 18 Ha be mje be rapame ha tafoleng be jha, Jheso a re , "Ammaruri ke le raya ke re ,nngwe mo gonye yo o jha leno o dhile go nthanoshela. \v 19 Mme ba hutsahala ,mme gka tyatyelano ba mo raya ba re ,"A re ke nna?"
\v 20 Jheso a ba hetyola a re, "ke nngwe wa mba lesome le boberi, nngwe yo hombe jwa o jha borothyo mo beisaneng leno. \v 21 Gonne Morwa Mothyo o dha go doga jwaagka go kwarilwe gkae. Mme a bo go lathega ene yo o thanoshela Morwa Mothyo! Go gka bo go le botoka ha ngkabo a ise a zalwe."
\v 22 Ya re ha be jha, Jheso a tshola borothyo a bo shegohaja , a bo ngathoganya. A ba naya mme are ,"Tshola.She ke mbele wame. \v 23 A tshola kopi a leboga, a e ba naya, mme bothe ba nwa mo goyo. \v 24 A ba raya a re ,"She ke mari a me a kgolagano, uwa a hutyeshelwa bathyo ba le bantsi. \v 25 Ammaruri ke le raya ke ,hangke dhe ke nwe leungo la mofine go hithelela leatsji le ke o nwa o le mosa bogoshing jwa Morimo."
\v 26 Mme ya re mojwa gago opela shehela ,ba ya thabeng ya lethware. \v 27 Jheso a ba raya a re ,"Le dhile go kgotsjwa lothe, gka gore go kwarilwe goruwa, 'ke dha go ngatya morisa mme riku ri dha go halala.'
\v 30 Jheso a mo raya are , "Ammaruri ke go raya kere, hombe - ee bosigo jwa hombe ,metshe e re kotyo e ise e lele gaberi o bo ta wa intyatyola gararo." \v 31 Mme Petere a logka gka mahega a re , "le ha ngka ba gore ke shwe lewe, hangkagke gka go ityatyola." Ba logka jwalong heri bothe.
\v 32 Ba dha mo lehelong le le bijwa Gethesemane, mme Jheso a raya barutywa bagwe a re, " rula ho ha ke shantse ke rapela." \v 33 A tshola Petere, Jhakobe le Jhohane a ya nabo ,mme a simolola go tseana le go huruega maikutso. \v 34 A ba raya a re , " Moya wame o hutsahee tyhatya le go ya leshong tyotya, le rule ho le labelele.
\v 35 A ya ha pejhana a wela hashe a rapela gore ha go kgonegala nako ye yong e mo hetye. \v 36 A re ,"Tate, Rra, bilo zothe bi gka rihagala mo gowe, dhosha shenwelo she mo gono.Le ha go nje jwalong eseng gka go ratya game, mme gka go ratyeng gago.
\v 37 Mme a dha a ba hithela be thyulameye ,a be e raya petere e re, "Simone o re o leego? a o gka shegke o labelele lebagkanyana heri?" \v 38 Labelela le rapele, gore le shegka la tsjena mo thyaelong, tyotya moya one o thaga o eletsago, mme nama e bokowa. \v 39 A dhoga gatshi a ya go rapela ,mme a hetya a logka mahogko uwong heri.
\v 40 Ha e dha gatshi, a ba hithela be thyulameye, gka gore maro a bo ye e bogkalee. Iye ba sha ze gore ba mo reye ba reng. \v 41 A dha laboraro a ba raya a re, "Le shantse le lee le ityapoloshije? nte ga legkana! Lobagka nte la dha. Bona! Morwa Mothyo ntaa neelwa mbiateng za baleohi. \v 42 Nanoga he dhoge. Bona, yo ye e nthanoshela e ntyhegkisa o hautshwane."
\v 43 Ha e shantse e logka, Jhutase mongwe wa mba lesome le boberi , a dha enale boiriiri jwa bathyo be tshotse richaka le melamu, be jwa rithogong jha baperesiti, bazerikwalo, le bagolwane. \v 44 Jhaanong yo ye e mo thanoshela ye e ba hile shekao sha gore ,yo metshe ke hetya ke mo ata ko ke ena. Mo chware le mo tshole e katilwe. \v 45 Ha Jhutase e goroga a hetyela goye a re ,"Morutyi", mme a mo ata. \v 46 Mme ba mo baya biata ba mo chwara.
