\c 4 \v 1 Gatshi a be e simolola go rutya ha tjhoko ga lewate, ga bo go le boerieri jwa batjho ha goye. A be e tsjena mo korong yo eye o le mo lewatleng, a be e rula hatshe mogowo . Boerieri jothe jwa bo bo le ha tjhoko ga lewate. \v 2 A ba rutya bilo bi le be ntsi gka bitshwantsho, mbe mo thyuthyong yagwe eba raya ere.
\v 3 "Reeja! Molemi a jwa go ya go lema peo. \v 4 Jwagka e lema, peo engwe ya wela gka tjhoko ga tsela, mbe rinnyane ja da go e shena. \v 5 Peo ye nngwe ya wela mabung uwa a majwe, ho go sena mabu uwa mantsi hooho. Gka bojogko ya jwa, gka gore hae mabung uwa a ityeng.
\v 6 ha leatsji le jwa , be jhwalo za tshubega, gka gore ye bi sena tjitya, za omelela. \v 7 Peo ye nngwe ya wela mmizweng, mizwa wa gola wa e hupeja, mme ya shegka ya ntsha bijhwalo.
\v 8 Peo ye nngwe ya wela mabung uwa a siamego mbe ya ntsha bijwalo ze bi gola bi ntshihala mbe bintsha ga masome mararo , masome marataro,le ga lekgolo. \v 9 "E be e re, ope ye o nale ritjsebe go uzwa , a uzwe!"
\v 10 Ha Jheso a le mengwe ,mbaba morukuloshilego le mba ba lesome le boberi ba mboja gka bintshwantsho. \v 11 A ba raya a re, " Lena mogoye go mo newe mosaitseweng a bogoshi jwa Morimo, Mme mba ba gkaite shengwe le shengwe ke bitshwantsho, \v 12 gore e re ha be laba ,e e ba labe ,mme ba shegkaba ba bona,gore ha be uzwa , ee ba uzwe , mme ba sha thaloganye , gore gkalengwe yeba gka retyologa mme Morimo ya gka baichwarela.
\v 13 A ba raya a re, a lethaloganya setshwantsho she? le da go thaloganya jwang bitshwantsho. \v 14 Molemi o lema lehogko. \v 15 Ye ke ye ha tjhoko ga tsela, ho lehogko le lemilwe hooho.Ha be uzwa ,saatane gka bojogko a da mme a tshola lehogko le le lemilwe mo go bo.
\v 16 Ye ke peo ye e lemilwe majweng, mba iye yare be uzwa lehogko be be le amoshela gka boityumelo ana mohong. \v 17 Mme ha bana meri mo gobo, mme ba itshogka lobakanyana. Hamojwa ga mhong ha rikgalo le rityegko ri emelela gka ntyhatyeng ya lehogko, gka bo jogko ba wago.
\v 18 Mbe ye engwe ya lengwe mmizweng. Ke mba ba uzwa lehogko, \v 19 Mme goratya za lehatshe le tsietso ya rikhumo le rikeletso ja bilo bingwe ja tjsena sha kgama lehogko, mme la thogka go rihagala. \v 20 Ye iye e lemilwe mo mabung u wa a siamego ke mba ba uzwa lehogko, ba le amoshela mme be baya maungo, a le mashome uwa mararo, mashome uwa marataro le lekgolo le go hetya.
\v 21 Jheso a ba raya a re, "A le nere lebone motyeng ga itu gole tsjena gka datshe ga tatana kana gka datshe ga bolao? O le nere motyeng mme o le baya mo shethomong. \v 22 Gka gore ha gona shengwe she she iphirilego she ha hagka sha zagana , mme ha gona shengwe she she mo sephiring she hagka sha shegka sha senoga. \v 23 A yo ona le ritjsebe jago uzwe,a uzwe!"
\v 24 A ba raya are,"thogkomela she o she uzwago, gka gore shelegkanyo she o legkanya gka sho to shona she o legkanyejwa gka sho, mme go le gantsi go da go ntsihajwa mo gowe. \v 25 Ka gore ope yo nanago, o da go newa go le gantsi, mme ope yo sina ,le she o nanasho she da tsholwa.
