Thu Jun 01 2023 10:57:32 GMT+0545 (Nepal Time)

10/05.txt

@@ -0,0 +1 @@
+\v 5 ओरुङ् कन्ज्यककि रिक्पा तिवि खाला लाङ्गुप् मेलेवा ताम तिवा श्येक्यु तेमे तेरिक् सेम तिवाला ख्रिष्टकि का ति सेम्गि नाङ्ला ज्यकु। \v 6 खिरे का तिवा ङेन्दुप् तुचिक् का कि लाका तिवाला छ्येर्पा तेरिन् वे।

10/07.txt

@@ -1,4 +1 @@
-\v5ओरुङ् कन्ज्यककि रिक्पा तिवि खाला लाङ्गुप् मेलेवा ताम तिवा श्येक्यु तेमे तेरिक् सेम तिवाला ख्रिष्टकि का ति सेम्गि नाङ्ला ज्यकु।
-\v6खिरे का तिवा ङेन्दुप् तुचिक् का कि लाका तिवाला छ्येर्पा तेरिन् वे।
-\v7चुकै ति खिरे दाङ्ला राङ् वे तिला ल्हो सुसाङ् ङा ख्रिष्टति हिन् सिनि सिरुन ताम्ला सेम ल्यामु ज्याङ्नि ति ख्रिष्ट ति हिन्दुप् दगेराङ् ओरुङ् साङ् ख्रिष्ट तिराङ् हिन् सिरुप् सेम्ला ज्यक्।
-\v8चिला सिसिन् अरे ओङ्ज्येनला बाङिराङ् ताम हाक मोकोबु दगेराङ क्यासिन् ङाला ङछा मालाङु चिला सिसिन् दि ओङ्ज्येन् खिराङ्ला नातोङ्गुप्ला मिन् दिदि खिराङ्ला ल्यामु ज्वप्ला चावा कि ङेराङ्ला बिन्दुप् हिन्।
+\v 7 चुकै ति खिरे दाङ्ला राङ् वे तिला ल्हो सुसाङ् ङा ख्रिष्टति हिन् सिनि सिरुन ताम्ला सेम ल्यामु ज्याङ्नि ति ख्रिष्ट ति हिन्दुप् दगेराङ् ओरुङ् साङ् ख्रिष्ट तिराङ् हिन् सिरुप् सेम्ला ज्यक्। \v 8 चिला सिसिन् अरे ओङ्ज्येनला बाङिराङ् ताम हाक मोकोबु दगेराङ क्यासिन् ङाला ङछा मालाङु चिला सिसिन् दि ओङ्ज्येन् खिराङ्ला नातोङ्गुप्ला मिन् दिदि खिराङ्ला ल्यामु ज्वप्ला चावा कि ङेराङ्ला बिन्दुप् हिन्।

10/09.txt

@@ -0,0 +1 @@
+\v 9 ङे टिबु लेन नेसुर् ङा खिराङ्ला जिवा मोलोङु। \v 10 हिन्सिनाङ लालि मितिवि सिउइ तिकि टिवु लेन तिवाला बाङि ङार् वे हिन्सिनाङ ति जुबुकि दाङ्ला हुङ्सिन् ङार मेङु। तिकि ताम तिवा ङेन्दुप्ला दगे मेत्।

10/11.txt

@@ -0,0 +1 @@
+\v 11 तिनक् मि तिवा दि ताम नेसुर् च्याङ्बु किसित् ङेराङ् दङ्ला मेतुप्ला ङेरे टिबु लेन्ला चिनक् वे ङिराङ् त्या हुङजि अरे लाका नेसुर् तिनक् राङ् गिउइ। \v 12 राङि मोवा राङि राङ कितुप् मि तिवा तानि ङिराङ दासा चिक्लाराङ् ज्यकुप् दासा ङेराङ् मोडोउइ। हिन्सिनाङ तिविकि राङि राङ् चिकि चिक्ला ताम्नि ल्हाजि ल्येमु मेङु।

10/13.txt

@@ -0,0 +1 @@
+\v 13 हिन्सिनाङ् ङेराङ् राङि ओङ्ज्येन् सिना फिला गाल्नि ताम् हाक् मोकोबु मि दगे मिकिउइ। ति सिना कन्ज्यककि ओरुङ्ला सिनि जोबु ठिम नाङ्ला क्याजिक् ङा राङ् हिन् सिनि सिउइ ति ठिम नाङ्ला खिराङ् साङ हिन्। \v 14 खिरे चाला ङेराङ् नाम्लाङ मालेबु दगे क्यानि राङि ओङ्ज्येन मालाङु वे चिला सिसिन् ख्रिष्ट कि लेन लेमु खुर्नि तेरिक सिनाङ् गमाला हुङ्गुप् ति ङेराङ्राङ् हिन्।

10/15.txt

@@ -0,0 +1 @@
+\v 15 ङिरेकि ज्येन्गि क्याबु दुक्पाला राङि राङ् क्याबु दगे क्यानि ठिम सिना फिला गाल्नि ङाराङ् हिन् सिनि सिमाक्याबा वे। हिन्सिनाङ् ङेराङ् रेवा किउइ खिरेकि मोवा यार डोसिन् ङेरे लाका तिवा फेलिन् डिउइ। \v 16 तेमे खिरे सिना फार्केन् नेबासाङ् लेन ल्यामु तिवा श्येतुप् ङेसित् ज्येन्गि दासाला हुङिन् किरुप् लाका ङिराङ् ङाराङ् हिन् सिनि मिसिउइ।

10/17.txt

@@ -0,0 +1 @@
+\v 17 हिन्सिनाङ् ङाराङ् हिन् सिसिन् चावा ला राङ् ङा राङ् हिन् सिनि सिसित्। \v 18 चिला सिसिन् राङि राङ्ला ङाराङ् हिन् सिरुप् मि तिवा यार मोडोउइ चावा कि ङाराङ् हिन् सिक्याबु मि तिवा क्याजिक् यार डिउइ।