Tue Sep 05 2023 10:08:53 GMT+0545 (Nepal Time)

06/05.txt

@@ -0,0 +1 @@
+\v 5 यक्पि टेङ् तिवा, लेमु क्यानि ताङ्देन् तेमे जिवा किदाङ टेङ्बु सेम्कि ख्रिष्टकि का ङेनि क्याबु दगेराङ दि लुङ्बाकि खिरेकि ज्यिन्दाक् तिवि का ङेन्। \v 6 राङि ज्यिन्दाककि थोङु तुज्येला क्याज्यिक् तिवाला गा लोङ्गुप् लाका माकि, हिन्सिराङ् ख्रिष्कि यक्पि  दगेराङ् खिरेकि सेम् नेसुर् राङ् कन्ज्यककि सेम्ला तेरिक कि। \v 7 मि लाका क्याबु दगेराङ्  मिन्, हिन्सिराङ राङि सेम् नेराङ चावाकि  लाका क्याबु दगेराङ् गा किइताङ कि। \v 8 खिरेकि दि सेम्बा कि कितुप् तेरिका लाका लेमु ला तिकि चावा चेसुर् मालाम ङेक्यु, ति मि यक्पयु हिन्सिन मिन्सिन्।

06/09.txt

@@ -0,0 +1 @@
+\v 9 ज्यिन्दाक टेङ् वे, राङि यक्पु तिवाला साङ किताङ् तिनक राङ् कि। तिवाला जिवा माकु। दि सेम्बा कि, खिराङ् ङिकारकि ज्यिन्दाक देवाचेन्ला ज्युनि वे तेमे खोला सुङ् गेर्पु टिक्पे मेत्।

06/10.txt

@@ -0,0 +1 @@
+\v 10 तिङ्ला, चावाला तेमे खोकि ङाला राम्बु कि। \v 11 कन्ज्यककि तेरिक लाक्चे थसा, चिला सिसिन् खिराङ् डेकि कितुप् छालुप् लाकाकि खाला लाङ्गुप् ला यार लाङ् थुप्सित्।

06/12.txt

@@ -0,0 +1 @@
+\v 12 चिले सिसिन् ङेरे माक जुबु त्येमे ठाकि खाला लाङ्गुप् मिन्। हिन्सिनाङ दि ठिम कितुप् तिवा, का वतुप् तिवा, दि तुज्येनकि नाक तिङिकि ग्याल्खाप् कि ठिम् कितुप् तिवि तेमे देवा चेनकि दासा नेवा हतुप् डेकि थु तिवि खाला लाङ्गुप्ला हिन्। \v 13 तुक किसा कन्ज्यककि तेरिक लाक्च्ये तिवा लोङ् चिला सिसिन् दि डेकि तुज्येला डे तानि थापुप्ला खिराङ तिवा तानि थापुला राङ्ला राम्बु जो।

06/14.txt

@@ -0,0 +1 @@
+\v 14 तुक किसा, हुतुङ्कि कारा टानि दिक्पा मेतुप् कि छेकक् क्योरुप् दामक कोनि राम्बु जोनि देत्। \v 15 तेमे राङि काङ्बाला किर्मुकि ताम लेमु कि ताम श्येनि यकुला काङ्श्यु कोन् । \v 16 नाम्लाङ मोवा कि क रुवाक् खुर्, तिकि त्यावा खिरेकि डेकि ग्यापु मेकि दा तिवा सेथुप्क्यु।

06/17.txt

@@ -0,0 +1 @@
+\v 17 थार्वाकि श्यामुङ् कोन् तेमे थु चेङिकि टि खुर्, तिदि कन्ज्यककि सुङ् हिन्। \v 18 तेरिक मोपार तेमे गङ्बा श्युनि नाम्लाङ् थु चेङिला मोपार कि। राम्बु क्या देनि चेङि मि तिवाला मोपार् किइ देत्।

06/19.txt

@@ -0,0 +1 @@
+\v 19 ङालाङ् मोपार् कि, ङेकि लेन् ल्यामु सिसिन् ङे जिवा माक्याबा क्यानि लाप्थुप्सित्। \v 20 ङा लेन् ल्यामु लापुला च्याताककि ताबु ग्याल्खाप् मि चिक हिन् तेमे ङेकि चिनक् ताम कि गोक्यु। तिनक् राङ् ङा राम्बु गाल्नि लेन ल्यामु तिवा लाप्थुप्सित्।

06/21.txt

@@ -0,0 +1 @@
+\v 21 ङा चिनक् वे तेमे काङ किइ कि सिनि खिराङ्ला छ्या ङेसित् सिनि चावाला ङिङ्ज्ये नुक् तेमे मोवाकि थुपुप् कि यक्पु तुखिकसकि खिराङ्ला तेरिक् ताम् सिउइ । \v 22 ङेकि तिला खिरे ते दिराङ् किसित् सिनि ताङु हिन्, खिरेकि ङेराङ्ला सेम्बा कि तेमे तिकि खिरेकि सेम्ला सेम् सो थुप्सित्।

06/23.txt

@@ -0,0 +1 @@
+\v 23 पापा कन्ज्यक तेमे चावा येसु ख्रिष्ट तेवा नुक तिवाला मोपर् ताङ् ङिङ्ज्ये तेमे लो दिमु हुङ्सित्। \v 24 नाम्लाङ मिसिन्बु ङिङ्ज्ये ने ङिरे चावा येसु ख्रसिष्ला ङिङ्ज्ये कितुप् तिवाला तेरिक कि खाला कार्टिन हुङ्सित्।