\v 26 Mme a ba raya a re, "gka gore bogoshi jwa legorimo bo chwana le mothyo yo o lemela peo yagwe mo lehatsheng. \v 27 Yo o robala bosigo e be e zoga shekgau, mme peo e jwe e gole ,le ha sha ze gore jwang. \v 28 Lehatshe la ntsha mabele gka bolona: Pele go jwa tyitya , mojwa go jwa tjsebe, go de go jwe shehagko she she nonohilego moritjsebeng. \v 29 Mme e re ha mabele nta bujwa , a gkotshe a tjsenye tjhipa, gka gore thobo ta ya da.
\v 30 Gatshi a re, "Hegka harologanya jwang bogoshi jwa Morimo, kana shetshwantsho she hegka she rehisa gobo thalosa jwang. \v 31 E chwana le peo ya mositara , ye , ha e lemilwe ,e nxwana mo gojo jothe mo lehatsheng. \v 32 Mme ,ha e lemilwe ,e golayo e be e rula tyona bijhwalong jothe ja tshingwana , Mme e rihe rigkala jerityona,gore rinnyane , gore rinnyane jha loapi ri jhoga binthaga mooritying washo."
\v 33 Ka bitshwantsho ze bintsi ze binje jwa a logka lehogko nabo, gore gka bontsi ba thaloganye. \v 34 Mme a shegka a logka nabo a sha rihise shetshwantso. Mme a shegka a logka nabo a sha rihise shetshwantsho. Mme a re a le meengwe ,a thaloseja barutwana bangwe shengwe le shengwe.
\v 35 Gka leatsji le long , ha e garima maitsebowa a ba raya a re," a heye gka ntheng ye nngwe." \v 36 Jhanong a siya boiriiri, Jheso a logka nabo, heri jwagka ntale mokorong. Go bo go na le mekoro ye mengwe ye dogo naye. \v 37 Reri gka bojogko matsubutsubu a ripheho a zoga, le makhubu a maze a tjumeshela mokorong, mokoro wa ba bata go dala maze.
\v 38 Jheso e ne a boa le datshe , e thyulameye mo lewising, ba mo zosa, bare, morutyi , haona sepe gore he gkanna haa shwa. \v 39 A emelela , a kgalemela pheho, a raya lewate." Kagiso e rihagale,"Pheho ya ba ya gkogkobela, ga ba ga riha tshisibalo ye tyona.
\v 40 A be e raya e re, le choswa ke shing? le shanje le shena tyumelo. \v 41 Ba dala gka lechogo ba ba raana bare, motjho yo ke anye, gka gore le ripheho le mawate a mo ikopelago?
\c 15 \v 1 Phakela thyatya , baparesiti bagolo , le bagolwane le bakwari le le kgota la Bajuta ba logkisana. Ba boha Jheso ba moisa goye. Ba naya pilatwe \v 2 .Pilatwe a mboja a re"Ke weni Kgoshi ya ba Juda ?" A mo araba a re, "Go logka weni". \v 3 Baperesita bagolo ba mpatyeleja bilo bi le bintsi.
\v 4 Pilatwe a mboja gatshi , "Ha o nkarabe ? Bona gore ba go patyeleja bilo bi le bi ntsi. \v 5 Jheso a shegka a thola e araba Pilatwe , mme a kgakgamala.
\v 6 Gka nako ya moletlo , Pilatwe nako yothe o golola legolwega le meengwe, legolegwa le ba le kopayo. \v 7 Ga bo go le legolegwa lengwe le bijwa Barabase mo tyeng ga toronko le bigogela thyoko ze ya za bolaya bathyo gka nako ya bogogela thyoko. \v 8 Boiriri jwa da go Pilatwe ba mo lopa gore a ba rihele jwaagka ye e riha mo nakong ye e ye e hetya.
\v 9 Pilatwe a ba araba a re, "le bata ke golola kgoshi ya Bajuta?" \v 10 Ye e ze gore ke gka lehuha ha o bona baperisiti bagolo nta ba mo naya Jheso. \v 11 Baperesita bagolo ba kelemisa boiriiri gore bo gowe thyatya gka Barabase gore a gologwe bogolo.