\v 47 Mme mongwe wa mba ye be eme mohong, a somola chaka a rema mothanka wa moperesiti mogolo a mo kgaola tsjebe. \v 48 Jheso a ba raya are, "A bo le dha o gkare le choloshee leshoru, le dha go nchwara gka richagka le melamu? \v 49 Ke nje kena lenye malatsji othe ke rutya mo tempeleng ,mme la shegka la nchwara. Mme she ye she rihega gore mahogko a rikwalo a rihagajwe. \v 50 Bothe mba ye be na le Jheso ba ragoga ba mo siya.
\v 51 Lekolwanyana lengwe iye le seye Jheso mojwa e itshophile gka letsela le le loba.Ha bathyo be mo chwara. \v 52 A siya letsela a ragoga a sha ikatyeshile.
\v 53 Ba goshela Jheso moperesiting mogolo. Ga phutyega nae rithogo jothe ja baperesiti, bagolwane le bazerikwalo. \v 54 Petere iye e mo latyela a le ha mojwanyana, a ba a ya go tsjena mo tyeng ga shegotho sha moperesiti mogolo. A rula ha gari ga masole a ikomosha hautshwane le molelo.
\v 55 Jhaanong rithogo ja baperesiti le lekgota la bajhuta lothe ye be senka bosupi jo ba gka bo rihisa go bolaya Jheso. Mme ba shegka ba bo bona. \v 56 Gka gore bontsi ye bo nere bosupi jwa mano gka Jheso, mme le one mano a bo ye a sha rumejane.
\v 57 Bangwe ba ema ba nere bosupi jwa mano kgathanong nae bare, \v 58 "Iye ha mo uzwa e re, 'ke dha go shena tempele ye e rihilwe gka biata ye, mme ke dha go aga engwe ye e sha rihilwe gka biata."' \v 59 Le ha go nje jwalong ,le jone bosupi jwa shegka jwa supela golo go le meengwe.
\v 60 Moperesiti mogolo a ema hagari gabo a boja Jheso a re, "haona phetyolo? ke shing she bathyo mba ba she supa gkawe?" \v 61 Mme a khala heri a shegka a hetyola shengwe. Moperesiti mogolo a mo boja gatshi are, "A ke weni keresete, Morwa wa yo o shegoharijweyo?" \v 62 Jheso a mo raya are," Ke nna ,mme le dha go bona Morwa Mothyo e nje gka ha lebogong le letyona la nonoho e dha gka maru a legorimo."
\v 63 Moperesiti Mogolo a gagola biaparo zagwe a re ,"A he shantse he thogka bosupi? \v 64 Nte la ikutsweja thapatso ye. Tshwetso yeno ke shing?" Mme bothe ba mo athola gore o chwanwee ke lesho. \v 65 Bangwe ba simolola go mo chwela mathye le go mo bipa shehathego le gomo ngatya gka rifeise be mo raya be re "Porofita!" Bariheri ba mo tshola ba mo betsa.
\v 66 Ya re Petere a le gka ha datshe mo shegothong sha moperisiti mogolo, ga dha mosezana nngwe wa lelatya la moperesiti mogolo ha goye. \v 67 A bona Petere e ikomosha ,mme a mo laba gka kelothogko a mo raya a re , " le weni o na le monasaretha yo go ruwa Jheso yo." \v 68 Mme a ityatyola a re, " Ha ke moze ebile ha ke thaloganye gore o logka gka shing."Mme a jwela gka ha mathyuring. A be kotyo e lela.
\v 69 Mme mosezana wa lelatya a mo bona gatshi a be e simolola go raya mba ye be eme mohong e re," Monona yo ke nngwe wa bo!" \v 70 Mme a ityatyola gatshi .Mme yare kgantelenyana mba ba eme mohong ba raya Petere gatshi ba re, "Ruri o nngwe wa bo, gka gore ebile o mogalalea."
\v 71 \v 72 Mme a simolola go rogana le go ikana e re, "Hakeze monona yo le buwa gkae." Kotyo ya agkoha ya lela laboberi. Mme Petere a gagkoloshelwa mahogko uwa Jheso iye e a mo raya e re ,"Pele ga kotyo e lela gaberi, metshe e be ta wa intyatyola gararo ," a be e tyhumega gka shelelo.
See in Reader
SHEKGALAGARI