ilo_1pe_text_ulb/05/12.txt

\v 12 Ibilangko ni Silvano a kas napudno a kabsat, ken nagsuratak kadakayo iti ababa babaen kenkuana. Bagbagaankayo ken paneknekak kadakayo a ti insuratko ket isu ti pudno a parabur ti Dios. Agtakderkayo iti daytoy. \v 13 Iti babai nga adda idiay Babilonia, a napili a kas kadakayo, kablaawandakayo. Kasta met a ni Marcos, nga anakko, kablaawannakayo. \v 14 Agkikinnablaawkayo babaen iti agek ti ayat. Kapia koma kadakayo amin nga adda ken Kristo.