\v 14 Pilatwe a ba raya a re,"Ke bosula jo boheng jo ya a boriha?" Mme ba gowa tyatyha ba re , "A bapolwe". \v 15 Pilatwe ye e bata go itumedisa bathyo mme a golola Barabase. A chwaya Jheso a be e ba monaya gore a bapolwe.
\v 16 Masole ba motshola ba mo tsjenya mo lapeng la itu ya bosekisejo (ye e leng kgota kgolo), ba bija masole othe. \v 17 Ba apesha Jheso seaparo she se bohube Jo bo lekhuwe mme ba mo rihela sherwalo sha mizwa ba she mo rwesha. \v 18 Ba simolola go mo rumeja sheshole bare ," Busa Kgoshi ya Bajuta.
\v 19 Ba mbetsa mo thogong gka lethaka ba mo chwela mathe. Ba khubama gka mangole ba obama ha pele gagwe. \v 20 Ha a la ba mosoda ba mo apola she aparo she se bohube jo bo lekhuwe ba be be mo apesha biaparo zagwe, a be be mo isa go ya bapolwa. \v 21 Monna mongwe a bijwa Simone wa Cerene ye e dah e jwa lehatsheng lengwe (Ise wa ga Alekezenda le Rufuse) ba mo patyeleja go teya mokgoro.
\v 22 Masole ba isa Jheso lehelong le bijwa Gologota (ha go hetolwa garuwa lehelo la legatya). \v 23 Ba mo naya mofine o kopanyijwe le mera , mme a she gka nwa. \v 24 Ba mo bapola mme ba kgaogana biaparo ba rumejana gore ba khele mataese gore a supe gore lesole leng le leng le tshola shing.
\v 25 Ye ele gka oura ya boraro. \v 26 Mo sesupong sha katholo ba kwala ba re , "Kgishi ya Bajuta." \v 27 Ya ba bapola birukuthi bile biberi naye shengwe she le mo lebogong la mojha shengwe she le molemeng. \v 28 .
\v 29 Mba ye be hetya iye be moroga , e be be tshikinya rithogo be re ,"Owai weni yo oda go thyuma tempele o bo o e zoga malatsji a le mararo, \v 30 ipogke mme o hologe shehapanong.
\v 31 Mo tseleng ye e nje baperesita bagole le bakwari ba mosoda ba "Ya a bologka bangwe , mme o palelwa ke go ipologka. \v 32 A Keresete , Kghosi ya Isiraele, e hologe shehapano he de he kgone go bona mme he rumele." Mba be baporilwe naye ba mo rogaka.
\v 33 gka oura ya borataro, lehihi la dha mo lehatsheng lothe go hithela gka oura ya boherabongwe. \v 34 Gka oura ya boherabongwe Jheso a lela gka lezwe le le tyona ,"Eloyi , Eloyi, lama sabakatane? "Morimo wame , ke shing nta wa nthatha? \v 35 "Bathyo mbangwe mba ye be eme mohong ba uzwa ba re, "Bona o bija Elijah."
\v 36 Mongwe a thyaboga ,a tshejela mofine mo sheponcheng, a she tsyenya mo lethakenga be e mo naya go nwa. \v 37 Monona a re,"A he bone gore Elijah wa metshe e da go mo holosha.Jheso a lela gka lezwe le le i gorimo a be eswa. \v 38 Matshela a tempele a gagoga gka bogari go jwa go rimo go ya datshe.
\v 39 Jhaanong molari wa masole yo ye e eme e labagane le Jheso e bona gore a la a swa a re, "Ammaruri monona yo e ye e le Ngwana wa Morimo." \v 40 Ga bo gona le basari be labile be eme dhatshe . Ha gari ga bo ga bo go na le Marea Magatalena le Marea (nnale wa ga Jhakobe yo monxu le Josese) le Salome. \v 41 Ha a le Galalea ba mo sala gka mojwa ba mo rihela .basari ba le bantsi ba doga naye go ya Jerusalema.
\v 42 Ya re jhaanong go le gka molobana , ka gore ye ele leatsyi la paakanyo, ke gore , leatsji pele ga sabata. \v 43 Jhosefa wa mo Arimathea a dha gkohong,ye e le leloko la khansele le le totwago yo ye e emeye bogoshi jwa Morimo.A ya go Pilatwe gka bopelokgale a ya go kopa mbele wa ga Jheso. \v 44 Pilatwe a kgakgamala gore Jheso o se nta a swa,a bija molaori wa shesele a mbaja gore a Jheso nta swa.
\v 45 Pilatwe ha e uzwa molaori wa shesole , a naya Jhosefa mbele. \v 46 Jhosefa a bo nta a da gka letsela. A mo holosha mo shehapanong a mo phutha gka letsela . A mo holosha mo shehapanong amo phutha gka letsela ,a mo robaja mo phupung ye e rihilwe mo lijweng. A ghereghecha lejwe a tswa lephuphu. \v 47 Marea Magatalena le Marea nnale wa ga Josese ba bona ho Jheso o hirwa hooho.
\c 16 \v 1 Ya re leatji la sabata le sina go hetja,Marea magatalena , Marea nnale wa ga Jakobe le Salome ba regka binchisa monake gore ba ye go dhoja mbele wa ga Jheso. \v 2 Ya re gka leatji lantha la beke go le phakela tjhata ba ya phupung leatji ta la jwa.
\v 3 Ba buisana ba re "Ke anye yo o metshe he ntsheja lijwe mo kgorong ya phupu?" \v 4 Ha be tsholeja maro ba lemoga gore lijwe iya la sukisiwa ka gore lijwe la teng iye le le letjona.
\v 5 Ba tjena mo phuphung ba bona lekolwane le apere sheaparo she she tshou le nje mo ntheng ya mojha, mme ba choga. \v 6 A ba raya a re,"She choge , le bata Jheso wa Naserethe yo iye bapurilwe .Iya zoga! Haaho ho. Bona lehelo le iye e robarijwe mo golo. \v 7 Jhanong tsamaya le ye go beshela barutjwana ba gwe le Petere gore, o le shekelela pele go ya Galalea. Le do go mbona gkohong jwaaka iye e le kela.
\v 9 Makuka a leatji la ntha la beke , a sina go zoga , a iponaja la ntlha go maria magatalena yo iye e ntsha mo go e matimone a le supa. \v 10 A ya go kela mba iye be na naye ba shanje be hutsahee be lela. \v 11 Ya re be uzwa gore o chelago e bile iya a mbona , ba shegka ba rumela.
\v 12 Mojwa ga bilo ze biyong a iponaja a le mosechwanong she sele bo bering jwa bo ba sha nje be shekelela go goroga mo lehatsheng. \v 13 Ba boela mojwa ba ya go kela bangwe ,mme ba shegka ba rumela.
\v 14 Ya re mojwa Jheso a iponaja mo go mba iye ba le lesome le bongwe be nje motafoleng , a ba kgalemela bothogkatjumelo le bopeloetjhata gka gore iya ba shegka ba rumela mba iye be mbona a la zoga bashwing. \v 15 A ba raya a re,"Shekela le lehatshe le rerele lebopo lothe mahogko uwa a molemo. \v 16 Yo o rumelayo e be e koloba o do go bologkwa mme yo sha rumeleyo o do go sekisiwa.
\v 17 Mba ba rumelago ba do go salwa mojwa ke ritshupo je: Mo leineng la me ba do go kgarametseja gka ite matimone .Ba do go logka gka rikeme je ritsha. \v 18 Ba do go chwara rinoga gka mabogo, ha be nwa sheno she she bothole mme she shegke she ba gobaje. Ba do go baya balwetsi mabogo be be behola."
\v 19 Ya re Jheso e heja go logka nabo, a tsholelejwa legorimong, a ba a rula molebogong la mojha la Morimo. \v 20 Barutjwana ba dogo ba ya go rera gongwe le gongwe , Morimo e nje e riha nabo, e ruruhaja lehogko gka ritshupo.